Begin typing your search above and press return to search.
proflie-avatar
Login

9 MM ബെരേറ്റ -നോവൽ അവസാനിക്കുന്നു

9 MM ബെരേറ്റ -നോവൽ അവസാനിക്കുന്നു
cancel

ഡ​യ​റ​ക്ട് ആ​ക്ഷ​ൻ ''എ​ന്റെ ജീ​വി​തം ആ​രു​ടെ ത​ട​വു​കാ​ല​മാ​ണ്?''ആ​ബി​യ മ​ഖ്ധൂ​മി നീ​രു​വ​ന്ന കാ​ലു​ക​ളി​ലേ​ക്കു നോ​ക്കി​യി​രു​ന്നു. അ​വ​ൾ​ക്കു ക​ര​ച്ചി​ൽ വ​ന്നു. ത​ന്നെ കാ​ണാ​ഞ്ഞു ഉ​മ്മി ത​ള​ർ​ന്നു കാ​ണും. സ​ഹ​പാ​ഠി​ക​ൾ ത​ന്റെ തി​രോ​ധാ​ന​ത്തെ​പ്പ​റ്റി ഇ​പ്പോ​ഴും ച​ർ​ച്ച​ചെ​യ്യു​ന്നു​ണ്ടാ​വും, സ​മ​രം ചെ​യ്യു​ന്നു​ണ്ടാ​വും. കാ​ലി​ൽ നീ​രു​വ​രു​ന്ന​തു​പോ​ലെ​യാ​ണി​പ്പോ​ൾ ആ​ബി​യാ​യു​ടെ മ​നോ​നി​ല​യും. ചി​ല​പ്പോ​ൾ വീ​റും വാ​ശി​യും കാ​ണി​ക്കും. ആ​ത്മ​വി​ശ്വാ​സം ഉ​ണ്ടാ​വും, അ​ത് ക​ര​ച്ചി​ലാ​യും വി​ഷാ​ദ​മാ​യും മാ​റും. പി​ന്നെ പി​ടി​ച്ചു​നി​ൽ​ക്കാ​നു​ള്ള ധൈ​ര്യം സം​ഭ​രി​ക്കും....

Your Subscription Supports Independent Journalism

View Plans

ഡ​യ​റ​ക്ട് ആ​ക്ഷ​ൻ

''എ​ന്റെ ജീ​വി​തം ആ​രു​ടെ ത​ട​വു​കാ​ല​മാ​ണ്?''

ആ​ബി​യ മ​ഖ്ധൂ​മി നീ​രു​വ​ന്ന കാ​ലു​ക​ളി​ലേ​ക്കു നോ​ക്കി​യി​രു​ന്നു. അ​വ​ൾ​ക്കു ക​ര​ച്ചി​ൽ വ​ന്നു.

ത​ന്നെ കാ​ണാ​ഞ്ഞു ഉ​മ്മി ത​ള​ർ​ന്നു കാ​ണും. സ​ഹ​പാ​ഠി​ക​ൾ ത​ന്റെ തി​രോ​ധാ​ന​ത്തെ​പ്പ​റ്റി ഇ​പ്പോ​ഴും ച​ർ​ച്ച​ചെ​യ്യു​ന്നു​ണ്ടാ​വും, സ​മ​രം ചെ​യ്യു​ന്നു​ണ്ടാ​വും. കാ​ലി​ൽ നീ​രു​വ​രു​ന്ന​തു​പോ​ലെ​യാ​ണി​പ്പോ​ൾ ആ​ബി​യാ​യു​ടെ മ​നോ​നി​ല​യും. ചി​ല​പ്പോ​ൾ വീ​റും വാ​ശി​യും കാ​ണി​ക്കും. ആ​ത്മ​വി​ശ്വാ​സം ഉ​ണ്ടാ​വും, അ​ത് ക​ര​ച്ചി​ലാ​യും വി​ഷാ​ദ​മാ​യും മാ​റും. പി​ന്നെ പി​ടി​ച്ചു​നി​ൽ​ക്കാ​നു​ള്ള ധൈ​ര്യം സം​ഭ​രി​ക്കും. ഈ ​മാ​ന​സി​ക​വ്യ​തി​യാ​ന​ങ്ങ​ൾ ആ​രോ​ഗ്യ​ത്തെ​യും ബാ​ധി​ച്ചി​രു​ന്നു. ആ​പ​ത്തു​കാ​ല​ത്താ​ണ് ഭൂ​ത​കാ​ലം മ​നു​ഷ്യ​രെ വേ​ട്ട​യാ​ടു​ക. ഭാ​വി ഇ​രു​ള​ട​യു​മ്പോ​ൾ മ​നു​ഷ്യ​ർ പി​റ​കി​ലേ​ക്ക് നോ​ക്കും. അ​വി​ട​ത്തെ വെ​ളി​ച്ചം കെ​ട്ട ഇ​ട​ങ്ങ​ളാ​വും ആ​ദ്യം തെ​ളി​ഞ്ഞു കി​ട്ടു​ക. ന​ടു വേ​ദ​നി​ക്കു​ന്നു​ണ്ട്. അ​വ​ൾ കാ​ലു​നീ​ട്ടി കി​ട​ന്നു. ഓ​ർ​മ​ക​ൾ ഒ​രേ​സ​മ​യം ഊ​ർ​ജ​വും ഉ​ത്സാ​ഹ​ക്കു​റ​വും ഉ​ണ്ടാ​ക്കും. ചെ​മ്മ​രി​യാ​ടി​ൻ​പ​റ്റ​ങ്ങ​ളെ​യും​കൊ​ണ്ട് ഒ​രു ക​ശ്മീ​രി ബാ​ല​ൻ വാ​ൾ​ന​ട്ട് തോ​ട്ട​ത്തി​ലൂ​ടെ നീ​ങ്ങി പോ​കു​ന്ന​ത് അ​വ​ൾ ക​ണ്ടു. അ​വ​ൻ എ​ന്നും രാ​വി​ലെ അ​തുവ​ഴി പോ​കാ​റു​ണ്ട്. ഷാ​ൾ പു​ത​ച്ച അ​വ​നെ ക​ണ്ടാ​ല​റി​യാം വ​ള​രെ മെ​ലി​ഞ്ഞ ശ​രീ​ര​പ്ര​കൃ​ത​മാ​ണെ​ന്ന്. ആ​ടു​ക​ളു​മാ​യി അ​വ​ൻ താ​ഴ്വാ​ര​ത്തി​ലേ​ക്കാ​ണ് പോ​കു​ന്ന​ത്. വൈ​കു​ന്നേ​രം​വ​രെ അ​വ​റ്റ​ക​ൾ മേ​ഞ്ഞു ന​ട​ക്കും. അ​വ​ൻ കാ​വ​ലി​രി​ക്കും. റേ​ഡി​യോ കേ​ൾ​ക്കും. വാ​ൾ​ന​ട്ട് തോ​ട്ടം വ​ഴി ആ​ട്ടി​ന്‍പ​റ്റ​ങ്ങ​ൾ ക​ട​ന്നു​പോ​യ​തി​നു ശേ​ഷ​മാ​ണ് കു​ട്ടി​ക​ൾ അ​വി​ടെ ക​ളി​ക്കാ​ൻ എ​ത്തു​ന്ന​ത്. അ​പ്പോ​ഴേ​ക്കും ചെ​റി​യ വെ​യി​ൽ പ​ര​ന്നു​തു​ട​ങ്ങും. ഒ​രു​ദി​വ​സം തോ​ട്ട​ത്തി​ൽ​നി​ന്നു വെ​ടി​യൊ​ച്ച​ക​ൾ കേ​ട്ടു. അ​വി​ടെ പ​തി​വി​ല്ലാ​ത്ത​താ​ണ്. അ​മ്മ​മാ​ർ​ക്ക് വേ​വ​ലാ​തി​യാ​യി. വീ​ടു​ക​ളി​ൽ​നി​ന്ന് അ​വ​രെ​ല്ലാം ത​ങ്ങ​ളു​ടെ കു​ട്ടി​ക​ൾ ക​ളി​ക്കു​ന്ന​യി​ട​ത്തി​ലേ​ക്കു വ​ന്നു. തോ​ട്ട​ത്തി​ന്റെ അ​ങ്ങേ​യ​റ്റ​ത്തു​ള്ള റോ​ഡി​ൽ​നി​ന്നാ​ണ് പ​ട്ടാ​ള​ക്കാ​ർ വെ​ടി​യു​തി​ർ​ക്കു​ന്ന​ത്. അ​മ്മ​മാ​ർ കൂ​ട്ട​ത്തോ​ടെ ഒ​ച്ച​വെ​ച്ചു. ഞാ​നും അ​വി​ടേ​ക്കു ഓ​ടി​ച്ചെ​ന്നു. കു​ട്ടി​ക​ൾ​ക്കും സ്ത്രീ​ക​ൾ​ക്കും നേ​രെ യാ​തൊ​രു പ്ര​കോ​പ​ന​വു​മി​ല്ലാ​തെ പ​ട്ടാ​ള​വും പൊ​ലീ​സും വെ​ടി​വെ​ക്കാ​റി​ല്ല. ആ ​ധൈ​ര്യ​ത്തി​ലാ​ണ് സ്ത്രീ​ക​ളെ​ല്ലാം ത​ങ്ങ​ളു​ടെ കു​ട്ടി​ക​ളെ ര​ക്ഷി​ക്കാ​ൻ പാ​ഞ്ഞെ​ത്തി​യ​ത്. പ​ക്ഷേ, ഞ​ങ്ങ​ളെ ക​ണ്ടി​ട്ടും പ​ട്ടാ​ളം വെ​ടി നി​ർ​ത്തി​യി​ല്ല. ഞ​ങ്ങ​ളു​ടെ പ്ര​തി​ഷേ​ധം ശ​ക്ത​മാ​യ​തോ​ടെ അ​വ​ർ പി​ടി​ച്ചു​കൊ​ണ്ടുപോ​കാ​ൻ ശ്ര​മി​ച്ച മൂ​ന്ന് കു​ട്ടി​ക​ളെ​യും വെ​റു​തെ വി​ട്ടു പി​രി​ഞ്ഞു​പോ​യി. എ​ല്ലാം ശാ​ന്ത​മാ​യെ​ന്നു ഞ​ങ്ങ​ൾ ക​രു​തി. പ​ക്ഷേ, അ​ര​മ​ണി​ക്കൂ​റി​നു​ശേ​ഷം ഒ​രു വ​ലി​യ വ​ണ്ടി​യി​ൽ പ​ട്ടാ​ള​ക്കാ​ർ വ​ന്നു. റോ​ഡി​ന്റെ അ​പ്പു​റ​ത്തു​നി​ന്നു വെ​ടി​യു​തി​ർ​ക്കാ​ന്‍ തു​ട​ങ്ങി. പാ​ല​ത്തി​ന് കു​റു​കെ ആ​രോ നേ​രി​യ ക​മ്പി​ക​ൾ കെ​ട്ടി​വെ​ച്ചി​രു​ന്നു​പോ​ലും. പ​ട്ടാ​ള​വ​ണ്ടി അ​തു​വ​ഴി പോ​യ​പ്പോ​ൾ ക​മ്പി​യി​ൽ ത​ട്ടി നി​യ​ന്ത്ര​ണം വി​ട്ടു പു​ഴ​യി​ലേ​ക്ക് മ​റി​ഞ്ഞി​ല്ലേ​ന്നേ​യു​ള്ളൂ. കു​ട്ടി​ക​ളാ​ണ് ചെ​യ്ത​തെ​ന്ന് ക​രു​തി ക​ലി​തീ​ർ​ക്കാ​ന്‍ വ​ന്ന​താ​ണ്. ക​ളി​ച്ചു​കൊ​ണ്ടി​രു​ന്ന കു​ട്ടി​ക​ൾ ചി​ത​റി​യോ​ടി. മ​ക​ളെ ര​ക്ഷി​ക്കാ​ൻ വ​ന്ന സൈ​ദാ​ഭാനു​വി​നു കാ​ലി​ൽ വെ​ടി​കൊ​ണ്ടു. അ​വ​രു​ടെ മ​ക​ൾ നൂ​ർ​ജ​ഹാ​നെ ഞാ​ൻ വാ​രി​യെ​ടു​ത്തു വ​ൻ വാ​ൾ​ന​ട്ട് മ​ര​ത്തി​നു പി​റ​കി​ലൊ​ളി​ച്ചു. അ​വ​ളു​ടെ തൊ​പ്പി ഊ​ർ​ന്നു​പോ​യി. വെ​ടി​യു​ണ്ട​ക​ൾ വ​ന്നു​കൊ​ണ്ടി​രു​ന്നു. ഞ​ങ്ങ​ൾ നി​ന്ന മ​ര​ത്തി​ന്റെ തൊ​ട്ട​ടു​ത്ത് കു​ട്ടി​ക​ൾ ഓ​ടി പോ​കു​മ്പോ​ൾ ഉ​പേ​ക്ഷി​ച്ച ക്രി​ക്ക​റ്റ് ബാ​റ്റ് ഉ​ണ്ടാ​യി​രു​ന്നു. ഞാ​ൻ നോ​ക്കി​നി​ൽ​ക്കെ വെ​ടി​കൊ​ണ്ടു ബാ​റ്റ് അ​നേ​കം ക​ഷ​ണ​ങ്ങ​ളാ​യി ചി​ത​റി. ഞാ​ൻ നൂ​ർ​ജ​ഹാ​നെ കെ​ട്ടി​പ്പി​ടി​ച്ചു ചു​റ്റി​ലും നോ​ക്കി. എ​ല്ലാ വാ​ള്‍ന​ട്ട് മ​ര​ത്തി​ന്റെ മ​റ​വി​ലും അ​മ്മ​മാ​ർ ഒ​ളി​ഞ്ഞുനി​ൽ​പുണ്ട്. ശ്വാ​സ​മ​ട​ക്കി​പ്പി​ടി​ച്ചു ഞ​ങ്ങ​ൾ എ​ത്ര​നേ​രം അ​ങ്ങ​നെ നി​ന്നെ​ന്ന് അ​റി​യി​ല്ല. വെ​ടി​യൊ​ച്ച ശ​മി​ച്ച​പ്പോ​ൾ നൂ​ർ​ജ​ഹാ​ൻ ഉ​റ​ക്കെ ക​ര​യാ​ൻ തു​ട​ങ്ങി, ഞാ​ൻ അ​വ​ളു​ടെ വാ​യ​ പൊ​ത്തി. മ​ര​ത്തി​ന്റെ മ​റ​വി​ൽ​നി​ന്നു ത​ല​യേ​ന്തി റോ​ഡി​ലേ​ക്ക് നോ​ക്കാ​ൻ എ​നി​ക്ക് പേ​ടി​തോ​ന്നി. സൈ​ദാ​ഭാ​നു ഒ​രു മ​ര​ത്തി​ന്റെ മ​റ​വി​ൽ​നി​ന്ന് ഇ​ഴ​ഞ്ഞുവ​ന്നു​കൊ​ണ്ട് ഉ​റ​ക്കെ വി​ളി​ച്ചു പ​റ​ഞ്ഞു: അ​വ​ർ പോ​യി...​അ​വ​ർ പോ​യി...

