Begin typing your search above and press return to search.

കോ​ർ​പ​റേ​റ്റ് വി​ക​സ​ന ഭീ​ക​ര​ത​യും കീ​ഴാ​ള ജീ​വി​ത​ങ്ങ​ളു​ടെ വം​ശ​ന​ശീ​ക​ര​ണ​വും

''എ​ന്തു​കൊ​ണ്ടാ​ണ് സ്വാ​ത​ന്ത്ര്യ​ല​ബ്ധി​ക്കുശേ​ഷം ഏ​ഴു പ​തി​റ്റാ​ണ്ടു​ക​ൾ​ക്കി​പ്പു​റ​വും സ്വ​ത​ന്ത്ര ഇ​ന്ത്യ​യി​ൽ ആ​ദി​വാ​സി​ക​ളും ദ​ലി​ത​രും മ​ത്സ്യ​ത്തൊ​ഴി​ലാ​ളി​ക​ളും അ​ട​ക്കം സ​മൂ​ഹ​ത്തി​​ന്റെ അ​ടി​ത്ത​ട്ടി​ലു​ള്ള മ​നു​ഷ്യ​ർ​ക്ക് സ്വ​ന്തം നി​ല​നി​ൽ​പിന്റെത​ന്നെ നേ​ർ​ക്കു​യ​രു​ന്ന ഭീ​ഷ​ണി​ക​ളെ അ​തി​ജീ​വി​ക്കാ​ൻ തു​ട​ര​ത്തു​ട​രെ സ​മ​രം ചെ​യ്യേ​ണ്ടി​വ​രു​ന്ന​ത്?'' ചി​ന്ത​ക​നും എ​ഴു​ത്തു​കാ​ര​നു​മാ​യ ലേ​ഖ​ക​ൻ ചോ​ദി​ക്കു​ന്നു. ആ​ഴ്​​ച​പ്പ​തി​പ്പ്​ തു​ട​ങ്ങി​വെ​ച്ച 'കേ​ര​ള​ത്തി​ലെ സി​വി​ൽ പൊ​ളി​റ്റി​ക്​​സി​ന്​ എ​ന്തു​സം​ഭവി​ച്ചു?' എ​ന്ന സം​വാ​ദ​ത്തി​​ന്റെ തു​ട​ർ​ച്ച​യാ​ണ്​ പ​ല​ത​ല​ങ്ങ​ളി​ൽ ഇൗ ​ലേ​ഖ​നം.

കോ​ർ​പ​റേ​റ്റ് വി​ക​സ​ന ഭീ​ക​ര​ത​യും കീ​ഴാ​ള ജീ​വി​ത​ങ്ങ​ളു​ടെ വം​ശ​ന​ശീ​ക​ര​ണ​വും
cancel

കൊ​ളോ​ണി​യ​ൽ കൊ​ള്ള​ക​ളു​ടെ കാ​ല​ത്തെ​ന്ന​പോ​ലെ സ്വാ​ത​ന്ത്ര്യ​ല​ബ്ധി​ക്കുശേ​ഷ​വും വി​ക​സ​ന​ത്തി​ന്റെ​യും പു​രോ​ഗ​തി​യു​ടെ​യും പേ​രി​ൽ ആ​വാ​സ​വ്യ​വ​സ്ഥ​യും ജീ​വി​തോ​പാ​ധി​ക​ളും സം​സ്കാ​ര​വും നി​ഷ്ക​രു​ണം ത​ക​ർ​ക്ക​പ്പെ​ടു​ന്ന​തി​ലൂ​ടെ വം​ശ ന​ശീ​ക​ര​ണ​ത്തി​ലേ​ക്ക് ത​ള്ളി​വീ​ഴ്ത്ത​പ്പെ​ട്ടു​കൊ​ണ്ടി​രി​ക്കു​ന്ന​വ​രാ​ണ് ഇ​ന്ത്യ​യി​ലെ വ​ന​വാ​സി സ​മൂ​ഹ​ങ്ങ​ളും തീ​ര​ദേ​ശ വാ​സി​ക​ളാ​യ മ​ത്സ്യ​ത്തൊ​ഴി​ലാ​ളി സ​മൂ​ഹ​ങ്ങ​ളും മ​റ്റും. ഒ​രു ദ​ലി​ത​നെ​യോ ആ​ദി​വാ​സി​യെ​യോ ഇ​ന്ത്യ​യു​ടെ പ്ര​ഥ​മ പൗ​ര​ത്വ​ത്തി​ൽ പ്ര​തി​ഷ്ഠി​ക്കു​ക എ​ന്ന പ്ര​തീ​കാ​ത്മ​ക പ്ര​വൃ​ത്തി​ക്കു...

Your Subscription Supports Independent Journalism

View Plans

കൊ​ളോ​ണി​യ​ൽ കൊ​ള്ള​ക​ളു​ടെ കാ​ല​ത്തെ​ന്ന​പോ​ലെ സ്വാ​ത​ന്ത്ര്യ​ല​ബ്ധി​ക്കുശേ​ഷ​വും വി​ക​സ​ന​ത്തി​ന്റെ​യും പു​രോ​ഗ​തി​യു​ടെ​യും പേ​രി​ൽ ആ​വാ​സ​വ്യ​വ​സ്ഥ​യും ജീ​വി​തോ​പാ​ധി​ക​ളും സം​സ്കാ​ര​വും നി​ഷ്ക​രു​ണം ത​ക​ർ​ക്ക​പ്പെ​ടു​ന്ന​തി​ലൂ​ടെ വം​ശ ന​ശീ​ക​ര​ണ​ത്തി​ലേ​ക്ക് ത​ള്ളി​വീ​ഴ്ത്ത​പ്പെ​ട്ടു​കൊ​ണ്ടി​രി​ക്കു​ന്ന​വ​രാ​ണ് ഇ​ന്ത്യ​യി​ലെ വ​ന​വാ​സി സ​മൂ​ഹ​ങ്ങ​ളും തീ​ര​ദേ​ശ വാ​സി​ക​ളാ​യ മ​ത്സ്യ​ത്തൊ​ഴി​ലാ​ളി സ​മൂ​ഹ​ങ്ങ​ളും മ​റ്റും. ഒ​രു ദ​ലി​ത​നെ​യോ ആ​ദി​വാ​സി​യെ​യോ ഇ​ന്ത്യ​യു​ടെ പ്ര​ഥ​മ പൗ​ര​ത്വ​ത്തി​ൽ പ്ര​തി​ഷ്ഠി​ക്കു​ക എ​ന്ന പ്ര​തീ​കാ​ത്മ​ക പ്ര​വൃ​ത്തി​ക്കു പി​ന്നി​ൽ ഇ​ന്ത്യ​ൻ ന​വ സ​വ​ർ​ണ മേ​ലാ​ള ഭ​ര​ണ​വ​ർ​ഗ​ങ്ങ​ൾ മ​റ​ച്ചുപി​ടി​ക്കു​ന്ന, ആ​രെ​യും ന​ടു​ക്കു​ന്ന കീ​ഴാ​ള​ജ​ന​ത​യു​ടെ വം​ശ​ന​ശീ​ക​ര​ണ ത​ന്ത്ര​ങ്ങ​ളും അ​വ​യു​ടെ ച​രി​ത്ര​വും എ​ന്തെ​ന്ന് തു​റ​ന്നു​കാ​ട്ടാ​ൻ ഇ​നി​യും വൈ​കി​ക്കൂ​ടാ.

തു​ട​ക്ക​ത്തി​ൽ കൊ​ളോ​ണി​യ​ൽ കൊ​ള്ള​ക്കാ​ർ ചെ​യ്ത​ത്, അ​വ​ർ മ​നു​ഷ്യ​രാ​യിത​ന്നെ ക​ണ​ക്കാ​ക്കാ​തി​രു​ന്ന ലോ​ക​മെ​മ്പാ​ടു​മു​ള്ള പ്രാ​ദേ​ശി​ക സ​മൂ​ഹ​ങ്ങ​ളെ കൂ​ട്ട​മാ​യി കൊ​ന്നൊ​ടു​ക്കു​ക​യോ വ​ള​ഞ്ഞു​പി​ടി​ച്ച് ച​ങ്ങ​ല​ക്കി​ട്ട് യൂ​റോ​പ്യ​ൻ-അ​മേ​രി​ക്ക​ൻ അ​ടി​മ​ക്ക​മ്പോ​ള​ങ്ങ​ളി​ൽ വി​ൽ​ക്കു​ക​യോ ആ​യി​രു​ന്നു. കി​ഴ​ക്ക​ൻ കോ​ള​നി രാ​ജ്യ​ങ്ങ​ളി​ലെ കൊ​ടും കാ​ടു​ക​ൾ വെ​ട്ടി​ത്തെ​ളി​ച്ചു​ള്ള തോ​ട്ടം നി​ർ​മാ​ണ​ത്തി​നും ഇ​ന്ത്യ​യ​ട​ക്ക​മു​ള്ള നാ​ടു​ക​ളി​ൽ​നി​ന്നും അ​വ​ർ കൂ​ട്ട​മാ​യി ക​പ്പ​ലു​ക​ളി​ൽ ക​യ​റ്റി അ​യ​ക്ക​പ്പെ​ട്ടി​രു​ന്നു. എ​ന്നി​ട്ടും അ​വ​ശേ​ഷി​ക്കു​ന്ന ക​റു​ത്ത​വ​ര​ട​ക്ക​മു​ള്ള ലോ​ക കീ​ഴാ​ള ജ​ന​ത മു​ഴു​വ​ൻ, മ​നു​ഷ്യ സാ​മൂ​ഹി​ക പ​രി​ണാ​മ​ത്തി​ന്റെ അ​ത്യു​ന്ന​ത മാ​തൃ​ക ത​ങ്ങ​ളാ​ണെ​ന്ന് സ്വ​യം വി​ധി​ച്ച വെ​ള്ള​ക്കാ​രെ സം​ബ​ന്ധി​ച്ചി​ട​ത്തോ​ളം മ​നു​ഷ്യ പു​രോ​ഗ​തി​യി​ൽ​നി​ന്ന് വ​ഴി​തെ​റ്റി ച​രി​ത്ര​ത്തി​ന്റെ പു​റ​മ്പോ​ക്കി​ൽ​വീ​ണ് സ്തം​ഭി​ച്ചു​നി​ന്നു​പോ​യ പ്രാ​കൃ​ത​സ​മൂ​ഹ​ങ്ങ​ളാ​യി​രു​ന്നു. ഉ​ദാ​ര​മ​തി​ക​ളാ​യ ഒ​രു വി​ഭാ​ഗം കൊ​ളോ​ണി​യ​ൽ യ​ജ​മാ​ന​ന്മാ​ർ ആ​ധു​നി​ക​ത​യി​ലേ​ക്കു​ള്ള മ​നു​ഷ്യ പു​രോ​ഗ​തി​യു​ടെ പാ​ത​യി​ൽ ബ​ഹു​ദൂ​രം പി​ന്നി​ൽ സ്തം​ഭി​ച്ചു നി​ന്നു​പോ​യ ഈ ​പ്രാ​കൃ​ത​സ​മൂ​ഹ​ങ്ങ​ളെ പോ​റ്റേ​ണ്ട ചു​മ​ത​ല ത​ങ്ങ​ളു​ടെ ചു​മ​ലി​ൽ വ​ന്നു​പ​തി​ച്ച ഒ​രു 'ഭാ​ര'മാ​ണെ​ന്ന് (White Man's Burden) ന​ടി​ച്ചു.

