സ്നേ​ഹ​ത്തോ​ടെ,ഒ​രു വെ​ള്ളി​യാ​ഴ്ച പ​ക​ൽ -ഫസീല മെഹർ എഴുതുന്ന ഈജിപ്ത് യാത്രാനുഭവം തുടരുന്നു

ച​ര​ി​​ത്രം ഉ​റ​ങ്ങാ​തെ നി​ല​കൊ​ള്ളു​ന്ന, പൗ​രാ​ണി​ക​ത​ക​ൾ ഒാ​രോ അ​ണു​വി​ലും നി​റ​ഞ്ഞു​നി​ൽ​ക്കു​ന്ന ഇൗ​ജി​പ്​​തി​ലൂ​ടെ​യു​ള്ള യാ​ത്ര തു​ട​രു​ന്നു. കൈ​റോ​യി​ലെ ഒ​രു വെ​ള്ളി​യാ​ഴ്ച കാ​ഴ്ച​ക​ളാ​ണ്​ ഇ​ത്ത​വ​ണ. സ​യ്യി​ദ ആ​യി​ഷ മ​സ്ജി​ദി​ലെ ജു​മു​അ​യി​ൽ​നി​ന്നും സ​യ്യി​ദ ആ​യി​ഷ ച​ന്ത​യി​ലെ തി​ര​ക്കു​ക​ളി​ൽ​നി​ന്നും കാ​ണാ​ൻ നി​റ​യെ ഉ​ണ്ട്, അ​റി​യാ​ൻ നി​ര​വ​ധി​യു​ണ്ട്.

മു​ഖ​ദ്ദം കു​ന്ന് കേ​റി​യി​റ​ങ്ങു​മ്പോ​ഴൊ​ക്കെ താ​മ​ര​ശ്ശേ​രി ചു​ര​വും വ​യ​നാ​ട്ടി​ലേ​ക്കു​ള്ള പോ​ക്കു​വ​ര​വും ഓ​ർ​മ​വ​രും. ഒ​മ്പ​ത് ഹെ​യ​ർ​പി​ൻ വ​ള​വു​ക​ളൊ​ന്നു​മി​ല്ലെ​ങ്കി​ലും അ​തി​​ന്റെ വ​ള​ഞ്ഞു​പു​ള​ഞ്ഞ വ​ഴി​യും താ​ഴേ​ക്ക് നോ​ക്കു​മ്പോ​ൾ പോ​ക​പ്പോ​കെ വ​ലു​താ​യി​വ​രു​ന്ന പ​ട്ട​ണ​വും എ​ത്തി​ച്ചേ​രു​ന്ന നി​ര​പ്പും. വ്യ​ത്യാ​സ​മു​ള്ള​ത് ഭൂ​മി​ക്കും പ്ര​കൃ​തി​ക്കു​മാ​ണ്. ഒ​രി​ട​ത്ത് പ​ച്ച​പു​ത​ച്ചി​രി​ക്കു​ന്നു​വെ​ങ്കി​ൽ മ​റ്റേ​യി​ട​ത്ത് മ​ണ​ൽ​നി​റ​മു​ള്ള മ​ൺ​തി​ട്ട​ക​ൾ. അ​വി​ടു​ള്ള ക​ല്ലി​നും ക​ഥ പ​റ​യാ​നു​ണ്ടെ​ന്ന് തോ​ന്നും. മ​ണ്ണു​മാ​ന്തി യ​ന്ത്ര​ങ്ങ​ൾ കു​ഴി​ച്ച് നീ​ക്കി​യി​ട്ടി​രി​ക്കു​ന്ന സ്ഥ​ല​ങ്ങ​ളി​ൽ ഏ​തോ യു​ഗ​ത്തി​ൽ ആ​രോ താ​മ​സി​ച്ചി​രു​ന്ന മ​ണ്ണു​കൊ​ട്ടാ​ര​ത്തി​​ന്റെ രൂ​പം തെ​ളി​ഞ്ഞു​വ​രു​ന്ന​ത് കാ​ണാം. കു​ന്നി​​ന്റെ മു​ന​മ്പി​ലാ​ണ് കൈ​റോ​ക്ക് മു​ഴു​വ​ൻ കാ​വ​ലാ​യി സ​ലാ​ഹു​ദ്ദീ​ൻ അ​യ്യൂ​ബി പ​ണി ക​ഴി​പ്പി​ച്ച കോ​ട്ട. ശ​ത്രു​ക്ക​ളെ നി​രീ​ക്ഷി​ക്കു​ന്ന കൈ​റോ​യി​ലെ ഏ​റ്റ​വും ഉ​യ​ർ​ന്ന ത​ട്ട്. അ​തി​ന​ക​ത്ത് മു​ഹ​മ്മ​ദ് അ​ലി മ​സ്ജി​ദ്. കു​ന്നി​റ​ങ്ങ​വേ മു​ക​ളി​ൽ​നി​ന്ന് നോ​ക്കു​മ്പോ​ൾ പൊ​ടി​മ​ണ്ണി​​ന്റെ നി​റം​പി​ടി​ച്ച പ​തി​നാ​യി​രം പു​രാ​ത​ന കെ​ട്ടി​ട​ങ്ങ​ളു​ടെ ഒ​ച്ച​പ്പാ​ടാ​ണ്. ആ​യി​രം മി​നാ​ര​ങ്ങ​ളും താ​ഴി​ക​ക്കു​ട​ങ്ങ​ളും ആ ​കെ​ട്ടി​ട പ​ര​പ്പി​ൽ ഉ​യ​ർ​ന്നു​നി​ൽ​പ്പു​ണ്ട്. ഇ​ട​യി​ലാ​ണ് ‘മ​രി​ച്ച​വ​രു​ടെ ന​ഗ​രം’ ന​ര​ച്ചു കി​ട​ക്കു​ന്ന​ത്. ആ​ത്മാ​ക്ക​ൾ ശാ​ന്ത​രാ​യു​റ​ങ്ങു​ന്നു. ജീ​വി​ച്ചി​രി​ക്കു​ന്ന​വ​രു​ടെ നെ​ടു​വീ​ർ​പ്പു​ക​ൾ ബാ​ൽ​ക്ക​ണി​യി​ൽ വി​രി​ച്ചി​ട്ട തു​ണി​ക​ളി​ലൂ​ടെ ഊ​രി​യി​റ​ങ്ങു​ന്നു. ഇ​തി​ന് ന​ടു​വി​ലാ​ണ് പ​ഴ​യ കൈ​റോ​യി​ലെ സാ​ധാ​ര​ണ ജീ​വി​തം ഓ​ടു​ന്ന​ത്.

