എഴുത്തുകുത്ത്

1983ൽനി​ന്നും 2011ലേ​ക്കു​ള്ള ദൂ​രം

ക​പി​ൽ​ദേ​വ്, മ​ഹേ​​ന്ദ്ര സി​ങ് ധോ​ണി എ​ന്നീ ക്രി​ക്ക​റ്റി​ലെ ര​ണ്ട് അ​തി​കാ​യ​ന്മാ​രെ​ക്കു​റി​ച്ച് ആ​ഴ്ച​പ്പ​തി​പ്പ് പ്ര​സി​ദ്ധീ​ക​രി​ച്ച നി​രീ​ക്ഷ​ണ​ങ്ങ​ൾ വാ​യി​ച്ചു. അ​നു​ബ​ന്ധ​മാ​യി ഒ​രു കാ​ര്യം കൂ​ടി കൂ​ട്ടി​ച്ചേ​ർ​ക്ക​ട്ടെ. പ്ര​ത്യ​ക്ഷ​ത്തി​ൽ ര​ണ്ടുപേ​രും ഇ​ന്ത്യ​ക്ക് ക്രി​ക്ക​റ്റ് ലോ​ക​ക​പ്പ് നേ​ടി​ത്ത​ന്ന​വ​രാ​ണ്. ആ ​അ​ർ​ഥത്തി​ൽ ര​ണ്ടു​പേ​രും ബ​ഹു​മാ​നി​ക്ക​പ്പെ​ടേ​ണ്ട​വ​ർത​ന്നെ. പ​ക്ഷേ, ക​പി​ൽ​ദേ​വി​ന്റെ വി​ജ​യ​വും ധോ​ണി​യു​ടെ വി​ജ​യ​വും ത​മ്മി​ൽ സ​മീ​ക​രി​ക്കാ​നാ​കി​ല്ല എ​ന്നാ​ണ് അ​ഭി​പ്രാ​യം. ആ​ഴ്ച​പ്പ​തി​പ്പ് പ്ര​സി​ദ്ധീ​ക​രി​ച്ച ലേ​ഖ​ന​ങ്ങ​ളി​ൽ ആ ​വാ​ദം ഇ​ല്ലെ​ങ്കി​ലും സ​മൂ​ഹ​മാ​ധ്യ​മ​ങ്ങ​ളി​ലും മ​റ്റും ചി​ല​രെ​ങ്കി​ലും അ​ങ്ങ​നെ ചെ​യ്യാ​റു​ണ്ട്.

കാ​ര​ണ​ങ്ങ​ൾ

1. പ​ന്ത​യക​ണ​ക്കു​ക​ൾ പ്ര​കാ​രം ഇ​ന്ത്യ​ക്ക് 2011 ലോ​ക​ക​പ്പ് ജ​യി​ക്കാ​ൻ 1/3 സാ​ധ്യ​ത​ക​ൾ ഉ​ണ്ടാ​യി​രു​ന്നു. ടൂ​ർ​ണ​മെ​ന്റി​ൽ ഏ​റ്റ​വും സാ​ധ്യ​ത​യു​ള്ള ടീം ​ഇ​ന്ത്യത​ന്നെ​. അ​തേസ​മ​യം, 1983 ലോ​ക​ക​പ്പി​ൽ ഇ​ന്ത്യ​യു​ടെ വി​ജ​യ​സാ​ധ്യ​ത 66ൽ 1 ​മാ​ത്രം!

2. 2011 ലോ​ക​ക​പ്പി​ലെ ഫൈ​ന​ലും സെ​മിഫൈ​ന​ലും അ​ട​ക്ക​മു​ള്ള പ്ര​ധാ​ന മ​ത്സ​ര​ങ്ങ​ളെ​ല്ലാം ന​ട​ന്ന​ത് ഇ​ന്ത്യ​യി​ൽത​ന്നെ​യാ​യി​രു​ന്നു. അ​തേ സ​മ​യം, 1983 ലോ​ക​ക​പ്പ് ന​ട​ന്ന​ത് ഇം​ഗ്ലീ​ഷ് സാ​ഹ​ച​ര്യ​ങ്ങ​ളി​ലാ​ണ്.

