Begin typing your search above and press return to search.
proflie-avatar
Login

പുതുതലമുറ സ്വന്തംഭാഷയിൽ കൂടുതൽ കേന്ദ്രീകരിക്കണം

പുതുതലമുറ സ്വന്തംഭാഷയിൽ കൂടുതൽ കേന്ദ്രീകരിക്കണം
cancel

കൊ​​ങ്ക​​ണി ഭാ​​ഷ​​യി​​ലെ ശ്ര​ദ്ധേ​യ എ​​ഴു​​ത്തു​​കാ​​രി​​യും നാ​​ടോ​​ടി ഗ​​വേ​​ഷ​​ക​​യു​​ം ബാ​ല​സാ​ഹി​ത്യ​കാ​രിയുമായ ജയന്തി നായക് സംസാരിക്കുന്നു.കൊ​​ങ്ക​​ണി ഭാ​​ഷ​​യി​​ലെ ശ്ര​ദ്ധേ​യ എ​​ഴു​​ത്തു​​കാ​​രി​​യും ഗോ​​വ​​യി​​ൽ​നി​​ന്നു​​ള്ള നാ​​ടോ​​ടി ഗ​​വേ​​ഷ​​ക​​യു​​മാ​​ണ് ജ​​യ​​ന്തി നാ​​യ​ക്. ക​​ഥാ​​കൃ​​ത്ത്, നാ​​ട​​ക​​കൃ​​ത്ത്, ബാ​ല​സാ​ഹി​ത്യ​കാ​രി, പു​​രാ​​ണ​​ ക​​ഥാ​​കാ​​രി, പ​​രി​​ഭാ​​ഷ​​ക​ എ​ന്നീ നി​ല​ക​ളി​ലും പ്ര​ശ​സ്​​ത. 1962 ആ​ഗ​സ്റ്റ്​ ആ​റി​ന്​ ജ​നി​ച്ച ജ​യ​ന്തി നാ​യ​ക്​ ഗോ​​വ സ​​ർ​​വ​​ക​​ലാ​​ശാ​​ല​​യു​​ടെ കൊ​​ങ്ക​​ണി വ​​കു​​പ്പി​​ൽ​നി​​ന്ന്...

Your Subscription Supports Independent Journalism

View Plans

കൊ​​ങ്ക​​ണി ഭാ​​ഷ​​യി​​ലെ ശ്ര​ദ്ധേ​യ എ​​ഴു​​ത്തു​​കാ​​രി​​യും നാ​​ടോ​​ടി ഗ​​വേ​​ഷ​​ക​​യു​​ം ബാ​ല​സാ​ഹി​ത്യ​കാ​രിയുമായ ജയന്തി നായക് സംസാരിക്കുന്നു.

കൊ​​ങ്ക​​ണി ഭാ​​ഷ​​യി​​ലെ ശ്ര​ദ്ധേ​യ എ​​ഴു​​ത്തു​​കാ​​രി​​യും ഗോ​​വ​​യി​​ൽ​നി​​ന്നു​​ള്ള നാ​​ടോ​​ടി ഗ​​വേ​​ഷ​​ക​​യു​​മാ​​ണ് ജ​​യ​​ന്തി നാ​​യ​ക്. ക​​ഥാ​​കൃ​​ത്ത്, നാ​​ട​​ക​​കൃ​​ത്ത്, ബാ​ല​സാ​ഹി​ത്യ​കാ​രി, പു​​രാ​​ണ​​ ക​​ഥാ​​കാ​​രി, പ​​രി​​ഭാ​​ഷ​​ക​ എ​ന്നീ നി​ല​ക​ളി​ലും പ്ര​ശ​സ്​​ത. 1962 ആ​ഗ​സ്റ്റ്​ ആ​റി​ന്​ ജ​നി​ച്ച ജ​യ​ന്തി നാ​യ​ക്​ ഗോ​​വ സ​​ർ​​വ​​ക​​ലാ​​ശാ​​ല​​യു​​ടെ കൊ​​ങ്ക​​ണി വ​​കു​​പ്പി​​ൽ​നി​​ന്ന് ആ​​ദ്യ​​മാ​​യി ഡോ​​ക്ട​​റേ​​റ്റ് നേ​​ടി​​യ വ്യ​​ക്തി​​യാ​ണ്. സാ​ഹി​​ത്യ അ​​ക്കാ​​ദ​​മി അ​​വാ​​ർ​​ഡ് ജേ​​താ​​വാ​ണ്. 50 പു​സ്​​ത​ക​ങ്ങ​ൾ രചി​ച്ചു. ​‘ര​​ഥാ തു​​ജ​​യ ഗു​​ഡി​​യൊ’, ‘ക​​ന്നെ​​ർ ഖു​​ന്തി നാ​​രി’, ‘ട്രോ​​യ് ഉ​​ഖ​​ള്ളി കെ​​ല്ലി​​യാ​​നി’, ‘മ​​നാ​​ലിം ഗീ​​തം’ , ‘പെ​​ഡാ​​നി​​ച്ചോ ദൊ​​സാ​​രോ’, ‘ലോ​​ക്ബിം​​ബ്’ എ​​ന്നി​​വ പ്ര​ശ​സ്​​ത കൃ​തി​ക​ൾ.

അ​വ​രു​മാ​യി ന​ട​ത്തി​യ സം​ഭാ​ഷ​ണ​ത്തി​ന്റെ​ പ്ര​സ​ക്ത ഭാ​ഗ​ങ്ങ​ളാ​ണ്​ ചു​വ​ടെ:

എ​​ഴു​​ത്തു​​കാ​​രി​​യാ​​യ ജ​​യ​​ന്തി നാ​​യ​കി​ന്‍റെ തു​​ട​​ക്കം എ​​ങ്ങ​​നെ​​യാ​​യി​​രു​​ന്നു?

