Begin typing your search above and press return to search.
proflie-avatar
Login

മുടിയറകൾ -14

മുടിയറകൾ -14
cancel

53“ഭൂ​മി​യി​ലേ​ക്കൊ​രു പ​ടു​മ​രം ചാ​ഞ്ഞി​റ​ങ്ങി. അ​തി​ന്റെ പൊ​ത്തു നി​റ​യെ ചെ​റു​തും വ​ലു​തു​മാ​യ പാ​മ്പു​ക​ൾ. അ​ഭി​ഷി​ക്ത​രു​ടെ വി​ശു​ദ്ധ​വ​സ്ത്ര​ങ്ങ​ൾ​ക്ക് മീ​തെ​യാ​യി​രു​ന്നു നൊ​ള​പ്പ്.”ദ​ർ​ശ​നം പ​റ​യു​മ്പോ​ൾ മേ​പ്പാ​ടി​മ​ദ​ർ അ​സ്വ​സ്ഥ​യാ​യി​രു​ന്നു. മെ​ഴു​തി​രി​വെ​ട്ട​ത്തി​ൽ അ​വ​രു​ടെ ക​ഴു​ത്തി​ലെ പി​ണ​ഞ്ഞ​ ഞ​ര​മ്പു​ക​ൾ എ​റി​ച്ചുനി​ന്നു. നെ​റ്റി​യി​ലെ വി​യ​ർ​പ്പു​ തു​ട​ച്ച് ചു​റ്റു​മി​രു​ന്ന സി​സ്റ്റേ​ഴ്സി​നെ നോ​ക്കി. പി​ന്നെ​യൊ​ന്നും ഉ​രി​യാ​ടാ​തെ ന​മ​സ്കാ​ര​പ്പാ​യ​യും വി​ശു​ദ്ധ​ഗ്ര​ന്ഥ​ങ്ങ​ളു​മെ​ടു​ത്ത് മ​ല​മു​ക​ളി​ലേ​ക്ക് ധൃ​തി​യി​ൽ...

Your Subscription Supports Independent Journalism

View Plans

53

“ഭൂ​മി​യി​ലേ​ക്കൊ​രു പ​ടു​മ​രം ചാ​ഞ്ഞി​റ​ങ്ങി. അ​തി​ന്റെ പൊ​ത്തു നി​റ​യെ ചെ​റു​തും വ​ലു​തു​മാ​യ പാ​മ്പു​ക​ൾ. അ​ഭി​ഷി​ക്ത​രു​ടെ വി​ശു​ദ്ധ​വ​സ്ത്ര​ങ്ങ​ൾ​ക്ക് മീ​തെ​യാ​യി​രു​ന്നു നൊ​ള​പ്പ്.”

ദ​ർ​ശ​നം പ​റ​യു​മ്പോ​ൾ മേ​പ്പാ​ടി​മ​ദ​ർ അ​സ്വ​സ്ഥ​യാ​യി​രു​ന്നു. മെ​ഴു​തി​രി​വെ​ട്ട​ത്തി​ൽ അ​വ​രു​ടെ ക​ഴു​ത്തി​ലെ പി​ണ​ഞ്ഞ​ ഞ​ര​മ്പു​ക​ൾ എ​റി​ച്ചുനി​ന്നു. നെ​റ്റി​യി​ലെ വി​യ​ർ​പ്പു​ തു​ട​ച്ച് ചു​റ്റു​മി​രു​ന്ന സി​സ്റ്റേ​ഴ്സി​നെ നോ​ക്കി. പി​ന്നെ​യൊ​ന്നും ഉ​രി​യാ​ടാ​തെ ന​മ​സ്കാ​ര​പ്പാ​യ​യും വി​ശു​ദ്ധ​ഗ്ര​ന്ഥ​ങ്ങ​ളു​മെ​ടു​ത്ത് മ​ല​മു​ക​ളി​ലേ​ക്ക് ധൃ​തി​യി​ൽ മ​ട​ങ്ങി.

“മേ​പ്പാ​ടി​യു​ടെ ഒ​റ്റ​മൂ​ലി​പോ​ലെ​യാ​ണ​ച്ചാ, അ​വ​രു​ടെ ​വെ​ളി​പാ​ടു​ക​ളും.”

വീ​ടി​ന്റെ ത​ഴ​ക്ക​ദോ​ഷ​ത്തെ​ക്കു​റി​ച്ച് ആ​കു​ല​പ്പെ​ട്ട സി​സ്റ്റേ​ഴ്സി​നെ മാ​മ്പ​ള്ളി​യ​ച്ച​ൻ സ​മാ​ധാ​ന​പ്പെ​ടു​ത്തി.

“കു​ർ​ബാ​ന ചൊ​ല്ലു​ന്ന​തോ​ടെ അ​തൊ​ക്കെ മാ​റി​ക്കോ​ളും.”

ഹാ​ളി​ലാ​ണ് അ​ൾത്താ​ര ഒ​രു​ക്കി​യ​ത്. ചു​റ്റു​വ​ട്ട​ത്തു നി​ന്നെ​ത്തി​യ പ്രാ​യ​മാ​യ​വ​ർ വ​രാ​ന്ത​യി​ലെ മ​ര​ക്ക​സേ​ര​ക​ളി​ലി​രു​ന്നു. ത​ണു​ത്ത കാ​റ്റി​ൽ ഇ​ല കൊ​ഴി​യു​ന്ന​തി​നൊ​പ്പം​ ല​ന്ത​മ​ര​ത്തി​ലെ റേ​ന്ത​ക്കു​പ്പാ​യ​ക്കാ​ർ ചി​റ​കു​വി​രി​ക്കു​ന്ന കാ​ഴ്ച. വെ​ള്ളി​ച്ചി​റ​കും കി​ന്ന​ര​വു​മൊ​ക്കെ​യു​ള്ള​വ​രു​ടെ ഇ​ട​യി​ലേ​ക്ക് വീ​ണ്ടും അ​വ​ൻ ഇ​ഴ​ഞ്ഞെ​ത്തി​യ​തോ​ടെ ലൂ​സി സി​സ്റ്റ​ർ മു​ട്ടി​ൻ​മേ​ൽ​നി​ന്നെ​ഴു​ന്നേ​റ്റു.

