ഉളിയാടുംകുന്ന്

ഒ​ന്ന്

ഒ​രി​ക്ക​ല്‍കൂ​ടെ ഉ​ളി​യാ​ടും​കു​ന്നി​ലേ​ക്ക് പോ​കാ​ന്‍ ഞാ​ന്‍ തീ​രു​മാ​നി​ച്ചു. ഒ​രു ചാ​യ​ക്ക​ട കാ​ര​ണ​മാ​യി​രു​ന്നു അ​ത്. സോ​ഷ്യ​ല്‍ മീ​ഡി​യ​യി​ല്‍ ഹി​റ്റാ​യ കു​മാ​രേ​ട്ട​ന്റെ ചാ​യ​ക്ക​ട...​വാ​ഴ​യി​ല​യി​ല്‍ വാ​ട്ടി​യെ​ടു​ത്ത പ​ത്തി​രി​യും പു​ഴു​ക്കും കൂ​ട്ടി​ന് മീ​ന്‍ വ​റു​ത്ത​തും...​ഹാ...​ഇ​തു​പോ​ലൊ​ന്ന് എ​ന്റെ ജ​ന്മ​ത്തി​ല്‍ ക​ഴി​ച്ചി​ട്ടി​ല്ല...​എ​ന്തൊ​രു ടേ​സ്റ്റാ​ണി​തി​ന്...​വ്ലോ​ഗ​ര്‍ ചു​ണ്ടും ക​ണ്ണും മു​റു​ക്കി​പ്പ​റ​യു​മ്പോ​ള്‍ ആ​ര്‍ക്കാ​ണ് അ​വി​ടംവ​രെ പോ​കാ​ന്‍ തോ​ന്നാ​ത്ത​ത്..?

പ​ത്തു​പ​തി​ന​ഞ്ചു കൊ​ല്ലം മു​മ്പാ​യി​രി​ക്ക​ണം ഞാ​ന്‍ അ​വി​ടെ പോ​യ​ത്. ക​ടു​ത്ത വേ​ന​ലി​ലാ​യി​രു​ന്നു അ​ത്. പു​റ​മേ​ക്ക് അ​ധി​ക​മാ​രും അ​റി​യാ​ന്‍ വ​ഴി​യി​ല്ലാ​ത്ത ഒ​രു നാ​ട്. മൂ​ന്നോ നാ​ലോ കി​ലോ​മീ​റ്റ​ര്‍ ദൂ​ര​ത്തി​നി​പ്പു​റം വ​രെ​യേ ബ​സ്സു​ണ്ടാ​യി​രു​ന്നു​ള്ളൂ. അ​വി​ടം മു​ത​ല്‍ ന​ട​ക്കു​ക​യാ​യി​രു​ന്നു. വീ​തി​കു​റ​ഞ്ഞ ന​ട​പ്പാ​ത. പാ​ത​ക്കി​രു​വ​ശ​വും ഇ​ല​പൊ​ഴി​ഞ്ഞ് അ​സ്ഥി​കൂ​ട​മാ​യ മ​ര​ങ്ങ​ളാ​യി​രു​ന്നു. വ​ര​ണ്ട കാ​റ്റ്, പൊ​ടി പ​റ​ക്കു​ന്ന അ​ന്ത​രീ​ക്ഷം. വി​ജ​ന​ത. വ​ഴി​ചോ​ദി​ക്കാ​ന്‍ പ​റ്റി​യ ആ​രെ​യും ക​ണ്ടി​ല്ല. ഒ​രൂ​ഹം​െവ​ച്ച് അ​ങ്ങ​നെ മു​ന്നോ​ട്ട് നീ​ങ്ങു​ക​യാ​യി​രു​ന്നു. കൈ​യി​ല്‍ വെ​ള്ളം ക​രു​തി​യ​ത് ന​ന്നാ​യി. അ​ല്ലാ​യി​രു​ന്നെ​ങ്കി​ല്‍ എ​വി​ടെ​യെ​ങ്കി​ലും കു​ഴ​ഞ്ഞു​വീ​ണേ​നെ​യെ​ന്ന് ഞാ​നോ​ര്‍ത്തു.

കീ​ഴ് ക്കാം ​തൂ​ക്കാ​യ മ​ല​ഞ്ചെ​രി​വി​ലാ​ണ് അ​ങ്ങ​നെ​യൊ​രു ഗ്രാ​മം സ്ഥി​തി​ചെ​യ്യു​ന്ന​തെ​ന്ന് എ​ന്തു​കൊ​ണ്ടോ ഞാ​ന്‍ ഭാ​വ​ന​ചെ​യ്തി​രു​ന്നു. കു​റ​ച്ചു​മു​മ്പ് വാ​യി​ച്ചൊ​രു നോ​വ​ലി​ല്‍ അ​ത്ത​ര​മൊ​രു ഇ​ട​മു​ണ്ടാ​യി​രു​ന്നു. എ​ന്നാ​ല്‍, ഭാ​വ​ന​ക്കു വി​രു​ദ്ധ​മാ​യി​രു​ന്നു കാ​ര്യ​ങ്ങ​ള്‍. ചു​റ്റു​പാ​ടും മ​ല​നി​ര​ക​ള്‍ ഉ​ണ്ടെ​ന്നു​ള്ള​ത് നേ​രാ​യി​രു​ന്നു. ര​ണ്ടോ മൂ​ന്നോ ക​ട​ക​ളും. ചെ​റി​യ ചെ​റി​യ ആ​ള്‍ക്കൂ​ട്ട​ങ്ങ​ളും.

ഉ​ളി​യാ​ടും​കു​ന്നി​ലെ​ത്തി​യ​പ്പോ​ഴേ​ക്കും ഉ​ച്ച ക​ഴി​ഞ്ഞി​രു​ന്നു. വെ​യി​ലു​ണ്ടാ​യി​രു​ന്നി​ല്ല. നേ​ര്‍ത്ത ത​ണു​പ്പു​ള്ള അ​ന്ത​രീ​ക്ഷ​മാ​യി​രു​ന്നു അ​വി​ടെ. ശ​രീ​ര​ത്തി​ലെ വി​യ​ര്‍പ്പെ​ല്ലാം പൊ​ടു​ന്ന​നെ വ​റ്റി.

അ​പ​രി​ചി​ത​നാ​യ​തുകൊ​ണ്ടാ​വ​ണം ആ​ളു​ക​ളു​ടെ ക​ണ്ണു​ക​ള​ത്ര​യും എ​നി​ക്കു നേ​രെ പാ​ഞ്ഞു​വ​ന്നു. ഞാ​ന്‍ ആ​വു​ന്ന​ത്ര ഭം​ഗി​യി​ല്‍ അ​വ​രോ​ട് ചി​രി​ക്കാ​ന്‍ ശ്ര​മി​ച്ചു. അ​തി​ന്റെ അ​നു​ര​ണ​ന​മെ​ന്നോ​ണം ത​ടി​ച്ചു​കു​റു​കി​യ ഒ​രാ​ള്‍ എ​നി​ക്ക​രി​കി​ലേ​ക്ക് വ​ന്നു.

''ഭ​ക്ഷ​ണം ക​ഴി​ച്ചോ? മു​ഖ​ത്ത് ന​ല്ല ക്ഷീ​ണ​മു​ണ്ട​ല്ലോ..?''

ചി​ര​പ​രി​ചി​ത​നാ​യ ഒ​രാ​ളോ​ടെ​ന്ന​പോ​ലെ​യാ​ണ് അ​യാ​ള്‍ പെ​രു​മാ​റി​യ​ത്. എ​നി​ക്ക​പ്പോ​ള്‍ അ​യാ​ളോ​ട് ചെ​റി​യൊ​രു അ​ടു​പ്പം തോ​ന്നി. ​ൈക​യി​ല്‍ പി​ടി​ച്ച് അ​യാ​ളെ​ന്നെ അ​ടു​ത്തു ക​ണ്ട ഒ​രു ചാ​യ​ക്ക​ട​യി​ലേ​ക്ക് ന​യി​ച്ചു. ന​ല്ല വി​ശ​പ്പു​ണ്ടാ​യി​രു​ന്ന​തി​നാ​ല്‍ ഞാ​ന്‍ മ​ടി​ച്ചി​ല്ല.

മ​ണ്‍ചു​വ​രി​നു മീ​തെ പ​ന​യോ​ല മേ​ഞ്ഞ ചെ​റി​യൊ​രു എ​ടു​പ്പാ​യി​രു​ന്നു അ​ത്. ചു​വ​രി​ന്റെ വി​ട​വു​ക​ളി​ല്‍നി​ന്ന് ചെ​റി​യ ചെ​ടി​ക​ള്‍ പു​റ​ത്തേ​ക്ക് ത​ല നീ​ട്ടി​യി​രു​ന്നു. ക​ട​യു​ടെ ഉ​ള്ളി​ലേ​ക്ക് ക​യ​റി​യ​പ്പോ​ള്‍ മൂ​ക്കി​ല്‍ പു​ക​മ​ണം നി​റ​ഞ്ഞു. പ​ഴ​യൊ​രു റേ​ഡി​യോ ഉ​ച്ച​ത്തി​ല്‍ തു​റ​ന്നു​െവ​ച്ചി​രു​ന്നു. ഏ​തോ സി​നി​മാ​ഗാ​ന​മാ​യി​രു​ന്നു അ​ത്.