18ാ​മ​​ത്തെ വ​​യ​​സ്സി​​ലാ​​ണ് എ​​ഴു​​ത്തി​​ലേ​​ക്ക് എ​​ത്തി​​യ​​ത്. അ​​ന്ന് ഞാ​​ന്‍ 12ാം ക്ലാ​സി​​ല്‍. മ​​റാ​​ത്തി​​യി​​ല്‍ എ​​ഴു​​തി​​യ ഒ​​രു ചെ​​റു​​ക​​ഥ. ഗോ​​വ​​യി​​ലെ ഹി​​ന്ദു​​ക്ക​​ളു​​ടെ ഇ​​ട​​യി​​ല്‍ മ​​റാ​​ത്തി​​യി​​ല്‍ എ​​ഴു​​ത്തും വാ​​യ​​ന​​യും സ​​ജീ​​വ​​മാ​​യി​​രു​​ന്ന കാ​​ല​​മാ​​യി​​രു​​ന്നു അ​​ത്. എ​​ന്‍റെ വീ​​ടി​​ന്‍റെ ഉ​​ള്‍ത്ത​​ള​​ങ്ങ​​ളും ഈ ​​ഭാ​​ഷാ സം​​സ്കാ​​ര​​ത്തി​​ന്‍റെ സ്വാ​​ധീ​​ന​​ത്തി​​ലാ​​യി​​രു​​ന്നു. എ​​ന്‍റെ പ്രൈ​​മ​​റി വി​​ദ്യാ​​ഭ്യാ​​സം മ​​റാ​​ത്തി​​യി​​ല​ാ​യി​​രു​​ന്നു. കൂ​​ടാ​​തെ, ഹൈ​​സ്കൂ​​ളി​​ലെ മൂ​​ന്നാം ഭാ​​ഷ​​യും മ​​റാ​​ത്തി​​യാ​​യി​​രു​​ന്നു. വാ​​യ​​ന ല​​ഹ​​രി​​യാ​​യി​​രു​​ന്ന അ​​മ്മ ല​​ഫ്റ്റ്. രാ​​ജീ​​യാ​​ണ് എ​​ന്നെ പു​​സ്ത​​ക​​ങ്ങ​​ളു​​മാ​​യി അ​​ടു​​പ്പി​​ച്ച​​ത്. സ​​മ​​പ്രാ​​യ​​ക്കാ​​രാ​​യ കു​​ട്ടി​​ക​​ളു​​ടെ ഒ​​പ്പം ന​​ട​​ക്കാ​നോ ക​​ളി​​ക്കാ​​ന്‍പോ​​ലും അ​​നു​​വ​​ദി​​ക്കാ​​തെ എ​​ന്‍റെ കാ​​ര്യ​​ങ്ങ​​ളി​​ല്‍ അ​​തി ശ്ര​​ദ്ധാ​​ലു​​വാ​​യ അ​​മ്മ​​യാ​​ണ് ഏ​​കാ​​ന്ത​​ത​​യി​​ല്‍ പു​​സ്ത​​ക​​ങ്ങ​​ളു​​മാ​​യി കൂ​​ട്ടു​കൂ​​ടാ​​ന്‍ പ്രേ​​രി​​പ്പി​​ച്ച​​ത്. കൂ​​ടാ​​തെ അ​​മ​​ച്വ​​ര്‍ നാ​​ട​​ക ക​​ലാ​​കാ​​ര​​നാ​​യി​​രു​​ന്ന അ​​ച്ഛ​​ന്​ ഇ​​രു​​നൂ​​റി​​ല​​ധി​​കം പു​​സ്ത​​ക​​ങ്ങ​​ളു​​ടെ ശേ​​ഖ​​രം ഉ​​ണ്ടാ​​യി​​രു​​ന്നു. ഇ​​വ​​യെ​​ല്ലാം വാ​​യ​​ന​​യി​​ലേ​​ക്കെ​​ത്തി​​ച്ചു. ഗ്രാ​​മ​​വാ​​സി​​ക​​ളു​​ടെ ജീ​​വി​​ത​​ത്തി​​ന്‍റെ സ​​ഹ​​ന​​ങ്ങ​​ളും ഇ​​വ​​രെ​​പ്പോ​​ലെ എ​​നി​​ക്കും എ​​ഴു​​ത്തി​​ലൂ​​ടെ കൊ​​ണ്ടു​​വ​​ര​​ണ​​മെ​​ന്ന് തോ​​ന്നി. എ​​നി​​ക്ക് എ​​ടു​​ത്തു​പ​​റ​​യാ​​നു​​ള്ള ഒ​​രു കാ​​ര്യം എ​​ന്‍റെ അ​​മ്മ എ​​ന്നെ മ​​റ്റു കു​​ട്ടി​​ക​​ളു​​ടെ ഒ​​പ്പം ന​​ട​​ക്കാ​​ന്‍ അ​​നു​​വ​​ദി​​ക്കു​​ക​​യി​​ല്ലാ​​യി​​രു​​ന്നെ​​ങ്കി​​ലും