കൈ​റോ​യി​ലു​ള്ള​പ്പോ​ൾ താ​മ​സി​ച്ചി​രു​ന്ന​ത് മു​ഖ​ദ്ദം കു​ന്നി​ന് മു​ക​ളി​ലെ ഒ​രു അ​പ്പാ​ർ​ട്മെ​ന്റി​ലാ​യി​രു​ന്നു. ന​ഗ​രം കാ​ണാ​ൻ എ​ന്നും താ​ഴേ​ക്കി​റ​ങ്ങും. അ​തു​കൊ​ണ്ട് ത​ന്നെ കൈ​റോ​യി​ൽ ഏ​റ്റ​വു​മ​ധി​കം ക​ണ്ട ജീ​വ​നു​ള്ള കാ​ഴ്ച ഏ​താ​ണെ​ന്ന് ചോ​ദി​ച്ചാ​ൽ മേ​ൽ​പ​റ​ഞ്ഞ​താ​ണ്. രാ​ത്രി തി​രി​കെ വ​രു​മ്പോ​ൾ വെ​ളി​ച്ചം കൂ​ടി തെ​ളി​യു​ന്ന​തോ​ടെ ക​റു​ത്ത പു​ത​പ്പി​ൽ മി​ന്നാ​മി​നു​ങ്ങു​ക​ൾ പ​റ്റി​പ്പി​ടി​ച്ച​തു പോ​ലാ​ണു​ണ്ടാ​വു​ക. നി​ര​ത്തി​ലെ ചു​വ​പ്പും വെ​ളു​പ്പും ലൈ​റ്റു​ക​ൾ മി​ന്നി​ച്ച് ക​ട​ന്നു​പോ​വു​ന്ന കാ​റു​ക​ളും കൂ​ടി​യാ​കു​ന്ന​തോ​ടെ രാ​ത്രി പൂ​ർ​ണ​മാ​ണ്. പി​ന്നെ വീ​ണ്ടും അ​ടു​ത്ത പു​ല​രി. അ​ടു​ത്ത കു​ന്നി​റ​ക്കം. ഊബ​റി​ലോ ഇ​ൻ ഡ്രൈ​വി​ലോ ടാ​ക്സി വി​ളി​ച്ചാ​യി​രു​ന്നു അ​ധി​ക​വും യാ​ത്ര. ഓ​രോ ത​വ​ണ​യും ഓ​രോ ടാ​ക്സി ഡ്രൈ​വ​ർ​മാ​രാ​വും. ചി​ല​രൊ​ക്കെ ന​ന്നാ​യി സം​സാ​രി​ക്കും. എ​വി​ടെ നി​ന്നാ​ണെ​ന്ന് ചോ​ദി​ക്കു​മ്പോ​ൾ ‘മി​ന​ൽ ഹി​ന്ദ്’ അ​ഥ​വാ ഇ​ന്ത്യ​യി​ൽ​നി​ന്നാ​ണെ​ന്ന് പ​റ​യു​മ്പോ​ൾ പി​ന്നെ കൂ​ടു​ത​ൽ മി​ണ്ടും. ര​ണ്ടു നാ​ട്ടി​ലെ കൗ​തു​ക​ങ്ങ​ൾ കൂ​ട്ടി​മു​ട്ടും.

എ​ല്ലാ​വ​രും പൊ​തു​വാ​യി പ​റ​യു​ന്ന ചി​ല കാ​ര്യ​ങ്ങ​ളു​ണ്ട്. അ​തി​ന​പ്പു​റം മി​ണ്ടു​ന്ന ചി​ല ര​സി​ക​ൻ ക​ഥാ​പാ​ത്ര​ങ്ങ​ളു​മു​ണ്ട്. അ​വ​രെ കു​റി​ച്ച് വേ​ണ​മെ​ങ്കി​ൽ ‘ഈ​ജി​പ്തി​ൽ ക​ണ്ടു​മു​ട്ടി​യ സാ​ര​ഥി​ക​ൾ’ എ​ന്ന പേ​രി​ൽ ഒ​ര​ധ്യാ​യം എ​ഴു​താ​ൻ മാ​ത്ര​മു​ണ്ട് താ​നും. പൊ​തു​വാ​യി പ​റ​യു​ന്ന കാ​ര്യ​ങ്ങ​ളി​ൽ ര​ണ്ടെ​ണ്ണം കേ​ര​ള​ത്തി​ലു​ള്ള പ​രി​ച​യ​ക്കാ​രും ഹി​ന്ദി സി​നി​മ​ക​ളോ​ടു​ള്ള അ​വ​രു​ടെ അ​ഭി​നി​വേ​ശ​വു​മാ​ണ്. കു​റെ​ക്കാ​ലം മ​റ്റ് അ​റ​ബ് രാ​ജ്യ​ങ്ങ​ളി​ൽ ജോ​ലി ചെ​യ്തി​രു​ന്ന ആ​ളു​ക​ളാ​ണ് കേ​ര​ള​ത്തി​ൽ​നി​ന്നാ​ണെ​ന്ന് കേ​ൾ​ക്കു​മ്പോ​ൾ ഒ​പ്പ​മു​ണ്ടാ​യി​രു​ന്ന മ​ല​യാ​ളി​ക​ളെ ഓ​ർ​ത്തി​രു​ന്ന​ത്. പ​ല​ർ​ക്കും സ്വ​ദീ​ഖാ​യി ഓ​ർ​ക്കാ​ൻ ഒ​രു സാ​ജി​ദോ നി​സാ​റോ കാ​ണും. കു​വൈ​ത്തി​ലോ യു.​എ.​ഇ​യി​ലോ ഖ​ത്ത​റി​ലോ ഒ​രു​മി​ച്ച് ജോ​ലി ചെ​യ്തി​രു​ന്ന കാ​ല​ത്തെ പ​റ്റി അ​യ​വി​റ​ക്കും. മി​സ്‍രിക​ളു​ടെ ബോ​ളി​വു​ഡ് പ്രേ​മം ടാ​ക്സി ഡ്രൈ​വ​ർ​മാ​രി​ൽ​നി​ന്ന് മാ​ത്ര​മ​ല്ല യാ​ത്ര​യി​ലു​ട​നീ​ളം ക​ണ്ട​റി​ഞ്ഞ സം​ഗ​തി​യാ​ണ്. ഷാ​റൂ​ഖ് ഖാ​നാ​ണ് അ​വ​രു​ടെ മ​നം​ക​വ​രും താ​രം. അ​ല​ക്സാ​ൻ​ഡ്രി​യ​യി​ൽ ഭ​ക്ഷ​ണം ക​ഴി​ക്കാ​ൻ ക​യ​റി​യ ക​ട​യി​ൽ ഓ​ടി​ക്കൊ​ണ്ടി​രു​ന്ന​ത് ഷാ​റൂ​ഖി​​ന്റെ ‘ഓം ​ശാ​ന്തി ഓം’ ​ആ​യി​രു​ന്നു. ‘പ​ത്താ​ൻ’ സി​നി​മ​യു​മാ​യി ബ​ന്ധ​പ്പെ​ട്ട് ഇ​വി​ടെ വി​വാ​ദം ന​ട​ക്കു​ന്ന സ​മ​യ​മാ​യി​രു​ന്നു അ​ത്. അ​പ്പോ​ഴാ​ണ് (എ​പ്പോ​ഴും..!) വേ​റൊ​രു രാ​ജ്യ​ത്തെ ആ​ളു​ക​ൾ ആ​രാ​ധ​ന​യോ​ടെ ആ ​മ​നു​ഷ്യ​നെ പ​റ്റി പ​റ​ഞ്ഞു​കൊ​ണ്ടി​രി​ക്കു​ന്ന​ത്. ഇ​ന്ത്യ​യെ അ​വ​രു​മാ​യി ബ​ന്ധി​പ്പി​ക്കു​ന്ന ഒ​രു ച​ര​ടുപോ​ലാ​ണ് ഷാ​റൂ​ഖ് ഖാ​ൻ.

