ബെ​ർ​ണാ​ഡ്... ലെ​വ് യാ​ഷി​ന്റെ വ​ല കു​ലു​ക്കി​യ ഇ​ന്ത്യ​ക്കാ​ര​ൻ

ലോ​ക ഫു​ട്ബാ​ളി​ലെ എ​ക്കാ​ല​ത്തെ​യും മി​ക​ച്ച പെ​നാ​ൽ​റ്റി സ്റ്റോ​പ്പ​റാ​യി പ​രി​ഗ​ണി​ക്ക​പ്പെ​ടു​ന്ന ലെ​വ് യാ​ഷി​ന്റെ പോ​സ്റ്റി​ൽ പ​ന്തെ​ത്തി​ക്കാ​ൻ ഭാ​ഗ്യം ല​ഭി​ച്ച ആ ​ഇ​ന്ത്യ​ക്കാ​ര​ൻ ആ​രാ​ണ്? മൈ​സൂ​ർ ടീ​മി​ൽ ക​ളി​ച്ച ബെ​ർ​ണാ​ഡ് ആ​രാ​ണ്?

1950ക​ളി​ൽ, സ്വ​ത​ന്ത്ര രാ​ജ്യ​മെ​ന്ന നി​ല​യി​ൽ ഇ​ന്ത്യ പി​ച്ച​വെ​ച്ചു​തു​ട​ങ്ങു​ന്നേ​യു​ള്ളൂ. അ​ന്ന് ഇ​ന്ത്യ​യെ മു​ഖ്യ​ധാ​ര​യി​ലേ​ക്ക് കൈ​പി​ടി​ച്ചു ന​ട​ത്തു​ന്ന​തി​ൽ സോ​വി​യ​റ്റ് യൂ​നി​യ​ന് നി​ർ​ണാ​യ​ക പ​ങ്കു​ണ്ട്. സ്വാ​ത​ന്ത്ര്യ​ല​ബ്ധി​ക്കു​ശേ​ഷം ഇ​ന്ത്യ ഏ​ർ​പ്പെ​ട്ട ഏ​റ്റ​വും ദൃ​ഢ​ത​യാ​ർ​ന്ന സൗ​ഹൃ​ദ​മാ​യി​രു​ന്നു അ​ത്. ജ​വ​ഹ​ർ​ലാ​ൽ നെ​ഹ്‌​റു-​നി​കി​ത ക്രൂ​ഷ്ചേ​വ് കൂ​ട്ടും പ്ര​സി​ദ്ധം. ഐ​ക്യ​രാ​ഷ്ട്ര സം​ഘ​ട​ന​യി​ൽ ക​ശ്മീ​ർ​പ്ര​ശ്നം ഉ​ന്ന​യി​ക്ക​പ്പെ​ട്ട​പ്പോ​ഴെ​ല്ലാം ഇ​ന്ത്യ​ക്ക​നു​കൂ​ല​മാ​യി വീ​റ്റോ പ്ര​യോ​ഗി​ച്ച​ത് സോ​വി​യ​റ്റ് യൂ​നി​യ​നാ​ണ്. ഇ​ന്ത്യ​ൻ വ്യ​വ​സാ​യ​ത്തി​ന്റെ ന​ട്ടെ​ല്ലാ​യി മാ​റി​യ ഭി​ലാ​യ്, ബൊ​ക്കാ​റോ, ഭാ​ര​ത് ഹെ​വി ഇ​ല​ക്ട്രി​ക്ക​ൽ​സ്... എ​ല്ലാം സോ​വി​യ​റ്റ് സ​ഹാ​യ​ത്താ​ലാ​ണ്‌ പി​റ​വി​കൊ​ണ്ട​ത്. ന​യ​ത​ന്ത്ര, രാ​ഷ്ട്രീ​യ, വ്യ​വ​സാ​യ രം​ഗ​ത്ത് മാ​ത്ര​മ​ല്ല കൃ​ഷി​യും ക​ല​യും കാ​യി​ക​വു​മെ​ല്ലാം ആ ​സൗ​ഹൃ​ദ​ത്തി​ന് മാ​റ്റേ​റ്റി.

