ചിറകില്ലായാകാശം
ഇവിടെ ഞാൻ പ്രാർഥനയിലാണെന്ന് മേഘങ്ങളറിയുന്നു താനേ മയങ്ങുന്ന കൺപോളകൾക്കിടയിലൂടെ ചെറുചൂടിലടർന്നുവീഴുന്ന നീർക്കണങ്ങൾ ഒരു പൂമ്പാറ്റ നെറുകയിലിരുന്നുകൊണ്ട് ആകാശത്തോട് പാടുന്നു ഒരു ചുവന്ന ജലധാരക്ക് കീഴെ ഞാനിരുന്നു ഉയർന്നും താഴ്ന്നും ജലധാര വിടർന്നുകൊണ്ടിരുന്നു പറക്കാൻ വെമ്പിനിൽക്കുന്ന മാലാഖമാരുടെ കൈകളിൽനിന്നും താഴേക്കൊഴുകിയെത്തുന്ന പുണ്യതീർഥം എന്നിൽ ഒട്ടിച്ചേർന്ന അങ്കിയെ അത് ചുവപ്പാക്കിമാറ്റി നെറുകയിലെ പൂമ്പാറ്റ മരണാസന്നതയിൽ ചിറകനക്കി മരണത്തെ ശിരസ്സിലേറ്റി ഞാനെന്റെ പ്രാർഥന തുടർന്നുകൊണ്ടിരുന്നു അനാദിയായ നിശ്ചലതയിൽ ഒരു മെഴുകുതിരിവെട്ടം അണയാൻ തുടങ്ങി...
Your Subscription Supports Independent Journalism
View Plansഇവിടെ ഞാൻ പ്രാർഥനയിലാണെന്ന്
മേഘങ്ങളറിയുന്നു
താനേ മയങ്ങുന്ന കൺപോളകൾക്കിടയിലൂടെ
ചെറുചൂടിലടർന്നുവീഴുന്ന നീർക്കണങ്ങൾ
ഒരു പൂമ്പാറ്റ നെറുകയിലിരുന്നുകൊണ്ട്
ആകാശത്തോട് പാടുന്നു
ഒരു ചുവന്ന ജലധാരക്ക് കീഴെ
ഞാനിരുന്നു
ഉയർന്നും താഴ്ന്നും ജലധാര
വിടർന്നുകൊണ്ടിരുന്നു
പറക്കാൻ വെമ്പിനിൽക്കുന്ന
മാലാഖമാരുടെ കൈകളിൽനിന്നും
താഴേക്കൊഴുകിയെത്തുന്ന പുണ്യതീർഥം
എന്നിൽ ഒട്ടിച്ചേർന്ന അങ്കിയെ
അത് ചുവപ്പാക്കിമാറ്റി
നെറുകയിലെ പൂമ്പാറ്റ
മരണാസന്നതയിൽ ചിറകനക്കി
മരണത്തെ ശിരസ്സിലേറ്റി
ഞാനെന്റെ പ്രാർഥന
തുടർന്നുകൊണ്ടിരുന്നു
അനാദിയായ നിശ്ചലതയിൽ
ഒരു മെഴുകുതിരിവെട്ടം
അണയാൻ തുടങ്ങി
ശിരച്ഛേദത്തിന് ശേഷമുള്ള
ചുവന്ന സ്തോത്രങ്ങൾ
അന്തരീക്ഷത്തിൽ പ്രതിധ്വനിക്കുകയും
ചിറകിൽനിന്ന് പിൻവലിഞ്ഞ്
സ്വന്തം പ്യൂപ്പക്കുള്ളിലേക്ക്
ചുരുളുകയുംചെയ്തു.