സ​​​യ്യി​​​ദ ആ​​​യി​​​ഷ മാ​​ർ​​ക്ക​​റ്റി​​ൽ നിന്നുള്ള ദൃശ്യം

‘‘ഷാ​റൂ​ഖ് അ​ല്ലേ നി​ങ്ങ​ളു​ടെ നാ​ടി​​ന്റെ ബ്രാ​ൻ​ഡ് അം​ബാ​സ​ഡ​ർ’’ എ​ന്ന് ചോ​ദി​ച്ച മ​ഹ്മൂ​ദ് എ​ന്ന ടാ​ക്സി ഡ്രൈ​വ​റി​നൊ​പ്പ​മാ​ണ് ആ ​വെ​ള്ളി​യാ​ഴ്ച രാ​വി​ലെ മു​ഖ​ദ്ദം കു​ന്നി​റ​ങ്ങി​യ​ത്, പ​തി​വി​ലും നേ​ര​ത്തേ. മ​ഞ്ഞു​കാ​ല​മാ​യ​തു​കൊ​ണ്ട് ന​ല്ല ത​ണു​പ്പാ​യി​രു​ന്നു. സ​യ്യി​ദ ആ​യി​ഷ​യി​ലെ സൂ​ഖ് അ​ൽ ജു​മു​അ​യി​ലേ​ക്കാ​യ​തു​കൊ​ണ്ടാ​ണ് ത​ണു​പ്പ് വ​ക​വെ​ക്കാ​തെ വേ​ഗ​മി​റ​ങ്ങി​യ​ത്. കാ​ര​ണം ‘വെ​ള്ളി​യാ​ഴ്ച ച​ന്ത’ രാ​വി​ലെ എ​ട്ടി​നു തു​ട​ങ്ങും. ലൊ​ക്കേ​ഷ​ൻ അ​താ​ണെ​ന്ന് ക​ണ്ട് ഡ്രൈ​വ​ർ അ​ത് ടൂ​റി​സ്റ്റു​ക​ൾ പോ​കു​ന്ന സ്ഥ​ല​മ​ല്ല​ല്ലോ എ​ന്ന് സൂ​ചി​പ്പി​ച്ചു. ന​ല്ല തി​ര​ക്കാ​യി​രി​ക്കു​മെ​ന്ന് മു​ന്ന​റി​യി​പ്പും ത​ന്നു. പി​ന്നെ​യാ​ണ് ഷാ​റൂ​ഖ് പ്രേ​മ​ത്തെ പ​റ്റി വാ​ചാ​ല​നാ​യ​ത്. സ​ലാ​ഹു​ദ്ദീ​ൻ സി​റ്റാ​ഡ​ൽ പി​ന്നി​ട്ട് തി​രി​വു​ക​ളു​ള്ള റോ​ഡ് ക​ഴി​ഞ്ഞ് കാ​ർ അ​ൽ തു​ൻ​സി പാ​ല​ത്തി​ന് മു​ക​ളി​ലെ​ത്തി. ആ ​ഫ്ലൈ ഓ​വ​റി​ന് മു​ക​ളി​ലൂ​ടെ പോ​കു​മ്പോ​ൾത​ന്നെ താ​ഴെ ഇ​രു​വ​ശ​ത്തു​മു​ള്ള ച​ന്ത​യി​ലെ ആ​ൾ​ത്തി​ര​ക്കും ശ​ബ്ദ​ങ്ങ​ളും അ​റി​യാ​നാ​കും. ഫ്ലൈ ​ഓ​വ​റി​റ​ങ്ങി ഇ​ട​തു​വ​ശ​ത്തേ​ക്ക് തി​രി​ഞ്ഞ് ഒ​ര​രി​കി​ലാ​യി അ​ദ്ദേ​ഹം വ​ണ്ടി നി​ർ​ത്തി. തി​ര​ക്ക് അ​വി​ടെ മു​ത​ലു​ണ്ട്. പ​ക്ഷേ, ശ​രി​ക്കും തി​ര​ക്ക് കാ​ണാ​ൻ കി​ട​ക്കു​ന്ന​തേ​യു​ണ്ടാ​യി​രു​ന്നു​ള്ളൂ.

ഫ്ലൈ ​ഓ​വ​റി​​ന്റെ വ​ല​തു​വ​ശ​ത്താ​യാ​ണ് സ​യ്യി​ദ ആ​യി​ഷ മ​സ്ജി​ദ്. അ​തി​ന് ചു​റ്റു​മാ​യി വി​ക​സി​ച്ചു​വ​ന്ന തെ​രു​വാ​ണി​ത്. ര​ണ്ടു​വ​ശ​ത്തും നി​ര​നി​ര​യാ​യി ക​ട​ക​ളാ​ണ്. എ​ന്തും കി​ട്ടും. പ​ക്ഷേ പാ​മ്പി​ൻ​കു​ഞ്ഞു​ങ്ങ​ളെ​യും മു​ത​ല​ക്കു​ട്ടി​ക​ളെ​യും കു​ര​ങ്ങ​നെ​യു​മൊ​ക്കെ വാ​ങ്ങ​ണ​മെ​ന്നു​ണ്ടെ​ങ്കി​ൽ വെ​ള്ളി​യാ​ഴ്ച ത​ന്നെ സ​യ്യി​ദ ആ​യി​ഷ മാ​ർ​ക്ക​റ്റി​ലെ​ത്ത​ണം. വ​ള​ർ​ത്തു​മൃ​ഗ​ങ്ങ​ളെ​യും പ​ക്ഷി​ക​ളെ​യു​മൊ​ക്കെ വി​ൽ​ക്കാ​നും വാ​ങ്ങാ​നു​മു​ള്ള ഈ​ജി​പ്തി​ലെത​ന്നെ വ​ലി​യ ച​ന്ത അ​ന്നാ​ണു​ണ്ടാ​വു​ക. എ​ല്ലാ വെ​ള്ളി​യാ​ഴ്ച​യും രാ​വി​ലെ എ​ട്ടു​മു​ത​ൽ ഉ​ച്ച​ക്ക് ര​ണ്ടു വ​രെ. അ​തൊ​രു ലോ​ക​മാ​ണ്. വി​നോ​ദ​സ​ഞ്ചാ​ര ഭൂ​പ​ട​ത്തി​ന​പ്പു​റ​മു​ള്ള കൈ​റോ​യി​ലെ ഏ​റ്റ​വും സാ​ധാ​ര​ണ​ക്കാ​ര​​ന്റെ ജീ​വി​ത​വും ജീ​വി​ത​നി​ല​വാ​ര​വും അ​റി​യാ​നാ​വു​ന്ന ലോ​കം. സ​മ്പ​ന്ന​ത​ക്കും ദാ​രി​ദ്ര്യ​ത്തി​നും എ​ല്ലാ ന​ഗ​ര​ങ്ങ​ളി​ലും ഒ​രേ ഛായ​യാ​ണ്, മു​ഖം മാ​റു​ന്നു​വെ​ന്നേ​യു​ള്ളൂ. കൈ​റോ​യും വി​ഭി​ന്ന​മ​ല്ല.

സ​​​യ്യി​​​ദ ആ​​​യി​​​ഷ മാ​​ർ​​ക്ക​​റ്റിലെ വിൽപനക്കാരി

നൂ​ഹി​​ന്റെ പേ​ട​കം തു​റ​ന്നു​വി​ട്ട​തു​പോ​ലെ​യാ​ണ് പെ​റ്റ് മാ​ർ​ക്ക​റ്റി​ലൂ​ടെ​യു​ള്ള ന​ട​പ്പ്. മ​നു​ഷ്യ​രെ കൂ​ടാ​തെ പ​ട്ടി, പൂ​ച്ച, പ്രാ​വ്, കു​ര​ങ്ങ​ൻ, കോ​ഴി, താ​റാ​വ് തു​ട​ങ്ങി​യ​വ​യൊ​ക്കെ ന​ട​ക്കു​ന്നു​ണ്ടാ​വും. അ​വ​യെ ത​ട്ടാ​തെ​യും മു​ട്ടാ​തെ​യും വി​ദ​ഗ്ധ​മാ​യി വേ​ണം ന​ട​ക്കാ​ൻ. അ​തി​ൽ​നി​ന്ന് ര​ക്ഷ​പ്പെ​ടാ​ൻ അ​രി​കി​ലൂ​ടെ നൂ​ണ്ടു​ക​ട​ക്കാ​മെ​ന്ന് വി​ചാ​രി​ച്ചാ​ൽ കൂ​ട്ടി​ന​ക​ത്തു​നി​ന്ന് പാ​മ്പ്, മു​ത​ല​ക്കു​ഞ്ഞ്, ഓ​ന്ത്, ആ​മ, എ​ലി തു​ട​ങ്ങി​യ​വ​യൊ​ക്കെ ഏ​ന്തി​നോ​ക്കി പ​ല്ലി​ളി​ക്കു​ന്നു​ണ്ടാ​വും. അ​തു​ക​ണ്ട് പേ​ടി​ച്ചാ​ൽ ക​ട​യി​ലി​രി​ക്കു​ന്ന​വ​ർ ക​ളി​യാ​ക്കി ചി​രി​ക്കും. ഒ​രു കൊ​ച്ചു​പ​യ്യ​ൻ ‘ഇ​താ നോ​ക്കൂ, നി​സ്സാ​രം...’ എ​ന്ന​മ​ട്ടി​ൽ ക​ഴു​ത്തി​ൽ പാ​മ്പി​ൻ​കു​ഞ്ഞി​നെ​യും തോ​ളി​ലി​ട്ട് ഫോ​ട്ടോ​ക്ക് പോ​സ് ചെ​യ്തു​ത​ന്നു. പി​ന്നെ അ​തി​നെ എ​​ന്റെ കൈ​യി​ൽ ത​രാ​നാ​ണ് അ​വ​ന് താ​ൽ​പ​ര്യം. പേ​ടി​ക്കാ​നൊ​ന്നു​മി​ല്ല എ​ന്ന് ചി​രി​ച്ചു​കൊ​ണ്ട് പ​റ​യു​ന്നു​മു​ണ്ട്. തോ​ളി​ൽ​നി​ന്ന് കൈ​യി​ലെ​ടു​ത്ത് പാ​മ്പി​ൻ​കു​ഞ്ഞി​നെ എ​നി​ക്കു​നേ​രെ നീ​ട്ടി​യ​തേ ഞാ​ൻ ത​ടി​ത​പ്പി.

