മലപ്പുറം: വള്ളുവമ്പ്രം മുസ്ലിയാർപീടികയിൽ, മുസ്ലിയാരകത്ത് വീട്ടിൽ പ്രഫ. എം. മൊയ്തീൻകുട്ടി (89) നിര്യാതനായി. ജമാഅത്തെ ഇസ്ലാമി അംഗമായിരുന്ന മൊയ്തീൻകുട്ടി, ഫാറൂഖ് കോളജിലെ അറബി വിഭാഗം മുൻ മേധാവിയായിരുന്നു. ഓൾ ഇന്ത്യ റേഡിയോയിൽ അറബിക് ന്യൂസ് ട്രാൻസലേറ്ററായും സൗദി അറേബ്യയിലെ ‘അറബ് ന്യൂസ്’ പത്രത്തിൽ എഡിറ്റോറിയൽ ട്രാൻസലേറ്ററായും പ്രവർത്തിച്ചിട്ടുണ്ട്.
മലപ്പുറം ഫലാഹിയ കോളജ് പ്രിൻസിപ്പലായും മലപ്പുറം വിദ്യാനഗർ സ്കൂളിന്റെ സ്ഥാപക ചെയർമാനായും സേവമനുഷ്ഠിച്ച മൊയ്തീൻകുട്ടി, മോങ്ങം അൻവാറുൽ ഇസ്ലാം അറബിക് കോളജ്, അത്താണിക്കൽ കാരുണ്യ കേന്ദ്രം തുടങ്ങി ഒട്ടേറെ സാമൂഹ്യസേവന, വിദ്യാഭ്യാസ രംഗങ്ങളിൽ നേതൃപരമായ പങ്കുവഹിച്ചിട്ടുണ്ട്. ഭാര്യ: സുലൈഖ കോടിത്തൊടിക (ചെറുപുത്തൂർ). മക്കൾ: ഷഫീഖ് അഹമ്മദ്, റഫീഖ് ഹസൻ (സെൻട്രൽ എക്സൈസ്), മുനീർ, സലീം, ആയിഷ, അമീന ഫിർദൗസ് (മക്കരപ്പറമ്പ്) മരുമക്കൾ: അബ്ദുറസാഖ് (വടക്കാങ്ങര) വി.പി. നസീർ (മക്കരപ്പറമ്പ്), സുബൈദ മുസ്ലിയാരകത്ത് ഇരുമ്പുഴി (മുൻ മലപ്പുറം ബ്ലോക്ക് പഞ്ചായത്തംഗം), റീന അരിമ്പ്ര, ജമീല മലപ്പുറം, ഷാഹിന കടുങ്ങൂത്ത്. സഹോദരങ്ങൾ: പരേതരായ മുഹമ്മദ് മുസ്ലിയാർ, ലവക്കുട്ടി ഹാജി.
