Begin typing your search above and press return to search.
proflie-avatar
Login

ഒ​റ്റ​രാ​ത്രി​യി​ല്‍ ഒ​രാ​യി​രം സ്വ​പ്ന​ങ്ങ​ള്‍

ഒ​റ്റ​രാ​ത്രി​യി​ല്‍ ഒ​രാ​യി​രം സ്വ​പ്ന​ങ്ങ​ള്‍
cancel

തി​യോ​ക്രി​റ്റ​സി​ന്‍റെ അ​ജ​പാ​ല ക​വി​ത​യെ മാ​തൃ​ക​യാ​ക്കി (പാ​സ്റ്റോ​റ​ല്‍ പോ​യ​ട്രി) വെ​ര്‍ജി​ന്‍ എ​ഴു​തി​യ കാ​വ്യ​മാ​ണ് 'എ​ക്ലോ​ഗ്സ്'. ഒ​രു കൃ​ഷി​യി​ടം ന​ട​ത്തി​ക്കൊ​ണ്ടു​പോ​കു​ന്ന രീ​തി​യി​ലാ​ണ് ക​വി​ത​യെ​ഴു​തി​യി​ട്ടു​ള്ള​ത്. അ​തി​ന് നാ​ട​ന്‍ പ്രേ​മ​വും ക​വി​താ മ​ത്സ​ര​വും ഗ്രാ​മീ​ണ ജീ​വി​ത​വും കൃ​ഷി​യും പ​ള്ളി​ക്കൂ​ട​വും പി​ണ​ക്ക​വു​മെ​ല്ലാം വ​രു​ന്നു​ണ്ട്. മാ​ത്ര​മ​ല്ല, വി​ള​ക​ളും ക​ന്നു​കാ​ലി​ക​ളും തേ​നീ​ച്ച​ക​ളും കു​തി​ര​ക​ളും ചി​ത്ര​ശ​ല​ഭ​ങ്ങ​ളും കൗ​തു​ക​ത്തോ​ടെ ജീ​വി​ത​ത്തെ ആ​ഘോ​ഷ​മാ​ക്കു​ന്ന​തി​ന്‍റെ മ​നോ​ഹ​ര ചി​ത്ര​ങ്ങ​ളു​മു​ണ്ട്....

Your Subscription Supports Independent Journalism

View Plans

തി​യോ​ക്രി​റ്റ​സി​ന്‍റെ അ​ജ​പാ​ല ക​വി​ത​യെ മാ​തൃ​ക​യാ​ക്കി (പാ​സ്റ്റോ​റ​ല്‍ പോ​യ​ട്രി) വെ​ര്‍ജി​ന്‍ എ​ഴു​തി​യ കാ​വ്യ​മാ​ണ് 'എ​ക്ലോ​ഗ്സ്'. ഒ​രു കൃ​ഷി​യി​ടം ന​ട​ത്തി​ക്കൊ​ണ്ടു​പോ​കു​ന്ന രീ​തി​യി​ലാ​ണ് ക​വി​ത​യെ​ഴു​തി​യി​ട്ടു​ള്ള​ത്. അ​തി​ന് നാ​ട​ന്‍ പ്രേ​മ​വും ക​വി​താ മ​ത്സ​ര​വും ഗ്രാ​മീ​ണ ജീ​വി​ത​വും കൃ​ഷി​യും പ​ള്ളി​ക്കൂ​ട​വും പി​ണ​ക്ക​വു​മെ​ല്ലാം വ​രു​ന്നു​ണ്ട്. മാ​ത്ര​മ​ല്ല, വി​ള​ക​ളും ക​ന്നു​കാ​ലി​ക​ളും തേ​നീ​ച്ച​ക​ളും കു​തി​ര​ക​ളും ചി​ത്ര​ശ​ല​ഭ​ങ്ങ​ളും കൗ​തു​ക​ത്തോ​ടെ ജീ​വി​ത​ത്തെ ആ​ഘോ​ഷ​മാ​ക്കു​ന്ന​തി​ന്‍റെ മ​നോ​ഹ​ര ചി​ത്ര​ങ്ങ​ളു​മു​ണ്ട്. മോ​ഹ​ന​കൃ​ഷ്ണ​ന്‍ കാ​ല​ടി​യു​ടെ ക​വി​ത​ക​ള്‍ വാ​യി​ക്കു​മ്പോ​ള്‍ ഒ​രു സ്വ​പ്ന​ത്തി​ലൂ​ടെ ന​മ്മെ എ​ക്ലോ​ഗ്സി​ന്‍റെ ലോ​ക​ത്തി​ലേ​ക്ക് ന​ട​ത്തി​ക്കൊ​ണ്ടു​പോ​കു​ന്നു. വാ​യി​ച്ചു തീ​രു​മ്പോ​ഴേ​ക്കും ആ ​ക​വി​ത​യി​ലെ എ​പ്പോ​ഴും സ്വ​പ്നം കാ​ണു​ന്ന ക​ഥാ​പാ​ത്ര​മാ​യ ഗാ​ല​സി​ന് ക​വി​യു​ടെ സ്വ​പ്നസ​ന്നി​ഭ​മാ​യ സാ​ദൃ​ശ്യ​വും. ക​ള​ക​ള്‍ വ​ള​രു​ന്ന കാ​വ്യ പൂ​ന്തോ​ട്ട​ത്തി​ല്‍ എ​ന്തെ​ല്ലാ​മാ​ണ് ഓ​ടി​ക്ക​ളി​ക്കു​ന്ന​ത്. ഷ​ഡ്പ​ദ​ങ്ങ​ള്‍, ഓ​ന്തു​ക​ള്‍, അ​ര​ണ​ക​ള്‍, ചി​ല​ന്തി​യാ​ശാ​ന്‍, മേ​ഞ്ഞു​ന​ട​ക്കു​ന്ന ആ​ടും പ​ശു​ക്ക​ളും, പ​രാ​ഗ​ണം ന​ട​ത്തു​ന്ന സ​ര്‍പ്പ​ങ്ങ​ള്‍, പാ​ലൂ​ട്ടി വ​ള​ര്‍ത്തു​ന്ന കീ​രി​ക​ളും മ​ര​പ്പ​ട്ടി​ക​ളും എ​ല്ലാം ആ ​കൃ​ഷി​യി​ട​ത്തി​ല്‍ തി​മി​ര്‍ക്കു​ക​യാ​ണ്. ഒ​രു ഫി​ഡി​ലി​ന്‍റെ സാ​ന്ദ്ര സം​ഗീ​തം ചെ​വി​യോ​ര്‍ത്താ​ല്‍ ന​മു​ക്ക​നു​ഭ​വി​ക്കാം. (ക​ള​ക​ളു​ടെ പൂ​ന്തോ​ട്ടം) അ​ല്ലെ​ങ്കി​ല്‍ ഉ​മ്മ​റ​ത്തി​ണ്ണ​മേ​ലൊ​ന്നു കി​ട​ന്നാ​ല്‍ കാ​റ്റ​ത്തു കൈ​വി​ട്ടു ക​യ​റി​വ​ന്ന ഓ​ർ​മ​ക​ളി​ലൂ​ടെ തി​രി​ച്ചു പ​റ​ന്നു​പോ​കാ​ന്‍ ക​ഴി​യും ('ഉ​ച്ച​മ​യ​ക്കം' എ​ന്ന ക​വി​ത​യി​ലെ ആ​ശ​യം). ഇ​വ​യൊ​െ​ക്ക ന​മു​ക്കു ബ​ഷീ​റി​ന്‍റെ ക​ഥാ​പ​രി​സ​ര​മോ ആ​ശാ​ന്‍റെ പ്ര​കൃ​തി​യാ​കു​ന്ന ക​വി​ത​യോ​ടോ വ്യാ​ഖ്യാ​നി​ച്ച് താ​ര​ത​മ്യ​മ​ട​യാം. പ​ക്ഷേ ഇ​ത് ക​ള​ക​ളു​ടെ (ആ​ര്‍ക്കും വേ​ണ്ടാ​ത്ത) സാ​മൂ​ഹി​ക വ​ര്‍ത്ത​മാ​ന​മാ​ണ്. അ​വ​യി​ല്‍ നി​റ​യു​ന്ന​താ​ക​ട്ടെ വേ​ദ​ന​യു​ടെ പ​രു​ത്ത ഭൂ​മി​ക​യു​മാ​ണ്.

