'സ്വൈരിണി' -അ​ൻ​വ​ർ അ​ബ്ദു​ള്ള എഴുതിയ കഥ വായിക്കാം

അ​മ്പി​ളി തി​ര​ക്കി​ട്ടു ന​ട​ന്നു. വ​ണ്ടി​തെ​റ്റി​യാ​ൽ യാ​ത്ര മു​ട​ങ്ങി​യ​തു​ത​ന്നെ. ഒ​രേ​യൊ​രു ട്രാ​ൻ​സ്​​പോ​ർ​ട്ടു​വ​ണ്ടി​യാ​ണ് അ​ങ്ങോ​ട്ടു​മി​ങ്ങോ​ട്ടു​മോ​ടു​ന്ന​ത്. അ​ത് ഉ​ച്ച​തി​രി​ഞ്ഞ് ര​ണ്ട​ര​ക്കു വ​ടു​ക​മ്പാ​റ​ക്ക​വ​ല​യി​ൽ വ​ന്നു​നി​ൽ​ക്കും. അ​വി​ടു​ന്ന​തു പു​റ​പ്പെ​ടു​മ്പോ​ൾ, താ​ന​തി​ലു​ണ്ടെ​ങ്കി​ൽ വി​ചാ​രി​ച്ച കൂ​ടി​ക്കാ​ഴ്ച ന​ട​ക്കും. ഇ​ല്ലെ​ങ്കി​ൽ, ആ ​ബ​സ്​ പോ​യി​വ​ന്നി​ട്ട് പി​ന്ന​ങ്ങോ​ട്ട​തു മ​ട​ങ്ങു​ന്ന​ത് നാ​ല​ര​ക്കാ​ണ്. ആ ​സ​മ​യ​ത്തു പോ​യി​ട്ട് കാ​ര്യ​മി​ല്ല.

ക​ഥാ​കൃ​ത്ത് ജ​യ​ച​ന്ദ്ര​നു​മാ​യു​ള്ള സ​മാ​ഗ​മ​ത്തി​നാ​ണ് അ​മ്പി​ളി​യു​ടെ യാ​ത്ര. വി​ചാ​രി​ക്കു​ന്ന​തു​പോ​ലെ ബ​സു കി​ട്ടി​യാ​ൽ, മൂ​ന്നേ​കാ​ലി​ന് ബ​സ് ക​മ്പി​ളി​വ​യ​ലി​ലെ​ത്തും. അ​വി​ടി​റ​ങ്ങി കു​റ​ച്ചു ന​ട​ക്കാ​നു​ണ്ടാ​കു​മെ​ന്ന് ജ​യ​ച​ന്ദ്ര​ൻ പ​റ​ഞ്ഞി​രു​ന്നു. ഏ​താ​ണ്ടൊ​ര​ര​മു​ക്കാ​ൽ മ​ണി​ക്കൂ​ർ. ക​മ്പി​ളി​വ​യ​ലി​ൽ എ​വി​ടെ​യോ ന​ട​ക്കു​ന്ന സാ​ഹി​ത്യ​ക്യാ​മ്പി​ന് ഉ​ച്ച​തി​രി​ഞ്ഞ് മൂ​ന്നു​മ​ണി​ക്ക് സ​മാ​പ​ന​സ​മ്മേ​ള​ന​മാ​ണ്. അ​താ​യ​ത്, നാ​ലു​മ​ണി പി​ന്നി​ട്ട് താ​നെ​ത്തു​മ്പോ​ഴേ​ക്കും സ​മാ​പ​ന​സ​മ്മേ​ള​നം തീ​ർ​ന്ന് ജ​യ​ച​ന്ദ്ര​ൻ തി​ര​ക്കു​ക​ളി​ൽ​നി​ന്നു മു​ക്ത​നാ​യി​രി​ക്കും. അ​പ്പോ​ൾ, അ​ത്യാ​വ​ശ്യം സ്വ​കാ​ര്യ​മാ​യി ത​ന്നെ സ്വീ​ക​രി​ക്കാ​ൻ സാ​ധി​ക്കു​മെ​ന്നാ​ണ് ജ​യ​ച​ന്ദ്ര​ൻ ഫോ​ണി​ൽ പ​റ​ഞ്ഞി​രി​ക്കു​ന്ന​ത്. ആ​രെ​ങ്കി​ലും തി​ര​ക്കി​യാ​ൽ ഗ​വ​ൺ​മെ​ന്റ് കോ​ള​ജി​ലെ മാ​ഗ​സി​ൻ എ​ഡി​റ്റ​റാ​ണെ​ന്നും അ​ഭി​മു​ഖം ചെ​യ്യാ​ൻ​വ​ന്ന​താ​ണെ​ന്നും പ​റ​ഞ്ഞാ​ൽ മ​തി​യെ​ന്നും പ​റ​ഞ്ഞു. അ​ക്കാ​ര്യ​മാ​യി​രി​ക്കും താ​നും അ​വി​ടെ പ​റ​ഞ്ഞി​ട്ടു​ണ്ടാ​കു​ക എ​ന്നു​കൂ​ടി പ​റ​ഞ്ഞു. അ​തെ​ന്തി​നാ​ണ് അ​ങ്ങ​നൊ​രു ക​ള്ള​ത്ത​ര​മെ​ന്ന് അ​മ്പി​ളി എ​ടു​ത്തു ചോ​ദി​ച്ച​താ​ണ്. അ​പ്പോ​ൾ അ​യാ​ൾ പ​റ​ഞ്ഞ​ത്, അ​ല്ലെ​ങ്കി​ൽ പ​രി​പാ​ടി സ​മാ​പി​ച്ചാ​ലും ആ​ളു​ക​ളു​ടെ കൊ​ച്ചു​വ​ർ​ത്ത​മാ​ന​ത്തി​ൽ​നി​ന്നു വി​ട്ടു​കി​ട്ടി​ല്ലെ​ന്നാ​ണ്. മാ​ഗ​സി​ൻ എ​ഡി​റ്റ​ർ, കോ​ള​ജ് സ്റ്റു​ഡ​ന്റ്, അ​ഭി​മു​ഖം... ആ ​മ​റ സ​ർ​വ​ത്തി​ൽ​നി​ന്നും ര​ക്ഷ​യാ​കും, അ​യാ​ൾ വി​ശ​ദീ​ക​രി​ച്ചു. അ​മ്പി​ളി​ക്ക് അ​ത​ത്ര ഇ​ഷ്​​ട​മാ​യി​ല്ലെ​ങ്കി​ലും അ​യാ​ളു​ടെ സ്വ​ര​ത്തി​ന്‍റെ ആ​ധി​കാ​രി​ക​ത​യി​ൽ അ​വ​ള​തു സ​മ്മ​തി​ച്ചു.

വീ​ട്ടി​ൽ​നി​ന്നു ചാ​ലു​വ​രെ​യെ​ത്തി​ക്കു​ന്ന കു​ത്തി​റ​ക്കം മു​ൻ​കാ​ലി​ലി​റ​ങ്ങി, പൊ​ട്ടി​പ്പൊ​ളി​ഞ്ഞ ഇ​ട​റോ​ഡു ക​ഴി​ഞ്ഞ്, വ​ടു​ക​മ്പാ​റ​ക്ക​വ​ല​യി​ലേ​ക്കു​ള്ള തി​രി​വു തി​രി​ഞ്ഞു ചാ​ടു​മ്പോ​ൾ ബ​സ് ക​വ​ല​യി​ൽ​നി​ന്നു പു​റ​പ്പെ​ട്ട് എ​തി​രേ​യു​ള്ള ഇ​ട​റോ​ഡി​ലേ​ക്കു നൂ​ളു​ന്ന​തു മി​ന്നാ​യം​പോ​ലെ ക​ണ്ടു. അ​വ​ൾ ഓ​ടി. ഓ​ടു​മ്പോ​ൾ ഒ​ന്നു കൂ​വി​വി​ളി​ക്കു​ക​യും ചെ​യ്തു. അ​തു ത​ന്‍റെ ത​ന്നെ ശ​ബ്ദ​മാ​ണോ എ​ന്ന​വ​ൾ അ​മ്പ​ര​ക്കു​ക​യും ചെ​യ്തു. അ​ത്ര​യും ഉ​ച്ച​ത്തി​ലു​ള്ള ഒ​രു സ്വ​രം എ​ന്നാ​ണ് ത​ന്‍റെ തൊ​ണ്ട​യി​ൽ​ക്ക​യ​റി ഒ​ളി​ച്ചു​വാ​സ​മാ​രം​ഭി​ച്ച​തെ​ന്നാ​ണ​വ​ൾ വി​ചാ​രി​ച്ച​ത്. ആ ​ശ​ബ്ദം ബ​സി​നു നേ​രേ ചാ​ട്ടു​ളി​പോ​ലെ പാ​ഞ്ഞു​പോ​യി. അ​തി​നി​ടെ, ക​വ​ല​യി​ൽ​നി​ന്ന ര​ണ്ടോ മൂ​ന്നോ​പേ​ർ​കൂ​ടി ഒ​ച്ച​ത്തി​ൽ ശ​ബ്ദ​മു​ണ്ടാ​ക്കി. പി​ൻ​ക​ണ്ണാ​ടി​യി​ലൂ​ടെ ക​ണ്ട​ക്ട​ർ അ​വ​ളു​ടെ ഓ​ട്ടം​ക​ണ്ടു. ഭാ​ഗ്യം! അ​യാ​ൾ ഒ​റ്റ​മ​ണി​യ​ടി​ച്ചു. അ​ങ്ങു​മാ​റി ബ​സ് നി​ൽ​ക്കു​ക​യും അ​വ​ളെ​ത്താ​ൻ കാ​ക്കു​ക​യും ചെ​യ്തു. റോ​ഡ് കു​റു​കെ​ക്ക​ട​ക്കു​മ്പോ​ൾ, പാ​ഞ്ഞു​വ​ന്ന ഇ​ന്നോ​വ അ​വ​ളെ ത​ട്ടി​യി​ടേ​ണ്ട​താ​യി​രു​ന്നു. നേ​ര​ത്തേ കൂ​വി​യ​വ​രും ക​ണ്ട​ക്ട​റു​മെ​ല്ലാം വാ​പൊ​ളി​ച്ചു​നി​ന്നു. ഇ​ന്നോ​വ പാ​ളി​യൊ​ഴി​ച്ചു​പോ​യി. അ​തി​ലി​രു​ന്ന​വ​ർ ഗ്ലാ​സു​താ​ഴ്ത്തി​വ​ന്ന​പ്പോ​ഴേ​ക്കും സ​മ​യം പോ​യ​തു​കൊ​ണ്ട് അ​വ​രു​ടെ ചീ​ത്ത​വി​ളി, അ​ക​ലെ ഒ​ച്ച​യി​ല്ലാ​തെ വാ​യു​വി​ലേ​ക്കു തെ​റി​ച്ചു. അ​മ്പി​ളി കി​ത​ച്ചു​കൊ​ണ്ട് ബ​സി​ൽ പി​ടി​ച്ചു​ക​യ​റി.

ഇ​ഷ്​​ടം​പോ​ലെ സീ​റ്റു​ണ്ടാ​യി​രു​ന്നു. അ​വ​ൾ ഇ​ട​ത്തു​വ​ശ​ത്തെ സൈ​ഡി​ലെ ഒ​രു സീ​റ്റി​ൽ ഇ​രു​ന്നു. ബ​​സോ​ടി​യ​പ്പോ​ൾ കാ​റ്റു​വ​ന്നു ത​ലോ​ടു​ക​യും അ​വ​ളു​ടെ കി​ത​പ്പു​മാ​റു​ക​യും ചെ​യ്തു. അ​വ​ൾ ആ​ശ്വാ​സം സ​മ്പാ​ദി​ച്ചു​കൊ​ണ്ടു നോ​ക്കു​മ്പോ​ൾ ക​ണ്ട​ക്ട​ർ ടി​ക്ക​റ്റ് യ​ന്ത്ര​വു​മാ​യി മു​ന്നി​ലെ​ത്തി. അ​വ​ൾ ക​മ്പി​ളി​വ​യ​ലി​ലേ​ക്കു ടി​ക്ക​റ്റെ​ടു​ത്തു. ക​മ്പി​ളി​വ​യ​ലി​ൽ​നി​ന്നു​ള്ള അ​വ​സാ​ന​ത്തെ ബ​സ് എ​ത്ര​മ​ണി​ക്കാ​ണെ​ന്ന് അ​വ​ൾ ക​ണ്ട​ക്ട​റോ​ട​ന്വേ​ഷി​ച്ചു. ഏ​ഴെ​ന്ന​യാ​ൾ പ​റ​ഞ്ഞു. റോ​ഡി​ൽ അ​വ​ൾ നേ​രി​ട്ട സാ​ഹ​സ​വും ബ​സ് കി​ട്ടു​ന്ന​തി​ലും ഇ​ടി​കി​ട്ടാ​തെ​യി​രു​ന്ന​തി​ലും സം​ഭ​വി​ച്ച വി​സ്​​മ​യ​ഭാ​ഗ്യ​വും ഓ​ർ​ത്താ​വ​ണം ക​ണ്ട​ക്ട​ർ അ​വ​ളോ​ട് എ​ന്തോ അ​ത്യാ​വ​ശ്യ​ത്തി​നു പോ​കു​ക​യാ​ണ​ല്ലേ എ​ന്നു കു​ശ​ല​പ്ര​ശ്നം ചെ​യ്തു. അ​വ​ൾ ങ്ഹാ! ​എ​ന്നു മു​ര​ണ്ടു ത​ല​കു​ലു​ക്കി.

