ആ​യി​രം പാ​ദ​സ​ര​ങ്ങ​ൾ കി​ലു​ങ്ങി ആ​ലു​വാ​പ്പു​ഴ പി​ന്നെ​യു​മൊ​ഴു​കി

‘ജ്വാ​ല’, ‘വി​ല​ക്ക​പ്പെ​ട്ട ബ​ന്ധ​ങ്ങ​ൾ’, ‘ച​ട്ട​മ്പി​ക്ക​വ​ല’,‘ ന​ദി’ എ​ന്നീ സി​നി​മ​ക​ളി​ലെ പാ​ട്ടു​ക​ൾ മ​ല​യാ​ള​ത്തി​ലെ എ​ക്കാ​ല​ത്തെ​യും വ​ലി​യ ഹി​റ്റു​ക​ളാ​ണ്. ആ ​പാ​ട്ടു​ക​ളി​ലൂ​ടെ​യും ആ ​പാ​ട്ടു  പി​റ​വി​യെ​ടു​ത്ത വ​ഴി​ക​ളി​ലൂ​ടെ​യും സം​ഗീ​ത​യാ​ത്ര തു​ട​രു​ന്നു.

എ​ക്സ​ൽ പ്രൊ​ഡ​ക്ഷ​ൻ​സി​നു വേ​ണ്ടി കു​ഞ്ചാ​ക്കോ ഉ​ദ​യാ​സ്റ്റു​ഡി​യോ​യി​ൽ നി​ർ​മി​ച്ച ചി​ത്ര​മാ​ണ് ‘ജ്വാ​ല’. കാ​നം ഇ.​ജെ എ​ഴു​തി​യ ക​ഥ​ക്ക് എ​സ്.​എ​ൽ. പു​രം സ​ദാ​ന​ന്ദ​ൻ സം​ഭാ​ഷ​ണ​മെ​ഴു​തി. എം. ​കൃ​ഷ്ണ​ൻ നാ​യ​ർ ചി​ത്രം സം​വി​ധാ​നം​ചെ​യ്തു. വ​യ​ലാ​ർ രാ​മ​വ​ർ​മ എ​ഴു​തി​യ അ​ഞ്ചു ഗാ​ന​ങ്ങ​ൾ​ക്ക് ജി. ​ദേ​വ​രാ​ജ​ൻ സം​ഗീ​തം പ​ക​ർ​ന്നു. യേ​ശു​ദാ​സും പി. ​സു​ശീ​ല​യും ബി. ​വ​സ​ന്ത​യും ഈ ​പാ​ട്ടു​ക​ൾ പാ​ടി. പ്രേം​ന​സീ​ർ, ഷീ​ല, ശാ​ര​ദ, കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ, അ​ടൂ​ർ ഭാ​സി, എ​ൻ. ഗോ​വി​ന്ദ​ൻ​കു​ട്ടി, എ​സ്.​പി. പി​ള്ള, ആ​റ​ന്മു​ള പൊ​ന്ന​മ്മ, മ​ണ​വാ​ള​ൻ ജോ​സ​ഫ്, അ​ടൂ​ർ പ​ങ്ക​ജം, പ​ങ്ക​ജ​വ​ല്ലി തു​ട​ങ്ങി​യ​വ​ർ അ​ഭി​ന​യി​ച്ചു. 1969 ആ​ഗ​സ്റ്റ് 26ന് ​ചി​ത്രം പ്ര​ദ​ർ​ശ​നം തു​ട​ങ്ങി. ഈ ​ചി​ത്ര​ത്തി​ലെ മി​ക്ക​വാ​റും എ​ല്ലാ പാ​ട്ടു​ക​ളും ശ്ര​ദ്ധി​ക്ക​പ്പെ​ട്ടു. പി. ​സു​ശീ​ല പാ​ടി​യ ‘‘വ​ധൂ​വ​ര​ന്മാ​രേ, പ്രി​യ വ​ധൂ​വ​ര​ന്മാ​രേ/ വി​വാ​ഹ മം​ഗ​ളാ​ശം​സ​ക​ളു​ടെ/ വി​ട​ർ​ന്ന പൂ​ക്ക​ളി​താ -ഇ​താ/ വ​ധൂ​വ​ര​ന്മാ​രേ’’ എ​ന്ന പ്ര​ശ​സ്ത ഗാ​നം ഈ ​ചി​ത്ര​ത്തി​ലു​ള്ള​താ​ണ്. ‘‘ഇ​തു​വ​രെ ക​ണ്ട ദി​വാ​സ്വ​പ്ന​ങ്ങ​ളി​ൽ/ ഇ​വ​യി​ലെ ന​റു​മ​ണ​മു​തി​ര​ട്ടെ/ ഇ​നി നി​ങ്ങ​ൾ മീ​ട്ടും ന​വ​ര​ത്ന വീ​ണ​യി​ൽ/ ഇ​വ​യി​ലെ നാ​ദം നി​റ​യ​ട്ടെ/ ഒ​രു ദി​വ്യ​സം​ഗീ​ത​മു​യ​ര​ട്ടെ... ഉ​യ​ര​ട്ടെ’’ എ​ന്നി​ങ്ങ​നെ നീ​ങ്ങു​ന്ന ഈ ​പാ​ട്ടി​ലെ വ​രി​ക​ളും ഈ​ണ​വും ഒ​രു​പോ​ലെ ആ​ക​ർ​ഷ​ക​ങ്ങ​ളാ​ണ്. ഈ ​ഗാ​നംത​ന്നെ ശോ​ക​ഭാ​വ​ത്തി​ൽ ബി. ​വ​സ​ന്ത​യും പാ​ടി​യി​ട്ടു​ണ്ട്.

