Begin typing your search above and press return to search.
proflie-avatar
Login

എം. ​ന​ന്ദ​കു​മാ​റി​ന്‍റെ 'നി​ല​വി​ളി​ക്കു​ന്നി​ലേ​ക്കു​ള്ള ക​യ​റ്റം' പി.​കെ. രാ​ജ​ശേ​ഖ​ര​ന്‍ വായിക്കുന്നു

എം. ​ന​ന്ദ​കു​മാ​റി​ന്‍റെ നി​ല​വി​ളി​ക്കു​ന്നി​ലേ​ക്കു​ള്ള ക​യ​റ്റം പി.​കെ. രാ​ജ​ശേ​ഖ​ര​ന്‍ വായിക്കുന്നു
cancel

എം. ​ന​ന്ദ​കു​മാ​റി​ന്‍റെ അ​ധി​കം വാ​യി​ക്ക​പ്പെ​ടാ​ത്ത 'നി​ല​വി​ളി​ക്കു​ന്നി​ലേ​ക്കു​ള്ള ക​യ​റ്റം' എ​ന്ന നോ​വെ​ല്ല വാ​യി​ക്കു​ന്നു. മ​നു​ഷ്യ​ജീ​വി​ത​ത്തി​ല്‍ ന​ട​ത്തു​ന്ന വേ​ഗ​ങ്ങ​ളു​ടെ ആ​ഖ്യാ​ന​കമാ​യ ഈ ​ര​ച​ന വാ​യി​ക്കു​മ്പോ​ൾ അ​ഗ​ദ​ത​ന്ത്ര​ത്തി​ലെ വി​ഷ​സ​ഞ്ചാ​ര​സ​ങ്ക​ൽ​പ​ങ്ങ​ള്‍ ഓ​ര്‍ക്കാ​തി​രി​ക്കാ​നാ​വി​ല്ലെ​ന്ന്​ ചി​ന്ത​ക​നും നി​രൂ​പ​ക​നു​മാ​യ ലേ​ഖ​ക​ൻ എ​ഴു​തു​ന്നു.അ​മൃ​തി​നു​മു​മ്പ് വി​ഷം ഉ​ണ്ടാ​യി. വി​ഷാ​ദം ജ​നി​പ്പി​ക്കു​ന്ന​തു​കൊ​ണ്ട് അ​തി​ന് വി​ഷം എ​ന്ന പേ​രു​മു​ണ്ടാ​യി. ഓ​ജ​സ്സു നി​റ​ഞ്ഞ​തും രോ​ഗ​മി​ല്ലാ​ത്ത​തു​മാ​യ...

Your Subscription Supports Independent Journalism

View Plans
എം. ​ന​ന്ദ​കു​മാ​റി​ന്‍റെ അ​ധി​കം വാ​യി​ക്ക​പ്പെ​ടാ​ത്ത 'നി​ല​വി​ളി​ക്കു​ന്നി​ലേ​ക്കു​ള്ള ക​യ​റ്റം'  എ​ന്ന നോ​വെ​ല്ല വാ​യി​ക്കു​ന്നു. മ​നു​ഷ്യ​ജീ​വി​ത​ത്തി​ല്‍ ന​ട​ത്തു​ന്ന വേ​ഗ​ങ്ങ​ളു​ടെ ആ​ഖ്യാ​ന​കമാ​യ ഈ ​ര​ച​ന വാ​യി​ക്കു​മ്പോ​ൾ അ​ഗ​ദ​ത​ന്ത്ര​ത്തി​ലെ വി​ഷ​സ​ഞ്ചാ​ര​സ​ങ്ക​ൽ​പ​ങ്ങ​ള്‍ ഓ​ര്‍ക്കാ​തി​രി​ക്കാ​നാ​വി​ല്ലെ​ന്ന്​ ചി​ന്ത​ക​നും നി​രൂ​പ​ക​നു​മാ​യ ലേ​ഖ​ക​ൻ എ​ഴു​തു​ന്നു.

​മൃ​തി​നു​മു​മ്പ് വി​ഷം ഉ​ണ്ടാ​യി. വി​ഷാ​ദം ജ​നി​പ്പി​ക്കു​ന്ന​തു​കൊ​ണ്ട് അ​തി​ന് വി​ഷം എ​ന്ന പേ​രു​മു​ണ്ടാ​യി. ഓ​ജ​സ്സു നി​റ​ഞ്ഞ​തും രോ​ഗ​മി​ല്ലാ​ത്ത​തു​മാ​യ നി​ത്യ​ജീ​വ​നെ​ക്കു​റി​ച്ചു​ള്ള ഭാ​വ​ന​യാ​ണ് അ​മൃ​തെ​ങ്കി​ല്‍ യാ​ഥാ​ര്‍ഥ്യ​മാ​യ മ​ര​ണ​ത്തി​ന്‍റെ കാ​ര​ക​മാ​ണ് വി​ഷം. മ​ര​ണം എ​ന്ന ക്രി​യ ന​ട​ത്തു​ന്ന​വ​നാ​യ ക​ര്‍ത്തൃ​കാ​ര​കം; അ​നി​ശ്ചി​ത​മാ​യ സ്വ​ത്വ​മു​ള്ള പ​ദാ​ര്‍ഥം. പാ​ലാ​ഴി​മ​ഥ​ന​സ​മ​യ​ത്ത് അ​മൃ​തു​ണ്ടാ​കു​ന്ന​തി​നു​മു​മ്പ് ഭ​യ​ങ്ക​രാ​കൃ​തി​യും ഉ​ജ്ജ്വല​തേ​ജ​സ്വി​യും നാ​ലു ദം​ഷ്ട്ര​ക​ളും പ​ച്ച​നി​റ​ത്തി​ലു​ള്ള ത​ല​മു​ടി​യും തീ​ക്ക​ണ്ണു​ക​ളു​മു​ള്ള​വ​നാ​യ ഒ​രു പു​രു​ഷ​ന്‍ ഉ​ണ്ടാ​യെ​ന്നും അ​വ​നെ ക​ണ്ട് ലോ​കം വി​ഷാ​ദി​ച്ച​തി​നാ​ല്‍ ആ ​വി​ഷാ​ദം​നി​മി​ത്തം അ​വ​ന് വി​ഷം എ​ന്നു പേ​രു​ണ്ടാ​യെ​ന്നു​മാ​ണ് ആ​യു​ര്‍വേ​ദ​ഭാ​വ​ന. ച​ര​ക​സം​ഹി​ത​യും അ​ഷ്ടാം​ഗ​ഹൃ​ദ​യ​വും അ​ഷ്ടാം​ഗ​സം​ഗ്ര​ഹ​വും അ​ങ്ങ​നെ പ​റ​യു​ന്നു. പു​രാ​വൃ​ത്ത​ത്തി​ല്‍നി​ന്ന് ശാ​സ്ത്ര​ത്തി​ലേ​ക്കു​നീ​ങ്ങു​ന്ന ആ​യു​ര്‍വേ​ദം വി​ഷാ​ദ​ജ​ന​ക​മാ​യ വി​ഷ​ത്തെ സ്ഥാ​വ​ര​ജം​ഗ​മ​ങ്ങ​ളും കൃ​ത്രി​മ​വു​മാ​യി വി​ഭ​ജി​ച്ചു. ജ​ഗ​ദ് വി​ഷാ​ദ​ത്തി​ന് കാ​ര​ണ​മാ​യ വി​ഷ​പു​രു​ഷ​നെ ബ്ര​ഹ്മാ​വ് സ്ഥാ​വ​ര​ങ്ങ​ളാ​യ സ​സ്യ​ങ്ങ​ളു​ടെ വേ​രി​ലും തൊ​ലി​യി​ലും കി​ഴ​ങ്ങി​ലും ഇ​ല​യി​ലു​മൊ​ക്കെ​യാ​യി സ്ഥാ​പി​ച്ചു; ഭൂ​മി​യു​ടെ ഭാ​രം​കു​റ​ക്കു​ന്ന​തി​നു​വേ​ണ്ടി വി​ഷ്ണു വി​ഷ​പു​രു​ഷ​നെ ജം​ഗ​മ​ങ്ങ​ളാ​യ പാ​മ്പ്, ചി​ല​ന്തി, തേ​ള്‍ തു​ട​ങ്ങി​യ ജീ​വി​ക​ളി​ലും കു​ടി​യി​രു​ത്തി. സ്ഥാ​വ​ര​വും ജം​ഗ​മ​വു​മാ​യ വി​ഷ​ങ്ങ​ള്‍ക്കു പു​റ​മെ​യാ​ണ് ദ്ര​വ്യ​ങ്ങ​ള്‍ കൂ​ട്ടി​ക്ക​ല​ര്‍ത്തി മ​നു​ഷ്യ​നു​ണ്ടാ​ക്കു​ന്ന ഗ​രം എ​ന്ന കൃ​ത്രി​മ​വി​ഷം. വി​ഷ​മി​ല്ലാ​ത്ത വ​സ്തു​ക്ക​ള്‍ ചേ​ര്‍ത്തു​ണ്ടാ​ക്കു​ന്ന ഗ​ര​മെ​ന്നും വി​ഷ​വ​സ്തു​ക്ക​ള്‍ ചേ​ര്‍ത്തു​ണ്ടാ​ക്കു​ന്ന കൃ​ത്രി​മ​മെ​ന്നും ര​ണ്ടു വി​ഭാ​ഗ​ങ്ങ​ള്‍ അ​തി​നു​മു​ണ്ട്. ഔ​ഷ​ധി​ക​ളി​ല്‍ കു​ടി​യി​രു​ത്ത​പ്പെ​ട്ട സ്ഥാ​വ​ര​വി​ഷം ഔ​ഷ​ധ​മാ​കാ​മെ​ന്ന ഭാ​വ​ന​കൂ​ടി​യു​ണ്ട് ഈ ​വി​ഷോ​ൽ​പ​ത്തി ക​ഥ​യി​ല്‍. പാ​ലാ​ഴി​യി​ല്‍നി​ന്ന് ഉ​യ​ര്‍ന്നു​വ​ന്ന വി​ഷ​ത്തെ ഔ​ചി​ത്യ​ത്തോ​ടു​കൂ​ടി​യ ഉ​പ​യോ​ഗം​കൊ​ണ്ട് (ജീ​വ​ന്‍ര​ക്ഷ​ക്ക് എ​ന്ന​ര്‍ഥം) പ്ര​യോ​ജ​ന​ക​ര​മാ​യ​തി​നാ​ല്‍ അ​മൃ​ത​മാ​ക്കി​ത്തീ​ര്‍ത്തു സ​സ്യ​ങ്ങ​ളി​ല്‍ കു​ടി​യി​രു​ത്തി​യെ​ന്ന അ​ഷ്ടാം​ഗ​സം​ഗ്ര​ഹ​ത്തി​ലെ ക​ൽ​പ​ന​യി​ല്‍ വി​ഷ​ത്തെ ഔ​ഷ​ധ​മാ​യും ഉ​പ​യോ​ഗി​ക്കാ​മെ​ന്ന വൈ​ദ്യ​വീ​ക്ഷ​ണ​വു​മു​ണ്ട്. വി​ഷ​ത്തി​ന് പ​ത്തു​ഗു​ണ(സ്വ​ഭാ​വം)ങ്ങ​ളും ഏ​ഴു വേ​ഗ​ങ്ങ​ളു​മു​ണ്ടെ​ന്ന് ആ​യു​ര്‍വേ​ദം സ​ങ്ക​ൽ​പി​ച്ചു. വി​ഷം മ​നു​ഷ്യ​ശ​രീ​ര​ത്തി​ലെ ഒ​രു ധാ​തു​വി​ല്‍നി​ന്നു മ​റ്റൊ​ന്നി​ലേ​ക്കു വ്യാ​പി​ച്ച് പ​ല​ത​രം ല​ക്ഷ​ണ​ങ്ങ​ളി​ലൂ​ടെ അ​തി​ന്‍റെ വീ​ര്യ​തീ​ക്ഷ്ണ​ത പ്ര​ക​ടി​പ്പി​ക്കു​ന്ന വ്യ​ത്യ​സ്ത​സ​ന്ദ​ര്‍ഭ​ങ്ങ​ളാ​ണ് വേ​ഗ​ങ്ങ​ള്‍. ഒ​ന്നാ​മ​ത്തെ വേ​ഗ​ത്തി​ല്‍ ര​ക്തം​ദു​ഷി​ക്ക​ലും ര​ണ്ടാ​മ​ത്തെ വേ​ഗ​ത്തി​ല്‍ ശ​രീ​ര​ത്തി​ല്‍ നീ​രും അ​ങ്ങ​നെ​യ​ങ്ങ​നെ ഏ​ഴാം​വേ​ഗ​ത്തി​ല്‍ മ​ര​ണ​വു​മെ​ന്ന് പ്രാ​ചീ​ന​രാ​യ ആ​യു​ര്‍വേ​ദ സൈ​ദ്ധാ​ന്തി​ക​ര്‍ വി​ധി​ക്കു​ന്നു. ഔ​ഷ​ധ​ങ്ങ​ളും ശ​സ്ത്ര​ക്രി​യ​യും വ​ഴി​യു​ള്ള വി​ഷ​ചി​കി​ത്സ​യാ​ണ് അ​ഗ​ദ​ത​ന്ത്ര​മെ​ന്ന ആ​യു​ര്‍വേ​ദ​ശാ​ഖ​യു​ടെ വി​ഷ​യം. സ്ഥാ​വ​ര​വും ജം​ഗ​മ​വും ഗ​ര​വു​മാ​യ വി​ഷ​ങ്ങ​ളും അ​വ​യി​ലൊ​ന്നും​പെ​ടാ​ത്ത വി​കാ​ര​വി​ഷ​ങ്ങ​ളും മ​നു​ഷ്യ​ജീ​വി​ത​ത്തി​ല്‍ ന​ട​ത്തു​ന്ന വേ​ഗ​ങ്ങ​ളു​ടെ ആ​ഖ്യാ​ന​ക​മാ​യ എം. ​ന​ന്ദ​കു​മാ​റി​ന്‍റെ 'നി​ല​വി​ളി​ക്കു​ന്നി​ലേ​ക്കു​ള്ള ക​യ​റ്റം' എ​ന്ന നോ​വെ​ല്ല വാ​യി​ക്കു​മ്പോ​ള്‍ അ​ഗ​ദ​ത​ന്ത്ര​ത്തി​ലെ വി​ഷ​സ​ഞ്ചാ​ര​സ​ങ്ക​ൽ​പ​ങ്ങ​ള്‍ ഓ​ര്‍ക്കാ​തി​രി​ക്കാ​നാ​വി​ല്ല. ആ ​പൂ​ര്‍വ​പാ​ഠ​ങ്ങ​ളു​ടെ വെ​ളി​ച്ച​ത്തി​ല്‍, അ​വ​യു​മാ​യി നേ​ര്‍ബ​ന്ധ​മൊ​ന്നു​മി​ല്ലാ​തെ, അ​മൃ​ത​ത്വം മോ​ഹി​ക്കു​ന്ന മ​നു​ഷ്യ​പ്ര​കൃ​തി​യി​ലെ ഇ​രു​ള്‍ലോ​ക​ത്തെ​യും കാ​മ​ന​ക​ളെ​യും ആ​ണ്‍-​പെ​ണ്‍ബ​ന്ധ​ത്തെ​യും ക​ഥാ​ഖ്യാ​ന​പ്ര​ക്രി​യ​യെ​യും കാ​ല​ഭാ​വ​ന​യെ​യും വി​ഷ​സ​ങ്ക​ൽ​പ​ത്തി​ന്‍റെ നീ​ല​വെ​ളി​ച്ച​ത്തി​ല്‍ ഈ ​ര​ച​ന അ​പോ​ദ്ധ​രി​ക്കു​ന്നു.