എ​ല്ലാ​വ​രും മ​ര​ത്തി​ന്റെ മ​റ​വി​ൽ​നി​ന്ന്, കു​ട്ടി​ക​ളു​ടെ കൈ​പി​ടി​ച്ച് വീ​ടു​ക​ളി​ലേ​ക്ക് കി​ത​ച്ചോ​ടി. അ​തി​നി​ട​യി​ൽ ആ​രൊ​ക്കെ​യോ ചേ​ർ​ന്ന് സൈ​ദ​യെ ആ​ശു​പ​തി​യി​ലേ​ക്കു കൊ​ണ്ടു​പോ​യി. ഞാ​ൻ നൂ​ർ​ജ​ഹാ​നെ തോ​ള​ത്തെ​ടു​ത്തു വീ​ട്ടി​ലേ​ക്കു പാ​ഞ്ഞു. അ​പ്പോ​ൾ ആ​ട്ടി​ൻ​പ​റ്റ​ങ്ങ​ളു​മാ​യി ആ ​മെ​ലി​ഞ്ഞ പ​യ്യ​ൻ വ​രു​ന്ന​ത് ഞാ​ൻ ദൂ​ര​ക്കാ​ഴ്ച​യി​ൽ ക​ണ്ടു. വാ​ൾ​ന​ട്ട് തോ​ട്ട​ത്തി​ൽ എ​ത്തി​യ​തും അ​വ​റ്റ​ക​ൾ വെ​ടി​യേ​റ്റ മ​ര​ങ്ങ​ൾ ക​ണ്ടി​ട്ടാ​വ​ണം അ​സ്വ​സ്ഥ​ത പ്ര​ക​ടി​പ്പി​ക്കു​ക​യും കൂ​ട്ടം​തെ​റ്റു​ക​യും ക​ര​യു​ക​യും​ ചെ​യ്തു. ആ​ട്ടി​ട​യ​ൻ അ​വ​റ്റ​ക​ളെ മേ​യ്‌​ക്കാ​ൻ പാ​ടു​പെ​ട്ടു. പി​ന്നീ​ടു​ള്ള പ്ര​ഭാ​ത​ങ്ങ​ളി​ലൊ​ന്നും ആ​ട്ടി​ൻ​പ​റ്റ​ങ്ങ​ളു​മാ​യി അ​വ​ൻ വാ​ൾ​ന​ട്ട് തോ​ട്ട​ത്തി​ലൂ​ടെ ക​ട​ന്നു​പോ​കു​ന്ന​ത് ഞാ​ൻ ക​ണ്ടി​ട്ടി​ല്ല.