യേ​ശു​ദാ​സും വ​സ​ന്ത​യും ചേ​ർ​ന്നു പാ​ടി​യ ‘‘കു​ട​മു​ല്ല​പ്പൂ​വി​നും/ മ​ല​യാ​ളി​പ്പെ​ണ്ണി​നും/ ഉ​ടു​ക്കാ​ൻ വെ​ള്ള​പ്പു​ട​വ/ കു​ളി​ക്കാ​ൻ പ​നി​നീ​ർ​ച്ചോ​ല/ കൂ​ന്ത​ൽ മി​നു​ക്കാ​ൻ ഞാ​റ്റു​വേ​ല’’ എ​ന്ന വ​ള​രെ പ്ര​ശ​സ്ത​മാ​യ യു​ഗ്മ​ഗാ​ന​വും ‘ജ്വാ​ല’​യി​ൽ ഉ​ള്ള​താ​ണ്. ‘‘ഉ​ത്രാ​ട​സ​ന്ധ്യ ഉ​ണ​ർ​ന്ന​തി​നാ​ലോ/ ഉ​ദ്യാ​ന​പാ​ല​ക​ൻ വ​ന്ന​തി​നാ​ലോ/ ആ​പാ​ദ​ചൂ​ഡ​മീ രാ​ഗ​പ​രാ​ഗം/ ആ​കെ ത​ളി​ർ​ക്കു​മീ രോ​മാ​ഞ്ചം...’’ എ​ന്നി​ങ്ങ​നെ​യു​ള്ള വ​രി​ക​ൾ എ​ല്ലാം​ത​ന്നെ ച​ല​ച്ചി​ത്ര​സം​ഗീ​ത​ത്തെ സ്നേ​ഹി​ക്കു​ന്ന എ​ല്ലാ മ​ല​യാ​ളി​ക​ൾ​ക്കും കാ​ണാ​പ്പാ​ഠ​മാ​ണ്. അ​ത്ര​മാ​ത്രം ജ​ന​പ്രീ​തി നേ​ടി​യ ഗാ​ന​മാ​ണി​ത്. പി. ​സു​ശീ​ല പാ​ടി​യ ‘‘ജ്വാ​ല... ജ്വാ​ല... ഞാ​നൊ​രു ദുഃ​ഖ​ജ്വാ​ല’’ എ​ന്ന ഗാ​ന​വും മി​ക​ച്ച​താ​ണ്. പി. ​സു​ശീ​ല​യു​ടെ വ്യ​ത്യ​സ്ത ഭാ​വ​ത്തി​ലു​ള്ള ആ​ലാ​പ​ന​ശൈ​ലി ഈ ​ഗാ​ന​ത്തെ ഉ​യ​ര​ങ്ങ​ളി​ലെ​ത്തി​ക്കു​ന്നു. അ​ഗ്നി​ജ്വാ​ല​ക​ൾ​ക്കി​ട​യി​ലൂ​ടെ ഒ​രു പ്രേ​തം പാ​ടി ന​ട​ക്കു​ന്ന രീ​തി​യി​ലാ​ണ് ഈ ​ഗാ​നം ചി​ത്രീ​ക​രി​ക്ക​പ്പെ​ട്ടി​ട്ടു​ള്ള​ത്. ഗാ​നം കേ​ട്ട് ഞെ​ട്ടി​യു​ണ​രു​ന്ന നാ​യി​കാ​നാ​യ​ക​ന്മാ​രു​ടെ (ഷീ​ല​യും പ്രേം​ന​സീ​റും) ഭ​യ​വും അ​ത്ഭു​ത​വും വി​ഷ്വ​ൽ​സി​നു കൂ​ടു​ത​ൽ ശ​ക്തിന​ൽ​കു​ന്നു.

‘‘ജ്വാ​ല... ജ്വാ​ല... ഞാ​നൊ​രു ദുഃ​ഖ​ജ്വാ​ല/ ഒ​രു ക​ണ്ണീ​ർ​ത്തി​രി തേ​ടി ന​ട​ക്കും/ വി​ര​ഹാ​ഗ്നി​ജ്വാ​ല/ ക​തി​രു​ക​ൾ മേ​ഘ​ക്ക​തി​രു​ക​ൾ തൂ​കി/ കൊ​തി തീ​രും മു​മ്പേ/ വി​ധി​യു​ടെ ചു​ഴ​ലി​ക്കാ​റ്റി​ൻ ചു​ഴി​യി​ൽ/ വീ​ണു പൊ​ലി​ഞ്ഞു ഞാ​ൻ/ വെ​ളി​ച്ച​മേ നീ​യെ​ന്നെ ന​യി​ക്കൂ...’’ എ​ന്നി​ങ്ങ​നെ തു​ട​രു​ന്ന ഈ ​പ്രേ​ത​ഗാ​ന​ത്തി​ൽ ഈ​ണ​ത്തി​നും ആ​ലാ​പ​ന​ത്തി​നും ത​ന്നെ​യാ​ണ് പ്രാ​മു​ഖ്യം.