ഗ്രാ​മീ​ണ​മാ​യ ഒ​രു സ്ഥ​ല​നാ​മോ​ൽ​പ​ത്തി ക​ഥ​യും ജാ​ര​സം​സ​ര്‍ഗ​ സം​ശ​യ​ത്തി​ല്‍നി​ന്നു​ണ്ടാ​യ കൊ​ല​പാ​ത​ക​ത്തി​ന്‍റെ ക​ഥ​യും കൂ​ട്ടി​യി​ണ​ക്കു​ന്ന നി​ല​വി​ളി​ക്കു​ന്നി​ലേ​ക്കു​ള്ള ക​യ​റ്റം ജീ​വി​ത​ത്തി​നും മ​ര​ണ​ത്തി​നു​മി​ട​യി​ലെ സ​ര്‍പ്പി​ള​സ​മ​യ​ത്തി​ല്‍ തൃ​ഷ്ണ​ക​ളും അ​ഭി​ലാ​ഷ​ങ്ങ​ളും പാ​ഷാ​ണ​തു​ല്യ​മാ​യ അ​സൂ​യ​യും മ​ദ​മാ​ത്സ​ര്യ​ങ്ങ​ളു​മെ​ല്ലാം പ​ക​ര്‍ന്നാ​ടു​ന്ന മ​നു​ഷ്യ​പ്ര​കൃ​തി​യു​ടെ ആ​വി​ഷ്കാ​ര​മാ​യി​ത്തീ​രു​ന്ന​ത് അ​ഗ​ദ​ത​ന്ത്ര​ത്തെ ആ​ഖ്യാ​ന​ത​ന്ത്ര​മാ​യി സ്വീ​ക​രി​ക്കു​ന്ന​തു​കൊ​ണ്ടാ​ണ്. വി​ഷ​വും അ​തി​ന്‍റെ ഗു​ണ​വേ​ഗ​ങ്ങ​ളും ഔ​ഷ​ധ​വും വി​ഷ​ബാ​ധി​ത​നും വി​ഷ​കാ​ര​ക​നും വി​ഷ​ഹാ​രി​യും ര​സാ​യ​ന​വാ​ദി​യു​മെ​ല്ലാം ക​ഥാ​പാ​ത്ര​ങ്ങ​ളാ​യി പ്ര​ത്യ​ക്ഷ​പ്പെ​ടു​ന്ന ഘോ​ര​വും മാ​ന്ത്രി​ക​വു​മാ​യ ഒ​രു ദു​ര​ന്ത​നാ​ട​ക​വേ​ദി​യാ​യി ഈ ​നോ​വെ​ല്ല മാ​റു​ന്നു. നി​ല​വി​ളി​ക്കു​ന്നി​ന് ആ ​പേ​രു​കി​ട്ടി​യ ക​ഥ​യാ​ണ് ആ​ഖ്യാ​താ​വ് പ​റ​യു​ന്ന​ത്. ഒ​രു​കാ​ല​ത്ത് അ​വി​ടം നി​റ​യെ ഉ​ഗ്ര​വി​ഷ​മു​ള്ള പാ​മ്പു​ക​ളാ​യി​രു​ന്നു. അ​മാ​നു​ഷാ​നു​ഭ​വ​ങ്ങ​ള്‍ ഉ​ണ്ടാ​കാ​ന്‍ തു​ട​ങ്ങി​യ​തോ​ടെ അ​വി​ടെ ന​ട​ക്കാ​വും പ്ര​തി​ഷ്ഠ​ക​ളും അ​ന്തി​ത്തി​രി കൊ​ളു​ത്ത​ലു​മു​ണ്ടാ​യി. അ​മ്മാ​വ​ന്‍റെ മ​ക​ന്‍ അ​ച്ചു​വേ​ട്ട​നി​ല്‍നി​ന്നാ​ണ് നി​ല​വി​ളി​ക്കു​ന്നി​ന് ആ ​പേ​രു​ണ്ടാ​കാ​ന്‍ കാ​ര​ണ​മാ​യ ഗോ​വി​ന്ദ​ന്‍റെ​യും ദാ​ക്ഷാ​യ​ണി​യു​ടെ​യും ക​ഥ കു​ട്ടി​ക്കാ​ല​ത്ത് ആ​ഖ്യാ​താ​വ് കേ​ട്ട​ത്. കു​റ​ച്ചു വ​ര്‍ഷ​ത്തി​നു​ശേ​ഷം അ​ച്ചു​വേ​ട്ട​ന്‍ നി​ല​വി​ളി​ക്കു​ന്നി​ന്‍റെ താ​ഴ്വ​ര​യി​ലൂ​ടെ രാ​ത്രി വീ​ട്ടി​ലേ​ക്കു മ​ട​ങ്ങു​മ്പോ​ള്‍ വ​യ​ല്‍ക്കു​റു​ഞ്ഞി മൂ​ര്‍ഖ​ന്‍ കൊ​ത്തി മ​രി​ച്ചെ​ന്ന വി​വ​ര​മ​റി​യു​മ്പോ​ള്‍ അ​യാ​ള്‍ വി​ഷ​നീ​ലി​മ​യു​ടെ ആ ​ദു​ര​ന്ത​ക​ഥ ഓ​ര്‍ക്കു​ന്നു.