* * * *

വൈ​ന്‍ നു​ണ​ഞ്ഞ​ശേ​ഷം വി​മ​ൽ വ​ൻ​സാ​രെ കു​ളി​മു​റി​യി​ൽ ക​യ​റി ഷേ​വ് ചെ​യ്യാ​ൻ തു​ട​ങ്ങി. മേ​ധാ അ​യാ​ൾ​ക്കാ​യി ച​പ്പാ​ത്തി ത​യാ​റാ​ക്കു​ക​യാ​യി​രു​ന്നു. അ​പ്പോ​ൾ വി​മ​ലി​ന്റെ ഫോ​ൺ ശ​ബ്‌​ദി​ച്ചു.

''മേ​ധാ ഒ​ന്ന് ഫോ​ൺ എ​ടു​ക്കാ​മോ? വി​മ​ൽ വി​ളി​ച്ചു പ​റ​ഞ്ഞു. ലൈ​നി​ൽ ശി​വ​റാം ഗോ​ദ്ര​യാ​യി​രു​ന്നു.

''വി​മ​ൽ ഇ​ല്ലേ?''

സ്വ​രം മേ​ധ​യു​ടേ​താ​ണെ​ന്ന​റി​ഞ്ഞ​പ്പോ​ൾ ശി​വ​റാം ഗോ​ദ്ര ചോ​ദി​ച്ചു.

''ഉ​ണ്ട്. ബാ​ത്‌​റൂ​മി​ലാ​ണ്. തി​രി​ച്ചു​വി​ളി​ക്കാ​ൻ പ​റ​യാം.''

''മേ​ധ​ക്ക് ശി​വ​റാ​മി​നോ​ട് കൂ​ടു​ത​ൽ സം​സാ​രി​ക്കാ​ൻ തോ​ന്നി​യി​ല്ല.

''ആ​രാ​ണ്?'' വി​മ​ൽ വി​ളി​ച്ചു ചോ​ദി​ച്ചു.

''ശി​വ​റാം ജി ​തി​രി​ച്ചു വി​ളി​ക്കാ​ൻ പ​റ​ഞ്ഞു.''

മേ​ധാ അ​ടു​ക്ക​ള​യി​ൽ ചെ​ന്നു ച​പ്പാ​ത്തി മ​റി​ച്ചി​ട്ടു. ഇ​ന്ന​ലെ ഡോ​ക്ട​റേ​ഡ് വീ​ഡി​യോ കി​ട്ടി​യ​ത് മു​ത​ൽ മേ​ധ​ക്ക് വ​ല്ലാ​ത്ത അ​സ്വ​സ്ഥ​ത​യാ​ണ്. ആ​ബി​യ മ​ഖ്ധൂ​മി തീ​വ്ര​വാ​ദ ക്യാ​മ്പി​ൽ​നി​ന്ന് സം​സാ​രി​ക്കു​ന്ന​തു​പോ​ലു​ള്ള വീ​ഡി​യോ ആ​ണ് പു​റ​ത്തു വ​ന്ന​ത്. ഗ​ർ​ഭി​ണി​യാ​യ തീ​വ്ര​വാ​ദി രാ​ജ്യ​ത്തി​നെ​തി​രെ യു​ദ്ധം ചെ​യ്യു​ന്നു​വെ​ന്ന ത​ല​ക്കെ​ട്ടോ​ടെ​യാ​ണ് വീ​ഡി​യോ ഗ്രൂ​പ്പു​ക​ളി​ലൂ​ടെ വൈ​റ​ലാ​ക്കി​യ​ത്. പ​തി​വു​പോ​ലെ ടാ​ർ​ഗ​റ്റ് മേ​ധ​ക്കാ​യി​രു​ന്നു. അ​വ​ൾ എ​ന്തോ ഓ​ർ​ത്തുനി​ന്ന​തും ച​പ്പാ​ത്തി ക​രി​ഞ്ഞു​പോ​യി.

വി​മ​ൽ കു​ളി ക​ഴി​ഞ്ഞു ട​വ​ല്‍ മാ​ത്ര​മു​ടു​ത്തു​കൊ​ണ്ടു മേ​ധ​ക്ക് അ​രി​കി​ലെ​ത്തി.

''എ​ന്താ ക​രി​ഞ്ഞു​പോ​യോ ഡാ​ർ​ലി​ങ്?'' അ​യാ​ൾ കൈ​യി​ലു​ള്ള വൈ​ന്‍ ഗ്ലാ​സ് അ​വ​ൾ​ക്കു നീ​ട്ടി.

അ​ടു​പ്പ് ഓ​ഫാ​ക്കി​യ​ശേ​ഷം മേ​ധ വൈ​ന്‍ മൊ​ത്തി. ഇ​രു​വ​രും സോ​ഫ​യി​ൽ പോ​യി​രു​ന്നു. വൈ​ൻ നു​ണ​ഞ്ഞു​കൊ​ണ്ട് അ​വ​ൾ വി​മ​ലി​ന്റെ താ​ടി ത​ലോ​ടി. മു​ഖ​മി​നു​സം അ​വ​ളു​ടെ വി​ര​ലു​ക​ളെ ആ​ഹ്ലാ​ദി​പ്പി​ച്ചു.

ഗ്ലാ​സ് കാ​ലി​യാ​ക്കി​യ​ശേ​ഷം മേ​ധ വി​മ​ലി​ന്റെ മ​ടി​യി​ലേ​ക്കു ചാ​ഞ്ഞു. അ​വ​ൾ​ക്കു എ​ന്തോ പ​റ​യാ​നു​ണ്ടെ​ന്ന് വി​മ​ലി​നു തോ​ന്നി. അ​യാ​ൾ കാ​ലൊ​തു​ക്കി​ക്കൊ​ടു​ത്തു. ഗ്ലാ​സ് മാ​റ്റി​വെ​ച്ചു അ​വ​ളെ ത​ലോ​ടി.

''വി​മ​ൽ, ഞാ​നി​ന്നു രാ​വി​ലെ ഒ​രു സ്വ​പ്നം ക​ണ്ടു.''

''എ​ന്താ​ണ്...​പ​റ​യൂ.''

''ന​മ്മു​ടെ ഡൈ​നി​ങ് ടേ​ബി​ളി​ൽ, ചു​വ​ന്ന ടൈ ​ധ​രി​ച്ച ഒ​രു അ​സ്ഥി​കൂ​ടം..!''

വി​മ​ൽ ഒ​ന്നും പ​റ​ഞ്ഞി​ല്ല. അ​വ​ളു​ടെ നെ​റ്റി​യും മു​ടി​യും അ​യാ​ൾ ത​ട​വി​ക്കൊ​ണ്ടി​രു​ന്നു.

വീ​ണ്ടും മൊ​ബൈ​ൽ ചി​ല​ച്ചു. വി​മ​ൽ കൈ​യെ​ത്തി ഫോ​ൺ എ​ടു​ത്തു. ശി​വ​റാം ആ​ണ്.

''വീ​ഡി​യോ ന​ന്നാ​യി ഓ​ടു​ന്നു​ണ്ട്. ഡ​യ​റ​ക്റ്റ് ആ​ക്ഷ​ൻ ജ​നു​വ​രി 29നു ​ന​ട​പ്പാ​ക്കാ​മെ​ന്നാ​ണ് സ്വാ​മി ശി​വാ​ന​ന്ദ പ​റ​യു​ന്ന​ത്. അ​പ്പോ​ൾ ബാ​ക്കി കാ​ര്യ​ങ്ങ​ൾ എ​ങ്ങ​നെ​യാ?''

''ട്രോ​ളു​ക​ൾ സ​ജീ​വ​മാ​ണ്. നാ​ളെ മു​ത​ൽ കൂ​ടു​ത​ൽ മെ​മു​ക​ൾ പോ​സ്റ്റ് ചെ​യ്യും. ട്വീ​റ്റു​ക​ൾ അ​ത് ക​ഴി​ഞ്ഞു ചെ​യ്‌​താ​ൽ മ​തി.'' വി​മ​ൽ സം​സാ​രി​ക്കു​ന്ന​തി​നി​ട​യി​ലും മേ​ധ​യെ ത​ലോ​ടി​ക്കൊ​ണ്ടി​രു​ന്നു. അ​വ​ൾ അ​യാ​ളു​ടെ കൈ ​സ്നേ​ഹ​പൂ​ർ​വം പി​ടി​ച്ചു​വെ​ച്ചു.

''സ്വാ​മി ശി​വാ​ന​ന്ദ​യും പ്ര​കൃ​തി ഠാ​ക്കൂറും അ​വ​ളെ കാ​ണാ​ൻ പോ​യ​പ്പോ​ൾ എ​ടു​ത്ത വീ​ഡി​യോ ആ​ണ്. പ്ര​കൃ​തി​യു​ടെ വ​സ്ത്ര​ത്തി​ൽ പെ​ന്‍ കാ​മ​റ ഉ​ണ്ടാ​യി​രു​ന്നു. അ​വ​ളെ പ്ര​കോ​പി​പ്പി​ച്ചു സം​സാ​രി​പ്പി​ച്ചു. എ​ഡി​റ്റ് ചെ​യ്ത​ശേ​ഷം ഡ​ബ്ബ് ചെ​യ്ത​താ​ണ്. ഒ​റി​ജി​ന​ലി​നെ വെ​ല്ലു​ന്ന വീ​ഡി​യോ ആ​ണി​പ്പോ​ൾ ജ​നം ക​ണ്ടു​കൊ​ണ്ടി​രി​ക്കു​ന്ന​ത്.'' ശി​വ​റാം ഗോ​ദ്ര ഭ്രാ​ന്ത​മാ​യ ആ​വേ​ശ​ത്തോ​ടെ​യാ​ണ് സം​സാ​രി​ച്ച​ത്.