‘‘താ​ര​ക​പ്പൂ​വ​ന​മ​റി​ഞ്ഞി​ല്ല/ താ​മ​ര​പൊ​യ്ക​ക​ള​റി​ഞ്ഞി​ല്ല/ ത​ങ്ക​ക്കു​ട​ത്തി​ന്റെ ച​ന്ദ​ന​ത്തൊ​ട്ടി​ലി​ൽ/ എ​ങ്ങാ​ണ്ടൂ​ന്നൊ​രു പൂ​മൊ​ട്ട്/ മ​ണ്ണി​ൽ വി​ട​ർ​ന്നാ​ൽ മാ​ണി​ക്യം/ മാ​ന​ത്തി​രു​ന്നാ​ൽ ന​ക്ഷ​ത്രം/ മു​ത്ത​ശ്ശി​ക്ക​ഥ​യു​ടെ മു​ത്തു​ച്ചി​പ്പി​യി​ൽ/ മു​ങ്ങി​ക്കി​ട​ന്നൊ​രു വൈ​ഡൂ​ര്യം’’ എ​ന്ന ഗാ​നം യേ​ശു​ദാ​സും പി. ​സു​ശീ​ല​യും ചേ​ർ​ന്നാ​ണ് പാ​ടി​യ​ത്. മ​രി​ച്ചു​പോ​യ യു​വ​തി പ്രേ​ത​മാ​യി വ​രു​ന്നു എ​ന്ന് തെ​റ്റി​ദ്ധ​രി​പ്പി​ക്കു​ന്ന -അ​തി​നാ​യി വെ​ള്ള​നി​റ​ത്തി​ൽ വേ​ഷ​മ​ണി​ഞ്ഞ ഒ​രു സ്ത്രീ​യെ രാ​ത്രി​കാ​ല​ങ്ങ​ളി​ൽ പാ​ട്ടും പാ​ടി ന​ട​ക്കാ​ൻ നി​യോ​ഗി​ക്കു​ന്ന- ഒ​രു വി​ല്ല​ൻ ക​ഥാ​പാ​ത്രം ‘ജ്വാ​ല’ എ​ന്ന സി​നി​മ​യി​ലും ഉ​ണ്ട്. ഇ​ത് മ​ല​യാ​ള സി​നി​മ​യി​ൽ അ​ന്നും ആ​വ​ർ​ത്ത​ന​മാ​യി​രു​ന്നു. അ​തു​കൊ​ണ്ടാ​വാം വ​ള​രെ ന​ല്ല പാ​ട്ടു​ക​ൾ ഉ​ണ്ടാ​യി​ട്ടും ഉ​യ​ർ​ന്ന താ​ര​നി​ര​യു​ണ്ടാ​യി​ട്ടും ‘ജ്വാ​ല’ സാ​മ്പ​ത്തി​ക​മാ​യി വ​ൻ​വി​ജ​യം നേ​ടി​യി​ല്ല.

ക​ലാ​ല​യ ഫി​ലിം​സ് നി​ർ​മി​ച്ച ‘വി​ല​ക്ക​പ്പെ​ട്ട ബ​ന്ധ​ങ്ങ​ൾ’ പ്ര​ശ​സ്ത ഫി​ലിം എ​ഡി​റ്റ​റും സം​വി​ധാ​യ​ക​നു​മാ​യ എം.​എ​സ്. മ​ണി സം​വി​ധാ​നം​ ചെ​യ്തു. കൗ​സ​ല്യാ​ദേ​വി എ​ഴു​തി​യ ഡോ​ക്ട​ർ ച​ക്ര​വ​ർ​ത്തി എ​ന്ന തെ​ലു​ങ്ക് ക​ഥ​യാ​ണ് മ​ല​യാ​ള​ത്തി​ൽ ‘വി​ല​ക്ക​പ്പെ​ട്ട ബ​ന്ധ​ങ്ങ​ൾ’ എ​ന്ന പേ​രി​ൽ സി​നി​മ​യാ​യ​ത്. എ​സ്.​എ​ൽ. പു​രം സ​ദാ​ന​ന്ദ​ൻ സം​ഭാ​ഷ​ണ​വും ഡോ. ​പ​വി​ത്ര​ൻ പാ​ട്ടു​ക​ളും എ​ഴു​തി. എ.​ടി. ഉ​മ്മ​ർ സം​ഗീ​ത​സം​വി​ധാ​യ​ക​നാ​യി. സ​ത്യ​ൻ, ന​സീ​ർ, അം​ബി​ക, ഉ​ഷാ​കു​മാ​രി, ജ​യ​ഭാ​ര​തി, കെ.​പി. ഉ​മ്മ​ർ, ടി.​കെ. ബാ​ല​ച​ന്ദ്ര​ൻ, അ​ടൂ​ർ ഭാ​സി, ബ​ഹ​ദൂ​ർ, ടി.​ആ​ർ. ഓ​മ​ന തു​ട​ങ്ങി​യ​വ​ർ ആ​യി​രു​ന്നു അ​ഭി​നേ​താ​ക്ക​ൾ. ചി​ത്ര​ത്തി​ൽ അ​ഞ്ചു പാ​ട്ടു​ക​ളു​ണ്ടാ​യി​രു​ന്നു. എ​സ്. ജാ​ന​കി പാ​ടി​യ ‘‘സ്വ​ർ​ണ​മു​കി​ലു​ക​ൾ സ്വ​പ്നം കാ​ണും/ പൗ​ർ​ണ​മി​രാ​വി​ൽ നീ​യെ​ങ്ങോ/ കാ​ത്തി​രി​ക്കും കാ​മി​നി​യെ​ന്നെ/ കാ​ണാ​നാ​യ് നീ​യെ​ന്നു വ​രും?’’ എ​ന്ന ഗാ​നം കു​റെ​യൊ​ക്കെ ശ്ര​ദ്ധി​ക്ക​പ്പെ​ട്ടു. യേ​ശു​ദാ​സും വ​സ​ന്ത​യും ചേ​ർ​ന്നു പാ​ടി​യ യു​ഗ്മ​ഗാ​നം ഇ​ങ്ങ​നെ. ‘‘കൈ​വി​ര​ൽ​ത്തു​മ്പൊ​ന്നു ക​വി​ള​ത്തു ത​ട്ടു​മ്പോ​ൾ/ ക​ണ്മ​ണി​ക്കെ​വി​ടു​ന്നീ നാ​ണം വ​ന്നു ?’’ എ​ന്ന് നാ​യ​ക​ന്റെ ചോ​ദ്യം. അ​പ്പോ​ൾ നാ​യി​ക​യു​ടെ മ​റു​പ​ടി​യി​ങ്ങ​നെ: ‘‘ക​വി​ള​ത്തു ത​ട്ടീ​ല കൈ​വി​ര​ൽ​ത്തു​മ്പു​ക​ൾ/ ക​ര​ളി​ന്റെ കോ​വി​ലി​ൽ പൂ​വെ​റി​ഞ്ഞു...’’ എ​സ്. ജാ​ന​കി പാ​ടി​യ മ​റ്റൊ​രു ഗാ​നം ഇ​ങ്ങ​നെ തു​ട​ങ്ങു​ന്നു: ‘‘പാ​ട​ണോ ഞാ​ൻ പാ​ട​ണോ.../​മാ​മ​ക ഗാ​നം പൂ​ജാ​മാ​ല്യം/ മ​റ്റൊ​രു വേ​ദി​യി​ൽ ചാ​ർ​ത്താ​നാ​മോ..?/ കൃ​ഷ്ണാ.../ മാ​ന​സ​ഗാ​നം നീ​യ​ല്ലാ​തെ/ മ​റ്റാ​രാ​നും കേ​ൾ​ക്കാ​നാ​ണോ/ പാ​ട​ണോ ഞാ​ൻ പാ​ട​ണോ..?’’

