എഴുത്തുകുത്ത്

ഈ ​ലോ​കം ഇ​നി​യും പ​ഠി​ച്ചി​ല്ലേ?

സ്പി​ൽ ഓ​വ​റു​ക​ൾ തൊ​ട്ട​രി​കി​ലു​ണ്ട് എ​ന്ന ത​ല​ക്കെ​ട്ടി​ൽ ഡോ. ​ജ​യ​കൃ​ഷ്ണ​ൻ ടി ​എ​ഴു​തി​യ ലേ​ഖ​നം (ല​ക്കം: 1268) ഗൗ​ര​വ​മേ​റി​യ വി​ഷ​യ​ത്തി​ലേ​ക്കാ​ണ് വാ​യ​ന​ക്കാ​രെ ക്ഷ​ണി​ക്കു​ന്ന​ത്. മൃ​ഗ​ങ്ങ​ളു​മാ​യി ഇ​ട​പ​ഴ​​കേ​ണ്ട സാ​ഹ​ച​ര്യ​മു​ണ്ടാ​കു​മ്പോ​ൾ നാം ​എ​ത്ര​മാ​ത്രം ജാ​ഗ​രൂ​ക​രാ​യി​രി​ക്ക​ണം എ​ന്ന മു​ന്ന​റി​യി​പ്പാ​ണ് ലേ​ഖ​നം പ്ര​ഥ​മ​മാ​യി പ​റ​യു​ന്ന​ത്. ലോകത്തെ​ പി​ടി​ച്ചു​ല​ച്ച കൊ​റോ​ണ വൈ​റ​സി​ന്റെ പ്ര​ഭ​വ​കേ​ന്ദ്രം ചൈ​ന​യി​ലെ വു​ഹാ​നാ​യി​രു​ന്നു​വെ​ന്നും അ​വി​ട​ത്തെ സാ​ഹ​ച​ര്യം എ​ന്താ​യി​രു​ന്നു​വെ​ന്നും അ​വി​ടെ​നി​ന്ന് എ​ങ്ങ​നെ​യാ​ണ് കൊ​റോ​ണ എ​ന്ന 'കു​ഞ്ഞ​ൻ' ലോ​ക​മാ​കെ വ്യാ​പി​ച്ച​തെ​ന്നും ന​മു​ക്ക് ഓ​രോ​രു​ത്ത​ർ​ക്കും നേരനു​ഭ​വ​മാ​ണ്.

ആ​ധു​നി​ക മ​നു​ഷ്യ​ന്റെ നി​ര​ന്ത​ര ഇ​ട​പെ​ട​ലു​ക​ളു​ടെ ഫ​ല​മാ​യു​ണ്ടാ​കു​ന്ന പ​രി​സ്ഥി​തി​യി​ലെ മാ​റ്റം സ്പി​ൽ​ഓ​വ​റു​ക​ളു​ടെ സാ​ധ്യ​ത വ​ർ​ധി​പ്പി​ക്കു​ന്നു​വെ​ന്നും എ​ന്നാ​ൽ, ഇ​തി​ന് ത​ട​യി​ടാ​ൻ അ​ന്താ​രാ​ഷ്ട്രത​ല​ത്തി​ൽ ഒ​രു നീ​ക്ക​വും ന​ട​ക്കു​ന്നി​ല്ല എ​ന്നും ലേ​ഖ​ക​ൻ ഉ​ത്ക​ണ്ഠ​യോ​ടെ രേ​ഖ​പ്പെ​ടു​ത്തു​ന്നു. 2005ൽ ​സൂനാ​മി​ക്കു​ശേ​ഷം പ​ട​ർ​ന്നു​പി​ടി​ച്ച ചി​കു​ൻഗു​നി​യ, ഇ​ന്തോനേ​ഷ്യ​ൻ കാ​ടു​ക​ളി​ൽ തീ​പി​ടി​ച്ച​പ്പോ​ൾ കാ​ടു​ക​ളി​ൽ​നി​ന്ന് ര​ക്ഷ​പ്പെ​ട്ട വ​വ്വാ​ലു​ക​ളി​ൽ​നി​ന്ന് പ​ട​ർ​ന്ന നി​പ, കു​ര​ങ്ങു​ക​ളി​ൽ​നി​ന്ന് പ​ട​ർ​ന്ന കു​ര​ങ്ങു​പ​നി, ചെ​ള്ളു​പ​നി തു​ട​ങ്ങി​യ​വ​യെ​ല്ലാം അ​നു​ഭ​വ​മാ​യി ന​മ്മു​ടെ മു​ന്നി​ലു​ണ്ടാ​യി​ട്ടും ന​മ്മ​ൾ ഒ​ന്നും പ​ഠി​ക്കു​ന്നി​ല്ലേ എ​ന്നാ​ണ് ചോ​ദി​ക്കാ​നു​ള്ള​ത്? സ്പി​ൽഓ​വ​ർ​ ഇ​നി​യും ആ​വ​ർ​ത്തി​ച്ചു​കൂ​ടാ.