''ഉം. ​നീ എ​ന്താ​ണ് ക​ഴി​ച്ച​ത്, ബി​യ​റ​ല്ലെ​ന്നു മ​ന​സ്സി​ലാ​യി.''

''കോ​ണി​യാ​ക്ക്. ഗ​ർ​സ സ​മ്മാ​നി​ച്ചു പോ​യ​താ​ണ്. ഇ​ന്നാ​ണ് അ​ത് പൊ​ട്ടി​ച്ച​ത്.''

''ശ​രി...​ ന​ട​ക്ക​ട്ടെ ഗു​ഡ്‌​നൈ​റ്റ്. നാ​ളെ കാ​ണാം.'' വി​മ​ൽ കാ​ൾ ക​ട്ട് ചെ​യ്തു.

''പു​രോ​ഹി​ത് ജി ​ഇ​ല​ക്ഷ​ൻ ജ​യി​ക്കും അ​ല്ലേ?'' മേ​ധ ചോ​ദി​ച്ചു.

''ഇ​നി അ​ദ്ദേ​ഹം ഒ​രി​ക്ക​ലും തോ​ൽ​ക്കു​ക​യി​ല്ല.''

പി​ന്നെ ഇ​രു​വ​ർ​ക്കു​മി​ട​യി​ൽ മൗ​നം ക​ന​ത്തു. വൈ​ൻ നെ​ഞ്ചെ​രി​ച്ചി​ൽ ഉ​ണ്ടാ​ക്കി​യ​പ്പോ​ൾ വി​മ​ൽ പ​റ​ഞ്ഞു. ''ഈ​യി​ടെ​യാ​യി നീ ​കാ​ണു​ന്ന​തെ​ല്ലാം ദുഃ​സ്വ​പ്ന​ങ്ങ​ൾ ആ​ണ​ല്ലോ?''

മേ​ധ അ​യാ​ളു​ടെ ക​ണ്ണു​ക​ളി​ലേ​ക്കു നോ​ക്കി​യി​രു​ന്നു. ''വി​മ​ൽ, ഞാ​നൊ​രു കാ​ര്യം ചോ​ദി​ച്ചാ​ൽ വി​ഷ​മം ആ​വു​മോ?''

ഇ​െ​ല്ല​ന്ന് അ​യാ​ൾ ത​ല​യാ​ട്ടി.

''ഈ ​മു​റി നി​റ​യെ ഞാ​ൻ ഇ​ൻ​ഡോ​ർ പ്ലാ​ന്റ്സ് വെ​ക്ക​ട്ടെ?''

''നി​ന്റെ ഇ​ഷ്ടം.'' വി​മ​ലി​നു കൂ​ടു​ത​ലൊ​ന്നും ആ​ലോ​ചി​ക്കേ​ണ്ടി​വ​ന്നി​ല്ല. മേ​ധ​യു​ടെ സ്നേ​ഹം അ​യാ​ളി​ല്‍നി​ന്നു ശി​വാ​നി ഭ​ട്നാ​ഗ​റു​ടെ കാ​ലം മാ​യ്ച്ചു ക​ള​ഞ്ഞി​രു​ന്നു.

* * * *


ത​ട​ങ്ക​ൽ കേ​ന്ദ്ര​ത്തി​ലെ മ​ഞ്ഞ​വെ​ളി​ച്ച​ത്തി​നു മ​ങ്ങ​ലേ​റ്റി​രു​ന്നു. ത​ന്റെ കാ​ഴ്ച മ​ങ്ങു​ന്ന​താ​ണോ എ​ന്ന് ആ​ബി​യ മ​ഖ്ധൂ​മി സം​ശ​യി​ച്ചു. മു​റി നി​റ​യെ പ​ശു​വി​ന്റെ കാ​ല​ടി​പ്പാ​ടു​ക​ളാ​ണ്.

ചാ​ണ​ക​വും ച​ളി​യും ച​വി​ട്ടി​വ​ന്ന പ​ശു​ക്ക​ൾ നി​ല​ത്തു മാ​ത്ര​മ​ല്ല ചു​വ​രു​ക​ളി​ലും ക​യ​റി ന​ട​ന്ന​തു​പോ​ലെ... എ​ല്ലാ​യി​ട​ത്തും കു​ള​മ്പ​ടി​ക​ൾ! സ്വ​പ്ന​മാ​ണോ യാ​ഥാ​ർ​ഥ്യ​മാ​ണോ എ​ന്ന​റി​യാ​തെ ആ​ബി​യ ഒ​രു നി​മി​ഷം കു​ഴ​ങ്ങി. മ​ഞ്ഞ​വെ​ളി​ച്ചം കെ​ട്ടു. ഇ​രു​ട്ടി​ൽ അ​വ​ളു​റ​ങ്ങി​പ്പോ​യി.

ഉ​ണ​ർ​ന്ന​പ്പോ​ൾ പ​ക​ലാ​യി​രു​ന്നു. മു​റി​യി​ൽ മ​ഞ്ഞ​വെ​ളി​ച്ച​മു​ണ്ട്. ക​ട്ടി​ലി​ന​രി​കി​ൽ മൂ​ന്നു​പേ​രി​രി​ക്കു​ന്നു. സ്വാ​മി ശി​വാ​ന​ന്ദ, പ്ര​കൃ​തി ഠാ​ക്കൂ​ർ. മൂ​ന്നാ​മ​നെ ആ​ബി​യ​ക്കു മ​ന​സ്സി​ലാ​യി​ല്ല. താ​ടി​യും മു​ടി​യും നീ​ട്ടി​യ ഒ​രാ​ൾ. ഒ​ത്ത ഉ​യ​രം. ഒ​ത്ത ത​ടി. അ​യാ​ളു​ടെ ക​ണ്ണു​ക​ൾ എ​വി​ടെ​യോ ക​ണ്ട​പോ​ലെ. അ​ത് ശി​വ​റാം ഗോ​ദ്ര​യാ​യി​രു​ന്നു. ആ​ബി​യ​ക്കു ത​ന്റെ വി​നാ​ശ​കാ​രി​യെ മ​ന​സ്സി​ലാ​യി​ല്ല. സ്വാ​മി ശി​വാ​ന​ന്ദ​യെ അ​വ​ൾ തു​റി​ച്ചു നോ​ക്കി​യ​പ്പോ​ൾ ശി​വ​റാം ക​ട്ടി​ലി​ന​രി​കി​ൽ​നി​ന്ന് മാ​റിനി​ന്നു.

''മോ​ളെ, നി​ന്നെ ര​ക്ഷ​പ്പെ​ടു​ത്താ​നാ​ണ് ഞ​ങ്ങ​ൾ വ​ന്ന​ത്. ഒ​റ്റ ഉ​പ​കാ​രം നീ ​എ​നി​ക്കാ​യി ചെ​യ്തു​ത​ന്നാ​ൽ മ​തി.''

ആ​ബി​യ എ​ഴു​ന്നേ​ൽ​ക്കാ​ൻ ശ്ര​മി​ച്ച​പ്പോ​ൾ സ്വാ​മി അ​വ​ളെ താ​ങ്ങി. ക്ഷീ​ണി​ത​യാ​യി​രു​ന്നു അ​വ​ൾ.

പ​ക്ഷേ, ക​ണ്ണു​ക​ളി​ൽ മാ​ത്രം ആ​യു​സ്സി​ന്റെ ബ​ലം, ഉൗ​ർ​ജം തു​ടി​ച്ചു​നി​ന്നു. മു​റി​യി​ൽ തൊ​ഴു​ത്തി​ന്റെ മ​ണം നി​റ​ഞ്ഞ​താ​യി ആ​ബി​യ​ക്ക് തോ​ന്നി. അ​വ​ൾ​ക്കു ഓ​ക്കാ​നം വ​ന്നു.

''മോ​ർ​ണി​ങ് സി​ക്നെ​സ്.'' പ്ര​കൃ​തി ഠാ​ക്കൂ​ർ അ​വ​ളു​ടെ പു​റം ഉ​ഴി​ഞ്ഞു​കൊ​ടു​ത്തു.​ എ​ന്തെ​ങ്കി​ലും പ​റ​യാ​ൻ ആ​ബി​യ​ക്കാ​യി​ല്ല. മ​നം​പു​ര​ട്ട​ൽ മാ​ന​സി​കാ​വ​സ്ഥ​യാ​ണ്.​ വെ​റു​ക്ക​പ്പെ​ട്ട​വ​രെ കാ​ണു​മ്പോ​ഴും അ​തു​ണ്ടാ​വും.