“മേ​പ്പാ​ടി​യു​ടെ വെ​ളി​പാ​ടു കേ​ട്ടി​ട്ട് കു​ഞ്ഞി​ന് വെ​റു​തെ​യോ​രോ​ന്ന് തോ​ന്നു​ന്ന​താ​വും.”

മ​ദ​ർ ആ​ശ്വ​സി​പ്പി​ച്ചു. ഉ​റ​ക്ക​മി​ല്ലാ​താ​യ​തോ​ടെ അ​വി​രാ കി​ട​ന്നി​രു​ന്ന മു​റി​യി​ൽ​നി​ന്ന് ലൂ​സി സി​സ്റ്റ​റി​നെ മാ​റ്റി.

ഒ​ന്നു​ര​ണ്ടു ദി​വ​സം ആ ​മു​റി​യി​ൽ ക​ഴി​ഞ്ഞ​തോ​ടെ മ​ദ​റി​നും ചി​ല അ​സ്വ​സ്ഥ​ത​ക​ൾ.​ ഞെ​ട്ടി​യു​ണ​രു​മ്പോ​ഴെ​ല്ലാം കാ​റ്റി​നൊ​രു കെ​ട്ട​മ​ണം. മ​രി​ച്ച​വ​രു​ടെ ജ​പം ചൊ​ല്ലി​യി​ട്ടും​ ഉ​റ​ക്കം കൈ​യ​ക​ല​ത്തി​ൽ അ​ക​ന്നു.

അ​വി​രാ​യും ഭാ​ര്യ​യും ചേ​ർ​ന്ന് സ​ന്താ​ന​വ​ർ​ധ​ന​യു​ണ്ടാ​ക്കി​യ മു​റി​യാ​ണ്. മ​നു​ഷ്യ​രു​ടെ ന​ഗ്ന​ത​യി​ൽ നാ​ണി​ച്ചു​പോ​യ ചു​മ​രു​ക​ൾ. കാ​റ്റി​ല​വ​രു​ടെ കു​മ​ർ​ച്ച​യോ​ടൊ​പ്പം താ​ളം​തെ​റ്റ​ലി​ന്റെ ശ്വാ​സ​മി​ടി​പ്പു​ക​ൾ. ശ​ൽ​ക്ക​ങ്ങ​ൾ നി​റ​ഞ്ഞൊ​രു കു​റു​കി​യ​ ദേ​ഹം ഷ​വ​റി​നു കീ​ഴേ​ ഈ​റ​നോ​ടെ നി​ൽ​ക്കു​ന്ന കാ​ഴ്ച. ഓ​വു​ചാ​ലി​ലേ​ക്ക് ഒ​ഴു​കു​ന്ന ഒ​ത​പ്പി​ന്റെ വ​ഴു​ക്ക​ലു​ക​ൾ.

അ​സ്വ​സ്ഥ​ത​ക​ൾ കൂ​ടി​യ​തോ​ടെ അ​ടി​ത്ത​റ​യു​ൾ​പ്പെ​ടെ പൊ​ളി​ച്ചു​ക​ള​ഞ്ഞ് പു​ത്ത​നൊ​രു കെ​ട്ടി​ടം പ​ണി​യാ​ൻ തീ​രു​മാ​ന​മാ​യി. നീ​ണ്ട ഇ​ട​നാ​ഴി​യും ഇ​രു​വ​ശ​ങ്ങ​ളി​ലും സി​സ്റ്റേ​ഴ്സി​നു​ള്ള മു​റി​ക​ളു​മാ​യൊ​രു​ ഇ​രു​നി​ല മ​ഠം. ഏ​ൽ​പി​ച്ച പ​ണി മ​ഴ​യ്ക്കു​മു​ന്നേ കാ​ര​യ്ക്കാ​പറ​മ്പ​ൻ​ പൂ​ർ​ത്തി​യാ​ക്കി.

വീ​ടി​നൊ​പ്പം അ​വി​രാ ഉ​പേ​ക്ഷി​ച്ച ക​ട്ടി​ലും മ​ര​യു​രു​പ്പ​ടി​ക​ളും മ​ഠ​ത്തി​നു​ പി​ന്നി​ലെ ഷെ​ഡ്ഡി​ൽ ഓ​ർ​മ​ക​ളു​ടെ പൊ​ടി​യേ​റ്റു കി​ട​ന്നു.

പു​ത്ത​ൻ കെ​ട്ടി​ട​ത്തി​ലും വെ​ളി​പാ​ടു​ക​ൾ​ക്കൊ​രു കു​റ​വു​മു​ണ്ടാ​യി​ല്ല. ഇ​ട​നാ​ഴി​യി​ലൂ​ടെ ഇ​ഴ​യു​ന്ന​വ​ന്റെ ത​ല ത​ക​ർ​ക്കാ​ൻ ഇ​റ​ങ്ങു​മ്പോ​ഴെ​ല്ലാം ഇ​രു​ട്ടി​ന്റെ മ​റ​പ​റ്റി​യെ​ത്തു​ന്ന പി​ച്ച​ള സ​ർ​പ്പ​ത്തെ മ​ദ​ർ പി​ന്നെ​യും ക​ണ്ടു.

വെ​ട്ടം​വീ​ഴും മു​ന്നേ മു​റ്റ​ത്തു​കൂ​ടി ന​ട​ന്നു​കൊ​ണ്ടി​രു​ന്ന മ​ദ​റി​ന്റെ അ​ടു​ത്തേ​ക്ക് ആ​ഗ്ന​സ് തി​ടു​ക്ക​പ്പെ​ട്ടു ചെ​ന്നു.

‘‘ലൂ​സി​ക്ക് വ​യ്യ മ​ദ​റേ.’’

