Begin typing your search above and press return to search.
proflie-avatar
Login

വിയ്യൂർ അതിസുരക്ഷ ജയിലിലെ വായനക്കാരൻ തപാലിൽ അയച്ച കത്ത്; ‘ആ കവിത വായിച്ചപ്പോൾ ഉമ്മയെ ഓർമവന്നു’

വിയ്യൂർ അതിസുരക്ഷ ജയിലിലെ വായനക്കാരൻ തപാലിൽ അയച്ച കത്ത്; ‘ആ കവിത വായിച്ചപ്പോൾ ഉമ്മയെ ഓർമവന്നു’
cancel

വാ​യി​ച്ചു തീ​ർ​ന്ന​പ്പോ​ൾ അ​മ്പ​ത് ക​ഴി​ഞ്ഞ എ​ന്റെ സ്വ​ന്തം ഉ​മ്മ​യെ​യാ​ണ് ഓ​ർ​മ​വ​ന്ന​ത്. പാ​വ​ത്തി​ന് അ​മ്പ​ത് എ​ത്തു​ന്ന​തി​ന്റെ എ​ത്ര​യോ മു​മ്പേ അ​താ​യ​ത് പ​തി​നാ​റാം വ​യ​സ്സ് മു​ത​ൽ ശ്ര​വ​ണ​ശേ​ഷി​ക്ക് ത​ക​രാ​റ് വ​ന്നു. പ​ല ചി​കി​ത്സ​ക​ളും ന​ട​ത്തി. ആ​യ​കാ​ല​ത്ത് വാ​പ്പ​യു​ടെ കീ​ശ വെ​ളു​ത്ത​ത​ല്ലാ​തെ ഫ​ല​മു​ണ്ടാ​യി​ല്ല. എ​ത്ര​യോ വ​ർ​ഷ​ങ്ങ​ളാ​യി അ​വ​ർ​ക്ക് കേ​ൾ​ക്കാ​ൻ ക​ഴി​യു​ന്നി​ല്ല. മ​ക്ക​ളെ, മ​ക്ക​ളു​ടെ മ​ക്ക​ളെ, അ​യ​ൽ​ക്കാ​രെ, കൂ​ട്ടു​കാ​രി​ക​ളെ ഒ​ന്നും അ​വ​ർ​ക്ക് ശ​രി​യാ​യി കേ​ൾ​ക്കാ​ൻ പ​റ്റു​ന്നി​ല്ല. ഈ​യി​ട​ക്ക് ന​ട​ത്തി​യ ഒ​രു പ​രി​ശോ​ധ​ന​യി​ൽ...

