''രാഹുൽഗാന്ധിയുടെ പദയാത്രയിൽ ആദിവാസികൾ സംഘടിച്ചെത്തി ഭിക്ഷയാചിക്കും''; ഛത്തി​സ്ഗ​ഢി​ലെ ഗാന്ധിയനായ 'മാവോവാദി' സംസാരിക്കുന്നു

ഛത്തി​സ്ഗ​ഢി​ലെ ആ​ദി​വാ​സി ജ​ന​വി​ഭാ​ഗ​ങ്ങ​ള്‍ക്കി​ട​യി​ല്‍ അ​വ​രു​ടെ ജീ​വി​ക്കാ​നു​ള്ള അ​വ​കാ​ശ​ങ്ങ​ള്‍ക്കു വേ​ണ്ടി പ​തി​റ്റാ​ണ്ടു​ക​ളാ​യി പ്ര​വ​ര്‍ത്തി​ക്കു​ന്ന ഗാ​ന്ധി​യ​നാ​ണ് ഹി​മാ​ൻ​ശു കു​മാ​ര്‍. ഛത്തി​സ്ഗ​ഢ് മേ​ഖ​ല​യി​ലെ ഖ​ന​ന​മാ​ഫി​യ​ക​ള്‍ക്കാ​യി ത​ദ്ദേ​ശീ​യ ജ​ന​ത​യാ​യ ആ​ദി​വാ​സി​ക​ളെ ഭ​ര​ണ​കൂ​ടം കു​ടി​യൊ​ഴി​പ്പി​ക്കു​ന്ന​തി​നെ​തി​രെ നി​ര​വ​ധി പോ​രാ​ട്ട​ങ്ങ​ള്‍ അ​ദ്ദേ​ഹം ന​ട​ത്തി. അ​തു​കാ​ര​ണം 2009ല്‍ ​അ​ദ്ദേ​ഹ​ത്തി​ന്റെ ആ​ശ്ര​മം ഭ​ര​ണ​കൂ​ടം ബു​ള്‍ഡോ​സ​ര്‍ ഉ​പ​യോ​ഗി​ച്ച് ത​ക​ര്‍ത്തു. ഛത്തി​സ്ഗ​ഢി​ല്‍ ന​ട​ന്നു​കൊ​ണ്ടി​രി​ക്കു​ന്ന ഭ​ര​ണ​കൂ​ട കൊ​ല​ക​ളെക്കു​റി​ച്ച് അ​ന്വേ​ഷ​ണം ന​ട​ത്തു​ക​യും 16 പേ​ര്‍ അ​റു​കൊ​ല ചെ​യ്യ​പ്പെ​ട്ട ഗോം​പാ​ഡ് വി​ഷ​യ​ത്തി​ല്‍ വ​സ്തു​താ​ന്വേ​ഷ​ണം ന​ട​ത്തി, അ​തി​ന്റെ റി​പ്പോ​ര്‍ട്ട് കോ​ട​തി​യി​ല്‍ ഹാ​ജ​രാ​ക്കി കു​റ്റ​ക്കാ​രാ​യ ഉ​ദ്യോ​ഗ​സ്ഥ​ര്‍ക്കെ​തി​രെ ന​ട​പ​ടി​യെ​ടു​ക്ക​ണമെ​ന്ന് ഹി​മാ​ൻ​ശു കു​മാ​ർ ആ​വ​ശ്യ​പ്പെടുകയും ചെയ്തി​രു​ന്നു. ഇ​തി​​ന്റെ പേ​രി​ൽ ഹി​മാ​ൻ​ശു കു​മാ​റി​നെ അ​റ​സ്റ്റ് ചെ​യ്യ​ണ​മെ​ന്നു ഈ​യ​ടു​ത്ത് സു​പ്രീം​കോ​ട​തി വി​ധി പു​റ​പ്പെ​ടു​വി​ച്ചു. കോ​ട​തി വി​ധി​ച്ച പി​ഴ​യൊ​ടു​ക്കാ​ൻ താ​ൻ ത​യാ​റ​ല്ലാ​യെ​ന്നും നേ​രി​നു​വേ​ണ്ടി തു​റു​ങ്കി​ല​ട​ക്ക​പ്പെ​ടാ​ൻ ത​യാ​റാ​ണ് എ​ന്നു​മാ​ണ് ഇ​ക്കാ​ര്യ​ത്തി​ൽ അ​ദ്ദേ​ഹ​ത്തി​ന്റെ നി​ല​പാ​ട്.

യു.​എ.​പി.​എ​ക്കെ​തി​രെ ക​ര്‍ക്ക​ശ​മാ​യ നി​ല​പാ​ട് എ​ന്നും എ​ടു​ത്തി​ട്ടു​ള്ള വ്യ​ക്തി​യാ​ണ് ഹി​മാ​ൻ​ശു കു​മാ​ര്‍. അ​തു​കൊ​ണ്ട​ുത​ന്നെ ഭ​ര​ണ​കൂ​ടം ഗാ​ന്ധി​യ​നാ​യ അ​ദ്ദേ​ഹ​ത്തെ മാ​വോ​വാ​ദി എ​ന്നാ​ണ് വി​ശേ​ഷി​പ്പി​ക്കു​ന്ന​ത്. ''ആ​ദി​വാ​സി ജ​ന​വി​ഭാ​ഗ​ങ്ങ​ൾ​ക്കെ​തി​രെ ര​ക്ത​പ​ങ്കി​ല​മാ​യ യു​ദ്ധം ചെ​യ്യു​ന്ന ഭ​ര​ണ​കൂ​ട​വും ഹി​ന്ദു​ത്വ ഫാ​ഷി​സ്റ്റു​ക​ളു​മാ​ണ് അ​ങ്ങ​നെ വി​ശേ​ഷി​പ്പി​ക്കു​ന്ന​ത് എ​ന്ന​തി​നാ​ല്‍ ഞാ​ന്‍ അ​തി​ല്‍ സ​ന്തോ​ഷ​വാ​നാ​ണ്'' എ​ന്ന്​ അ​ദ്ദേ​ഹം അ​തേ​ക്കു​റി​ച്ച് പ​റ​യു​ന്നു. യു.​എ.​പി.​എ​ക്കെ​തി​രെ പ്ര​ഖ്യാ​പി​ത നി​ല​പാ​ട് ഉ​ണ്ടെ​ന്നു പ​റ​യു​ന്ന കേ​ര​ളം ഭ​രി​ക്കു​ന്ന എ​ൽ.​ഡി.​എ​ഫ് സ​ര്‍ക്കാ​ര്‍ മാ​േ​വാ​വാ​ദി നേ​താ​വ് രൂ​പേ​ഷി​നെ​തി​രാ​യ കേ​സി​ല്‍ ഹൈ​കോ​ട​തി റ​ദ്ദാ​ക്കി​യ യു.​എ.​പി.​എ പു​നഃ​സ്ഥാ​പി​ക്കാ​ൻ സു​പ്രീം​കോ​ട​തി​യെ സ​മീ​പി​ച്ച​തി​ല്‍ പ്ര​തി​ഷേ​ധി​ച്ച്​ ആ​ഗ​സ്റ്റ്‌ 25ന് ​എ​റ​ണാ​കു​ളം ഹൈ​കോ​ര്‍ട്ട് ജ​ങ്ഷ​നി​ല്‍ വ​ഞ്ചി സ്ക്വ​യ​റി​ല്‍​വെ​ച്ച് ഒ​രു യു.​എ.​പി.​എ വി​രു​ദ്ധ ക​ൺ​വെ​ന്‍ഷ​ന്‍ സം​ഘ​ടി​പ്പി​ക്ക​പ്പെ​ട്ടി​രു​ന്നു. യു.​എ.​പി.​എ വി​രു​ദ്ധ ജ​ന​കീ​യ കൂ​ട്ടാ​യ്മ സം​ഘ​ടി​പ്പി​ച്ച പ​രി​പാ​ടി ഉ​ദ്ഘാ​ട​നം​ചെ​യ്യാ​ന്‍ എ​ത്തി​യ​പ്പോ​ള്‍ അ​ദ്ദേ​ഹ​വു​മാ​യ ന​ട​ത്തി​യ സം​ഭാ​ഷ​ണ​ത്തി​​ന്റെ പ്ര​സ​ക്ത​ഭാ​ഗ​ങ്ങ​ളാ​ണ്​ ചു​വ​ടെ.

താ​ങ്ക​ൾ ഗാ​ന്ധി​യ​ൻ രീ​തി​യും സ​മ​ര​മാ​ർ​ഗ​വും തി​ര​ഞ്ഞെ​ടു​ത്ത​ത്​ എ​ങ്ങ​നെ​യാ​ണ്?