‘‘മേ​പ്പാ​ടി​യു​ടെ ഒ​റ്റ​മൂ​ലി​യും കൊ​ടു​ത്തി​രു​ന്നി​ട്ട് കാ​ര്യ​മി​ല്ല.​ ആ​ശു​പ​ത്രി​യി​ലേ​ക്ക് കൊ​ണ്ടു​പോ​കാം.’’

‘‘ആം​ബു​ല​ൻ​സ് വി​ളി​ക്ക​ണോ..?’’

‘‘വേ​ണ്ട. നാ​ട്ടു​കാ​ര് ശ്ര​ദ്ധി​ക്കും. ഒ​രു ഓ​ട്ടോ​യെ​ടു​ത്തു പോ​യാ മ​തി.’’

54

ഞാ​റ​ക്ക​ട​വി​നും പാ​റ​ത്തോ​ടി​നും ഇ​ട​യി​ലൂ​ടെ​യു​ള്ള ക​ര​പ്പാ​ടം റെ​യി​ൽ​വേ ലൈ​നി​ന്റെ അ​ടു​ത്താ​ണ് ഹോ​ളി​ക്രോ​സ് ഹോ​സ്പി​റ്റ​ൽ. ഇ​ര​ട്ട​വ​രി പാ​ള​ങ്ങ​ൾ മു​റി​ച്ചു​ക​ട​ന്നാ​ൽ ആ​ശു​പ​ത്രി​യു​ടെ പി​ന്നി​ലെ​ത്താം.​ക​മ്പി​വേ​ലി നൂ​ണ്ട് ആ​ളു​ക​ൾ ക്രോ​സു ചെ​യ്യു​ന്നി​ട​ത്ത് ‘‘ഇ​വി​ടെ ആ​റു​പേ​ർ മ​രി​ച്ചു, അ​ടു​ത്ത​ത് നി​ങ്ങ​ളോ’’ എ​ന്നെ​ഴു​തി​യ​ ബോ​ർ​ഡ് വെ​ച്ചി​ട്ടു​ണ്ട്. ടൗ​ൺ ചു​റ്റാ​തെ ആ​ശു​പ​ത്രി​യി​ൽ എ​ത്താ​വു​ന്ന​തി​നാ​ൽ മി​ക്ക​വ​രും ആ ​വ​ഴി​യാ​ണ് ഉ​പ​യോ​ഗി​ക്കു​ക.

രൂ​പ​ത​യു​ടെ ആ​ശു​പ​ത്രി​യാ​ണെ​ങ്കി​ലും അ​വി​ട​ത്തെ ചി​കി​ത്സ​ച്ചെ​ല​വ് താ​ങ്ങാ​ൻ സ​മ്പ​ന്ന​ർ​ക്കേ പ​റ്റൂ. പ​ള്ളീ​ല​ച്ച​ൻ​മാ​രെ​പ്പോ​ലെ മ​ഠ​ത്തി​നു വ​രു​മാ​ന​മി​ല്ലാ​ത്ത​തി​നാ​ൽ മേ​പ്പാ​ടി​യു​ടെ ഒ​റ്റ​മൂ​ലി ഫ​ലി​ക്കാ​തെ വ​രു​മ്പോ​ഴാ​ണ് ഹോ​ളി​ക്രോ​സി​ലേ​ക്ക് സി​സ്റ്റേ​ഴ്സ് പോ​വു​ക.

ലൂ​സി​ സി​സ്റ്റ​റി​ന് അപ്പോ​യി​ൻ​മെ​ന്റ് എ​ടു​ത്തു​വെ​യ്ക്കാ​ൻ ആ​ന്റ​ണി​യെ​യാ​ണ് മാ​മ്പ​ള്ളി​യ​ച്ച​ൻ ചു​മ​ത​ല​പ്പെ​ടു​ത്തി​യി​രു​ന്ന​ത്. ചി​റ​മേ​ൽ കൊ​ല​ക്കേ​സി​ലെ ര​ണ്ടാം പ്ര​തി​യാ​യ അ​യാ​ളു​ടെ ഇ​ര​ട്ട​പ്പേ​ര് വാ​റാ​നെ​ന്നാ​ണ്. ധ്യാ​നം​കൂ​ടി മാ​ന​സാ​ന്ത​ര​പ്പെ​ട്ട വാ​റാ​ന് ഹോ​ളി​ക്രോ​സി​ൽ ജോ​ലി വാ​ങ്ങി​ക്കൊ​ടു​ത്ത​ത് മാ​മ്പ​ള്ളി​യ​ച്ച​നാ​ണ്.

സി​സ്റ്റേ​ഴ്സ് ചെ​ല്ലു​മ്പോ​ൾ കൗ​ണ്ട​റി​ൽ അ​യാ​ൾ കാ​ത്തു നി​ൽ​ക്കു​ന്നു​ണ്ടാ​യി​രു​ന്നു.

‘‘എ​ത്തി​യോ​ന്ന​റി​യാ​ൻ മാ​മ്പ​ള്ളി​യ​ച്ച​ൻ ഇ​പ്പോ വി​ളി​ച്ച​തേ​യു​ള്ളൂ.’’

വാ​റാ​ന്റെ​ സ്വ​ര​ത്തി​നൊ​രു റൗ​ഡി​യു​ടെ ക​ടു​പ്പ​മി​ല്ല. അ​യാ​ളു​ടെ പാ​തി​യ​റ്റു​പോ​യ വി​ര​ലി​ലേ​ക്ക് സി​സ്റ്റ​ർ നോ​ക്കി. ഒ​രാ​ളെ പ​ച്ച​ക്ക് കു​ത്തി​മ​ല​ർ​ത്തി​യ കൈ​ക​ളാ​ണ്. എ​ത്ര മാ​ന​സാ​ന്ത​ര​പ്പെ​ട്ടെ​ന്നു പ​റ​ഞ്ഞാ​ലും അ​തി​ലെ ചോ​ര​പ്പാ​ട് പോ​കു​മോ. മാ​മ്പ​ള്ളി​യ​ച്ച​നോ​ട് ചോ​ദി​ക്കു​മ്പോ​ഴൊ​ക്കെ നീ​തി​മാ​ൻ​മാ​രെ​യ​ല്ല, പാ​പി​ക​ളെ തേ​ടി​യാ​ണ് മ​നു​ഷ്യ​പു​ത്ര​നെ​ത്തി​യ​തെ​ന്നൊ​രു വ​ച​നം പ​റ​ഞ്ഞ് ഉ​ത്ത​രം മു​ട്ടി​ച്ചു ക​ള​യും.

