Begin typing your search above and press return to search.
proflie-avatar
Login

പെലെ! പെലെ!

പെലെ! പെലെ!
cancel

2022 ഡി​സം​ബ​ർ 29ന് ​വി​ട​പ​റ​ഞ്ഞ, ഫു​ട്ബാ​ൾ ഇ​തി​ഹാ​സം പെ​ലെ​യെ ഓ​ർ​മി​ക്കു​ന്നു. എ​ന്താ​യി​രു​ന്നു പെ​ലെ കാ​യി​ക​പ്രേ​മി​ക​ൾ​ക്ക് ന​ൽ​കി​യ​ത്? എ​ന്താ​യി​രു​ന്നു ആ ​ജീ​വി​തം?‘‘ന​ന്നാ​യി പ​രി​ശീ​ലി​ക്കു​മാ​യി​രു​ന്നു ഞാ​ന​ന്ന്. എ​ന്നും ഒ​രു പെ​ർ​ഫ​ക്ഷ​നി​സ്റ്റു​മാ​യി​രു​ന്നു. ഇ​ട​ങ്കാ​ലി​ന്റെ മി​ടു​ക്ക് വ​ർ​ധി​പ്പി​ക്കു​ന്ന​തി​നാ​ണ് അ​ന്ന് കൂ​ടു​ത​ൽ ഊ​ന്നി​യ​ത്. വ​ല​ങ്കാ​ലു​മാ​യി താ​ര​ത​മ്യം ചെ​യ്യു​മ്പോ​ൾ അ​ത്ര ക​രു​ത്തു​റ്റ​ത​ല്ല എ​ന്ന് തോ​ന്നി​യ​തു​കൊ​ണ്ടാ​യി​രു​ന്നു അ​ത്. ഹെ​ഡ​റു​ക​ൾ നി​ര​ന്ത​രം പ്രാ​ക്ടീ​സ് ചെ​യ്തു. അ​തി​നാ​യി...

Your Subscription Supports Independent Journalism

View Plans

2022 ഡി​സം​ബ​ർ 29ന് ​വി​ട​പ​റ​ഞ്ഞ, ഫു​ട്ബാ​ൾ ഇ​തി​ഹാ​സം പെ​ലെ​യെ ഓ​ർ​മി​ക്കു​ന്നു. എ​ന്താ​യി​രു​ന്നു പെ​ലെ കാ​യി​ക​പ്രേ​മി​ക​ൾ​ക്ക് ന​ൽ​കി​യ​ത്? എ​ന്താ​യി​രു​ന്നു ആ ​ജീ​വി​തം?

‘‘​ന്നാ​യി പ​രി​ശീ​ലി​ക്കു​മാ​യി​രു​ന്നു ഞാ​ന​ന്ന്. എ​ന്നും ഒ​രു പെ​ർ​ഫ​ക്ഷ​നി​സ്റ്റു​മാ​യി​രു​ന്നു. ഇ​ട​ങ്കാ​ലി​ന്റെ മി​ടു​ക്ക് വ​ർ​ധി​പ്പി​ക്കു​ന്ന​തി​നാ​ണ് അ​ന്ന് കൂ​ടു​ത​ൽ ഊ​ന്നി​യ​ത്. വ​ല​ങ്കാ​ലു​മാ​യി താ​ര​ത​മ്യം ചെ​യ്യു​മ്പോ​ൾ അ​ത്ര ക​രു​ത്തു​റ്റ​ത​ല്ല എ​ന്ന് തോ​ന്നി​യ​തു​കൊ​ണ്ടാ​യി​രു​ന്നു അ​ത്. ഹെ​ഡ​റു​ക​ൾ നി​ര​ന്ത​രം പ്രാ​ക്ടീ​സ് ചെ​യ്തു. അ​തി​നാ​യി പ​ന്ത് കെ​ട്ടി​ത്തൂ​ക്കി​യി​ടു​ന്ന​തു​പോ​ലു​ള്ള ചി​ല സൂ​ത്ര​പ്പ​ണി​ക​ളു​ടെ സ​ഹാ​യ​വും തേ​ടി​യി​രു​ന്നു. സാ​ന്റോ​സി​ൽ ന​ല്ല ജിം​നേ​ഷ്യ​മു​ണ്ടാ​യി​രു​ന്നു. അ​തും ഉ​പ​യോ​ഗ​പ്പെ​ടു​ത്തി. ഒ​രു വ​ർ​ഷ​ത്തോ​ളം ക​രാ​ട്ടേ പ​ഠി​ച്ചു. എ​ങ്ങ​നെ വീ​ഴ​ണ​മെ​ന്ന​തും ചാ​ട​ണ​മെ​ന്ന​തു​മൊ​ക്കെ വ​ശ​ത്താ​ക്കാ​നാ​യി​രു​ന്നു അ​ത്. അ​തി​നു​ശേ​ഷം ജൂ​ഡോ പ​ഠി​ക്കാ​നാ​യി ശ്ര​മം. ബാ​ല​ൻ​സും ചു​റു​ചു​റു​ക്കും നേ​ടാ​ൻ അ​തെ​ന്നെ ഏ​റെ സ​ഹാ​യി​ച്ചു. എ​തി​രാ​ളി​ക​ളെ ഡ്രി​ബ്ൾ ചെ​യ്ത് മു​ന്നേ​റു​മ്പോ​ൾ ഞാ​ൻ ഒ​ട്ടും വീ​ണു​പോ​കാ​റി​ല്ലാ​യി​രു​ന്നു’’ -ത​ന്റെ ആ​ത്മ​ക​ഥ​യി​ൽ പെ​ലെ എ​ഴു​തി​യ​ത്.

***

1958ലെ ​ലോ​ക​ക​പ്പ് ഫു​ട്ബാ​ളി​നു​ള്ള ബ്ര​സീ​ൽ ടീം ​പ്ര​ഖ്യാ​പി​ക്കു​ന്നു. ഹോ​വോ റാ​മോ​സ് ഡോ ​നാ​സി​മെ​ന്റോ എ​ന്ന വ​ലി​യ പേ​രി​നു​ട​മ​യാ​യ ഡോ​ൺ​ഡി​ഞ്ഞോ, മി​നാ​സ് ജെ​റെ​യ്സി​ലെ ട്രേ​സ് കൊ​റാ​സി​യോ​സി​ലെ ത​ന്റെ വീ​ട്ടി​ൽ റേ​ഡി​യോ വാ​ർ​ത്ത​ക്കാ​യി കാ​തു​കൂ​ർ​പ്പി​ച്ചി​രി​ക്കു​ക​യാ​ണ്. അ​പ്പോ​ൾ, താ​ൻ കാ​ത്തി​രു​ന്ന പേ​ര് ആ ​കൂ​ട്ട​ത്തി​ൽ വി​ളി​ച്ചു​പ​റ​ഞ്ഞോ എ​ന്ന് അ​യാ​ൾ​ക്ക് സം​ശ​യ​മു​ണ്ടാ​യി​രു​ന്നു. 17കാ​ര​നാ​യ സ്വ​ന്തം മ​ക​ൻ പെ​ലെ​യു​ടെ പേ​രാ​ണ് റേ​ഡി​യോ​യി​ൽ കേ​ട്ട​തെ​ന്ന് അ​യാ​ൾ​ക്ക് തോ​ന്നി​യി​രു​ന്നു. പ​ക്ഷേ, ഉ​റ​പ്പു​ണ്ടാ​യി​രു​ന്നി​ല്ല. ഫ്ലു​മി​നെ​ൻ​സി​ന് ക​ളി​ക്കു​ന്ന ‘ടെ​ലെ’​യു​ടെ പേ​രാ​ണോ പ​റ​ഞ്ഞ​തെ​ന്ന നേ​രി​യ സം​ശ​യം അ​പ്പോ​ഴും ബാ​ക്കി​യു​ണ്ടാ​യി​രു​ന്നു. ഒ​ടു​വി​ൽ സം​ശ​യ​നി​വാ​ര​ണ​ത്തി​നു​ള്ള ചു​മ​ത​ല മ​ക​ൻ പെ​ലെ​ത​ന്നെ ഏ​റ്റെ​ടു​ത്തു. അ​വ​ൻ താ​ൻ ക​ളി​ച്ചു​കൊ​ണ്ടി​രി​ക്കു​ന്ന സാ​ന്റോ​സ് ക്ല​ബു​മാ​യി ബ​ന്ധ​പ്പെ​ട്ടു. ചെ​യ​ർ​മാ​ൻ മോ​ഡ​സ്റ്റോ റോ​മ​യാ​ണ് മ​റു​പ​ടി ന​ൽ​കി​യ​ത്. ‘‘ഏ​യ് കു​ട്ടീ...​നീ ബ്ര​സീ​ലി​ന്റെ ലോ​ക​ക​പ്പ് ടീ​മി​ൽ ഇ​ടം​പി​ടി​ച്ചി​ട്ടു​ണ്ട്.’’

അ​തൊ​രു ച​രി​ത്ര​പ്പി​റ​വി​യാ​യി​രു​ന്നു. പൈ​ല​റ്റാ​കാ​ൻ മോ​ഹി​ച്ച പ​യ്യ​ൻ 1958 മേ​യ് 24ന് ​ആ​ദ്യ​മാ​യി അ​ത്യു​യ​ര​ങ്ങ​ളു​ടെ ആ​കാ​ശ​ങ്ങ​ളി​ലേ​റി. ലോ​ക​ക​പ്പ് അ​ര​ങ്ങേ​റു​ന്ന സ്വീ​ഡ​നി​ലേ​ക്കാ​യി​രു​ന്നു അ​വ​ന്റെ ആ​ദ്യ വി​മാ​ന​യാ​ത്ര. ക​ളി​യു​ടെ സ​മ​സ്ത ക​ണ​ക്കു​കൂ​ട്ട​ലു​ക​ൾ​ക്കും​മേ​ൽ, അ​സാ​ധ്യ​മെ​ന്നു തോ​ന്നു​ന്ന ആം​ഗി​ളു​ക​ളി​ൽ​നി​ന്ന് പു​ത്ത​ൻ ഗോ​ൾ​മു​ഖ​ങ്ങ​ളി​ലേ​ക്ക് അ​യാ​ൾ നി​ര​ന്ത​രം ക​യ​റി​യെ​ത്തി​യ വീ​ര​ക​ഥ​ക​ളു​ടെ തു​ട​ക്ക​മാ​യി​രു​ന്നു അ​ത്.