ഗ്രാ​​മ​​ത്തി​​ലെ ഒ​​രേ ഒ​​രു അ​​ഭ്യ​​സ്ത​​വി​​ദ്യ​​യെ​​ന്ന നി​​ല​​ക്ക് ഗ്രാ​​മ​​വാ​​സി​​ക​​ള്‍ക്ക് ആ​​രോ​​ഗ്യ​​പ​​ര​​മാ​​യും, സാ​​മ്പ​​ത്തി​ക​​മാ​​യും കു​​ടും​​ബ​കാ​​ര്യ​​ങ്ങ​​ളി​​ലും ലോ​​ഭ​​മി​​ല്ലാ​​തെ സ​​ഹാ​​യി​​ച്ചി​​രു​​ന്നു. അ​​വ​​ര്‍ പ​​റ​​യു​​ന്ന പ്ര​​ശ്ന​​ങ്ങ​​ള്‍ക്കും പ​​രാ​​തി​​ക​​ള്‍ക്കും ദു​ഃ​ഖ​​ങ്ങ​​ള്‍ക്കും എ​​ല്ലാം ഞാ​​നും ന​​ല്ല ഒ​​രു കേ​ൾ​വി​​ക്കാ​​രി​​യാ​​യി​​രു​​ന്നു. എ​​ന്തു​കൊ​​ണ്ട് ഇ​​തൊ​​ക്കെ എ​​ഴു​​ത്തി​​ലൂ​​ടെ പു​​റ​​ത്തേ​​ക്ക് കൊ​​ണ്ടു​​വ​​ന്നു​കൂ​​ടാ എ​​ന്ന ചി​​ന്ത മ​​ന​​സ്സി​​നെ മ​​ഥി​​ച്ചു​​വെ​​ങ്കി​​ലും ആ​​ത്മ​​വി​​ശ്വാ​​സ​​ക്കു​​റ​​വ് എ​​ന്നെ പി​​ന്നി​​ലേ​​ക്ക് പി​​ടി​​ച്ചു​വ​​ലി​​ച്ചു​​കൊ​​ണ്ടി​​രു​​ന്നു. 1980 ഒ​​ക്ടോ​​ബ​​റി​​ലാ​​ണെ​​ന്നു തോ​​ന്നു​​ന്നു എ​​ന്‍റെ സ​​ഹോ​​ദ​​ര​​ന്‍ കോ​​ള​​ജ് മാ​​ഗ​​സി​​നി​​ലേ​​ക്ക് ഒ​​രു ക​​വി​​ത എ​​ഴു​​തു​​ന്ന​​ത് ക​​ണ്ണി​​ല്‍പെ​​ട്ട​​ത് എ​​ന്‍റെ എ​​ഴു​​ത്തു​വ​​ഴി​​യി​​ലെ ആ​​ദ്യ പ്ര​​ചോ​​ദ​​ന​​മാ​​യി. അ​​ങ്ങ​​നെ മ​​റാ​​ത്തി​​യി​​ല്‍ ‘വ​​ന്ന​​വ’ എ​​ന്ന എ​​ന്‍റെ ആ​​ദ്യ ചെ​​റു​​ക​​ഥ എ​​ഴു​​ത്തു​മ​​ഷി പു​​ര​​ണ്ടു. ആ​​ദ്യ കാ​​ല​​ങ്ങ​​ളി​​ല്‍ മ​​റാ​​ത്തി​​യി​​ല്‍ അ​​മ്പ​​തു ക​​വി​​ത​​ക​​ളും അ​​ഞ്ചു ക​​ഥ​​ക​​ളും എ​​ഴു​​തി​​യി​​ട്ടു​​ണ്ട്. എ​​ല്ലാ ക​​ഥ​​ക​​ളും ചി​​ല ക​​വി​​ത​​ക​​ളും പ്ര​​സി​​ദ്ധീ​​ക​​രി​​ച്ചി​​ട്ടു​​ണ്ട്. അ​​വ​​സാ​​ന വ​​ര്‍ഷം ബി​​രു​​ദ​​ത്തി​​നു പ​​ഠി​​ക്കു​​മ്പോ​​ഴാ​​യി​​രു​​ന്നു ചി​​ല കൊ​​ങ്ക​​ണി ഭാ​​ഷാ​​പ്രേ​​മി​​ക​​ളെ ക​​ണ്ട​​തും കൊ​​ങ്ക​​ണി​​യി​​ല്‍ എ​​ഴു​​താ​​ന്‍ പ്ര​​ചോ​​ദ​​നം ല​​ഭി​​ച്ച​​തും. സ്കൂ​​ളി​​ല്‍ കൊ​​ങ്ക​​ണി പ​​ഠി​​ച്ചി​​ട്ടി​​ല്ലെ​​ങ്കി​​ലും കൊ​​ങ്ക​​ണി​​യി​​ലെ ആ​​ദ്യ​​ത്തെ പി​എ​ച്ച്.​ഡി ​നേ​​ടാ​​ന്‍ ക​​ഴി​​ഞ്ഞ​​തും ഭാ​​ഗ്യ​​മാ​​യി ക​​രു​​തു​​ന്നു.