എ​ന്നാ​ൽ, ലോ​കം മു​ഴു​വ​ൻ വ്യാ​പി​ച്ചു​കൊ​ണ്ടി​രു​ന്ന ആ​ധു​നി​ക മു​ത​ലാ​ളി​ത്ത മൂ​ല​ധ​ന​ത്തി​ന്റെ നി​ഷ്ഠു​ര​മാ​യ വി​ക​സ​ന മു​ന്നേ​റ്റ​ങ്ങ​ൾ ഈ ​കീ​ഴാ​ള ജ​ന​വി​ഭാ​ഗ​ങ്ങ​ളെ ആ ​പ്ര​ക്രി​യ​ക്ക് ത​ട​സ്സം നി​ൽ​ക്കു​ന്ന, ത​ട്ടി​മാ​റ്റ​പ്പെ​ടേ​ണ്ട പ്രാ​കൃ​ത പ്ര​തി​ഭാ​സ​ങ്ങ​ളാ​യാ​ണ് ക​ണ്ടി​രു​ന്ന​ത്. അ​തു​കൊ​ണ്ട് ഖ​ന​ന​വും തോ​ട്ടം കൃ​ഷി​യും അ​ണ​ക്കെ​ട്ടു​ക​ളും തു​റ​മു​ഖ​ങ്ങ​ളും തു​ട​ങ്ങി റെ​യി​ൽ​വേ ക​ളും റോ​ഡു​ക​ളും വ​രെ​യു​ള്ള ആ​ധു​നി​ക വി​ക​സ​ന​ത്തി​ന്റെ ഏ​തു പ്ര​ക്രി​യ​യി​ലും എ​വി​ടെ​യും പി​ഴു​തെ​റി​യ​പ്പെ​ട്ടു​കൊ​ണ്ടി​രു​ന്ന​ത് ആ​രും ചോ​ദി​ക്കാ​നും പ​റ​യാ​നു​മി​ല്ലാ​ത്ത മ​ണ്ണി​​ന്റെ​യും കാ​ടി​ന്റെ​യും ക​ട​ലി​ന്റെ​യും നേ​ര​വ​കാ​ശി​ക​ളാ​യ ഈ ​മ​നു​ഷ്യ​ജീ​വി​ക​ളാ​ണ്. കൊ​ളോ​ണി​യ​ൽ യ​ജ​മാ​ന​ന്മാ​ർ​ക്ക് കാ​ട് വെ​ട്ടു​ന്ന​തു​പോ​ലെ​യും കാ​ട്ടു​ജീ​വി​ക​ളെ വേ​ട്ട​യാ​ടു​ന്ന​തു​പോ​ലെ​യും സ്വാ​ഭാ​വി​ക​വും സാ​ധാ​ര​ണ​വു​മാ​യ ഒ​രു വ്യാ​പാ​രം മാ​ത്ര​മാ​യി​രു​ന്നു ത​ദ്ദേ​ശീ​യ ജ​ന​ത​ക​ളെ​യും അ​വ​രു​ടെ സം​സ്കാ​ര​ങ്ങ​ളെ​യും ത​ക​ർ​ക്കു​ക എ​ന്ന​ത്.

അ​തു​കൊ​ണ്ടാ​ണ് ലോ​ക​ത്തെ കീ​ഴ​ട​ക്കാ​നി​റ​ങ്ങി​യ വെ​ള്ള​ക്കാ​ർ അ​വ​ർ കൈ​യേ​റി​യ യൂ​റോ​പ്പൊ​ഴി​കെ​യു​ള്ള രാ​ജ്യ​ങ്ങ​ൾ മി​ക്ക​തും മ​നു​ഷ്യ​സാ​ന്നി​ധ്യ​മി​ല്ലാ​ത്ത ശൂ​ന്യ​സ്ഥ​ല​ങ്ങ​ൾ (Terra Nullius) ആ​ണെ​ന്ന് വി​ധി​ച്ച​ത്. മാ​ത്ര​മ​ല്ല, കൊ​ളോ​ണി​യ​ൽ ക​ട​ന്നു​ക​യ​റ്റ​ങ്ങ​ൾ​ക്കെ​തി​രെ പ്രാ​ദേ​ശി​ക ജ​ന​ത​ക​ൾ ആ​ദ്യം മു​ത​ലേ ഉ​യ​ർ​ത്തി​യ ധീ​ര​മാ​യ ചെ​റു​ത്തു​നി​ൽ​പു​ക​ളെ ആ ​രാ​ജ്യ​ങ്ങ​ളു​ടെ ച​രി​ത്ര​സ്മ​ര​ണ​ക​ളി​ൽ​നി​ന്നും അ​വ​ർ മാ​യ്ച്ചു​ക​ള​യാ​ൻ ശ്ര​മി​ച്ച​തും അ​തു​കൊ​ണ്ടാ​ണ്. ഇ​ന്ത്യ​യി​ൽ​ത​ന്നെ ശി​പാ​യി ല​ഹ​ള​യെ​ന്ന് ബ്രി​ട്ടീ​ഷു​കാ​രും ഒ​ന്നാം സ്വാ​ത​ന്ത്ര്യ സ​മ​ര​മെ​ന്ന് ദേ​ശീ​യ ച​രി​ത്ര​കാ​ര​ന്മാ​രും വി​ശേ​ഷി​പ്പി​ച്ച 1857ലെ ​ക​ലാ​പ​ങ്ങ​ൾ​ക്കും ഒ​രു നൂ​റ്റാ​ണ്ടുമു​മ്പ് മു​ത​ൽത​ന്നെ ആ​ദി​മ ജ​ന​വി​ഭാ​ഗ​ങ്ങ​ൾ ആ​യി​ര​ക്ക​ണ​ക്കാ​യി മ​ര​ണംവ​രി​ച്ചു​കൊ​ണ്ട് ബ്രി​ട്ടീ​ഷ് ക​ട​ന്നു​ക​യ​റ്റ​ക്കാ​രെ തു​ര​ത്താ​നു​ള്ള സ്വാ​ത​ന്ത്ര്യ​സ​മ​രം തു​ട​ങ്ങി​ക്ക​ഴി​ഞ്ഞി​രു​ന്നു.​അ​തൊ​ന്നും ഇ​ന്ത്യ​ൻ സ്വാ​ത​ന്ത്ര്യ​സ​മ​ര ച​രി​ത്ര​ങ്ങ​ളി​ൽ ഇ​ല്ലെ​ങ്കി​ലും ആ ​കീ​ഴാ​ള​സ​മൂ​ഹ​ങ്ങ​ൾ സ്വാ​ത​ന്ത്ര്യ​ല​ബ്ധി​ക്കുശേ​ഷ​വും അ​വ​രു​ടെ വി​മോ​ച​ന​ത്തി​നാ​യു​ള്ള സ​മ​ര​ങ്ങ​ൾ വി​വി​ധ രീ​തി​ക​ളി​ൽ ഇ​ന്നും തു​ട​രു​ക​യാ​ണ്.

എ​ന്തു​കൊ​ണ്ടാ​ണ് സ്വാ​ത​ന്ത്ര്യ​ല​ബ്ധി​ക്കുശേ​ഷം ഏ​ഴു പ​തി​റ്റാ​ണ്ടു​ക​ൾ​ക്കി​പ്പു​റ​വും സ്വ​ത​ന്ത്ര ഇ​ന്ത്യ​യി​ൽ ആ​ദി​വാ​സി​ക​ളും ദ​ലി​ത​രും മ​ത്സ്യ​ത്തൊ​ഴി​ലാ​ളി​ക​ളു​മ​ട​ക്കം സ​മൂ​ഹ​ത്തി​​ന്റെ അ​ടി​ത്ത​ട്ടി​ലു​ള്ള മ​നു​ഷ്യ​ർ​ക്ക് സ്വ​ന്തം നി​ല​നി​ൽ​പി​ന്റെത​ന്നെ നേ​ർ​ക്കു​യ​രു​ന്ന ഭീ​ഷ​ണി​ക​ളെ അ​തി​ജീ​വി​ക്കാ​ൻ തു​ട​ര​ത്തു​ട​രെ സ​മ​രം ചെ​യ്യേ​ണ്ടി​വ​രു​ന്ന​ത്?

കർഷക സമരത്തിൽനിന്നൊരു ദൃശ്യം

കർഷക സമരത്തിൽനിന്നൊരു ദൃശ്യം

കൊ​ളോ​ണി​യ​ൽ ഭ​ര​ണ​ത്തി​നു​ശേ​ഷം ഇ​ന്ത്യ​ൻ കീ​ഴാ​ള​വി​ഭാ​ഗ​ങ്ങ​ൾ​ക്കു മേ​ലു​ള്ള ഭ​ര​ണാ​ധി​കാ​രം ഏ​റ്റെ​ടു​ത്ത​ത് സ്വാ​ത​ന്ത്ര്യ​സ​മ​രം ന​യി​ച്ച ഇ​ന്ത്യ​ൻ മു​ത​ലാ​ളി​മാ​രു​ടെ മേ​ലാ​ള​വ​ർ​ഗ​മാ​ണ്. സ്വാ​ത​ന്ത്ര്യ​ല​ബ്ധി​യോ​ടെ ഒ​രു സ്വ​ത​ന്ത്ര​ശ​ക്തി​യാ​യി കു​തി​ച്ചു​യ​രാ​ൻ വെ​മ്പ​ൽ​പൂ​ണ്ട ഇ​ന്ത്യ​ൻ മു​ത​ലാ​ളി​ത്ത​ത്തി​​ന്റെ വി​ക​സ​ന മാ​തൃ​ക, ക​റു​ത്ത​വ​ര​ട​ക്ക​മു​ള്ള ലോ​ക കീ​ഴാ​ള​ജ​ന​ത​യെ മു​ഴു​വ​ൻ ച​രി​ത്ര​പ​രി​ണാ​മം നി​ല​ച്ച അ​പൂ​ർ​ണ മ​നു​ഷ്യ​രാ​യി ക​ണ്ട യൂ​റോ​പ്യ​ൻ ആ​ധു​നി​ക​ത​യു​ടേ​ത് ത​ന്നെ​യാ​യി​രു​ന്നു. അ​തു​കൊ​ണ്ടാ​ണ് ആ​ദി​വാ​സി​ക​ള​ട​ക്ക​മു​ള്ള കീ​ഴാ​ള​ജ​ന​ത​യോ​ടു​ള്ള ഇ​ന്ത്യ​ൻ ദേ​ശീ​യ ഭ​ര​ണ​വ​ർ​ഗ​ങ്ങ​ളു​ടെ അ​ടി​സ്ഥാ​ന സ​മീ​പ​നം കൊ​ളോ​ണി​യ​ൽ ഭ​ര​ണ​വ​ർ​ഗ​ത്തി​ന്റേ​തു ത​ന്നെ​യാ​യി തു​ട​ർ​ന്ന​ത്. അ​ങ്ങ​നെ പു​രോ​ഗ​തി​ക്കും വി​ക​സ​ന​ത്തി​നും വി​ഘാ​ത​മാ​യി നി​ൽ​ക്കു​ന്ന പ്രാ​കൃ​ത​രെ​ന്ന് വി​ധി​ക്ക​പ്പെ​ട്ട ജ​ന​ങ്ങ​ളു​ടെ താ​ൽ​പ​ര്യ​ങ്ങ​ൾ സ്വ​ത​ന്ത്ര ഇ​ന്ത്യ​യി​ലും ബ​ഹു​ദൂ​രം പി​ന്നി​ലേ​ക്ക് ത​ള്ള​പ്പെ​ട്ടു. അ​തേ​സ​മ​യം, ഇ​ന്ത്യ​ൻ റി​പ്പ​ബ്ലി​ക്കി​ന്റെ ഭ​ര​ണ​ഘ​ട​ന ഈ ​കീ​ഴാ​ള ജ​ന​വി​ഭാ​ഗ​ങ്ങ​ൾ​ക്ക് ഇ​ന്ത്യ​ൻ പൗ​ര​ന്മാ​രെ​ന്ന നി​ല​യി​ലു​ള്ള തു​ല്യാ​വ​കാ​ശ​ങ്ങ​ളും പി​ൻ​നി​ല​ക്കാ​രെ​ന്ന നി​ല​യി​ലു​ള്ള പ്ര​ത്യേ​കാ​വ​കാ​ശ​ങ്ങ​ളും അ​നു​വ​ദി​ച്ചു​കൊ​ടു​ക്കു​ക​യും ചെ​യ്തു.

