Begin typing your search above and press return to search.
proflie-avatar
Login

വേട്ട

വേട്ട
cancel

അ​ഥ​വാ ര​ണ്ട് മ​ഴ​ക​ൾ​ക്കി​ട​യി​ൽ ആ​കാ​ശം തോ​ർ​ന്ന നേ​രം. സെ​മി​ത്തേ​രി. പ​ട്ടാ​ള​ക്കാ​ര​ൻ.1. നേ​രം മ​ല​മ്പാ​മ്പു​പോ​ൽ പൂ​ക്ക​ളി​ൻ മ​ണം മെ​ല്ലെ​യി​ഴ​ഞ്ഞൊ​ഴു​കു​മൊ​ന്തം. കു​ളി​രു​മൊ​പ്പം കോ​ട​യും തൂ​വി​മ​റി​യു​ന്ന നി​ലാ​വും. കൈ​ക​ൾ വീ​ശി ക​ട​ന്നു​പോം കാ​റ്റി​ൽ കൂ​മ​ൻ കു​ത്തി​മ​റി​ക്കു​ന്ന കാ​ട്. ഇ​രു​ട്ടു​കീ​റി​യ തൊ​ണ്ടി​ലൂ- ടാ​കാ​ശം നീ​ട്ടി​വി​രി​ച്ച നേ​ര്യേ​ത്. നീ​രൊ​ഴു​ക്കി​ൽ പു​ല്ലു​ക​ൾ​പോ​ൽ മെ​തു​വാ കു​ന്നി​റ​ങ്ങി​വ​രും സാ​മ്പ്രാ​ണി. മ​റു​ക​ര​യി​ൽ ര​ണ്ടു ക​ണ്ണു​ക​ൾ പ​ര​ക്കെ തി​ള​ങ്ങി​നി​ൽ​ക്കും പു​ൽ​മേ​ട്. അ​വി​ടെ​യോ​രോ​യി​ല​വി​ളു​മ്പി​ലും...

Your Subscription Supports Independent Journalism

View Plans

അ​ഥ​വാ ര​ണ്ട് മ​ഴ​ക​ൾ​ക്കി​ട​യി​ൽ

ആ​കാ​ശം തോ​ർ​ന്ന നേ​രം.

സെ​മി​ത്തേ​രി.

പ​ട്ടാ​ള​ക്കാ​ര​ൻ.

1. നേ​രം

മ​ല​മ്പാ​മ്പു​പോ​ൽ

പൂ​ക്ക​ളി​ൻ മ​ണം

മെ​ല്ലെ​യി​ഴ​ഞ്ഞൊ​ഴു​കു​മൊ​ന്തം.

കു​ളി​രു​മൊ​പ്പം കോ​ട​യും

തൂ​വി​മ​റി​യു​ന്ന നി​ലാ​വും.

കൈ​ക​ൾ വീ​ശി ക​ട​ന്നു​പോം കാ​റ്റി​ൽ

കൂ​മ​ൻ

കു​ത്തി​മ​റി​ക്കു​ന്ന കാ​ട്.

ഇ​രു​ട്ടു​കീ​റി​യ തൊ​ണ്ടി​ലൂ-

ടാ​കാ​ശം നീ​ട്ടി​വി​രി​ച്ച നേ​ര്യേ​ത്.

നീ​രൊ​ഴു​ക്കി​ൽ പു​ല്ലു​ക​ൾ​പോ​ൽ

മെ​തു​വാ

കു​ന്നി​റ​ങ്ങി​വ​രും

സാ​മ്പ്രാ​ണി.

മ​റു​ക​ര​യി​ൽ

ര​ണ്ടു ക​ണ്ണു​ക​ൾ പ​ര​ക്കെ

തി​ള​ങ്ങി​നി​ൽ​ക്കും പു​ൽ​മേ​ട്.

അ​വി​ടെ​യോ​രോ​യി​ല​വി​ളു​മ്പി​ലും

പൊ​ഴി​ഞ്ഞു​വീ​ണ​താം രാ​ത്രി.