വേ​ട്ടു​വ​ളി​യ​ന്‍മാ​ര്‍ മ​ത്സ​രി​ച്ച് തു​ള​യി​ട്ട ഏ​താ​നും ബെ​ഞ്ചു​ക​ളും മേ​ശ​യു​മാ​യി​രു​ന്നു അ​വി​ടെ​യു​ണ്ടാ​യി​രു​ന്ന​ത്. സാ​മാ​ന്യം വൃ​ത്തി​യു​ള്ള ഇ​ടംനോ​ക്കി ഞ​ങ്ങ​ള്‍ മു​ഖാ​മു​ഖം ഇ​രു​ന്നു.

''പൊ​തു​വെ, ഇ​വി​ടേ​ക്ക് പു​റ​മേ നി​ന്ന​ങ്ങ​നെ ആ​രും വ​രാ​റി​ല്ല...'' ചു​ണ്ടി​ല്‍ നേ​ര്‍ത്ത ചി​രി​യു​മാ​യി അ​യാ​ള്‍ പ​റ​ഞ്ഞു.

''എ​നി​ക്ക് കു​റ​ച്ചൊ​ക്കെ ഊ​ഹി​ക്കാ​ന്‍ ക​ഴി​ഞ്ഞു...​അ​തി​ര്‍ത്തി​യി​ല്‍ പ​ക്ഷേ, ആ​രും എ​ന്നെ ത​ട​ഞ്ഞി​ല്ല...'' അ​യാ​ള്‍ അ​തി​നു മ​റു​പ​ടി പ​റ​ഞ്ഞി​ല്ല.

''ക​ഴി​ക്കാ​ന്‍ എ​ന്തു വേ​ണം?'' കൈ​യി​ല്ലാ​ത്ത ബ​നി​യ​നു​ള്ളി​ല്‍ മെ​ലി​ഞ്ഞ ശ​രീ​രം തി​രു​കി​യ ഒ​രാ​ളാ​യി​രു​ന്നു ചാ​യ​ക്ക​ട​ക്കാ​ര​ന്‍.

''അ​തി​പ്പൊ പ്ര​ത്യേ​കി​ച്ച് പ​റ​യ​ണ​മെ​ന്നി​ല്ല​ല്ലോ. ഒ​റ്റ വാ​ക്കി​ല്‍ പൂ​രി​പ്പി​ക്കാ​നു​ള്ള​ത​ല്ലേ ഇ​വി​ടെ ഉ​ണ്ടാ​വൂ...'' എ​നി​ക്ക് മു​ന്നി​ലി​രി​ക്കു​ന്ന ആ​ളാ​ണ് ക​ട​ക്കാ​ര​നോ​ട് മ​റു​പ​ടി പ​റ​ഞ്ഞ​ത്.

''എ​ന്നാ​ലും ഒ​ന്നു ചോ​ദി​ക്കു​ന്ന​ത​ല്ലേ അ​തി​ന്റെ മ​ര്യാ​ദ...'' ചാ​യ​ക്ക​ട​ക്കാ​ര​ന്‍ ചി​രി​ച്ചു.

അ​ല്‍പസ​മ​യ​ത്തി​ന​കം വാ​ഴ​യി​ല​യി​ല്‍ ആ​വി പാ​റു​ന്ന ക​പ്പ​യെ​ത്തി. കു​ഴി​ഞ്ഞ പി​ഞ്ഞാ​ണ​ത്തി​ലാ​യി​രു​ന്നു മീ​ന്‍ക​റി വി​ള​മ്പി​യ​ത്. അ​തി​ന്റെ മ​ണം ത​ട്ടി​യ പാ​ടെ എ​ന്റെ ഉ​ള്ളി​ലെ വി​ശ​ന്നു​വ​ല​ഞ്ഞ മൃ​ഗം സ​ട​കു​ട​ഞ്ഞെ​ഴു​ന്നേ​റ്റു. മു​ന്നി​ലൊ​രാ​ളു​ണ്ടെ​ന്ന വി​ചാ​ര​മി​ല്ലാ​തെ ഞാ​ന്‍ ആ​ര്‍ത്തി​യോ​ടെ അ​തെ​ല്ലാം അ​ക​ത്താ​ക്കി.

''ഇ​വി​ട​ത്തെ കു​ള​ത്തി​ല്‍നി​ന്നു ത​ന്നെ പി​ടി​ക്കു​ന്ന മീ​നാ​ണ്...'' മു​ന്നി​ലി​രി​ക്കു​ന്ന ആ​ളു​ടെ ശ​ബ്ദം വീ​ണ്ടും ഉ​യ​ര്‍ന്ന​പ്പോ​ഴാ​ണ് ഞാ​ന്‍ ത​ല​പൊ​ക്കി​യ​ത്. അ​ല്‍പം ജാ​ള്യ​ത്തോ​ടെ ഞാ​ന്‍ ചി​രി​ച്ചു.

''ഓ...''

''​താ​ഴെ വ​യ​ലി​ല്‍ വ​ലി​യൊ​രു കു​ള​മു​ണ്ട്...​അ​തി​ല്‍ മ​ത്സ്യ​ങ്ങ​ളെ ശാ​സ്ത്രീ​യ​മാ​യി​ത്ത​ന്നെ വ​ള​ര്‍ത്തു​ന്നു​ണ്ട്.''

''ഓ​ഹോ.''

''പി​ന്നെ ഞാ​നെ​ന്റെ പേ​രു​പ​റ​ഞ്ഞി​ല്ല​ല്ലോ...​ഞാ​ന്‍ ക്ലീ​റ്റ​സ്...'' അ​യാ​ള്‍ സ്വ​യം പ​രി​ച​യ​പ്പെ​ടു​ത്തി. അ​പ്പോ​ള്‍ ഞാ​ന്‍ വ​ന്ന കാ​ര്യം അ​യാ​ള്‍ക്കു മു​ന്നി​ല്‍ വി​ശ​ദ​മാ​യി അ​വ​ത​രി​പ്പി​ച്ചു.

''അ​വ​രെ നി​ങ്ങ​ള്‍ക്ക് പ​രി​ച​യ​മു​ണ്ടോ?'' എ​ല്ലാം ചെ​വി​തു​റ​ന്നു കേ​ട്ട​തി​നു​ശേ​ഷം ക്ലീ​റ്റ​സ് പ​തു​ങ്ങി​യ സ്വ​ര​ത്തി​ല്‍ ചോ​ദി​ക്കു​ക​യു​ണ്ടാ​യി.

''ഇ​ല്ല. അ​ത് ഞ​ങ്ങ​ളു​ടെ തൊ​ഴി​ലി​ന്റെ ഭാ​ഗ​മ​ല്ലേ... വ്യ​ത്യ​സ്ത​മാ​യി ജീ​വി​ക്കു​ന്ന​വ​രെ​യും അ​ജ്ഞാ​ത ഭൂ​ഖ​ണ്ഡ​ങ്ങ​ളെ​യും ഞ​ങ്ങ​ള്‍ ല​ക്ഷ്യ​മാ​ക്കും...''

ഞ​ങ്ങ​ള്‍ ഭ​ക്ഷ​ണം ക​ഴി​ച്ച് എ​ഴു​ന്നേ​റ്റു. ക​ഴു​കി​ത്തു​ട​ച്ച് കൈ ​പോ​ക്ക​റ്റി​ലി​ട്ട​പ്പോ​ള്‍ ക​ട​ക്കാ​ര​ന്‍ അ​ത് വേ​ണ്ടെ​ന്നു പ​റ​ഞ്ഞു.

''നി​ങ്ങ​ള്‍ ഇ​വി​ട​ത്തെ അ​തി​ഥി​യ​ല്ലേ...''

''അ​ത്ര​യും ഔ​ദാ​ര്യം വേ​ണോ?'' അ​തി​ന് ചാ​യ​ക്ക​ട​ക്കാ​ര​ന്‍ ചി​രി​ക്കു​ക മാ​ത്രം ചെ​യ്തു. ക്ലീ​റ്റ​സ് ത​ല​കു​ലു​ക്കി​യ​തി​നെ തു​ട​ര്‍ന്ന് ഞാ​ന്‍ അ​വി​ടെ നി​ന്നി​റ​ങ്ങി ന​ട​ന്നു.

ര​ണ്ട്

''ദൈ​വ​നാ​മം പ​തി​ച്ച ക​ട​ലാ​സും പ​ല​ക​ക​ളും വി​ല്‍ക്കാ​നാ​യി വൃ​ദ്ധ​നാ​യ ഒ​രാ​ള്‍ ഞ​ങ്ങ​ളു​ടെ നാ​ട്ടി​ല്‍ വ​രാ​റു​ണ്ടാ​യി​രു​ന്നു. അ​യാ​ളി​ല്‍നി​ന്നാ​ണ് ഇ​ങ്ങ​നെ​യൊ​രു നാ​ടി​നെ​ക്കു​റി​ച്ച് ഞാ​ന്‍ ആ​ദ്യ​മാ​യി കേ​ള്‍ക്കു​ന്ന​ത്...''

''മി​ക്ക​വാ​റും അ​ത് അ​വ​റാ​നി​ക്ക​യാ​യി​രി​ക്കും...''

''ഹാ​ജ്യാ​രേ എ​ന്നാ​ണ് ഞാ​ന്‍ വി​ളി​ക്കാ​റു​ള്ള​ത്...''

''നാ​ടു​ചു​റ്റ​ലാ​ണ് മൂ​പ്പ​രു​ടെ വി​നോ​ദം...​ഇ​തി​ന്റെ​യൊ​ക്കെ വി​ല്‍പ​ന​യി​ലൂ​ടെ​യാ​ണ് മൂ​പ്പ​ര് ചെ​ല​വി​നു​ള്ള വ​ക ക​ണ്ടെ​ത്തു​ന്ന​ത്.''