എ​സ്. ജാ​ന​കിത​ന്നെ ഈ ​ഗാ​നം മ​റ്റൊ​രു രീ​തി​യി​ൽ പാ​ടു​ന്നു​ണ്ട്. വ​രി​ക​ൾ ഇ​ങ്ങ​നെ: ‘‘പാ​ടു​മേ ഞാ​ൻ പാ​ടു​മേ.../ മാ​ന​സ​വേ​ദി​യി​ൽ നീ​യ​ണ​യു​മ്പോ​ൾ/ ആ​ന​ന്ദ​ല​ഹ​രി​യി​ൽ ആ​റാ​ടി/ പാ​ടു​മേ പാ​ടു​മേ പാ​ടു​മേ ഞാ​ൻ പാ​ടു​മേ.../ പി.​ബി. ശ്രീ​നി​വാ​സും എ​ൽ.​ആ​ർ. ഈ​ശ്വ​രി​യും ചേ​ർ​ന്നു പാ​ടു​ന്ന ‘‘പെ​ണ്ണി​ന്റെ ക​ണ്ണി​ൽ തി​ള​ക്കം/ അ​നു​രാ​ഗ​ത്തി​ന്റെ തു​ട​ക്കം/ ആ​ണി​ന്റെ ത​ല​യി​ൽ മ​യ​ക്കം/ ഒ​രു രോ​ഗ​ത്തി​ന്റെ​യി​ള​ക്കം’’ എ​ന്ന് തു​ട​ങ്ങു​ന്ന ഗാ​നം ഭേ​ദ​പ്പെ​ട്ട​താ​ണ്.

ഒ​രു കു​ടും​ബ​ക​ഥ പ​റ​യു​ന്ന ‘വി​ല​ക്ക​പ്പെ​ട്ട ബ​ന്ധ​ങ്ങ​ൾ’ 1969 സെ​പ്റ്റം​ബ​ർ 19ാം തീ​യ​തി തി​യ​റ്റ​റു​ക​ളി​ൽ എ​ത്തി. ചി​ത്രം ശ​രാ​ശ​രി വി​ജ​യം നേ​ടി. ഗാ​നാ​സ്വാ​ദ​ക​ർ​ക്ക് എ​ന്നെ​ന്നും ഓ​ർ​മ​യി​ൽ സൂ​ക്ഷി​ക്കാ​വു​ന്ന ഉ​യ​ർ​ന്ന നി​ല​വാ​ര​മു​ള്ള ഒ​രു ഗാ​നം ന​ൽ​കാ​ൻ ഡോ. ​പ​വി​ത്ര​ൻ-​എ.​ടി. ഉ​മ്മ​ർ ടീ​മി​ന് സാ​ധി​ച്ചി​ല്ല.

