Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightജാംനഗറിൽ ഗോഡ്​സെ...

ജാംനഗറിൽ ഗോഡ്​സെ പ്രതിമ സ്​ഥാപിച്ച്​ ഹിന്ദുസേന; പ്രതിമ നീക്കം ചെയ്​ത്​ കോൺഗ്രസ്​

text_fields
bookmark_border
Nathuram Godses statue vandalised by Congress in Gujarat
cancel
camera_alt

(Photo: India Today)

അഹ്​മദാബാദ്​: ഗുജറാത്ത്​ ജാംനഗറിൽ ഹിന്ദുസേന സ്​ഥാപിച്ച ​മഹാത്മാഗാന്ധി ഘാതകൻ ​നാഥുറാം ഗോഡ്​സെയുടെ പ്രതിമ തകർത്ത്​ കോൺഗ്രസ്​. കോൺഗ്രസ്​ പ്രസിഡന്‍റ്​ ദിഗുഭ ജഡേജയുടെയും കൂട്ടാളികളുടെയും നേതൃത്വത്തിലായിരുന്നു പ്രതിമ നീക്കംചെയ്യൽ.

ചൊവ്വാഴ്ച രാവിലെ ജാംനഗറിലെത്തിയ കോൺഗ്രസ്​ നേതാക്കൾ പ്രതിമ തകർത്തശേഷം നീക്കം ചെയ്​തു. ഗോഡ്​സെയുടെ പ്രതിമക്ക്​ ചുറ്റും ഹിന്ദുസേന കാവി പുതപ്പിച്ചിരുന്നു.

ആഗസ്റ്റിൽ ജാംനഗറിൽ ​ഗോഡ്​സെയുടെ പ്രതിമ സ്​ഥാപിക്കാൻ തീരുമാനിച്ചിരുന്നതാണെന്ന്​ ഹിന്ദുസേന പറഞ്ഞു. എന്നാൽ പ്രാദേശിക അധികാരികൾ സ്​ഥലം നൽകാൻ തയാറായില്ല. തുടർന്ന്​ ഹനുമാൻ ക്ഷേത്രത്തിൽ സ്​ഥലം കണ്ടെത്തുകയും 'നാഥുറാം അമർ ​രഹേ' മുദ്രാവാക്യം മുഴക്കി പ്രതിമ സ്​ഥാപിക്കുകയുമായിരുന്നു.

മഹാത്മാഗാന്ധിയെ കൊലപ്പെടുത്തിയ​ ഗോഡ്​സെയെ 1949 നവംബർ 15നാണ്​ തൂക്കിലേറ്റിയത്​. തിങ്കളാഴ്ച ഗോഡ്​സെയുടെ ചരമവാർഷികം ആചരിക്കുന്നതിനിടെയാണ്​ ഹിന്ദുസേന പ്രതിമ സ്​ഥാപിച്ചത്​.

മഹാത്മാഗാന്ധിയുടെ ഘാതകനെ തൂക്കിലേറ്റിയ ഹരിയാനയിലെ അംബാല സെൻട്രൽ ജയിലിൽനിന്ന്​ കൊണ്ടുവന്ന മണ്ണുകൊണ്ട്​ ​നാഥുറാം ഗോഡ്​സെയുടെ പ്രതിമ നിർമിക്കുമെന്ന്​ ഹിന്ദു മഹാസഭ പ്രഖ്യാപിച്ചിരുന്നു. 'ഗോഡ്​സെയെയും നാരായൺ ആപ്​തെയെയും വധിച്ച അംബാല ജയിലിൽനിന്ന്​ ഹിന്ദുമഹാസഭ പ്രവർത്തകർ കഴിഞ്ഞയാഴ്ച മണ്ണ്​ കൊണ്ടുവന്നു. ഈ മണ്ണ്​ ഗോഡ്​സെയുടെയും ആപ്​തെയുടെയും പ്രതിമ നിർമിക്കാൻ ഉപയോഗിക്കും. പ്രതിമ ഗ്വാളിയോറിലെ മഹാസഭ ഓഫിസിൽ സ്​ഥാപിക്കും' -ദേശീയ വൈസ്​ പ്രസിഡന്‍റ്​ ഡോ. ജയ്​വീർ ഭരത്​വാജ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:nathuram godsemahatma gandhiHindu SenaCongress
News Summary - Nathuram Godses statue vandalised by Congress in Gujarat
Next Story