3. 2011 ലോ​ക​ക​പ്പാ​യ​പ്പോ​ഴേ​ക്കും ആസ്ട്രേ​ലി​യ​ൻ ക്രി​ക്ക​റ്റി​ന്റെ അ​പ്ര​മാ​ദി​ത്വ​ത്തി​ന് ഇ​ടി​വുത​ട്ടി​യി​രു​ന്നു. അ​തി​ശ​ക്ത​രാ​യ ടീ​മു​ക​ളെന്ന് വി​ളി​ക്കാ​വു​ന്ന​വ​രി​ല്ല. 1983 ലോ​ക​ക​പ്പ് സ​മ​യ​ത്ത് വെ​സ്റ്റി​ൻ​ഡീ​സ് ടീം ​അ​തിശ​ക്ത​രാ​യി​രു​ന്നു. ആസ്ട്രേ​ലി​യ, ഇം​ഗ്ല​ണ്ട്, ന്യൂ​സി​ല​ൻ​ഡ്, പാ​കി​സ്താ​ൻ തു​ട​ങ്ങി​യ​വ​രെ​ല്ലാം ഇ​ന്ത്യ​യേ​ക്കാ​ൾ ക​രു​ത്ത​ർ.

4. 2011 ലോ​ക​ക​പ്പ് ആ​യ​പ്പോ​ഴേ​ക്കും ഇ​ന്ത്യ ഏ​ക​ദി​ന ക്രി​ക്ക​റ്റി​ലെ ശ​ക്ത​മാ​യ ടീ​മാ​യി​രു​ന്നു. സ​ചി​ൻ, സെ​വാ​ഗ്, ധോ​ണി, ഗം​ഭീ​ർ, യു​വ​രാ​ജ്, കോ​ഹ്‍ലി എ​ന്നി​വ​ര​ട​ങ്ങു​ന്ന ക​രു​ത്തു​റ്റ ബാ​റ്റിങ് നി​ര. എ​ന്നാ​ൽ, 1983 ലോ​ക​ക​പ്പി​നു മു​മ്പേ ഇ​ന്ത്യ ക​ളി​ച്ച 40 ഏ​ക​ദി​ന​ങ്ങ​ളി​ൽ ജ​യി​ച്ച​ത് 12 എ​ണ്ണ​ത്തി​ൽ മാ​ത്രം!

5. 2011 ആ​കു​മ്പോ​ഴേ​ക്കും ഇ​ന്ത്യ ക്രി​ക്ക​റ്റി​ലെ അ​തിസ​മ്പ​ന്ന രാ​ഷ്ട്ര​മാ​യി​രു​ന്നു. വ​ലി​യ സ്റ്റേ​ഡി​യ​ങ്ങ​ളും ​അ​ക്കാ​ദ​മി​ക​ളു​മെ​ല്ലാം സ്ഥാ​പി​ക്ക​പ്പെ​ട്ടു. 1983 ലോ​ക​ക​പ്പ് വി​ജ​യി​ക​ളാ​യ ഇ​ന്ത്യ​ൻ ടീ​മി​ന് പ​ണം സ​മ്മാ​നി​ക്കാ​ൻപോ​ലു​മു​ള്ള ശേ​ഷി ബി.​സി.​സി.​ഐ​ക്കു​ണ്ടാ​യി​രു​ന്നി​ല്ല. ല​താ മ​​ങ്കേ​ഷ്ക​റു​ടെ നേ​തൃ​ത്വ​ത്തി​ൽ ന​ട​ന്ന ഗാ​ന​മേ​ള​യി​ലൂ​ടെ സ്വ​രൂ​പി​ച്ച പ​ണ​മാ​ണ് വി​ജ​യി​ക​ൾ​ക്ക് ന​ൽ​കി​യ​ത്.