മം​ഗ​ലാം​കു​ന്നി​ന​ടു​ത്തു​ള്ള ആ ​ദി​ക്കി​ല്‍ ആ​ദ്യ​മാ​യി പെ​ട്ടി​ക്ക​ട​യി​ട്ട ഗോ​വി​ന്ദ​മൂ​ത്താ​ന്‍റെ ക​ഥ​യാ​ണ് ത​ന്‍റെ കേ​ട്ട​റി​വി​ല്‍നി​ന്ന് അ​ച്ചു​വേ​ട്ട​ന്‍ പ​റ​ഞ്ഞു​കേ​ള്‍പ്പി​ച്ച​ത്. ഗോ​വി​ന്ദ​നി​ല്‍നി​ന്നു​ണ്ടാ​യ പേ​രാ​ണ് നി​ല​വി​ളി​ക്കു​ന്ന്. അ​ക​ലെ​യു​ള്ള ആ​ഴ്ച​ച്ച​ന്ത​യെ​യും ത​ല​ച്ചു​മ​ടു​മാ​യി വ​ന്നു​പോ​കു​ന്ന ക​ച്ച​വ​ട​ക്കാ​രെ​യും മാ​ത്രം ആ​ശ്ര​യി​ച്ചി​രു​ന്ന പ്ര​ദേ​ശ​ത്ത് ത​ന്‍റെ ചെ​റി​യ​ച്ഛ​ന്‍റെ ഉ​പ​ദേ​ശ​പ്ര​കാ​രം ഗോ​വി​ന്ദ​ന്‍ ആ​രം​ഭി​ച്ച പെ​ട്ടി​ക്ക​ട അ​യാ​ളു​ടെ ജീ​വി​ത​ത്തി​ല്‍ മാ​ത്ര​മ​ല്ല സ്ഥ​ല​ത്തും പു​രോ​ഗ​തി​യും ആ​ധു​നി​ക​മാ​യ സാ​മ്പ​ത്തി​ക​ക്ര​മ​വും സൃ​ഷ്ടി​ക്കു​ന്നു. ക​ച്ച​വ​ടം പ​ച്ച​പി​ടി​ച്ച​തോ​ടെ കാ​ശ് ക​ള​യാ​തി​രി​ക്കാ​നാ​യി പെ​ണ്ണു​കെ​ട്ടാ​നും ചെ​റി​യ​ച്ഛ​ന്‍ ഉ​പ​ദേ​ശി​ച്ചു; ത​ന്‍റെ ഭാ​ര്യ​യു​ടെ ബ​ന്ധു​വാ​യ സു​ന്ദ​രി ദാ​ക്ഷാ​യ​ണി​യെ ഗോ​വി​ന്ദ​നു ഭാ​ര്യ​യാ​യി ക​ണ്ടെ​ത്തു​ക​യും​ചെ​യ്തു. ക​ല്യാ​ണം ക​ഴി​ഞ്ഞ് ഒ​രാ​ഴ്ച​ക്കു​ശേ​ഷം ഗോ​വി​ന്ദ​നും ദാ​ക്ഷാ​യ​ണി​യും വി​രു​ന്നു​ണ്ണാ​ന്‍ ചെ​റി​യ​ച്ഛ​ന്‍റെ വീ​ട്ടി​ലെ​ത്തി. ദാ​ക്ഷാ​യ​ണി​യു​ടെ മു​റ​ച്ചെ​റു​ക്ക​നും പേ​രെ​ടു​ത്ത തി​മി​ല​വാ​ദ​ക​നും ചെ​റി​യ​ച്ഛ​ന്‍റെ കൃ​ഷി​കാ​ര്യ​സ്ഥ​നും സു​ന്ദ​ര​നു​മാ​യ വേ​ശു​ക്കു​ട്ട​നും അ​വി​ടെ​യു​ണ്ടാ​യി​രു​ന്നു. വി​രു​ന്നി​നി​ട​യി​ലെ മ​ദ്യ​സേ​വ​ക്കി​ട​യി​ല്‍ ചെ​റി​യ​ച്ഛ​ന്‍ ന​ട​ത്തി​യ, ''ഗോ​വി​ന്ദാ നീ ​പാ​വ​മാ​ണ്, നീ​യെ​നി​ക്കു സ്വ​ന്തം മ​ക​നാ, പ​ക്ഷേ, നീ ​തി​ന്നു​ന്ന​ത് എ​ച്ചി​ലാ​ണെ​ടാ... അ​തെ​പ്പ​ഴും ഓ​ര്‍മ വേ​ണം'' എ​ന്ന വാ​ക്കു​കൊ​ണ്ടു​ള്ള വി​ഷ​പ്ര​യോ​ഗം ഗോ​വി​ന്ദ​നെ സം​ശ​യ​ത്തി​ലേ​ക്കു വ​ലി​ച്ചെ​റി​ഞ്ഞു. പു​ല​ര്‍ച്ച​ക്കു യാ​ത്ര പ​റ​യു​മ്പോ​ള്‍ ചെ​റി​യ​ച്ഛ​ന്‍റെ കൈ​മു​ട്ട് ദാ​ക്ഷാ​യ​ണി​യു​ടെ ദേ​ഹ​ത്ത് ഉ​ര​സി​യ​താ​യി ഗോ​വി​ന്ദ​നു തോ​ന്നി. ഭാ​ര്യ​യു​ടെ ചാ​രി​ത്ര്യ​ശു​ദ്ധി​യെ​ക്കു​റി​ച്ചു​ള്ള ദുഃ​സൂ​ച​ന ഗോ​വി​ന്ദ​നി​ല്‍ എ​ല്ലാ​ത്തി​നോ​ടും അ​ക​ല​മു​ണ്ടാ​ക്കി​യെ​ങ്കി​ലും അ​വ​ളി​ലു​ള്ള താ​ൽ​പ​ര്യം ഇ​ല്ലാ​താ​ക്കി​യി​ല്ല. സാ​മ്പ​ത്തി​ക​മാ​യി വ​ള​രാ​നു​ള്ള ഗോ​വി​ന്ദ​ന്‍റെ ശ്ര​മ​ത്തെ കു​ടും​ബം ന​ന്നാ​യി നോ​ക്കി ദാ​ക്ഷാ​യ​ണി​യും സ​ഹാ​യി​ച്ചു. ഫോ​ട്ടോ പി​ടി​ച്ചും സി​നി​മ​ക​ണ്ടും നാ​ലു​പ​റ ക​ണ്ടം​വാ​ങ്ങി​യും പു​ര ഓ​ടി​ട്ടും ക​റ​ന്‍റി​ന് അ​പേ​ക്ഷി​ച്ചും സ​ഹ​ക​ര​ണ​ബാ​ങ്കി​ല്‍ നി​ക്ഷേ​പം ന​ട​ത്തി​യും ഭാ​ര്യ​ക്ക് സ്വ​ര്‍ണാ​ഭ​ര​ണ​മു​ണ്ടാ​ക്കി​യും മ​ക​നെ സ്കൂ​ളി​ല്‍ ചേ​ര്‍ക്കാ​നൊ​രു​ങ്ങി​യും പു​രോ​ഗ​തി​യു​ടെ​യും ആ​ധു​നി​ക​ത്വ​ത്തി​ന്‍റെ​യും ജീ​വി​ത​ക്ര​മ​ത്തി​ലേ​ക്ക് ഗോ​വി​ന്ദ​ന്‍ സ്വ​യം​പ​റി​ച്ചു​ന​ട്ടെ​ങ്കി​ലും സം​ശ​യം വ്യാ​ധി​യാ​യി വ​ള​ര്‍ന്നു. ഒ​ന്നി​ലും തൃ​പ്തി​യി​ല്ലാ​താ​യ ഗോ​വി​ന്ദ​ന്‍ ഏ​ക​സു​ഹൃ​ത്താ​യ ശ്രീ​ധ​ര​ന്‍ വൈ​ദ്യ​ന്‍ വാ​റ്റി​യെ​ടു​ക്കു​ന്ന ദ്രാ​ക്ഷി​രാ​സ​വം സേ​വി​ച്ച് ഉ​ത്ക​ണ്ഠ​ക​ള്‍ ശ​മി​പ്പി​ക്കാ​ന്‍ ശ്ര​മി​ച്ചു. പേ​രെ​ടു​ത്ത വി​ഷ​ഹാ​രി​യാ​യ ശ്രീ​ധ​ര​ന്‍ വൈ​ദ്യ​നി​ല്‍നി​ന്ന് അ​ൽ​പം വൈ​ദ്യ​വും ഏ​താ​നും വി​ഷ​ക്കൂ​ട്ടു​ക​ളും അ​യാ​ള്‍ ഗ്ര​ഹി​ക്കു​ക​യും​ ചെ​യ്തു. വൈ​ദ്യ​രു​ടെ ര​സാ​യ​ന​പ​രീ​ക്ഷ​ണ​ശാ​ല​യി​ലും ഗോ​വി​ന്ദ​നു പ്ര​വേ​ശ​ന​മു​ണ്ടാ​യി​രു​ന്നു. ആ​ശ​ങ്ക​യി​ല്‍നി​ന്ന് ആ​ധി​യും ആ​ധി​യി​ല്‍നി​ന്ന് വ്യാ​ധി​യു​മു​ണ്ടാ​കു​മെ​ന്ന് വൈ​ദ്യ​ര്‍ ഉ​പ​ദേ​ശി​ച്ചി​ട്ടും ദാ​ക്ഷാ​യ​ണി​യെ​പ്പ​റ്റി​യു​ള്ള സം​ശ​യം അ​യാ​ളി​ല്‍ വ​ള​ര്‍ന്നു​മു​റ്റി. ദാ​ക്ഷാ​യ​ണി​ക്കു പ​ല ജാ​ര​ന്മാ​രു​ണ്ടെ​ന്ന സം​ശ​യ​ത്തി​ല്‍ ര​ഹ​സ്യ​മാ​യി അ​വ​ളു​ടെ വ​സ്ത്ര​ങ്ങ​ള്‍ മ​ണ​ത്തു​നോ​ക്കി​യും അ​സൂ​യ ക​ല​ര്‍ന്ന സ്നേ​ഹ​ത്തോ​ടെ​യും അ​യാ​ള്‍ ഭാ​ര്യ​ക്കൊ​പ്പം ജീ​വി​ച്ചു. വാ​ദ്യ​ക്കാ​രും ആ​ന​ക്കാ​രും വാ​ണി​ഭ​ക്കാ​രു​മൊ​ക്കെ​യാ​യി ധാ​രാ​ളം പു​രു​ഷ​ന്മാ​ര്‍ വ​ന്നു​കൂ​ടു​ന്ന പൂ​ര​ക്കാ​ലം ഗോ​വി​ന്ദ​ന്‍റെ സം​ശ​യ​രോ​ഗം തീ​വ്ര​മാ​ക്കി. പൂ​ര​ത്തി​നു തി​മി​ല വാ​യി​ക്കാ​നെ​ത്തി​യ വേ​ശു​ക്കു​ട്ട​ന്‍ ഇ​ട​ക്കി​ടെ വീ​ട്ടി​ലേ​ക്കു വ​രു​ന്ന​തും ദാ​ക്ഷാ​യ​ണി അ​യാ​ളു​മാ​യി ഇ​ട​പ​ഴ​കു​ന്ന​തും അ​ത് ആ​ളി​ക്ക​ത്തി​ച്ചു. വേ​ശു​ക്കു​ട്ട​നും താ​നും ത​മ്മി​ലു​ള്ള താ​ര​ത​മ്യ​ത്തി​ല്‍ ഗോ​വി​ന്ദ​ന്‍ വെ​ന്തു​നീ​റി. പൂ​രം കൊ​ടി​യി​റ​ങ്ങി​യ​തി​ന്‍റെ പി​റ്റേ​ന്നു രാ​ത്രി ദാ​ക്ഷാ​യ​ണി​യെ വി​ഷം തീ​ണ്ടി. വൈ​ദ്യ​ര്‍ സൂ​ക്ഷ്മ​മാ​യി പ​രി​ശോ​ധി​ച്ചെ​ങ്കി​ലും എ​ന്തെ​ങ്കി​ലും ക​ടി​ച്ച​തി​ന്‍റെ ല​ക്ഷ​ണം ശ​രീ​ര​ത്തി​ലു​ണ്ടാ​യി​രു​ന്നി​ല്ല. വി​ഷ​ചി​കി​ത്സ​യു​ടെ എ​ല്ലാ മു​റ​ക​ളും പ​രാ​ജ​യ​പ്പെ​ട്ട് ദാ​ക്ഷാ​യ​ണി മ​രി​ച്ചു. ''ഏ​തു വേ​ന്ദ്ര​ന്‍റെ വി​ഷ​മാ​ണ് നീ ​ഇ​ത്ര​കാ​ലം കൂ​ട്ടി​യു​ണ്ടാ​ക്കി​യ​ത്. അ​ത് കു​ത്തി​വെ​ച്ച​തെ​ങ്ങ​നെ?'' എ​ന്നു​മാ​ത്ര​മേ ഗോ​വി​ന്ദ​നോ​ട് വൈ​ദ്യ​ര്‍ ചോ​ദി​ച്ചു​ള്ളൂ. വീ​ട്ടി​ല്‍നി​ന്നു കു​ന്നി​ന്‍മു​ക​ളി​ലേ​ക്കോ​ടി​യ ഗോ​വി​ന്ദ​ന്‍ ആ ​രാ​ത്രി മു​ഴു​വ​ന്‍ അ​വി​ടെ മൃ​ഗ​ത്തി​ന്‍റെ​യോ മ​നു​ഷ്യ​ന്‍റെ​യോ അ​ല്ലാ​ത്ത അ​വ്യാ​ഖ്യേ​യ​ശ​ബ്ദ​ത്തി​ല്‍ നി​ല​വി​ളി​ച്ചു​കൊ​ണ്ടി​രു​ന്നു. പി​റ്റേ​ന്ന് ദാ​ക്ഷാ​യ​ണി​യു​ടെ ശ​വ​ദാ​ഹം ക​ഴി​ഞ്ഞ​തോ​ടെ അ​വ​ളു​ടെ അ​നി​യ​ത്തി ര​മ​ണി​യും ഗോ​വി​ന്ദ​നും അ​പ്ര​ത്യ​ക്ഷ​രാ​യി. പാ​മ്പു​ക​ളു​ടെ കു​ന്ന് നി​ല​വി​ളി​ക്കു​ന്നാ​യി.

