ബി​ൽ​ക്കീ​സ്​ ബാ​നു കേ​സി​ലെ പ്ര​തി​ക​ളെ വെ​റു​തെ​വി​ട്ട​തി​നെ​തി​രെ സു​പ്രീം​കോ​ട​തി​യി​ൽ നി​യ​മ​പോ​രാ​ട്ടം ന​ട​ത്തു​ന്ന രേ​വ​തി ​ലോൾ 'മാധ്യമ'ത്തോട് സംസാരിക്കുന്നു

''ജ​നാ​ല​ക്കു​ള്ളി​ല്‍നി​ന്ന് തി​ര​മാ​ല​പോ​ലെ ക​ട്ടി​പ്പു​ക പു​റ​ത്തു​വ​രു​ന്ന ദൃ​ശ്യം ക​ണ്ടാ​ണ് അ​വ​ന്‍ നി​ന്ന​ത്. പു​ല്ലു​മേ​ഞ്ഞ, മ​ണ്ണു​കൊ​ണ്ടു​ള്ള ഒ​രു കു​ടി​ലി​ന്‍റെ ജ​നാ​ല​യാ​യി​രു​ന്നു അ​ത്. അ​തി​ന​ക​ത്ത് മ​ര​ക്കാ​ലി​ല്‍ ഒ​രു സ്ത്രീ​യു​ടെ ക​ത്തു​ന്ന ശ​രീ​രം കെ​ട്ടി​യി​ട്ടി​ട്ടു​ണ്ടാ​യി​രു​ന്നു. ആ ​സ്ത്രീ നി​ന്നു​ക​ത്തു​ക​യാ​യി​രു​ന്നു. പാ​ദ​ത്തി​ല്‍നി​ന്ന് തീ ​ആ​ളി​ക്ക​ത്തു​ന്നു. സാ​രി ക​ത്തി​പ്പ​ട​രു​ന്നു. അ​വ​രു​ടെ ക​ണ്ണു​ തു​റ​ന്നുത​ന്നെ​യാ​ണി​രു​ന്ന​ത്. പ​ക്ഷേ, ക​ന​ത്ത നി​ശ്ശ​ബ്ദ​ത​യാ​യി​രു​ന്നു. അ​വ​രു​ടെ നി​ല​വി​ളി പ്രാ​ണ​നൊ​പ്പം നേ​ര​ത്തേ നി​ല​ച്ചി​രു​ന്നു. പ​ക്ഷേ, ആ ​ക​ണ്ണു​ക​ള്‍ അ​വ​നെ ത​റ​ച്ചു​നോ​ക്കി. അ​വ​ന്‍ തി​രി​കെ വീ​ട്ടി​ലേ​ക്കോ​ടി. ആ ​ഓ​ർ​മ​യു​ടെ ഞെ​ട്ട​ലോ​ടെ പ​ത്തു വ​യ​സ്സു​കാ​ര​ന്‍ ഗു​ഡ്ഡു പ​റ​ഞ്ഞു.''

മാ​ധ്യ​മ​പ്ര​വ​ര്‍ത്ത​ക​യും ആ​ക്ടി​വി​സ്റ്റു​മാ​യ രേ​വ​തി ലോ​ള്‍ എ​ഴു​തി​യ 'വെ​റു​പ്പി​ന്‍റെ ശ​രീ​ര​ശാ​സ്ത്രം' എ​ന്ന പു​സ്ത​ക​ത്തി​ൽ അ​നു​ഭ​വ​ങ്ങ​ൾ നി​​ന്ന്​ എ​രി​യു​ക​യാ​ണ്. ഇ​തൊ​രു സാ​ങ്ക​ൽ​പി​ക ക​ഥ​യ​ല്ല. 2002 ഫെ​ബ്രു​വ​രി 28ന് ​അ​ര​ങ്ങേ​റി​യ ഗു​ജ​റാ​ത്ത് വം​ശ​ഹ​ത്യ​യും അ​തി​ലേ​ക്കു ന​യി​ച്ച ഗു​ജ​റാ​ത്തി​ലെ സാ​മൂ​ഹി​ക-​രാ​ഷ്ട്രീ​യ പ​ശ്ചാ​ത്ത​ല​വും അ​തി​നു​ശേ​ഷ​മു​ള്ള നേ​ര​നു​ഭ​വ​ങ്ങ​ൾ കൂ​ട്ടി​ച്ചേ​ർ​ത്തു​വെ​ച്ച പു​സ്ത​ക​മാ​ണി​ത്. ക​ലാ​പ​ത്തി​ലെ ഇ​ര​ക​ളെ​യും വേ​ട്ട​ക്കാ​രെ​യും പി​ന്തു​ട​ർ​ന്ന്​ ശേ​ഖ​രി​ച്ച അ​നു​ഭ​വ​ക്കു​റി​പ്പു​ക​ൾ. ക​ലാ​പ​ത്തി​ല്‍ പ​ങ്കാ​ളി​ക​ളാ​യ സു​രേ​ഷ്, ദ​ന്‍ഗ​ര്‍, പ്ര​ണ​വ് എ​ന്നീ മൂ​ന്ന് ചെ​റു​പ്പ​ക്കാ​രു​ടെ ക​ലാ​പ​കാ​ല​ത്തെ​യും അ​തി​നു മു​മ്പും പി​ന്നീ​ടു​മു​ള്ള ജീ​വി​ത​ത്തി​ലൂ​ടെ​യാ​ണ് രേ​വ​തി ലോ​ള്‍ ഗു​ജ​റാ​ത്ത് വം​ശ​ഹ​ത്യ​യു​ടെ നാ​നാ​വ​ശ​ങ്ങ​ളി​ലേ​ക്ക് വെ​ളി​ച്ചം വീ​ശു​ന്ന​ത്. ബി​ൽ​ക്കീ​സ്​ ബാ​നു കേ​സി​ലെ പ്ര​തി​ക​ളെ വെ​റു​തെ​വി​ട്ട​തി​നെ​തി​രെ സു​പ്രീം​കോ​ട​തി​യി​ൽ നി​യ​മ​പോ​രാ​ട്ടം ന​ട​ത്തു​ന്ന​വ​രി​ലൊ​രാ​ളാ​ണ്​ രേ​വ​തി. പ​തി​റ്റാ​ണ്ടി​ലേ​റെ ന​ട​ത്തി​യ അ​ന്വേ​ഷ​ണ​ത്തി​ന്‍റെ​യും സ​മൂ​ഹ​ത്തി​ലെ വെ​റു​പ്പി​നെ​തി​രാ​യ പോ​രാ​ട്ട​ത്തി​ന്‍റെ​യും അ​നു​ഭ​വ​ങ്ങ​ൾ തൃ​ശൂ​രി​ൽ ബ​ഹു​ജ​ന കൂ​ട്ടാ​യ്മ ന​ട​ത്തി​യ പ്ര​ഭാ​ഷ​ണ പ​ര​മ്പ​ര​യി​ലെ​ത്തി​യ രേ​വ​തി ലോ​ൾ 'മാ​ധ്യ​മ'​വു​മാ​യി പ​ങ്കു​വെ​ക്കു​ന്നു.

ജ​നി​ച്ചു​വ​ള​ർ​ന്ന പ​ശ്ചാ​ത്ത​ല​വും പ​ഠ​ന​വും മാ​ധ്യ​മ​പ്ര​വ​ർ​ത്ത​ക​യാ​യു​ള്ള പ്ര​വേ​ശ​ന​വും വി​ശ​ദീ​ക​രി​ക്കാ​മോ?

ഡ​ൽ​ഹി​യി​ലാ​ണ്​ ജ​നി​ച്ച​തും വ​ള​ർ​ന്ന​തും. ഡ​ൽ​ഹി യൂ​നി​വേ​ഴ്​​സി​റ്റി​യി​ൽ​നി​ന്ന്​ ബി​രു​ദം, ജെ.​എ​ൻ.​യു​വി​ൽ​നി​ന്ന്​ ബി​രു​ദാ​ന​ന്ത​ര ബി​രു​ദം. തു​ട​ർ​ന്ന്​ എ​ൻ.​ഡി.​ടി.​വി​യി​ൽ ​90ക​ളു​ടെ പ​കു​തി​യി​ലാ​ണ്​ പ്രൊ​ഡ​ക്​​ഷ​ൻ എ​ക്സി​ക്യൂ​ട്ടി​വ് പോ​സ്റ്റി​ൽ എ​ത്തി​യ​ത്. വാ​ർ​ത്ത വാ​യ​ന​യി​ൽ ആ​ങ്ക​റി​ന്‍റെ വാ​യ​ന​ക്ക​നു​സ​രി​ച്ച്​ പേ​പ്പ​ർ തി​രി​ച്ചു​കൊ​ടു​ക്കു​ക എ​ന്ന​താ​യി​രു​ന്നു ആ​ദ്യ ജോ​ലി. ഈ​യി​ട​ക്ക്​ മ്യൂ​സി​ക്​ വി​ഡി​യോ​ക​ൾ ചെ​യ്തു. മൂ​ന്നു​വ​ർ​ഷം ക​ഴി​ഞ്ഞ​പ്പോ​ഴാ​ണ്​ ജേ​ണ​ലി​സ്റ്റ്​ വി​ഭാ​ഗ​ത്തി​ലേ​ക്ക്​ മാ​റി​യ​ത്. സ്റ്റാ​ർ ന്യൂ​സി​ന്​ വേ​ണ്ടി സ്​​പെ​ഷ​ൽ ഇ​ൻ​വെ​സ്​​റ്റി​ഗേ​ഷ​ൻ സ്​​റ്റോ​റി​ക​ൾ ചെ​യ്തി​രു​ന്നു. പ​ല​ത​വ​ണ എ​ൻ.​ഡി.​ടി.​വി​യി​ൽ​നി​ന്ന്​ പോ​വു​ക​യും തി​രി​ച്ചെ​ത്തു​ക​യും​ ചെ​യ്തു. 2009ലാ​ണ്​ അ​വ​സാ​ന​മാ​യി എ​ൻ.​ഡി.​ടി.​വി​യി​ൽ​നി​ന്ന്​ പു​റ​ത്തുവ​ന്ന​ത്.

വ​ള​രെ ചു​രു​ങ്ങി​യ കാ​ലം​കൊ​ണ്ട്​ മാ​ധ്യ​മമേ​ഖ​ല​യി​ൽ ഇ​ടം ക​ണ്ടെ​ത്താ​ൻ താ​ങ്ക​ൾ​ക്കാ​യി. ഇ​ട​പെ​ട്ട മേ​ഖ​ല​ക​ളു​ം വി​ഷ​യ​ങ്ങ​ളും?

പൊ​ളി​റ്റി​ക്ക​ൽ ഫീ​ച്ച​റു​ക​ൾ എ​ഴു​തു​ന്ന​തി​ലാ​യി​രു​ന്നു താ​ൽ​പ​ര്യം. 'സം​ഘ​ർ​ഷ​ങ്ങ​ളും ക​ലാ​പ​ങ്ങ​ളും' എ​ന്ന വി​ഷ​യ​മാ​യി​രു​ന്നു സ്​​പെ​​ഷ​ലൈ​സ്​ ചെ​യ്ത​ത്. രാ​ഷ്ട്രീ​യ സ്പ​ർ​ധ​ക​ൾ, സ്ത്രീ ​പീ​ഡ​ന​ങ്ങ​ൾ, മ​ത സം​ഘ​ർ​ഷ​ങ്ങ​ൾ എ​ന്നി​വ കൂ​ടു​ത​ലാ​യി കൈ​കാ​ര്യംചെ​യ്തു. കാ​ർ​ഗി​ൽ യു​ദ്ധം ഞാ​ൻ റി​പ്പോ​ർ​ട്ട്​ ചെ​യ്തി​ട്ടു​ണ്ട്. എ​ട്ടു വ​ർ​ഷ​മാ​ണ്​ ബം​ഗാ​ളി​ലെ മാ​ന​സി​കാ​രോ​ഗ്യ കേ​ന്ദ്ര​ത്തി​ലെ മ​നു​ഷ്യ​ത്വ ഹീ​ന ന​ട​പ​ടി​ക​ൾ സം​ബ​ന്ധി​ച്ച അ​ന്വേ​ഷ​ണം ന​ട​ത്താ​നെ​ടു​ത്ത​ത്. അ​ത്​ ജ​ന​ശ്ര​ദ്ധ​യും അം​ഗീ​കാ​ര​വും നേ​ടി​യി​രു​ന്നു. നേ​പ്പാ​ൾ അ​ടി​യ​ന്ത​രാ​വ​സ്ഥ, ഗ്യാ​നേ​ന്ദ്ര രാ​ജാ​വും കു​ടും​ബ​വും കൊ​ല്ല​പ്പെ​ട്ട​തി​നെ തു​ട​ർ​ന്നു​ള്ള സം​ഭ​വവി​കാ​സ​ങ്ങ​ൾ എ​ൻ.​ഡി.​ടി.​വി​ക്കു​വേ​ണ്ടി ചെ​യ്തു. ദൈ​നം​ദി​ന വാ​ർ​ത്ത​ക​ള​ല്ലാ​തെ കു​റ​ച്ചു​സ​മ​യം നീ​ണ്ടു​നി​ൽ​ക്കു​ന്ന അ​ന്വേ​ഷ​ണ റി​പ്പോ​ർ​ട്ടു​ക​ളോ​ടാ​യി​രു​ന്നു താ​ൽ​പ​ര്യം. മാ​സ​ങ്ങ​ളും വ​ർ​ഷ​ങ്ങ​​ളു​മെ​ടു​ത്ത്​ പു​തി​യ ഒ​രു സം​ഭ​വം കൊ​ണ്ടു​വ​രു​ന്ന​തി​നാ​യി​രു​ന്നു താ​ൽ​പ​ര്യം. കൂ​ടെ കു​റ​ച്ചു ഡോ​ക്യു​മെ​ന്‍റ​റി​ക​ൾ ചെ​യ്തു. കൂ​ടെ എ​ഴു​ത്തു​മു​ണ്ടാ​യി​രു​ന്നു. ആ​ർ​ട്ടി​ക്കി​ളു​ക​ൾ എ​ഴു​താ​ൻ കി​ട്ടി​യ അ​വ​സ​ര​മാ​ണ്​ 'തെ​ഹ​ൽ​ക'​യി​ലേ​ക്ക്​ എ​ത്തി​ച്ച​ത്. പ്രി​ന്‍റ്​ മീ​ഡി​യ​യി​​ൽ കു​റ​ച്ചു​നാ​ൾ ഫ്രീ​ലാ​ൻ​സ്​ ആ​യി എ​ഴു​തി​യി​രു​ന്നു. തെ​ഹ​ൽ​ക​യി​ൽ മൂ​ന്നു​വ​ർ​ഷം ജോ​ലി ചെ​യ്തു.