ഉ​ത്ത​ർ​പ്ര​ദേ​ശി​ലെ മു​സ​ഫ​ര്‍ ന​ഗ​ര്‍ ജി​ല്ല​യി​ലാ​ണ് ഞാ​ന്‍ ജ​നി​ച്ച​ത്. അ​ച്ഛ​ന്‍ 1942ല്‍ ​ക്വി​റ്റ്‌ ഇ​ന്ത്യ സ​മ​ര​ത്തി​ല്‍ പ​ങ്കെ​ടു​ത്തി​രു​ന്നു. പി​ന്നീ​ട് ഒ​ളി​വി​ല്‍ പോ​യ അ​ദ്ദേ​ഹം മ​ഹാ​ത്മാഗാ​ന്ധി​ക്ക് ക​ത്ത​യ​ക്കു​ക​യും ഗാ​ന്ധി​ജി​യു​ടെ ക്ഷ​ണം സ്വീ​ക​രി​ച്ച് സേ​വാ​ഗ്രാം ആ​ശ്ര​മ​ത്തി​ല്‍ പോ​യി 1946ല്‍ ​അ​ദ്ദേ​ഹ​ത്തോ​ടൊ​പ്പം താ​മ​സി​ക്കു​ക​യും​ചെ​യ്തു. വി​നോ​ബ ഭാ​വെ സ​ർ​വോ​ദ​യ സം​ഘം സ്ഥാ​പി​ച്ച് ഭൂ​ദാ​ന്‍ ആ​ന്ദോ​ള​ന്‍ ഒ​ക്കെ തു​ട​ങ്ങി വെ​ച്ച​പ്പോ​ള്‍ അ​ച്ഛ​ന്‍ അ​തോ​ടൊ​പ്പം ചേ​ര്‍ന്നു. ഗാ​ന്ധി​യു​ടെ വാ​ക്കു​ക​ളാ​യി അ​ദ്ദേ​ഹം ഞ​ങ്ങ​ളോ​ട് പ​റ​ഞ്ഞ​ത്, ന​മ്മ​ള്‍ ചെ​റു​പ്പ​ക്കാ​ര്‍ ഗ്രാ​മ​ങ്ങ​ളി​ല്‍ പോ​യി താ​മ​സി​ച്ച് അ​വ​യെ ഉ​ന്ന​തി​യി​ലേ​ക്കെ​ത്തി​ക്കാ​ന്‍ വേ​ണ്ട പ്ര​വ​ര്‍ത്ത​ന​ങ്ങ​ളി​ല്‍ മു​ഴു​ക​ണം, അ​ങ്ങ​നെ മ​റ്റൊ​രു ജാ​തി​ര​ഹി​ത സ​മൂ​ഹ​ത്തെ, ചൂ​ഷ​ണ​ര​ഹി​ത സ​മൂ​ഹ​ത്തെ വാ​ർ​ത്തെ​ടു​ക്ക​ണം എ​ന്നാ​ണ്. അ​ങ്ങ​നെ 1992ല്‍ ​വി​വാ​ഹം ക​ഴി​ഞ്ഞ​തി​ന്റെ 20ാമ​ത്തെ ദി​വ​സം ഞാ​നും ഭാ​ര്യ​യും ഛത്തി​സ്ഗ​ഢി​ലേ​ക്കു പോ​യി ദ​ന്തേ​വാ​ഡ​ക്ക​ടു​ത്തു​ള്ള ഒ​രു ഗ്രാ​മ​ത്തി​ല്‍ താ​മ​സ​മാ​ക്കി.

ഗാ​ന്ധി​ജി ഗ്രാ​മ​ങ്ങ​ളി​ല്‍ പോ​യി താ​മ​സി​ച്ച് അ​വ​യെ ഉ​ദ്ഗ്ര​ഥി​ക്കാ​ന്‍ പ​റ​ഞ്ഞു. എ​ന്നാ​ല്‍, എ​ന്തു​കൊ​ണ്ടാ​ണ് സാ​മൂ​ഹി​ക​പ്ര​വ​ർ​ത്ത​ന​ത്തി​ന് ഛത്തി​സ്ഗ​ഢ് ത​ന്നെ തി​ര​ഞ്ഞെ​ടു​ത്ത​ത്?

ഞ​ങ്ങ​ള്‍ ചെ​ല്ലു​ന്ന​ത് മ​ധ്യ​പ്ര​ദേ​ശി​ലേ​ക്കാ​യി​രു​ന്നു. അ​ന്ന് ഛത്തി​സ്ഗ​ഢ് രൂ​പം​കൊ​ണ്ടി​ട്ടി​ല്ല. അ​ത് രൂ​പം​കൊ​ള്ളു​ന്ന​ത് 2000 ന​വം​ബ​റി​ലാ​ണ്. 1988ല്‍ ​ഗാ​ന്ധി​യ​ന്മാ​രു​ടെ ഒ​രു ഗ്രൂ​പ്പ് ആ ​പ്ര​ദേ​ശം സ​ന്ദ​ര്‍ശി​ച്ചി​രു​ന്നു. ഞാ​ന​തി​ല്‍ അം​ഗ​മാ​യി​രു​ന്നു. ആ ​പ്ര​ദേ​ശം, അ​വി​ട​ത്തെ ആ​ദി​വാ​സി​ക​ളു​ടെ അ​വ​സ്ഥ, ജീ​വി​ത​സാ​ഹ​ച​ര്യ​ങ്ങ​ള്‍, ദു​രി​ത​ങ്ങ​ള്‍ ഒ​ക്കെ ക​ണ്ട​പ്പോ​ള്‍ എ​നി​ക്ക് തോ​ന്നി ഇ​താ​ണ് ഞാ​ന്‍ താ​മ​സി​ച്ചു പ്ര​വ​ര്‍ത്തി​ക്കേ​ണ്ട​യി​ടം, എ​ന്നെ ഇ​വി​ടെ​യാ​ണാ​വ​ശ്യം എ​ന്ന്. അ​ങ്ങ​നെ​യാ​ണ​ത് സം​ഭ​വി​ച്ച​ത്.

എ​ന്തു​ത​രം പ്ര​വ​ര്‍ത്ത​ന​ങ്ങ​ളാ​ണ് താ​ങ്ക​ള്‍ ഛത്തി​സ്ഗ​ഢി​ല്‍ ന​ട​ത്തി​യി​രു​ന്ന​ത്?

തു​ട​ക്ക​ത്തി​ല്‍ത​ന്നെ ഞ​ങ്ങ​ള്‍ ശ്ര​ദ്ധി​ച്ച കാ​ര്യ​ങ്ങ​ള്‍, പ്ര​വ​ര്‍ത്ത​ന​ര​ഹി​ത​മാ​യ സ്കൂ​ളു​ക​ളും റേ​ഷ​ന്‍ക​ട​ക​ളും ആ​യി​രു​ന്നു. ജ​ന​ങ്ങ​ള്‍ക്ക് കൃ​ത്യ​മാ​യി റേ​ഷ​നു​ക​ള്‍ കൊ​ടു​ക്കു​ന്നി​ല്ല. അം​ഗ​ന്‍വാ​ടി​ക​ള്‍ പ്ര​വ​ര്‍ത്തി​ക്കു​ന്നി​ല്ല. ആ​രോ​ഗ്യ​പ്ര​വ​ര്‍ത്ത​ക​രി​ല്ലാ​ത്ത പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ൾ. അ​പ്പോ​ള്‍ ആ​ദ്യം​ത​ന്നെ ഞ​ങ്ങ​ള്‍ അ​വി​ട​ത്തെ ജ​ന​ങ്ങ​ളെ, ആ​ദി​വാ​സി​ക​ളെ ഒ​രു​മി​ച്ചു ചേ​ര്‍ത്തു​കൊ​ണ്ട് അ​വ​രു​ടെ അ​ധി​കാ​രാ​വ​കാ​ശ​ങ്ങ​ളെ കു​റി​ച്ച് അ​വ​ര്‍ക്ക് ബോ​ധ്യ​പ്പെ​ടു​ത്തി കൊ​ടു​ക്കാ​ന്‍ തു​ട​ങ്ങി. ചെ​റി​യ ചെ​റി​യ സം​ഘ​ങ്ങ​ള്‍ രൂ​പവത്ക​രി​ച്ച് ത​ങ്ങ​ളു​ടെ അ​വ​കാ​ശ​ങ്ങ​ള്‍ ചോ​ദി​ച്ചു​കൊ​ണ്ട് അ​വ​രെ ഉ​ദ്യോ​ഗ​സ്ഥ​രു​ടെ അ​ടു​ത്തേ​ക്ക് പ​റ​ഞ്ഞ​യ​ച്ചു. ഈ ​സ്ഥാ​പ​ന​ങ്ങ​ളൊ​ക്കെ ന​ല്ല​നി​ല​യി​ല്‍ പ്ര​വ​ർ​ത്തി​പ്പി​ക്കു​ന്ന​തി​നാ​യി സ​ര്‍ക്കാ​ര്‍ത​ല​ത്തി​ല്‍ സ​മ്മ​ർ​ദം ചെ​ലു​ത്തു​ന്ന​തി​നാ​യു​ള്ള ശ്ര​മ​ങ്ങ​ള്‍ ആ​രം​ഭി​ച്ചു. അ​ന്ന് ഞ​ങ്ങ​ളു​ടെ ഈ ​പ്ര​വ​ര്‍ത്ത​ന​രീ​തി​ക​ള്‍ സ​ര്‍ക്കാ​ര്‍ സ്ഥാ​പ​ന​ങ്ങ​ള്‍ക്കും ഉ​ദ്യോ​ഗ​സ്ഥ​ര്‍ക്കും വ​ള​രെ സ​ന്തോ​ഷം ന​ൽ​കി​യി​രു​ന്നു.