ഇ​ങ്ങ​നെ ഇ​ന്ത്യ​ൻ ലി​ബ​റ​ൽ ഭ​ര​ണ​കൂ​ട​ത്തി​ന്, ഒ​രു​വ​ശ​ത്ത് മു​ത​ലാ​ളി​ത്ത മൂ​ല​ധ​ന വി​ക​സ​ന​ത്തി​​ന്റെ താ​ൽ​പ​ര്യ​ങ്ങ​ൾ​ക്കുവേ​ണ്ടി വി​ട്ടു​വീ​ഴ്ച​യി​ല്ലാ​ത്ത വി​ധം പ്ര​തി​ജ്ഞാ​ബ​ദ്ധ​മാ​യി​രി​ക്കു​മ്പോ​ൾ​ത​ന്നെ മ​റു​വ​ശ​ത്ത് കീ​ഴാ​ള​ജ​ന​ത​യു​ടെ പൗ​ര​സ​മ​ത്വ​ത്തി​നും അ​വ​കാ​ശ​ങ്ങ​ൾ​ക്കും​വേ​ണ്ടി നി​ല​കൊ​ള്ളാ​നു​ള്ള ബാ​ധ്യ​ത ഏ​റ്റെ​ടു​ക്കേ​ണ്ട​താ​യും വ​ന്നു. ഈ ​വൈ​പ​രീ​ത്യ​ത്തെ മ​റി​ക​ട​ന്ന് സ്വ​ന്തം വ​ർ​ഗ​താ​ൽ​പ​ര്യ​ങ്ങ​ൾ​ക്കുവേ​ണ്ടി മു​ന്നോ​ട്ടു​പോ​കാ​ൻ ഇ​ന്ത്യ​ൻ ഭ​ര​ണ​വ​ർ​ഗ​ങ്ങ​ളു​ടെ രാ​ഷ്ട്രീ​യ അ​ബോ​ധം ക​ണ്ടെ​ത്തി​യ ത​ന്ത്ര​മാ​ണ് ആ​ദ​ർ​ശ​ത്തി​ലും സി​ദ്ധാ​ന്ത​ത്തി​ലും കീ​ഴാ​ള​ജ​ന​ത​യെ ഉ​യ​ർ​ത്തി​പ്പി​ടി​ച്ചു​കൊ​ണ്ട് പ്ര​യോ​ഗ​ത്തി​ൽ അ​വ​രു​ടെ നി​ല​നി​ൽ​പി​നു നേ​ർ​ക്കു​ത​ന്നെ ക​ണ്ണ​ട​ക്കു​ക എ​ന്ന​ത്. അ​ങ്ങ​നെ ഇ​ന്ത്യ​ൻ കീ​ഴാ​ള​ജ​ന​ത ഉ​ണ്ടാ​യി​രി​ക്കു​മ്പോ​ൾ​ത​ന്നെ ഇ​ല്ലാ​ത്ത​വ​രാ​യി​ത്തീ​രു​ന്ന ഒ​രു ഗ​ണ​മാ​യി മാ​റു​ന്നു. ഈ ​ത​ന്ത്രം രാ​ജ്യ​ത്ത് പ്ര​വ​ർ​ത്ത​ന​ക്ഷ​മ​മാ​കു​ന്ന​തി​​ന്റെ പ്ര​ക്രി​യ​യാ​ണ് കീ​ഴാ​ള ജ​ന​വി​ഭാ​ഗ​ങ്ങ​ളു​ടെ ചി​ട്ട​യാ​യ വം​ശ​ന​ശീ​ക​ര​ണം. അ​ങ്ങ​നെ​യാ​ണ് രാ​ജ്യ​ത്തെ എ​ല്ലാ നി​യ​മ​ങ്ങ​ളും ആ​ദി​വാ​സി​ക​ൾ​ക്കും ദ​ലി​ത​ർ​ക്കും മ​റ്റും പൂ​ർ​ണ​മാ​യും അ​നു​കൂ​ല​മാ​യി​രി​ക്കെ വ​മ്പ​ൻ മൂ​ല​ധ​ന നി​ക്ഷേ​പ​മു​ള്ള ഏ​തു വി​ക​സ​ന പ​ദ്ധ​തി​യു​ടെ​യും അ​ടി​യി​ൽ കാ​ടും പ​ട​ലും​പോ​ലെ നി​ശ്ശ​ബ്ദം ഞെ​രി​ഞ്ഞ​മ​രാ​ൻ അ​വ​ർ വി​ധി​ക്ക​പ്പെ​ട്ടി​രി​ക്കു​ന്ന​തും. ചു​രു​ക്ക​ത്തി​ൽ കൊ​ളോ​ണി​യ​ൽ മു​ത​ലാ​ളി​ത്ത​ത്തെപ്പോ​ലെ കീ​ഴാ​ള​ജ​ന​ത​യെ​യും പ്ര​കൃ​തി​യെ​യും നേ​രി​ട്ട് ക​ട​ന്നാ​ക്ര​മി​ക്കാ​നോ ന​ശി​പ്പി​ക്കാ​നോ ലി​ബ​റ​ൽ റി​പ്പ​ബ്ലി​ക്ക​ൻ മു​ത​ലാ​ളി​ത്ത​ത്തി​ന് ക​ഴി​യാ​തെ വ​രു​ന്ന സാ​ഹ​ച​ര്യ​ത്തി​ലാ​ണ് ഇ​ത്ത​രം വം​ശ​ന​ശീ​ക​ര​ണ​ത്തി​​ന്റെ ഗൂ​ഢ​ത​ന്ത്ര​ങ്ങ​ൾ പ്ര​വ​ർ​ത്ത​ന​ക്ഷ​മ​മാ​കു​ന്ന​ത് എ​ന്ന​ർ​ഥം.

II

ഇ​രു​പ​ത്തൊ​ന്നാം നൂ​റ്റാ​ണ്ടി​ൽ കീ​ഴാ​ള​ജീ​വി​ത​ങ്ങ​ളു​ടെ ഈ ​വം​ശ​ന​ശീ​ക​ര​ണ ത​ന്ത്ര​ത്തി​ന് അ​ടി​സ്ഥാ​ന​പ​ര​മാ​യി മാ​റ്റ​മൊ​ന്നും സം​ഭ​വി​ക്കു​ന്നി​ല്ലെ​ങ്കി​ലും ഇ​തി​ന്റെ പ്ര​വ​ർ​ത്ത​നം മ​റ്റൊ​രു രീ​തി കൈ​വ​രി​ക്കു​ന്ന​ത് കാ​ണാം. സോ​വി​യ​റ്റ് യൂ​നി​യ​ന്റെ ത​ക​ർ​ച്ച​യും ദേ​ശീ​യ മു​ത​ലാ​ളി​ത്ത വ്യ​വ​സ്ഥ​ക​ൾ​ക്ക് സം​ഭ​വി​ക്കു​ന്ന പ​രി​വ​ർ​ത്ത​ന​വു​മാ​ണ് ഇ​തി​ന്റെ പ​ശ്ചാ​ത്ത​ലം. മു​ത​ലാ​ളി​ത്ത മൂ​ല​ധ​നം കേ​ന്ദ്ര​വും പാ​ർ​ശ്വ​ങ്ങ​ളു​മി​ല്ലാ​ത്ത, ഭൂ​മി​യെ ഒ​ന്നാ​കെ ഗ്ര​സി​ക്കു​ന്ന ആഗോ​ള സാ​മ്രാ​ജ്യ മ​ഹാ​ശ​ക്തി​യാ​യി രൂ​പാ​ന്ത​ര​പ്പെ​ടു​ന്ന​താ​ണ് ഈ ​സ​ന്ദ​ർ​ഭ​ത്തി​ൽ സം​ഭ​വി​ക്കു​ന്ന​ത്. ദേ​ശ​രാ​ഷ്ട്ര ഭ​ര​ണ​കൂ​ട​ങ്ങ​ളെ സാ​മ​ന്ത​രാ​ക്കി മാ​റ്റി​ക്കൊ​ണ്ട് അ​വ​യു​ടെ അ​തി​രു​ക​ളെ മ​റി​ക​ട​ക്കു​ന്ന കോ​ർ​പ​റേ​റ്റു​ക​ളി​ലൂ​ടെ, വി​വ​ര-​വി​നി​മ​യ-​സാ​ങ്കേ​തി​ക വി​പ്ല​വ​ത്തി​ന്റെ കു​തി​പ്പു​ക​ളെ മു​ഴു​വ​ൻ ഏ​റ്റെ​ടു​ത്തു​കൊ​ണ്ട് പ്ര​കൃ​തി​യെ​യും ജീ​വി​ത​ത്തെ​യും ഒ​ന്നാ​കെ സൂ​ക്ഷ്മ​ത്തി​ലും സ്ഥൂ​ല​ത്തി​ലും പ​രോ​ക്ഷ​വും (virtual) പ്ര​ത്യ​ക്ഷ​വു​മാ​യി ഗ്ര​സി​ക്കു​ന്ന ഒ​രു പ്ര​തി​ഭാ​സ​മാ​ണ് ഇ​ന്ന് ആ​ഗോ​ളീ​ക​രി​ക്ക​പ്പെ​ട്ട മു​ത​ലാ​ളി​ത്ത മൂ​ല​ധ​നം. ഇ​തി​ൽ സം​ഭ​വി​ക്കു​ന്ന​ത് ഒ​ര​ർ​ഥ​ത്തി​ൽ നൂ​റ്റാ​ണ്ടു​ക​ൾ​ക്കു മു​മ്പ് ലോ​കം കീ​ഴ​ട​ക്കാ​ൻ പു​റ​പ്പെ​ട്ട കൊ​ളോ​ണി​യ​ൽ മു​ത​ലാ​ളി​ത്ത കൊ​ള്ള​യു​ടെ ഒ​രു ഉ​യ​ർ​ന്ന ആ​വ​ർ​ത്ത​ന​മാ​ണെ​ന്നു പ​റ​യാം.