'എ​ൻ.​ഡി.​ടി.​വി​'യി​ൽ​നി​ന്ന്​ എ​ത്ര​മാ​ത്രം വ്യ​ത്യ​സ്ത​മാ​യി​രു​ന്നു 'തെ​ഹ​ൽ​ക' എ​ന്ന അ​നു​ഭ​വം?

ജീ​വി​ത​ത്തി​ലെ നി​ർ​ണാ​യ​ക വ​ർ​ഷ​ങ്ങ​ളാ​യി​രു​ന്നു 'എ​ൻ.​ഡി.​ടി.​വി' കാ​ലം. ദൂ​ര​ദ​ർ​ശ​ൻ കൂ​ടാ​തെ സ്വ​കാ​ര്യ ചാ​ന​ലു​ക​ൾ രം​ഗ​പ്ര​വേ​ശം ചെ​യ്തി​ട്ടി​ല്ലാ​ത്ത സ​മ​യ​ത്താ​ണ്​ എ​ൻ.​ഡി.​ടി.​വി​ എ​ത്തു​ന്ന​ത്. മു​ക​ൾ​ത​ട്ടെ​ന്നോ താ​ഴെ​ത്ത​ട്ടെ​ന്നോ വേ​ർ​തി​രി​വി​ല്ലാ​തെ സ​മ​ഭാ​വ​ന​യോ​ടെ ക​ണ്ടി​രു​ന്ന തൊ​ഴി​ൽ അ​ന്ത​രീ​ക്ഷം തു​ട​ക്കം മു​ത​ൽ​ത​ന്നെ അ​വി​ടെ ഉ​ണ്ടാ​യി​രു​ന്നു. എ​ല്ലാ​വ​ർ​ക്കും സ്വ​ന്തം വീ​ടാ​യി​രു​ന്നു അ​ത്. അ​ക്കാ​ല​ത്ത്​ കു​ട്ടി​ക​ൾ​ക്ക്​ ക്ര​ഷ്​ സം​വി​ധാ​നം​പോ​ലും അ​വി​ടെ​യു​ണ്ടാ​യി​രു​ന്നു. സാ​നി​റ്ററി​ വെ​ണ്ടി​ങ്​​ മെ​ഷീ​നും കു​ട്ടി​ക​ളു​ണ്ടാ​യാ​ൽ മാ​താ​വി​നും പി​താ​വി​നും നി​ശ്ചി​ത ലീ​വ്​ പോ​ലും അ​നു​വ​ദി​ച്ചി​രു​ന്നു. 2009ൽ ​ജോ​ലി വി​ട്ട​ശേ​ഷ​മാ​ണ്​ തെ​ഹ​ൽ​ക​യി​ൽ ചേ​രു​ന്ന​ത്. നേ​രെ വി​പ​രീ​ത​മാ​യി​രു​ന്നു അ​വി​ടെ​യു​ള്ള അ​നു​ഭ​വം. ഒ​ടു​വി​ൽ എ​ഡി​റ്റ​ർ​ക്കെ​തി​രെ​യു​ള്ള പീ​ഡ​ന ആ​രോ​പ​ണ​ത്തി​ന്​ ഐ​ക്യ​ദാ​ർ​ഢ്യം ​പ്ര​ഖ്യാ​പി​ച്ച്​ രാ​ജി​വെ​ക്കു​ക​യാ​യി​രു​ന്നു.

അ​നാ​ട്ട​മി ഓ​ഫ്​ ഹേ​റ്റ്​ (വെ​റു​പ്പി​ന്‍റെ ശ​രീ​രശാ​സ്ത്രം) എ​ന്ന പു​സ്ത​ക​ത്തി​ന്‍റെ ര​ച​ന​യി​ൽ എ​ത്തി​ച്ചേ​ർ​ന്ന​ത്​ എ​ങ്ങ​നെ​യാ​ണ്​?

ഗോ​ദ്ര ക​ലാ​പം ന​ട​ന്ന്​ ഒ​രു വ​ർ​ഷ​ത്തി​ന്​ ശേ​ഷം ഗു​ജ​റാ​ത്തി​ൽ എ​ൻ.​ഡി.​ടി.​വി ക​റ​സ്​​പോ​ണ്ട​ന്റ് ആ​യി​രു​ന്ന കാ​ല​ത്താ​ണ്​ എ​ത്തി​യ​ത്​. അ​വി​ട​ത്തെ അ​ക്ര​മ​​ത്തി​ൽ മാ​ന​സി​ക​മാ​യെ​ങ്കി​ലും പ​ങ്കാ​ളി​ക​ളാ​യ എ​ല്ലാ ഇ​ട​ത്ത​രം ഹി​ന്ദു കു​ടും​ബ​ങ്ങ​ളും പ​റ​ഞ്ഞ ഒ​രേ കാ​ര്യം ''നി​ങ്ങ​ൾ പു​റ​ത്തു​നി​ന്നു​ള്ള​വ​ർ​ക്ക്​ പ​റ​ഞ്ഞാ​ലും മ​ന​സ്സി​ലാ​വി​ല്ല, എ​ന്തി​നാ​ണ്​ ഞ​ങ്ങ​ൾ മു​സ്​​ലി​മു​ക​ൾ​ക്കെ​തി​രാ​യ ആ​ക്ര​മ​ണ​ങ്ങ​​ളെ അ​നു​കൂ​ലി​ച്ച​തെ​ന്ന്'' എ​ന്നാ​യി​രു​ന്നു. ഞാ​ൻ പ​റ​ഞ്ഞു, ''​എ​നി​ക്ക​റി​യി​ല്ല, അ​ത​റി​യാ​നാ​ണ്​ വ​ന്ന​ത്​ '' -അ​വ​ർ മ​റു​പ​ടി പ​റ​ഞ്ഞി​ല്ല. പ​ക്ഷേ, അ​വ​രു​ടെ ചോ​ദ്യം എ​ന്നി​ൽ​നി​ന്ന്​ വി​ട്ടു​പോ​യി​ല്ല. ഇ​വ​രി​ലേ​ക്ക്​ ഇ​നി​യും എ​ത്തേ​ണ്ട​തു​ണ്ടെ​ന്ന്​ എ​നി​ക്ക്​ തോ​ന്നി.

ശ​രി​ക്ക്​ അ​ക്ര​മ​ത്തെ അ​നു​കൂ​ലി​ച്ച​വ​രാ​ണ്​ ശ​രി​ക്കും ഇ​ര​ക​ളെ​ന്ന്​ പ​ല​​പ്പോ​ഴും തോ​ന്നി​യി​ട്ടു​ണ്ട്. കാ​ര​ണം, അ​വ​രു​ടെ ത​ല ക​ളി​മ​ണ്ണ്​ പോ​ലെ​യാ​യി​രു​ന്നു. അ​വ​ർ എ​ത്തി​ച്ചേ​ർ​ന്ന മാ​ന​സി​ക വ്യാ​പാ​ര​ങ്ങ​​ളെ, അ​തി​ന്​ സ്വാ​ധീ​നി​ച്ച ഘ​ട​ക​ങ്ങ​​ളെ ക​ണ്ടെ​ത്തി അ​വ​രെ മാ​റ്റു​ക​യാ​ണ്​ വേ​ണ്ട​തെ​ന്ന്​ തോ​ന്നി. അ​ങ്ങ​​നെ​ ചെ​യ്തി​ല്ലെ​ങ്കി​ൽ വീ​ണ്ടും രാ​ഷ്ട്രീ​യ​ക്ക​ളി​യു​ടെ ഇ​ര​യാ​യി വ​ർ​ഗീ​യ​ത​യു​ടെ ച​ട്ടു​ക​മാ​യി അ​വ​ർ മാ​റും. ആ​രാ​ണ്​ ആ ​കൃ​ത്യം നി​റ​വേ​റ്റു​ക. ന​മു​ക്ക​ത്​ ചെ​യ്യാ​നാ​യി​ല്ലെ​ങ്കി​ൽ ഈ ​സ​മൂ​ഹ​ത്തി​ന്‍റെ വ​ർ​ഗീ​യ ചെ​യ്​​തി​ക​​ളെ അ​പ​ല​പി​ക്കു​ന്ന​തി​ൽ അ​ർ​ഥ​മു​ണ്ടോ. ആ ​ചോ​ദ്യ​ങ്ങ​ൾ എ​ന്‍റെ മ​ന​സ്സി​ൽ നി​റ​ഞ്ഞ​പ്പോ​ൾ ഒ​ട്ടേ​റെ രാ​ത്രി​ക​ളി​ൽ ഉ​റ​ക്കം ന​ഷ്ട​മാ​യി.

2003ൽ ​അ​പ​ക​ട​ത്തി​ൽ​പെ​ട്ട്​ ഞാ​ൻ ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ട്ട​പ്പോ​ൾ അ​വി​ടെ ഒ​രാ​ളെ പ​രി​ച​യ​പ്പെ​ട്ടു – പ്ര​ണ​വ്. ക​ലാ​പ​കാ​രി​ക​ളോ​ടൊ​പ്പ​മു​ണ്ടാ​യി​രു​ന്ന ആ​ളാ​യി​രു​ന്നു. വി​ദ്യാ​ർ​ഥി​യാ​യി​രി​ക്കെ ഹോ​സ്റ്റ​ലി​ൽ എ​ത്തി​യ എ.​ബി.​വി.​പി, ബ​ജ്​​റം​ഗ്​​​ദ​ൾ പ്ര​വ​ർ​ത്ത​ക​രാ​ണ്​ സം​ഘ​ത്തി​ന്‍റെ ഭാ​ഗ​മാ​കാ​ൻ നി​ർ​ബ​ന്ധി​ച്ച​തെ​ന്ന്​ അ​യാ​ൾ പ​റ​ഞ്ഞു. ക​ലാ​പം ക​ഴി​ഞ്ഞ്​ പ​ഠ​നം ക​ഴി​ഞ്ഞ്​ നി​യ​മ​ബി​രു​ദ​വും നേ​ടി ഒ​ടു​വി​ൽ അ​യാ​ൾ ചെ​ന്നെ​ത്തി​യ​ത്​ ക​ലാ​പ​ത്തി​നി​ര​യാ​യ മു​സ്​​ലിം​ക​ളെ പു​ന​ര​ധി​വ​സി​പ്പി​ക്കു​ന്ന എ​ൻ.​ജി.​ഒ​യി​ലാ​യി​രു​ന്നു. ആ ​കാ​ല​ത്താ​ണ്​ അ​യാ​ൾ​ക്ക്​ മ​നം​മാ​റ്റം ഉ​ണ്ടാ​കു​ന്ന​ത്. അ​യാ​ൾ വ​ള​ർ​ന്ന ചു​റ്റു​പാ​ടാ​ണ്​ അ​ത്ത​രം കൂ​ട്ടു​കെ​ട്ടി​ൽ ചേ​രാ​ൻ അ​യാ​ൾ​ക്ക് പ്രേ​ര​ണ​യാ​യ​ത്. എ​ന്നെ​യും താ​ങ്ക​ളെ​യും​പോ​ലു​ള്ള സാ​ധാ​ര​ണ​ക്കാ​ര​നാ​ണ്​ അ​യാ​ൾ. ഞാ​ൻ അ​യാ​ളെ ക​ണ്ടു​മു​ട്ടു​മ്പോ​ൾ അ​യാ​ൾ പൂ​ർ​ണ​മാ​യും ന​ല്ല മ​നു​ഷ്യ​നാ​യി പ​രി​വ​ർ​ത്ത​നം ചെ​യ്യ​പ്പെ​ട്ടി​രു​ന്നു. അ​യാ​ളു​ടെ അ​നു​ഭ​വം പ​റ​ഞ്ഞ​പ്പോ​ൾ വെ​റു​പ്പി​നെ മാ​റ്റാ​ൻ ക​ഴി​യു​മെ​ന്ന്​ അ​റി​യാ​നാ​യ​ത്​ ആ​ശ്ച​ര്യം ജ​നി​പ്പി​ച്ചു. എ​ന്‍റെ പ്ര​വ​ർ​ത്ത​ന​ങ്ങ​ൾ​ക്ക്​ തു​ട​ക്ക​മാ​കാ​ൻ നി​മി​ത്ത​മാ​യ സം​ഭ​വം ഇ​താ​യി​രു​ന്നു. പു​സ്ത​ക​ത്തി​ന്‍റെ ര​ച​ന​ക്ക്​ കാ​ര​ണ​മാ​കാ​നും. ആ​ദ്യം ഡോ​ക്യു​മെ​ന്‍റ​റി ചെ​യ്യാ​നാ​യി​രു​ന്നു ആ​ലോ​ചി​ച്ച​ത്. അ​വ​രി​ലേ​ക്ക്​ പോ​യ​പ്പോ​ൾ അ​തി​ന്‍റെ സ​ങ്കീ​ർ​ണ​ത ബോ​ധ്യ​പ്പെ​ട്ടു. പി​ന്നീ​ട്​ പു​സ്ത​ക​മാ​ക്കാ​മെ​ന്ന്​ തീ​രു​മാ​നി​ച്ചു.