ഹിമാൻശുകുമാർ

സ​ര്‍ക്കാ​ര്‍ ഉ​ദ്യോ​ഗ​സ്ഥ​ര്‍ ബ​സ്ത​ര്‍ ഏ​രി​യ​യി​ലേ​ക്കു സ്ഥ​ലം​മാ​റ്റം കി​ട്ടു​ന്ന​തി​നെ ഭ​യ​ന്നി​രു​ന്നു. അ​തി​നെ ഒ​രു ശി​ക്ഷാ​ന​ട​പ​ടി​യാ​യാ​ണ് അ​വ​ര്‍ ക​ണ്ടി​രു​ന്ന​ത്. ആ ​സ്ഥാ​ന​ത്ത് ഞ​ങ്ങ​ൾ ര​ണ്ടു​പേ​ര്‍ സ്വ​മേ​ധ​യാ ഡ​ല്‍ഹി​യി​ല്‍നി​ന്നും ഛത്തി​സ്ഗ​ഢി​ല്‍ വ​ന്നു താ​മ​സി​ച്ച് ഈ​വ​ക കാ​ര്യ​ങ്ങ​ള്‍ നീ​ക്കു​ന്ന​ത് അ​വ​ര്‍ക്ക് വ​ലി​യ ആ​ശ്വാ​സ​മാ​യി​രു​ന്നു. സ​ര്‍ക്കാ​ര്‍ അ​വ​രു​ടെ പ​ദ്ധ​തി​ക​ളു​ടെ ന​ട​ത്തി​പ്പി​നു​വേ​ണ്ടി അ​ത് ഞ​ങ്ങ​ള്‍ക്ക് കൈ​മാ​റി​യി​രു​ന്നു. കു​ടി​വെ​ള്ള ടാ​ങ്കു​ക​ള്‍ കെ​ട്ടു​ന്ന​ത്, ട്രെ​യ്നി​ങ്ങു​ക​ൾ, മ​റ്റു പ​ദ്ധ​തി​ക​ള്‍. കൂ​ടാ​തെ മ​റ്റു ഫ​ണ്ടി​ങ് ഏ​ജ​ൻ​സി​ക​ളും ക​ട​ന്നു​വ​ന്നു. വ​ലി​യ എ​ൻ.​ജി.​ഒ​ക​ളും ഞ​ങ്ങ​ളോ​ടൊ​പ്പം പ​ങ്കാ​ളി​ക​ളാ​കാ​നാ​യി താ​ൽ​പ​ര്യ​പ്പെ​ട്ടു വ​ന്നു. അ​ങ്ങ​നെ ഞ​ങ്ങ​ളു​ടെ പ്ര​വ​ര്‍ത്ത​ന​ങ്ങ​ള്‍ 4 ജി​ല്ല​ക​ളി​ലേ​ക്ക് വ്യാ​പി​പ്പി​ച്ചു. ഒ​രു​സ​മ​യം ഞ​ങ്ങ​ള്‍ക്ക് 1000 സ്റ്റാ​ഫു​ക​ള്‍ വ​രെ​യു​ണ്ടാ​യി​രു​ന്നു. അ​ങ്ങ​നെ അ​തൊ​രു വ​ൻ സം​ഘ​ട​ന​യാ​യി മാ​റി.

എ​പ്പോ​ഴാ​ണ് ഈ ​അ​വ​സ്ഥ​ക്കൊ​ക്കെ മാ​റ്റം വ​ന്ന​ത്?

