നാ​ലു കൂ​ട്ടു​കാ​ർ, നാ​ലു​പേ​രും പോ​യി

എ​ഴു​ത്തു​ജീ​വി​ത​ത്തി​ലും വ്യ​ക്തി​ജീ​വി​ത​ത്തി​ലും സ്​​നേ​ഹ​വും ക​രു​ത​ലു​മാ​യി നി​റ​ഞ്ഞ നാ​ലു​​ പേ​രെ​ക്കു​റി​ച്ച്​ ഒാ​ർ​മി​ക്കു​ന്നു. ജീ​വി​ത​ത്തി​ൽ പ​ല​ത​രം സ്വാ​ധീ​ന​ങ്ങ​ളു​ള​വാ​ക്കി, സാം​സ്​​കാ​രി​ക രം​ഗ​ത്തി​ന്​ ത​ന്നെ ന​ഷ്​​ട​വും ശൂ​ന്യ​ത​യും നി​റ​ച്ച്​ വി​ട​വാ​ങ്ങി​യ ഉ​റ്റ​ സു​ഹൃ​ത്തു​ക്ക​ളെ​യും അ​വ​രോ​ടൊ​ത്തു​ള്ള നി​മി​ഷ​ങ്ങ​ളെ​യും കു​റി​ച്ച്​ എ​ഴു​തു​ന്നു.

ഇ​ങ്ങ​നെ​യൊ​ന്ന് എ​ഴു​തേ​ണ്ടി​വ​രു​മെ​ന്നോ​ർ​ത്ത​ത​ല്ല. അ​ക്ഷ​ര​യാ​ത്ര​യി​ൽ എ​ന്നോ​ടൊ​പ്പ​മു​ണ്ടാ​യി​രു​ന്ന ഏ​റ്റ​വും അ​ടു​ത്തു​ള്ള നാ​ലു കൂ​ട്ടു​കാ​രെ​ക്കു​റി​ച്ചു​ള്ള ഓ​ർ​മ​ക്കു​റി​പ്പാ​ണി​ത്. നാ​ലു​പേ​രും ഓ​രോ സ​ന്ദ​ർ​ഭ​ത്തി​ൽ അ​വി​ചാ​രി​ത​മാ​യി വി​ട​പ​റ​ഞ്ഞുപോ​കു​ക​യാ​യി​രു​ന്നു. സാ​ഹി​ത്യ​ത്തി​ൽ ഏ​റെ താ​ൽ​പ​ര്യ​മു​ള്ള​വ​രും സാ​ഹി​ത്യ​ത്തോ​ട് അ​ത്ര​യൊ​ന്നും ആ​ഭി​മു​ഖ്യ​മി​ല്ലാ​ത്ത​വ​രു​മാ​യി​രു​ന്നു അ​വ​ർ. ഇ​തി​ൽ ര​ണ്ടു​പേ​ർ മ​ല​യാ​ള സാ​ഹി​ത്യ​ത്തി​ലെ പു​തു ത​ല​മു​റ​യി​ലെ ഏ​റ്റ​വും ശ്ര​ദ്ധേ​യ​രാ​യ​വ​രാ​യി​രു​ന്നു. മ​റ്റു ര​ണ്ടു​പേ​രി​ലൊ​രാ​ൾ പു​സ്​​ത​ക വി​ൽ​പ​ന കേ​ന്ദ്ര​ത്തി​ൽ ജോ​ലി ചെ​യ്യു​ന്ന​യാ​ളും മ​റ്റേ​യാ​ൾ കോ​ഫി ബോ​ർ​ഡി​ലെ ഉ​ന്ന​ത ഉ​ദ്യോ​ഗ​സ്​​ഥ​നു​മാ​യി​രു​ന്നു. ആ​ദ്യ​ത്തെ ര​ണ്ടു​പേ​ർ എ​നി​ക്ക് എ​ഴു​ത്തി​നോ​ട് താ​ൽ​പ​ര്യം തു​ട​ങ്ങി​യ കാ​ല​ത്ത് ബ​ന്ധ​പ്പെ​ട്ട​വ​രാ​ണ്. പു​സ്​​ത​ക​വി​ത​ര​ണ സ്​​ഥാ​പ​ന​ത്തി​ൽ ജോ​ലി ചെ​യ്യു​ന്ന സു​ഹൃ​ത്ത് ഞാ​ൻ സ്​​കൂ​ൾ വി​ദ്യാ​ർ​ഥി​യാ​യി​രു​ന്ന കാ​ല​ത്ത് എ​​ന്റെ ആ​ഭി​മു​ഖ്യം മ​ന​സ്സി​ലാ​ക്കി സൗ​ഹൃ​ദ​ത്തി​ലാ​യ ആ​ളാ​ണ്. നാ​ലാ​മ​ത്തെ സു​ഹൃ​ത്ത് എ​​ന്റെ കു​ട്ടി​ക്കാ​ലം തൊ​ട്ട് എ​​ന്റെ അ​ഭി​രു​ചി​ക​ൾ​ക്കൊ​ത്ത് എ​പ്പോ​ഴും നി​ൽ​ക്കു​ന്ന അ​യ​ൽ​വാ​സി​യാ​യ ബാ​ല്യ​കാ​ല സു​ഹൃ​ത്ത്. ​ഒരു മ​റ​യു​മി​ല്ലാ​ത്ത ബ​ന്ധ​മാ​ണ് ഞ​ങ്ങ​ൾ ത​മ്മി​ലു​ണ്ടാ​യി​രു​ന്ന​ത്. സൗ​ഹൃ​ദം എ​ത്ര​ത്തോ​ളം ഗാ​ഢ​വും തീ​വ്ര​വു​മാ​ണെ​ന്ന് ഞാ​ൻ തി​രി​ച്ച​റി​ഞ്ഞ​ത് ഈ ​സു​ഹൃ​ത്ത് എ​​ന്റെ ജീ​വി​ത​ത്തി​​ന്റെ ഭാ​ഗ​മാ​യ​തോ​ടെ​യാ​ണ്. മാ​ത്ര​വു​മ​ല്ല, ആ​ത്മാ​ർ​ഥ​ത​യും സ​ത്യ​സ​ന്ധ​ത​യും എ​ന്താ​യി​രി​ക്ക​ണ​മെ​ന്ന് എ​ന്നെ പ​ല സ​ന്ദ​ർ​ഭ​ങ്ങ​ളി​ലും ബോ​ധ്യ​പ്പെ​ടു​ത്തി​യ ച​ങ്ങാ​തികൂ​ടി​യാ​യി​രു​ന്നു ഇ​യാ​ൾ. ശ്രീ​ധ​ര​ൻ എ​ന്ന സു​ഹൃ​ത്ത് എ​നി​ക്ക​റി​യാ​ത്ത ഒ​രു ലോ​ക​ത്തി​ലേ​ക്ക് എ​ന്നെ എ​പ്പോ​ഴും കൂ​ട്ടി​ക്കൊ​ണ്ടു​പോ​യി. അ​വ​നോ​ടൊ​പ്പ​മു​ള്ള യാ​ത്ര​ക​ൾ എ​ന്നും എ​നി​ക്ക് ആ​ഹ്ലാ​ദ​ക​ര​മാ​യി​രു​ന്നു.

