ഒന്നുമില്ലാത്തതായി ഒന്നുമില്ല

തോ​ട്ട​ക്കാ​ര​ൻ പോ​യ​തോ​ടെ

കാ​വ​ൽ​പു​ര​യി​ൽ ആ​ളൊ​ഴി​ഞ്ഞ​പ്പോ​ൾ.

ശൂ​ന്യ​ത ഇ​ര​ച്ചു ക​യ​റി

ക​സേ​ര​യി​ൽ ഇ​രി​പ്പു​റ​പ്പി​ച്ചു.

ത​നി​ച്ചി​രു​ന്ന് ബോ​റ​ടി​ച്ച​പ്പോ​ൾ

സി​ഗ​ര​റ്റി​ന് തീ​ക്കൊ​ളു​ത്തി

വ​ട്ട​പ്പൂ​ജ്യ വൃ​ത്ത​ത്തി​ൽ 

പു​ക​യൂ​തി വി​ട്ടു.

ആ ​വൃ​ത്ത​ത്തി​ന്റെ

ആ​വൃ​ത്തി​യി​ലൂ​ടെ

ക​വി​ക​ളും ശാ​സ്ത്ര​ജ്ഞ​രും

താ​ർ​ക്കി​ക​രും ദാ​ർ​ശ​നി​ക​രും 

ആ​ത്മ​വാ​ദി​ക​ളും

ആ​ത​ങ്ക​വാ​ദി​ക​ളും...

അ​ങ്ങ​നെ പ​ല ചി​ന്താ​ശീ​ല​രും 

മു​ഖാ​മു​ഖം വ​ന്നു​പോ​യി.

മ​നു​ഷ്യ​നെ​ത്തേ​ടി​യു​ള്ള തി​ര​ച്ചി​ലി​നാ​യി കൊ​ളു​ത്തി​യ 

റാ​ന്ത​ൽ വി​ള​ക്ക് 

ഖി​ന്ന​നാ​യ ഡ​യോ​ജ​നീ​സ് അ​വി​ടെ 

കൊ​ളു​ത്തി​വെ​ച്ചു.

ബെ​ക്ക​റ്റി​ന്റെ ഭാ​വ​ന​യി​ൽ​നി​ന്നി​റ​ങ്ങി​വ​ന്ന് ഗോ​ദോ

അ​ഭി​വാ​ദ്യം ചെ​യ്തു​വോ?

പാ​താ​ള​പ്പ​ട​വു​ക​ൾ ക​യ​റി

മ​ഹാ​ബ​ലി,

ഒ​ന്നും ഒ​ന്നും കൂ​ട്ടി​യ​പ്പോ​ൾ

കി​ട്ടി​യ

ഇ​മ്മി​ണി ബ​ല്യെ ഒ​ന്നു​മാ​യി 

ഒ​രു ദി​വ്യ​ൻ,

ജ്ഞാ​നം പാ​നം ചെ​യ്തു പാ​ടി പൂ​ന്താ​നം,

കൂ​മ​ൻ​കാ​വി​ലെ

തോ​രാ മ​ഴ ന​ന​ഞ്ഞൊ​രു

സ​ന്ദേ​ഹി...

അ​ങ്ങ​നെ പ​ല​രും...

ചി​ല​ർ പ​രി​ച​യം പേ​ടി​ച്ചു.

ചി​ല​ർ ക​ണ്ടി​ല്ലെ​ന്നു ന​ടി​ച്ചു.

ആ​ർ. രാ​മ​ച​ന്ദ്ര​നെ പോ​ലെ

അ​പൂ​ർ​വം ചി​ല​ർ

തോ​ളി​ൽ കൈ​യി​ട്ട് കു​ശ​ലം പ​റ​ഞ്ഞു.

നാ​റാ​ണ​ത്തു പ്രാ​ന്ത​ൻ 

പ്രാ​ന്ത​ത്തി​ലി​രു​ന്ന്

അ​ർ​ഥ​ഭാ​ര​ങ്ങ​ളെ​ല്ലാ​മു​രു​ട്ടി​വി​ട്ട്

ലാ​ഘ​വ​ത്തോ​ടെ പൊ​ട്ടി​ച്ചി​രി​ച്ചു.