ഒ.​പി റൂ​മി​നു മു​ന്നി​ലെ ക​സേ​ര​ക​ളി​ൽ ഊ​ഴം കാ​ത്തി​രി​ക്കു​ന്ന ഗ​ർ​ഭി​ണി​ക​ൾ​ക്കൊ​പ്പം സി​സ്റ്റേ​ഴ്സും ഇ​രു​ന്നു. കൊ​ന്ത​യെ​ടു​ത്തെ​ങ്കി​ലും ലൂ​സി സി​സ്റ്റ​റി​ന് ജ​പം ചൊ​ല്ലാ​നാ​യി​ല്ല. വി​ഷ​മി​ച്ചി​രി​ക്കു​മ്പോ​ഴാ​ണ് വാ​റാ​നൊ​രു ചേ​ടു​ത്തി​യെ വീ​ൽ​ചെ​യ​റി​ലി​രു​ത്തി കൊ​ണ്ടു​വ​ന്ന​ത്. അ​വ​രു​ടെ ഞൊ​റി​വി​ട്ട ച​ട്ട​യി​ൽ വ​ലു​പ്പ​മു​ള്ളൊ​രു സ്വ​ർ​ണ​ക്കു​രി​ശ് ജീ​വ​ന​റ്റു കി​ട​ന്നു.


‘‘തൂ​ത​പ്പു​ഴ​യി​ലെ റാ​ഫേ​ല​ച്ച​നെ അ​റി​യു​മോ. എ​ന്റെ മോ​നാ​ണ്.”

അ​ടു​ത്തി​രു​ന്ന സി​സ്റ്റേ​ഴ്സി​നോ​ടാ​ണ് പ​റ​ഞ്ഞ​തെ​ങ്കി​ലും ചു​റ്റു​മു​ള്ള​വ​രെ​ല്ലാം കേ​ൾ​ക്ക​ണ​മെ​ന്ന ആ​ഗ്ര​ഹ​മു​ള്ള​തു​കൊ​ണ്ട് അ​വ​രു​ടെ സം​സാ​രം ഉ​റ​ക്കെ​യാ​യി. ഒ​ന്നു​ര​ണ്ടു സ്ത്രീ​ക​ൾ ത​ല ഉ​യ​ർ​ത്തി​യെ​ങ്കി​ലും വീ​ണ്ടും അ​വ​ര​വ​രു​ടെ വി​ചാ​ര​ങ്ങ​ളി​ലേ​ക്ക് മ​ട​ങ്ങി.

‘‘ക​ഥ​ക​ളി​പ്പ​ദം പാ​ടു​ന്ന അ​ച്ച​ന​ല്ലേ..?”

“അ​പ്പോ. സി​സ്റ്റ​ർ​ക്ക് ആ​ളെ അ​റി​യാം.”

റാ​ഫേ​ല​ച്ച​ന്റെ വി​ശേ​ഷ​ങ്ങ​ളി​ൽ തു​ട​ങ്ങി സ്വ​ന്തം അ​സു​ഖവി​വ​ര​ങ്ങ​ളി​ൽ ചേ​ടു​ത്തി​യെ​ത്തി. സ്കാ​നി​ങ് റൂ​മി​ലേ​ക്ക് അ​വ​രെ കൊ​ണ്ടു​പോ​യ​തോ​ടെ ലൂ​സി ആ​ഗ്ന​സി​ന്റെ അ​ടു​ത്തേ​ക്ക് നീ​ങ്ങി​യി​രു​ന്നു.

‘‘എ​നി​ക്കും റി​മൂ​വ് ചെ​യ്യേ​ണ്ടിവ​രു​മോ..?’’

“ടെ​ൻ​ഷ​നാ​വ​ല്ലെ. അ​ങ്ങ​നെ​യൊ​ന്നു​മു​ണ്ടാ​വി​ല്ല.”

ദൈ​വ​ത്തി​ന്റെ ആ​ല​യ​മാ​ണ് മ​നു​ഷ്യ​രു​ടെ ശ​രീ​രം. എ​ത്ര​യൊ​ക്കെ വേ​ദ​ന സ​ഹി​ച്ചി​ട്ടാ​ണെ​ങ്കി​ലും അ​വി​ടു​ന്നൊ​രു​ക്കി​യ ആ​ല​യ​ത്തി​ലെ ഒ​ര​വ​യ​വ​ത്തെ​യും മ​നു​ഷ്യ​ർ​ക്ക് ഉ​പേ​ക്ഷി​ക്കാ​നാ​വി​ല്ല. ഒ​രി​ക്ക​ൽ വ​ത്തി​ക്കാ​നി​ലെ ക​ർ​ദി​നാ​ൾ​ ചാ​വു​ദോ​ഷ​മെ​ന്നു ക​രു​തി അ​ങ്ങേ​രു​ടെ ജ​ന​നേ​ന്ദ്രി​യം മു​റി​ച്ചുക​ള​ഞ്ഞു. മ​ര​ണ​ശേ​ഷം വി​ശു​ദ്ധ​പ​ദ​വി​യി​ലേ​ക്ക് പ​രി​ഗ​ണി​ക്കു​മ്പോ​ൾ ആ​മ്പ്യൂ​ട്ടേ​ഷ​ന്റെ പേ​രി​ലാ​ണ് അ​ദ്ദേ​ഹം ഒ​ഴി​വാ​ക്ക​പ്പെ​ട്ട​ത്.

“മ​രി​ക്കു​മ്പോ ഒ​രു പൂ​ർ​ണ​ത​യി​ല്ലാ​തെ​യാ​വു​മോ എ​ന്റെ യാ​ത്ര.”