ജി.​കെ. ശ്രീ​ധ​ര​ൻ

അ​ത്ര​യൊ​ന്നും സാ​മ്പ​ത്തി​കാ​ടി​ത്ത​റ​യി​ല്ലാ​ത്ത കൂ​ട്ടു​കു​ടും​ബ​ത്തി​ലാ​ണ് ശ്രീ​ധ​ര​ൻ ജ​നി​ച്ച​ത്. അ​വ​​ന്റെ അ​ച്ഛ​ന് ആ​റ് മ​ക്ക​ളാ​ണു​ള്ള​ത്. അ​തി​ൽ ര​ണ്ടാ​മ​ത്തെ മ​ക​നാ​ണ് ശ്രീ​ധ​ര​ൻ. അ​ച്ഛ​ന് ക​ല്ല് ചെ​ത്തു​ന്ന അ​ത്ര​യൊ​ന്നും വ​രു​മാ​ന​മി​ല്ലാ​ത്ത ജോ​ലി​യാ​ണ് ഉ​ണ്ടാ​യി​രു​ന്ന​ത്. പ​ല ദി​വ​സ​ങ്ങ​ളി​ലും ജോ​ലി​യു​മു​ണ്ടാ​കി​ല്ല. വീ​ട്ടി​ലെ മ​റ്റു​ള്ള​വ​രെ ആശ്ര​യി​ച്ചു ക​ഴി​യേ​ണ്ട ഒ​ര​വ​സ്​​ഥ​യാ​യി​രു​ന്നു. ഞ​ങ്ങ​ൾ ഒ​ന്നി​ച്ചാ​ണ് സ്​​കൂ​ളി​ൽ പോ​യി​രു​ന്ന​ത്. അ​പ്പോ​ഴൊ​ക്കെ ചു​റ്റു​മു​ള്ള കാ​ര്യ​ങ്ങ​ളും ലോ​ക​വി​വ​ര​ങ്ങ​ളും എ​നി​ക്ക് പ​റ​ഞ്ഞു​ത​രി​ക ശ്രീ​ധ​ര​നാ​ണ്. കാ​ല​ത്ത് സ്​​കൂ​ളി​ൽ പോ​വു​മ്പോ​ൾ അ​വ​ൻ എ​ന്തെ​ങ്കി​ലും ക​ഴി​ച്ചി​ട്ടു​ണ്ടോ എ​ന്ന കാ​ര്യം സം​ശ​യ​മാ​ണ്. ഉ​ച്ച​ക്ക് ഒ​ന്നും ക​ഴി​ക്കാ​റി​ല്ല. വൈ​കീ​ട്ട് ഞ​ങ്ങ​ൾ ഒ​ന്നി​ച്ചു മ​ട​ങ്ങും. മി​ക്ക ദി​വ​സ​ങ്ങ​ളി​ലും ഞാ​ന​വ​നെ നി​ർ​ബ​ന്ധി​ച്ചു വീ​ട്ടി​ലേ​ക്ക് കൊ​ണ്ടു​പോ​കും. അ​മ്മ ര​ണ്ടു പേ​ർ​ക്കും ഭ​ക്ഷ​ണം എ​ടു​ത്തുവെ​ച്ചി​ട്ടു​ണ്ടാ​കും. അ​ക്കാ​ല​ത്താ​ണ് എ​നി​ക്ക് വാ​യ​ന​യോ​ട് അ​തി​തീ​വ്ര​മാ​യ ആ​ഭി​മു​ഖ്യ​മു​ണ്ടാ​വു​ന്ന​ത്. ശ്രീ​ധ​ര​ൻ പ​ഠി​ക്കാ​ൻ മി​ടു​ക്ക​നാ​യി​രു​ന്നി​ട്ടും മ​റ്റു വാ​യ​ന​ക​ളോ​ട് ഒ​രു താ​ൽ​പ​ര്യ​വും ഉ​ണ്ടാ​യി​രു​ന്നി​ല്ല. എ​ന്നാ​ൽ മി​ക്ക ദി​വ​സ​ങ്ങ​ളി​ലും എ​​ന്റെ കൂ​ടെ വാ​യ​ന​ശാ​ല​യി​ലേ​ക്ക് വ​രും. എ​ന്തെ​ല്ലാ​മോ ചി​ല​ത് ഞാ​ൻ എ​ഴു​താ​ൻ തു​ട​ങ്ങു​ന്ന കാ​ല​മാ​യി​രു​ന്നു അ​ത്. അ​ത് ക​ഥ​യാ​ണോ ക​വി​ത​യാ​ണോ എ​ന്നൊ​ന്നും ഒ​രു​റ​പ്പു​മി​ല്ല. എ​ഴു​തി​യ​തെ​ല്ലാം ആ​ദ്യം വാ​യി​ച്ചു കേ​ൾ​പ്പി​ക്കാ​റു​ള്ള​ത് ശ്രീ​ധ​ര​നെ​യാ​ണ്. സാ​ഹി​ത്യ​ത്തോ​ട് ഒ​രു താ​ൽ​പ​ര്യ​വു​മി​ല്ലാ​തി​രു​ന്നി​ട്ടും, എ​ന്നോ​ടു​ള്ള സ്​​നേ​ഹം കാ​ര​ണം ഒ​ട്ടും വി​മു​ഖ​ത​യി​ല്ലാ​തെ അ​വ​ന​തെ​ല്ലാം കേ​ട്ടി​രി​ക്കും. എ​​ന്റെ ക​ഥ​ക്ക് ആ​ദ്യ​മാ​യി ഒ​രു സ​മ്മാ​നം കി​ട്ടി​യ​പ്പോ​ൾ അ​ത് വാ​ങ്ങാ​ൻ ഞ​ങ്ങ​ളൊ​രു​മി​ച്ചാ​ണ് പോ​യ​ത്. സ​മ്മാ​ന​ത്തു​ക ഉ​പ​യോ​ഗി​ച്ച് ഞ​ങ്ങ​ൾ നാ​ലു ക​സേ​ര​ക​ൾ വാ​ങ്ങി. അ​വ​യി​ൽ ര​ണ്ടെ​ണ്ണം ശ്രീ​ധ​ര​ന് കൊ​ടു​ത്തു. പി​ന്നീ​ട് ജോ​ലി കി​ട്ടി​പ്പോ​വു​ന്ന​തു​വ​രെ അ​തി​ലി​രു​ന്നാ​ണ് അ​വ​ൻ പ​ഠി​ച്ച​ത്. അ​വ​ൻ പോ​യ​പ്പോ​ഴാ​ണ് സൗ​ഹൃ​ദം എ​ത്ര മൂ​ല്യ​വ​ത്താ​ണെ​ന്നും ത​ൽ​ക്കാ​ല​ത്തേ​ക്കെ​ങ്കി​ലും ഇ​ല്ലാ​താ​വു​ന്ന എ​​ന്റെ ശൂ​ന്യ​ത​യു​ടെ ഭാ​രം എ​ന്താ​ണെ​ന്നും ഞാ​ന​റി​ഞ്ഞ​ത്. അ​ത് നി​ക​ത്തി​യ​ത് നി​ര​ന്ത​ര വാ​യ​ന​യി​ലൂ​ടെ​യാ​യി​രു​ന്നു. അ​വ​​ന്റെ വീ​ടും സ്​​ഥ​ല​വും, കൂ​ട്ടു​കു​ടും​ബ​ത്തി​ലെ ഒ​രം​ഗം വ​രു​ത്തി​യ സാ​മ്പ​ത്തി​ക ബാ​ധ്യ​തകാ​ര​ണം കോ​ട​തി ഉ​ത്ത​ര​വ​നു​സ​രി​ച്ച് മ​റ്റൊ​രാ​ൾ​ക്ക് പ​ണ​യ​മാ​യി മാ​റി​യി​രു​ന്നു. ശ​മ്പ​ളം കി​ട്ടി​ത്തു​ട​ങ്ങി​യ​പ്പോ​ൾ പ​ണം ഗ​ഡു​ക്ക​ളാ​യി കൊ​ടു​ത്ത് ശ്രീ​ധ​ര​ൻ സ്​​ഥ​ലം വീ​ണ്ടെ​ടു​ക്കു​ക​യാ​ണു​ണ്ടാ​യ​ത്. കോ​ഫി ബോ​ർ​ഡി​​ന്റെ കു​ട​ക് ഓ​ഫി​സി​ലാ​ണ് അ​വ​ന് ആ​ദ്യ​മാ​യി നി​യ​മ​നം കി​ട്ടു​ന്ന​ത്. പി​ന്നീ​ട് മാ​ന​ന്ത​വാ​ടി​യി​ലേ​ക്ക് മാ​റി. ശ്രീ​ധ​ര​​ന്റെ ക്ഷ​ണ​മ​നു​സ​രി​ച്ചാ​ണ് ഞാ​ൻ ആ​ദ്യ​മാ​യി കു​ട​കി​ലേ​ക്കും പി​ന്നെ വ​യ​നാ​ട്ടി​ലേ​ക്കും പോ​കു​ന്ന​ത്. എ​വി​ടെ​യാ​കു​മ്പോ​ഴും അ​വ​ൻ ആ​ദ്യ​മാ​യി അ​ന്വേ​ഷി​ക്കു​ക എ​​ന്റെ എ​ഴു​ത്തി​​ന്റെ വി​ശേ​ഷ​ങ്ങ​ളാ​ണ്. ക​ഥ​ക​ൾ വ​രു​ന്ന പ്ര​സി​ദ്ധീ​ക​ര​ണ​ത്തെ​ക്കു​റി​ച്ച​റി​യി​ച്ചാ​ൽ മ​തി. അ​വ​ന​ത് വാ​യി​ക്ക​ണ​മെ​ന്നി​ല്ല. പു​സ്​​ത​ക​ങ്ങ​ളു​ടെ ആ​ദ്യ​പ്ര​തി ഒ​പ്പി​ട്ട് അ​വ​ന് കൊ​ടു​ക്കാ​റു​ണ്ട്. അ​വ വാ​യി​ച്ചു​വെ​ന്ന് അ​വ​ൻ ഇ​തു​വ​രെ പ​റ​ഞ്ഞി​ട്ടി​ല്ല. ഞാ​ൻ ചോ​ദി​ച്ചി​ട്ടു​മി​ല്ല. എ​ന്നാ​ൽ 'ത​ക്ഷ​ൻ​കു​ന്ന് സ്വ​രൂ​പ'​ത്തി​​ന്റെ ആ​ദ്യ​പ്ര​തി അ​വ​ന് ഒ​പ്പി​ട്ടു​കൊ​ടു​ത്തു. പ​തി​വി​ന് വി​പ​രീ​ത​മാ​യി അ​വ​ൻ അ​തു വാ​യി​ച്ചു. മ​റ്റു​ള്ള​വ​രോ​ട് വാ​യി​ക്കാ​നും പ​റ​ഞ്ഞു. വ​യ​ലാ​ർ അ​വാ​ർ​ഡ് ല​ഭി​ച്ച​പ്പോ​ൾ നാ​ട്ടി​ലു​ള്ള മി​ക്ക ആ​ളു​ക​ളോ​ടും അ​വ​ൻ വി​ളി​ച്ച​റി​യി​ക്കു​ക​യു​ണ്ടാ​യി. അ​പ്പോ​ഴേ​ക്കും ശ്രീ​ധ​ര​ൻ ജോ​ലി​യി​ൽ​നി​ന്ന് വി​ര​മി​ച്ചു നാ​ട്ടി​ലെ​ത്തി​യി​രു​ന്നു. അ​വ​ൻ നാ​ട്ടി​ലെ​ത്തി​യ​പ്പോ​ഴാ​ണ് ജ​ന്മ​നാ​ട്ടി​ൽ ത​ന്നെ ഒ​രു വീ​ട് വെ​ക്കാ​നു​ള്ള താ​ൽ​പ​ര്യം എ​നി​ക്കു​ണ്ടാ​വു​ന്ന​ത്. ആ ​വീ​ടി​​ന്റെ ജോ​ലി​യി​ൽ എ​ന്നെ പൂ​ർ​ണ​മാ​യും സ​ഹാ​യി​ച്ച​തും ശ്രീ​ധ​ര​നാ​യി​രു​ന്നു. വീ​ട് പൂ​ർ​ത്തി​യാ​യ​പ്പോ​ൾ സ​ന്തോ​ഷി​ച്ച​തും അ​വ​ൻ ത​ന്നെ. ഞാ​ൻ വീ​ട്ടി​ലെ​ത്തു​മ്പോ​ൾ അ​പ്പോ​ൾ ത​ന്നെ എ​​ന്റെ അ​ടു​ത്തേ​ക്ക് വ​രും. അ​വ​ന് പ​റ​യാ​നു​ള്ള​ത് പ​റ​യും. ഞാ​നും അ​തേ​പോ​ലെ വാ​ചാ​ല​നാ​വും. എ​നി​ക്കേ​റെ​യും പ​റ​യാ​നു​ണ്ടാ​യ​ത് പ​ത്ര​ത്തെ​ക്കു​റി​ച്ചും സാ​ഹി​ത്യ​ത്തെ​ക്കു​റി​ച്ചും മാ​ത്ര​മാ​ണ്. അ​വ​ന​തി​ലൊ​ന്നി​ലും താ​ൽ​പ​ര്യ​മി​ല്ലെ​ങ്കി​ലും അ​തെ​ല്ലാം കേ​ട്ടി​രി​ക്കും. ഒ​രു​പ​ക്ഷേ, മ​റ്റാ​രു​മാ​യും പ​ങ്കു​വെ​ക്കാ​ൻ പാ​ടി​ല്ലാ​ത്ത വി​ഷ​യ​ങ്ങ​ൾ അ​ത​ല്ലെ​ങ്കി​ൽ മ​ന​സ്സി​നേ​റെ സ​മ്മ​ർ​ദ​മു​ണ്ടാ​ക്കു​ന്ന പ്ര​ശ്ന​ങ്ങ​ൾ അ​വ​നു​മാ​യി പ​ങ്കു​വെ​ക്കു​ന്ന​തി​ലൂ​ടെ എ​നി​ക്ക് ഏ​റെ സ​മാ​ശ്വാ​സ​മു​ള്ള​താ​യും തോ​ന്നി​യി​രു​ന്നു.

ഒ​രു​ പ്രാ​വ​ശ്യം നാ​ട്ടി​ൽ ചെ​ന്ന​പ്പോ​ൾ എ​​ന്റെ അ​ടു​ത്തേ​ക്ക് വ​ന്ന് അ​വ​ൻ പ​റ​ഞ്ഞു: ''ഇ​പ്പോ​ൾ എ​നി​ക്ക് മ​റ​വി വ​ള​രെ കൂ​ടു​ത​ലാ​ണ്. മി​നി​ഞ്ഞാ​ന്ന് പെ​ൻ​ഷ​ന് വാ​ങ്ങി​യ പ​ണം വീ​ട്ടി​ലെ​ത്തി​യ​പ്പോ​ൾ എ​വി​ടെ​യോ​ വെ​ച്ചുമ​റ​ന്നു. പി​ന്നെ ഒ​രി​ട​ത്തും ക​ണ്ടെ​ത്തി​യി​ല്ല. ഇ​ന്ന​ലെ ടീ​പ്പോ​യി​ന് മു​ക​ളി​ലെ ക​ട​ലാ​സി​ന​ടി​യി​ൽ​നി​ന്നു​മാ​ണ് അ​ത് ക​ണ്ടെ​ടു​ത്ത​ത്. വ​ല്ലാ​ത്തൊ​രു മ​റ​വി​ത​ന്നെ.''

സ്വാ​ഭാ​വി​ക​മാ​യ മ​റ​വി​യാ​ണ് അ​തെ​ന്ന് ഞാ​ൻ ക​രു​തി. ബു​ദ്ധി​മാ​ന്മാ​ർ​ക്ക് ഇ​ത്ത​ര​ത്തി​ലു​ള്ള മ​റ​വി​ക​ൾ കൂ​ടു​ത​ലാ​ണെ​ന്ന് കേ​ട്ടി​രു​ന്നു. എ​ന്നാ​ൽ പി​ന്നീ​ടൊ​രി​ക്ക​ൽ നാ​ട്ടി​ൽ ചെ​ന്ന​പ്പോ​ൾ അ​വ​ൻ മ​റ്റൊ​രു മ​റ​വി​യെ​ക്കു​റി​ച്ചാ​ണ് പ​റ​ഞ്ഞ​ത്. മ​ക്ക​ളു​ടെ പേ​രു​ക​ൾ ഇ​ട​ക്ക് മ​റ​ന്നു​പോ​വു​ന്നു. അ​തെ​ന്നെ ഉ​ത്ക​ണ്ഠ​പ്പെ​ടു​ത്തി. അ​ത്ര നി​സ്സാ​ര​മ​ല്ല കൂ​ടെ​ക്കൂ​ടെ ഉ​ണ്ടാ​വു​ന്ന മ​റ​വി​യെ​ന്ന് എ​നി​ക്ക് തോ​ന്നി. ഇ​ക്കാ​ര്യം ശ്രീ​ധ​ര​​ന്റെ ഭാ​ര്യ​യോ​ട് ഞാ​ൻ ചെ​റു​താ​യൊ​ന്നു സൂ​ചി​പ്പി​ക്കു​ക​യും ചെ​യ്തു. കു​റ​ച്ചു ദി​വ​സം ക​ഴി​ഞ്ഞ​പ്പോ​ൾ പെ​ട്ടെ​ന്നൊ​രു​നാ​ൾ ശ്രീ​ധ​ര​െ​ൻ​റ അ​നു​ജ​ൻ വി​ളി​ച്ചു പ​റ​ഞ്ഞു:

''ഏ​ട്ട​നെ ആ​ശു​പ​ത്രി​യി​ലാ​ക്കി​യി​രി​ക്കു​ന്നു. കാ​ല​ത്ത് മു​ത​ൽ മു​റി​യി​ലാ​കെ ഫി​നോ​യി​ലി​​ന്റെ മ​ണ​മു​ണ്ടെ​ന്ന് പ​റ​യു​ന്നു​ണ്ടാ​യി​രു​ന്നു. മു​റി​യി​ൽ ഫി​നോ​യി​ൽ ഉ​പ​യോ​ഗി​ച്ചി​രു​ന്നി​ല്ല. അ​തു ക​ഴി​ഞ്ഞ​പ്പോ​ൾ ബോ​ധ​ക്ഷ​യ​വു​മു​ണ്ടാ​യി. അ​താ​ണ് ആ​ശു​പ​ത്രി​യി​ലാ​ക്കാ​ൻ കാ​ര​ണം.''