ജോ​​ലി​​ചെ​​യ്യു​​ന്ന ആ​​ളെ​​ന്ന നി​​ല​​യി​​ല്‍ ജോ​​ലി​​യും എ​​ഴു​​ത്തും കൂ​​ടി എ​​ങ്ങ​​നെ സ​​മ​​ന്വ​​യി​​പ്പി​​ച്ചു കൊ​​ണ്ടു​​പോ​​കു​​ന്നു? ഒ​​രു എ​​ഴു​​ത്തു​​കാ​​രി എ​​ന്ന നി​​ല​​യി​​ല്‍ നേ​​രി​​ടു​​ന്ന വെ​​ല്ലു​​വി​​ളി​​ക​​ള്‍?

നി​​ശ്ച​​യ​​ദാ​​ർ​ഢ്യം എ​​പ്പോ​​ഴും കൂ​​ടെ​ക്കൂ​​ട്ടു​​ന്ന എ​​നി​​ക്ക് എ​​ഴു​​ത്താ​​ണ് വി​​ശ്ര​​മ​​വേ​​ള. ശ​​രീ​​രം ആ​​വ​​ശ്യ​​പ്പെ​​ടു​​ന്ന​​തു​വ​​രെ ഞാ​​ന്‍ എ​​ഴു​​തി​​ക്കൊ​​ണ്ടേ​യി​രി​​ക്കും. ജീ​​വി​​ത​​ത്തി​​ല്‍ ഞാ​​ന്‍ പ്രാ​​ധാ​​ന്യം കൊ​​ടു​​ക്കു​​ന്ന മൂ​​ന്നു കാ​​ര്യ​​ങ്ങ​​ളാ​​ണ് കൊ​​ങ്ക​​ണി ഭാ​​ഷ, എ​​ഴു​​ത്ത്, ഗ​​വേ​​ഷ​​ണം. എ​​ഴു​​ത്തു​​കാ​​രി എ​​ന്ന നി​​ല​​യി​​ല്‍ തീ​​ര്‍ച്ച​​യാ​​യും എ​​ഴു​​ത്തി​​ന്‍റെ ആ​​ദ്യ കാ​​ല്‍വെ​​പ്പു​​ക​​ളി​​ല്‍ ധാ​​രാ​​ളം വെ​​ല്ലു​​വി​​ളി​​ക​​ള്‍ നേ​​രി​​ടേ​​ണ്ടി വ​​ന്നി​​ട്ടു​​ണ്ട്. ആ​​ത്മാ​ർ​ഥ​​ത​​യും നി​​ശ്ച​​യദാ​​ർ​ഢ്യ​​വും ത​​ട​​സ്സ​​ങ്ങ​​ളെ ത​​ട്ടി​​മാ​​റ്റി. ഒ​​മ്പ​​തു വ​​ര്‍ഷം അ​​മ്മ സു​​ഖ​​മി​​ല്ലാ​​തെ കി​​ട​​ന്നി​​ട്ടാ​​ണ് മ​​രി​​ച്ച​​ത്. സാ​​മൂ​​ഹി​​ക മ​​ര്യാ​​ദ​​യ​​നു​​സ​​രി​​ച്ച് ഒ​​രേ ഒ​​രു മ​​ക​​ളാ​​യ ഞാ​​ന്‍ത​​ന്നെ​​യാ​​യി​​രു​​ന്നു വീ​​ട്ടു​​കാ​​ര്യ​​ങ്ങ​​ള്‍ നോ​​ക്കിന​​ട​​ത്തേ​​ണ്ട​​ത്. സു​​ഖ​​മി​​ല്ലാ​​ത്ത അ​​മ്മ, വീ​​ട്, ജോ​​ലി, ഗ​​വേ​​ഷ​​ണം, ഇ​​തി​​നി​​ട​​യി​​ല്‍ രാ​​പ്പ​ക​​ല്‍ വ്യ​​ത്യാ​​സ​​മി​​ല്ലാ​​തെ ഗോ​​വ​​യി​​ല്‍ അ​​ങ്ങോ​​ളം ഇ​​ങ്ങോ​ളം യാ​​ത്ര​ചെ​​യ്ത് നാ​​ടോ​​ടി ജീ​​വി​​ത​​ങ്ങ​​ളു​​ടെ ആ​​ധി​​കാ​​രി​​ക പ്ര​​മാ​​ണ​​ങ്ങ​​ള്‍ ശേ​​ഖ​​രി​​ച്ചു സൂ​​ക്ഷി​​ക്കു​​ക, കേ​​പ്പെ​​മി​​ല്‍നി​​ന്നും 55 കി​​ലോ​​മീ​​റ്റ​​ര്‍ ദൂ​​ര​​മു​​ള്ള പ​​ന​ാജി​​യി​​ല്‍ ദി​​വ​​സ​​വും പോ​​യി​​വ​​രു​ക, രാ​​വി​​നൊ​​പ്പം എ​​ഴു​​ത്തു​​മാ​​യി ഉ​​ണ​​ര്‍ന്നി​​രി​​ക്കു​​ക എ​​ന്ന​​തൊ​​ക്കെ ഒ​​ന്നി​​ച്ചു കൊ​​ണ്ടു​​പോ​​കു​​ന്ന​​ത് എ​​ളു​​പ്പ​​മാ​​യി​​രു​​ന്നി​​ല്ല. 1985-1987ല്‍ 555 ​​ദി​​വ​​സം നീ​​ണ്ടു​നി​​ന്ന ഔ​​ദ്യോ​​ഗി​​ക ഭാ​​ഷാ പ്ര​​ക്ഷോ​​ഭ​​ത്തി​​ല്‍ സ​​ജീ​​വ​​മാ​​യി പ​​ങ്കെ​​ടു​​ക്കു​​ക​​യും കൊ​​ങ്ക​​ണി ഭാ​​ഷ​​യു​​ടെ ഉ​​ന്ന​​മ​​ന​​ത്തി​​നാ​​യി ഉ​​ണ്ടാ​​ക്കി​​യ ക​​മ്മ​ി​റ്റി​​ക​​ളി​​ല്‍ പ്ര​​വ​​ര്‍ത്തി​​ക്കു​​ക​​യും ചെ​​യ്തി​​ട്ടു​​ണ്ട്. 1994 സെ​​പ്റ്റം​​ബ​​ര്‍ 30ന് ​​അ​​മ്മ​​യു​​ടെ മ​​ര​​ണ​​ത്തി​​നു​ശേ​​ഷം അ​​ച്ഛ​​ന്‍റെ​​യും മു​​ത്ത​​ച്ഛ​​ന്‍റെ​​യും അ​​നു​​ജ​​ന്‍റെ​​യും ചു​​മ​​ത​​ല​​യും എ​​ന്നി​​ലെ​​ത്തി. നാ​​ടോ​​ടി പ​​ഠ​​ന​​ത്തി​​ല്‍ മൈ​​സൂ​​ര്‍ സ​​ര്‍വ​​ക​​ലാ​​ശാ​​ല​​യി​​ല്‍നി​​ന്നും പി.​ജി ഡി​​പ്ലോ​​മ, സോ​​ഷ്യോ​​ള​​ജി​​യി​​ല്‍ ബി​​രു​​ദാ​​ന​​ന്ത​​ര​ ബി​​രു​​ദം, പി​എ​ച്ച്.​ഡി ​ഇ​​തെ​​ല്ലാം പ​​തി​​വ് തി​​ര​​ക്കു​​ക​​ള്‍ക്കി​​ട​​യി​​ലെ തി​​ര​​ക്കു​​ക​​ളാ​​യി​​രു​​ന്നു -ഇ​​തെ​​ല്ലാം എ​​നി​​ക്ക് വി​​ജ​​യ​​ക​​ര​​മാ​​യി പൂ​​ര്‍ത്തി​​യാ​​ക്കാ​​ന്‍ ക​​ഴി​​ഞ്ഞ​​ത് മാ​​തൃ​​ഭാ​​ഷ​​യോ​​ടും മാ​​തൃ സം​​സ്ഥാ​​ന​​ത്തോ​​ടു​മു​​ള്ള സ്നേ​​ഹ​​വും എ​​ന്‍റെ നി​​ശ്ച​​യ​ദാ​​ർ​ഢ്യ​​വും​കൊ​​ണ്ട് മാ​​ത്ര​​മാ​​യി​​രു​​ന്നു.