ഈ ​സ​ന്ദ​ർ​ഭ​ത്തി​ൽ ലോ​കം വേ​ർ​തി​രി​യു​ന്ന​ത് പ​ഴ​യ​പോ​ലെ, ഒ​രു​വ​ശ​ത്ത് 'പ്ര​ബു​ദ്ധ​രാ​യ' യൂ​റോ​പ്യ​ൻ യ​ജ​മാ​ന​ന്മാ​രും മ​റു​വ​ശ​ത്ത് 'പ്രാ​കൃ​ത​രാ​യ' ലോ​ക കീ​ഴാ​ള​ജ​ന​ത​യും എ​ന്ന നി​ല​ക്ക​ല്ല. പ​ഴ​യ ദേ​ശീ​യ മു​ത​ലാ​ളി​വ​ർ​ഗ​വും ദേ​ശാ​തി​ർ​ത്തി​ക​ൾ​ക്കു​ള്ളി​ലെ ചൂ​ഷി​ത​വ​ർ​ഗ​വും എ​ന്ന നി​ല​ക്കു​മ​ല്ല. ഇ​ന്ന് ലോ​കം വി​ഭ​ജി​ക്ക​പ്പെ​ട്ടി​രി​ക്കു​ന്ന​ത് പ​ഴ​യ കൊ​ളോ​ണി​യ​ൽ സാ​മ്രാ​ജ്യ​ങ്ങ​ളു​ടെ ച​ക്ര​വ​ർ​ത്തി​മാ​രെ​പ്പോ​ലും ല​ജ്ജി​പ്പി​ക്കു​ന്ന സ​ഹ​സ്ര​കോ​ടീ​ശ്വ​ര​ന്മാ​രാ​യ ആ​ഗോ​ള കോ​ർ​പ​റേ​റ്റ് ഭീ​മ​ന്മാ​ർ ഒ​രു​വ​ശ​ത്തും ആ​രും ചോ​ദി​ക്കാ​നും പ​റ​യാ​നും ഇ​ല്ലാ​ത്ത കൊ​ള്ള​യ​ടി​ക്ക​പ്പെ​ടു​ന്ന ഐ.​ടി തൊ​ഴി​ലാ​ളി​ക​ൾ മു​ത​ൽ ക​റു​ത്ത​വ​രും വ​ന​വാ​സി​ക​ളും ക​ട​ലോ​ര​വാ​സി​ക​ളും സ്ത്രീ​ക​ളും ചേ​രി​നി​വാ​സി​ക​ളും വ​രെ​യു​ള്ള ലോ​ക കീ​ഴാ​ള ജ​ന​കോ​ടി​ക​ൾ മ​റു​വ​ശ​ത്തും എ​ന്ന നി​ല​യി​ലാ​ണ്.

ഈ ​കോ​ർ​പ​റേ​റ്റ് ഭീ​മ​ന്മാ​ർ​ക്ക് പ​ഴ​യ ദേ​ശീ​യ ലി​ബ​റ​ൽ മു​ത​ലാ​ളി​ത്ത​ത്തി​​ന്റെ മ​നു​ഷ്യ​ത്വ​ത്തി​ന്റെ​യും ജ​നാ​ധി​പ​ത്യ​ത്തി​ന്റെ​യും മു​ഖം​മൂ​ടി​ക​ൾ​പോ​ലും ആ​വ​ശ്യ​മി​ല്ല. അ​തി​നാ​ൽ, ദേ​ശീ​യ രാ​ഷ്ട്രീ​യ​ത്തി​ലെ ജ​ന​വി​രു​ദ്ധ യാ​ഥാ​സ്ഥി​തി​ക ശ​ക്തി​ക​ളെ സ്വ​ന്തം ആ​ജ്ഞാ​നു​വ​ർ​ത്തി​ക​ളാ​യ സാ​മ​ന്ത​ന്മാ​രാ​യി അ​വ​രോ​ധി​ച്ചു​കൊ​ണ്ട് ആ​ധു​നി​ക മു​ത​ലാ​ളി​ത്ത മൂ​ല​ധ​ന വി​ക​സ​ന​ത്തി​ൽ അ​ന്ത​ർ​ഭ​വി​ച്ചി​രു​ന്ന കീ​ഴാ​ള വം​ശ​ന​ശീ​ക​ര​ണ ത​ന്ത്ര​ത്തെ ന​ഗ്ന​വും പ​ര​സ്യ​വു​മാ​യി​ത്ത​ന്നെ ന​ട​പ്പാ​ക്കു​ക​യാ​ണ് ഇ​ന്ന് കോ​ർ​പ​റേ​റ്റ് സാ​മ്രാ​ജ്യ​ത്വം ചെ​യ്യു​ന്ന​ത്. കൃ​ഷി​ക്കാ​രും കൈ​വേ​ല​ക്കാ​രും തു​ട​ങ്ങി ആ​ദി​വാ​സി​ക​ളും ദ​ലി​ത​രും മ​ത്സ്യ​ത്തൊ​ഴി​ലാ​ളി​ക​ളും വ​രെ ഏ​റ്റ​വും അ​ടി​ത്ത​ട്ടി​ലു​ള്ള മ​നു​ഷ്യ​രു​ടെ ഒ​രു നീ​ണ്ട​നി​ര​യാ​ണ് ന​ഗ്ന​മാ​യ ഈ ​കോ​ർ​പ​റേ​റ്റ് വി​ക​സ​ന ഭീ​ക​ര​ത​യു​ടെ ആ​ദ്യ​ത്തെ ഇ​ര​ക​ളാ​യി​ത്തീ​രു​ന്ന​ത്.

ഇ​തി​ന് ഏ​റ്റ​വും ന​ല്ല ഉ​ദാ​ഹ​ര​ണം ഇ​ന്ത്യ​യാ​ണ്. ജ​ന​ങ്ങ​ളു​ടെ രാ​ഷ്ട്രീ​യ ഇ​ച്ഛാ​ശ​ക്തി​യെ ത​ക​ർ​ക്കു​ക​യും അ​വ​രെ പ​ര​സ്പ​രം ഭി​ന്നി​പ്പി​ക്കു​ക​യും ചെ​യ്യു​ന്ന ഇ​ന്ത്യ​യി​ലെ ഏ​റ്റ​വും പ്ര​തി​ലോ​മ വി​ധ്വം​സ​ക ശ​ക്തി​യാ​യ ആ​ർ.​എ​സ്.​എ​സ് ന​യി​ക്കു​ന്ന ഭ​ര​ണ​കൂ​ടം ഇ​ന്ത്യ​യെ ഒ​ന്നാ​കെ കോ​ർ​പ​റേ​റ്റ് കൊ​ള്ള​ക്കാ​യി തു​റ​ന്നു​കൊ​ടു​ക്കാ​നു​ള്ള പ​ദ്ധ​തി​ക​ളാ​ണ് ആ​വി​ഷ്ക​രി​ക്കു​ന്ന​ത്. ഇ​തി​ന്റെ ഫ​ല​മാ​യി വീ​ടും നാ​ടും തൊ​ഴി​ലും സം​സ്കാ​ര​വും ഭാ​ഷ​യും ന​ഷ്ട​പ്പെ​ട്ട് വി​ക​സ​ന ഭീ​ക​ര​ത സൃ​ഷ്ടി​ക്കു​ന്ന പു​തി​യ ചേ​രി​ക​ളി​ലേ​ക്ക് അ​താ​യ​ത് വം​ശ​നാ​ശ​ത്തി​ലേ​ക്ക് കോ​ടി​ക്ക​ണ​ക്കാ​യ മ​നു​ഷ്യ​ർ ആ​ട്ടി​ത്തെ​ളി​ക്ക​പ്പെ​ടാ​ൻ തു​ട​ങ്ങി​യി​രി​ക്കു​ന്നു.

III

എ​ന്നാ​ൽ, ഈ ​സ​ന്ദ​ർ​ഭ​ത്തി​ൽ അ​തി​ജീ​വ​ന​ത്തി​നും വി​മോ​ച​ന​ത്തി​നും വേ​ണ്ടി​യു​ള്ള ലോ​ക കീ​ഴാ​ള ജ​ന​സ​ഞ്ച​യ​ത്തി​ന്റെ അ​ടി​ത്ത​ട്ടി​ൽ​നി​ന്നു​ള്ള ഉ​യി​ർ​ത്തെ​ഴു​ന്നേ​ൽ​പു​ക​ളു​ടെ ഒ​രു പു​തി​യ യു​ഗ​മാ​ണ് ന​മു​ക്കു മു​ന്നി​ൽ ഉ​ദി​ച്ചു​കൊ​ണ്ടി​രി​ക്കു​ന്ന​ത് എ​ന്ന യാ​ഥാ​ർ​ഥ്യം​കൂ​ടി ന​മ്മ​ൾ തി​രി​ച്ച​റി​യ​ണം. കൊ​ളോ​ണി​യ​ൽ കാ​ലം മു​ത​ൽ ഇ​ന്ന​ത്തെ ആ​ഗോ​ള മൂ​ല​ധ​ന സാ​മ്രാ​ജ്യ​ത്വം വ​രെ ക​റു​ത്ത​വ​രും ദ​ലി​ത​രും ആ​ദി​വാ​സി​ക​ളു​മെ​ല്ലാ​മ​ട​ങ്ങു​ന്ന കീ​ഴാ​ള വ​ർ​ഗ​ങ്ങ​ൾ​ക്കു​മേ​ൽ പ്ര​വ​ർ​ത്തി​ച്ചു​കൊ​ണ്ടി​രു​ന്ന ന​ശീ​ക​ര​ണ ത​ന്ത്ര​ങ്ങ​ളെ സ്വ​യം ചെ​റു​ത്തു തോ​ൽ​പി​ക്കാ​ൻ പാ​ക​ത്തി​ൽ ഇ​ന്ന് പു​തി​യൊ​രു ജൈ​വ​രാ​ഷ്ട്രീ​യ ശ​ക്തി​യാ​യി അ​വ​ർ പ​രി​ണ​മി​ക്കു​ന്നു എ​ന്ന​താ​ണ് ഈ ​യാ​ഥാ​ർ​ഥ്യ​ത്തി​ന്റെ പൊ​രു​ൾ.

