Begin typing your search above and press return to search.
proflie-avatar
Login

അ​ല്ലി​യാ​മ്പ​ൽ ക​ട​വും സൂ​ര്യ​കാ​ന്തി​യും

അ​ല്ലി​യാ​മ്പ​ൽ ക​ട​വും സൂ​ര്യ​കാ​ന്തി​യും
cancel

യൂ​സ​ഫ​ലി കേ​ച്ചേ​രി മു​ഴു​വ​ൻ പാ​ട്ടു​ക​ളും എ​ഴു​തി​യ പ്ര​ഥ​മ​ചി​ത്രം 'അ​മ്മു'വാ​ണ്. രാ​മു കാ​ര്യാ​ട്ട് സം​വി​ധാ​നം ചെ​യ്ത, 'മൂ​ടു​പ​ടം'എ​ന്ന ചി​ത്ര​ത്തി​ൽ ഒ​രു ഗാ​നം മാ​ത്രം ര​ചി​ച്ചുകൊ​ണ്ട് മ​ല​യാ​ള​സി​നി​മ​യി​ൽ അ​ദ്ദേ​ഹം ത​ന്റെ സാ​ന്നി​ധ്യം അ​റി​യി​ച്ച കാ​ര്യം നേ​ര​ത്തേ വി​ശ​ദ​മാ​യി പ​റ​ഞ്ഞു​ക​ഴി​ഞ്ഞു. പി.​എ. വാ​ര്യ​രു​ടെ 'ച​വി​ട്ടി​ക്കു​ഴ​ച്ച മ​ണ്ണ്' എ​ന്ന കൃ​തി​യാ​ണ് എ​ൻ.​എ​ൻ.​ പി​ഷാ​ര​ടി​യു​ടെ സം​വി​ധാ​ന​ത്തി​ൽ 'അ​മ്മു' എ​ന്ന ച​ല​ച്ചി​ത്ര​മാ​യി മാ​റി​യ​ത്. വാ​സ​ന്തി​ചി​ത്ര​യു​ടെ ബാ​ന​റി​ൽ എം.​ കേ​ശ​വ​ൻ നി​ർ​മിച്ച ഈ ​സി​നി​മ​യി​ൽ സ​ത്യ​ൻ, മ​ധു, അം​ബി​ക, സു​കു​മാ​രി,...

Your Subscription Supports Independent Journalism

View Plans

യൂ​സ​ഫ​ലി കേ​ച്ചേ​രി മു​ഴു​വ​ൻ പാ​ട്ടു​ക​ളും എ​ഴു​തി​യ പ്ര​ഥ​മ​ചി​ത്രം 'അ​മ്മു'വാ​ണ്. രാ​മു കാ​ര്യാ​ട്ട് സം​വി​ധാ​നം ചെ​യ്ത, 'മൂ​ടു​പ​ടം'എ​ന്ന ചി​ത്ര​ത്തി​ൽ ഒ​രു ഗാ​നം മാ​ത്രം ര​ചി​ച്ചുകൊ​ണ്ട് മ​ല​യാ​ള​സി​നി​മ​യി​ൽ അ​ദ്ദേ​ഹം ത​ന്റെ സാ​ന്നി​ധ്യം അ​റി​യി​ച്ച കാ​ര്യം നേ​ര​ത്തേ വി​ശ​ദ​മാ​യി പ​റ​ഞ്ഞു​ക​ഴി​ഞ്ഞു. പി.​എ. വാ​ര്യ​രു​ടെ 'ച​വി​ട്ടി​ക്കു​ഴ​ച്ച മ​ണ്ണ്' എ​ന്ന കൃ​തി​യാ​ണ് എ​ൻ.​എ​ൻ.​ പി​ഷാ​ര​ടി​യു​ടെ സം​വി​ധാ​ന​ത്തി​ൽ 'അ​മ്മു' എ​ന്ന ച​ല​ച്ചി​ത്ര​മാ​യി മാ​റി​യ​ത്. വാ​സ​ന്തി​ചി​ത്ര​യു​ടെ ബാ​ന​റി​ൽ എം.​ കേ​ശ​വ​ൻ നി​ർ​മിച്ച ഈ ​സി​നി​മ​യി​ൽ സ​ത്യ​ൻ, മ​ധു, അം​ബി​ക, സു​കു​മാ​രി, പ്രേം​ജി, പ്രേം​ന​വാ​സ്, അ​ടൂ​ർ ഭാ​സി, ഇ​ന്ദി​ര ത​മ്പി തു​ട​ങ്ങി​യ​വ​ർ അ​ഭി​ന​യി​ച്ചു.​ പി.​എ. വാ​ര്യ​ർ ത​ന്നെ​യാ​ണ് തി​ര​നാ​ട​ക​വും സം​ഭാ​ഷ​ണ​വും എ​ഴു​തി​യ​ത്. യൂ​സ​ഫ​ലി ര​ചി​ച്ച എ​ട്ടു പാ​ട്ടു​ക​ൾ 'അ​മ്മു'വി​ൽ ഉ​ണ്ടാ​യി​രു​ന്നു. എം.​എ​സ്.​ ബാ​ബു​രാ​ജ് ആ​യി​രു​ന്നു സം​ഗീ​ത​സം​വി​ധാ​യ​ക​ൻ. ഉ​ദ​യ​ഭാ​നു, പി.​ ലീ​ല. പി.​ സു​ശീ​ല, എ​സ്.​ ജാ​ന​കി, എ​ൽ.​ആ​ർ.​ ഈ​ശ്വ​രി എ​ന്നി​വ​രോ​ടൊ​പ്പം ത​മ്പി, ത​ങ്കം എ​ന്നീ പു​തി​യ ഗാ​യ​ക​രും 'അ​മ്മു'വി​നു വേ​ണ്ടി ഗാ​ന​ങ്ങ​ൾ പാ​ടി. എ​സ്.​ ജാ​ന​കി പാ​ടി​യ ''തേ​ടു​ന്ന​താ​രേ ശൂ​ന്യ​ത​യി​ൽ ഈ​റ​ൻ മി​ഴി​ക​ളേ..?'' എ​ന്ന ഗാ​ന​മാ​ണ് ര​ച​ന​യി​ലും സം​ഗീ​ത​ത്തി​ലും മു​ന്നി​ട്ടുനി​ന്ന​ത്. നീ​ലനി​ലാ​വി​ന്റെ ഗ​ദ്ഗ​ദ ധാ​ര​ക​ൾ / നീ​ളെ തു​ളു​മ്പു​മീ രാ​വി​ൽ/​ശോ​ക​ത്തി​ൻ സാ​ഗ​ര​തീ​ര​ത്തി​ലേ​ക​യാ​യ്/ ക​ണ്ണീ​ര​ണി​ഞ്ഞു ഞാ​ൻ നി​ൽ​പ്പൂ.../ തേ​ടു​ന്ന​താ​രേ...തേ​ടു​ന്ന​താ​രേ.... എ​ന്ന ഗാ​നം ഇ​ന്നും ശ്ര​ദ്ധേ​യ​മാ​ണ്.