''ഹാ​ജ്യാ​രാ​ണ് ഇ​ങ്ങ​നെ​യൊ​രു സൗ​ഹൃ​ദ​ത്തി​ന്റെ ക​ഥ എ​ന്നോ​ട് പ​റ​ഞ്ഞ​ത്...''

പൂ​ക്ക​ളും ത​ളി​രി​ല​ക​ളു​മെ​ല്ലാ​മു​ള്ള ഒ​രി​ട​ത്തേ​ക്കാ​ണ് ക്ലീ​റ്റ​സ് എ​ന്നെ കൊ​ണ്ടു​പോ​യ​ത്. തി​ക​ച്ചും ശാ​ന്ത​മാ​യ ഒ​ര​ന്ത​രീ​ക്ഷ​മാ​യി​രു​ന്നു അ​വി​ടെ. പൂ​ക്ക​ള്‍ക്കു മീ​തെ ശ​ല​ഭ​ങ്ങ​ള്‍ ചി​റ​ക​ടി​ച്ചു. കി​ളി​ക​ള്‍ വ​ല്ല​പ്പോ​ഴും ശ​ബ്ദി​ച്ചു. ഉ​ദ്യാ​ന​ത്തി​നു ന​ടു​വി​ലെ​ന്ന​പോ​ലെ ഒ​രു കെ​ട്ടി​ടം...

''ഇ​താ​ണ് നി​ങ്ങ​ള്‍ പ​റ​ഞ്ഞ സ്ഥ​ലം... നി​ങ്ങ​ള്‍ അ​ന്വേ​ഷി​ച്ചു വ​ന്ന ആ​ളു​ക​ള്‍ ഇ​വി​ടെ​യാ​ണു​ള്ള​ത്...''

ത​ണു​ത്ത കാ​റ്റ് ശ​രീ​ര​ത്തി​ലൂ​ടെ മേ​ഞ്ഞു. ഇ​ത്ര മ​നോ​ഹ​ര​മാ​യ ഒ​രി​ടം ഇ​തു​വ​രെ എ​ന്റെ ശ്ര​ദ്ധ​യി​ല്‍പെ​ട്ടി​രു​ന്നി​ല്ല.

''ഉ​സ്താ​ദി​ന്റെ വ​ല്യു​പ്പാ​പ്പ നി​ര്‍മി​ച്ച​താ​ണ് ഈ ​പ​ള്ളി...'' ക്ലീ​റ്റ​സ് മു​ന്നി​ലേ​ക്ക് വി​ര​ല്‍ചൂ​ണ്ടി.

''തൊ​ണ്ണൂ​റു വ​ര്‍ഷ​മെ​ങ്കി​ലും പ​ഴ​ക്കം കാ​ണും...'' ക്ലീ​റ്റ​സ് പ​റ​ഞ്ഞ​ത്ര​യും കാ​ല​പ്പ​ഴ​ക്കം എ​നി​ക്ക​തി​ല്‍ തോ​ന്നി​യി​ല്ല. ചു​വ​രു​ക​ളെ​ല്ലാം വെ​ള്ള​യൊ​ലി​ച്ച് വൃ​ത്തി​യാ​ക്കി​യി​രു​ന്നു. അ​തി​നു മു​ക​ളി​ല്‍ പാ​കി​യ ഓ​ടി​നു​പോ​ലും തി​ള​ക്കം ന​ഷ്ട​പ്പെ​ട്ടി​രു​ന്നി​ല്ല.

''ഉ​സ്താ​ദേ...'' ക്ലീ​റ്റ​സ് പ​ള്ളി​ക്കു​ള്ളി​ലേ​ക്കു ഒ​രു വി​ളി​യെ​റി​ഞ്ഞു.

''ക്ലീ​റ്റ​സേ ഇ​ങ്ങ് കേ​റി​പ്പോ​ര്...'' ഉ​ള്ളി​ല്‍നി​ന്നും അ​തി​നു​ട​നെ മ​റു​പ​ടി​യു​ണ്ടാ​യി.

''ഈ ​നാ​ട്ടി​ലെ ആ​രു​ടെ ശ​ബ്ദം കേ​ട്ടാ​ലും ഉ​സ്താ​ദി​ന് തി​രി​ച്ച​റി​യാ​ന്‍ ക​ഴി​യും...'' അ​ല്‍പം ബ​ഹു​മാ​നം ക​ല​ര്‍ന്ന സ്വ​ര​ത്തി​ല്‍ ക്ലീ​റ്റ​സ് എ​ന്നോ​ടാ​യി പ​റ​ഞ്ഞു. പി​ന്നീ​ട് പ​ള്ളി​യ​ങ്ക​ണ​ത്തി​ലെ കു​ള​ത്തി​ലേ​ക്ക് എ​ന്നെ ന​യി​ച്ചു. അ​തി​ലേ​ക്കി​റ​ങ്ങാ​ന്‍ ഭം​ഗി​യി​ല്‍ വെ​ട്ടി​യൊ​തു​ക്കി​യ ക​ൽ​പ​ട​വു​ക​ളു​ണ്ടാ​യി​രു​ന്നു.

ക​ടും പ​ച്ച​നി​റ​മാ​യി​രു​ന്നു കു​ള​ത്തി​ന്. കു​ള​ത്തി​ലി​റ​ങ്ങി ഞ​ങ്ങ​ള്‍ കൈ​കാ​ലു​ക​ള്‍ ക​ഴു​കി. വെ​ള്ള​ത്തി​ന് ന​ല്ല ത​ണു​പ്പു​ണ്ടാ​യി​രു​ന്നു.

കു​ള​ത്തി​ല്‍നി​ന്നു ക​യ​റി ഞ​ങ്ങ​ള്‍ പ​ള്ളി​ക്കു​ള്ളി​ലേ​ക്കു ന​ട​ന്നു.

വ​ന്യ​മാ​യ നി​ശ്ശ​ബ്ദ​ത​യാ​യി​രു​ന്നു അ​തി​നു​ള്ളി​ല്‍. കാ​ലു​ക​ള്‍ മു​ന്നോ​ട്ടു വെ​ക്കു​ന്തോ​റും അ​ത് മു​ഴ​ങ്ങു​ന്നു​ണ്ടെ​ന്നു തോ​ന്നി. പ​ള്ളി​ക്കു​ള്ളി​ലെ ചെ​റി​യൊ​രു മു​റി​യി​ലാ​യി​രു​ന്നു ഉ​സ്താ​ദ് ഉ​ണ്ടാ​യി​രു​ന്ന​ത്.

അ​പ്പൂ​പ്പ​ന്‍ താ​ടി​പോ​ലെ പാ​റി​ക്ക​ളി​ക്കു​ന്ന വെ​ളു​ത്ത താ​ടി​രോ​മ​ങ്ങ​ളു​ണ്ടാ​യി​രു​ന്നു അ​യാ​ള്‍ക്ക്. ശാ​ന്ത​മാ​യ ക​ണ്ണു​ക​ളി​ല്‍ ദി​വ്യ​മാ​യ പ്ര​കാ​ശം ഓ​ളം​വെ​ട്ടു​ന്നു​ണ്ടെ​ന്ന് തോ​ന്നി. അ​യാ​ളു​ടെ നെ​റ്റി​യി​ല്‍ ക​റു​ത്ത മ​റു​കു​പോ​ലെ ഒ​ര​ട​യാ​ള​മു​ണ്ടാ​യി​രു​ന്നു.

''കു​റ​ച്ചു ദൂ​രെ​നി​ന്ന് വ​രു​ക​യാ​ണ്...'' ക്ലീ​റ്റ​സ് എ​ന്നെ ഉ​സ്താ​ദി​ന് പ​രി​ച​യ​പ്പെ​ടു​ത്തി. ഉ​സ്താ​ദ് ഇ​രി​ക്കു​ന്നി​ട​ത്തു നി​ന്നും അ​ല്‍പം മു​ന്നോ​ട്ടു​ന്തി നി​ന്നു. ഞാ​ന്‍ പ​ര​മാ​വ​ധി വി​ന​യം ന​ടി​ച്ചു.

''അ​ത് മ​ന​സ്സി​ലാ​ക്കാം...'' ഉ​സ്താ​ദ് എ​ന്നെ നോ​ക്കി മൃ​ദു​വാ​യി ചി​രി​ച്ചു.

''ഉ​സ്താ​ദി​നെ​ക്കു​റി​ച്ചും ദാ​സ​നെ​ക്കു​റി​ച്ചു​മൊ​ക്കെ എ​ഴു​താ​നാ​ണ് വ​ന്നി​രി​ക്കു​ന്ന​ത്...​ആ​ളൊ​രു പ​ത്ര​ക്കാ​ര​നാ​ണ്.''

ക്ലീ​റ്റ​സു ത​ന്നെ എ​ന്റെ വ​ര​വി​ന്റെ ഉ​ദ്ദേ​ശ്യം അ​യാ​ള്‍ക്കു മു​ന്നി​ല്‍ നി​വ​ര്‍ത്തി.

''അ​തൊ​ക്കെ ഇ​പ്പൊ വാ​ര്‍ത്ത​യാ​ക്കാ​നു​ണ്ടോ?'' ഉ​സ്താ​ദ് വീ​ണ്ടും മ​നോ​ഹ​ര​മാ​യി ചി​രി​ച്ചു.