പ​ഴ​യ ദേ​ശീ​യ വി​മോ​ച​ന സ​മ​ര​ങ്ങ​ളി​ലും തൊ​ഴി​ലാ​ളി വ​ർ​ഗ മു​ന്ന​ണി​പ്പ​ട​യാ​ൽ ന​യി​ക്ക​പ്പെ​ട്ട വി​പ്ല​വ പ്ര​സ്ഥാ​ന​ങ്ങ​ളി​ലും പി​ന്ന​ണി​യി​ലേ​ക്ക് മാ​റ്റി​നി​ർ​ത്ത​പ്പെ​ട്ട വി​വി​ധ ചൂ​ഷി​ത ജ​ന​വി​ഭാ​ഗ​ങ്ങ​ൾ സ്വ​യം ക​ണ്ടെ​ത്തു​ന്ന​തി​ലൂ​ടെ പു​തി​യൊ​രു രാ​ഷ്ട്രീ​യ ക​ർ​തൃ​ത്വ​ത്തി​ലേ​ക്ക് ഉ​യ​രു​ക​യാ​ണ് ഇ​വി​ടെ സം​ഭ​വി​ക്കു​ന്ന​ത്. എ​ല്ലാ​ക്കാ​ല​വും ജ​ന​ങ്ങ​ൾ വ​ർ​ഗ​ബോ​ധ​ത്തി​ലേ​ക്ക് ഉ​യ​ർ​ന്ന നേ​താ​ക്ക​ന്മാ​രാ​ൽ ന​യി​ക്ക​പ്പെ​ടേ​ണ്ട ആ​ത്മ​ബോ​ധ​മി​ല്ലാ​ത്ത അ​ണി​ക​ളു​ടെ പ​റ്റ​ങ്ങ​ൾ ആ​യി​രി​ക്കു​മെ​ന്ന് മാ​ർ​ക്സോ ലെ​നി​നോ പ​റ​ഞ്ഞി​ട്ടി​ല്ല.​പ​ഴ​യ ലി​ബ​റ​ൽ പൗ​ര​സ​മൂ​ഹ​ത്തി​ന്റെ, രാ​ഷ്ട്രീ​യ പൊ​തു​മ​ണ്ഡ​ല​വും സ്വ​കാ​ര്യ കു​ടും​ബ​ജീ​വി​ത​വും എ​ന്ന വി​ഭ​ജ​ന​ത്തെ മ​റി​ക​ട​ന്ന് വീ​ട​ക​ങ്ങ​ളി​ൽ​നി​ന്ന് സ്ത്രീ​ക​ളും കു​ട്ടി​ക​ളും വൃ​ദ്ധ​രും വി​ദ്യാ​ല​യ​ങ്ങ​ളി​ൽ​നി​ന്ന് യു​വാ​ക്ക​ളും ഈ ​പു​തി​യ രാ​ഷ്ട്രീ​യ ക​ർ​തൃ​ത്വ​ത്തി​​ന്റെ വാ​ഹ​ക​രാ​യി ഇ​ന്ന് മാ​റി​ക്കൊ​ണ്ടി​രി​ക്കു​ന്നു. അ​വ​ർ കൂ​ട്ട​മാ​യി ഇ​റ​ങ്ങി​വ​ന്ന് പൊ​തു​സ്ഥ​ല​ങ്ങ​ൾ കൈ​യേ​റി പി​രി​ഞ്ഞു​പോ​കാ​തെ ത​മ്പ​ടി​ച്ചു പാ​ർ​ക്കു​ന്ന (Occupy Struggles) പു​തി​യ സ​മ​ര രൂ​പ​ങ്ങ​ൾ ക​ഴി​ഞ്ഞ ഒ​രു പ​തി​റ്റാ​ണ്ടു കാ​ലം കൊ​ണ്ടു​ത​ന്നെ ന​മു​ക്ക് പ​രി​ചി​ത​മാ​യി​ക്ക​ഴി​ഞ്ഞു. ഏ​റ്റ​വും ഒ​ടു​വി​ൽ ശ്രീ​ല​ങ്ക​യി​ലേ​ത​ട​ക്കം ലോ​ക​ത്തെ പ​ല സ്വേ​ച്ഛാ​ധി​പ​തി​ക​ൾ​ക്കും ഇ​ത്ത​രം പ്ര​ത്യ​ക്ഷ ജ​നാ​ധി​പ​ത്യോ​ത്സ​വ​ങ്ങ​ൾ​ക്കു മു​ന്നി​ൽ പി​ടി​ച്ചുനി​ൽ​ക്കാ​നാ​വാ​തെ അ​വ​രു​ടെ കൊ​ട്ടാ​ര​ങ്ങ​ൾ വി​ട്ട് ഒ​ളി​ച്ചോ​ടേ​ണ്ടി​വ​ന്ന​തും നാം ​ക​ണ്ടു​ക​ഴി​ഞ്ഞു. ഇ​തി​ലൂ​ടെ നേ​തൃ​ഭ​ക്തി​യി​ൽ​നി​ന്ന് മു​ക്ത​രാ​കാ​ൻമാ​ത്രം രാ​ഷ്ട്രീ​യ പ്ര​ബു​ദ്ധ​രാ​കു​ന്ന ജ​ന​ങ്ങ​ൾ ത​ങ്ങ​ളു​ടെ സേ​വ​ക​രാ​യ അ​ധി​കാ​ര കേ​ന്ദ്ര​ങ്ങ​ള​ല്ലാ​ത്ത പു​തി​യ​ത​രം നേ​താ​ക്ക​ളെ സൃ​ഷ്ടി​ക്കാ​ൻ പോ​ന്ന​വി​ധം സ്വാ​ധി​കാ​രം വീ​ണ്ടെ​ടു​ക്കു​ക​യാ​ണ് ചെ​യ്യു​ന്ന​ത്.

ത​ന്റെ കോ​ർ​പ​റേ​റ്റ് യ​ജ​മാ​ന​ന്മാ​ർ​ക്ക് വേ​ണ്ടി ന​രേ​ന്ദ്ര മോ​ദി കൊ​ണ്ടു​വ​ന്ന കാ​ർ​ഷി​ക​ നി​യ​മ​മ​ട​ക്ക​മു​ള്ള ജ​ന​വി​രു​ദ്ധ​വും ജ​നാ​ധി​പ​ത്യ​വി​രു​ദ്ധ​വു​മാ​യ പ​ല ന​ട​പ​ടി​ക​ൾ​ക്കു​മെ​തി​രെ ക​ർ​ഷ​ക​രു​ടെ​യും വി​ദ്യാ​ർ​ഥി​ക​ളു​ടെ​യും സ്ത്രീ​ക​ളു​ടെ​യും ദ​ലി​ത​രു​ടെ​യും മ​റ്റും നേ​തൃ​ത്വ​ത്തി​ൽ സ​മീ​പ​കാ​ല​ത്തു​യ​ർ​ന്നു വ​ന്ന വി​വി​ധ സ​മ​ര​ങ്ങ​ൾ ഇ​ന്ത്യ​യി​ൽ ഈ ​പു​തി​യ കീ​ഴാ​ള രാ​ഷ്ട്രീ​യ ക​ർ​തൃ​ത്വ​ത്തി​​ന്റെ ഉ​ദ​യ​ത്തെ​യാ​ണ് വി​ളം​ബ​രം ചെ​യ്യു​ന്ന​ത്. പ്ര​ധാ​ന​മാ​യും, ഒ​രു വ​ർ​ഷ​ക്കാ​ലം ഡ​ൽ​ഹി ന​ഗ​രാ​തി​ർ​ത്തി​ക​ളി​ൽ ത​മ്പ​ടി​ച്ചു​കൊ​ണ്ട് ഇ​ന്ത്യ​ൻ ക​ർ​ഷ​ക​സ​മൂ​ഹം ന​യി​ച്ച ഐ​തി​ഹാ​സി​ക​മാ​യ ക​ർ​ഷ​ക​സ​മ​രം കോ​ർ​പ​റേ​റ്റ് സാ​മ്രാ​ജ്യ​ത്വ​ത്തി​നെ​തി​രെ അ​ടി​ത്ത​ട്ടി​ൽ നി​ന്നും ഉ​യ​ർ​ന്നു​വ​രാ​നി​രി​ക്കു​ന്ന മ​ഹാ​സ​മ​ര​ങ്ങ​ളു​ടെ കാ​ഹ​ള​മാ​ണ് എ​ന്നുത​ന്നെ പ​റ​യാം.

ഈ ​രാ​ഷ്ട്രീ​യ പ​ശ്ചാ​ത്ത​ല​ത്തി​ലാ​ണ് നി​ഷ്ഠു​ര​മാ​യ പ്ര​കൃ​തിന​ശീ​ക​ര​ണ​ത്തി​നും കീ​ഴാ​ള​ജ​ന​ത​യു​ടെ വം​ശ​ന​ശീ​ക​ര​ണ​ത്തി​നും വ​ഴി​യൊ​രു​ക്കു​ന്ന കേ​ര​ള​ത്തി​ലെ വി​ഴി​ഞ്ഞം പ​ദ്ധ​തി​ക്കെ​തി​രാ​യി വീ​ടു​വി​ട്ടി​റ​ങ്ങി​യ മ​ത്സ്യ​ത്തൊ​ഴി​ലാ​ളി സ​മൂ​ഹം ന​യി​ക്കു​ന്ന സ​മ​ര​ത്തെ കാ​ണേ​ണ്ട​ത്. ഫ​ല​ത്തി​ൽ, സ​ഹ​സ്ര​കോ​ടി​ക​ളു​ടെ നി​ക്ഷേ​പ​ങ്ങ​ളി​ലൂ​ടെ ഇ​ന്ത്യ​ൻ മ​ണ്ണി​നും മ​നു​ഷ്യ​ർ​ക്കും മേ​ൽ പ​തി​ക്കാ​ൻ പോ​കു​ന്ന വി​നാ​ശ​ക​ര​മാ​യ കോ​ർ​പ​റേ​റ്റ് വി​ക​സ​ന ഭീ​ക​ര​ത​ക്കും അ​തി​നു വ​ഴി​യൊ​രു​ക്കു​ന്ന ന​രേ​ന്ദ്ര മോ​ദി ഗ​വ​ൺമെ​ന്റി​ന്റെ ജ​ന​ദ്രോ​ഹ​ത്തി​നും രാ​ജ്യ​ദ്രോ​ഹ​ത്തി​നും എ​തി​രെ​യാ​ണ് ഈ ​മ​ത്സ്യ​ത്തൊ​ഴി​ലാ​ളി​ക​ളു​ടെ സ​മ​രം. അ​തു​കൊ​ണ്ടു​ത​ന്നെ ആ​ഗോ​ള മൂ​ല​ധ​ന സാ​മ്രാ​ജ്യ​ത്വ​ത്തി​​ന്റെ അ​ധി​നി​വേ​ശ​ത്തി​നും കൊ​ള്ള​ക​ൾ​ക്കും അ​തി​ന്റെ ന​ട​ത്തി​പ്പു​കാ​ർ​ക്കും എ​തി​രാ​യ ഈ ​വ​ർ​ഗ​സ​മ​ര​ത്തി​ൽ ദ​രി​ദ്ര-​കീ​ഴാ​ള ജ​ന​കോ​ടി​ക​ളു​ടെ മോ​ച​നം ആ​ഗ്ര​ഹി​ക്കു​ന്ന എ​ല്ലാ പു​രോ​ഗ​മ​ന-ഇ​ട​തു​പ​ക്ഷ വാ​ദി​ക​ളാ​യ മ​നു​ഷ്യ​രും അ​ണി​ചേ​രു​ക​യാ​ണ് വേ​ണ്ട​ത്.

ഒ​ട്ടേ​റെ തീ​വ്ര​സ​മ​ര​ങ്ങ​ളി​ലൂ​ടെ കീ​ഴാ​ള-ദ​രി​ദ്ര വി​ഭാ​ഗ​ങ്ങ​ളു​ടെ സ്വാ​ത​ന്ത്ര്യ​ത്തി​നാ​യി അ​സം​ഖ്യം സ​ഖാ​ക്ക​ൾ ജീ​വ​ൻ ബ​ലി​യ​ർ​പ്പി​ച്ച പാ​ര​മ്പ​ര്യ​മു​ള്ള ഒ​ന്നാ​ണ് കേ​ര​ള​ത്തി​ലെ ഇ​ട​തു​പ​ക്ഷ പ്ര​സ്ഥാ​നം. ഈ ​പ്ര​സ്ഥാ​നം ഇ​ന്ന് ജീ​വി​തം വ​ഴി​മു​ട്ടി​യ നി​രാ​ലം​ബ​രാ​യ ഒ​രു​കൂ​ട്ടം മ​ത്സ്യ​ത്തൊ​ഴി​ലാ​ളി​ക​ളു​ടെ താ​ൽ​പ​ര്യ​ങ്ങ​ളെ പി​ന്ത​ള്ളി​ക്കൊ​ണ്ട് കോ​ർ​പ​റേ​റ്റ് കൂ​ട്ടാ​ളി​ക​ളാ​യ ന​രേ​ന്ദ്ര മോ​ദി​യു​ടെ​യും അ​ദാ​നി​യു​ടെ​യും താ​ൽ​പ​ര്യ​ങ്ങ​ളെ ഉ​യ​ർ​ത്തി​പ്പി​ടി​ക്കു​ന്ന വ​ർ​ത്ത​മാ​ന സ്ഥി​തി​വി​ശേ​ഷം കേ​ര​ള​ത്തി​​ന്റെ ഇ​ട​തു​പ​ക്ഷ മ​ന​സ്സാ​ക്ഷി​ക്കു മു​ന്നി​ൽ ഉ​യ​ർ​ത്തു​ന്ന വ​ലി​യ ചോ​ദ്യ​ങ്ങ​ൾ വ​ള​രെ ഗൗ​ര​വ​മു​ള്ള​വ​യാ​ണ്.