''യൂ​നി​വേ​ഴ്സി​റ്റി സ​മ​രം പാ​ക് അ​നു​കൂ​ലി​ക​ൾ സ്പോ​ൺ​സ​ർ ചെ​യ്ത​താ​ണെ​ന്ന് മോ​ള് പ​റ​യ​ണം. അ​വ​ര് മോ​ളെ തെ​റ്റി​ദ്ധ​രി​പ്പി​ച്ച​താ​ണെ​ന്നും, അ​ത​റി​ഞ്ഞ​പ്പോ​ൾ എ​തി​ർ​ത്ത​തി​ന്റെ അ​ന​ന്ത​ര​ഫ​ല​മാ​ണീ അ​വ​സ്ഥ​യെ​ന്നും ലോ​ക​ത്തോ​ട് വെ​ളി​പ്പെ​ടു​ത്ത​ണം. പ​ത്ര​സ​മ്മേ​ള​നം പ്ര​കൃ​തി ഒ​രു​ക്കി​ത്ത​രും. ആ​ബി​യ എ​ന്ത് പ​റ​യു​ന്നു...''

ആ​ബി​യ​ക്ക് ഒ​ന്നും പ​റ​യാ​നു​ണ്ടാ​യി​രു​ന്നി​ല്ല. സ്വാ​മി​യു​ടെ മു​ഖ​ത്തു കാ​ർ​ക്കി​ച്ചു തു​പ്പ​ണ​മെ​ന്നു തോ​ന്നി. പ​ക്ഷേ മ​നം​പു​ര​ട്ട​ൽ അ​വ​സാ​നി​ക്കു​ന്നി​ല്ല. ഒ​ന്നും പു​റ​ത്തേ​ക്കു വ​രു​ന്നു​മി​ല്ല.

''വെ​ള്ളം...''

പ്ര​കൃ​തി ഒ​രു ഗ്ലാ​സ് വെ​ള്ളം അ​വ​ൾ​ക്കെ​ടു​ത്തു​കൊ​ടു​ത്തു. കു​പ്പ്‌​വാ​ര​യി​ലെ വീ​ര്യം അ​സ്ത​മി​ച്ചെ​ന്നു ശി​വ​റാം ഗോ​ദ്ര​ക്കു ആ​ന​ന്ദ​മു​ണ്ടാ​യി. അ​യാ​ളെ മു​ഖ​ത്ത​ടി​ച്ച ഏ​ക പെ​ൺ​കു​ട്ടി ദ​യ യാ​ചി​ക്കു​ന്ന​ത് കാ​ണാ​നാ​ണ് വ​ന്ന​തുത​ന്നെ.

''ആ ​തീ​വ്ര​വാ​ദി​യു​ടെ പേ​ര് ഞാ​ൻ പ​റ​യാം.'' ആ​ബി​യ ചു​മ​രി​ൽ ചാ​രി​യി​രു​ന്നു. കാ​ല്‍വ​ണ്ണ​യി​ൽ മ​സി​ലു​കേ​റി​യ​പോ​ലെ അ​വ​ൾ മു​ഖം കോ​ട്ടി.

''വെ​രി ഗു​ഡ്. ആ​ബി​യ​ക്ക് ബോ​ധോ​ദ​യം ഉ​ണ്ടാ​യി​രി​ക്കു​ന്നു.'' ശി​വ​റാ​മി​ന് മേ​ലാ​സ​ക​ലം കോ​രി​ത്ത​രി​ച്ചു.

''പ​ത്ര​സ​മ്മേ​ള​നം ഒ​ന്നും വേ​ണ്ട. ഞാ​നി​പ്പോ​ൾത​ന്നെ ആ ​തീ​വ്ര​വാ​ദി​യു​ടെ പേ​രു പ​റ​യാം. ശി​വ​റാം ഗോ​ദ്ര!'' ആ​ബി​യ അ​ല​റി. അ​വ​ളു​ടെ ക​ഴു​ത്തി​ലെ നീ​ല​ഞ​ര​മ്പു​ക​ൾ വ​ലി​ഞ്ഞു മു​റു​കി. സ്വാ​മി ശി​വാ​ന​ന്ദ​യും പ്ര​കൃ​തി​യും ച​കി​ത​രാ​യി. അ​വ​രു​ടെ നാ​ക്കി​റ​ങ്ങി​പ്പോ​യി.

''തേ​വി​ടി​ശ്ശി, നി​ന്നെ ഞാ​ൻ കൊ​ല്ലും.'' ഭ്രാ​ന്തു പി​ടി​ച്ച​വ​നെപ്പോ​ലെ ശി​വ​റാം ഗോ​ദ്ര ആ​ബി​യ​ക്ക് അ​രി​കി​ലേ​ക്ക് ആ​ഞ്ഞ​ടു​ത്തു. അ​യാ​ളു​ടെ ശ​ബ്ദം തി​രി​ച്ച​റി​ഞ്ഞ ആ​ബി​യ നി​വ​ർ​ന്നു നി​ന്നു. ശി​വ​റാ​മി​ന്‍റെ ക​ണ്ണു​ക​ളി​ലേ​ക്കു നോ​ക്കി ധൈ​ര്യം വി​ളി​ച്ചു പ​റ​ഞ്ഞു.

''you are a fanatic like Godse...''

ശി​വ​റാം ഗോ​ദ്ര പ​ല്ലി​റു​മ്പി. ശ​ക്തി മു​ഴു​വ​നാ​യും വ​ല​ത്തേ കാ​ലി​ലേ​ക്കു ആ​വാ​ഹി​ച്ചു​കൊ​ണ്ട് ആ​ബി​യ​യു​ടെ മു​ഖ​ത്തു ആ​ഞ്ഞ​ടി​ച്ചു. മ​യ​ക്കു​വെ​ടി കൊ​ണ്ട​തു​പോ​ലെ അ​വ​ൾ ത​ല​ക​റ​ങ്ങി​വീ​ണു.

* * * *

ക​ന​ത്ത മ​ഞ്ഞു​വീ​ഴ്ച​യു​ള്ള ഒ​രു ദി​വ​സ​മാ​ണ് ഞാ​നും ഷാ​ബീ​റും ശ്രീ​ന​ഗ​റി​ൽ​നി​ന്നു കു​പ്പ്‌​വാ​ര​യി​ലേ​ക്കു ബ​സി​ൽ ഒ​ന്നി​ച്ചി​രു​ന്നു യാ​ത്രചെ​യ്ത​ത്. ശ്രീ​ന​ഗ​ർ യൂ​നി​വേ​ഴ്സി​റ്റി​യി​ൽ​നി​ന്ന് അ​വ​ധി​ക്കു വീ​ട്ടി​ലേ​ക്കു വ​രു​ന്ന​ത് ഒ​ന്നി​ച്ചാ​യി​രു​ന്നെ​ങ്കി​ലും, അ​ന്ന​ത്തെ യാ​ത്ര എ​നി​ക്ക് മ​റ​ക്കാ​നാ​വി​ല്ല. ആ ​യാ​ത്ര​യി​ലാ​ണ് ഷാ​ബീ​ർ എ​ന്നോ​ട് പ്ര​ണ​യം പ​റ​ഞ്ഞ​ത്. പ​രി​ശു​ദ്ധ​മാ​യ മ​ഞ്ഞു​പോ​ലെ പ്ര​ണ​യം കൊ​തി​ക്കു​ന്ന പെ​ൺ​കു​ട്ടി​ക​ളു​ടെ പ്രാ​യ​മാ​യി​രു​ന്നു എ​നി​ക്ക​ന്ന്. ആ ​മൂ​ന്ന് മ​ണി​ക്കൂ​ർ യാ​ത്ര​യി​ൽ തോ​ളി​ല്‍ ചാ​രിക്കി​ട​ന്നു, അ​വ​ൻ പ​റ​യു​ന്ന​തി​നെ​ല്ലാം ഞാ​ൻ മൂ​ളി​ക്കൊ​ണ്ടി​രു​ന്നു. മ​ഞ്ഞ് എ​ല്ലാ​ത്തി​നും സാ​ക്ഷി​യാ​യി. പ​ക്ഷേ, അ​ടു​ത്ത​ദി​വ​സം വൈ​കു​ന്നേ​രം ഏ​ഴു​മ​ണി​വ​രെ​യേ ഞ​ങ്ങ​ളു​ടെ പ്ര​ണ​യ​ത്തി​നു ആ​യു​സ്സു​ണ്ടാ​യി​രു​ന്നു​ള്ളൂ. കു​പ്പ് വാ​ര​യി​ലെ അ​ന്തി​ക്ക് ഷാ​ബീ​ർ കൊ​ല്ല​പ്പെ​ട്ടു.