1991-1992ല്‍ ​പു​തി​യ സാ​മ്പ​ത്തി​ക ന​യ​ങ്ങ​ളും അ​തി​ന്റെ ഭാ​ഗ​മാ​യി ആ​ഗോ​ളീ​ക​ര​ണം, സ്വ​കാ​ര്യ​വ​ത്ക​ര​ണം, ഉ​ദാ​ര​വ​ത്ക​ര​ണം എ​ന്നി​വ​യൊ​ക്കെ​യും ഉ​ദ​യം​ചെ​യ്യു​ന്നു. ലാ​റ്റി​ന്‍ അ​മേ​രി​ക്ക, ആ​ഫ്രി​ക്ക, ദ​ക്ഷി​ണ ഏ​ഷ്യ എ​ന്നി​ങ്ങ​നെ​യു​ള്ള വി​ക​സ്വ​ര രാ​ജ്യ​ങ്ങ​ളി​ലൂ​ടെ അ​ന്താ​രാ​ഷ്ട്ര മൂ​ല​ധ​നം ഒ​ഴു​കി​യെ​ത്തു​ന്നു. ഇ​ന്ത്യ അ​തി​ല്‍ സ്ഥാ​നം​പി​ടി​ക്കു​ന്ന​ത് അ​തി​ന്റെ ഛത്തി​സ്ഗ​ഢ് പോ​ലു​ള്ള പ്ര​ദേ​ശ​ങ്ങ​ളി​ലു​ള്ള ധാ​തു​ല​വ​ണ​ങ്ങ​ളു​ടെ സ​മ്പു​ഷ്ട​ത​കൊ​ണ്ടാ​ണ്. പ്ര​ധാ​ന​മാ​യും മ​ധ്യേ​ന്ത്യ​യി​ലെ ധാ​തു സ​മ്പു​ഷ്ട​മാ​യ പ്ര​ദേ​ശ​ങ്ങ​ളി​ലേ​ക്കാ​ണ് ഈ ​മൂ​ല​ധ​നം കു​തി​ച്ചെ​ത്തി​യ​ത്. ഛത്തി​സ്ഗ​ഢി​ല്‍ സ​ര്‍ക്കാ​ർ നൂ​റി​ല​ധി​കം ക​മ്പ​നി​ക​ളു​മാ​യി MOUക​ള്‍ ഒ​പ്പി​ട്ടി​ട്ടു​ണ്ട്. ജ​ന​ങ്ങ​ള്‍ താ​മ​സി​ക്കു​ന്ന ഈ ​പ്ര​ദേ​ശ​ങ്ങ​ളൊ​ക്കെ ഈ ​ക​മ്പ​നി​ക​ള്‍ക്ക് ഖ​ന​നം ചെ​യ്തെ​ടു​ക്കാ​ന്‍വേ​ണ്ടി, അ​വി​ട​ത്തെ ആ​ളു​ക​ളെ അ​വി​ടെ​നി​ന്നും കു​ടി​യൊ​ഴി​പ്പി​ക്കു​ന്ന​തി​നാ​യി അ​വ​ര്‍ നി​യ​മ​വി​രു​ദ്ധ​മാ​യി സല്‍വാ​ജുദൂമെ​ന്ന സേ​ന​ക്ക് രൂ​പം കൊ​ടു​ത്തു. 5000 ഗു​ണ്ട​ക​ളെ​യാ​ണ് അ​തി​ലേ​ക്ക് നി​യ​മി​ച്ച​ത്. അ​വ​ര്‍ക്ക് ആ​യു​ധ​ങ്ങ​ള്‍ കൊ​ടു​ത്തു, അ​വ​രെ സ്പെ​ഷ​ല്‍ പൊ​ലീ​സ് ഓ​ഫി​സ​ര്‍മാ​ര്‍ (SPO) എ​ന്ന് വി​ളി​ച്ചു. അ​ർ​ധ​സൈ​നി​ക വി​ഭാ​ഗ​ങ്ങ​ളും അ​വ​രെ പി​ന്തു​ണ​ച്ചി​രു​ന്നു. ഈ ​സേ​ന ഗ്രാ​മ​ങ്ങ​ളെ ക​ട​ന്നാ​ക്ര​മി​ക്കാ​ന്‍ ആ​രം​ഭി​ച്ചു. 644 ഗ്രാ​മ​ങ്ങ​ള്‍ അ​വ​ര്‍ അ​ഗ്നി​ക്കി​ര​യാ​ക്കി. ഗ്രാ​മ​വാ​സി​ക​ളാ​യ ആ​യി​ര​ങ്ങ​ള്‍ കൊ​ല്ല​പ്പെ​ടു​ക​യും അ​ത്ര​ത​ന്നെ ആ​ളു​ക​ള്‍ ജ​യി​ലി​ല​ട​ക്ക​പ്പെ​ടു​ക​യും അ​തി​ലേ​റെ സ്ത്രീ​ക​ള്‍ ബ​ലാ​ത്സം​ഗം​ചെ​യ്യ​പ്പെ​ടു​ക​യും ചെ​യ്തു. ഞ​ങ്ങ​ള്‍ ഇ​തി​നെ​തി​രെ ശ​ബ്ദി​ച്ചു. കോ​ട​തി​യി​ല്‍ കേ​സു​ക​ള്‍ കൊ​ടു​ത്തു. പ​ത്ര​മാ​ധ്യ​മ​ങ്ങ​ളി​ല്‍ ഇ​തേ​ക്കു​റി​ച്ചു​ള്ള വാ​ര്‍ത്ത​ക​ള്‍ വ​രു​ത്തി. അ​ങ്ങ​നെ​യാ​ണ് ക്ഷേ​മ​പ്ര​വ​ർ​ത്ത​ന​ങ്ങ​ളി​ൽ​നി​ന്ന് മ​നു​ഷ്യാ​വ​കാ​ശ പ്ര​വ​ർ​ത്ത​ന​ങ്ങ​ളി​ലേ​ക്ക് ഞ​ങ്ങ​ൾ മാ​റു​ന്ന​ത്. സ​ര്‍ക്കാ​ര്‍ ഉ​ദ്യോ​ഗ​സ്ഥ​ർ​ക്ക് പ്രി​യ​പ്പെ​ട്ട സം​ഘ​ട​ന എ​ന്ന നി​ല​യി​ല്‍നി​ന്നും അ​ങ്ങ​നെ ഞ​ങ്ങ​ള്‍ അ​വ​രു​ടെ ശ​ത്രു സം​ഘ​ട​ന​യാ​യി മാ​റി. ഞ​ങ്ങ​ളു​ടെ ആ​ശ്ര​മം നി​യ​മ​വി​രു​ദ്ധ​മാ​ണെ​ന്ന് പ​റ​ഞ്ഞ് ഒ​രു നോ​ട്ടീ​സ് കി​ട്ടി. 2009ല്‍ ​ആ​ശ്ര​മം അ​വ​ര്‍ ബു​ള്‍ഡോ​സ​ര്‍ കൊ​ണ്ടു​വ​ന്ന് ത​ക​ര്‍ത്ത് ത​രി​പ്പ​ണ​മാ​ക്കി. 5 പ്രാ​വ​ശ്യം പൊ​ലീ​സ് എ​ന്നെ കൊ​ല്ലാ​ന്‍ ശ്ര​മി​ച്ചു. ഒ​ടു​വി​ല്‍ ശ​രി​ക്കും കൊ​ല്ല​പ്പെ​ടു​മാ​യി​രു​ന്ന ഒ​രു ആ​ക്ര​മ​ണ​ത്തി​നുശേ​ഷം രാ​ത്രി​യി​ല്‍ ഞ​ങ്ങ​ള്‍ ഛത്തി​സ്ഗ​ഢ് വി​ട്ടു. ഇ​പ്പോ​ള്‍ ക​ഴി​ഞ്ഞ പ​ത്തു വ​ര്‍ഷ​മാ​യി അ​ങ്ങോ​ട്ട് ക​ട​ന്നി​ട്ടി​ല്ല. 2010 ജ​നു​വ​രി 4നാ​യി​രു​ന്നു അ​ത്. അ​ന്ന് സ​ര്‍ക്കാ​ര്‍ പു​റ​പ്പെ​ടു​വി​ച്ച ഒ​രു ഉ​ത്ത​ര​വ് പ്ര​കാ​രം 10 വ​ർ​ഷ​ത്തേ​ക്ക് എ​നി​ക്ക് ഛത്തി​സ്ഗ​ഢി​ലേ​ക്ക് പ്ര​വേ​ശ​ന​വി​ല​ക്കാ​യി​രു​ന്നു.

ഛത്തി​സ്ഗ​ഢി​ന്റെ വി​ക​സ​ന​ത്തി​നാ​യാ​ണ് സ​ർ​ക്കാ​ർ റോ​ഡു​ക​ൾ പ​ണി​യു​ന്ന​ത് എ​ന്നും വി​ക​സ​ന വി​രോ​ധി​ക​ളാ​യ മാ​വോ​വാ​ദി​ക​ൾ അ​നാ​വ​ശ്യ​മാ​യി അ​തി​ന് എ​തി​രു നി​ൽ​ക്കു​ക​യാ​ണ് എ​ന്നു​മു​ള്ള ആ​രോ​പ​ണ​ത്തെ എ​ങ്ങ​നെ കാ​ണു​ന്നു?

വി​ക​സ​നം ന​ല്ല​താ​ണ്. അ​തി​നൊ​പ്പ​മാ​ണ്​ ഞാ​നും. പ​ക്ഷേ ആ​രു​ടെ വി​ക​സ​നം? റോ​ഡു​ക​ൾ പ​ണി​യു​ന്നു, അ​ങ്ങ​നെ പ​ല​തും ന​ട​ക്കു​ന്നു. ഇ​തെ​ല്ലാം എ​ന്തി​നു​വേ​ണ്ടി ചെ​യ്യു​ന്നു? ഭ​ര​ണ​കൂ​ടം അ​വി​ടെ മു​ഴു​വ​ന്‍ അ​ർ​ധ​സൈ​നി​ക വി​ഭാ​ഗ​ങ്ങ​ളെ കൊ​ണ്ടു​വ​ന്നു വി​ന്യ​സി​ച്ചി​രി​ക്കു​ക​യാ​ണ്. വ​ൻ യു​ദ്ധ​സ​ന്നാ​ഹ​ങ്ങ​ളാ​ണ് അ​വി​ടെ​യെ​ല്ലാം. ആ​ദി​വാ​സി​ക​ളു​ടെ സം​ര​ക്ഷ​ണ​ത്തി​നാ​യ​ല്ല അ​വ​ർ ഇ​ത് ചെ​യ്യു​ന്ന​ത്. മ​റി​ച്ച് ആ ​പ്ര​ദേ​ശ​ങ്ങ​ളി​ലു​ള്ള പ്ര​കൃ​തി​വി​ഭ​വ​ങ്ങ​ളും സ​മ്പു​ഷ്ട​മാ​യ ധാ​തു​വി​ഭ​വ​ങ്ങ​ളും ഖ​ന​നം ചെ​യ്തെ​ടു​ക്കു​ന്ന​തി​നാ​യാ​ണ്‌. നീ​ലം (ബ്ലൂ ​ഡ​യ​മ​ണ്ട്), റൂ​ബി (റെ​ഡ് ഡ​യ​മ​ണ്ട്), ഇ​രു​മ്പ് അ​യി​ര് എ​ന്നി​വ​യാ​ണ് ഛത്തി​സ്ഗ​ഢി​ലെ പ്ര​ധാ​ന​പ്പെ​ട്ട ധാ​തു​വി​ഭ​വ​ങ്ങ​ൾ. 70 ശ​ത​മാ​നം ശു​ദ്ധ​മാ​യ ഇ​രു​മ്പ​യി​ര് അ​വി​ടെ​യാ​ണു​ള്ള​ത്. ഏ​ഷ്യ​യി​ല്‍ ഏ​റ്റ​വും ന​ല്ല ക്വാ​ളി​റ്റി ഇ​രു​മ്പ് അ​യി​ര് അ​വി​ടെ​യാ​ണ് കി​ട്ടു​ക. മൊ​ത്തം ടി​ൻ ഉ​ൽ​പാ​ദ​ന​ത്തി​ന്റെ 70 ശ​ത​മാ​നം ദ​ന്തേ​വാ​ഡ ജി​ല്ല​യി​ലാ​ണു​ള്ള​ത്. പി​ന്നെ അ​വി​ടെ സ്വ​ര്‍ണ​വു​മു​ണ്ട്. ഇ​തെ​ല്ലാം ഖ​ന​നം ചെ​യ്തെ​ടു​ക്കു​ക​യാ​ണ്. ന​മ്മു​ടെ രാ​ജ്യ​ത്തെ വ​മ്പി​ച്ച വി​ക​സ​ന​ത്തി​ലേ​ക്കും പു​രോ​ഗ​തി​യി​ലേ​ക്കും​കൊ​ണ്ടെ​ത്തി​ക്കു​ന്ന​തി​നാ​യ​ല്ല. മ​റി​ച്ച്, പ​ണ​ക്കാ​രാ​യ ആ​ളു​ക​ളെ കൂ​ടു​ത​ല്‍ പ​ണ​ക്കാ​രാ​ക്കു​ന്ന​തി​നും കോ​ർ​പ​റേ​റ്റ് മു​ത​ലാ​ളി​മാ​രു​ടെ കൈ​യി​ല്‍ കു​മി​ഞ്ഞു​കൂ​ടു​ന്ന സ​മ്പ​ത്ത് അ​മി​ത​മാ​യ തോ​തി​ൽ കൂ​ട്ടു​ന്ന​തി​നും​വേ​ണ്ടി​യാ​ണ്. അ​തി​നു​വേ​ണ്ടി അ​വ​ര​വി​ടെ ആ​ദി​വാ​സി​ക​ളോ​ട് ര​ക്ത​പ​ങ്കി​ല​മാ​യിത​ന്നെ യു​ദ്ധം​ചെ​യ്യു​ക​യാ​ണ്. അ​വ​ര​വി​ടെ നി​ർ​ബാ​ധം കൊ​ള്ള​യും കൊ​ല​യും ചെ​യ്യു​ന്നു. വം​ശ​ഹ​ത്യ ന​ട​ത്തു​ന്നു. ബ​ലാ​ത്സം​ഗ​ങ്ങ​ള്‍ ചെ​യ്യു​ന്നു. ഈ ​സം​ഭ​വ​ങ്ങ​ള്‍ പു​റ​ത്ത​റി​യാ​തി​രി​ക്കാ​ന്‍ വാ​ര്‍ത്ത​ക​ളെ മൂ​ടി​വെ​ക്കു​ക​യും മാ​ധ്യ​മ​ങ്ങ​ളെ അ​ടി​ച്ച​മ​ര്‍ത്തു​ക​യും ചെ​യ്യു​ന്നു. ഇ​ന്ത്യ​യി​ലെ മു​ഴു​വ​ന്‍ ജ​ന​ങ്ങ​ളോ​ടു​മു​ള്ള യു​ദ്ധ​മാ​ണ് അ​ത്. അ​വ​രാ യു​ദ്ധ​ത്തെ വ്യാ​പി​പ്പി​ച്ചു​കൊ​ണ്ടി​രി​ക്കു​ക​യാ​ണ്. ആ​ദി​വാ​സി​ക​ള​ല്ലാ​ത്ത ജ​ന​വി​ഭാ​ഗ​ങ്ങ​ളി​ലേ​ക്കും നാ​ളെ ഈ ​യു​ദ്ധം വ്യാ​പി​ക്കും. കാ​ര​ണം, മു​ത​ലാ​ളി​ത്ത​ത്തി​ന്റെ ലാ​ഭ​ക്കൊ​തി ഒ​രി​ക്ക​ലും അ​ട​ങ്ങാ​ത്ത​താ​ണ്.

