ഗാന്ധിയെ അധിക്ഷേപിച്ച്​ ഗോഡ്സെയെ പുകഴ്ത്തിയ കാളിചരണ്‍ അറസ്റ്റിൽ

റായ്പൂര്‍: രാഷ്ട്രപിതാവ് മഹാത്മാഗാന്ധിക്കെതിരെ അധിക്ഷേപ പരാമര്‍ശം നടത്തിയ സന്യാസി കാളിചരണ്‍ മഹാരാജിനെ ഛത്തീസ് ഗഡ് പൊലീസ് അറസ്റ്റ് ചെയ്തു. മധ്യപ്രദേശിലെ ഖജൂരാഹോയില്‍ നിന്നാണ് ഇദ്ദേഹത്തെ കസ്റ്റഡിയിലെടുത്തത്. അധിക്ഷേപ പരാമര്‍ശത്തില്‍ കാളിചരണിനെതിരെ റായ്പൂർ പൊലീസ് കേസ് രജിസ്റ്റര്‍ ചെയ്തിരുന്നു.

ഖജൂരാഹോയിലെ വാടകവീട്ടിൽ നിന്നാണ് കാളിചരണിനെ ഇന്ന് പുലർച്ചെ നാല് മണിയോടെ പൊലീസ് അറസ്റ്റ് ചെയ്തത്. മഹാരാജിനെ റായ്പൂരിലേക്ക് കൊണ്ടുപോകും. മത സ്പര്‍ധ വളര്‍ത്താന്‍ ശ്രമിച്ചു എന്നതടക്കമുള്ള വകുപ്പുകള്‍ ചുമത്തിയാണ് പൊലീസ് കേസെടുത്തിരുന്നത്.

റായ്പുരില്‍ രണ്ടു ദിവസത്തെ ധര്‍മ സന്‍സദ് ക്യാമ്പിലായിരുന്നു കാളിചരണ്‍ മഹാരാജിന്റെ വിവാദ പ്രസംഗം. മോ​ഹ​ൻ​ദാ​സ് ക​രം​ച​ന്ദ് ഗാ​ന്ധി രാ​ജ്യം ന​ശി​പ്പി​ച്ചു, അ​ദ്ദേ​ഹ​ത്തെ കൊ​ന്ന നാ​ഥു​റാം ഗോ​ദ്​​സെ​ക്ക് അ​ഭി​വാ​ദ്യ​ങ്ങ​ൾ എ​ന്നാ​യി​രു​ന്നു വി​വാ​ദ പ​രാ​മ​ര്‍ശം.

കേ​സെ​ടു​ത്ത​തി​നാ​ൽ അ​ഭി​പ്രാ​യം മാ​റ്റി​ല്ലെ​ന്നും പ​രാ​മ​ര്‍ശ​ത്തി​ല്‍ ഖേ​ദ​മി​ല്ലെ​ന്നും സാ​ധു കാ​ളീ​ച​ര​ൺ പ​റ​ഞ്ഞിരുന്നു. മ​ഹാ​രാ​ഷ്ട്ര എ​ൻ.​സി.​പി നേ​താ​വും മ​ന്ത്രി​യു​മാ​യ ജി​തേ​ന്ദ്ര ഔ​ഹാ​ദ് നല്‍കിയ പരാതിയുടെ അടിസ്ഥാനത്തിലാണ് പൊലീസ് രജിസ്റ്റര്‍ ചെയ്തത്.