ധോ​ണി​​യെ ഇ​ക​ഴ്ത്തി​ക്കാ​ണി​ക്കാ​ന​ല്ല, ഇ​ത്ര​യും പ​റ​ഞ്ഞ​ത്. ര​ണ്ടും വ്യ​ത്യ​സ്ത സാ​ഹ​ച​ര്യ​ങ്ങ​ളി​ലാ​ണെ​ന്ന് ഓ​ർ​മി​പ്പി​ക്കാ​ൻ മാ​ത്രം. എ​ന്റെ വ്യ​ക്തി​പ​ര​മാ​യ അ​ഭി​പ്രാ​യ​ത്തി​ൽ ധോ​ണി​ക്ക് ഏ​റ്റ​വും അ​ഭി​മാ​നി​ക്കാ​ൻ ക​ഴി​യു​ക 2007ലെ ​ട്വ​ന്റി 20 ലോ​ക​ക​പ്പ് വി​ജ​യ​ത്തി​ലാ​ണ്. വ​ലി​യ താ​ര​ങ്ങ​ളോ ടൂ​ർ​ണ​മെ​ന്റ് ഫേ​വ​റേ​റ്റു​ക​ളോ അ​ല്ലാ​തെ പോ​യി ദ​ക്ഷി​ണാ​ഫ്രി​ക്ക​യി​ൽ പ്ര​ഥ​മ ട്വ​ന്റി 20 കി​രീ​ടം നേ​ടി​യ​തി​ൽ ചെ​റി​യ ‘ക​പി​ൽ​ദേ​വി​സം’ ഉ​ണ്ടെ​ന്ന് പ​റ​യാം.

മു​ഹ്സി​ൻ, മ​ല​പ്പു​റം

ചാ​ച്ച​ൻ: ഭാ​ഷ കൊ​ണ്ടു​തീ​ർ​ത്ത ഒ​രു ശി​ൽ​പം

ചാ​ച്ച​ൻ ക​ഥാ​വ​ർ​ത്ത​മാ​ന​ത്തി​ന്റെ ഏ​റ്റ​വും പു​തി​യ വേ​ർ​ഷ​നാ​ണ് (ല​ക്കം: 1318). ഒ​രു ന്യൂ ​ജ​ന​റേ​ഷ​ൻ സി​നി​മ​ക്കു വേ​ണ്ട മി​ക​ച്ച ഷോ​ട്ടു​ക​ൾ ഒ​രു തി​ര​ക്ക​ഥപോ​ലെ ഈ ​ക​ഥ​യി​ലു​ണ്ട്.

ഒ​രു പ്ര​തി​കാ​ര​ ക​ഥ​യു​ടെ ക​രി​മ​രു​ന്ന് കൃ​ത്യ​മാ​യി ഒ​ളി​പ്പി​ച്ചുവെ​ച്ച ക​ഥ, അ​ത് പൊ​ട്ടേ​ണ്ട​യി​ട​ത്തുത​ന്നെ പൊ​ട്ടി​ച്ചി​ട്ടു​മു​ണ്ട്. ക​ഥ​യു​ടെ ഭാ​ഷ​യി​ലേ​ക്ക് അ​ലി​യി​ച്ച് ചേ​ർ​ത്ത ഉ​പ​മ​ക​ൾ ഒ​രു ര​ക്ഷ​യു​മി​ല്ല, ഗം​ഭീ​ര​മാ​ണ്. 48 ഡി​ഗ്രി​യി​ൽ പ​നി​ച്ചുകി​ട​ക്കു​ന്ന മീ​നവെ​യി​ലി​ന്റെ പ​ത്തി​ര​ട്ടി ചൂ​ടു​ണ്ടാ​യി​രു​ന്നു ജോ​ണി​ന്റെ ഉ​ള്ളി​ൽ, ചാ​ച്ച​ന്റെ മ​ര​ണ​ത്തെ കു​റി​ച്ചു​ള്ള ചി​ന്ത​യി​ൽനി​ന്ന് പി​ന്തി​രി​യാ​ൻ കൂ​ട്ടാ​ക്കാ​തെ പീ​ടി​ക​മു​ക്ക് ഒ​രി​ക്ക​ൽകൂ​ടി വി​യ​ർ​ത്തു, വേ​ണു​വി​ന്റെ ചോ​ദ്യ​ത്തി​ന് ഉ​ത്ത​രം ന​ൽ​കാ​തെ രാ​ഘ​വ​ൻ ചാ​യ​യു​ടെ രു​ചി​യി​ലേ​ക്ക് അ​ലി​യു​ന്ന​താ​യി ന​ടി​ച്ചു, വൈ​ക്കോ​ൽ കൂ​ന​യി​ലേ​ക്കെ​റി​ഞ്ഞ തീ​നാ​ളംപോ​ലെ പ​ക ജോ​ണി​ൽ ആ​ളി​പ്പ​ട​ർ​ന്നു, ഭ​യം രാ​ജ​വെ​മ്പാ​ല​യെ​പ്പോ​ലെ വാ​ൽ​കു​ത്തി എ​ഴു​ന്നേ​റ്റുനി​ന്ന് ഹ​രി​യു​ടെ ശി​ര​സ്സി​ൽ കൊ​ത്തി... എ​ന്നി​ങ്ങ​നെ ക​ഥ​യി​ൽ നി​ര​വ​ധി ശി​ൽ​പ​ങ്ങ​ൾ ചി​ത്ര​കാ​ര​ൻകൂ​ടി​യാ​യ ക​ഥാ​കാ​ര​ൻ തീ​ർ​ത്തുവെ​ച്ചി​ട്ടു​ണ്ട്. ക​ഥ വാ​യി​ച്ചുതീ​ർ​ന്നാ​ലും ചോ​ളം വാ​റ്റി​യ മ​ദ്യ​ത്തി​ന്റെ മ​ണം വാ​യ​ന​ക്കാ​രെ ചൂ​ഴ്ന്നുനി​ൽ​ക്കും.