ക​ലാ​പ​ത്തി​ന്‍റെ ഭാ​ഗ​മാ​യ നൂ​​റി​ലേ​റെ പേ​രെ ക​ണ്ടി​രു​ന്നു. ആ ​സ​മ​യ​ത്ത്​ ഞാ​ൻ ആ​ലോ​ചി​ച്ചു; കു​റേ പേ​രെ ക​ണ്ട്​ അ​നു​ഭ​വം എ​ഴു​തു​ക​യാ​ണോ അ​തോ കു​റ​ച്ചു​പേ​രെ തെ​ര​ഞ്ഞെ​ടു​ത്ത് അ​വ​രി​ലേ​ക്ക്​ അ​ന്വേ​ഷ​ണം ന​ട​ത്തി ആ​ഴ​ത്തി​ലു​ള്ള പ​ഠ​ന​മാ​ണോ വേ​ണ്ട​തെ​ന്ന്. അ​ങ്ങ​​നെ​യാ​ണ്​ അ​വ​രി​ൽ​നി​ന്ന്​ ​ ഗു​ജ​റാ​ത്തി​ന്‍റെ വ്യ​ത്യ​സ്ത മേ​ഖ​ല​ക​ളി​ലെ മൂ​ന്നു​പേ​രെ ഞാ​ൻ സെ​ല​ക്ട്​ ചെ​യ്ത​ത്. മൂ​ന്നു പേ​രു​ടെ ക​ഥ​ക​ളും വ്യ​ത്യ​സ്ത​മാ​യി​രു​ന്നു. അ​വ​രു​ടെ മാ​ന​സി​ക വ്യാ​പാ​ര​ങ്ങ​ളും സാ​മൂ​ഹി​ക സാ​ഹ​ച​ര്യ​ങ്ങ​ളും തി​ക​ച്ചും വ്യ​ത്യ​സ്ത​മാ​യി​രു​ന്നു. ഗു​ജ​റാ​ത്തി​ൽ മൂ​ന്നു​വ​ർ​ഷം താ​മ​സി​ച്ചാ​ണ്​ ഇ​വ​രെ റി​സ​ർ​ച്​ ചെ​യ്ത് എ​ഴു​ത്ത്​ പൂ​ർ​ത്തി​യാ​ക്കി​യ​ത്. 2018ലാ​യി​രു​ന്നു ഇം​ഗ്ലീ​ഷി​ൽ പു​സ്ത​കം പു​റ​ത്തി​റ​ങ്ങി​യ​ത്. പൂ​ർ​ത്തി​യാ​വാ​ൻ 16 വ​ർ​ഷ​മെ​ടു​ത്തു. കാ​ര​ണം, 2005ലാ​യി​രു​ന്നു മ​നഃ​പ​രി​വ​ർ​ത്ത​നം ചെ​യ്ത​വ​രെ ക​ണ്ടെ​ത്തി​യ​ത്. 2013 വ​രെ അ​വ​രെ വി​ശ്വ​സി​പ്പി​ച്ച്​ അ​യാ​ളു​ടെ ക​ഥ കേ​ൾ​ക്കാ​നെ​ടു​ത്ത സ​മ​യ​മാ​ണ്.

വെ​റു​പ്പ്​ എ​ന്ന ആ​ശ​യ​ത്തെ ധാ​രാ​ള​മാ​യി വി​ശ​ദീ​ക​രി​ക്കു​ന്നു​ണ്ട​ല്ലോ. അ​ത്​ സൃ​ഷ്​​ടി​ക്കു​ന്ന മാ​ന​സി​കാ​വ​സ്ഥ​യെ എ​ങ്ങ​നെ​യാ​ണ്​ വി​ശ​ക​ല​നം ചെ​യ്യു​ന്ന​ത്​?

വെ​റു​പ്പി​നെ അ​റി​യു​ക എ​ന്നാ​ൽ വെ​റു​പ്പി​ന്‍റെ ഉ​ള്ളി​ലേ​ക്ക്​ ഇ​റ​ങ്ങി​യു​ള്ള യാ​ത്ര​യാ​ണ്. ഒ​രാ​ളെ ആ ​മാ​ന​സി​കാ​വ​സ്ഥ​യി​ലേ​ക്ക്​ എ​ത്താ​നി​ട​യാ​ക്കി​യ യാ​ത്ര. അ​തി​ൽ ഇ​ര ആ ​മ​നു​ഷ്യ​നാ​യി​രി​ക്കും. സാ​ഹ​ച​ര്യ​ങ്ങ​ളാ​കും കു​റ്റ​ക്കാ​ർ. അ​വി​ടെ​യാ​ണ്​ ഒ​രാ​ൾ​ക്ക്​ പ​ശ്ചാ​ത്താ​പ​ത്തി​ന്‍റെ​യും വെ​റു​പ്പി​നെ​തി​രാ​യു​മു​ള്ള മാ​ന​സി​കാ​വ​സ്ഥ പ​ക​ർ​ന്നു​ന​ൽ​കാ​നാ​കു​ക. വ്യ​ക്തി​ക​ളി​ലേ​ക്ക്​ ഇ​റ​ങ്ങി​ച്ചെ​ല്ലേ​ണ്ട​താ​യി വ​ന്നേ​ക്കും. ആ ​വ്യ​ക്തി​ക്ക്​ വെ​റു​പ്പി​ൽ​നി​ന്ന്​ പു​റ​ത്തു​ക​ട​ക്കാ​ൻ വ​ഴി തു​റ​ന്നു​കൊ​ടു​ക്കേ​ണ്ടി വ​ന്നേ​ക്കും. പ​ക്ഷേ, പ​ല​പ്പോ​ഴും നാം ​അ​തി​നൊ​ന്നും മെ​ന​ക്കെ​ടാ​റി​ല്ല.

വെ​റു​പ്പി​നെ മാ​ത്ര​മാ​യി നോ​ക്കി​യാ​ൽ സ​മൂ​ഹം മു​ഴു​വ​ൻ വെ​റു​പ്പു​മാ​ത്ര​മേ കാ​ണാ​നാ​കൂ. വെ​റു​പ്പി​ന്‍റെ പ്ര​ത്യാ​ഘാ​ത​ങ്ങ​ളെ വി​ല​യി​രു​ത്തു​ക​യാ​ണ്​ വേ​ണ്ട​ത്. പ​ക്ഷേ, വെ​റു​പ്പി​ന്‍റെ ഉ​ള്ളി​ലേ​ക്ക്​ നോ​ക്കു​മ്പോ​ൾ മ​നഃ​പ​രി​വ​ർ​ത്ത​നം വ​ന്ന ക​ലാ​പ​കാ​രി​യെ​പ്പോ​ലെ ധാ​രാ​ളം ഡാ​ർ​ക്ക്​ ഹീ​റോ​ക​ളെ ക​ണ്ടെ​ത്താ​നാ​കും.​അ​യാ​ളു​ടെ ക​ഥ അ​ധി​കം പേ​ർ കേ​ട്ടി​രി​ക്കി​​ല്ല. വി​ഭ​ജ​ന​ത്തി​ന്‍റെ ക​ഥ​ക​ൾ അ​ധി​കം നാം ​കേ​ട്ടി​ട്ടി​ല്ല​ല്ലോ. അ​തി​ൽ പ​ങ്കെ​ടു​ത്ത​വ​രു​ടെ ക​ഥ​ക​ൾ കേ​ട്ടി​ട്ടു​ണ്ടോ. അ​ന്ന​ത്തെ ക​ലാ​പ​ത്തി​ൽ മു​സ്​​ലി​മു​ക​ളെ ഇ​ര​യാ​ക്കി​യ​വ​ർ, ഹി​ന്ദു​ക്ക​ളെ ഇ​ര​യാ​ക്കി​യ​വ​ർ. അ​വ​രെ​ക്കു​റി​ച്ച്​ നാം ​ഒ​ന്നും അ​റി​ഞ്ഞി​ട്ടി​ല്ല, പ​റ​ഞ്ഞി​ട്ടി​ല്ല. എ​ന്തു​കൊ​ണ്ടാ​ണ​ത്. അ​ത്ത​രം സ​ത്യ​ത്തി​ന്‍റെ ക​ഥ​ക​ൾ അ​ധി​കം കേ​ൾ​ക്കാ​ൻ ഇ​ഷ്ട​മി​ല്ലാ​ത്ത സ​മൂ​ഹ​മാ​ണ്​ ന​മ്മു​ടേ​ത്. ഒ​രു എ​ഴു​ത്തു​കാ​രി എ​ന്ന നി​ല​യി​ൽ, സ​ത്യാ​ന്വേ​ഷി എ​ന്ന നി​ല​യി​ൽ, പ​ത്ര​പ്ര​വ​ർ​ത്ത​ക എ​ന്ന നി​ല​യി​ൽ എ​നി​ക്ക്​ ഈ ​ക​ഥ​ക​ൾ പ​റ​ഞ്ഞേ തീ​രൂ. മ​രി​ക്കും മു​മ്പ്​ എ​നി​ക്ക്​ അ​തേ ചെ​യ്യാ​നു​മു​ള്ളൂ. വെ​റു​പ്പി​നു​ള്ളി​ലെ ക​ഥ​ക​ൾ അ​തി​ന്‍റെ സ​ങ്കീ​ർ​ണ​ത​ക​ളോ​ടെ​ത്ത​ന്നെ അ​തി​ൽ കു​റ്റാ​രോ​പി​ത​രാ​യ​വ​രു​ടെ ക​ണ്ണി​ലൂ​ടെ വി​വ​രി​ക്കു​ക. അ​വ​രു​ടെ ചി​ന്ത​ക​ളി​ലൂ​ടെ സ​ഞ്ച​രി​ച്ചാ​ൽ മ​ന​സ്സി​ലാ​കും അ​യാ​ളു​ടെ പ്ര​വൃ​ത്തി​ക്ക്​ കാ​ര​ണം സ​മൂ​ഹ​മാ​ണ്​ അ​ത്​ ചെ​യ്യാ​ൻ പ്രേ​രി​പ്പി​ച്ച​തെ​ന്ന്. അ​ത​റി​യു​ക എ​ന്ന​തും എ​ഴു​ത്തു​കാ​ര​ന്‍റെ ക​ട​മ​യാ​ണ്. ഇ​ത്ത​ര​ക്കാ​രു​ടെ സ്വാ​നു​ഭ​വ​ങ്ങ​ളാ​ണ്​ കൂ​ടു​ത​ൽ പേ​രി​ലേ​ക്ക്​ എ​ത്തി​ച്ചേ​രു​ക.

ഗു​ജ​റാ​ത്ത്​ ക​ലാ​പ​ങ്ങ​ൾ​ക്ക്​ കാ​ര​ണം ന​മ്മു​ടെ മൗ​ന​മാ​ണെ​ന്ന്​ താ​ങ്ക​ൾ പ​റ​ഞ്ഞി​ട്ടു​ണ്ട​ല്ലോ..?

ബി​ൽ​ക്കീ​സ്​ ബാ​നു​വി​ന്‍റെ കു​ടും​ബ​ത്തെ കൊ​ല​ചെ​യ്യാ​നും അ​വ​രെ ബ​ലാ​ത്സം​ഗം ചെ​യ്യാ​നും എ​ങ്ങ​​നെ ഒ​രാ​ൾ​ക്ക്, ഒ​രു സം​ഘ​ത്തി​ന്​ ആ​കു​ന്നു; അ​വ​ർ​ക്ക്​ എ​ങ്ങ​നെ സ​മൂ​ഹ​ത്തി​ൽ തു​ട​ർ​ന്ന്​ ജീ​വി​ക്കാ​നാ​കു​ന്നു. എ​ങ്ങ​​നെ​യാ​ണ്​ അ​വ​ർ പി​ന്നീ​ട്​ ആ​ഘോ​ഷി​ക്ക​പ്പെ​ടു​ന്ന​ത്... ഇ​ത്ത​ര​ത്തി​ലു​ള്ള ചോ​ദ്യ​ങ്ങ​ളാ​ണ്​ 13 വ​ർ​ഷ​ത്തെ നി​താ​ന്ത​മാ​യ പി​ന്തു​ട​രലിലൂ​ടെ മ​നഃ​പ​രി​വ​ർ​ത്തി​ത​നാ​യ പ്ര​ണ​വ്​ എ​ന്ന ചെ​റു​പ്പ​ക്കാ​ന്‍റെ മ​ന​സ്സി​ലേ​ക്ക്​ എ​ന്നെ എ​ത്തി​ച്ച​ത്.