ഇ​​തു​​വ​​രെ എ​​ത്ര പു​സ്​​ത​ക​ങ്ങ​ൾ എ​​ഴു​​തി​​യി​​ട്ടു​​ണ്ട്? അ​​തി​​ല്‍ ഏ​​റെ പ്രി​​യം ഏ​​തി​​നോ​​ടാ​​ണ്? ഏ​​തെ​​ങ്കി​​ലും ക​​ഥാ​​പാ​​ത്രം മ​​ന​​സ്സി​​ല്‍ ത​​ങ്ങി​നി​​ല്‍ക്കു​​ന്നു​​ണ്ടോ? അ​​ങ്ങ​​നെ​​യെ​​ങ്കി​​ല്‍ ഏ​​ത്?

ഉ​​ത്ത​​രം: ചെ​​റു​​ക​​ഥ, ക​​വി​​ത, നാ​​ട​​കം, ലേ​​ഖ​​നം, രേ​​ഖാ​​ചി​​ത്രം, ബാ​​ല​​സാ​​ഹി​​ത്യം, വി​​വ​​ര്‍ത്ത​​നം, നാ​​ടോ​​ടി ജീ​​വി​​തം, എ​​ഡി​​റ്റി​ങ് അ​​ട​​ക്കം അ​​മ്പ​​തോ​​ളം പു​​സ്ത​​ക​​ങ്ങ​​ള്‍ പ്ര​​സി​​ദ്ധീ​​ക​​രി​​ച്ചി​​ട്ടു​​ണ്ട്. എ​​ന്നെ സം​​ബ​​ന്ധി​​ച്ചി​​ട​​ത്തോ​​ളം ഹൃ​​ദ​​യം ചേ​​ര്‍ത്തു വെ​​ച്ചെ​​ഴു​​തി​​യ ഈ ​​പു​​സ്ത​​ക​​ങ്ങ​​ളെ​​ല്ലാം പ്രി​​യ​​പ്പെ​​ട്ട​​താ​​ണ്. ഒ​​രു പു​​സ്ത​​ക​​ത്തി​​ന്‍റെ ഉ​​ള്ള​​ട​​ക്ക​​ത്തി​​ല്‍ മാ​​ത്ര​​മ​​ല്ല ക​​വ​​ര്‍, പേ​​പ്പ​​ര്‍, ബൈ​​ന്റി​ങ്, പ്രി​​ന്‍റി​ങ് എ​​ല്ലാം ഞാ​​ന്‍ ന​​ന്നാ​​യി ശ്ര​​ദ്ധി​​ക്കും.

‘അ​​താ​​ങ്ക്’ ക​​ഥാ​​സ​​മാ​​ഹാ​​ര​​ത്തി​​ലെ ‘ബ​​സാ​​വോ’ എ​​ന്ന ക​​ഥ​​യി​​ലെ ഗോ​​വി​​ന്ദ് താ​​ക്ക​​ര്‍ മ​​ന​​സ്സി​​ല്‍ കു​​ടി​​യി​​രി​​ക്കു​​ന്ന ഒ​​രു ക​​ഥാ​​പാ​​ത്ര​​മാ​​ണ്. യാ​​ഥാ​​ർ​ഥ്യ​​ത്തി​​ന്‍റെ ഇ​​ട​​യി​​ലെ ചെ​​റു തി​​രു​​ത്ത​​ലു​​ക​​ളി​​ലൂ​​ടെ ഉ​​രു​​ത്തി​​രി​​ഞ്ഞ ക​​ഥ​​യാ​​ണ​​ത്. പി​​ന്‍ത​​ല​​മു​​റ​​യു​​ടെ വി​​കാ​​ര​​ങ്ങ​​ളെ മാ​​നി​​ച്ചു​കൊ​​ണ്ട് കൃ​​ഷ്ണാ താ​​ക്ക​​ര്‍ എ​​ന്ന ശ​​രി​​ക്കു​​ള്ള പേ​​ര് മാ​​റ്റി ഗോ​​വി​​ന്ദ് താ​​ക്ക​​ര്‍ എ​​ന്നാ​​ക്കു​​ക​​യാ​​യി​​രു​​ന്നു.