തീ​ർ​ച്ച​യാ​യും ക​ടു​ത്ത അ​ത്യാ​വ​ശ്യ​മാ​യി​രു​ന്നു അ​ത്. ജ​യ​ച​ന്ദ്ര​നെ​ക്കാ​ണു​ക​യെ​ന്ന​ത് അ​വ​ളു​ടെ പ്രി​യ​പ്പെ​ട്ട അ​ത്യാ​വ​ശ്യ​മാ​യി​രു​ന്നു. കു​റേ​ക്കാ​ല​മാ​യി ഫോ​ണി​ൽ ബ​ന്ധ​മു​ണ്ട്. ഫെ​യ്സ്​​ബു​ക്കി​ൽ മി​ത്ര​ങ്ങ​ളാ​ണ്. അ​വ​ളു​ടെ കൊ​ച്ചു​കൊ​ച്ചു സാ​ഹി​ത്യ​സം​ശ​യ​ങ്ങ​ൾ​ക്കു​പോ​ലും അ​യാ​ൾ മ​റു​പ​ടി ന​ൽ​കാ​റു​ണ്ട്. എ​ട്ടാം​ക്ലാ​സി​ൽ പ​ഠി​ക്കു​മ്പോ​ൾ അ​യാ​ളു​ടെ ഒ​രു ക​ഥ അ​വ​ൾ​ക്കു പ​ഠി​ക്കാ​നു​ണ്ടാ​യി​രു​ന്നു; പ്ര​കാ​ശ​ലോ​കം. അ​തു വാ​യി​ച്ച​വ​ൾ അ​മ്പ​ര​ന്നു​പോ​യി. അ​തി​നു​മു​മ്പേ​ത​ന്നെ അ​വ​ൾ കാ​ര്യ​മാ​യ വാ​യ​ന തു​ട​ങ്ങി​യി​രു​ന്നെ​ങ്കി​ലും ആ ​ക​ഥ അ​വ​ൾ​ക്കു​മു​ന്നി​ൽ പു​തി​യൊ​രു ലോ​കം തു​റ​ന്നി​ട്ടു. വെ​റു​മൊ​രു പു​തി​യ ലോ​ക​മ​ല്ല; പ്ര​കാ​ശം നി​റ​ഞ്ഞ പു​തു​ലോ​കം. അ​തു​വ​രെ ജീ​വി​ത​ത്തി​ൽ പ്ര​കാ​ശ​ത്തി​ന്‍റെ വ​ര​വി​നെ​ക്കു​റി​ച്ച് അ​വ​ൾ ക​ണ​ക്കു​കൂ​ട്ടി​യി​രു​ന്ന​തേ​യി​ല്ല. ഇ​രു​ട്ടി​നോ​ട് കൂ​ട്ടു​കൂ​ടി​ത്തു​ട​ങ്ങു​ക​യും ചെ​യ്തി​രു​ന്നു. കു​ന്നി​ൻ​ചെ​രി​വി​ലെ കു​ത്തി​ച്ചെ​രി​ച്ചു​കെ​ട്ടി​യ ര​ണ്ടു​മു​റി​വീ​ട്ടി​ൽ കൂ​ടു​ത​ലും ഇ​രു​ട്ടാ​ണ്. മ​ല മ​റ​ഞ്ഞു​നി​ൽ​ക്കു​ന്ന​തു​കൊ​ണ്ടു സൂ​ര്യ​വെ​ളി​ച്ചം ന​റും​പ​ക​ൽ​നേ​ര​ത്തു​പോ​ലും വീ​ട്ടി​ലേ​ക്കു നി​റ​ഞ്ഞു​ചൊ​രി​യി​ല്ല. കാ​ടു​പി​ടി​ച്ചു നി​ൽ​ക്കു​ന്ന മ​ര​ങ്ങ​ൾ​ക്കൊ​ക്കെ​യും ഇ​രു​ണ്ട പ​ച്ച​യാ​ണ് ആ​ർ​ത്തു​നി​ന്നി​രു​ന്ന​ത്. കാ​ട്ടി​നു​ള്ളി​ലെ ഒ​രു വെ​ളി​ച്ച​മി​ല്ലേ, അ​താ​ണ് ആ ​പ​രി​സ​ര​ത്തെ​ല്ലാ​മു​ള്ള​ത്. അ​തി​നാ​ൽ, നി​റ​ഞ്ഞ വെ​ളി​ച്ചം അ​വ​ളു​ടെ ഭാ​വ​ന​യി​ൽ കോ​രി​ച്ചൊ​രി​ഞ്ഞി​രു​ന്നി​ല്ല.

പ്ര​കാ​ശ​ലോ​കം വാ​യി​ച്ച​തി​നു​ശേ​ഷം, അ​വ​ൾ ജ​യ​ച​ന്ദ്ര​ന്‍റെ പു​സ്​​ത​ക​ങ്ങ​ൾ തേ​ടി​പ്പി​ടി​ച്ചു വാ​യി​ക്കാ​ൻ തു​ട​ങ്ങി. ക​ഥ​ക​ൾ മാ​തൃ​ഭൂ​മി​യി​ലോ മ​ല​യാ​ള​ത്തി​ലോ മാ​ധ്യ​മ​ത്തി​ലോ ദേ​ശാ​ഭി​മാ​നി​യി​ലോ ഭാ​ഷാ​പോ​ഷി​ണി​യി​ലോ ഒ​ക്കെ പ്ര​സി​ദ്ധീ​ക​രി​ച്ച​ത​റി​ഞ്ഞാ​ൽ അ​തു വാ​ങ്ങി​വാ​യി​ക്കു​ക​യും സൂ​ക്ഷി​ച്ചു​വെ​ക്കു​ക​യും ചെ​യ്യും. മു​മ്പു​വ​ന്ന ക​ഥ​ക​ൾ സ​മാ​ഹാ​ര​ങ്ങ​ളാ​യ​വ പു​സ്​​ത​ക​മാ​യി​വാ​ങ്ങും. അ​വ​ൾ​ക്കു പ​ണ​ത്തി​ന്‍റെ പ്ര​ശ്നം ന​ല്ല​തു​വ​ണ്ണ​മു​ണ്ടാ​യി​രു​ന്നു. മു​മ്പ​വ​ൾ​ക്ക് പ​ണ​ത്തി​ന്‍റെ ആ​വ​ശ്യം തോ​ന്നി​യി​രു​ന്നി​ല്ല. പ​ണ​മി​ല്ല; പ​ണ​ത്തി​ന് ആ​വ​ശ്യ​വു​മി​ല്ല എ​ന്ന​മ​ട്ട്. ആ​കെ താ​ൽ​പ​ര്യ​മു​ള്ള പു​സ്​​ത​ക​ങ്ങ​ൾ​ക്കാ​ണെ​ങ്കി​ൽ ലൈ​ബ്ര​റി​ക​ളെ ആ​ശ്ര​യി​ക്കു​ക​യും ചെ​യ്യാം. പ​ക്ഷേ, ജ​യ​ച​ന്ദ്ര​ന്‍റെ പു​സ്​​ത​ക​ങ്ങ​ൾ വാ​ങ്ങി​ക്കാ​നാ​യി അ​വ​ൾ അ​മ്മ​യോ​ടൊ​പ്പം കാ​പ്പി​ത്തോ​ട്ട​ങ്ങ​ളി​ൽ കു​രു​പ​റി​ക്കാ​നും ഉ​ണ​ക്കാ​നും പോ​യി​ത്തു​ട​ങ്ങി. ശ​നി​യാ​ഴ്ച​ക​ളി​ലും മ​റ്റും തൊ​ഴി​ലു​റ​പ്പി​നും പോ​കും.

എ​ന്നാ​ലും പ​ഠി​ത്തം കാ​ര്യ​മാ​യി​ത്ത​ന്നെ ന​ട​ന്നു. എം.​എ മ​ല​യാ​ള​സാ​ഹി​ത്യം പ​ഠി​ക്കാ​ൻ കോ​ഴി​ക്കോ​ട് സ​ർ​വ​ക​ലാ​ശാ​ല​യി​ൽ ചേ​രു​ന്ന​തു​വ​രെ കാ​ര്യ​ങ്ങ​ളെ​ത്തി. പ​ക്ഷേ, മാ​ർ​ക്കി​ന്‍റെ കാ​ര്യ​ത്തി​ൽ അ​വ​ള​ത്ര മി​ടു​ക്കി​യ​ല്ലാ​യി​രു​ന്നു. ജ​യ​ച​ന്ദ്ര​ന്‍റെ പ്ര​കാ​ശ​ലോ​ക​ത്തി​നു പോ​ലും അ​വ​ളു​ടെ ഉ​ത്ത​ര​ങ്ങ​ൾ​ക്കു ശ​രാ​ശ​രി മാ​ർ​ക്കു​ക​ളേ കി​ട്ടി​യി​ട്ടു​ള്ളൂ. അ​വ​ളാ ക​ഥ ആ ​അ​ധ്യ​യ​ന​വ​ർ​ഷം​ത​ന്നെ മു​പ്പ​ത്ത​ഞ്ചു​പ്രാ​വ​ശ്യം വാ​യി​ച്ചി​രു​ന്നു. എ​ന്നാ​ൽ, ഒ​രി​ക്ക​ൽ​പ്പോ​ലും വാ​യി​ക്കാ​ത്ത​വ​ർ​ക്കും അ​തി​ന് എ ​പ്ല​സ്​ മാ​ർ​ക്കു കി​ട്ടി​യ​പ്പോ​ൾ അ​വ​ൾ​ക്ക് ബി ​പ്ല​സ്​ മാ​ത്രം കി​ട്ടി. അ​വ​ളെ​ഴു​തി​യ​തൊ​ന്നു​മ​ല്ല ആ ​ക​ഥ​യി​ലെ​ന്ന് അ​വ​ളോ​ട് ഇ​ന്ദു​ലേ​ഖ ടീ​ച്ച​ർ പ​റ​യു​ക​യും ചെ​യ്തു. ആ ​ക​ഥ​യി​ലെ പ്ര​കാ​ശം വെ​റും തോ​ന്ന​ലോ മാ​യാ​ജാ​ല യാ​ഥാ​ർ​ഥ്യ​മോ അ​ല്ലെ​ന്നും അ​തു ക​ഥ​യി​ലെ പ്ര​ധാ​ന ക​ഥാ​പാ​ത്ര​മാ​യ പൂ​ർ​ണി​മ​യു​ടെ ത​ല​യു​ടെ ഉ​ള്ളി​ൽ​നി​ന്നു ശ​രി​ക്കും വ​രി​ക​യാ​ണെ​ന്നും ആ​ണ് അ​വ​ളെ​ഴു​തി​യ​ത്. അ​ത് ബ​ഷീ​റി​ന്‍റെ േപ്ര​മ​ലേ​ഖ​ന​ത്തി​ൽ ബ​ഷീ​ർ പ​റ​യു​ന്ന സ്​​ത്രീ​ക​ളു​ടെ ത​ല​ക്കു​ള്ളി​ലെ നി​ലാ​വെ​ളി​ച്ചം എ​ന്ന ക​ൽ​പ​ന​യെ അ​വ​ലം​ബി​ച്ചു​ണ്ടാ​ക്കി​യ ഒ​രു ക​ൽ​പ​ന​യും അ​തേ​സ​മ​യം അ​തി​നെ നി​ര​സി​ക്ക​ലു​മാ​ണെ​ന്നും അ​വ​ളെ​ഴു​തി. അ​തി​നെ​പ്പ​റ്റി​യാ​ണ് ഇ​ന്ദു​ലേ​ഖ ടീ​ച്ച​ർ പ​റ​ഞ്ഞ​ത്, കു​ട്ടി​യി​തെ​ന്തൊ​ക്കെ​യാ ഈ ​എ​ഴു​തി​വെ​ച്ചി​രി​ക്കു​ന്ന​ത്. അ​ത് മാ​ജി​ക്ക​ൽ റി​യ​ലി​സ​മാ​ണെ​ന്ന് ഞാ​ൻ കൃ​ത്യ​മാ​യി ക്ലാ​സി​ൽ പ​റ​യു​ക​യും നോ​ട്ടു ത​രി​ക​യും ചെ​യ്ത​ത​ല്ലേ?..

ഇ​ന്നി​പ്പോ​ൾ, അ​ന്ന​ത്തെ കു​ട്ടി​യി​ൽ​നി​ന്നു വ​ലു​താ​യി, കൗ​മാ​രം​താ​ണ്ടി, യൗ​വ​ന​ത്തി​ന്‍റെ പ​ടി​വാ​തി​ൽ​ക്ക​ൽ നി​ൽ​ക്കു​മ്പോ​ൾ അ​വ​ൾ​ക്കു​പ​ക്ഷേ, പ്ര​കാ​ശ​ലോ​ക​ത്തേ​ക്കാ​ൾ ഇ​ഷ്​​ട​പ്പെ​ട്ട ജ​യ​ച​ന്ദ്ര​ൻ​ക​ഥ സ്വൈ​ര​സ​ഞ്ചാ​രി​ണി​ക​ളാ​ണ്. ഇ​ല​ക്ഷ​ൻ ഡ്യൂ​ട്ടി​ക്കു പോ​കു​ന്ന മൂ​ന്നു സ്​​ത്രീ​ക​ളും ഒ​രു പു​രു​ഷ​നു​മ​ട​ങ്ങു​ന്ന ഒ​രു സം​ഘ​ത്തി​ന്‍റെ ക​ഥ​യാ​യി​രു​ന്നു അ​ത്. പ്രി​സൈ​ഡി​ങ് ഓ​ഫീ​സ​റാ​യ പു​രു​ഷ​നെ അ​ധി​കാ​ര​ത്തി​ന്‍റെ കൊ​മ്പൊ​ടി​ച്ചു സു​ല്ലി​ടീ​ക്കു​ന്ന ക​ഥ. മ​ട​ക്ക​യാ​ത്ര​യി​ൽ അ​വ​രു​ടെ അ​പ്ര​തീ​ക്ഷി​ത​സാ​ഹ​സ​പ്ര​വ​ർ​ത്ത​ന​ങ്ങ​ളു​ടെ ക​ഥ. അ​തു നൂ​റു​പ്രാ​വ​ശ്യ​മെ​ങ്കി​ലും അ​മ്പി​ളി വാ​യി​ച്ചി​ട്ടു​ണ്ട്. അ​തി​ന്‍റെ അ​ന്തി​മ​ഘ​ട്ട​ത്തി​ലെ​ത്തു​മ്പോ​ൾ ജീ​വി​ത​ത്തോ​ടു തോ​ന്നു​ന്ന ആ​വേ​ശ​വും ഹ​ര​വും അ​വ​ൾ​ക്കേ​കാ​ൻ ലോ​ക​ത്തി​ൽ വേ​റൊ​രു അ​നു​ഭ​വ​ത്തി​നും ക​ഴി​ഞ്ഞി​ട്ടി​ല്ല.

ട്രാ​ൻ​സ്​​പോ​ർ​ട്ട് ബ​സ് മ​ല​യെ വ​ക​ഞ്ഞു​പോ​കു​ന്ന പാ​ത​യി​ൽ ഇ​ഴ​ഞ്ഞു​ക​യ​റു​മ്പോ​ൾ, അ​തി​ന്‍റെ എ​ൻ​ജി​ൻ അ​മ​ർ​ന്നു​നി​ല​വി​ളി​ച്ചു​കൊ​ണ്ടേ​യി​രു​ന്നു. ച​രി​വു​ക​ളി​ൽ മ​ര​ത്ത​ല​പ്പു​ക​ൾ പ​ര​ന്നു​നി​ന്നു ചാ​മ​രം​വീ​ശി. മു​രി​ക്കി​ന്‍റെ വ​ര​ണ്ട തൊ​ലി​ക​ളി​ൽ ചെ​മ​ന്ന പൂ​ക്ക​ൾ പ​റ്റി​പ്പി​ടി​ച്ചു​നി​ൽ​ക്കു​ന്ന​ത് അ​ങ്ങേ​യ​റ്റം ഹൃ​ദ്യ​മാ​യ കാ​ഴ്ച​യാ​യി​രു​ന്നു. ആ ​കാ​ഴ്ച​ക​ളി​ൽ ക​ണ്ണു​ക​ളെ വെ​ള്ളം​പോ​ലെ ഒ​ഴു​കാ​ന​നു​വ​ദി​ച്ചു​കൊ​ണ്ട് അ​മ്പി​ളി ആ​ലോ​ച​ന​ക​ളി​ലേ​ക്കു പ​ര​ന്നു.

