കാഞ്ഞങ്ങാട്: നഗരത്തിലെ ആദ്യകാല വ്യാപാരിയും വ്യവസായ സംരംഭകനും കെ. ഉമേശ് കാമത്ത് കമ്പനിയുടെ ഉടമയുമായ മേലാങ്കോട്ട് എസ്.എസ് കലാമന്ദിരത്തിനു സമീപം ശ്രീവിട്ടലിൽ കെ. ഉമേശ് കാമത്ത് (78) നിര്യാതനായി. കാഞ്ഞങ്ങാട് വ്യാപാരി വ്യവസായി ഏകോപന സമിതി പ്രസിഡന്റ്, ഹോസ്ദുർഗ് ലക്ഷ്മീ വെങ്കടേശ ക്ഷേത്രം മാനേജിങ് ട്രസ്റ്റി, ജി.എസ്.ബി ഗ്രാമസഭ പ്രസിഡന്റ്, കാഞ്ഞങ്ങാട് ചിന്മയ മിഷൻ പ്രസിഡന്റ്, ദുർഗ ഹയർ സെക്കൻഡറി സ്കൂൾ, പടന്നക്കാട് നെഹ്റു കോളജ് എന്നിവയുടെ ഭരണസമിതിയംഗം എന്നീ നിലകളിൽ പ്രവർത്തിച്ചിരുന്നു. കാഞ്ഞങ്ങാട്ടെ ആദ്യത്തെ മിഠായി നിർമാണശാലയായ ബ്രൂക്സ് കൺഫെക്ഷനറി ഉടമയായിരുന്നു. ഭാര്യ: വീണ കാമത്ത്. മക്കൾ: രാജേഷ് കാമത്ത് (ഉമേശ് കോ., സെൽഫ് ഗ്രോത്ത് നിധി ലിമിറ്റഡ് മാനേജിങ് ഡയറക്ടർ, റോട്ടറി മേഖല കോഓഡിനേറ്റർ, കാഞ്ഞങ്ങാട്), ഡോ. പ്രകാശ് കാമത്ത് (ദന്തരോഗ വിദഗ്ധൻ, ആസ്ട്രേലിയ), നയനപ്രഭു (ബംഗളൂരു). മരുമക്കൾ: രാധിക കാമത്ത് (ഉമേശ് കോ. ഗ്യാസ് ഏജൻസി, കാഞ്ഞങ്ങാട്), ഡോ. രേഷ്മ കാമത്ത് (ദന്തരോഗ വിദഗ്ധ, ആസ്ട്രേലിയ), ഹരീഷ് പ്രഭു (സോഫ്റ്റ് വെയർ എൻജിനീയർ, പാത്ത് എൻജിൻസ്, ബംഗളൂരു). സഹോദരങ്ങൾ: ഉഷ ഡി. ഭക്ത (മണിപ്പാൽ), ഡോ. കെ.ജി. കാമത്ത് (പാലക്കാട്), രത്നാകർ കാമത്ത് (ബംഗളൂരു), ദയാനന്ദ് കാമത്ത് (മംഗളൂരു), പരേതരായ സുനന്ദ കാമത്ത്, കൃഷ്ണാഭായി പൈ, രുക്മാഭായി ഷേണായി. സംസ്കാരം ശനിയാഴ്ച ഉച്ചക്ക് ഒന്നിന് മേലാങ്കോട്ടെ സമുദായ ശ്മശാനത്തിൽ.