'പാ​തി​രാ പൂ​ന്തോ​ട്ടം' എ​ന്ന ക​വി​ത​യി​ല്‍ എ​ത്ര സ്വ​പ്ന​ങ്ങ​ളാ​ണ് പൂ​ത്തു​വി​ട​രു​ന്ന​ത്. അ​തും ഒ​റ്റ രാ​ത്രി​യി​ലോ ഒ​റ്റ​യു​റ​ക്ക​ത്തി​ലോ!

''ഇ​ല​ക​ള്‍ക്ക​ടി​യി​ല്‍ ഒ​ളി​ച്ചി​രു​ന്ന മി​ന്നാ​മി​നു​ങ്ങു​ക​ള്‍

ത​ട്ടി​ക്കു​ട​ഞ്ഞു പാ​റി...

..............................

ഓ​രോ ഇ​ല​യി​ല്‍നി​ന്ന്

ഓ​രോ ഇ​ത​ളി​ല്‍നി​ന്ന്

ഓ​രോ ക​ല്ലി​ല്‍നി​ന്ന്

ഓ​രോ സൗ​ര​ഭ്യം ചി​റ​ക​ടി​ച്ചു.''

ജീ​വി​ത​ത്തെ അ​സാ​ധാ​ര​ണ​മാ​ക്കാ​ന്‍ അ​തി​നാ​യി ദി​വ​സ​ങ്ങ​ളെ പി​ടി​ച്ചെ​ടു​ക്കാ​നു​മു​ള്ള ക​വി​യു​ടെ നി​താ​ന്ത​മാ​യ ജീ​വി​താ​സ​ക്തി. കാ​ഫ്കേ ഒ​രി​ക്ക​ല്‍ പ്ര​യോ​ഗി​ച്ച രൂ​പ​കം​പോ​ലെ ഒ​രു കൂ​ട് കി​ളി​യെ​ത്തേ​ടി പ​റ​ക്കു​ന്നു. പാ​തി​രാ​വാ​യി​രി​ക്കു​ന്നു ഇ​നി നാം ​തി​ര​ക്കു​ക​ള്‍ക്കു വി​ട ന​ല്‍കി ത​ന്നി​ലേ​ക്കി​റ​ങ്ങി ഒ​ന്നു ത​ല ചാ​യ്ക്ക​ണം, സ്വ​പ്ന​ങ്ങ​ള്‍ ന​ക്ഷ​ത്ര​ങ്ങ​ളാ​യി വി​ട​ര​ട്ടെ.