ആ ​യാ​ത്ര​യി​ൽ മ​ന​സ്സു വേ​ദ​നി​ക്കു​ന്നു​ണ്ടാ​യി​രു​ന്നു പെ​ലെ​ക്ക്, ഒ​പ്പം കാ​ൽ​മു​ട്ടും. ലോ​ക​ക​പ്പി​ന് മു​ന്നോ​ടി​യാ​യി കൊ​റി​ന്ത്യ​ൻ​സി​നെ​തി​രെ ന​ട​ന്ന പ​രി​ശീ​ല​ന മ​ത്സ​ര​ത്തി​ൽ ആ​രി ക്ല​മ​ന്റ് പെ​ട്ടെ​ന്നെ​വി​ടു​ന്നോ പൊ​ട്ടി​വീ​ണ​തു​പോ​ലെ ആ ​ടാ​ക്ലി​ങ്ങി​നൊ​രു​ങ്ങി​യ​ത് പെ​ലെ​ക്ക് അ​തി​ശ​യ​മാ​യി​രു​ന്നു. ഡ്രി​ബ്ൾ ചെ​യ്തു ക​യ​റാ​നാ​ണ് ശ്ര​മി​ച്ച​ത്. പ​ക്ഷേ, ക്ല​മ​ന്റി​ന്റെ കാ​ൽ കൃ​ത്യ​മാ​യി പെ​ലെ​യു​ടെ വ​ല​തു കാ​ൽ​മു​ട്ടി​ൽ പ​തി​ച്ചു. അ​വി​ടെ വീ​ണു. സ്ട്രെ​ച്ച​റി​ൽ മൈ​താ​ന​ത്തി​ന് പു​റ​ത്തേ​ക്ക് നീ​ങ്ങു​മ്പോ​ൾ ആ​കാം​ക്ഷ​യോ​ടെ പെ​ലെ നോ​ക്കി​യ​ത് ടീം ​ഡോ​ക്ട​ർ ഹി​ൽ​ട്ട​ൺ ഗോ​സ്‍ലി​ങ്ങി​ന്റെ​യും ഫി​സി​യോ മ​രി​യോ അ​മേ​രി​കോ​യു​ടെ​യും മു​ഖ​ത്തേ​ക്കാ​യി​രു​ന്നു. സ്വീ​ഡ​നി​ലേ​ക്ക് പോ​കാ​ൻ ക​ഴി​യു​മോ എ​ന്ന ആ​ശ​ങ്ക​യാ​യി​രു​ന്നു ഉ​ള്ളു​നി​റ​യെ. ബ്ര​സീ​ലി​യ​ൻ ഡെ​ലി​ഗേ​ഷ​ൻ മേ​ധാ​വി ഡോ. ​പൗ​ളോ മ​ച്ചാ​ഡോ ഡി ​കാ​ർ​വാ​ലോ​യോ​ട് സം​സാ​രി​ച്ചു. ‘‘ടീ​മി​ന് ഭാ​ര​മാ​കാ​ൻ ആ​ഗ്ര​ഹി​ക്കു​ന്നി​ല്ല’’ എ​ന്ന് അ​ദ്ദേ​ഹ​ത്തോ​ട് പെ​ലെ പ​റ​ഞ്ഞു. പെ​ലെ​യു​ടെ പ​രി​ക്ക് ദേ​ഭ​മാ​കു​മെ​ന്ന വി​ശ്വാ​സ​ത്തി​ലാ​യി​രു​ന്നു പൗ​ളോ. ടീ​മി​ൽ ഉ​ൾ​പ്പെ​ടു​ത്ത​ണോ, പ​ക​രം മ​റ്റൊ​രാ​ളെ എ​ടു​ക്ക​ണോ എ​ന്ന കൂ​ല​ങ്ക​ഷ​മാ​യ ച​ർ​ച്ച​ക്കൊ​ടു​വി​ലാ​ണ് കൗ​മാ​ര​താ​ര​ത്തെ സ്വീ​ഡ​നി​ലേ​ക്ക് കൊ​ണ്ടു​പോ​കാ​ൻ അ​വ​സാ​ന​ഘ​ട്ട​ത്തി​ൽ തീ​രു​മാ​നി​ച്ച​ത്.

ടീം ​ഡെ​ന്റി​സ്റ്റ് ഡോ. ​മ​രി​യോ ട്രി​ഗോ ആ​ളൊ​രു ര​സി​ക​നാ​യി​രു​ന്നു. സ്വീ​ഡ​നി​ലേ​ക്കു​ള്ള വി​മാ​ന​യാ​ത്ര ര​സ​ക​ര​മാ​ക്കാ​ൻ അ​യാ​ൾ ആ​വു​ന്ന​തൊ​ക്കെ ചെ​യ്യു​ന്നു​ണ്ടാ​യി​രു​ന്നു. പെ​ലെ​യാ​യി​രു​ന്നു ത​മാ​ശ​ക​ളു​ടെ കേ​ന്ദ്ര​ബി​ന്ദു. ബ്ര​സീ​ലി​യ​ൻ ടി.​വി പ്രോ​ഗ്രാ​മി​ന്റെ പേ​രാ​യ ‘സ്കൈ ​ഈ​സ് ദ ​ലി​മി​റ്റ്’ എ​ന്ന പേ​രി​ൽ ക്വി​സ് പ​രി​പാ​ടി ന​ട​ത്തു​മ്പോ​ൾ ഡോ. ​മ​രി​യോ​യു​ടെ ചോ​ദ്യ​ങ്ങ​ളേ​റെ​യും പെ​ലെ​യോ​ടാ​യി​രു​ന്നു- ‘‘ഇ​റ്റ​ലി​യു​ടെ ത​ല​സ്ഥാ​ന​മേ​താ​ണ്?’’ ഒ​ട്ടും അ​മാ​ന്തി​ക്കാ​തെ പെ​ലെ മ​റു​പ​ടി പ​റ​ഞ്ഞു, ‘അ​റ​ക​ജു’. ബ്ര​സീ​ലി​ലെ സെ​ർ​ഗി​പെ സ്റ്റേ​റ്റി​ന്റെ ത​ല​സ്ഥാ​ന​മാ​ണ് കൊ​ച്ചു​പ​ട്ട​ണ​മാ​യ അ​റ​ക​ജു. സ​ഹ​താ​ര​ങ്ങ​ൾ ത​ല​ത​ല്ലി​ച്ചി​രി​ക്കു​ന്ന​തി​നി​ട​യി​ൽ മ​രി​യോ​യു​ടെ അ​ടു​ത്ത ചോ​ദ്യം -‘‘ലോ​ക​ത്തെ ഏ​റ്റ​വും വ​ലി​യ ന​ഗ​ര​മേ​താ​ണ്?’’ ഒ​രു നി​മി​ഷം​പോ​ലും ചി​ന്തി​ക്കാ​തെ പെ​ലെ ഉ​ട​ൻ ഉ​ത്ത​രം ന​ൽ​കി -‘‘റെ​യ്സ് ഡാ ​സേ​റ’’. വി​ഖ്യാ​ത താ​രം ഗാ​രി​ഞ്ച​യു​ടെ ജ​ന്മ​ദേ​ശ​മാ​യ ബ്ര​സീ​ലി​യ​ൻ ന​ഗ​ര​മാ​ണ​ത്. ചി​രി ഒ​ന്നു​കൂ​ടി ക​ന​ത്തു. യാ​ത്ര സ​ന്തോ​ഷ​ക​ര​മാ​യി മു​ന്നോ​ട്ടു​പോ​യി. താ​ൻ ക​ളി​യാ​ക്ക​ലി​ന്റെ ന​ടു​വി​ൽ നി​ൽ​ക്കു​ന്ന​തൊ​ന്നും പെ​ലെ​ക്ക് വി​ഷ​യ​മാ​യി​രു​ന്നി​ല്ല. ക​ന്നി​യാ​ത്ര ന​ട​ത്തു​ന്ന നാ​വി​ക​നെ​പ്പോ​ലെ അ​വ​നും സ​ന്തോ​ഷ​ത്തി​ലാ​യി​രു​ന്നു. കാ​ര​ണം, ആ ​ത​മാ​ശ​ക​ൾ​ക്കും ചി​രി​ക്കു​മി​ട​യി​ൽ, വേ​ദ​നി​ക്കു​ന്ന കാ​ൽ​മു​ട്ടി​ൽ​നി​ന്ന് മ​ന​സ്സി​നെ അ​വ​ൻ മ​റ്റി​ട​ങ്ങ​ളി​ലേ​ക്ക് മാ​റ്റി​വെ​ച്ചി​രു​ന്നു. അ​തു​വ​രെ ലോ​ക​മെ​ന്തെ​ന്ന​റി​യാ​ത്ത കൊ​ച്ചു​ പെ​ലെ, ഡോ. ​മ​രി​യോ​യു​ടെ ചോ​ദ്യ​ങ്ങ​ൾ​ക്കൊ​ന്നും ഉ​ത്ത​ര​മ​റി​യാ​തെ പ​റ​ന്നു​കൊ​ണ്ടി​രു​ന്ന​ത്, ലോ​ക​മ​റി​യു​ന്ന താ​ര​മാ​കാ​നു​ള്ള പു​തി​യ വി​ഹാ​യ​സ്സി​ലേ​ക്കാ​യി​രു​ന്നു​വെ​ന്ന് മാ​ത്രം.