ഈ ​പോ​രാ​ട്ട​ങ്ങ​ളി​ല്‍ പ്രാ​ദേ​ശി​ക രാ​ഷ്ട്രീ​യ പാ​ര്‍ട്ടി​ക​ളു​ടെ നി​ല​പാ​ട് എ​ന്താ​ണ്? അ​വ​ര്‍ ഈ ​ജ​ന​ത​യെ പി​ന്തു​ണ​ക്കു​ന്നു​ണ്ടോ?

ചി​ല​പ്പോ​ഴൊ​ക്കെ സി.​പി.​ഐ ചി​ല പ്ര​ശ്ന​ങ്ങ​ള്‍ ഉ​യ​ര്‍ത്തി​ക്കൊ​ണ്ടു​വ​ന്നി​രു​ന്നു. കോ​ണ്‍ഗ്ര​സും ബി.​ജെ.​പി​യും ഒ​രേ​പോ​ലെ​യാ​ണ്. ബി.​ജെ.​പി അ​ധി​കാ​ര​ത്തി​ലി​രു​ന്ന​പ്പോ​ള്‍ കോ​ണ്‍ഗ്ര​സ് അ​വ​രു​ടെ ചി​ല ന​ട​പ​ടി​ക​ളെ എ​തി​ര്‍ത്തി​രു​ന്നു. എ​ന്നാ​ല്‍, ഇ​ന്ന് കോ​ണ്‍ഗ്ര​സ് അ​ധി​കാ​ര​ത്തി​ലേ​റി​യ​പ്പോ​ള്‍ അ​വ​ര്‍ അ​തേ കാ​ര്യം​ത​ന്നെ ചെ​യ്യു​ന്നു. ഉ​ദാ​ഹ​ര​ണ​ത്തി​ന്, 2009ല്‍ ​ഞ​ങ്ങ​ള്‍ ര​ണ്ട് കേ​സു​ക​ള്‍ കൊ​ടു​ത്തി​രു​ന്നു. ഒ​ന്ന് ഗോം​പാ​ഡി​ലാ​യി​രു​ന്നു. അ​തി​ന്റെ തീ​രു​മാ​നം ക​ഴി​ഞ്ഞ മാ​സം വ​ന്നു. മ​റ്റേ​ത് സി​ൻ​ഗാ​റാ​മി​ലാ​യി​രു​ന്നു. അ​വി​ടെ 19 ആ​ദി​വാ​സി​ക​ള്‍ കൊ​ല്ല​പ്പെ​ട്ട കേ​സാ​യി​രു​ന്നു. അ​തി​ന്റെ കേ​സ് ഞ​ങ്ങ​ള്‍ ഛത്തി​സ്ഗ​ഢ് ഹൈ​കോ​ർ​ട്ടി​ല്‍ ഫ​യ​ല്‍ചെ​യ്തു. കോ​ൺ​ഗ്ര​സ് അ​സം​ബ്ലി​യി​ല്‍ വാ​ക്ക്ഔ​ട്ട്‌ ന​ട​ത്തി. 30 കോ​ൺ​ഗ്ര​സ് എം.​എ​ൽ.​എ​മാ​രെ സ്പീ​ക്ക​ര്‍ സ​സ്പെ​ൻ​ഡ് ചെ​യ്തു. ഇ​പ്പോ​ള്‍ കോ​ൺ​ഗ്ര​സി​നാ​ണ് അ​ധി​കാ​രം. അ​വ​ര്‍ ഇ​പ്പോ​ള്‍ പ​റ​യു​ന്ന​ത് ഏ​റ്റു​മു​ട്ട​ല്‍ വാ​സ്ത​വ​മാ​ണെ​ന്നാ​ണ്. അ​ന്ന​ത്തെ മു​ഖ്യ​മ​ന്ത്രി കു​റ്റ​ക്കാ​ര​നാ​ണെ​ന്നും അ​ദ്ദേ​ഹം സു​ര​ക്ഷാ സൈ​നി​ക​രെ ദു​രു​പ​യോ​ഗം ചെ​യ്തു​വെ​ന്നും അ​തു​കൊ​ണ്ട് ആ ​ഏ​റ്റു​മു​ട്ട​ല്‍ വ്യാ​ജ​മാ​ണെ​ന്നും പ്രോ​സി​ക്യൂ​ട്ട​ര്‍ കോ​ട​തി​യി​ല്‍ പ​റ​ഞ്ഞാ​ല്‍ കോ​ൺ​ഗ്ര​സി​നു വ​ള​രെ നി​സ്സാ​ര​മാ​യി ഇ​തി​നു കാ​ര​ണ​ക്കാ​രാ​യ ആ​ളു​ക​ളെ പി​ടി​ച്ചു ജ​യി​ലി​ന​ക​ത്തി​ടാം. ബി.​ജെ.​പി മു​ഖ്യ​മ​ന്ത്രി​യാ​ണ് ആ ​കൊ​ല​പാ​ത​ക​ത്തി​ന് ഉ​ത്ത​ര​വു കൊ​ടു​ത്ത​ത്. പ​ക്ഷേ, കോ​ൺ​ഗ്ര​സ് അ​യാ​ളെ ര​ക്ഷി​ച്ചെ​ടു​ക്കു​ക​യാ​ണ്. എ​ന്തു​കൊ​ണ്ടാ​ണ് അ​വ​രി​ങ്ങ​നെ പ​ര​സ്പ​രം ര​ക്ഷി​ച്ചെ​ടു​ക്കു​ന്ന​തെ​ന്ന് എ​നി​ക്ക് മ​ന​സ്സി​ലാ​കു​ന്നി​ല്ല.