ക​വി​യു​ടെ പ​ള്ളി​ക്കൂ​ട ക​വി​ത​ക​ള്‍ അ​തി​പ്ര​സി​ദ്ധ​മാ​ണ​ല്ലോ, കു​ഞ്ഞു​ങ്ങ​ളു​ടെ ഹൃ​ദ​യ​ത്തി​ലേ​ക്ക് നി​ഷ്ക​ള​ങ്ക​മാ​യ കു​സൃ​തി​യോ​ടെ ക​ട​ലാ​സു തോ​ണി​യൊ​ഴു​ക്കി​യ 'പാ​ലൈ​സ്'

''സ്ലെ​യി​റ്റേ, സ്ലെ​യി​റ്റേ

പെ​ന്‍സി​ലേ, പെ​ന്‍സി​ലേ''

ചെ​മ്മ​ണ്‍പാ​ത​യി​ലൂ​ടെ ഓ​ടി​മ​റ​യു​ന്ന പാ​ലൈ​സു വ​ണ്ടി​യു​ടെ പി​ന്നാ​ലെ ഓ​ടി​പ്പോ​യ​തി​ന്‍റെ ധൂ​ളി​ക​ള്‍ ഇ​ന്നും ന​മു​ക്കു ക​ണ്ണു​നീ​റ്റു​ന്നു. ബാ​ല്യ​വേ​ദ​ന​യു​ടെ ഭാ​ഷ ബാ​ല്യ​മാ​യി​ത്തീ​രു​ന്ന​തി​ന്‍റെ ആ​ന​ന്ദം (ആ​ന​ന്ദ​മെ​ന്നാ​ല്‍ സ​ന്തോ​ഷ​മ​ല്ല, ന​ന്ദ​മി​ല്ലാ​ത്ത അ​വ​സ്ഥ).

മോ​ഹ​ന​കൃ​ഷ്ണ​ന്‍ കാ​ല​ടി​

മോ​ഹ​ന​കൃ​ഷ്ണ​ന്‍ കാ​ല​ടി​

''ഈ ​പ്ലേ​റ്റാ​യ പ്ലേ​റ്റൊ​ക്കെ ക​ഴു​കി​െ​വ​ച്ചി​ല്ലെ​ങ്കി​ല്‍,

ഈ ​പാ​ത്ര​ത്തി​ലൊ​ക്കെ വെ​ള്ളം നി​റ​ച്ചി​ല്ലെ​ങ്കി​ല്‍,

അ​വ​രൊ​ക്കെ​കൂ​ടി

എ​ന്നെ

സ​മ്മ​ന്തി​യ​ര​യ്ക്കി​ല്ലേ.''

മ​ല​യാ​ള​ത്തി​ല്‍ ഇ​ത്ര​ത്തോ​ളം പ​ള്ളി​ക്കൂ​ട​ ക​വി​ത​ക​ള്‍ എ​ഴു​തി​യ മ​റ്റേ​തൊ​രു ക​വി​യു​ണ്ട്? വാ​സ്ത​വ​ത്തി​ല്‍ ഇ​ങ്ങ​നെ​യൊ​രു പ്ര​സ്ഥാ​നം ത​ന്നെ മ​ല​യാ​ള​ത്തി​ല്‍ ആ​രം​ഭി​ക്കേ​ണ്ട​ത​ല്ലേ. അ​തി​ന്‍റെ ക​ര്‍ത്തൃ​സ്ഥാ​ന​ത്ത് വൈ​ലോ​പ്പി​ള്ളി​യെ​യും ഇ​ട​ശ്ശേ​രി​യെ​യും അ​വ​രോ​ധി​ക്കു​ക​യും ആ​വാം. പൂ​ർ​വ​കാ​ല​ങ്ങ​ളി​ലെ അ​ത്ത​രം ക​വി​ത​ക​ള്‍ ന​മ്മു​ടെ ക​വി​താ​വാ​യ​ന​യു​ടെ ക്ലാ​സ് മു​റി​യി​ലെ 'ബോ​ര്‍ഡി​ല്‍ വ​ര​ച്ചി​ട്ട ആ​ന'​യാ​യി അ​വ​ശേ​ഷി​ക്കു​ന്നു. ഇ​നി​യും 'തോ​ര്‍ച്ച'​യി​ല്ലാ​തെ അ​വ തു​ട​രു​ന്നു​മു​ണ്ട്. മ​ഴ​പൊ​ട്ട​ന്‍, പാ​ലൈ​സ്, മി​നു​ക്കം എ​ന്നീ പു​സ്ത​ക​ങ്ങ​ളി​ല്‍ ഈ ​സ്കൂ​ള്‍ മു​റ്റ​വും അ​തി​ന്‍റെ കേ​ളി​ക​ളും പൂ​ക്ക​ളും പൂ​ത്തു​നി​ല്‍ക്കു​ന്നു​ണ്ട്. പ​ക്ഷേ ഇ​റ​വെ​ള്ള​ത്തി​ല്‍ കാ​ലൂ​ന്നി​ത്ത​ണു​ക്കും മു​ന്‍പേ ആ ​ക​ട​ലാ​സു​തോ​ണി ചി​റ​ക​ടി​ച്ചു​യ​രു​ക​യാ​ണ്.