ഖാ​ൻ അൽ ഖ​ലീ​ലി​ലും അ​ൽ മു​ഇ​സി​ലും സ​ഞ്ചാ​രി​ക​ളു​ടെ ഫോ​ട്ടോ​യെ​ടു​ക്കാ​ൻ കാ​മ​റാ​മാ​ന്മാ​ർ വ​രി​യാ​യി കാ​ത്തു​നി​ൽ​ക്കു​ക​യാ​യി​രു​ന്നെ​ങ്കി​ൽ ഇ​വി​ടെ നേ​രേ തി​രി​ച്ചാ​ണ്. കാ​മ​റ ക​ണ്ട​പ്പോ​ൾ ത​ങ്ങ​ളു​ടെ ഫോ​ട്ടോ​യെ​ടു​ക്കാ​നാ​വ​ശ്യ​പ്പെ​ട്ട് പോ​സ് ചെ​യ്യു​ന്ന​വ​രാ​ണ് അ​ധി​കം. ഫോ​ട്ടോ​യെ​ടു​ത്ത​പ്പോ​ൾ അ​യ​ച്ചു​കൊ​ടു​ക്കാ​നാ​വ​ശ്യ​പ്പെ​ട്ട് വാ​ട്സ്ആ​പ് ന​മ്പ​റും ത​രും.

വെ​ള്ളി​യാ​ഴ്ച ച​ന്ത ഒ​റ്റ​നോ​ട്ട​ത്തി​ൽ​ത​ന്നെ പു​രു​ഷ​ന്മാ​രു​ടേ​തും ആ​ൺ​കു​ട്ടി​ക​ളു​ടേ​തു​മാ​ണ്. സ്ത്രീ​ക​ൾ വ​ള​രെ കു​റ​വ്. കോ​ഴി​ക്കു​ഞ്ഞു​ങ്ങ​ളെ​യും താ​റാ​വി​ൻ​പ​റ്റ​ത്തെ​യും മു​ള​യു​ടെ വ​ലി​യ വ​ട്ട​ത്ത​ട്ടി​ൽ​വെ​ച്ച് വി​ൽ​ക്കാ​നി​രി​ക്കു​ന്ന​ത് സ്ത്രീ​ക​ളാ​ണ്. മീ​നും പ​ല​ത​രം. തീ​റ്റ​സാ​ധ​ന​ങ്ങ​ൾ വി​ൽ​ക്കു​ന്നി​ട​ത്തും പ​ർ​ദ​യി​ട്ട പ്രാ​യ​മാ​യ സ്ത്രീ​ക​ളു​ണ്ട്. ഓ​റ​ഞ്ച് കൊ​ണ്ട​ല​ങ്ക​രി​ച്ച ഉ​ന്തു​വ​ണ്ടി​യി​ൽ ജ്യൂ​സ് വി​ൽ​ക്കു​ന്നൊ​രു പെ​ൺ​കു​ട്ടി​യെ ക​ണ്ടു. ഫോ​ട്ടോ എ​ടു​ക്ക​ട്ടെ​യെ​ന്ന് ചോ​ദി​ച്ച​പ്പോ​ൾ സ​മ്മ​തി​ച്ചു. ഇ​തൊ​ന്നു​മ​ല്ലാ​തെ ആ ​തെ​രു​വി​ൽ പെ​ണ്ണു​ങ്ങ​ൾ കു​റ​വാ​യി​രു​ന്നു. സാ​മ്പ​ത്തി​ക​മാ​യി അ​ത്ര മെ​ച്ച​മ​ല്ലാ​ത്ത സാ​ഹ​ച​ര്യ​ത്തി​ലു​ള്ള കൈ​റോ​യി​ലെ സ്ത്രീ​ക​ളാ​രും മോ​ഡേ​ൺ വ​സ്ത്ര​ങ്ങ​ൾ ധ​രി​ച്ചു​ക​ണ്ടി​ല്ലെ​ന്ന ധാ​ര​ണ ശ​രി​യാ​ണെ​ന്ന് സ​യ്യിദ ആ​യി​ഷ​യി​ലെ​ത്തി​യ​പ്പോ​ൾ തോ​ന്നി. എ​ല്ലാ​വ​രും ക​റു​ത്ത പ​ർ​ദ​യോ വെ​ൽ​വെ​റ്റ് തു​ണി​യി​ലു​ള്ള നീ​ള​ൻ കു​പ്പാ​യ​ങ്ങ​ളോ ആ​ണ് ഉ​പ​യോ​ഗി​ക്കു​ന്ന​ത്. പു​രു​ഷ​ന്മാ​രി​ലും പ​ര​മ്പ​രാ​ഗ​ത വ​സ്ത്രം ധ​രി​ക്കു​ന്ന​തി​ൽ ഈ ​ഘ​ട​ക​മു​ള്ള​താ​യി തോ​ന്നി.

പ​ക്ഷി​ക​ളു​ടെ​യും ചി​ല്ലു​കൂ​ട്ടി​ലെ പ​ല വ​ർ​ണ​ത്തി​ലു​ള്ള മീ​നു​ക​ളു​ടെ​യും മു​യ​ലു​ക​ളു​ടെ​യും വി​ൽ​പ​ന​യി​ൽ പ്ര​ധാ​നി​ക​ൾ ആ​ൺ​കു​ട്ടി​ക​ളാ​ണ്. പ്രാ​വു​വ​ള​ർ​ത്ത​ൽ പ​യ്യ​ന്മാ​രു​ടെ പ്ര​ധാ​ന​വി​നോ​ദ​മാ​യ​തു​കൊ​ണ്ട് വാ​ങ്ങാ​നും ആ ​പ്രാ​യ​ക്കാ​ർത​ന്നെ​യാ​ണ് അ​ധി​കം. വി​വി​ധ ബ്രീ​ഡു​ക​ളി​ലു​ള്ള പ​ട്ടി​ക​ൾ​ക്കും പൂ​ച്ച​ക​ൾ​ക്കും കു​റെ ആ​വ​ശ്യ​ക്കാ​രു​ണ്ട്. വി​ല ചോ​ദി​ച്ച​പ്പോ​ൾ ഇ​വി​ടു​ള്ള​തി​നേ​ക്കാ​ൾ കു​റ​വാ​ണെ​ന്ന് മ​ന​സ്സി​ലാ​യി. മു​ത​ല, പാ​മ്പ്, ഓ​ന്ത് ഇ​ത്യാ​ദി​ക​ളെ ഏ​ത് അ​രു​മ തോ​ന്ന​ലി​ന്മേ​ലാ​ണ് വ​ള​ർ​ത്താ​ൻ ഉ​ദ്ദേ​ശി​ക്കു​ന്ന​തെ​ന്ന് മാ​ത്ര​മാ​ണ് പെ​റ്റ് മാ​ർ​ക്ക​റ്റ് ക​ണ്ട​പ്പോ​ൾ മ​ന​സ്സി​ലാ​കാ​തെ ഇ​രു​ന്ന​ത്. വ​ള​ർ​ത്തു​മൃ​ഗ​ങ്ങ​ൾ​ക്കു​ള്ള അ​നു​ബ​ന്ധ സാ​ധ​ന​ങ്ങ​ളും അ​വി​ടെ സു​ല​ഭ​മാ​ണ്. അ​വ​ക്കു വേ​ണ്ട കൂ​ടു​ക​ൾ, വെ​ള്ള​ത്തി​നും തീ​റ്റ​ക്കു​മു​ള്ള പാ​ത്ര​ങ്ങ​ൾ, ധാ​ന്യ​ങ്ങ​ൾ, ഭ​ക്ഷ​ണ​ങ്ങ​ൾ, പ​റ​വ​ക​ളെ വീ​ഴ്ത്താ​നു​ള്ള ക​വ​ണ​ക​ൾ -എ​ല്ലാ​മു​ണ്ട്.