ദി​ലീ​പ് വി. ​മു​ഹ​മ്മ​ദ്, മൂ​വാ​റ്റു​പു​ഴ

ഒ​രു മ​ര​വും കു​റ​ച്ചു മ​നു​ഷ്യ​രും

പ്ര​കൃ​തി​യും മ​നു​ഷ്യ​നും ത​മ്മി​ല്‍ ആ​ത്മ​ബ​ന്ധ​മു​ണ്ട്. ആ ​ബ​ന്ധ​ത്തി​ല്‍ വേ​രു താ​ഴ്ത്തി​യാ​ണ് വീ​ട​ക​ങ്ങ​ളി​ലെ മ​നു​ഷ്യ​രും പു​ര​യി​ട​ങ്ങ​ളി​ലെ മ​ര​ങ്ങ​ളും ജീ​വി​ക്കു​ന്ന​ത്. മ​നു​ഷ്യ​ന്റെ അ​ത്യാ​ഗ്ര​ഹം ഈ ​ബ​ന്ധ​ത്തി​ല്‍ വി​ള്ള​ലു​ക​ള്‍ വീ​ഴ്ത്തു​ന്നു. അ​ത്യാ​ഗ്ര​ഹ​ത്തി​ന്റെ ഇ​രു​ള്‍ ചി​റ​കു​വീ​ശി ആ​കാ​ശം വെ​ട്ടി​പ്പി​ടി​ക്കാ​ന്‍ ശ്ര​മി​ക്കു​ന്ന ചി​ല​രു​ണ്ട്. അ​വ​രു​ടെ ക​ഴു​ക​ന്‍ ക​ണ്ണു​ക​ള്‍ സു​ഗ​ന്ധ​വാ​ഹി​യാ​യ മ​ര​ക്കൊ​മ്പു​ക​ളി​ല്‍ ചേ​ക്കേ​റു​ന്നു. അ​തോ​ടെ, ജീ​വ​ന്‍ തു​ടി​ച്ചി​രു​ന്ന മ​ര​ങ്ങ​ളി​ല്‍ മ​ര​ണംപൂ​ക്കു​ന്നു. മ​ര​ണ​ത്തി​ന്റെ കെ​ട്ട​ഗ​ന്ധ​ങ്ങ​ളി​ല്‍ തി​ക്കു​മു​ട്ടി ആ​ത്മാ​വു​ക​ള്‍ കേ​ഴു​ന്നു. വാ​യ​ന​ക്കാ​രെ അ​സ്വ​സ്ഥ​മാ​ക്കു​ന്ന വി​ചി​ത്ര​മാ​യ ലോ​ക​ത്തി​ലൂ​ടെ​യു​ള്ള യാ​ത്ര​യാ​ണ് മൈ​ക്കി​ള്‍ ആ​ന്റ​ണി​യു​ടെ, ല​ക്കം 1270ൽ പ്ര​സി​ദ്ധീ​ക​രി​ച്ച 'ച​ന്ദ​ന​മ​രം' എ​ന്ന ക​ഥ.