അ​വ​യി​ലൊ​ന്നാ​യ് ചോ​ര​മ​ണം

പി​ടി​ച്ചേ​ന്തി നി​ൽ​ക്കും പു​ഴു​ക്ക​ൾ.

പ​ന്ന​ലു​ക​ളു​ടെ മു​ത്തു​ക്കു​ട,

ആ​ന​ക്കൂ​വ​യു​ടെ

അ​മ്മ​ൻ​കു​ടം.

ഇ​രു ഇ​ട​ങ്ങ​ളും കൊ​രു​ത്തു​കെ​ട്ടും

ചീ​വീ​ടു​ക​ളു​ടെ ചീ​ന​വ​ല.

ഇ​ട​യ്ക്കു പൊ​ന്തി​യു​മി​ടി​ഞ്ഞു താ​ണും

അ​വ വി​രി​ക്കും കു​ര​ൽ തി​ര.

അ​വി​ട​യാ​ൾ,

വ​ഴി​യു​ടെ കു​പ്പി​വ​ക്കി​ൽ

കൂ​നി​നി​ൽ​ക്കു​ന്ന വാ​ഴ​ക്കൈ.

തു​ട​യി​ടു​ക്കി​ലെ കാ​ട്ടു​പൊ​ന്ത​യി​ൽ

പൊ​ടി​ച്ചു​നി​ൽ​ക്കും

ക​ണ്ണി​ൽ​ത്തു​ള്ളി.

പൊ​രി​പി​ടി​ച്ച കാ​ലു​ക​ള​തി​ൽ

ഒ​ന്നി​ൽ​ച്ചാ​രി ഇ​ര​ട്ട​ക്കു​ഴ​ൽ.

മെ​യ് മു​ഴു​ക്കെ വ​സൂ​രി​പോ​ൽ

കു​ളി​രു​കൊ​ത്തി​യ പാ​ടും.

ദൂ​ര​ദൂ​ര​ത്തി​ലെ​വി​ടെ​യോ

കു​ന്നു​ക​ൾ

കൂ​നി​നി​ൽ​ക്കു​മി​ട​ത്തി​ൽ

പൊ​ടു​ന്ന​നെ

നി​ല​വി​ളി​ക​ള​ല​ക​ളാ​യ്

തോ​ട്ട​പൊ​ട്ടി​യ ശ​ബ്ദം.

കാ​ലു​തെ​റ്റി താ​ഴ്വ​ര​യി​ലേ​ക്ക​ത്

തെ​ന്നി​വീ​ഴു​ന്ന നേ​രം

ആ​റ്റു​വ​ക്കി​ൽ

ക​ന്നു​കാ​ലി​ക​ളു​ടെ

മാ​ശ് കെ​ട്ടി​യ മ​ര​ത്തി​ൽ

ച​ത്ത കു​ഞ്ഞു​ങ്ങ​ൾ

കീ​റ​ത്തു​ണി​കൊ​ണ്ട്

തൊ​ട്ടി​ലാ​ടു​ന്ന സി​നി​മ.

2. ഊ​ഴം

കാ​ഞ്ചി വ​ലി​ക്കു​ന്ന മു​ന്നേ

ഉ​ൽ​ക്ക​ക​ളു​ടെ

വാ​ലു​കൊ​ള്ളാ​തി​രി​ക്കാ​ൻ

വേ​രു​ചി​ത​റും മ​ര​ത്തി​ൻ ചോ​ട്ടി​ൽ

പാ​ട് നോ​ക്കി​യി​രു​ന്നു.

ഇ​രു​ട്ട​യാ​ളെ ഇ​റു​ക്കി​ച്ചേ​ർ​ത്ത്

ക​ക്ഷം ചേ​ർ​ത്ത് പി​ടി​ച്ചു.

