ബ​ഗ്ദാ​ദിൽ വീണ്ടും യു.എസ് ആക്രമണം; ഇറാൻ പൗ​ര​സേ​നയിലെ ആറു പേർ കൊല്ലപ്പെട്ടു

ബ​ഗ്ദാ​ദ്: ഇറാഖ് തലസ്ഥാനമായ ബ​ഗ്ദാ​ദിൽ വീണ്ടും യു.എസ് ആക്രമണം. ആക്രമണത്തിൽ ഇറാന്‍റെ പിന്തുണയുള്ള ഇറാഖിലെ പൗ​ ര​സേ​നയിലെ ആറു അംഗങ്ങൾ കൊല്ലപ്പെട്ടു. പുലർച്ചെ ഒന്നേകാലോടെ വടക്കൻ ബഗ്ദാദിലെ ടാജി റോഡിലാണ് മിസൈൽ ആക്രമണം നടന് നത്.

പൗരസേനാംഗങ്ങൾ സഞ്ചരിച്ചിരുന്ന വാഹനവ്യൂഹത്തിന് നേരെയാണ് ആക്രണമുണ്ടായത്. രണ്ട് കാറുകൾ പൂർണമായി തകർന് നു. നാല് അംഗങ്ങൾക്ക് പരിക്കേറ്റു. വെള്ളിയാഴ്ച ബ​ഗ്ദാ​ദ് വി​മാ​ന​ത്താ​വ​ള​ത്തിൽ അ​മേ​രി​ക്ക ന​ട​ത്തി​യ വ്യോ​മാ​ക്ര​മ​ണ​ത്തിൽ ഇ​റാ​ന്‍റെ ഉ​ന്ന​ത സൈ​നി​ക ജ​​ന​​റൽ ഖാ​സിം സു​ലൈ​മാ​നി കൊല്ലപ്പെട്ട് 24 മണിക്കൂറിനുള്ളിലാണ് രണ്ടാമത്തെ ആക്രമണം.

പൗ​ര​സേ​നയിലെ മുതിർന്ന കമാൻഡറെ ലക്ഷ്യമിട്ടാണ് അമേരിക്ക സേന ആക്രമണം നടത്തിയതെന്ന് രാജ്യാന്തര മാധ്യമങ്ങൾ റിപ്പോർട്ട് ചെയ്തു. എന്നാൽ, വാഹനവ്യൂഹത്തിൽ മുതിർന്ന കമാൻഡർ ഇല്ലായിരുന്നുവെന്ന് പൗ​ര​സേ​നാ വൃത്തങ്ങൾ പ്രതികരിച്ചു.

അ​മേ​രി​ക്ക ന​ട​ത്തി​യ വ്യോ​മാ​ക്ര​മ​ണ​ത്തി​ൽ ഇ​റാ​​ന്‍റെ ഉ​ന്ന​ത സൈ​നി​ക ജ​​ന​​റൽ ഖാ​സിം സു​ലൈ​മാ​നി ഉ​ൾ​െ​പ്പ​ടെ എ​ട്ടു പേ​രാണ് കൊ​ല്ല​പ്പെ​ട്ടത്. ഇ​സ്​​ലാ​മി​ക് ​റെ​വ​ലൂ​ഷ​ന​റി ഗാ​ര്‍ഡ് സൈ​നി​ക വി​ഭാ​ഗ​ത്തി​ന്‍റെ ഭാ​ഗ​മാ​യ ​‘ഖു​ദ്​​സ്​​ സേ​ന’ മേ​ധാ​വി​യാ​ണ്​ ഖാ​സിം സു​ലൈ​മാ​നി. ഇ​റാ​ന്‍ പി​ന്തു​ണ​യു​ള്ള ഇ​റാ​ഖി​ലെ പൗ​ര​സേ​ന​ക​ളു​ടെ ഡെ​പ്യൂ​ട്ടി ക​മാ​ന്‍ഡ​റാ​യ അ​ബു മ​ഹ്ദി അ​ല്‍ മു​ഹ​ന്ദി​സും കൊ​ല്ല​പ്പെ​ട്ടിരുന്നു.

വെ​ള്ളി​യാ​ഴ്​​ച അ​ർ​ധ​രാ​ത്രി​യാ​ണ് യു.​എ​സ് ​​സേ​ന ആ​ളി​ല്ലാ വി​മാ​ന​ത്തി​ൽ വ്യോ​മാ​ക്ര​മ​ണം ന​ട​ത്തി​യ​ത്. സൈ​നി​ക വ്യൂ​ഹ​ത്തിെന്‍റെ കാ​വ​ലോ​ടെ​യു​ള്ള യാ​ത്ര​ക്കി​ടെ​ ഉ​ന്ന​ത​ർ സ​ഞ്ച​രി​ച്ച ര​ണ്ടു വാ​ഹ​ന​ങ്ങ​ൾ റോ​ക്ക​റ്റ്​ ഉ​പ​യോ​ഗി​ച്ച്​ ത​ക​ർ​ക്കു​ക​യാ​യി​രു​ന്നു.