നി​ഗൂ​ഢ​ത​ക​ളു​ടെ ആ​ത്മ​സൗ​ന്ദ​ര്യം

മാധ്യമം ആഴ്ചപ്പതിപ്പിൽ ഖണ്ഡശ്ശ പ്രസിദ്ധീകരിച്ച, വയലാർ അവാർഡ് ലഭിച്ച, ഇ. സന്തോഷ് കുമാറിന്റെ ‘തപോമയിയുടെ അച്ഛൻ’ എന്ന കൃതിയെ സൂക്ഷ്മ വായനക്ക് വിധേയമാക്കുന്നു. നോവൽ പകരുന്ന നിഗൂഢതകള​ു​ടെ സൗന്ദര്യത്തിലൂടെ സഞ്ചരിക്കുന്നു.

നി​ഗൂ​ഢ​ത​യു​ടെ ആ​ന്ത​രി​ക സൗ​ന്ദ​ര്യം ആ​ന​ന്ദ​ഹേ​തു​വാ​യി​ത്തീ​രു​ന്ന ധ്വ​നി​സൗ​ഭ​ഗം മി​ക​ച്ച ക​ലാ​സൃ​ഷ്ടി​ക​ളി​ൽ കാ​ണാ​ൻ ക​ഴി​യും. ക​ല​യു​ടെ മാ​ത്ര​മ​ല്ല ജീ​വി​ത​ത്തി​ന്റെ​യും സൗ​ന്ദ​ര്യ​ഹേ​തു​വാ​യി വ​ർ​ത്തി​ക്കു​ന്ന​ത് നി​ഗൂ​ഢ​മാ​യ ഈ ​ആ​ന്ത​രി​കത​ല​മാ​ണ്. മാ​ന​വി​ക​ത​യു​ടെ പു​റം​മോ​ടി​ക​ളി​ൽനി​ന്ന് ഉ​ള്ളി​ലേ​ക്ക് ഇ​റ​ങ്ങി​ച്ചെ​ന്നാ​ൽ അ​പ്രി​യ സ​ത്യ​ങ്ങ​ളു​ടെ അ​ഴു​കു​ന്ന ജ​ഡ​ങ്ങ​ൾ ക​ണ്ടെ​ത്താ​ൻ ക​ഴി​യും. ഒ​രു സൗ​ന്ദ​ര്യാ​ന്വേ​ഷ​ക​ൻ എ​ത്തി​ച്ചേ​രു​ന്ന​ത് ജീ​വി​ത​ത്തി​ന്റെ​യും ക​ല​യു​ടെ​യും പ്ര​ഭ​വ​ബി​ന്ദു​വാ​യി നി​ല​കൊ​ള്ളു​ന്ന ദുഃ​ഖ​സൂ​ര്യ​ന്റെ ആ​ത്മ​ശോ​ഭ​യി​ലാ​ണ്. ദുഃ​ഖം ആ​ന​ന്ദ​മാ​യി മാ​റു​ന്ന മാ​ന്ത്രി​ക​മാ​യ സൗ​ന്ദ​ര്യ​പ​രി​ണാ​മം സാ​ഹി​ത്യ​സൃ​ഷ്ടി​ക​ളി​ൽ മാ​ത്രം സം​ഭ​വി​ക്കു​ന്ന അ​പൂ​ർ​വ​ത​യാ​ണ്. ആ​ത്മാ​വി​ന്റെ വി​ഷാ​ദ​മ​ന്ത്ര​ണ​ങ്ങ​ളെ മാ​ന​വി​ക​ത​യു​ടെ സം​ഗീ​ത​മാ​ക്കി പ​രി​വ​ർ​ത്തി​പ്പി​ക്കാ​ൻ സാ​ഹി​ത്യ​ത്തി​നു മാ​ത്ര​മേ ക​ഴി​യൂ. ജീ​വി​ത​ത്തി​ന്റെ ന​ഷ്ട​സാ​മ്രാ​ജ്യ​ങ്ങ​ളെ വീ​ണ്ടെ​ടു​ക്കാ​നു​ള്ള ശു​ഭാ​പ്തി വി​ശ്വാ​സം ന​ൽ​കാ​ൻ വാ​യ​ന​ക്ക് ക​ഴി​യു​ന്ന​ത് അ​തുകൊ​ണ്ടാ​ണ്.