ഈ​യ​ടു​ത്താ​യി യു.​എ.​പി.​എ നി​യ​മ​പ്ര​കാ​രം ത​ട​വി​ല​ട​ക്ക​പ്പെ​ട്ട 121 ആ​ദി​വാ​സി​ക​ള്‍ അ​ഞ്ചു വ​ര്‍ഷ​ങ്ങ​ള്‍ക്ക് ശേ​ഷം കു​റ്റ​മു​ക്ത​രാ​ക്ക​പ്പെ​ട്ടു. അ​വ​രു​ടെ വീ​ടു​ക​ളൊ​ക്കെ ന​ശി​പ്പി​ക്ക​പ്പെ​ട്ടി​രു​ന്നു. അ​വ​രെ​വി​ടെ പോ​കും? അ​വ​ർ​ക്ക് ന​ഷ്ട​പ​രി​ഹാ​രം ല​ഭ്യ​മാ​ക്കു​ന്ന​തി​നാ​യി ഞാ​ന്‍ മു​ഖ്യ​മ​ന്ത്രി​യോ​ട് സം​സാ​രി​ച്ചു, ക​ല​ക്ട​റോ​ട് സം​സാ​രി​ച്ചു, ഒ​രു മ​റു​പ​ടി​യും ര​ണ്ടു​പേ​ര്‍ക്കു​മി​ല്ലാ​യി​രു​ന്നു. രാ​ഹു​ല്‍ ഗാ​ന്ധി​യു​ടെ പ​ദ​യാ​ത്ര​യി​ല്‍ അ​തു​ന്ന​യി​ക്കാ​നാ​ണ് ഇ​പ്പോ​ൾ ഞ​ങ്ങ​ൾ പ​ദ്ധ​തി​യി​ട്ടി​രി​ക്കു​ന്ന​ത്. ക​ന്യാ​കു​മാ​രി​യി​ല്‍നി​ന്നും ക​ശ്മീ​ര്‍ വ​രെ അ​ദ്ദേ​ഹം പ​ദ​യാ​ത്ര ന​ട​ത്തു​ന്നു​ണ്ട്. ഞ​ങ്ങ​ള്‍ പ്ലാ​ന്‍ ചെ​യ്തി​രി​ക്കു​ന്ന​ത്, ഈ ​പ​ദ​യാ​ത്ര​യു​ടെ മു​ന്നി​ലാ​യി ഈ ​ആ​ദി​വാ​സി​ക​ള്‍ സം​ഘ​ടി​ച്ചെ​ത്തി ഞ​ങ്ങ​ൾ ഭി​ക്ഷ യാ​ചി​ച്ചു ന​ട​ക്കും. കോ​ൺ​ഗ്ര​സ് ഞ​ങ്ങ​ളെ ആ​ക്ര​മി​ക്ക​ട്ടെ.

കൊച്ചിയിൽ യു.എ.പി.എ വിരുദ്ധ സമ്മേളനത്തിൽ ഹിമാൻശു കുമാർ സംസാരിക്കുന്നു

യു.​എ.​പി.​എ നി​യ​മ​ങ്ങ​ള്‍ക്കെ​തി​രെ ശ​ക്ത​മാ​യ നി​ല​പാ​ട് എ​ടു​ത്തി​ട്ടു​ള്ള ആ​ളാ​ണ് താ​ങ്ക​ൾ. മ​റ്റാ​രെ​ല്ലാ​മാ​ണ് ഇ​ക്കാ​ര്യ​ത്തി​ൽ ആ​ദി​വാ​സി​ക​ളെ പി​ന്തു​ണ​ക്കു​ന്ന​ത്?

എ​ന്തി​നാ​ണ് യു.​എ.​പി.​എ? ന​മു​ക്ക് രാ​ജ്യ​ത്ത് ഇ​ന്ത്യ​ന്‍ പീ​ന​ല്‍ കോ​ഡ് അ​താ​യ​ത് IPC എ​ന്നൊ​ന്നു​ണ്ട്. ആ​രെ​ങ്കി​ലും എ​ന്തെ​ങ്കി​ലും തെ​റ്റ് ചെ​യ്താ​ല്‍ അ​വ​രെ വി​ചാ​ര​ണ ചെ​യ്ത് ജ​യി​ലി​ലി​ടാ​ന്‍ ഇ​തുത​ന്നെ ധാ​രാ​ള​മാ​ണ്. എ​ന്നാ​ൽ, യു.​എ.​പി.​എ സ​ര്‍ക്കാ​റി​നെ വി​മ​ര്‍ശി​ക്കു​ന്ന​വ​ര്‍ക്കുവേ​ണ്ടി​യു​ള്ള​താ​ണ്. സ​ര്‍ക്കാ​റി​ന്റെ പ​ദ്ധ​തി​ക​ളെ​ക്കു​റി​ച്ച്, സാ​മ്പ​ത്തി​ക ന​യ​ങ്ങ​ളെക്കുറി​ച്ച് ഒ​ക്കെ ഗൗ​ര​വ​ത​ര​മാ​യ ചോ​ദ്യ​ങ്ങ​ള്‍ ചോ​ദി​ക്കു​ന്ന​വ​ര്‍ക്ക്, വാ​യി​ക്കു​ന്ന​വ​ര്‍ക്ക്, പ്ര​വ​ര്‍ത്തി​ക്കു​ന്ന​വ​ര്‍ക്ക്. ഇ​വ​ർ​ക്കൊ​ക്കെ വേ​ണ്ടി​യാ​ണ് യു.​എ.​പി.​എ എ​ന്ന നി​യ​മം ഉ​ണ്ടാ​ക്കി​യി​രി​ക്കു​ന്ന​ത്. ഇ​പ്പോ​ള്‍ ഈ ​നി​യ​മ​പ്ര​കാ​രം ജ​യി​ലി​ല്‍ കി​ട​ക്കു​ന്ന ആ​ളു​ക​ളെ മാ​ത്രം നോ​ക്കി​യാ​ല്‍ ന​മു​ക്ക് അ​ത് മ​ന​സ്സി​ലാ​കും. അ​വ​രി​ല്‍ അ​ഭി​ഭാ​ഷ​ക​ര്‍, പ​ത്ര​പ്ര​വ​ര്‍ത്ത​ക​ര്‍, രാ​ഷ്ട്രീ​യ പ്ര​വ​ര്‍ത്ത​ക​ര്‍ എ​ല്ലാ​വ​രു​മു​ണ്ട്. കാ​ര​ണം, അ​വ​ര്‍ സ​ര്‍ക്കാ​റി​ന്റെ സാ​മ്പ​ത്തി​ക ന​യ​ങ്ങ​ളെക്കുറി​ച്ച് ഗൗ​ര​വ​ത​ര​മാ​യ ചോ​ദ്യ​ങ്ങ​ള്‍ ഉ​ന്ന​യി​ക്കു​ന്നു. ഭ​ര​ണ​കൂ​ടം ചോ​ദ്യ​ങ്ങ​ളെ ഭ​യ​ക്കു​ന്നു. എ​ന്തു​കൊ​ണ്ട്?

ആ​ദി​വാ​സി​ക​ളു​ടെ പോ​രാ​ട്ട​ത്തി​ന് പി​ന്തു​ണ​ക്കാ​ന്‍ ഇ​പ്പോ​ൾ ഒ​രു​പാ​ട് ആ​ളു​ക​ളൊ​ന്നും അ​വ​ശേ​ഷി​ക്കു​ന്നി​ല്ല. സ​ര്‍ക്കാ​ര്‍ ബോ​ധ​പൂ​ർ​വം​ത​ന്നെ എ​ല്ലാ​വ​രെ​യും അ​തി​ൽ​നി​ന്ന് മാ​റ്റി​നി​ർ​ത്തു​ന്നു. ബി​നാ​യ​ക് സെ​ന്‍, പി​ന്നെ എ​ന്നെ​യും മ​റ്റ് എ​ല്ലാ​വ​രെ​യും. എ​ന്നാ​ൽ, ഇ​പ്പോ​ള്‍ സ്ത്രീ​ക​ള്‍ ഉ​ള്‍പ്പെ​ടെ​യു​ള്ള പ്രാ​ദേ​ശി​ക നേ​താ​ക്ക​ൾ ഉ​യ​ര്‍ന്നു​വ​രു​ന്നു​ണ്ട്. ഈ 121 ​പേ​രു​ടെ കേ​സ് നോ​ക്കു​ന്ന​ത് ബേ​ല ഭാ​ട്ടി​യ​യാ​ണ്. പി.​യു.​സി.​എ​ല്ലും ഉ​ണ്ട്.