എ​ന്‍റെ പു​സ്ത​ക​ത്തി​ലെ മ​റ്റൊ​രു ക​ഥാ​പാ​ത്ര​മാ​യ സു​രേ​ഷി​നെ​യെ​ടു​ക്കാം. അ​യാ​ൾ അ​ഭി​മാ​ന​ത്തോ​ടു​കൂ​ടി​യാ​ണ്​ മു​സ്​​ലിം സ്ത്രീ​യെ അ​ച്ചാ​റി​ടു​ന്ന പോ​ലെ വെ​ട്ടി​നു​റു​ക്കി​യെ​ന്ന്​ പൊ​ങ്ങ​ച്ചം പ​റ​യു​ന്ന​ത്. സു​രേ​ഷ്​ ഒ​രു വ്യ​ക്​​തി മാ​ത്ര​മ​ല്ല, ഒ​രു​പാ​ട്​ പേ​രാ​ണ്. അ​യാ​ൾ പൊ​ങ്ങ​ച്ചം പ​റ​യു​ന്ന​ത്, അ​യാ​ളെ കേ​ൾ​ക്കാ​ൻ ആ​ളു​ണ്ട്​ എ​ന്ന​തി​നാ​ലാ​ണ്. രാ​ജ്യ​ത്ത്​ ഒ​രു​പാ​ട്​ പേ​ർ സു​രേ​ഷ്​ ചെ​യ്തപോ​ലെ ചെ​യ്യാ​ൻ ആ​ഗ്ര​ഹി​ക്കു​ന്നു​ണ്ട്​ എ​ന്ന​തി​നാ​ലാ​ണ്​ അ​യാ​ൾ​ക്ക്​ കേ​ൾ​വി​ക്കാ​രു​ണ്ടാ​കു​ന്ന​ത്; അ​യാ​ൾ ആ​ഘോ​ഷി​ക്ക​പ്പെ​ട്ട​തും. സു​രേ​ഷ്​ അ​വ​ർ​ക്കു​വേ​ണ്ടി​യാ​ണ്​ അ​ത്​ ചെ​യ്ത​ത്. ആ ​സം​ഘം അ​വ​രു​ടെ വെ​റു​പ്പി​നെ സു​രേ​ഷി​ൽ പ്ര​തി​ഷ്ഠി​ക്കു​ക​യാ​യി​രു​ന്നു. വെ​റും ഉ​പ​ക​ര​ണം മാ​ത്ര​മാ​യ അ​യാ​ളെ മ​ന​സ്സി​ലാ​ക്കേ​ണ്ട​തു​ണ്ട്. ന​മ്മ​ളൊ​ക്കെ അ​ട​ങ്ങു​ന്ന സ​മൂ​ഹ​മാ​ണ്​ സു​രേ​ഷി​നെ അ​തി​ന്​ പ്രേ​രി​പ്പി​ച്ച​ത്. ന​മ്മു​ടെ ചി​ന്ത​ക​ളു​ടെ, വീ​ക്ഷ​ണ​ങ്ങ​ളു​​ടെ പ​രാ​ജ​യ​മാ​ണ്​ അ​യാ​ളു​ടെ പ്ര​വൃ​ത്തി​ക​ളു​ടെ പ്രേ​ര​ണ.​ നാ​മും കൂ​ടി ഉ​ൾ​പ്പെ​ട്ട​വ​രാ​ണ്​ അ​തി​ന്​ കാ​ര​ണ​ക്കാ​ർ. ഇ​തി​നേ​ക്കാ​ളു​പ​രി നാം ​അ​റി​യേ​ണ്ട​ത്​ ആ ​സം​ഭ​വ​ത്തി​ന്​ കാ​ര​ണ​മാ​യ രാ​ഷ്ട്രീ​യ​മാ​ണ്. അ​താ​ണ്​ വെ​ളി​പ്പെ​ടേ​ണ്ട​തും. ആ ​രാ​ഷ്ട്രീ​യ​ത്തെ​യാ​ണ്​ എ​തി​ർ​ത്ത്​ പ​രാ​ജ​യ​പ്പെ​ടു​ത്തേ​ണ്ട​തും. അ​താ​ണ്​ ഞാ​ൻ പു​സ്ത​ക​ത്തി​ൽ വി​ശ​ദീ​ക​രി​ക്കു​ന്ന​ത്. ക​ലാ​പശേ​ഷം അ​ന്ന​ത്തെ മു​ഖ്യ​മ​ന്ത്രി ന​രേ​ന്ദ്ര മോ​ദി 'ഗൗ​ര​വ്​ യാ​ത്ര' ന​ട​ത്തി​യ​ത്​ എ​ന്തി​നാ​യി​രു​ന്നു. രാ​ജ്യം മു​ഴു​വ​ൻ കു​റ്റം ആ​രോ​പി​ക്ക​പ്പെ​ട്ട ഗു​ജ​റാ​ത്ത്​ ജ​ന​ത​യെ അ​ഭി​മാ​നി​ത​രാ​കാ​ൻ ല​ക്ഷ്യ​മി​ട്ട യാ​ത്ര​യാ​യി​രു​ന്നു അ​ത്. കു​റ്റാ​രോ​പി​ത​രാ​യ സ​മൂ​ഹ​ത്തെ വീ​ണ്ടും ത​ല ഉ​യ​ർ​ത്തി​പ്പി​ടി​ക്കാ​ൻ ആ​ഹ്വാ​നംചെ​യ്ത യാ​ത്ര. രാ​ജ്യം ല​ജ്ജ​കൊ​ണ്ട്​ ത​ല കു​നി​ച്ചു​നി​ന്ന സ​മ​യ​മാ​യി​രു​ന്നു അ​ത്. പ​ക്ഷേ ആ ​മു​ഖ്യ​മ​ന്ത്രി അ​ത്​ ക​ണ​ക്കി​ലെ​ടു​ത്തേ ഇ​ല്ല.

ക​ലാ​പസം​ഭ​വ​ങ്ങ​ളി​ൽ രാ​ഷ്ട്രീ​യ​ക്കാ​ര​ന്‍റെ​യും രാ​ഷ്ട്രീ​യ​ത്തിന്റെ​യും പ​ങ്ക്​ എ​ത്ര​മാ​ത്ര​മാ​യി​രു​ന്നു?

ഗു​ജ​റാ​ത്ത് വം​ശ​ഹ​ത്യ ഗോ​ധ്ര സം​ഭ​വ​ത്തി​ന്‍റെ ഫ​ല​മാ​യി സ്വാ​ഭാ​വി​ക​മാ​യു​ണ്ടാ​യ ഒ​ന്ന​ല്ല. മ​റി​ച്ച്, ദീ​ര്‍ഘ​കാ​ല​മാ​യി സം​ഘ്പ​രി​വാ​ര്‍ ന​ട​ത്തി​വ​രു​ന്ന വെ​റു​പ്പി​ന്‍റെ​യും വി​ദ്വേ​ഷ​ത്തി​ന്‍റെ​യും പ്ര​ചാ​ര​ണ​ത്തി​ന്‍റെ അ​ന​ന്ത​ര​ഫ​ല​മാ​യി​രു​ന്നു. ഹി​ന്ദു​ക്ക​ള്‍ വ​ള​രെ​ക്കാ​ല​മാ​യി ഇ​ര​ക​ളാ​യി മാ​റി​ക്കൊ​ണ്ടി​രി​ക്കു​ക​യാ​ണെ​ന്നു​ള്ള സ​ങ്ക​ൽപ​ക​ഥ അ​വ​ര്‍ നേ​ര​ത്തേ സൃ​ഷ്ടി​ച്ചെ​ടു​ത്തി​രു​ന്നു. ഗു​ജ​റാ​ത്തി​ൽ 24 ജി​ല്ല​ക​ളു​ണ്ട്. ഇ​തി​ൽ 16 ജി​ല്ല​ക​ൾ ക​ലാ​പ​ത്തി​ൽ പ​ങ്കാ​ളി​ക​ളാ​യി. ഒ​രു ജി​ല്ല​യി​ൽ ന​ട​ന്ന ക​ലാ​പ രാ​ഷ്ട്രീ​യ പ്ര​വ​ർ​ത്ത​നം മ​റ്റ്​ ജി​ല്ല​ക​ളി​ലും പ​റി​ച്ചു​ന​ട​പ്പെ​ടു​ക​യാ​യി​രു​ന്നു. അ​തി​നാ​ൽ, ക​ലാ​പ​ത്തി​ന്‍റെ ഉ​ത്ത​ര​വാ​ദി​ത്ത​ത്തി​ൽ​നി​ന്ന്​ സം​സ്ഥാ​ന ഭ​ര​ണ​കൂ​ട​ത്തി​ന്​ ഒ​ഴി​ഞ്ഞു​മാ​റാ​നാ​വി​ല്ല. പി​ന്നീ​ട്​ വ്യ​ക്തി​പ​ര​മാ​യി ആ​രെ​ല്ലാം കു​റ്റ​മു​ക്ത​രാ​യി എ​ന്ന​തി​ല​ല്ല കാ​ര്യം. ഭ​ര​ണ​കൂ​ടം എ​ന്ന നി​ല​യി​ൽ ക​ലാ​പം ന​ട​ക്കു​മ്പോ​ൾ നി​ങ്ങ​ൾ എ​ന്ത്​ ചെ​യ്യു​ക​യാ​യി​രു​ന്നു എ​ന്ന​താ​ണ്​ ചോ​ദ്യം. എ​ന്താ​ണ്​ നി​ങ്ങ​ളു​​ടെ ഉ​ത്ത​ര​വാ​ദി​ത്തം. ഭ​ര​ണനേ​തൃ​ത്വം ഒ​ന്ന്​ അ​പ​ല​പി​ക്കു​ക​പോ​ലും ​ചെ​യ്തി​ല്ല​ല്ലോ. ഒ​ന്നു​ ത​റ​പ്പി​ച്ചു​ പ​റ​യാ​നാ​കും,​സം​സ്ഥാ​ന ഭ​ര​ണ​ത്തി​ന്‍റെ ത​ല​പ്പ​ത്തി​രു​ന്ന രാ​ഷ്ടീ​യനേ​തൃ​ത്വം ഒ​ന്നും ചെ​യ്തി​ല്ലെ​ന്ന്​ മാ​ത്ര​മ​ല്ല, പ​ല​പ്പോ​ഴും അ​വ​രു​ടെ നി​ഷ്​​ക്രി​യ​ത ക​ലാ​പം ആ​ളി​ക്ക​ത്തി​ക്കാ​നും ഇ​ട​യാ​ക്കി​യി​ട്ടു​ണ്ട്. രാ​ഷ്ട്രീ​യ​ക്കാ​ർ പൊ​തു​സ​മൂ​ഹ​ത്തി​ന്‍റെ ക​ണ്ണാ​ടി​യാ​ണ്. അ​വ​രെ മാ​ത്രം കു​റ്റം​പ​റ​ഞ്ഞ്​ സ​മാ​ധാ​നി​ക്കാ​ൻ ന​മു​ക്കാ​വി​ല്ല. രോ​ഗാ​തു​ര സ​മൂ​ഹ​മാ​ണ്​ ന​മ്മു​ടേ​ത്. ന​മ്മു​ടെ വി​ഷ​ലി​പ്ത​മാ​യ ചി​ന്ത​ക​ളും ദേ​ഷ്യ​വും അ​സ്വ​സ്ഥ​ത​ക​ളും മ​റ്റു​ള്ള​വ​രി​ൽ അ​ടി​ച്ചേ​ൽ​പി​ച്ച്​ ര​സി​ക്കു​ന്ന​വ​രേ​റെ​യാ​ണ്​ സ​മൂ​ഹ​ത്തി​ൽ. സ​മൂ​ഹം ഇ​ങ്ങ​െ​ന​യാ​ണെ​ന്ന്​ പ​റ​ഞ്ഞ്​ രാ​ഷ്​​ട്രീ​യ​ക്ക​ാ​രെ പ​ഴി​ചാ​രി അ​വ​രു​ടെ പാ​വ​ക​ളാ​യി നി​ന്നു​കൊ​ടു​ക്കു​ന്ന​വ​രാ​ണ്​ നാം. ​അ​തി​നാ​ൽ ന​മ്മ​ളും ഉ​ത്ത​ര​വാ​ദി​ക​ളാ​ണ്.

പു​സ്ത​ക​ത്തി​ൽ പ​റ​യു​ന്ന ക​ഥാ​പാ​ത്ര​ങ്ങ​ൾ​ക്ക്​ ശ​രി​ക്ക്​ എ​ന്താ​ണ്​ സം​ഭ​വി​ച്ച​ത്​?