Your Subscription Supports Independent Journalism

View Plans

വാ​യി​ച്ചു തീ​ർ​ന്ന​പ്പോ​ൾ അ​മ്പ​ത് ക​ഴി​ഞ്ഞ എ​ന്റെ സ്വ​ന്തം ഉ​മ്മ​യെ​യാ​ണ് ഓ​ർ​മ​വ​ന്ന​ത്. പാ​വ​ത്തി​ന് അ​മ്പ​ത് എ​ത്തു​ന്ന​തി​ന്റെ എ​ത്ര​യോ മു​മ്പേ അ​താ​യ​ത് പ​തി​നാ​റാം വ​യ​സ്സ് മു​ത​ൽ ശ്ര​വ​ണ​ശേ​ഷി​ക്ക് ത​ക​രാ​റ് വ​ന്നു. പ​ല ചി​കി​ത്സ​ക​ളും ന​ട​ത്തി. ആ​യ​കാ​ല​ത്ത് വാ​പ്പ​യു​ടെ കീ​ശ വെ​ളു​ത്ത​ത​ല്ലാ​തെ ഫ​ല​മു​ണ്ടാ​യി​ല്ല. എ​ത്ര​യോ വ​ർ​ഷ​ങ്ങ​ളാ​യി അ​വ​ർ​ക്ക് കേ​ൾ​ക്കാ​ൻ ക​ഴി​യു​ന്നി​ല്ല. മ​ക്ക​ളെ, മ​ക്ക​ളു​ടെ മ​ക്ക​ളെ, അ​യ​ൽ​ക്കാ​രെ, കൂ​ട്ടു​കാ​രി​ക​ളെ ഒ​ന്നും അ​വ​ർ​ക്ക് ശ​രി​യാ​യി കേ​ൾ​ക്കാ​ൻ പ​റ്റു​ന്നി​ല്ല. ഈ​യി​ട​ക്ക് ന​ട​ത്തി​യ ഒ​രു പ​രി​ശോ​ധ​ന​യി​ൽ ചെ​വി​ക്ക​ക​ത്ത് വെ​ക്കാ​ൻ ക​ഴി​യു​ന്ന വ​ലു​പ്പം കു​റ​ഞ്ഞ ശ്ര​വ​ണസ​ഹാ​യി ഉ​പ​യോ​ഗി​ച്ചാ​ൽ കേ​ൾ​ക്കും എ​ന്ന് മ​ന​സ്സി​ലാ​യി. പ​ക്ഷേ, ല​ക്ഷ​ത്തോ​ളം വി​ല​യാ​വും എ​ന്ന് പ​റ​ഞ്ഞ​പ്പോ​ൾ നി​രാ​ശ ഉ​ള്ളി​ൽ മ​റ​ച്ചു​വെ​ച്ച് ഉ​മ്മ ചി​രി​ച്ചു. ഇ​ത്ര​നാ​ളും കേ​ൾ​ക്കാ​തെ ജീ​വി​ച്ചി​ല്ലേ? ഇ​നി​യും അ​ങ്ങ​നെ ത​ന്നെ ജീ​വി​ക്കാം എ​ന്ന് പ​റ​ഞ്ഞ് എ​ന്നെ ഇ​ങ്ങോ​ട്ട് ആ​ശ്വ​സി​പ്പി​ച്ചു. അ​താ​ണ് ഉ​മ്മ.

വ​ർ​ഷ​ങ്ങ​ളാ​യി കേ​ൾ​വി​യു​ടെ ലോ​ക​ത്തു​നി​ന്ന് അ​ക​ലെ​യാ​ക്ക​പ്പെ​ട്ട പെ​റ്റ​വ​യ​റി​നെ ഓ​ർ​ത്ത​പ്പോ​ൾ ക​ണ്ണ് നി​റ​ഞ്ഞു​പോ​യി. ‘കാ​തി​ലോ​ല​’യു​ടെ താ​ളി​ൽ ഉ​തി​ർ​ന്ന് വീ​ണ് ന​ന​ഞ്ഞു​പോ​യി.


‘കാ​തി​ലോ​ല’ എ​ല്ലാ അ​മ്മ​മാ​രു​ടെ​യും ക​വി​ത​യാ​ണ്. എ​ല്ലാ പെ​ൺ​ജീ​വി​ത​ങ്ങ​ളു​ടെ​യും ക​വി​ത​യാ​ണ്. നാ​ര​ങ്ങാ​മി​ഠാ​യി​പോ​ലെ, വ​ല്യ പേ​രൊ​ന്നു​മി​ല്ലാ​തെ, വ​ർ​ണ​ക്ക​ട​ലാ​സി​ന്റെ പ​ത്രാ​സി​ല്ലാ​തെ ഞാ​ൻ ‘ചീ​നി’ എ​ന്ന് വി​ളി​ക്കു​ന്ന എ​ന്റെ ഉ​മ്മ​ച്ചി​യെ പോ​ലെ​യു​ള്ള എ​ല്ലാ അ​മ്മ​മാ​രു​ടെ​യും മ​ധു​ര​മു​ള്ള ജീ​വി​ത​ത്തെ ഓ​ർ​മി​ക്കു​ന്ന ക​വി​ത. മ​ക്ക​ൾ​ക്കുവേ​ണ്ടി പു​ക​യൂ​തി പു​ക​യൂ​തി ക​രി​പി​ടി​ച്ച കൈക​ള​ാൽ വെ​ളു​ത്ത ചോ​റൂ​ട്ടി​യും വെ​റു​പ്പ് പി​ടി​ച്ചാ​ൽ ക​ണ്ണു​രു​ട്ടു​ന്ന അ​മ്മ​മാ​രു​ടെ ക​വി​ത, എ​നി​ക്കുവേ​ണ്ടി ന​ട​ന്നുന​ട​ന്ന് ചെ​രു​പ്പ് തേ​ഞ്ഞ വാ​പ്പ​ച്ചി​ക്ക് ത​ണ​ലാ​യ ചീ​നി​യെ​പ്പോ​ലു​ള്ള അ​മ്മ​മാ​രു​ടെ ജീ​വി​ത​ങ്ങ​ളു​ടെ ക​വി​ത.