മോ​ഹ​ന​കൃ​ഷ്ണ​ന്‍ കാ​ല​ടി​യു​ടെ ന​വീ​ന ക​വി​ത​ക​ളി​ല്‍ കാ​ലാ​നു​സൃ​ത​മാ​യി ഉ​ണ്ടാ​യ ഭാ​വു​ക​ത്വ​വ്യ​തി​യാ​ന​ങ്ങ​ളു​ടെ തോ​ത് അ​ട​യാ​ള​പ്പെ​ടു​ത്തേ​ണ്ട​താ​ണ്. ത​ന്നെ​ത്ത​ന്നെ ആ​വ​ര്‍ത്തി​ക്കാ​തി​രി​ക്കാ​ന്‍ ഈ ​ക​വി ശ്ര​മി​ക്കു​ന്നു​ണ്ട്. ആ​തു​ര​ത​യും ദു​രി​ത​വും അ​നാ​ര​തം പെ​രു​കു​ന്ന വ​ര്‍ത്ത​മാ​ന​ത്തി​ല്‍ ക​വി​യു​ടെ അ​ഹം​ബോ​ധ​ത്തി​ലു​ണ്ടാ​കു​ന്ന അ​സ്വ​സ്ഥ ചി​ന്ത​ക​ള്‍ അ​തു​വ​ഴി സാ​ങ്കേ​തി​ക​ത്വ​ത്തി​ന്‍റെ ഭാ​ഷാ​പ​ര​ത​യി​ലു​ണ്ടാ​ക്കു​ന്ന മാ​റ്റ​ങ്ങ​ള്‍ എ​ന്നി​വ സ്വാ​ഭാ​വി​ക​മാ​യേ ന​മു​ക്കു കാ​ണാ​ന്‍ ക​ഴി​യൂ. എ​ന്നു മാ​ത്ര​മ​ല്ല അ​ത് സാ​ഹി​ത്യ​ത്തെ സം​ബ​ന്ധി​ച്ച് അ​നി​വാ​ര്യ​വു​മാ​ണ്. നെ​രൂ​ദ ഒ​രി​ക്ക​ലെ​ഴു​തി:

എ​നി​ക്കി​നി​യും

ഇ​രു​ട്ടി​ല്‍ ഒ​രു വേ​രു​പോ​ലെ

ക​ഴി​യാ​ന്‍ വ​യ്യ

ഒ​രു വേ​രാ​യി, ഒ​രു ശ​വ​ക്ക​ല്ല​റ​യാ​യി

തു​ട​രാ​നെ​നി​ക്കു വ​യ്യ

എം.​എ​ന്‍. വി​ജ​യ​ന്‍ 'കു​ടി​യൊ​ഴി​ക്ക​ലി'​ന്‍റെ നി​രൂ​പ​ണ​ത്തി​ല്‍ പ​റ​ഞ്ഞ​ത് ഇ​വി​ടെ​യും പ്ര​സ​ക്ത​മാ​വു​ക​യാ​ണ്. ക​വി​ത മ​ണ്ണി​ന​ടി​യി​ല്‍നി​ന്നും ഉ​യ​രു​ന്ന ശ​ബ്ദ​മാ​ണ്. അ​ന്ത​ര്‍വാ​ഹി​നി​യാ​യ സ​ര​സ്വ​തി​യാ​ണ്. രാ​ത്രി​യു​ടെ ഭാ​ഷ​യാ​ണ്. പൂ​ർ​വ​ക​വി​താ​വേ​ദ​ന​യി​ല്‍ അ​ഭി​ര​മി​ക്കു​ന്ന ഈ ​ക​വി​ക്കും മ​റ്റൊ​ന്നാ​കാ​ന്‍ ക​ഴി​യി​ല്ല. ഹ​രി​ത​ഗ​ന്ധ​ങ്ങ​ള്‍ വ​മി​ക്കു​ന്ന അ​വ​സാ​നി​ക്കാ​ത്ത ഇ​ല​ക​ളു​ള്ള ഈ ​ക​വി​യു​ടെ വേ​രു​ക​ള്‍ ആ​ഴ​ത്തി​ല്‍ ഇ​റ​ങ്ങി​യി​രി​ക്കു​ന്നു.

''നി​റ​ങ്ങ​ളു​ടെ ക്ര​മം മാ​റി​പ്പോ​യൊ​രു മ​ഴ​വി​ല്ല്

മ​നു​ഷ്യ​ജീ​വി​ത​മെ​ന്നു മ​റു​പേ​ര്

സ്വ​ര​ങ്ങ​ളു​ടെ ഗ​ണ​നം

തെ​റ്റി​പ്പോ​യൊ​രു ക​ര​ച്ചി​ല്

(നി​റ​ങ്ങ​ളു​ടെ ക്ര​മം മാ​റി​പ്പോ​യൊ​രു മ​ഴ​വി​ല്ല്).