അ​തു കേ​ട്ട​പ്പോ​ൾ പെ​ട്ടെ​ന്നെ​നി​ക്ക് ഭീ​തി​യാ​ണ് തോ​ന്നി​യ​ത്. അ​തി​​ന്റെ കാ​ര​ണം സി.​ജെ. തോ​മ​സി​​ന്റെ മ​ര​ണ​ത്തെ​ക്കു​റി​ച്ച് എ​ൻ.​പി. മു​ഹ​മ്മ​ദ് മു​മ്പു പ​റ​ഞ്ഞ ഒ​രു കാ​ര്യം ഓ​ർ​മ​യി​ൽ വ​ന്ന​താ​ണ്. സി.​ജെ. തോ​മ​സ്​ മ​സ്​​തി​ഷ്കാ​ർ​ബു​ദം ബാ​ധി​ച്ചാ​ണ് മ​രി​ച്ച​ത്. മ​ര​ണ​ത്തി​ന് കു​റേ നാ​ൾ മു​മ്പ് എ​വി​ടെ​യോ നി​ന്ന് മ​ണ്ണെ​ണ്ണ​യു​ടെ ഗ​ന്ധം മൂ​ക്കി​ലേ​ക്ക​ടി​ച്ചു​ക​യ​റി​യെ​ന്നു തോ​ന്നി​യ​േ​ത്ര. അ​വി​ടെ​യൊ​ന്നും ഒ​രു തു​ള്ളി മ​ണ്ണെ​ണ്ണ ഉ​ണ്ടാ​യി​രു​ന്നി​ല്ല. മ​സ്​​തി​ഷ്ക​ത്തി​ന് അ​ർ​ബു​ദം ബാ​ധി​ച്ചാ​ൽ ചി​ല​പ്പോ​ൾ പ​ല​ത​രം ഗ​ന്ധ​ങ്ങ​ൾ അ​നു​ഭ​വ​പ്പെ​ടു​മെ​ന്നും എ​ൻ.​പി സൂ​ചി​പ്പി​ച്ചു. എ​​ന്റെ സു​ഹൃ​ത്തി​നും അ​തേ അ​വ​സ്​​ഥ ത​ന്നെ​യാ​യി​രി​ക്കു​മോ എ​ന്ന ആ​ശ​ങ്ക​യാ​ണ് എ​ന്നി​ലേ​ക്ക് ക​ട​ന്നു​വ​ന്ന​ത്. പി​ന്നീ​ട് മ​റ്റൊ​രു പ്ര​മു​ഖ ആ​ശു​പ​ത്രി​യി​ൽ കൂ​ട്ടു​കാ​ര​നെ പ്ര​വേ​ശി​പ്പി​ച്ച​പ്പോ​ൾ അ​വ​ർ അ​ത് സ്​​ഥി​രീ​ക​രി​ക്കു​ക​യും ചെ​യ്തു.

ശ്രീ​ധ​ര​​ന്റെ ആ​രോ​ഗ്യ​സ്​​ഥി​തി കൂ​ടു​ത​ൽ മോ​ശ​മാ​വു​ക​യാ​യി​രു​ന്നു. ത​ല​ക്ക് ശ​സ്​​ത്ര​ക്രി​യ ചെ​യ്തി​ട്ടും വ​ലി​യ മാ​റ്റ​മു​ണ്ടാ​യി​ല്ല. ഞാ​ൻ നാ​ട്ടി​ലെ​ത്തു​മ്പോ​ൾ എ​ന്നെ ക​ണ്ട​യു​ട​നെ വാ​ചാ​ല​നാ​വു​മാ​യി​രു​ന്ന സു​ഹൃ​ത്ത് പി​ന്നെ പി​ന്നെ മൗ​ന​ത്തി​ലേ​ക്ക് പോ​വു​ന്ന​താ​ണ് ക​ണ്ട​ത്. എ​ത്ര പെ​ട്ടെ​ന്നാ​ണ് രോ​ഗം ഒ​രാ​ളു​ടെ അ​വ​സ്​​ഥ​യെ മാ​റി​മ​റി​ക്കു​ന്ന​ത്? ഒ​ട്ടും താ​ൽ​പ​ര്യ​മി​ല്ലാ​തി​രു​ന്നി​ട്ടും, എ​​ന്റെ സ​ന്തോ​ഷ​ത്തി​നു വേ​ണ്ടി എ​​ന്റെ ഏ​റ്റ​വും ന​ല്ല േശ്രാ​താ​വാ​യി മാ​റി​യ ഒ​രു കൂ​ട്ടു​കാ​ര​ൻ. എ​​ന്റെ പൊ​റു​തി​കേ​ടു​ക​ളെ​ല്ലാം ഒ​രു മ​റ​യും കൂ​ടാ​തെ പ​റ​യാ​ൻ ക​ഴി​യു​ന്ന ഒ​രു കൂ​ട്ടു​കാ​ര​ൻ. അ​വ​​ന്റെ മൗ​നം ക​ണ്ടു​ക​ണ്ടി​രി​ക്കെ ഞാ​ൻ അ​നു​ഭ​വി​ച്ചി​രു​ന്ന ഇ​ത്ത​രം സ്വാ​സ്​​ഥ്യ​ങ്ങ​ൾ എ​നി​ക്ക് എ​ന്നെ​ന്നേ​ക്കു​മാ​യി ന​ഷ്​​ട​പ്പെ​ടു​ക​യാ​ണെ​ന്ന് മ​ന​സ്സി​ലാ​യി. വി​ശ്വ​സി​ക്കാ​ൻ ക​ഴി​യു​ന്ന ഒ​രു സു​ഹൃ​ത്ത് ന​ഷ്​​ട​പ്പെ​ടു​ന്നു. എ​​ന്റെ അ​ക്ഷ​ര​യാ​ത്ര​യി​ൽ എ​നി​ക്ക് ത​ന്ന ക​രു​ത്തു​റ്റ ബ​ല​മാ​യി നി​ന്നി​രു​ന്ന ഒ​രു ച​ങ്ങാ​തി.

ആ​ർ.​വി. കു​മാ​ര​ൻ

ആ​ർ.​വി എ​ന്ന ആ​ർ.​വി. കു​മാ​ര​നെ പി​ൽ​ക്കാ​ല​ത്ത് കാ​ണു​മ്പോ​ഴൊ​ക്കെ ഞാ​ൻ ത​മാ​ശ​യോ​ടെ ഓ​ർ​ക്കാ​റു​ള്ള ഒ​രു കാ​ര്യ​മു​ണ്ട്. എ​​ന്റെ ഒ​രു ക​ഥ വേ​ണ​മെ​ന്നാ​വ​ശ്യ​പ്പെ​ട്ട് ആ​ദ്യ​മാ​യി എ​ന്നെ സ​മീ​പി​ച്ച 'പ​ത്രാ​ധി​പ​ർ'. ഞാ​ൻ ഒ​മ്പ​താം ക്ലാ​സി​ൽ പ​ഠി​ക്കു​മ്പോ​ഴാ​ണ് എ​ട്ടാം ക്ലാ​സി​ൽ പ​ഠി​ക്കു​ന്ന ആ​ർ.​വി. കു​മാ​ര​ൻ എ​ന്ന വി​ദ്യാ​ർ​ഥി ഒ​രു ക​ഥ വേ​ണ​മെ​ന്നാ​വ​ശ്യ​പ്പെ​ട്ട് സ​മീ​പി​ക്കു​ന്ന​ത്. നാ​ട്ടി​ലെ ഒ​രു കൈ​യെ​ഴു​ത്തു മാ​സി​ക​യു​ടെ പ​ത്രാ​ധി​പ​രാ​ണ​േ​ത്ര അ​വ​ൻ. ആ​ർ.​വി. കു​മാ​ര​നും ശ്രീ​ധ​ര​നും ഒ​രേ ക്ലാ​സി​ലാ​ണ് പ​ഠി​ക്കു​ന്ന​ത്. ഞാ​നെ​ന്തൊ​ക്കെ​യോ കു​ത്തി​ക്കു​റി​ക്കാ​റു​ണ്ടെ​ന്നും, അ​ത് ക​ഥ​യാ​യി​രി​ക്കു​മെ​ന്നും ക​രു​തി ശ്രീ​ധ​ര​നാ​ണ് ഞാ​ൻ ക​ഥ എ​ഴു​താ​റു​ള്ള കാ​ര്യം ആ​ർ.​വി​യോ​ട് പ​റ​ഞ്ഞ​ത്. അ​വ​രു​ടെ മു​മ്പി​ൽ വ​ലി​യൊ​രു എ​ഴു​ത്തു​കാ​ര​നാ​യി മാ​റി​യി​രു​ന്നു. അ​വ​​ന്റെ ആ​വ​ശ്യം നി​രാ​ക​രി​ക്കാ​ൻ തു​നി​ഞ്ഞി​ല്ല. ഞാ​ൻ എ​ഴു​തി​യ എ​ന്തോ ഒ​ന്ന് കൈ​യെ​ഴു​ത്തു മാ​സി​ക​യി​ൽ ചേ​ർ​ക്കാ​ൻ കൊ​ടു​ത്തു. ആ​ർ.​വി​യും ഞാ​നും ത​മ്മി​ലു​ള്ള സൗ​ഹൃ​ദം അ​ന്നു തു​ട​ങ്ങി​യ​താ​ണ്. ക​ല​യോ​ടും സാ​ഹി​ത്യ​ത്തോ​ടും വ​ള​രെ താ​ൽ​പ​ര്യ​മു​ള്ള ഒ​രാ​ളാ​ണ് അ​വ​നെ​ന്ന് ഞാ​ൻ മ​ന​സ്സി​ലാ​ക്കി. അ​ത്ര​യൊ​ന്നും ത​മാ​ശ വ​ഴ​ങ്ങാ​ത്ത എ​ന്നോ​ട് കൂ​ടെ​ക്കൂ​ടെ അ​വ​ൻ ത​മാ​ശ പ​റ​ഞ്ഞു​കൊ​ണ്ടി​രു​ന്നു. തി​ക്കോ​ടി​ക്ക​ടു​ത്ത് ന​ന്തി​യി​ലാ​ണ് അ​വ​​ന്റെ വീ​ട്. വീ​ട്ടി​ൽ അ​മ്മ​യും മ​ക​നും മാ​ത്രം. അ​മ്മ രാ​ത്രി​യും പ​ക​ലും ചൂ​ടി പി​രി​ച്ചു ജീ​വി​തം പു​ല​ർ​ത്തു​ന്നു. ജീ​വി​ത​ത്തി​ൽ ഒ​രു​പാ​ട് പ്രാ​ര​ബ്ധ​ങ്ങ​ളും ഇ​ല്ലാ​യ്മ​ക​ളും ഉ​ണ്ടാ​യി​ട്ടും അ​തൊ​ന്നും ഗൗ​നി​ക്കാ​തെ പു​സ്​​ത​ക​വാ​യ​ന​യി​ലൂ​ടെ ത​​ന്റെ ശൂ​ന്യ​ത​യെ മ​റ​ക്കാൻ അ​വ​ൻ ശ്ര​മി​ക്കു​ക​യാ​ണ്. എ​​ന്റെ അ​ടു​ത്ത സു​ഹൃ​ത്തു​ക്ക​ളി​ൽ ഒ​രാ​ളാ​യ​തോ​ടെ അ​വ​ൻ എ​​ന്റെ വീ​ട്ടി​ലും വ​ന്നു​തു​ട​ങ്ങി. അ​മ്മ​ക്കും അ​ച്ഛ​നും അ​വ​നെ ഇ​ഷ്​​ട​മാ​യി​രു​ന്നു. ശ്രീ​ധ​ര​നെ​പ്പോ​ലെ​ത്ത​ന്നെ അ​വ​ർ അ​വ​നെ​യും ക​രു​തി. അ​മ്മ​യും അ​വ​നെ വി​ളി​ച്ച​ത് ആ​ർ.​വി എ​ന്നാ​യി​രു​ന്നു. അ​വ​നും ഞ​ങ്ങ​ളു​ടെ വീ​ട്ടി​ലെ ഒ​രം​ഗ​മാ​യി. സാ​മ്പ​ത്തി​ക ബു​ദ്ധി​മു​ട്ടു കാ​ര​ണം പ​ത്താം ക്ലാ​സി​ന​പ്പു​റം പോ​കാ​ൻ ആ​ർ.​വി​ക്ക് ക​ഴി​ഞ്ഞി​ല്ല. നാ​ട്ടി​ലെ രാ​ഷ്ട്രീ​യ സാം​സ്​​കാ​രി​ക മേ​ഖ​ല​യി​ൽ അ​വ​ൻ സ​ജീ​വ​മാ​യി​ത്തു​ട​ങ്ങി. ഞാ​ൻ കോ​ള​ജി​ൽ ചേ​ർ​ന്നി​ട്ടും അ​വ​നു​മാ​യു​ള്ള ബ​ന്ധം തു​ട​ർ​ന്നു​കൊ​ണ്ടേ​യി​രു​ന്നു. ആ​ഴ്ച​യു​ടെ അ​വ​സാ​നം നാ​ട്ടി​ൽ വ​രു​മ്പോ​ൾ ചി​ല ദി​വ​സ​ങ്ങ​ളി​ൽ അ​വ​​ന്റെ വീ​ട്ടി​ലേ​ക്ക് പോ​കും. തൊ​ട്ട​പ്പു​റ​ത്തു​ള്ള ക​ട​പ്പു​റ​ത്തേ​ക്ക് കൂ​ട്ടി​ക്കൊ​ണ്ടു​പോ​യി എ​​ന്റെ ക​ഥ​ക​ൾ വാ​യി​പ്പി​ക്കും. ക​ഥ മോ​ശ​മാ​ണെ​ങ്കി​ൽ പ​റ​യും, ''അ​തു കീ​റി ക​ട​ലി​ലെ​റി​ഞ്ഞേ​ക്ക്.'' ന​ന്നെ​ങ്കി​ൽ പ​റ​യും, ''ന​മു​ക്ക് ക​ട​ൽ​ക്കാ​റ്റി​ൽ ആ​കാ​ശ​ത്തേ​ക്ക് പ​റ​ത്തി​വി​ട​ണം.''