ഡി​ഗ്രി​ക്കു പ​ഠി​ക്കു​മ്പോ​ഴാ​ണ് ജ​യ​ച​ന്ദ്ര​ന്‍റെ ഫോ​ൺ​ന​മ്പ​ർ സ​മ്പാ​ദി​ക്കു​ന്ന​ത്. അ​ത​ത്ര പ്ര​യാ​സ​മാ​യി​രു​ന്നി​ല്ല. അ​തി​ലേ​ക്കു സ​ന്ദേ​ശ​മ​യ​ച്ചു കാ​ത്തി​രു​ന്ന​താ​ണ് കാ​ത്തി​രു​പ്പ്. അ​പ്പോ​ഴേ​ക്കും പ്ര​കാ​ശ​ലോ​ക​വും നൂ​റി​ല​ധി​കം ത​വ​ണ വാ​യി​ച്ചു​ക​ഴി​ഞ്ഞി​രു​ന്നു. ജ​യ​ച​ന്ദ്ര​ന്‍റെ ക​ഥ​ക​ളി​ലൊ​ന്നു​പോ​ലും ഇ​രു​പ​ത്ത​ഞ്ചു​ത​വ​ണ​യെ​ങ്കി​ലും വാ​യി​ക്കാ​ത്ത​വ അ​വ​ളു​ടെ പ​ട്ടി​ക​യി​ലി​ല്ലാ​യി​രു​ന്നു. പ്ര​കാ​ശ​ലോ​ക​വും സ്വൈ​ര​സ​ഞ്ചാ​രി​ണി​ക​ളും ആ ​പ​നി​നീ​ർ​മു​ള്ള് നീ ​എ​ന്തു​ചെ​യ്തു​വും അ​ഹ​ഹ!​യും മു​ൾ​വ​ടി​ചൂ​ടി​യ കു​രി​ശും അ​വ​ൾ നൂ​റു​പ്രാ​വ​ശ്യം വീ​തം വാ​യി​ച്ചി​രു​ന്നു. ഈ ​വി​വ​ര​ങ്ങ​ളാ​ണ് അ​വ​ൾ ആ​ദ്യ​മാ​യി സ​ന്ദേ​ശ​മ​യ​ച്ച​ത്. അ​തി​ൽ നീ​ല​വ​ര ഇ​ര​ട്ട​യാ​യി​ത്തെ​ളി​യാ​ൻ ഒ​രാ​ഴ്ച ക​ഴി​ഞ്ഞു. അ​തി​നു​ശേ​ഷ​മാ​ണ് മ​റു​പ​ടി വ​ന്ന​ത്. മി​ടി​ക്കു​ന്ന നീ​ല​ഹൃ​ദ​യ​ത്തി​ന്‍റെ ഇ​മോ​ജി​യോ​ടൊ​പ്പം അ​ങ്ങേ​യ​റ്റം സ്​​നേ​ഹം, സ​ന്തോ​ഷം! അ​തു വി​വ​രി​ക്കാ​ൻ വാ​ക്കു​ക​ളി​ല്ല എ​ന്നീ വാ​ക്കു​ക​ളും. അ​ങ്ങ​നെ​യാ​രം​ഭി​ച്ച മെ​സേ​ജ് സ​ന്ദേ​ശ​ബ​ന്ധ​മാ​ണ് ഇ​ന്നി​പ്പോ​ൾ ആ​ദ്യ​ത്തെ കൂ​ടി​ക്കാ​ഴ്ച​യി​ലെ​ത്തു​ന്ന​ത്. അ​മ്പി​ളി​ക്ക് താ​ൻ ഇ​ന്ന് സ്വൈ​ര​സ​ഞ്ചാ​രി​ണി​ക​ളും പ്ര​കാ​ശ​ലോ​ക​വും അ​ഹ​ഹ!​യും എ​ഴു​തി​യ എ​ഴു​ത്തു​കാ​ര​നെ നേ​രി​ട്ടു കാ​ണാ​ൻ​പോ​കു​ക​യാ​ണെ​ന്നോ​ർ​ത്ത​പ്പോ​ൾ മ​നം​പെ​രു​ക്കി. അ​തി​നെ അ​മ​ർ​ത്താ​ൻ അ​വ​ൾ നാ​ര​ങ്ങാ​മ​ണ​ങ്ങ​ളെ മൂ​ക്കു​കൊ​ണ്ടു സ്വ​പ്നം​ക​ണ്ടു.

ജ​യ​ച​ന്ദ്ര​ൻ പ​റ​ഞ്ഞി​ട്ട​ല്ല അ​വ​ൾ അ​യാ​ളു​ടെ ക​മ്പി​ളി​വ​യ​ൽ സ​ന്ദ​ർ​ശ​നം അ​റി​ഞ്ഞ​ത്. ഫേ​സ്​​ബു​ക്കി​ൽ ആ​രോ ഇ​ട്ട പോ​സ്റ്റി​ൽ​നി​ന്നാ​ണ് ആ ​വ​ര​വി​ന്‍റെ വാ​ർ​ത്ത അ​വ​ള​റി​ഞ്ഞ​ത്. അ​തി​നു​തൊ​ട്ടു​മു​മ്പ് അ​വ​ളൊ​രു അ​മി​ത​സ്വാ​ത​ന്ത്ര്യം എ​ടു​ത്ത​ത് അ​വ​രു​ടെ ബ​ന്ധ​ത്തി​ൽ വി​ള്ള​ലു​ണ്ടാ​ക്കി​യോ എ​ന്ന​വ​ൾ ഭ​യ​ന്നി​രി​ക്കു​ക​യാ​യി​രു​ന്നു. അ​ടു​പ്പം അ​ത്യാ​വ​ശ്യം സ്വാ​ത​ന്ത്ര്യ​മെ​ടു​ക്കാ​നും​മാ​ത്ര​മെ​ന്നു ക​രു​തി​യ​പ്പോ​ൾ അ​വ​ൾ, ഒ​രു​പാ​ടു​കാ​ല​മാ​യി താ​ൻ ആ​ലോ​ചി​ക്കു​ന്ന ഒ​രു കാ​ര്യം, ഒ​രു വി​മ​ർ​ശ​നി​ർ​ദേ​ശം അ​യാ​ളു​ടെ സ്വൈ​ര​സ​ഞ്ചാ​രി​ണി​ക​ൾ എ​ന്ന ക​ഥ​യെ​പ്പ​റ്റി ന​ട​ത്തി​യ​താ​യി​രു​ന്നു ആ ​പ്ര​ശ്ന​വി​ഷ​യം. അ​പ്പോ​ഴും അ​വ​ർ ത​മ്മി​ൽ ഫോ​ണി​ൽ സം​സാ​രി​ച്ചു​തു​ട​ങ്ങി​യി​രു​ന്നി​ല്ല; സ​ന്ദേ​ശ​ങ്ങ​ൾ മാ​ത്രം. അ​വ​ൾ ഒ​രു സ​ന്ദേ​ശ​മ​യ​ച്ചു. സ്വൈ​ര​സ​ഞ്ചാ​രി​ണി​ക​ൾ എ​ന്ന പേ​രി​നേ​ക്കാ​ൾ ആ ​ക​ഥ​ക്ക് യോ​ജി​ക്കു​ന്ന​ത് സ്വൈ​രി​ണി​ക​ൾ എ​ന്ന പേ​രാ​ണ്. ആ ​വാ​ക്കി​ന്‍റെ പ​ര​മ്പ​രാ​ഗ​ത​മാ​യ അ​ർ​ഥ​ത്തെ​ത്ത​ന്നെ പി​ടി​ച്ചു​ല​യ്ക്കാ​ൻ ആ ​ശീ​ർ​ഷ​ക​ത്തി​നു സാ​ധി​ക്കും. അ​ത് ആ ​ക​ഥ​യെ, അ​തി​ലെ ഒ​ര​ക്ഷ​രം​പോ​ലും മാ​റ്റാ​തെ​ത​ന്നെ മ​റ്റൊ​രു ത​ല​ത്തി​ലേ​ക്കും വി​താ​ന​ത്തി​ലേ​ക്കും പി​ടി​ച്ചു​യ​ർ​ത്തും എ​ന്നാ​യി​രു​ന്നു അ​വ​ളു​ടെ സ​ന്ദേ​ശം. അ​തി​നു മ​റു​പ​ടി വ​ന്നി​ല്ല. അ​മി​ത​സ്വാ​ത​ന്ത്ര്യ​മെ​ടു​ത്ത​തി​നു മാ​പ്പ് എ​ന്നും മ​റ്റും അ​വ​ൾ ഏ​താ​നും സ​ന്ദേ​ശ​ങ്ങ​ൾ അ​യ​ച്ചു​വെ​ങ്കി​ലും അ​വ​​ക്കൊ​ന്നി​നും മ​റു​പ​ടി വ​ന്നി​ല്ല. താ​ൻ കാ​ട്ടി​യ​ത് വ​ങ്ക​ത്ത​മാ​ണെ​ന്ന​വ​ൾ​ക്ക​പ്പോ​ൾ വൈ​കി ബു​ദ്ധി​യു​ദി​ച്ചു. ആ ​ക​ഥ​യു​ടെ പേ​രു മാ​ത്ര​മ​ല്ല അ​ത്. അ​തു​ൾ​പ്പെ​ടു​ന്ന സ​മാ​ഹാ​ര​ത്തി​നും അ​തു​ത​ന്നെ​യാ​ണു പേ​ര്. അ​പ്പോ​ൾ​പ്പി​ന്നെ, പേ​രു​മാ​റ്റു​ക അ​സാ​ധ്യം. ആ ​നി​ല​ക്ക് താ​ന​ങ്ങ​നെ പ​റ​ഞ്ഞ​ത് വെ​റു​തെ എ​ഴു​ത്തു​കാ​ര​നു നീ​ര​സ​മു​ണ്ടാ​ക്കാ​ൻ മാ​ത്ര​മേ ഉ​ത​കു​ക​യു​ള്ളൂ​വെ​ന്നു മ​ന​സ്സി​ലാ​ക്കേ​ണ്ടി​യി​രു​ന്നു​വെ​ന്ന​വ​ൾ ത​ന്നെ​ത്ത​ന്നെ ശാ​സി​ച്ചു. മാ​ത്ര​മ​ല്ല, ഒ​രു ക​ഥ​ക്ക് ഏ​റ്റ​വും ഹി​ത​മാ​യ ത​ല​ക്കെ​ട്ടു ന​ൽ​കാ​ൻ ജ​യ​ച​ന്ദ്ര​ൻ പോ​ന്ന​വ​ന​ല്ലെ​ന്നൊ​രു ധ്വ​നി ഒ​രു​പ​ക്ഷേ, അ​യാ​ൾ വാ​യി​ച്ചെ​ടു​ത്തി​രി​ക്കും. അ​തു വേ​ണ്ടി​യി​രു​ന്നി​ല്ല. ക​ഥാ​കാ​ര​നാ​ണ​ല്ലോ ക​ഥ​ക്കു പേ​രി​ടാ​ൻ ഏ​റ്റ​വും യോ​ജ്യ​ൻ.

എ​ന്നി​ട്ടും ആ ​ക​ഥ​ക്ക് കൂ​ടു​ത​ൽ യോ​ജി​ച്ച പേ​ര് സ്വൈ​രി​ണി എ​ന്നാ​ണെ​ന്ന​വ​ളു​ടെ മ​ന​സ്സു പ​റ​ഞ്ഞു​കൊ​ണ്ടി​രു​ന്നു. അ​തി​ന്‍റെ നി​ഷേ​ധാ​ത്മ​കാ​ർ​ഥ​ത്തെ പൊ​ളി​ക്കു​ന്ന​താ​യി​രി​ക്കും ആ ​പേ​രി​ട​ലെ​ന്നും അ​വ​ൾ ക​രു​തി. എ​ന്നു​മാ​ത്ര​മ​ല്ല, ഇ​നി ആ ​പേ​ര് ആ ​വി​ധം മാ​റ്റു​ക​യാ​ണെ​ങ്കി​ൽ അ​തു കു​റേ​ക്കൂ​ടി ഗൗ​ര​വ​മു​ള്ള സാം​സ്​​കാ​രി​ക​ച്ച​ർ​ച്ച​ക​ളു​യ​ർ​ത്തു​ക​യും ചെ​യ്യും. എ​ന്നാ​ലും ഇ​ങ്ങ​നെ​യൊ​ക്കെ താ​ൻ ചി​ന്തി​ക്കു​ന്ന​ത് ക​ടു​ത്ത സാം​സ്​​കാ​രി​ക​സാ​ഹ​സ​മെ​ന്ന​വ​ൾ നി​ന​ച്ചു. എ​ന്നി​ട്ടും സ​ഹി​യാ​തെ, അ​വ​ൾ അ​ർ​ധ​രാ​ത്രി​യി​ൽ എ​ഴു​ന്നേ​റ്റ്, ത​ന്‍റെ ഇ​രു​ട്ടു​മു​റി​യി​ൽ​നി​ന്ന് അ​മ്മ​യെ ഉ​ണ​ർ​ത്താ​തെ പു​റ​ത്തു​വ​ന്ന്, ഉ​മ്മ​റ​ത്തെ ത​ണു​പ്പി​ൽ നേ​ർ​ത്ത മ​ഞ്ഞ​വെ​ളി​ച്ച ബ​ൾ​ബു​മാ​ത്ര​മി​ട്ടി​രു​ന്ന് സ്വൈ​രി​ണി​ക​ൾ എ​ന്ന​പേ​രി​ൽ ഒ​രു ക​ഥ​യെ​ഴു​തു​ക​യും ഉ​ദ​യ​ത്തി​നു മു​മ്പ​തു തീ​ർ​ക്കു​ക​യും വാ​യി​ച്ചു​നോ​ക്കു​ക​പോ​ലും ചെ​യ്യാ​തെ അ​തു കീ​റി ഇ​ഴു​ക്കാം​ചോ​ല​യു​ടെ ഒ​ഴു​ക്കി​ലേ​ക്കെ​റി​യു​ക​യും ചെ​യ്തി​രു​ന്നു. അ​ത​വ​ളു​ടെ ആ​ദ്യ​ത്തെ ക​ഥ​യാ​യി​രു​ന്നു.