പു​സ്ത​ക​ത്തി​ൽ വി​ശ​ദീ​ക​രി​ക്ക​പ്പെ​ട്ട മൂ​ന്നു​പേ​രി​ൽ സു​രേ​ഷ് എ​ന്ന​യാ​ൾ ഫെ​ബ്രു​വ​രി 28ന്‍റെ വം​ശ​ഹ​ത്യ​യു​മാ​യി ബ​ന്ധ​പ്പെ​ട്ട് ന​ട​ന്ന ബ​ലാ​ത്സം​ഗം, കൊ​ല​പാ​ത​കം, കൊ​ള്ള​യും കൊ​ള്ളി​വെ​പ്പും ഉ​ള്‍പ്പെ​ടെ​യു​ള്ള കേ​സു​ക​ളി​ല്‍ പ്ര​തി​ചേ​ര്‍ക്ക​പ്പെ​ട്ട് ജ​യി​ലി​ലാ​യി. ദ​ന്‍ഗ​ര്‍ പ്രാ​ദേ​ശി​ക ബി.​ജെ.​പി നേ​താ​വും മു​നി​സി​പ്പ​ല്‍ കൗ​ണ്‍സി​ല​റു​മാ​യി. പ്ര​ണ​വാ​ക​ട്ടെ വം​ശ​ഹ​ത്യ​യി​ല്‍ പ​ങ്കെ​ടു​ക്കേ​ണ്ട​താ​യി വ​ന്ന സാ​ഹ​ച​ര്യ​ത്തെ പ​ഴി​ച്ച് ക​ഴി​യു​ന്ന​തി​നി​ട​യി​ല്‍ വം​ശ​ഹ​ത്യ​യി​ലെ ഇ​ര​ക​ളു​ടെ പു​ന​ര​ധി​വാ​സം നി​ര്‍വ​ഹി​ക്കു​ന്ന ഒ​രു സ​ര്‍ക്കാ​റി​ത​ര സം​ഘ​ട​ന​യി​ല്‍ മാ​നേ​ജ്മെ​ന്‍റ് ത​ല​ത്തി​ല്‍ ഭം​ഗി​യാ​യി ജോ​ലി ചെ​യ്ത് ത​ന്‍റെ കു​റ്റ​ബോ​ധ​ത്തി​ല്‍നി​ന്നു മു​ക്തി നേ​ടി. പ​ക്ഷേ, അ​വി​ടെ​യും സം​ഘ​്പ​രി​വാ​റി​ന്‍റെ​യും അ​വ​രു​ടെ, സ​ര്‍ക്കാ​റി​ന്‍റെ​യും വി​ദ്വേ​ഷ​ത്തി​നി​ര​യാ​യി അ​വ​ന്‍ ജോ​ലി ഉ​പേ​ക്ഷി​ക്കാ​ന്‍ നി​ര്‍ബ​ന്ധി​ത​നാ​യി. ഈ ​മൂ​ന്നു ചെ​റു​പ്പ​ക്കാ​രും ക​ഥാ​പാ​ത്ര​ങ്ങ​ള​ല്ല. ജീ​വി​ച്ചി​രി​ക്കു​ന്ന വ്യ​ക്തി​ക​ളാ​ണ്. അ​വ​രു​മാ​യും വം​ശ​ഹ​ത്യ​യെ അ​തി​ജീ​വി​ച്ച​വ​രു​മാ​യും സം​സാ​രി​ച്ച് അ​വ​ര്‍ പ​റ​ഞ്ഞ​ത് പ​ക​ര്‍ത്തി ഗു​ജ​റാ​ത്ത് വം​ശ​ഹ​ത്യ​യു​ടെ രേ​ഖാ​ചി​ത്രം വ​ര​ക്കാ​ൻ ശ്ര​മി​ക്കു​ക​യാ​യി​രു​ന്നു ഞാ​ൻ 'വെ​റു​പ്പി​ന്‍റെ ശ​രീ​ര​ശാ​സ്ത്രം' എ​ന്ന പു​സ്ത​ക​ത്തി​ലൂ​ടെ.

വെ​റു​പ്പി​ന്‍റെ രാ​ഷ്ട്രീ​യം ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്​ എ​ങ്ങ​നെ​യാ​ണ്​; പ്ര​ത്യേ​കി​ച്ച്​ പ്ര​ധാ​ന​മ​ന്ത്രി​യാ​യ മോ​ദി അ​ധി​കാ​ര​ത്തി​ലി​രി​ക്കു​മ്പോ​ൾ?

വെ​റു​പ്പി​ന്‍റെ രാ​ഷ്ട്രീ​യം നി​ർ​മി​ക്കു​ന്ന​തി​ലും അ​തി​ന​നു​സ​രി​ച്ച്​ സാ​മൂ​ഹി​ക അ​ന്ത​രീ​ക്ഷം പ​ര​ത്തു​ന്ന​തി​ലും ന​മു​ക്കൊ​ക്കെ പ​ങ്കു​ണ്ട്. ന​മ്മ​ളൊ​ക്കെ​ത്ത​ന്നെ​യാ​ണ്​ കു​റ്റ​ക്കാ​ർ. അ​തി​ൽ മോ​ദി​യെ​യോ യോ​ഗി​യെ​യോ കു​റ്റം പ​റ​ഞ്ഞി​ട്ട്​ കാ​ര്യ​മി​ല്ല. വെ​റു​പ്പി​ന്‍റെ ഉ​ൽ​പാ​ദ​ന​യൂ​നി​റ്റാ​യി ഒ​രാ​ളെ കാ​ണു​ന്ന​ത്​ ശ​രി​യാ​ണെ​ന്ന്​ പ​റ​യാ​നാ​കി​ല്ല. ഉ​ദാ​ഹ​ര​ണ​മാ​യി ബി​ൽ​ക്കീ​സ്​ ബാ​നു കോ​ട​തി​യെ സ​മീ​പി​ച്ച​പ്പോ​ഴും ഒ​ടു​വി​ൽ പ്ര​തി​ക​ളെ കു​റ്റ​ക്കാ​ര​ല്ലെ​ന്ന്​ ക​ണ്ട്​ വി​ട്ട​യ​ച്ച​പ്പോ​ഴും എ​ന്തു​കൊ​ണ്ടാ​ണ്​ ജ​നം നീ​തി ചോ​ദി​ച്ച്​ തെ​രു​വി​ലി​റ​ങ്ങാ​തി​രു​ന്ന​ത്. 2012ൽ ​നി​ർ​ഭ​യ ബ​ലാ​ത്സം​ഗ​ത്തി​ന്​ ഇ​ര​യാ​യ​പ്പോ​ൾ രാ​ജ്യം മു​ഴു​വ​ൻ തെ​രു​വി​ലി​റ​ങ്ങി​യ​ല്ലോ. കോ​ട​തി​യും രാ​ഷ്ട്രീ​യ​ക്കാ​രും എ​ല്ലാ​വ​രും ചേ​ർ​ന്ന്​ ഉ​ണ്ടാ​ക്കി​യ വ​ൻ സ​മ്മ​ർ​ദം വി​ധി​യി​ൽ​പോ​ലും എ​ടു​ത്തു​പ​റ​ഞ്ഞി​രു​ന്നു. ഒ​രു മു​സ്​​ലിം സ്ത്രീ​യു​ടെ കാ​ര്യം വ​രു​മ്പോ​ൾ ജ​ന​ങ്ങ​ളു​​ടെ പൊ​തു​ബോ​ധം എ​വി​ടെ​പ്പോ​യി. ഇ​ന്ത്യ​യി​ലെ മ​ധ്യ​വ​ർ​ത്തിസ​മൂ​ഹം സ്വ​യം വി​മ​ർ​ശി​ക്കാ​തെ രാ​ഷ്ട്രീ​യ​ക്കാ​രെ വി​മ​ർ​ശി​ച്ച്​ സാ​യു​ജ്യ​മ​ട​യു​ന്ന​ത്​ സ്ഥി​രം കാ​ഴ്ച​യാ​ണ്​. അ​വ​ർ​ക്ക്​ രാ​ഷ്​​​ട്രീ​യ​ക്കാ​രോ​ട്​ ഇ​ത്ര പു​ച്ഛ​മാ​ണെ​ങ്കി​ൽ അ​വ​ർ എ​ന്തി​ന്​ അ​വ​ർ​ക്ക്​ വോ​ട്ട്​ ചെ​യ്യ​ണം. എ​ന്തു​കൊ​ണ്ട്​ ആ ​പ്ര​തി​ക​ര​ണ​ക്കാ​ർ സ്ഥാ​നാ​ർ​ഥി​ക​ളാ​കു​ന്നി​ല്ല. പു​തി​യ രാ​ഷ്​​ട്രീ​യ പാ​ർ​ട്ടി​ക​ളെ തെ​ര​ഞ്ഞെ​ടു​ക്കു​ന്നി​ല്ല. പു​തി​യ​വ ഉ​ണ്ടാ​ക്കു​ന്നി​ല്ല. എ​ന്തി​നാ​ണ്​ വെ​റു​പ്പ്​ പ്ര​ച​രി​പ്പി​ക്കു​ന്ന​വ​രെ വീ​ണ്ടും വീ​ണ്ടും അ​ധി​കാ​ര​ത്തി​ലെ​ത്തി​ക്കു​ന്ന​ത്.

ബി​ൽ​ക്കീ​സ്​ ബാ​നു 20 വീ​ടു​ക​ളാ​ണ്​ 20 വ​ർ​ഷ കാ​ല​യ​ള​വി​ൽ മാ​റി​ത്താ​മ​സി​ച്ച​ത്. ഒ​ടു​വി​ൽ വ​ർ​ഷ​ങ്ങ​ൾ​ക്കു​മു​മ്പ്​ ഹൈ​കോ​ട​തി​ത​ന്നെ നി​ർ​ദേ​ശി​ച്ചി​രു​ന്നു –അ​വ​ർ​ക്ക്​ വീ​ടും ഒ​രു ജോ​ലി​യും ആ​വ​ശ്യ​മാ​ണെ​ന്ന്. ആ​രെ​ങ്കി​ലും ഏ​തെ​ങ്കി​ലും മാ​ധ്യ​മ​പ്ര​വ​ർ​ത്ത​ക​ർ ആ ​ദൗ​ത്യം ഏ​റ്റെ​ടു​ത്തോ. ഇ​ല്ല. ഞാ​ൻ രാ​ഷ്​​ട്രീ​യ​ക്കാ​േ​രാ​ട്​ ഈ ​ചോ​ദ്യ​ങ്ങ​ൾ വ​ർ​ഷ​ങ്ങ​ളാ​യി​ ചോ​ദി​ച്ചു​കൊ​ണ്ടി​രി​ക്കു​ക​യാ​ണ്. ഫ​ല​മു​ണ്ടാ​കു​ന്നി​ല്ല. രാ​ഷ്​​ട്രീ​യ​ക്കാ​ർ ന​മു​ക്കാ​വ​ശ്യ​മു​ള്ള​തെ​ല്ലാം ന​മു​ക്ക്​ ത​രു​ന്നു​ണ്ട്.

ഉ​ദാ​ഹ​ര​ണം പ​റ​യാം. ജൈ​വ പ​ച്ച​ക്ക​റി​ക​ൾ വ​ർ​ഷ​ങ്ങ​ൾ​ക്ക​ു മു​മ്പേ ന​മ്മു​ടെ നാ​ട്ടി​ൽ വി​ള​ഞ്ഞി​രു​ന്നു. അ​വ​യു​ടെ ഉ​ൽ​പ​ന്ന​ങ്ങ​ൾ​ ചെ​ല​വാ​കാ​തെ ക​ട​ക​ളി​ൽ ഇ​രു​ന്നു. ഇ​ന്ന്​ സ്​​ഥി​തി മാ​റി. ഓ​ർ​ഗാ​നി​ക്​ പ​ച്ച​ക്ക​റി​ക​ൾ​ക്ക്​ ന​ല്ല ഡി​മാ​ൻ​ഡാ​ണ്. ന​ല്ല വി​ല​യും കി​ട്ടു​ന്നു. അ​താ​യ​ത്​ ഡി​മാ​ൻ​ഡാ​ണ്​ നി​ർ​ണാ​യ​കം. ജ​ന​ത്തി​ന്​ ന​ല്ല​ത്​ വേ​ണ​മെ​ന്ന തോ​ന്ന​ലു​ണ്ടാ​ക​ണം. അ​വ​ർ അ​തി​നാ​യി ആ​ഗ്ര​ഹി​ക്ക​ണം. എ​ന്നാ​ലേ ന​ല്ല രാ​ഷ്ട്രീ​യ​ക്കാ​രും ജ​നോ​പ​കാ​ര ന​ട​പ​ടി​ക​ളും ഉ​ണ്ടാ​കൂ. അ​താ​യ​ത്​ നാം ​ന​ല്ല രാ​ഷ്ട്രീ​യ​ക്കാ​രെ ആ​വ​ശ്യ​​െപ്പ​ടു​ന്നി​ല്ല. അ​തി​നാ​ൽ ന​മു​ക്ക്​ ല​ഭി​ക്കു​ന്നു​മി​ല്ല. ന​മ്മ​ളാ​ണ്​ പ​രാ​ജ​യ​പ്പെ​ടു​ന്ന​ത്. സ​മൂ​ഹ​മാ​ണ്​ പ​രാ​ജ​യ​പ്പെ​ടു​ന്ന​ത്. നാം ​ഒ​രു ഫേ​സ്​​ബു​ക്ക്​ പോ​സ്റ്റി​ട്ട്​ ഉ​ത്ത​ര​വാ​ദി​ത്തം തീ​ർ​ന്നു എ​ന്ന്​ പ​റ​ഞ്ഞ്​ സ​മാ​ധാ​നി​ച്ച്​ ന​മ്മു​ടെ മ​ധ്യ​വ​ർ​ത്തി സ​മൂ​ഹം കാ​ല​ങ്ങ​ളാ​യി മൗ​നം തു​ട​രു​ക​യാ​ണ്. നാം ​സാ​മൂ​ഹി​ക മാ​റ്റ​ത്തി​ന്​ ആ​ഗ്ര​ഹി​ക്കു​ന്ന​തേ ഇ​ല്ല. ആ​ഗ്ര​ഹി​ക്കു​​ന്നു​ണ്ടെ​ങ്കി​ൽ​ നാം​ ​എ​ന്തെ​ങ്കി​ലും ചെ​യ്​​തേ തീ​രൂ. നാം ​കു​റ​ച്ചെ​ങ്കി​ലും ഇ​റ​ങ്ങി പ്ര​വ​ർ​ത്തി​ക്ക​ണം. നാം ​അ​തി​ന്​ ത​യാ​റ​ല്ല​ല്ലോ.