സെ​ബാ​സ്റ്റ്യ​ന് അ​ഭി​ന​ന്ദ​ന​ങ്ങ​ൾ

ഒ​പ്പം ആ​ഴ്ച​പ്പ​തി​പ്പി​നും.

മ​ൻ​സീ​ദ്, C 322, വിയ്യൂ​ർ

നിർമിതബുദ്ധിയെയും ചാറ്റ്ജിപിടിയെയും കുറിച്ചുള്ള എഴുത്തുകൾ അത്ഭുതത്തോടെ വായിച്ചു. ആദ്യമായി ഒരു സൂപ്പർ കമ്പ്യൂട്ടറിനു മുന്നിൽ വിശ്വനാഥൻ ആനന്ദ് എന്ന ചെസ് താരം പരാജയപ്പെട്ടപ്പോൾ, നിരാശയുടെ പടുകുഴിയിലേക്കും അഗാധമായ ഡിപ്രഷനിലേക്കും വീണുപോയത് മറ്റൊരു ലോക ചാമ്പ്യനായിരുന്ന ഗാരി കാസ്പറോവാണ് എന്ന കാര്യം വല്ലാതെ ഉള്ളിൽകൊണ്ടു.

വി.എം. ദേവദാസിന്റെ ലേഖനത്തിൽ കാഫ്കയുടെ ശൈലിയിൽ ഒരു കഥ പറയാൻ നിർദേശിക്കുമ്പോൾ ഇതാ, ഇങ്ങനെ വന്ന ഭാഗം വായിച്ച് ഒരു നിമിഷം അന്തിച്ചു പോയി!

‘‘ഒരുകാലത്ത് അഭിമാനത്തോടെ ഉയർന്നുനിന്ന മരങ്ങൾ ഇപ്പോൾ നിരാശയുടെ ഭാരത്താൽ തളർന്ന് തല താഴ്ത്തുന്നു. അവയുടെ ശാഖകൾ ഏതോ വലിയ മൃഗത്തിന്റെ നഖങ്ങൾപോലെ വളഞ്ഞുപുളഞ്ഞു പോകുന്നു. മേലെ നീലാകാശം ദീനതയാർന്നൊരു മഞ്ഞനിഴലായി മാറുന്നു...’’ സർഗാത്മകത എന്ന മനുഷ്യന്റെ ഏറ്റവും വലിയ സ്വത്വം ഏത് രീതിയിലാകും ഇനി അതിജീവിക്കുക? എന്നോർക്കുമ്പോൾ ഒരെത്തുംപിടിയും കിട്ടുന്നില്ല!

ഈ ലേഖനങ്ങളെല്ലാം വായിച്ച് തല ചൂടായപ്പോൾ പ്രിയ കവികളായ ബി.എസ്. രാജീവിന്റെയും രാജീവ് നെടുമങ്ങാടിന്റെയും കളത്തറ ഗോപന്റെയും കവിതകൾ വായിച്ച് ആശ്വാസത്തോടെ കിടന്നു. ഇവർ എഴുതുന്ന നാട്ടുമുഴക്കങ്ങൾ, വഴികൾ, മനുഷ്യ മനസ്സിന്റെ പിടിതരാത്ത ഭാവങ്ങൾ, ആ നൈർമല്യം എല്ലാം ചാറ്റ്ജിപിടി കവർന്നെടുക്കില്ലെന്ന ആശ്വാസത്തോടെ. എന്തായാലും ആദ്യമായി ഇങ്ങനെയൊരു പ്രിന്റ് പതിപ്പ് മലയാളത്തിൽ അവതരിപ്പിച്ച മാധ്യമം ആഴ്ചപ്പതിപ്പിന് അഭിനന്ദനങ്ങൾ.