ബാ​ഹു​ലേ​യ​ന്റെ വാ​ത്സ​ല്യം വീ​ടി​ന്റെ അ​രി​കു​ചേ​ര്‍ന്നു​നി​ന്നി​രു​ന്ന ച​ന്ദ​ന​മ​ര​ത്തി​ല്‍ സു​ഗ​ന്ധം നി​റ​ച്ചി​രു​ന്നു. പ​രാ​തി​യും പ​രി​ഭ​വ​വു​മി​ല്ലാ​തെ, ആ​ര്‍ക്കും ബു​ദ്ധി​മു​ട്ടാ​വാ​തെ ഒ​തു​ങ്ങി​ക്ക​ഴി​ഞ്ഞി​രു​ന്ന അ​യാ​ള്‍ക്ക് ത​ണ​ലാ​യി​രു​ന്നു വീ​ട്ടു​മു​റ്റ​ത്തെ ച​ന്ദ​ന​മ​ര​വും മ​ക​ന്‍ ശി​വ​ന്‍കു​ട്ടി​യും. അ​ച്ഛ​ന്‍ പു​റ​ത്തു​കാ​ണി​ക്കാ​ന്‍ മ​ടി​ച്ച സ്‌​നേ​ഹ​ത്തി​ന്റെ ത​ണ​ലും ത​ണു​പ്പും ശി​വ​ന്‍കു​ട്ടി​ക്ക് ആ​വോ​ളം ന​ല്‍കി​യി​രു​ന്ന​ത് ആ ​ച​ന്ദ​ന​മ​ര​മാ​യി​രു​ന്നു. അ​ച്ഛ​ന്റെ ജീ​വ​ന്‍ ന​ില​നി​ര്‍ത്താ​ന്‍ ഓ​പ​റേ​ഷ​ന്‍ വേ​ണ​മെ​ന്നും അ​തി​ന് ഭാ​രി​ച്ച ചെ​ല​വു​വ​രു​മെ​ന്നും പ​റ​ഞ്ഞ​പ്പോ​ള്‍ ശി​വ​ന്‍കു​ട്ടി ച​ന്ദ​ന​മ​രം വി​ല്‍ക്കാ​ന്‍ തീ​രു​മാ​നി​ച്ചു. അ​തോ​ടെ, ജീ​വ​ഗ​ന്ധി​യാ​യ മ​ര​ത്തി​ല്‍ മ​ര​ണം കൂ​ടു​കെ​ട്ടി. പാ​റ​ക്കാ​ട​ന്‍ ജോ​സി​ന്റെ അ​ത്യാ​ഗ്ര​ഹം നി​റ​ഞ്ഞ ക​ണ്ണു​ക​ള്‍ ച​ന്ദ​ന​മ​ര​ത്തി​ല്‍ പ​തി​ഞ്ഞ​ത് അ​പ്പോ​ഴാ​ണ്. അ​പ്പ​ന്റെ ആ​ഗ്ര​ഹം പൂ​ര്‍ത്തീ​ക​രി​ക്കാ​ന്‍ ച​ന്ദ​ന​വാ​തി​ല്‍ പ​ണി​യാ​ന്‍ ശ്ര​മി​ച്ച ജോ​സി​ന് അ​പ്ര​തീ​ക്ഷി​ത​മാ​യി ഉ​ണ്ടാ​യ ഒരു ദു​ര​ന്ത​ത്തി​ല്‍ പ​ക​ച്ചുനി​ല്‍ക്കേ​ണ്ടി വ​ന്നു. അ​ച്ഛ​ന്റെ ശ​രീ​രം ച​ന്ദ​ന​മു​ട്ടി​ക​ളി​ല്‍ ദ​ഹി​പ്പി​ക്കാ​ന്‍ കാ​ത്തുനി​ന്ന ശ​ങ്ക​ര​മേ​നോ​ന്റെ മ​ക്ക​ളെ​യും വി​ധി ക​ബ​ളി​പ്പി​ച്ചു. മു​റി​പ്പാ​ടു​ക​ളേ​റ്റു​ വാ​ങ്ങി​യ ശ​രീ​ര​വു​മാ​യി ബാ​ഹു​ലേ​യ​നും ച​ന്ദ​ന​മ​ര​വും വീ​ണ്ടും ജീ​വി​ത​ത്തി​ലേ​ക്ക് പ്ര​തീ​ക്ഷ​യോ​ടെ ഉ​റ്റു​നോ​ക്കി, ത​ളി​ര​ണി​യു​ന്ന ഒ​രു കാ​ല​ത്തി​നു​വേ​ണ്ടി.