ബി​ൽ​ക്കീ​സ്​ ബാ​നു കേ​സി​ൽ ഇ​ത്ത​ര​ത്തി​ൽ വി​ധി പ്ര​തീ​ക്ഷി​ച്ചി​രു​ന്നോ. സു​പ്രീംകോ​ട​തി​യി​ൽ ഹ​ര​ജി ന​ൽ​കി​യ ശേ​ഷ​മു​ള്ള തു​ട​ർ​ന​ട​പ​ടി​ക​ൾ എ​ന്താ​യി?

ജേ​ണ​ലി​സ്റ്റ്​ എ​ന്ന​തി​നേ​ക്കാ​ളു​പ​രി സാ​ധാ​ര​ണ​ക്കാ​രി എ​ന്ന നി​ല​യി​ൽ എ​ന്നെ വേ​ട്ട​യാ​ടി​ക്കൊ​ണ്ടി​രി​ക്കു​ന്ന സം​ഭ​വ​മാ​ണ്​ ബി​ൽ​ക്കീ​സ്​ ബാ​നു​വി​ന്‍റെ കു​ടും​ബാം​ഗ​ങ്ങ​​ളെ​ കൊ​ന്ന്​ അ​വ​ളെ കൂ​ട്ടബ​ലാ​ത്സം​ഗ​ത്തി​ന്​ ഇ​ര​യാ​ക്കി​യ കേ​സി​ൽ പ്ര​തി​ക​ളെ വെ​റു​തെ വി​ട്ട സം​ഭ​വം. അ​തും സ്വ​ത​ന്ത്ര​ഭാ​ര​ത​ത്തി​ന്‍റെ 75ാം വാ​ർ​ഷി​ക​ത്തി​ൽ. കോ​ട​തി​ക്ക്​ മു​ന്നി​ൽ സ​മ​ർ​പ്പി​ക്ക​പ്പെ​ട്ട രേ​ഖ​ക​ളു​ടെ വാ​സ്ത​വം അ​ന്വേ​ഷി​ക്കേ​ണ്ട​തു​ണ്ടെ​ന്ന്​ തോ​ന്നു​ന്നു. ന​മ്മ​ളി​ലൊ​ക്കെ ഒ​രു ബി​ൽ​ക്കീ​സ്​ ഉ​ണ്ട്. അ​വ​ർ ക​ട​ന്നു​പോ​യ ദു​ര​നു​ഭ​വ​ങ്ങ​ളി​ൽ കോ​ട​തി​യി​ൽ ഉ​ത്ത​രം കി​ട്ടാ​തെ​പോ​യ ചോ​ദ്യ​ങ്ങ​ളു​ണ്ട്. അ​തി​നാ​ലാ​ണ് വി​ധി​ക്കെ​തി​രെ ഹ​ര​ജി ഫ​യ​ൽ ചെ​യ്ത​ത്. സി.​പി.​എം നേ​താ​വ് സു​ഭാ​ഷി​ണി അ​ലി, തൃ​ണ​മൂ​ൽ കോ​ൺ​ഗ്ര​സ് എം.​പി മ​ഹു​വ മൊ​യ്‌​ത്ര, പ്ര​ഫ. രൂ​പ് രേ​ഖ് വ​ർ​മ തു​ട​ങ്ങി​യ​വ​ർ ഒ​പ്പ​മു​ണ്ട്. വി​ഷ​യം ഉ​ട​ൻ പ​രി​ഗ​ണി​ക്ക​ണ​മെ​ന്നാ​വ​ശ്യ​പ്പെ​ട്ട് മു​തി​ർ​ന്ന അ​ഭി​ഭാ​ഷ​ക​ൻ ക​പി​ൽ സി​ബ​ൽ, അ​ഡ്വ. അ​പ​ർ​ണ ഭ​ട്ട് എ​ന്നി​വ​ർ ഹ​ര​ജി സു​പ്രീം​കോ​ട​തി​യു​ടെ ശ്ര​ദ്ധ​യി​ൽ​പെ​ടു​ത്തി. ഹ​ര​ജി പ​രി​ഗ​ണി​ച്ച കോ​ട​തി ര​ണ്ടാ​ഴ്ച​ക്ക​കം ഗു​ജ​റാ​ത്ത്​ സ​ർ​ക്കാ​റി​നോ​ട്​ വി​ശ​ദീ​ക​ര​ണം ന​ൽ​കാ​ൻ ആ​വ​ശ്യ​പ്പെ​ടു​ക​യും ചെ​യ്തു. അ​ടു​ത്ത ഹി​യ​റി​ങ്ങി​നാ​യി കാ​ത്തി​രി​ക്കു​ക​യാ​ണ്.

ബി​ൽ​ക്കീ​സ്​ ബാ​നു​വി​ന്‍റെ കു​ടും​ബം എ​ങ്ങ​നെ​യാ​ണ്​ ക​ഴി​യു​ന്ന​ത്. ക​ണ്ടി​രു​ന്നോ?

ഇ​ല്ല. ഇ​പ്പോ​ൾ​ത​ന്നെ നൂ​റു​ക​ണ​ക്കി​ന്​ മാ​ധ്യ​മ​പ്ര​വ​ർ​ത്ത​ക​രു​ടെ 'എ​ന്ത്​ തോ​ന്നു​ന്നു' എ​ന്ന ചോ​ദ്യ​ത്തി​ന്​ മ​റു​പ​ടി പ​റ​ഞ്ഞ്​ മ​ടു​ത്തി​ട്ടു​ണ്ടാ​കും.

ഗു​ജ​റാ​ത്ത്​ ക​ലാ​പ​കാ​ല​ത്ത്​ ബി​ൽ​ക്കീ​സി​ന്‍റെ കേ​സ്​ മ​റ്റ്​ കേ​സു​ക​ളി​ൽ​നി​ന്ന്​ വ്യ​ത്യ​സ്ത​മാ​കു​ന്ന​ത്​ എ​ങ്ങ​നെ​യാ​ണ്​?

ഗോ​ധ്ര തീ​വ​ണ്ടി കൂ​ട്ട​ക്കൊ​ല​യു​ടെ തു​ട​ർ​ച്ച​യാ​യു​ണ്ടാ​യ ക​ലാ​പ​ത്തി​ൽ വീ​ടു​പേ​ക്ഷി​ച്ച് പോ​വു​ക​യാ​യി​രു​ന്ന ബി​ൽ​ക്കീ​സ് ബാ​നു​വി​നെ കൂ​ട്ട​ബ​ലാ​ത്സം​ഗ​ത്തി​നി​ര​യാ​ക്കു​ക​യും മൂ​ന്നു​വ​യ​സ്സു​ള്ള മ​ക​ളു​ൾ​പ്പെ​ടെ കു​ടും​ബ​ത്തി​ലെ ഏ​ഴു​പേ​രെ കൊ​ല​പ്പെ​ടു​ത്തു​ക​യും ചെ​യ്തെ​ന്നാ​ണ് മു​ഖ്യ കേ​സ്. ഇ​തി​ൽ ജീ​വ​പ​ര്യ​ന്ത​ത്തി​ന്​ വി​ധി​ക്ക​പ്പെ​ട്ട 11 പ്ര​തി​ക​ളെ​യാ​ണ്​ സ്വ​ത​ന്ത്ര​രാ​ക്കി​യ​ത്. ഗു​ജ​റാ​ത്ത്​ ക​ലാ​പ​കാ​ല​ത്തെ മ​റ്റ്​ ബ​ലാ​ത്സം​ഗ കേ​സു​ക​ളും ബി​ൽ​ക്കീ​സ്​ കേ​സു​മാ​യി കൂ​ട്ടി​ക്കു​ഴ​ക്ക​രു​ത്. വ്യ​ക്ത​മാ​യ രാ​ഷ്​​ട്രീ​യ കാ​ര​ണ​ങ്ങ​ളാ​ലു​ള്ള ആ​സൂ​ത്ര​ണ​മാ​ണ്​ ബി​ൽ​ക്കീ​സി​ന്‍റെ കേ​സി​ലു​ള്ള​ത്. അ​വ​ൾ മു​സ്​​ലി​ംക​ൾ നേ​രി​ടു​ന്ന പ്ര​ശ്ന​ങ്ങ​ളു​​ടെ ഇ​ര​യാ​ണ്. 10 വ​ർ​ഷം മു​മ്പ്​ നി​ർ​ഭ​യയെ ബ​ലാ​ത്സം​ഗം ചെ​യ്ത​പ്പോ​ൾ മു​ഴു​വ​ൻ രാ​ജ്യ​ത്തി​ലും പ്ര​തി​ഷേ​ധം പ​ര​ന്നൊ​ഴു​കി​യി​ല്ലേ.​ ഉ​ദ്യോ​ഗ​സ്ഥ-​നീ​തി​ന്യാ​യ ​സം​വി​ധാ​ന​ങ്ങ​ൾ​ക്ക്​ മേ​ൽ വ​ൻ സ​മ്മ​ർ​ദ​മാ​ണ്​ അ​ത്​ ചെ​ലു​ത്തി​യ​ത്. കേ​സ്​ ബി​ൽ​ക്കീ​സി​ന്റേ​താ​യ​പ്പോ​ൾ നാം ​മി​ണ്ടാ​തി​രി​ക്കു​ന്നു. ആ ​മൗ​ന​ത്തി​ന്‍റെ അ​ർ​ഥം ഇ​പ്പോ​ഴും ഉ​ച്ച​ത്തി​ൽ സ​മൂ​ഹ​ത്തി​ൽ മു​ഴ​ങ്ങി​ക്കൊ​ണ്ടേ​യി​രി​ക്കു​ന്നു. ബി​ൽ​ക്കീ​സി​ന്‍റെ കേ​സ്​ പൊ​ളി​റ്റി​ക്ക​ലാ​ണ്. കേ​സി​ലെ പ്ര​തി​ക​ളെ ഹാ​ര​മ​ണി​യി​ച്ച്​ സ്വീ​ക​രി​ക്കു​ന്ന​ത്​ കാ​ണു​മ്പോ​ൾ ന​മു​ക്ക്​ മ​ന​സ്സി​ലാ​വി​ല്ലേ, അ​തി​ന്‍റെ രാ​ഷ്ട്രീ​യ​മെ​ന്താ​ണെ​ന്ന്. ന​മ്മ​ൾ പ്രേ​ക്ഷ​ക​രാ​യി ഇ​വ​യെ​ല്ലാം ക​ണ്ടു ര​സി​ക്കു​ക​യാ​ണ്. ന​മ്മു​ടെ മൗ​നം എ​ന്ന​ത്​ ഈ ​കു​റ്റ​കൃ​ത്യ​ത്തെ സ​ഹാ​യി​ക്ക​ലാ​ണ്.