ശ്രീകണ്ഠൻ കരിക്കകം, കഥാകൃത്ത്. ഫേസ്ബുക്ക്

മാധ്യമത്തിന് ആശംസകൾ

മാധ്യമം ആഴ്ചപ്പതിപ്പ്- നിർമിതബുദ്ധിയാൽ തയാറാക്കിയ മലയാളത്തിലെ ആദ്യ പതിപ്പ്. ആർട്ടിഫിഷ്യൽ ഇന്റലിജൻസ് ഉപയോഗിച്ച് കവർചിത്രം, എഡിറ്റോറിയൽ, കത്തുകൾ ഇവയെല്ലാം സാധ്യമാണോ? ആണെന്ന് വിശ്വസിക്കേണ്ടിയിരിക്കുന്നു.

മാറിയ ടെക്‌നോളജിക്കൊപ്പം മലയാളത്തിൽനിന്ന് ഏറ്റവും ആദ്യം ചേർന്ന മാധ്യമത്തിന് ആശംസകൾ.

ഫർസാന അലി, എഴുത്തുകാരി. ഫേസ്ബുക്ക്

നാടകമേ ഉലകം

മാധ്യമം ആഴ്ചപ്പതിപ്പ് എഐ ടൂളുപയോഗിച്ചുള്ള മലയാളത്തിലെ ആദ്യത്തെ ആഴ്ചപ്പതിപ്പായി മാർച്ച് 13ന് തിങ്കളാഴ്ച പുറത്തിറങ്ങാൻ പോകുന്നുവെന്ന വാർത്ത പുറത്തുവരുന്നു.

അങ്ങനെ വിട്ടുകൊടുക്കാൻ പറ്റോ, ഇത് കണ്ടമാത്രയിൽ ‘ട്രൂ കോപ്പി’ക്കാരൻ മുറപ്രകാരം അടുത്ത 14ന് ഇറങ്ങേണ്ട വെബ്സീൻ എഐയിൽ മാധ്യമത്തിന് മുമ്പേ പ്രീപോണ്ട് ചെയ്തു.


അത് അതിലും തമാശയായത് അതിന്റെ പ്രഖ്യാപനമാണ്, ‘ട്രൂ കോപ്പി’യുടെ അസോസിയേറ്റ് എഡിറ്റർ ഹർഷന്റെ പോസ്റ്റ്‌ പ്രകാരം ‘ട്രൂകോപ്പി’ ഇറങ്ങുന്നത് മാർച്ച്‌ 11നാണ്. പ്രിൻസിപ്പൽ കറസ്‌പോണ്ടന്റ് ഷഫീഖ് താമരശ്ശേരിയുടെ പോസ്റ്റ്‌ പ്രകാരം അത് മാർച്ച്‌ 12 ആണ്. അപ്പോഴേക്കും എഡിറ്റർ ഇൻ ചീഫ് മനില സി. മോഹനും ഡേറ്റ് എഡിറ്റ് ചെയ്തുകൊണ്ട് മാർച്ച് 12ൽ എത്തി.

പക്ഷേ എന്ത്‌ ചെയ്യാനാണ്, മാധ്യമം വെബ്സീനിൽ ആറ് മണിക്കൂർ മുമ്പേ സാധനം പുറത്തിറക്കി അടപടലേ പണികൊടുത്തു.