''ഞാ​ന്‍ വ​രു​ന്ന​ത് പോ​ര്‍വി​ളി​ക​ള്‍ നി​റ​ഞ്ഞ നാ​ട്ടി​ല്‍നി​ന്നാ​ണ്... മ​നു​ഷ്യ​ശ​രീ​ര​ങ്ങ​ള്‍ ക​ത്തി​യെ​രി​യു​ന്ന നാ​ട്ടി​ല്‍നി​ന്നാ​ണ്...​എ​ന്തി​നാ​ണ് പോ​ര്? ആ​ളു​ക​ള്‍ക്കി​ട​യി​ല്‍ പ​ര​സ്പ​ര​മു​ള്ള വി​ശ്വാ​സ​മി​ല്ലാ​താ​യി​രി​ക്കു​ന്നു. സൗ​ഹൃ​ദ​ങ്ങ​ളി​ല്ലാ​ത്തി​ട​ത്ത് യു​ദ്ധ​ങ്ങ​ള്‍ തു​ട​ങ്ങു​ന്നു. അ​തെ​നി​ക്ക് എ​ന്റെ നാ​ട്ടു​കാ​രോ​ട് പ​റ​യ​ണം..?'' എ​വി​ടെ​നി​ന്നോ ത​ള്ളി​വ​ന്ന ആ​വേ​ശ​ത്തി​ല്‍ ഞാ​ന്‍ ഉ​ള്ളി​ലു​ള്ള​തെ​ല്ലാം ഒ​റ്റ​യ​ടി​ക്കു പ​റ​ഞ്ഞു.

''ഒ​ന്നോ​ര്‍ത്താ​ല്‍ ഇ​തൊ​രു വി​സ്മ​യ​മ​ല്ലേ...​പ​ള്ളി​യി​ല്‍ താ​മ​സി​ച്ച് കാ​ലി​ഗ്ര​ഫി ചെ​യ്യു​ന്ന വ്യ​ത്യ​സ്ത​മാ​യ വി​ശ്വാ​സ​ങ്ങ​ള്‍ പു​ല​ര്‍ത്തു​ന്ന ര​ണ്ടു പേ​രു ത​മ്മി​ലു​ള്ള സൗ​ഹൃ​ദം...''

''ഉ​ളി​യാ​ടും​കു​ന്നി​ല്‍ ഇ​തി​ലാ​രും അ​സാ​ധാ​ര​ണ​ത്വം കാ​ണാ​റി​ല്ല...'', ക്ലീ​റ്റ​സ് ചി​രി​ച്ചു.

മൂ​ന്ന്

''ദി​വ​സ​ങ്ങ​ളോ​ളം പ​റ​യാ​നു​ള്ള ച​രി​ത്ര​മു​ണ്ട്...''

ഉ​സ്താ​ദ് ക​ട്ടി​ലി​ല്‍നി​ന്നെ​ഴു​ന്നേ​റ്റു. അ​യാ​ളു​ടെ മെ​ലി​ഞ്ഞ ശ​രീ​രം ഇ​ള​കി​യ​പ്പോ​ള്‍ ക​ട്ടി​ലി​ല്‍നി​ന്ന് ഞ​ര​ക്ക​ങ്ങ​ളു​ണ്ടാ​യി. അ​രി​കി​ലെ മ​ര​യ​ല​മാ​ര​യി​ല്‍നി​ന്ന് പ​ഴ​യൊ​രു പു​സ്ത​ക​മെ​ടു​ത്ത് അ​യാ​ള്‍ എ​നി​ക്കു നീ​ട്ടി. അ​തി​ന്റെ വ​ക്കു​ക​ളി​ല്‍ മ​ഞ്ഞ ക​യ​റി​യി​രു​ന്നു.

''ഇ​ത് കൊ​ണ്ടു​പോ​യ്‌​ക്കോ​ളൂ...​കാ​ലി​ഗ്ര​ഫി​യെ​ക്കു​റി​ച്ചു​ള്ള അ​ത്യാ​വ​ശ്യ വി​വ​ര​ങ്ങ​ളെ​ല്ലാം അ​തി​ലു​ണ്ട്.''

പു​സ്ത​കം തു​റ​ന്ന​പ്പോ​ള്‍ എ​നി​ക്ക് തു​മ്മ​ല്‍ വ​ന്നു. ഏ​തോ വി​ദൂ​രകാ​ല​ത്തി​ന്റെ മ​ണം മൂ​ക്കി​ന്‍തു​മ്പി​ല്‍ ഉ​രു​മ്മി​നി​ന്നു.

''കൊ​ണ്ടോ​യ്‌​ക്കോ​ളൂ... സാ​വ​ധാ​നം വാ​യി​ച്ചാ​ലേ കാ​ര്യ​ങ്ങ​ളൊ​ക്കെ മ​ന​സ്സി​ലാ​കൂ...'' അ​യാ​ള്‍ വീ​ണ്ടും വാ​ത്സ​ല്യ​ത്തോ​ടെ പ​റ​ഞ്ഞു. ഞാ​ന​തു മ​ട​ക്കി എ​ന്റെ ബാ​ഗി​ലേ​ക്കു തി​രു​കി​വെച്ചു.

''വ​രൂ...''

പ​ള്ളി​യോ​ട് ചേ​ര്‍ന്നു​ള്ള ഒ​രെ​ടു​പ്പി​ലേ​ക്ക് ഉ​സ്താ​ദ് എ​ന്നെ കൊ​ണ്ടു​പോ​യി. മ​ര​പ്പ​ല​ക​ക​ള്‍കൊ​ണ്ടു​ള്ള ചു​വ​രു​ക​ളാ​യി​രു​ന്നു അ​തി​ന്. ചു​വ​ന്ന കു​പ്പാ​യം ധ​രി​ച്ച ഒ​രാ​ള്‍ അ​തി​നു​ള്ളി​ലി​രു​ന്ന് പ​ണി​യെ​ടു​ക്കു​ന്നു​ണ്ടാ​യി​രു​ന്നു.

''ഇ​താ​ണ് നി​ങ്ങ​ള്‍ക്കു വേ​ണ്ട ര​ണ്ടാം ക​ക്ഷി...'' ഉ​സ്താ​ദ് അ​യാ​ളു​ടെ നേ​രെ വി​ര​ല്‍ ചൂ​ണ്ടി. ശ​ബ്ദം കേ​ട്ട് അ​യാ​ള്‍ ത​ല​യു​യ​ര്‍ത്തി.

അ​യാ​ളു​ടെ മു​ടി​യി​ല്‍ മ​ര​പ്പ​ല​ക​യി​ല്‍നി​ന്നു​ള്ള പൊ​ടി ക​ല​ര്‍ന്നി​രു​ന്നു. പ്ര​ക്ഷു​ബ്ധ​മാ​യ ക​ണ്ണു​ക​ള്‍, വി​ട​ര്‍ന്ന ചെ​വി​ക​ള്‍, നൂ​ലുപോ​ലെ നേ​ര്‍ത്ത മീ​ശ...

''ദാ​സാ...​അ​ക്ക​ര​യെ​ങ്ങാ​ണ്ടോ ഉ​ള്ള പ​ത്ര​ക്കാ​ര​നാ...​മൂ​പ്പ​ര്ക്ക് ന​മ്മ​ളെ​ക്കു​റി​ച്ച് എ​ന്തൊ​ക്കെ​യോ എ​ഴു​ത​ണ​മ​ത്രേ...''

ചു​മ​രി​ല്‍ പ്ര​ത്യേ​ക ത​ര​ത്തി​ല്‍ ക​ട​ലാ​സു​ക​ള്‍ കു​രു​ക്കി​യി​ട്ടി​രു​ന്നു. എ​ന്റെ ക​ണ്ണു​ക​ള്‍ അ​തി​ലേ​ക്കു​ത​ന്നെ ചൂ​ഴ്ന്നി​റ​ങ്ങി. ക​ട​ലാ​സു​ക​ളി​ലെ​ല്ലാം വി​ശു​ദ്ധവാ​ക്യ​ങ്ങ​ളാ​യി​രു​ന്നു. ആ​ത്മീ​യ​മാ​യൊ​രു വെ​ളി​ച്ചം ആ ​മു​റി​യെ അ​ല​ങ്ക​രി​ക്കു​ന്നു​ണ്ടെ​ന്ന് തോ​ന്നി. ഇ​ത്ര​യും മ​നോ​ഹ​ര​മാ​യി അ​ക്ഷ​ര​ങ്ങ​ളെ അ​ണി​യി​ച്ചൊ​രു​ക്കാ​നാ​വു​മോ?

''ഓ...​അ​തൊ​ക്കെ ഉ​ണ​ക്കാ​നി​ട്ട​താ​ണ്...'' എ​ന്റെ ക​ണ്ണി​ലെ കൗ​തു​കം ക​ണ്ടാ​വ​ണം ഉ​സ്താ​ദ് പ​റ​ഞ്ഞു.

''ക​ട​ലാ​സി​ലെ പ​ണി​യൊ​ക്കെ ഞാ​ന്‍ ത​ന്നെ ചെ​യ്യും...​പ​ല​ക​യി​ല്‍ കൊ​ത്തി​പ്പി​ടി​പ്പി​ക്കു​ന്ന​തൊ​ക്കെ ദാ​സ​നാ​ണ്...''

''പ​ല ശൈ​ലി​ക​ള്‍ ആ​യി​രി​ക്ക​ണം അ​ല്ലേ?''

''തീ​ര്‍ച്ച​യാ​യും...​ചി​ത്ര​ക​ല​യി​ലെ​ന്നപോ​ലെ പ​ല പ്ര​സ്ഥാ​ന​ങ്ങ​ളും ശൈ​ലി​ക​ളും ഈ ​ക​ല​യി​ലും ഉ​ണ്ടാ​യി​ട്ടു​ണ്ട്... ഞ​ങ്ങ​ള്‍ സാ​മ്പ്ര​ദാ​യി​ക രീ​തി​ത​ന്നെ​യാ​ണ് പി​ന്തു​ട​രു​ന്ന​ത്...''