എം. നന്ദകുമാർ

എം. നന്ദകുമാർ

കേ​ട്ട ക​ഥ​യു​ടെ ത​നി​യാ​വ​ര്‍ത്ത​ന​മ​ല്ല നി​ല​വി​ളി​ക്കു​ന്നി​ലെ ക​ഥാ​ഖ്യാ​നം. യ​ഥാ​ത​ഥ​സാ​ഹി​ത്യം പ​ല​ത​ര​ത്തി​ല്‍ ഉ​പ​യോ​ഗി​ച്ചു പ​രി​ചി​ത​മാ​ക്കി​യി​ട്ടു​ള്ള​താ​ണ് കേ​ട്ട​ക​ഥ​യു​ടെ പു​ന​രാ​ഖ്യാ​ന​രീ​തി. ഭൂ​ത​കാ​ല​സം​ഭ​വ​ത്തെ വ​ര്‍ത്ത​മാ​ന​കാ​ല യാ​ഥാ​ര്‍ഥ്യ​വു​മാ​യി ബ​ന്ധി​പ്പി​ച്ച് ര​ണ്ടു​കാ​ല​ങ്ങ​ള്‍ ത​മ്മി​ലു​ള്ള അ​ന്ത​ര​ത്തി​ന്‍റെ അ​നു​ഭ​വ​സാ​ക്ഷ്യ​മോ അ​നു​സ്മ​ര​ണ​മോ ആ​യി രേ​ഖ​പ്പെ​ടു​ത്തു​ന്ന യ​ഥാ​ത​ഥ​രീ​തി എം. ​ന​ന്ദ​കു​മാ​ര്‍ പി​ന്തു​ട​രു​ന്നി​ല്ല. ഭൂ​ത​കാ​ല​സം​ഭ​വാ​ഖ്യാ​ന​ത്തി​ന്‍റെ​യും കേ​ട്ട ക​ഥ​യു​ടെ​യും പു​റം​പാ​ളി​ക്കു​ള്ളി​ല്‍ 'നി​ല​വി​ളി​ക്കു​ന്നി​ലേ​ക്കു​ള്ള ക​യ​റ്റം' യാ​ഥാ​ര്‍ഥ്യ​വും അ​യാ​ഥാ​ര്‍ഥ്യ​വും ത​മ്മി​ലു​ള്ള അ​തി​രു​ക​ള്‍ മാ​യ്ച്ചു​ക​ള​യു​ക​യും ആ​ഖ്യാ​തൃ​സ്ഥാ​നം, ആ​ഖ്യാ​ന​കാ​ലം എ​ന്നി​വ​യെ​ക്കു​റി​ച്ചു​ള്ള പ​ര​മ്പ​രാ​ഗ​ത​സ​ങ്ക​ൽ​പ​ങ്ങ​ള്‍ അ​സ്ഥി​ര​മാ​ക്കു​ക​യും​ ചെ​യ്യു​ന്നു. സം​ഭ​വ​ങ്ങ​ളു​ടെ ഭൂ​ത​ലോ​ക​ത്തേ​ക്ക​ല്ല ഭൂ​താ​ത്മ​ക​മാ​യ പ​ദാ​ര്‍ഥ​ങ്ങ​ളു​ടെ​യും മ​നു​ഷ്യ​ന്‍റെ​യും ഇ​രു​ണ്ട ഹൃ​ദ​യ​ങ്ങ​ളി​ലേ​ക്കാ​ണ് 'നി​ല​വി​ളി​ക്കു​ന്നി'​ലെ ആ​ഖ്യാ​ന​കം നോ​ക്കു​ന്ന​ത്. സം​ശ​യ​വും അ​സൂ​യ​യും മൂ​ത്തു ന​ട​ത്തി​യ ഒ​രു കൊ​ല​പാ​ത​ക​ത്തി​ന്‍റെ ഭൂ​ത​ക​ഥ​യെ ദു​ര​ന്ത​നാ​ട​ക​ത്തി​ന്‍റെ​യും ആ​യു​ര്‍വേ​ദ​ത്തി​ലെ വി​ഷ​ചി​കി​ത്സാ​സി​ദ്ധാ​ന്ത​ത്തി​ന്‍റെ​യും വി​ഷ​സ​ങ്ക​ൽ​പ​ത്തി​ന്‍റെ​യും ഭൂ​ത​വും വ​ര്‍ത്ത​മാ​ന​വും ത​മ്മി​ലു​ള്ള ഏ​റ്റു​മു​ട്ട​ലി​ന്‍റെ​യും പാ​ഠ​ങ്ങ​ളു​മാ​യി ചേ​ര്‍ത്ത് അ​പോ​ദ്ധ​രി​ക്കു​ക​യാ​ണ് ഈ ​നോ​വെ​ല്ല. അ​ച്ചു​വേ​ട്ട​ന്‍ എ​ന്ന ആ​ഖ്യാ​താ​വ് കേ​ട്ട​റി​ഞ്ഞ ക​ഥ കേ​ട്ട ആ​ഖ്യാ​താ​വ് ആ ​ക​ഥ​യി​ലെ ഗോ​വി​ന്ദ​ന്‍റെ നി​ല​വി​ളി​യെ ഇ​ഴ​പി​രി​ക്കു​ന്ന​താ​ണ് 'നി​ല​വി​ളി​ക്കു​ന്നി'​ലെ ആ​ഖ്യാ​ന​കം. അ​തു​കൊ​ണ്ടു​ത​ന്നെ ക​ഥ​യി​ലെ ആ​ഖ്യാ​നം യ​ഥാ​ത​ഥ​വും വി​ശ്വ​സ്ത​വു​മാ​യ സം​ഭ​വാ​ഖ്യാ​ന​മ​ല്ല, ഒ​രു​ത​രം മാ​റ്റി​യെ​ഴു​ത്തോ വ്യാ​ഖ്യാ​ന​മോ ഭാ​ഷാ​ന്ത​രീ​ക​ര​ണ​മോ ആ​ണ്. ''ഞ​ങ്ങ​ള്‍ ജ​നി​ക്കും​മു​മ്പ് അ​ല​യ​ടി​ച്ച ഭാ​ഷാ​ര​ഹി​ത​മാ​യ ഒ​രു നി​ല​വി​ളി​യു​ടെ പ​ര്യാ​യ​ങ്ങ​ളാ​ണ് ഞാ​ന്‍ ഇ​ഴ​പി​രി​ക്കു​ന്ന​ത്'' എ​ന്നും ''ഈ ​രാ​ത്രി​യി​ല്‍ ഞാ​ന്‍ ഓ​ര്‍മി​ച്ചെ​ടു​ക്കു​ന്ന​തെ​ല്ലാം അ​ന്നു​കേ​ട്ട അ​തേ വാ​ക്കു​ക​ളാ​ണോ? തീ​ര്‍ച്ച​യി​ല്ല. കാ​ര​ണം, ശ​രീ​ര​വും മ​ന​സ്സും സൂ​ക്ഷി​ക്കു​ന്ന സ്മ​ര​ണ​ക​ള്‍ വെ​വ്വേ​റെ​യാ​ണ്'' എ​ന്നും ആ​ഖ്യാ​താ​വ് പ​റ​യു​ന്നു​ണ്ട്. അ​ച്ചു​വേ​ട്ട​ന്‍ ക​ഥ പ​റ​ഞ്ഞ ആ ​ഉ​ച്ച​നേ​രം 'പ​ദാ​ര്‍ഥ​ങ്ങ​ളു​ടെ ഇ​രു​ണ്ട​ഹൃ​ദ​യ​ങ്ങ​ളി​ലേ​ക്കു​ള്ള നൊ​ടി​നേ​ര​ത്തെ ദ​ര്‍ശ​ന'​മാ​യാ​ണ് ആ​ഖ്യാ​താ​വി​ന്‍റെ സ്മൃ​തി​പ​ഥ​ത്തി​ലേ​ക്കു മ​ട​ങ്ങി​വ​രു​ന്ന​ത്.