അ​ത്ത​ര​മൊ​രു സാ​ഹ​ച​ര്യ​ത്തി​ലാ​ണ് 1955 ജ​നു​വ​രി​യി​ൽ സോ​വി​യ​റ്റ് യൂ​നി​യ​ൻ ഫു​ട്ബാ​ൾ ടീം ​ഇ​ന്ത്യ സ​ന്ദ​ർ​ശി​ക്കാ​നെ​ത്തു​ന്ന​ത്. ഒ​ന്ന​ര​മാ​സം നീ​ണ്ട ആ ​വി​രു​ന്നി​ൽ പ​ക്ഷേ, ചെ​മ്പ​ട ഇ​ന്ത്യ​യോ​ട് ഒ​രു സൗ​ഹൃ​ദ​വും ദ​യ​യും കാ​ണി​ച്ചി​ല്ല. ഇ​ന്ത്യ​ൻ ദേ​ശീ​യ ടീ​മി​നോ​ടും വി​വി​ധ സം​സ്ഥാ​ന/ ക്ല​ബ് ടീ​മു​ക​ളോ​ടു​മാ​യി 19 മ​ത്സ​ര​ങ്ങ​ൾ അ​വ​ർ ക​ളി​ച്ചു. എ​ല്ലാ​ത്തി​ലും വ​മ്പ​ൻ മാ​ർ​ജി​നി​ൽ ജ​യം. 100 ഗോ​ളു​ക​ൾ സ്കോ​ർ​ചെ​യ്തു. ഏ​റ്റ​വും ദ​യ​നീ​യ​മാ​യി തോ​റ്റ​ത് തി​രു-​കൊ​ച്ചി ടീം (11-0). ​മാ​ന്യ​മാ​യി തോ​റ്റ​ത് ബോം​ബെ സ്റ്റേ​റ്റ് ടീം (1-0).

​ഇ​ഗോ​ർ നെ​റ്റോ​യു​ടെ നാ​യ​ക​ത്വ​ത്തി​ലാ​യി​രു​ന്നു സോ​വി​യ​റ്റ് യൂ​നി​യ​ൻ ടീം. ​നി​കി​ത സി​മോ​ൻ​യാ​ൻ, വാ​ല​ന്റീ​ൻ ഇ​വാ​നോ​വ് (1962 ലോ​ക​ക​പ്പി​ലെ ടോ​പ് സ്കോ​റ​ർ) തു​ട​ങ്ങി​യ വ​മ്പ​ന്മാ​ർ​ക്കൊ​പ്പം ക​ളി ക​ണ്ട എ​ക്കാ​ല​ത്തെ​യും മി​ക​ച്ച ഗോ​ൾ​കീ​പ്പ​ർ എ​ന്ന് വാ​ഴ്ത്ത​പ്പെ​ടു​ന്ന സാ​ക്ഷാ​ൽ ല​വ് യാ​ഷി​നും അ​ന്ന് ഇ​ന്ത്യ​യി​ലെ​ത്തി. വി​വി​ധ ഇ​ന്ത്യ​ൻ ടീ​മു​ക​ളെ പ്ര​തി​നി​ധാ​നം​ചെ​യ്ത് മ​ല​യാ​ളി​ക​ളാ​യ കെ.​ടി. പ​വി​ത്ര​ൻ, വിം​കോ ബാ​ല​ഗോ​പാ​ൽ, ടി.​എ. റ​ഹ്‌​മാ​ൻ, തി​രു​വ​ല്ല പാപ്പൻ, മാ​ധ​വ​ൻ, എ​സ്.​എ​സ്. നാ​രാ​യ​ണ​ൻ തു​ട​ങ്ങി​യ​വ​രെ​ല്ലാം അ​ന്ന് സോ​വി​യ​റ്റ് യൂ​നി​യ​നെ​തി​രെ ക​ളി​ക്കാ​നി​റ​ങ്ങി.

ല​വ് യാ​ഷി​നൊ​പ്പം ഡൈ​നാ​മോ കീ​വി​ന്റെ ഒ​ല​ഗ് മാ​ക്രോ​വും ഗോ​ൾ​കീ​പ്പ​റാ​യി സോ​വി​യ​റ്റ് സം​ഘ​ത്തി​ലു​ണ്ടാ​യി​രു​ന്നു. 19 ക​ളി​ക​ളി​ൽ നാ​ല് ഗോ​ളു​ക​ളാ​ണ് അ​വ​ർ ഇ​ന്ത്യ​യി​ൽ ആ​കെ വ​ഴ​ങ്ങി​യ​ത്. മൊ​ത്തം സ്കോ​ർ: 4-100. അ​തി​ൽ മൂ​ന്നും മാ​ക്രോ​വ് കാ​വ​ൽ നി​ന്ന വ​ല​യി​ലാ​ണ് വീ​ണ​ത്. 12 ക​ളി​ക​ളി​ലി​റ​ങ്ങി​യ യാ​ഷി​ൻ വ​ഴ​ങ്ങി​യ​താ​വ​ട്ടെ ഒ​രേ​യൊ​രു ഗോ​ൾ. അ​തും പെ​നാ​ൽ​റ്റി സ്​​പോ​ട്ടി​ൽ​നി​ന്ന്. ലോ​ക ഫു​ട്ബാ​ളി​ലെ എ​ക്കാ​ല​ത്തെ​യും മി​ക​ച്ച പെ​നാ​ൽ​റ്റി സ്റ്റോ​പ്പ​റാ​യി പ​രി​ഗ​ണി​ക്ക​പ്പെ​ടു​ന്ന യാ​ഷി​ന്റെ പോ​സ്റ്റി​ൽ പ​ന്തെ​ത്തി​ക്കാ​ൻ ഭാ​ഗ്യം ല​ഭി​ച്ച ആ ​ഇ​ന്ത്യ​ക്കാ​ര​ൻ ആ​രാ​ണ്?