വി​​വ​​രശേ​​ഖ​​ര​​ണ സൂ​​ക്ഷി​​പ്പി​​ന്‍റെ ഭാ​​ഗ​​മാ​​യി കാ​​ള​​യെ അ​​ല​​ങ്ക​​രി​​ച്ചു വീ​​ടു​​തോ​​റും കൊ​​ണ്ടുന​​ട​​ക്കു​​ന്ന​​ത് കു​​ല​​ത്തൊ​​ഴി​​ലാ​​ക്കി​​യി​​രു​​ന്ന കൃ​​ഷ്ണാ താ​​ക്ക​​റി​​ന്‍റെ കു​​ടും​​ബ​​ത്തെ സ​​ന്ദ​​ര്‍ശി​​ച്ചി​​രു​​ന്നു. ആ​​ചാ​​ര​രീ​​തി​​ക​​ളോ​​ട് ആ​​ത്മാ​​ർ​ഥ​​ത​​യും കൂ​​റു​​മു​​ള്ള അ​​ദ്ദേ​​ഹം പി​​ന്നീ​​ട് ഞ​​ങ്ങ​​ളു​​ടെ കു​​ടും​​ബ​​ത്തി​​ല്‍ ഒ​​രാ​​ളെ​​പ്പോ​​ലെ​​യാ​​യി. അ​​മ്മ മ​​രി​​ച്ച​​ത​​റി​​ഞ്ഞ​​പ്പോ​​ള്‍ത​​ന്നെ ത​​ന്‍റെ കു​​ഗ്രാ​​മ​​ത്തി​​ല്‍നി​​ന്നും വെ​​ള്ളം​പോ​​ലും കു​​ടി​​ക്കാ​​തെ അ​​തി​​രാ​​വി​​ലെ എ​​ത്തി​​യ അ​​ദ്ദേ​​ഹം എ​​ന്‍റെ സ​​ഹോ​​ദ​​ര​​ന്‍ നി​​ര്‍ബ​​ന്ധി​​ച്ചി​​ട്ടു​പോ​​ലും വൈ​​കീ​​ട്ട് ഏ​​ഴു​ മ​​ണി​​ക്ക് ശ​​വ​​സം​​സ്കാ​​ര​​വും ക​​ഴി​​ഞ്ഞാ​​ണ് തി​​രി​​ച്ചുപോ​​യ​​ത്. പി​​റ്റേ ദി​​വ​​സ​​മാ​​ണ് ഞാ​​ന​​ത​​റി​​ഞ്ഞ​​ത്. അ​​തെ​​ന്നെ വ​​ല്ലാ​​തെ സ്പ​​ര്‍ശി​​ച്ചു. ‘ബ​​സാ​​വോ’ ക​​ഥ എ​​നി​​ക്ക് പൂ​​ർ​ണ​​മാ​​യ സം​​തൃ​​പ്തി ന​​ല്‍കി​​യി​​ല്ല. അ​​തി​​നാ​​ല്‍ പി​​ന്നീ​​ട് അ​​ദ്ദേ​​ഹ​​ത്തെ​​ക്കു​​റി​​ച്ച് ‘എ​​ന്‍റെ മ​​ണ്ണും മ​​നു​​ഷ്യ​​നും ഒ​​രു വ്യ​​ക്തി​​ചി​​ത്രം’ എ​​ന്ന ലേ​​ഖ​​ന​​ത്തി​​ലൂ​​ടെ സ​​ത്യ​​സ​​ന്ധ​​മാ​​യി സം​​ഭ​​വം വെ​​ളി​​പ്പെ​​ടു​​ത്തി.

താ​​ങ്ക​​ളു​​ടെ അ​​ഭി​​പ്രാ​​യ​​ത്തി​​ല്‍ ഒ​​രു ന​​ല്ല ക​​ഥ എ​​ന്തെ​​ന്ന് വി​​ശ​​ദീ​​ക​​രി​​ക്കാ​​മോ?

എ​​ഴു​​തു​​ന്ന ഭാ​​ഷ അ​​നാ​​യാ​​സം കൈ​​കാ​​ര്യം ചെ​​യ്യാ​​നു​​ള്ള ക​​ഴി​​വി​​നൊ​​പ്പം സൂ​​ക്ഷ്മ​​ത​​ല​​ങ്ങ​​ളെ ഒ​​പ്പി​​യെ​​ടു​​ത്തു ക​​ഥാ​​ബീ​​ജം വി​​ക​​സി​​പ്പി​​ച്ചെ​​ടു​​ക്കാ​​നു​​ള്ള ക​​ഴി​​വാ​​ണ് ഒ​​രു ന​​ല്ല ക​​ഥ​​യെ സൃ​​ഷ്ടി​​ക്കു​​ന്ന​​തെ​​ന്ന് ഞാ​​ന്‍ വി​​ശ്വ​​സി​​ക്കു​​ന്നു.