''ആ​റ്റി​ന​ക്ക​രെ ആ​ലി​ൻ​കൊ​മ്പി​ലെ/​ത​ത്ത​മ്മ പെ​ണ്ണി​ന് ക​ല്യാ​ണം'' എ​ന്ന ഗാ​നം പു​തി​യ ഗാ​യ​ക​രാ​യ ത​മ്പി​യും ത​ങ്ക​വും ചേ​ർ​ന്നു പാ​ടി. കെ.​പി.​ ഉ​ദ​യ​ഭാ​നു​വും എ​സ്.​ ജാ​ന​കി​യും ചേ​ർ​ന്നു പാ​ടി​യ യു​ഗ്മ​ഗാ​നം ഇ​ങ്ങ​നെ തു​ട​ങ്ങു​ന്നു: കൊ​ഞ്ചി​ക്കൊ​ഞ്ചി പാ​ട്ടു പാ​ടും പൂ​ങ്കു​യി​ലേ /നെ​ഞ്ചി​ന്നു​ള്ളി​ൽ കൂ​ടുവെ​ച്ച​തെ​ന്തി​ന്നോ നീ? ​ഈ വ​രി​ക​ൾ പാ​ടു​ന്ന​ത് പു​രു​ഷ​നാ​ണ്. ഇ​തി​നു മ​റു​പ​ടി​യാ​യി പ​ല്ല​വി​യി​ൽ വ​രു​ന്ന സ്ത്രീ​യു​ടെ വ​രി​ക​ൾ ഇ​ങ്ങ​നെ:

കൂ​ട്ടീ​ന്ന​ഴി ക​ളി​ത്തോ​ഴ​ൻ തു​റ​ന്നാ​ലും/​വീ​ണ​മീ​ട്ടി​യി​ണ​ക്കി​ളി ത​പ​സ്സി​രി​ക്കും ഉ​ദ​യ​ഭാ​നു​വും ത​ങ്ക​വും ചേ​ർ​ന്നു പാ​ടി​യ​താ​ണ് താ​ഴെ പ​റ​യു​ന്ന പാ​ട്ട്.

തു​ടികൊ​ട്ടി പാ​ടാം ഞാ​ൻ തു​യി​ലു​ണ​ര് /അ​റി​വു​ള്ള മാ​ളോ​രേ തു​യി​ലു​ണ​ര് /തു​യി​ലു​ണ​ര് തു​യി​ലു​ണ​ര് ... ത​ങ്കം എ​ന്ന ഗാ​യി​ക ത​നി​ച്ചു പാ​ടി​യ പു​ള്ളി​യു​ടു​പ്പി​ട്ടു കൊ​ഞ്ചി​ക്കു​ഴ​യു​ന്ന പൂ​മ്പാ​റ്റേ / ചൂ​ളം വി​ളി​ക്കാ​ൻ പൂ​ങ്കു​യി​ലു​ണ്ടേ/ താ​ളം പി​ടി​ക്കാ​ൻ പൂ​വാ​ല​നു​ണ്ടേ/​തു​ള്ളി​ക്ക​ളി​ക്കാ​ൻ വ​ന്നാ​ട്ടെ ...ഒ​ന്നി​ച്ചൊ​ന്നി​ച്ച് /തു​ള്ളി​ക്ക​ളി​ക്കാ​ൻ വ​ന്നാ​ട്ടെ. പി.​സു​ശീ​ല പാ​ടി​യ അ​മ്പി​ളി​മാ​മാ വാ...​വാ.../​അ​ൻ​പോ​ട​രി​കി​ൽ വാ ​വാ /തം​ബു​രു മീ​ട്ടി താ​രാ​ട്ടു പാ​ടാ​ൻ/ ത​ങ്ക​നി​ലാ​വേ വാ..​.വാ... എ​ന്ന പാ​ട്ടും പി.​ ലീ​ല പാ​ടി​യ മാ​യ​ക്കാ​രാ മ​ണി​വ​ർ​ണാ/​ന​ന്ദ​കു​മാ​രാ എ​ൻ ക​ണ്ണാ... / മു​ര​ളി​യു​മാ​യെ​ന്ന​രി​കി​ൽ വ​ന്നാ​ൽ /ന​ൽ​കാം നി​റ​യെ തൂ​വെ​ണ്ണ...എ​ന്ന പാ​ട്ടും 'അ​മ്മു' എ​ന്ന സി​നി​മ​യി​ൽ ഇ​ടംപി​ടി​ച്ചി​രു​ന്നു.