പു​തി​യ നേ​തൃ​ത്വ​ങ്ങ​ള്‍ ഉ​യ​ര്‍ന്നു​വ​ന്നു​വെ​ന്ന് പ​റ​ഞ്ഞ​ത് ആ​ദി​വാ​സി വി​ഭാ​ഗ​ങ്ങ​ളി​ല്‍നി​ന്ന് ത​ന്നെ​യാ​ണോ?

അ​തേ. 12 പ്ര​ദേ​ശ​ങ്ങ​ളി​ല്‍ ആ​ദി​വാ​സി ഊ​രു​ക​ളി​ൽ അ​വി​ട​ങ്ങ​ളി​ലെ സേ​നാ വി​ന്യാ​സ​ത്തി​നെ​തി​രെ, അ​വി​ട​ങ്ങ​ളി​ൽ ക്യാ​മ്പു​ക​ള്‍ സ്ഥാ​പി​ക്കു​ന്ന​തി​നെ​തി​രെ, ജ​ന​ങ്ങ​ളു​ടെ അ​നു​വാ​ദ​മി​ല്ലാ​തെ റോ​ഡു​ക​ള്‍ സ്ഥാ​പി​ക്കു​ന്ന​തി​നെ​തി​രെ, പെ​സ നി​യ​മം പാ​ലി​ക്കാ​ത്ത​തി​നെ​തി​രെ ഒ​ക്കെ​യാ​ണ് പ്ര​തി​ഷേ​ധ​ങ്ങ​ള്‍ ഉ​യ​രു​ന്ന​ത്. അ​വ​രി​ല്‍ പ​ല​ര്‍ക്കു​മെ​തി​രെ ക​ള്ള​ക്കേ​സു​ക​ള്‍ ചു​മ​ത്തി​യി​ട്ടു​ണ്ട്.

ആ ​ഉ​യ​ര്‍ച്ച​യെ താ​ങ്ക​ള്‍ എ​ങ്ങ​നെ വി​ല​യി​രു​ത്തു​ന്നു?

അ​ത് വ​ള​രെ ജൈ​വ​മാ​യ ഒ​രു വി​കാ​സ​മാ​ണ്. പു​തി​യ നി​ല​യി​ലു​ള്ള വി​ദ്യാ​ഭ്യാ​സം, സോ​ഷ്യ​ല്‍ മീ​ഡി​യ, സം​ഘാ​ട​നം അ​ങ്ങ​നെ പ​ല ഘ​ട​ക​ങ്ങ​ളി​ലൂ​ടെ​യും രൂ​പ​പ്പെ​ട്ട ഒ​ന്നാ​ണ്. അ​ത​ങ്ങ​നെ സ്വാ​ഭാ​വി​ക​മാ​യി ഉ​യ​ര്‍ന്നുവ​ന്ന​താ​ണ്. അ​വ​ര്‍ പെ​സ നി​യ​മം, ആ​ദി​വാ​സി​ക​ളു​ടെ അ​വ​കാ​ശ​ങ്ങ​ള്‍, പ​ഞ്ചാ​യ​ത്തീ​രാ​ജ് അ​ങ്ങ​നെ​യു​ള്ള പ​ല കാ​ര്യ​ങ്ങ​ളെക്കുറി​ച്ചു​ള്ള ട്രെ​യ്നി​ങ് ക്യാ​മ്പു​ക​ള്‍ സ്വ​ന്ത​മാ​യിത​ന്നെ സം​ഘ​ടി​പ്പി​ക്കു​ന്നു​ണ്ട്. അ​ങ്ങ​നെ പു​തി​യ നി​ര​യെ ഉ​ണ്ടാ​ക്കി​യെ​ടു​ക്കു​ന്നു.

അ​ടു​ത്തി​ടെ സു​പ്രീം​കോ​ട​തി താ​ങ്ക​ൾ​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്ന് പ​റ​ഞ്ഞ് ഉ​ത്ത​ര​വ് പു​റ​പ്പെ​ടു​വി​ച്ചി​രു​ന്ന​ല്ലോ. എ​ന്താ​യി​രു​ന്നു ആ ​സു​പ്രീം​കോ​ട​തി കേ​സ്?