മ​ന​സ്സി​ലു​ള്ള ക​ഥ വെ​ടി​പ്പോ​ടെ പ​റ​യാ​ന്‍ മൈ​ക്കി​ള്‍ ആ​ന്റ​ണി ശ്ര​മി​ച്ചി​രി​ക്കു​ന്നു. വ​ള​ച്ചു​കെ​ട്ട​ലി​ല്ലാ​തെ ഒ​ഴു​ക്കോ​ടെ​യു​ള്ള ക​ഥപ​റ​ച്ചി​ല്‍. ക​ഥ​യു​ടെ ദൈ​ര്‍ഘ്യം കു​റ​ക്കാ​മാ​യി​രു​ന്നു. വ്യ​ത്യ​സ്ത​മാ​യ ക​ഥാ​ന്ത​രീ​ക്ഷ​വും പ്ര​മേ​യ​വും പ്ര​തീ​ക്ഷ​യു​ണ​ര്‍ത്തു​ന്നു. തു​ട​ര്‍ന്നും മി​ക​ച്ച ക​ഥ​ക​ള്‍ പ്ര​തീ​ക്ഷി​ക്കു​ന്നു.

പീ​റ്റ​ര്‍ വി​ന്‍സ​ന്റ്

ഈ ​ചെ​റു​പ്പ​ത്തി​ൽ പ്ര​തീ​ക്ഷ​യു​ണ്ട്

​'ചെ​റു​പ്പം എ​ഴു​തി​യ ര​ച​ന​ക​ൾ' (ലക്കം: 1269) എ​ന്ന വി​ശേ​ഷ​ണ​ത്തോ​ടെ യു​വ വി​മ​ർ​ശ​ക​ൻ രാ​ഹു​ൽ രാ​ധാ​കൃ​ഷ്ണ​ന്റെ ലേ​ഖ​ന​ത്തോ​ടൊ​പ്പം പ്ര​കാ​ശ​നം ചെ​യ്ത 6 ക​ഥ​ക​ൾ സ​വി​ശേ​ഷ​മാ​യി​രു​ന്നു. ''സ​മ​കാ​ല​ത്തെ തീ​വ്ര​മാ​ക്കു​ന്ന വി​ഷ​യ​ത്തി​ന്റെ വൈ​വി​ധ്യ രൂ​പ​ങ്ങ​ളാ​ണ് ചെ​റു​പ്പ​ക്കാ​ർ എ​ഴു​താ​നാ​യി സ്വീ​ക​രി​ച്ചി​രി​ക്കു​ന്ന​ത്'' എ​ന്ന രാ​ഹു​ൽ രാ​ധാ​കൃ​ഷ്ണ​ന്റെ നി​രീ​ക്ഷ​ണ​ത്തെ ശ​രിവെക്കുന്ന​വ​യാ​യി​രു​ന്നു ക​ഥ​ക​ളെ​ല്ലാം. ആ​ഖ്യാ​ന​ത്തി​ന്റെ മൊ​ഴി​വ​ഴ​ക്ക​ങ്ങ​ളി​ലും പ്ര​മേ​യ​പ​രി​ച​ര​ണ​ങ്ങ​ളി​ലും അ​വ വേ​റി​ട്ടു​നി​ന്നു.