''ആ​ബി​യ... നീ ​വീ​ട്ടി​ലേ​ക്കു വ​രൂ...​എ​ന്റെ ഉ​മ്മി​യെ കാ​ണ​ണ്ടേ? ഉ​മ്മി​യെ കാ​ണാ​ൻ ശ​രി​ക്കും നി​ന്നെ പോ​ലെ​യു​ണ്ട്. ആ​രു ക​ണ്ടാ​ലും ഉ​മ്മ​യും മ​ക​ളു​മെ​ന്നെ പ​റ​യൂ.'' അ​വ​ൻ പ​ല​വ​ട്ടം നി​ർ​ബ​ന്ധി​ച്ചി​ട്ടും ഞാ​ന​വി​ടെ സ​ന്ദ​ർ​ശി​ച്ചി​രു​ന്നി​ല്ല. പി​ന്നെ പോ​യ​ത് അ​വ​ന്റെ മ​ര​ണം ക​ഴി​ഞ്ഞു മാ​സ​ങ്ങ​ൾ​ക്കു ശേ​ഷ​മാ​ണ്. ഉ​മ്മി​യെ കാ​ണാ​ൻ.

''ഷാ​ബീ​ർ വൈ​കു​ന്നേ​രം കൂ​ട്ടു​കാ​രെ കാ​ണാ​ൻ ഇ​റ​ങ്ങി​യ​താ​യി​രു​ന്നു മോ​ളെ. ഞാ​നും അ​ബ്ബാ ജാ​നും ടി.​വി ക​ണ്ടു​കൊ​ണ്ടി​രി​ക്കു​ക​യാ​യി​രു​ന്നു. അ​ധി​ക​നേ​രം ക​ഴി​യും മു​മ്പേ അ​വ​ൻ വീ​ട്ടി​ലേ​ക്കു ഓ​ടി​വ​ന്നു. പൊ​ലീ​സു​കാ​ർ ബ​ണ്ടി​ന്റെ അ​ടു​ത്ത് വ​ന്നി​ട്ടു​ണ്ടെ​ന്ന് പ​റ​ഞ്ഞു. അ​ത് വി​ചി​ത്ര​മാ​യി​രു​ന്നു. കാ​ര​ണം ക​ല്ലേ​റും പ്ര​തി​ഷേ​ധ​ങ്ങ​ളും സാ​ധാ​ര​ണ മെ​യി​ൻ റോ​ഡി​ലാ​ണ് ന​ട​ക്കാ​റ്. പൊ​ലീ​സു​കാ​ർ അ​വി​ടെ​യാ​ണ് വ​രു​ന്ന​ത്. ആ​ൾ​ക്കാ​ർ പാ​ർ​ക്കു​ന്ന കോ​ള​നി​ക​ളി​ലേ​ക്കു അ​വ​ർ വ​രാ​റേ​യി​ല്ല. എ​ന്താ​ണ് അ​വി​ടെ ന​ട​ന്ന​തെ​ന്ന് അ​ബ്ബാ​ജാ​ൻ ചോ​ദി​ച്ച​തും ഒ​രു ടി​യ​ർ ഗ്യാ​സ് ഷെ​ൽ വീ​ടി​ന​ക​ത്തു വ​ന്നു വീ​ണു.'' ഷാ​ബീ​റി​ന്റെ ഉ​മ്മി വി​തു​മ്പി.

''അ​താ​യി​രു​ന്നു മോ​ളെ എ​ല്ലാ നാ​ശ​ത്തി​ന്റെ​യും തു​ട​ക്കം.'' ഷാ​ബീ​റി​ന്റെ അ​ബ്ബാ ജാ​ൻ, ഞാ​ൻ ഇ​രി​ക്കു​ന്ന​തി​ന്റെ മു​ന്നി​ലു​ള്ള ചു​വ​രി​ലെ ക​റു​ത്ത പാ​ട് കാ​ണി​ച്ചു ത​ന്നു. ''അ​തി​നു പി​ന്നാ​ലെ അ​ഞ്ചാ​റു പൊ​ലീ​സു​കാ​ർ വ​ന്നു. വീ​ടി​ന്റെ ജ​നാ​ല​ച്ചി​ല്ലു​ക​ൾ തോ​ക്കി​ന്റെ ബ​യ​ണ​റ്റു​കൊ​ണ്ട് കു​ത്തി​പ്പൊ​ട്ടി​ച്ചു. ക​ണ്ടോ, അ​തൊ​ന്നും പി​ന്നെ ഞ​ങ്ങ​ൾ ന​ന്നാ​ക്കി​യി​ട്ടി​ല്ല. ക​മ്പി​ളി​കൊ​ണ്ടു മ​റ​ച്ചി​രി​ക്കു​ക​യാ​ണ്...​ അ​വ​ർ വാ​തി​ൽ തു​റ​ന്നു അ​ക​ത്തു ക​യ​റി. ഇ​തി​നി​ട​യി​ൽ ഷാ​ബീ​ർ മു​ക​ൾ​നി​ല​യി​ല്‍ ഒ​ളി​ച്ചി​രു​ന്നു. പൊ​ലീ​സു​കാ​ർ ത​ല​ങ്ങും വി​ല​ങ്ങും വെ​ടി​വെ​ച്ചു. ഞ​ങ്ങ​ൾ പേ​ടി​ച്ചു നി​ല​വി​ളി​ച്ചു.''

അ​ദ്ദേ​ഹം ഓ​ട്ട വീ​ണ ചു​വ​രു​ക​ളും ടി​ൻ​ഷീ​റ്റി​ന്റെ മേ​ൽ​ക്കൂ​ര​യും നോ​ക്കി ക​ണ്ണ് നി​റ​ച്ചു.

''നി​ങ്ങ​ൾ ക​ശ്മീ​രി​ക​ള​ല്ലേ. മു​സ്‍ലിം​ക​ള്‍ അ​ല്ലേ? എ​ന്നി​ട്ടും നി​ങ്ങ​ള്‍ വെ​ടി​വെ​ക്കു​ന്ന​തെ​ന്തി​നാ​ണ്..?'' ഷാ​ബീ​റി​ന്റെ അ​ബ്ബാ ജാ​ൻ അ​ല​റി, ഉ​മ്മി പ​റ​ഞ്ഞു​തു​ട​ങ്ങി. ''അ​ബ്ബാ ഒ​ച്ച​വെ​ച്ച​പ്പോ​ൾ, പൊ​ലീ​സു​കാ​ർ ഞ​ങ്ങ​ളെ പൊ​തി​രെ ത​ല്ലി. ഇ​തു ക​ണ്ടു ഷാ​ബീ​ർ മു​ക​ൾ​നി​ല​യി​ൽ​നി​ന്നും ചാ​ടി​യി​റ​ങ്ങി. ''നി​ങ്ങ​ൾ​ക്കെ​ല്ലാം ഭ്രാ​ന്താ​ണോ? ഞ​ങ്ങ​ൾ എ​ന്ത് ചെ​യ്തി​ട്ടാ​ണ് നി​ങ്ങ​ൾ ഇ​ങ്ങ​നെ ഉ​പ​ദ്ര​വി​ക്കു​ന്ന​ത്?''

''ഡി.​എ​സ്.​പി അ​ബ്‌​ദു​ൽ ഖ​ദ്രി​ക്കു ക​ലി​ക​യ​റി. അ​യാ​ൾ ഷ​ാബീ​റി​നെ പ​ടി​ക​ളി​ൽ​നി​ന്നു വ​ലി​ച്ചു താ​ഴെ​യി​ട്ടു. ഞ​ങ്ങ​ളു​ടെ ക​ണ്മു​ന്നി​ൽ അ​യാ​ൾ എ​ന്റെ മോ​നെ വെ​ടി​വെ​ച്ചു. ഉ​ണ്ട​ക​ള്‍ വ​യ​റ്റി​ലും നെ​ഞ്ചി​ലും കൊ​ണ്ടു. അ​വ​ൻ ര​ക്ഷ​പ്പെ​ടാ​നാ​യി ജ​ന​ൽ വ​ഴി ചാ​ടി. അ​വി​ടന്ന് പി​ന്നെ അ​ന​ങ്ങി​യി​ല്ല. എ​ല്ലാം അ​വ​സാ​നി​ച്ചി​രു​ന്നു.''

ഉ​മ്മി ചു​വ​രി​ലെ ചോ​ര​ക്ക​റ എ​നി​ക്ക് കാ​ണി​ച്ചു​ത​ന്നു. ''അ​വ​നെ എ​ന്നും ഓ​ർ​ക്കാ​ൻ ഞ​ങ്ങ​ൾ​ക്കി​പ്പോ ഇ​തൊ​ക്കെ​യേ ഉ​ള്ളൂ.''

''ഷാ​ബീ​ർ എ​ന്റെ മ​ടി​യി​ൽ കി​ട​ന്നാ​ണ് മ​രി​ച്ച​ത്. ഞ​ങ്ങ​ൾ സ​ഹാ​യ​ത്തി​നാ​യി കു​റെ അ​ല​റി​വി​ളി​ച്ചു. പ​ക്ഷേ ആ​രും അ​ടു​ത്ത് വ​ന്നി​ല്ല. മ​ട​ങ്ങും മു​മ്പ് പൊ​ലീ​സു​കാ​ർ വീ​ടി​നു​നേ​രെ ടി​യ​ർ ഗ്യാ​സ് ഷെ​ല്ലു​ക​ൾ എ​റി​ഞ്ഞു. പു​ക​മ​റ​യി​ൽ ആ​രും ഞ​ങ്ങ​ളു​ടെ നി​സ്സ​ഹാ​യാ​വ​സ്ഥ ക​ണ്ടി​ല്ല.'' ഷാ​ബീ​റി​ന്റെ അ​ബ്ബാ ഇ​തും പ​റ​ഞ്ഞു അ​ക​ത്തേ​ക്ക് പോ​യി.