അ​ന്നേ​രം പു​റ​ത്തു​നി​ന്ന് അ​സാ​ധാ​ര​ണ​മാ​യൊ​രു മു​ഴ​ക്കം കേ​ട്ടു. ഇ​ടി​കു​ടു​ക്ക​മാ​ണെ​ന്നാ​ണ് ആ​ദ്യം ക​രു​തി​യ​ത്. പ​ക്ഷേ, കാ​ല​വ​ര്‍ഷം ഇ​നി​യും എ​ത്ര​യോ അ​ക​ലെ നി​ല​കൊ​ള്ളു​ന്നൊ​രു വാ​സ്ത​വ​മാ​ണെ​ന്ന് ഞാ​നോ​ര്‍ത്തു. വീ​ണ്ടും അ​തേ ശ​ബ്ദ​മു​യ​ര്‍ന്ന​പ്പോ​ള്‍, ദാ​സ​ന്‍ എ​ഴു​ന്നേ​റ്റ് ആ ​മു​റി​യു​ടെ ഇ​ത്തി​രി​പ്പോ​ന്ന ജ​ന​ല്‍ തു​റ​ന്നു.

സൂ​ര്യ​കാ​ന്തി​പ്പൂ​വു​ക​ള്‍ വി​ട​ര്‍ന്നു​നി​ല്‍ക്കു​ന്ന വി​ശാ​ല​മാ​യ വ​യ​ലു​ക​ളെ​യാ​യി​രു​ന്നു ജ​ന​വാ​തി​ലി​ലൂ​ടെ ഞാ​ന്‍ ആ​ദ്യം ക​ണ്ട​ത്. അ​തി​നു​മ​പ്പു​റം ഒ​രു കു​ന്നു​ണ്ട്. കൂ​ര്‍ത്ത ഉ​ളി കു​ത്ത​നെ വെച്ച​തു​പോ​ലെ​യാ​യി​രു​ന്നു അ​തി​ന്റെ ആ​കൃ​തി. അ​ത് പ​തി​യെ ഇ​ള​കു​ന്ന​തു​പോ​ലെ തോ​ന്നി.

''കു​ന്ന് ഇ​ള​കു​ന്ന​താ​ണ്...'' ദാ​സ​ന്‍ വ​ലി​യ ഒ​ച്ച​യി​ല്‍ പ​റ​ഞ്ഞു.

''കു​ന്നി​ള​കു​ക​യോ?'' ഞാ​ന്‍ അ​ല്‍പം ഭ​യ​ത്തോ​ടെ ചോ​ദി​ച്ചു. ഒ​രു​പ​ക്ഷേ, കു​ന്നി​ടി​ക്കാ​ന്‍ ആ​രെ​ങ്കി​ലും സ്‌​ഫോ​ട​കവ​സ്തു​ക്ക​ള്‍ പ്ര​യോ​ഗി​ക്കു​ന്ന​താ​കു​മോ?

''കു​ന്നി​ള​കു​ക​യാ​ണ്...'' ദാ​സ​ന്‍ വീ​ണ്ടും ആ​ഹ്ലാ​ദ​ത്തോ​ടെ ഒ​ച്ച​യി​ട്ടു. എ​നി​ക്ക് അ​യാ​ള്‍ ആ​ഹ്ലാ​ദി​ക്കാ​നു​ള്ള കാ​ര​ണ​മൊ​ന്നും മ​ന​സ്സി​ലാ​യി​ല്ല. കു​ന്ന് ഇ​ള​കി​യാ​ല്‍ത​ന്നെ അ​ത​ത്ര ന​ല്ല കാ​ര്യ​ത്തി​നു​മാ​യി​രി​ക്കി​ല്ല. ഉ​രു​ള്‍പൊ​ട്ട​ല്‍പോ​ലു​ള്ള വ​ല്ല ദു​ര​ന്ത​ങ്ങ​ളു​മാ​യി​രി​ക്കി​ല്ലേ..?

കു​ന്ന് മു​ന്നോ​ട്ടും പി​ന്നോ​ട്ടും ആ​ടു​ക​യാ​ണ്. അ​തി​നൊ​പ്പംത​ന്നെ ക​ന​ത്ത ശ​ബ്ദ​വു​മു​ണ്ട്. എ​നി​ക്ക് പേ​ടി തോ​ന്നി.

''ഇ​ന്നി​വി​ടെ എ​ന്തെ​ങ്കി​ലും സം​ഭ​വി​ക്കും...'' ദാ​സ​ന്‍ തു​ള്ളി​ച്ചാ​ടു​മെ​ന്നു​പോ​ലും ഒ​രു​വേ​ള എ​നി​ക്കു തോ​ന്നി.

''ഉ​ളി​പോ​ലെ കൂ​ര്‍ത്ത കു​ന്ന്...​ അ​ത് ആ​ടു​ന്ന സ്ഥ​ല​മാ​യ​തു​കൊ​ണ്ടാ​ണ് ഉ​ളി​യാ​ടും​കു​ന്നെ​ന്ന് ഈ ​നാ​ടി​ന് പേ​ര് വ​ന്ന​ത്...'' ഉ​സ്താ​ദ് എ​ന്റെ ഭ​യ​ത്തെ ല​ഘൂ​ക​രി​ക്കാ​ന്‍ ശ്ര​മി​ച്ചു.

''ഒ​രു മ​നു​ഷ്യാ​യു​സ്സി​ല്‍ ഒ​ന്നോ ര​ണ്ടോ ത​വ​ണ​മാ​ത്രം കാ​ണാ​ന്‍ ക​ഴി​യു​ന്ന സം​ഗ​തി​യാ​ണ്...​നി​ങ്ങ​ള്‍ക്ക​തി​ന് ഭാ​ഗ്യ​മു​ണ്ടാ​യി...'' അ​യാ​ള്‍ ചി​രി​ച്ചു. ''കു​ന്നി​ള​കു​ന്ന ദി​വ​സം ഈ ​നാ​ട്ടി​ല്‍ അ​പ്ര​തീ​ക്ഷി​ത കാ​ര്യ​ങ്ങ​ള്‍ സം​ഭ​വി​ക്കാ​റു​ണ്ടെ​ന്നാ​ണ് വി​ശ്വാ​സം...​മ​രി​ച്ചു മ​ണ്ണ​ടി​ഞ്ഞ​വ​ര്‍ കു​ഴി​മാ​ട​ങ്ങ​ള്‍ തു​റ​ന്നു പു​റ​ത്തു​വ​രി​ക, കി​ട​പ്പി​ലാ​യ രോ​ഗി​ക​ള്‍ പ​ര​സ​ഹാ​യ​മി​ല്ലാ​തെ ത​ന്നെ എ​ഴു​ന്നേ​റ്റു ന​ട​ക്കു​ക...​എ​ന്റെ കു​ട്ടി​ക്കാ​ല​ത്ത് അ​ങ്ങ​നെ പ​ല ക​ഥ​ക​ളും കേ​ട്ടി​ട്ടു​ണ്ട്...''

ദാ​സ​ന്‍ അ​തി​നെ പൂ​രി​പ്പി​ച്ചു.

''അ​തി​രി​ക്ക​ട്ടെ...​എ​ഴു​തി​യെ​ടു​ക്കാ​ന്‍ ഉ​ള്ള​തെ​ന്താ​ണെ​ന്നു​െവ​ച്ചാ​ല്‍...'' ഉ​സ്താ​ദ് പൊ​ടു​ന്ന​നെ വി​ഷ​യം മാ​റ്റി.

''നി​ങ്ങ​ള്‍ക്കി​ട​യി​ലെ ഈ ​ബ​ന്ധം​ത​ന്നെ...​മൂ​ന്നു പ​തി​റ്റാ​ണ്ടാ​യി ഇ​വി​ടെ​യി​ങ്ങ​നെ തു​ട​രു​ന്ന സൗ​ഹൃ​ദം...'' ഞാ​ന്‍ ല​ളി​ത​മാ​യി ചി​രി​ച്ചു. അ​പ്പോ​ള്‍ നി​ര​ത്തി​ല്‍നി​ന്ന് ഒ​രു ആ​ര​വം കേ​ട്ടു.

''അ​തെ​ന്താ​ണ്?''

ദാ​സ​ന്‍ നി​ര​ത്തി​ലേ​ക്ക് ഇ​റ​ങ്ങി​യോ​ടി. അ​ല്‍പ​നേ​ര​ത്തി​നു​ശേ​ഷം തി​രി​ച്ചു​വ​രി​ക​യും ചെ​യ്തു.

''ഞാ​ന്‍ പ​റ​ഞ്ഞി​ല്ലേ, കു​ന്നാ​ടി​യാ​ല്‍ പ്ര​തീ​ക്ഷി​ക്കാ​ത്ത സം​ഭ​വ​ങ്ങ​ളൊ​ക്കെ ഉ​ണ്ടാ​വു​മെ​ന്ന്...​ന​മ്മു​ടെ നാ​ട്ടി​ല്‍ ഒ​രു പു​ഴ ജ​നി​ച്ചി​രി​ക്കു​ന്നു. അ​ത് കാ​ണാ​ന്‍ ആ​ള്‍ക്കാ​ര് കൂ​ട്ടം​കൂ​ട്ട​മാ​യി പോ​കു​ക​യാ​ണ്...''

''പു​ഴ​യോ?''

''അ​ങ്ങ​നെ​യാ​ണ് കേ​ള്‍ക്കു​ന്ന​ത്...''