പു​ണ്യ സി.​ആ​റി​ന്റെ 'ബ്രേ​ക്അ​പ് പാ​ർ​ട്ടി​'യും ശ്യാം ​കൃ​ഷ്ണ​ന്റെ 'റാ​ഷ​മോ​ണും' കൂ​ട്ട​ത്തി​ൽ മി​ക​ച്ചു​നി​ന്നു. ആ​രും മോ​ശ​മാ​യി​ട്ടി​ല്ലെ​ങ്കി​ലും രാ​ഷ്ട്രീ​യശ​രി​യെ എ​ഴു​തു​ന്ന​തി​നേ​ക്കാ​ൾ പ്രാമുഖ്യം ക​ഥ​യു​ടെ ഭ​ദ്ര​മാ​യ ആ​ഖ്യാ​ന​ത്തി​ന് ന​ൽ​കി​യ പു​ണ്യ​ത​ന്നെ ഇ​ക്കൂ​ട്ട​ത്തി​ലെ താ​രം. എ​ഴു​ത്തു​കാ​ർ​ക്കും ആ​ഴ്ച​പ്പ​തി​പ്പി​നും അ​ഭി​ന​ന്ദ​ന​ങ്ങ​ൾ.

പി.ജെ.​ജെ. ആ​ന്റ​ണി

ആ​ല​പ്പു​ഴ പെ​ണ്ണി​ന്റെ ഉ​ൾ​​പ്പുക​ച്ചി​ലു​ക​ൾ

പു​സ്ത​ക​ങ്ങ​ളോ​ടു​ള്ള പ്ര​ണ​യം ന​ഷ്ട​പ്പെ​ട്ട​വ​ർ​ക്ക് ഇ​താ ഒ​രു 'ബ്രേ​ക്അ​പ് പാ​ർ​ട്ടി' (ലക്കം: 1269). വാ​യ​ന​യോ​ടു​ള്ള സ്നേ​ഹം കു​റ​യു​ന്നു​ണ്ടെ​ങ്കി​ൽ ഈ ​ചെ​റു​ക​ഥ വാ​യി​ച്ചു വാ​യ​ന​യു​ടെ വ​സ​ന്ത​കാ​ല​ത്തേ​ക്ക് തി​രി​ച്ചുപോ​കാം. വാ​യി​ക്കാ​ൻ സ​മ​യ​മി​ല്ലെ​ന്നതാ​ണ് ജീ​വി​ത​ത്തി​ലെ വലിയ പ്ര​ശ്നം. എങ്കിലും വാ​യ​ന​യി​ലൂ​ടെ ന​വീ​ക​രി​ക്ക​പ്പെ​ടാ​തെ ജീ​വി​ച്ചി​ട്ടെ​ന്ത് കാ​ര്യ​മെ​ന്ന ഉത്തരവുമുണ്ട്. വാ​യ​ന മ​നു​ഷ്യ​നെ പു​തു​ക്കി പ​ണി​യാ​നു​ള്ള​താ​ണ്. പു​ണ്യ സി.ആറിനെ വാ​യി​ക്കു​മ്പോ​ഴെ​ല്ലാം ഞാ​ൻ കു​റ​ച്ചുകൂ​ടി അ​പ്ഡേ​റ്റ​ഡാ​വു​ന്ന അ​നു​ഭ​വ​മു​ണ്ടാ​കു​ന്നു.