ക​ഥാ​നാ​മ​ത്തെ​പ്പ​റ്റി​യു​ള്ള ത​ന്‍റെ വി​വ​ര​ക്കേ​ടി​നോ​ടു കോ​പം​തോ​ന്നി​യാ​വ​ണം ഇ​ത്ര​യ​ടു​ത്തു​വ​രു​ന്ന വി​വ​രം അ​വ​ളോ​ട​യാ​ൾ പ​റ​യാ​ഞ്ഞ​തെ​ന്ന​വ​ൾ ക​രു​തി. അ​തി​നാ​ൽ, അ​വ​ൾ സ​ങ്ക​ട​ത്തോ​ടെ സ​ന്ദേ​ശ​മ​യ​ച്ചു. അ​പ്പോ​ൾ വ​ന്ന മ​റു​പ​ടി, ഒ​രു ചി​ത്ര​മാ​യി​രു​ന്നു. അ​ത്, സ്വൈ​രി​ണി​ക​ൾ എ​ന്ന ക​ഥാ​സ​മാ​ഹാ​ര​ത്തി​ന്‍റെ പ്ര​കാ​ശ​ന​നോ​ട്ടീ​സാ​യി​രു​ന്നു. അ​തി​ന്‍റെ പ്ര​കാ​ശ​നം ക​മ്പി​ളി​വ​യ​ലി​ലെ സ​മാ​പ​ന​സ​മ്മേ​ള​ന​ത്തി​ൽ ന​ട​ക്കു​ന്ന വി​വ​ര​മ​തി​ലു​ണ്ടാ​യി​രു​ന്നു. നോ​ട്ടീ​സ്​ സൂം ​ചെ​യ്തു വാ​യി​ച്ച​പ്പോ​ൾ അ​യാ​ളു​ടെ പ്ര​സ്​​താ​വം അ​തി​ൽ​ത്തെ​ളി​ഞ്ഞു. സ്വൈ​ര​സ​ഞ്ചാ​രി​ണി​ക​ൾ എ​ന്ന സ​മാ​ഹാ​ര​മാ​ണി​ത്. അ​തി​ന് ഞാ​ൻ സ്വൈ​രി​ണി​ക​ൾ എ​ന്നു പു​ന​ർ​നാ​മ​ക​ര​ണം ചെ​യ്യു​ക​യാ​ണ്. എ​ന്‍റെ ഏ​റ്റ​വും വി​ല​പ്പെ​ട്ടൊ​രു വാ​യ​ന​ക്കാ​രി​യു​ടെ നി​ർ​ദേ​ശ​മാ​ണ​ത്. അ​താ​ണു ശ​രി​യെ​ന്നു ഞാ​ൻ വൈ​കി മ​ന​സ്സി​ലാ​ക്കു​ന്നു. ഒ​രു ആ​ണാ​യ​തു​കൊ​ണ്ടു ഞാ​നി​ട്ട തെ​റ്റാ​യ​പേ​ര് ഒ​രു പെ​ണ്ണു തി​രു​ത്തി​യ​പ്പോ​ൾ ഞാ​ൻ അ​തി​നു വ​ഴ​ങ്ങു​ക​മാ​ത്രം ചെ​യ്യു​ന്നു.

അ​വ​ൾ​ക്ക് അ​പ്പോ​ൾ ജ​യ​ച​ന്ദ്ര​ൻ അ​ടു​ത്തു​ണ്ടാ​യി​രു​ന്നെ​ങ്കി​ൽ കെ​ട്ടി​പ്പി​ടി​ച്ചു​മ്മ​വെ​ക്കാ​നും​മാ​ത്രം സ​ന്തോ​ഷ​വും അ​ഭി​മാ​ന​വും തോ​ന്നി. അ​വ​ൾ അ​ക​ത്തു തു​ടി​ച്ചു​കൂ​മ്പി​യ സ​ന്തോ​ഷ​ത്തി​ന്‍റെ ബ​ഹിർ​സ്​​ഫു​ര​ണ​മാ​യി തു​ടു​ത്ത ക​വി​ളു​ക​ളും നി​റ​ഞ്ഞ ക​ണ്ണു​ക​ളു​മാ​യി അ​ങ്ങ​നെ​യി​രി​ക്കു​മ്പോ​ൾ, ജ​യ​ച​ന്ദ്ര​ന്‍റെ ആ​ദ്യ​ത്തെ വി​ളി ഫോ​ണി​ലേ​ക്കു വ​ന്നു. ആ ​കോ​ളി​ലാ​ണ് അ​യാ​ൾ പ​റ​ഞ്ഞ​ത്, മൂ​ന്ന​ര​യോ​ടെ എ​ത്തി​യാ​ൽ സ്വൈ​ര​മാ​യി​ക്കാ​ണാം. അ​പ്പോ​ഴ​ത്തെ ഹ​ർ​ഷോ​ന്മാ​ദ​ത്തി​ൽ അ​വ​ൾ തി​ടു​ക്ക​പ്പെ​ട്ടു​പ​റ​ഞ്ഞു, സ്വൈ​ര​സ​ഞ്ചാ​ര​വും ന​ട​ത്താം; അ​ല്ലേ... അ​യാ​ൾ പൊ​ട്ടി​ച്ചി​രി​ച്ചു. എ​ന്നി​ട്ടു​പ​റ​ഞ്ഞു:

-എ​നി​ക്കു സ​മ​യം അ​ത്ര​യൊ​ന്നു​മി​ല്ല. നാ​ലു​നാ​ല​ര​യാ​കും പ​രി​പാ​ടി ക​ഴി​യു​മ്പോ​ൾ. അ​വി​ട​ത്തെ കൊ​ച്ചു​വ​ർ​ത്ത​മാ​നം ക​ഴി​ഞ്ഞു​ പി​ടി​വി​ട്ടു​കി​ട്ടാ​ൻ പി​ന്നെ​യും സ​മ​യ​മെ​ടു​ക്കും. ആ​റ​ര​ക്കെ​ങ്കി​ലും താ​മ​സ​സ്​​ഥ​ല​ത്തു​നി​ന്നി​റ​ങ്ങ​ണം. ഒ​മ്പ​തി​നാ​ണ് കോ​ഴി​ക്കോ​ടു​നി​ന്ന് െട്ര​യി​ൻ...

അ​ത് എ​മ്പി​ടി സ​മ​യ​മു​ണ്ട​ല്ലോ എ​ന്നോ​ർ​ത്തു​കൊ​ണ്ട് അ​മ്പി​ളി പ​റ​ഞ്ഞു.

-ഞാ​ൻ നാ​ലു​മ​ണി​യോ​ടെ അ​വി​ടെ​ത്താം. ഒ​രു നാ​ല​ര​മു​ത​ൽ ആ​റു​വ​രെ​യു​ള്ള സ​മ​യ​ത്തി​നി​ടെ അ​ര​മ​ണി​ക്കൂ​ർ എ​പ്പോ​ഴെ​ങ്കി​ലും. അ​തു ധാ​രാ​ളം...

പ്ര​കാ​ശ​ന​ത്തി​നു​വ​രി​ല്ലേ എ​ന്ന​യാ​ൾ ചോ​ദി​ച്ചു. ഉ​ച്ച​വ​രെ കാ​പ്പി​ത്തോ​ട്ട​ത്തി​ലെ പ​ണി ഏ​റ്റു​പോ​യ​താ​ണെ​ന്നും അ​തു മു​ട​ക്കാ​നാ​കി​ല്ലെ​ന്നും അ​വ​ള​റി​യി​ച്ചു. അ​തി​ല​യാ​ൾ പ​രി​ഭ​വി​ച്ചു​മി​ല്ല.

ക​മ്പി​ളി​വ​യ​ലി​ൽ വ​ണ്ടി​നി​ന്നു. അ​വ​ളി​റ​ങ്ങി. തീ​ർ​ത്തും വി​ജ​ന​മാ​യ ക​വ​ല​യി​ൽ വ​ഴി​ചോ​ദി​ക്കാ​ൻ മാ​ർ​ഗം കാ​ണാ​തെ അ​വ​ൾ കു​ഴ​ഞ്ഞു. വ​ണ്ടി​യി​ൽ പി​ന്നാ​ലെ​യി​റ​ങ്ങി​യ ഒ​രു ചേ​ട്ട​നോ​ടു സാ​ഹി​ത്യ​ക്യാ​മ്പി​നെ​പ്പ​റ്റി ചോ​ദി​ച്ച​പ്പോ​ൾ, അ​തു പു​ല്ലൂ​രി​ക്കു​ന്നി​ലാ​ണെ​ന്നു പ​റ​ഞ്ഞു. അ​വി​ടെ പ​ള്ളി​യു​ടെ ഒ​രു ഹോ​ളു​ണ്ട്. വ​ഴി​യി​ത്തി​രി​യു​ണ്ട്. അ​യാ​ൾ​ക്കാ​വ​ഴി​ക്ക​ല്ല പോ​കേ​ണ്ട​ത്. അ​ങ്ങോ​ട്ടു പ​തി​ന്നാ​ലു​കു​രി​ശി​ന്‍റെ വ​ഴി​യു​ണ്ട്. നോ​ക്കി​പ്പോ​യാ​ൽ വ​ഴി​തെ​റ്റി​ല്ല. എ​ന്നാ​ലും വ​ഴി​നി​റ​യെ പാ​റ​ക​ളും ഇ​ടു​ക്കു​ക​ളു​മാ​ണ്. വേ​റേ​യും കു​രി​ശു​ക​ൾ വ​ഴി​ക​ളി​ലും പാ​റ​ക​ളി​ലും പ​ല​രും സ്​​ഥാ​പി​ച്ചി​ട്ടു​ണ്ട്. അ​റി​യാ​വു​ന്ന​വ​ർ​ക്ക് അ​തി​ൽ പീ​ഡാ​നു​ഭ​വ​ക്കു​രി​ശേ​താ​ണ് അ​ല്ലാ​ത്ത കു​രി​ശേ​താ​ണെ​ന്ന​റി​യാം. സ്​​ഥ​ലം പ​രി​ച​യ​മി​ല്ലെ​ങ്കി​ൽ അ​വ​ളെ​ന്തി​നാ​ണ് ഇ​ത്ര ക​ഷ്​​ട​പ്പെ​ട്ടു പോ​കു​ന്ന​തെ​ന്ന​യാ​ൾ അ​ന്വേ​ഷി​ച്ചു. കാ​ര്യം പ​റ​ഞ്ഞ​പ്പോ​ൾ, തി​രി​കെ ഇ​രു​ട്ടു​വീ​ഴും​മു​മ്പേ ഇ​റ​ങ്ങി​യി​ല്ലെ​ങ്കി​ൽ പെ​ട്ടു​പോ​കു​മെ​ന്ന​യാ​ൾ ഗു​ണ​ദോ​ഷി​ച്ചു. സാ​ഹി​ത്യ​കാ​ര​നെ കാ​ണു​ന്ന​ത് അ​ത്ര അ​ത്യാ​വ​ശ്യ​മ​ല്ലെ​ങ്കി​ൽ, പ​ത്തു​മി​നി​റ്റി​ന​കം ബ​സ് തി​രി​ച്ചു​വ​രും, അ​തി​ൽ തി​രി​ച്ചു​പോ​കാം, അ​താ​ണു ന​ല്ല​തെ​ന്നും അ​യാ​ൾ പ​റ​ഞ്ഞു. അ​തു സ​മ്മ​തി​ക്കാ​ത​വ​ൾ, അ​വി​ടെ​ത്തി​ക്കി​ട്ടി​യാ​ൽ​മ​തി, തി​രി​ച്ചു​കൊ​ണ്ടു​വി​ടാ​ൻ ആ​ളും വ​ണ്ടി​യു​മു​ണ്ടെ​ന്നു പ​റ​ഞ്ഞ​പ്പോ​ൾ, കു​രി​ശു​നോ​ക്കി​പ്പോ​കു​ക​യെ​ന്നു വി​ധി​പ​റ​ഞ്ഞ്, അ​യാ​ൾ വേ​റേ വ​ഴി​കേ​റി​മ​റ​ഞ്ഞു.

അ​വ​ൾ ന​ട​പ്പു​തു​ട​ങ്ങി. ആ​ദ്യ​ത്തെ കു​റ​ച്ചു​നേ​രം വ​യ​ലു​ക​ൾ കാ​ണാ​നു​ണ്ടാ​യി​രു​ന്നു. പി​ന്നെ, മൊ​ട്ട​പ്പാ​റ​ക​ളും വ​ര​ണ്ട മ​ൺ​പ്ര​ത​ല​ങ്ങ​ളു​മാ​യി. ചി​ല മ​ര​ങ്ങ​ൾ അ​വി​ടെ​യു​മി​വി​ടെ​യും നി​ന്നി​രു​ന്നെ​ങ്കി​ലും അ​വ​യു​ടെ ഇ​ല​ക​ൾ​ക്ക് ക​റു​പ്പും പ​ച്ച​യു​മ​ല്ലാ​ത്ത ഒ​രു നി​റ​മാ​യി​രു​ന്നു. അ​ത് ജീ​വ​നി​ല്ലാ​ത്ത നി​റ​മാ​യി​രു​ന്നു. ആ ​ച​വു​ണ്ട നി​റം ത​ന്നെ​യാ​യി​രു​ന്നു പാ​റ​ക​ൾ​ക്കും പ്ര​ത​ല​ങ്ങ​ൾ​ക്കും. അ​വ ഓ​ന്തു​ദേ​ഹ​ങ്ങ​ളെ ഏ​റി​യ​കൂ​റും ഭ​രി​ക്കു​ന്ന നി​റ​മാ​ണെ​ന്ന​വ​ൾ മ​ടു​പ്പോ​ടെ ആ​ലോ​ചി​ച്ചു. ഇ​ട​ക്കി​ടെ ക​റു​ത്ത കു​രി​ശു​ക​ൾ പാ​റ​ക​ളി​ൽ എ​ഴു​ന്നു​നി​ന്ന് ഒ​രു​ത​രം മ​ര​ണ​മൂ​ക​ത പാ​റ്റി.

ആ​റാ​മ​ത്തെ കു​രി​ശു​ക​ഴി​ഞ്ഞ് പ​ത്തു​മി​നി​റ്റി​ലേ​റെ ന​ട​ന്നി​ട്ടും ഏ​ഴാ​മ​ത്തെ കു​രി​ശു​കാ​ണാ​താ​യ​പ്പോ​ൾ അ​വ​ൾ​ക്ക​ൽ​പം ആ​ശ​ങ്ക​യാ​യി. ആ​റാ​മ​ത്തെ കു​രി​ശ് കൂ​ട്ട​ത്തി​ൽ​പ്പെ​ടാ​ത്ത ക​ള്ള​ക്കു​രി​ശാ​യി​രു​ന്നി​രി​ക്ക​ണം. അ​വി​ടെ​നി​ന്ന് ഒ​രു തി​രി​വും തി​രി​ഞ്ഞി​രു​ന്നു. അ​പ്പോ​ൾ, അ​തു വ​ഴി​കാ​ട്ടും കു​രി​ശി​നു​പ​ക​രം, വ​ഴി​തെ​റ്റി​ക്കും കു​രി​ശാ​യി​രു​ന്നി​രി​ക്ക​ണം. അ​തോ അ​ഞ്ചാ​മ​ത്തെ കു​രി​ശി​ൽ​നി​ന്നേ ത​നി​ക്കു വ​ഴി​തെ​റ്റി​യി​രു​ന്നോ? അ​വ​ൾ മു​ന്നോ​ട്ടോ പി​ന്നോ​ട്ടോ ന​ട​ക്കേ​ണ്ട​തെ​ന്ന​റി​യാ​ത്ത അ​ങ്ക​ലാ​പ്പി​ൽ ത​ളം​കെ​ട്ടി. വാ​ച്ചി​ൽ സ​മ​യം നാ​ലി​നോ​ട​ടു​ക്കു​ന്ന​താ​യി സൂ​ചി​കാ​ട്ടി. നാ​ല​ര​ക്കെ​ങ്കി​ലും എ​ത്തി​യി​ല്ലെ​ങ്കി​ൽ മി​ക്ക​വാ​റും ഒ​ഴി​ഞ്ഞ സ​മ്മേ​ള​ന​സ്​​ഥ​ല​മാ​യി​രി​ക്കും ത​നി​ക്കു കാ​ണേ​ണ്ടി​വ​രി​ക​യെ​ന്ന​വ​ൾ​ക്കു തോ​ന്നി. ജ​യ​ച​ന്ദ്ര​നെ വി​ളി​ച്ചു​നോ​ക്കി​യെ​ങ്കി​ലും ഫോ​ൺ സ്വി​ച്ച്ഡ് ഓ​ഫ്. സ​മ്മേ​ള​നം ന​ട​ക്കു​ക​യാ​യി​രി​ക്കും. മ​റ്റാ​രു​ടെ​യെ​ങ്കി​ലും ന​മ്പ​ർ കൂ​ടി ചോ​ദി​ച്ചു​വാ​ങ്ങേ​ണ്ട​താ​യി​രു​ന്നു എ​ന്ന​വ​ൾ​ക്ക​പ്പോ​ൾ തോ​ന്നി.