പി​ന്നീ​ട് ഞാ​ൻ പ​ത്ര​പ്ര​വ​ർ​ത്ത​ക​നാ​യ​പ്പോ​ഴാ​ണ് ഞാ​നും ആ​ർ.​വി​യും എ​​ന്റെ സ​ഹോ​ദ​ര​നും ചേ​ർ​ന്ന് വ​ട​ക​ര​യി​ൽ പു​സ്​​ത​ക​ശാ​ല ആ​രം​ഭി​ച്ച​ത്. പു​ന​ത്തി​ൽ കു​ഞ്ഞ​ബ്ദു​ള്ള ഈ ​സം​രം​ഭ​ത്തി​ൽ ഞ​ങ്ങ​ളെ സ​ഹാ​യി​ച്ചി​രു​ന്നു. ആ​ർ.​വി​യാ​യി​രു​ന്നു പു​സ്​​ത​ക​ശാ​ല മാ​നേ​ജ​ർ. പു​സ്​​ത​ക​ശാ​ല ന​ല്ല നി​ല​യി​ൽ പ്ര​വ​ർ​ത്തി​ക്കാ​ൻ തു​ട​ങ്ങി. അ​തി​നി​ട​യി​ലാ​ണ് കോ​ഴി​ക്കോ​ട്ടെ പി.​കെ ബ്ര​ദേ​ഴ്സി​ന്റെ ആ​ഭി​മു​ഖ്യ​ത്തി​ൽ അ​ക്ബ​ർ ക​ക്ക​ട്ടി​ലും ഹാ​ഫി​സ്​ മു​ഹ​മ്മ​ദും ചേ​ർ​ന്ന് മ​ല​യാ​ളം പ​ബ്ലി​ക്കേ​ഷ​ൻ​സ്​ ആ​രം​ഭി​ക്കു​ന്ന​ത്. പു​തി​യ ക​ഥാ​കൃ​ത്തു​ക്ക​ളു​ടെ ര​ച​ന​ക​ൾ ഉ​ൾ​പ്പെ​ടു​ത്തി 'പ്ര​തി​ഭാ​സം​ഗ​മം' എ​ന്ന പേ​രി​ൽ സി.​എ​ച്ച്. ഹ​രി​ദാ​സ്​ ഒ​രു ക​ഥാ​സ​മാ​ഹാ​രം പ്ര​സി​ദ്ധ​പ്പെ​ടു​ത്താ​ൻ തീ​രു​മാ​നി​ച്ചി​രി​ക്കു​ന്നു. അ​തി​​ന്റെ ത​യാ​റെ​ടു​പ്പു​ക​ൾ മു​ഴു​വ​ൻ പൂ​ർ​ത്തി​യാ​യി. അ​തി​നി​ട​യി​ലാ​ണ് സി.​എ​ച്ച്. ഹ​രി​ദാ​സ്​ അ​കാ​ല​ത്തി​ൽ മ​ര​ണ​മ​ട​യു​ന്ന​ത്. 'പ്ര​തി​ഭാ​സം​ഗ​മ'​ത്തി​ലെ പ്ര​സാ​ധ​ന ഉ​ത്ത​ര​വാ​ദി​ത്തം അ​ക്ബ​ർ ക​ക്ക​ട്ടി​ലും ഹാ​ഫി​സും ഏ​റ്റെ​ടു​ക്കു​ക​യാ​ണ്. അ​വ​ർ​ക്ക് കാ​ര്യ​പ്രാ​പ്തി​യു​ള്ള ആ​ർ.​വി​യെ വി​ട്ടു​കൊ​ടു​ക്കാ​മോ എ​ന്ന് അ​ക്ബ​ർ എ​ന്നോ​ട് അ​ന്വേ​ഷി​ച്ചു. ആ​ർ.​വി​ക്കും ഭാ​വി​യി​ൽ പു​തി​യ മേ​ഖ​ല ന​ന്നാ​യി​രി​ക്കു​മെ​ന്ന് ക​രു​തി ഞാ​നും സ​മ്മ​തം കൊ​ടു​ത്തു. മ​ല​യാ​ളം പ​ബ്ലി​ക്കേ​ഷ​ൻ​സ്​ ധാ​രാ​ളം ന​ല്ല പു​സ്​​ത​ക​ങ്ങ​ൾ പു​റ​ത്തി​റ​ക്കി. ലോ​ക​സാ​ഹി​ത്യ​ത്തി​ൽ ത​ന്നെ വി​സ്​​മ​യ​മാ​യ 'പെേ​ഡ്രാ​പ​രാ​മ' അ​ട​ക്ക​മു​ള്ള വ്യ​ത്യ​സ്​​ത​ങ്ങ​ളാ​യ പു​സ്​​ത​ക​ങ്ങ​ൾ മ​ല​യാ​ളം പ​ബ്ലി​ക്കേ​ഷ​ൻ​സിേ​ന്റ​താ​യി​ട്ടു​ണ്ട്. പു​സ്​​ത​ക​പ്ര​സാ​ധ​ന​ത്തി​​ന്റെ സൗ​ന്ദ​ര്യ​പ​ര​മാ​യ അം​ശ​ങ്ങ​ൾ കൃ​ത്യ​മാ​യി പാ​ലി​ച്ചു​ത​ന്നെ അ​തി​​ന്റെ വി​പ​ണ​ന​സാ​ധ്യ​ത വ​ർ​ധി​പ്പി​ക്കാ​നും ആ​ർ.​വി ഏ​റെ ശ്ര​ദ്ധി​ച്ചി​രു​ന്നു. മ​ല​യാ​ള​ത്തി​ലെ പ്ര​മു​ഖ എ​ഴു​ത്തു​കാ​ർ ത​മ്മി​ലും ആ​ർ.​വി ന​ല്ല സൗ​ഹൃ​ദം പു​ല​ർ​ത്തി. അ​തി​നി​ട​യി​ൽ വ്യ​ക്തി​ജീ​വി​ത​ത്തി​ലു​ണ്ടാ​യ ദു​ര​ന്ത​ങ്ങ​ൾ അ​വ​നെ വ​ല്ലാ​തെ അ​സ്വ​സ്​​ഥ​നാ​ക്കി. അ​മ്മ​യു​ടെ ആ​ക​സ്​​മി​ക​മാ​യ മ​ര​ണ​വും മ​ക​​ന്റെ മാ​ന​സി​ക​രോ​ഗ​വും തു​ട​ർ​ന്നു​ള്ള ആ​ത്മ​ഹ​ത്യ​യും ആ​ർ.​വി​യു​ടെ ജീ​വി​ത​ത്തി​ലെ ദു​ര​ന്താ​നു​ഭ​വ​ങ്ങ​ളാ​യി​രു​ന്നു. എ​ല്ലാ കാ​ര്യ​ങ്ങ​ളെ​യും ത​മാ​ശ​യോ​ടെ ക​ണ്ടി​രു​ന്ന എ​​ന്റെ കൂ​ട്ടു​കാ​ര​ൻ പെ​ട്ടെ​ന്നു​ത​ന്നെ ഗൗ​ര​വ​ക്കാ​ര​നാ​യി. പു​സ്​​ത​ക​വാ​യ​ന​ക്കും പ​ഴ​യ ശീ​ല​ങ്ങ​ളി​ലേ​ക്ക് അ​വ​നെ തി​രി​ച്ചു​കൊ​ണ്ടു​വ​രാ​ൻ ക​ഴി​ഞ്ഞി​ല്ല. അ​തി​നി​ടെ ശ്വാ​സ​കോ​ശ​സം​ബ​ന്ധ​മാ​യ രോ​ഗ​വും അ​വ​നെ ബാ​ധി​ച്ചി​രു​ന്നു. പ​രി​ശോ​ധി​ച്ച ഡോ​ക്ട​ർ, ഏ​ത​വ​സ​ര​ത്തി​ലും ഒ​ടു​ങ്ങാ​ൻ ഇ​ട​യു​ള്ള ത​​ന്റെ ജീ​വി​ത​ത്തെ​ക്കു​റി​ച്ചു​ള്ള മു​ന്ന​റി​യി​പ്പും അ​വ​ന് കൊ​ടു​ത്തു. പി​ന്നീ​ട് ഞാ​ൻ കാ​ണു​മ്പോ​ഴൊ​ക്കെ ഒ​രു ദീ​ർ​ഘ​യാ​ത്ര​ക്ക് വേ​ണ്ടി​യു​ള്ള ത​യാ​റെ​ടു​പ്പു​ക​ൾ എ​ടു​ത്ത ഒ​രാ​ളു​ടെ ഭാ​വ​ത്തി​ലാ​യി​രു​ന്നു അ​വ​ൻ. എ​​ന്റെ ര​ച​ന​ക​ൾ ആ​നു​കാ​ലി​ക​ങ്ങ​ളി​ൽ വ​രു​മ്പോ​ഴും എ​​ന്റെ പു​തി​യ പു​സ്​​ത​ക​ങ്ങ​ളെ​ക്കു​റി​ച്ച് സം​സാ​രി​ക്കു​മ്പോ​ഴും ആ​ദ്യ​മാ​യി എ​ന്നോ​ട് ക​ഥ ചോ​ദി​ച്ച പ​ത്രാ​ധി​പ​രെ തൊ​ട്ടു​കാ​ണി​ച്ച് ഞാ​ൻ പ​റ​യു​മ്പോ​ൾ മു​മ്പ​ത്തെ​പ്പോ​ലെ ത​മാ​ശ​യോ​ടെ ചി​രി​ക്കാ​ൻ അ​വ​ൻ മ​റ​ന്നു​പോ​യി. ഒ​രു​ത​രം നി​ർ​വി​കാ​ര​ത​യു​ടെ ത​ല​ത്തി​ൽ അ​വ​ൻ എ​ത്തി​യി​രു​ന്നു. എ​​ന്റെ അ​ക്ഷ​ര​യാ​ത്ര​യി​ൽ എ​ന്നെ നി​ര​ന്ത​രം േപ്രാ​ത്സാ​ഹി​പ്പി​ച്ച ആ​ർ.​വി എ​ന്ന സു​ഹൃ​ത്ത് അ​ഗാ​ധ​മാ​യ മൗ​ന​ത്തി​ലേ​ക്ക് പോ​വു​ക​യാ​ണെ​ന്ന ക​ടു​ത്ത യാ​ഥാ​ർ​ഥ്യം ഞാ​ൻ ദുഃ​ഖ​ത്തോ​ടെ തി​രി​ച്ച​റി​ഞ്ഞു.

ടി.​വി. കൊ​ച്ചു​ബാ​വ

ഒ​രു കാ​റ്റു​പോ​ലെ അ​തി​വേ​ഗ​ത​യി​ലാ​ണ് മ​ധ്യാ​ഹ്നം ക​ഴി​ഞ്ഞു​ള്ള ഒ​രു​ദി​വ​സം അ​വ​ൻ വാ​രി​ക​യു​ടെ ഓ​ഫി​സി​ലേ​ക്ക് വ​ന്ന​തെ​ന്ന് ഞാ​ൻ തി​രി​ച്ച​റി​യു​ന്നു. ഞാ​ന​പ്പോ​ൾ ആ ​ആ​ഴ്ച പു​റ​ത്തി​റ​ങ്ങേ​ണ്ട വാ​രി​ക​യു​ടെ ലേ​ഔ​ട്ട് വ​ര​ച്ചു​കൊ​ണ്ടി​രി​ക്കു​ക​യാ​യി​രു​ന്നു. അ​വി​ടെ അ​പ്പോ​ൾ ഞാ​ൻ മാ​ത്ര​മേ ഉ​ണ്ടാ​യി​രു​ന്നു​ള്ളൂ. മെ​ലി​ഞ്ഞു പൊ​ക്കം കൂ​ടി അ​ൽ​പം മു​മ്പോ​ട്ടേ​ക്ക് വ​ള​ഞ്ഞ അ​വ​ൻ നേ​രെ മേ​ശ​ക്ക​ടു​ത്തേ​ക്ക് വ​ന്ന് മു​ഴ​ക്ക​മു​ള്ള ശ​ബ്ദ​ത്തി​ൽ സ്വ​യം പ​രി​ച​യ​പ്പെ​ടു​ത്തി. ''ഞാ​ൻ ടി.​വി. കൊ​ച്ചു​ബാ​വ.''

