74 വർഷങ്ങൾക്ക് മുമ്പ് വെടിവെച്ചുകൊന്ന രാഷ്ട്രപിതാവ് മഹാത്മഗാന്ധിയുടെ ഓർമകൾപോലും തേച്ചുമായ്ക്കാനും ഘാതകനെ വീരനും വിശുദ്ധനുമായി ചിത്രീകരിക്കാനും കൊണ്ടുപിടിച്ച ശ്രമങ്ങളാണ് വർത്തമാന കാല ഇന്ത്യയിൽ നടക്കുന്നത്. ഗോദ്സെ പ്രതിനിധാനം ചെയ്ത പ്രത്യയശാസ്ത്രം രാജ്യാധികാരം കൈയാളവെ അതിന് ആക്കം കൂടുന്നതിൽ അത്ഭുതലേശമില്ല. ഈ ഘട്ടത്തിലാണ് ഗോദ്സെ ആരായിരുന്നു, ആരൊക്കെയായിരുന്നു കൂട്ടാളികൾ, എന്തായിരുന്നു അവരുടെ പ്രചോദനം എന്നീ കാര്യങ്ങൾ രേഖകളുടെ ബലത്തിൽ സമർഥിച്ച് പ്രമുഖ മാധ്യമപ്രവർത്തൻ ധീരേന്ദ്ര ഝാ രചിച്ച ഗാന്ധിയുടെ ഘാതകൻ (Gandhi's Assassin) എന്ന ശ്രദ്ധേയ ഗ്രന്ഥം പുറത്തുവരുന്നത്