സ​​​യ്യി​​​ദ ആ​​​യി​​​ഷ മാ​​ർ​​ക്ക​​റ്റി​​ൽ വി​​ൽ​​പ​​ന​​ക്കാ​​യു​​ള്ള ജീവികൾ

മ​നു​ഷ്യ​ർ​ക്ക് ക​ഴി​ക്കാ​നു​ള്ള പ​ല​ത​രം ഭ​ക്ഷ​ണ​ങ്ങ​ളും ചാ​യ​ക്ക​ട​ക​ളു​മു​ണ്ട് ഇ​ഷ്ടം​പോ​ലെ. കു​ഷ​രി​യും ഫ​ലാ​ഫി​ലും ഐ​ഷു​മൊ​ക്കെ വാ​ങ്ങി ആ​ളു​ക​ൾ ന​ട​ക്കു​ന്ന​തി​നി​ടെ തി​ന്നു​ന്നു. തി​ന്നു​കൊ​ണ്ട് വ​ർ​ത്ത​മാ​നം പ​റ​യു​ന്നു, വി​ല​പേ​ശി സാ​ധ​ന​ങ്ങ​ൾ വാ​ങ്ങു​ന്നു. ഈ ​ബ​ഹ​ള​ങ്ങ​ൾ​ക്കൊ​ക്കെ ഇ​ട​യി​ലൂ​ടെ കാ​റും സ്കൂ​ട്ട​റും പോ​കു​ന്ന​ത് കാ​ണു​മ്പോ​ഴാ​ണ് ഈ​ജി​പ്തു​കാ​ർ​ക്ക് ഡ്രൈ​വി​ങ് എ​ന്ന​ത് ഒ​രു ക​ല​യാ​ണെ​ന്ന് മ​ന​സ്സി​ലാ​വു​ക. ന​ട​ക്കാ​ൻ​ത​ന്നെ ഇ​ട​മി​ല്ലാ​തെ ഒ​ഴു​കു​ന്ന​തി​നി​ട​യി​ലൂ​ടെ വ​ണ്ടി​ക​ളും കൊ​ണ്ട് നീ​ന്തു​ന്ന​ത് വ​ല്ലാ​ത്ത മി​ടു​ക്ക് ത​ന്നെ.

സ​യ്യിദ ആ​യി​ഷ മ​സ്ജി​ദ് കൂ​ടാ​തെ വേ​റെ​യും ചെ​റി​യ പ​ള്ളി​ക​ൾ ഈ ​വ​ഴി​യി​ലു​ണ്ട്. അ​തി​ന് പു​റ​ത്തി​ട്ടി​രി​ക്കു​ന്ന ബെ​ഞ്ചി​ൽ ചി​ല​ർ കി​ട​ന്നു​റ​ങ്ങു​ന്നു. തെ​രു​വി​ൽ ആ​ളു​ക​ൾ താ​മ​സി​ക്കു​ന്ന വീ​ടു​ക​ളു​മു​ണ്ട്. തു​റ​ന്നി​ട്ട ജ​ന​ലി​ന് പു​റ​ത്തേ​ക്ക് അ​വി​ടി​വി​ടെ ത​ല നീ​ളു​ന്ന​തും ഉ​ണ​ങ്ങാ​നി​ട്ട കു​പ്പാ​യ​ങ്ങ​ളും കാ​ണാം. വ​ള​ർ​ത്തു​മൃ​ഗ​ങ്ങ​ളു​ടെ ഏ​രി​യ ക​ഴി​ഞ്ഞാ​ൽ പി​ന്നെ വ​സ്ത്രം വി​ൽ​ക്കു​ന്ന തെ​രു​വാ​ണ്. അ​വി​ടെ ഉ​പ​യോ​ഗി​ച്ച വ​സ്ത്ര​ങ്ങ​ളും വി​ല​കു​റ​ഞ്ഞ പു​തി​യ വ​സ്ത്ര​ങ്ങ​ളും വാ​ങ്ങാ​ൻ കി​ട്ടും. അ​ത​ങ്ങ​നെ ഒ​രു​ഭാ​ഗ​ത്ത് നീ​ണ്ടു​കി​ട​പ്പു​ണ്ട്. വ​ഴി​യി​ൽ ക​ണ്ട അ​ഹ​മ്മ​ദ് എ​ന്ന തു​ണി​വി​ൽ​പ​ന​ക്കാ​ര​ൻ അ​ന്നാ​ട്ടു​കാ​ര​നല്ലെ​ന്ന​റി​ഞ്ഞ​പ്പോ​ൾ ചാ​യ കു​ടി​ക്കാ​ൻ ക്ഷ​ണി​ച്ചു, കൈ​യി​ലു​ള്ള കു​ഷ​രി പ​ങ്കി​ടാ​നും.

പ​ഴ​യ സാ​ധ​ന​ങ്ങ​ൾ വി​ൽ​ക്കു​ന്ന ക​ട​ക​ൾ​ക്ക് ഇ​വി​ടെ​യും പ​ഞ്ഞ​മി​ല്ല. ഏ​തോ വാ​തി​ലു​ക​ളു​ടെ തു​രു​മ്പു​പി​ടി​ച്ച താ​ക്കോ​ൽ​ക്കൂ​ട്ടം വ​രെ​യു​ണ്ട്. മു​ത്തു​മാ​ല​ക​ൾ, നാ​ണ​യ​ങ്ങ​ൾ, വി​ള​ക്കു​ക​ൾ, ചി​ല കു​ടും​ബ​ഫോ​ട്ടോ​ക​ൾ -ര​സ​ക​ര​മാ​യ സ​മ്പാ​ദ്യ​ങ്ങ​ളാ​ണ്. പ​ക്ഷേ ഏ​റ്റ​വും ത​മാ​ശ വി​ൽ​ക്കാ​നു​ള്ള​വ​യി​ൽ ഉ​പ​യോ​ഗി​ച്ച ബ്ര​ഷു​ക​ളു​ണ്ടെ​ന്ന​താ​യി​രു​ന്നു. അ​ത് വാ​ങ്ങു​ന്ന​വ​രു​ണ്ടാ​വു​മോ..! കൂ​ട്ടി​യി​ട്ട ബ്ര​ഷു​ക​ൾ ക​ണ്ട​പ്പോ​ൾ ഈ​ജി​പ്തു​കാ​ർ​ക്ക് പ​ല്ലു​തേ​ക്കാ​ൻ മ​ടി​യാ​ണെ​ന്ന് അ​വി​ടെ​വെ​ച്ച് കേ​ട്ടി​രു​ന്ന കാ​ര്യ​മാ​ണ് ഓ​ർ​മ​വ​ന്ന​ത്. അ​തെ​ത്ര ക​ണ്ട് ശ​രി​യാ​ണെ​ന്ന​റി​യി​ല്ല.

പ​ക്ഷേ, ച​രി​ത്രം നോ​ക്കി​യാ​ൽ ബ്ര​ഷും ടൂ​ത്ത് പേ​സ്റ്റി​​ന്റെ ആ​ദി​മ​രൂ​പ​വു​മൊ​ക്കെ ക​ണ്ടു​പി​ടി​ച്ച​ത് അ​വ​രാ​ണ് താ​നും. സ​യ്യി​ദ ആ​യി​ഷ മാ​ർ​ക്ക​റ്റി​ൽ വേ​റെ​യും കൈ​വ​ഴി​ക​ൾ പ​ല​വ​ഴി​ക്കു​ണ്ട്. പ​ക്ഷേ, ജു​മു​അ​ക്ക് അ​ൽ അ​സ്ഹ​ർ മ​സ്ജി​ദി​ൽ കൂ​ട​ണ​മെ​ന്നു​ള്ള​തു​കൊ​ണ്ട് 11 മ​ണി​യാ​യ​പ്പോ​ഴേ​ക്കും അ​വി​ടെ​നി​ന്ന് മ​ട​ങ്ങാ​ൻ തീ​രു​മാ​നി​ച്ചു.