“എ​ന്തി​നാ​ണ് ഇ​ങ്ങ​നെ സ​ങ്ക​ട​പ്പെ​ടു​ന്ന​ത്. ആ​ത്മാ​വ​ല്ലേ അ​വി​ടു​ത്തെ പ​ക്ക​ലേ​ക്ക് പോ​വു​ക.”

“ഈ​ശോ ശ​രീ​ര​ത്തോ​ടെ​യാ​ണ് ഉ​യി​ർ​ത്ത​ത്. ഒ​ര​സ്ഥി​പോ​ലും നു​റു​ങ്ങാ​ണ്ട്.”

നീ​ല​ഞ​ര​മ്പ് തെ​ളി​ഞ്ഞ ലൂ​സി​യു​ടെ കൈ​ത്ത​ണ്ട​യി​ൽ ആ​ഗ്ന​സ് മെ​ല്ലെ​യ​മ​ർ​ത്തി. വ്യ​ർ​ഥ​മാ​യ ചി​ന്ത​ക​ളി​ലൂ​ടെ മ​നു​ഷ്യ​ർ സൃ​ഷ്ടി​ക്കു​ന്ന ആ​കു​ല​ത​ക​ളും അ​നു​ഭൂ​തി​ക​ളും ആ​സ്വ​ദി​ച്ചു​കൊ​ണ്ട് കാ​വ​ൽ അ​രൂ​പി​ക​ൾ ക​ണ്ണി​മ​ക്കാ​തെ അ​വ​ർ​ക്ക് കൂ​ട്ടി​രു​ന്നു.

ത​ട്ട​മി​ട്ടൊ​രു സ്ത്രീ​യും മ​ക​ളും ഇ​റ​ങ്ങി​യ​തി​നു പി​ന്നാ​ലെ ലൂ​സി സി​സ്റ്റ​ർ ഡോ​ക്ട​റു​ടെ മു​റി​യി​ലേ​ക്ക് ക​യ​റി. ആ​ഗ്ന​സ് പു​റ​ത്തു കാ​ത്തു​നി​ന്നു.

പ​രി​ശോ​ധ​ന​യെ​ല്ലാം ക​ഴി​ഞ്ഞ് ലൂ​സി സി​സ്റ്റ​റി​ന്റെ വി​ള​റി​യ മു​ഖ​ത്തേ​ക്ക് നോ​ക്കി സ​ർ​ജ​റി​യു​ടെ കാ​ര്യം ഡോ​ക്ട​ർ സം​സാ​രി​ച്ചു തു​ട​ങ്ങി.

“പ​റോ​ട്ടി​യി​ലെ തി​രു​നാ​ളു ക​ഴി​ഞ്ഞു മ​തി​യോ..?”

“ഇ​തു​ട​നെ ചെ​യ്യ​ണം സി​സ്റ്റ​റേ.”

അ​ഡ്മി​റ്റാ​വു​ന്ന അ​ച്ച​ൻ​മാ​ർ​ക്കും ക​ന്യാ​സ്ത്രീ​ക​ൾ​ക്കും​ ര​ണ്ടാം​നി​ല​യു​ടെ വ​ട​ക്കു​വ​ശ​ത്തു​ള്ള മു​റി​ക​ളാ​ണ് അ​ലോ​ട്ട് ചെ​യ്യു​ക. മൂ​ന്നാ​ലെ​ണ്ണം അ​തി​നു​വേ​ണ്ടി ഒ​ഴി​ച്ചി​ടാ​റു​മു​ണ്ട്. അ​വി​ടെ​യാ​കു​മ്പോ​ൾ ചാ​പ്പ​ലി​ലേ​ക്ക് പോ​കാ​ൻ എ​ളു​പ്പ​മാ​ണ്. പ​നി​വ​ന്നു കി​ട​പ്പി​ലാ​യ​ ധ്യാ​ന​കേ​ന്ദ്ര​ത്തി​ലെ പാ​തി​രി​യു​ൾ​പ്പെ​ടെ ര​ണ്ടാം​നി​ല​യി​ലെ റൂ​മി​ലെ​ല്ലാം ആ​ളാ​യെ​ന്നും പ​റ​ഞ്ഞ് കു​ട്ടി​ക​ളു​ടെ വാ​ർ​ഡി​ന​ടു​ത്തു​ള്ള മു​റി​യു​ടെ താ​ക്കോ​ൽ വാ​റാ​ൻ സി​സ്റ്റേ​ഴ്സി​നു കൊ​ടു​ത്തു.

“രാ​ത്രി പി​ള്ളേ​രു​ടെ ക​ര​ച്ചി​ലു​ണ്ടാ​വും. സി​സ്റ്റേ​ഴ്സി​ന് ബു​ദ്ധി​മു​ട്ടാ​വു​മോ.”

കു​ടി​വെ​ള്ളം വെ​ച്ചി​ട്ട് അ​യാ​ൾ പോ​യ​തോ​ടെ ആ​ഗ്ന​സ് ജ​നാ​ല തു​റ​ന്നു.

റോ​ഡി​ന​പ്പു​റം റെ​യി​ൽ​പാ​ള​ങ്ങ​ളു​ടെ അ​രി​കി​ലു​ള്ള ഒ​റ്റ​മു​റി​വീ​ടു​ക​ൾ. ച​ളി​ക്കു​ണ്ട് നി​റ​ഞ്ഞ ഇ​ത്തി​രി​യി​ട​ത്തി​ൽ അ​ന്തി​വെ​ട്ടം മാ​യു​ന്ന​തി​നു മു​ന്നേ ക​ളി​യ​വ​സാ​നി​പ്പി​ക്കാ​നു​ള്ള കു​ട്ടി​ക​ളു​ടെ വേ​ഗ​പ്പാ​ച്ചി​ൽ. മ​ഠ​ത്തി​നോ​ടു ചേ​ർ​ന്നു​ള്ള സി​സ്റ്റേ​ഴ്സി​ന്റെ ജീ​വി​തം​പോ​ലെ കെ​ട്ടി​യി​ട്ട കു​റ്റി​യി​ൽ വ​ട്ടം​ചു​റ്റി​യൊ​രു വെ​ളു​ത്ത പ​ശു​ക്കി​ടാ​വ് നി​ർ​ത്താ​തെ അ​മ​റു​ന്നു. അ​ന​ക്ക​മ​റ്റു കി​ട​ന്ന ഫ്ലാ​റ്റു​ക​ളു​ടെ മു​ക​ളി​ലൂ​ടെ മേ​ഘ​ങ്ങ​ളെ മു​ട്ടി​യു​രു​മ്മി, കു​രി​ശാ​കൃ​തി​യി​ലൊ​രു ചെ​റു​വി​മാ​നം. അ​തി​ന്റെ ഇ​ര​മ്പം നേ​ർ​ത്തു​വ​ന്നു.