കേ​ട്ട ദു​ര​ന്ത​ക​ഥ​യും ക​ഥ പ​റ​ഞ്ഞ​യാ​ളി​ന്‍റെ ദു​ര​ന്ത​ക​ഥ​യും ത​മ്മി​ലു​ള്ള സാ​ദൃ​ശ്യം പ​ദാ​ര്‍ഥ​ങ്ങ​ളു​ടെ ഇ​രു​ണ്ട ഹൃ​ദ​യ​ങ്ങ​ള്‍ ഇ​ഴ​പി​രി​ച്ചു​ണ്ടാ​ക്കി​യ ആ​ഖ്യാ​ന​ച്ച​ര​ടി​ലേ​ക്കു ന​യി​ക്കു​ന്നു. വി​ഷ​വും മ​ന​സ്സു​മാ​ണ് ആ ​പ​ദാ​ര്‍ഥ​ങ്ങ​ള്‍. അ​ല്ലെ​ങ്കി​ല്‍, സം​ശ​യ​ത്തി​ന്‍റെ വി​ഷം​തീ​ണ്ടി​യ മ​ന​സ്സും അ​തി​ന്‍റെ ഫ​ല​മാ​യി വി​ഷ​ബാ​ധ​യേ​റ്റ ശ​രീ​ര​വും. ആ​യു​ര്‍വേ​ദ​ത്തി​ലെ വി​ഷ​സ​ങ്ക​ൽ​പ​ത്തി​ല്‍നി​ന്നു വ്യ​ത്യ​സ്ത​മാ​യ ശ​ങ്കാ​വി​ഷ​മാ​ണ് ഗോ​വി​ന്ദ​നെ ബാ​ധി​ച്ച​തെ​ന്നു പ​റ​യാം. ഭാ​ര്യ​യു​ടെ സ്വ​ഭാ​വ​ശു​ദ്ധി​യെ​പ്പ​റ്റി​യു​ള്ള ശ​ങ്ക അ​യാ​ളി​ല്‍ വി​ഷം​പോ​ലെ പ​ട​രു​ക​യും അ​വ​ളെ വി​ഷം കൊ​ടു​ത്തു കൊ​ല്ലാ​ന്‍ പ്രേ​രി​പ്പി​ക്കു​ക​യും ചെ​യ്യു​ന്നു. വി​ഷ​ബാ​ധ​യു​ണ്ടാ​യെ​ന്ന സം​ശ​യം​കൊ​ണ്ട് ഒ​രാ​ള്‍ രോ​ഗ​ല​ക്ഷ​ണ​ങ്ങ​ള്‍ പ്ര​ക​ടി​പ്പി​ക്കു​ന്ന​താ​ണ് അ​ഗ​ദ​ത​ന്ത്ര​ത്തി​ലെ ശ​ങ്കാ​വി​ഷം. ഇ​രു​ട്ട​ത്ത് വി​ഷ​മി​ല്ലാ​ത്ത ജ​ന്തു​ക്ക​ളു​ടെ ക​ടി​യേ​ല്‍ക്കു​ക​യോ മു​ള്ളു കൊ​ള്ളു​ക​യോ ചെ​യ്യു​ന്ന​യാ​ള്‍ വി​ഷം​തീ​ണ്ടി​യെ​ന്ന സം​ശ​യ​ത്തി​ല്‍ ജ്വ​രം, ഛർദി, അ​തി​സാ​രം, മോ​ഹാ​ല​സ്യം, മാ​ന​സി​ക​വി​ഭ്ര​മം തു​ട​ങ്ങി​യ​വ പ്ര​ക​ടി​പ്പി​ക്കു​ന്ന​തി​നെ ച​ര​ക​നും വാ​ഗ്ഭ​ട​നും ശ​ങ്കാ​വി​ഷ​മെ​ന്നു വി​ളി​ച്ചു. ദാ​ക്ഷാ​യ​ണി​യെ​പ്പ​റ്റി ചെ​റി​യ​ച്ഛ​ന്‍ പ​റ​ഞ്ഞ വാ​ക്കു​ക​ള്‍ ഗോ​വി​ന്ദ​നി​ല്‍ സം​ശ​യ​ത്തി​ന്‍റെ വി​ഷോ​ദ്വേ​ഗ​മു​ണ്ടാ​ക്കി മ​ന​സ്സി​ലെ അ​സൂ​യ​യും ശ​രീ​ര​ത്തി​ലെ ചെ​ന്നി​ക്കു​ത്തു​മാ​യി മാ​റ്റു​ന്നു. ശ​ങ്ക​യു​ടെ വി​ഷം അ​യാ​ളി​ല്‍ മാ​ന​സി​ക​വി​ക്ഷോ​ഭ​മു​ണ്ടാ​ക്കി ഒ​രു​ത​രം ഉ​ന്മാ​ദ​ത്തി​ലേ​ക്കു ന​യി​ച്ച​തി​ന്‍റെ ഫ​ല​മാ​ണ് കൊ​ല​പാ​ത​കം. മാ​ന​സി​ക​വി​ക്ഷോ​ഭ​വും വി​ഷ​ബാ​ധ​യും ഉ​ന്മാ​ദ​ത്തി​ന്‍റെ കാ​ര​ണ​ങ്ങ​ളാ​യി സു​ശ്രു​ത​നും വാ​ഗ്ഭ​ട​നും ചൂ​ണ്ടി​ക്കാ​ണി​ച്ചി​ട്ടു​ണ്ട്. വി​ഷ​യ​സു​ഖ​ത്തെ​ക്കു​റി​ച്ചു​ള്ള അ​സാ​ധ്യ​സ്വ​പ്ന​ങ്ങ​ള്‍മൂ​ലം മാ​ന​സി​ക​വി​ക്ഷോ​ഭം തീ​വ്ര​മാ​യി മ​ന​സ്സ് നി​യ​ന്ത്ര​ണാ​തീ​ത​മാ​കു​ന്ന ഉ​ന്മാ​ദ​രോ​ഗി അ​സ്വാ​ഭാ​വി​ക​മാ​യ രീ​തി​യി​ല്‍ പാ​ടി​യോ ചി​രി​ച്ചോ ക​ര​ഞ്ഞോ വി​ചി​ത്ര​മാ​യ ത​ര​ത്തി​ല്‍ സ്വ​ന്തം വി​കാ​രം പ്ര​ക​ടി​പ്പി​ക്കു​ന്ന​തി​നെ​പ്പ​റ്റി​യു​ള്ള സു​ശ്രു​ത​ന്‍റെ​യും ഓ​ട​ക്കു​ഴ​ലി​ന്‍റെ​യും വീ​ണ​യു​ടെ​യും ശ​ബ്ദം പ​രു​ഷ​മാ​യി ഉ​ണ്ടാ​ക്കു​ന്ന ഉ​ന്മാ​ദി​യെ​ക്കു​റി​ച്ചു​ള്ള വാ​ഗ്ഭ​ട​ന്‍റെ​യും വി​വ​ര​ണ​ങ്ങ​ള്‍ കൊ​ല​പാ​ത​ക​ത്തി​നു​ശേ​ഷം കു​ന്നി​ന്‍മു​ക​ളി​ല്‍നി​ന്ന് 'മൃ​ഗ​ത്തി​ന്‍റെ​യോ മ​നു​ഷ്യ​ന്‍റെ​യോ അ​ല്ലാ​ത്ത അ​വ്യാ​ഖ്യേ​യ​ശ​ബ്ദ'​ത്തി​ല്‍ നി​ല​വി​ളി​ക്കു​ന്ന ഗോ​വി​ന്ദ​ന്‍ ഓ​ര്‍മി​പ്പി​ക്കു​ന്നു. ഭാ​ഷാ​ര​ഹി​ത​മാ​യ ആ ​നി​ല​വി​ളി ഇ​ഴ​പി​രി​ച്ച് ആ​ഖ്യാ​താ​വ് ഭാ​ഷ​യി​ല്‍ നി​ര്‍മി​ക്കു​ന്ന ആ​ഖ്യാ​ന​ക​മാ​യ ക​ഥ​യു​ടെ പൂ​ര്‍വ​പാ​ഠം അ​ല്ലെ​ങ്കി​ല്‍ അ​ന്ത​ര്‍പാ​ഠ​മാ​യി അ​ഗ​ദ​ത​ന്ത്ര​ഗ്ര​ന്ഥ​ങ്ങ​ള്‍ നി​ല​കൊ​ള്ളു​ന്നു.

സാ​ഹി​ത്യ​കൃ​തി​ക​ളെ പൂ​ര്‍ണ​മാ​യും മൗ​ലി​ക​വും അ​ന​ന്യ​വും സ​മ​ഗ്ര​വു​മാ​യ സൃ​ഷ്ടി​ക​ളാ​യി ക​ണ​ക്കാ​ക്കാ​നാ​വി​ല്ല. ഒ​രു സാം​സ്കാ​രി​ക-​സാ​ഹി​ത്യ​വ്യ​വ​സ്ഥ​യു​ടെ സ​വി​ശേ​ഷ​മാ​യ പ്ര​കാ​ശ​ന​ങ്ങ​ള്‍, തെ​ര​ഞ്ഞെ​ടു​പ്പു​ക​ളും കൂ​ട്ടി​ച്ചേ​ര്‍ക്ക​ലു​ക​ളു​മാ​ണ​വ. ആ ​വ്യ​വ​സ്ഥ​യു​മാ​യു​ള്ള ബ​ന്ധം അ​വ പ​ര​സ്യ​മാ​യി പ്ര​ദ​ര്‍ശി​പ്പി​ക്കു​ന്നി​ല്ലെ​ന്നു മാ​ത്രം. വാ​യ​ന​യും നി​രൂ​പ​ണ​വും അ​തി​നെ പു​നഃ​ക്ര​മീ​ക​രി​ച്ച് കൃ​തി​ക​ളി​ലെ പാ​ഠ​ങ്ങ​ളും പാ​ഠാ​ന്ത​ര​ബ​ന്ധ​ങ്ങ​ളും പു​റ​ത്തു​കൊ​ണ്ടു​വ​രു​ന്നു. സാ​ഹി​ത്യ​വ്യ​വ​സ്ഥ​യി​ല്‍നി​ന്നു​ള്ള അം​ശ​ങ്ങ​ള്‍ സ്വീ​ക​രി​ച്ച് സ​വി​ശേ​ഷ​മാ​യി ക്ര​മ​പ്പെ​ടു​ത്തു​ക​യാ​ണ് സാ​ഹി​ത്യ​ര​ച​ന​യി​ല്‍ എ​ഴു​ത്തു​കാ​ര്‍ ചെ​യ്യു​ന്ന​ത്. നി​രൂ​പ​ക​ന്‍ കൃ​തി​യി​ല്‍നി​ന്ന് സാ​ഹി​ത്യ​വ്യ​വ​സ്ഥ​യി​ലേ​ക്കു പോ​വു​ക​യും എ​ഴു​ത്തു​കാ​ര​ന്‍ അ​വ്യ​ക്ത​മാ​ക്കി​യ കൃ​തി-​സാ​ഹി​ത്യ​വ്യ​വ​സ്ഥ ബ​ന്ധം വ്യ​ക്ത​മാ​ക്കു​ക​യും​ചെ​യ്യു​ന്നു. കൃ​തി​യി​ലെ സൂ​ച​നാ​ബ​ന്ധ​ങ്ങ​ളു​ടെ ആ ​വെ​ളി​പ്പെ​ടു​ത്ത​ല്‍ കാ​ല​വും പാ​രാ​യ​ണ​രീ​തി​ഭേ​ദ​വും പ്ര​ത്യ​യ​ശാ​സ്ത്ര​ങ്ങ​ളു​മ​നു​സ​രി​ച്ച് വ്യ​ത്യ​സ്ത​മാ​യി​രി​ക്കു​ക​യും​ചെ​യ്യും. 'നി​ല​വി​ളി​ക്കു​ന്നി'​ലും സാ​ഹി​ത്യ​വ്യ​വ​സ്ഥ​യു​ടെ ആ ​ഘ​ട​ന​ക​ള്‍ പ്ര​വ​ര്‍ത്തി​ക്കു​ന്നു​ണ്ട്. ആ ​സാ​ഹി​ത്യ​ഘ​ട​ന​യെ അ​ന്ത​ര്‍പാ​ഠ​മെ​ന്നോ പൂ​ര്‍വ​പാ​ഠ​മെ​ന്നോ 'ഹൈ​പ്പോ​ടെ​ക്സ്റ്റ്' എ​ന്നോ ഇ​ന്‍റ​ര്‍ടെ​ക്സ്റ്റ് എ​ന്നോ വി​ളി​ക്കാം. രൂ​പ​ത്തി​ലോ ഉ​ള്ള​ട​ക്ക​ത്തി​ലോ ഒ​രു പി​ല്‍ക്കാ​ല​കൃ​തി​യെ പ്ര​ത്യ​ക്ഷ​മോ പ​രോ​ക്ഷ​മോ ആ​യി പ്ര​ചോ​ദി​പ്പി​ക്കു​ന്ന പൂ​ര്‍വ​കൃ​തി​യാ​ണ് ഹൈ​പ്പോ​ടെ​ക്സ്റ്റ്. പ്ര​ചോ​ദി​ത​മാ​യ പി​ല്‍ക്കാ​ല​കൃ​തി​യെ ഹൈ​പ്പ​ര്‍ടെ​ക്സ്റ്റ് എ​ന്നും വി​ളി​ക്കാം. കേ​വ​ലാ​നു​ക​ര​ണ​മോ ചോ​ര​ണ​മോ അ​ല്ല ഇ​വി​ടെ​യു​ള്ള​ത്. ഒ​രേ കാ​ര്യം വ്യ​ത്യ​സ്ത​മാ​യോ വ്യ​ത്യ​സ്ത​മാ​യ കാ​ര്യം ഒ​രു​പോ​ലെ​യോ പ​റ​ഞ്ഞു​കൊ​ണ്ടാ​ണ് മി​ക​ച്ച കൃ​തി​ക​ള്‍ ബോ​ധ​പൂ​ര്‍വം ആ ​പാ​ഠാ​ന്ത​ര​ബ​ന്ധം പു​ല​ര്‍ത്തു​ന്ന​ത്. നേ​രി​ട്ടു​ള്ള​ത​ല്ലാ​ത്ത അ​നു​ക​ര​ണ​പ്ര​ക്രി​യ​യി​ലൂ​ടെ അ​ന്ത​ര്‍പാ​ഠ​ത്തെ അ​വ പു​തി​യ ദ​ര്‍ശ​ന​മാ​യി മാ​റ്റി​യെ​ഴു​തു​ക​യോ ആ ​മാ​തൃ​ക​യി​ല്‍ പു​തി​യ ദ​ര്‍ശ​നം അ​വ​ത​രി​പ്പി​ക്കു​ക​യോ ചെ​യ്യു​ന്നു. സാ​ഹി​തീ​യ​ത​യു​ടെ സാ​ര്‍വ​ജ​നീ​ന​ സ്വ​ഭാ​വം​കൂ​ടി​യാ​ണ് ഇ​ത്ത​രം പാ​ഠാ​ന്ത​ര​ബ​ന്ധ​ങ്ങ​ള്‍ സൃ​ഷ്ടി​ക്കു​ന്ന​ത്. ഈ ​അ​ര്‍ഥ​ത്തി​ല്‍ എ​ല്ലാ സാ​ഹി​ത്യ​കൃ​തി​ക​ളും പാ​ഠാ​ന്ത​ര​ത്വം പു​ല​ര്‍ത്തു​ന്ന​വ​യാ​ണെ​ന്നു പ​റ​യാം. 'നി​ല​വി​ളി​ക്കു​ന്നി'​ലെ അ​ത്ത​രം അ​ന്ത​ര്‍/​പൂ​ര്‍വ​പാ​ഠ​ങ്ങ​ളി​ല്‍ മു​ഖ്യ​മാ​ണ് അ​ഗ​ദ​ത​ന്ത്രം. ഷേ​ക്സ്പി​യ​റു​ടെ 'ഒ​ഥല്ലോ'​യും ഒ​രു അ​ന്ത​ര്‍പാ​ഠ​മാ​യി ഈ ​നോ​വെ​ല്ല​യെ പ്ര​ചോ​ദി​പ്പി​ക്കു​ന്നു​ണ്ട്.