ഹിലാൽ ബാബു, ഫേസ്ബുക്ക്

പ്രതികരിക്കുന്ന കവിത

ഒളിച്ചോട്ടങ്ങൾ ഒറ്റുകൊടുക്കുന്നതാരെ? മാറുന്ന ലോകത്തിനനുസരിച്ച് മനുഷ്യന്റെ മൂല്യങ്ങളിലും ചിന്താഗതികളിലും വിസ്ഫോടനാത്മകമായ വളർച്ചകളാണ് സംഭവിച്ചത്. നിർമിതബുദ്ധിയുടെ അഭൂതപൂർവമായ വളർച്ചയിൽ അഭിമാനത്തോടെ തലയുയർത്തുന്ന നിമിഷംതന്നെ മനുഷ്യനിലെ മൂല്യത്തകർച്ചകൾ സൃഷ്ടിക്കുന്ന അപമാനങ്ങളിൽ തലകുനിക്കേണ്ട അവസ്ഥയും വന്നുചേരുന്നു. മാധ്യമം ആഴ്ചപ്പതിപ്പിൽ പ്രസിദ്ധീകരിച്ച സജീദ് ആയങ്കിയുടെ ‘ദെ വെളുത്ത നിറങ്ങൾ’ എന്ന കവിത വായിച്ചപ്പോഴാണ് ഈയിടെയായി ഒളിച്ചോടിപ്പോകുന്ന മാതാപിതാക്കളുടെ എണ്ണം ക്രമാതീതമായി ഉയർന്നുവരുന്ന കാര്യം ശ്രദ്ധയിൽപെട്ടത്. വർധിച്ചുവരുന്ന കൂട്ടായ്മകളും കൂടിച്ചേരലുകളും ഒഴിവുവേളകളിലെ ആനന്ദങ്ങൾക്കപ്പുറം കുടുംബ തകർച്ചകളും അതുവഴി തീരാദുഃഖങ്ങളും ഇടവരുത്തുന്ന സാഹചര്യങ്ങൾ സൃഷ്ടിക്കുന്നു. തീർച്ചയായും ഇതൊരു നല്ല മാറ്റമായി കാണാനാകില്ല. ഇതുമൂലം അപമാനിതരാകുന്നത് ഒരു സമൂഹവും കുടുംബവും മാത്രമല്ല, മാതാപിതാക്കളുടെ തണലിൽ ജീവിക്കേണ്ട പ്രായത്തിൽ അനാഥത്വത്തിലേക്ക് വലിച്ചെറിയപ്പെടുന്ന കുട്ടികൾ കൂടിയാണ്. കവിതയിലെ ഓരോ വരികളിലും അത്തരത്തിൽ ഒറ്റുകൊടുക്കപ്പെട്ട കുരുന്നുകളുടെ നൊമ്പരങ്ങളാണ്. ആ നൊമ്പരക്കടലിലൂടെ ഹൃദയമുള്ള ആർക്കും കണ്ണുനീരോടെയല്ലാതെ പ്രയാണം ചെയ്യാനാകില്ല. വികാരങ്ങൾ വിചാരങ്ങളെ കീഴടക്കുമ്പോൾ മനുഷ്യർ ദുർബലരായി മാറുന്നു. ആ ദുർബലത ഒരു തലമുറയെ ഇല്ലായ്മ ചെയ്യുന്നു. ഇത്തരം അനീതികൾക്കെതിരെ തൂലികകൊണ്ടെങ്കിലും പ്രതികരിക്കുന്ന കവിക്കും കവിത പ്രസിദ്ധീകരിച്ച മാധ്യമം ആഴ്ചപ്പതിപ്പിനും എല്ലാ ആശംസകളും നേരുന്നു...