സ​മ​ർ​പ്പ​ണ​ങ്ങ​ളു​ടെ സ​ഹ​യാ​ത്രി​ക​ൻ

ഒ​രു​പാ​ട് ഘ​ട​ക​ങ്ങ​ൾ ചേ​ർ​ന്നാ​ണ് പെ​ലെ​യി​ലെ അ​സാ​മാ​ന്യ താ​രം രൂ​പം​കൊ​ണ്ട​ത്. ആ​ത്മ​ക​ഥ​യി​ൽ പെ​ലെ തു​റ​ന്നെ​ഴു​തി​യ​തു​പോ​ലു​ള്ള സ​മ​ർ​പ്പ​ണ​ങ്ങ​ൾ അ​തി​നു പി​ന്നി​ലു​ണ്ടാ​യി​രു​ന്നു. ക​രു​ത്തേ​റി​യ ആ​യു​ധ​ങ്ങ​ൾ പ്ര​യോ​ഗി​ച്ച് ക​ത്തി​ത്തെ​ളി​യു​ന്ന​തി​ന​പ്പു​റം, ത​ന്റെ ദൗ​ർ​ബ​ല്യ​ങ്ങ​ൾ തി​രി​ച്ച​റി​ഞ്ഞ് ആ ​മേ​ഖ​ല​ക​ളി​ലും മൂ​ർ​ച്ച കൂ​ട്ടു​ക​യാ​യി​രു​ന്നു ക​രി​യ​റി​ന്റെ തു​ട​ക്ക​ത്തി​ൽ പെ​ലെ അ​വ​ലം​ബി​ച്ച രീ​തി. ഇ​രു​കാ​ലു​ക​ളു​ടെ ഷൂ​ട്ടി​ങ് പ​വ​റും ഹെ​ഡ​റു​ക​ളു​ടെ മൂ​ർ​ച്ച​യും ഡ്രി​ബ്ലി​ങ്ങി​ലെ കൗ​ശ​ല​വു​മൊ​ക്കെ പ്ര​തി​ഭ​യും പ​രി​ശീ​ല​ന​വും ചേ​ർ​ന്ന മു​ന്നൊ​രു​ക്ക​ങ്ങ​ളു​ടെ പ്ര​തി​ഫ​ല​ന​മാ​ണ്. ട്രേ​സ് കൊ​റാ​സി​യോ​സി​ലെ തെ​രു​വു​ക​ളി​ൽ പ​ഴ​യ ഷൂ​ക​ൾ ഗോ​ൾ​പോ​സ്റ്റാ​ക്കി​യ ല​ക്ഷ്യ​ങ്ങ​ൾ. അ​തി​നു​ള്ളി​ലേ​ക്ക് സോ​ക്സി​ന​ക​ത്ത് ക​ട​ലാ​സ് കു​ത്തി​നി​റ​ച്ച് നാ​രു​കൊ​ണ്ട് കെ​ട്ടി​യു​ണ്ടാ​ക്കി​യ പ​ന്ത​ടി​ച്ചു​ക​യ​റ്റി​യാ​യി​രു​ന്നു ആ​ന​ന്ദ​ങ്ങ​ളു​ടെ തു​ട​ക്കം. പ​ന്തി​ന്മേ​ൽ അ​തി​ശ​യ​ക​ര​മാ​യ നി​യ​ന്ത്ര​ണം പു​ല​ർ​ത്താ​ൻ ക​രി​യ​റി​ൽ ക​രു​ത്തു​പ​ക​ർ​ന്ന​ത് ആ ​നീ​ക്ക​ങ്ങ​ൾ ത​ന്നെ​യാ​വ​ണം. പി​ന്നെ, പെ​ലെ​ത​ന്നെ സാ​ക്ഷ്യ​പ്പെ​ടു​ത്തി​യ​തു​പോ​ലെ, ഇ​ൻ​ഡോ​റി​ൽ ക​ളി​ച്ചു​കൊ​ണ്ടി​രു​ന്ന ഫു​ട്സാ​ൽ മ​ത്സ​ര​ങ്ങ​ളും.

ടീ​മി​ൽ അ​ഞ്ചു പേ​ർ വീ​ത​മു​ള്ള ഫു​ട്സാ​ൽ ക​ളി​ക​ളി​ൽ ബാ​ല​നാ​യി​രി​ക്കേ ത​ന്നെ പെ​ലെ പ​യ​റ്റാ​നി​റ​ങ്ങി​യി​രു​ന്നു. ചെ​റി​യ കോ​ർ​ട്ടാ​യ​തി​നാ​ൽ ക​ളി​ക്കാ​ർ വ​ള​രെ അ​ടു​ത്താ​യി​രി​ക്കും. ഫു​ട്ബാ​ൾ കോ​ർ​ട്ടി​ലെ വി​ശാ​ല​ത​യും സ​മ​യ​വു​മൊ​ന്നും ഫു​ട്സാ​ലി​നി​ല്ല. അ​വി​ടെ വെ​ട്ടൊ​ന്ന്, മു​റി ര​ണ്ട് എ​ന്ന​താ​ണ് ത​ത്ത്വം. പ്ര​തി​രോ​ധി​ക്കാ​ൻ തൊ​ട്ട​ടു​ത്ത് എ​തി​രാ​ളി​ക​ൾ നി​ൽ​ക്കു​മ്പോ​ൾ കൂ​ടു​ത​ൽ വേ​ഗ​ത്തി​ൽ ചി​ന്തി​ക്കാ​നും ഉ​ട​ന​ടി തീ​രു​മാ​നം ന​ട​പ്പാ​ക്കാ​നും ക​ഴി​യ​ണം. മു​ൻ​നി​ര​യി​ൽ അ​സാ​ധ്യ​മെ​ന്നു തോ​ന്നു​ന്ന നീ​ക്ക​ങ്ങ​ളി​ലേ​ക്ക് പെ​ലെ​ക്ക് പി​ൽ​ക്കാ​ല​ത്ത് ക​രു​ത്ത് പ​ക​ർ​ന്ന​തി​ൽ ഫു​ട്സാ​ൽ വ​ഹി​ച്ച പ​ങ്ക് വ​ലു​താ​ണ്. ‘‘വെ​ള്ള​ത്തി​ലി​ട്ട മീ​നി​നെ​പ്പോ​ലെ എ​ന്ന​തു​പോ​ലെ​യാ​വ​ണം ഫു​ട്സാ​ൽ ക​ള​ങ്ങ​ളി​ൽ’’ -പെ​ലെ പി​ന്നീ​ട് അ​തേ​ക്കു​റി​ച്ച് പ​റ​ഞ്ഞ​തി​ങ്ങ​നെ. 14 വ​യ​സ്സു​ള്ള​പ്പോ​ൾ​ത​ന്നെ മു​തി​ർ​ന്ന​വ​ർ​ക്കൊ​പ്പം ഫു​ട്സാ​ലി​ൽ സ​ജീ​വ​മാ​യി​രു​ന്നു അ​ദ്ദേ​ഹം. ഒ​രു​ത​വ​ണ പ്രാ​യ​ക്കു​റ​വ് കാ​ര​ണം തു​ട​ക്ക​ത്തി​ൽ ഒ​രു ടൂ​ർ​ണ​മെ​ന്റി​ൽ ക​ളി​ക്കാ​ൻ സ​മ്മ​തി​ച്ചി​ല്ല. ഒ​ടു​വി​ൽ കാ​ലു​പി​ടി​ച്ച് സ​മ്മ​തി​ച്ച​തി​നൊ​ടു​വി​ൽ 14 ഗോ​ളു​മാ​യി ആ ​ടൂ​ർ​ണ​മെ​ന്റി​ലെ ടോ​പ്സ്കോ​റ​റാ​യാ​ണ് ക​ള​ത്തി​ൽ​നി​ന്ന് തി​രി​ച്ചു​ക​യ​റി​യ​ത്.


സെ​തെ ഡി ​സെ​തെം​ബ്രോ, കാ​ന്റോ ഡോ ​റ​യോ, സാ​വോ പൗ​ളി​ഞ്ഞോ, അ​മേ​രി​ക്വി​ഞ്ഞ, ബൗ​റു അ​ത്‍ല​റ്റി​കോ ക്ല​ബ് ജൂ​നി​യേ​ഴ്സ്... ചെ​റു​പ്പ​കാ​ല​ത്ത് ഈ ​ക്ല​ബു​ക​ൾ​ക്കൊ​ക്കെ വേ​ണ്ടി ഗോ​ളു​ക​ള​ടി​ച്ചു​കൂ​ട്ടു​മ്പോ​ൾ പെ​ലെ​യു​ടെ ഫി​നി​ഷി​ങ് പാ​ട​വ​ത്തി​ന് ക​രു​ത്തേ​റു​ക​യാ​യി​രു​ന്നു. 1958ൽ ​സ്വീ​ഡ​നെ​തി​രെ ഫൈ​ന​ലി​ൽ പെ​ലെ നേ​ടി​യ ബ്ര​സീ​ലി​ന്റെ മൂ​ന്നാം​ഗോ​ൾ കൗ​മാ​ര​ത്തി​ലേ വ​ള​ർ​ച്ച​മു​റ്റി​യ പ്ര​തി​ഭ​യു​ടെ ബ്രി​ല്യ​ൻ​സി​ന്റെ സാ​ക്ഷ്യ​മാ​യി​രു​ന്നു. നി​ൽ​റ്റ​ൺ സാ​ന്റോ​സി​ന്റെ പാ​സ് നെ​ഞ്ചി​ലെ​ടു​ത്ത് കാ​ലി​ലി​റ​ക്കി​യ പെ​ലെ, തു​ട​കൊ​ണ്ട് പ​ന്ത് ഉ​യ​ർ​ത്തി​യി​ട്ട​ത് ത​ട​യാ​നെ​ത്തി​യ ജൂ​ൾ ഗു​സ്താ​വ്സ​ണി​ന്റെ ത​ല​ക്ക് മു​ക​ളി​ലൂ​ടെ. ശ​ങ്കി​ച്ചു​നി​ന്ന സ്വീ​ഡി​ഷ് ഡി​ഫ​ൻ​ഡ​റെ വ​ട്ടം​ചു​റ്റി മ​റി​ക​ട​ന്ന് പ​ന്ത് നി​ലം​തൊ​ടും​മു​മ്പേ വ​ല​യി​ലേ​ക്ക്. ഫു​ട്ബാ​ൾ ച​രി​ത്ര​ത്തി​ലെ ക​ണ്ണ​ഞ്ചും ഗോ​ളു​ക​ളി​ലൊ​ന്ന് പി​റ​വി​കൊ​ള്ളു​ന്ന​ത് പെ​ലെ​യു​ടെ പ​തി​നേ​ഴാം വ​യ​സ്സി​ലാ​യി​രു​ന്നു. പി​ന്നീ​ട് ത​നി​ക്കി​ഷ്ട​പ്പെ​ട്ട ഗോ​ൾ അ​താ​ണെ​ന്ന് പെ​ലെ പ​ല​വ​ട്ടം പ​റ​ഞ്ഞി​ട്ടു​ണ്ട്. പു​ഷ്കാ​സി​ന്റെ ‘ഡ്രാ​ഗ്ബാ​ക്കും’, ക്രൈ​ഫി​ന്റെ ‘ടേ​ണും’ മ​റ​ഡോ​ണ​യു​ടെ ‘ഗം​ബേ​റ്റ’​യും പോ​ലെ പെ​ലെ​യു​ടെ സി​ഗ്നേ​ച്ച​ർ മൂ​വാ​യി​രു​ന്നു അ​ത്. ‘‘ആ ​ഗോ​ൾ ഞാ​ൻ അ​ത്ര​യേ​റെ ഇ​ഷ്ട​പ്പെ​ടാ​ൻ കാ​ര​ണം, ഞാ​ന​ന്ന് വ​ള​രെ ചെ​റു​പ്പ​മാ​യി​രു​ന്നു എ​ന്ന​തു​കൊ​ണ്ടാ​ണ്. ഒ​പ്പം, അ​തു​പോ​ലൊ​രു ഗോ​ൾ അ​തി​നു​മു​മ്പ് മ​റ്റാ​രും ക​ണ്ടി​ട്ടി​ല്ല എ​ന്ന​തു​കൊ​ണ്ടും’’ -​ആ​ത്മ​ക​ഥ​യി​ൽ പെ​ലെ വി​ശ​ദീ​ക​രി​ക്കു​ന്ന​തി​ങ്ങ​നെ.