അ​വ്യ​വ​സ്ഥി​ത​വും അ​വി​ക്ര​മ​വും ആ​യി സ്വ​ര​ങ്ങ​ളു​ടെ ഗ​ണ​നം തെ​റ്റി​പ്പോ​യ ക​ര​ച്ചി​ല്‍ ജീ​വി​ത​ത്തി​ന്‍റെ വി​സ്മ​യാ​വ​ഹ​മാ​യ അ​വി​ച്ഛി​ന്ന​ത​ക​ളോ​ട് കൂ​ട്ടി​യി​ണ​ക്കി​യി​രി​ക്കു​ന്നു. വെ​ര്‍ജി​ന്‍ എ​ഴു​തി​യ​തു​പോ​ലെ വി​ഷാ​ദം വാ​ക്കി​നെ ത​രു​ന്നു. നി​ർ​വ​ച​ന​ങ്ങ​ളു​ടെ ധാ​രാ​ളി​ത്തം എ​പ്പോ​ഴും അ​തി​ന്‍റെ അ​നി​ർ​വ​ച​നീ​യ സ്വ​ഭാ​വ​ത്തെ​യാ​ണ് സൂ​ചി​പ്പി​ക്കു​ന്ന​ത്. നി​റ​ങ്ങ​ളു​ടെ ക്ര​മം മാ​റി​പ്പോ​യ മ​ഴ​വി​ല്ല് എ​ന്ന് ജീ​വി​താ​ശ​യ​ത്തെ ക്ര​മ​പ്പെ​ടു​ത്തി​യ​ത് ഭാ​വു​ക​ത്വ​പ​ര​മാ​യ പു​തു​മ മാ​ത്ര​മ​ല്ല. നി​റ​വി​സ്മ​യ​ങ്ങ​ളു​ടെ ജ​നി​ത​ക​ത​ക്ക​പ്പു​റ​മു​ള്ള അ​പ്ര​തീ​ക്ഷി​ത ദു​ര​ന്ത​ങ്ങ​ളു​ടെ ആ​വി​ഷ്കാ​രം​കൂ​ടി​യാ​കു​ന്നു. പ​ല​വ​ർ​ണ ചി​ത്ര​ങ്ങ​ള്‍ മാ​റി​മാ​റി പ്ര​ദ​ര്‍ശി​പ്പി​ക്കു​ന്ന ഒ​രു ദു​ര​ന്ത​ച​ല​ച്ചി​ത്ര​മാ​യി ജീ​വി​ത​ത്തെ കാ​ട്ടി​ത്ത​രു​ന്നു.

ജീ​വി​താ​ഴ​ങ്ങ​ളി​ലെ ഖ​നീ​ത​ട​ങ്ങ​ളി​ല്‍ അ​നു​ഭ​വ​ങ്ങ​ളു​ടെ തീ​ക്ഷ്ണ​ത​ക​ളി​ലേ​ക്ക് ക​റു​ത്തു​പോ​യ മ​നു​ഷ്യ നി​യ​തി​ക​ളോ​ട് ക​വി ഹൃ​ദ​യംകൊ​ണ്ട് സാ​ത്മ്യം പ്രാ​പി​ക്കു​ന്നു.

''ക​ല്ല് പ​ണ്ടൊ​രു തു​മ്പി​യാ​യി​രു​ന്നു

ക​ല്ലെ​ടു​ത്ത് ക​ല്ലെ​ടു​ത്ത്

ക​ല്ലാ​യി​പ്പോ​യ​താ​ണ്.

ചി​റ​കു​ക​ള്‍ ക​ല്ലി​നു​ള്ളി​ലാ​ണ്

ക​ല്ലെ​ടു​പ്പി​ച്ച കു​ട്ടി ഞാ​നാ​ണ്

ക​ല്ലു​െ​വ​ച്ച നേ​രാ​ണ്.''

സ്വ​പ്നസ​മാ​ന​മാ​യ സൗ​ന്ദ​ര്യാ​നു​ഭൂ​തി​ക​ള്‍ നി​റ​യ്ക്കു​ന്ന ഗൃ​ഹാ​തു​ര​ത്വ സ്മ​ര​ണ​ക​ളി​ലും ബ​ഹു​രൂ​പ സാ​മൂ​ഹി​ക​ച​ല​ന​ങ്ങ​ളെ​യും അ​വ​യു​ടെ ഖി​ന്ന​മാ​യ അ​വ​സ്ഥ​ക​ളെ​യും ക​വി അ​ട​യാ​ള​പ്പെ​ടു​ത്തു​ന്നു. ഒ​രാ​ളു​ടെ മൗ​ലി​ക​മാ​യ പൂ​ർ​വാ​നു​ഭ​വം ഓ​ര്‍ത്തെ​ടു​ക്കു​മ്പോ​ള്‍ ആ​ദ്യ​മെ​ത്തി​ച്ചേ​രു​ന്ന​ത് ത​ങ്ങ​ളു​ടെ പ​ള്ളി​ക്കൂ​ട​ത്തി​ലാ​ണ്. (അ​ത്ത​രം ക​വി​ത​ക​ളെ​ക്കു​റി​ച്ച് നേ​ര​ത്തേ പ​രാ​മ​ര്‍ശി​ച്ചി​ട്ടു​ണ്ട്.) അ​തി​ന്‍റെ ലാ​വ​ണ്യ​ത്തി​ന​പ്പു​റ​ത്തേ​ക്ക് യാ​ഥാ​ർ​ഥ്യം ചു​ട്ടു​പൊ​ള്ളി​ക്കു​ന്ന നീ​റ്റ​ലാ​യി തീ​രാ​റു​മു​ണ്ട്. ഈ ​യു​ക്തി​ബോ​ധ്യ​ങ്ങ​ളെ സാ​ഹി​ത്യേ​ത​രം എ​ന്ന് നാം ​വി​ല​യി​രു​ത്തേ​ണ്ട​തി​ല്ല. ക​ൽ​പ​റ്റ നാ​രാ​യ​ണ​ന്‍ ത​ന്‍റെ 'സ്കൂ​ള്‍'​എ​ന്ന ക​വി​ത​യി​ല്‍ എ​ഴു​തി ''പ​രി​ശീ​ലി​ക്ക​പ്പെ​ടു​മ്പോ​ള്‍ നാ​യ നാ​യ​യ​ല്ലാ​താ​കു​ന്നു.''