ദുഃ​ഖ​ഹേ​തു​വാ​യ അ​പ്രി​യ സ​ത്യ​ങ്ങ​ളെ ജീ​വി​ത​ത്തി​ൽനി​ന്ന് മാ​റ്റി നിർ​ത്താ​ൻ നാം ​ശ്ര​മി​ക്കു​മ്പോ​ൾ ഒ​രെ​ഴു​ത്തു​കാ​ര​ൻ അ​വ​യെ അ​ഭി​മു​ഖീ​ക​രി​ക്കാ​നാ​ണ് പ​രി​ശീ​ലി​പ്പി​ക്കു​ന്ന​ത്. ന​ന്മ​തി​ന്മ​ക​ളു​ടെ ബ​ഹു​മു​ഖ വൈ​രു​ധ്യ​ങ്ങ​ൾ ഏ​റ്റു​മു​ട്ടു​ന്ന മൂ​ല്യ​സം​ഘ​ർ​ഷ​ങ്ങ​ളി​ൽനി​ന്നാ​ണ് ഒ​രു സാ​ഹി​ത്യ​കൃ​തി ഊ​ർജം സം​ഭ​രി​ക്കു​ന്ന​ത്. തി​ന്മ​ക​ളു​ടെ അ​ഭാ​വ​ത്തി​ല​ല്ല അ​വ​യു​ടെ സ​ത്യ​സ​ന്ധ​മാ​യ ചി​ത്രീ​ക​ര​ണ​ത്തി​ലാ​യി​രി​ക്കും എ​ഴു​ത്തു​കാ​ര​ന്റെ ശ്ര​ദ്ധ. എ​ഴു​ത്തു​കാ​ര​നും വാ​യ​ന​ക്കാ​ര​നും ത​മ്മി​ലു​ള്ള​ത് ഒ​രുത​രം ക​ണ്ണു​കെ​ട്ടി​ക്ക​ളി​യാ​ണ്. ജീ​വി​ത​ത്തി​ൽ നാം ​കാ​പ​ട്യ​ത്തോ​ടെ ഒ​ളി​ച്ചുവെ​ക്കു​ന്ന​തി​നെ​യെ​ല്ലാം എ​ഴു​ത്തു​കാ​ര​ൻ പു​റ​ത്തെ​ടു​ക്കു​മെ​ങ്കി​ലും എ​ല്ലാം നേ​ർ​ക്കു​നേ​ർ കാ​ട്ടി​ത്ത​രാ​ൻ അ​യാ​ൾ ഉ​ദ്ദേ​ശി​ക്കു​ന്നി​ല്ല. ചി​ല​തെ​ല്ലാം വാ​യ​ന​ക്കാ​ര​ൻ സ്വ​യം ക​ണ്ടെ​ത്തേ​ണ്ടി​യി​രി​ക്കു​ന്നു. മ​നു​ഷ്യ​മ​ന​സ്സി​ന്റെ മ​ഹാ​മൗ​ന​ങ്ങ​ളി​ൽനി​ന്ന് അ​യാ​ൾ ക​ഥ​യു​ടെ ഗോ​പു​ര​ങ്ങ​ൾ പ​ണി​തു​യ​ർ​ത്തു​ന്നു. ​ഇ​ത്ത​ര​ത്തി​ൽ മ​നു​ഷ്യ​മ​ന​സ്സി​ന്റെ നി​ഗൂ​ഢ​ത​ക​ളെ ക​ലാ​പ​ര​മാ​യി ചി​ത്രീ​ക​രി​ക്കു​ന്ന​തി​ൽ വ​ലി​യ വി​ജ​യം കൈ​വ​രി​ച്ച മി​ക​ച്ച ര​ച​ന​യാ​ണ് ഇ. ​സ​ന്തോ​ഷ് കു​മാ​റി​ന്റെ ‘ത​പോ​മ​യി​യു​ടെ അ​ച്ഛ​ൻ’ എ​ന്ന നോ​വ​ൽ.

ശു​ഭ​ക​ര​മാ​യ തു​ട​ക്ക​ങ്ങ​ളി​ൽ നി​ന്നാ​ണ് ശു​ഭ​ക​ര​മാ​യ പ​ര്യ​വ​സാ​ന​ങ്ങ​ളു​മു​ണ്ടാ​കു​ന്ന​തെ​ന്ന് ഭാ​ര​തീ​യ​മാ​യ ഗ​ണ​പ​തി സ​ങ്ക​ൽ​പം ന​മ്മോ​ട് പ​റ​യു​ന്നു. Happy New Year എ​ന്ന പു​തു​വ​ത്സ​ര ആ​ശം​സ​ക​ളോ​ടെ​യാ​ണ് സ​ന്തോ​ഷി​ന്റെ നോ​വ​ൽ ആ​രം​ഭി​ക്കു​ന്ന​ത്. സ​ന്തോ​ഷ​വും ആ​ന​ന്ദ​വു​മാ​ണ് ഈ ​നോ​വ​ൽ വാ​യ​ന​ക്കാ​ര​ന് വാ​ഗ്ദാ​നം ചെ​യ്യു​ന്ന​ത് എ​ന്ന് ഇ​തി​ൽനി​ന്ന് ക​രു​താം. എ​ല്ലാ സാ​ഹി​ത്യകൃ​തി​ക​ളു​ടെ​യും പ്രാ​ഥ​മി​ക ധ​ർ​മം അ​തുത​ന്നെ​യാ​ണ്. കു​റ്റ​ബോ​ധ​ത്തി​ൽനി​ന്നു ജ​നി​ക്കു​ന്ന വി​ഷാ​ദ​മാ​ണ് ഈ ​നോ​വ​ലി​ന്റെ ആ​ന്ത​രി​ക​മാ​യ വൈ​കാ​രി​ക ധാ​ര​യെ​ങ്കി​ലും മാ​ന​വി​ക​ത​യു​ടെ ശു​ഭ​പ​ര്യ​വ​സാ​യി​യാ​യ ല​ക്ഷ്യ​ത്തി​ലേ​ക്ക് ഈ ​നോ​വ​ൽ വാ​യ​ന​ക്കാ​ര​നെ കൈ​പി​ടി​ച്ചുക​യ​റ്റു​ന്നു​ണ്ട്.

‘‘മൂ​ടു​ക ഹൃ​ദ​ന്ത​മേ മു​ഗ്ദ​ഭാ​വ​ന കൊ​ണ്ടീ

മൂ​ക വേ​ദ​ന​ക​ളെ മു​ഴു​വ​ൻ മു​ത്താ​ക​ട്ടെ’’

എ​ന്ന് ക​വി ആ​ശം​സി​ക്കു​മ്പോ​ൾ എ​ഴു​ത്തി​ൽ ദുഃ​ഖ​ങ്ങ​ൾ​ക്ക് സം​ഭ​വി​ക്കു​ന്ന സു​ഖ​പ​രി​ണാ​മ​ത്തെ​യാ​ണ് സൂ​ചി​പ്പി​ക്കു​ന്ന​ത്.​ എ​ല്ലാ ന​ല്ല സാ​ഹി​ത്യ​കൃ​തി​ക​ളെ​യുംപോ​ലെ സ​ന്തോ​ഷി​ന്റെ നോ​വ​ലും ചെ​ന്നെ​ത്തു​ന്ന​ത് മാ​ന​വി​ക​ത​യി​ൽ ഊ​ന്നി​യ ഈ ​ആ​ന​ന്ദ​ല​ക്ഷ്യ​ത്തി​ലേ​ക്കാ​ണ്.