വാ​യി​ച്ചു ഏ​റെ പ​രി​ചി​ത​നാ​യ ഞാ​ൻ ആ​ളെ മാ​ത്രം ക​ണ്ടി​രു​ന്നി​ല്ല. കൊ​ച്ചു​ബാ​വ​ക്ക് മാ​തൃ​ഭൂ​മി വി​ഷു​പ്പ​തി​പ്പി​ന് സ​മ്മാ​നം കി​ട്ടി​യ ക​ഥ തൊ​ട്ട് എ​ല്ലാം ഞാ​ൻ വാ​യി​ച്ചി​ട്ടു​ണ്ട്. ബാ​ല​പം​ക്തി​യി​ൽ ഒ​രു​കാ​ല​ത്ത് കൊ​ച്ചു​ബാ​വ നി​റ​ഞ്ഞു​നി​ന്നി​രു​ന്നു. അ​ക്ബ​ർ ക​ക്ക​ട്ടി​ൽ, ഹി​ര​ണ്യ​ൻ, എ​ൻ.​ടി. ബാ​ല​ച​ന്ദ്ര​ൻ എ​ന്നി​വ​രും അ​ക്കാ​ല​ത്ത് മാ​തൃ​ഭൂ​മി​യി​ൽ പ​തി​വാ​യി എ​ഴു​തി​യി​രു​ന്നു. ബാ​ല​പം​ക്തി​യി​ലൊ​ന്നും ഞാ​ൻ എ​ഴു​തി​യി​രു​ന്നി​ല്ലെ​ങ്കി​ലും അ​വ​യെ​ല്ലാം മു​ട​ങ്ങാ​തെ വാ​യി​ക്കു​മാ​യി​രു​ന്നു. ടി.​വി.​ കൊ​ച്ചു​ബാ​വ​യു​മാ​യി അ​ന്നു തു​ട​ങ്ങി​യ സൗ​ഹൃ​ദ​മാ​ണ്. അ​കാ​ല​ത്ത് അ​വ​ൻ മ​റ​ഞ്ഞു​പോ​കു​ന്ന​തു​വ​രെ സൗ​ഹൃ​ദം ഒ​രേ​ത​രം ഊ​ഷ്മ​ള​ത​യോ​ടെ ഞ​ങ്ങ​ളെ ബ​ന്ധി​പ്പി​ച്ചു​കൊ​ണ്ടി​രു​ന്നു. പ​ല​രു​മാ​യി പെ​ട്ടെ​ന്നു പി​ണ​ങ്ങു​ന്ന ഒ​രു സ്വ​ഭാ​വ സ​വി​ശേ​ഷ​ത അ​വ​നു​ണ്ടാ​യി​രു​ന്നു. ആ​രു​ടെ​യും ഔ​ന്ന​ത്യം പെ​ട്ടെ​ന്ന​വ​ൻ അം​ഗീ​ക​രി​ക്കു​ക​യു​മി​ല്ല. ദ​ശ​ക​ങ്ങ​ൾ നീ​ണ്ട ഞ​ങ്ങ​ളു​ടെ സൗ​ഹൃ​ദ​ത്തി​നി​ട​യി​ൽ ഒ​രി​ക്ക​ൽ​പോ​ലും മു​റി​വേ​ൽ​ക്കു​ന്ന ഒ​രു വാ​ക്കും ഞ​ങ്ങ​ൾ​ക്കി​ട​യി​ൽ ഉ​യ​രു​ക​യു​ണ്ടാ​യി​ല്ല. ആ​രു​ടെ മു​മ്പി​ലും ഔ​ന്ന​ത്യം കാ​ണി​ക്കാ​ൻ ഞാ​നി​ഷ്​​ട​പ്പെ​ടാ​ത്ത​തു​കൊ​ണ്ടാ​ക​ണം, അ​തി​നെ​ച്ചൊ​ല്ലി​യും അ​വ​ന് ഈ​ർ​ഷ്യ തോ​ന്നേ​ണ്ട കാ​ര്യ​മു​ണ്ടാ​യി​ല്ല. അ​വ​നെ​ന്തെ​ഴു​തു​മ്പോ​ഴും ആ​ദ്യ​മാ​യി എ​ന്നെ വാ​യി​ച്ചു​കേ​ൾ​പ്പി​ക്കു​ന്ന ശീ​ലം ഉ​ണ്ടാ​യി​രു​ന്നു. ര​ച​ന​ക​ളെ​ക്കു​റി​ച്ച് എ​ന്ത​ഭി​പ്രാ​യം പ​റ​ഞ്ഞാ​ലും അ​വ​ന​ത് സ്വീ​കാ​ര്യ​മാ​വും. എ​ന്നാ​ൽ അ​തി​ൽ യു​ക്തി ഉ​ണ്ടാ​യി​രി​ക്ക​ണ​മെ​ന്ന് മാ​ത്രം. ര​ച​ന​യെ​ക്കു​റി​ച്ച് മോ​ശം പ​രാ​മ​ർ​ശം ന​ട​ത്തു​ന്ന​തി​ൽ പ​രി​ഭ​വം ഒ​ട്ടു​മേ ഉ​ണ്ടാ​യി​രു​ന്നി​ല്ല. അ​തേ​സ​മ​യം അ​വ​ഗ​ണി​ക്ക​പ്പെ​ടു​ന്ന​ത് അ​വ​ന് ഇ​ഷ്​​ട​മാ​യ കാ​ര്യ​മാ​യി​രു​ന്നി​ല്ല. ഞാ​നെ​ഴു​തു​ന്ന​ത് ആ​രെ​യും കാ​ണി​ക്കു​ന്ന ശീ​ലം എ​നി​ക്കി​ല്ലാ​ത്ത​തു​കൊ​ണ്ട് ബാ​വ​യെ​യും കാ​ണി​ച്ചി​രു​ന്നി​ല്ല. അ​ച്ച​ടി​ച്ച എ​​ന്റെ ര​ച​ന ഇ​ഷ്​​ട​പ്പെ​ട്ടി​ല്ലെ​ങ്കി​ൽ പാ​തി​രാ​ത്രി​യാ​യാ​ൽ​പ്പോ​ലും ബാ​വ വി​ളി​ച്ചു​പ​റ​യും: ''യു.​കെ, നി​ങ്ങ​ളെ​ക്കു​റി​ച്ച് വാ​യ​ന​ക്കാ​ർ​ക്ക് ചി​ല ധാ​ര​ണ​ക​ളു​ണ്ട്. ദ​യ​വു​ചെ​യ്ത് അ​ത് ന​ശി​പ്പി​ക്ക​രു​ത്.'' അ​പ്പോ​ൾ ഞാ​ൻ ആ​ലോ​ചി​ക്കും, ആ ​ര​ച​ന​ക്ക് എ​വി​ടെ​യാ​ണ് കു​ഴ​പ്പം സം​ഭ​വി​ച്ച​ത്? ര​ച​ന ഇ​ഷ്​​ട​പ്പെ​ട്ടാ​ൽ ബാ​വ ആ​ഹ്ലാ​ദ​ത്തോ​ടെ ചോ​ദി​ക്കും. ''യു.​കെ, തി​ര​ക്കി​നി​ട​യി​ൽ നി​ങ്ങ​ൾ​ക്ക് എ​ങ്ങ​നെ​യാ​ണ് ഇ​ങ്ങ​നെ എ​ഴു​താ​ൻ ക​ഴി​യു​ന്ന​ത്? വ​ല്ലാ​ത്തൊ​രു മ​നു​ഷ്യ​ൻ ത​ന്നെ.'' എ​​ന്റെ എ​ഴു​ത്തി​​ന്റെ ലോ​ക​ത്ത് ഏ​റ്റ​വും ന​ല്ല സ​ർ​ഗാ​ത്മ​ക​സൗ​ഹൃ​ദം എ​നി​ക്ക് സ​മ്മാ​നി​ച്ച അ​ക്ഷ​ര​സു​ഹൃ​ത്താ​യി​രു​ന്നു കൊ​ച്ചു​ബാ​വ.

ഒ​രു പു​ര​സ്​​കാ​ര​ദാ​ന​വു​മാ​യി ബ​ന്ധ​പ്പെ​ട്ട് കൊ​ച്ചു​ബാ​വ​യു​മാ​യു​ള്ള സൗ​ഹൃ​ദം എ​ന്നെ ഒ​രാ​ശ​യ​ക്കു​ഴ​പ്പ​ത്തി​ൽ​പെ​ടു​ത്തു​ക​യു​ണ്ടാ​യി. ഞാ​ൻ തൃ​ശൂ​രി​ലാ​യി​രു​ന്ന കാ​ല​ത്താ​ണ് ആ​ർ.​ഐ. ഷം​സു​ദ്ദീ​​ന്റെ നേ​തൃ​ത്വ​ത്തി​ൽ അ​ങ്ക​ണം സാം​സ്​​കാ​രി​ക വേ​ദി ആ​രം​ഭി​ച്ച​തും, അ​വ​ർ അ​ങ്ക​ണം അ​വാ​ർ​ഡ് ന​ൽ​കാ​ൻ തീ​രു​മാ​നി​ച്ച​തും. അ​തി​​ന്റെ ആ​ലോ​ച​നാ യോ​ഗ​ങ്ങ​ളി​ലൊ​ക്കെ ഞാ​നു​മു​ണ്ടാ​യി​രു​ന്നു. അ​ങ്ക​ണം അ​വാ​ർ​ഡ് ആ​ർ​ക്ക് ന​ൽ​ക​ണ​മെ​ന്ന ഒ​രു പ്രാ​ഥ​മി​ക തീ​രു​മാ​നം ഷം​സു​ദ്ദീ​ൻ സ്വീ​ക​രി​ക്കും. അ​യാ​ള​ത് ഏ​റ്റ​വും അ​ടു​ത്ത സു​ഹൃ​ത്തു​ക്ക​ളു​മാ​യി പ​ങ്കു​വെ​ക്കും. പി​ന്നീ​ടാ​ണ് വി​ധി​നി​ർ​ണ​യ സ​മി​തി​ക്ക് മു​മ്പി​ൽ വെ​ക്കു​ക. ഇ​തു​കൊ​ണ്ടാ​യി​രി​ക്കാം അ​ർ​ഹ​ത​യു​ള്ള​വ​ർ​ക്ക് മാ​ത്ര​മാ​ണ് അ​ങ്ക​ണം അ​വാ​ർ​ഡ് ല​ഭി​ച്ച​ത്. അ​ങ്ക​ണം അ​വാ​ർ​ഡ് ല​ഭി​ച്ച​വ​ർ അ​ധി​ക​വും പി​ൽ​ക്കാ​ല​ത്ത് ശ്ര​ദ്ധേ​യ​രാ​യ എ​ഴു​ത്തു​കാ​രാ​യി മാ​റു​ക​യും ചെ​യ്തി​രു​ന്നു. അ​ങ്ക​ണ​ത്തി​​ന്റെ പ്ര​ഥ​മ പു​ര​സ്​​കാ​രം ആ​ർ​ക്ക് ന​ൽ​ക​ണ​മെ​ന്ന ചി​ന്താ​ക്കു​ഴ​പ്പ​മു​ണ്ടാ​യി. ടി.​വി. കൊ​ച്ചു​ബാ​വ​യും അ​ക്ബ​ർ ക​ക്ക​ട്ടി​ലു​മാ​യി​രു​ന്നു പ​രി​ഗ​ണ​ന​യി​ൽ ഉ​ണ്ടാ​യി​രു​ന്ന​ത്. ഷം​സു​ദ്ദീ​ൻ അ​ഭി​പ്രാ​യം തേ​ടി എ​​ന്റെ അ​ടു​ത്തേ​ക്ക് വ​ന്നു. ഒ​ര​ഭി​പ്രാ​യം പ​റ​യാ​ൻ എ​നി​ക്ക് വി​ഷ​മ​മു​ണ്ടാ​യി​രു​ന്നു. അ​ക്ബ​റും കൊ​ച്ചു​ബാ​വ​യും പു​തു​ത​ല​മു​റ​യി​ലെ മൗ​ലി​ക​പ്ര​തി​ഭ​യു​ള്ള ഏ​റ്റ​വും ശ്ര​ദ്ധേ​യ​രാ​യ എ​ഴു​ത്തു​കാ​രാ​ണ്. അ​ക്ബ​ർ വ​ർ​ഷ​ങ്ങ​ളാ​യു​ള്ള എ​​ന്റെ ഏ​റ്റ​വും അ​ടു​ത്ത സു​ഹൃ​ത്ത്. കൊ​ച്ചു​ബാ​വ​യു​ടെ സൗ​ഹൃ​ദ​ത്തി​ന് പ​ഴ​ക്ക​മി​ല്ലെ​ങ്കി​ലും ഇ​പ്പോ​ൾ അ​വ​ൻ എ​​ന്റെ ഏ​റ്റ​വും അ​ടു​ത്ത ച​ങ്ങാ​തി​യാ​ണ്. ഇ​വ​രു​ടെ ര​ച​ന​യെ​ക്കു​റി​ച്ച് ഷം​സു​ദ്ദീ​ൻ എ​ന്നോ​ട് അ​ഭി​പ്രാ​യം ചോ​ദി​ച്ച​പ്പോ​ൾ ഞാ​ൻ പ​റ​ഞ്ഞു. ''കൊ​ച്ചു​ബാ​വ ത​​ന്റെ പ്ര​തി​ഭ​യെ മൂ​ശ​യി​ലി​ട്ട് എ​പ്പോ​ഴും പു​തു​ക്കി​ക്കൊ​ണ്ടി​രി​ക്കും. അ​ക്ബ​ർ ധി​ഷ​ണാ​ശാ​ലി​യാ​യ ഒ​രെ​ഴു​ത്തു​കാ​ര​നാ​ണെ​ങ്കി​ലും ചി​ല​പ്പോ​ഴൊ​ക്കെ അ​തു​കൊ​ണ്ട് ധൂ​ർ​ത്ത​ടി​ക്കും.'' അ​ങ്ക​ണം അ​വാ​ർ​ഡ് ആ​ർ​ക്കു തീ​രു​മാ​നി​ക്ക​ണ​മെ​ന്ന കാ​ര്യം അ​ഴീ​ക്കോ​ട് സാ​റി​ന് വി​ട്ടു​കൊ​ടു​ക്കു​ന്ന​താ​കും ന​ല്ല​തെ​ന്ന് ഞാ​ൻ പ​റ​ഞ്ഞു. ഷം​സു​ദ്ദീ​ൻ അ​ങ്ങ​നെ​ത്ത​ന്നെ ചെ​യ്യു​ക​യും അ​ങ്ക​ണം പ്ര​ഥ​മ പു​ര​സ്​​കാ​രം അ​ക്ബ​ർ ക​ക്ക​ട്ടി​ലി​ന് ല​ഭി​ക്കു​ക​യും ചെ​യ്തു. ര​ണ്ടാ​മ​ത്തെ പ്രാ​വ​ശ്യ​മാ​ണ് ടി.​വി. കൊ​ച്ചു​ബാ​വ​ക്ക് ഈ ​അ​വാ​ർ​ഡ് കി​ട്ടി​യ​ത്. അ​ങ്ക​ണം പു​ര​സ്​​കാ​രം മ​ല​യാ​ള​ത്തി​ലെ ഏ​റ്റ​വും ബ​ഹു​മാ​ന്യ​മാ​യ ഒ​രു പു​ര​സ്​​കാ​ര​മാ​യി മാ​റി എ​ന്ന​താ​ണ് പി​ന്നീ​ടു​ള്ള ച​രി​ത്രം.