നാ​ല്

ഉ​ളി​യാ​ടും​കു​ന്നി​ലേ​ക്കു​ള്ള വ​ഴി​യാ​യി​രു​ന്നു പു​ഴ​യാ​യി മാ​റി​യ​ത്. തി​രി​ച്ചു​പോ​രു​മ്പോ​ള്‍ എ​ന്നെ തോ​ണി​യി​ലാ​ണ് മ​റു​ക​ര ക​ട​ത്തി​യ​ത്. മ​റു​ക​ര​യെ​ത്തി​യ​പ്പോ​ള്‍ ഏ​തോ അ​പ​സ​ര്‍പ്പ​ക ക​ഥ​യി​ല്‍നി​ന്നും ര​ക്ഷ​പ്പെ​ട്ട ആ​ശ്വാ​സ​മാ​യി​രു​ന്നു എ​നി​ക്ക്. ഏ​താ​യാ​ലും ആ ​യാ​ത്ര എ​ന്റെ ജീ​വി​ത​ത്തി​ലെ പ്ര​ധാ​ന​പ്പെ​ട്ടൊ​രു സം​ഭ​വ​മാ​യി.

ഉ​ളി​യാ​ടും​കു​ന്നെ​ന്ന ദേ​ശ​വും അ​വി​ട​ത്തെ പ​ള്ളി​യി​ല്‍ കാ​ലി​ഗ്ര​ഫി ചെ​യ്ത് കാ​ലം ക​ഴി​ക്കു​ന്ന ര​ണ്ടു​പേ​രു​ടെ സൗ​ഹൃ​ദ​ത്തി​ന്റെ ക​ഥ​യും വ​ലി​യ പ്രാ​ധാ​ന്യ​ത്തോ​ടെ​യാ​ണ് പ​ത്ര​ത്തി​ല്‍ അ​ടി​ച്ചു​വ​ന്ന​ത്. അ​ത് ഏ​റെ ശ്ര​ദ്ധി​ക്ക​പ്പെ​ടു​ക​യും ചെ​യ്തു. സം​സ്ഥാ​ന​ത​ല​ത്തി​ല്‍ നാ​ലോ അ​ഞ്ചോ പു​ര​സ്‌​കാ​ര​ങ്ങ​ള്‍ ല​ഭി​ക്കു​ക​യു​മു​ണ്ടാ​യി. എ​ന്നി​ട്ടും ആ ​നാ​ട്ടി​ലേ​ക്ക് വീ​ണ്ടും പോ​വാ​ന്‍ എ​നി​ക്കെ​ന്തു​കൊ​ണ്ടോ തോ​ന്നി​യി​ല്ല. ഇ​പ്പോ​ള്‍ ഒ​രു രു​ചി​പ്പു​ര​യു​ടെ പ്ര​ചാ​ര​ണം കാ​ര​ണം ഒ​രി​ക്ക​ല്‍കൂ​ടെ ഞാ​ന്‍ ഉ​ളി​യാ​ടും​കു​ന്നി​ലേ​ക്ക് പോ​വു​ക​യാ​ണ്...

അ​ഞ്ച്

ഇ​പ്പോ​ഴും ഉ​ളി​യാ​ടും​കു​ന്നി​ലേ​ക്ക് നേ​രി​ട്ട് ബ​സ് സ​ര്‍വീ​സ് ഇ​ല്ല. മൂ​ന്നോ നാ​ലോ കി​ലോ​മീ​റ്റ​ര്‍ ദൂ​രം അ​പ്പു​റ​ത്താ​ണ് വാ​ഹ​ന​ങ്ങ​ള്‍ നി​ര്‍ത്തി​യി​ടു​ക. എ​ങ്കി​ലും പ​ഴ​യ​കാ​ല​ത്തെ അ​പേ​ക്ഷി​ച്ച് ഉ​ളി​യാ​ടും​കു​ന്നി​ലേ​ക്ക് എ​ത്തി​പ്പെ​ടാ​ന്‍ കു​റ​ച്ചു​കൂ​ടി എ​ളു​പ്പ​മാ​ണെ​ന്ന് തോ​ന്നി. ഇ​രു​ച​ക്രവാ​ഹ​ന​ങ്ങ​ള്‍ക്ക് ക​ഷ്ടി​ച്ച് ക​ട​ന്നു​പോ​കാം. പു​ഴ​ക​ട​ക്കാ​ന്‍ വീ​തി കു​റ​ഞ്ഞ​തെ​ങ്കി​ലും ഒ​രു പാ​ല​വു​മു​ണ്ട്.

ഒ​രു ബൈ​ക്കു​കാ​ര​ന്‍ ക​രു​ണ കാ​ണി​ച്ച​തി​നാ​ല്‍ ഇ​ത്ത​വ​ണ എ​നി​ക്ക​ധി​കം പ്ര​യാ​സ​പ്പെ​ടേ​ണ്ടി വ​ന്നി​ല്ല. എ​ന്നെ​യും പി​റ​കി​ലി​രു​ത്തി അ​യാ​ള്‍ ക്ഷ​മ​യോ​ടെ വ​ണ്ടി​യോ​ടി​ച്ചു. ആ ​യാ​ത്ര​യി​ല്‍ അ​യാ​ള്‍ ഒ​ന്നും ചോ​ദി​ക്കു​ക​യോ പ​റ​യു​ക​യോ ഉ​ണ്ടാ​യി​ല്ല. ഞാ​നും അ​നാ​വ​ശ്യ​മാ​യി നാ​വി​ള​ക്കി​യി​ല്ല.

പാ​ല​ത്തി​ല്‍ ക​യ​റി​യ​പ്പോ​ള്‍ ആ ​പു​ഴ​യു​ടെ ഉ​ത്ഭ​വനാ​ളി​നെ​ക്കു​റി​ച്ച് എ​നി​ക്ക് വി​ചാ​ര​ങ്ങ​ളു​ണ്ടാ​യി. കു​ന്നി​ള​കു​ന്ന​തും ആ​ടു​ന്ന​തു​മെ​ല്ലാം മ​ന​സ്സി​ലൂ​ടെ ക​ട​ന്നു​പോ​യി. വ​ണ്ടി​യോ​ടി​ക്കു​ന്ന ആ​ളോ​ട് അ​തേ​ക്കു​റി​ച്ച് എ​ന്തെ​ങ്കി​ലും പ​റ​യ​ണ​മെ​ന്ന് വി​ചാ​രി​ച്ചു​വെ​ങ്കി​ലും പു​ഴ​യു​ടെ ഉ​പ​രി​ത​ല​ത്തി​ല്‍ പു​ള​യ്ക്കു​ന്ന മീ​നു​ക​ളെ ക​ണ്ട​പ്പോ​ള്‍ ഞാ​ന​ത് പെ​ട്ടെ​ന്നു​ത​ന്നെ മ​റ​ന്നു​പോ​വു​ക​യും ചെ​യ്തു.

പു​ഴ വ​ള​രെ ശാ​ന്ത​മാ​യി ഒ​ഴു​കു​ക​യാ​യി​രു​ന്നു.

ആ​റ്

ഉ​ളി​യാ​ടും​കു​ന്നി​ലെ അ​ങ്ങാ​ടി​ക്ക് വ​ലി​യ മാ​റ്റ​മൊ​ന്നും സം​ഭ​വി​ച്ചി​ട്ടി​ല്ല. പ​ഴ​യ ഒ​ന്നു ര​ണ്ടു കെ​ട്ടി​ട​ങ്ങ​ള്‍ പൊ​ളി​ച്ചു​മാ​റ്റി പു​തി​യൊ​രു ക​ട തു​റ​ന്നി​രി​ക്കു​ന്നു​വെ​ന്നു മാ​ത്രം. കു​മാ​രേ​ട്ട​ന്റെ ചാ​യ​ക്ക​ട എ​ന്ന് അ​തി​നു മു​ന്നി​ല്‍ എ​ഴു​തി​വെച്ചി​രു​ന്നു. ക​ട​യി​ലേ​ക്ക് ക​യ​റി​പ്പ​റ്റാ​നാ​യി കു​റേ പേ​ര്‍ വ​രി​നി​ല്‍ക്കു​ന്നു​ണ്ടാ​യി​രു​ന്നു.

ക​വ​ല​യി​ല്‍ കൂ​ടി​നി​ല്‍ക്കു​ന്ന​വ​രി​ല്‍ പ​ഴ​യ പ​രി​ച​യ​ക്കാ​ര്‍ ആ​രെ​ങ്കി​ലു​മു​ണ്ടോ​യെ​ന്ന് ഞാ​ന്‍ ധൃ​തി​പി​ടി​ച്ചു​നോ​ക്കി. ആ​ര്‍ക്കെ​ങ്കി​ലും എ​ന്നെ​യി​പ്പോ​ള്‍ ക​ണ്ടാ​ല്‍ മ​ന​സ്സി​ലാ​വു​മോ? അ​വ​രി​ല്‍ ചി​ല​രെ​ങ്കി​ലും ഇ​പ്പോ​ള്‍ ജീ​വി​ച്ചി​രി​ക്കാ​ന്‍ സാ​ധ്യ​ത​യി​ല്ലെ​ന്ന് ഞാ​നോ​ര്‍ത്തു.

ഏ​റെ​നേ​രം വ​രി​നി​ന്ന​തി​നു​ശേ​ഷ​മാ​ണ് എ​നി​ക്ക് കു​മാ​രേ​ട്ട​ന്റെ ചാ​യ​ക്ക​ട​യി​ലേ​ക്ക് ക​യ​റി​പ്പ​റ്റാ​നാ​യ​ത്. കാ​ഷ് കൗ​ണ്ട​റി​ല്‍നി​ന്ന് മു​ന്‍കൂ​റാ​യി ടോ​ക്ക​ണ്‍ എ​ടു​ക്ക​ണ​മാ​യി​രു​ന്നു.