ക​ള​ത്തി​ൽ പെ​ലെ എ​ല്ലാ​മാ​യി​രു​ന്നു...

പെ​ലെ എ​ല്ലാം തി​ക​ഞ്ഞൊ​രു സ്ട്രൈ​ക്ക​ർ മാ​ത്ര​മാ​യി​രു​ന്നു​വെ​ന്നും ഡീ​ഗോ മ​റ​ഡോ​ണ​യെ​യോ ല​യ​ണ​ൽ മെ​സ്സി​യെ​യോ പോ​ലെ ക​ളി​യെ സ​വി​സ്ത​രം നി​യ​ന്ത്രി​ക്കു​ന്ന കം​പോ​സ​റാ​യി തി​ള​ങ്ങാ​ൻ ക​ഴി​ഞ്ഞി​ല്ലാ​യി​രു​ന്നു​വെ​ന്നും വാ​ദി​ക്കു​ന്ന​വ​രു​ണ്ട്. എ​ന്നാ​ൽ, അ​ത് പെ​ലെ​യു​ടെ െഫ്ല​ക്സി​ബി​ലി​റ്റി​യെ അ​റി​യാ​ത്ത​തു​കൊ​ണ്ടു​ള്ള വാ​ദ​മു​ഖ​ങ്ങ​ളാ​വ​ണം. ബ്ര​സീ​ൽ കോ​ച്ചാ​യി​രു​ന്ന ജോ​വോ സ​ൽ​ദാ​ഞ്ഞ​യോ​ട് ‘‘നി​ങ്ങ​ളു​ടെ ടീ​മി​ലെ മി​ക​ച്ച ഗോ​ൾ​കീ​പ്പ​ർ ആ​രാ​ണ്?’’ എ​ന്ന് ഒ​രു ബ്ര​സീ​ലി​യ​ൻ ജേ​ണ​ലി​സ്റ്റ് ചോ​ദി​ച്ച​പ്പോ​ൾ അ​ദ്ദേ​ഹ​ത്തി​ന്റെ മ​റു​പ​ടി ‘‘പെ​ലെ’’ എ​ന്നാ​യി​രു​ന്നു. അ​യാ​ൾ ഏ​തു പൊ​സി​ഷ​നി​ലും ക​ളി​ക്കാ​ൻ ക​ഴി​യു​ന്ന​വ​നാ​ണ് എ​ന്നാ​യി​രു​ന്നു ഇ​തി​ന് സ​ൽ​ദാ​ഞ്ഞ​യു​ടെ വി​ശ​ദീ​ക​ര​ണം. ബ്ര​സീ​ലി​​െന്റ സു​വ​ർ​ണ​കാ​ല​ത്ത് ദി​ദി​യും വാ​വ​യും ഗാ​രി​ഞ്ച​യും ജ​ഴ്സി​ഞ്ഞോ​യു​മ​ട​ക്ക​മു​ള്ള​വ​ർ മ​ധ്യ​നി​ര വാ​ഴാ​നു​ള്ള​പ്പോ​ൾ പെ​ലെ​യു​ടെ സേ​വ​നം മു​ന്ന​ണി​യി​ൽ കേ​ന്ദ്രീ​ക​രി​ക്ക​പ്പെ​ടു​ക​യാ​യി​രു​ന്നു. അ​ത​ല്ലെ​ങ്കി​ൽ, പെ​ലെ മ​ധ്യ​നി​ര​യി​ലെ ല​ക്ഷ​ണ​മൊ​ത്ത ഓ​ർ​ക്ക​സ്ട്രേ​റ്റ​റാ​യി മാ​റി​യേ​നെ എ​ന്നു ക​രു​തു​ന്ന​വ​രേ​റെ​യാ​ണ്.

ക​രി​യ​റി​ന്റെ തു​ട​ക്ക​ത്തി​ൽ​ത​ന്നെ അ​റ്റാ​ക്കി​ങ് പൊ​സി​ഷ​നു​ക​ളു​ടെ സ​ക​ല വ​ക​ഭേ​ദ​ങ്ങ​ളി​ലും പെ​ലെ നി​റ​ഞ്ഞാ​ടി​യി​രു​ന്നു. പെ​നാ​ൽ​റ്റി ഏ​രി​യ​ക്കു​ള്ളി​ലെ മെ​യി​ൻ സ്ട്രൈ​ക്ക​റും സെ​ന്റ​ർ ഫോ​ർ​വേ​ഡു​മൊ​ക്കെ അ​യാ​ൾ​ക്ക് ന​ന്നാ​യി​ണ​ങ്ങു​ന്ന റോ​ളു​ക​ളാ​യി​രു​ന്നു. സ്കി​ല്ലു​ക​ളു​ടെ ധാ​രാ​ളി​ത്തം, കൂ​ടു​ത​ൽ പി​ന്നോ​ട്ടി​റ​ങ്ങി ക​ളി​ക്കാ​നും പെ​ലെ​ക്ക് ക​രു​ത്തു​ന​ൽ​കി. ഇ​ൻ​സൈ​ഡ് ഫോ​ർ​വേ​ഡോ സെ​ക്ക​ൻ​ഡ് സ്ട്രൈ​ക്ക​റോ വൈ​ഡ് ഫോ​ർ​വേ​ഡോ... ഏ​തു പൊ​സി​ഷ​നി​ലും പെ​ലെ അ​തി​ശ​യി​പ്പി​ക്കു​ന്ന രീ​തി​യി​ൽ ഫി​റ്റാ​യി​രു​ന്നു. ക​രി​യ​റി​ന്റെ അ​വ​സാ​ന​കാ​ല​ത്ത് സ്ട്രൈ​ക്ക​ർ​മാ​ർ​ക്കു പി​ന്നി​ലാ​യി േപ്ല​മേ​ക്ക​റു​ടെ റോ​ളി​ൽ അ​യാ​ൾ സ്വ​യം വി​ന്യ​സി​ച്ചു. പ​ല​പ്പോ​ഴും അ​റ്റാ​ക്കി​ങ് മി​ഡ്ഫീ​ൽ​ഡ​റു​മാ​യി. സ്പീ​ഡും ക്രി​യേ​റ്റി​വി​റ്റി​യും ടെ​ക്നി​ക്ക​ൻ സ്കി​ല്ലും സ്റ്റാ​മി​ന​യു​മൊ​ക്കെ​ച്ചേ​ർ​ന്ന് അ​ഞ്ച​ടി എ​ട്ടി​ഞ്ചി​ന്റെ ‘ഉ​യ​ര​ക്കു​റ​വി​നി​ട​യി​ലും’ മു​ൻ​നി​ര​യി​ൽ പെ​ലെ ആ​ജാ​നു​ബാ​ഹു​ക്ക​ളാ​യ എ​തി​ർ​ ഡി​ഫ​ൻ​ഡ​ർ​മാ​രെ പു​ഷ്പംപോ​ലെ മ​റി​ക​ട​ന്ന് തു​രു​തു​രാ ഗോ​ളു​ക​ള​ടി​ച്ചു. ഉ​യ​ർ​ന്നു​ചാ​ടാ​നു​ള്ള മി​ടു​ക്കും ഹെ​ഡ​റു​ക​ളി​ലെ കൃ​ത്യ​ത​യും ചാ​ട്ടു​ളി ക​ണ​ക്കെ​യു​ള്ള ഷോ​ട്ടു​ക​ളും ക​ണ്ണ​ഞ്ചി​ക്കു​ന്ന ഫ്രീ​കി​ക്കു​ക​ളും പി​ഴ​ക്കാ​ത്ത പെ​നാ​ൽ​റ്റി​ക​ളു​മൊ​ക്കെ​യാ​യി അ​യാ​ൾ എ​ല്ലാം​കൊ​ണ്ടും ക​ള​ത്തി​ൽ പൂ​ർ​ണ​നാ​യി​രു​ന്നു.

ആ​ദ്യ ഗ്ലോ​ബ​ൽ സൂ​പ്പ​ർ​സ്റ്റാ​ർ

ക​ളി​യി​ലെ ആ​ദ്യ ഗ്ലോ​ബ​ൽ സൂ​പ്പ​ർ​സ്റ്റാ​റാ​യി​രു​ന്നു പെ​ലെ. വ​ല​കു​ലു​ക്ക​ങ്ങ​ളാ​ണ് അ​ന്തി​മ​മാ​യി വി​ധി​നി​ർ​ണ​യി​ക്കു​ന്ന​തെ​ന്ന​തി​നാ​ൽ, ഫു​ട്ബാ​ൾ പ​ബ്ലി​ക്കി​ന് അ​യാ​ളെ​ന്നും പൂ​ർ​ണ​ത​യു​ടെ പ​ര്യാ​യ​മാ​യി​രു​ന്നു. വേ​ഗം, ക​രു​ത്ത്, പ​ന്ത​ട​ക്കം, ബു​ദ്ധി​വൈ​ഭ​വം, ഫി​നി​ഷി​ങ്... എ​ല്ലാം ചേ​രും​പ​ടി ചേ​ർ​ന്ന അ​തി​ശ​യ​മാ​യി​രു​ന്നു പെ​ലെ. അ​യാ​ളെ​പ്പോ​ലെ, നി​മി​ഷാ​ർ​ധ​ങ്ങ​ളു​ടെ ഞൊ​ടി​യി​ട​യി​ലും പ​ഴു​തു​ക​ളി​ല്ലെ​ന്നു​തോ​ന്നു​ന്ന പ്ര​തി​രോ​ധ ദു​ർ​ഗ​ങ്ങ​ൾ​ക്കി​ട​യി​ലും അ​വി​ശ്വ​സ​നീ​യ​മാ​യി വെ​ടി​പൊ​ട്ടി​ക്കാ​ൻ ക​ഴി​യു​ന്ന വേ​ട്ട​ക്കാ​ർ ക​ളി​യു​ടെ പു​ൽ​മേ​ട്ടി​ൽ അ​ധി​കം പി​റ​വികൊ​ണ്ടി​ട്ടി​ല്ല. ക​ളി​ച്ച കാ​ല​ത്ത് അ​യാ​ൾ അടി​ച്ചു​കൂ​ട്ടി​യ 1,283 ഗോ​ളു​ക​ളി​ലും 90 ഹാ​ട്രി​ക്കു​ക​ളി​ലു​മൊ​ക്കെ​ ആ മാ​ന്ത്രി​ക​ത മു​റ്റി​നി​ൽ​ക്കു​ന്നു​ണ്ട്. പെ​ലെ അ​ടി​ച്ച​തു​പോ​ലെ ആ​യി​ര​ത്തി​ലേ​റെ ഗോ​ളു​ക​ള​ടി​ച്ചു​കൂ​ട്ടി​യ​വ​രു​ണ്ടാ​യി​ട്ടി​ല്ല ഇ​തേ​വ​രെ. ഇ​നി​യു​ള്ള കാ​ല​ത്തും അ​തു ന​ട​ക്കു​മെ​ന്നു​റ​പ്പി​ല്ലാ​ത്ത ലോ​ക​ത്ത്, അ​യാ​ൾ അ​ടി​ച്ച​തു​പോ​ലെ മി​ടു​ക്കു​ള്ള ഗോ​ളു​ക​ൾ അ​ടി​ച്ചു​കാ​ട്ടു​ന്ന​വ​രെ അം​ഗീ​ക​രി​ക്കു​ക​യാ​യി​രു​ന്നു പി​ന്നീ​ട് ഫു​ട്ബാ​ൾ ചെ​യ്തു​കൊ​ണ്ടി​രു​ന്ന​ത്.