ഒഥെല്ലോയു​ടെ ബോ​ധപൂ​ര്‍വ​മാ​യ അ​നു​ക​ര​ണ​മോ ആ ​ദു​ര​ന്ത​നാ​ട​ക​ത്തി​ലെ ഇ​തി​വൃ​ത്ത​ത്തി​ന്‍റെ മാ​റ്റി​യെ​ഴു​ത്തോ അ​ല്ല 'നി​ല​വി​ളി​ക്കു​ന്ന്'. ഇ​തി​വൃ​ത്ത​പ​ര​മാ​യി അ​വ ത​മ്മി​ല്‍ ബ​ന്ധ​മൊ​ന്നു​മി​ല്ല. ഏ​ഷ​ണി കേ​ട്ട് ജാ​ര​സം​സ​ര്‍ഗം സം​ശ​യി​ച്ച നാ​യ​ക​ന്‍ ന​ട​ത്തു​ന്ന ഭാ​ര്യാ​ഹ​ത്യ എ​ന്ന പ്ര​മേ​യ​ത്തി​ന്‍റെ സാ​ര്‍വ​ലൗ​കി​ക​ത​യാ​ണ് ഒഥെല്ലോയു​മാ​യി നി​ല​വി​ളി​ക്കു​ന്നി​നു​ള്ള നേ​ര്‍ബ​ന്ധം. ഇ​യാ​ഗോ ന​ട​ത്തു​ന്ന ഏ​ഷ​ണി​യെ​യും ഒഥെല്ലോയി​ല്‍ ഉ​ണ്ടാ​കു​ന്ന സം​ശ​യ​രോ​ഗ​ത്തെ​യും വി​ഷ​ത്തോ​ടും വി​ഷ​പ്ര​യോ​ഗ​ത്തോ​ടും ബ​ന്ധ​പ്പെ​ടു​ത്തു​ന്ന ഒഥെല്ലോയി​ലെ രീ​തി അ​തി​നെ നി​ല​വി​ളി​ക്കു​ന്നി​ന്‍റെ പ​രോ​ക്ഷ​മാ​യ അ​ന്ത​ര്‍പാ​ഠ​മാ​യി മാ​റ്റു​ന്നു. ക​രു​തി​ക്കൂ​ട്ടി​യു​ള്ള അ​നു​ക​ര​ണ​മോ ആ​ശ​യ​സ്വീ​ക​ര​ണ​മോ അ​ല്ല, സാ​ഹി​ത്യ​വ്യ​വ​സ്ഥ​ക്കു​ള്ളി​ല്‍ ന​ട​ക്കു​ന്ന നേ​രി​ട്ടു ബ​ന്ധ​മൊ​ന്നു​മി​ല്ലാ​ത്ത പാ​ഠാ​ന്ത​ര​ബ​ന്ധം മാ​ത്ര​മാ​ണ​ത്; വ്യ​ത്യ​സ്ത​മാ​യ സാം​സ്കാ​രി​ക​സ​ന്ദ​ര്‍ഭ​ങ്ങ​ളി​ല്‍ ഒ​രു സാ​ര്‍വ​ലൗ​കി​ക പ്ര​മേ​യ​ത്തി​ന്‍റെ വ്യ​ത്യ​സ്ത​മാ​യ ആ​വി​ഷ്ക​ര​ണം. ഇ​യാ​ഗോ എ​ന്ന പ​താ​ക​വാ​ഹ​ക​നാ​യ കീ​ഴ്ജീ​വ​ന​ക്കാ​ര​ന്‍റെ ഏ​ഷ​ണി​കേ​ട്ട് അ​സൂ​യ​യും ജാ​ര​സം​സ​ര്‍ഗ​സം​ശ​യ​വും മൂ​ത്താ​ണ് വെ​നീ​സി​ലെ ക​റു​ത്ത​വ​ര്‍ഗ​ക്കാ​ര​നാ​യ പ​ട​നാ​യ​ക​ന്‍ ഒ​ഥ​ല്ലോ ഭാ​ര്യ ഡെ​സ്ഡി​മോ​ണ​യെ കൊ​ന്ന​ത്. ത​നി​ക്കു കീ​ഴി​ല്‍ ജോ​ലി​ചെ​യ്യു​ന്ന സൈ​നി​ക​നാ​യ കാ​സി​യോ​യു​മാ​യി ഡെ​സ്ഡി​മോ​ണ​ക്കു ജാ​ര​ബ​ന്ധ​മു​ണ്ടെ​ന്ന ഏ​ഷ​ണി അ​യാ​ളെ സം​ശ​യ​രോ​ഗി​യും കൊ​ല​യാ​ളി​യു​മാ​ക്കി. സ​ത്യം വെ​ളി​പ്പെ​ട്ട​പ്പോ​ള്‍ ആ​ത്മ​ഹ​ത്യ​യി​ലു​മെ​ത്തി​ച്ചു. ഒഥെല്ലോക്കി​ല്ലാ​ത്ത​തെ​ല്ലാം കാ​സി​യോ​ക്കു​ണ്ട്; വെ​ളു​ത്ത​നി​റം, യൂ​റോ​പ്യ​ന്‍ സൗ​ന്ദ​ര്യം, യു​വ​ത്വം, പ്ര​ഭു​ത്വം. ഇ​യാ​ഗോ പ്ര​യോ​ഗി​ച്ച ശ​ങ്കാ​വി​ഷം മാ​ത്ര​മ​ല്ല, കാ​സി​യോ​യു​ടെ യോ​ഗ്യ​ത​ക​ളു​മാ​യി ത​ട്ടി​ച്ചു​നോ​ക്കു​മ്പോ​ള്‍ ത​ന്‍റെ സ്ഥാ​ന​ത്തെ​പ്പ​റ്റി ഒഥെല്ലോക്കു​ണ്ടാ​കു​ന്ന സം​ശ​യ​വും അ​തി​ല്‍നി​ന്നു​ണ്ടാ​കു​ന്ന അ​സൂ​യ​യും ആ ​അ​റു​കൊ​ല​ക്കു പി​ന്നി​ലു​ണ്ട്. ഭാ​ര്യ​യു​ടെ ചാ​രി​ത്ര്യ​ത്തെ​ക്കു​റി​ച്ചു​ള്ള ആ​രോ​പ​ണം​മൂ​ലം ഒഥെല്ലോക്ക് അ​വ​ളി​ലു​ള്ള തൃ​ഷ്ണ ന​ഷ്ട​പ്പെ​ടു​ന്നി​ല്ല, പ​ക്ഷേ, അ​തി​ന്‍റെ സ്വ​ഭാ​വം മാ​റു​ന്നു. ഈ ​അ​വ​സ്ഥാ​ന്ത​ര​ങ്ങ​ളെ​ല്ലാം ഗോ​വി​ന്ദ​നി​ലു​മു​ണ്ട്. താ​ന്‍ ക​റു​ത്ത നി​റ​മു​ള്ള​വ​നും പ്രാ​യം കൂ​ടി​യ​വ​നും സ​ല്ലാ​പ​ചാ​തു​ര്യ​മി​ല്ലാ​ത്ത​വ​നു​മാ​ണെ​ന്നു വി​ചാ​രി​ക്കു​ന്ന ഒഥെല്ലോയെ​പ്പോ​ലെ ഗോ​വി​ന്ദ​നും ത​ന്‍റെ സ്ഥാ​ന​ത്തെ​പ്പ​റ്റി സം​ശ​യാ​ലു​വാ​ണ്. വേ​ശു​ക്കു​ട്ട​നെ സാ​ക്ഷി​നി​ര്‍ത്തി ചെ​റി​യ​ച്ഛ​ന്‍ എ​റി​ഞ്ഞ സം​ശ​യ​വി​ത്ത് മു​ള​ച്ചു​വ​രു​മ്പോ​ള്‍ ത​ന്‍റെ സാ​മൂ​ഹി​ക​സ്ഥാ​ന​ത്തെ​പ്പ​റ്റി​യു​ള്ള സം​ശ​യം അ​യാ​ളി​ല്‍ വ​ര്‍ധി​ക്കു​ന്നു. ''വേ​ശു​ക്കു​ട്ട​ന്‍റെ അ​ല​ക്കി​വെ​ളു​പ്പി​ച്ച ഇ​ല്ലി​ക്കു​ന്നു​മു​ണ്ടി​ലും സ്വ​ര്‍ണം കെ​ട്ടി​ച്ച രു​ദ്രാ​ക്ഷ​മാ​ല​യി​ലും ഗോ​വി​ന്ദ​ന്‍ ക​ണ്ണോ​ടി​ച്ചു. പൊ​ടി​പ​റ്റി​യ സ്വ​ന്തം ദേ​ഹ​വും ഏ​ക​താ​ന​മാ​യ പ​ല​ച​ര​ക്കു​ക​ച്ച​വ​ട​വും പു​റ​ത്തേ​ക്കു വ​ഴി​ക​ളി​ല്ലാ​ത്ത മൂ​ടി​ക്കെ​ട്ടി​യ മൗ​ന​വും അ​യാ​ള്‍ക്കു മ​നം​പു​ര​ട്ട​ലു​ണ്ടാ​ക്കി''​യെ​ന്ന് ന​ന്ദ​കു​മാ​ര്‍ എ​ഴു​തു​ന്നു. ഇ​യാ​ഗോ-​ഒ​ഥ​ല്ലോ-​കാ​സി​യോ-​ഡെ​സ്ഡി​മോ​ണ ച​തു​ഷ്ട​യ​ത്തെ​യാ​ണ് ചെ​റി​യ​ച്ഛ​ന്‍-​ഗോ​വി​ന്ദ​ന്‍-​വേ​ശു​ക്കു​ട്ട​ന്‍-​ദാ​ക്ഷാ​യ​ണി ച​തു​ഷ്ട​യ​ത്തി​ല്‍ കാ​ണു​ന്ന​തെ​ന്ന് പ്ര​ത്യ​ക്ഷ​സ​മാ​ന​ത​ക​ളി​ല്‍ കൗ​തു​ക​മു​ള്ള​വ​ര്‍ക്കു തോ​ന്നാ​നി​ട​യു​ണ്ടെ​ങ്കി​ലും ഒ​ഥെ​ല്ലോ​യി​ലെ ഏ​ഷ​ണി, അ​സൂ​യ, വം​ശീ​യ​ത തു​ട​ങ്ങി​യ പ്ര​മേ​യ​ങ്ങ​ള്‍ തീ​ര്‍ത്തും വ്യ​ത്യ​സ്ത​മാ​യ സാം​സ്കാ​രി​ക​സ​ന്ദ​ര്‍ഭ​ങ്ങ​ളി​ലും സൂ​ച​ക​ങ്ങ​ളി​ലു​മാ​ണ് നി​ല​വി​ളി​ക്കു​ന്നി​ല്‍ പ​രി​ച​ര​ണ​വി​ധേ​യ​മാ​കു​ന്ന​ത്. ആ ​പ്ര​മേ​യ സാ​ര്‍വ​ലൗ​കി​ക​ത​യെ സാ​ഹി​ത്യ​വു​മാ​യി ബ​ന്ധ​മൊ​ന്നു​മി​ല്ലാ​ത്ത ഭാ​ര​തീ​യ വി​ഷ​ചി​കി​ത്സ​യു​ടെ​യും ര​സാ​യ​ന​വി​ദ്യ​യു​ടെ​യും അ​ന്ത​ര്‍പാ​ഠ​ങ്ങ​ളു​മാ​യും ഉ​ത്സ​വ​ത്തി​ന്‍റെ​യും വാ​ദ്യ​ക​ല​യു​ടെ​യും സാം​സ്കാ​രി​ക​സൂ​ച​ന​ക​ളു​മാ​യും കൂ​ട്ടി​യി​ണ​ക്കു​ന്ന​താ​ണ് 'നി​ല​വി​ളി​ക്കു​ന്നി'​ലെ ആ​ഖ്യാ​ന​കം.