ശ്രീ​വി​ദ്യ ആ​ദ്യ​മാ​യി നാ​യി​ക​യാ​യി അ​ഭി​ന​യി​ച്ച ‘ച​ട്ട​മ്പി​ക്ക​വ​ല’ എ​ന്ന സി​നി​മ ശ്രീ​കു​മാ​ർ പ്രൊ​ഡ​ക്ഷ​ൻ​സി​നു വേ​ണ്ടി പി.​ സു​ബ്ര​ഹ്മ​ണ്യം മെ​റി​ലാ​ൻ​ഡ് സ്റ്റു​ഡി​യോ​യി​ൽ നി​ർ​മി​ച്ച​താ​ണ്, സ​ത്യ​ൻ ശ്രീ​വി​ദ്യ​യു​ടെ നാ​യ​ക​നാ​യി. എ​ൻ. ശ​ങ്ക​ര​ൻ നാ​യ​ർ സം​വി​ധാ​നം​ചെ​യ്ത ‘ച​ട്ട​മ്പി​ക്ക​വ​ല’​യി​ൽ കെ.​പി. ഉ​മ്മ​ർ, ശാ​ന്തി, തി​ക്കു​റി​ശ്ശി, എ​സ്.​പി. പി​ള്ള, മീ​ന, ജോ​സ് പ്ര​കാ​ശ്, ബ​ഹ​ദൂ​ർ,കാ​ലാ​യ്ക്ക​ൽ കു​മാ​ര​ൻ തു​ട​ങ്ങി​യ​വ​രും അ​ഭി​ന​യി​ച്ചു. ഒ.​എ​ൻ.​വി. കു​റു​പ്പ് എ​ഴു​തി​യ പാ​ട്ടു​ക​ൾ​ക്ക് ബി.​എ. ചി​ദം​ബ​ര​നാ​ഥ് സം​ഗീ​തം ന​ൽ​കി. യേ​ശു​ദാ​സ്, ജ​യ​ച​ന്ദ്ര​ൻ, പി. ​ലീ​ല, എ​സ്. ജാ​ന​കി എ​ന്നി​വ​ർ ഗാ​ന​ങ്ങ​ൾ പാ​ടി. യേ​ശു​ദാ​സും എ​സ്. ജാ​ന​കി​യും പാ​ടി​യ ‘‘മ​യി​ൽ​പീ​ലി മി​ഴി​ക​ളി​ൽ’’ എ​ന്നാ​രം​ഭി​ക്കു​ന്ന യു​ഗ്മ​ഗാ​നം ഭേ​ദ​പ്പെ​ട്ട​താ​ണ്.

‘‘മ​യി​ൽ​പീ​ലി മി​ഴി​ക​ളി​ൽ/ മ​ന​സ്സി​ലെ സ​ങ്ക​ൽ​പ​ങ്ങ​ൾ /മ​ല​ർ​ത്തി​രി കൊ​ളു​ത്തി​യ​ല്ലോ -നി​ന്റെ/ മ​യി​ൽ​പീ​ലി മി​ഴി​ക​ളി​ൽ’’ എ​ന്ന് നാ​യ​ക​ൻ പാ​ടു​മ്പോ​ൾ നാ​യി​ക പാ​ടു​ന്ന വ​രി​ക​ൾ ഇ​ങ്ങ​നെ: ‘‘മ​ന​സ്സ​മ്മ​തം കേ​ൾ​ക്കാ​തെ/ മ​ണ​വാ​ള​ൻ ഓ​ടി​വ​ന്നെ​ൻ/ മ​ണി​യ​റ തു​റ​ന്നു​വ​ല്ലോ...’’ യേ​ശു​ദാ​സും എ​സ്. ജാ​ന​കി​യും ചേ​ർ​ന്ന് പാ​ടു​ന്ന മ​റ്റൊ​രു ഗാ​ന​മി​താ​ണ്: ‘‘അ​ന്തി​മ​ല​ർ​ക്കി​ളി കൂ​ട​ണ​ഞ്ഞു/ അ​മ്പി​ളി​വി​ള​ക്കി​ൽ തി​രി തെ​ളി​ഞ്ഞു/ ക​ണ്മ​ണീ നീ​യൊ​രു ക​ഥ പ​റ​യൂ -/നി​ൻ ക​ണ്മു​ന​യാ​ലൊ​രു ക​ഥ പ​റ​യൂ...’’ യേ​ശു​ദാ​സും എ​സ്. ജാ​ന​കി​യും ചേ​ർ​ന്ന് പാ​ടി​യ ഈ ​ചി​ത്ര​ത്തി​ലെ മൂ​ന്നാ​മ​ത്തെ ഗാ​നം ഇ​ങ്ങ​നെ: ‘‘അ​ഞ്ജ​ന​ക്കു​ളി​ർ​നീ​ല​വി​ണ്ണി​ലെ ക​ൽ​പ​ട​വി​ൽ/ പ​ഞ്ച​മി പെ​ൺ​കൊ​ടി വ​ന്നി​രു​ന്നു/ നാ​ള​ത്തെ രാ​ത്രി​യി​ലോ വേ​ളി​മു​ഹൂ​ർ​ത്ത​മെ​ന്നു/ നാ​ണി​ച്ചു നാ​ണി​ച്ച​വ​ൾ നി​ന​ച്ചി​രു​ന്നു...’’ പി. ​ലീ​ല​യും പി. ​ജ​യ​ച​ന്ദ്ര​നും ചേ​ർ​ന്ന് പാ​ടി​യ ഗാ​നം ‘‘ഒ​രു ഹൃ​ദ​യ​ത്ത​ളി​ക​യി​ൽ/ ഓ​മ​ൽ​പൂ​ത്ത​ളി​ക​യി​ൽ/ ഒ​രു​ങ്ങി നാ​ണം കു​ണു​ങ്ങി നി​ൽ​ക്കും/ ഒ​രു രാ​ഗ​മ​ല്ലി​ക/ അ​നു​രാ​ഗ​മ​ല്ലി​ക’’ എ​ന്നി​ങ്ങ​നെ തു​ട​ങ്ങു​ന്നു. എ​ൽ.​ആ​ർ. ഈ​ശ്വ​രി​യും ജ്ഞാ​ന​ശേ​ഖ​ര​നും ചേ​ർ​ന്ന് പാ​ടി​യ ഒ​രു ഹാ​സ്യ​ഗാ​ന​വും ‘ച​ട്ട​മ്പി​ക്ക​വ​ല’​യി​ൽ ഉ​ണ്ട്. ‘‘ഒ​രു മു​റി​മീ​ശ​ക്കാ​ര​ൻ ചെ​റു​പ്പ​ക്കാ​ര​ൻ/ അ​വ​നെ ക​ണ്ട​വ​രു​ണ്ടോ/ പ​ട്ടു​കു​പ്പാ​യ​ക്കാ​ര​ൻ/ പ​ഠി​പ്പു കു​റ​ഞ്ഞാ​ലും പ​ത്രാ​സു​കാ​ര​ൻ/ കു​രു​വി​യി​ല്ലാ​ക്കു​രു​വി​ക്കൂ​ടാ​യ്/ കു​ടു​മ വെ​ച്ചി​ട്ടു​ണ്ട്/ കു​ളി​സീ​നു​ള്ള സി​നി​മ കാ​ണാ​ൻ/ ക്യൂ​വി​ൽ നി​ൽ​ക്കാ​റു​ണ്ട്’’ എ​ന്നി​ങ്ങ​നെ കു​റെ ര​സ​ക​ര​മാ​യ വി​വ​ര​ങ്ങ​ൾ ഈ ​പാ​ട്ടി​ലു​ണ്ട്.