ര​മേ​ഷ് പെ​രു​മ്പി​ലാ​വ്

പ്ര​സ​ക്തി​യു​ള്ള നി​രൂ​പ​ണം

ടി.​എം. എ​ബ്ര​ഹാ​മി​ന്റെ ‘അ​ഹം അ​ഹം’ എ​ന്ന നാ​ട​ക​ത്തെ കു​റി​ച്ച് ബാ​ല​ച​ന്ദ്ര​ൻ വ​ട​ക്കേ​ട​ത്ത് എ​ഴു​തി​യ നി​രൂ​പ​ണം ശ്ര​ദ്ധേ​യ​മാ​യി (ല​ക്കം: 1318). മ​ല​യാ​ള നാ​ട​ക​വേ​ദി ക്ഷ​യി​ച്ചു​കൊ​ണ്ടി​രി​ക്കു​ന്ന ഇ​ന്ന​ത്തെ കാ​ല​ത്ത് ഈ ​നി​രൂ​പ​ണ​ത്തി​ന് ഏ​റെ പ്ര​സ​ക്തി​യു​ണ്ട്.

പെ​രു​ന്ത​ച്ഛ​ൻ കോം​പ്ല​ക്സ് മ​നു​ഷ്യ​മ​ന​സ്സി​ലെ ഒ​രു പ്ര​ധാ​ന പ്ര​വ​ണ​ത​യാ​ണ്. ‘അ​ഹം അ​ഹം’ എ​ന്ന നാ​ട​കം ഈ ​പ്ര​വ​ണ​ത​യെ ഭാ​വ​ഭം​ഗി​യോ​ടെ അ​നാ​വ​ര​ണം ചെ​യ്യു​ന്നു.

ജി. ​ശ​ങ്ക​ര​ക്കു​റു​പ്പി​ന്റെ ‘പെ​രു​ന്ത​ച്ച​ൻ’ എ​ന്ന ക​വി​ത മ​ല​യാ​ള​ത്തി​ന്റെ മു​ഗ്ധ​സ്വ​പ്ന​മാ​ണ​ല്ലോ. ആ ​ക​വി​ത പ​ക​രു​ന്ന ആ​ന​ന്ദം ഈ ​നാ​ട​ക​വും ഏ​റ​ക്കു​റെ പ​ങ്കു​വെ​ക്കു​ന്നു​ണ്ട്.

നി​ഴ​ലു​ക​ളെ സ്നേ​ഹി​ക്കു​ന്ന​തി​ലും അ​ഭി​കാ​മ്യം മ​നു​ഷ്യ​രെ സ്നേ​ഹി​ക്കു​ന്ന​താ​ണ്. ടെ​ലി​വി​ഷ​നി​ലും മൊ​ബൈ​ലി​ലും ന​മ്മ​ൾ നി​ഴ​ലു​ക​ളാ​ണ​ല്ലോ കാ​ണു​ന്ന​ത്. നാ​ട​ക​ത്തി​ലാ​കു​മ്പോ​ൾ ക​ഥാ​പാ​ത്ര​ങ്ങ​ളു​ടെ അ​ഭി​ന​യം നേ​രി​ട്ടു​ക​ണ്ട് മ​ന​സ്സി​ലാ​ക്കാ​ൻ സാ​ധി​ക്കു​ന്നു. നാ​ട​കദ​ർ​ശ​നം മ​ല​യാ​ളി​ക​ളു​ടെ ഗൃ​ഹാ​തു​ര​ത്വ​മു​ണ​ർ​ത്തു​ന്ന സ്മ​ര​ണ​യാ​ണ്. നി​രൂ​പ​ക​നും ആ​ഴ്ച​പ്പ​തി​പ്പി​നും സ്നേ​ഹാ​ർ​ദ്ര​മാ​യ ന​ന്ദി.