യു​ദ്ധ​ഭൂ​മി​യി​ൽ​നി​ന്ന് ഗോ​ൾ പോ​സ്റ്റി​ലേ​ക്ക്

ര​ണ്ടാം ലോ​ക​യു​ദ്ധ​കാ​ല​ത്ത് വീ​ട് വി​ട്ടെ​റി​ഞ്ഞു പ​ലാ​യ​നം​ ചെ​യ്യേ​ണ്ടി​വ​ന്നി​ട്ടു​ണ്ട് 12 വ​യ​സ്സു​കാ​ര​നാ​യ ല​വ് ഇ​വാ​നോ​വി​ച്ച് യാ​ഷി​ന്. വി​ശ​പ്പ​ക​റ്റാ​ൻ തു​ക​ൽ ബെ​ൽ​റ്റ് ഇ​ട്ട് ചൂ​ടാ​ക്കി​യ വെ​ള്ളം സൂ​പ്പാ​ക്കി കു​ടി​ച്ചി​രു​ന്നു അ​വ​ൻ. അ​ക്കാ​ല​ത്ത് മോ​സ്‌​കോ​ക്കാ​ർ എ​ലി​ക​ളെ പോ​ലും ചു​ട്ടു​തി​ന്നി​രു​ന്നു​വ​ത്രെ. വെ​ടി​യു​ണ്ട നി​ർ​മി​ക്കു​ന്ന ഫാ​ക്ട​റി​യി​ലാ​യി​രു​ന്നു ജോ​ലി. യു​ദ്ധ​ങ്ങ​ള്‍ നി​ര​വ​ധി ക​ണ്ടു. വെ​ടി​യു​ണ്ട​ക​ൾ​ക്കും പീ​ര​ങ്കി​ക​ൾ​ക്കും മ​ര​ണ​ങ്ങ​ൾ​ക്കും മു​ന്നി​ൽ മു​ഖാ​മു​ഖം നി​ന്ന ബാ​ല്യം. ജോ​ലി ക​ഴി​ഞ്ഞ് ഫാ​ക്ട​റി ടീ​മി​ന്റെ ഗോ​ൾ​വ​ല​ക്ക്‌ കാ​വ​ൽ നി​ന്ന യാ​ഷി​നെ 1950ൽ ​ഇ​രു​പ​താം വ​യ​സ്സി​ൽ ഡൈ​നാ​മോ മോ​സ്‌​കോ ടീ​മി​ലെ​ടു​ത്തു. പി​ന്നീ​ടു​ള്ള​ത് ലോ​കം അ​ത്ഭു​താ​ദ​ര​വു​ക​ളോ​ടെ നോ​ക്കി​നി​ന്ന അ​തി​ശ​യ​ങ്ങ​ൾ.

ക​റു​ത്ത ചി​ല​ന്തി​യെ​ന്നും ക​രി​മ്പു​ലി​യെ​ന്നും അ​റി​യ​പ്പെ​ട്ടി​രു​ന്ന ഈ ​വി​ഖ്യാ​ത താ​രം, ലോ​ക ഫു​ട്ബാ​ള​ർ​ക്കു​ള്ള ബാ​ല​ൻ ഡി ​ഓ​ർ പു​ര​സ്കാ​രം (1963) നേ​ടി​യ ഒ​രേ​യൊ​രു ഗോ​ൾ​കീ​പ്പ​റാ​ണ്. ഫി​ഫ​യു​ടെ നൂ​റ്റാ​ണ്ടി​ന്റെ ടീ​മി​ന്റെ ഗോ​ൾ​പോ​സ്റ്റി​ലും യാ​ഷി​നാ​ണ് അ​ന്തി​മ കാ​വ​ൽ​ക്കാ​ര​ൻ. 1956 ഒ​ളി​മ്പി​ക്സി​ൽ ഫു​ട്ബാ​ൾ സ്വ​ർ​ണം, 1960ലെ ​പ്ര​ഥ​മ യൂ​റോ​പ്യ​ൻ നാ​ഷ​ൻ​സ് ക​പ്പ് കി​രീ​ടം, 1966 ലോ​ക​ക​പ്പി​ൽ നാ​ലാം സ്ഥാ​നം -സോ​വി​യ​റ്റ് യൂ​നി​യ​നെ​ന്ന ഭീ​മ​ൻ രാ​ജ്യം നേ​ട്ട​ങ്ങ​ൾ കൊ​ണ്ടു​വ​ന്ന യാ​ഷി​ന്റെ അ​ത്ഭു​ത കൈ​ക​ളി​ൽ ആ​ദ​ര​വോ​ടെ മു​ത്തി. ആ​ദ്യ ബ​ഹി​രാ​കാ​ശ സ​ഞ്ചാ​രി യൂ​റി ഗ​ഗാ​റി​നും മു​ക​ളി​ൽ യാ​ഷി​ൻ സോ​വി​യ​റ്റ് ജ​ന​ഹൃ​ദ​യ​ങ്ങ​ളി​ലൂ​ടെ പ​റ​ന്നു, ദി​വ്യ​ന​ക്ഷ​ത്ര​മാ​യി. അ​യാ​ളെ​ക്കു​റി​ച്ച് ക​വി​ത​ക​ള്‍ എ​ഴു​ത​പ്പെ​ട്ടു. ക​ല​യെ​യും സാ​ഹി​ത്യ​ത്തെ​യു​മെ​ല്ലാം ആ ​നാ​മം പ്ര​ചോ​ദി​പ്പി​ച്ചു.