മ​രി​ച്ചു​പോ​യ​വ​രു​ടെ മു​ടി​ക​ൾ

പ​തി​യെ

പൊ​ഴി​ഞ്ഞു വീ​ഴും മ​ഴ​യെ

ക​ണ്ട​താ​യി ന​ടി​ക്കാ​ത​യാ​ൾ

വേ​ട്ട മാ​ത്ര​മോ​ർ​ത്തു.

പ​ള്ളി​മേ​ട​യു​ടെ പി​ന്നാ​മ്പു​റം

ചു​റ്റി​ക്കു​ന്നി​റ​ങ്ങി​വ​രും കാ​റ്റി​ൻ

ഒ​പ്പു​ക​ട​ലാ​സ്സു​തു​ണ്ട-

യാ​ളു​ടെ പി​ൻ​ക​ഴു​ത്തി​ൽ മു​ത്തി.

പ​മ്മി​നി​ൽ​ക്കു​മി​ല​വി​ൻ ചോ​ട്ടി​ൽ

തേ​ടി​യെ​ത്തി​യ പി​ച്ചി

പൗ​ഡ​റി​ട്ട കൈ​ക​ളാ​ൽ

മു​ഖം

തൊ​ട്ടു​തൊ​ട്ടു പോ​കെ

അ​ക​ലെ​യ​ല്ലാ​തെ നേ​ർ​ത്ത കോ​ട​യി​ൽ

കു​രി​ശു ചാ​രി​യി​രു​ന്ന്

കൈ​ന​ഖ​ങ്ങ​ൾ​ക്കി​ട​യി​ലെ ച​ളി

കി​ള്ളി​മാ​റ്റു​ന്നു ബ്രി​ജി​ത്ത.

ര​ണ്ടു നാ​ളു​ക​ൾ​ക്ക് മു​ന്നേ മാ​ത്രം

ച​ത്ത​താ​ണ​വ​ൾ, ചാ​രെ

പ​ണ്ടു​തൊ​ട്ടേ ശ​വ​പ്പ​റ​മ്പി​ലെ

ക​പ്പി​യാ​ര് നി​ക്ലാ​വോ​സ്.

ആ​ണ്ട​റു​തി​യി​ലൂ​റ്റ​ൻ മ​ഴ

പെ​യ്തു​തോ​ർ​ന്ന രാ​വി​ൽ

ആ​റ്റു​വ​ഞ്ചി​യി​ൽ തൂ​ങ്ങി​നി​ന്ന​തി​ൻ

പാ​ട​വ​ന്റെ ക​ഴു​ത്തി​ൽ.

ശ്വാ​സ​മ​ട​ക്കി കു​റ്റി​യി​ല്ലാ​ത്ത​താം

മ​റ​പ്പെ​ര​യു​ടെ​യു​ള്ളി​ൽ

ക​വ​ക്കി​ട​യി​ലെ ഏ​രി​വാ​ള​യെ

തൊ​ട്ട​റി​യും പെ​ൺ പോ​ൽ

വി​ര​ലു​കൊ​ണ്ട് കാ​ഞ്ചി ത​ഴു​കി

ലാ​ക്ക് നോ​ക്കി​യു​ള്ളി​രി​പ്പി​ൽ

പൊ​ടു​ന്ന​നെ ഊ​ഴം,

ചെ​റി​യ​താം പ​ഴു​തു​ക​ൾ,

മു​ള്ളു​വേ​ലി നൂ​ണ്ട് ക​ണ്ണു​ക​ൾ.

മൂ​ക്കു​ര​യും ക​ര​ക​ര​പ്പ്,

ചീ​റ്റ​ലി​ൽ

പാ​റി​യു​യ​രു​ന്ന ക​രി​യി​ല.

പ​ക്ഷേ

പോ​ക്കു​വ​ര​ത്തി​ന്റെ തീ​ശ​ലാ​ക​ക​ൾ

ചേ​ല​മ​ര​ത്തി​നൊ​ഴി​ഞ്ഞ്

പാ​ഞ്ഞു​പോ​കു​ന്ന പോ​ക്കി​ൽ

തെ​രു​വു​ക​ൾ

ഞെ​ക്കു​വി​ള​ക്കു കെ​ടു​ത്തി!