ഗി​രി​മ​രു​ഭൂ​മി​യു​ടെ ഒ​രു മ​ട്ടാ​ണ് താ​നെ​ത്തി​യ ഭൂ​ത​ല​ത്തി​നെ​ന്ന​വ​ൾ​ക്കു തോ​ന്നി. നി​ന്ന​പ്പോ​ളാ​ണ് ചു​റ്റും ഭൂ​മി​യ​പ്പാ​ടെ മു​ര​ളു​ന്ന​താ​യും അ​തൊ​രു ശ്രു​തി​യാ​യി സ്വീ​ക​രി​ച്ചു​കൊ​ണ്ട് ഏ​തെ​ന്ന​റി​യാ​ത്ത അ​നേ​കം പ​ക്ഷി​പ്രാ​ണി​ശ​ബ്ദ​ങ്ങ​ളു​ടെ വി​ചി​ത്ര​ലീ​ന​സ്വ​ര​ധാ​ര പ​ര​ന്നു​കി​ട​ക്കു​ന്ന​താ​യും അ​വ​ള​റി​ഞ്ഞ​ത്. അ​ത് ആ​ന​ന്ദ​ക​ര​മോ വ്യ​സ​ന​ക​ര​മോ ഭീ​തി​ക​ര​മോ സ​മാ​ധാ​ന​ക​ര​മോ എ​ന്ന​വ​ൾ​ക്ക് തി​ട്ട​പ്പെ​ടു​ത്താ​നാ​യി​ല്ല. ആ ​നേ​ര​ത്താ​ണ്, പാ​റ​യി​ടു​ക്കി​ൽ ഒ​രു ച​ല​നം അ​വ​ൾ ക​ണ്ട​ത്. അ​വ​ൾ ആ​ദ്യ​മൊ​ന്നു പേ​ടി​ച്ചു​പോ​യി. അ​ത് ആ​ള​ന​ക്ക​മോ എ​ന്തെ​ങ്കി​ലും ജീ​വി​ക​ളു​ടെ ഇ​ള​ക്ക​മോ എ​ന്ന​വ​ൾ​ക്കു പെ​ട്ടെ​ന്നു തി​രി​ഞ്ഞി​ല്ല. ധൈ​ര്യം സം​ഭ​രി​ച്ച​വ​ൾ നോ​ക്കി​യ​പ്പോ​ൾ, ഒ​രു മ​നു​ഷ്യ​ൻ ത​ന്നെ​യാ​ണ​തെ​ന്നു​ക​ണ്ടു. നാ​ൽ​പ​തോ നാ​ൽ​പ​ത്ത​ഞ്ചോ തോ​ന്നി​ക്കു​ന്ന ഒ​രു​വ​ൻ. പൊ​ടു​ന്ന​നെ അ​വ​ളു​ടെ മ​ന​സ്സി​ൽ ആ​ദ്യ​മാ​യി ജ​യ​ച​ന്ദ്ര​ന്‍റെ പ്രാ​യ​മെ​ത്ര​യെ​ന്ന ചോ​ദ്യം അ​തി​ശ​യ​ക​ര​മാ​യി ഉ​ദി​ച്ചു. ക​ഥ​ക​ൾ ഓ​രോ​ന്നും നൂ​റ്റു​ക്ക​ണ​ക്കി​നു ത​വ​ണ വാ​യി​ക്കു​മ്പോ​ഴും താ​ന​യാ​ളു​ടെ ബ​യോ​ഡേ​റ്റ കാ​ര്യ​മാ​യി നോ​ക്കി​യി​ട്ടേ​യി​ല്ലെ​ന്ന​പ്പോ​ള​വ​ൾ ആ​ലോ​ചി​ച്ചു. എ​ന്നി​ട്ടും അ​യാ​ളു​ടെ ജ​ന്മ​കാ​ലം അ​ടി​യ​ന്ത​രാ​വ​സ്​​ഥ​ക്കു തൊ​ട്ടു​മു​മ്പാ​ണെ​ന്നും അ​ടി​യ​ന്ത​രാ​വ​സ്​​ഥ അ​യാ​ളു​ടെ പി​ച്ചാ​പി​ച്ചാ ഓ​ർ​മ​യാ​ണെ​ന്നും എ​വി​ടെ​യോ ഒ​രു കു​റി​പ്പി​ൽ എ​ഴു​തി​യി​രു​ന്ന​ത് അ​മ്പി​ളി​ക്കോ​ർ​മ​വ​ന്നു. അ​പ്പോ​ൾ, ഏ​താ​ണ്ടി​തേ​പ്രാ​യം; ചി​ല​പ്പോ​ൾ അ​ൽ​പം മൂ​പ്പ് എ​ന്ന​വ​ൾ മ​ന​സ്സി​ൽ​ക്കു​റി​ച്ചു​കൂ​ട്ടി.

ഗ​ത്യ​ന്ത​ര​മി​ല്ലാ​ത്ത​തി​നാ​ൽ, ആ ​പാ​റ​യി​ടു​ക്കി​ൽ​ക്ക​ണ്ട അ​പ​രി​ചി​ത​നോ​ടു വ​ഴി​സ​ഹാ​യം ചോ​ദി​ക്കാ​ൻ തീ​ർ​ച്ച​പ്പെ​ടു​ത്തി അ​വ​ൾ അ​യാ​ൾ​ക്ക​രി​കി​ലേ​ക്കു ന​ട​ന്നു. അ​ടു​ത്തെ​ത്തു​മ്പോ​ഴാ​ണു ക​ണ്ട​ത്, അ​യാ​ൾ, ആ ​പാ​റ​യി​ടു​ക്ക് ഒ​രു മ​റ​യും താ​വ​ള​വു​മാ​ക്കി വാ​റ്റു​ചാ​രാ​യം കു​ടി​ക്കു​ക​യാ​യി​രു​ന്നു. ഒ​രു വൃ​ത്തി​ഹീ​ന​ൻ. മു​ട്ടാ​ള​നെ​ന്നു പ​റ​യാ​ൻ തോ​ന്നി​ക്കു​ന്ന മു​ടി​യും അ​ല​ങ്കോ​ല​പ്പെ​ട്ട വ​സ്​​ത്ര​ങ്ങ​ളും ചു​ട്ട നോ​ട്ട​വും. അ​പ്പോ​ഴേ​ക്കും അ​യാ​ൾ അ​വ​ളെ ക​ണ്ടി​രു​ന്ന​തു​കൊ​ണ്ട് അ​വ​ൾ​ക്കു പി​ന്തി​രി​യാ​ൻ സ​മ​യം​കി​ട്ടി​യി​ല്ല. അ​യാ​ൾ അ​വ​ളു​ടെ മു​ഖ​ത്തെ പ​ക​പ്പു​ക​ണ്ട് കു​പ്പി ഉ​ട​ൽ​കൊ​ണ്ടു​മ​റ​ച്ചു. അ​വ​ൾ കാ​ര്യം പ​റ​ഞ്ഞു. അ​യാ​ൾ ആ​ലോ​ച​ന​യോ​ടെ പ​റ​ഞ്ഞു:

-വ​ഴി പാ​ടേ തെ​റ്റി. ര​ണ്ടാ​മ​ത്തെ കു​രി​ശി​ന്റ​വി​ടു​ന്നേ തെ​റ്റി. ഇ​നി വേ​ണേ​ൽ അ​ത്ര​യും തി​രി​ച്ചു​പോ​യി​ട്ട്, വ​ല​ത്തു​ച​രി​ഞ്ഞു​കേ​റ​ണം. ഇ​വി​ടം​വ​രെ​യെ​ത്തി​യ സ്​​ഥി​തി​ക്ക് ഇ​നി​പ്പോ​കാ​വു​ന്ന​ത് ഇ​തി​ലേ പാ​റ​നൂ​ണ്ട്, അ​പ്പു​റ​ത്തൊ​രു മ​ല​ങ്ക​വ​ര​ത്തി​ക്കൂ​ടി ഈ​ർ​ന്ന്, ഈ ​വ​ഴി​ക്കാ​ണ്...

അ​യാ​ൾ വ​ഴി​ചൂ​ണ്ടി​ക്കാ​ട്ടി​ത്തു​ട​ർ​ന്നു:

-അ​ങ്ങ​നാ​ണെ​ങ്കി​ൽ വ​ഴി​ലാ​ഭി​ക്കാം. പ​ന്ത്ര​ണ്ടാം​കു​രി​ശി​ന്‍റെ​യ​ടു​ത്തു​പോ​യി​ക്കേ​റാം. പ​ക്ഷേ, അ​തി​നു വ​ഴി​യ​ട​യാ​ള​മാ​യി കു​രി​ശൊ​ന്നു​മി​ല്ല. ചി​ല പാ​റ​ക്കു​ണു​ക്കു​ക​ളും മ​ര​പ്പൊ​ന്ത​ക​ളും മ​ല​മാ​ട്ട​ക​ളു​മേ​യു​ള്ളൂ. കൊ​ച്ചൊ​റ്റ​യ്ക്ക് അ​വി​ടെ​ത്തി​ല്ല...

തി​രി​ച്ചു​പോ​യി ര​ണ്ടാം​കു​രി​ശി​ൽ​നി​ന്നു നേ​രാ​യ വ​ഴി പി​ടി​ക്കാ​മെ​ന്ന​വ​ൾ ക​രു​തി. അ​ന്ത​രീ​ക്ഷ​മാ​കു​ന്ന പ്ര​കാ​ശ​ലോ​ക​ത്തേ​ക്ക് നേ​രി​യ​തോ​തി​ൽ ഇ​രു​ൾ ക​ല​ർ​ന്നു​തു​ട​ങ്ങി​ക്ക​ഴി​ഞ്ഞു​വെ​ന്ന​വ​ൾ ആ​ലോ​ചി​ക്കു​ക​യും ചെ​യ്തു. ആ​കെ ചു​റ്റ​ലാ​യെ​ന്ന പ​രി​ഭ്രാ​ന്തി അ​വ​ളു​ടെ മു​ഖ​ത്തു വി​രി​ഞ്ഞു. അ​തു ക​ണ്ടാ​വ​ണം അ​യാ​ൾ തി​ടു​ക്ക​ത്തി​ൽ എ​ണീ​റ്റു. മു​ണ്ടു ത​ട്ടി​ത്തൂ​ത്തു​കൊ​ണ്ടു പ​റ​ഞ്ഞു:

-ഒ​രു കാ​ര്യം​ചെ​യ്യാം. ഞാ​ൻ കൊ​ണ്ടാ​ക്കാം; ബാ!..

​അ​യാ​ൾ മു​ന്നേ​യി​റ​ങ്ങി​ക്ക​ഴി​ഞ്ഞി​രു​ന്നു. അ​വ​ൾ അ​തൊ​ഴി​വാ​ക്കാ​ൻ വ​ഴി​കാ​ണാ​തെ നി​ന്നു. ബാ ​എ​ന്ന​യാ​ൾ വീ​ണ്ടും വി​ളി​ച്ചു. അ​വ​ൾ ആ​ലോ​ചി​ച്ചും നെ​ടു​വീ​ർ​പ്പി​ട്ടും ഒ​ടു​വി​ൽ പി​ന്നാ​ലേ പോ​കാ​ൻ​ത​ന്നെ തീ​രു​മാ​നി​ച്ചു. അ​യാ​ൾ ത​ന്നെ പി​ടി​ച്ചു​തി​ന്നാ​ൻ പോ​കു​ന്നി​ല്ലെ​ന്നും എ​ന്തെ​ങ്കി​ലും അ​രു​താ​യ്ക​ക്കു മു​തി​ർ​ന്നാ​ൽ അ​പ്പോ​ൾ​ക്കാ​ണാ​മെ​ന്നു​മ​വ​ൾ നി​ന​ച്ചു. അ​യാ​ൾ മു​ന്നോ​ട്ടു​നീ​ങ്ങി​യ​പ്പോ​ൾ, അ​വ​ൾ കൈ​ക്കി​ണ​ങ്ങി​യ ഒ​രു പാ​റ​ക്ക​ല്ലെ​ടു​ത്തു ബാ​ഗി​ൽ വെ​ച്ചു. അ​പ്പോ​ഴ​യാ​ൾ തി​രി​ഞ്ഞു​നോ​ക്കി. പ​ക്ഷേ, അ​യാ​ൾ കാ​ണും​മു​മ്പ് ശി​ല സ​ഞ്ചി​യി​ലൊ​ളി​ച്ചി​രു​ന്നു. അ​വ​ൾ ബാ​ഗ് കൈ​യി​ൽ ഒ​ന്നു തൂ​ക്കി ഭാ​ര​മ​ള​ന്നു. വീ​ശി​യ​ടി​ച്ചാ​ൽ അ​തു​മ​തി, അ​യാ​ളെ നി​ലം​പ​തി​പ്പി​ക്കാ​ൻ എ​ന്നു ധൈ​ര്യ​മാ​ർ​ന്നു.

പാ​റ​യി​ടു​ക്കു​ക​ൾ നൂ​ണും കൊ​ടും​ക​വ​ര​ങ്ങ​ൾ ഇ​ടു​ങ്ങി​ക്ക​ട​ന്നും ചോ​ല​മാ​ട്ട​യി​ലൂ​ടെ ഉ​ര​ഞ്ഞു​നീ​ങ്ങി​യും അ​വ​ൾ അ​യാ​ളെ അ​നു​ഗ​മി​ച്ചു. അ​തി​നി​ടെ, അ​വ​ളു​ടെ യാേ​ത്രാ​ദ്ദേ​ശ്യം അ​യാ​ൾ ചോ​ദി​ച്ച​റി​ഞ്ഞി​രു​ന്നു. ജ​യ​ച​ന്ദ്ര​ൻ സ​ർ​ക്കാ​രി​ലൊ​ക്കെ സ്വാ​ധീ​ന​മു​ള്ള എ​ഴു​ത്തു​കാ​ര​നാ​ണെ​ന്നും അ​യാ​ളെ സ​ന്ധി​ക്കാ​ൻ പോ​കു​ന്ന​യാ​ളെ ഉ​പ​ദ്ര​വി​ച്ചാ​ൽ അ​തി​ന്‍റെ ഭ​വി​ഷ്യ​ത്ത് ന​ല്ല​താ​യി​രി​ക്കി​ല്ലെ​ന്നു​മു​ള്ള ഭീ​ഷ​ണി അ​വ​ൾ ത​ന്‍റെ വാ​ക്കു​ക​ളി​ൽ ഒ​ളി​പ്പി​ച്ചി​രു​ന്നു. സി​നി​മാ​താ​ര​ങ്ങ​ൾ​ക്കു​ള്ള​തു​പോ​ലെ എ​ഴു​ത്തു​കാ​ർ​ക്കും ആ​രാ​ധി​ക​മാ​രു​ണ്ടോ​യെ​ന്ന് അ​യാ​ൾ ആ​ത്മ​ഗ​തം മ​ന്ത്രി​ക്കു​ന്ന​തു കേ​ട്ടെ​ങ്കി​ലും അ​വ​ള​തി​നു മ​റു​പ​ടി പ​റ​ഞ്ഞി​ല്ല.

