Editorial

ഭരണപക്ഷത്തിന്‍റെ അരുതായ്മകൾ പുറത്തുകൊണ്ടുവരുന്ന മാധ്യമങ്ങൾ പ്രതിപക്ഷത്തിന് ഏറെ പ്രിയപ്പെട്ടതാവും. എന്നാൽ, ഭരണപക്ഷത്തെത്തുമ്പോൾ അവരും മാധ്യമവിരുദ്ധരാകും. മാധ്യമപ്രവർത്തകരോട് ‘കടക്ക് പുറത്ത്’ എന്ന് പറയുന്ന മുഖ്യമന്ത്രിയും ‘ഇറക്കിവിടാത്തത് എന്‍റെ മര്യാദ’യെന്ന് പറയുന്ന പ്രതിപക്ഷ നേതാവും ‘ഗെറ്റൗട്ട്’ പറയുന്ന ഗവർണറും പ്രസരിപ്പിക്കുന്നത് ഒരേതരത്തിലെ മാധ്യമവിരുദ്ധ മനോഗതിതന്നെയാണ്.