‘‘വീ​ടാ​ണോ മ​ഠ​മാ​ണോ ആ​ഗ്ന​സി​നു കൂ​ടു​ത​ൽ ഇ​ഷ്ടം.’’

‘‘എ​നി​ക്ക് ര​ണ്ടി​ട​ങ്ങ​ളും ഒ​രു​പോ​ലെ​യാ​ണ്. വീ​ട്ടി​ലെ​ത്തി ആ​ങ്ങ​ള​യു​ടേ​യും കു​ടും​ബ​ത്തി​ന്റേ​യും സ്നേ​ഹം കാ​ണു​മ്പോ​ൾ വീ​ടാ​ണ് ന​ല്ല​തെ​ന്ന് തോ​ന്നും. മ​ഠ​ത്തി​ൽ ന​മ്മ​ളി​ങ്ങ​നെ ക​ഴി​യു​മ്പോ​ൾ ഇ​വി​ട​മാ​ണ് കു​റ​ച്ചു​കൂ​ടി ന​ല്ല​തെ​ന്നും.’’

അ​ട​ർ​ത്തി​യ ഓ​റ​ഞ്ച​ല്ലി​യു​മാ​യി ലൂ​സി വീ​ണ്ടും ജ​നാ​ല​യി​ലൂ​ടെ നോ​ക്കി. ചേ​ർ​ത്തു​വെ​ച്ച ക്യാ​പ്‌​സ്യൂ​ൾ ഗു​ളി​ക​ക​ൾ​പോ​ലെ ച​ര​ക്കു​വ​ണ്ടി​യി​ലെ പെ​ട്രോ​ൾ ടാ​ങ്കു​ക​ൾ ഞ​ര​ക്ക​ത്തോ​ടെ നീ​ങ്ങു​ന്നു. തീ​വ​ണ്ടി പോ​യ​തി​ന്റെ പി​ന്നാ​ലെ പാ​ളം മു​റി​ച്ചു ക​ട​ക്കു​ന്ന ത​ട്ട​മി​ട്ട പെ​ൺ​കു​ട്ടി​ക​ൾ.

‘‘എ​ല്ലാ​യി​ട​ങ്ങ​ളും ആ​ണ​ധി​കാ​ര​ത്തി​ന്റെ കീ​ഴി​ലാ​ണ്. പു​രോ​ഹി​ത​രും ന​മ്മ​ളും ത​മ്മി​ൽ എ​ന്താ​ണ് വ്യ​ത്യാ​സം. പെ​ണ്ണി​നെ അം​ഗീ​ക​രി​ക്കു​ന്നൊ​രു മ​ന​സ്സ് സ​ഭ​യ്ക്കു​ണ്ടാ​യി​രു​ന്നെ​ങ്കി​ൽ ന​മു​ക്കും കു​ർ​ബാ​ന ചൊ​ല്ലാ​മാ​യി​രു​ന്നു.”

പ​തി​വി​ല്ലാ​തെ​യു​ള്ള ആ​ഗ്ന​സി​ന്റെ ക്ഷോ​ഭം. സാ​ധാ​ര​ണ മേ​ബി​ൾ സി​സ്റ്റ​റാ​ണ് ഈ ​വ​ക കാ​ര്യ​ങ്ങ​ളി​ൽ ത​ർ​ക്കി​ക്കാ​റു​ള്ള​ത്. ലൂ​സി​യൊ​ന്നും മി​ണ്ടാ​തെ അ​തൊ​ക്കെ കേ​ട്ടി​രു​ന്നു.

“ലേ​വ്യ​രു​ടെ ആ​ർ​ത്ത​വ​നി​യ​മ​ങ്ങ​ളാ​ണ് ക​ന്യാ​സ്ത്രീ​യ്ക്ക് കു​ർ​ബാ​ന ചൊ​ല്ലാ​നു​ള്ള ത​ട​സ്സം. മെ​നോ​പ്പോ​സ് വ​ന്ന സി​സ്റ്റേ​ഴ്സി​നെ​യെ​ങ്കി​ലും അ​തി​ന് അ​നു​വ​ദി​ച്ചു​കൂ​ടെ. ഇ​തൊ​ക്കെ ന​ട​ക്ക​ണ​മെ​ങ്കി​ൽ സ​ഭ​യു​ടെ ത​ല​പ്പ​ത്തൊ​രു സ്ത്രീ ​വ​ര​ണം. അ​ല്ലെ​ങ്കി​ൽ ന​മ്മ​ൾ സ്ത്രീ​ക​ൾ​ക്കു​ മാ​ത്ര​മാ​യു​ള്ള ഒ​രു സ​ഭ​യു​ണ്ടാ​വ​ണം.”

വി​ല​ക്കു​ക​ൾ നി​റ​ഞ്ഞൊ​രു മ​ഠ​ത്തി​ന്റെ അ​തി​രി​നു പു​റ​ത്തേ​ക്ക് എ​ത്തി​യ​തി​ന്റെ സ്വാ​ത​ന്ത്ര്യ​ത്തോ​ടെ രാ​ത്രി വൈ​കി​യും ര​ണ്ടാ​ളും ഒ​ാരോ​ന്നു പ​റ​ഞ്ഞു​കൊ​ണ്ടി​രു​ന്നു.