ഒ​രു തെ​റ്റി​ദ്ധാ​ര​ണ ഉ​ണ്ടാ​ക​രു​തെ​ന്ന് ക​രു​തി, അ​ങ്ക​ണം പു​ര​സ്​​കാ​ര​വു​മാ​യി ബ​ന്ധ​പ്പെ​ട്ട് ഞാ​ൻ സ്വീ​ക​രി​ച്ച നി​ല​പാ​ട് ടി.​വി. കൊ​ച്ചു​ബാ​വ​യു​മാ​യി പ​ങ്കു​വെ​ക്കു​ക​യു​ണ്ടാ​യി. അ​വ​ന​ത് സ്വീ​കാ​ര്യ​മാ​വു​ക​യും എ​​ന്റെ നി​ല​പാ​ടി​നെ അ​നു​മോ​ദി​ക്കു​ക​യും ചെ​യ്തു.

കൊ​ച്ചു​ബാ​വ ഇ​ട​ക്കി​ടെ വീ​ട്ടി​ൽ വ​രു​മാ​യി​രു​ന്നു. അ​മ്മ​യു​മാ​യി സം​സാ​രി​ച്ചി​രി​ക്കും. അ​മ്മ പ​റ​യു​ന്ന​ത് കൊ​ച്ചു​ബാ​വ​ക്കോ, അ​വ​ൻ പ​റ​യു​ന്ന​ത് അ​മ്മ​ക്കോ മ​ന​സ്സി​ലാ​കു​മെ​ന്ന് തോ​ന്നി​യി​രു​ന്നി​ല്ല. അ​വ​​ന്റെ ഉ​മ്മ​യെ​പ്പോ​ലെ​ത്ത​ന്നെ​യാ​ണ് എ​​ന്റെ അ​മ്മ​യു​ടെ പ്ര​കൃ​ത​വും എ​ന്നാ​ണ് അ​വ​ൻ പ​റ​യാ​റു​ള്ള​ത്. അ​പ്പോ​ൾ ത​മാ​ശ​യോ​ടെ ഞാ​ൻ പ​റ​യാ​റു​ണ്ട്. ''പ​ക്ഷേ, എ​​ന്റെ അ​മ്മ​ക്ക് ഒ​രു കാ​മു​ക​നി​ല്ലെ​ന്ന് തോ​ന്നു​ന്നു.'' അ​ങ്ങ​നെ ഞാ​ൻ പ​റ​യാ​ൻ ഒ​രു കാ​ര​ണ​മു​ണ്ടാ​യി​രു​ന്നു. ഒ​രി​ക്ക​ൽ കൊ​ച്ചു​ബാ​വ ഉ​മ്മ​യെ​ക്കു​റി​ച്ചു സം​സാ​രി​ച്ചു​കൊ​ണ്ടി​രി​ക്കെ ഉ​മ്മ​യു​ടെ കാ​മു​ക​നെ ക​ണ്ടു​മു​ട്ടി​യ സം​ഭ​വം പ​റ​യു​ക​യു​ണ്ടാ​യി. കൊ​ച്ചു​ബാ​വ​യും ഉ​മ്മ​യും വീ​ട്ടി​​ന്റെ ഉ​മ്മ​റ​ത്തി​രു​ന്ന് എ​ന്തോ സം​സാ​രി​ക്കു​ന്ന​തി​നി​ട​യി​ൽ ഒ​രു ചാ​ക്കു​ക​ച്ച​വ​ട​ക്കാ​ര​ൻ വീ​ട്ടി​ലേ​ക്ക് ക​യ​റി​വ​ന്നു. ഉ​മ്മ​റ​ത്തു നി​ൽ​ക്കു​ന്ന ഉ​മ്മ​യെ ക​ണ്ടു തെ​ല്ലി​ട പ​ക​ച്ചു​നോ​ക്കി​യ ശേ​ഷം എ​ന്തോ ക​ണ്ടു ഞെ​ട്ടി​യ​പോ​ലെ അ​യാ​ൾ ചാ​ക്കു​കെ​ട്ട് നി​ല​ത്തി​ട്ട് പ​രി​ഭ്രാ​ന്തി​യോ​ടെ ഓ​ടി​പ്പോ​യി. ഇ​തു​ക​ണ്ട് പ​ന്തി​യി​ല്ലാ​യ്മ തോ​ന്നി​യ കൊ​ച്ചു​ബാ​വ അ​യാ​ളു​ടെ പി​ന്നാ​ലെ ഓ​ടി പി​ടി​ച്ചു. ഓ​ടി​യ കാ​ര്യം തി​ര​ക്കി. ഒ​ടു​വി​ൽ അ​യാ​ൾ പ​റ​ഞ്ഞു. ''ഓ​ളെ മു​മ്പ് എ​നി​ക്ക് വ​ലി​യ ഇ​ഷ്​​ടാ​യി​രു​ന്നു. ഒ​രു​പാ​ട് പി​റ​കെ ന​ട​ന്നി​ട്ടു​ണ്ട്. ഇ​പ്പോ​ൾ ക​ണ്ടി​ട്ട് എ​ന്തോ​പോ​ലെ തോ​ന്നി. അ​താ ഓ​ടി​യ​ത്.'' ബാ​വ പ​റ​ഞ്ഞ​തു​കേ​ട്ട​പ്പോ​ൾ പെ​ട്ടെ​ന്ന് മ​ന​സ്സി​ലേ​ക്ക് ഒ​രു ക​ഥാ​ബീ​ജം ക​ട​ന്നു​വ​ന്നു. ഞാ​ൻ ബാ​വ​യോ​ട് ചോ​ദി​ച്ചു, ഇ​തു​വെ​ച്ച് ഞാ​ൻ ഒ​രു ക​ഥ എ​ഴു​ത​ട്ടെ? അ​വ​ൻ സ​മ്മ​തി​ച്ചു. അ​താ​ണ് എ​​ന്റെ 'ഉ​മ്മ​യു​ടെ കാ​മു​ക​ൻ' എ​ന്ന ക​ഥ. എ​​ന്റെ അ​മ്മ കൊ​ച്ചു​ബാ​വ​യെ കൊ​ച്ചു​ബാ​വ എ​ന്ന​ല്ല വി​ളി​ക്കാ​റു​ണ്ടാ​യി​രു​ന്ന​ത്. 'കൊ​ച്ചി​ബാ​വ' എ​ന്നാ​യി​രു​ന്നു. എ​ത്ര പ​റ​ഞ്ഞി​ട്ടും അ​മ്മ അ​തു തി​രു​ത്തി​യി​ല്ല.

മ​ല​യാ​ള​ത്തി​ൽ ഇ​ത്ര​യ​ധി​കം ക​ത്തു​ക​ളെ​ഴു​തി​യ ഒ​രാ​ൾ കൊ​ച്ചു​ബാ​വ​യെ​പ്പോ​ലെ മ​റ്റൊ​രാ​ളു​ണ്ടാ​വി​ല്ല. വ​ടി​വൊ​ത്ത കൈ​യ​ക്ഷ​ര​ത്തി​ൽ, എ​ല്ലാ കാ​ര്യ​ങ്ങ​ളും വി​ശ​ദ​മാ​ക്കി ര​ണ്ടാ​ഴ്ച​യി​ലൊ​രു ക​ത്തു വീ​തം ബാ​വ എ​നി​ക്ക​യ​ക്കു​മാ​യി​രു​ന്നു. സ്വ​ന്തം നാ​ടാ​യ ഇ​രി​ങ്ങാ​ല​ക്കു​ട വി​ട്ട് കോ​ഴി​ക്കോ​ട് താ​മ​സി​ക്കാ​ൻ കാ​ര​ണം ഞാ​നു​മാ​യു​ള്ള സൗ​ഹൃ​ദ​മാ​ണെ​ന്ന് പ​ല​പ്പോ​ഴും അ​വ​ൻ സൂ​ചി​പ്പി​ച്ചി​രു​ന്നു. ചി​ല ഉ​ച്ച​നേ​ര​ങ്ങ​ളി​ലൊ​ക്കെ ആ​കെ ത​ക​ർ​ന്ന മ​ട്ടി​ൽ വീ​ട്ടി​ൽ വ​രാ​റു​ള്ള കൊ​ച്ചു​ബാ​വ​യെ മ​ന​സ്സി​ലാ​ക്കാ​ൻ എ​നി​ക്കും പൂ​ർ​ണ​മാ​യി ക​ഴി​ഞ്ഞി​രു​ന്നി​ല്ല. സ്വ​ന്തം ആ​രോ​ഗ്യ​ത്തെ​ക്കു​റി​ച്ചു​ള്ള വേ​വ​ലാ​തി​ക​ളാ​ണ് ബാ​വ​യെ ഏ​റെ അ​ല​ട്ടി​യി​രു​ന്ന​ത്. ഓ​രോ പ്രാ​വ​ശ്യ​വും ഓ​രോ പ്ര​ശ്ന​ങ്ങ​ളാ​ണ് അ​വ​ന് പ​റ​യാ​നു​ണ്ടാ​യി​രു​ന്ന​ത്. അ​തി​നി​ടെ കൊ​ച്ചു​ബാ​വ പ​ത്രാ​ധി​പ​രാ​യു​ള്ള മാ​സി​ക​യു​ടെ ന​ട​ത്തി​പ്പി​ൽ വ​ന്ന അ​നി​ശ്ചി​ത​ത്വ​വും മാ​ന​സി​ക​മാ​യി ത​ള​ർ​ത്തി​യി​രു​ന്നു. ഇ​തി​നെ​ക്കു​റി​ച്ചൊ​ക്കെ സം​സാ​രി​ക്കാ​ൻ വേ​ണ്ടി വീ​ട്ടി​ലേ​ക്ക് ചെ​ല്ല​ണ​മെ​ന്ന് അ​വ​ർ എ​ന്നോ​ട് ആ​വ​ശ്യ​പ്പെ​ട്ടു. വീ​ട്ടി​ൽ ചെ​ന്ന​പ്പോ​ൾ മാ​സി​ക​ക​ളെ​ക്കു​റി​ച്ചൊ​ന്നും പ​റ​ഞ്ഞി​ല്ല. അ​വ​ൻ പ​റ​ഞ്ഞ​തു മു​ഴു​വ​ൻ ത​ന്നെ പീ​ഡി​പ്പി​ച്ചു​കൊ​ണ്ടി​രി​ക്കു​ന്ന രോ​ഗ​ത്തെ​ക്കു​റി​ച്ചാ​യി​രു​ന്നു. ''നേ​രാം​വ​ണ്ണം ശ്വ​സി​ക്കാ​ൻ ക​ഴി​യു​ന്നി​ല്ല. ബ്ല​ഡ് പ്ര​ഷ​റും കൊ​ള​സ്​േ​ട്രാ​ളും നി​യ​ന്ത്രി​ക്കാ​ൻ ക​ഴി​യാ​ത്ത​വി​ധം ക​യ​റി​ക്കൊ​ണ്ടി​രി​ക്കു​ക​യാ​ണ്.'' കൈ​ത്ത​ണ്ട​ക​ളി​ലും ദേ​ഹ​ത്തും പ്ര​ത്യ​ക്ഷ​പ്പെ​ട്ട ത​ടി​പ്പു​ക​ൾ അ​വ​ൻ തൊ​ട്ടു​കാ​ണി​ച്ചു​ത​ന്നു. അ​തു ക​ണ്ട​പ്പോ​ൾ എ​നി​ക്ക് വ​ല്ലാ​ത്ത അ​സ്വ​സ്​​ഥ​ത​യാ​ണ് തോ​ന്നി​യ​ത്. എ​​ന്റെ അ​ക്ഷ​ര​യാ​ത്ര​യി​ൽ എ​ന്നെ തി​രു​ത്തി​യും എ​നി​ക്ക് ആ​ത്മ​വി​ശ്വാ​സം പ​ക​ർ​ന്നും എ​ന്നോ​ടൊ​പ്പം ഒ​ട്ടി​നി​ൽ​ക്കു​ന്ന ഒ​രു കൂ​ട്ടു​കാ​ര​​ന്റെ അ​സ്വ​സ്​​ഥ​ത​ക​ൾ എ​ന്നെ​യും ഒ​രു​പാ​ട് അ​ല​ട്ടി​യി​രു​ന്നു. ന​ല്ല​രീ​തി​യി​ല​ല്ല കാ​ര്യ​ങ്ങ​ൾ പോ​കു​ന്ന​തെ​ന്ന ആ​കു​ല​ത എ​ന്നി​ലു​ണ്ടാ​യി​രു​ന്നു. പി​റ്റേ​ന്ന് കാ​ല​ത്ത് ബാ​വ​യു​മാ​യി ബ​ന്ധ​പ്പെ​ട്ട ഒ​രു ദു​ര​ന്ത​വാ​ർ​ത്ത കേ​ൾ​ക്കേ​ണ്ടി​വ​രു​മെ​ന്ന് അ​പ്പോ​ഴൊ​ന്നും ഞാ​ൻ ക​രു​തി​യ​ത​ല്ല.