3. ഓ​ർ​മ

യു​ദ്ധം.

മു​ന​കൂ​ർ​ത്ത രാ​വ്.

നി​ശ്ശ​ബ്ദ​ത.

നി​ല​വ​റ​പോ​ലു​ള്ള ച​തു​പ്പ്.

ചീ​റി​വ​രു​ന്ന വെ​ടി​യു​ണ്ട നെ​റ്റി​യി​ൽ

പൊ​ട്ടു​തൊ​ട്ടു പോ​കും പോ​ക്ക്.

മു​ന്നി​ൽ മു​ഖം​കു​ത്തി

വീ​ണു​പോ​യോ​ൻ ത​ന്റെ

ത​ല​യോ​ട്ടി ചി​ത​റി​യ ചോ​ളം.

വി​ര​ലി​ട്ടു തൊ​ണ്ട​യി​ൽ

കു​രു​ങ്ങി​യ നി​ല​വി​ളി

കൊ​ത്തി​യെ​ടു​ക്കു​ന്ന ചൂ​ണ്ട.

ക​ക്കി​ക്ക​ള​യാ​ൻ

കി​ണ​ഞ്ഞു ശ്ര​മി​ക്കു​മ്പോ​ൾ

കൊ​ളു​ത്തി​വ​ലി​ക്കു​ന്ന മു​ള്ള്.

പി​ത്ത​വെ​ള്ളം​കൊ​ണ്ട് മൂ​ക്കി​ലെ എ​രി​വ്.

തീ​ട്ട​വും മു​ള്ളി​യു​മൊ​രു​മി​ച്ച് പോ​യ​ത്.

പ്രാ​ണ​ൻ

പേ​ടി​യു​മി​ളി​ഭ്യ​ത​യും​കൊ​ണ്ട്

വ​ള​ച്ചു​കെ​ട്ടി​യ തു​റ​സ്സ്.

ആ​ക്ഷേ​പ​ങ്ങ​ളു​ടെ

അ​മി​ട്ടും കൊ​ര​വ​യും

ചി​ത​റി​നി​ൽ​ക്കു​ന്ന വാ​നം.



4. ഉ​ന്നം

കൈ ​അ​ക​ല​ത്തി​ൽ

പൊ​ന്ത​യി​ല​ന​ക്ക​മാ​യ്

മു​ന്നി​ല​തു​ണ്ട്, പ​ക്ഷേ..!

മ​ഞ്ഞു​തു​ള്ളി​ക​ൾ കി​രീ​ടം ചൂ​ടി​യ

മു​ടി​യി​ഴ​ക​ൾ ത​ലോ​ടി

ബ്രി​ജി​ത്ത നി​ക്ലാ​യു​ടെ

ചെ​വി​യി​ൽ പ​റ​ഞ്ഞു,

കാ​റ്റ​ത് കോ​രി​യെ​ടു​ത്തു.

''ക​ര​ളേ നി​ങ്ങ​ള് ച​ത്ത​തി​ൻ ശേ​ഷം

ഞാ​ൻ ജീ​വി​ച്ചി​ട്ടേ​യി​ല്ല കേ​ട്ടോ!''

മി​ന്നാ​മി​ന്നി​ക​ൾ പൂ​ത്ത

പ്ലാ​ശു​ക​ൾ,

ഉ​ടു​പ്പ് മാ​റ്റും വെ​ൺ​തേ​ക്ക്,

കാ​ശാ​വി​ന്റെ നീ​ല നാ​ള​ങ്ങ​ൾ,

മ​റ​വി​പോ​ൽ മ​രോ​ട്ടി​ക​ൾ.

അ​വ​ക്കി​ട​യി​ൽ മേ​ഘം പൊ​ട്ടി

ച​രി​ഞ്ഞു വീ​ഴും കൊ​ള്ളി.