സ​​യ്യി​​ദ ആ​​യി​​ഷ മ​​സ്ജി​​ദ്.

തി​രി​കെ സയ്യി​ദ ആ​യി​ഷ മ​സ്ജി​ദി​നു മു​ന്നി​ൽ ന​ട​ന്നെ​ത്തി​യ​പ്പോ​ഴേ​ക്കും ന​ല്ല തി​ര​ക്കാ​ണ്. പ​ല​വി​ധ കോ​ലാ​ഹ​ല​ങ്ങ​ൾ. ഓ​രോ സ്ഥ​ല​ത്തേ​ക്കു​മു​ള്ള ചെ​റി​യ ബ​സു​ക​ൾ വ​രി​വ​രി​യാ​യി കി​ട​പ്പു​ണ്ട്. അ​തേ​പ​റ്റി വ​ല്യ ധാ​ര​ണ​യി​ല്ലാ​ത്ത​തു​കൊ​ണ്ട് ‘ടു​ക്ടു​ക്’ യാ​ത്ര തി​ര​ഞ്ഞെ​ടു​ത്തു. കേ​ട്ടാ​ൽ ഇ​ത്തി​രി ഓ​മ​ന​ത്തം തോ​ന്നു​ന്ന പേ​രു​ണ്ടെ​ന്നേ​യു​ള്ളൂ, ക​ക്ഷി ന​മ്മു​ടെ നാ​ട്ടി​ലെ ഓ​ട്ടോ​റി​ക്ഷ​യാ​ണ്. തി​ര​ക്കു​പി​ടി​ച്ച നേ​ര​മാ​യ​തു​കൊ​ണ്ടും ആ ​സ​മ​യം ഏ​റ്റ​വു​മ​ധി​കം ബ്ലോ​ക്കു​ണ്ടാ​വു​ന്ന അ​ൽ അ​സ്ഹ​ർ മ​സ്ജി​ദ് പ​രി​സ​ര​ത്തേ​ക്കാ​ണ് പോ​വേ​ണ്ട​തെ​ന്ന​തു​കൊ​ണ്ടും ഡ്രൈ​വ​ർ ആ​ദ്യം വൈ​മ​ന​സ്യം കാ​ട്ടി​യെ​ങ്കി​ലും പി​ന്നെ ഞ​ങ്ങ​ളെ ക​യ​റ്റി.

ടാ​ക്സി​യി​ലെ അ​ട​ഞ്ഞ​യി​രി​പ്പ് പോ​ലെ​യാ​യി​രു​ന്നി​ല്ല ടു​ക്ടു​ക് യാ​ത്ര. പ​ല ഊ​ടു​വ​ഴി​ക​ളി​ലൂ​ടെ​യും അ​തി​ന് പോ​കാ​നാ​വു​മാ​യി​രു​ന്നു. ഏ​തു​വ​ഴി​യാ​ണ് പോ​യ​തെ​ന്നൊ​ന്നും അ​റി​ഞ്ഞു​കൂ​ടാ. പ​ക്ഷേ, പ​ഴ​യ കൈ​റോ​യു​ടെ നാ​ഡി​ക​ളി​ലൂ​ടെ​യാ​യി​രു​ന്നു ആ ​സ​വാ​രി. എ​ല്ലാം പ​ഴ​യ പ​ഴ​യ തെ​രു​വു​ക​ൾ, കെ​ട്ടി​ട​ങ്ങ​ൾ, ഫ്രെ​യി​മു​ക​ൾ. വ​ഴി​യി​ലെ​വി​ടെ​യോ ഒ​രു സം​ഘം ആ​ളു​ക​ൾ കാ​മ​റ​യൊ​ക്കെ തൂ​ക്കി കെ​ട്ടി​ട​ങ്ങ​ളു​ടെ ഫോ​ട്ടോ​യെ​ടു​ത്ത് ന​ട​ക്കു​ന്ന​ത് ക​ണ്ടു. ഒ​രു മു​തി​ർ​ന്ന വ്യ​ക്തി ഗൈ​ഡ് ചെ​യ്യു​ന്നു​മു​ണ്ട്. കൈ​റോ​യി​ലെ പൗ​രാ​ണി​ക​ നി​ർ​മി​തി​ക​ളെപ്പറ്റി പ​ഠി​ക്കു​ന്ന സം​ഘ​മാ​യി​രി​ക്കു​മെ​ന്ന് തോ​ന്നി. ജു​മു​അ​ക്ക് നേ​ര​മാ​യി​രു​ന്ന​തു​കൊ​ണ്ട് തെ​രു​വു​ക​ൾ വി​ജ​ന​മാ​യി തു​ട​ങ്ങി​യി​രു​ന്നു. അ​ൽ അ​സ്ഹ​റി​ൽ പ​ഠി​ക്കു​ന്ന ഇ​ന്തോ​നേ​ഷ്യ​ൻ വി​ദ്യാ​ർ​ഥി​ക​ൾ ത​ങ്ങ​ളു​ടെ പ​ര​മ്പ​രാ​ഗ​ത കു​പ്പാ​യ​ങ്ങ​ളി​ൽ ന​മ​സ്കാ​ര​ത്തി​നാ​യി വേ​ഗം ന​ട​ക്കു​ന്നു​ണ്ട്.

വ​ണ്ടി അ​ൽ ഹു​സൈ​ൻ പ​ള്ളി​യു​ടെ അ​ടു​ത്ത് നി​ർ​ത്തി. റോ​ഡി​ന്‌ മ​റു​വ​ശ​ത്തേ​ക്ക് പോ​വാ​നു​ള്ള ക​റ​ക്കം നോ​ക്കി​യാ​ൽ മൂ​ന്നാ​ലു​വ​ട്ടം അ​ങ്ങോ​ട്ടു​മി​ങ്ങോ​ട്ടും ന​ട​ക്കാ​നു​ള്ള സ​മ​യ​മു​ണ്ട്. അ​തു​കൊ​ണ്ട് അ​വി​ടെ​യി​റ​ങ്ങി സ​ബ് വേ​യി​ലൂ​ടെ അ​ൽ അ​സ്ഹ​ർ പ​ള്ളി​യി​ലേ​ക്ക് ന​ട​ന്നു. കൈ​റോ​യി​ൽ ഏ​റ്റ​വു​മ​ധി​കം ആ​ളു​ക​ൾ ജു​മു​അ നമ​സ്ക​രി​ക്കാ​നെ​ത്തു​ന്ന​ത് ഈ ​ര​ണ്ട് പ​ള്ളി​ക​ളി​ലു​മാ​ണ്. അ​തു​കൊ​ണ്ട് നേ​ര​ത്തേ എ​ത്തി കാ​ത്തി​രു​ന്നാ​ലേ ന​മ​സ്കാ​ര​ത്തി​ന് ഇ​ടം​കി​ട്ടൂ. ആ​ളു​ക​ൾ മു​സ​ല്ല​യും കൈ​യി​ൽ പി​ടി​ച്ച് തി​ര​ക്കി​ട്ട് ര​ണ്ട് പ​ള്ളി​ക​ളി​ലേ​ക്കു​മാ​യി ന​ട​ക്കു​ക​യാ​ണ്. ഹു​സൈ​ൻ പ​ള്ളി​യി​ലേ​ക്ക് ശു​ഭ്ര​വ​സ്ത്ര​ധാ​രി​ക​ളാ​യി പോ​കു​ന്ന ബോ​റാ മു​സ്‍ലിം വി​ഭാ​ഗ​ത്തി​ൽ​പെ​ട്ട​വ​രെ ക​ണ്ടു. ശി​യാ വി​ശ്വാ​സ​ധാ​ര​യി​ൽ​പെ​ട്ട​വ​രാ​യ​തു​കൊ​ണ്ട് ഹു​സൈ​ൻ മ​സ്ജി​ദ് അ​വ​രു​ടെ പ്ര​ധാ​ന​പ്പെ​ട്ട പു​ണ്യ​സ്ഥ​ല​ങ്ങ​ളി​ലൊ​ന്നാ​ണ്. വ​ഴി​യി​ൽ മാ​സ്കും തൊ​പ്പി​യു​മൊ​ക്കെ വി​ൽ​ക്കാ​നി​രി​ക്കു​ന്ന​വ​രു​ണ്ട്. വെ​ള്ളി​യാ​ഴ്ച പു​ണ്യം നേ​ടാ​ൻ വി​ശ്വാ​സി​ക​ളെ ‘സ​ഹാ​യി​ക്കാ​നാ​യി’ കൈ​നീ​ട്ടു​ന്ന​വ​രും ധാ​രാ​ളം. അ​ൽ അ​സ്ഹ​റി​​ന്റെ മു​റ്റ​ത്തെ​ത്തി​യ​പ്പോ​ഴേ​ക്കും പ​ള്ളി ഏ​താ​ണ്ട് നി​റ​ഞ്ഞി​രു​ന്നു.