കി​ട​ക്കാ​നു​ള്ള ത​യാ​റെ​ടു​പ്പോ​ടെ ആ​ഗ്ന​സ് ബെ​ഡ്ഷീ​റ്റ് കു​ട​ഞ്ഞു​വി​രി​ച്ചു.

‘‘മു​റി​ച്ചുമാ​റ്റു​ന്ന ഗ​ർ​ഭ​പാ​ത്രം ആ​ശു​പ​ത്രി മാ​ലി​ന്യ​ങ്ങ​ളോ​ടൊ​പ്പം ക​ള​യാ​തെ സെമി​ത്തേ​രി​യി​ൽ കു​ഴി​ച്ചി​ട​ണ​മെ​ന്നാ​ണ് മാ​മ്പ​ള്ളി​യ​ച്ച​ൻ പ​റ​യു​ന്ന​ത്.’’

“ന​മ്മു​ടെ സ​ഭ​യി​ൽ അ​ങ്ങ​നെ​യൊ​ന്നു​മി​ല്ല​ല്ലോ.”

“അ​ഭി​ഷി​ക്ത​രു​ടെ വേ​ർ​പെ​ട്ട ശ​രീ​ര​ഭാ​ഗം മ​രി​ച്ച​വ​രെ​പ്പോ​ലെ സം​സ്ക​രി​ക്കു​ന്ന പ​തി​വ് ഇ​വി​ടെ​യു​ണ്ട്. ര​ഹ​സ്യ​മാ​യാ​ണ് അ​തൊ​ക്കെ ചെ​യ്യാ​റു​ള്ള​ത്. മ​ല​യി​ലെ പാ​തി​രി​യു​ടെ ആ​മ്പ്യൂ​ട്ട് ചെ​യ്ത കാ​ല് ഈ​യി​ടെ​യാ​ണ് സെ​മി​ത്തേ​രി​യി​ൽ കു​ഴി​ച്ചി​ട്ട​ത്.”

തൊ​ട്ട​ടു​ത്ത വാ​ർ​ഡി​ൽനി​ന്നും ഇ​ട​ക്കി​ടെ കേ​ട്ടു​കൊ​ണ്ടി​രു​ന്ന കു​ഞ്ഞി​ന്റെ ക​ര​ച്ചി​ൽ കു​റ​ഞ്ഞു​വ​ന്നു. വ​രാ​ന്ത​യി​ലൂ​ടെ ഒ​രു സ്ട്രെ​ച്ച​ർ​ ട്രോ​ളി​യു​ടെ വീ​ലൊ​ച്ച.

“ആ​രെ​യോ ക​ർ​ത്താ​വ് വി​ളി​ച്ചു.”

“അ​ത് വി​ഴു​പ്പു കൊ​ണ്ടു​പോ​കു​ന്ന​താ​ണ് ലൂ​സി.”

55

കു​ർ​ബാ​ന ക​ഴി​ഞ്ഞ് പ്ര​ഭാ​തഭ​ക്ഷ​ണ​ത്തി​നി​രി​ക്കു​മ്പോ​ൾ മാ​മ്പ​ള്ളി​യ​ച്ച​ൻ പ്രാ​ർ​ഥ​ന​യോ​ടെ മ​ടി​യി​ലേ​ക്ക് തൂ​വാ​ല നി​വ​ർ​ത്തി. മ​സാ​ല​യും കു​രു​മു​ള​കും പാ​ക​ത്തി​നു ചേ​ർ​ന്ന പോ​ർ​ക്കു​പീ​സ് സാ​വ​കാ​ശം ക​ഴി​ച്ചു​തു​ട​ങ്ങി.

‘‘ന​ന്നാ​യി​ട്ടു​ണ്ട്. ഇ​താ​രു വെ​ച്ച​താ​ണ്..?’’

‘‘പ്ര​സു​ദേ​ന്തി​യു​ടെ വീ​ട്ടീ​ന്ന് കൊ​ടു​ത്തു​വി​ട്ട​താ​ണ​ച്ചാ.’’

പ്രാ​ത​ലും ക​ഴി​ഞ്ഞ് പാ​ർ​ല​റി​ൽ വി​ശ്ര​മി​ക്കു​മ്പോ​ൾ പ​നം​ക​ൽ​ക്ക​ണ്ട​വും പ​ച്ച​ക്കു​രു​മു​ള​കും മ​ത്ത​ൻ​വി​ത്തും മ​ഞ്ഞ​ളു​മൊ​ക്കെ ചേ​ർ​ന്ന മ​രു​ന്നു​കൂ​ട്ട് ത​ളി​ർ​വെ​റ്റി​ല​യി​ൽവെ​ച്ച് മ​ദ​ർ​ ചു​രു​ട്ടി​യെ​ടു​ത്തു. ച​വ​ർ​പ്പോ​ടെ അ​ച്ച​ന​ത് ച​വ​ച്ചുതു​ട​ങ്ങി.

‘‘അ​ച്ചാ എ​ങ്ങ​നെ​യു​ണ്ട് മേ​പ്പാ​ടി​യു​ടെ ഒ​റ്റ​മൂ​ലി..?’’

‘‘ആ​ളു​ക​ള് ക​ണ്ടാ അ​ച്ച​ൻ വെ​റ്റി​ല​മു​റു​ക്കും തു​ട​ങ്ങി​യെ​ന്നൊ​രു റൂ​മ​റു​കൂ​ടി കേ​ൾ​ക്കേ​ണ്ടി​വ​രും.’’

അ​ച്ച​ൻ അ​തും പ​റ​ഞ്ഞ് ഉ​റ​ക്കെ ചി​രി​ച്ചു.

