കരിയിലക്കുറികൾ

ഓരില

1. അക്രമോർവശീയം*.

2. അധിക്കാരം.

3. കാശുപത്രി.

ഈരില

1. ഇരിങ്ങാലക്കുട കണ്ടോ

ഒരിക്കലും മടങ്ങില്ല!

2. ഏഷ്യയിലത്രേം പുട്ടിൻകുടം

റഷ്യയിൽ മാത്രം പുട്ടിൻ **കൂടം.

3. തെളിമലയാളം

തെറിമലയാളം.

4. ‘കത’ കഴിഞ്ഞ കവിത

വിതയൊഴിഞ്ഞ കവിത.

5. പ്രതികരിക്കണം, കാലം

പ്രതിയാക്കി കരിക്കിലും.

6. കവർവേർഷൻ

ഖബർവേർഷൻ.

7. ഇംഗ്ലീഷ്സണ്ണസറ്റ്

മലയാളമ്മകളസത്ത്!

8. മൂത്തവൾ ‘നിവേദ്യ’യു-

മിളയോ‘ളമേദ്ധ്യ’യു,

മിതു വർത്തമാനാർഥ;

മനർഥം നാനാർഥവും!

മൂവില

നാൽച്ചാല് നാട്ടുനടപ്പ് നല്ലൂ

നടപ്പോടു നല്ല നടപ്പ് നല്ലൂ

കിടപ്പിലാവാതെ കിടന്നുകൊള്ളൂ.

* മഹാകവി കാളിദാസ​ന്റെ പ്രസിദ്ധ പ്രണയകാവ്യമായ ‘വിക്രമോർവശീയ’ത്തെ ആധുനിക പ്രണയ നാട്യങ്ങളുമായി ബന്ധിപ്പിക്കുന്ന ഏകവാക്ക്​ കവിതയാണിത്​. സപ്​തതി ആഘോഷിക്കുന്ന ഗാനരചയിതാവു കൂടിയായ കവിയുടെ കാവ്യപരീക്ഷണം കൂടിയാണ്​ ഇൗ ഹൈക്കു കവിതകൾ.

* ഭരണകൂടം