അ​ടു​ത്ത വി​ധി​വ​രെ വെ​റു​തെ കാ​ത്തി​രി​ക്കാ​നാ​വി​ല്ല. രാ​ജ്യ​ത്തി​ലെ പൗ​ര​യെ​ന്ന നി​ല​യി​ൽ പ്ര​തി​ഷേ​ധി​ക്കേ​ണ്ട​തു​ണ്ട്​; തെ​രു​വി​ലി​റ​ങ്ങേ​ണ്ട​തു​ണ്ട്. ജേ​ണ​ലി​സ്റ്റ്​ എ​ന്ന നി​ല​യി​ലും പൗ​ര എ​ന്ന നി​ല​യി​ലും ഞാ​ൻ ഈ ​വി​ഷ​യ​ത്തി​ൽ സം​സാ​രി​ച്ചു​കൊ​ണ്ടേ​യി​രി​ക്കും; മാ​ർ​ക്ക​റ്റി​ൽ, ക​ട​ക​ളി​ൽ, ബ​സു​ക​ളി​ൽ, എ​ന്‍റെ നി​രീ​ക്ഷ​ണ​ങ്ങ​ളോ​ട്​ താ​ൽ​പ​ര്യ​മി​ല്ലാ​ത്ത​വ​രോ​ടും. തെ​റ്റാ​യ റി​പ്പോ​ർ​ട്ട്​ ന​ൽ​കി​യ ഉ​ദ്യോ​ഗ​സ്ഥ വൃ​ന്ദ​ങ്ങ​ളി​ലാ​ണോ നി​ങ്ങ​ൾ പ്ര​തീ​ക്ഷ അ​ർ​പ്പി​ച്ചി​രി​ക്കു​ന്ന​ത്​ എ​ന്ന ചോ​ദ്യം ചോ​ദി​ച്ചേ തീ​രൂ. ഗു​ജ​റാ​ത്ത്​ ജ​ന​ത മാ​സ​ങ്ങ​ൾ​ക്ക​കം​ത​ന്നെ ​പോ​ളി​ങ്​​ബൂ​ത്തി​ലെ​ത്തും. ഇ​ങ്ങ​നെ​യാ​​​ണോ ഭ​ര​ണ​കൂ​ടം പ്ര​ജ​ക​ളെ സം​ര​ക്ഷി​ക്കു​ന്ന​തെ​ന്ന ചോ​ദ്യം മു​ഴ​ങ്ങി​ക്കൊ​ണ്ടേ​യി​രി​ക്ക​ണം.​ സ്ത്രീ​ക​ൾ​ക്ക്​ സു​ര​ക്ഷ ഉ​റ​പ്പാ​ക്കു​ന്ന​ത്​ ഇ​ങ്ങ​​നെ​യാ​​ണോ.​ ജേ​ണ​ലി​സ്റ്റ്​ എ​ന്ന നി​ല​യി​ൽ നാ​ലു​ ചു​വ​രു​ക​ൾ​ക്കു​ള്ളി​ൽ​നി​ന്ന്​ വാ​ർ​ത്ത​ക​ളെ​ഴു​തു​ക എ​ന്ന​താ​കും എ​ന്‍റെ ക​രി​യ​റി​ന്​ ന​ല്ല​ത്. എ​ന്നാ​ൽ, ഞാ​ൻ അ​തി​ന്​ ത​യാ​റ​ല്ല. പ്ര​തി​ക​ളെ തി​രി​ച്ച്​ ജ​യി​ലി​ല​ട​ക്കു​ക എ​ന്ന​ത്​ മാ​ത്ര​മ​ല്ല, പൗ​ര​ൻ എ​ന്ന നി​ല​ക്ക്​ അ​വ​കാ​ശ​ങ്ങ​ൾ ഉ​യ​ർ​ത്തി​പ്പി​ടി​ക്കു​ക​ത​ന്നെ വേ​ണം. അ​തോ എ​ന്നി​ലെ പൗ​ര​ൻ ച​ത്തു​പോ​യോ, അ​തോ ഉ​റ​ങ്ങി​പ്പോ​യോ ഈ ​ചോ​ദ്യ​ങ്ങ​ൾ സ്വ​യം നാ​മോ​രോ​രു​ത്ത​രി​ലും ഉ​ണ​രേ​ണ്ട​തു​ണ്ട്.

പു​സ്ത​കം യാ​ഥാ​ർ​ഥ്യ​മാ​കാ​ൻ കാ​ത്തി​രി​പ്പ് ഏ​റെ വേ​ണ്ടി​വ​ന്നു. ഒ​ടു​വി​ൽ ക്രൗ​ണ്ട്​ ഫ​ണ്ടി​ങ്ങും വേ​ണ്ടി​വ​ന്നു. പു​സ്​​ത​ക​ത്തി​ലേ​ക്കു​ള്ള​ യാ​ത്ര​യും തു​ട​ർ​ന്നു​ള്ള അ​നു​ഭ​വ​ങ്ങ​ളും പ​ങ്കു​വെ​ക്കാ​മോ?

ഗോ​ധ്ര സം​ഭ​വം ക​ഴി​ഞ്ഞ്​ 16 വ​ർ​ഷം ക​ഴി​ഞ്ഞാ​ണ്​ എ​ന്‍റെ പു​സ്ത​കം ഇ​റ​ങ്ങി​യ​ത്. ക​ലാ​പം എ​ന്ന​ത്​ ഒ​രാ​ളി​ന്റെ ഉ​ള്ളി​ൽ എ​ങ്ങ​​നെ​ രൂ​പ​പ്പെ​ടു​ന്നു, എ​ങ്ങ​നെ പ്ര​വ​ർ​ത്തി​ക്കു​ന്നു എ​ന്ന അ​ന്വേ​ഷ​ണ​ത്തി​ന്‍റെ ഭാ​ഗ​മാ​യു​ള്ള ര​ച​ന​യാ​ണ്. അ​ത്​ പൂ​ർ​ത്തി​യാ​ക്കു​ക എ​ന്ന ല​ക്ഷ്യം മാ​ത്ര​മേ ഉ​ണ്ടാ​യി​രു​ന്നു​ള്ളൂ. അ​ങ്ങ​​നെ​യു​ള്ള ക​ഥ​ക​ൾ നാം ​അ​ധി​കം കേ​ട്ടി​ട്ടി​ല്ല, വാ​യി​ച്ചി​ട്ടി​ല്ല. അ​ത്ത​ര​ത്തി​ൽ ഒ​ന്ന്​ വാ​യി​ക്ക​പ്പെ​ടു​മെ​ന്ന്​ തോ​ന്നി.

പു​സ്ത​ക​മെ​ഴു​ത്ത്​ ഒ​രു​ വ​ർ​ഷം​കൊ​ണ്ട്​ പൂ​ർ​ത്തി​യാ​കു​മെ​ന്നാ​ണ്​ വി​ചാ​രി​ച്ചി​രു​ന്ന​ത്. ​അ​ത്​ ഇ​റ​ക്കാ​നു​ള്ള പ​ണം പ​രി​ച​യ​മു​ള്ള​വ​ർ ത​രാ​മെ​ന്ന്​ പ​റ​ഞ്ഞി​രു​ന്നു. പു​സ്ത​ക​മൊ​രു​ക്കാ​നു​ള്ള യാ​ത്ര​ക​ൾ​ക്കി​ടെ ആ ​പ​ണം തീ​ർ​ന്നു​പോ​യി. മാ​ത്ര​മ​ല്ല, ര​ണ്ട്​ വ​ർ​ഷം​കൂ​ടി അ​ധി​കം വേ​ണ്ടി​വ​ന്നു പൂ​ർ​ത്തീ​ക​രി​ക്കാ​ൻ. ഫെ​ലോ​ഷി​പ്പി​ന്​ അ​യ​ച്ചു. കി​ട്ടി​യി​ല്ല. ഒ​ടു​വി​ൽ ക്രൗ​ഡ്​ ഫ​ണ്ടി​ങ്​ ആ​യി​രു​ന്നു അ​വ​സാ​ന ആ​ശ്ര​യം. സമൂഹമാ​ധ്യ​മ​ങ്ങ​ൾ വ​ഴി ഇ​ന്‍റ​ർ​നെ​റ്റ്​ കാ​മ്പ​യി​ൻ തു​ട​ങ്ങി.​ ആ​ശ​യം വി​ശ​ദീ​ക​രി​ച്ച്​ ല​ഘു വി​ഡി​യോ അ​തി​ൽ പോ​സ്റ്റ്​​ചെ​യ്തു. അ​ത്ഭു​ത​ക​ര​മാ​യി​രു​ന്നു പ്ര​തി​ക​ര​ണം. 108 പേ​ർ സ​ഹാ​യി​ക്കാ​നെ​ത്തി. 18 ദി​വ​സം​കൊ​ണ്ട്​ പി​രി​ഞ്ഞു​കി​ട്ടി​യ​ത്​ 9.8 ല​ക്ഷം രൂ​പ. ശ​രി​ക്കും വി​ര​ണ്ടു​പോ​യി ഞാ​ൻ. ആ​ളു​ക​ൾ എ​ന്‍റെ ര​ച​ന​ക്കാ​യി പ​ണ​മി​റ​ക്കി​ക്ക​ഴി​ഞ്ഞി​രി​ക്കു​ന്നു. എ​ത്ര​യും പെ​ട്ടെ​ന്ന്​ പൂ​ർ​ത്തി​യാ​ക്കി​യേ തീ​രൂ. കാ​മ്പ​യി​ൻ വി​ജ​യി​ച്ചു എ​ന്ന്​ പോ​സ്​​റ്റി​ട്ട്​ ന​ന്ദി പ​റ​ഞ്ഞു. ഉ​ട​ൻ പു​സ്ത​ക​മി​റ​ക്കു​ക​യും ചെ​യ്തു. പു​സ്ത​കം വ​ള​രെ​യ​ധി​കം വി​റ്റു​പോ​യി​ട്ടി​ല്ല. പ​ബ്ലി​ഷ​ർ പ​റ​ഞ്ഞി​രു​ന്നു; സ​മ​യ​മെ​ടു​ക്കു​മെ​ന്ന്. പ​ക്ഷേ, ഗം​ഭീ​ര പ്ര​തി​ക​ര​ണ​മാ​ണ്​ വാ​യി​ച്ച​വ​രി​ൽ​നി​ന്ന്​ ഉ​ണ്ടാ​യ​ത്. പി​ന്നെ വി​റ്റ​ഴി​ക്കാ​ൻ വേ​ണ്ടി​യാ​യി​രു​ന്നി​ല്ല, ഞാ​ൻ എ​ഴു​തി​യ​ത്. എ​ന്‍റെ നി​ശ്ച​യ​മാ​യി​രു​ന്നു അ​ത്.

താ​ങ്ക​ൾ പു​സ്ത​ക​ത്തി​ൽ പ​രാ​മ​ർ​ശി​ക്കു​ന്ന സു​രേ​ഷി​ൽ​നി​ന്ന്​ മ​ർ​ദ​ന​വും ഏ​ൽ​ക്കേ​ണ്ടി​വ​ന്നി​ല്ലേ..?

ക​ള്ള​ച്ചാ​രാ​യം വാ​റ്റു​ക​യും വി​ൽ​പ​ന ന​ട​ത്തു​ക​യും ചെ​യ്യു​ന്ന​തി​നൊ​പ്പം ചി​ല്ല​റ മോ​ഷ​ണ​വും കു​ല​ത്തൊ​ഴി​ലാ​യി സ്വീ​ക​രി​ച്ചി​ട്ടു​ള്ള ചേ​രി​നി​വാ​സി​യാ​ണ് സു​രേ​ഷ്. ദ​ലി​ത​​ാണെ​ങ്കി​ലും സം​ഘ്പ​രി​വാ​റി​ന്‍റെ പ്ര​ചാ​ര​ണ​ത്തി​ന്‍റെ സ്വാ​ധീ​നം അ​വ​നി​ലും ഉ​ള്ളി​ന്‍റെ​യു​ള്ളി​ല്‍ മു​സ്‍ലിം​ക​ളോ​ട് വെ​റു​പ്പു​ള്ള​വ​നാ​ക്കി​ത്തീ​ർത്തി​രു​ന്നു. എ​ല്ലാ​വി​ധ ക്രി​മി​ന​ല്‍ സ്വ​ഭാ​വ​ങ്ങ​ളു​മു​ള്ള ചെ​റു​പ്പ​ക്കാ​ര​നാ​ണ് ഇ​യാ​ള്‍. അ​തി​നാ​ലാ​ണ​യാ​ള്‍ സം​ഘ്പ​രി​വാ​റി​ന്‍റെ സ്​ൈ​ട്ര​ക്കി​ങ് ഫോ​ഴ്സി​ല്‍ ചേ​ര്‍ന്ന​ത്. ക​ലാ​പ​കാ​ല​ത്ത്​ കൊ​ള്ള​യും കൊ​ല​യും വേ​ണ്ടു​വോ​ളം ന​ട​ത്തി. അ​യാ​ൾ ശി​ക്ഷി​ക്ക​പ്പെ​ട്ടി​ട്ടും നി​ര​ന്ത​രം പ​രോ​ൾ അ​നു​വ​ദി​ക്ക​പ്പെ​ട്ടു. പ​രോ​ളി​ല്‍ ഇ​റ​ങ്ങി​യ അ​വ​സ​ര​ത്തി​ല്‍ സ്വ​ന്തം ഭാ​ര്യ​യെ കെ​ട്ടി​യി​ട്ട് പീ​ഡി​പ്പി​ക്കു​ക​യും കൈ​യി​ലും കാ​ലി​ലും സി​ഗ​ര​റ്റു​കൊ​ണ്ട് പൊ​ള്ളി​ക്കു​ക​യും ചെ​യ്ത വ്യ​ക്തി​യാ​ണ് ഇ​യാ​ള്‍. ഈ ​സം​ഭ​വ​ത്തി​ല്‍ ഇ​യാ​ള്‍ക്കെ​തി​രെ കേ​സു​ണ്ട്. ആ ​സ​മ​യ​ത്താ​ണ് ഞാ​ന്‍ അ​യാ​ളെ കു​റി​ച്ച് എ​ഴു​തു​ന്ന​ത്. അ​യാ​ളെ ഒ​ര​വ​സ​ര​ത്തി​ല്‍ കാ​ണു​ക​യും ചെ​യ്തു. ആ ​കൂ​ടി​ക്കാ​ഴ്ച​യി​ല്‍ അ​ദ്ദേ​ഹം എ​ന്റെ മു​ഖ​ത്ത​ടി​ച്ചു. ക​ണ്ണി​ല്‍നി​ന്നും ചോ​ര​ പൊ​ടി​യു​ന്ന​തു​വ​രെ മ​ർ​ദി​ച്ചു. ആ ​സം​ഭ​വ​ത്തി​ല്‍ അ​യാ​ള്‍ക്കെ​തി​രെ ഞാ​ന്‍ കേ​സ് ന​ല്‍കി. തു​ട​ര്‍ന്ന് അ​യാ​ളു​ടെ പ​രോ​ള്‍ റ​ദ്ദാ​ക്കി. അ​ന്ന് പൊ​ലീ​സ് പ​റ​ഞ്ഞ​ത് ഇ​നി അ​യാ​ള്‍ക്ക് പ​രോ​ള്‍ അ​നു​വ​ദി​ക്കി​ല്ലെ​ന്നാ​ണ്. എ​ന്നാ​ല്‍, അ​യാ​ള്‍ക്ക് വീ​ണ്ടും പ​രോ​ള്‍ ല​ഭി​ച്ചു. ഇ​തു​മാ​യി ബ​ന്ധ​പ്പെ​ട്ട് ഒ​രു കോ​ട​തി റി​പ്പോ​ര്‍ട്ടും ക​ണ്ടി​ല്ല.