''ഉ​സ്കൂ​ളി​ല്‍ ചേ​രു​ന്ന​തി​നു മു​ന്‍പേ

അ​ക്ഷ​ര​ങ്ങ​ളെ പ​രി​ച​യ​മു​ണ്ടാ​യി​രു​ന്നു

അ​ക്ക​ങ്ങ​ളേ​യു​മ​റി​യാ​മാ​യി​രു​ന്നു.''

സ്കൂ​ള്‍പ​രി​സ​ര​ങ്ങ​ളെ സ​ജീ​വ​മാ​ക്കു​ക​യും സ​ചേ​ത​ന​മാ​ക്കു​ക​യും ചെ​യ്യു​ന്ന 'ഭ്രാ​ന്ത​ന്‍ ക​വി വി​ദ്യ,' പു​ഷ്പി​ത ചെ​ടി​ക​ളി​ല്‍ പ​റ്റി​യി​രി​ക്കു​ന്ന പൂ​മ്പാ​റ്റ​ക​ള്‍ മൃ​ദു സ്പ​ര്‍ശ​മേ​ല്‍ക്കു​മ്പോ​ള്‍ പ​റ​ന്നു​പോ​കു​ന്ന സ്വാ​ഭാ​വി​ക​ത​യോ​ടെ അ​വ​ത​രി​പ്പി​ക്കു​ന്നു. ''ഓ​ടി​ന്‍റെ മ​ണ്ട​പൊ​ട്ടി ചോ​ര വ​ന്ന​ത്?'', ''ചോ​ര ക​ണ്ട് വ​രാ​ന്ത​യി​ലെ തൂ​ണ് ത​ല​ചു​റ്റി വീ​ണ​ത്'', ''ടീ​ച്ച​ര്‍ ഇ​പ്പോ​ഴും ര​ണ്ടി​ല്‍ ത​ന്നെ'' പ​ഠി​ക്കു​ന്ന​തി​ന്‍റെ (ക​ൽ​പ​റ്റ നാ​രാ​യ​ണ​ന്‍റെ വ​രി) വ​ര്‍ത്ത​മാ​ന വി​ധി​ക​ളെ വ​രാ​നി​രി​ക്കു​ന്ന ഭാ​വ​നാ​ദ​രി​ദ്ര​മാ​യ ഒ​രാ​ള്‍ക്കൂ​ട്ട​ത്തി​ന്‍റെ സൃ​ഷ്ടി​ക്കാ​യി വീ​ഥി​യൊ​രു​ക്കു​ക​യാ​ണെ​ന്നും ക​വി ആ​കു​ല​ത​പ്പെ​ടു​ന്നു.

പോ​യി​നാ​മി​ത്തി​രി വ്യാ​ക​ര​ണം

നാ​വി​ലാ​ക്കീ​ട്ടു വ​രു​ന്നു മ​ന്ദം

നാ​വി​ല്‍നി​ന്ന​പ്പൊ​ഴേ പൊ​യ്ക്ക​ഴി​ഞ്ഞു

നാ​നാ​ജ​ഗ​നോ​ര​മ്യ​ഭാ​ഷ

ഇ​ട​ശ്ശേ​രി പ​ള്ളി​ക്കൂ​ട​ത്തി​ലേ​ക്ക് വീ​ണ്ടും പോ​യ​തി​നേ​ക്കാ​ള്‍ ഭീ​തി​ദ​മാ​ണ്.