തെ​യ്യ​ന്നം താ​രോ..​.താ​രോ...​തെ​യ്യ​ന്നം താ​രോ/​കു​ഞ്ഞി​പ്പെ​ണ്ണി​ന് ക​ണ്ണെ​ഴു​താ​ൻ/ മ​യ്യൊ​രു​ക്കി മാ​നം/ മ​ണ്ണി​ൻ മാ​റി​ലെ ദാ​ഹം മാ​റ്റാ​ൻ /ത​ണ്ണീ​രി​ത്തി​രി ത​ന്നാ​ട്ടേ...എ​ന്ന് തു​ട​ങ്ങു​ന്ന സം​ഘ​ഗാ​നം എ​സ്.​ ജാ​ന​കി, എ​ൽ.​ആ​ർ.​ ഈ​ശ്വ​രി, എം.​എ​സ്.​ ബാ​ബു​രാ​ജ്, മ​ച്ചാ​ട് വാ​സ​ന്തി, ത​മ്പി എ​ന്നി​വ​ർ ചേ​ർ​ന്നാ​ണ് പാ​ടി​യ​ത്. 1965 മേയ്​ ഏ​ഴിനാണ് അ​മ്മു എ​ന്ന ചി​ത്രം തിയ​റ്റ​റു​ക​ളി​ൽ എ​ത്തി​യ​ത്.​ ചി​ത്രം സാ​മ്പ​ത്തികവി​ക​വി​ജ​യം നേ​ടി​യി​ല്ല. യൂ​സ​ഫ​ലി​യും ബാ​ബു​രാ​ജും ചേ​ർ​ന്നൊ​രു​ക്കി​യ പാ​ട്ടു​ക​ളി​ൽ ''തേ​ടു​ന്ന​താ​രേ ശൂ​ന്യ​ത​യി​ൽ ഈ​റ​ൻ​മി​ഴി​ക​ളേ..?'' എ​ന്ന ഗാ​നം വ​ർ​ഷ​ങ്ങ​ൾ ക​ഴി​ഞ്ഞി​ട്ടും മ​ല​യാ​ളി​ക​ളു​ടെ ഓ​ർ​മ​യി​ൽ നി​ലനി​ൽ​ക്കു​ന്നു. 'കു​ട്ടി​ക്കു​പ്പാ​യ​'ത്തി​ന്റെ പി​ന്നാ​ലെ വ​ന്ന സു​ബൈ​ദ, കു​പ്പി​വ​ള എ​ന്നീ ചി​ത്ര​ങ്ങ​ളെ​പോ​ലെ മുസ്​ലിം കു​ടും​ബ​ങ്ങ​ളു​ടെ ക​ഥ​പ​റ​യു​ന്ന മ​റ്റൊ​രു ചി​ത്രംകൂ​ടി രൂ​പംകൊ​ണ്ടു. ഇ​ക്ബാ​ൽ പി​ക്ചേ​ഴ്സി​നു വേ​ണ്ടി എ​ച്ച്.​എം. യൂ​സ​ഫ് സേ​ട്ട് നി​ർ​മി​ച്ച 'ത​ങ്ക​ക്കു​ടം' എ​ന്ന ചി​ത്രം 1965 മേ​യ് 28നാ​ണ് പ്ര​ദ​ർ​ശ​ന​ത്തി​നെ​ത്തി​യ​ത്. മൊ​യ്തു​ പ​ടി​യ​ത്ത് ക​ഥ​യും സം​ഭാ​ഷ​ണ​വും എ​ഴു​തി​യ 'ത​ങ്ക​ക്കു​ടം' എ​സ്.​എ​സ്.​ രാ​ജ​ൻ സം​വി​ധാ​നം ചെ​യ്തു. ന​ട​ൻ സ​ത്യ​ൻ മാ​സ്റ്റ​റു​ടെ അ​നു​ജ​നാ​യ എം.​എം.​ നേ​ശ​ൻ ഈ ​ചി​ത്ര​ത്തി​ന്റെ സ​ഹ​സം​വി​ധാ​യ​ക​ൻ ആ​യി​രു​ന്നു. പി.​ ഭാ​സ്ക​ര​ൻ -ബാ​ബു​രാ​ജ് ടീ​മി​ന്റെ ഗാ​ന​ങ്ങ​ൾത​ന്നെ​യാ​യി​രു​ന്നു ഈ ​ചി​ത്ര​ത്തി​ന്റെ​യും പ്ര​ധാ​ന ആ​ക​ർ​ഷ​ണ ഘ​ട​കം. പ്രേംനസീർ, അംബിക, ഷീല, എ​സ്.​ മു​ത്ത​യ്യ, അ​ടൂ​ർ ഭാ​സി, ഹാ​ജി അ​ബ്ദു​ൽറ​ഹി​മാ​ൻ, നി​ലമ്പൂർ അ​യി​ഷ, മീ​ന, ഫി​ലോ​മി​ന തു​ട​ങ്ങി​യ ന​ടീ​ന​ട​ന്മാ​ർ അ​ഭി​ന​യി​ച്ച 'ത​ങ്ക​ക്കു​ട​'ത്തി​ലെ പി​ന്ന​ണി​ഗാ​യ​ക​ർ ക​മു​ക​റ പു​രു​ഷോ​ത്ത​മ​ൻ, യേ​ശു​ദാ​സ്, പി.​ സു​ശീ​ല, എ​സ്.​ ജാ​ന​കി, ഉ​ദ​യ​ഭാ​നു, എ​ൽ.​ആ​ർ.​ ഈ​ശ്വ​രി, മെ​ഹ​ബൂ​ബ് എ​ന്നി​വ​ർ ആ​യി​രു​ന്നു.​ എ​സ്.​ ജാ​ന​കി പാ​ടി​യ താ​രാ​ട്ട് വ​ള​രെ മ​നോ​ഹ​ര​മാ​ണ്. രാ​രീ​രം രാ​രീ​രം രാ​രീ​രം രാ​രാ​രോ.../ മ​ധു​രി​ക്കും മാ​ത​ള​പ്പ​ഴ​മാ​ണ് –നി​ന്നെ/ മ​റ്റാ​ർ​ക്കും തി​ന്നാ​ൻ കി​ട്ടൂ​ല്ല/ മ​ണ​മു​ള്ള മ​ന്ദാ​ര​മ​ല​രാ​ണ്... /മാ​ല​യി​ൽ കോ​ർ​ക്കാ​ൻ പ​റ്റൂ​ല്ല. യേ​ശു​ദാ​സ് പാ​ടി​യ ഗാ​ന​വും നൂ​ത​ന​ത്വ​മു​ള്ള​താ​യി​രു​ന്നു. പ​ട​ച്ച​വ​ൻ വ​ള​ർ​ത്തു​ന്ന പ​നി​നീ​ർ​പ്പൂ​ങ്കാ​വി​നു​ള്ളി​ൽ/ പ​റ​ന്നു പ​റ​ന്നു പാ​റും കു​രു​വി​ക​ളേ/​പ​ണ്ടൊ​രി​ക്ക​ൽ ഞാ​നും നി​ങ്ങ​ൾ/ ക​ളി​ക്കു​മാ ബാ​ല്യ​ത്തി​ന്റെ / പ​രി​ശു​ദ്ധ മ​ല​ർ​ക്കാ​വി​ൽ ക​ളി​ച്ചി​രു​ന്നു... ഉ​ദ​യ​ഭാ​നു പാ​ടി​യ ഗാ​ന​വും ശ​രാ​ശ​രി​ക്ക് മു​ക​ളി​ൽ ത​ന്നെ. പ​ഞ്ചാ​ര​പ്പു​ഞ്ചി​രി പൂ​ക്ക​ൾ നി​റ​ച്ചൊ​രു /പു​ന്നാ​ര​ത​ങ്ക​ക്കു​ട​മ​ല്ലേ... /ക​ണ്ണെ​ഴു​ത്തെ​ന്തി​ന് / ക​ന​ക​വ​ള​യെ​ന്തി​ന് /ക​ണ്ടാ​ലാ​രും കൊ​തി​ക്കു​മ​ല്ലോ... എ​ന്നി​ങ്ങ​നെ തു​ട​ങ്ങു​ന്ന ഗാ​നം.