പു​സ്ത​ക​മെ​ഴു​തി​യ ശേ​ഷം ജേ​ണ​ലി​സ്റ്റ്​ ക​രി​യ​റി​ലേ​ക്ക്​ തി​രി​ച്ചു​പോ​യോ?

ഇ​ല്ല. പു​സ്​​ത​ക​മെ​ഴു​ത്തി​നു​ശേ​ഷം ജീ​വി​തം മാ​റി​മ​റി​ഞ്ഞു. ലിം​ഗ​പ​ര​മാ​യും സാ​മൂ​ഹി​ക​മാ​യും മ​ത​പ​ര​മാ​യും വി​വേ​ച​ന​ങ്ങ​ൾ​ നേ​രി​ടു​ന്ന സ​മൂ​ഹ​മാ​ണ്​ ന​മ്മു​ടേ​തെ​ന്ന തി​രി​ച്ച​റി​വ്​ ഉ​റ​ക്കം​കെ​ടു​ത്തി. സ​മൂ​ഹ​ത്തെ ബാ​ധി​ച്ച വി​ഷ​ലി​പ്ത​ത​യു​ടെ ക​ഥ​ക​ൾ പ​റ​യു​ക​യ​ല്ല, സ​മൂ​ഹ​ത്തി​ലി​റ​ങ്ങി എ​ന്തെ​ങ്കി​ലും ചെ​യ്​​തേ തീ​രൂ എ​ന്ന്​ തോ​ന്നി. സ​മൂ​ഹം മാ​റ​ണ​മെ​ങ്കി​ൽ ഞാ​ൻ സു​ര​ക്ഷി​ത ഇ​ട​ത്തി​ലി​രു​ന്നാ​ൽ പോ​രാ പ​റ​ഞ്ഞു​കൊ​ണ്ടേ​യി​രി​ക്ക​ണ​മെ​ന്ന തി​രി​ച്ച​റി​വ്​ ഉ​ണ്ടാ​യി. ഡ​ൽ​ഹി​യി​ൽ​നി​ന്ന്​ പ​ടി​ഞ്ഞാ​റ​ൻ യു.​പി​യി​ലെ ഷാം​ലി​യി​ലേ​ക്ക്​ താ​മ​സം മാ​റി. വി​വേ​ച​ന​ങ്ങ​ൾ​ നേ​രി​ടു​ന്ന​വ​രു​ടെ അ​വ​കാ​ശ​പ്പോ​രാ​ട്ട​ത്തി​നാ​യി സ​ർ​​ഫ​റോ​ഷി ഫൗ​ണ്ടേ​ഷ​ൻ എ​ന്ന എ​ൻ.​ജി.​ഒ തു​ട​ങ്ങി. അ​വ​ർ​ക്കാ​യു​ള്ള പ്ര​വ​ർ​ത്ത​ന​ങ്ങ​ൾ തു​ട​രു​ന്നു. പ​ല​രും ചോ​ദി​ക്കാ​റു​ണ്ട്​ ഇ​നി​യും നീ, ​എ​ഴു​തി​യ പു​സ്ത​ക​ത്തി​ൽ​നി​ന്ന്​ പു​റ​ത്തു​വ​ന്നി​ല്ലേ എ​ന്ന്. ഇ​ല്ല, സാ​ധി​ക്കു​ന്നി​ല്ല എ​ന്നാ​ണ്​ മ​റു​പ​ടി.

മു​ഖ്യ​ധാ​ര മാ​ധ്യ​മ​ങ്ങ​ൾ 'ഗോ​ധി മീ​ഡി​യ'​യു​ടെ പി​ടി​യി​ലാ​ണെ​ന്ന അ​ഭി​​പ്രാ​യ​മു​ണ്ടോ. മാ​ധ്യ​മ​പ്ര​വ​ർ​ത്ത​ക എ​ന്ന നി​ല​യി​ൽ ചോ​ദി​ച്ചോ​ട്ടെ മാ​ധ്യ​മ​ങ്ങ​ളു​ടെ ഭാ​വി​യെ എ​ങ്ങ​നെ കാ​ണു​ന്നു?

എ​ന്‍റെ സു​ഹൃ​ത്ത്​ ര​വീ​ഷ്​ കു​മാ​ർ ഉ​ണ്ടാ​ക്കി​യ വാ​ക്കാ​ണ്​ ഗോ​ധി മീ​ഡി​യ. അ​ത്​ അ​ക്ഷ​രാ​ർ​ഥ​ത്തി​ൽ ശ​രി​യാ​ണ്. മോ​ദി​യു​ടെ മ​ടി​യി​ലാ​ണ്​ മാ​ധ്യ​മ​ങ്ങ​ൾ. സ്വ​ത​ന്ത്ര നി​ല​പാ​ടു​ള്ള വ​ലി​യ മീ​ഡി​യ ഹൗ​സു​ക​ൾ പി​ടി​ച്ചു​നി​ൽ​ക്കാ​ൻ ക​ഷ്ട​പ്പെ​ടു​ന്നു. മീ​ഡി​യ ഹൗ​സും മാ​ധ്യ​മ​പ്ര​വ​ർ​ത്ത​ക​രും റി​സ്ക്​ ഏ​റ്റെ​ടു​ക്കു​ന്നി​ല്ല. മീ​ഡി​യ ഹൗ​സു​ക​ൾ ഇ​ൻ​കം ടാ​ക്സ്​ റെ​യ്​​ഡു​ക​ൾ ഭ​യ​പ്പെ​ടു​ന്നു. ജൈ​വി​ക​മാ​യ വാ​ർ​ത്ത​ക​ൾ മാ​ധ്യ​മ​പ്ര​വ​ർ​ത്ത​ക​രി​ൽ​നി​ന്നും ഉ​ണ്ടാ​കു​ന്നു​മി​ല്ല. അ​വ​ർ 'സു​ര​ക്ഷി​ത' മാ​ധ്യ​മ​പ്ര​വ​ർ​ത്ത​നം ന​ട​ത്തു​ന്നു. ഇ​ന്ന​ത്തെ സാ​ഹ​ച​ര്യ​ത്തി​ൽ തു​റ​ന്നെ​ഴു​താ​ൻ ക​ഴി​യു​ന്ന സാ​​ങ്കേ​തി​ക ലോ​ക​ത്ത്​ സ​ബ്​​സ്ക്രി​പ്ഷ​ൻ അ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്കു​ന്ന ചെ​റി​യ മീ​ഡി​യ ഹൗ​സു​ക​ളാ​ണ്​ ന​ല്ല​ത്.

ച​ങ്ങാ​ത്ത മു​ത​ലാ​ളി​ത്ത ന​യ​ങ്ങ​ൾ ന​ട​പ്പാ​ക്കു​ന്ന തി​ര​ക്കി​ലാ​ണ്​ കേ​ന്ദ്ര സ​ർ​ക്കാ​ർ. ജ​നാ​ധി​പ​ത്യം ദു​ർ​ബ​ല​പ്പെ​ടു​ന്നു. നി​ഷ്​​ക്രി​യ​മാ​യ പ്ര​തി​പ​ക്ഷം... ഇ​ന്ന​ത്തെ രാ​ഷ്ട്രീ​യ സാ​ഹ​ച​ര്യ​ങ്ങ​ൾ പ്ര​തീ​ക്ഷ ന​ൽ​കു​ന്നു​ണ്ടോ?

ന​മ്മു​ടെ ജ​ന​പ്ര​തി​നി​ധി​ക​ളു​ടെ സ്വ​ത്ത്​ വി​വ​രം പ​രി​ശോ​ധി​ച്ചാ​ല​റി​യാം; കോ​ടി​പ​തി​ക​ളാ​യ എ​ത്ര​പേ​രു​ണ്ടെ​ന്ന്. വ്യ​വ​സാ​യി ജ​ന​പ്ര​തി​നി​ധി​ക​ൾ കൂ​ടി​ക്കൊ​ണ്ടി​രി​ക്കു​ന്നു. എം.​എ​ൽ.​എ​യും എം.​പി​യു​മാ​കാ​ൻ വ​ൻ തു​ക പാ​ർ​ട്ടി നേ​താ​ക്ക​ൾ​ക്ക്​ കി​ട്ടി​ക്കൊ​ണ്ടി​രി​ക്കു​ന്നു. പ​ഞ്ചാ​യ​ത്ത്​ തെ​ര​ഞ്ഞെ​ടു​പ്പി​ൽ​പോ​ലും കോ​ടി​ക​ളാ​ണ്​ മ​റി​യു​ന്ന​ത്. പാ​ർ​ട്ടി​ക​ളു​ടെ ന​യ​ങ്ങ​ളും അ​ത​നു​സ​രി​ച്ച്​ മാ​റി​ക്കൊ​ണ്ടി​രി​ക്കു​ന്നു. പ്ര​തി​പ​ക്ഷ ക​ക്ഷി​ക​ൾ ചി​ത​റി​ക്കി​ട​ക്കു​ക​യാ​ണ്. പൊ​തു​ജ​ന മു​ന്നേ​റ്റ​ങ്ങ​ളാ​ണ്​ ആ​ദ്യം ഉ​ണ്ടാ​കു​ന്ന​ത്. പി​ന്നീ​ടാ​ണ്​ രാ​ഷ്ട്രീ​യ പാ​ർ​ട്ടി​ക​ൾ അ​ത്​ ഏ​​റ്റു​പി​ടി​ക്കു​ന്ന​ത്. എ​ൻ.​ആ​ർ.​സി സ​മ​ര​ത്തി​ലും ക​ർ​ഷ​കസ​മ​ര​ത്തി​ലും അ​ത്​ കാ​ണാ​മാ​യി​രു​ന്നു. ബി​ൽ​ക്കീ​സ്​ ബാ​നു പോ​ലും ധ​നി​ക മു​സ്​​ലിം ആ​യി​രു​ന്നെ​ങ്കി​ൽ മ​റ്റൊ​രു ക​ഥ​യാ​യി​രു​ന്നേ​​​െ​ന. ജ​നാ​ധി​പ​ത്യ​ത്തി​ൽ അ​രി​കു​വ​ത്ക​രി​ക്ക​പ്പെ​ട്ട​വ​ർ എ​വി​ടെ​യാ​ണ്​ എ​ന്ന ചോ​ദ്യം നേ​ര​ത്തേ ഉ​യ​രു​ന്ന​താ​ണ്. സ​മൂ​ഹ​ത്തി​ൽ നി​ല​നി​ൽ​ക്കു​ന്ന അ​സ​മ​ത്വ​വും അ​വ​ഗ​ണ​ന​യും അ​വ​സാ​നി​പ്പി​ക്ക​ണം. അ​തി​ന്​ ​ല​ളി​ത​മാ​യി ചെ​യ്യാ​ൻ പ​റ്റു​ന്ന കാ​ര്യ​മു​ണ്ട്.​ ഓ​ണ​ത്തി​ന്​ നി​ങ്ങ​ളു​​ടെ വീ​ട്ടി​ൽ മാ​ലി​ന്യം പെ​റു​ക്കു​ന്ന​വ​രെ​ നി​ങ്ങ​​ളോ​ടൊ​പ്പം ഊ​ണ്​ ക​ഴി​ക്കാ​ൻ വി​ളി​ക്കാ​മോ. നി​ങ്ങ​ളു​​ടെ പെ​രു​ന്നാ​ളും ക്രി​സ്മ​സും എ​ല്ലാ​വ​രു​മൊ​ത്ത്​ ആ​ഘോ​ഷി​ക്കാ​ൻ ത​യാ​റു​ണ്ടോ. എ​ങ്കി​ൽ, കു​റ​ച്ചെ​ങ്കി​ലും മാ​റ്റം സം​ഭ​വി​ക്കും. പ​ക്ഷേ, എ​ത്ര പേ​ർ​ക്ക്​ അ​ത്​ സാ​ധി​ക്കും.