പ്ര​പ​ഞ്ച​ത്തി​ലെ ഓ​രോ വ​സ്തു​വി​ലും അ​നു​രാ​ഗ​ത്തി​ന്‍റെ ശോ​ണ​വ​ർ​ണം അ​ലി​ഞ്ഞു ചേ​ര്‍ന്നി​ട്ടു​ണ്ട്. പാ​ഷാ​ണൗ​ഷ​ധി പ​ക്ഷി​മൃ​ഗാ​ദി​ക​ള്‍ പ​ല​പ​ല വ​ടി​വു​ക​ളി​ല്‍ പേ​ശ​ലമ​ല്ലൊ​രു​വ​സ്തു​വും പ്രേ​ക്ഷ​ക​നി​െ​ല്ല​ന്നാ​ല്‍ (ഉ​ള്ളൂ​ർ‍-​േ​പ്ര​മ​സം​ഗീ​തം). ആ ​പ്ര​ണ​യ​ഗീ​ത​കം ക​ര​യാ​തി​രു​ന്നാ​ല്‍ കാ​തോ​ര്‍ത്ത് കേ​ള്‍ക്കാം. ചി​രി​യും ക​ര​ച്ചി​ലും ചേ​ര്‍ന്നൊ​രു പാ​ട്ട്. കാ​ല്‍ നി​മേ​ഷ​മെ​ങ്കി​ലും നാം ​നി​ശ്ശ​ബ്ദ​രാ​ക​ണം ആ ​പാ​ട്ട് കേ​ള്‍ക്കാ​ന്‍. ഭൂ​മി​യി​ലെ സ​ക​ല ജീ​വ​ജാ​ല​ങ്ങ​ളും വ​ള​രു​ന്ന​ത് ആ ​പ്ര​ണ​യശോ​ണി​മ​യെ എ​ത്തി​പ്പി​ടി​ക്കാ​നാ​ണ്. സാ​യ​ന്ത​ന​ത്തി​ല്‍ പ​ക്ഷി​ക​ള്‍ കൂ​ട​ണ​യും​പോ​ലെ അ​നു​ഭൂ​തി​സാ​ന്ദ്ര​മാ​യ ആ​ല​യ​ത്തി​ലേ​ക്കു​ള്ള വ​ഴി മ​റ​ന്നു​പോ​യ മേ​ഘ​ങ്ങ​ള്‍ പ​ക്ഷി​ക​ളെ നോ​ക്കി അ​സൂ​യ​പ്പെ​ടു​ക​യാ​ണ്. 'മ​സ്ന​വി'യി​ലെ റൂ​മി​യു​ടെ ചി​ന്ത പോ​ലെ പ്ര​ണ​യ​ത്തി​ന്‍റെ മൂ​ക​ഭാ​ഷ നാ​വി​ന്‍റെ വാ​ചാ​ല​ത​യെ പ​രാ​ജ​യ​പ്പെ​ടു​ത്തു​ക​യാ​ണ്. അ​നു​രാ​ഗാ​ത്മ​ക​ത​യും ഗു​പ്ത​വു​മാ​യ ക​വി​യു​ടെ യോ​ഗാ​ത്മ​ക കാ​വ്യ​സി​ദ്ധി നി​ര​വ​ധി ക​വി​ത​ക​ളി​ല്‍ അ​ലി​ഞ്ഞു​ചേ​ര്‍ന്നി​ട്ടു​ണ്ട്. നി​ശ്ശ​ബ്ദ​ത, ക്യൂ​ബ്, മു​ന്ന​ന്തി, വീ​ടു​ക​ള്‍, പി​തൃ​ദാ​ഹം എ​ന്നി​വ അ​വ​യി​ല്‍ ചി​ല​താ​ണ്. റെ​യി​ന്‍കോ​ട്ട് എ​ന്ന ത​ന്‍റെ പ്ര​ണ​യ​ക​വി​താ​സ​മാ​ഹാ​ര​ത്തി​ലും ഇ​ത്ത​രം മി​സ്റ്റി​ക് ഭാ​വ​ങ്ങ​ള്‍ അ​ലി​ഞ്ഞു​ചേ​ര്‍ന്നി​ട്ടു​ണ്ട്. പ്ര​ണ​യ​മെ​ന്നാ​ല്‍ കേ​വ​ല​മാ​യ സ്ത്രീ​പു​രു​ഷാ​നു​രാ​ഗ​മ​ല്ലെ​ന്ന് ക​വി പ​റ​യു​ന്നു. ആ​ത്മീ​യോ​ല്‍ക​ര്‍ഷ​ത്തി​ന്‍റെ എ​ത്ര പാ​സ​ഞ്ച​റു​ക​ളാ​ണ് ആ ​പാ​ള​ത്തി​ലൂ​ടെ ഓ​ടി​മ​റ​ഞ്ഞ​ത്.

''വ​ന്നു​പോ​കു​ന്ന തീ​വ​ണ്ടി​ക​ളെ​യും

വ​രാ​നി​രി​ക്കു​ന്ന തീ​വ​ണ്ടി​ക​ളെ​യും

കൂ​വി​ത്തോ​ല്‍പ്പി​ച്ച് കൂ​വി​ത്തോ​ല്‍പ്പി​ച്ച്,

കാ​ക്ക​ത്തൊ​ള്ളാ​യി​രം കാ​ള​വ​ണ്ടി​ക​ള്‍

കൂ​ട്ടി​ഘ​ടി​പ്പി​ച്ച കാ​ല​ത്തി​നെ

ക​ട​ന്നു​പോ​കാ​ന്‍ അ​നു​വ​ദി​ക്കു​ക

ക​ട​ന്നു​പോ​കാ​ന്‍ അ​നു​വ​ദി​ക്കു​ക...''

എ​ങ്കി​ലും ഇ​തൊ​ന്നും ഭൗ​തി​കേ​ത​ര​മാ​യ ആ​ത്മീ​യ​വൃ​ത്തി​യു​മ​ല്ല. അ​ല്ലെ​ങ്കി​ലും ആ​ത്മീ​യ​ത​യും ഭൗ​തി​ക​ത​യും പ​ര​സ്പ​രം പോ​ര​ടി​ച്ചു നി​ല്‍ക്കു​ന്ന ഒ​ന്ന​ല്ല​ല്ലോ. അ​തു​കൊ​ണ്ടു ത​ന്നെ അ​ത് കേ​വ​ല​യു​ക്തി​ക​ളു​ടെ അ​വ​ബോ​ധ​ത്തി​ല്‍നി​ന്നും ഭി​ന്ന​വു​മാ​ണ്. എ​ല്ലാം പ​കു​ത്തെ​ടു​ക്കു​മ്പോ​ള്‍ മ​നു​ഷ്യ​ത്വ​ത്തെ ക​വി ഏ​റ്റെ​ടു​ക്കു​ക​യാ​ണ്. അ​ത് മ​നു​ഷ്യ​രൂ​പ​ത്തി​ല്‍ ദൈ​വ​ത്തെ സൃ​ഷ്ടി​ച്ച് ഇ​ത​ര​ജീ​വി​വ​ർ​ഗ​ത്തോ​ട് ന​ന്ദി​കേ​ട് കാ​ട്ടി​യ സാ​ങ്കേ​തി​ക മ​ര്‍ത്യാ​വ​ബോ​ധ​മ​ല്ല. പ​ങ്കു​​വെ​ക്ക​ലും പ​ങ്കി​ട്ടെ​ടു​ക്ക​ലും വി​രു​ദ്ധ​മാ​ണ്. 'പ​ശു​ജ​ന്മം' എ​ന്ന ക​വി​ത​യി​ല്‍ ഈ ​പ​ങ്കി​ട്ടെ​ടു​ക്ക​ലി​നെ ക​വി പ​രി​ഹാ​സ​പൂ​ർ​വം അ​വ​ത​രി​പ്പി​ക്കു​ന്നു. ത​ന്‍റെ രാ​ഷ്ട്രീ​യ പ​ക്ഷ​പാ​തം ഉ​റ​പ്പി​ച്ചു നി​ര്‍ത്തു​ന്നു. അ​ത് കേ​വ​ലം പ​ങ്കി​ട്ടെ​ടു​ക്ക​ലി​ന്‍റെ രാ​ഷ്ട്രീ​യ​മ​ല്ല. പ​ങ്കി​ട്ടെ​ടു​ക്കു​ന്ന​തി​ന്‍റെ വേ​ദ​ന​യും ആ​ള്‍ക്കൂ​ട്ടം നീ​തി നി​ശ്ച​യി​ക്ക​പ്പെ​ടു​ന്ന​തി​ന്‍റെ അ​മ​ര്‍ഷ​വും പ​ശു​ജ​ന്മ​ത്തി​ലു​ണ്ട്.