യെ​വ്തു​ഷെ​ങ്കോ മു​ത​ൽ ഫാ​ക്ട​റി തൊ​ഴി​ലാ​ളി​ക​ൾ വ​രെ അ​ദ്ദേ​ഹ​ത്തെ കു​റി​ച്ചെ​ഴു​തി, അ​പ​ദാ​ന​ങ്ങ​ൾ പാ​ടി.

In war-torn Moscow’s silent strife, a boy began to grow

At twelve, he worked the factory lines, beneath the falling snow

At eighteen, shadows closed him in, his spirit nearly gone

But football found him in the dark, a new day had begun

He waited patiently on the bench, his chance was hard to find

A shaky start, a humble game, yet he never ceased to grind

On ice and grass, he proved his worth, a champion in disguise

His heart of iron, nerves of steel, reflected in his eyes...

പെ​നാ​ല്‍റ്റി ബോ​ക്‌​സി​ല്‍ അ​യാ​ൾ അ​തി​മാ​നു​ഷ​നാ​യി​രു​ന്നു. യാ​ഷി​നെ​തി​രെ പെ​നാ​ല്‍റ്റി​യെ​ടു​ത്ത് വ​ല​യി​ലെ​ത്തി​ക്കു​ക​യെ​ന്ന​ത് എ​തി​ര്‍ ക​ളി​ക്കാ​രു​ടെ ഉ​റ​ക്കം ഞെ​ട്ടി​യി​രു​ന്ന പേ​ടി​സ്വ​പ്നം. വെ​ടി​യു​ണ്ട​ക​ൾ​ക്കും പീ​ര​ങ്കി​ക​ൾ​ക്കും ഇ​ട​യി​ൽ​നി​ന്ന് വ​ന്ന്‌ ആ​റ​ടി​ക്കും മേ​ലെ പൊ​ങ്ങി​നി​ൽ​ക്കു​ന്ന യാ​ഷി​നെ പെ​നാ​ല്‍റ്റി ബോ​ക്‌​സി​ലെ വെ​റും ഒ​രു തു​ക​ൽ​പ​ന്ത് ഭ​യ​പ്പെ​ടു​ത്തി​യ​തേ​യി​ല്ല.

400 മ​ത്സ​ര​ങ്ങ​ളി​ൽ 270 ക്ലീ​ൻ​ചി​റ്റും 151 പെ​നാ​ൽ​റ്റി സേ​വു​ക​ളും! അ​സാ​മാ​ന്യ മ​ന​ക്ക​രു​ത്തി​ൽ യാ​ഷി​ൻ ക​ളി​യു​ടെ ച​രി​ത്ര​പു​സ്ത​ക​ങ്ങ​ളി​ൽ ഔ​ദ്യോ​ഗി​ക​മാ​യി കു​റി​ച്ചു​വെ​ച്ച ഈ ​ക​ണ​ക്കു​ക​ൾ​ത​ന്നെ വി​സ്മ​യ​ഭ​രി​തം. ചി​ത​റി​പ്പോ​യ സോ​വി​യ​റ്റ് യൂ​നി​യ​ന്‍റെ വി​വി​ധ പ്ര​വി​ശ്യ​ക​ളെ ഒ​രാ​ളി​ന്‍റെ ഓ​ർ​മ ഇ​ന്നും ആ​വേ​ശം​കൊ​ള്ളി​ക്കു​ക​യും ഒ​രു​മി​പ്പി​ക്കു​ക​യും​ചെ​യ്യു​ന്നു​ണ്ടെ​ങ്കി​ൽ അ​ത് യാ​ഷി​നാ​ണ്.