''എ​പ്പോ​ഴേ​ലും എ​വി​ടു​ന്നേ​ലു​മി​റ​ങ്ങി പോ​ര​ണ​മെ​ന്ന് തോ​ന്നി​യാ​ൽ അ​ത​പ്പൊ​ത്ത​ന്നെ​യ​ങ്ങ് ചെ​യ്തേ​ക്ക​ണം'' - ക​ഥ​യി​ലെ ഏ​റ്റ​വും മൂ​ർ​ച്ച​യു​ള്ള വാ​ച​കം പു​ണ്യ​യു​ടെ പൊ​ളി​റ്റി​ക്ക​ൽ സ്റ്റേ​റ്റ്മെ​ന്റു​കൂ​ടി​യാ​ണ്. പെ​ണ്ണി​ന്റെ സ്വാ​ത​ന്ത്ര്യ​ത്തി​ലൂ​ടെ​യാ​ണ് ക​ഥ സ​ഞ്ച​രി​ക്കു​ന്ന​ത്. 'മീ​ൻ​ക​റി' വെ​ക്കാ​ൻ പ​റ​ഞ്ഞാ​ൽ മു​ഖ​ത്ത​ടി​ക്കേ​ണ്ട കാ​ര്യ​മെ​ന്തെ​ന്ന് തോ​ന്നു​ന്ന​ത് സ്വാ​ഭാ​വി​കം. പെ​ണ്ണി​ന്റെ ഉ​ള്ളി​ൽ പു​ക​യു​ന്ന​ത് തി​രി​ച്ച​റി​യാ​ൻ അ​ത്ര എ​ളു​പ്പ​മ​ല്ലെ​ന്ന് ക​ഥാ​കാ​രിത​ന്നെ ഓ​ർ​മിപ്പി​ക്കു​ന്ന​താ​വാം. ആ​ണാ​യാ​ലും പെ​ണ്ണാ​യാ​ലും ല​ഹ​രി​ക്ക​ടി​മ​പ്പെ​ടു​ന്ന​ത് ജീ​വി​ത​ത്തി​ൽനി​ന്നു ബ്രേ​ക്അ​പ്പാ​വാ​ൻ കാ​ര​ണ​മാ​കു​മെ​ന്ന് പ​റ​യാ​തെ ത​ര​മി​ല്ല. വാ​യ​ന​യും എ​ഴു​ത്തുംത​ന്നെ​യാ​ണ് ല​ഹ​രി. ബ്രേ​ക്അപ്പി​ല്ലാ​തെ അതു തു​ട​രും.

