മീന്തൂറിപ്പാപ്പന്റെ ഫ്ലാഷ് ബാക്കും ടെയിൽ എൻഡും
1. അമാവാസി ഇരുട്ട്കീറി തെളങ്ങിയ നിലാവ് ഇരുട്ട് തുന്നിയെത്തിച്ച്. 2. പൊലർച്ചസജിമോന്റെമതില് ചാടി ശാരി ടെക്സ്റ്റയിൽസിന്റെ എടത്തരം പ്ലാസ്റ്റിക്ക് കൂടില് കൊള്ളാമ്മാത്രം വളർത്ത് മീനോളെ കോരിനെറച്ച് മീന്തൂറിപ്പാപ്പൻ ഓടണ്. 3. തൂറൽ നിലാവിന്പോലുമറിയാത്ത വഴിയോളൊക്കെ നൂണ്ട്കേറി പതിവെടത്ത് കുന്തിച്ചിരിക്കണ്. ശാരി ടെക്സ്റ്റയിൽസിന്റെ കൂട് തൊറന്ന് വിടണ്. കൂട്...
Your Subscription Supports Independent Journalism
View Plans1. അമാവാസി
ഇരുട്ട്കീറി
തെളങ്ങിയ
നിലാവ്
ഇരുട്ട് തുന്നിയെത്തിച്ച്.
2. പൊലർച്ച
സജിമോന്റെ
മതില് ചാടി
ശാരി ടെക്സ്റ്റയിൽസിന്റെ
എടത്തരം
പ്ലാസ്റ്റിക്ക് കൂടില് കൊള്ളാമ്മാത്രം
വളർത്ത് മീനോളെ
കോരിനെറച്ച്
മീന്തൂറിപ്പാപ്പൻ
ഓടണ്.
3. തൂറൽ
നിലാവിന്പോലുമറിയാത്ത
വഴിയോളൊക്കെ
നൂണ്ട്കേറി
പതിവെടത്ത് കുന്തിച്ചിരിക്കണ്.
ശാരി ടെക്സ്റ്റയിൽസിന്റെ
കൂട്
തൊറന്ന് വിടണ്.
കൂട് മടക്കി
കടിച്ച് പിടിക്കണ്.
പാട്ടുംമൂളിത്തൂറണ്.
ഞണ്ടോളൊക്കെ പാഞ്ഞ് വരണ്.
4. തെറി
പ്രാന്തൻ പാപ്പൻ
തൂറിയ
കളറ്മീൻ കുഞ്ഞുങ്ങളേംകൊണ്ട്
പിള്ളേര്സെറ്റ് വീട് പറ്റണ്.
"മീന്തൂറി @**#"ന്ന്
സജിമോൻ
പല്ല്കടിക്കണ്.
5. പാപ്പൻ
പാപ്പന്
പണ്ടേ
പ്രാന്താണെന്നാ പറച്ചില്.
കുടീം കെടപ്പും
എവടാണെന്ന് അറീല്ലാർക്കും.
അങ്ങേതോ
പൊറംനാട്ടീന്നെത്തീന്നാ വെപ്പ്.
നട്ടപ്പാതിരാക്ക്
പാപ്പൻ
നടക്കാനെറങ്ങും.
നടക്കണ വഴിക്ക് കാണണ
കൂട്ടീക്കെടക്കണതുങ്ങളേല്ലാം
തൊറന്നു വിടും.
ഒരിക്കെ
കല്ല് രാജൂന്റെ
പാട്ട്പാടണ തത്ത
വെരല് കടിച്ചെട്ത്ത്.
പിന്നൊരിക്കെ
കുട്ടിച്ചേടത്തീടെ
വെച്ചൂപ്പശു
അടിവയറ്റിന് കാലുമടക്കിത്താങ്ങി.
അങ്ങനെ
പാപ്പന് പേര്
പ്രാന്തൻ പാപ്പൻന്നായി.