പ​ള്ളി​യു​ടെ പ​രി​സ​ര​ത്ത് തി​ര​ക്ക് നി​യ​ന്ത്രി​ക്കാ​നും പ​രി​ശോ​ധി​ക്കാ​നും പൊ​ലീ​സു​ണ്ട്. സ്ത്രീ​ക​ൾ​ക്കും പു​രു​ഷ​ന്മാ​ർ​ക്കും അം​ഗ​ശു​ദ്ധി വ​രു​ത്താ​ൻ വേ​റെ വേ​റെ ഇ​ട​ങ്ങ​ളാ​ണ്. അ​തി​നു​ശേ​ഷം ഒ​രേ വാ​തി​ലി​ലൂ​ടെ ത​ന്നെ അ​ക​ത്തേ​ക്ക് പ്ര​വേ​ശി​ക്കാം. സ്ത്രീ​ക​ൾ​ക്ക് മാ​ത്ര​മാ​യി മ​റ്റൊ​രു പ്ര​വേ​ശ​ന ക​വാ​ട​വു​മു​ണ്ട്. പ​ള്ളി​യു​ടെ ന​ടു​മു​റ്റ​ത്തെ​ത്തി​യ​പ്പോ​ൾ സ്ത്രീ​ക​ളി​രി​ക്കു​ന്ന ഭാ​ഗം അ​പ്പോ​ഴേ​ക്കും നി​റ​ഞ്ഞി​രു​ന്നു. പി​ന്നെ ഇ​പ്പു​റ​ത്താ​യു​ള്ള മു​റി​യി​ലാ​ണ് സ്ഥ​ലം കി​ട്ടി​യ​ത്. അ​തും കു​റ​ച്ചു​നേ​രം കൊ​ണ്ടു​ത​ന്നെ നി​റ​ഞ്ഞു. പി​ന്നെ ബാ​ങ്ക് കൊ​ടു​ക്കും​വ​രെ​യു​ള്ള കാ​ത്തി​രി​പ്പാ​ണ്.

970ൽ ​സ്ഥാ​പി​ച്ച അ​ൽ അ​സ്ഹ​ർ കൈ​റോ​യി​ലെ ത​ന്നെ ആ​ദ്യ​കാ​ല പ​ള്ളി​ക​ളി​ലൊ​ന്നാ​ണ്. പ​ല കാ​ല​ങ്ങ​ളി​ലാ​യി വി​പു​ലീ​ക​ര​ണം ന​ട​ന്ന​തു​കൊ​ണ്ട് ത​ന്നെ വി​വി​ധ വാ​സ്തു​വി​ദ്യാ​ശൈ​ലി​ക​ളു​ടെ സ​മ​ന്വ​യ​മാ​ണ് ഇ​വി​ടെ. ശി​യാ വി​ശ്വാ​സി​ക​ളാ​യി​രു​ന്ന ഫാ​ത്തി​മി​ക​ൾ നി​ർ​മി​ച്ച പ​ള്ളി അ​യ്യൂ​ബി ഭ​ര​ണ​കാ​ല​ത്തോ​ടെ സു​ന്നി​ക​ൾ ഏ​റ്റെ​ടു​ത്തു. വ്യ​ത്യ​സ്ത വാ​സ്തു​ശൈ​ലി​യി​ലു​ള്ള അ​ഞ്ച് മി​നാ​ര​ങ്ങ​ൾ, കു​ഫി ലി​ഖി​ത​ങ്ങ​ളു​ള്ള മി​ഹ്‌​റാ​ബ്, മാ​ർ​ബി​ൾ പ​തി​ച്ച വി​ശാ​ല​മാ​യ ന​ടു​മു​റ്റം, മ​ര​ത്തൂ​ണു​ക​ൾ​കൊ​ണ്ട് പ​ണി​ത പ്രാ​ർ​ഥ​നാ​ഹാ​ൾ എ​ന്നി​വ​യാ​ണ് പ്ര​ധാ​ന സ​വി​ശേ​ഷ​ത​ക​ൾ.

അ​​ൽ അ​​സ്ഹ​​ർ മ​​സ്ജി​​ദി​​​ന്റെ ഉ​​ൾ​​ഭാ​​ഗം

പ​ള്ളി​യു​ടെ ഭാ​ഗ​മാ​യി ആ​രം​ഭി​ച്ച മ​ദ്റ​സ ഇ​ന്ന് അ​ൽ അ​സ്ഹ​ർ യൂ​നി​വേ​ഴ്സി​റ്റി എ​ന്ന പേ​രി​ൽ മു​സ്‌​ലിം ലോ​ക​ത്തെ ഏ​റ്റ​വും പ്ര​ധാ​ന​പ്പെ​ട്ട വി​ദ്യാ​ഭ്യാ​സ കേ​ന്ദ്ര​ങ്ങ​ളി​ലൊ​ന്നാ​ണ്. വി​വി​ധ രാ​ജ്യ​ങ്ങ​ളി​ലെ വി​ദ്യാ​ർ​ഥി​ക​ൾ ഇ​സ്‍ലാ​മി​ക വി​ഷ​യ​ങ്ങ​ളി​ലെ​യും അ​റ​ബി​ഭാ​ഷ​യി​ലെ​യും ഉ​ന്ന​ത​പ​ഠ​ന​ത്തി​നാ​യി ഇ​വി​ടെ​യെ​ത്തു​ന്നു. ഇ​ന്തോ​നേ​ഷ്യ, മ​ലേ​ഷ്യ, ഇ​ന്ത്യ, സു​ഡാ​ൻ തു​ട​ങ്ങി പ​ല രാ​ജ്യ​ങ്ങ​ളി​ലെ വി​ദ്യാ​ർ​ഥി​ക​ൾ അ​തി​ലു​ണ്ട്. മെ​ഡി​സി​നും എ​ൻ​ജി​നീ​യ​റി​ങ്ങും അ​ട​ക്ക​മു​ള്ള മ​റ്റ് വി​ഷ​യ​ങ്ങ​ളി​ലും ഉ​ന്ന​ത​വി​ദ്യാ​ഭ്യാ​സ​ത്തി​ന് അ​വ​സ​ര​മു​ണ്ടെ​ങ്കി​ലും പ​ഠ​ന​മാ​ധ്യ​മം അ​റ​ബി​യാ​ണ്. അ​റ​ബി പ​ഠി​ക്കാ​നാ​യി കു​റ​ഞ്ഞ ഫീ​സി​ൽ ഒ​രു വ​ർ​ഷ​ത്തെ കോ​ഴ്സു​ണ്ട്. ആ​ർ​ക്കും ചേ​രാം. പ്രാ​യ​മോ യോ​ഗ്യ​ത​ക​ളോ ബാ​ധ​ക​മ​ല്ല. കൈ​റോ ന​ഗ​ര​ത്തി​ൽ​ത​ന്നെ സ​ർ​വ​ക​ലാ​ശാ​ല​ക്ക് ഒ​രു​പാ​ട് കാ​മ്പ​സു​ക​ളു​ണ്ട്. ഇ​വി​ടെ അ​നേ​കം പെ​ൺ​കു​ട്ടി​ക​ൾ പ​ഠി​ക്കു​ന്നു​ണ്ട്, സ്ത്രീ​ക​ൾ പ​ഠി​പ്പി​ക്കു​ന്നു​മു​ണ്ട്. അ​ൽ അ​സ്ഹ​റി​ലെ വി​ദ്യാ​ർ​ഥി​യാ​യി ഈ​ജി​പ്തി​ലെ​ത്തി​യാ​ൽ ആ ​നാ​ടി​നെ അ​റി​യ​ൽ എ​ളു​പ്പ​മാ​ണ്. എ​ല്ലാ സ​ഞ്ചാ​ര​കേ​ന്ദ്ര​ങ്ങ​ളി​ലും ക​യ​റാ​ൻ ഫീ​സ് കു​റ​വാ​ണ്. ചി​ല സ്ഥ​ല​ത്ത് പൈ​സ​യേ വേ​ണ്ട. ഏ​ത് സ​ർ​വ​ക​ലാ​ശാ​ല​യി​ലെ വി​ദ്യാ​ർ​ഥി​ക​ൾ​ക്കും ഈ ​ഇ​ള​വു​ക​ളു​ണ്ട്.