''പ​ശു​വി​നെ കൊ​ല്ല​രു​തെ​ന്ന് ഒ​രു കൂ​ട്ട​ര്‍

കൊ​ല്ലു​മെ​ന്ന് മ​റു​കൂ​ട്ട​ര്‍

ന​റു​ക്കെ​ടു​ത്ത് നി​ശ്ച​യി​ക്കാ​മെ​ന്ന് മ​ധ്യ​സ്ഥ​ര്‍

നാ​ളെ​യാ​കാ​മെ​ന്ന്...

കാ​ട്ടു​വ​ഴി​യു​ടെ അ​ങ്ങേ​ത്ത​ല​ക്ക​ല്‍

അ​വ​രെ കാ​ത്തു​നി​ല്‍പ്പു​ണ്ടാ​യി​രു​ന്നു.

അ​വ​രു​ടെ സ്വ​ന്തം പു​ലി​യ​മ്മ.''

മോ​ഹ​ന​കൃ​ഷ്ണ​ന്‍ കാ​ല​ടി​യു​ടെ ക​വി​ത​ക​ള്‍ പു​ന​ര്‍വാ​യി​ക്കു​മ്പോ​ള്‍ ഒ​ന്നി​ല്‍പോ​ലും സ​ത്താ​പ​ര​മാ​യ ഏ​കീ​യ​ഭാ​വം ഇ​ല്ല (ചി​ല പ​ള്ളി​ക്കൂ​ട ക​വി​ത​ക​ള്‍ രൂ​പ​ത്തി​ല്‍ അ​ങ്ങ​നെ അ​നു​ഭ​വ​പ്പെ​ടു​മെ​ങ്കി​ലും). ഓ​രോ ക​വി​ത​യും ആ​ന്ത​രി​ക​വൈ​രു​ധ്യ​ങ്ങ​ളു​ടെ​യും പ്ര​ശാ​ന്ത​മാ​യി​രി​ക്കു​മ്പോ​ഴും അ​ശാ​ന്തി​യു​ടെ തീ​വ്രാ​സ്വ​സ്ഥ​ത​ക​ളു​ടെ​യും ഇ​ട​മാ​ണ്. നാ​ട്ടു​വെ​ളി​ച്ച​ത്തി​ല്‍ ന​ട​വ​ഴി​ക​ള്‍ തെ​ളി​യു​മ്പോ​ഴും ന​ഗ​ര​നി​ഴ​ലു​ക​ളു​ടെ മ​ങ്ങി​യ പാ​ത​വി​ള​ക്കു​ക​ള്‍ ക​ത്തു​ന്നു​​ണ്ട്. ഒ​രു ഗാ​ഢ​യു​റ​ക്ക​ത്തി​ന്‍റെ തീ​ക്ഷ്ണ​ത​യി​ല്‍ വ​ന്യ​സ്വ​പ്ന​ങ്ങ​ള്‍ ക​ണ്ട് അ​വ​യി​ലൂ​ടെ നി​ഗൂ​ഢ​മാ​യ മ​ര​ണ​വേ​ദ​ന​യി​ല്‍ അ​ഭി​ര​മി​ക്കാ​വു​ന്ന തീ​വ്രാ​വേ​ശ​ങ്ങ​ളും ഈ ​ക​വി​യു​ടെ ഓ​രോ പു​തു​ക​വി​ത​ക​ളി​ലു​മു​ണ്ട്. വ​ര്‍ത്ത​മാ​ന​ത്തെ തു​റ​ന്നു​െ​വ​ച്ചി​രി​ക്കു​ന്ന ക​വി​യു​ടെ പു​തി​യ ക​വി​ത​ക​ള്‍ വാ​യി​ക്കു​മ്പോ​ള്‍ ക​വി സ​ച്ചി​ദാ​ന​ന്ദ​ന്‍ ത​ന്‍റെ ഒ​രു ക​വി​ത​യി​ല്‍ എ​ഴു​തി​യ​തു​പോ​ലെ

''ക​വി​ത​യി​ലെ ഇ​ല​ക​ള്‍ ശ​രി​ക്കും അ​ന​ങ്ങു​ന്നു​ണ്ട്

കി​ളി​ക​ള്‍ ശ​രി​ക്കും ക​ര​യു​ന്നു​ണ്ട്

പ്ര​ണ​യ​ത്തി​ന് ഉ​ട​ലു​ക​ളു​ണ്ട്.''

News Summary - mohanakrishnnan kalady literature madhyamam weekly