Begin typing your search above and press return to search.
proflie-avatar
Login

സ്വാ​ത​ന്ത്ര്യം?

സ്വാ​ത​ന്ത്ര്യം?
cancel

സ്വാ​ത​ന്ത്ര്യ​ത്തി​ന്‍റെ 75ാം വാ​ര്‍ഷി​കാ​ഘോ​ഷ​ങ്ങ​ളു​ടെ തി​മി​ര്‍പ്പി​ന്‍റെ വേ​ള​യി​ല്‍ത​ന്നെ, ക​ഴി​ഞ്ഞ ല​ക്കം ആ​ഴ്ച​പ്പ​തി​പ്പ് നി​ര്‍ണാ​യ​ക​മാ​യ ചോ​ദ്യം ഉ​ന്ന​യി​ച്ചി​രു​ന്നു: സ്വാ​ത​ന്ത്ര്യം ആ​രു​ടെ, ആ​ര്‍ക്ക്? ഉ​ത്ത​ര​ത്തി​ന് അ​ധി​കം കാ​ത്തി​രി​ക്കേ​ണ്ടി​വ​ന്നി​ല്ല. സ്വാ​ത​ന്ത്ര്യ​ദി​ന​ത്തി​ല്‍ത​ന്നെ മ​റു​പ​ടി വ​ന്നു. ഒ​രി​ട​ത്തു​നി​ന്ന​ല്ല, മൂ​ന്നി​ട​ത്തു​നി​ന്ന്. ഒ​ന്ന്: രാ​ജ​സ്ഥാ​നി​ലെ ജ​ലോ​ർ ജി​ല്ല​യി​ലെ സ​ര​സ്വ​തി വി​ദ്യാ​മ​ന്ദി​ര്‍ സ്കൂ​ളി​ല്‍ മൂ​ന്നാം ക്ലാ​സ് വി​ദ്യാ​ര്‍ഥി​യെ ജാ​തി​വെ​റി​യി​ല്‍, സ​വ​ര്‍ണ ജാ​തി​ക്കാ​ര​നാ​യ...

Your Subscription Supports Independent Journalism

View Plans

സ്വാ​ത​ന്ത്ര്യ​ത്തി​ന്‍റെ 75ാം വാ​ര്‍ഷി​കാ​ഘോ​ഷ​ങ്ങ​ളു​ടെ തി​മി​ര്‍പ്പി​ന്‍റെ വേ​ള​യി​ല്‍ത​ന്നെ, ക​ഴി​ഞ്ഞ ല​ക്കം ആ​ഴ്ച​പ്പ​തി​പ്പ് നി​ര്‍ണാ​യ​ക​മാ​യ ചോ​ദ്യം ഉ​ന്ന​യി​ച്ചി​രു​ന്നു: സ്വാ​ത​ന്ത്ര്യം ആ​രു​ടെ, ആ​ര്‍ക്ക്?

ഉ​ത്ത​ര​ത്തി​ന് അ​ധി​കം കാ​ത്തി​രി​ക്കേ​ണ്ടി​വ​ന്നി​ല്ല. സ്വാ​ത​ന്ത്ര്യ​ദി​ന​ത്തി​ല്‍ത​ന്നെ മ​റു​പ​ടി വ​ന്നു. ഒ​രി​ട​ത്തു​നി​ന്ന​ല്ല, മൂ​ന്നി​ട​ത്തു​നി​ന്ന്.