എ​​ന്താ​​ണ് ആ​​ദ്യം മ​​ന​​സ്സി​​ലേ​​ക്കെ​​ത്തു​​ന്ന​​ത്? ഇ​​തി​​വൃ​​ത്ത​​മാ​​ണോ, ക​​ഥാ​​പാ​​ത്ര​​ങ്ങ​​ളാ​​ണോ?

ആ​​ദ്യം വി​​ഷ​​യം, പി​​ന്നീ​​ട് ക​​ഥാ​​പാ​​ത്ര​​ങ്ങ​​ള്‍, ഒ​​ടു​​വി​​ല്‍ ഇ​​തി​​വൃ​​ത്തം.

ഉ​​ള്‍നാ​​ട​​ന്‍ ഗ്രാ​​മ​​ത്തി​​ല്‍ ജീ​​വി​​ക്കു​​ന്ന ആ​​ളെ​​ന്ന​നി​​ല​​യി​​ല്‍ എ​​ഴു​​ത്തി​​ല്‍ അ​​തെ​​ങ്ങ​​നെ പ്ര​​തി​​ഫ​​ലി​​ക്കു​​ന്നു? നി​​ത്യ​ജീ​​വി​​ത​​ത്തി​​ല്‍നി​​ന്നാ​​ണോ അ​​തോ മ​​റ്റെ​​ന്തെ​​ങ്കി​​ലും വ​​ഴി​​യി​​ലൂ​​ടെ​​യാ​​ണോ ക​​ഥാ​​പാ​​ത്ര​​ങ്ങ​​ളെ ക​​ണ്ടെ​​ത്തു​​ന്ന​​ത്?

എ​​ന്‍റെ കൂ​​ടു​​ത​​ല്‍ ര​​ച​​ന​​ക​​ളും ഗോ​​വ​​യി​​ലെ ഗ്രാ​​മ​​ജീ​​വി​​ത​​ങ്ങ​​ളെ​​ക്കു​​റി​​ച്ചാ​​ണ്. ആ​​ദ്യ​​കാ​​ല​​ങ്ങ​​ളി​​ല്‍ അ​​വ​​യു​​ടെ സ്വാ​​ധീ​​നം കൂ​​ടു​​ത​​ലാ​​യി​​രു​​ന്നു. എ​​ന്‍റെ 16 ക​​ഥ​​ക​​ള​​ട​​ങ്ങി​​യ ആ​​ദ്യ സ​​മാ​​ഹാ​​ര​​മാ​​യ ‘ഗ​​ര്‍ജ്ജ​​ന്‍’ പൂ​​ർ​ണ​​മാ​​യും ഗ്രാ​​മീ​​ണ ജീ​​വി​​ത​​മാ​​ണ്. പി​​ന്നീ​​ട് ന​​ഗ​​ര​​വും വി​​ദ്യാ​​ഭ്യാ​​സ​​വും പ്ര​​ത്യേ​​കി​​ച്ചും നാ​​ടോ​​ടി ജീ​​വി​​ത​​ങ്ങ​​ളു​​ടെ ഗ​​വേ​​ഷ​​ണം എ​​ന്‍റെ എ​​ഴു​​ത്തി​​നെ വ​​ള​​രെ​​യ​​ധി​​കം സ്വാ​​ധീ​​നി​​ച്ചു.

അ​​തെ. എ​​ന്‍റെ ക​​ഥാ​​പാ​​ത്ര​​ങ്ങ​​ള്‍ നി​​ത്യ​ജീ​​വി​​ത​​ത്തി​​ലെ നേ​​ർ​ക്കാ​​ഴ്ച​​ക​​ളി​​ല്‍ എ​​ത്തു​​ന്ന​​വ​​രും, നാ​​ടോ​​ടി​​ക​​ളു​​ടെ വി​​വ​​ര​​ശേ​​ഖ​​ര​​ണ​​ത്തി​​നാ​​യി സ​​ഞ്ച​​രി​​ച്ച കൂ​​ട്ട​​ത്തി​​ല്‍ ല​​ഭി​​ച്ച​​വ​​രു​​മാ​​ണ്.

‘അ​​താ​​ങ്കി’​​നു സാ​​ഹി​​ത്യ അ​​ക്കാ​​ദ​​മി അ​​വാ​​ര്‍ഡ് ല​​ഭി​​ച്ച​​പ്പോ​​ള്‍ എ​​ങ്ങ​​നെ​​യാ​​ണ് പ്ര​​തി​​ക​​രി​​ച്ച​​ത്?

എ​​ന്നെ​​ങ്കി​​ലും എ​​ന്‍റെ പ്ര​​യ​​ത്നം സാ​​ഹി​​ത്യ ​​അ​​ക്കാ​​ദ​​മി തി​​രി​​ച്ച​​റി​​യു​​മെ​​ന്ന് ഉ​​റ​​പ്പു​​ണ്ടാ​​യി​​രു​​ന്നു എ​​ങ്കി​​ലും എ​​ന്‍റെ നാ​​ൽപ​​തു​​ക​​ളി​​ല്‍, 2004ല്‍ ​​അ​​ത് കി​​ട്ടു​​മെ​​ന്ന് ഒ​​രു പ്ര​​തീ​​ക്ഷ​​യും ഉ​​ണ്ടാ​​യി​​രു​​ന്നി​​ല്ല. മു​​തി​​ര്‍ന്ന​​വ​​ര്‍ ക്യൂ ​​നി​​ല്‍ക്കു​​മ്പോ​​ള്‍ എ​​നി​​ക്ക് ല​​ഭി​​ച്ച​​തി​​ല്‍ ഒ​​രേ​സ​​മ​​യം അ​​ത്ഭു​​ത​​വും ആ​​ഹ്ലാ​​ദ​​വും തോ​​ന്നി.