മൈ​സൂ​ർ x സോ​വി​യ​റ്റ് യൂ​നി​യ​ൻ

1955 ഫെ​ബ്രു​വ​രി 19ന് ​ബാം​ഗ്ലൂ​രി​ലെ സ​മ്പ​ങ്കി (ഇ​ന്ന് ശ്രീ​ക​ണ്ഠീ​ര​വ) സ്റ്റേ​ഡി​യ​ത്തി​ലാ​ണ് മൈ​സൂ​ർ സ്റ്റേ​റ്റ്- സോ​വി​യ​റ്റ് യൂ​നി​യ​ൻ മ​ത്സ​രം അ​ര​ങ്ങേ​റി​യ​ത്. മു​പ്പ​തി​നാ​യി​ര​ത്തോ​ളം കാ​ണി​ക​ളും മു​ഖ്യ​മ​ന്ത്രി ഹ​നു​മ​ന്ത​യ്യ ഉ​ൾ​പ്പെ​ടെ​യു​ള്ള പ്ര​മു​ഖ​രും മ​ത്സ​രം വീ​ക്ഷി​ക്കാ​നെ​ത്തി.

ക​ളി​ക്കാ​രു​മാ​യി പ​രി​ച​യ​പ്പെ​ടാം...

മൈ​സൂ​ർ സ്റ്റേ​റ്റ്: കു​പ്പു​സ്വാ​മി, യേ​ശു​ദാ​സ്, മു​ത്തു ജ​യ​റാം, മു​നി​റാം, എ​സ്.​എ. ബ​ഷീ​ർ (ക്യാ​പ്റ്റ​ൻ), കെ​മ്പ​യ്യ മാ​രി​യ​പ്പ, രാ​മ​കൃ​ഷ്ണ, ചെ​ലു​വീ​ര​യ്യ, മ​ഹേ​ഷ്, ബെ​ർ​ണാ​ഡ്, ജോ​സ​ഫ് ആ​ന്റ​ണി.

സോ​വി​യ​റ്റ് യൂ​നി​യ​ൻ: യാ​ഷി​ൻ, പോ​ർ​ഖു​നോ​വ്, ബ​ഷാ​ഷ്‍കി​ൻ, ​ബി. ​കു​സ്നെ​റ്റ്സോ​വ്, വോ​യ്നോ​വ്, നെ​റ്റോ (ക്യാ​പ്റ്റ​ൻ), താ​തു​ഷി​ൻ, യു. ​കു​സ്നെ​റ്റ്സോ​വ്, സി​മോ​ൻ​യാ​ൻ, സാ​ൽ​നി​കോ​വ്, ഫോ​മി​ൻ.

70 മി​നി​റ്റ് ഫു​ട്ബാ​ളി​ന്റെ കാ​ല​മാ​ണ്. നാ​ലാം മി​നി​റ്റി​ൽ​ത​ന്നെ ഫോ​മി​ൻ മൈ​സൂ​ർ വ​ല​യി​ൽ പ​ന്തെ​ത്തി​ച്ചു. ആ​ദ്യ പ​കു​തി അ​വ​സാ​നി​ക്കു​മ്പോ​ൾ സ​ന്ദ​ർ​ശ​ക ടീം ​നാ​ല് ഗോ​ളു​ക​ൾ​ക്ക് മു​ന്നി​ൽ. ര​ണ്ടാം പ​കു​തി തു​ട​ങ്ങി പ​ന്ത്ര​ണ്ടാം മി​നി​റ്റി​ൽ മൈ​സൂ​ർ ഒ​രു ഗോ​ൾ തി​രി​ച്ച​ടി​ച്ചു. പെ​നാ​ൽ​റ്റി​യി​ലൂ​ടെ ബെ​ർ​ണാ​ഡാ​ണ് ഗോ​ൾ നേ​ടി​യ​തെ​ന്ന് The Rec. Sport. Soccer Statistics Foundation (RSSSF) പ​റ​യു​ന്നു. പൂ​ർ​ണ​മാ​യ പേ​രോ മ​റ്റു വി​വ​ര​ങ്ങ​ളോ ല​ഭ്യ​മ​ല്ല. ര​ണ്ടാം പ​കു​തി​യി​ൽ മൂ​ന്ന് ഗോ​ളു​ക​ൾ​കൂ​ടി നേ​ടി​യ സോ​വി​യ​റ്റ് യൂ​നി​യ​ൻ തീ​ർ​ത്തും ഏ​ക​പ​ക്ഷീ​യ​മാ​യി (7-1) ന് ​ക​ളി ജ​യി​ച്ചു. സി​മോ​ന്യാ​ന്റെ ഹാ​ട്രി​ക്കാ​യി​രു​ന്നു മ​ത്സ​ര​ത്തി​ന്റെ ഹൈ​ലൈ​റ്റ്.

ബെ​ർ​ണാ​ഡി​നെ തേ​ടി...