അ​ക്ബ​ർ ക​ക്ക​ട്ടി​ൽ

പ​ഠി​ക്കു​ന്ന​കാ​ല​ത്ത് അ​ക്ബ​ർ ക​ക്ക​ട്ടി​ൽ എ​നി​ക്കൊ​രു വി​സ്​​മ​യ​മാ​യി​രു​ന്നു. മാ​തൃ​ഭൂ​മി ബാ​ല​പം​ക്തി​യി​ൽ അ​ക്ബ​റു​ടെ ക​ഥ​ക​ൾ ആ​വ​ർ​ത്തി​ച്ചു​വ​രു​ന്ന കാ​ല​മാ​യി​രു​ന്നു അ​ത്. സം​സ്​​കൃ​ത​ത്തി​ലെ സ്​​കോ​ള​ർ​ഷി​പ്പ് കി​ട്ടി​യ​തി​​ന്റെ വാ​ർ​ത്ത​യും ഫോ​ട്ടോ​യും വ​ന്നി​രു​ന്നു. ബാ​ല​പം​ക്തി​യി​ലൊ​ന്നും ഞാ​ൻ പ്ര​ത്യ​ക്ഷ​പ്പെ​ട്ടി​രു​ന്നി​ല്ലെ​ങ്കി​ലും അ​തി​ലെ ക​ഥ​ക​ളും ക​വി​ത​ക​ളു​മെ​ല്ലാം മു​ട​ങ്ങാ​തെ വാ​യി​ക്കു​മാ​യി​രു​ന്നു. അ​തു​കൊ​ണ്ടാ​ണ് അ​ക്ബ​റോ​ട് എ​നി​ക്ക​ത്ര ആ​ദ​ര​വു​ണ്ടാ​കാ​ൻ കാ​ര​ണം. അ​ക്ബ​ർ കേ​വ​ലം വി​ദ്യാ​ർ​ഥി മാ​ത്ര​മാ​യി​രു​ന്നി​ല്ല. വി​ദ്യാ​ർ​ഥി രാ​ഷ്ട്രീ​യ​ത്തി​ൽ ഇ​ട​പെ​ടു​ന്ന നേ​താ​വ് കൂ​ടി​യാ​യി​രു​ന്നു. അ​തോ​ടെ ആ​ദ​ര​വ് ഒ​ന്നു​കൂ​ടി വ​ർ​ധി​ച്ചു. അ​തി​നി​ടെ​യാ​ണ് മാ​തൃ​ഭൂ​മി എ​ഡി​റ്റോ​റി​യ​ൽ പേ​ജി​ൽ അ​ക്ബ​ർ ക​ക്ക​ട്ടി​ലി​​ന്റെ ലേ​ഖ​നം വ​രു​ന്ന​ത്. വി​ദ്യാ​ർ​ഥി രാ​ഷ്ട്രീ​യ​ത്തി​ന് ഒ​രു പു​തി​യ കാ​ഴ്ച​പ്പാ​ട് പ​ക​രു​ന്ന ലേ​ഖ​ന​മാ​യി​രു​ന്നു അ​ത്. 'വേ​ണം ഒ​രു മെ​റി​റ്റ് പാ​ർ​ല​മെ​ന്റ്' എ​ന്നാ​യി​രു​ന്നു ലേ​ഖ​ന​ത്തി​​ന്റെ പേ​ര്. രാ​ഷ്ട്രീ​യ​ത്തി​നു​പ​രി​യാ​യി ക​ഴി​വു​ള്ള വി​ദ്യാ​ർ​ഥി​ക​ളെ ജ​നാ​ധി​പ​ത്യ​രീ​തി​യി​ൽ തെ​ര​ഞ്ഞെ​ടു​ത്ത ഒ​രു പാ​ർ​ല​മെ​ന്റ​റി സ​മ്പ്ര​ദാ​യം സ്​​കൂ​ളി​ൽ കൊ​ണ്ടു​വ​ര​ണ​മെ​ന്നാ​ണ് ലേ​ഖ​ന​ത്തി​ൽ ആ​വ​ശ്യ​പ്പെ​ട്ടി​രു​ന്ന​ത്. അ​തൊ​രു ന​ല്ല നി​ർ​ദേ​ശ​മാ​ണെ​ന്ന് എ​നി​ക്കും തോ​ന്നി. അ​ക്ബ​റി​​ന്റെ ഈ ​നി​ർ​ദേ​ശ​ത്തെ പി​ന്തു​ണ​ച്ചു മാ​തൃ​ഭൂ​മി ഒ​രു എ​ഡി​റ്റോ​റി​യ​ലും എ​ഴു​തു​ക​യു​ണ്ടാ​യി.

ഇ​ക്കാ​ല​ത്തൊ​ന്നും അ​ക്ബ​റെ നേ​രി​ട്ട് പ​രി​ച​യ​മു​ണ്ടാ​യി​രു​ന്നി​ല്ല. ഗു​രു​വാ​യൂ​ര​പ്പ​ൻ കോ​ള​ജി​ൽ എ​െ​ൻ​റ സീ​നി​യ​റാ​യി പ​ഠി​ച്ച ഡോ. ​എ.​കെ. ശ്രീ​നി​വാ​സ​നാ​ണ് എ​ന്നെ അ​ക്ബ​റു​മാ​യി ബ​ന്ധ​പ്പെ​ടു​ത്തു​ന്ന​ത്. ശ്രീ​നി​വാ​സ​ൻ അ​ക്ബ​റി​​ന്റെ അ​യ​ൽ​ക്കാ​ര​നാ​യി​രു​ന്നു. തു​ട​ര​ത്തു​ട​രെ എ​ഴു​തി​യി​രു​ന്ന അ​ക്ബ​ർ പി​ന്നീ​ട് കു​റ​ച്ചു​കാ​ല​ത്തേ​ക്ക് പ്ര​സി​ദ്ധീ​ക​ര​ണ​ങ്ങ​ളി​ലൊ​ന്നും കാ​ണാ​താ​യി. ''എ​ന്താ​ണ് അ​ക്ബ​ർ എ​ഴു​താ​ത്ത​തെ''​ന്ന് ശ്രീ​നി​വാ​സ​നോ​ട് ചോ​ദി​ച്ച​പ്പോ​ൾ ശ്രീ​നി പ​റ​ഞ്ഞു. ''എ​ന്താ​ണെ​ന്ന​റി​യി​ല്ല, അ​ക്ബ​ർ​ക്ക് എ​ഴു​ത്തു വ​രു​ന്നി​ല്ല​േ​ത്ര.'' എ​ന്നാ​ൽ ഈ ​ഇ​ട​വേ​ള കു​റ​ച്ചു സ​മ​യ​ത്തേ​ക്ക് മാ​ത്ര​മാ​യി​രു​ന്നു. പി​ന്നീ​ട് എ​ല്ലാ​വ​രെ​യും വി​സ്​​മ​യ​പ്പെ​ടു​ത്തി ഒ​രു തി​രി​ച്ചു​വ​ര​വാ​ണ് അ​ക്ബ​റി​ൽ​നി​ന്നു​ണ്ടാ​യ​ത്. 'അ​ശ്വ​ഥ് നാ​രാ​യ​ണ​ൻ', 'പ​ട​ക്ക​ള​ത്തി​ലെ അ​ഭി​മ​ന്യു', 'മ​ഞ്ഞു​മ​ല​യി​ൽ കാ​റ്റു​വീ​ശു​മ്പോ​ൾ' എ​ന്നീ വ്യ​ത്യ​സ്​​ത​ങ്ങ​ളാ​യ ധാ​രാ​ളം ക​ഥ​ക​ൾ തു​ട​ർ​ച്ച​യാ​യി അ​ക്ബ​റി​ൽ​നി​ന്നും പു​റ​ത്തു​വ​രു​ന്നു. ഇ​ക്കാ​ല​ത്തൊ​രി​ക്ക​ൽ വ​ട​ക​ര​യി​ലെ ഒ​രു സാ​ഹി​ത്യ​സ​മ്മേ​ള​ന​ത്തി​ൽ വെ​ച്ചാ​ണ് അ​ക്ബ​റി​നെ ക​ണ്ടു​മു​ട്ടി​യ​ത്. അ​ത് അ​ഗാ​ധ​മാ​യ ഒ​രു സൗ​ഹൃ​ദ​ത്തി​​ന്റെ തു​ട​ക്ക​മാ​യി. പ​രി​ച​യ​പ്പെ​ടു​ന്ന​വ​രെ മു​ഴു​വ​ൻ ത​ന്നി​ലേ​ക്ക​ടു​പ്പി​ക്കാ​ൻ ക​ഴി​യു​ന്ന മാ​ന്ത്രി​ക​മാ​യ ഒ​രു സ​വി​ശേ​ഷ​ത അ​ക്ബ​റി​നു​ണ്ടാ​യി​രു​ന്നു. ഞാ​ൻ എ​റ​ണാ​കു​ള​ത്താ​യി​രു​ന്ന​പ്പോ​ൾ പ​ല​വ​ട്ടം അ​ക്ബ​ർ അ​വി​ടെ വ​ന്നു. ഞ​ങ്ങ​ൾ ഒ​രു​മി​ച്ച് താ​മ​സി​ച്ചു. എ​റ​ണാ​കു​ളം ന​ഗ​ര​ത്തി​ൽ ക​റ​ങ്ങി. ഞാ​ൻ നാ​ട്ടി​ൽ വ​രു​മ്പോ​ൾ പ​തി​വാ​യി അ​ക്ബ​ർ വീ​ട്ടി​ൽ വ​രു​മാ​യി​രു​ന്നു. അ​മ്മ​ക്ക് അ​ക്ബ​റി​നെ ഇ​ഷ്​​ട​മാ​യി​രു​ന്നു. അ​മ്മ അ​ക്ബ​റെ 'അ​ക്റെ' എ​ന്നാ​ണ് വി​ളി​ക്കാ​റു​ണ്ടാ​യി​രു​ന്ന​ത്. അ​ക്ബ​റു​ടെ ക​ഥ​ക​ളോ​ടൊ​പ്പം, പ​ത്ര​ങ്ങ​ളി​ൽ എ​ഴു​തി​ക്കൊ​ണ്ടി​രു​ന്ന 'മി​ഡി​ൽ​പീ​സു​ക​ളും' ഏ​റെ ശ്ര​ദ്ധി​ക്ക​പ്പെ​ട്ടി​രു​ന്നു. ത​മാ​ശ ക​ല​ർ​ന്ന ഒ​രാ​ഖ്യാ​ന രീ​തി​യാ​ണ് അ​ക്ബ​ർ പി​ന്തു​ട​ർ​ന്നി​രു​ന്ന​ത്. ടി.​വി. കൊ​ച്ചു​ബാ​വ കോ​ഴി​ക്കോ​ട് താ​മ​സ​മാ​യ​തോ​ടെ എ​​ന്റെ സൗ​ഹൃ​ദ​വ​ല​യം വി​ക​സി​ക്കു​ക​യാ​യി​രു​ന്നു. അ​ക്ബ​റും ടി.​വി. കൊ​ച്ചു​ബാ​വ​യും എ​ഴു​ത്തി​​ന്റെ ര​ണ്ട​റ്റ​ത്താ​ണെ​ങ്കി​ലും അ​വ​ർ​ക്കി​ട​യി​ൽ​നി​ന്നു​കൊ​ണ്ട് അ​വ​രെ ബ​ന്ധി​പ്പി​ക്കാ​ൻ ഏ​റ​ക്കു​റെ എ​നി​ക്ക് ക​ഴി​ഞ്ഞു. കൊ​ച്ചു​ബാ​വ​യു​ടെ വീ​ട്ടി​ൽ ഞാ​നും അ​ക്ബ​റും ഒ​ത്തു​കൂ​ടി ഒ​രു രാ​ത്രി മു​ഴു​വ​ൻ ചെ​ല​വ​ഴി​ച്ചു. ഞ​ങ്ങ​ളെ മൂ​ന്നു​പേ​രെ​യും പ​ങ്കെ​ടു​പ്പി​ച്ച്​ അ​രു​ൺ പൊ​യ്യേ​രി ഒ​ര​ഭി​മു​ഖം ന​ട​ത്തു​ക​യു​ണ്ടാ​യി. പു​തു​ത​ല​മു​റ​യി​ലെ മൂ​ന്ന് എ​ഴു​ത്തു​കാ​ർ പ​ങ്കെ​ടു​ക്കു​ന്ന ഒ​ര​ഭി​മു​ഖം പു​തു​മ​യു​ള്ള ഒ​ന്നാ​യി​രു​ന്നു. കു​ങ്കു​മം വാ​രി​ക വ​ള​രെ പ്രാ​ധാ​ന്യ​ത്തോ​ടെ ക​വ​ർ​സ്റ്റോ​റി​യാ​യി അ​തു പ്ര​സി​ദ്ധ​പ്പെ​ടു​ത്തു​ക​യു​ണ്ടാ​യി.