വി​ഷം​കൊ​ടു​ത്തു​ള്ള പ്ര​ച്ഛ​ന്ന​മാ​യ കൊ​ല​യ​ല്ല ക​ഴു​ത്തു ഞെ​രി​ച്ചു​ള്ള പ്ര​ത്യ​ക്ഷ​മാ​യ കൊ​ല​യാ​ണ് ഒ​ഥെ​ല്ലോ ന​ട​ത്തു​ന്ന​ത്. ശ​ങ്കാ​വി​ഷ​ത്തി​ല്‍നി​ന്നു​ണ്ടാ​യ അ​സൂ​യാ​വി​ഷം അ​തി​ന്‍റെ പ്രേ​ര​ണ​യാ​യ​തി​നാ​ല്‍ ഷേ​ക്സ്പി​യ​ര്‍ പ​ല സ​ന്ദ​ര്‍ഭ​ങ്ങ​ളി​ലും വി​ഷ​ക​ൽ​പ​ന​ക​ള്‍ പ്ര​യോ​ഗി​ക്കു​ന്നു. ഡെ​സ്ഡി​മോ​ണ​യു​ടെ പി​താ​വാ​യ ബ്ര​ബാ​ന്‍റി​യോ​യു​ടെ ആ​ഹ്ലാ​ദ​ത്തി​ല്‍ വി​ഷം ക​ല​ര്‍ത്ത​ണ​മെ​ന്നും ചെ​വി​യി​ല്‍ താ​ന്‍ വി​ഷ​മൊ​ഴി​ക്കു​മെ​ന്നും സ്വ​യം പ്ര​ഖ്യാ​പി​ക്കു​ന്ന ഇ​യാ​ഗോ സൃ​ഷ്ടി​ച്ച ശ​ങ്കാ​വി​ഷം അ​തി​വേ​ഗ​ത്തി​ല്‍ ഫ​ലം കാ​ണു​ന്നു. ത​ന്‍റെ വി​ഷ​ത്തി​നൊ​ത്ത് ഒ​ഥെ​ല്ലോ മാ​റി​ത്തു​ട​ങ്ങി​യെ​ന്നും ര​ക്ത​ത്തി​ല്‍ പ്ര​വ​ര്‍ത്തി​ച്ചു​തു​ട​ങ്ങു​മ്പോ​ള്‍ അ​ത് ഗ​ന്ധ​ക​ഖ​നി​പോ​ലെ ആ​ളി​ക്ക​ത്തു​മെ​ന്നും പ​റ​യു​ന്ന ഇ​യാ​ഗോ കൊ​ല​ക്ക് വി​ഷം ചോ​ദി​ക്കു​ന്ന ഒ​ഥെ​ല്ലോ​ക്ക് ക​ഴു​ത്തു​ഞെ​രി​ച്ചു​കൊ​ല്ലാ​നു​ള്ള ഉ​പ​ദേ​ശ​വും ന​ല്‍കു​ന്നു. ഡെ​സ്ഡി​മോ​ണ​യെ​പ്പ​റ്റി അ​പ​വാ​ദം പ​റ​യു​ന്ന​വ​നെ ദൈ​വം സ​ര്‍പ്പ​ശാ​പം​കൊ​ണ്ടു ശി​ക്ഷി​ക്ക​ട്ടെ​യെ​ന്ന് എ​മീ​ലി​യ ശ​പി​ക്കു​ന്നു. സ​ത്യം തി​രി​ച്ച​റി​ഞ്ഞ ഒ​ഥെ​ല്ലോ ഇ​യാ​ഗോ​യെ അ​ണ​ലി​യെ​ന്നു വി​ളി​ക്കു​ന്നു. ഒ​ഥെ​ല്ലോ​യു​ടെ​യും ഡെ​സ്ഡി​മോ​ണ​യു​ടെ​യും മൃ​ത​ദേ​ഹ​ങ്ങ​ള്‍ കാ​ഴ്ച​യി​ല്‍ വി​ഷം ക​ല​ര്‍ത്തു​ന്ന​തി​നാ​ല്‍ മ​റ​യ്ക്കാ​നാ​യി ലൊ​ഡോ​വി​ക്കോ നി​ർ​ദേ​ശി​ക്കു​ന്നി​ട​ത്താ​ണ് നാ​ട​കം അ​വ​സാ​നി​ക്കു​ന്ന​ത്. വി​നാ​ശ​ത്തി​ന്‍റെ​യും മ​ലി​നീ​ക​ര​ണ​ത്തി​ന്‍റെ​യും വ്യാ​ധി​യു​ടെ​യും പ്ര​തീ​ക​മാ​ണ് ഒ​ഥെ​ല്ലോ​യി​ല്‍ വി​ഷം. ആ ​രൂ​പ​ക​ധ​ര്‍മ​ത്തി​ന​പ്പു​റം വി​ഷം എ​ന്ന ഭൗ​തി​ക​വ​സ്തു​വി​ന് അ​വി​ടെ സ്ഥാ​ന​മി​ല്ല. സ​ത്യം മ​ന​സ്സി​ലാ​ക്കി​യ ഒ​ഥെ​ല്ലോ ആ​ത്മ​ഹ​ത്യ​യി​ലൂ​ടെ ശ​ങ്കാ​വി​ഷം​കൊ​ണ്ട് താ​ന്‍ ചെ​യ്ത പാ​ത​ക​ത്തി​ന്‍റെ പാ​പ​മേ​റ്റു പ​റ​യു​ന്ന​ത് അ​വ​ത​രി​പ്പി​ച്ച് കാ​ണി​ക​ള്‍ക്കു സ​മാ​ശ്വാ​സം​ന​ല്‍കു​ന്ന വി​കാ​ര​വി​മ​ലീ​ക​ര​ണ​മെ​ന്ന ദു​ര​ന്ത​നാ​ട​ക​ല​ക്ഷ്യം നി​വ​ര്‍ത്തി​ച്ച് ഷേ​ക്സ്പി​യ​ര്‍ പി​ന്മാ​റു​ന്നു. ഒ​രു​ത​രം വി​ഷ​ശ​മ​ന​മാ​ണ​ത്.

ശ​മി​ക്കാ​തെ തു​ട​രു​ന്ന വി​ഷ​ത്തി​ന്‍റെ​യും അ​തി​ന്‍റെ വേ​ഗ​ങ്ങ​ളു​ടെ​യും ലോ​ക​മാ​ണ് നി​ല​വി​ളി​ക്കു​ന്ന്. വി​ഷം നി​ര്‍വ​ഹി​ക്കു​ന്ന മ​ലി​നീ​ക​ര​ണം, ദു​ര​ന്ത​ദുഃ​ശ​ങ്ക ഇ​വി​ടെ ക​ഥാ​സ​മാ​പ്തി​യു​ടെ വി​കാ​ര​വി​മ​ലീ​ക​ര​ണം​കൊ​ണ്ടു നി​വ​ര്‍ത്തി​ക്ക​പ്പെ​ടു​ന്നി​ല്ല. ഏ​ഷ​ണി​യും അ​സൂ​യ​യും സം​ശ​യ​വും വി​ഷം​ത​ന്നെ​യെ​ന്ന സാ​ര്‍വ​ലൗ​കി​ക​ഭാ​വ​ന നി​ല​വി​ളി​ക്കു​ന്നി​ല്‍ അ​ഗ​ദ​ത​ന്ത്ര​ത്തി​ന്‍റെ അ​ന്ത​ര്‍പാ​ഠ​വു​മാ​യി കൂ​ട്ടി​യി​ണ​ക്ക​പ്പെ​ട്ട് വി​ഷം എ​ന്ന ഭൗ​തി​ക​വ​സ്തു​വും മ​നു​ഷ്യ​നു​മാ​യു​ള്ള ബ​ന്ധ​ത്തി​ന്‍റെ ഗ​ഹ​ന​ത​ല​ങ്ങ​ളി​ലേ​ക്കു നീ​ങ്ങു​ന്നു. ശ​ങ്കാ​വി​ഷം ബാ​ധി​ച്ച ഗോ​വി​ന്ദ​നി​ല്‍ അ​ത് അ​ഗ​ദ​ത​ന്ത്ര​ത്തി​ലെ ദൂ​ഷീ​വി​ഷ​സ​ങ്ക​ൽ​പ​ത്തോ​ടു ചേ​ര്‍ന്നു​പോ​കു​ന്ന അ​സൂ​യാ​വി​ഷ​മാ​യി മാ​റു​ക​യും വി​ഷ​ബാ​ധ​യാ​ലു​ള്ള ഉ​ന്മാ​ദാ​വ​സ്ഥ​യി​ലെ​ത്തി​ച്ച് ഒ​ടു​വി​ല്‍ അ​യാ​ളെ യ​ഥാ​ര്‍ഥ​മാ​യ കൃ​ത്രി​മ​വി​ഷ​പ്ര​യോ​ഗ​ത്തി​ലൂ​ടെ​യു​ള്ള ഭാ​ര്യാ​ഹ​ത്യ​ക്കു പ്രേ​രി​പ്പി​ക്കു​ക​യും ചെ​യ്യു​ന്ന​താ​ണ് നി​ല​വി​ളി​ക്കു​ന്നി​ല്‍ നാം ​കാ​ണു​ന്ന​ത്. സ്ഥാ​വ​ര​വും ജം​ഗ​മ​വും കൃ​ത്രി​മ​വു​മാ​യ വി​ഷ​ങ്ങ​ള്‍ ശ​രീ​ര​ത്തി​ല്‍ ദീ​ര്‍ഘ​കാ​ലം ത​ങ്ങി​നി​ന്ന് പ​ല​ത​രം രോ​ഗ​ങ്ങ​ള്‍ സൃ​ഷ്ടി​ക്കു​ന്ന അ​വ​സ്ഥാ​വി​ശേ​ഷ​ത്തെ​യാ​ണ് ആ​യു​ര്‍വേ​ദം ദൂ​ഷീ​വി​ഷ​മെ​ന്നു വി​ശേ​ഷി​പ്പി​ക്കു​ന്ന​ത്. പ്ര​ത്യേ​ക​ത​രം വി​ഷ​മ​ല്ലാ​ത്ത ദൂ​ഷീ​വി​ഷ​ത്തി​ന്‍റെ കാ​ര​ണ​ങ്ങ​ള്‍ വേ​ണ്ട​വി​ധം ശു​ചി​യാ​ക്കാ​ത്ത മൂ​ലി​ക​ക​ളും ദോ​ഷ​ദൂ​ഷ്യ​വി​ചാ​ര​വും പ​ഥ്യ​വും കൂ​ടാ​തെ ഉ​പ​യോ​ഗി​ക്കു​ന്ന ഔ​ഷ​ധ​ങ്ങ​ളും വി​രു​ദ്ധാ​ഹാ​ര​വു​മൊ​ക്കെ​യാ​ണെ​ന്നാ​ണു വൈ​ദ്യ​വി​ധി. അ​സ്വ​സ്ഥ​ത​യ​മ​ര്‍ത്താ​നു​ള്ള നി​ര​ന്ത​ര​മാ​യ ദ്രാ​ക്ഷി​രാ​സ​വ​പാ​ന​വും വൈ​ദ്യ​രു​ടെ രാ​സ​പ​രീ​ക്ഷ​ണ​ശാ​ല​യി​ലെ ഇ​ട​പ​ഴ​ക​ലും വി​ഷ​ക്കൂ​ട്ടു​ക​ള്‍ ഗ്ര​ഹി​ക്ക​ലും ഗോ​വി​ന്ദ​നി​ല്‍ ശ​ങ്കാ​വി​ഷം മാ​ത്ര​മ​ല്ല ദൂ​ഷീ​വി​ഷ​വും നി​റ​ച്ചു​വെ​ന്നു മ​ന​സ്സി​ലാ​ക്കാ​വു​ന്ന​തേ​യു​ള്ളൂ.