മുസ്​ലിം കു​ടും​ബ​ത്തി​ന്റെ ക​ഥ പ​റ​യു​ന്ന 'ത​ങ്ക​ക്കു​ടം' എ​ന്ന സി​നി​മ​യി​ൽ ക​മു​ക​റ പു​രു​ഷോ​ത്ത​മ​നും പി.​ സു​ശീ​ല​യും ചേ​ർ​ന്നു പാ​ടി​യ ഒ​രു ക്രിസ്ത്യ​ൻ ഭ​ക്തി​ഗാ​ന​വും ഇ​ടംപി​ടി​ച്ചു. യേ​ശു​നാ​യ​കാദേ​വാ/​സ്നേ​ഹ​ഗാ​യ​കാ / പ​റു​ദീ​സാ ത​ന്നി​ലെ പ​ട്ടൊ​ളി​മെ​ത്ത​യി​ൽ / പ​രി​പൂ​ത​മാ​ക്കി​യ മ​ശി​ഹാ​യെ /പാ​രി​നെ ര​ക്ഷി​ക്കാ​ൻ/​പ​ശു​വി​ൻ തൊ​ഴു​ത്തി​ലെ /പാ​ഴ്പു​ല്ലി​ൻ മേ​ലെ കി​ട​ന്നു നീ ... ​എ​ന്നി​ങ്ങ​നെ തു​ട​രു​ന്ന ഗാ​നം മി​ക​ച്ച ഭ​ക്തി​ഗാ​നം ത​ന്നെ. എ​ൽ.​ആ​ർ.​ ഈ​ശ്വ​രി​യും സം​ഘ​വും പാ​ടി​യ 'ത​ങ്ക​ക്കു​ട​'ത്തി​ലെ മ​റ്റൊ​രു ഗാ​നം വ​ള​രെ പ്ര​ശ​സ്ത​മാ​ണ്.

മ​ല​യാ​ള​ത്തി​ൽ പെ​ണ്ണി​ല്ലാ​ഞ്ഞ് /മ​റു​ദേ​ശ​ത്തും പെ​ണ്ണി​ല്ലാ​ഞ്ഞ് /ബ​ഹ​റി​ന്റെ അ​ക്ക​രെ നി​ന്നൊ​രു/ മ​ണ​വാ​ട്ടി പെ​ൺ​കൊ​ടി വ​ന്നേ... പ​ല്ല​വി കേ​ൾ​ക്കു​മ്പോ​ൾ ത​ന്നെ ഈ ​ഗാ​നം പൂ​ർ​ണ​മാ​യും എ​ന്റെ ഓ​ർ​മ​യി​ലെ​ത്തും. തു​ട​ർ​ന്നു​ള്ള വ​രി​ക​ൾ ഇ​ങ്ങ​നെ: മ​ണ​വാ​ട്ടി​പ്പെ​ണ്ണി​നി​ണ​ങ്ങി​യ/​മാ​പ്പി​ള​യെ കി​ട്ടാ​ഞ്ഞി​ട്ട് /ജ​ന്ന​ത്തി​ൽനി​ന്നും ന​ല്ലൊ​രു / പു​ന്നാ​ര​മാ​ര​ൻ വ​ന്നേ... മാ​ര​ൻ വ​ന്നേ... ഭാ​സ്ക​ര​ൻ മാ​സ്റ്റ​റു​ടെ ന​ർ​മ​ബോ​ധ​മി​ക​വി​ന് ഉ​ത്ത​മ​ ദൃ​ഷ്ടാ​ന്ത​മാ​ണ് ഇ​നി​യു​മു​ള്ള വ​രി​ക​ൾ. മേ​ലാ​കെ പൊ​ന്ന​ണി​യി​ക്കാ​ൻ /ഭൂ​ലോ​ക​ത്തി​ൽ പൊ​ന്നി​ല്ലാ​ഞ്ഞ് /അ​മ്പി​ളി ത​ൻ നാ​ട്ടി​ൽ ചെ​ന്ന് / പൊ​ൻ​പ​വ​നും വാ​ങ്ങി​യൊ​രു​ക്കി/​മാ​ങ്ക​ണ്ണി​ൽ മ​യ്യെ​ഴു​തി​ക്കാ​ൻ/​മ​ന്നി​തി​ലെ മ​ഷി പോ​രാ​ഞ്ഞ് / ന​ക്ഷ​ത്ര​ചെ​പ്പി​ൽനി​ന്നും/​നാ​ലു​തോ​ണ്ടു മ​യ്യും വാ​ങ്ങി എ​ന്നി​ങ്ങ​നെ തു​ട​രു​ന്നു പാ​ട്ടി​ലെ വ​രി​ക​ൾ. ന​ക്ഷ​ത്ര​ചെ​പ്പി​ൽനി​ന്ന് നാ​ല് തോ​ണ്ടു മ​ഷി എ​ന്ന പ്ര​യോ​ഗ​ത്തി​ൽ എ​ത്ര സൂ​ക്ഷ്മ​ത​യോ​ടെ​യാ​ണ് ക​വി എ​ഴു​തു​ന്ന​തെ​ന്നു കാ​ണാം. ക​ണ്ണെ​ഴു​താ​നു​ള്ള മ​ഷി വി​ര​ൽ കൊ​ണ്ട് തോ​ണ്ടി​യെ​ടു​ക്ക​യാ​ണ​ല്ലോ പ​തി​വ്. കെ.​പി.​ ഉ​ദ​യ​ഭാ​നു പാ​ടി​യ മ​ന്ദാ​ര​പു​ഞ്ചി​രി​പൂ​ക്ക​ൾ നി​റ​ച്ചൊ​രു/​പു​ന്നാ​ര ത​ങ്ക​ക്കു​ട​മ​ല്ലേ /ക​ണ്ണെ​ഴു​ത്തെ​ന്തി​നു ക​ന​ക​വ​ള​യെ​ന്തി​ന് / ക​ണ്ടാ​ലാ​രും കൊ​തി​ക്കു​മ​ല്ലോ എ​ന്ന ഗാ​ന​വും ന​ന്നാ​യി​രു​ന്നു. മെ​ഹ​ബൂ​ബ് പാ​ടി​യ ഹോ​ട്ട​ൽ ഭ​ക്ഷ​ണപ്പാ​ട്ട് ത​ങ്ക​ക്കു​ടം എ​ന്ന സി​നി​മ പു​റ​ത്തു വ​ന്ന കാ​ല​ത്ത് പെ​ട്ടെ​ന്ന് പ്ര​സി​ദ്ധ​മാ​യി. കോ​യി​ക്കോ​ട്ട​ങ്ങാ​ടീ​ലെ/​കോ​യാ​ക്കാന്റെ​ ക​ട​യി​ലെ/​കോ​യീ​ന്റെ ക​റി​യു​ടെ ചാ​റ്...​ഹ...​ഹ.../ബാ​യ​ക്കാ ബ​റു​ത്ത​തും ജോ​റ് /കൊ​ച്ചീ​ല​ങ്ങാ​ടീ​ലു​ള്ള / കൊ​ച്ചി​ക്കാ​ന്റെ ഹോ​ട്ട​ലി​ല്- / ബെ​ച്ചു​ള്ള ക​രി​മീ​ന്റെ ചാ​റ്--മു​ന്നി​ല് /ബെ​ച്ചാ​ലോ മാ​റും ന​മ്മ​ടെ മോ​റ് ഇ​ങ്ങ​നെ വി​വി​ധ സ്ഥ​ല​ങ്ങ​ളി​ലു​ള്ള പ​ല​ത​രം ഭ​ക്ഷ​ണ​സാ​ധ​ന​ങ്ങ​ൾ​ പാ​ട്ടി​നു വി​ഷ​യ​മാ​കു​ന്നു. മെ​ഹ്ബൂ​ബി​ന്റെ ആ​ലാ​പ​നം ഈ ​പാ​ട്ട് ഏ​റെ ര​സ​ക​ര​മാ​ക്കു​ന്നു.