നൂ​റ്റാ​ണ്ടി​ന്റെ ഗോ​ൾ​കീ​പ്പ​ർ ല​വ് യാ​ഷി​ന്റെ പോ​സ്റ്റി​ൽ പെ​നാ​ൽ​റ്റി ഗോ​ൾ നേ​ടി​യ ബെ​ർ​ണാ​ഡി​നെ കു​റി​ച്ച് അ​ന്വേ​ഷ​ണം ന​ട​ത്തി​യ​പ്പോ​ൾ നി​രാ​ശ​യാ​യി​രു​ന്നു ഫ​ലം. പൂ​ർ​ണ​മാ​യ പേ​രോ, നാ​ടോ, ക്ല​ബോ... ഒ​രു വി​വ​ര​വും ല​ഭി​ക്കാ​നി​ല്ല. മൈ​സൂ​ർ ടീ​മി​ൽ അ​ദ്ദേ​ഹ​ത്തോ​ടൊ​പ്പം ക​ളി​ച്ച യേ​ശു​ദാ​സ്, എ​സ്.​എ. ബ​ഷീ​ർ, കെ​മ്പ​യ്യ, ജോ​സ​ഫ് ആ​ന്റ​ണി തു​ട​ങ്ങി​യ​വ​രെ​ല്ലാം പ​രി​ചി​ത​ർ. ബെ​ർ​ണാ​ഡി​നെ ആ​രും കേ​ട്ടി​ട്ടി​ല്ല. പ​ഴ​യ പ​ത്ര​ക്കോ​പ്പി​ക​ളി​ലേ​ക്ക് അ​ന്വേ​ഷ​ണം വ്യാ​പി​പ്പി​ച്ചു. 1955 ഫെ​ബ്രു​വ​രി 20ന് ​ഇ​റ​ങ്ങി​യ ബം​ഗാ​ളി പ​ത്രം ‘ജു​ഗ​ന്താ​റി​’ലും ‘ഇ​ന്ത്യ​ൻ എ​ക്സ്പ്ര​സി’​ലും വാ​ർ​ത്ത​യു​ണ്ട്.

‘ഇ​ന്ത്യ​ൻ എ​ക്സ് പ്രസ്’ വി​ശ​ദ​മാ​യിത​ന്നെ മ​ത്സ​രം റി​പ്പോ​ർ​ട്ട് ചെ​യ്തി​രി​ക്കു​ന്നു. സോ​വി​യ​റ്റ് ടീ​മി​ന്റെ ക്ലോ​ക്ക് വ​ർ​ക്ക് നീ​ക്ക​ങ്ങ​ളും അ​വ​രു​ടെ ക​ളി​ക്കാ​രു​ടെ വേ​ഗ​ത​യും കു​ത​റ​ലും ക​രു​ത്തു​മെ​ല്ലാം വി​വ​രി​ക്കു​ന്നു​ണ്ട്. മൈ​സൂ​രി​ന് പെ​നാ​ൽ​റ്റി ല​ഭി​ക്കാ​നി​ട​യാ​യ സം​ഭ​വം വി​ശ​ദീ​ക​രി​ക്കു​ന്ന​ത് ഇ​ങ്ങ​നെ –ബോ​ക്സി​ന് പു​റ​ത്തേ​ക്ക് ഇ​റ​ങ്ങി​നി​ൽ​ക്കു​ക​യാ​യി​രു​ന്നു യാ​ഷി​ൻ. കു​തി​ച്ചു​വ​രു​ന്ന ചെ​ലു​വീ​ര​യ്യ ത​ന്നെ മ​റി​ക​ട​ന്ന് മു​ന്നേ​റു​മെ​ന്ന് ക​ണ്ട​പ്പോ​ൾ യാ​ഷി​ൻ ന​ട​ത്തി​യ ‘കൈ​ക്ക​ളി’​ക്കു പി​ന്നാ​ലെ റ​ഫ​റി ര​ച്ച​ണ്ണ പെ​നാ​ൽ​റ്റി സ്​​പോ​ട്ടി​ലേ​ക്ക് വി​ര​ൽ​ചൂ​ണ്ടി. ബെ​ർ​ണാ​ഡ് പെ​നാ​ൽ​റ്റി ഗോ​ളാ​ക്കി മാ​റ്റി​യെ​ന്നും വാ​ർ​ത്ത പ​റ​യു​ന്നു. മ​റ്റൊ​ന്നും​ത​ന്നെ അ​ദ്ദേ​ഹ​ത്തെ കു​റി​ച്ചി​ല്ല.