ദേ​ശ​നി​ഷ്‍കാ​സി​ത​രാ​കു​ന്ന അ​ഭ​യാ​ർ​ഥിക​ളു​ടെ പ​ലാ​യ​ന​ജീ​വി​തം പ​ശ്ചാ​ത്ത​ല​മാ​ക്കി സ്ത്രീ-പു​രു​ഷ​ ബ​ന്ധ​ത്തി​ലെ ദു​രൂ​ഹ​സ​മ​സ്യ​ക​ളെ വി​കാ​ര​നി​ർ​ഭ​ര​മാ​യി ചി​ത്രീ​ക​രി​ക്കാ​നാ​ണ് സ​ന്തോ​ഷ്‌ കു​മാ​ർ ഈ ​നോ​വ​ലി​ൽ ശ്ര​മി​ച്ചി​ട്ടു​ള്ള​ത്.​ ഭേ​ദി​ക്കാ​നാ​വാ​ത്ത ലോ​ഹ​ലി​പി​ക​ളാ​ൽ എ​ഴു​ത​പ്പെ​ട്ട ഒ​രു ര​ഹ​സ്യ​ദ്വീ​പാ​ണ് ഗോ​പാ​ൽ ബ​റു​വ​യു​ടെ ജീ​വി​തം. ആ​ർ​ക്കും പ്ര​വേ​ശ​നം അ​നു​വ​ദി​ക്കാ​തെ ചി​ഹ്ന​ലി​പി​ക​ൾകൊ​ണ്ട് കോ​ട്ട തീ​ർ​ത്ത് അ​യാ​ൾ ത​ന്റെ ര​ഹ​സ്യ​ങ്ങ​ളെ സം​ര​ക്ഷി​ച്ചുപോ​രു​ന്നു. ചി​ഹ്ന​ഭാ​ഷ​യു​ടെ​യും അ​ഭ​യാ​ർഥി ജീ​വി​ത​ത്തി​ന്റെ​യും ര​ണ്ട് ആ​ശ​യ​രൂ​പ​ക​ങ്ങ​ളെ പ്ര​ധാ​ന ക​ഥാ​പാ​ത്ര​മാ​യ ഗോ​പാ​ൽ ബ​റു​വ​യു​ടെ കു​റ്റ​ബോ​ധ​ത്തി​ൽ സ​മ​ന്വ​യി​പ്പി​ക്കു​ന്ന ഒ​രു ത്രി​മാ​ന​ത​ലം ഈ ​നോ​വ​ലി​നു​ണ്ട്.

നോ​വ​ലി​ന് ഇ​ത്ത​ര​ത്തി​ൽ മൂ​ന്നു കേ​ന്ദ്ര​ഭാ​വ​ങ്ങ​ളു​ണ്ട്. ​ഗോ​പാ​ൽ ബ​റു​വ​യു​ടെ ഭി​ന്ന​വ്യ​ക്തി​ത്വ​ത്തി​ന്റെ വ്യ​ത്യ​സ്തത​ല​ങ്ങ​ളെ ധ്വ​നി​പ്പി​ക്കാ​ൻ ഈ ​നോ​വ​ൽ ഘ​ട​ന​ക്ക് സ​മ​ർഥ​മാ​യി ക​ഴി​യു​ന്നു എ​ന്ന​താ​ണ് ഈ ​കൃ​തി​യു​ടെ ര​ച​നാ വി​ജ​യം. അ​ഭ​യാ​ർഥി ജീ​വി​ത​ത്തി​ന്റെ സാ​മൂ​ഹി​ക പ​ശ്ചാ​ത്ത​ലം നോ​വ​ലി​ന് ഒ​രു അ​ന്താ​രാ​ഷ്ട്ര മാ​നം ന​ൽകാ​ൻ സ​ഹാ​യി​ച്ചി​ട്ടു​ണ്ട്. പ്രാ​ദേ​ശീ​യ​ത​ക​ളെ​യും ദേ​ശീ​യ​ത​ക​ളെ​യും ലം​ഘി​ച്ച് ഒ​രു വി​ശ്വ​മാ​ന​വ​നെ സൃ​ഷ്ടി​ക്കാ​നു​ള്ള എ​ഴു​ത്തുശ്ര​മം സ​ന്തോ​ഷി​ന്റെ കൃ​തി​ക​ളി​ൽ പൊ​തു​വാ​യി കാ​ണു​ന്ന ഒ​രു സ​വി​ശേ​ഷ​ത​യാ​ണ്. മ​നു​ഷ്യ​സ​മൂ​ഹ​ങ്ങ​ളു​ടെ ബാ​ഹ്യാ​ഭ്യ​ന്ത​ര സം​ഘ​ർ​ഷ​ങ്ങ​ളാ​ണ് അ​ഭ​യാ​ർഥി​ക​ളെ സൃ​ഷ്ടി​ക്കു​ന്ന​ത്.​ വം​ശീ​യ ഭി​ന്ന​ത​ക​ളും സ​ങ്കു​ചി​ത ദേ​ശീ​യ താ​ൽപര്യ​ങ്ങ​ളും സൃ​ഷ്ടി​ക്കു​ന്ന ക​ലാ​പ​ങ്ങ​ളും യു​ദ്ധ​ങ്ങ​ളുമാ​ണ് ഇ​തി​നു കാ​ര​ണ​മാ​കു​ന്ന​ത്. ച​കി​ത​മാ​യ ഈ ​യു​ദ്ധ​സാ​ഹ​ച​ര്യ​ങ്ങ​ളി​ൽ ജീ​വി​തം അ​സാ​ധ്യ​മാ​കു​മ്പോ​ൾ അ​ഭ​യം തേ​ടി പ​ലാ​യ​നം ചെ​യ്യാ​ൻ മ​നു​ഷ്യ​ർ നി​ർ​ബ​ന്ധി​ത​രാ​കു​ന്നു. പ്ര​കൃ​തി ദു​ര​ന്ത​ങ്ങ​ളും ഇ​ത്ത​രം ഭ​യ​സാ​ഹ​ച​ര്യ​ങ്ങ​ൾ സൃ​ഷ്ടി​ക്കു​ന്നു​ണ്ട്.