ജി​ന​ൻ ചാ​ളി​പ്പാ​ട്ട്, തൃ​ത്ത​ല്ലൂ​ർ

ഹൃ​ദ്യ​മാ​യ ഭാ​ഷ​യി​ൽ കാ​മ്പു​ള്ള ക​വി​ത

റ​ഹീ​മ കെ.​എ എ​ഴു​തി​യ ‘കു​ന്ന​ത്തു​സ്കൂ​ൾ’ എ​ന്ന ക​വി​ത ഹൃ​ദ്യ​മാ​യി (ല​ക്കം: 1319). പൊ​തു​വി​ദ്യാ​ല​യ​ങ്ങ​ളോ​ട് വി​ട​ചൊ​ല്ലി മ​നു​ഷ്യ​രാ​കെ സ്വ​കാ​ര്യ​വി​ദ്യാ​ല​യ​ങ്ങ​ളെ ആ​ശ്ര​യി​ക്കു​ന്ന പു​തി​യകാ​ല​ത്ത് ഏ​റെ പ്ര​സ​ക്ത​മാ​യ ചി​ന്ത​ക​ളാ​ണ് എ​ഴു​ത്തു​കാ​രി പ​ങ്കു​വെ​ക്കു​ന്ന​ത്. പൊ​തു​വി​ദ്യാ​ല​യ​ങ്ങ​ളു​ടെ ത​ക​ർ​ച്ച​ക്ക് കാ​ര​ണം പ​ണ​ച്ചാ​ക്കു​ക​ൾ സ്വ​പ്നം ക​ണ്ട് പ്ര​വ​ർ​ത്തി​ക്കു​ന്ന സ്വ​കാ​ര്യ വി​ദ്യാ​ല​യ​ങ്ങ​ളാ​ണെ​ന്ന സൂ​ച​ന ക​വി​ത​യി​ലു​ണ്ട്. ‘ഇ​നി​ക്കെ​ന്താ​നേ പൂ​ട്ടി​പ്പോ​വും’ എ​ന്ന ‘നെ​യ്സ​റി’ക്കാ​രു​ടെ അ​ഭി​പ്രാ​യപ്ര​ക​ട​ന​ത്തി​ൽ അ​ത് തെ​ളി​ഞ്ഞു​കാ​ണാം.