അ​ങ്ങ​നെ​യി​രി​ക്കെ​യാ​ണ് 1951ലെ ​പു​ട്ട​യ ട്രോ​ഫി​യു​ടെ ഫൈ​ന​ൽ റി​പ്പോ​ർ​ട്ട്‌ (ഇ​ന്ത്യ​ൻ എ​ക്സ് പ്രസ്) അ​പ്ര​തീ​ക്ഷി​ത​മാ​യി മു​ന്നി​ൽ വ​ന്നു​വീ​ഴു​ന്ന​ത്. ബാം​ഗ്ലൂ​ർ ബ്ലൂ​സ്-ഹി​ന്ദു​സ്ഥാ​ൻ എ​യ​ർ​ക്രാ​ഫ്റ്റ് (നി​ല​വി​ൽ എ​ച്ച്.​എ.​എ​ൽ) മ​ത്സ​ര​ത്തി​ൽ വി​മാ​ന​ക്ക​മ്പ​നി ടീ​മി​ലെ ലോ​ക​നാ​ഥ​ന് ഗോ​ള​ടി​ക്കാ​ൻ പാ​സ് ന​ൽ​കു​ന്ന​ത് ബെ​ർ​ണാ​ഡാ​ണ്. അ​ന്വേ​ഷ​ണം എ​ച്ച്.​എ.​എ​ല്ലി​ലേ​ക്ക് നീ​ണ്ടു. ച​രി​ത്ര​ഗോ​ളി​നു​ട​മ​യെ അ​വ​രെ​ല്ലാം എ​ന്നോ മ​റ​ന്നി​രി​ക്കു​ന്നു.

ക​ർ​ണാ​ട​ക​യി​ലെ ബ്ര​സീ​ൽ എ​ന്ന​റി​യ​പ്പെ​ടു​ന്ന സ്ഥ​ല​മാ​ണ് ഗൗ​തം​പു​ര. പ​ഴ​യ​കാ​ല ക​ളി​ക്കാ​രും സം​ഘാ​ട​ക​രു​മെ​ല്ലാം കൂ​ട്ട​ത്തോ​ടെ താ​മ​സി​ക്കു​ന്ന ഇ​ടം. ബാം​ഗ്ലൂ​രി​ലെ മ​ല​യാ​ളി പ​ത്ര​പ്ര​വ​ർ​ത്ത​ക​ൻ സ​ന്ദീ​പ് മേ​നോ​നൊ​പ്പം ഗൗ​തം​പു​ര​യി​ൽ ന​ട​ത്തി​യ അ​ന്വേ​ഷ​ണ​മാ​ണ് ബെ​ർ​ണാ​ഡി​ലേ​ക്ക് വ​ഴി​തെ​ളി​ച്ച​ത്. ബാം​ഗ്ലൂ​ർ ഫു​ട്ബാ​ൾ സ്റ്റേ​ഡി​യ​ത്തി​ന് സ​മീ​പം അ​ശോ​ക് ന​ഗ​റി​ലാ​യി​രു​ന്നു ബെ​ർ​ണാ​ഡി​ന്റെ വീ​ട്. അ​വി​ടെ ന​ട​ത്തി​യ അ​ല​ച്ചി​ലി​ൽ അ​ദ്ദേ​ഹ​ത്തി​ന്റെ മ​ക​ൻ ഫെ​ലി​ക്സി​നെ ക​ണ്ടു​മു​ട്ടി. ഫോ​ട്ടോ​ഗ്രാ​ഫ​റാ​യി ജോ​ലി​ചെ​യ്യു​ന്ന അ​ദ്ദേ​ഹ​ത്തി​ന് പി​താ​വ് നേ​ടി​യ ച​രി​ത്ര ഗോ​ളി​നെ കു​റി​ച്ചൊ​ന്നും ധാ​ര​ണ​യി​ല്ല. അ​തി​ന്റെ പ്രാ​ധാ​ന്യ​വും അ​റി​യി​ല്ല. 1980ൽ ​ഹൃ​ദ​യാ​ഘാ​ത​ത്തെ തു​ട​ർ​ന്ന് വ​ള​രെ ചെ​റി​യ പ്രാ​യ​ത്തി​ൽ​ത​ന്നെ പി​താ​വ് മ​രി​ച്ച​താ​യി ഫെ​ലി​ക്സ് പ​റ​ഞ്ഞു -(യാ​ഷി​ൻ മ​രി​ക്കു​ന്ന​തി​നും പ​ത്ത് വ​ർ​ഷം മു​മ്പ്). ഓ​ർ​മ​ക്കാ​യി സൂ​ക്ഷി​ച്ചു​വെ​ച്ചി​രു​ന്ന ഏ​താ​നും ഫോ​ട്ടോ​ക​ൾ അ​ദ്ദേ​ഹം എ​ടു​ത്തു ന​ൽ​കി.