നീ​ണ്ട കൊ​മ്പ​ന്‍ മീ​ശ​യു​ള്ള ഒ​രാ​ളാ​ണ് കൗ​ണ്ട​റി​ല്‍ ഉ​ണ്ടാ​യി​രു​ന്ന​ത്. മീ​ശ​യും ത​ല​മു​ടി​യു​മെ​ല്ലാം പാ​ടേ ന​ര​ച്ചി​രു​ന്നു. എ​ങ്കി​ലും ക​ണ്ണു​ക​ളി​ല്‍ ന​ല്ല തി​ള​ക്ക​മു​ണ്ടാ​യി​രു​ന്നു. അ​യാ​ള്‍ക്കു പി​റ​കി​ലാ​യി ഫ്രെ​യിം ചെ​യ്തു തൂ​ക്കി​യി​ട്ട പ​ഴ​യൊ​രു പ​ത്ര​ക്ക​ട​ലാ​സി​ലേ​ക്ക് എ​ന്റെ ക​ണ്ണു​പാ​ളി.

പോ​ലീ​സ് ജീ​പ്പി​ലേ​ക്ക് ഒ​രു ചെ​റു​പ്പ​ക്കാ​ര​നെ പി​ടി​ച്ചു​ക​യ​റ്റു​ന്ന ദൃ​ശ്യ​മാ​യി​രു​ന്നു അ​തി​ലു​ണ്ടാ​യി​രു​ന്ന​ത്. അ​തി​ലെ​ഴു​തി​പ്പി​ടി​പ്പി​ച്ച​തെ​ല്ലാം വാ​യി​ക്കാ​ന്‍ ഞാ​നൊ​രു ശ്ര​മം ന​ട​ത്തി.

''സം​ശ​യി​ക്കേ​ണ്ട... അ​ത് ഞാ​ന്‍ത​ന്നെ​യാ​ണ്...'' കൗ​ണ്ട​റി​ലി​രു​ന്ന കൊ​മ്പ​ന്‍ മീ​ശ​ക്കാ​ര​ന്‍ വ​ലി​യ ഗൗ​ര​വ​ത്തോ​ടെ പ​റ​ഞ്ഞു. എ​നി​ക്ക​ല്‍പം കൗ​തു​കം തോ​ന്നി. ഇ​ത്ത​രം വാ​ര്‍ത്ത​ക​ള്‍ ആ​രെ​ങ്കി​ലും ഓ​ര്‍ക്കാ​ന്‍ ഇ​ഷ്ട​പ്പെ​ടു​മോ? ഓ​ര്‍ത്താ​ല്‍ത​ന്നെ ആ ​വാ​ര്‍ത്ത ഇ​ങ്ങ​നെ പ്ര​ദ​ര്‍ശി​പ്പി​ക്കു​മോ? ഒ​രുപ​ക്ഷേ, വ​ല്ല പൊ​തു കാ​ര്യ​ത്തി​നോ മ​റ്റോ അ​റ​സ്റ്റ് വ​രി​ച്ച​താ​ണെ​ങ്കി​ലോ?

''ജീ​വി​ത​ത്തി​ല്‍ ഓ​ര്‍ക്കാ​ന്‍ വ​ല്ല​തും വേ​ണ്ടേ? പ്ര​ത്യേ​കി​ച്ചും എ​ന്നെ​പ്പോ​ലെ സാ​ധാ​ര​ണ ഒ​രു മ​നു​ഷ്യ​ന്... ര​ണ്ടുപേ​രെ കൊ​ന്നു. കു​റ​ച്ച് രൂ​പ കൊ​ള്ള​യ​ടി​ച്ചു. കൈ​യി​ല് കാ​ക്കാ​ശി​ല്ലാ​ത്ത കാ​ല​മാ​യി​രു​ന്നു. ജ​യി​ലി​ല്‍നി​ന്ന് ശി​ക്ഷ ക​ഴി​ഞ്ഞി​റ​ങ്ങു​ന്ന​തുവ​രെ എ​ന്റെ ല​ളി​ത ഈ ​പ​ത്ര ക​ട്ടി​ങ് എ​ടു​ത്തു വെച്ചു. അ​പ്പോ പി​ന്നെ പു​തി​യ ഏ​ര്‍പ്പാ​ട് തു​ട​ങ്ങു​മ്പോ പൂ​മു​ഖ​ത്ത് ത​ന്നെ ഇ​രു​ന്നോ​ട്ടെ എ​ന്ന് ക​രു​തി. പ​ത്ര​ത്തി​ല്‍ പേ​രും പ​ട​വും വ​ന്ന ആ​ളാ​ണെ​ന്നു പ​റ​യു​മ്പ​ഴ​ല്ലേ ഗ​മ കൂ​ടൂ... '' ഞാ​നാ​കെ സ്തം​ഭി​ച്ചു​പോ​യി. എ​നി​ക്കൊ​ന്നും പ​റ​യാ​ന്‍ ക​ഴി​ഞ്ഞി​ല്ല. വാ​യി​ലെ വെ​ള്ളം വ​റ്റി. ശ​രീ​ര​ത്തി​ല്‍ കു​റ​ച്ചു നേ​ര​ത്തേ​ക്ക് വി​റ​പ​ട​ര്‍ന്നു.

ഏ​ഴ്

​വ്ലോ​ഗ​ര്‍ പ​റ​ഞ്ഞ രു​ചി​യൊ​ന്നും എ​നി​ക്ക് അ​നു​ഭ​വ​പ്പെ​ട്ടി​ല്ല. ഇ​തി​ലും രു​ചി​ക​ര​മാ​യ​ത് ഞാ​നെ​ന്റെ വീ​ട്ടി​ല്‍നി​ന്നും ക​ഴി​ച്ചി​ട്ടു​ണ്ട് എ​ന്ന​താ​ണ് ര​സ​ക​ര​മാ​യ കാ​ര്യം. എ​ന്നി​ട്ടും എ​ന്തി​നാ​ണ് ഇ​ത്ര​യും പേ​ര്‍ വ​രി​നി​ല്‍ക്കു​ന്ന​തെ​ന്ന് എ​നി​ക്ക് മ​ന​സ്സി​ലാ​യി​ല്ല. പ്ര​ചാ​ര​ണ​ത്തി​ന്റെ മി​ടു​ക്കു​കൊ​ണ്ടാ​വു​മെ​ന്ന് എ​നി​ക്ക് തോ​ന്നി. ഒ​രു​വ​ട്ടം ഭ​ക്ഷ​ണം ക​ഴി​ച്ചാ​ല്‍ അ​വ​ര്‍ക്ക് അ​മ​ളി മ​ന​സ്സി​ലാ​യേ​ക്കും.

''സം​ശ​യി​ക്കേ​ണ്ട. ഒ​രു​വ​ട്ടം ഇ​വി​ട​ന്ന് ക​ഴി​ച്ചാ​ല്‍ പി​ന്നെ ആ​രും മ​റ്റൊ​രി​ട​ത്തു​നി​ന്നും ആ​ഹാ​രം ക​ഴി​ക്കു​ക​യി​ല്ല...'' ആ​രോ എ​ന്റെ മ​ന​സ്സി​നെ വാ​യി​ച്ചി​ട്ടെ​ന്നവ​ണ്ണം പ​റ​യു​ന്ന​തു കേ​ട്ടു. പ​ക്ഷേ, അ​താ​രാ​ണെ​ന്നു മാ​ത്രം മ​ന​സ്സി​ലാ​യി​ല്ല. അ​തേ​ക്കു​റി​ച്ച് ഞാ​ന്‍ അ​ന്വേ​ഷി​ക്കാ​നും നി​ന്നി​ല്ല.

ഒ​രു​പ​ക്ഷേ, എ​ന്റെ നാ​വി​ന്റെ കു​ഴ​പ്പ​മാ​കാം...

കു​മാ​രേ​ട്ട​ന്റെ ചാ​യ​ക്ക​ട​യി​ല്‍നി​ന്ന് പു​റ​ത്തി​റ​ങ്ങി​യ​പ്പോ​ള്‍ നേ​ര​ത്തേ എ​ന്നെ അ​വി​ടെ കൊ​ണ്ടി​റ​ക്കി​യ ബൈ​ക്കു​കാ​ര​ന്‍ കാ​ത്തു​നി​ല്‍ക്കു​ന്ന​തു ക​ണ്ടു. എ​ന്നെ നോ​ക്കി പു​ഞ്ചി​രി​ച്ച​പ്പോ​ള്‍ അ​യാ​ള്‍ എ​ന്നെ​ത്ത​ന്നെ​യാ​ണ് കാ​ത്തി​രി​ക്കു​ന്ന​തെ​ന്ന് മ​ന​സ്സി​ലാ​യി. എ​ന്നെ കാ​ക്കാ​ന്‍ ഞാ​ന​യാ​ളോ​ട് പ​റ​ഞ്ഞി​രു​ന്നി​ല്ല...

''പ​ഴ​യ പ​ള്ളി​യും അ​തി​ലെ ആ​ളു​ക​ളെ​യും കാ​ണ​ണ​മെ​ന്നു​ണ്ട്...​അ​ല്ലേ..?'' അ​യാ​ള്‍ എ​നി​ക്ക​രി​കി​ലേ​ക്ക് വ​ന്നു. ഞാ​ന്‍ ആ​ശ്ച​ര്യ​ത്തോ​ടെ ആ ​മു​ഖ​ത്തേ​ക്ക് അ​ല്‍പ​നേ​രം തു​റി​ച്ചു​നോ​ക്കി. എ​നി​ക്ക് ആ​ളെ മ​ന​സ്സി​ലാ​കു​ന്നി​ല്ല...