''മോ​ളെ പ​റ്റി അ​വ​ൻ എ​ന്നോ​ട് പ​റ​യാ​റു​ണ്ട്. വാ... ​ചാ​യ കു​ടി​ക്കാം.'' ഉ​മ്മി എ​ന്റെ കൈ​പി​ടി​ച്ചു.

ഞാ​ൻ നൂ​ൺ ചാ​യ കു​ടി​ക്കു​ന്ന​തി​നി​ട​യി​ൽ അ​ബ്ബാ ജാ​ൻ ഒ​രു നീ​ല പ്ലാ​സ്റ്റി​ക് ക​വ​റു​മാ​യി വ​ന്നു. അ​തി​ൽ​നി​ന്നും വി​റ​കൈ​ക​ളോ​ടെ ടി​യ​ർ ഗ്യാ​സ് ഷെ​ല്ലു​ക​ളു​ടെ​യും വെ​ടി​യു​ണ്ട​ക​ളു​ടെ​യും അ​വ​ശി​ഷ്ട​ങ്ങ​ൾ പു​റ​ത്തെ​ടു​ത്തു വെ​ച്ചു. എ​ന്നി​ട്ടു വി​തു​മ്പി​ക്കൊ​ണ്ടു ക​വ​റി​ൽനി​ന്ന് ഒ​രു തൂ​വാ​ല എ​ടു​ത്തു എ​നി​ക്ക് നീ​ട്ടി. ഷാ​ബീ​റി​ന്റെ ര​ക്ത​ക്ക​റ പു​ര​ണ്ട തൂ​വാ​ല!

''അ​വ​രെ​ന്റെ മോ​നെ കൊ​ല്ലാ​ൻ ഒ​രു​ങ്ങി​ത്ത​ന്നെ വ​ന്ന​താ​യി​രു​ന്നു. ഒ​ന്നി​നെ​യും ഞാ​ൻ വെ​റു​തെ വി​ടി​ല്ല. ഇ​ന്ന​ലെ അ​വ​ർ പൊ​ലീ​സ് സ്റ്റേ​ഷ​ൻ തീ ​വെ​ച്ചി​ട്ടു നാ​ട്ടു​കാ​രാ​ണ് അ​ത് ചെ​യ്ത​തെ​ന്ന് പ​റ​യു​ന്നു. ഇ​വ​റ്റ​ക​ളെ വി​ശ്വ​സി​ക്കാ​ൻ കൊ​ള്ളി​ല്ല.''

''ഷാ​ബീ​റി​ന്റെ അ​ബ്ബാ പൊ​ലീ​സു​കാ​ർ​ക്കെ​തി​രെ കേ​സ് കൊ​ടു​ത്തു. എ​ഫ്.​ഐ.​ആ​ർ എ​ടു​ക്കാ​ൻ​പോ​ലും അ​വ​ർ ത​യാ​റാ​യി​ല്ല. കേ​സ് തേ​ച്ചു​മാ​യ്ച്ചു ക​ള​യാ​നു​ള്ള ശ്ര​മം ന​ട​ന്നു. അ​ബ്ബാ വി​ട്ടി​ല്ല. കോ​ട​തി ക​യ​റി​യി​റ​ങ്ങി. സ​ർ​ക്കാ​ർ സു​പ്രീം​കോ​ട​തി​യെ സ​മീ​പി​ച്ചു.''

''വി​ഘ​ട​ന​വാ​ദി​ക​ൾ ജ​ന​ങ്ങ​ളെ കൊ​ണ്ട് പൊ​ലീ​സി​നെ​തി​രെ എ​ഫ്.​ഐ.​ആ​ർ കൊ​ടു​പ്പി​ക്കു​ന്ന​താ​ണ്. ഈ ​കേ​സി​ൽ ഖ​ദ്രി​ക്ക് എ​തി​രെ കേ​സെ​ടു​ത്താ​ൽ അ​ത് പൊ​ലീ​സി​ന്റെ മ​നോ​വീ​ര്യം കെ​ടു​ത്താ​നേ സ​ഹാ​യി​ക്കൂ.''

കോ​ട​തി ഈ ​വാ​ദം മു​ഖ​വി​ല​ക്കെ​ടു​ത്തി​ല്ല.

അ​ബ്ബാ​യു​ടെ വി​ളി പ​ട​ച്ചോ​ന്‍ കേ​ട്ടു.

''ഷാ​ബീ​റി​ന്റെ ചോ​ര ക​റ​പി​ടി​ച്ച തൂ​വാ​ല​യി​ലാ​ണ് ഞാ​ന്‍ പാ​സ്പോ​ര്‍ട്ട് കെ​ട്ടി​വെ​ച്ചി​രി​ക്കു​ന്ന​ത്. വീ​ട്ടി​ൽ പോ​ണം. തൂ​വാ​ല കെ​ട്ട​ഴി​ച്ചു പാ​സ്പോ​ര്‍ട്ട് തു​റ​ന്നു​നോ​ക്ക​ണം. അ​തി​ലാ​ണ് അ​വ​ന് ഇ​ഷ്ട​പ്പെ​ട്ട എ​ന്റെ മു​ഖ​മു​ള്ള​ത്.''

* * * *

നി​ര​ന്ത​രം മു​ട്ടു​കേ​ട്ട​പ്പോ​ഴാ​ണ് ആ​ബി​യ മ​ഖ്ധൂ​മി ഉ​ണ​ർ​ന്ന​ത്. അ​വ​ൾ ഇ​ടി​വ​ണ്ടി​ക്കു​ള്ളി​ൽ കി​ട​ന്ന് ഉ​റ​ങ്ങു​ക​യാ​യി​രു​ന്നു.

''വി​ശ​ക്കു​ന്നു​ണ്ടോ പെ​ണ്ണേ?''

ഒ​രു പ്രാ​യം ചെ​ന്ന സ്ത്രീ ​വ​ന്നു അ​വ​ളോ​ട് ചോ​ദി​ച്ചു. താ​ൻ ഇ​ടി​വ​ണ്ടി​ക്കു​ള്ളി​ലാ​ണെ​ന്ന കാ​ര്യം അ​പ്പോ​ഴാ​ണ് ആ​ബി​യ അ​റി​ഞ്ഞ​ത്.

''ബി​രി​യാ​ണി ത​ര​ട്ടെ?''

ആ​ബി​യ ഇ​റ​ച്ചി ക​ഴി​ച്ചി​ട്ട് മാ​സ​ങ്ങ​ളാ​യി. പൊ​രി​ഞ്ഞ വി​ശ​പ്പു​ള്ള​തി​നാ​ൽ അ​വ​ൾ കൊ​തി​യോ​ടെ അ​വ​രെ നോ​ക്കി. ബി​രി​യാ​ണി​യു​ടെ മ​ണം മൂ​ക്കി​ലേ​ക്ക് വ​ലി​ച്ചു ക​യ​റ്റി. ഒ​രു പാ​ത്രം നി​റ​യെ ബി​രി​യാ​ണി അ​വ​ർ നീ​ക്കി​വെ​ച്ചു​കൊ​ടു​ത്തു. തി​ന്നാ​ൻ തു​ട​ങ്ങി​യ​പ്പോ​ൾ ഒ​രു കു​പ്പി വെ​ള്ള​വു​മാ​യി സ്വാ​മി ശി​വാ​ന​ന്ദ വ​ണ്ടി​ക്കു​ള്ളി​ലേ​ക്കു ക​യ​റി.

''മോ​ളെ... നി​ന്റെ തീ​രു​മാ​ന​ത്തി​ൽ വ​ല്ല മാ​റ്റ​വും ഉ​ണ്ടോ? അ​യാ​ൾ നെ​റ്റി​യി​ലെ വി​യ​ർ​പ്പു തു​ട​ച്ചു​കൊ​ണ്ട് ചോ​ദി​ച്ചു.

ആ​ബി​യ ക​ഴി​ക്കു​ന്ന​ത് നി​ർ​ത്തി. അ​യാ​ളെ തു​റി​ച്ചു​നോ​ക്കി. അ​പ്പോ​ൾ പ്ര​കൃ​തി ഠാ​ക്കൂ​റും വ​ണ്ടി​ക്ക​ക​ത്തേ​ക്കു ക​യ​റി​വ​ന്നു. അ​വ​രു​ടെ കൈ​യി​ൽ ഒ​രു മ​ൺ​ക​ല​ശം ഉ​ണ്ടാ​യി​രു​ന്നു.

''എ​ന്തെ ക​ഴി​ക്കു​ന്നി​ല്ലേ?'' അ​വ​ൾ ചോ​ദി​ച്ചു.

''വി​ശ​പ്പി​ല്ല'', ആ​ബി​യ പ​റ​ഞ്ഞു.