ഒ​ന്ന്: രാ​ജ​സ്ഥാ​നി​ലെ ജ​ലോ​ർ ജി​ല്ല​യി​ലെ സ​ര​സ്വ​തി വി​ദ്യാ​മ​ന്ദി​ര്‍ സ്കൂ​ളി​ല്‍ മൂ​ന്നാം ക്ലാ​സ് വി​ദ്യാ​ര്‍ഥി​യെ ജാ​തി​വെ​റി​യി​ല്‍, സ​വ​ര്‍ണ ജാ​തി​ക്കാ​ര​നാ​യ അ​ധ്യാ​പ​ക​ന്‍ മ​ര്‍ദി​ച്ചു​കൊ​ന്നു. കു​റ്റം, ദ​ലി​ത​നാ​യ കു​ഞ്ഞ് ദാ​ഹി​ച്ച​പ്പോ​ള്‍ അ​ധ്യാ​പ​ക​ന്റെ കു​ടി​വെ​ള്ള​പ്പാ​ത്ര​ത്തി​ല്‍ തൊ​ട്ടു. മൂ​ന്നാ​ഴ്ച ആ​ശു​പ​ത്രി​യി​ല്‍ ക​ഴി​ഞ്ഞ കു​ഞ്ഞ് മ​രി​ക്കാ​ന്‍ കാ​ര​ണം ആ​ന്ത​രി​ക​മാ​യി ഏ​റ്റ ക്ഷ​ത​ങ്ങ​ളാ​യി​രു​ന്നു.

ര​ണ്ട്: രാ​ജ്യം ക​ണ്ട ഏ​റ്റ​വും വ​ലി​യ കൂ​ട്ട​ക്കൊ​ല​ക​ളി​ല്‍ ഒ​ന്നാ​യ 2002ലെ ​ഗു​ജ​റാ​ത്ത് വം​ശ​ഹ​ത്യ​യു​മാ​യി ബ​ന്ധ​പ്പെ​ട്ട കേ​സി​ല്‍ 11 പേ​രെ ഗു​ജ​റാ​ത്ത് സം​സ്ഥാ​ന സ​ര്‍ക്കാ​ര്‍ മോ​ചി​പ്പി​ച്ചു. ഇ​വ​ര്‍ക്കു​മേ​ലു​ള്ള കു​റ്റം: വം​ശ​ഹ​ത്യ​ക്കി​ട​യി​ല്‍ ബി​ല്‍ക്കീ​സ് ബാ​നു​വി​നെ കൂ​ട്ട​ബ​ലാ​ത്സം​ഗം ചെ​യ്യു​ക​യും അ​വ​രു​ടെ ഏ​ഴ് കു​ടും​ബാം​ഗ​ങ്ങ​ളെ കൊ​ല​പ്പെ​ടു​ത്തു​ക​യും ചെ​യ്തു. ഗു​രു​ത​ര ച​ട്ട​ലം​ഘ​ന​മാ​യി​രു​ന്നു മോ​ച​നം. ജീ​വ​പ​ര്യ​ന്തം ത​ട​വി​ന് ശി​ക്ഷി​ക്ക​പ്പെ​ട്ട, ബ​ലാ​ത്സം​ഗ​ക്കേ​സ് പ്ര​തി​ക​ളു​ടെ മോ​ച​നം നി​യ​മ​പ്ര​കാ​രം അ​നു​വ​ദ​നീ​യ​മ​ല്ല.

മൂ​ന്ന്: വ​യ​നാ​ട്ടി​ലെ നെ​യ്ക്കു​പ്പ ച​ക്കി​ട്ടപൊ​യി​ല്‍ പ​ണി​യ കോ​ള​നി​യി​ലെ മൂ​ന്ന് ആ​ദി​വാ​സി വി​ദ്യാ​ര്‍ഥി​ക​ള്‍ക്ക് ക്രൂ​ര​മ​ര്‍ദ​നം. കു​റ്റം: ക​ളി​ക്കു​ന്ന​തി​നി​ട​യി​ല്‍ അ​ബ​ദ്ധ​ത്തി​ല്‍ വ​യ​ലി​ലെ വ​ര​മ്പ് ച​വി​ട്ടി. വ​ലി​യ ശീ​മ​​ക്കൊ​ന്ന​യു​ടെ വ​ടി​യെ​ടു​ത്താ​യി​രു​ന്നു മ​ര്‍ദ​നം.

ന​മു​ക്ക് ഉ​ത്ത​ര​ത്തി​ലേ​ക്ക്​ വ​രാം. ഇ​ത​ല്ല കാ​ല​ത്തി​ന്റെ ശ​രി​യാ​വേ​ണ്ട ഉ​ത്ത​രം. അ​തി​നാ​ല്‍ ത​ന്നെ ഇ​പ്പോ​ഴ​ത്തെ ഉ​ത്ത​രം മാ​റ്റി​യെ​ഴു​തി​യേ തീ​രൂ. അ​തു​വ​രെ ചോ​ദ്യം പ്ര​സ​ക്ത​മാ​യി തു​ട​രും.