നജാ ഹുസൈൻ, അഞ്ചൽ

ആ​ദി​വാ​സി​ക​ളും മ​നു​ഷ്യ​രാ​ണ്

ആ​ദി​വാ​സി വി​ശ്വ​നാ​ഥ​ന്റെ ദു​രൂ​ഹമ​ര​ണ​വു​മാ​യി ബ​ന്ധ​പ്പെ​ട്ട് ഡോ. ​പി.​ജി. ഹ​രി എ​ഴു​തി​യ റി​പ്പോ​ർ​ട്ട് ‘ന​വോ​ത്ഥാ​നം’ പ്ര​സം​ഗ​വേ​ദി​യി​ൽ ഒ​തു​ങ്ങി​നി​ൽ​ക്കു​ന്നു എ​ന്ന​തി​ന്റെ തെ​ളി​വാ​ണ് (ലക്കം: 1306). മ​നു​ഷ്യാ​വ​കാ​ശ ക​മീ​ഷ​നും പ​ട്ടി​കവ​ർ​ഗ വ​കു​പ്പും നോ​ക്കു​കു​ത്തി​യാ​യി​രി​ക്കു​ന്ന ന​മ്മു​ടെ നാ​ട്ടി​ലെ അ​വ​സ്ഥ പ​ര​മദ​യ​നീ​യം ത​ന്നെ. ക​ഴി​ഞ്ഞ അ​ഞ്ചു വ​ർ​ഷ​ക്കാ​ല​ത്തി​നി​ട​യി​ൽ കേ​ര​ള​ത്തി​ലെ ആ​ദി​വാ​സി​ക​ൾ​ക്കാ​യി 1347 കോ​ടി രൂ​പ ചെ​ല​വ​ഴി​ച്ചു​വെ​ന്നാ​ണ് വാ​യി​ച്ച​റി​ഞ്ഞ​ത്. 1347 കോ​ടി​യി​ൽ 10 ശ​ത​മാ​നംപോ​ലും ആ​ദി​വാ​സി​ക​ളു​ടെ സം​ര​ക്ഷ​ണ​ത്തി​നുവേ​ണ്ടി ചെ​ല​വ​ഴി​ച്ചി​ട്ടി​ല്ല എ​ന്ന​ത് വ്യ​ക്തം. കി​ട​പ്പാ​ട​വും

തൊ​ഴി​ലു​മി​ല്ലാ​തെ അ​ല​യു​ന്ന ആ​ദി​വാ​സി​ക​ളു​ടെ ഉ​ന്ന​മ​നം സാ​ക്ഷാ​ത്ക​രി​ക്ക​പ്പെ​ടാ​ത്ത ഒ​രു സ്വ​പ്ന​മാ​യി ഇ​ന്നും അ​വ​ശേ​ഷി​ക്കു​ന്ന​തി​ന്റെ ബാ​ക്കിപ​ത്ര​മാ​ണ് ഡോ. ​പി.​ജി. ഹ​രി​യു​ടെ എ​ഴു​ത്ത്. കേ​ര​ള​ത്തി​ൽ വ്യ​ത്യ​സ്ത വി​ഭാ​ഗ​ത്തി​ലാ​യി 37 ആ​ദി​വാ​സി വി​ഭാ​ഗ​ങ്ങ​ളു​ണ്ട്. ഇ​വ​രെ സ​മൂ​ഹ​ത്തി​ന്റെ മു​ഖ്യ​ധാ​ര​യി​ൽ എ​ത്തി​ക്കു​ന്ന​തി​ൽ ഭ​ര​ണ-​പ്ര​തി​പ​ക്ഷ രാ​ഷ്ട്രീ​യ​ക്കാ​ർ പൂ​ർ​ണ പ​രാ​ജ​യ​മാ​ണ്. ആ​ദി​വാ​സി​ക​ളെ സം​ര​ക്ഷി​ച്ചി​ല്ലെ​ങ്കി​ലും കൊ​ല്ല​രു​ത്. കാ​ര​ണം, വി​ശ്വ​നാ​ഥ​നെപ്പോ​ലു​ള്ള​വ​രും മ​ജ്ജ​യും മാം​സ​വുമു​ള്ള മ​നു​ഷ്യ​രാ​ണ്.

ഫാ. ​ഡാ​ർ​ലി എ​ട​പ്പ​ങ്ങാ​ട്ടി​ൽ  മു​ള​ന്തു​രു​ത്തി

News Summary - madhyamam weekly letter