‘ചട്ടമ്പിക്കവല’യിൽ സൂസിയായി ശ്രീവിദ്യ

ഏ​താ​യാ​ലും ‘ച​ട്ട​മ്പി​ക്ക​വ​ല’​യി​ലെ പാ​ട്ടു​ക​ളി​ൽ ഒ​ന്നു​പോ​ലും സൂ​പ്പ​ർ​ഹി​റ്റ് പ​ദ​വി നേ​ടി​യി​ല്ല. ഒ.​എ​ൻ.​വി​യും ചി​ദം​ബ​ര​നാ​ഥും ഒ​രു​മി​ച്ച ഒ​രേ​യൊ​രു സി​നി​മ ‘ച​ട്ട​മ്പി​ക്ക​വ​ല’​യാ​ണെ​ന്നാ​ണ് ഈ ​ലേ​ഖ​ക​ന്റെ വി​ശ്വാ​സം. ശ്രീ​വി​ദ്യ എ​ന്ന ന​ടി​യെ മ​ല​യാ​ള സി​നി​മ​ക്കു ന​ൽ​കി എ​ന്ന​ത് മാ​ത്ര​മാ​ണ് ‘ച​ട്ട​മ്പി​ക്ക​വ​ല’ എ​ന്ന സി​നി​മ​യു​ടെ നേ​ട്ടം. കൗ​മാ​രം വി​ട്ടു യൗ​വ​ന​ത്തി​ലേ​ക്ക് കാ​ലെ​ടു​ത്തുവെ​ക്കു​ന്ന നാ​യി​ക​യും 57 വ​യ​സ്സു​ള്ള നാ​യ​ക​നും ത​മ്മി​ലു​ള്ള പ്ര​ണ​യ​രം​ഗ​ങ്ങ​ൾ എ​ത്ര​മാ​ത്രം കാ​ണി​ക​ളെ ആ​ക​ർ​ഷി​ക്കു​മെ​ന്ന കാ​ര്യം ഊ​ഹി​ക്കാ​വു​ന്ന​ത​ല്ലേ​യു​ള്ളൂ. 1969 ഒ​ക്ടോ​ബ​ർ എ​ട്ടി​ന്​ ചി​ത്രം തി​യ​റ്റ​റു​ക​ളി​ൽ എ​ത്തി.