IV

മു​ത​ലാ​ളി​ത്ത വി​ക​സ​ന​വാ​ദ​ത്തി​ൽ പ​തി​യി​രി​ക്കു​ന്ന കീ​ഴാ​ള വം​ശന​ശീ​ക​ര​ണ ത​ന്ത്ര​ത്തെ തി​രി​ച്ച​റി​യാ​ൻ ക​ഴി​യാ​തെ പോ​കു​ന്ന; വ​മ്പ​ൻ വ്യ​വ​സാ​യ​ങ്ങ​ൾ സ്ഥാ​പി​ക്കാ​ൻ​വേ​ണ്ടി കൃ​ഷി​ഭൂ​മി​യി​ൽ​നി​ന്ന് ക​ർ​ഷ​ക​രെ കൂ​ട്ട​ത്തോ​ടെ കു​ടി​യൊ​ഴി​പ്പി​ക്കു​ന്ന​ത് വി​പ്ല​വ​ക​ര​മാ​യ ചു​വ​ടു​വെ​പ്പാ​ണെ​ന്ന് ക​രു​തു​ന്ന; എ​പ്പോ​ഴാ​ണ് സ​ർ​വ​നാ​ശ​കാ​രി​യാ​യി തീ​ർ​ന്നേ​ക്കാ​വു​ന്ന​ത് എ​ന്നു​റ​പ്പി​ല്ലാ​ത്ത ആ​ണ​വ​നി​ല​യം ഭാ​വിത​ല​മു​റ​ക​ൾ​ക്കു​ള്ള സം​ഭാ​വ​ന​യാ​ണെ​ന്നു ക​രു​തു​ന്ന; ക​ഴു​ത്ത​റ​പ്പ​ൻ വ്യ​വ​സ്ഥ​ക​ൾ​ക്ക് കീ​ഴ​ട​ങ്ങി​ക്കൊ​ണ്ട് സ​ഹ​സ്ര​കോ​ടി​ക​ളു​ടെ കോ​ർ​പ​റേ​റ്റ് നി​ക്ഷേ​പ​ങ്ങ​ൾ​ക്ക് നാ​ടി​ന്റെ എ​ല്ലാ വാ​തി​ലു​ക​ളും തു​റ​ന്നു​കൊ​ടു​ക്കു​ന്ന, ഇ​ന്ത്യ​ൻ മു​ഖ്യ​ധാ​രാ ഇ​ട​തു​പ​ക്ഷം ഉ​യ​ർ​ത്തി​പ്പി​ടി​ക്കു​ന്ന വി​ക​സ​ന സ​ങ്ക​ൽ​പ​ത്തി​ന്റെ രാ​ഷ്ട്രീ​യം വി​ശ​ദ​മാ​യി ച​ർ​ച്ച​ചെ​യ്യ​പ്പെ​ടേ​ണ്ട ഒ​ന്നാ​ണ്.

പ​ഴ​യ മു​ത​ലാ​ളി​ത്ത ദേ​ശ​രാ​ഷ്ട്ര​ങ്ങ​ളി​ലെ പ​ര​മ്പ​രാ​ഗ​ത സാ​മൂ​ഹി​ക ബ​ന്ധ​ങ്ങ​ളെ ത​ക​ർ​ത്തു​കൊ​ണ്ടു​ള്ള മു​ത​ലാ​ളി​ത്ത വി​പ്ല​വ​ങ്ങ​ളു​ടെ പൂ​ർ​ത്തീ​ക​ര​ണം തൊ​ഴി​ലാ​ളി​വ​ർ​ഗ വി​പ്ല​വ​ശ​ക്തി​ക​ൾ ഏ​റ്റെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട​താ​ണ് ഈ ​ഇ​ട​തു​പ​ക്ഷ വി​ക​സ​ന സ​ങ്ക​ൽ​പ​ത്തി​ന്റെ ച​രി​ത്രം. ആ ​ച​രി​ത്ര​ത്തി​ലേ​ക്കും അ​ത് ലോ​ക ഇ​ട​തു​പ​ക്ഷ രാ​ഷ്ട്രീ​യ​ത്തി​ൽ സൃ​ഷ്ടി​ച്ച പ്ര​ത്യാ​ഘാ​ത​ങ്ങ​ളെ കു​റി​ച്ചു​മു​ള്ള ഒ​രു വി​ശ​ക​ല​ന​ത്തി​ലേ​ക്ക് ഈ ​സ​ന്ദ​ർ​ഭ​ത്തി​ൽ ക​ട​ക്കു​ന്നി​ല്ല. എ​ന്നാ​ൽ, ഉ​ൽ​പാ​ദ​ന​ക്ഷ​മ​ത പൂ​ർ​ണ​മാ​യി ന​ഷ്ട​പ്പെ​ട്ട , നി​ല​നി​ൽ​പി​നാ​യി ജീ​വി​ത​ത്തെ​യും പ്ര​കൃ​തി​യെ​യും ആ​വു​ന്ന​ത്ര ഊ​റ്റി​ക്കു​ടി​ക്കാ​നു​ള്ള ഉ​ന്മ​ത്ത​മാ​യ ആ​ർ​ത്തി​യോ​ടെ ദേ​ശീ​യ മൂ​ല​ധ​ന വ്യ​വ​സ്ഥ​ക​ളെ ത​ക​ർ​ത്ത് ലോ​ക​ത്തെ വ​രി​ഞ്ഞു​മു​റു​ക്കാ​ൻ ശ്ര​മി​ക്കു​ന്ന ഉ​ദ്ഗ്ര​ഥി​ക്ക​പ്പെ​ട്ട ആ​ഗോ​ള മൂ​ല​ധ​ന സാ​മ്രാ​ജ്യ​ത്വ​ത്തി​ന്റെ കാ​ല​ത്ത് പ​ത്തൊ​മ്പ​തും ഇ​രു​പ​തും നൂ​റ്റാ​ണ്ടു​ക​ളി​ലെ ദേ​ശീ​യ ബൂ​ർ​ഷ്വാ വി​പ്ല​വ​ങ്ങ​ളു​ടെ പൂ​ർ​ത്തീ​ക​ര​ണ​വും ഉ​ൽ​പാ​ദ​ന ശ​ക്തി​ക​ളു​ടെ വി​ക​സ​ന​വു​മാ​യി ബ​ന്ധ​പ്പെ​ട്ട ഇ​ട​തു​പ​ക്ഷ വി​ക​സ​ന സ​ങ്ക​ൽ​പം എ​ത്ര​ത്തോ​ളം കാ​ലം തെ​റ്റി​യ​താ​ണെ​ന്നും (Anachronistic) അ​തു​കൊ​ണ്ടു​ത​ന്നെ പ്ര​യോ​ഗ​ത്തി​ൽ പ്ര​തി​ലോ​മ​ക​ര​മാ​യി​ത്തീ​രു​ന്നു എ​ന്നും തി​രി​ച്ച​റി​യാ​ൻ ഈ ​വ​ഴി​ക്കു​ള്ള ച​ർ​ച്ച​ക​ൾ നി​ശ്ച​യ​മാ​യും സ​ഹാ​യി​ക്കും.

ഈ​വി​ധ​മൊ​രു തി​രി​ച്ച​റി​വി​ലേ​ക്ക് ഇ​നി​യും ക​ട​ന്നി​ട്ടി​ല്ലാ​ത്ത​തു​കൊ​ണ്ട് ഇ​ന്ത്യ​ൻ മു​ഖ്യ​ധാ​രാ ഇ​ട​തു​പ​ക്ഷം, ഭ്രാ​ന്തു​പി​ടി​ച്ചു പാ​യു​ന്ന ഇ​രു​പ​ത്തൊ​ന്നാം നൂ​റ്റാ​ണ്ടി​ലെ കോ​ർ​പ​റേ​റ്റ് മൂ​ല​ധ​ന​ത്തി​ന്റെ വി​ക്രി​യ​ക​ൾ​ക്കെ​തി​രെ ജീ​വ​നും ജീ​വ​നോ​പാ​ധി​ക​ൾ​ക്കും വേ​ണ്ടി ക​ർ​ഷ​ക​രും മീ​ൻ​പി​ടി​ത്ത​ക്കാ​രു​മ​ട​ക്ക​മു​ള്ള സാ​ധാ​ര​ണ​ക്കാ​ർ സ​മ​രം ചെ​യ്യു​മ്പോ​ൾ അ​വ​രെ വി​ക​സ​ന വി​രു​ദ്ധ​രെ​ന്നു വി​ളി​ക്കാ​ൻ സ്വാ​ഭാ​വി​ക​മാ​യും ബാ​ധ്യ​സ്ഥ​രാ​കു​ന്നു. വ​ർ​ഗ​ബോ​ധ​മി​ല്ലാ​ത്ത ക​ർ​ഷ​ക​രെ കു​ടി​യി​റ​ക്കി വി​പ്ല​വ​ക​ര​മാ​യ ആ​ത്മ​ബോ​ധ​ത്തി​ലേ​ക്കു​യ​ർ​ന്ന തൊ​ഴി​ലാ​ളി വ​ർ​ഗ​ത്തെ ഉ​ൽ​പാ​ദി​പ്പി​ക്കു​ന്ന വ്യ​വ​സാ​യ ശാ​ല​ക​ൾ സ്ഥാ​പി​ക്കു​ന്ന​ത് വി​പ്ല​വോ​ന്മു​ഖ​മാ​യ വി​ക​സ​ന​മാ​ണെ​ന്നു ക​രു​തു​ന്ന​തി​ന്റെ യു​ക്തി​യും ഇ​തു​ത​ന്നെ. ഇ​ത്ത​ര​മൊ​രു കാ​ലംതെ​റ്റി​യ വി​ക​സ​ന സ​ങ്ക​ൽ​പ​ത്തെ, ആ​ഗോ​ള മൂ​ല​ധ​ന അ​ധി​നി​വേ​ശ​ത്തി​നെ​തി​രെ ഇ​ന്ന് നേ​ർ​ക്കു​നേ​ർ നി​ൽ​ക്കു​ന്ന ലോ​ക കീ​ഴാ​ള​ജ​ന​ത​യു​ടെ ഭാ​ഗ​മാ​യ ബം​ഗാ​ളി​ലെ ക​ർ​ഷ​ക സ​മൂ​ഹം ത​ള്ളി​ക്ക​ള​ഞ്ഞ​തി​ൽ അ​ത്ഭു​ത​പ്പെ​ടാ​നി​ല്ല.