ഇ. സന്തോഷ് കുമാറിന്‍റെ ‘തപോമയിയുടെ അച്ഛൻ’ എന്ന നോവൽ പ്രസിദ്ധീകരിച്ച് തുടങ്ങിയ ‘മാധ്യമം’ ആഴ്ചപ്പതിപ്പിന്‍റെ കവർ പേജ് 

പ​ര​സ്പ​രം വേ​റി​ട്ടുനി​ൽ​ക്കു​ന്ന നി​ര​വ​ധി ഘ​ട​ക​ങ്ങ​ൾ ഒ​രു നോ​വ​ലി​ൽ ഉ​ണ്ടാ​കും. ശ​ബ്ദ​വൈ​വി​ധ്യ​ങ്ങ​ളെ ഒ​ന്നി​ച്ചുചേ​ർ​ത്ത് സ്വ​ര​ല​യം സൃ​ഷ്ടി​ക്കു​ന്ന സം​ഗീ​ത​ജ്ഞ​നെ​പ്പോ​ലെ നോ​വ​ൽ ഘ​ട​ക​ങ്ങ​ളെ കൂ​ട്ടി​ച്ചേ​ർ​ത്ത് നോ​വ​ലി​നെ ആ​ദി​മ​ധ്യാ​ന്ത​പ്പൊ​രു​ത്ത​മു​ള്ള​താ​ക്കി തീ​ർ​ക്കു​മ്പോ​ൾ മാ​ത്ര​മേ ഒ​രു നോ​വ​ലി​സ്റ്റ് വി​ജ​യി​ച്ചു എ​ന്നുപ​റ​യാ​ൻ ക​ഴി​യു​ക​യു​ള്ളൂ. ചി​ഹ്ന​ഭാ​ഷ​യു​ടെ നി​ർ​ധാ​ര​ണ​വും അ​ഭ​യാ​ർ​ഥി പ്ര​ശ്ന​വും ഗോ​പാ​ൽ ബ​റു​വ​യു​ടെ കു​റ്റ​ബോ​ധ​വും സ​ന്തോ​ഷി​ന്റെ നോ​വ​ലി​ലെ വ്യ​ത്യ​സ്തഘ​ട​ക​ങ്ങ​ളാ​ണ്. ഈ ​ഘ​ട​ക​ങ്ങ​ളെ ഒ​ട്ടും മു​ഴ​ച്ചുനി​ൽ​ക്കാ​തെ പ​ര​സ്പ​രം വി​ല​യി​പ്പി​ച്ച് നോ​വ​ലി​ന് ഒ​രു ഏ​ക​ശി​ലാ​സൗ​ന്ദ​ര്യം ന​ൽ​കാ​ൻ സ​ന്തോ​ഷ്‌ കു​മാ​റി​ന് ക​ഴി​ഞ്ഞി​ട്ടു​ണ്ട്.