എന്നിട്ടും
തോക്കാണ്ട്
പാപ്പൻ തൊറന്നുവിട്ടതുങ്ങളൊന്നും
അന്നം കൊടുത്തോരെ
വിട്ട് പോയില്ല.
അങ്ങനെ
പാപ്പൻ
തോൽവി പാപ്പനുമായ്‌.
കവലേല്
ഇരുമ്പ്കട നടത്തണ
സജിമോൻ
വീട്ടില്
അലങ്കാരമത്സ്യക്കൃഷി തൊടങ്ങിയപ്പോ
മീന്തൂറിപ്പാപ്പനുമായ്‌.
പാപ്പനൊരര ഹീറോയുമായ്‌.
പാപ്പനെങ്ങനെ
പാപ്പനായെന്ന്
ആർക്കുമറിയേണ്ടാത്തോണ്ട്
എനിക്കുമറീല്ല.
ആകാശത്ത്
കണ്ണോളൊക്കെയടഞ്ഞാൽ
ഇരുട്ടിന്റെ മുറികൂടിയാൽ
ഒടുക്കത്തെ ഊരാണ്
പാപ്പന്.
പിടിച്ചാ കിട്ടില്ല.
വരാല് കണക്ക്.
6. ഫ്ലാഷ് ബാക്ക്
തുണിപ്പന്തങ്ങളും
മൊളവടീം
മണ്ണെണ്ണക്കാനും
ചാരായക്കുപ്പീം
തോളില് കയറുമായ്‌
ഇരുളിന്റെ നേരത്ത്
നാട്ടാരെ
പേടിപ്പിക്കണ
കൂറ്റൻ
കടന്നൽ കൂടോൾക്ക്
തീ വെക്കലാരുന്നു
പണ്ട്
പാപ്പന്റെ പണി.
പൊന്ന്യത്തൊരു
മഞ്ചപ്ലാവൊഴിപ്പിക്കാൻ പോയപ്പോ
തീ കേറി
പാപ്പന്റെ
ഒറ്റമുണ്ടേ കൊളുത്തി.
നാട്ടാര്
തരംപോലെ ഇടപെട്ടെങ്കിലും
പാപ്പന് പൊള്ളി.
മാംസം നീറിയടർന്ന്.
പാപ്പൻ കരഞ്ഞ്.
അപ്പൊ
പാപ്പന് മോളീക്കൂടെ
ചെറക് കരിഞ്ഞൊരു കടന്നല്
മൂളിപ്പറന്ന്.
പാപ്പന്റെ മേത്തേക്ക്
തേൻചുരത്തി.
പാപ്പന് തണുത്ത്.
പാപ്പനുയിർത്ത്.
7. ക്ലൈമാക്സ്‌
മുണ്ട് മാടിക്കുത്തി
തലേക്കെട്ടും കെട്ടി
അമാവാസി ഇരുട്ടില് കണ്ണ് തെളിച്ച്
പാത്തിരുന്ന സജിമോൻ
ടാങ്കീകെടന്ന
മീനോളെ
കൂടിലാക്കി പാഞ്ഞ
പാപ്പന് നേരെ
വെടിപൊട്ടിച്ച്.
പാപ്പൻ പേടിച്ച്.
പാപ്പൻ തൂറി.
കൂട് കൈവിട്ട് പോയ്‌.
പാപ്പൻ വീണ്.
സജിമോനൊരു ബീഡികത്തിച്ച്.
8. ടെയിൽ എൻഡ്
വെടികൊണ്ടോടത്ത്
തേൻ വീണ്.
ഒരു മൂളക്കം പാറിപ്പോയ്.
പാപ്പനെണീറ്റ്.
തീട്ടംവാരി
സജിമോന്റെ
മോന്തെക്കെറിഞ്ഞ്.
കൂട്
ടാങ്കില് മുക്കി
വെള്ളം നെറച്ച്
മണ്ണ് പറ്റിയ മീനോളെ
പെറുക്കിയിട്ട്