'റോ​സി' എ​ന്ന മ​ല​യാ​ള ചി​ത്ര​ത്തെ​ക്കു​റി​ച്ചു കേ​ൾ​ക്കു​മ്പോ​ൾ ത​ന്നെ ന​മ്മു​ടെ ഓ​ർ​മയി​ൽ എ​ത്തു​ന്ന​ത് യേ​ശു​ദാ​സ് ആ​ദ്യ​കാ​ല​ത്തു പാ​ടി​യ അ​തി​മ​നോ​ഹ​ര​മാ​യ ഒ​രു പ്ര​ണ​യ​ഗാ​ന​മാ​ണ്. പി.​ ഭാ​സ്ക​ര​ൻ എ​ഴു​തി ജോ​ബ് എ​ന്ന സം​ഗീ​ത​സം​വി​ധാ​യ​ക​ൻ ഈ​ണ​മി​ട്ട ആ ​പാ​ട്ടി​നെ​ക്കു​റി​ച്ച് കേ​ൾ​ക്കാ​ത്ത മ​ല​യാ​ളി​ക​ൾ ഉ​ണ്ടാ​കാ​ൻ വ​ഴി​യി​ല്ല. വൃ​ന്ദാ​വ​ൻ പി​ക്ചേ​ഴ്സി​ന്റെ വി​ലാ​സ​ത്തി​ൽ മ​ണി എ​ന്ന മ​ണി​സ്വാ​മി നി​ർ​മി​ച്ച 'റോ​സി' എ​ന്ന സി​നി​മ​യു​ടെ ക​ഥാ​കൃ​ത്തും സം​വി​ധാ​യ​ക​നും അ​ക്കാ​ല​ത്ത് ക​ലാ​സം​വി​ധാ​യ​ക​ൻ എ​ന്ന നി​ല​യി​ലും പോ​സ്റ്റ​ർ ഡി​സൈ​ന​ർ എ​ന്ന നി​ല​യി​ലും പ്ര​ശ​സ്ത​നാ​യ പി.​എ​ൻ. മേ​നോ​ൻ ആ​യി​രു​ന്നു. സ്റ്റു​ഡി​യോ സെ​റ്റു​ക​ളി​ൽനി​ന്ന് മ​ല​യാ​ള സി​നി​മ​യെ സാ​ധാ​ര​ണ​ വീ​ടു​ക​ളി​ലേ​ക്കും പ്ര​കൃ​തി​യി​ലേ​ക്കും കൊ​ണ്ടു​വ​രു​ന്ന​തി​ന് മു​ൻ​കൈ എ​ടു​ത്ത​ത് അ​തു​വ​രെ സ്റ്റു​ഡി​യോ​യി​ൽ സെ​റ്റു​ക​ൾ നി​ർ​മി​ക്കു​ന്ന​തി​ന് നേ​തൃ​ത്വം വ​ഹി​ച്ച ഒ​രു ക​ലാ​സം​വി​ധാ​യ​ക​ൻ ആ​യി​രു​ന്നു എ​ന്ന​ത് ചി​ന്ത​നീ​യ​മാ​യ കാ​ര്യ​മാ​ണ്. ഇ.​എ​ൻ.​ ബാ​ല​കൃ​ഷ്ണ​ൻ ആ​ണ് റോ​സി​യു​ടെ ഛായാ​ഗ്ര​ഹ​ണം നി​ർ​വ​ഹി​ച്ച​ത്.