എ​​ഴു​​ത്തു​​കാ​​രി എ​​ന്ന നി​​ല​​യി​​ല്‍ ഇ​​ന്ന​​ത്തെ ത​​ല​​മു​​റ​​ക്ക് ന​​ല്‍കാ​​നു​​ള്ള സ​​ന്ദേ​​ശം എ​​ന്താ​​ണ്?

ഉ​​ത്ത​​രം: ഇ​​ന്ന​​ത്തെ ത​​ല​​മു​​റ ഇം​​ഗ്ലീ​​ഷ് ഭാ​​ഷ​​യി​​ല്‍ ആ​​കൃ​​ഷ്ട​​രാ​​ണ്. അ​​ത​തു പ്രാ​​ദേ​​ശി​​ക ഭാ​​ഷ​​ക​​ളി​​ല്‍ അ​​വ​​ര്‍ കൂ​​ടു​​ത​​ല്‍ ശ്ര​​ദ്ധി​​ക്ക​​ണ​​മെ​​ന്നാ​​ണ് എ​​നി​​ക്ക് അ​​പേ​​ക്ഷി​​ക്കാ​​നു​​ള്ള​​ത്. കാ​​ര​​ണം, എ​​ഴു​​ത്തു​​കാ​​ര്‍ക്ക് എ​​ഴു​​തു​​വാ​​നു​​ള്ള ഊ​​ർ​ജം ല​​ഭി​​ക്കു​​ന്ന​​ത് അ​​വ​​രു​​ടെ വാ​​യ​​ന​​യി​​ലൂ​​ടെ​​യാ​​ണ്. ധാ​​രാ​​ളം ര​​ച​​ന​​ക​​ള്‍ വെ​​ളി​​ച്ചം ക​​ണ്ടെ​​ങ്കി​​ലേ ഭാ​​ഷ​​ക്ക് നി​​ല​​നി​​ല്‍പ്പ്‌ സാ​​ധ്യ​​മാ​​കൂ. എ​​ങ്കി​​ലേ അ​​ത​തു പ്ര​​ദേ​​ശ​​ത്തെ ത​​ന​​തു സം​​സ്കാ​​ര​​വും സ്വ​​ത്വബോ​​ധ​​വും നി​​ല​​നി​​ല്‍ക്കു​​ക​​യു​​ള്ളൂ.

2021ലെ ​​ജ്ഞാ​​ന​​പീ​​ഠം അ​​വാ​​ര്‍ഡ് ജേ​​താ​​വ് ദാ​​മോ​​ദ​​ര്‍ മൗ​​ജോ​​ജി​​യെ​​ക്കു​​റി​​ച്ച്?

ഉ​​ത്ത​​രം: ദാ​​മോ​​ദ​​ര്‍ മൗ​​​ജോ ഞ​​ങ്ങ​​ളു​​ടെ ത​​ല​​മു​​തി​​ര്‍ന്ന എ​​ഴു​​ത്തു​​കാ​​ര​​നാ​​ണ്‌. ഞാ​​ന്‍ എ​​പ്പോ​​ഴും അ​​ഭി​​മാ​​നം​​കൊ​​ള്ളു​​ന്ന എ​​ഴു​​ത്തു​​കാ​​ര​​ന്‍. അ​​ദ്ദേ​​ഹ​​ത്തി​​ന്‍റെ ആ​​ദ്യ​​കാ​​ല എ​​ഴു​​ത്തു​​ശൈ​​ലി​​യാ​​ണ് ഇ​​പ്പോ​​ഴ​​ത്തെ എ​​ഴു​​ത്തു​​ക​​ളെ​​ക്കാ​​ള്‍ കൂ​​ടു​​ത​​ല്‍ ഞാ​​നി​​ഷ്ട​​പ്പെ​​ടു​​ന്ന​​ത്. സ​​മ​​കാ​​ലി​ക പ്ര​​ശ്ന​​ങ്ങ​​ള്‍ക്ക് എ​​ന്നും ഊ​​ന്ന​​ല്‍ ന​​ല്‍കു​​ന്ന എ​​ഴു​​ത്തു​​കാ​​ര​​നാ​​ണ്‌ അ​​ദ്ദേ​​ഹം.

വീ​​ട്ടു​വി​​ശേ​​ഷ​​ങ്ങ​​ള്‍..?

ഗോ​​വ, കേ​​പ്പെ​​മി​​ലെ അ​​മോ​​ണ എ​​ന്ന സ്ഥ​​ല​​ത്ത് ത​​റ​​വാ​​ട്ടു വീ​​ട്ടി​​ല്‍ ഇ​​ള​​യ അ​​നു​​ജ​​നോ​​ടും കു​​ടും​​ബ​​ത്തോ​​ടു​​മൊ​​പ്പം താ​​മ​​സി​​ക്കു​​ന്നു. ഒ​​രു മൂ​​ത്ത സ​​ഹോ​​ദ​​ര​​നും ഇ​​ള​​യ സ​​ഹോ​​ദ​​ര​​നും കൂ​​ടി​​യു​​ണ്ട്. അ​​വ​​ര്‍ ഗോ​​വ​​യി​​ല്‍ത​​ന്നെ മ​​റ്റു സ്ഥ​​ല​​ങ്ങ​​ളി​​ല്‍ താ​​മ​​സി​​ക്കു​​ന്നു.

News Summary - jayanti nayak interview