ക​ഥാ​പാ​ത്ര​ നി​ർ​മിതി​യി​ലും ഒ​രു നോ​വ​ലി​സ്റ്റ് എ​ന്ന നി​ല​യി​ൽ സ​ന്തോ​ഷ് കു​മാ​ർ ത​ന്റെ മി​ക​വ് പ്ര​ക​ടി​പ്പി​ക്കു​ന്നു​ണ്ട്.​ ക​ഥാ​പാ​ത്ര​ങ്ങ​ൾ അ​വ​രു​ടെ നി​ർ​ജീ​വ​മാ​യ ക​ട​ലാ​സുജീ​വി​ത​ത്തി​ൽനി​ന്ന് പു​റ​ത്തുക​ട​ക്കു​ന്ന​ത് വാ​യ​ന​ക്കാ​രു​ടെ മ​ന​സ്സി​ൽ വൈ​കാ​രി​ക ഇ​ടം നേ​ടി​യെ​ടു​ക്കു​മ്പോ​ഴാണ്. വാ​യ​ന​ക്കാ​രു​ടെ മ​ന​സ്സി​ന്റെ ദുഃ​ഖ​വീ​ണ​യി​ൽ നേ​ർ​ത്ത നൊ​മ്പ​ര ശ്രു​തി​ക​ൾ മീ​ട്ടി​ക്കൊ​ണ്ട് സ​ന്തോ​ഷി​ന്റെ നോ​വ​ലി​ലെ ക​ഥാ​പാ​ത്ര​ങ്ങ​ൾ മാ​ഞ്ഞു​പോ​കാ​ത്ത​വ​ണ്ണം അ​വ​രു​ടെ ഹൃ​ദ​യ​ത്തി​ൽ ഇ​ടംനേ​ടി​യെ​ടു​ക്കു​ന്നു.​ സ​വി​ശേ​ഷ​മാ​യ വി​ശ​ക​ല​ന​ശ്ര​ദ്ധ ആ​വ​ശ്യ​പ്പെ​ടു​ന്ന ക​ഥാ​പാ​ത്ര​ങ്ങ​ളാ​ണ് ത​പോ​മ​യി​യും അ​യാ​ളു​ടെ അ​ച്ഛ​ൻ ഗോ​പാ​ൽ ബ​റു​വ​യും. പ​ര​സ്പ​രം പ്ര​തി​ഫ​ലി​പ്പി​ക്കു​ന്ന ദ​ർ​പ്പ​ണ ക​ഥാ​പാ​ത്ര​ങ്ങ​ളാ​യി​ട്ടാ​ണ് നോ​വ​ലി​സ്റ്റ് അ​വ​രെ സൃ​ഷ്ടി​ച്ചി​ട്ടു​ള്ള​ത്. ‘ത​പോ​മ​യി​യു​ടെ അ​ച്ഛ​ൻ’ എ​ന്നാ​ണ​ല്ലോ നോ​വ​ൽ ശീ​ർ​ഷ​കം. ത​പോ​മ​യി​ക്കാ​ണോ അ​ച്ഛ​നാ​ണോ നോ​വ​ലി​ൽ കൂ​ടു​ത​ൽ പ്രാ​ധാ​ന്യം എ​ന്നൊ​രു ചോ​ദ്യ​ത്തി​ന് ഇ​വി​ടെ പ്ര​സ​ക്തി​യു​ണ്ട്. ഗോ​പാ​ൽ ബ​റു​വ​യു​ടെ പേ​ര് ശീ​ർ​ഷ​ക​ത്തി​ൽ പ്ര​തി​പാ​ദി​ച്ചി​ട്ടി​ല്ല എ​ന്ന​ത് ശ്ര​ദ്ധേ​യ​മാ​ണ്. അ​ത്ത​ര​ത്തി​ൽ നോ​ക്കു​മ്പോ​ൾ പേ​ര് സൂ​ചി​പ്പി​ച്ചി​ട്ടു​ള്ള ത​പോ​മ​യി​ക്കാ​ണ് പ്രാ​ധാ​ന്യം. ത​പോ​മ​യി​യു​ടെ അ​ച്ഛ​ൻ എ​ന്ന നി​ല​ക്കാ​ണ് ഗോ​പാ​ൽ ബ​റു​വ​ക്ക് അ​സ്തി​ത്വ​മു​ള്ള​ത്.​ എ​ന്നാ​ൽ, മ​റ്റൊ​രു വീ​ക്ഷ​ണ​കോ​ണി​ൽനി​ന്ന് നോ​ക്കു​മ്പോ​ൾ ത​പോ​മ​യി​യു​ടെ പു​ത്ര​പ​ദ​വി​ക്ക​ല്ല ഗോ​പാ​ൽ ബ​റു​വ​യു​ടെ പി​തൃ​പ​ദ​വി​ക്കാ​ണ് കൂ​ടു​ത​ൽ ഊ​ന്ന​ൽ ന​ൽ​കു​ന്ന​ത്.

​ പ്ര​ശ്ന​വത്ക​രി​ക്ക​പ്പെ​ടു​ന്ന പി​തൃ-പു​തൃ ബ​ന്ധ​മാ​ണ് നോ​വ​ലി​ന്റെ കേ​ന്ദ്ര​സ്ഥാ​നം. പി​താ​വി​ന്റെ ജീ​നു​ക​ളു​ടെ ജൈ​വി​ക​മാ​യ കൈ​മാ​റ്റ​ത്തി​ലൂ​ടെ ഉ​ട​ലെ​ടു​ക്കു​ന്ന ഒ​ന്നാ​ണോ പി​തൃ​-പു​തൃബ​ന്ധം എ​ന്ന നൈ​തി​ക​മാ​യ ചോ​ദ്യ​ത്തി​നു​ള്ള ഉ​ത്ത​രം ആ​രാ​ഞ്ഞുകൊ​ണ്ടാ​ണ് നോ​വ​ലി​സ്റ്റ് ഈ ​ക​ഥാ​പാ​ത്ര​ങ്ങ​ൾ​ക്ക് ജീ​വ​ൻ ന​ൽ​കി​യി​ട്ടു​ള്ള​തെ​ന്നു കാ​ണാം. അ​ടി​സ്ഥാ​ന​പ​ര​മാ​യി ഗോ​പാ​ൽ ബ​റു​വ ഒ​രു ന​ല്ല മ​നു​ഷ്യ​നാ​ണെ​ങ്കി​ലും ഒ​രു നി​ർ​ണാ​യ​ക ഘ​ട്ട​ത്തി​ൽ അ​യാ​ൾ​ക്ക് ഒ​രു ധാ​ർ​മിക​വീ​ഴ്ച സം​ഭ​വി​ക്കു​ന്നു​ണ്ട്.​ ത്യാ​ഗ​സ​ന്ന​ദ്ധ​മാ​യ ഒ​രു കാ​രു​ണ്യ​ജീ​വി​തമാ​ണ് ത​പോ​മ​യി തിര​ഞ്ഞെ​ടു​ക്കു​ന്ന​ത് എ​ന്ന​ത് അ​യാ​ളെ കൂ​ടു​ത​ൽ ഔ​ന്ന​ത്യ​മു​ള്ള ഒ​രു ക​ഥാ​പാ​ത്ര​മാ​യി പ​രി​വ​ർ​ത്തി​പ്പി​ക്കു​ന്നു​ണ്ട്. നോ​വ​ലി​സ്റ്റി​ന്റെ ശാ​രീ​രി​ക വി​വ​ര​ണ​ങ്ങ​ളി​ൽ ത​പോ​മ​യി​യു​ടെ ഉ​യ​ര​ത്തി​നു ന​ൽ​കി​യി​ട്ടു​ള്ള പ്രാ​ധാ​ന്യം പ്ര​തീ​കാ​ത്മ​ക​മ​ല്ലേ എ​ന്ന് ന്യാ​യ​മാ​യും തോ​ന്നാ​വു​ന്ന സ​ന്ദ​ർ​ഭ​മാ​ണി​ത്.​ ഗോ​പാ​ൽ ബ​റു​വ​യു​ടെ കു​റ​വു​ക​ളെ പൂ​രി​പ്പി​ക്കു​ക​യാ​ണ് ത​പോ​മ​യി​യു​ടെ ജീ​വ​ന​ദൗ​ത്യം.​ കേ​വ​ല​മാ​യ ഒ​രു പു​ത്ര​പ​ദ​വി​യി​ൽനി​ന്ന് മോ​ച​നം നേ​ടി അ​ഭ​യാ​ർ​ഥിക​ൾ​ക്കു​വേ​ണ്ടി ത​ന്റെ ജീ​വി​തം നീ​ക്കി​വെ​ക്കു​ന്ന​തി​ലൂ​ടെ കാ​രു​ണ്യ​പൂ​ർ​ണമാ​യ ഒ​രു സാ​മൂ​ഹി​ക പ​ദ​വി അ​യാ​ൾ നേ​ടി​യെ​ടു​ക്കു​ന്നു​ണ്ട്.