വ​യ​ലാ​റും ദേ​വ​രാ​ജ​നും ചേ​ർ​ന്നൊ​രു​ക്കി​യ എ​ല്ലാ പാ​ട്ടു​ക​ളും സൂ​പ്പ​ർ​ഹി​റ്റു​ക​ളാ​യ ച​ല​ച്ചി​ത്ര​മാ​ണ് ‘ന​ദി’. സു​പ്രി​യ എ​ന്ന ബാ​ന​റി​ൽ ഹ​രി പോ​ത്ത​ൻ നി​ർ​മി​ച്ച ഈ ​പ്ര​ശ​സ്ത ചി​ത്രം എ. ​വി​ൻ​സ​ന്റ് ആ​ണ് സം​വി​ധാ​നം​ ചെ​യ്ത​ത്. പ്രേം​ന​സീ​ർ, മ​ധു, പി.​ജെ. ആ​ന്റ​ണി, ശാ​ര​ദ, അം​ബി​ക, ക​വി​യൂ​ർ പൊ​ന്ന​മ്മ, അ​ടൂ​ർ ഭാ​സി, ശ​ങ്ക​രാ​ടി, ആ​ലു​മ്മൂ​ട​ൻ തു​ട​ങ്ങി​യ​വ​ർ അ​ഭി​ന​യി​ച്ച ‘ന​ദി’ ക​ലാ​പ​ര​മാ​യും വ്യ​വ​സാ​യി​ക​മാ​യും വി​ജ​യം വ​രി​ച്ച ചി​ത്ര​മാ​ണ്. ‘ന​ദി’​യി​ലെ എ​ല്ലാ പാ​ട്ടു​ക​ളും ര​ച​ന​യി​ലും സം​ഗീ​ത​ത്തി​ലും ഉ​ന്ന​ത നി​ല​വാ​രം പു​ല​ർ​ത്തി. യ​ഥാ​ർ​ഥ ന​ദി​യി​ലെ​ടു​ത്ത പു​റം​വാ​തി​ൽ ഷോ​ട്ടു​ക​ളും സ്റ്റു​ഡി​യോ​യി​ൽ ന​ദി​യു​ടെ ഭാ​ഗ​ങ്ങ​ളു​ടെ സെ​റ്റ് ത​യാ​റാ​ക്കി ഷൂ​ട്ട് ചെ​യ്ത ദൃ​ശ്യ​ങ്ങ​ളും ത​മ്മി​ൽ തി​രി​ച്ച​റി​യാ​നാ​കാ​ത്ത വി​ധ​ത്തി​ൽ മ​നോ​ഹ​ര​മാ​യി സ​ന്നി​വേ​ശി​പ്പി​ക്കാ​ൻ ഇ​ന്ത്യ​ൻ സി​നി​മാ​ലോ​കം ക​ണ്ട ഏ​റ്റ​വും മി​ക​ച്ച ഛായാ​ഗ്രാ​ഹ​ക​രി​ൽ ഒ​രാ​ൾ​കൂ​ടി​യാ​യ സം​വി​ധാ​യ​ക​ൻ എ. ​വി​ൻ​സ​ന്റി​ന് നി​ഷ്പ്ര​യാ​സം സാ​ധി​ച്ചി​രി​ക്കു​ന്നു. ഈ ​ചി​ത്രീ​ക​ര​ണ​ വൈ​ഭ​വം പാ​ട്ടു​ക​ളു​ടെ നി​ല​വാ​രം കൂ​ടു​ത​ൽ ഉ​യ​ര​ങ്ങ​ളി​ൽ എ​ത്തി​ച്ചു.

‘‘ആ​യി​രം പാ​ദ​സ​ര​ങ്ങ​ൾ കി​ലു​ങ്ങി/ ആ​ലു​വാ​പ്പു​ഴ പി​ന്നെ​യു​മൊ​ഴു​കി/ ആ​രും കാ​ണാ​തെ ഓ​ള​വും തീ​ര​വും/ ആ​ലിം​ഗ​ന​ങ്ങ​ളി​ൽ മു​ഴു​കി -മു​ഴു​കി’’ എ​ന്ന ഗാ​ന​ത്തി​ന്റെ ര​ച​നാ​മൂ​ല്യ​വും സം​ഗീ​ത​ഗ​രി​മ​യും ചി​ത്രീ​ക​ര​ണ സൗ​ന്ദ​ര്യ​വും ഒ​ന്നുചേ​രു​ന്ന കാ​ഴ്ച മ​ല​യാ​ള സി​നി​മ​ക്കു ല​ഭി​ച്ച അ​പൂ​ർ​വ ചാ​രു​ത​ക​ളി​ലൊ​ന്നാ​ണ്.

‘‘ഈ​റ​നാ​യ ന​ദി​യു​ടെ മാ​റി​ൽ/ ഈ ​വി​ട​ർ​ന്ന നീ​ർ​ക്കു​മി​ള​ക​ളി​ൽ/ വേ​ർ​പെ​ടു​ന്ന വേ​ദ​ന​യോ/ വേ​രി​ടു​ന്ന നി​ർ​വൃ​തി​യോ/ ഓ​മ​ലേ... ആ​രോ​മ​ലേ.../ ഒ​ന്നു ചി​രി​ക്കൂ... ഒ​രി​ക്ക​ൽ കൂ​ടി’’ എ​ന്നീ വ​രി​ക​ളും അ​ടു​ത്ത ച​ര​ണ​ത്തി​ലെ ‘‘ഈ ​നി​ലാ​വും ഈ ​കു​ളി​ർ​കാ​റ്റും/ ഈ ​പ​ളു​ങ്കു ക​ൽ​പ​ട​വു​ക​ളും/ ഓ​ടി​യെ​ത്തും ഓ​ർ​മ​ക​ളി​ൽ/ ഓ​മ​ലാ​ളി​ൻ ഗ​ദ്ഗ​ദ​വും/ ഓ​മ​ലേ... ആ​രോ​മ​ലേ.../ ഒ​ന്നു ചി​രി​ക്കൂ...​ഒ​രി​ക്ക​ൽ​കൂ​ടി’’ എ​ന്നീ വ​രി​ക​ളും ഏ​തൊ​രു ഗാ​നാ​സ്വാ​ദ​ക​നും അ​സു​ല​ഭ നി​ർ​വൃ​തി പ്ര​ദാ​നം​ ചെ​യ്യു​ന്നു.