ര​ഹേ​ഷ് മു​തു​മ​ല

ച​ങ്ങ​മ്പു​ഴ ക​വി​തപോ​ലെ

ച​ങ്ങ​മ്പു​ഴ ക​വി​തപോ​ലെ അ​ർ​ഥ, മ​നോ​ഹര വ്യാ​പ്തി തു​ളു​മ്പു​ന്ന ക​വി​ത​യാ​ണ് 'കാശ്മീ​ർ ക​വി​ത​ക​ൾ' (ല​ക്കം: 1270). ബാ​ൽ​ശ​രീ​ഫ്, കു​ങ്കു​മ​പ്പൂ​വ്, നീ​ല​പ്പ​ര​വ​താ​നി തു​ട​ങ്ങി​യ കാ​വ്യ, ബിം​ബ സം​സ്കാര​ങ്ങ​ളി​ലൂ​ടെ ക​വി​ത മ​ഹ​ത്താ​യ ആ​ശ​യ​ത്തെ പി​ന്തു​ട​രു​ന്നു. പ്ര​തി​ഭകൊ​ണ്ട് സ്വ​രൂ​പി​ക്കു​ന്ന വാ​ക്കു​ക​ൾ കശ്മീ​രി ജീ​വി​ത​ത്തി​ന്റെ പോ​സ്റ്റ്മോ​ർ​ട്ട​മാ​ണ്. ഒ​രു ജ​ന​ത​യു​ടെ ആ​ശ്ര​യപ​രി​സ​രം മ​ന​സ്സി​ന്റെ പ​രി​മി​തി​ക്കുള്ളി​ലേ​ക്ക് ഒ​തു​ങ്ങി​ക്ക​ഴി​യേ​ണ്ടി വ​രു​ന്ന​തി​ന്റെ ക​ണ്ണീ​രു​പ്പാ​ണ് ക​വി​ത​യി​ൽ നാം ​വാ​യി​ക്കു​ന്ന​ത്. ഉ​പ​മ​ക​ൾ, രൂ​പ​ങ്ങ​ൾ, ബിം​ബ​ങ്ങ​ൾ, പ്ര​തീ​ക​ങ്ങ​ൾ എ​ല്ലാം ഈ ​ക​വി​ത​യി​ൽ ഉ​റ​കൂ​ടു​ന്ന​ത് കാ​ണാം. ക​വി വാ​ക്കു​ക​ൾകൊ​ണ്ട് വാ​ചാ​ല​മാ​വാ​തെ അ​ച്ച​ട​ക്ക​മു​ള്ള പ​ദ​ങ്ങ​ളി​ലൂ​ടെ പ​റ​യാ​നു​ള്ള​ത് പ്ര​കാ​ശി​പ്പി​ക്കു​ന്നു. ഭാ​ഷ​യു​ടെ പ​രി​മി​തി​ക​ൾ​ക്ക​പ്പു​റ​മാ​ണ് ക​വി​ത​യു​ടെ സ​ഞ്ചാ​രപാ​ത​യെ​ന്ന് വ​രി​ക​ളി​ൽനി​ന്ന് തി​രി​ച്ച​റി​യാ​ൻ ക​ഴി​യും. പ​ലത​രം പ്ര​കൃ​തി വി​കൃ​തി​ക​ളു​ടെ സ്വ​ച്ഛ​ന്ദ സു​ന്ദ​ര​മാ​യ ശൈ​ലീ​വൈ​ഭ​വ​മാ​ണ് ഈ ​ക​വി​ത​യു​ടെ ഒ​ഴു​ക്കി​നു നി​ദാ​നം. അ​ൽപം ശ​ബ്ദംകൊ​ണ്ട് ഒരുപാട് അർഥങ്ങളുടെ പ്ര​കാ​ശ​ന ക​ർ​മം നി​ർ​വ​ഹി​ക്കു​ന്ന ഒ​രു​ത്ത​മ ക​വിത. കു​റ​വു​ക​ളും കു​ഴ​പ്പ​ങ്ങ​ളും ഉ​ണ്ടാ​വാം. അ​പ്പോ​ഴും ആ​ത്മ​സാ​ക്ഷാ​ത്കാ​ര വി​സ്തൃ​ത​മാ​ണ് ക​ശ്മീ​ർ ക​വി​ത​ക​ൾ.

അ​ള​ന്നു മു​റി​ച്ച വാ​ക്കു​ക​ൾ ഒ​രു തീ​ർ​ഥാ​ട​ന യാ​ത്ര​യെ​പ്പോ​ലെ പു​റ​പ്പെ​ടു​ന്നു. അ​ഗാ​ധ​മാ​യ ഉ​ൾ​വി​ളി​യോ​ടെ ഇ​ന്നി​ന്റെ ക​ശ്മീ​രിന്റെ പോ​സ്റ്റ് മോ​ർ​ട്ടം ക​വി ഭം​ഗി​യാ​യി നി​ർ​വഹി​ക്കു​ന്നു.