ശ​വ​ക്കു​ഴി​ക​ളു​ടെ മേ​ൽ​മ​ണ്ണി​ൽ

തേ​റ്റ​കൊ​ണ്ട് ശു​ശ്രൂ​ഷ!

നി​ഷ്ക​ള​ങ്ക​ത​യു​ടെ

നൊ​വേ​ന ചൊ​ല്ലു​ന്ന

നി​ക്ലാ​വോ​സി​ന്റെ ക​ണ്ണി​ണ.

മെ​ല്ലെ​യൊ​ന്നു ചു​ണ്ടു ചേ​ർ​ത്തി​ട്ട്

ഉ​യ​ർ​ന്നു പോ​കു​ന്ന ബ്രി​ജി​ത്ത.

5. കാ​ഞ്ചി

ഹൈ​ഡ്രാ​ഞ്ചി​യ വ​യ​ല​റ്റ് ചൂ​ടി​യ

ക​ൽ​പ്പ​ട​വു​ക​ൾ,

ക​യ്യാ​ല​മാ​ട്ട​ക​ൾ.

പ​ടി​ക​ളോ​രോ​ന്നാ​യി ക​യ​റി​പ്പോ​ക​വേ

ഓ​ർ​മ​ക​ൾ വീ​ണ്ടും

ക​ണ്ണി​ൽ കു​ത്തു​ന്നു.

മ​നു​ഷ്യ​മാം​സം മ​ണ​ക്കും

പ​ക​ലു​ക​ൾ,

ചോ​ര മ​ണ്ണി​ൽ കു​ഴ​ഞ്ഞ

മൂ​വ​ന്തി.

ഒ​ച്ച​യി​ല്ലാ​തെ ഓ​ടി​വ​ന്നൊ​രു

പ​ച്ചി​രു​മ്പ് സു​ഹൃ​ത്തി​നെ

കൊ​ന്ന​ത്!

മാ​സ​മു​റ​യു​ടെ

ചോ​ര പ​ട​രും

ലി​ല്ലി​ക്കു​ട്ടി​യു​ടെ യോ​നി

കാ​ണു​മ്പോ​ൾ

കി​ട​പ്പ​റ​യി​ൽ കി​ത​ച്ചു

വീ​ഴു​ന്നു,

ബോ​ധം കെ​ട്ട​ഴി​ഞ്ഞു

ചി​ത​റു​ന്നു!

ബ്ലൗ​സി​ടു​ന്ന​തി​നി​ട​യി​ൽ ലി​ല്ലി:

''നി​ങ്ങ​ളെ​ക്കൊ​ണ്ടൊ​ന്നും പ​റ്റി​ല്ല

മ​നു​ഷ്യേ​നെ!''

ഓ​ർ​ക്ക​വേ, ഓ​ർ​ത്തു ചൂ​ള​വെ

ആ​ന്റ​ണി

ര​ണ്ടും ക​ൽ​പി​ച്ച് കാ​ഞ്ചി വ​ലി​ച്ചു!

നാ​ലു ചു​റ്റി​നും

മ​ല​ക​ൾ പൊ​ട്ടി,

പ​മ്മി നി​ന്ന

ആ​കാ​ശം പൊ​ട്ടി,

അ​രു​വി​യി​ൽ പോ​യി

മു​ങ്ങി നി​വ​ർ​ന്ന്

തോ​ട്ട പൊ​ട്ടി​യ ശ​ബ്ദം

മ​റു​ക​രെ

സ്വ​ർ​ഗ​ത്തി​ലേ​ക്കു​ള്ള

പ​ടി​ക​ളി​ൽ ചെ​ന്ന്

ത​ല​യ​റ​ഞ്ഞു പൊ​ട്ടി​ച്ചി​ത​റി.

ഒ​രു നി​മി​ഷം,

നി​ശ്ശ​ബ്ദം,

കോ​ട.