അ​സ്ഹ​റി​ൽ പ​ഠി​ക്കു​ന്ന​വ​രാ​ണെ​ങ്കി​ൽ ബ​ഹു​മാ​ന​മി​ത്തി​രി അ​ധി​കം കി​ട്ടു​മെ​ന്ന് മാ​ത്രം. അ​വി​ട​ത്തെ പ്ര​ത്യേ​ക ഡ്ര​സ് കോ​ഡ് ഭം​ഗി​യു​ള്ള​താ​ണ്. ക​റു​ത്ത നീ​ള​ൻ കു​പ്പാ​യ​വും ചു​വ​പ്പി​ൽ വെ​ള്ള​ത്തു​ണി ചു​റ്റി​യ പ്ര​ത്യേ​ക തൊ​പ്പി​യും. ഇ​സ്‍ലാ​മി​ക വി​ഷ​യ​ങ്ങ​ളി​ൽ ഓ​രോ ലെ​വ​ലി​ലു​ള്ള ബി​രു​ദ​ങ്ങ​ളാ​ണ് കോ​ഴ്സാ​യു​ള്ള​ത്. മ​റ്റ് സ്ഥ​ല​ങ്ങ​ളി​ൽ​നി​ന്ന് പ​ഠി​ച്ച​വ​ർ​ക്ക് അ​വി​ടെ ഉ​പ​രി​പ​ഠ​ന​ത്തി​ന് പോ​ക​ണ​മെ​ങ്കി​ലു​ള്ള നി​ബ​ന്ധ​ന യൂ​നി​വേ​ഴ്‌​സി​റ്റി​യു​മാ​യി അ​ഫി​ലി​യേ​ഷ​നു​ള്ള സ്ഥാ​പ​ന​ങ്ങ​ളി​ൽ​നി​ന്നു​ള്ള​വ​രാ​വ​ണ​മെ​ന്ന​താ​ണ്. ഇ​സ്‍ലാം മ​ത​വു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ൽ ഈ​ജി​പ്തി​ലെ അ​വ​സാ​ന വാ​ക്ക് അ​ൽ അ​സ്ഹ​റി​ന്റേ​താ​ണ്. രാ​ജ്യ​ത്തെ മ​ത​കാ​ര്യ വ​കു​പ്പി​​ന്റെ മേ​ധാ​വി അ​ൽ അ​സ്ഹ​റി​​ന്റെ ശൈ​ഖാ​ണ്.

ജു​മു​അ ക​ഴി​ഞ്ഞ് പ​ള്ളി​യി​ൽ​നി​ന്ന് പു​റ​ത്തേ​ക്കി​റ​ങ്ങു​മ്പോ​ഴാ​ണ് ദു​നി​യാ​വി​ലെ വ്യ​ത്യ​സ്ത കോ​ണു​ക​ളി​ലു​ള്ള എ​ത്ര മ​നു​ഷ്യ​രാ​ണ് ഇ​ത്ര​നേ​രം ഒ​രു​മി​ച്ചു​ണ്ടാ​യ​തെ​ന്ന് തി​രി​ച്ച​റി​യു​ക. പ​ല നി​റ​ത്തി​ലു​ള്ള, വ്യ​ത്യ​സ്ത സാം​സ്കാ​രി​ക പ​രി​സ​ര​ങ്ങ​ളി​ൽ​നി​ന്ന് വ​ന്ന​വ​ർ. ച​രി​ത്ര​ത്തി​​ന്റെ ഒ​പ്പ് പ​തി​ഞ്ഞ പ​ള്ളി​യി​ൽ ജു​മു​അ കൂ​ടാ​നാ​യ​തി​​ന്റെ തെ​ളി​ച്ചം ആ​ദ്യ​മാ​യി അ​വി​ടെ​യെ​ത്തി​യ​വ​രു​ടെ മു​ഖ​ത്ത് അ​മ്പി​ളി​വ​ട്ട​ത്തി​ൽ കാ​ണാം. ഞാ​നു​മ​തി​ൽ ഒ​രു ഭാ​ഗ​മാ​യി​രു​ന്നു. ന​മ​സ്കാ​ര​ശേ​ഷം ന​ടു​മു​റ്റ​ത്തു നി​ന്ന് ഫോ​ട്ടോ​യെ​ടു​ക്കു​ന്ന തി​ര​ക്കി​ലാ​ണ് അ​വ​ർ പി​ന്നെ. സ്വ​ന്ത​ക്കാ​രെ വി​ളി​ച്ച് വി​ഡി​യോ കാ​ൾ ചെ​യ്യു​ന്ന​വ​രു​ടെ​യും ഒ​രു​മി​ച്ച് നി​ന്ന് ഫോ​ട്ടോ​യെ​ടു​ക്കു​ന്ന​വ​രു​ടെ​യും സ​ന്തോ​ഷ​ങ്ങ​ൾ. അ​വി​ടെ ആ​ൺ-​പെ​ൺ വേ​ർ​തി​രി​വു​ക​ളൊ​ന്നു​മി​ല്ല.

ഈ​ജി​പ്തി​ൽ പൊ​തു​വെ സ്ത്രീ​ക​ൾ​ക്ക് പ​ള്ളി​യി​ലോ പൊ​തു​സ്ഥ​ല​ങ്ങ​ളി​ലോ ഒ​ന്നും നി​യ​ന്ത്ര​ണ​ങ്ങ​ളി​ല്ല. അ​ത് പ​ല കാ​ല​ങ്ങ​ളി​ലാ​യി, പ​ല പോ​രാ​ട്ട​ങ്ങ​ളി​ലാ​യി അ​വ​ർ നേ​ടി​യ​താ​വാം. എ​ന്തി​​ന്റെ ഭാ​ഗ​മാ​യാ​ണെ​ങ്കി​ലും മോ​ഡേ​ൺ വേ​ഷ​ങ്ങ​ള​ണി​ഞ്ഞ്, ശി​രോ​വ​സ്ത്രം ധ​രി​ച്ച് ആ​ത്മ​വി​ശ്വാ​സ​ത്തോ​ടെ ന​ട​ന്നു​പോ​വു​ന്ന പെ​ൺ​കു​ട്ടി​ക​ളു​ടെ സം​ഘ​ങ്ങ​ൾ സ​ന്തോ​ഷം പ​ക​രു​ന്ന കാ​ഴ്ച​യാ​ണ്. ആ ​ന​ട​പ്പ് എ​ല്ലാ​യി​ട​ത്തും അ​ത്ര എ​ളു​പ്പ​ത്തി​ൽ സാ​ധ്യ​മ​ല്ല​ല്ലോ.