പെ​ലെ ക​ളി​യെ അ​ങ്ങേ​യ​റ്റം സ്നേ​ഹി​ച്ചു, ക​ളി അ​യാ​ളെ​യും. ര​ണ്ടും ത​മ്മി​ൽ പാ​ര​സ്പ​ര്യ​ങ്ങ​ളേ​റെ​യാ​യി​രു​ന്നു. ക​ളി​യി​ൽ ഇ​തു​പോ​ലെ ‘സ​ന്തോ​ഷം’ കൊ​ണ്ടു​വ​ന്ന​വ​രി​ല്ല എ​ന്ന​താ​ണ് പെ​ലെ​യെ ഇ​തി​ഹാ​സ​ങ്ങ​ളു​ടെ നി​ര​യി​ൽ വേ​റി​ട്ടു​നി​ർ​ത്തു​ന്ന​ത്. ക​ളി​യെ ഉ​പാ​സി​ച്ച പെ​ലെ, അ​ച്ച​ട​ക്ക​വും സ്പോ​ർ​ട്സ്മാ​ൻ​ഷി​പ്പും വി​ട്ടു​ക​ളി​ക്കാ​ൻ മെ​ന​ക്കെ​ട്ടി​രു​ന്നി​ല്ല. വി​ശു​ദ്ധ​മാ​യി​രു​ന്നു പെ​ലെ​യു​ടെ ഫു​ട്ബാ​ൾ. എ​തി​രാ​ളി​ക​ളു​ടെ വ​ല കു​ലു​ങ്ങു​ന്ന​തി​ലേ​ക്കാ​യി​രു​ന്നു അ​യാ​ളു​ടെ നോ​ട്ട​മ​ത്ര​യും. തു​ട​ക്കം​ത​ന്നെ അ​ങ്ങ​നെ​യാ​യി​രു​ന്നു. 16 വ​ർ​ഷ​വും ഒ​മ്പ​തു മാ​സ​വും പ്രാ​യ​മു​ള്ള​പ്പോ​ൾ അ​ർ​ജ​ന്റീ​ന​ക്കെ​തി​രെ മാ​റ​ക്കാ​ന​യി​ൽ ന​ട​ന്ന മ​ത്സ​ര​ത്തി​ലാ​യി​രു​ന്നു രാ​ജ്യാ​ന്ത​ര അ​ര​ങ്ങേ​റ്റം. ആ ​ക​ളി തോ​റ്റെ​ങ്കി​ലും ഗോ​ള​ടി​ച്ചു​കൊ​ണ്ടാ​ണ് വ​ര​വ​റി​യി​ച്ച​ത്. അ​ന്ന് ബ്ര​സീ​ലി​നു​വേ​ണ്ടി ഗോ​ൾ നേ​ടി​യ ഏ​റ്റ​വും പ്രാ​യം കു​റ​ഞ്ഞ താ​ര​മെ​ന്ന പ​കി​ട്ടു​മാ​യാ​ണ് ഒ​രു​പാ​ട് റെ​ക്കോ​ഡു​ക​ളി​ലേ​ക്കു​ള്ള കു​തി​പ്പി​ന്റെ തു​ട​ക്കം. ഇ​പ്പോ​ൾ 65 വ​ർ​ഷം പി​ന്നി​ട്ടി​ട്ടും ആ ​റെ​ക്കോ​​ഡ് പെ​ലെ എ​ന്ന പേ​രി​നൊ​പ്പം​ത​ന്നെ ചേ​ർ​ത്തു​കെ​ട്ടി​യാ​ണു​ള്ള​ത്.

സാന്റോസിലെ കാൽഡിയേര സ്റ്റേഡിയത്തിൽ പെലെയുടെ ഭൗതികശരീരം പൊതുദർശനത്തിന് വെച്ചപ്പോൾ

സാന്റോസിലെ കാൽഡിയേര സ്റ്റേഡിയത്തിൽ പെലെയുടെ ഭൗതികശരീരം പൊതുദർശനത്തിന് വെച്ചപ്പോൾ

‘ബ്യൂ​ട്ടി​ഫു​ൾ ഗെ​യിം...’ ആ ​പ്ര​യോ​ഗം ഫു​ട്ബാ​ളി​ന്റെ കു​മ്മാ​യ​വ​ര​ക്കു​ള്ളി​ലെ​ത്തി​യ​ത് പ​ത്താം ന​മ്പ​ർ കു​പ്പാ​യ​മി​ട്ടാ​യി​രു​ന്നു. ആ ​പ്ര​യോ​ഗ​ത്തെ മ​ഹ​ത്വ​വ​ത്ക​രി​ച്ച​തി​ന്റെ ക്രെ​ഡി​റ്റ് പെ​ലെ എ​ന്ന ഇ​തി​ഹാ​സ​ത്തി​ന് സ്വ​ന്ത​മാ​ണ്. ‘ജോ​ഗോ ബോ​ണീ​റ്റോ’​യെ​ന്ന അ​തി​ന്റെ പോ​ർ​ചു​ഗീ​സ് പ​രി​ഭാ​ഷ​യും പെ​ലെ​ക്കും ഫു​ട്ബാ​ളി​നു​മൊ​പ്പം ലോ​ക​മ​റി​ഞ്ഞു. കേ​വ​ല​മൊ​രു കാ​യി​ക വി​നോ​ദ​മെ​ന്ന​തി​ൽ​നി​ന്ന് ഫു​ട്ബാ​ളി​ന് ക​ല​യു​ടെ എ​ല​മെ​ന്റു​ക​ൾ കൂ​ടി​യു​ള്ള കാ​ൽ​പ​നി​ക ഭാ​വം പ​ക​ർ​ന്നു​ന​ൽ​കി​യ​തി​ന് ചു​ക്കാ​ൻ പി​ടി​ച്ച​ത് പെ​ലെ​യാ​യി​രു​ന്നു. കേ​വ​ല ജ​യ​ങ്ങ​ൾ​ക്ക​പ്പു​റം ചേ​തോ​ഹ​ര​മാ​യി ക​ളി​ച്ച് മ​നു​ഷ്യ​രെ ഫു​ട്ബാ​ളി​ലേ​ക്ക​ടു​പ്പി​ക്കാ​ൻ ശ്ര​മി​ക്കു​ന്ന കേ​ളീ​ശൈ​ലി​ക​ൾ​ക്ക് പി​ൽ​ക്കാ​ല​ത്ത് സ്വീ​കാ​ര്യ​ത​യേ​റി​യ​ത് പെ​ലെ​യും അ​ക്കാ​ല​ത്തെ ബ്ര​സീ​ൽ ടീ​മും കാ​ഴ്ച​വെ​ച്ച അ​ഴ​കു​റ്റ ക​ളി​യു​ടെ ചു​വടുപി​ടി​ച്ചാ​ണ്. ലോ​ക​ക​പ്പു​ക​ളെ ത​ന്റെ ലാ​സ്യ​ന​ട​ന​ങ്ങ​ളു​ടെ വി​സ്മ​യ​ഭൂ​മി​യാ​ക്കി​യ പെ​ലെ ജോ​ഗോ ബോ​ണീ​റ്റോ​യു​ടെ പ്ര​യോ​ക്താ​വാ​യി. ക​ളി​യു​ടെ നി​യ​ത​മാ​യ ഗ​ദ്യ​രൂ​പ​ക​ൽ​പ​ന​ക​ളെ പൊ​ളി​ച്ച​ടു​ക്കി കാ​വ്യാ​ത്മ​ക​മാ​ക്കി​യ പെ​ലെ ‘ബ്യൂ​ട്ടി​ഫു​ൾ ഗെ​യിം’ എ​ന്ന പ്ര​യോ​ഗ​ത്തെ ഫു​ട്ബാ​ളു​മാ​യി കൂ​ട്ടി​യി​ണ​ക്കു​ക​യാ​യി​രു​ന്നു. ജീ​വി​ത​ത്തെ മ​നോ​ഹ​ര ഫു​ട്ബാ​ളി​ന്റെ ലാ​വ​ണ്യ​ശൈ​ലി​യു​മാ​യി കൂ​ട്ടി​ക്കെ​ട്ടി​യ​തി​നൊ​പ്പം, ആ​ത്മ​ക​ഥ​ക്ക് ‘മൈ ​ലൈ​ഫ് ആ​ൻ​ഡ് ദ ​ബ്യൂ​ട്ടി​ഫു​ൾ ഗെ​യിം’ എ​ന്ന പേ​രി​ട്ട് ജീ​വി​ത​ക​ഥ കൊ​ണ്ടും അ​ദ്ദേ​ഹം അ​തി​ന് അ​ടി​വ​ര​യി​ട്ടു.