പ​ല​വി​ധ ബ​ഹ​ള​ങ്ങ​ളി​ൽ

സ​മ​യം പോ​യ​ത​റി​ഞ്ഞി​ല്ല.

ഇ​രു​ട്ട് പൂ​ച്ച​പ്പാ​ദം ​െവ​ച്ച്

ക​ട​ന്നു​വ​ന്നു. 

കൊ​ള്ളാ​മ​ല്ലോ

ന​ല്ല ച​ങ്ങാ​തി​യാ​ണ​ല്ലോ

ഇ​രു​ട്ടി​നോ​ടൊ​പ്പം

ഇ​ല്ലാ​ത്ത ക​രിം​പൂ​ച്ച​യെ

ക​ളി​പ്പി​ച്ച് നേ​രം പോ​ക്കാ​മ​ല്ലോ. 

എ​ന്നും മ​റ്റും കി​നാ​വി​ൽ മു​ഴു​കി

ഒ​ന്നു മ​യ​ങ്ങി.

നേ​രം പു​ല​ർ​ന്ന​പ്പോ​ൾ

തോ​ട്ട​ക്കാ​ര​ൻ വ​ന്നു.

നോ​ട്ട​ക്കാ​ര​ൻ നോ​ക്കു​മ്പോ​ൾ

എ​ല്ലാം ശു​ഭം.

തോ​ട്ട​വി​ള​ക​ളി​ൽ ഫ​ല​ങ്ങ​ൾ,

പു​ല​രി​ത്തെ​ന്ന​ലൊ​ഴു​ക്ക്,

പ​ക്ഷി​പ്പാ​ട്ട്,

കാ​വ​ൽ​പു​ര, ക​സേ​ര...

എ​ല്ലാം പ​ഴ​യ​പോ​ലെ.

അ​പ്പോ​ൾ മു​റി​ച്ചി​ട്ട വാ​ലി​ൽ

ഒ​ളി​യി​ട​ത്തി​ൽ​നി​ന്ന് 

‘ഇ​വി​ടെ​യു​ണ്ട് ഞാ​ൻ’ എ​ന്ന്

ഒ​ര​ര​ണ​യു​ടെ ര​ക്ഷ​സാ​ക്ഷ്യ​വും

പാ​തി​രാ​ച്ചോ​ര​ൻ തൂ​വി​പ്പോ​യ

പാ​രി​ജാ​ത​പ്പൂ​മ​ണ ബാ​ക്കി​യും മാ​ത്രം

പു​തു​താ​യു​ണ്ട്.

അ​ട​പ​ട​ലം കാ​യ്ച്ച് 

മൂ​ത്ത് പ​ഴു​ത്ത് ഉ​ണ​ങ്ങി​പ്പാ​ക​മാ​യ

നാ​യ്ക്കു​ര​ണ​ക്കാ​യ​ക​ൾ

വെ​യി​ൽ പ​ര​ക്കും മു​മ്പേ

തീ​ക്ക​ന​ലി​ൽ പാ​ദ​മൂ​ന്നു​ന്ന ജാ​ഗ്ര​ത​യോ​ടെ​യും

ജി​ബ്രാ​ന്റെ മു​ന്തി​രി​ത്തോ​പ്പ​ല്ലെ​ന്ന

തി​രി​ച്ച​റി​വോ​ടെ​യും

പ​റി​ച്ചെ​ടു​ക്കു​മ്പോ​ൾ

ഒ​ന്നു​മി​ല്ലാ​ത്ത​താ​യി

ഒ​ന്നു​മി​ല്ലെ​ന്നൊ​രു മൂ​ളി​പ്പാ​ട്ട് തോ​ട്ട​ക്കാ​ര​നി​ൽ 

പൂ​ത്തു​ല​ഞ്ഞു.