ഹെലികോപ്​റ്റർ അപകടം: വീഡിയോ പകർത്തിയ മൊബൈൽഫോൺ കസ്റ്റഡിയിലെടുത്തു

ചെന്നൈ: നീലഗിരി ജില്ലയിലെ കുനൂരിന്​ സമീപം ഇന്ത്യൻ വ്യോമസേനയുടെ എം.ഐ-17വി5 ഹെലികോപ്റ്റർ തകരുന്നതിന് തൊട്ടുമുമ്പ് വീഡിയോ റെക്കോർഡ് ചെയ്ത മൊബൈൽഫോൺ തമിഴ്​നാട്​ പൊലീസ്​ കസ്​റ്റഡിയിലെടുത്തു. വിശദ പരി​േശാധനക്കായി കോയമ്പത്തൂർ പൊലീസിലെ ഫോറൻസിക്​ വിഭാഗത്തിന്​ ​ൈകമാറി.

Also Read:മഞ്ഞിനുള്ളിലേക്ക് മായുന്ന ഹെലികോപ്ടർ; അപകടത്തിന് തൊട്ടുമുമ്പുള്ള ദൃശ്യങ്ങൾ പുറത്ത്

മലയാളിയായ കോയമ്പത്തൂർ രാമനാഥപുരം തിരുവള്ളുവർ നഗറിൽ താമസിക്കുന്ന ഫോ​േട്ടാഗ്രാഫറായ വൈ. ജോയ്​ എന്ന കുട്ടിയാണ്​ കാ​േട്ടരി റെയിൽപാളത്തിന്​ സമീപം നിൽക്കവെ നിർണായക വീഡിയോ പകർത്തിയത്​. ജോയ്​, സുഹൃത്ത്​ എച്ച്​. നാസർ എന്നിവർ കഴിഞ്ഞ ദിവസം കോയമ്പത്തൂർ സിറ്റി പൊലീസ്​ കമീഷണർ ഒാഫിസിൽ ഹാജരായി അന്വേഷണവുമായി സഹകരിക്കുമെന്ന്​ അറിയിച്ചിരുന്നു.

Also Read:കു​ന്നൂ​രി​ൽ വ്യോ​മ​സേ​ന​ കോ​പ്​​ട​ർ അപകടദൃശ്യം പകർത്തിയ മലയാളികൾ മൊഴി നൽകി

താഴ്ന്ന് പറന്ന ഹെലികോപ്​റ്റർ കനത്ത മൂടൽമഞ്ഞിനകത്തേക്ക്​ പ്രവേശിക്കുന്നത് വീഡിയോയിൽ വ്യക്തമായിരുന്നു. വീഡിയോ ദൃശ്യങ്ങളുടെ വിശ്വാസ്യതയും കൃത്യമായ സമയവും സംബന്ധിച്ച വിവരങ്ങളറിയാനാണ്​ മൊബൈൽഫോൺ ഫോറൻസിക്​ പരിശോധനക്ക്​ വിധേയമാക്കുന്നത്​.

Also Read:കുന്നൂർ ഹെലികോപ്ടർ ദുരന്തം: അന്വേഷണ നടപടികൾ ഊർജിതം

അതിനിടെ സംഭവസമയത്തെ മേഖലയിലെ കാലാവസ്​ഥ സംബന്ധിച്ച റിപ്പോർട്ട്​ സമർപിക്കാൻ ചെ​ൈന്ന കാലാവസ്​ഥ നിരീക്ഷണ കേന്ദ്രത്തോട്​ ആവശ്യപ്പെട്ടതായും റിപ്പോർട്ടുണ്ട്​.