''വി​ശ​പ്പു​ണ്ടാ​വാ​ൻ എ​ന്റെ കൈ​യി​ൽ ഒ​രു മ​രു​ന്നു​ണ്ട്.'' സ്വാ​മി ശി​വാ​ന​ന്ദ ക​ല​ശ​ത്തി​ൽ നി​ന്നു ഒ​രു​പി​ടി മ​ണ്ണ് വാ​രി ബി​രി​യാ​ണി​യി​ലേ​ക്കി​ട്ടു.

ആ​ബി​യ ബി​രി​യാ​ണി​യി​ലേ​ക്കും സ്വാ​മി​യു​ടെ മു​ഖ​ത്തേ​ക്കും മാ​റി​മാ​റി നോ​ക്കി.

''ഇ​തു നീ ​വ​യ​റു​നി​റ​യെ തി​ന്നും..!'' പ്ര​കൃ​തി ഒ​രു പി​ടി​കൂ​ടി പാ​ത്ര​ത്തി​ലേ​ക്കി​ട്ടു.

ആ​ബി​യ വി​ര​ലി​ൽ പ​റ്റി​യ വ​റ്റു​ക​ൾ വ​സ്ത്ര​ത്തി​ൽ തു​ട​ച്ചു.

''ഇ​തു വെ​റും മ​ണ്ണ​ല്ല. ഗാ​ന്ധി​യു​ടെ ചോ​ര പ​ട​ർ​ന്ന മ​ണ്ണാ​ണ്. മോ​ളി​തു തി​ന്നും!''

ആ​ബി​യ ക​ണ്ണ​ട​ച്ചി​രു​ന്നു. ക​ര​യാ​ൻ തു​ട​ങ്ങു​ക​യാ​ണെ​ന്നാ​ണ് ഇ​രു​വ​രും ക​രു​തി​യ​ത്. അ​വ​ള്‍ പാ​ത്രം മ​ടി​യി​ലേ​ക്കെ​ടു​ത്തു​വെ​ച്ചു. ഒ​രു ഉ​രു​ള വാ​യി​ലേ​ക്കി​ട്ടു.

അ​താ​രും പ്ര​തീ​ക്ഷി​ച്ചി​രു​ന്നി​ല്ല. പ്ര​കൃ​തി​യും സ്വാ​മി​യും അ​ന്തി​ച്ചു​നി​ൽ​ക്കെ ആ​ബി​യ മ​ണ്ണ് ക​ല​ർ​ന്ന ബി​രി​യാ​ണി വാ​രി വാ​രി തി​ന്നു.

''ഹി​ന്ദു​സ്ഥാ​ൻ അ​മ​ർ ര​ഹെ...''

ക​ര​യാ​തി​രി​ക്കാ​ൻ അ​വ​ൾ കി​ണ​ഞ്ഞു ശ്ര​മി​ച്ചു. ഇ​രു​വ​രും ദേ​ഷ്യ​പ്പെ​ട്ടു ഇ​റ​ങ്ങി​പ്പോ​യി. വ​ണ്ടി ഇ​ള​കി. വെ​ള്ള​ത്തി​ന്റെ കു​പ്പി അ​വ​ള്‍ക്ക​രി​കി​ലേ​ക്കു ഉ​രു​ണ്ടു​വ​ന്നു.

കു​റ​ച്ചു ക​ഴി​ഞ്ഞ​പ്പോ​ൾ വ​ലി​യ ആ​ര​വ​ങ്ങ​ൾ കേ​ട്ടു. അ​മി​ത് പു​രോ​ഹി​തി​ന്റെ പ്ര​സം​ഗം. ജ​നം കൈ​യ​ടി​ക്കു​ക​യും മു​ദ്രാ​വാ​ക്യം വി​ളി​ക്കു​ക​യും ചെ​യ്യു​ന്നു​ണ്ട്. വീ​ണ്ടും വ​ണ്ടി​യു​ടെ വാ​തി​ൽ തു​റ​ക്ക​പ്പെ​ട്ടു. ഇ​പ്രാ​വ​ശ്യം അ​ക​ത്തു​ക​യ​റി​യ​ത് ശി​വ​റാം ഗോ​ദ്ര​യാ​ണ്. അ​യാ​ൾ അ​വ​ളെ പി​ടി​ച്ചു​വ​ലി​ച്ചു പു​റ​ത്തി​റ​ക്കി. ര​ണ്ടു​പേ​ർ ചേ​ർ​ന്ന് സാ​ഹ​സ​പ്പെ​ട്ടു ഇ​ടി​വ​ണ്ടി​യു​ടെ മു​ക​ളി​ൽ അ​വ​ളെ ക​യ​റ്റി. അ​പ്പോ​ഴാ​ണ് ആ​ബി​യ ജ​ന​സ​മു​ദ്ര​ത്തെ ക​ണ്ട​ത്. എ​ല്ലാ​വ​രും അ​വ​ളെ ത​ന്നെ നോ​ക്കി​നി​ൽ​പ്പാ​ണ്‌. അ​മി​ത് പു​രോ​ഹി​തി​ന്റെ പ്ര​സം​ഗം അ​വ​സാ​നി​ച്ച​പ്പോ​ൾ ജ​നം പാ​ത്രം കൊ​ട്ടി. ആ​ബി​യ മ​ഖ്ധൂ​മി​ക്കു സ​ഹി​ക്കാ​നാ​യി​ല്ല. അ​വ​ൾ ചെ​വി​പൊ​ത്തി. ഈ ​സ​മ​യം​കൊ​ണ്ടു മ​റ്റൊ​രു ഇ​ടി​വ​ണ്ടി​യു​ടെ മു​ക​ളി​ലേ​ക്ക് ശി​വ​റാം ഗോ​ദ്ര ഒ​രു പ​ട്ടാ​ള​ക്കാ​ര​ന്റെ മി​ടു​ക്കോ​ടെ വ​ലി​ഞ്ഞു​ക​യ​റി. അ​യാ​ൾ ആ​ബി​യ​ക്ക്‌ അ​ഭി​മു​ഖ​മാ​യി നി​ന്നു. ജ​നം ആ​ർ​ത്തു​വി​ളി​ച്ചു. എ​ന്താ​ണ് ന​ട​ക്കാ​ൻ പോ​കു​ന്ന​തെ​ന്ന് ആ​ബി​യ​ക്കു മ​ന​സ്സി​ലാ​യി​ല്ല. പാ​ത്ര​ങ്ങ​ൾ കൂ​ട്ടി​യി​ടി​ക്കു​ന്നു. ശ​ബ്ദം കു​റ​ഞ്ഞു വ​ന്ന​പ്പോ​ൾ ജ​ന​ങ്ങ​ൾ​ക്ക് പ​ശു​വി​ന്റെ കൊ​മ്പു മു​ള​ക്കു​ന്ന​താ​യും വാ​ല് വ​രു​ന്ന​താ​യും ആ​ബി​യ ക​ണ്ടു. അ​വ​ൾ​ക്കു ത​ല ചു​റ്റി. വീ​ഴാ​തി​രി​ക്കാ​ൻ കി​ണ​ഞ്ഞു ശ്ര​മി​ച്ചു.


* * * *

സ​മ​യം 5.13. ശി​വ​റാം ഗോ​ദ്ര പോ​ക്ക​റ്റി​ൽ നി​ന്ന് 9 M M ബെ​രേ​റ്റ കൈ​യി​ലെ​ടു​ത്തു.

''തീ​വ്ര​വാ​ദി​യെ കൊ​ല്ല്... രാ​ജ്യ​േ​​ദ്രാ​ഹി​യെ കൊ​ല്ല്...'' ജ​നം ആ​ർ​ത്ത​ട്ട​ഹ​സി​ച്ചു. വ​ണ്ടി കു​ലു​ങ്ങി. താ​ൻ താ​ഴെ വീ​ഴു​മെ​ന്നു ആ​ബി​യ​ക്ക് തോ​ന്നി. ക​ണ്‍പോ​ള​ക​ൾ​ക്കു ക​നം​വെ​ച്ചു. ക​ണ്ണ​ട​ഞ്ഞു പോ​കു​ന്നു.

ശി​വ​റാം ഗോ​ദ്ര കാ​ഞ്ചി​യി​ൽ വി​ര​ൽ തൊ​ട്ടു. നാ​ഥു​റാം വി​നാ​യ​ക് ഗോ​ഡ്‌​സെ ഗാ​ന്ധി​യെ കൊ​ല്ലു​ന്ന​തി​നു തൊ​ട്ടു​മു​മ്പ് അ​നു​ഭ​വി​ച്ച അ​തേ സം​ഘ​ർ​ഷം, ആ​ത്മ​സു​ഖം ശി​വ​റാം ഗോ​ദ്ര​യും അ​റി​ഞ്ഞു.

വെ​ടി പൊ​ട്ടി...

''യാ ​അ​ല്ലാ​ഹ്...''

ര​ക്ത​സാ​ക്ഷി​ത്വം സ്വാ​ത​ന്ത്ര്യ​സ​മ​ര​മാ​ണ്!

(അ​വ​സാ​നി​ച്ചു)

News Summary - madhyamam weekly novel