മൊ​ട്ട​ൻ ചോ​മ​ന്റെ ചോ​റ്റു​പാ​ത്ര​ത്തി​ലെ ഞ​ണ്ടും​കാ​ല് ആ​ർ​ത്തി​യോ​ടെ ക​ടി​ച്ചു​തി​ന്നി​രു​ന്ന ബാ​ല്യ​കാ​ല സ്മ​ര​ണ​ക​ൾ ക​വി പ​ങ്കു​വെ​ക്കു​മ്പോ​ൾ പു​തി​യ ത​ല​മു​റ​ക്ക് കൗ​തു​കം തോ​ന്നി​യേ​ക്കാം. സാ​മൂ​ഹിക ജീ​വി​ത​ത്തി​ന്റെ ബാ​ല​പാ​ഠ​ങ്ങ​ൾ മ​നു​ഷ്യ​ൻ പ​രി​ശീ​ലി​ക്കു​ന്ന​ത് വി​ദ്യാ​ല​യ​ങ്ങ​ളി​ൽനി​ന്നാ​ണ്. ഭ​ക്ഷ്യ​വി​ഭ​വ​ങ്ങ​ൾ പ​ങ്കി​ട്ടും സൗ​ഹൃ​ദ​ത്തി​ന്റെ മ​ധു നു​ക​ർ​ന്നും ക​ട​ന്നു​പോ​യ വി​ദ്യാ​ർ​ഥി കാ​ല​ഘ​ട്ടം അ​ന​വ​ധി ജീ​വി​തമൂ​ല്യ​ങ്ങ​ൾ പ​ക​ർ​ന്നു​ത​രു​ന്നു​ണ്ട്. ക​വി പ​റ​ഞ്ഞ​തു​പോ​ലെ ‘‘തൂ​ണും​പി​ടു​ത്തം ന​ട​ക്കു​മ്പോ വി​ട്ടു​കൊ​ടു​ക്കാ​ൻ പ​ഠി​പ്പി​ച്ച്, ഉ​ച്ച​ക്ക​ഞ്ഞി​ക്ക് കൂ​ട്ടാ​ൻ മാ​റ്റം ശീ​ലി​ച്ച്’’ ഇ​ളം ത​ല​മു​റ​യി​ൽ സ​ഹ​ന​വും സ​ഹ​ജീ​വി സ്നേ​ഹ​വും വ​ള​ർ​ത്തി​യെ​ടു​ക്കാ​ൻ പൊ​തു​വി​ദ്യാ​ല​യ​ങ്ങ​ൾ​ക്ക് വ​ലി​യ അ​ള​വോ​ളം സാ​ധി​ക്കു​ന്നു​ണ്ട്. കു​ട്ടി​ക​ളു​ടെ മൂ​ല്യ​മ​ള​ക്കാ​ൻ പ​രീ​ക്ഷ​യി​ലെ മാ​ർ​ക്കു​മാ​ത്രം മാ​ന​ദ​ണ്ഡ​മാ​ക്കു​ന്ന സ​മ​കാ​ലി​ക വി​ദ്യാ​ഭ്യാ​സ സം​സ്കാ​ര​ത്തി​ൽ ഇ​ത്ത​രം മൂ​ല്യ​ങ്ങ​ൾ എ​ത്ര​മാ​ത്രം കൈ​മാ​റ്റം ചെ​യ്യ​പ്പെ​ടു​ന്നു​വെ​ന്ന് പ​രി​ശോ​ധി​ക്കേ​ണ്ടി​യി​രി​ക്കു​ന്നു. ഗ്രാ​മീ​ണ​ത​യു​ടെ ത​നി​മ പ്ര​തി​ഫ​ലി​പ്പി​ക്കു​ന്ന ഹൃ​ദ്യ​മാ​യ ഭാ​ഷ​യും ശൈ​ലി​യു​മു​പ​യോ​ഗി​ച്ച് വാ​യ​ന​ക്കാ​രെ ഇ​ന്ന​ലെ​ക​ളി​ലേ​ക്ക് വ​ഴി​ന​ട​ത്തി​യ എ​ഴു​ത്തു​കാ​രി​ക്കും ആ​ഴ്ചപ്പ​തി​പ്പി​നും ന​ന്മ​ക​ൾ നേ​രു​ന്നു.

റു​മൈ​സ് ഗ​സ്സാ​ലി കെ​ല്ലൂ​ർ

അറിയിപ്പ്​

വ്യാ​സ ക​ലാ​സാ​ഹി​ത്യ ചാ​രി​റ്റ​ബി​ൾ സൊ​സൈ​റ്റി സാ​ഹി​ത്യ പു​ര​സ്കാ​രം

തി​രു​വ​ന​ന്ത​പു​രം വ്യാ​സ ക​ലാ​ സാ​ഹി​ത്യ ചാ​രി​റ്റ​ബി​ൾ സൊ​സൈ​റ്റി​യു​ടെ 38ാമ​ത് വാ​ർ​ഷി​ക​ത്തോ​ട​നു​ബ​ന്ധി​ച്ച് 2021-2023 വ​ർ​ഷ​ങ്ങ​ളി​ൽ പ്ര​സി​ദ്ധീ​ക​രി​ച്ച നോ​വ​ൽ, ക​ഥ, ക​വി​ത പു​സ്ത​ക​ങ്ങ​ൾ പു​ര​സ്കാ​ര​ത്തി​ന് ക്ഷ​ണി​ക്കു​ന്നു. മി​ക​ച്ച പു​സ്ത​ക​ങ്ങ​ൾ​ക്ക് 5000 രൂ​പ​യും പു​ര​സ്കാ​ര ഫ​ല​ക​വും ന​ൽ​കു​ന്ന​താ​ണ്. വി​ദ​ഗ്ധ സം​ഘ​ത്തി​ന്റെ മേ​ൽ​നോ​ട്ട​ത്തി​ലാ​യി​രി​ക്കും വി​ധി​നി​ർ​ണ​യം. പു​ര​സ്കാ​ര​ത്തി​നാ​യി പു​സ്ത​ക​ങ്ങ​ളു​ടെ മൂ​ന്നു കോ​പ്പി​യാ​ണ് അ​യ​ക്കേ​ണ്ട​ത്. പു​സ്ത​ക​ങ്ങ​ൾ അ​യ​ക്കേ​ണ്ട അ​വ​സാ​ന തീ​യ​തി 30 ജൂ​ൺ, 2023.