പ്രേം​ന​സീ​ർ ചി​ത്ര​ത്തി​ൽ അ​ഭി​ന​യി​ച്ചു. എ​ങ്കി​ലും 'റോ​സി​'യി​ലെ പ്ര​ധാ​ന ക​ഥാ​പാ​ത്ര​മാ​യ തോ​മായെ ​അ​വ​ത​രി​പ്പി​ച്ച​ത് പി.​ജെ.​ ആ​ന്റ​ണി​യാ​യി​രു​ന്നു. അ​തു​പോ​ലെ വി​ജ​യ​നി​ർ​മ​ല എ​ന്ന ന​ടി ചി​ത്ര​ത്തി​ൽ ഉ​ണ്ടാ​യി​രു​ന്നെ​ങ്കി​ലും സി​നി​മ​യി​ലെ പ്ര​ധാ​ന സ്ത്രീ​ക​ഥാ​പാ​ത്ര​മാ​യ 'റോ​സി'യാ​യി അ​ഭി​ന​യി​ച്ച​ത് അ​ന്ന് വ​ള​രെ ചെ​റു​പ്പ​മാ​യി​രു​ന്ന ക​വി​യൂ​ർ പൊ​ന്ന​മ്മ​യാ​ണ്. ചി​ത്ര​ത്തി​ലെ പ്ര​ധാ​ന പു​രു​ഷ ക​ഥാ​പാ​ത്ര​മാ​യ തോ​മായെ അ​വ​ത​രി​പ്പി​ച്ച പി.​ജെ. ​ആ​ന്റ​ണി​യാ​ണ് 'റോ​സി'യു​ടെ തി​ര​ക്ക​ഥ​യും സം​ഭാ​ഷ​ണ​വും എ​ഴു​തി​യ​ത്. 'റോ​സി​'യി​ലെ എ​ല്ലാ പാ​ട്ടു​ക​ളും ന​ന്നാ​യി​രു​ന്നു. യേ​ശു​ദാ​സ് പാ​ടി​യ ''അ​ല്ലി​യാ​മ്പ​ൽ​ക്ക​ട​വി​ൽ'' തീ​ർ​ച്ച​യാ​യും ഒ​ന്നാം​സ്ഥാ​ന​ത്തുത​ന്നെ. അ​തേസ​മ​യം എ​ൽ.​ആ​ർ.​ ഈ​ശ്വ​രി പാ​ടി​യ ''ചാ​ല​ക്കു​ടി​പു​ഴ​യും വെ​യി​ലി​ൽ ച​ന്ദ​ന​ച്ചോ​ല​യെ​ടീ'' എ​ന്ന പാ​ട്ടും ഹി​റ്റ് ചാ​ർ​ട്ടി​ൽ ഇ​ടംപി​ടി​ച്ച​താ​ണ്. യേ​ശു​ദാ​സും സം​ഘ​വും പാ​ടി​യ വെ​ളു​ക്കു​മ്പം പു​ഴ​യോ​രു ക​ളി​ക്കു​ട്ടി/​വെ​ള്ളാ​ര​ങ്ക​ല്ലെ​ടു​ത്ത് വെ​ള്ള​മ​ണ​ൽ​ത്തി​ട്ട​ക​ളി​ൽ/ തു​ള്ളി​ക്ക​ളി​ക്ക​ണ ക​ളി​ക്കു​ട്ടി / ആ​ഹാ--​ക​ളി​ക്കു​ട്ടി എ​ന്ന പാ​ട്ടും സ​ഹൃ​ദ​യ​പി​ന്തു​ണ നേ​ടി. എ​ൽ.​ആ​ർ.​ ഈ​ശ്വ​രി​യും ഉ​ദ​യ​ഭാ​നു​വും ചേ​രു​ന്ന ഒ​രു ഗാ​നം കൂ​ടി 'റോ​സി'യി​ൽ ഉ​ണ്ടാ​യി​രു​ന്നു. ഇ​തി​ൽ ഉ​ദ​യ​ഭാ​നു​വി​ന്റെ ചോ​ദ്യ​രൂ​പ​ത്തി​ലു​ള്ള ചി​ല വാ​ക്കു​ക​ൾ മാ​ത്ര​മേ​യു​ള്ളൂ. മു​ഴു​വ​ൻ വ​രി​ക​ളും പാ​ടു​ന്ന​ത് ഈ​ശ്വ​രി​യാ​ണ്. ക​ണ്ണി​ലെ​ന്താ​ണ് ക​ണ്ണി​ലെ​ന്താ​ണ് /ക​ന​ക​ക്കി​നാ​വ്ന്റെ മ​യ്യ്/ മ​യ്യി​ലെ​ന്താ​ണ് -മ​റ്റാ​ർ​ക്കും കാ​ണാ​ൻ / വ​യ്യാ​ത്ത സ്നേ​ഹ​ത്തി​ൻ ത​യ്യ് എ​ന്ന ഗാ​ന​വും വ്യ​ത്യ​സ്ത​ത​യു​ള്ള​താ​യി​രു​ന്നു. പി.​ ലീ​ല പാ​ടി​യ നാ​ട​ൻ​ശൈ​ലി​യി​ലു​ള്ള ''എ​ങ്കി​ലോ പ​ണ്ടൊ​രു കാ​ലം...'' എ​ന്നാ​രം​ഭി​ക്കു​ന്ന ഗാ​നം സ​ന്ദ​ർ​ഭ​വു​മാ​യി അ​ലി​ഞ്ഞൊ​ഴു​കി​യെ​ന്ന​തും സ​ത്യം... / എ​ങ്കി​ലോ പ​ണ്ടൊ​രു കാ​ലം /മം​ഗ​ലാം​ഗ​ൻ രാ​മ​ദേ​വ​ൻ/ പ​തി​നാ​ലാ​ണ്ടു കാ​ട്ടി​ൽ പാ​ർ​ക്കാ​ൻ/​ വ്ര​ത​മെ​ടു​ത്ത് പോ​കും​നേ​രം/​ഗു​ണ​വ​തി​യാം സീ​താ​ദേ​വി/ ക​ണ​വ​ൻ ത​ന്റെ കൂ​ടെ ചെ​ന്നാ​ൾ...