‘‘ബ​ന്ധു​ക​ള​ർ​ത്ഥ​ഗൃ​ഹ പു​ത്രാ​ദി​ജ​ന്മ​മ​തി​ൽ

വ​ർ​ത്തി​ച്ചു​നി​ന്നു​ല​കി​ൽ നി​ൻ ത​ത്വ​മോ​ർ​ക്കി​ലു​മി-

ത​ന്ധ​ന്നു കാ​ട്ടി​യൊ​രു ക​ണ്ണാ​ടിപോ​ലെ പു​ന-

രെ​ന്നാ​ക്കി​ടൊ​ല്ല’’ എ​ന്ന ഹ​രി​നാ​മ​കീ​ർ​ത്ത​ന​ത്തി​ലെ വ​രി​ക​ൾ, എ​ന്റേ​ത് എ​ന്ന സ​ങ്കു​ചി​തബോ​ധം എ​ങ്ങ​നെ ഈ​ശ്വ​ര സാ​ക്ഷാ​ത്കാര​ത്തി​ന് ത​ട​സ്സ​മാ​യി നി​ൽ​ക്കു​ന്നു എ​ന്ന് വി​വ​രി​ച്ചി​ട്ടു​ള്ള​ത് ഇ​വി​ടെ സ്മ​ര​ണീ​യ​മാ​ണ്.​ ഈ​ശ്വ​ര സാ​ക്ഷാ​ത്കാ​രം എ​ന്ന​തുപോ​ലും സ​ങ്കു​ചി​ത​മാ​യ ഒ​രു സ്വാ​ർ​ഥ​ബോ​ധ​മാ​ണ്. ഒ​രു ന​ല്ല മ​നു​ഷ്യ​നാ​യി​ത്തീ​രു​ക എ​ന്ന​താ​ണ് പ്ര​ധാ​നം.​ എ​ന്റെ മ​ക്ക​ൾ എ​ന്ന സ്വാ​ർ​ഥ​ബോ​ധ​മാ​ണ് ധൃ​ത​രാ​ഷ്ട്ര​രെ അ​ന്ധ​നാ​ക്കി​ത്തീർ​ക്കു​ന്ന​ത് എ​ന്ന് മ​ഹാ​ഭാ​ര​ത ക​ഥ ന​മ്മോ​ട് പ​റ​ഞ്ഞി​ട്ടു​ള്ള​താ​ണ​ല്ലോ.

കു​ടും​ബം, ജാ​തി, മ​തം, ദേ​ശം, ഭാ​ഷ, ലിം​ഗം തു​ട​ങ്ങി​യ എ​ല്ലാ സ​ങ്കു​ചി​ത​ത്വ​ങ്ങ​ളും ഉ​പേ​ക്ഷി​ക്കു​മ്പോ​ഴേ ഒ​രാ​ൾ ന​ല്ല മ​നു​ഷ്യ​നാ​കൂ. സ്നേ​ഹം ഒ​രു വി​മോ​ച​ന പ​ദ​വി​യാ​ണ് ഈ ​നോ​വ​ലി​ൽ. ര​ക്ത​ബ​ന്ധം സ്നേ​ഹ​ത്തി​ന്റെ സാ​ക്ഷ്യ​പ​ത്ര​മാ​ക​ണ​മെ​ന്നി​ല്ല. അ​ന്യ​ര​ക്ത​ത്തി​ൽ പി​റ​ന്ന ത​പോ​മ​യി​യെ ഒ​ര​ച്ഛ​ന്റെ സ്നേ​ഹ​പൂ​ർ​ണത​യോ​ടെ മ​ക​നാ​യി സ്വീ​ക​രി​ക്കാ​ൻ ത​യാറാ​കു​ന്ന ഗോ​പാ​ൽ ബ​റു​വ ത​ന്റെ വീ​ഴ്ച​ക​ളി​ൽനി​ന്ന് ഒ​രു സൂ​ര്യ​നെ​പ്പോ​ലെ ഉ​ദി​ച്ചു​യ​രു​ന്നു​ണ്ട് നോ​വ​ലി​ൽ. ര​ക്തബ​ന്ധം എ​ന്ന സ്വാ​ർ​ഥബോ​ധം ഒ​രു അ​ഴു​ക്കു​ചാ​ലാ​യി മാ​റു​ന്ന​ത് വം​ശീ​യ ക​ലാ​പ​ങ്ങ​ളി​ലും സം​ഘ​ർ​ഷ​ങ്ങ​ളി​ലും നാം ​ക​ണ്ടുവ​രു​ന്ന അ​ടി​സ്ഥാ​ന യാ​ഥാ​ർ​ഥ്യ​മാ​ണ്. ഈ ​വം​ശീ​യ ബോ​ധ​ങ്ങ​ളി​ൽനി​ന്നാ​ണ് അ​ഭ​യാ​ർ​ഥിക​ൾ സൃ​ഷ്ടി​ക്ക​പ്പെ​ടു​ന്ന​ത്‌. അ​ന്യ​ര​ക്ത​ത്തി​ൽ പി​റ​ന്ന അ​പ​ര​നെ സ്നേ​ഹ ശു​ശ്രൂ​ഷ​ക​ളി​ലൂ​ടെ ഹൃ​ദ​യ​ത്തി​ന്റെ അ​യ​ൽ​വാ​സി​യാ​യി സ്വീ​ക​രി​ക്കാ​ൻ ക​ഴി​യു​മ്പോ​ഴേ ഒ​രാ​ൾ​ക്ക് ന​ല്ല സ​മ​രി​യ​ക്കാ​ര​നാ​കാ​ൻ സാ​ധി​ക്കൂ എ​ന്ന ബൈ​ബി​ൾ പാ​ഠം ഇ​വി​ടെ സ്മ​ര​ണീ​യ​മാ​ണ്.