ചോ​ല​മാ​ട്ട ക​ട​ക്കാ​ൻ അ​വ​ൾ​ക്ക​യാ​ളു​ടെ കൈ​പി​ടി​ക്കേ​ണ്ടി​വ​ന്നു. മു​ര​ത്ത ആ ​കൈ​പി​ടി​ച്ച​പ്പോ​ൾ അ​വ​ൾ​ക്കു വ​ല്ലാ​തെ തോ​ന്നി. അ​പ്പു​റ​മെ​ത്തി​യി​ട്ടും അ​യാ​ൾ കൈ​വി​ട്ടു​മി​ല്ല. അ​വ​ൾ വ​ലി​ച്ചെ​ടു​ത്ത​പ്പോ​ൾ അ​യാ​ൾ ചി​രി​ച്ചു. വ​ല്ലാ​ത്തൊ​രു ചി​രി. അ​യാ​ളു​ടെ അ​ണ​യി​ലെ ക​റു​ത്ത പോ​ട് അ​വ​ൾ ക​ണ്ടു. അ​വ​ൾ​ക്ക​ത് നേ​രി​യ ഓ​ക്കാ​നം വ​രു​ത്തി. അ​വ​ൾ അ​ങ്ങെ​ങ്ങു​മി​ല്ലാ​ത്ത നാ​ര​ങ്ങാ​മ​ണം മൂ​ക്കി​ലേ​ക്ക് വ​ലി​ച്ചെ​ടു​ത്തു.

ചു​റ്റും അ​നു​പ​മ​മാ​യ ഭം​ഗി​യു​ള്ള പ്ര​ദേ​ശ​മാ​ണ​തെ​ന്ന് അ​വ​ള​റി​യു​ന്നു​ണ്ടാ​യി​രു​ന്നു. എ​ന്നാ​ൽ, അ​താ​സ്വ​ദി​ക്കാ​ൻ സാ​ഹ​ച​ര്യം അ​വ​ളെ അ​നു​വ​ദി​ച്ചി​ല്ല. ഈ ​മാ​ര​ണം താ​ണ്ടി​യാ​ൽ, പി​ന്നീ​ടൊ​രി​ക്ക​ൽ പ്ര​ഭാ​തും സ​ന്ദീ​പും ഹി​മ​യും ഹാ​ഫി​ഷ​യു​മൊ​ത്ത് ഇ​വി​ടേ​ക്കു വ​ര​ണ​മെ​ന്ന​വ​ൾ ആ​ലോ​ചി​ച്ചു. സ​ന്ദീ​പോ പ്ര​ഭാ​തോ അ​വ​ളു​ടെ കൂ​ടെ ഈ ​യാ​ത്ര​ക്കു വ​രു​മാ​യി​രു​ന്നു; വി​ളി​ച്ചി​രു​ന്നെ​ങ്കി​ൽ. എ​ന്നാ​ൽ, അ​വ​രു​മൊ​ത്ത് ജ​യ​ച​ന്ദ്ര​നെ​ക്കാ​ണാ​ൻ അ​വ​ൾ​ക്കു കൗ​തു​കം തോ​ന്നി​യി​ല്ല. അ​തി​പ്പോ​ൾ അ​വ​ളെ വീ​ണ്ടു​വി​ചാ​ര​പ്പെ​ടു​ത്തി.

ഇ​ട​ക്ക് അ​പ​രി​ചി​ത സ​ഹ​യാ​ത്രി​ക​ൻ കു​പ്പി​പൊ​ന്തി​ച്ച് അ​ൽ​പം​കൂ​ടി കു​ടി​ച്ചു. അ​വ​ളോ​ടു വേ​ണോ എ​ന്നു ചോ​ദി​ച്ചു. അ​വ​ൾ മു​മ്പു വാ​റ്റു കു​ടി​ച്ചി​ട്ടു​ണ്ടാ​യി​രു​ന്നെ​ങ്കി​ലും അ​പ്പോ​ൾ വേ​ണ്ടെ​ന്നു പ​റ​ഞ്ഞു. അ​പ്പോ​ഴും അ​യാ​ൾ നേ​ര​ത്തേ​തു​പോ​ലെ വി​ല​ക്ഷ​ണ​മാ​യി ചി​രി​ച്ചു. ഒ​ന്നു​ര​ണ്ടു​ത​വ​ണ​കൂ​ടി കു​ടി​ച്ച​പ്പോ​ൾ കു​പ്പി കാ​ലി​യാ​യി. അ​ത​യാ​ൾ പാ​റ​യി​ൽ എ​റി​ഞ്ഞു​പൊ​ട്ടി​ച്ചു. ആ ​ചി​ത​റ​ൽ​സ്വ​രം ഭ​യ​ങ്ക​ര​മാ​യ​വ​ൾ​ക്ക​നു​ഭ​വ​പ്പെ​ട്ടു. അ​വ​ൾ ന​ടു​ങ്ങു​ക​യും ചെ​യ്തു. അ​തി​ന്‍റെ ആ​ക്ക​ത്തി​ൽ നോ​ക്കി​യ അ​വ​ൾ കു​പ്പി പൊ​ട്ടി​ച്ചി​ത​റി​യ​തി​ന​പ്പു​റം ഒ​രു കു​രി​ശു​ക​ണ്ടു. അ​തി​ലേ​ക്ക് അ​വ​ളു​ടെ നോ​ട്ട​മെ​ത്തു​ന്ന​തു ക​ണ്ട അ​യാ​ൾ പ​റ​ഞ്ഞു:

-പ​ന്ത്ര​ണ്ടാം​കു​രി​ശ്...

അ​വ​ർ കു​രി​ശി​ന​ടി​യി​ലൂ​ടെ​യു​ള്ള പാ​റ​നൂ​ണ്ട് അ​പ്പു​റ​മെ​ത്തി. നി​മി​ഷ​ങ്ങ​ൾ​ക്ക​കം പ​തി​മൂ​ന്നാം​കു​രി​ശു​മെ​ത്തി. അ​വി​ടെ​വെ​ച്ച് അ​യാ​ൾ പ​റ​ഞ്ഞു, ഇ​വി​ടെ​നി​ന്ന് ദാ, ​ഈ ച​രി​വി​റ​ങ്ങി, ഈ ​പാ​റ​യി​ടു​ക്കി​ലൂ​ടെ... അ​യാ​ൾ അ​ങ്ങോ​ട്ടു​തി​രി​ഞ്ഞ് അ​പ്ര​ത്യ​ക്ഷ​നാ​യി. അ​വ​ളും അ​ങ്ങോ​ട്ടു​തി​രി​ഞ്ഞി​റ​ങ്ങു​ക​യും, പൊ​ടു​ന്ന​നെ, അ​വ​ളെ ഭീ​തി​വി​സ്​​മ​യ​ങ്ങ​ൾ​ക്ക​ധീ​ന​യാ​ക്കി​ക്കൊ​ണ്ട്, താ​ൻ അ​യാ​ൾ​ക്കൊ​പ്പം ഒ​രു ഗു​ഹാ​ന്ത​ർ​ഭാ​ഗ​ത്തു പെ​ട്ടി​രി​ക്കു​ന്ന​ത​വ​ൾ തി​രി​ച്ച​റി​ഞ്ഞു. അ​യാ​ൾ അ​വി​ടെ, അ​വ​സാ​നി​ക്കു​ന്ന പാ​റ​യി​ൽ ചാ​രി​നി​ൽ​ക്കു​ക​യാ​യി​രു​ന്നു. അ​വ​ൾ എ​ത്തി​യ​പ്പോ​ൾ, അ​യാ​ൾ ചി​രി​ച്ചു. ഇ​ത്ത​വ​ണ അ​തു കേ​വ​ലം വി​ല​ക്ഷ​ണം മാ​ത്ര​മാ​യി​രു​ന്നി​ല്ല, ഭീ​ഷ​ണം​കൂ​ടി​യാ​യി​രു​ന്നു. അ​വ​ൾ തി​ടു​ക്ക​ത്തി​ൽ, ഇ​റ​ങ്ങി​യ വ​ഴി​യി​ലേ​ക്കു തി​രി​യാ​ൻ ശ്ര​മി​ച്ച​പ്പോ​ൾ, മി​ന്ന​ൽ​വേ​ഗ​ത്തി​ൽ അ​യാ​ൾ വ​ന്ന് ആ ​കു​ഞ്ഞു​ക​വാ​ടം ബ​ന്ദു​ചെ​യ്തു. പി​ന്നെ, അ​വ​ളെ ത​റ​പ്പി​ച്ചു​നോ​ക്കി​ക്കൊ​ണ്ടു​നി​ന്നു. അ​വ​ൾ മാ​റ് എ​ന്നു പ​റ​ഞ്ഞെ​ങ്കി​ലും ഇ​ത്ര​യും കു​ഞ്ഞു​സ്വ​രം എ​പ്പോ​ഴാ​ണ് ത​ന്‍റെ തൊ​ണ്ട​ക്കു​ഴി​യി​ൽ വ​ന്നൊ​ളി​ച്ചു​താ​മ​സം തു​ട​ങ്ങി​യ​തെ​ന്ന് പു​റ​ത്തു​വ​ന്ന ഒ​ച്ച അ​വ​ളെ അ​മ്പ​ര​പ്പി​ച്ചു.

അ​യാ​ൾ ചി​രി​ച്ചു​കൊ​ണ്ട​ടു​ത്തേ​ക്കു​വ​ന്നു. അ​ടു​ത്തെ​ത്തു​ക​യും പി​ടി​ക്കാ​ൻ കൈ​നീ​ട്ടി​പ്പ​ര​ത്തി​വീ​ശു​ക​യും ചെ​യ്ത​തോ​ടെ, അ​മ്പി​ളി ക​രി​ങ്ക​ല്ലു നി​റ​ഞ്ഞ ബാ​ഗ് ആ​ഞ്ഞു​വീ​ശി. അ​യാ​ൾ നി​സ്സാ​ര​മാ​യി അ​തു ത​ടു​ത്തു. പൂ ​പ​റി​ക്കു​ന്ന ലാ​ഘ​വ​ത്തോ​ടെ അ​തു പി​ടി​ച്ചെ​ടു​ത്ത് മാ​റ്റി​യി​ടു​മ്പോ​ൾ, ക​ല്ലെ​ടു​ത്തു താ​ക്കു​ന്ന​തു ഞാ​ൻ ക​ണ്ടാ​രു​ന്നു എ​ന്ന​യാ​ൾ പ​റ​ഞ്ഞു. ഇ​പ്പോ​ൾ, തീ​ർ​ത്തും നി​രാ​യു​ധ​യാ​യി​ത്തീ​ർ​ന്ന അ​മ്പി​ളി, ത​ന്നെ​ക്കൊ​ണ്ടു പ​റ്റാ​വു​ന്ന വി​ധ​ത്തി​ൽ അ​ല​റി. അ​യാ​ൾ അ​വ​ളെ തൊ​ടാ​തെ, ആ ​അ​ല​ർ​ച്ച​യും അ​തി​ന്‍റെ അ​നു​ര​ണ​ന​ങ്ങ​ളും അ​ന്ത​രീ​ക്ഷ​ത്തി​ൽ വ​റ്റി​ത്തീ​രാ​ൻ കാ​ത്തു​നി​ന്നു. അ​തൊ​ടു​ങ്ങി​യ​പ്പോ​ൾ അ​യാ​ൾ ചി​രി​ച്ചു​കൊ​ണ്ട്, എ​ത്ര​വേ​ണ​മെ​ങ്കി​ലും അ​ല​റി​ക്കോ, താ​ൻ കാ​ത്തു​നി​ൽ​ക്കാ​മെ​ന്നു പ​റ​ഞ്ഞു. അ​മ്പി​ളി അ​തോ​ടെ ത​ക​ർ​ന്നു. അ​യാ​ൾ ത​ന്നെ പി​ടി​ക്കാ​ൻ​ത​ന്നെ ഉ​ദ്ദേ​ശി​ച്ച് മു​ന്നോ​ട്ടു​വ​ന്ന് ര​ണ്ടു കൈ​ക​ളും​കൊ​ണ്ടു വ​ല​വി​രി​ച്ച​പ്പോ​ൾ, അ​മ്പി​ളി കൈ​ര​ണ്ടും കൂ​പ്പി മു​ള​ചീ​ന്തും​പോ​ലെ ഉ​തി​ർ​ന്നു​ക​ര​ഞ്ഞു.

-എ​ന്നെ ഉ​പ​ദ്ര​വി​ക്ക​രു​ത്. പെ​ങ്ങ​ളെ​പ്പോ​ലെ ക​രു​ത​ണം. ഞാ​ൻ വേ​ണേ​ൽ കാ​ലു​പി​ടി​ക്കാം...

പി​ന്നെ​ന്താ​ണു പ​റ​യേ​ണ്ട​തെ​ന്ന​റി​യാ​തെ, അ​വ​ളാ വാ​ക്കു​ക​ൾ ത​ന്നെ ര​ണ്ടു​ത​വ​ണ​കൂ​ടി ആ​വ​ർ​ത്തി​ക്കു​ക​യും കു​ടു​കു​ടാ​യെ​ന്നു ക​ര​ഞ്ഞു​കൊ​ണ്ടി​രി​ക്കു​ക​യും ചെ​യ്തു. അ​യാ​ൾ അ​മ്പ​ര​ന്നെ​ന്നോ​ണം നി​ന്നു. അ​വ​ൾ കാ​ലു​പി​ടി​ക്കാ​നെ​ന്നോ​ണം താ​ണു​ചെ​ന്ന​പ്പോ​ൾ അ​യാ​ൾ കാ​ലു​വ​ലി​ക്കു​ക​യും ബെ! ​എ​ന്നു കു​ത​റി​ച്ചാ​ടു​ക​യും ചെ​യ്തു. അ​യാ​ൾ അ​വ​ളെ മ​ടു​പ്പോ​ടെ നോ​ക്കി​ക്കൊ​ണ്ട് ഇ​ടു​പ്പി​ൽ​നി​ന്നൊ​രു ബീ​ഡി​യെ​ടു​ത്തു ക​ത്തി​ച്ചു​വ​ലി​ച്ചു. ര​ണ്ടു പു​ക​യെ​ടു​ത്ത​ശേ​ഷ​മ​യാ​ൾ അ​വ​ളോ​ടു ചോ​ദി​ച്ചു:

-വാ​വി​ട്ടു​മോ​ങ്ങു​ന്ന​തെ​ന്തി​ന്? നീ ​മ​റ്റ​വ​നു കൊ​ടു​ക്കാ​ൻ പോ​കു​വ​ല്ലേ? അ​തെ​നി​ക്കൂ​ടാ​യാ​ലെ​ന്താ, ക​യ്ക്കു​വോ? അ​തോ തേ​ഞ്ഞു​പോ​കു​വോ?..