‘നാ​ടി​ന്റെ നി​ധി’

1938 ലോ​ക​ക​പ്പി​ൽ വെ​ട്ടി​ത്തി​ള​ങ്ങി​യ ലി​യോ​ണി​ഡാ​സി​നെ പോ​ലെ ആ​ഫ്രോ-​ബ്ര​സീ​ലി​യ​ൻ സ്റ്റാ​റു​ക​ളു​ടെ വി​ജ​യ​ക​ഥ​ക​ൾ​കൊ​ണ്ട് അ​നു​ഗൃ​ഹീ​ത​മാ​ണ് കാ​ന​റി​ക​ളു​ടെ ഫു​ട്ബാ​ൾ ച​രി​തം. എ​ന്നാ​ൽ, ഇ​തി​ന് അ​പ​വാ​ദ​ങ്ങ​ളു​മു​ണ്ടാ​യി​രു​ന്നു. 1950ലെ ​ഫൈ​ന​ലി​ൽ ഉ​റു​ഗ്വാ​യി​യോ​ട് തോ​റ്റ ‘മാ​റ​ക്കാ​ന​യി​ലെ മ​ഹാ​ദു​ര​ന്ത’​ത്തി​ൽ ബ​ലി​യാ​ടു​ക​ളാ​യ​ത് നേ​ര​ത്തേ പ​റ​ഞ്ഞ, ആ​ഫ്രോ-​ബ്ര​സീ​ലി​യ​ൻ സ്റ്റാ​റു​ക​ളാ​യി​രു​ന്നു. വം​ശീ​യ​വാ​ദി​ക​ളു​ടെ നി​ന്ദ്യ​മാ​യ പ​രാ​മ​ർ​ശ​ങ്ങ​ൾ​ക്ക് അ​ധി​കം ആ​യു​സ്സു​ണ്ടാ​യി​ല്ല. എ​ട്ടു​വ​ർ​ഷ​ത്തി​നു​ശേ​ഷം, ആ ​ശാ​പ​വാ​ക്കു​ക​ളെ തൂ​ത്തെ​റി​യാ​ൻ പെ​ലെ​യെ​ന്ന ര​ണ്ട​ക്ഷ​രം അ​വ​ത​രി​ച്ചു. പി​ന്നീ​ടി​ങ്ങോ​ട്ട് ബ്ര​സീ​ലി​ൽ വ​ർ​ണ​സ​ങ്ക​ര​ങ്ങ​ളി​ലൂ​ന്നി​യ കു​ത്തു​വാ​ക്കു​ക​ൾ ഏ​റെ​യു​ണ്ടാ​യി​ട്ടി​ല്ല. കാ​ര​ണം, പെ​ലെ​യെ നാ​ടി​ന്റെ നി​ധി​യാ​യി അ​വ​ർ പ്ര​ഖ്യാ​പി​ച്ചു​ക​ഴി​ഞ്ഞി​രു​ന്നു. നി​റ​ങ്ങ​ളി​ൽ അ​വ​ജ്ഞ കൊ​രു​ത്തെ​ടു​ത്ത​വ​ർ​ക്കു​പോ​ലും പെ​ലെ വി​ഗ്ര​ഹ​മാ​യി മാ​റി. ബ്ര​സീ​ൽ എ​ന്ന രാ​ജ്യം ഏ​തു മേ​ഖ​ല​യി​ലും പി​റ​വി ന​ൽ​കി​യ എ​ക്കാ​ല​ത്തെ​യും അ​ഭി​മാ​ന​താ​രം.

യൂ​റോ​പ്പി​ലെ വ​മ്പ​ൻ ക്ല​ബു​ക​ൾ ക​ഴു​ക​ൻ​ക​ണ്ണു​ക​ളു​മാ​യി അ​വ​ന് ചു​റ്റു​മു​ണ്ടാ​യി​രു​ന്നു. വ​ൻ​തു​ക വി​ല​പ​റ​ഞ്ഞ് മാ​ഞ്ച​സ്റ്റ​ർ യു​നൈ​റ്റ​ഡും റ​യ​ൽ മ​ഡ്രി​ഡും ലോ​ക​ത്തെ ഏ​റ്റ​വും മി​ക​ച്ച ക​ളി​ക്കാ​ര​ന്റെ ഉ​മ്മ​റ​പ്പ​ടി​യി​ൽ കാ​ത്തി​രു​ന്നു. ത​ങ്ങ​ളു​ടെ മി​ന്നും​താ​രം വി​ദേ​ശ​ത്തേ​ക്ക് പ​റ​ക്കു​മെ​ന്ന ഭീ​തി​യി​ൽ ബ്ര​സീ​ൽ അ​യാ​ളെ ‘ദേ​ശീ​യ നി​ധി’ ആ​യി പ്ര​ഖ്യാ​പി​ച്ചു. രാ​ജ്യ​ത്തി​നു​ പു​റ​ത്തേ​ക്കൊ​രു കൂ​ടു​മാ​റ്റം അ​തോ​ടെ വി​ല​ക്ക​പ്പെ​ടു​ക​യാ​യി​രു​ന്നു. യൂ​റോ​പ്പി​ന്റെ വി​ലോ​ഭ​നീ​യ വേ​ദി​യി​ൽ പെ​ലെ പ​റ​ന്നി​റ​ങ്ങാ​തെ പോ​യ​ത് കാ​ന​റി​ക​ളു​ടെ ആ ​പൊ​സ​സീ​വ്നെ​സി​ന്റെ ഫ​ല​മാ​യി​രു​ന്നു.

മ​റു​വ​ശ​ത്ത്, ബ്ര​സീ​ലി​യ​ൻ ഫു​ട്ബാ​ളി​ന്റെ സു​വ​ർ​ണ​ദ​ശ​യി​ൽ ബൂ​ട്ടു​കെ​ട്ടി​യ അ​നു​ഗ്ര​ഹ​കാ​ലം രാ​ജ്യാ​ന്ത​ര​ത​ല​ത്തി​ൽ പെ​ലെ​യു​ടെ ക​രി​യ​റി​ന് ക​രു​ത്തേ​കി. ക​ൾ​ച​റ​ൽ ലൈ​ഫി​ന്റെ കേ​ന്ദ്ര​ബി​ന്ദു​വാ​യി ഫു​ട്ബാ​ൾ മാ​റ്റ​പ്പെ​ടു​ന്ന കാ​ലം കൂ​ടി​യാ​യി​രു​ന്നു അ​ത്. ടെ​ലി​വി​ഷ​നു​ക​ളി​ൽ ക​ളി ക​ണ്ടു​തു​ട​ങ്ങി​യ നാ​ളു​ക​ളാ​യ​തും പെ​ലെ​യെ​ന്ന പ​രി​വേ​ഷ​ത്തെ അ​ടു​ത്ത​റി​യാ​ൻ ആ​ക്കം​കൂ​ട്ടി. ക​ളി​ക്കു​മ​പ്പു​റ​ത്തേ​ക്കൊ​രു ക​ൾ​ച​റ​ൽ ഇം​പാ​ക്ടാ​യി പെ​ലെ വ​ള​രു​ക​യാ​യി​രു​ന്നു. ഫു​ട്ബാ​ളി​ന്റെ ആ​ദ്യ ഗ്ലോ​ബ​ൽ സെ​ലി​ബ്രി​റ്റി​യാ​യി അ​യാ​ൾ മാ​റി. 1969ൽ, ​ത​ന്റെ ആ​യി​രാ​മ​ത്തെ ഗോ​ളി​ലേ​ക്ക് പെ​ലെ ബൂ​ട്ടു​മു​റു​ക്കി​ക്കെ​ട്ടി​യ നി​മി​ഷം മു​ത​ൽ ജേ​ണ​ലി​സ്റ്റു​ക​ളും കാ​മ​റ​ക​ളും അ​യാ​ളു​ടെ പി​ന്നാ​ലെ ച​ലി​ച്ചു. ബ്ര​സീ​ലി​ൽ സം​ഭ​വി​ക്കാ​ൻ പോ​കു​ന്ന വ​ലി​യൊ​രു നാ​ഷ​ന​ൽ ഇ​വ​ന്റാ​യി അ​ത് മാ​റു​ക​യാ​യി​രു​ന്നു. ഒ​ടു​വി​ൽ ന​വം​ബ​ർ 19ന് ​വാ​സ്കോ ഡ ​ഗാ​മ​ക്കെ​തി​രെ ക​ളി. അ​ന്തി​മ വി​സി​ലി​ന് 12 മി​നി​റ്റ് ബാ​ക്കി​യു​ള്ള​പ്പോ​ൾ ല​ഭി​ച്ച പെ​നാ​ൽ​റ്റി കി​ക്കി​ൽ അ​തു പു​ല​ർ​ന്നു. അ​പ്പോ​ളോ 12 ച​ന്ദ്ര​നി​ൽ ഇ​റ​ങ്ങി​യ​തു​പോ​ലു​ള്ള പ​രി​ഗ​ണ​ന​യാ​യി​രു​ന്നു ബ്ര​സീ​ൽ അ​തി​ന് ന​ൽ​കി​യ​ത്.