വിഴിഞ്ഞം പദ്ധതിക്കെതിരായ പ്രതിഷേധങ്ങളിലൊന്ന്

വിഴിഞ്ഞം പദ്ധതിക്കെതിരായ പ്രതിഷേധങ്ങളിലൊന്ന്

എ​ന്നാ​ൽ, ലോ​ക ഇ​ട​തു​പ​ക്ഷ രാ​ഷ്ട്രീ​യം ഈ ​പ​രി​മി​തി​ക​ളി​ൽനി​ന്ന് മു​ന്നോ​ട്ടു പോ​കു​ന്ന​തി​​ന്റെ ഒ​രു മ​റു​വ​ശം​കൂ​ടി നാം ​ഈ സ​ന്ദ​ർ​ഭ​ത്തി​ൽ കാ​ണേ​ണ്ട​തു​ണ്ട്. കോ​ർ​പ​റേ​റ്റ് കൊ​ള്ള​ക​ൾ​ക്കും അ​തി​ന്റെ ഇ​ട​നി​ല​ക്കാ​രാ​യ സ്വേ​ച്ഛാ​ധി​പ​തി​ക​ൾ​ക്കു​മെ​തി​രെ ഉ​യി​ർ​ത്തെ​ഴു​ന്നേ​ൽ​ക്കു​ന്ന പ​ര​മ്പ​രാ​ഗ​ത പ്രാ​ദേ​ശി​ക ജ​ന​വി​ഭാ​ഗ​ങ്ങ​ളു​ടെ​യും ക​റു​ത്ത​വ​രു​ടെ​യും വ​ന​വാ​സി​ക​ളു​ടെ​യും സ്ത്രീ​ക​ളു​ടെ​യും സ​മ​ര​ങ്ങ​ളെ പി​ന്തു​ണ​ക്കു​ന്ന ഇ​ട​തു​പ​ക്ഷ പാ​ർ​ട്ടി​ക​ൾ സ്വ​യം സ​മ​കാ​ലി​ക​മാ​യി ന​വീ​ക​രി​ക്കാ​ൻ ശ്ര​മി​ക്കു​ന്ന​തി​ലൂ​ടെ വ​മ്പി​ച്ച ജ​ന​പി​ന്തു​ണ നേ​ടു​ന്ന​തി​​ന്റെ ഒ​രു ചി​ത്ര​മാ​ണ് ആ ​മ​റു​വ​ശം. വി​വി​ധ ലാ​റ്റി​ന​മേ​രി​ക്ക​ൻ രാ​ജ്യ​ങ്ങ​ളി​ലെ ഇ​ട​തു​പ​ക്ഷ പ്ര​സ്ഥാ​ന​ങ്ങ​ൾ വം​ശ​നാ​ശം​പോ​ലെ​യു​ള്ള വെ​ല്ലു​വി​ളി​ക​ളെ നേ​രി​ടു​ന്ന മേ​ൽ​പ​റ​ഞ്ഞ കീ​ഴാ​ള ജ​ന​വി​ഭാ​ഗ​ങ്ങ​ളു​ടെ പി​ന്തു​ണ​യോ​ടെ ഇ​ന്ന് കൈ​വ​രി​ച്ചു​കൊ​ണ്ടി​രി​ക്കു​ന്ന മു​ന്നേ​റ്റ​ങ്ങ​ളെ കു​റി​ച്ചാ​ണ് ഇ​വി​ടെ പ​രാ​മ​ർ​ശി​ക്കു​ന്ന​ത്. ഈ ​വി​ജ​യ​ങ്ങ​ൾ പാ​ർ​ട്ടി മു​ക​ളി​ൽ​നി​ന്ന് ജ​ന​ങ്ങ​ളി​ൽ പ്ര​യോ​ഗി​ക്കു​ന്ന വി​പ്ല​വ​ത​ന്ത്ര​ങ്ങ​ളു​ടെ (Strategies) വി​ജ​യ​ങ്ങ​ൾ എ​ന്ന​തി​നെ​ക്കാ​ൾ രാ​ഷ്ട്രീ​യ പ്ര​ബു​ദ്ധ​മാ​യ അ​ടി​ത്ത​ട്ടി​ൽ​നി​ന്നും ഉ​യ​ർ​ന്നു​വ​രു​ന്ന സ​മ​ര​ത​ന്ത്ര​ങ്ങ​ളു​ടെ വി​ജ​യ​മാ​ണ്. ഈ ​നൂ​റ്റാ​ണ്ടി​​ന്റെ തു​ട​ക്കം മു​ത​ൽ ബൊ​ളീ​വി​യ​യും അ​ർ​ജ​ന്റീ​ന​യും മെ​ക്സി​കോ​യും എ​ക്വ​ഡോ​റും പെ​റു​വും തു​ട​ങ്ങി ബ്ര​സീ​ലും കൊ​ളം​ബി​യ​യും വ​രെ​യു​ള്ള രാ​ജ്യ​ങ്ങ​ളി​ൽ പ്രാ​ദേ​ശി​ക ജ​ന​വി​ഭാ​ഗ​ങ്ങ​ള​ട​ക്ക​മു​ള്ള വി​വി​ധ​ത​രം കീ​ഴാ​ള​രി​ൽ​നി​ന്ന് ഉ​യ​ർ​ന്നു​വ​ന്ന സ​മ​ര​ങ്ങ​ൾ പ​ര​സ്പ​രം മു​റി​ച്ചു​ക​ട​ക്കു​ന്ന പ്ര​ക്ഷോ​ഭ (Intersectional Insurrections)ങ്ങ​ളാ​യി മാ​റു​ക​യു​ണ്ടാ​യി . ഈ ​പ്ര​ക്ഷോ​ഭ​ങ്ങ​ളി​ൽ​നി​ന്ന് രൂ​പ​പ്പെ​ട്ട ജ​ന​സ​ഞ്ച​യ ജ​നാ​ധി​പ​ത്യ​ത്തി​ന്റെ വി​ജ​യ​ങ്ങ​ളാ​ണ് നാം ​ഇ​പ്പോ​ൾ ലാ​റ്റി​ന​മേ​രി​ക്ക​ൻ ഇ​ട​തു​പ​ക്ഷ മു​ന്നേ​റ്റ​ങ്ങ​ളാ​യി കാ​ണു​ന്ന​ത്.

ഇ​തി​ങ്ങ​നെ ഇ​വി​ടെ വി​ശ​ദീ​ക​രി​ക്കാ​ൻ കാ​ര​ണം ഇ​തി​നു സ​മാ​ന​മാ​യി കോ​ർ​പ​റേ​റ്റു​ക​ൾ​ക്കും അ​തി​ന്റെ ദ​ല്ലാ​ള​ന്മാ​ർ​ക്കു​മെ​തി​രെ ഒ​രു രാ​ഷ്ട്രീ​യ മു​ന്നേ​റ്റം ഇ​ന്ത്യ​യി​ലും ഉ​യ​ർ​ന്നു​വ​രാ​നു​ള്ള സാ​ധ്യ​ത കാ​ണു​ന്ന​തു​കൊ​ണ്ടാ​ണ്. ക​ർ​ഷ​ക​സ​മ​ര​ത്തി​നും ശാ​ഹീ​ൻ​ബാ​ഗ്-ഭീം ​ആ​ർ​മി സ​മ​ര​ങ്ങ​ളെ​യും തു​ട​ർ​ന്ന് കോ​ർ​പ​റേ​റ്റു​ക​ൾ​ക്കും ഭ​ര​ണ​വ​ർ​ഗ​ങ്ങ​ൾ​ക്കു​മെ​തി​രെ പു​തി​യ പ്ര​ക്ഷോ​ഭ​ങ്ങ​ൾ അ​ടി​ത്ത​ട്ടി​ൽ രൂ​പ​പ്പെ​ട്ടു​കൊ​ണ്ടി​രി​ക്കു​ക​യാ​ണ്. സൈ​ന്യ​സേ​വ​ന​ത്തെ ക​രാ​ർ പ​ണി​യാ​ക്കു​ന്ന​തി​നും കീ​ഴാ​ള​സം​വ​ര​ണ​ത്തെ മൗ​ലി​ക​മാ​യി അ​ട്ടി​മ​റി​ക്കു​ന്ന​തി​നും എ​തി​രാ​യ ജ​ന​രോ​ഷം പു​ക​യാ​ൻ തു​ട​ങ്ങു​ന്നു. ഉ​യ​രാ​നി​രി​ക്കു​ന്ന ഈ ​പ്ര​ക്ഷോ​ഭ​ങ്ങ​ളു​ടെ പ്ര​ത്യ​ക്ഷ സൂ​ച​ന​ക​ളാ​ണ് വ​മ്പ​ൻ കോ​ർ​പ​റേ​റ്റ് മൂ​ല​ധ​ന നി​ക്ഷേ​പ​ങ്ങ​ൾ സൃ​ഷ്ടി​ക്കു​ന്ന മ​നു​ഷ്യ​വം​ശ ന​ശീ​ക​ര​ണ​ത്തി​നും പ്ര​കൃ​തി​ന​ശീ​ക​ര​ണ​ത്തി​നു​മെ​തി​രെ വി​ഴി​ഞ്ഞ​ത്തെ മ​ത്സ്യ​ത്തൊ​ഴി​ലാ​ളി പ്ര​ക്ഷോ​ഭ​മ​ട​ക്കം ഇ​ന്ത്യ​യു​ടെ പ​ല​ഭാ​ഗ​ങ്ങ​ളി​ലും ഇ​ന്ന് ന​ട​ന്നു​കൊ​ണ്ടി​രി​ക്കു​ന്ന സ​മ​ര​ങ്ങ​ൾ. ജ​ന​ങ്ങ​ൾ സ്വ​യം ഏ​റ്റെ​ടു​ത്തു​കൊ​ണ്ടി​രി​ക്കു​ന്ന ഇ​ട​തു​പ​ക്ഷ രാ​ഷ്ട്രീ​യ സ​മ​ര​ങ്ങ​ളാ​ണ​വ. ഇ​ത് തി​രി​ച്ച​റി​ഞ്ഞു​കൊ​ണ്ട് ഇ​ന്ത്യ​യി​ലെ ഇ​ട​തു​പ​ക്ഷ പ്ര​സ്ഥാ​ന​ങ്ങ​ളും ലാ​റ്റി​ന​മേ​രി​ക്ക​ൻ മാ​തൃ​ക​യി​ൽ ഈ ​സ​മ​ര​ങ്ങ​ളു​ടെ ഭാ​ഗ​മാ​യി​ത്തീ​രു​ക​യാ​ണ് വേ​ണ്ട​ത്. മ​റി​ച്ച്, ഉ​യ​ർ​ന്നു​വ​രു​ന്ന ഈ ​കീ​ഴാ​ള ജ​ന​കീ​യ പ്ര​ക്ഷോ​ഭ​ങ്ങ​ൾ​ക്കെ​തി​രെ നി​ല​കൊ​ള്ളു​ന്ന​തി​ലൂ​ടെ കോ​ർ​പ​റേ​റ്റ് കൊ​ള്ള​ക​ൾ​ക്കു കു​ട​പി​ടി​ക്കു​ന്ന ന​രേ​ന്ദ്ര മോ​ദി​ക്ക് ശ​ക്തിപ​ക​രു​ന്ന ഇ​ന്ത്യ​ൻ ഇ​ട​തു​പ​ക്ഷ പ്ര​സ്ഥാ​ന​ങ്ങ​ളു​ടെ ഭാ​വി എ​ന്താ​കു​മെ​ന്ന് പ​റ​യേ​ണ്ട​തി​ല്ല.

ഇ​ത്ര​യും പ​റ​ഞ്ഞു ക​ഴി​യു​മ്പോ​ൾ ഉ​യ​രാ​വു​ന്ന ഒ​രു പ്ര​ധാ​ന ചോ​ദ്യ​മു​ണ്ട്. പ്ര​കൃ​തി​യെ​യും പ​ര​മ്പ​രാ​ഗ​ത ജീ​വി​ത​ങ്ങ​ളെ​യും തൊ​ഴി​ലു​ക​ളെ​യും സം​സ്കാ​ര​ങ്ങ​ളെ​യും നാ​ശ​ത്തി​ൽ​നി​ന്ന് സം​ര​ക്ഷി​ക്കു​ന്ന​തി​ന്റെ പേ​രി​ൽ വി​ക​സ​ന പ​ദ്ധ​തി​ക​ൾ​ക്കെ​തി​രെ ഉ​യ​രു​ന്ന ഈ ​വാ​ദ​മു​ഖ​ങ്ങ​ൾ വ​രാ​നി​രി​ക്കു​ന്ന വി​ക​സി​ത ലോ​കാ​ത്ഭു​ത​ങ്ങ​ളെ മു​ഴു​വ​ൻ നി​ഷേ​ധി​ച്ചു​കൊ​ണ്ട് ന​മ്മു​ടെ നാ​ടി​നെ മ​ന്ദ​വും നി​ഷ്ക്രി​യ​വും പ്രാ​കൃ​ത​വു​മാ​യ ഭൂ​ത​കാ​ല​ത്തി​ൽ​ത​ന്നെ ത​ള​ച്ചി​ടാൻ ത​ന്നെ​യ​ല്ലേ സ​ഹാ​യി​ക്കു​ക? ഇ​താ​ണ് ആ ​ചോ​ദ്യം.