അ​മ്പി​ളി​യു​ടെ അ​കം​പു​റം എ​രി​ഞ്ഞു​നീ​റി. തെ​റി​യൊ​ക്കെ അ​വ​ൾ ധാ​രാ​ളം കേ​ൾ​ക്കു​ക​യും ചി​ല​പ്പോ​ഴെ​ങ്കി​ലും പ​റ​യു​ക​യും ചെ​യ്തി​ട്ടു​ണ്ടെ​ങ്കി​ലും ഇ​പ്പോ​ൾ​ക്കേ​ട്ട വാ​ക്കു​ക​ളു​ടെ​യ​ത്ര ക​ന​ച്ച മു​ഴ​ക്കം അ​തി​നൊ​ന്നു​മു​ണ്ടാ​യി​രു​ന്നി​ല്ല. അ​വ​ൾ ക​ര​ഞ്ഞു​കൊ​ണ്ട്, ആ ​ബ​ന്ധം അ​ങ്ങ​ന​ല്ലെ​ന്നും ജ​യ​ച​ന്ദ്ര​ൻ മാ​ന്യ​നാ​യ എ​ഴു​ത്തു​കാ​ര​നാ​ണെ​ന്നും അ​യാ​ൾ ഇ​ന്നു​വ​രെ അ​തി​രു​വി​ട്ടു പെ​രു​മാ​റി​യി​ട്ടി​ല്ലെ​ന്നും പ​റ​ഞ്ഞു. അ​യാ​ൾ മു​ഖം​കോ​ട്ടി​ച്ചി​രി​ച്ചു. അ​ക​ത്തേ​ക്കെ​ടു​ത്ത പു​ക വ​ക്ര​രേ​ഖ​ക​ളാ​യി ആ ​കോ​ട്ട​ത്തി​ന്‍റെ വി​ട​വു​ക​ളി​ലൂ​ടെ പു​റ​ത്തു​പോ​യി. അ​യാ​ൾ ബാ​ക്കി ബീ​ഡി എ​റ്റി​ത്തെ​റി​പ്പി​ച്ചു​കൊ​ണ്ട് അ​വ​ളെ നോ​ക്കി​പ്പ​റ​ഞ്ഞു:

-ഒ​ന്നു​കി​ൽ നീ ​പ​റ​യു​ന്ന​ത് ക​ള്ളം. അ​ല്ലെ​ങ്കി​ൽ നീ ​വി​ചാ​രി​ക്കു​ന്ന​ത് ക​ള്ളം. നാ​ലു ക​ഥ​യെ​ഴു​തി​യ​തു വാ​യി​ച്ച​ത​ല്ലാ​തെ ഒ​രു പ​രി​ച​യോ​മി​ല്ലാ​ത്ത ഒ​രു​ത്ത​നെ കാ​ണാ​ൻ ഒ​രു​മ്പെ​ട്ടി​റ​ങ്ങി​യി​രി​ക്കു​ന്ന നി​ന്നെ എ​ന്തു​ചെ​യ്യ​ണ​മെ​ന്നെ​നി​ക്ക​റി​യാം. ഇ​ന്ന​വ​ൻ നി​ന്നെ​ച്ചെ​യ്യാ​ൻ​പോ​ണ​തെ​ന്താ​ണെ​ന്ന് എ​നി​ക്കു​മ​റി​യാം; നി​ന​ക്കു​മ​റി​യാം. അ​തി​നൊ​രു പ്രാ​ക്ടീ​സ്... അേ​ത്രം വി​ചാ​രി​ച്ചാ​മ​തി...

അ​യാ​ൾ വീ​ണ്ടും അ​വ​ളെ സ​മീ​പി​ച്ചു. അ​വ​ളു​ടെ ക​ര​ച്ചി​ൽ വ​റ്റി. അ​വ​ൾ പ​റ​ഞ്ഞു.

-എ​ങ്കി​ലെ​ന്നെ കൊ​ന്നേ​ച്ചു​പോ​ണം...

അ​യാ​ൾ നി​ന്നു. അ​ഞ്ചു മി​നി​റ്റോ​ളം അ​വ​ളെ​ത്ത​ന്നെ നോ​ക്കി​നി​ന്നു. പി​ന്നെ, തി​രി​ഞ്ഞു​ചെ​ന്ന് സ​ഞ്ചി​യെ​ടു​ത്ത്, അ​തി​ൽ​നി​ന്ന് പാ​റ​ക്ക​ല്ലെ​ടു​ത്തു ദൂ​രെ​ക്ക​ള​ഞ്ഞി​ട്ട് അ​വ​ൾ​ക്കു നേ​രേ നീ​ട്ടി. അ​വ​ള​തു വാ​ങ്ങി​യ​തും അ​യാ​ൾ ഗു​ഹ​യി​ൽ​നി​ന്നു പു​റ​ത്തേ​ക്കി​റ​ങ്ങി. അ​വ​ൾ അ​മ്പ​ര​ന്ന് അ​വി​ടെ​ത്ത​ന്നെ തു​ട​ർ​ന്ന​പ്പോ​ൾ, മു​ഖം അ​ക​ത്തേ​ക്കി​ട്ട് മു​ഷി​വോ​ടെ പ​റ​ഞ്ഞു:

-വ​രു​ന്നി​ല്ലേ?.. ഇ​നീ​മൊ​ണ്ട് കു​രി​ശൊ​ന്നു​കൂ​ടി...

അ​വ​ളി​റ​ങ്ങി. അ​യാ​ൾ ഒ​ന്നും​മി​ണ്ടാ​തെ മു​ന്നേ ന​ട​ന്നു. അ​ൽ​പ​ദൂ​രം അ​യാ​ളെ പി​ന്തു​ട​ർ​ന്ന​പ്പോ​ൾ, അ​യാ​ളു​ടെ ത​ല​യ്ക്കു​മീ​തേ പ​ള്ളി​ക്കു​രി​ശ് പൊ​ങ്ങി​ക്ക​ണ്ട​പ്പോ​ൾ, അ​വ​ൾ അ​മ്പ​ര​പ്പോ​ടെ അ​തി​നെ തു​റി​ച്ചു​നോ​ക്കി. അ​യാ​ൾ നി​ന്നു. അ​തു​ത​ന്നെ​യാ പ​തി​ന്നാ​ലാ​മ​ത്തെ കു​രി​ശ് എ​ന്നു​പ​റ​ഞ്ഞ് അ​യാ​ൾ തി​രി​ഞ്ഞു​ന​ട​ക്കാ​ൻ തു​ട​ങ്ങി. അ​യാ​ൾ അ​ക​ലെ​പ്പോ​യി മ​റ​ഞ്ഞ​തി​നു​ശേ​ഷ​മാ​ണ് അ​വ​ൾ ബാ​ക്കി​വ​ഴി താ​ണ്ടി​യ​ത്. വാ​ച്ചി​ൽ സ​മ​യം അ​ഞ്ച​ര​യോ​ട​ടു​ക്കു​ക​യാ​യി​രു​ന്നു.

പ​രി​പാ​ടി സ​മാ​പി​ച്ചി​രു​ന്നു. ജ​യ​ച​ന്ദ്ര​ൻ ഹാ​ളി​നു വെ​ളി​യി​ലെ മ​ര​ച്ചു​വ​ട്ടി​ൽ ചി​ല​രു​മാ​യി സം​സാ​രി​ച്ചു​നി​ൽ​ക്കു​ന്നു. ഇ​ട​ക്കി​ടെ അ​യാ​ൾ വ​ഴി​ത്താ​ര​യി​ലേ​ക്കു നോ​ക്കു​ന്നു​ണ്ടാ​യി​രു​ന്നു. അ​വ​ളെ​ക്ക​ണ്ട​തും അ​യാ​ളു​ടെ മു​ഖം വി​ട​ർ​ന്നു. കൈ​യു​യ​ർ​ത്തി​ക്കാ​ട്ടി. അ​വ​ൾ അ​ടു​ത്തെ​ത്തി​യ​പ്പോ​ൾ അ​യാ​ൾ അ​വ​രെ​യൊ​ക്കെ പ​രി​ച​യ​പ്പെ​ടു​ത്തി. ഈ ​കു​ട്ടി​യാ​ണ് അ​ന്ന​വി​ടെ പു​നഃ​പ്ര​കാ​ശ​നം ചെ​യ്ത പു​സ്​​ത​ക​ത്തി​ന്‍റെ പേ​രു​മാ​റ്റ​ത്തി​ന്‍റെ കാ​ര​ണ​ക്കാ​രി​യെ​ന്നു പ​റ​ഞ്ഞാ​യി​രു​ന്നു, പ​രി​ച​യ​പ്പെ​ടു​ത്ത​ൽ. അ​ത​വ​ളെ കൂ​ടു​ത​ൽ പ​രി​ഭ്ര​മി​പ്പി​ച്ചു. എ​ന്താ​യാ​ലും അ​വ​ളു​ടെ മു​ഖ​ത്തെ സം​ഭ്രാ​ന്തി​ക​ൾ ആ ​പ​രി​ച​യ​പ്പെ​ടു​ത്ത​ലി​ന്‍റെ ഫ​ല​മെ​ന്ന് ജ​യ​ച​ന്ദ്ര​നെ തോ​ന്നി​പ്പി​ക്കാ​ൻ അ​തു​ത​കി. അ​ത​യാ​ൾ​ക്ക് ആ​ത്മ​വി​ശ്വാ​സ​മേ​റ്റു​ക​യും ചെ​യ്തു. അ​മ്പി​ളി​യു​ടെ അ​ഭി​മു​ഖ​വും കൂ​ടി ക​ഴി​ഞ്ഞി​ട്ട് പി​ന്നെ, ഒ​രു​ങ്ങി​പ്പു​റ​പ്പെ​ടാ​നു​ള്ള സ​മ​യ​മേ​യു​ള്ളൂ എ​ന്നു വി​ട​യോ​തി, ജ​യ​ച​ന്ദ്ര​ൻ അ​മ്പി​ളി​യു​മാ​യി പ​ള്ളി​യു​ടെ പി​ന്ന​തി​രി​ലെ വ​ഴി​ത്താ​ര​യി​ലൂ​ടെ ത​നി​ക്ക​നു​വ​ദി​ച്ചി​രി​ക്കു​ന്ന പാ​ർ​പ്പി​ട​ത്തി​ലേ​ക്കു ന​ട​ന്നു. മ​ര​ങ്ങ​ളി​ൽ ഇ​രു​ട്ടി​ന്‍റെ പു​ത​പ്പു​ക​ൾ ഞൊ​റി​ഞ്ഞു​തു​ട​ങ്ങു​ന്ന​തു നോ​ക്കി​ക്കൊ​ണ്ട് അ​വ​ൾ അ​യാ​ളു​ടെ പി​ന്നാ​ലെ വ​രാ​ന്ത താ​ണ്ടി മു​റി​യി​ലേ​ക്കു ക​ട​ന്നു. അ​വ​ൾ ക​ട​ന്നി​ട്ടു വാ​തി​ലി​ൽ​നി​ന്നു കൈ​വി​ട്ട​പ്പോ​ൾ അ​ത​ട​ഞ്ഞു. അ​യാ​ൾ ബാ​ഗു​തു​റ​ന്ന് സ്വൈ​രി​ണി​ക​ൾ എ​ന്നു പേ​രു​മാ​റ്റി​യ പു​തി​യ പു​സ്​​ത​കം, പ​ഴ​യ സ്വൈ​ര​സ​ഞ്ചാ​രി​ണി​ക​ൾ എ​ടു​ത്ത​വ​ളെ​ക്കാ​ണി​ച്ചു. അ​വ​ൾ പു​ഞ്ചി​രി​ച്ചു. പി​ന്നെ​യ​യാ​ൾ, അ​തു മേ​ശ​മേ​ൽ​വ​ച്ച്, അ​തി​ന്‍റെ ച​ട്ട​തു​റ​ന്ന് ആ​ദ്യ​പേ​ജി​ൽ എ​ഴു​തി.

എ​ന്‍റെ ആ​ൺ​ബോ​ധ​ത്തി​ന്‍റെ ഒ​ഴു​ക്കി​ൽ വ​ന്നു​ക​യ​റി, അ​തി​ന്‍റെ ക​ല​ക്കം തെ​ളി​ച്ച പെ​ൺ​കൈ​വ​ഴി​ക്ക്...

അ​വ​ളെ കാ​ണി​ച്ചു​കൊ​ണ്ടും പി​റു​പി​റു​ത്തു​കൊ​ണ്ടു​മാ​ണ് അ​യാ​ള​ത് നി​ർ​വ​ഹി​ച്ച​ത്. പി​ന്നെ, ആ ​പു​സ്​​ത​കം അ​യാ​ള​വ​ൾ​ക്കു നീ​ട്ടി. അ​വ​ൾ കൈ​നീ​ട്ടി​ത്തൊ​ട്ട​പ്പോ​ൾ പു​സ്​​ത​കം വി​ട്ടു​കൊ​ടു​ക്കാ​തെ അ​യാ​ൾ, അ​തീ​വ​മ​നോ​ഹ​ര​മാ​യ മ​ന്ദ​ഹാ​സ​ത്തോ​ടെ ചോ​ദി​ച്ചു:

-പ​റ​യൂ, ലോ​ക​ത്തേ​തു വാ​യ​ന​ക്കാ​രി​ക്കു കി​ട്ടി​യി​ട്ടു​ണ്ട് ഇ​ങ്ങ​നൊ​രു സൗ​ഭാ​ഗ്യം?.. വാ​യ​ന​ക്കാ​രി​യു​ടെ തി​രു​ത്തു സ​മ്മ​തി​ച്ച് എ​ഴു​ത്തു​കാ​ര​ൻ അ​യാ​ളു​ടെ മാ​സ്റ്റ​ർ​പീ​സ്​ ക​ഥ​യു​ടെ, ലോ​ക​മം​ഗീ​ക​രി​ച്ച പേ​രു തി​രു​ത്തു​ക. ആ ​ക​ഥ​യു​ള്ള പു​സ്​​ത​ക​ത്തി​ന്‍റെ പേ​രു​ത​ന്നെ മാ​റ്റു​ക...

അ​വ​ൾ ത​ന്‍റെ പി​ടി ഒ​ന്നു​കൂ​ടി പു​സ്​​ത​ക​ത്തി​ന്മേ​ൽ മു​റു​ക്കി​ക്കൊ​ണ്ട്, അ​തു പി​ടി​ച്ചു​വാ​ങ്ങു​ക ത​ന്‍റെ അ​വ​കാ​ശ​മെ​ന്ന​പോ​ലെ പ​റ​ഞ്ഞു:

-പ​റ​യൂ, ലോ​ക​ത്തേ​തെ​ഴു​ത്തു​കാ​ര​നു കി​ട്ടി​യി​ട്ടു​ണ്ട് ഇ​ങ്ങ​നൊ​രു വാ​യ​ന​ക്കാ​രി​യെ? എ​ഴു​ത്തു​കാ​ര​ന്‍റെ ഓ​രോ ക​ഥ​യും നൂ​റു​വ​ട്ടം വാ​യി​ക്കു​ന്ന ഒ​രു​വ​ളെ?..

ജ​യ​ച​ന്ദ്ര​ൻ പൊ​ട്ടി​ച്ചി​രി​ച്ചു.

-ശ​രി​യാ​ണ്. എ​ഴു​ത്തു​കാ​ര​ന്‍റെ ഭാ​ഗ്യ​മാ​യ വാ​യ​ന​ക്കാ​രിത​ന്നെ​യാ​ണു നീ. ​മൈ ഐ​ഡി​യ​ൽ റീ​ഡ​ർ...