നോ​വ​ൽ ശീ​ർ​ഷ​ക​ത്തി​ൽ പു​രു​ഷ ക​ഥാ​പാ​ത്ര​ങ്ങ​ളാ​യ ത​പോ​മ​യി​ക്കും ഗോ​പാ​ൽ ബ​റു​വ​ക്കും ന​ൽ​കി​യി​രി​ക്കു​ന്ന പ്രാ​ധാ​ന്യ​ത്തി​ലൂ​ടെ പു​രു​ഷ​ന്റെ ലിം​ഗ​പ​ദ​വി​യെ ഉ​യ​ർ​ത്തി പ്ര​തി​ഷ്ഠി​ക്കാ​നാ​ണോ നോ​വ​ലി​സ്റ്റ് ശ്ര​മി​ക്കു​ന്ന​തെ​ന്നു സം​ശ​യം തോ​ന്നാം. എ​ന്നാ​ൽ, നോ​വ​ലി​ന്റെ അ​ന്ത​ർ മ​ണ്ഡ​പ​ത്തി​ൽ ഏ​റ്റ​വും മി​ഴി​വാ​ർ​ന്ന ക​ഥാ​പാ​ത്ര​മാ​യി പ്ര​തി​ഷ്ഠി​ക്ക​പ്പെ​ട്ടി​ട്ടു​ള്ള​ത് സു​മ​ന എ​ന്ന സ്ത്രീ ​ക​ഥാ​പാ​ത്ര​മാ​ണ് എ​ന്ന​ത് ഇ​തൊ​രു പു​രു​ഷ കേ​ന്ദ്രീ​കൃ​ത നോ​വ​ല​ല്ല എ​ന്ന വ​സ്തു​ത​യി​ലേ​ക്കാ​ണ് വി​ര​ൽചൂ​ണ്ടു​ന്ന​ത്. സ്ത്രീ ​മ​ന​സ്സി​ന്റെ ആ​ഴന​ദി​യി​ലേ​ക്ക് ഒ​രു മ​നോ​വി​ശ​ക​ല​ന വി​ശാ​ര​ദ​നെ​പ്പോ​ലെ ഊ​ള​ിയി​ട്ടി​റ​ങ്ങു​ന്ന നോ​വ​ലി​സ്റ്റ് കാ​ലം മി​നു​ക്കി​യെ​ടു​ത്ത പെ​ൺ​മ​ന​സ്സി​ന്റെ ന​ന്മ​ക​ളു​ടെ സാ​ള​ഗ്രാ​മ​ങ്ങ​ളെ പു​റ​ത്തെ​ടു​ത്ത് പ്ര​ദ​ർ​ശി​പ്പി​ക്കു​ന്നു.​ പ്ര​ണ​യ​ത്തി​ന്റെ പൂ​ർ​വാ​ശ്ര​മ​ത്തി​ൽനി​ന്ന് ഗാ​ർ​ഹ​സ്‌​ഥ്യ​ത്തി​ന്റെ ഭാ​ര്യാ​പ​ദ​വി​യി​ലേ​ക്ക് വ​ന്നെ​ത്തു​മ്പോ​ൾ സു​മ​ന​യി​ലും വ​ലി​യൊ​രു സ്നേ​ഹ​പ​രി​വ​ർ​ത്ത​നം സം​ഭ​വി​ക്കു​ന്നു​ണ്ട്. സു​മ​ന​ക്ക് ഗോ​പാ​ലി​നെ​യാ​യി​രു​ന്നു ഇ​ഷ്ടം.