1970ലെ ​ലോ​ക​ക​പ്പ് ഫൈ​ന​ൽ പെ​ലെ​യെ ‘മ​ൾ​ട്ടി​മീ​ഡി​യ ഫു​ട്ബാ​ൾ സ്റ്റാ​ർ’ ആ​ക്കി മാ​റ്റി. ഇ​റ്റ​ലി​ക്കെ​തി​രെ 4-1ന് ​ജ​യി​ച്ചു​ക​യ​റി​യ ആ ​ക​ലാ​ശ​പ്പോ​രി​ൽ ബ്ര​സീ​ൽ അ​ത്യു​ഗ്ര​ൻ ക​ളി​യാ​ണ് കെ​ട്ട​ഴി​ച്ച​ത്. ഏ​തൊ​രു ടീ​മി​ന്റെ​യും ഏ​റ്റ​വും മി​ക​ച്ച പെ​ർ​ഫോ​മ​ൻ​സു​ക​ളി​ലൊ​ന്നാ​യി അ​തി​ന്നും എ​ണ്ണ​പ്പെ​ടു​ന്നു. ആ​ദ്യ​ഗോ​ൾ നേ​ടി​യ​തി​നൊ​പ്പം പെ​ലെ നി​റ​ഞ്ഞു​നി​ന്ന ആ ​ക​ളി, ടെ​ലി​വി​ഷ​നി​ൽ ക​ള​റി​ൽ സം​പ്രേ​ഷ​ണം​ചെ​യ്ത ആ​ദ്യ ക​ളി​യാ​യി​രു​ന്നു. ബ്ര​സീ​ലി​ന്റെ മ​ഞ്ഞ​ക്കു​പ്പാ​യം ലോ​കം മു​ഴു​വ​ൻ അ​തി​ന്റെ വ​ർ​ണ​പ്പ​കി​ട്ടി​ൽ ക​ണ്ടു​നി​ന്ന മു​ഹൂ​ർ​ത്തം. വ​ർ​ണസം​ബ​ന്ധി​യാ​യ മ​ഹ​ത്വ​ത്തി​ലേ​ക്കു​ള്ള കാ​ന​റി​ക​ളു​ടെ ആ​ദ്യ​ ചു​വ​ടു​കൂ​ടി​യാ​യി​രു​ന്നു അ​ത്. പെ​ലെ​യു​ടെ മ​ഹ​ത്ത്വം അ​തി​ന്റെ പ​രി​പൂ​ർ​ണ​ത​യി​ൽ പ്ര​കാ​ശി​ച്ച വേ​ള​യും. ബ്ര​സീ​ലി​ന്റെ മു​ൻ​നി​ര ഗാ​യ​ക​രാ​യ ജാ​ക്സ​ൺ ഡോ. ​പാ​ൻ​ഡീ​രോ​യും ചി​കോ ബ്വാ​ർ​ക്കും അ​യാ​ളെ​ക്കു​റി​ച്ച് പാ​ട്ടു​ക​ൾ പാ​ടി. യോ​വോ ക​ബ്രാ​ൽ മെ​ലെ നെ​റ്റോ​യെ​പ്പോ​ലു​ള്ള ക​വി​ക​ൾ ക​വി​ത​ക​ളു​മെ​ഴു​തി. കു​റേ​ക്കാ​ല​ത്തേ​ക്ക് സ്വ​ന്തം റേ​ഡി​യോ ഷോ ​ഉ​ണ്ടാ​യി​രു​ന്നു പെ​ലെ​ക്ക്. ഒ​രു​പാ​ട് റെ​ക്കോ​ഡ് ഹി​റ്റു​ക​ൾ അ​യാ​ൾ റി​ലീ​സ് ചെ​യ്തു. സ്പാ​നി​ഷി​ൽ ടെ​ലി​നോ​വ​ല​ുക​ളെ​ന്നു പ​റ​യു​ന്ന സോ​പ് ഓ​പ​റ​ക​ളി​ൽ താ​ര​മാ​യെ​ത്തി. കോ​ർ​പ​റ​ൽ ലൂ​യി​സ് ഫെ​ർ​ണാ​ണ്ട​സാ​യെ​ത്തി​യ ‘എ​സ്കേ​പ് ടു ​വി​ക്ട​റി’ ഉ​ൾ​പ്പെ​ടെ അ​ഞ്ചു ഫി​ലിം ബ​യോ​ഗ്ര​ഫി​ക​ളി​ൽ അ​യാ​ളാ​യി​രു​ന്നു വി​ഷ​യം. പെ​ലെ എ​ല്ലാം​കൊ​ണ്ടും ഇ​തി​ഹാ​സ​മാ​യി.

അ​മേ​രി​ക്ക​ൻ ‘ദൗ​ത്യം’

ക​ളി​യി​ൽ​നി​ന്ന് വി​ര​മി​ക്കു​ന്ന​തി​നു​മു​മ്പേ മ​റ്റൊ​രു ദൗ​ത്യം​കൂ​ടി ഏ​റ്റെ​ടു​ത്തി​രു​ന്നു പെ​ലെ. 1974ലെ ​സീ​സ​ണി​നൊ​ടു​വി​ൽ 34ാം വ​യ​സ്സി​ൽ ഫ​സ്റ്റ് ക്ലാ​സ് ഫു​ട്ബാ​ളി​ൽ ത​ന്റെ ക​രി​യ​ർ അ​വ​സാ​നി​ച്ചു​വെ​ന്ന് അ​ദ്ദേ​ഹം ഏ​റ​ക്കു​റെ തീ​രു​മാ​നി​ച്ചി​രു​ന്നു. അ​പ്പോ​ഴും മു​ന്നേ​റ്റ​ങ്ങ​ളി​ലെ ത​ന്റെ കൊ​ള്ളി​യാ​ൻ നീ​ക്ക​ങ്ങ​ളെ​പ്പോ​ലെ, അ​പ്ര​തീ​ക്ഷി​ത​മാ​യ ഒ​രു ഗ​തി​മാ​റ്റം അ​യാ​ളെ കാ​ത്തി​രി​പ്പു​ണ്ടാ​യി​രു​ന്നു.

വി​ളി വ​ന്ന​ത് ന്യൂ​യോ​ർ​ക്കി​ൽ​നി​ന്നാ​ണ്. സം​ശു​ദ്ധ ഫു​ട്ബാ​ളി​ന് വേ​രോ​ട്ടം തീ​രെ​യി​ല്ലാ​ത്തൊ​രു മ​ണ്ണി​ൽ​നി​ന്ന്. പൂ​ത്ത കാ​ശു​കാ​രാ​യ വാ​ർ​ണ​ർ ബ്ര​ദേ​ഴ്സ് പ​ണ​മൊ​ഴു​ക്കി​യു​ണ്ടാ​ക്കി​യ ‘ന്യൂ​യോ​ർ​ക് കോ​സ്മോ​സ്’ എ​ന്ന അ​മേ​രി​ക്ക​ൻ ക്ല​ബി​ന് ക​ളി​ക്കാ​നാ​യി​രു​ന്നു ക്ഷ​ണം. നോ​ർ​ത്ത് അ​മേ​രി​ക്ക​ൻ സോ​ക്ക​ർ ലീ​ഗി​ലാ​ണ് കോ​സ്മോ​സ് ക​ളി​ക്കു​ന്ന​ത്. ജ​ർ​മ​ൻ ഇ​തി​ഹാ​സം ഫ്രാ​ൻ​സ് ബ​ക്ക​ൻ​ബ​വ​റെ​യും പി​ന്നീ​ട് പ​ണ​മെ​റി​ഞ്ഞ് സ്വ​ന്ത​മാ​ക്കി​യി​രു​ന്നു വാ​ർ​ണ​ർ സ​ഹോ​ദ​ര​ന്മാ​ർ. 1975ൽ ​പെ​ലെ​ക്ക് വി​ല​യി​ട്ട​ത് അ​ന്ന​ത്തെ 70 ല​ക്ഷം ഡോ​ള​ർ. 18 വ​ർ​ഷം മു​ഴു​വ​ൻ സാ​ന്റോ​സി​ന് ക​ളി​ച്ചി​ട്ടും സ​മ്പാ​ദി​ച്ച​തി​നെ​ക്കാ​ൾ കൂ​ടു​ത​ൽ കാ​ശാ​ണ​ത് എ​ന്നോ​ർ​ക്ക​ണം. കു​റെ നി​ബ​ന്ധ​ന​ക​ൾ ഊ​ട്ടി​യു​റ​പ്പി​ച്ച ക​മ്പ​നി എ​ക്സി​ക്യൂ​ട്ടി​വു​മാ​രു​ടെ ചു​റ്റി​ലു​മി​രു​ന്ന് ക​രാ​ർ പ​റ​ഞ്ഞു​റ​പ്പി​ച്ച് പെ​ലെ ആ ​കൂ​ടു​മാ​റ്റ​ത്തി​ന് ഒ​പ്പു​ചാ​ർ​ത്തി.

പി​ന്നീ​ട് പു​തി​യൊ​രു ഇ​മേ​ജി​ലേ​ക്കും കാ​ഴ്ച​ക​ളി​ലേ​ക്കും പെ​ലെ മാ​റി​യെ​ന്നു പ​റ​യാം. സാ​ന്റോ​സി​ന്റെ​യും ബ്ര​സീ​ലി​ന്റെ​യും അ​തീ​വ ശു​ദ്ധി​യാ​ർ​ന്ന ക​ളി​യൊ​ഴു​ക്കി​ൽ​നി​ന്ന് ഡി​സ്കോ-​ഫ​ങ്ക് സൗ​ണ്ട് ട്രാ​ക്കി​ന്റെ പ​ശ്ചാ​ത്ത​ല മു​ഴ​ക്കം ചേ​ർ​ന്ന​തു​പോ​ലെ​യു​ള്ള ‘മാ​യം ക​ല​ർ​ന്ന’ ക​രി​യ​റെ​ന്ന് തോ​ന്നി​ച്ച കോ​സ്മോ​സ് കാ​ലം. പു​ല്ലി​ല്ലാ​ത്ത ഭാ​ഗ​ങ്ങ​ളി​ൽ ആ​ളെ പ​റ്റി​ക്കാ​ൻ പ​ച്ച പെ​യി​ന്റ​ടി​ച്ച റാ​ൻ​ഡാ​ൾ​സ് ഐ​ല​ൻ​ഡി​ലെ ഡോ​ണി​ങ് സ്റ്റേ​ഡി​യ​ത്തി​ൽ​നി​ന്ന് ബ്രോ​ങ്ക്സി​ലെ യാ​ങ്കീ സ്റ്റേ​ഡി​യ​ത്തി​ലേ​ക്കും ഈ​സ്റ്റ് റൂ​ഥ​ർ​ഫോ​ഡി​ലെ ജ​യ​ന്റ്സ് സ്റ്റേ​ഡി​യ​ത്തി​ലേ​ക്കും കൂ​ടും കു​ടു​ക്ക​യു​മാ​യി കോ​സ്മോ​സ് ഹോം ​സ്റ്റേ​ഡി​യം മാ​റി​ക്ക​ളി​ച്ച കാ​ലം കൂ​ടി​യാ​യി​രു​ന്നു അ​ത്. 1977ലെ ​നോ​ർ​ത്ത് അ​മേ​രി​ക്ക​ൻ സോ​ക്ക​ർ ലീ​ഗ് ചാ​മ്പ്യ​ൻ​ഷി​പ് സീ​സ​ണി​നു​ശേ​ഷം പെ​ലെ ക​ളി​യു​ടെ ക​ള​മൊ​ഴി​ഞ്ഞു. 1977 ഒ​ക്ടോ​ബ​ർ ഒ​ന്നി​നാ​യി​രു​ന്നു ആ ​വി​ട​വാ​ങ്ങ​ൽ മ​ത്സ​രം. ക​രി​യ​റി​ൽ കു​പ്പാ​യ​മി​ട്ട ര​ണ്ടു ക്ല​ബു​ക​ൾ- സാ​ന്റോ​സും കോ​സ്മോ​സും. അ​വ​ർ ത​മ്മി​ലാ​യി​രു​ന്നു ഇ​തി​ഹാ​സ ക​രി​യ​റി​ലെ അ​വ​സാ​ന മ​ത്സ​രം. ആ​ദ്യ പ​കു​തി​യി​ൽ അ​യാ​ൾ കോ​സ്മോ​സി​ന്റെ​യും ര​ണ്ടാം പ​കു​തി​യി​ൽ സാ​ന്റോ​സി​ന്റേ​യും ജ​ഴ്സി​യ​ണി​ഞ്ഞു. കോ​സ്മോ​സി​നു​വേ​ണ്ടി 30 വാ​ര അ​ക​ലെ​നി​ന്നൊ​രു ഫ്രീ​കി​ക്ക് ഗോ​ൾ. സം​ഭ​വ​ബ​ഹു​ല​മാ​യ ക​രി​യ​റി​ലെ അ​വ​സാ​ന​ഗോ​ളാ​യി​രു​ന്നു അ​ത്.