''അ​തി​ന്റെ​യൊ​ന്നും ഓ​ര്‍മ​ക​ള്‍പോ​ലും ശേ​ഷി​ക്കു​ന്നി​ല്ല...'' അ​യാ​ളു​ടെ മു​ഖം ഇ​രു​ണ്ടു​വ​രു​ന്ന​തു ക​ണ്ടു. അ​തേ​ക്കു​റി​ച്ച​റി​യാ​ന്‍ എ​നി​ക്ക് കൗ​തു​ക​മു​ണ്ടാ​യി.

''നാ​ലു​വ​ര്‍ഷ​ങ്ങ​ള്‍ക്കു മു​ന്നേ ഉ​ളി​യാ​ടും​കു​ന്ന് ഒ​രി​ക്ക​ല്‍കൂ​ടെ ചു​വ​ടു​വെച്ചു. ആ​ഹ്ലാ​ദ​ക​ര​മാ​യൊ​രു വി​സ്മ​യം നാ​ട്ടു​കാ​ര്‍ പ്ര​തീ​ക്ഷി​ച്ചു. പ​ക്ഷേ, ഇ​ത്ത​വ​ണ സം​ഭ​വി​ച്ച​ത് മ​റ്റൊ​ന്നാ​ണ്...'' അ​യാ​ളു​ടെ ക​ണ്ണു​ക​ള്‍ ഉ​രു​ണ്ടു വി​ട​ര്‍ന്നു.

''ഞാ​നി​വി​ടെ വ​ന്ന കാ​ല​ത്ത് കു​ന്നി​ള​കു​ന്ന​ത് ക​ണ്ടി​രു​ന്നു...'' എ​ന്റെ വാ​ക്കു​ക​ള്‍ അ​യാ​ള്‍ കേ​ട്ട​താ​യി ഭാ​വി​ച്ചി​ല്ല.

''അ​തി​നു​ശേ​ഷം എ​ല്ലാ​വ​രും നു​ണ​ക​ള്‍ പ​റ​യാ​ന്‍ തു​ട​ങ്ങി. കാ​ണെ​ക്കാ​ണെ നു​ണ​ക​ള്‍ പ്രാ​ര്‍ഥ​നാ മ​ന്ത്ര​ങ്ങ​ള്‍ പോ​ലു​മാ​യി. അ​തോ​ടെ ഭൂ​ത​കാ​ല​ത്തി​ന്റെ കു​ളി​രു​ക​ള്‍ മു​ഴു​വ​നും മാ​ഞ്ഞു​പോ​യി. ച​രി​ത്ര​മി​ല്ലാ​തെ ജീ​വി​ക്കു​ന്ന​വ​രാ​ണ് ഈ ​ത​ല​മു​റ...''

അ​യാ​ള്‍ പി​ച്ചും പേ​യും പ​റ​യു​ക​യാ​ണെ​ന്നാ​ണ് ഞാ​ന്‍ വി​ചാ​രി​ച്ച​ത്. അ​തു​കൊ​ണ്ടു​ത​ന്നെ ഞാ​ന​ത് വ​ലി​യ ഗൗ​ര​വ​ത്തി​ലെ​ടു​ത്തി​ല്ല.

''ഒ​രു നു​ണ​യ​ന്‍കാ​റ്റാ​ണ് ആ ​പ​ള്ളി​യു​ടെ ചു​വ​രു​ക​ളി​ലേ​ക്ക് പാ​ഞ്ഞു​ക​യ​റി​യ​ത്. പി​ടി​ച്ചെ​ടു​ക്ക​ലി​ന്റെ​യും അ​ധി​നി​വേ​ശ​ത്തി​ന്റെ​യും ഇ​ല്ലാ​ക്ക​ഥ​ക​ള്‍ മ​ഴു​വും കോ​ടാ​ലി​ക​ളു​മാ​യി...​ഇ​തി​ഹാ​സ സ​മാ​ന​മാ​യ ഒ​രു സൗ​ഹൃ​ദ​ത്തി​ന്റെ ക​ഥ​യും ആ ​കാ​റ്റി​ല്‍ മാ​ഞ്ഞു​പോ​യി...'' അ​യാ​ള്‍ പ​റ​ഞ്ഞു​വ​രു​ന്ന​തൊ​ന്നും എ​നി​ക്ക് മ​ന​സ്സി​ലാ​യി​ല്ല. ''നി​ങ്ങ​ളി​പ്പോ​ള്‍ ഇ​ല്ലാ​ത്ത രു​ചി​യും തി​ര​ഞ്ഞ​ല്ലേ ഇ​വി​ടേ​ക്ക് വ​ന്ന​ത്..? യ​ഥാ​ര്‍ഥ​ത്തി​ല്‍ അ​ത്ര​യും സ്വാ​ദി​ഷ്ട​മാ​ണോ ഈ ​ചാ​യ​ക്ക​ട​യി​ലെ കാ​ര്യ​ങ്ങ​ള്‍? എ​ല്ലാം പ്ര​ച​രി​പ്പി​ക്ക​പ്പെ​ടു​ക​യ​ല്ലേ...​ഇ​ല്ലാ​ത്ത​തി​നെ ഉ​ണ്ടാ​ക്കാ​ന്‍ നൂ​റുത​വ​ണ ആ​വ​ര്‍ത്തി​ച്ചാ​ല്‍ പോ​രേ?''

അ​തു​കേ​ട്ട​പ്പോ​ള്‍ അ​യാ​ള്‍ പ​റ​യു​ന്ന​തെ​ല്ലാം വാ​സ്ത​വ​മാ​ണെ​ന്ന് എ​നി​ക്ക് തോ​ന്നി​ത്തു​ട​ങ്ങി.

''ഞാ​ന്‍ വി​ചാ​രി​ച്ച രു​ചി​യോ മ​ണ​മോ ഒ​ന്നും ആ ​ക​ട​യി​ല്‍നി​ന്ന് എ​നി​ക്ക് കി​ട്ടി​യി​ട്ടി​ല്ല...''

''ആ ​മ​ര​ത്തെ ശ്ര​ദ്ധി​ച്ചോ?'' ക​വ​ല​യി​ല്‍ ഒ​റ്റ​പ്പെ​ട്ടു വ​ള​രു​ന്ന ഉ​ങ്ങുമ​ര​ത്തി​ലേ​ക്ക് അ​യാ​ള്‍ വി​ര​ല്‍ ചൂ​ണ്ടി. നി​റ​യെ ഇ​ല​ക​ളു​ള്ള മ​ര​മാ​യി​രു​ന്നു അ​ത്. ഇ​ല​ക​ളി​ല്‍ കാ​റ്റ് തി​ര​മാ​ല​ക​ളെ സൃ​ഷ്ടി​ച്ചു. പൊ​ടു​ന്ന​നെ​യാ​ണ് ആ ​ദൃ​ശ്യം എ​ന്റെ ക​ണ്ണി​ലു​ട​ക്കി​യ​ത്.

ഉ​ങ്ങുമ​ര​ത്തി​ന് വേ​രു​ക​ളു​ണ്ടാ​യി​രു​ന്നി​ല്ല. അ​ത് വാ​യു​വി​ല്‍ ഉ​യ​ര്‍ന്നു​നി​ല്‍ക്കു​ക​യാ​ണ്. ഞാ​ന്‍ അ​യാ​ളി​ലേ​ക്കും മ​ര​ത്തി​ലേ​ക്കും മാ​റിമാ​റി നോ​ക്കി.

''വേ​രു​ക​ളി​ല്ലാ​ത്ത മ​രം...''

''അ​ടി​ത്ത​റ​യി​ല്ലാ​തെ പ​ണി​യു​ന്ന കെ​ട്ടി​ടം...'' കു​മാ​രേ​ട്ട​ന്റെ ചാ​യ​ക്ക​ട​യി​ലേ​ക്ക് അ​യാ​ള്‍ വി​ര​ല്‍ ചൂ​ണ്ടി. ഞാ​ന്‍ ശ​രി​ക്കും ഞെ​ട്ടി. വാ​യു​വി​ലാ​ണ് അ​ത് നി​ല​കൊ​ള്ളു​ന്ന​ത്. അ​തി​നു മു​ന്നി​ല്‍ വ​രി​നി​ല്‍ക്കു​ന്ന​വ​രെ​ല്ലാം നി​ലംതൊ​ടാ​തെ​യാ​ണ് നി​ല്‍ക്കു​ന്ന​ത്. വി​ശ്വാ​സം വ​രാ​തെ ഞാ​ന്‍ അ​തി​ലേ​ക്ക് മാ​റി​മാ​റി നോ​ക്കി. എ​ന്റെ കാ​ഴ്ച​യു​ടെ കു​ഴ​പ്പ​മ​ല്ലെ​ന്ന് ഉ​റ​പ്പുവ​രു​ത്തി.

''എ​ന്നാ​ലും അ​വി​ട​ത്തെ ഭ​ക്ഷ​ണ​ത്തി​ന് ന​ല്ല രു​ചി​യാ​ണ്...''

ഞാ​ന്‍ അ​റി​യാ​തെ പ​റ​ഞ്ഞു. ഏ​താ​നും നി​മി​ഷ​ത്തെ വൈ​ക്ല​ബ്യ​ത്തി​നൊ​ടു​വി​ല്‍ ഞാ​ന​ത് തി​രു​ത്തു​ക​യും ചെ​യ്തു.

''അ​ല്ല...​അ​ത് ശ​രി​യ​ല്ല...''