ഒ​രേ​സ​മ​യം വി​ഷ​ബാ​ധി​ത​നും വി​ഷ​കാ​ര​ക​നു​മാ​ണ് ഗോ​വി​ന്ദ​ന്‍; ദം​ശി​ത​നും ദം​ശ​ക​നും. പൊ​ടു​ന്ന​നെ​യു​ണ്ടാ​യ വി​ഷ​ബാ​ധ​യ​ല്ല അ​യാ​ളു​ടേ​ത്. വി​വാ​ഹ​ത്തി​ന്‍റെ ആ​ദ്യ​നാ​ളു​ക​ളി​ല്‍ ദാ​ക്ഷാ​യ​ണി​യെ​പ്പ​റ്റി ചെ​റി​യ​ച്ഛ​ന്‍ പ​റ​ഞ്ഞ മു​ന​വെ​ച്ച വാ​ക്കു​കേ​ട്ട് സം​ശ​യാ​ലു​വും അ​സൂ​യാ​ലു​വു​മാ​യ ഗോ​വി​ന്ദ​ന്‍ പൊ​ടു​ന്ന​നെ ഭാ​ര്യാ​ഹ​ത്യ​ക്ക് ചാ​ടി​പ്പു​റ​പ്പെ​ടു​ന്നി​ല്ല. സ​ര്‍വാം​ഗം ഒ​രു മ​ര​വി​പ്പു ബാ​ധി​ച്ചെ​ങ്കി​ലും ദാ​ക്ഷാ​യ​ണി​യോ​ടു​ള്ള അ​യാ​ളു​ടെ തൃ​ഷ്ണ കു​റ​യു​ന്നു​മി​ല്ല. തൃ​ഷ്ണാ​രാ​ഹി​ത്യ​ത്തി​ല്‍നി​ന്ന​ല്ല തൃ​ഷ്ണ​യി​ല്‍നി​ന്നാ​ണ് പി​ന്നീ​ടു​ള്ള വ​ര്‍ഷ​ങ്ങ​ളി​ല്‍ പ​ഴ​ക്കം​ചെ​ന്ന ദൂ​ഷീ​വി​ഷ​ത്തെ​പ്പോ​ലെ സം​ശ​യ​വും അ​സൂ​യ​യും കൊ​ല​പാ​ത​ക​വാ​സ​ന​യും അ​യാ​ളി​ല്‍ രൂ​പ​പ്പെ​ടു​ന്ന​ത്. ചെ​റി​യ​ച്ഛ​ന്‍റെ ഏ​ഷ​ണി​യെ​ക്കാ​ള്‍ വേ​ശു​ക്കു​ട്ട​ന്‍റെ സാ​ന്നി​ധ്യ​മാ​ണ് അ​തി​നു കാ​ര​ണം. ഒ​ടു​വി​ല്‍ വൈ​ര​ത്തി​ലേ​ക്കും ഹ​ത്യ​യി​ലേ​ക്കും ഗോ​വി​ന്ദ​നെ കൊ​ണ്ടു​ചെ​ന്നെ​ത്തി​ക്കു​ന്ന ഈ ​മ​നോ​നി​ല​യെ അ​നു​ക​ര​ണാ​ത്മ​ക​തൃ​ഷ്ണ എ​ന്നു​വി​ളി​ക്കാം. മ​നു​ഷ്യ​ര്‍ ത​മ്മി​ലു​ള്ള ക​ല​ഹ​ത്തി​നും വൈ​ര​ത്തി​നും കാ​ര​ണം അ​വ​രു​ടെ പ​ര​സ്പ​ര​വ്യ​ത്യാ​സ​ങ്ങ​ള​ല്ല, മ​റി​ച്ച് അ​വ​ര്‍ സ​മാ​ന​രും സ​മാ​ന​വ​സ്തു​ക്ക​ള്‍ ആ​ഗ്ര​ഹി​ക്കു​ന്ന​വ​രു​മാ​യി​രി​ക്കു​ന്ന​താ​ണ്. ഭ​ക്ഷ​ണ​വും ര​തി​യും അ​പൂ​ര്‍വ​വ​സ്തു​ക്ക​ളു​മൊ​ക്കെ എ​ല്ലാ മ​നു​ഷ്യ​രും ഒ​രു​പോ​ലെ ആ​ഗ്ര​ഹി​ക്കു​ന്നു. അ​പ​ര​ന് അ​സൂ​യ​യു​ണ്ടാ​ക്കു​ന്ന​തു സ്വ​ന്ത​മാ​ക്കാ​നാ​ണ് മ​നു​ഷ്യ​ന്‍റെ ആ​ഗ്ര​ഹം. മ​റ്റു ജീ​വി​ക​ളി​ല്‍നി​ന്നു വ്യ​ത്യ​സ്ത​മാ​യി അ​നു​ക​ര​ണ​ശേ​ഷി​യും ആ​സൂ​ത്ര​ണ​ശേ​ഷി​യും തി​ര​ഞ്ഞെ​ടു​പ്പി​നു​ള്ള സ്വ​ത​ന്ത്ര​ത​യും മ​നു​ഷ്യ​നു​ണ്ട്. ഇ​തി​ലെ​ല്ലാം തൃ​ഷ്ണ​യു​ടെ നി​ര്‍ണാ​യ​ക​മാ​യ ഒ​രം​ശ​മു​ണ്ട്. ക്രി​യ​ക​ള്‍ അ​നു​ക​രി​ക്കു​ക​യും ആ​ന്ത​രി​ക​യാ​ഥാ​ര്‍ഥ്യ​ങ്ങ​ള്‍ പ്ര​തി​നി​ധാ​നം ചെ​യ്യു​ക​യും മാ​ത്ര​മ​ല്ല, മ​റ്റു മ​നു​ഷ്യ​രു​ടെ തൃ​ഷ്ണ​ക​ള്‍ അ​നു​ക​രി​ക്കു​ക​യും​കൂ​ടി ചെ​യ്യു​ന്ന​താ​ണ് മ​നു​ഷ്യ​സ്വ​ഭാ​വം. സ്വ​ന്തം തി​ര​ഞ്ഞെ​ടു​പ്പി​നു​ള്ള മ​നു​ഷ്യ​ന്‍റെ സ്വ​ത​ന്ത്ര​ത ഇ​ച്ഛാ​നു​സാ​രി​ത്വ​ത്തി​നൊ​പ്പം അ​പ​ക​ട​സാ​ധ്യ​ത​യും അ​നി​ശ്ചി​ത​ത്വ​വും​കൂ​ടി സൃ​ഷ്ടി​ക്കു​ന്നു. എ​ന്താ​ണു തി​ര​ഞ്ഞെ​ടു​ക്കേ​ണ്ട​തെ​ന്നു മു​ന്‍കൂ​ട്ടി അ​റി​യാ​ത്ത​തി​നാ​ല്‍ മ​നു​ഷ്യ​ന്‍ അ​പ​ര​രി​ലേ​ക്കു നോ​ക്കു​ന്നു; അ​പ​ര​ര്‍ ആ​ഗ്ര​ഹി​ക്കു​ന്ന​ത് അ​വ​നും ആ​ഗ്ര​ഹി​ക്കു​ന്നു. മ​നു​ഷ്യ​പ്ര​കൃ​തി​യു​ടെ ഈ ​സ്വ​ഭാ​വ​ത്തെ അ​നു​ക​ര​ണാ​ത്മ​ക​തൃ​ഷ്ണ​യെ​ന്നു വി​ളി​ച്ച​ത് ഫ്ര​ഞ്ച് ച​രി​ത്ര​കാ​ര​നും സാ​മൂ​ഹി​ക​ശാ​സ്ത്ര​ചി​ന്ത​ക​നും നി​രൂ​പ​ക​നു​മൊ​ക്കെ​യാ​യ റെ​നെ ഷി​രാ​റാ​ണ്. ഉ​ൽ​പ​ത്തി മി​ത്തു​ക​ളും യൂ​റോ​പ്യ​ന്‍ ക്ലാ​സി​ക് നോ​വ​ലു​ക​ളും ഷേ​ക്സ്പി​യ​ര്‍ നാ​ട​ക​ങ്ങ​ളു​മെ​ല്ലാം വി​ശ​ക​ല​നം ചെ​യ്തു​കൊ​ണ്ടാ​ണ് അ​നു​ക​ര​ണ​തൃ​ഷ്ണ​യെ​ക്കു​റി​ച്ചു​ള്ള സി​ദ്ധാ​ന്ത​ങ്ങ​ള്‍ ഷി​രാ​ര്‍ രൂ​പ​പ്പെ​ടു​ത്തി​യി​ട്ടു​ള്ള​ത്. ഒ​രേ വ​സ്തു​വി​നോ​ട് ഒ​ട്ടേ​റെ​പ്പേ​ര്‍ക്കു തൃ​ഷ്ണ​യു​ണ്ടാ​വു​മ്പോ​ള്‍ സ്വാ​ഭാ​വി​ക​മാ​യും അ​സൂ​യ​യും മ​ത്സ​ര​വും ശ​ത്രു​ത​യു​മു​ണ്ടാ​കും. അ​വ സാ​മൂ​ഹി​ക​സം​ഘ​ര്‍ഷ​ത്തി​ന്‍റെ സ്രോ​ത​സ്സു​പോ​ലു​മാ​യി​ത്തീ​രും. ഇ​തി​ഹാ​സ​ങ്ങ​ളി​ലും മ​ഹ​ത്താ​യ നോ​വ​ലു​ക​ളി​ലും അ​തി​ന്‍റെ ആ​വി​ഷ്കാ​ര​ങ്ങ​ള്‍ കാ​ണാം. ശ​രി​തെ​റ്റു​ക​ളൊ​ന്നും നോ​ക്കാ​തെ ഒ​രു ബ​ലി​യാ​ടി​നെ ക​ണ്ടെ​ത്തി ന​ശി​പ്പി​ച്ചു​കൊ​ണ്ട് അ​നു​ക​ര​ണാ​ത്മ​ക​തൃ​ഷ്ണ നി​യ​ന്ത്രി​ച്ച് പ്രാ​ചീ​ന​ജ​ന​വി​ഭാ​ഗ​ങ്ങ​ള്‍ സ​മൂ​ഹ​ത്തി​ലെ ഐ​ക്യ​വും സ​മാ​ധാ​ന​വും നി​ല​നി​ര്‍ത്തി​യ​ത് ഉ​ൽ​പ​ത്തി​പു​രാ​ണ​ങ്ങ​ള്‍ വി​ശ​ക​ല​നം ചെ​യ്തു​കൊ​ണ്ട് ഷി​രാ​ര്‍ വി​ശ​ദീ​ക​രി​ച്ചി​ട്ടു​ണ്ട്.

(തുടരും)

News Summary - pk rajashekharan review about nilavilikkunnukal