'റോ​സി' എ​ന്ന സി​നി​മ ഒ​രു മി​ക​ച്ച സം​വി​ധാ​യ​ക​ന്റെ (പി.​എ​ൻ.​ മേ​നോ​ൻ) വ​ര​വ​റി​യി​ക്കു​ന്ന ചി​ത്ര​മാ​യി​രു​ന്നു. 1965 ജൂ​ൺ നാ​ലിനാണ്​ റോ​സി എ​ന്ന ചി​ത്രം പു​റ​ത്തു വ​ന്ന​ത്. ചി​ത്ര​ത്തി​ന്റെ നി​ർ​മാ​താ​വാ​യ എം.​കെ.​ വെ​ങ്കി​ടാ​ദ്രി എ​ന്ന മ​ണി​സ്വാ​മി റോ​സി​യാ​യി അ​ഭി​ന​യി​ച്ച ക​വി​യൂ​ർ പൊ​ന്ന​മ്മ​യെ വി​വാ​ഹം ക​ഴി​ച്ചു. 'റോ​സി​'യി​ലെ മി​ക​ച്ച പാ​ട്ടു​ക​ൾ ഒ​രു​ക്കി​യ ജോ​ബ് എ​ന്ന സം​ഗീ​ത​സം​വി​ധാ​യ​ക​ന് എ​ന്തു​കൊ​ണ്ടോ മ​ല​യാ​ള​ത്തി​ലെ സം​ഗീ​ത​സം​വി​ധാ​യ​ക​രു​ടെ മു​ൻ​നി​ര​യി​ലേ​ക്ക് വ​രാ​ൻ സാ​ധി​ച്ചി​ല്ല, ഏ​താ​നും ചി​ത്ര​ങ്ങ​ൾ​ക്ക് കൂ​ടി അ​ദ്ദേ​ഹം സം​ഗീ​ത​സം​വി​ധാ​നം നി​ർ​വ​ഹി​ച്ചു. എ​ന്നാ​ൽ ജോ​ബ് എ​ന്ന പേ​ര് കേ​ൾ​ക്കു​മ്പോ​ൾ സം​ഗീ​ത​ത്തെ സ്നേ​ഹി​ക്കു​ന്ന​വ​ർ ''അ​ല്ലി​യാ​മ്പ​ൽ​ക്ക​ട​വി​ല​ന്ന​ര​യ്ക്കു വെ​ള്ളം'' എ​ന്ന വ​രി​ക​ളേ ആ​ദ്യം ഓ​ർ​മിക്കു​ക​യു​ള്ളൂ. ഉ​ദ​യാ​ സ്റ്റു​ഡി​യോ​യു​ടെ എ​ക്സെ​ൽ പ്രൊ​ഡ​ക്ഷ​ൻ​സ് നി​ർ​മി​ച്ച 'കാ​ട്ടു​തു​ള​സി' എ​ന്ന സി​നി​മ സം​വി​ധാ​നം ചെ​യ്ത​ത് എം.​ കൃ​ഷ്ണ​ൻ നാ​യ​ർ ആ​യി​രു​ന്നു.​ അ​ദ്ദേ​ഹ​ത്തി​ന്റെ ഇ​ഷ്ട​ക​വി​യാ​യ വ​യ​ലാ​റും ഉ​റ്റ​ സു​ഹൃ​ത്താ​യ എം.​എ​സ്.​ ബാ​ബു​രാ​ജും ത​ന്നെ ആ ​ചി​ത്ര​ത്തി​ന് പാ​ട്ടു​ക​ളൊ​രു​ക്കി, സം​ഗീ​ത​പ്ര​ധാ​ന​മാ​യ ആ ​സി​നി​മ​യി​ലെ എ​ല്ലാ പാ​ട്ടു​ക​ളും ഒ​ന്നി​നൊ​ന്നു മെ​ച്ച​മാ​യി​രു​ന്നു. മ​ല​യാ​ള​ സി​നി​മാ​ഗാ​ന​ങ്ങ​ളു​ടെ ച​രി​ത്ര​ത്തി​ൽ അ​വി​സ്മ​ര​ണീ​യ​മാ​യ സ്ഥാ​ന​മു​ള്ള ''സൂ​ര്യ​കാ​ന്തീ, സൂ​ര്യ​കാ​ന്തീ സ്വ​പ്നം കാ​ണു​വ​താ​രെ?'' എ​ന്ന എ​സ്.​ ജാ​ന​കി പാ​ടി​യ ഗാ​നം ഈ ​ചി​ത്ര​ത്തി​ലാ​ണു​ള്ള​ത്. പി.​ സു​ശീ​ല പാ​ടി​യ ''ഗം​ഗ​യാറൊ​ഴു​കു​ന്ന നാ​ട്ടി​ൽനി​ന്നൊ​രു ഗ​ന്ധ​ർ​വനീ വ​ഴി വ​ന്നു...''എ​ന്ന ഗാ​ന​വും ഈ ​ചി​ത്ര​ത്തി​ലു​ള്ള​താ​ണ്.