ഠ​ഠ​ഠ

ആ​ഴ്ച​പ്പ​തി​പ്പി​ന്റെ ഈ ​ല​ക്കം അ​ച്ച​ടി​ഘ​ട്ട​ത്തി​ലെ​ത്തി​യ​പ്പോ​ഴാ​ണ് എ​ഴു​ത്തു​കാ​ര​ന്‍ നാ​രാ​യ​ന്‍ വി​ട​പ​റ​ഞ്ഞ വാ​ര്‍ത്ത വ​രു​ന്ന​ത്. മാ​ധ്യ​മ​ത്തി​ന്റെ എ​ക്കാ​ല​ത്തെ​യും സു​ഹൃ​ത്താ​യി​രു​ന്നു അ​ദ്ദേ​ഹം. ഗോ​ത്ര​ജീ​വി​ത​ത്തെ ത​ന​ത് അ​ടി​ത്ത​റ​യി​ല്‍നി​ന്ന് സാ​ഹി​ത്യ​ത്തി​ലേ​ക്ക് പ​ട​ര്‍ത്തി​യ അ​ദ്ദേ​ഹം എ​ന്നും ആ​ഴ്ച​പ്പ​തി​പ്പു​മാ​യി ഊ​ഷ്മ​ള സ്നേ​ഹം പ​ങ്കി​ട്ടു. ആ ​വേ​ര്‍പാ​ട് വേ​ദ​നി​പ്പി​ക്കു​ന്നു. വാ​യ​ന​ക്കാ​ര്‍ക്കാ​യി അ​ദ്ദേ​ഹം ഏല്‍പി​ച്ച, അ​വ​സാ​ന​മെ​ഴു​തി​യ ക​ഥ ഈ ​ല​ക്ക​ത്തി​ലു​ണ്ട്.

ആ​ഴ്ച​പ്പ​തി​പ്പി​ന്റെ 1248ാം ല​ക്ക​ത്തി​ല്‍ നാ​രാ​യ​ന്റെ അ​ഭി​മു​ഖ​വും ജീ​വി​ത​വും പ്ര​സി​ദ്ധീ​ക​രി​ച്ചി​രു​ന്നു. ആ ​ല​ക്ക​ത്തി​ല്‍ നാ​ഞ്ചി​യ​മ്മ​യു​മു​ണ്ടാ​യി​രു​ന്നു. ഇ​പ്പോ​ള്‍ ഈ ​ല​ക്ക​ത്തി​ലും നാ​ഞ്ചി​യ​മ്മ​യു​ണ്ട്. അ​ട്ട​പ്പാ​ടി​യി​ലെ ത​ന്റെ ഭൂ​മി ത​ട്ടി​യെ​ടു​ക്ക​പ്പെ​ടു​ന്ന അ​വ​സ്ഥ​യി​ലാ​ണ് നാ​ഞ്ചി​യ​മ്മ. സാം​സ്കാ​രി​ക ലോ​കം ഇ​ട​പെ​ട്ടി​ല്ലെ​ങ്കി​ല്‍ നാ​ഞ്ചി​യ​മ്മ​യു​ടെ ഭൂ​മി ന​ഷ്ട​പ്പെ​ടും. ഗോ​ത്ര​ജീ​വി​ത​ത്തെ പാ​ട്ടി​ല്‍ പ​ട​ര്‍ത്തി​യ നാ​ഞ്ചി​യ​മ്മ​യോ​ട് 'മാ​ധ്യ​മം' കൈ​കോ​ര്‍ക്കു​ന്ന​ത് കൃ​ത്യ​മാ​യ അ​ടി​ത്ത​റ​ക​ളി​ലാ​ണ്. അ​ത് തു​ട​രും. 

News Summary - madhyamam weekly thudakkam