വി​ലാ​സം: ത​ല​യ​ൽ മ​നോ​ഹ​ര​ൻ നാ​യ​ർ, സെ​ക്ര​ട്ട​റി, വ്യാ​സ ക​ലാ​സാ​ഹി​ത്യ ചാ​രി​റ്റ​ബി​ൾ സൊ​സൈ​റ്റി, പ്ലാ​വ​റ​ത്ത​ല, ഊ​രൂ​ട്ട​മ്പ​ലം പോ​സ്റ്റ്, തി​രു​വ​ന​ന്ത​പു​രം 695507, ഫോ​ൺ: 9961142101.

പു​സ്ത​കം അ​യ​ക്കു​ന്ന​വ​ർ ക​വ​റി​ന് പു​റ​ത്ത് ‘വ്യാ​സ സാ​ഹി​ത്യ പു​ര​സ്കാ​ര​ത്തി​ന്’ എ​ന്ന് പ്ര​ത്യേ​കം എ​ഴു​തി​യി​രി​ക്ക​ണം.

ക​വി​ത​ക​ൾ ക്ഷ​ണി​ക്കു​ന്നു

തി​രു​വ​ന​ന്ത​പു​രം വ്യാ​സ ക​ലാ​സാ​ഹി​ത്യ ചാ​രി​റ്റ​ബി​ൾ സൊ​സൈ​റ്റി​യു​ടെ നേ​തൃ​ത്വ​ത്തി​ൽ ഒ​രു പു​സ്ത​കം പ്ര​സി​ദ്ധീ​ക​രി​ക്കാ​നാ​യി കേ​ര​ള​ത്തി​ലെ വി​ദ്യാ​ർ​ഥി​ക​ളി​ൽ​നി​ന്നും ക​വി​ത ക്ഷ​ണി​ക്കു​ന്നു.

മി​ക​ച്ച ക​വി​ത​ക്ക് ഒ​ന്നാം സ​മ്മാ​ന​മാ​യി 5000 രൂ​പ​യും ര​ണ്ടാം സ​മ്മാ​ന​മാ​യി 3000 രൂ​പ​യും മൂ​ന്നാം സ​മ്മാ​ന​മാ​യി 2000 രൂ​പ​യും നേ​ടാം. സ്കൂ​ൾ, കോ​ള​ജ് വി​ദ്യാ​ർ​ഥി​ക​ളി​ൽനി​ന്നാ​ണ് ക​വി​ത സ്വീ​ക​രി​ക്കു​ക. ക​വി​ത 12 വ​രി​യി​ൽ കു​റ​യാ​നും 24 വ​രി​യി​ൽ കൂ​ടാ​നും പാ​ടി​ല്ല. വി​ഷ​യനി​ബ​ന്ധ​ന ഇ​ല്ല. പ്ര​സി​ദ്ധീ​ക​ര​ണം സൗ​ജ​ന്യ​മാ​യി​രി​ക്കും. ര​ച​ന​യോ​ടൊ​പ്പം വി​ലാ​സം, ഫോ​ട്ടോ, ഫോ​ൺന​മ്പ​ർ, പ​ഠി​ക്കു​ന്ന സ്കൂ​ൾ/​കോ​ള​ജ് ഐ.​ഡി കാ​ർ​ഡ് എ​ന്നി​വ ഉ​ണ്ടാ​യി​രി​ക്ക​ണം. ര​ച​ന അ​യ​ക്കേ​ണ്ട ഇ-​മെ​യി​ൽ: vyasakalacharitabletrust@gmail.com. ര​ച​ന​ക​ൾ ല​ഭി​ക്കേ​ണ്ട അ​വ​സാ​ന തീ​യ​തി: ജൂ​ൺ 30, 2023. കൂ​ടു​ത​ൽ വി​വ​ര​ങ്ങ​ൾ​ക്ക്: 9961142101, 9656161635.