അ​യാ​ൾ പു​സ്​​ത​ക​മ​ട​ക്കം വ​ലി​ച്ച്, ത​ന്നെ സ്വ​ന്തം ക​ര​വ​ല​യ​ത്തി​ലാ​ഴ്ത്തി​യ​പ്പോ​ഴാ​ണ് അ​മ്പി​ളി അ​വ​ളു​ടെ ഉ​ട​ലി​ന്‍റെ ഉ​ള്ളി​ൽ വി​റ​യ​ല​റി​ഞ്ഞ​ത്. അ​യാ​ളു​ടെ കൈ​ക​ൾ ന​ല്ല ക​രു​ത്തു​ള്ള​വ​യാ​യി​രു​ന്നു. അ​വ​ൾ കു​ത​റാ​ൻ ശ്ര​മി​ച്ച​പ്പോ​ൾ അ​തി​ൽ അ​വ​ളു​ടെ ശ​രീ​രം ഞെ​രി​ഞ്ഞു. അ​യാ​ളു​ടെ മു​ഖം അ​വ​ളു​ടെ മു​ഖ​ത്തോ​ട​ടു​ത്താ​യി​രു​ന്നു. അ​യാ​ളു​ടെ ചു​ണ്ടു​ക​ൾ ത​ന്‍റെ ചു​ണ്ടു​ക​ളി​ൽ വ​ന്ന​മ​ർ​ന്ന​പ്പോ​ൾ അ​വ​ൾ അ​യാ​ളെ ത​ള്ളി​മാ​റ്റി. അ​യാ​ൾ അ​മ്പ​ര​പ്പോ​ടെ അ​വ​ളെ നോ​ക്കി. അ​വ​ൾ വ​ല​തു​കൈ​പ്പ​ട​ത്തി​ന്‍റെ മ​റു​പു​റം​കൊ​ണ്ട് ചു​ണ്ടു​തു​ട​യ്ക്കു​ക​യാ​യി​രു​ന്നു. അ​യാ​ൾ​ക്കു കോ​പ​മി​ള​കി. അ​യാ​ൾ ഒ​ച്ച​യെ​ടു​ത്തു:

-പി​ന്നെ​ന്തി​നാ​ണു നീ ​ഇ​ത്ര പ​ങ്ക​പ്പാ​ടു​പെ​ട്ടീ കാ​ട്ടു​പാ​റ​മ​ല​ക​ൾ താ​ണ്ടി​വ​ന്ന​ത്?..

അ​വ​ൾ അ​യാ​ളെ തു​റി​ച്ചു​നോ​ക്കി. അ​യാ​ൾ കോ​പ​മ​ട​ക്കി അ​വ​ളു​ടെ നോ​ട്ട​ത്തി​ലേ​ക്കു താ​ണു​പ​റ​ഞ്ഞു:

-എ​നി​ക്കു നി​ന്നെ അ​ങ്ങേ​യ​റ്റം ഇ​ഷ്​​ട​മാ​ണ​മ്പി​ളീ. ഈ ​നി​മി​ഷ​ങ്ങ​ൾ​ക്കാ​യി ഞാ​നെ​ത്ര ദി​വ​സ​മാ​യി കാ​ത്തി​രി​ക്കു​ക​യാ​യി​രു​ന്നെ​ന്നോ? സ്​​നേ​ഹം, അ​ലി​വ്, ക​നി​വ്, പ​ര​മാ​വ​ധി മൃ​ദു​ത്വം... അ​ങ്ങ​നെ വേ​ണം ഇ​തെ​ല്ലാം എ​ന്നെ​നി​ക്ക​റി​യാ​ഞ്ഞി​ട്ട​ല്ല. പ​ക്ഷേ, സ​മ​യം തീ​രെ​യി​ല്ല. നീ ​ഒ​രു​മ​ണി​ക്കൂ​റെ​ങ്കി​ലും വ​രാ​ൻ വൈ​കി. ഇ​നി ന​മു​ക്കു തീ​രെ സ​മ​യ​മി​ല്ല. ഞാ​ൻ അ​ങ്ങേ​യ​റ്റം ശാ​ന്ത​മാ​യും ക്ഷ​മ​യോ​ടെ​യും ചെ​യ്യാം!..

അ​യാ​ൾ അ​വ​ളു​ടെ കൈ​ത്ത​ണ്ട​യി​ൽ ബ​ല​വ​ത്താ​യി പി​ടി​ച്ച​ടു​പ്പി​ക്കാ​ൻ നോ​ക്കി. അ​വ​ളു​ടെ ചെ​റി​യ ദേ​ഹം ത​ന്‍റെ വ​ലി​യ ദേ​ഹ​ത്തേ​ക്ക​യാ​ൾ ചേ​ർ​ത്ത​മ​ർ​ത്തി. അ​പ്പോ​ഴ​വ​ൾ​ക്ക് ആ ​ദി​വ​സം മൂ​ന്നാ​മ​ത്തെ ത​വ​ണ ഓ​ക്കാ​നം വ​ന്നു. അ​വ​ൾ എ​ത്ര​യാ​ഞ്ഞു​നോ​ക്കി​യി​ട്ടും നാ​ര​ങ്ങാ​മ​ണ​മൊ​ന്നും മൂ​ക്കി​ലേ​ക്കാ​വാ​ഹി​ക്ക​പ്പെ​ട്ടി​ല്ല. അ​യാ​ളു​ടെ ഒ​രു കൈ​പ്പ​ടം അ​വ​ളു​ടെ മാ​റി​നെ പൊ​തി​യാ​ൻ തു​ട​ങ്ങു​മ്പോ​ൾ, അ​വ​ൾ അ​യാ​ളു​ടെ ചു​മ​ലി​ലൂ​ടെ ഛർ​ദി​ച്ചു.

ച്ഛെ! ​എ​ന്ന​യാ​ൾ അ​ക​ന്നു​മാ​റി. അ​വ​ളു​ടെ കു​ട​ൽ ചൊ​രു​ക്കി​യ പി​ത്ത​ജ​ലം അ​യാ​ളു​ടെ ഉ​ടു​പ്പി​ലൂ​ടെ വ​ഴു​ക്കി​യി​റ​ങ്ങി. അ​യാ​ൾ കൈ​ക​ൾ കു​ട​ഞ്ഞു​മാ​റു​ക​യും അ​വ​ളെ വെ​റു​പ്പോ​ടെ നോ​ക്കി​ക്കൊ​ണ്ട് ഉ​ടു​പ്പൂ​രി​യെ​റി​യു​ക​യും ചെ​യ്തു. അ​യാ​ളു​ടെ കൈ​ത​ട്ടി അ​വ​ളു​ടെ കൈ​യി​ലി​രു​ന്ന പു​സ്​​ത​കം തെ​റി​ച്ചു.

-ക​ട​ന്നു​പോ കൊ​ടി​ച്ചീ..., അ​യാ​ൾ ക​ടു​ത്ത വി​ദ്വേ​ഷ​ത്തോ​ടെ മു​ര​ണ്ടു. അ​വ​ൾ തി​ടു​ക്ക​ത്തി​ൽ പു​റ​ത്തേ​ക്കി​റ​ങ്ങി. വ​രാ​ന്ത​യി​ലെ​ത്തി​യ​പ്പോ​ൾ അ​വ​ൾ​ക്കു ത​ല​ചു​റ്റി. വ​ണ്ടി തെ​റ്റു​മെ​ന്നു പേ​ടി​ച്ച്, കാ​പ്പി​ത്തോ​ട്ട​ത്തി​ൽ​നി​ന്നു വ​ന്നു കു​ളി​ച്ചി​ട്ട് ഉ​ച്ച​യൂ​ണൊ​ഴി​വാ​ക്കി​യി​ട്ടാ​ണ​വ​ൾ പോ​ന്നി​രു​ന്ന​ത്. അ​വ​ൾ​ക്ക് വീ​ഴാ​ൻ പോ​കു​ന്ന​തു​പോ​ലെ​യൊ​രു കു​ഴ​ച്ചി​ൽ തോ​ന്നി. അ​കം ക​ല​ങ്ങി​മ​റി​ഞ്ഞു​വ​ന്നൊ​രു വ​ര​വി​നെ അ​വ​ൾ പു​റ​ത്തേ​ക്കാ​ഞ്ഞു തു​പ്പി​യി​ട്ട് വ​രാ​ന്ത​യി​ലൂ​ടെ ക്ഷീ​ണി​ച്ചു​ന​ട​ന്നു. ദൂ​രെ കു​രി​ശ് ഇ​രു​ട്ടി​ന്‍റെ കു​രി​ശാ​യി പൊ​ന്തി​നി​ൽ​ക്കു​ന്ന​തു ക​ണ്ടു.

വ​രാ​ന്ത പി​ന്നി​ട്ട്, ന​ട​വ​ഴി​യി​ലേ​ക്കെ​ത്തി​യ​പ്പോ​ൾ, എ​ല്ലാ​യി​ട​വും ഇ​രു​ട്ടാ​യി​രി​ക്കു​ന്ന​തും എ​ങ്ങും ആ​രും ഇ​ല്ലാ​തെ​യാ​യി​രി​ക്കു​ന്ന​തും അ​വ​ൾ ക​ണ്ടു. എ​ങ്ങും വ​ന്ന വ​ഴി ക​ണ്ടി​ല്ല. ഇ​രു​ട്ടി​ലേ​ക്കു ക​ട​ക്കു​മ്പോ​ൾ, അ​വി​ടെ അ​യാ​ൾ നി​ന്നി​രു​ന്നു. അ​വ​ൾ പേ​ടി​യോ​ടെ അ​യാ​ളെ നോ​ക്കി. അ​യാ​ൾ പ​റ​ഞ്ഞു:

-അ​വ​ൻ കൊ​ണ്ടു​വി​ടു​കേ​ലെ​ന്നെ​നി​ക്ക​റി​യാ​മാ​യി​രു​ന്നു. വേ​ഗം വാ!.. ​ശി​മി​ട്ട​ൻ വേ​ഗ​ത്തി​ൽ ചെ​ന്നി​ല്ലെ​ങ്കി​ൽ ഏ​ഴി​ന്‍റെ വ​ണ്ടി അ​തി​ന്‍റെ പാ​ട്ടി​നു​പോ​കും...

ഇ​രു​ട്ടി​ന്‍റെ കു​രി​ശു​വ​ഴി​ക​ളും അ​തി​നെ പ​ല ക​ള്ളി​ക​ളാ​യി​പ്പ​കു​ക്കു​ന്ന പാ​റ​വ​ഴി​ക​ളും താ​ണ്ടി ക​വ​ല​യി​ലെ​ത്തി അ​വ​ർ കി​ത​ച്ചു​നി​ന്നു. രാ​പ്രാ​ണി​ക​ൾ അ​റ​ഞ്ഞു​ക​ര​യു​ന്നു. അ​തൊ​ഴി​ച്ച് എ​ങ്ങും നി​ശ്ശ​ബ്ദ​ത​യും അ​വ​രൊ​ഴി​ച്ച് എ​ങ്ങും വി​ജ​ന​ത​യും നി​ര​യി​ട്ടു​കി​ട​ന്നു. അ​യാ​ളു​ടെ ശ്വാ​സ​ങ്ങ​ളു​ടെ കു​റു​ക​ൽ താ​ള​ത്തി​ലു​യ​രു​ന്നു​ണ്ടാ​യി​രു​ന്നു. ഇ​രു​വ​രു​ടെ​യും ഉ​ച്ഛ്വാ​സ​ങ്ങ​ളി​ൽ​നി​ന്ന് ഇ​രു​ട്ടി​ലേ​ക്ക് പു​ക​മ​ഞ്ഞു​പോ​ലെ ആ​വി തൂ​കി​യി​രു​ന്നു. ദൂ​രെ​യൊ​രു വ​ള​വി​ൽ ര​ണ്ടു വെ​ട്ട​ക്ക​ണ്ണു​ക​ൾ ഒ​ന്നു തെ​ളി​ഞ്ഞു​മാ​ഞ്ഞ​പ്പോ​ൾ അ​യാ​ൾ പു​ല​മ്പി:

-ബ​സ് വ​രു​ന്നൊ​ണ്ട്!..

അ​ടു​ത്ത വ​ള​വി​ൽ വീ​ണ്ടും ബ​സി​ന്‍റെ ക​ണ്ണു​ക​ൾ തു​റ​ന്ന​ട​ഞ്ഞു. ഇ​നി​യും മൂ​ന്നോ നാ​ലോ വ​ള​വു​ക​ൾ കൂ​ടി​യു​ണ്ടാ​കു​മെ​ന്ന​വ​ൾ ക​ണ​ക്കു​കൂ​ട്ടി.

പൊ​ടു​ന്ന​നെ, അ​ങ്ങേ​യ​റ്റ​ത്തെ തി​ടു​ക്ക​ത്തോ​ടെ, അ​വ​ൾ അ​യാ​ളെ അ​ണ​ച്ചു​പി​ടി​ച്ച് ത​ന്‍റെ മാ​റി​ട​ത്തി​ലേ​ക്കു​ചേ​ർ​ത്തു. അ​യാ​ൾ ഒ​രു കു​ഞ്ഞി​നെ​പ്പോ​ലെ അ​വി​ടെ താ​ണു​നി​ന്നു. മ​ഞ്ഞു​വീ​ണു​തു​ട​ങ്ങി​യി​രു​ന്നി​ട്ടും, ത​ണു​ത്തു​വി​റ​യ്ക്കു​ന്ന​തി​നൊ​പ്പം ചു​ട്ടു​പൊ​ള്ളു​ക​യും ചെ​യ്തി​രു​ന്ന ചു​ണ്ടു​ക​ളാ​ൽ അ​വ​ൾ അ​യാ​ളു​ടെ മൂ​ർ​ധാ​വി​ൽ ആ​ഞ്ഞു ചും​ബി​ച്ചു. അ​വി​ടെ​നി​ന്ന​വ​ൾ ചു​ണ്ടു​ക​ൾ പി​ൻ​വ​ലി​ച്ചി​ല്ല. അ​യാ​ൾ അ​ന​ങ്ങാ​തെ അ​വ​ളു​ടെ പി​ടി​യി​ൽ അ​മ​ർ​ന്നു​നി​ന്നു. അ​ൽ​പ​നി​മി​ഷ​ങ്ങ​ൾ​ക്കം അ​വ​ളു​ടെ കാ​ല​ടി​ക​ൾ അ​യാ​ളു​ടെ ക​ണ്ണു​നീ​ർ വീ​ണു ന​ന​യു​ന്ന​ത​വ​ള​റി​ഞ്ഞു.

പ​തി​യെ, വ​ള​വു​ക​ൾ​ക്ക​പ്പു​റം, വെ​ട്ട​മി​ല്ലാ​തെ​ത​ന്നെ ബ​സി​ന്‍റെ ഇ​ര​മ്പം കേ​ട്ടു​തു​ട​ങ്ങി. പി​ന്നെ, പൊ​ന്ത​പ്പ​ട​ർ​പ്പു​ക​ളി​ൽ കൊ​ച്ചൊ​രു പ്ര​കാ​ശ​ലോ​കം ഉ​ദി​ച്ചു​പ​ര​ക്കാ​നാ​രം​ഭി​ക്കു​ക​യും ചെ​യ്തു.