ഗം​ഗ​യാ​റൊ​ഴു​കു​ന്ന നാ​ട്ടി​ൽ​നി​ന്നൊ​രു/ ഗ​ന്ധ​ർ​വ​നീവ​ഴി വ​ന്നു/പ​ണ്ടൊ​രു/​ഗ​ന്ധ​ർവനീ വ​ഴി വ​ന്നു. /അ​ന്നാ​രം​പു​ന്നാ​രം കാ​ട്ടി​ന​ക​ത്തൊ​രു / പെ​ണ്ണി​നെ മോ​ഹി​ച്ചു നി​ന്നു-അ​വ​നൊ​രു /പെ​ണ്ണി​നെ മോ​ഹി​ച്ചു നി​ന്നു/ ഗ​ന്ധ​ർ​വ​ന​വ​ളു​ടെ താ​മ​ര​വി​ര​ലി​ൽ /ക​ല്യാ​ണ​മോ​തി​ര​മ​ണി​യി​ച്ചു/​ഒ​ന്നി​ച്ചി​രു​ന്ന​വ​ർ പാ​ട്ടു​ക​ൾ പാ​ടീ /ക​ണ്ണെ​ഴു​ത്തും പൂ​ക്ക​ൾ ചൂ​ടി... ര​ച​ന​യി​ലും സം​ഗീ​ത​ത്തി​ലും ഉ​ന്ന​ത​മാ​യ സ്ഥാ​നം നേ​ടി​യ ഈ ​പാ​ട്ടു​ക​ളെ​പ്പ​റ്റി ആ​ർ​ക്കാ​ണ് അ​റി​ഞ്ഞുകൂ​ടാ​ത്ത​ത്? കു​ഞ്ചാ​ക്കോ നി​ർ​മിച്ച 'കാ​ട്ടു​തു​ള​സി'യി​ൽ സ​ത്യ​ൻ, കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ, ശാ​ര​ദ, ഉ​ഷാ​കു​മാ​രി (വെ​ണ്ണീ​റ​ആ​ടൈ നി​ർ​മല), അ​ടൂ​ർ ഭാ​സി, എ​സ്.​പി.​ പി​ള്ള തു​ട​ങ്ങി​യ​വ​ർ അ​ഭി​ന​യി​ച്ചു. 1965 ജൂ​ലൈ ഒ​മ്പ​താം തീ​യ​തി പു​റ​ത്തു​വ​ന്ന ഈ ​ചി​ത്ര​ത്തി​ൽ ആ​കെ എ​ട്ടു പാ​ട്ടു​ക​ൾ ഉ​ണ്ടാ​യി​രു​ന്നു. സൂ​ര്യ​കാ​ന്തീ സൂ​ര്യ​കാ​ന്തീ സ്വ​പ്നം കാ​ണു​വ​താ​രേ –ആ​രേ/​സ്വ​പ്നം കാ​ണു​വ​താ​രേ/​പ്രേ​മ​പൂ​ജാ പു​ഷ്പ​വു​മാ​യ് നീ / ​തേ​ടു​വ​താ​രേ...​ആ​രേ /എ​ന്ന ഗാ​നം ര​ച​ന​യി​ലും ഈ​ണ​ത്തി​ലും അ​സാ​ധാ​ര​ണ​മാ​യ ഔ​ന്ന​ത്യം വ​ഹി​ക്കു​ന്നു. ആ​രു​ടെ ക​ന​ക​മ​നോ​ര​ഥ​മേ​റി/​ആ​രു​ടെ രാ​ഗ​പ​രാ​ഗം തേ​ടി /നീ​ല​ഗ​ഗ​ന​വ​ന​വീ​ഥി​യി​ൽ നി​ൽ​പ്പൂ / നി​ഷ്പ്ര​ഭ​നാ​യ് നി​ൻ നാ​ഥ​ൻ എ​ന്നീ വ​രി​ക​ളി​ൽ ഗാ​നം അ​വ​സാ​നി​ക്കു​മ്പോ​ൾ ശ്രോ​താ​ക്ക​ൾ​ക്കു​ണ്ടാ​കു​ന്ന അ​നു​ഭൂ​തി അ​വ​ർ​ണ​നീ​യംത​ന്നെ. യേ​ശു​ദാ​സ് പാ​ടി​യ വെ​ള്ളി​ച്ചി​ല​ങ്ക​യ​ണി​ഞ്ഞുംകൊ​ണ്ടൊ​രു പെ​ണ്ണ് /വ​ള്ളു​വ​നാ​ട​ൻ പെ​ണ്ണ് –എ​ന്റെ/വ​ള്ളി​ക്കു​ടി​ലി​നു​ള്ളി​ലി​ന്ന​ലെ/​വി​രു​ന്നു വ​ന്നു –വെ​റു​തേ/​വി​രു​ന്നു വ​ന്നു എ​ന്ന ഗാ​ന​വും പി.​ബി.​ ശ്രീ​നി​വാ​സ് പാ​ടി​യ തു​ള​സീ...തു​ള​സീ വി​ളി കേ​ൾ​ക്കൂ/​ഇ​ണ​ക്കു​യി​ലേ ഇ​ണ​ക്കു​യി​ലേ/​ഇ​നി​യെ​വി​ടെ കൂ​ടുകൂ​ട്ടും / ഇ​ണ​ക്കു​യി​ലേ... എ​ന്ന ഗാ​ന​വും മാ​ത്ര​മ​ല്ല, 'കാ​ട്ടു​തു​ള​സി​'യി​ലെ പാ​ട്ടു​ക​ളെ​ല്ലാം ത​ന്നെ മി​ക​ച്ച​വ​യാ​യി​രു​ന്നു എ​ന്ന് നി​സ്സം​ശ​യം പ​റ​യാം. നാ​ലു മൊ​ഴി​കു​ര​വ​യു​മാ​യ്/​നാ​ടോ​ടി​പ്പാ​ട്ടു​മാ​യ് / നാ​ണം കു​ണു​ങ്ങി വ​രും തേ​ന​രു​വി /നാ​ടെ​വി​ടെ വീ​ടെ​വി​ടെ തേ​ന​രു​വി എ​ന്ന പാ​ട്ടും ആ​രാ​രോ ആ​രാ​രോ /ആ​രാ​രോ ആ​രാ​രോ/ പൊ​ന്ന​മ്പ​ലമേ​ട്ടി​ന്നു​ള്ളി​ൽ/ പൂ​നു​ള്ളാ​ൻ പോ​ര​ണ​താ​രോ ആ​രാ​രോ ആ​രാ​രോ... /കൂ​ട്ടി​ല​ട​ച്ച കി​ടാ​ത്തി - ഞാ​നൊ​രു / കൊ​ളു​ന്തു നു​ള്ള​ണ പൂ​ക്കാ​രി /കാ​ട്ടി​ലെ ക​റ​മ്പി​ക​ൾ മൈ​ന​ക​ള​ല്ലോ /കൂ​ട്ടു​കാ​രി​ക​ൾ -എ​ന്റെ കൂ​ട്ടു​കാ​രി​ക​ൾ എ​ന്ന പാ​ട്ടും ജി​ക്കി​യാ​ണ് പാ​ടി​യ​ത്. യേ​ശു​ദാ​സി​ന്റെ ഹ​മ്മിങ്ങി​നോ​ടൊ​പ്പം ജി​ക്കി മ​നോ​ഹ​ര​മാ​യി പാ​ടി​യ മ​ഞ്ചാ​ടി​ക്കി​ളി മൈ​ന/​മ​യി​ലാ​ഞ്ചി​ക്കി​ളി മൈ​ന/ മൈ​ന വേ​ണോ മൈ​ന/ മൈ​ന മൈ​ന .../ പാ​ട്ടു പാ​ടാ​ന​റി​യാം/ മ​യി​ലാ​ട്ട​മാ​ടാ​ന​റി​യാം/​പ​ന​യോ​ല​ക്കൂ​ട്ടി​ലി​രു​ന്നു/​വി​രു​ന്നു വി​ളി​ക്കാ​ന​റി​യാം/​വ​ല വീ​ശി കി​ട്ടി​യ​ത​ല്ല--/ മ​ല​വേ​ട​ൻ മു​ത്തി​യ​ത​ല്ല /വ​ന​ദേ​വ​ത പെ​റ്റു വ​ള​ർ​ത്തി​യ /നീ​ല​പ്പൈ​ങ്കി​ളി​യാ​ണേ എ​ന്ന പാ​ട്ടും 'കാ​ട്ടു​തു​ള​സി​'യെ ഒ​രു ന​ല്ല സം​ഗീ​ത​ചി​ത്ര​മാ​ക്കി. എ​ന്താ​യാ​ലും എ​സ്.​ ജാ​ന​കി പാ​ടി​യ 'സൂ​ര്യ​കാ​ന്തീ സൂ​ര്യ​കാ​ന്തീ' എ​ന്ന പാ​ട്ട് ബാ​ബു​രാ​ജി​ന്റെ മാ​സ്റ്റ​ർ​പീ​സു​ക​ളി​ൽ ഒ​ന്നാ​യി മാ​റി. വ​യ​ലാ​റി​ന്റെ ര​ച​ന​യി​ലെ ന​വ​ഭാ​വു​ക​ത്വം അ​തി​നു സ​ഹാ​യ​ക​ര​വു​മാ​യി. 

News Summary - sreekumaran thampi sangeetha yathrakal