എ​ന്നാ​ൽ, ശ്യാ​മ​ൾ ദാ​യെ ഭ​ർ​ത്താ​വാ​യി സ്വീ​ക​രി​ക്കാ​ൻ അ​വ​ൾ നി​ർ​ബ​ന്ധി​ത​യാ​യിത്തീരു​ന്നു. തു​ട​ക്ക​ത്തി​ൽ അ​വ​ൾ​ക്ക് അ​യാ​ളോ​ട് വെ​റു​പ്പാ​യി​രു​ന്നു. അ​യാ​ളു​ടെ മു​ഷി​ഞ്ഞ വി​യ​ർ​പ്പു മ​ണ​ക്കു​ന്ന ഉ​ടു​പ്പു​ക​ൾ, ഏ​ന്തി​വ​ലി​ഞ്ഞ് ഒ​പ്പ​മെ​ത്താ​നു​ള്ള ന​ട​പ്പ്, മു​ട​ന്തു​ന്ന വാ​ക്കു​ക​ൾ, ഒ​രു കി​ഴ​വ​ന്റെ ഛായ ​ഇ​വ​യൊ​ന്നും അ​വ​ൾ​ക്ക് ഇ​ഷ്ട​മാ​യി​രു​ന്നി​ല്ല. എ​ന്നാ​ൽ, പി​ന്നീ​ട് എ​പ്പോ​ഴൊ​ക്കെ​യോ അ​യാ​ളു​ടെ മ​ന​സ്സി​ന്റെ പ​രി​മ​ളം ഒ​രു ഭാ​ര്യ എ​ന്ന നി​ല​യി​ൽ അ​വ​ളെ അ​യാ​ളു​മാ​യി ദൃ​ഢ​മാ​യി ബ​ന്ധി​പ്പി​ക്കു​ന്ന​താ​ണ് നാം ​കാ​ണു​ന്ന​ത്.​ പാ​തി​വ്ര​ത്യം എ​ന്ന പു​രു​ഷ​സ​ങ്ക​ൽപത്തെ ഉ​യ​ർ​ത്തി​ക്കാ​ട്ടാ​ന​ല്ല സു​മ​ന എ​ന്ന ക​ഥാ​പാ​ത്ര​സൃ​ഷ്ടി​യി​ലൂ​ടെ നോ​വ​ലി​സ്റ്റ് ശ്ര​മി​ക്കു​ന്ന​തെ​ന്ന് എ​ടു​ത്തുപ​റ​യേ​ണ്ട​തു​ണ്ട്.​ സ്ത്രീ മ​ന​സ്സി​ന്റെ ന​ന്മ​യു​ടെ പ്ര​തി​ഫ​ല​നം എ​ന്ന നി​ല​യി​ലാ​ണ് സു​മ​ന​യു​ടെ മ​ന​സ്സി​ന്റെ പ​രി​വ​ർ​ത്ത​ന​ത്തെ കാ​ണേ​ണ്ട​ത്. അ​ങ്ങ​നെ സു​മ​ന നോ​വ​ലി​ലെ കേ​ന്ദ്ര ക​ഥാ​പാ​ത്ര​ങ്ങ​ളാ​യ ത​പോ​മ​യി​യെ​യും ഗോ​പാ​ൽ ബ​റു​വ​യെ​യും മ​റിക​ട​ന്ന് നോ​വ​ലി​ലെ പ്ര​കാ​ശ​സ്ഥാ​ന​മാ​യി മാ​റു​ന്നു.

ഈ ​നോ​വ​ലി​ലെ മ​റ്റൊ​രു ന​ക്ഷ​ത്ര​ത്തി​ള​ക്കം ഡോ​. ത​പ​സ്സ് സ​ർ​ക്കാ​ർ എ​ന്ന ക​ഥാ​പാ​ത്ര​മാ​ണ്. ഡോ​ക്ട​റും ഗോ​പാ​ൽ ബ​റു​വ​യു​മാ​യു​ള്ള ആ​ത്മ​ബ​ന്ധം എ​ത്രമാ​ത്രം ചാ​രു​ത​യോ​ടെ​യാ​ണ് നോ​വ​ലി​സ്റ്റ് ആ​വിഷ്‍കരി​ച്ചി​രി​ക്കു​ന്ന​ത്! ​പ​ര​സ്പ​രം ത​ർ​ക്കി​ച്ചും പി​ണ​ങ്ങി​യും പ​രി​ഹാ​സ​വാ​ക്കു​ക​ൾ പ​റ​ഞ്ഞും പ​തു​ക്കെ പ​തു​ക്കെ ആ ​മ​ഹാ​സൗ​ഹൃ​ദം പ​ട​ർ​ന്നുപ​ന്ത​ലി​ക്കു​ക​യാ​ണ്. സൗ​ഹൃ​ദം എ​ന്ന​ത് സ്നേ​ഹി​ക്കാ​ൻ മാ​ത്ര​മു​ള്ള ഒ​രി​ട​മ​ല്ലെ​ന്നും വി​യോ​ജി​ക്കാ​നും ത​ർ​ക്കി​ക്കാ​നുമു​ള്ള ഇ​ടംകൂ​ടി അ​തി​ൽ ഉ​ണ്ടെ​ന്നും നോ​വ​ലി​സ്റ്റ് വ​ര​ച്ചുകാ​ട്ടു​മ്പോ​ൾ സ്നേ​ഹ​ത്തി​ന്റെ നി​ർ​വ​ച​ന​ങ്ങ​ൾ​ക്ക് വ്യാ​പ്തി​യും ആ​ഴ​വും വ​ർ​ധിക്കു​ന്നു​ണ്ട്.​ വി​യോ​ജി​ക്കാ​നു​ള്ള സ്വാ​ത​ന്ത്ര്യമാണ് ജ​നാ​ധി​പ​ത്യ​ത്തെ ബ​ല​പ്പെ​ടു​ത്തു​ന്ന​ത് എ​ന്ന നോ​വ​ലി​സ്റ്റി​ന്റെ കാ​ഴ്ച​പ്പാ​ടാ​ണ് ഈ ​ക​ഥാ​പാ​ത്ര​ങ്ങ​ളി​ലൂ​ടെ വെ​ളി​പ്പെ​ട്ടുവ​രു​ന്ന​ത്. ​വൈ​കാ​രി​ക​ത​യും സാ​മൂ​ഹി​ക​ത​യും ഒ​ത്തുചേ​രു​ന്ന ഈ ​നോ​വ​ൽ മ​ല​യാ​ള ​സാ​ഹി​ത്യ​ത്തി​ന് തീ​ർ​ച്ച​യാ​യും ഒ​രു മു​ത​ൽ​ക്കൂ​ട്ടാ​ണ്.