ക​ള​ത്തി​നു പു​റ​ത്ത് പെ​ലെ​യു​ടെ റൊ​മാ​ന്റി​ക് ജീ​വി​തം സ​ങ്കീ​ർ​ണ​ത​ക​ളു​ടേ​താ​യി​രു​ന്നു. മൂ​ന്നു വി​വാ​ഹം, ആ​റു മ​ക്ക​ൾ. പെ​ലെ​യാ​ണ് പി​താ​വെ​ന്ന അ​വ​കാ​ശ​വാ​ദ​വു​മാ​യെ​ത്തി​യ​വ​ർ വേ​റെ​യും. ബി​സി​ന​സ് മേ​ഖ​ല​യി​ലെ പ​രീ​ക്ഷ​ണ​ങ്ങ​ളും പൊ​ട്ടി​പ്പൊ​ളി​ഞ്ഞു. റി​ട്ട​യ​ർ​മെ​ന്റ് കാ​ല​ത്ത് 1994ൽ ​പ്ര​സി​ഡ​ന്റ് ഫെ​ർ​ണാ​ണ്ടോ ഹെ​ന്റി​ക് കൊ​ർ​ഡോ​സോ​യു​ടെ അ​പേ​ക്ഷ മാ​നി​ച്ച് ബ്ര​സീ​ലി​ന്റെ സ്പോ​ർ​ട്സ് മ​ന്ത്രി​യു​മാ​യി. ഫു​ട്ബാ​ളി​നെ ശു​ദ്ധീ​ക​രി​ക്കാ​നു​ള്ള ഒ​രു​ക്ക​ത്തി​ലാ​യി​രു​ന്നു അ​ദ്ദേ​ഹം. പ​ക്ഷേ, നി​ന​ച്ചി​രി​ക്കാ​തെ പ​ല കോ​ണു​ക​ളി​ൽ​നി​ന്നും എ​തി​ർ​പ്പു​ക​ൾ അ​ണ​പൊ​ട്ടി​വ​ന്നു. അ​ഴി​മ​തി​യോ​ട് ഏ​റ്റു​മു​ട്ടു​മ്പോ​ൾ സ്നേ​ഹ​ത്തി​നും വെ​റു​പ്പി​നു​മി​ട​യി​ൽ നേ​ർ​ത്ത വ​ര മാ​ത്ര​മാ​ണു​ള്ള​തെ​ന്നാ​യി​രു​ന്നു പെ​ലെ​യു​ടെ അ​ഭി​പ്രാ​യപ്ര​ക​ട​നം. ക്ല​ബ് പ്ര​സി​ഡ​ന്റു​മാ​ർ ക​ള​മ​റി​ഞ്ഞ് പ​ണ​മൊ​ഴു​ക്ക​ണ​മെ​ന്ന​തി​ൽ തു​ട​ങ്ങി​യ ശു​ദ്ധീ​ക​ര​ണ​ങ്ങ​ൾ താ​ൻ വി​ചാ​രി​ച്ചാ​ൽ മാ​ത്രം ന​ട​ക്കി​ല്ലെ​ന്നു​റ​പ്പാ​യ​തോ​ടെ, മ​ന്ത്രി​ക്കു​പ്പാ​യ​മ​ഴി​ച്ചു​വെ​ച്ച് പെ​ലെ ഭ​ര​ണ​ക്ക​ള​ത്തി​ന് പു​റ​ത്തി​റ​ങ്ങി. ഒ​ടു​വി​ൽ, ഉ​ത്ത​ര​വാ​ദി​ത്ത​ങ്ങ​ളെ​ല്ലാം കൈ​വി​ട്ട് അ​യാ​ൾ അ​തു​മാ​ത്ര​മാ​യി – പെ​ലെ​യെ​ന്ന ഇ​തി​ഹാ​സം. അ​ത​ല്ലാ​ത്ത​തൊ​ന്നും ത​നി​ക്ക് ചേ​രി​ല്ലെ​ന്ന് പെ​ലെ തി​രി​ച്ച​റി​ഞ്ഞി​രി​ക്ക​ണം. അ​പ്പോ​ഴും, 2016ലെ ​ഒ​ളി​മ്പി​ക്സ് ബ്ര​സീ​ലി​ലെ​ത്തി​ക്കാ​നു​ള്ള വി​ജ​യ​ക​ര​മാ​യ ശ്ര​മ​ങ്ങ​ളി​ൽ പെ​ലെ മു​ൻ​പ​ന്തി​യി​ലു​ണ്ടാ​യി​രു​ന്നു. ക​ളി​യു​ടെ അം​ബാ​സ​ഡ​റാ​യി അ​യാ​ൾ ലോ​ക​ത്തി​ന്റെ സ്നേ​ഹാ​ദ​ര​വു​ക​ൾ​ക്ക് ന​ടു​വി​ൽ ഊ​രു​ചു​റ്റി. വി​ര​മി​ച്ച് പ​തി​റ്റാ​ണ്ടു​ക​ൾ പി​ന്നി​ട്ടി​ട്ടും അ​യാ​ളു​ടെ ക​ളി യൂ​ട്യൂ​ബി​ൽപോ​ലും കാ​ണാ​ത്ത പു​തു​ത​ല​മു​റ​ക​ൾ​ക്കും പെ​ലെ രാ​ജാ​വും ഹീ​റോ​യു​മാ​ണ്. അ​ത​യാ​ളെ അ​മ്പ​ര​പ്പി​ക്കു​ക​യും ചെ​യ്യു​ന്നു​ണ്ട്. ‘‘ലോ​കം മു​ഴു​ക്കെ എ​ന്നെ സ്നേ​ഹി​ക്കു​ന്ന​തും ബ​ഹു​മാ​നി​ക്കു​ന്ന​തും കാ​ണു​മ്പോ​ൾ വ​ല്ലാ​ത്ത അ​തി​ശ​യം തോ​ന്നാ​റു​ണ്ട്. വ​ർ​ഷ​ങ്ങ​ൾ​ക്കു മു​മ്പ് ക​ളി നി​ർ​ത്തി​യ ഒ​രാ​ളോ​ടാ​ണ് അ​വ​രി​ങ്ങ​നെ സ്നേ​ഹം കാ​ട്ടു​ന്ന​തെ​ന്ന​ത് തീ​ർ​ത്തും അ​വി​ശ്വ​സ​നീ​യം ത​ന്നെ.’’

***

അ​പ്പോ​ഴും എ​ഡ്സ​ൺ അ​രാ​ന്റ​സ് നാ​സി​മെ​ന്റോ എ​ന്ന അ​യാ​ളി​ലെ പ​ച്ചമ​നു​ഷ്യ​ൻ അ​തു​റ​ക്കെ പ​റ​ഞ്ഞു​കൊ​ണ്ടി​രു​ന്നു. കു​റ​ച്ചു വ​ർ​ഷ​ങ്ങ​ൾ​ക്കു​മു​മ്പ് ബ്രി​ട്ടീ​ഷ് മാ​ധ്യ​മ​പ്ര​വ​ർ​ത്ത​ക​ൻ സൈ​മ​ൺ ഹാ​റ്റ​ൺ​സ്റ്റോ​ണി​ന് ന​ൽ​കി​യ അ​ഭി​മു​ഖ​ത്തി​ലും പെ​ലെ അ​താ​വ​ർ​ത്തി​ച്ചു. ‘‘ഞാ​ൻ പു​റ​ത്തു​പോ​കു​മ്പോ​ഴൊ​ക്കെ ആ​ളു​ക​ൾ കൂ​ട്ടം​കൂ​ടു​ന്നു. അ​വ​ർ പെ​ലെ! പെ​ലെ! പെ​ലെ! എ​ന്ന് ഉ​റ​ക്കെ പ​റ​ഞ്ഞു​കൊ​ണ്ടി​രി​ക്കു​ന്നു. ലോ​കം മു​ഴു​ക്കെ അ​തു​ത​ന്നെ​യാ​ണ് സ്ഥി​തി. ആ​രും എ​ഡ്സ​ണെ ഓ​ർ​ക്കു​ന്നി​ല്ല. എ​ഡ്സ​ൺ എ​ല്ലാ വി​കാ​ര​വി​ചാ​ര​ങ്ങ​ളു​മു​ള്ള സാ​ധാ​ര​ണ മ​നു​ഷ്യ​നാ​ണ്. അ​യാ​ൾ​ക്ക് കു​ടും​ബ​മു​ണ്ട്. ക​ഠി​ന​മാ​യി അ​ധ്വാ​നി​ക്കു​ന്നു​ണ്ട്. എ​ന്നാ​ൽ, പെ​ലെ ഒ​രു ബിം​ബ​മാ​ണ്. പെ​ലെ മ​രി​ക്കു​ന്നി​ല്ല. പെ​ലെ ഒ​രി​ക്ക​ലും മ​രി​ക്കു​ക​യു​മി​ല്ല. പെ​ലെ ചി​ര​പ്ര​തി​ഷ്ഠ നേ​ടു​ന്ന​വ​നാ​ണ്. എ​ന്നാ​ൽ, എ​ഡ്സ​ൺ ഒ​രു സാ​ധാ​ര​ണ മ​നു​ഷ്യ​നാ​ണ്. അ​യാ​ളൊ​രു ദി​വ​സം മ​രി​ച്ചു​പോ​കും. ജ​ന​ങ്ങ​ൾ പ​ക്ഷേ, അ​തു മ​റ​ക്കു​ക​യാ​ണ്.’’

News Summary - ns nisar on pele