തു​ട​ക്ക​ത്തി​ൽ​ത​ന്നെ, ഈ ​ചോ​ദ്യം എ​വി​ടെ​നി​ന്നു വ​രു​ന്നു എ​ന്നാ​ലോ​ചി​ക്ക​ണം. ന​മ്മെ കൊ​ള്ള​യ​ടി​ച്ച് അ​തി​സ​മ്പ​ന്ന​രാ​യ പ​ടി​ഞ്ഞാ​റ​ൻ വി​ക​സി​ത രാ​ജ്യ​ങ്ങ​ളി​ലെ ലോ​ക മേ​ലാ​ള​ന്മാ​രു​ടെ ജീ​വി​ത​മാ​തൃ​ക ക​ണ്ട് കൊ​തി​യൂ​റു​ന്ന ഇ​ട​ത്ത​ര​ക്കാ​രു​ടെ അ​പ​ക​ർ​ഷ​ത നി​റ​ഞ്ഞ ജീ​വി​ത​വീ​ക്ഷ​ണ​മാ​ണ് ഈ ​ചോ​ദ്യ​ത്തി​ന്റെ പ​ശ്ചാ​ത്ത​ലം.

വി​ഴി​ഞ്ഞം സ​മ​ര​ത്തി​ൽ പ​ങ്കെ​ടു​ത്തു​കൊ​ണ്ട് പൊ​രി​വെ​യി​ലി​ൽ റോ​ഡി​ൽ കു​ത്തി​യി​രി​ക്കു​ന്ന ഒ​രു മ​ത്സ്യ​ത്തൊ​ഴി​ലാ​ളി സ്ത്രീ ​ഒ​രു ടി.​വി ചാ​ന​ൽ പ്ര​തി​നി​ധി​യു​ടെ ചോ​ദ്യ​ത്തി​ന് കൊ​ടു​ക്കു​ന്ന ഉ​ത്ത​രം ഈ ​സ​ന്ദ​ർ​ഭ​ത്തി​ൽ ഓ​ർ​ക്കാ​വു​ന്ന​താ​ണ്.

''നി​ങ്ങ​ൾ ഇ​ങ്ങ​നെ സ​മ​ര​ത്തി​ന്റെ പേ​രി​ൽ റോ​ഡി​ൽ ഗ​താ​ഗ​തം ത​ട​ഞ്ഞ് വി​ദ്യാ​ർ​ഥി​ക​ള​ട​ക്ക​മു​ള്ള നാ​ട്ടു​കാ​രെ ബു​ദ്ധി​മു​ട്ടി​ലാ​ക്കു​ന്ന​ത് ശ​രി​യാ​ണോ?'' എ​ന്ന ചോ​ദ്യ​ത്തി​ന് ക്ഷു​ഭി​ത​യാ​യ ആ ​സ്ത്രീ പ​റ​ഞ്ഞ മ​റു​പ​ടി ഇ​താ​യി​രു​ന്നു:

''ഓ​ഹോ! ഒ​രു​ദി​വ​സം നി​ങ്ങ​ളു​ടെ നാ​ട്ടു​കാ​ർ​ക്ക് ബു​ദ്ധി​മു​ട്ടാ​യ​പ്പോ​ൾ നി​ങ്ങ​ൾ​ക്ക് സ​ഹി​ക്കാ​ൻ ക​ഴി​യു​ന്നി​ല്ല. വ​ർ​ഷ​ങ്ങ​ളാ​യി ആ​രും തി​രി​ഞ്ഞു​നോ​ക്കാ​നി​ല്ലാ​തെ സി​മ​ന്റ് ഗോ​ഡൗ​ണു​ക​ളി​ലും സ്കൂ​ൾ കെ​ട്ടി​ട​ങ്ങ​ളി​ലും ഞ​ങ്ങ​ൾ ഞ​ങ്ങ​ളു​ടെ മ​ക്ക​ളോ​ടൊ​പ്പം ക​ഴി​യു​ന്നു. അ​ത് കാ​ണാ​ൻ നി​ങ്ങ​ൾ​ക്ക് ക​ണ്ണി​ല്ല. ഒ​രു​ദി​വ​സം ഈ ​സി​മ​ന്റ് ഗോ​ഡൗ​ണി​ൽ നി​ങ്ങ​ൾ​ക്ക് നി​ങ്ങ​ളു​ടെ കു​ടും​ബ​ത്തോ​ടൊ​പ്പം താ​മ​സി​ക്കാ​മോ, എ​ങ്കി​ൽ അ​ന്ന് ഞ​ങ്ങ​ൾ ഈ ​സ​മ​രം നി​ർ​ത്താം.''

ഇ​ങ്ങ​നെ വം​ശ​നാ​ശ​ത്തി​ലേ​ക്ക് ത​ള്ള​പ്പെ​ട്ട​വ​രു​ടെ ജീ​വി​ത​ത്തി​ന്റെ ആ​ഴ​ത്തി​ൽ​നി​ന്ന് വ​രു​ന്ന മ​റി​ച്ചു​ള്ള ചോ​ദ്യ​ങ്ങ​ളു​ടെ രാ​ഷ്ട്രീ​യ​മാ​നം പ​രി​ഗ​ണി​ക്കാ​തെ അ​വ​രെ നാ​ടി​നെ പി​ന്നോ​ട്ട് ന​യി​ക്കു​ന്ന വി​ക​സ​ന വി​രു​ദ്ധ​ർ എ​ന്ന് വി​ളി​ക്കു​ന്ന​വ​ർ വ​ർ​ഗ​പ​ര​മാ​യി തി​ക​ച്ചും അ​വ​രു​ടെ മ​റു​ചേ​രി​യി​ലാ​ണ്.

പ​ല​രും ക​രു​തു​ന്ന​തു​പോ​ലെ ല​ത്തീ​ൻ പു​രോ​ഹി​ത​ന്മാ​ർ മു​ന്നി​ൽ നി​ൽ​ക്കു​ന്ന​തു​കൊ​ണ്ട് ഈ ​സ​മ​ര​ത്തി​​ന്റെ വ​ർ​ഗ​സ്വ​ഭാ​വം മാ​റി​പ്പോ​കു​ന്നി​ല്ല. ഇ​ത്ര​യും കാ​ലം ഇ​വ​രെ ഒ​രു വോ​ട്ട് ബാ​ങ്ക് എ​ന്ന​തി​ന​പ്പു​റം മ​നു​ഷ്യ​രാ​യി​ത്ത​ന്നെ ഗ​ണി​ക്കാ​തി​രു​ന്ന രാ​ഷ്ട്രീ​യ പാ​ർ​ട്ടി​ക​ളെ അ​ക​റ്റി​നി​ർ​ത്തു​ക​യാ​ണ് പു​രോ​ഹി​ത​ന്മാ​രെ മു​ന്നി​ൽ നി​ർ​ത്തു​ന്ന​തി​ലൂ​ടെ ഇ​വ​ർ യ​ഥാ​ർ​ഥ​ത്തി​ൽ ചെ​യ്യു​ന്ന​ത്. ചാ​ന​ൽ പ്ര​തി​നി​ധി​യോ​ട് മ​റു​പ​ടി പ​റ​യു​ന്ന ഈ ​സ്ത്രീ ആ​ർ​ക്കും ആ​ട്ടി​ത്തെ​ളി​ക്കാ​വു​ന്ന അ​ണി​യ​ല്ല. അ​വ​ർ സ്വ​ന്തം നേ​തൃ​ത്വം സ്വ​യം ഏ​റ്റെ​ടു​ത്ത നേ​താ​വാ​ണ്.

ഇ​നി ആ ​പ്ര​ധാ​ന ചോ​ദ്യ​ത്തി​ലേ​ക്കു വ​രാം. യ​ഥാ​ർ​ഥ​ത്തി​ൽ ഇ​ന്ന് ലോ​കം പ്രാ​കൃ​തം/പ​രി​ഷ്കൃ​തം, വി​ക​സി​തം/അ​വി​ക​സി​തം എ​ന്നി​ങ്ങ​നെ​യു​ള്ള കൊ​ളോ​ണി​യ​ൽ യൂ​റോ​പ്യ​ൻ ആ​ധു​നി​ക​ത​യു​ടെ​യും മു​ത​ലാ​ളി​ത്ത സ​മ്പ​ത്തി​ന്റെ​യും ദ്വ​ന്ദ്വ​മാ​ന​ദ​ണ്ഡ​ങ്ങ​ൾകൊ​ണ്ട് അ​ള​ക്കാ​വു​ന്ന​തി​നും അ​പ്പു​റ​മു​ള്ള ഒ​രു രാ​ഷ്ട്രീ​യ മാ​ന​ത്തി​ലേ​ക്ക് മാ​റി​ക്ക​ഴി​ഞ്ഞി​രി​ക്കു​ന്നു. അ​തി​നാ​ൽ, ലോ​കം ഇ​ന്ന് ആ​ഴ​ത്തി​ൽ മു​ന്നേ​റു​ന്ന​ത് കോ​ർ​പ​റേ​റ്റ് മു​ത​ലാ​ളി​ത്ത മൂ​ല​ധ​നം വാ​ഗ്ദാ​നം ചെ​യ്യു​ന്ന വി​ക​സ​ന​ക്കു​തി​പ്പി​ൽ പി​റ​ക്കു​ന്ന മൂ​ഢ​സ്വ​ർ​ഗ​ത്തി​ലേ​ക്ക​ല്ല. മ​റി​ച്ച്, സ്വ​കാ​ര്യ​സ്വ​ത്തി​ന്റെ​യും സ്വാ​ർ​ഥ​ത്തി​ന്റെ​യും വെ​റു​പ്പി​ന്റെ​യും ച​ങ്ങ​ല​ക​ൾ പൊ​ട്ടി​ച്ച് ഉ​യ​രാ​ൻ ശ്ര​മി​ക്കു​ന്ന, അ​പ​ര​സ്നേ​ഹ​ത്തി​ലും പ​ര​സ്പ​ര പ​ര​സം​ക്ര​മ​ണ​ത്തി​ലും (Becomings) അ​ധി​ഷ്ഠി​ത​മാ​യ ജീ​വി​ത​ത്തി​ന്റെ അ​ന​ന്ത​ശ​ക്തി​ക​ളു​ടെ ആ​വി​ഷ്കാ​ര സാ​ധ്യ​ത​ക​ളി​ലേ​ക്കാ​ണ്. അ​താ​യ​ത് കോ​ർ​പ​റേ​റ്റ് മൂ​ല​ധ​ന സാ​മ്രാ​ജ്യ​ത്തി​നും അ​തി​ന്റെ സാ​മ​ന്ത​ന്മാ​ർ​ക്കു​മെ​തി​രെ ഉ​യ​രു​ന്ന ഓ​രോ കീ​ഴാ​ള​സ​മ​ര​ത്തി​ലൂ​ടെ​യും ഇ​ന്ന് ലോ​കം ഉ​റ​ച്ച ചു​വ​ടു​ക​ൾ വെ​ക്കു​ന്ന​ത് ഒ​രു ബ​ദ​ൽ ലോ​ക​വ്യ​വ​സ്ഥ യി​ലേ​ക്കാ​ണ് (Alter globalization). ഇ​താ​ണ് ലോ​ക​ത്തി​​ന്റെ യ​ഥാ​ർ​ഥ വി​ക​സ​നം.

News Summary - b rajeevan civil politics debate