വി.കെ.എം. ​കു​ട്ടി, ഈ​സ്റ്റ് മ​ല​യ​മ്മ

വ​ല്ലാ​തെ നൊ​മ്പ​ര​പ്പെ​ടു​ത്തി​യ ക​ഥ

​​െപപ്പ​റോ​മി​യ പെ​ല്ലുസി​ഡ' (ലക്കം: 1271​) എ​ന്ന സബീ​ന എം. ​സാ​ലി​യു​ടെ ക​ഥ എ​ന്നെ വ​ല്ലാ​തെ നൊ​മ്പ​ര​പ്പെ​ടു​ത്തി. അ​പ്പ​ത്തി​നു​ള്ള വി​ശ​പ്പി​നേ​ക്കാ​ള്‍ സ്നേ​ഹ​ത്തി​നു വേ​ണ്ടി​യു​ള്ള വി​ശ​പ്പ്‌ മാ​റ്റാ​നാ​ണ് ഏ​റ്റ​വും പ്ര​യാ​സ​മെ​ന്ന മ​ദ​ര്‍ തെ​രേ​സ​യു​ടെ വാ​ക്കു​ക​ള്‍ അ​തെ​ന്നെ ഓ​ർ​മിപ്പി​ച്ചു. ചി​ത്ര​ശ​ല​ഭ​ങ്ങ​ളെ​പ്പോ​ലെ പാ​റി​പ്പ​റ​ന്നു ന​ട​ക്കു​ന്ന ര​ണ്ടു ബാ​ല്യ​ങ്ങ​ള്‍... നൈ​ർമ​ല്യ​ത്തി​ല്‍ കു​തി​ര്‍ന്ന അ​വ​രു​ടെ ബാ​ല്യം. മ​ഷി​പ്പ​ച്ച​ക്കു പ​ക​രം ക​ല്ലു പെ​ന്‍സി​ല്‍ എ​ക്സ്‌​ചേ​ഞ്ച് ചെ​യ്യു​ന്ന പ​ഴ​യ​കാ​ല ഓ​ർമ​ക​ള്‍...​അ​തി​നി​ട​യി​ല്‍ ക​ഥാ​കാ​രി​യു​ടെ ഭാ​വ​ന​യി​ല്‍ വി​രി​യു​ന്ന 'പ​ള്ളി​ക്ക് പി​ന്നി​ല്‍ തോ​ന്നി​യ​തു​പോ​ലെ വ​ള​ര്‍ന്നു​നി​ല്‍ക്കു​ന്ന മ​ര​ങ്ങ​ള്‍'- (എ​ത്ര സൂ​ക്ഷ്മ​മാ​ണ്‌ ആ ​വി​വ​ര​ണ​മെ​ന്ന് നോ​ക്കൂ. എ​ല്ലാ പ​ള്ളി​ക​ളി​ലും ഇ​ങ്ങ​നെ​യു​ള്ള വൃ​ക്ഷ​ങ്ങ​ള്‍ കാ​ണാം), ''ഉ​ച്ച​ഭ​ക്ഷ​ണ​ത്തി​നു​ള്ള ബെ​ല്ല​ടി​ക്കു​മ്പോ​ള്‍ ന​ട്ടു​ച്ച പൊ​രി​വെ​യി​ല​ത്ത് ജി​നോ​യു​ടെ കൈ ​പി​ടി​ച്ച് വീ​ട്ടി​ലേ​ക്ക്‌ വാ​ണംവി​ട്ട​പോ​ലെ ഒരോ​ട്ട​മു​ണ്ട്. പോ​കു​ന്ന വ​ഴി​യി​ലെ വീ​ടു​ക​ളി​ല്‍നി​ന്ന് വെ​യി​ല്‍ത്തി​ള​പ്പി​നോ​ടൊ​പ്പം ഉ​യ​രു​ന്ന ക​റി​ത്തി​ള​പ്പു​ക​ളു​ടെ വേ​വു​ഗ​ന്ധംകൊ​ണ്ട് അ​വ​ര്‍ വി​ശ​പ്പി​ന് ത​ള​പ്പി​ടു​മ്പോ​ള്‍'' തു​ട​ങ്ങി​യ അ​ക്ഷ​രാ​ർഥ​ത്തി​ലു​ള്ള വാ​ങ്മ​യ​ ചി​ത്ര​ങ്ങ​ള്‍... എ​ല്ലാം അ​നു​പ​മം, അ​വ​ർണ​നീ​യം, അ​നു​ഭൂ​തി​ജ​ന​കം.

സ​ണ്ണി ജോ​സ​ഫ് മാ​ള