‘‘വ​ച​നം എ​ത്ര ഒ​ച്ചേ​ല് പ​റ​യു​ന്നു​വോ. അ​ത്രേം രോ​ഗ​ശാ​ന്തി അ​ച്ചി​ട്ടാ. മു​റ്റ​ത്തു​വ​ന്ന് വ​ഴ​ക്കു​ണ്ടാ​ക്കു​ന്ന​വ​രോ​ട് ന​മ്മ​ൾ ഒ​ച്ച ഉ​യ​ർ​ത്തി​യ​ല്ലേ സം​സാ​രി​ക്കൂ. ഒ​ച്ച​ത്തി​ൽ പ്രാ​ർ​ഥി​ച്ചാ​ലേ സാ​ത്താ​നൊ​ഴി​ഞ്ഞു പോ​കൂ.’’

തൊ​ട്ട​ടു​ത്ത് താ​മ​സി​ക്കു​ന്ന​വ​ന്റെ സ​മാ​ധാ​നം​കൂ​ടി പോ​കു​മെ​ന്നൊ​രു ത​റു​ത​ല മ​ന​സ്സി​ൽ വ​ന്നെ​ങ്കി​ലും മേ​ബി​ൾ സി​സ്റ്റ​ർ അ​ട​ക്കി​പ്പി​ടി​ച്ചു നി​ന്നു. സം​സാ​രി​ക്കു​ന്ന​തി​നി​ട​യി​ൽ പ​ച്ച​ക്കു​രു​മു​ള​കി​ന്റെ എ​രി അ​ച്ച​ന്റെ തൊ​ണ്ട​ക്കു​ഴി​യി​ൽ വി​ല​ങ്ങി. നെ​റു​കം​ത​ല തി​രു​മ്മി മു​റ്റ​ത്തേ​ക്ക് ഇ​റ​ങ്ങി​യ പാ​തി​രി മ​ദ​റി​നെ അ​ടു​ത്തേ​ക്ക് വി​ളി​ച്ചു.

“മ​ഠ​ത്തി​നു മു​ന്നി​ലെ കു​റ​ച്ചു സ്ഥ​ലം വി​ട്ടു​കൊ​ടു​ക്കേ​ണ്ടി വ​രു​മ​ല്ലോ.”

“ന്റെ ​ഈ​ശോ​യെ. ബൈ​പ്പാ​സ് വ​രൂ​ന്ന് ഒ​റ​പ്പാ​യോ.’’

“പേ​പ്പ​റു വ​ർ​ക്കു തു​ട​ങ്ങി​യി​ട്ടു​ണ്ട്. റോ​ഡി​നു വീ​തി കൂ​ടി​യാ​ൽ മ​ഠ​ത്തി​ന്റെ​യും പ​ള്ളി​യു​ടെ​യും മു​ന്നി​ലെ സ്ഥ​ലം പോ​കും. എ​ന്തെ​ങ്കി​ലും ചെ​യ്‌​തേ പ​റ്റൂ.”

“ഇ​ട​വ​ക​ക്കാ​രു​ടെ കൈ​യീ​ന്ന് പി​രി​വെ​ടു​ത്ത് രൂ​പ​ത​യ്ക്കി​നി​യും സ്ഥ​ലം വാ​ങ്ങാം. മ​ഠ​ത്തി​ലു​ള്ള​വ​ർ​ക്ക് അ​തി​നാ​വി​ല്ല​ല്ലോ. എ​ത്ര ക​ഷ്ട​പ്പെ​ട്ടി​ട്ടാ​ണ​ച്ചാ ഞ​ങ്ങ​ളി​തൊ​ക്കെ വാ​ങ്ങി​യ​ത്.”

മു​റ്റ​ത്തെ പാ​ഷ​ൻ​ഫ്രൂ​ട്ടി​ന്റെ കാ​യ​ക​ളി​ൽ മ​ഞ്ഞു​തു​ള്ളി​ക​ൾ ഇ​റ്റി​നി​ൽ​ക്കു​ന്ന​തും നോ​ക്കി കു​റ​ച്ചു​നേ​രം ഒ​ന്നും മി​ണ്ടാ​തെ നി​ന്നി​ട്ട് അ​ച്ച​ൻ സ്വ​രം താ​ഴ്ത്തി.

“പാ​റ​യി​ലാ പ​ള്ളി​ പ​ണി​യാ​ൻ ക​ർ​ത്താ​വു പ​റ​ഞ്ഞ​ത്. പാ​റേ​ന്നു​വെ​ച്ചാ ഓ​രോ സ്ഥ​ല​ത്തെ​യും മ​ണ്ണ്. റോ​ഡി​നോ​ട് ചേ​ർ​ന്നൊ​രു ക​പ്പേ​ള​യോ കു​രി​ശ​ടി​യോ ഉ​ണ്ടെ​ങ്കി​ൽ അ​വ​ര് ന​മ്മ​ളെ ഒ​ഴി​വാ​ക്കി എ​തി​ർ​വ​ശ​ത്തു​ള്ള സ്ഥ​ലം അ​ക്വ​യ​ർ ചെ​യ്യും. ഇ​തി​പ്പോ കു​റ​ച്ചു മ​ര​ങ്ങ​ള​ല്ലെ മ​ഠ​ത്തി​ന്റെ മു​ന്നി​ലു​ള്ളൂ. സ​ർ​വേ തു​ട​ങ്ങു​ന്ന​തി​നു മു​ന്നേ ന​മു​ക്ക​വി​ടെ എ​ന്തെ​ങ്കി​ലും പ​ണി​യ​ണം.”

തോ​ൾസ​ഞ്ചി​യു​മെ​ടു​ത്ത് ഇ​റ​ങ്ങി​യ അ​ച്ച​നു പി​ന്നാ​ലെ മ​ദ​ർ ഗേ​റ്റ് വ​രെ ചെ​ന്നു.


“ലൂ​സി സി​സ്റ്റ​റി​ന്റെ സ​ർ​ജ​റി നാ​ള​യ​ല്ലേ..?”

“അ​തെ​യ​ച്ചാ.”

“സെമി​ത്തേ​രി​യി​ലേ​ക്ക് അ​തെ​ടു​പ്പി​ക്കാ​ൻ ഞാ​നേ​ർ​പ്പാ​ടാ​ക്കി​യി​ട്ടു​

News Summary - madhyamam weekly novel mudiyarakal