ബെ​ന്നി എ​ന്ന വി​ളി​പ്പേ​രി​ലാ​യി​രു​ന്നു ബെ​ർ​ണാ​ഡ് അ​റി​യ​പ്പെ​ട്ടി​രു​ന്ന​ത്. യ​ഥാ​ർ​ഥ പേ​ര് ര​ത്നം ബെ​ർ​ണാ​ഡ്. ലെ​ഫ്റ്റ് ഇ​ൻ​സൈ​ഡ് ഫോ​ർ​വേ​ഡാ​യി ബാം​ഗ്ലൂ​ർ ബ്ലൂ​സ്, എ​ച്ച്.​എ.​എ​ൽ ടീ​മു​ക​ൾ​ക്ക് ക​ളി​ച്ചു. 1950 മു​ത​ൽ 1958 വ​രെ മൈ​സൂ​ർ സ്റ്റേ​റ്റ് സ​ന്തോ​ഷ് ട്രോ​ഫി ടീ​മി​ൽ. 1952-53ൽ ​ബം​ഗാ​ളി​നെ തോ​ൽ​പി​ച്ച് ജേ​താ​ക്ക​ൾ. 1957ൽ ​തൃ​ശൂ​ർ ചാ​ക്കോ​ള സ്വ​ർ​ണ​ക്ക​പ്പ് നേ​ടി​യ എ​ച്ച്.​എ.​എ​ൽ ടീ​മി​ന്റെ നാ​യ​ക​ൻ. കോ​ഴി​ക്കോ​ട് ന​ാഗ്ജി​യി​ൽ ആ​ദ്യ മൂ​ന്ന് കി​രീ​ട​വും (1952, 53, 54) നേ​ടി​യ ടീ​മി​ന്റെ ഗോ​ള​ടി​യ​ന്ത്രം. പെ​ൻ​ഡാ​ങ്കു​ല​ർ ക​പ്പി​ൽ സൗ​ത്ത് ഇ​ന്ത്യ​ൻ ടീ​മി​ന്റെ നാ​യ​ക​ൻ. പ​ല​പ്പോ​ഴും ഇ​ന്ത്യ​ൻ ഇ​ല​വ​നി​ലെ സ്ഥി​ര​ക്കാ​ര​ൻ...

ബെ​ർ​ണാ​ഡി​നെ കു​റി​ച്ച് കി​ട്ടാ​വു​ന്ന വി​വ​ര​ങ്ങ​ളും ഫോ​ട്ടോ​ക​ളു​മെ​ല്ലാം ശേ​ഖ​രി​ച്ച​ശേ​ഷം നാ​ട്ടി​ലേ​ക്ക് മ​ട​ങ്ങാ​നാ​യി ഖ​ലാ​സി​പ്പാ​ള​യ​ത്ത് ബ​സ് കാ​ത്തു​നി​ൽ​ക്കു​മ്പോ​ൾ മ​ഹാ​നാ​യ ആ ​ക​ളി​ക്കാ​ര​ന്റെ ബ്ലാ​ക്ക് ആ​ൻ​ഡ് വൈ​റ്റ് ചി​ത്ര​ത്തി​ല്‍ പോ​യി ക​ണ്ണ് സൂം-​ഇ​ന്‍ ചെ​യ്തു. കാ​ലം അ​ടു​ത്ത ത​ല​മു​റ​ക​ൾ​ക്കാ​യി ആ ​ക​ളി​ക്കാ​ര​നെ പോ​യി​ട്ട്, ആ ​ച​രി​ത്ര​ഗോ​ൾ​പോ​ലും ചെ​റു​താ​യി​പ്പോ​ലും കോ​റി​യി​ട്ടി​ല്ല​ല്ലോ എ​ന്ന​തി​ൽ ഏ​റെ നി​രാ​ശ തോ​ന്നി. ലോ​കം ബ്യൂ​ട്ടി​ഫു​ൾ ഗെ​യി​മി​നെ ആ​വേ​ശ​ത്തി​ന്റെ പ​ര​കോ​ടി​യി​ൽ പു​ൽ​കു​ന്ന കാ​ല​ത്താ​ണി​പ്പോ​ൾ ന​മ്മു​ടെ നാ​ട്ടി​ലെ ക​ളി അ​തി​ന്റെ ച​രി​ത്ര​ത്തി​ലെ ഏ​റ്റ​വും ദൈ​ന്യ​ത​യാ​ർ​ന്ന ഒ​രു​ പ്ര​തി​സ​ന്ധി​യു​ടെ പെ​നാ​ൽ​റ്റി ബോ​ക്സി​ൽ നി​ൽ​ക്കു​ന്ന​ത്. ക​ള​ത്തി​നു പു​റ​ത്തെ രാ​ഷ്ട്രീ​യ ക​രു​നീ​ക്ക​ങ്ങ​ളി​ൽ ക​ളി​പോ​ലും ക​ട​ലെ​ടു​ത്ത കാ​ല​ത്ത് ബെ​ർ​ണാ​ഡ്, നി​ങ്ങ​ളെ ഞ​ങ്ങ​ൾ എ​ങ്ങ​നെ ഓ​ർ​മി​ക്കാ​ൻ?