യേ​ശു​ദാ​സ് ത​ന്നെ പാ​ടി​യ ‘‘കാ​യാ​മ്പൂ ക​ണ്ണി​ൽ വി​ട​രും/ ക​മ​ല​ദ​ളം ക​വി​ളി​ൽ വി​ട​രും/ അ​നു​രാ​ഗ​വ​തീ നി​ൻ ചൊ​ടി​ക​ളി​ൽ നി/ ​ന്നാ​ലി​പ്പ​ഴം പൊ​ഴി​യും.../ ഞാ​നി​റ​ങ്ങി...’’ പി. ​സു​ശീ​ല പാ​ടി​യ ‘‘പ​ഞ്ച​ത​ന്ത്രം ക​ഥ​യി​ലെ/ പ​ഞ്ച​വ​ർ​ണ കു​ടി​ലി​ലെ/ മാ​ണി​ക്യ​പ്പൈ​ങ്കി​ളി മാ​നം പ​റ​ക്കു​ന്ന/ വാ​ന​മ്പാ​ടി​യെ സ്നേ​ഹി​ച്ചു -ഒ​രു/​വാ​ന​മ്പാ​ടി​യെ സ്നേ​ഹി​ച്ചു...’’ എ​ന്ന ഗാ​ന​വും മ​നോ​ഹ​രം​ത​ന്നെ.

‘‘പു​ഴ​ക​ൾ മ​ല​ക​ൾ പൂ​വ​ന​ങ്ങ​ൾ/ ഭൂ​മി​ക്കു കി​ട്ടി​യ സ്ത്രീ​ധ​ന​ങ്ങ​ൾ/​സ​ന്ധ്യ​ക​ൾ മ​ന്ദാ​ര​ച്ചാ​മ​രം വീ​ശു​ന്ന/ ച​ന്ദ​ന​ശീ​ത​ള മ​ണ​പ്പു​റ​ങ്ങ​ൾ/​ഇവിടമാണിവിടമാണിതിഹാസരൂപിയാം/ ഈ​ശ്വ​ര​നി​റ​ങ്ങി​യ തീ​രം’’ എ​ന്ന പാ​ട്ടും യേ​ശു​ദാ​സാ​ണ് പാ​ടി​യി​ട്ടു​ള്ള​ത്. പി. ​സു​ശീ​ലത​ന്നെ പാ​ടി​യ ‘‘നി​ത്യ​വി​ശു​ദ്ധ​യാം ക​ന്യാ​മ​റി​യ​മേ/ നി​ൻ നാ​മം വാ​ഴ്ത്ത​പ്പെ​ട​ട്ടെ’’ എ​ന്ന ഗാ​നം മ​ല​യാ​ള സി​നി​മ​യി​ലെ നി​ല​വാ​രം തി​ക​ഞ്ഞ ക്രി​സ്ത്യ​ൻ ഭ​ക്തി​ഗാ​ന​ങ്ങ​ളി​ൽ ഒ​ന്നാ​ണ്. ‘‘കു​ഞ്ഞി​നെ വേ​ണോ ...കു​ഞ്ഞി​നെ വാ​ങ്ങാ​നാ​രു​ണ്ട്...’’ എ​ന്നു തു​ട​ങ്ങു​ന്ന പാ​ട്ട് കു​ട്ടി​യെ (ബേ​ബി സു​മ​തി) ക​ളി​പ്പി​ക്കു​ന്ന ല​ളി​ത​മ​ധു​ര​മാ​യ പാ​ട്ടാ​ണ്. ‘‘ത​പ്പു​കൊ​ട്ടാ​മ്പു​റം ത​കി​ലു​കൊ​ട്ടാ​മ്പു​റം/ കൊ​ട്ടാ​മ്പു​റ​ത്തൊ​രു കു​ഞ്ഞ്/ കു​ഞ്ഞി​നെ വേ​ണോ കു​ഞ്ഞി​നെ വേ​ണോ.../ കു​ഞ്ഞി​നെ വാ​ങ്ങാ​നാ​രു​ണ്ട്... ആ​രു​ണ്ട്...​ആ​രു​ണ്ട്?’’ കേ​ര​ള​ത്തി​ൽ വി​വി​ധ പ്ര​ദേ​ശ​ങ്ങ​ളി​ൽ വി​വി​ധ രീ​തി​ക​ളി​ൽ പാ​ടി​വ​രു​ന്ന ഒ​രു നാ​ടോ​ടി​പ്പാ​ട്ടി​ന്റെ ചു​വ​ടു​പി​ടി​ച്ചാ​ണ് -എ​ന്നാ​ൽ തി​ക​ച്ചും സ്വ​ത​ന്ത്ര​മാ​യ രീ​തി​യി​ൽ- വ​യ​ലാ​ർ ഈ ​പാ​ട്ട് എ​ഴു​തി​യി​ട്ടു​ള്ള​ത്. പി. ​സു​ശീ​ല​യും സം​ഘ​വും ഈ ​ഗാ​നം പാ​ടി​യി​രി​ക്കു​ന്നു. ‘ന​ദി’​യി​ലെ ഗാ​ന​ങ്ങ​ൾ കാ​ലാ​തി​വ​ർ​ത്തി​യാ​യി നി​ല​നി​ൽ​ക്കും.

(തു​ട​രും)