അ​ന​ക്ക​മി​ല്ലാ​തി​രു​ട്ട്

കു​റു​കു​ന്നു.

പൊ​ടു​ന്ന​നെ ഒ​രു ചീ​റ്റ​ലാ​യി​രു​ൾ

വ​ക​ഞ്ഞു മാ​റ്റി

കു​തി​ച്ചു വ​രു​ന്നു.

ക​ണ്ണ് ര​ണ്ടും തു​റി​ച്ചു നി​ൽ​ക്കു​ന്നു,

നു​ര വ​ഴു​ക്കു​ന്ന നാ​വ്,

കി​ത​പ്പ്.

തേ​റ്റ​യി​ൽ കോ​ർ​ത്തു

ഗോ​ള​ങ്ങ​ളി​ലേ​ക്കൊ​രു

പേ​ട​കം പോ​ലെ പ​റ​ന്നു പോ​ക​വേ

പ​ള്ള​യി​ൽ​നി​ന്നും

പ​ക​ർ​ന്ന പ​ണ്ടം

അ​ന്തോ​ണി

ര​ണ്ടു കൈ​കൊ​ണ്ടും

കോ​രി​യെ​ടു​ത്തു.

നി​ല​ത്തി​റ​ങ്ങി പ​തി​യെ

രാ​ത്രി​യു​ടെ

കോ​ഴി കൂ​വു​ന്ന ചാ​ല് കൊ​ണ്ട​യാ​ൾ

ഗ​ത്സ​മേ​നി​ലെ

പ്രാ​ർ​ഥ​ന​യെ​ന്ന​പോ​ൽ

വീ​ട്ടി​ലേ​ക്കു ന​ട​ന്നു

പോ​വു​ന്നു.

6. ദേ​ശം

''എ​ഡീ​വേ, വാ ​വ​ന്നു നോ​ക്ക്!''

തോ​ള​ത്തി​ട്ടു​കൊ​ണ്ടു വ​ന്ന

കൊ​ട​ൽ​മാ​ല

അ​ര​പ്രൈ​സി​ന്റെ

മു​ക​ളി​ൽ വെ​ച്ചി​ട്ട്

ചോ​ര​കൊ​ണ്ട് കു​ഴ​ഞ്ഞ രോ​മ​ങ്ങ​ൾ

ഇ​ട​തു​കൈ​കൊ​ണ്ട്

വ​ക​ഞ്ഞു​മാ​റ്റി

കൊ​ച്ചു ത്രേ​സ്യ​ക്ക് ശി​പ്പാ​യി ആ​ന്റ​ണി

മ​ര​ണ​മെ​ന്തെ​ന്നു

കാ​ണി​ച്ച് കൊ​ടു​ത്തു.

ത്രേ​സ്സ്യാ​പെ​ണ്ണ് ഞെ​ട്ടി​പ്പോ​യി,

അ​വ​ൾ​ടെ ഞെ​ട്ട​ൽ

വേ​ലി​പ്പ​ത്ത​ലി​ൽ

ചെ​മ്പ​ര​ത്തി പ്ര​ദ​ക്ഷി​ണ​മാ​യി.

മ​രി​ച്ചു ക​ഴി​ഞ്ഞു മൂ​ന്നാം നാ​ൾ

അ​ന്തോ​ണി

ത്രേ​സ്യാ​ക്കൊ​ച്ചി​ന്റെ

സ്വ​പ്ന​ത്തി​ൽ വ​ന്നു.

അ​ന്ന് ത​ന്നെ ആ​ന്റ​ണി അ​വ​ളിൽ

ഒ​രു ത​മ​ര് വെ​ച്ചു.

പ​ത്തു​മാ​സം ക​ഴി​ഞ്ഞ​പ്പോ​ൾ

ത്രേ​സ്യ​ക്ക്

ഒ​രു ദേ​ശ​സ്നേ​ഹി​യു​ടെ

കു​ഞ്ഞി​നെ കി​ട്ടി.