സാ​ഹി​ത്യ​സ​മ്മേ​ള​ന​ങ്ങ​ളി​ൽ ഞ​ങ്ങ​ളൊ​രു​മി​ച്ചു പോ​കു​മ്പോ​ഴും സാ​ഹി​ത്യ​മ​ത്സ​ര​ങ്ങ​ൾ​ക്ക് വി​ധി​ക​ർ​ത്താ​ക്ക​ളാ​യി​രി​ക്കു​മ്പോ​ഴും അ​ക്ബ​ർ വീ​ട്ടി​ൽ വ​രു​മ്പോ​ഴും ഞാ​ൻ ശ്ര​ദ്ധി​ച്ച ഒ​രു കാ​ര്യം അ​വ​​ന്റെ നി​ർ​ത്താ​ത്ത പു​ക​വ​ലി​യാ​യി​രു​ന്നു. അ​ക്ബ​ർ വീ​ട്ടി​ൽ എ​ത്തി​യാ​ലു​ട​നെ എ​​ന്റെ ഭാ​ര്യ ഗീ​ത പ​ല​പ്പോ​ഴും ചെ​യ്യാ​റു​ള്ള​ത് ഒ​രു ആ​ഷ്േ​ട്ര​യോ അ​ല്ലെ​ങ്കി​ൽ സി​ഗ​ര​റ്റ് കു​റ്റി​ക​ൾ നി​ക്ഷേ​പി​ക്കാ​ൻ ഒ​രു പാ​ത്രം വെ​ക്കു​ക​യോ എ​ന്ന​താ​യി​രു​ന്നു. പ​ല​പ്പോ​ഴും അ​വ​ൻ വീ​ട്ടി​ൽ രാ​ത്രി ചെ​ല​വ​ഴി​ച്ചി​ട്ടു​ണ്ട്. കാ​ല​ത്ത് പോ​കു​മ്പോ​ൾ മു​റി മു​ഴു​വ​ൻ സി​ഗ​ര​റ്റ് ചാ​രം നി​റ​ഞ്ഞി​രി​ക്കും. അ​പ്പോ​ഴൊ​ക്കെ വേ​വ​ലാ​തി​യോ​ടെ ഞാ​ൻ ചോ​ദി​ക്കും. ''എ​ന്താ​ണ് അ​ക്ബ​റേ ഇ​ത്? സി​ഗ​ര​റ്റ് നീ ​വ​ലി​ക്കു​ക​യാ​ണോ, നി​ന്നെ സി​ഗ​ര​റ്റ് വ​ലി​ക്കു​ക​യാ​ണോ?'' എ​നി​ക്ക​തി​ൽ വ​ള​രെ ഉ​ത്ക​ണ്ഠ​യു​ണ്ടാ​യി​രു​ന്നു. എ​​ന്റെ ജീ​വി​ത​ത്തി​ലെ പ്ര​ധാ​ന മു​ഹൂ​ർ​ത്ത​ങ്ങ​ളി​ലൊ​ക്കെ അ​ക്ബ​റും ഒ​പ്പ​മു​ണ്ടാ​യി​രു​ന്നു. ആ​ദ്യ പു​ര​സ്​​കാ​രം മാ​വേ​ലി​ക്ക​ര​യി​ൽ ഞാ​ൻ ഏ​റ്റു​വാ​ങ്ങു​മ്പോ​ൾ അ​ക്ബ​റും കൂ​ടെ​യു​ണ്ടാ​യി​രു​ന്നു. എ​ന്നെ സാ​ഹി​ത്യ അ​ക്കാ​ദ​മി​യി​ൽ വൈ​സ്​ ചെ​യ​ർ​മാ​നാ​യി നോ​മി​നേ​റ്റ് ചെ​യ്ത വാ​ർ​ത്ത എ​റ​ണാ​കു​ള​ത്ത് വെ​ച്ച് പ​ത്ര​ത്തി​ൽനി​ന്നും ഞ​ങ്ങ​ൾ ഒ​ന്നി​ച്ചാ​ണ് വാ​യി​ച്ച​ത്.

ഞ​ങ്ങ​ൾ കു​ടും​ബ​സ​മേ​തം വീ​ടു​ക​ൾ സ​ന്ദ​ർ​ശി​ക്കു​ക പ​തി​വാ​യി​രു​ന്നു. അ​ന്നേ​ര​മൊ​ക്കെ ഞ​ങ്ങ​ൾ കു​ട്ടി​ക​ളെ​ക്കൊ​ണ്ട് പാ​ട്ട് പാ​ടി​പ്പി​ക്കു​ക​യും ചെ​യ്യു​മാ​യി​രു​ന്നു. അ​ക്ബ​റി​​ന്റെ ചെ​റി​യ മ​ക​ൾ സു​ഹാ​ന ചെ​റി​യ ശ​രീ​രം മേ​ലോ​ട്ടും താ​ഴോ​ട്ടും ചാ​ടി​ക്കൊ​ണ്ട് പാ​ടു​ന്ന കി​ട്ട​​ന്റെ പാ​ട്ടാ​യി​രു​ന്നു ഞ​ങ്ങ​ൾ​ക്കേ​റ്റം ര​സ​ക​രം. ''കി​ട്ടാ കി​ട്ടാ കി​ടു​കി​ട്ടാ'' എ​ന്നു പാ​ടി അ​വ​ൾ തി​മി​ർ​ക്കു​മാ​യി​രു​ന്നു. പി​ന്നെ എ​നി​ക്കും അ​ക്ബ​ർ​ക്കും തി​ര​ക്ക് വ​ർ​ധി​ച്ച​പ്പോ​ൾ ഞ​ങ്ങ​ളു​ടെ സൗ​ഹൃ​ദ സ​ന്ദ​ർ​ശ​ന​ങ്ങ​ളും കു​റ​ഞ്ഞു. അ​സു​ഖം ബാ​ധി​ച്ച് കോ​ഴി​ക്കോ​ട്ടെ ആ​ശു​പ​ത്രി​യി​ൽ കി​ട​ന്ന​പ്പോ​ൾ അ​ക്ബ​ർ എ​ന്നെ കാ​ണാ​ൻ വ​ന്നു. എ​​ന്റെ ക​ട്ടി​ലി​ന​രി​കി​ൽ ഏ​റെ​നേ​രം മൗ​ന​മാ​യി​രു​ന്നു. അ​ങ്ങ​നെ പ​തി​വി​ല്ലാ​ത്ത​താ​ണ്. അ​വ​ൻ ന​ന്നേ ക്ഷീ​ണി​ച്ചി​രു​ന്നു. ഞാ​ൻ ചോ​ദി​ച്ചു, ''എ​ന്തു​പ​റ്റി അ​ക്ബ​റേ നി​ന​ക്ക്? എ​​ന്റെ കാ​ര്യ​മോ​ർ​ത്ത് നീ ​വി​ഷ​മി​ക്കേ​ണ്ട. നീ ​നി​​ന്റെ ആ​രോ​ഗ്യം ശ്ര​ദ്ധി​ക്കൂ.'' എ​ന്തോ ഗ്ര​ഹി​ച്ചി​ട്ടെ​ന്നോ​ണം അ​വ​ൻ വെ​റു​തെ ഒ​രു ചി​രി ചി​രി​ച്ചു.

പി​ന്നെ അ​ക്ബ​റെ കാ​ണു​ന്ന​ത് ഒ​രു ശ​സ്​​ത്ര​ക്രി​യ ക​ഴി​ഞ്ഞ് ഞാ​ൻ മ​ട​ങ്ങി​വ​ന്ന​പ്പോ​ഴാ​ണ്. ഞാ​ന​പ്പോ​ൾ വി​ശ്ര​മ​ത്തി​ലാ​യി​രു​ന്നു. അ​ക്ബ​ർ മു​മ്പ​ത്തേ​തി​നേ​ക്കാ​ൾ തി​ര​ക്കി​ലാ​യി​രു​ന്നു. ആ ​സ​മ​യ​ത്ത് സാ​ഹി​ത്യ അ​ക്കാ​ദ​മി അ​ട​ക്ക​മു​ള്ള​തി​​ന്റെ ചു​മ​ത​ല​യു​ണ്ട്. ക​ണ്ടു​കി​ട്ടാ​ൻ ക​ഴി​യാ​ത്ത തി​ര​ക്ക്. ഞാ​ൻ വീ​ട്ടി​നു പു​റ​ത്തു​നി​ൽ​ക്കേ ഒ​രാ​ൾ അ​പ്പു​റ​ത്തുനി​ന്ന് ന​ട​ന്നു​വ​രു​ന്ന​ത് ക​ണ്ടു. കാ​റ്റ​ത്ത​ങ്ങ​നെ അ​ല​സ​മാ​യി വ​രുക​യാ​ണ്. പി​ന്നി​ലു​ള്ള​വ​രെ ക​ണ്ട​പ്പോ​ഴാ​ണ് അ​ത് അ​ക്ബ​റാ​ണെ​ന്ന് മ​ന​സ്സി​ലാ​യ​ത്. കൂ​ടെ​യു​ള്ള​ത് അ​ക്ബ​റി​​ന്റെ ഭാ​ര്യ ജ​മീ​ല​യും മ​ക്ക​ളു​മാ​ണ്. അ​ക്ബ​റെ ത​നി​ച്ചു​കി​ട്ടി​യ​പ്പോ​ൾ ഞാ​ൻ പ​റ​ഞ്ഞു:

''എ​ന്നേ​ക്കാ​ൾ വ​ലി​യ അ​സു​ഖം നി​ന​ക്കു​ണ്ടെ​ന്ന് തോ​ന്നു​ന്ന​ല്ലോ അ​ക്ബ​റേ? നീ ​വ​ല്ലാ​തെ ക്ഷീ​ണി​ച്ചി​രി​ക്കു​ന്നു. നി​ന​ക്കെ​ന്തു പ​റ്റി? ന​ല്ലൊ​രു പ​രി​ശോ​ധ​ന നി​ന​ക്കാ​വ​ശ്യ​മാ​ണ്.'' അ​വ​ന​പ്പോ​ഴും അ​മ​ർ​ത്തി​യൊ​ന്നു മൂ​ളി.

അ​തു​ക​ഴി​ഞ്ഞ് ര​ണ്ടാ​ഴ്ച പി​ന്നി​ട്ട​പ്പോ​ൾ ഞാ​ന​റി​യു​ന്നു, അ​ക്ബ​റി​നെ ന​ഗ​ര​ത്തി​ലെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​ട്ടു​ണ്ടെ​ന്ന്. ചെ​ന്നു കാ​ണാ​തി​രി​ക്കാ​ൻ ക​ഴി​യു​മാ​യി​രു​ന്നി​ല്ല. യാ​ത്ര ചെ​യ്യാ​ൻ വി​ല​ക്കു​ണ്ടാ​യി​ട്ടും ഞാ​ൻ അ​വി​ടേ​ക്ക് പോ​വു​ക​യാ​യി​രു​ന്നു. മു​റി​യി​ൽ അ​ക്ബ​ർ ഒ​രു​വ​ശം ച​രി​ഞ്ഞു കി​ട​ക്കു​ന്നു. എ​ന്നെ ക​ണ്ട​പ്പോ​ൾ ദു​ർ​ബ​ല​മാ​യ സ്വ​ര​ത്തി​ൽ വി​ളി​ച്ചു. ''യു.​കേ...'' കി​ട​ക്ക​യി​ൽ ത​ള​ർ​ന്നു​കി​ട​ക്കു​ന്ന വ​ല​തു​കൈ ഞാ​നൊ​ന്നു തൊ​ട്ടു. വി​ര​ലു​ക​ൾ പ​തി​വി​ല​ധി​കം മ​ഞ്ഞ​ളി​ച്ചി​രു​ന്നു. ഒ​ന്നും പ​റ​യാ​ൻ ക​ഴി​യു​മാ​യി​രു​ന്നി​ല്ല. കി​ട​ക്ക​ക്ക​ടു​ത്ത് ദുഃ​ഖി​ച്ചി​രി​ക്കു​ന്ന ജ​മീ​ല​യെ​യോ സി​ത്തു​വി​നെ​യോ സു​ഹാ​ന​യെ​യോ സാ​ന്ത്വ​നി​പ്പി​ക്കാ​നും ക​ഴി​യു​മാ​യി​രു​ന്നി​ല്ല. അ​ക്ബ​റി​ന​ടു​ത്തു​നി​ന്നും വ​രു​മ്പോ​ൾ എ​ന്റെ മ​ന​സ്സ് പ​തി​വി​ല്ലാ​ത്ത​വി​ധം അ​ശാ​ന്ത​മാ​യി​രു​ന്നു. പി​റ്റേ​ന്ന് പു​ല​ർ​ച്ചെ പി.​കെ. പാ​റ​ക്ക​ട​വ് എ​ന്നെ വി​ളി​ച്ചു: ''ന​മ്മു​ടെ അ​ക്ബ​ർ പോ​യി.''

ഒ​ന്നും പ​റ​യാ​നാ​വാ​തെ ഞാ​ന​ങ്ങ​നെ നി​ന്നു. എ​​ന്റെ അ​ക്ഷ​ര​യാ​ത്ര​യി​ലെ ഒ​രു ച​ങ്ങാ​തി​കൂ​ടി ന​ഷ്​​ട​പ്പെ​ട്ടി​രി​ക്കു​ന്നു.