2005ൽ ഛ​ത്തി​സ്ഗ​ഢ് സ​ര്‍ക്കാ​ര്‍ അ​വി​ട​ത്തെ ആ​ദി​വാ​സി​ക​ളെ കു​ടി​യൊ​ഴി​പ്പി​ച്ച് ആ ​ഭൂ​മി കോ​ർ​പ​റേ​റ്റു​ക​ള്‍ക്ക് കൊ​ടു​ക്കു​ന്ന​തി​നുവേ​ണ്ടി അ​ക്ര​മാ​സ​ക്ത​മാ​യ ഒ​രു സാ​യു​ധ​ന​ട​പ​ടി ആ​രം​ഭി​ച്ചു. നി​യ​മ​വി​രു​ദ്ധ​മാ​യി രൂ​പ​വ​ത്ക​രി​ക്ക​പ്പെ​ട്ട സല്‍വാ​ജുദൂം അ​ന്ന് ന​ട​ത്തി​യ ആ ​കാ​മ്പ​യി​നി​ല്‍ കൊ​ടും ക്രൂ​ര​ത​ക​ൾ ഗ്രാ​മീ​ണ​ർ​ക്കുമേ​ൽ ന​ട​മാ​ടി. അ​തി​ക്ര​മ​ങ്ങ​ൾ​ക്കി​ര​യാ​യ ആ​ദി​വാ​സി​ക​ളെ ഞ​ങ്ങ​ള്‍ സ​ഹാ​യി​ച്ചു. അ​വ​രു​ടെ പ്ര​ശ്നം പൊ​തു​സ​മൂ​ഹ​ത്തി​ല്‍ ഉ​യ​ര്‍ത്തി​ക്കൊ​ണ്ടു​വ​രുക​യും കേ​സ് കോ​ട​തി​യി​ല്‍ വ​രു​ത്തു​ക​യും ചെ​യ്തു. സല്‍വാ​ജുദൂം ന​ട​ത്തി​യ ഈ ​മി​ലി​ഷ്യ ഓ​പ​റേ​ഷ​ന്‍ വ​ഴി അ​നേ​ക​മ​നേ​കം വം​ശ​ഹ​ത്യ​ക​ള്‍ ന​ട​ന്നി​രു​ന്നു. അ​ക്കൂ​ട്ട​ത്തി​ല്‍ ഗോം​പാ​ഡ് എ​ന്നൊ​രു ഗ്രാ​മ​മു​ണ്ടാ​യി​രു​ന്നു. ഗോം​പാ​ഡ് ഇ​ന്ന് സു​ക്മ ജി​ല്ല​യി​ലാ​ണു​ള്ള​ത്. 16 ആ​ദി​വാ​സി​ക​ള്‍ അ​വി​ടെ കൊ​ല്ല​പ്പെ​ട്ടി​രു​ന്നു. 2009ലാ​ണ​ത് ന​ട​ന്ന​ത്. ര​ണ്ടു വ​യ​സ്സാ​യ ഒ​രു കൊ​ച്ചു​കു​ട്ടി​യു​ടെ മൂ​ന്നു വി​ര​ലു​ക​ള്‍ അ​വ​ര്‍ ഛേദി​ച്ചു​ക​ള​ഞ്ഞി​രു​ന്നു. ത​ല​യ​റു​ത്തു കൊ​ല്ല​പ്പെ​ട്ട ത​ന്റെ അ​മ്മ​യു​ടെ മ​ടി​യി​ല്‍ ആ​യി​രു​ന്നു അ​വ​ന്‍. അ​വ​രു​ടെ ഇ​ള​യ​സ​ഹോ​ദ​രി​യും സു​ര​ക്ഷാ ജീ​വ​ന​ക്കാ​രാ​ല്‍ കൊ​ല്ല​പ്പെ​ട്ടി​രു​ന്നു. അ​വ​ന്റെ അ​മ്മൂ​മ്മ​യും അ​പ്പൂ​പ്പ​നും കൊ​ല്ല​പ്പെ​ട്ടി​രു​ന്നു. മ​റ്റൊ​രു സ്ത്രീ​യു​ടെ മു​ല അ​രി​ഞ്ഞു​ക​ള​ഞ്ഞി​രു​ന്നു. മ​റ്റൊ​രു പു​രു​ഷ​ന്റെ വ​യ​ര്‍ പി​ള​ർ​ന്നി​ട്ടാ​ണ് കൊ​ന്നു​ക​ള​ഞ്ഞ​ത്. ഈ ​കൊ​ല്ല​പ്പെ​ട്ട ആ​ളു​ക​ളു​ടെ​യെ​ല്ലാം കു​ടും​ബാം​ഗ​ങ്ങ​ളെ ഞ​ങ്ങ​ള്‍ പോ​യി ക​ണ്ടു. അ​വ​രെ ഡ​ൽ​ഹി​യി​ൽ കൊ​ണ്ടു​വ​ന്ന് ഒ​രു മീ​റ്റി​ങ് സം​ഘ​ടി​പ്പി​ച്ചു. ഉ​ട​ന​ടി ഒ​രു വ​സ്തു​താ​ന്വേ​ഷ​ണ സം​ഘ​ത്തെ ത​യാ​റാ​ക്കി. പി.​യു.​സി.​എ​ല്‍, പി.​യു.​ഡി.​ആ​ര്‍ എ​ന്നി​വ​രും സു​ധാ ഭ​ര​ദ്വാ​ജും ഉ​ള്‍പ്പെ​ടെ​യു​ള്ള​വ​ര്‍ പ​ങ്കാ​ളി​ക​ളാ​യിക്കൊ​ണ്ടു​ള്ള വ​സ്തു​താ​ന്വേ​ഷ​ണ സം​ഘ​മാ​യി​രു​ന്നു അ​ത്. 2009ല്‍ ​ഈ ആ​ദി​വാ​സി​ക​ള്‍ ഡ​ല്‍ഹി​യി​ല്‍ വ​ന്നി​ട്ട് സു​പ്രീം​കോ​ട​തി​യി​ല്‍ ഒ​രു റി​ട്ട് പെ​റ്റി​ഷ​ന്‍ കൊ​ടു​ത്തു. 13 വ​ര്‍ഷ​ങ്ങ​ള്‍ക്കുശേ​ഷം ഇ​പ്പോ​ള്‍, ഈ ​പ​രാ​തി ത​ന്നി​രി​ക്കു​ന്ന ഹി​മാ​ൻ​ശു കു​മാ​റും ആ​ദി​വാ​സി​ക​ളും വ്യാ​ജ​മാ​യ പ​രാ​തി​യാ​ണ് ത​ന്നി​രി​ക്കു​ന്ന​തെ​ന്നും അ​യാ​ളെ മാ​തൃ​കാ​പ​ര​മാ​യി ശി​ക്ഷി​ക്ക​ണ​മെ​ന്നും പ​റ​ഞ്ഞു​കൊ​ണ്ട് സു​പ്രീം​കോ​ട​തി ഉ​ത്ത​ര​വ് വ​ന്നി​രി​ക്കു​ന്നു. ഇ​തൊ​രു വ്യാ​ജ കേ​സാ​ണ് എ​ന്ന് പ​റ​ഞ്ഞു സു​പ്രീം​കോ​ട​തി ആ ​പ്ലീ ഡി​സ്മി​സ് ചെ​യ്തു. എ​ന്നോ​ട് അ​ഞ്ചു ല​ക്ഷം രൂ​പ ഫൈ​ന്‍ അ​ട​ക്കാ​ന്‍ പ​റ​ഞ്ഞു. പി​ഴ​യ​ട​ക്കാ​ന്‍ അ​വ​രെ​നി​ക്ക് നാ​ല് ആ​ഴ്ച​ത്തെ സ​മ​യം ത​ന്നു. ഞാ​ന്‍ കോ​ട​തി​യി​ല്‍ പ​റ​ഞ്ഞു, ഞ​ങ്ങ​ള്‍ ഈ ​വി​ധി അം​ഗീ​ക​രി​ക്കു​ന്നി​ല്ല. കാ​ര​ണം, ഞ​ങ്ങ​ള്‍ ഒ​രു സ്വ​ത​ന്ത്ര​മാ​യ അ​ന്വേ​ഷ​ണം ആ​വ​ശ്യ​പ്പെ​ട്ടു. അ​ത് ചെ​യ്യാ​തെ നി​ങ്ങ​ള്‍ക്കെ​ങ്ങ​നെ ഇ​തൊ​രു വ്യാ​ജ പ​രാ​തി​യാ​ണെ​ന്നു ക​ണ്ടെ​ത്താ​ന്‍ ക​ഴി​യും? ര​ണ്ടാ​മ​ത്, ഒ​രു സ്വ​ത​ന്ത്രാ​ന്വേ​ഷ​ണം ന​ട​ത്താ​തെ നി​ങ്ങ​ള്‍ക്ക് ഒ​രി​ക്ക​ലും ഇ​ത് വ്യാ​ജ​മാ​ണോ അ​ല്ല​യോ എ​ന്ന് പ​റ​യാ​ന്‍ ക​ഴി​യി​ല്ല. ഈ ​രീ​തി​യി​ൽ പ​രാ​തി​ക്കാ​ര​നെ ശി​ക്ഷി​ക്കു​ന്ന രീ​തി ഒ​രി​ക്ക​ലും അം​ഗീ​ക​രി​ക്കാ​ന്‍ ക​ഴി​യി​ല്ല. അ​തു​കൊ​ണ്ട് ഞ​ങ്ങ​ള്‍ ഈ ​ഫൈ​ന്‍ അ​ട​ക്കാ​ന്‍ പോ​കു​ന്നി​ല്ല. വേ​ണ​മെ​ങ്കി​ല്‍ നി​ങ്ങ​ള്‍ ഞ​ങ്ങ​ളെ ജ​യി​ലി​ല​ട​ച്ചോ​ളൂ.

അ​തി​നു​ശേ​ഷം ഈ ​ജ​ഡ്ജ്മെ​ന്റി​നെ​തി​രെ വ്യാ​പ​ക​മാ​യ പ്ര​തി​ഷേ​ധം ഉ​യ​ര്‍ന്നു​വ​ന്നു. മാ​ധ്യ​മ​ങ്ങ​ളി​ല്‍ വി​പു​ല​മാ​യ വാ​ര്‍ത്ത​ക​ള്‍ വ​ന്നു. ആ​ഗ​സ്റ്റ് 11ന് ​നാ​ല് ആ​ഴ്ച​ക​ള്‍ ക​ഴി​ഞ്ഞു. പൊ​ലീ​സ് വ​ന്ന് വാ​തി​ലി​ല്‍ മു​ട്ടി​വി​ളി​ച്ച് പി​ടി​ച്ചു​കൊ​ണ്ടു​പോ​യി ജ​യി​ലി​ല​ട​ക്കു​ന്ന​തി​നാ​യി ഞാ​ന്‍ കാ​ത്തി​രി​ക്കു​ക​യാ​ണ്.

സു​പ്രീം​കോ​ട​തി​യി​ല്‍ എ​ക്സ്റ്റേ​ണ​ൽ ഏ​ജ​ൻ​സി കേ​സ് അ​ന്വേ​ഷി​ക്ക​ണ​മെ​ന്ന് പ​റ​ഞ്ഞ​ല്ലോ. അ​ത് എ​ങ്ങ​നെ​യു​ള്ള ഏ​ജ​ന്‍സി​യെയാണ് ഉ​ദ്ദേ​ശി​ച്ച​ത്?

ആ ​സ​മ​യം ഞ​ങ്ങ​ള്‍ ആ​വ​ശ്യ​പ്പെ​ട്ട​ത് ഒ​രു സ്പെ​ഷ​ല്‍ ഇ​ൻ​വെ​സ്റ്റി​ഗേ​ഷ​ന്‍ ഏ​ജ​ൻ​സി ആ​യി​ട്ട് സി.​ബി.​ഐ വ​ര​ണ​മെ​ന്നാ​ണ്. അ​ന്ന് ഛത്തി​സ്ഗ​ഢി​ല്‍ ബി.​ജെ.​പി​യാ​ണ് അ​ധി​കാ​ര​ത്തി​ല്‍. കേ​ന്ദ്ര​ത്തി​ൽ കോ​ൺ​ഗ്ര​സും. അ​പ്പോ​ള്‍ സി.​ബി.​ഐ ഒ​രി​ക്ക​ലും ഛത്തി​സ്ഗ​ഢ് ഭ​ര​ണ​കൂ​ട​ത്തെ പി​ന്തു​ണ​ക്കി​ല്ല എ​ന്നാ​ണ് ഞ​ങ്ങ​ള്‍ ക​രു​തി​യ​ത്. പ​ക്ഷേ, ഇ​പ്പോ​ള്‍ എ​ല്ലാം മാ​റി​മ​റി​ഞ്ഞു. സി.​ബി.​ഐ​യും ബി.​ജെ.​പി​ക്ക് കീ​ഴി​ലാണ്.

വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളി​ൽ അ​ഫ്സ്പ പോ​ലെ ഛത്തി​സ്ഗ​ഢി​ലും എ​ന്തെ​ങ്കി​ലും പ്ര​ത്യേ​ക നി​യ​മ​ങ്ങ​ള്‍ ഉ​ണ്ടോ ?

ഛത്തി​സ്ഗ​ഢ് പ​ബ്ലി​ക് സെ​ക്യൂ​രി​റ്റി ആ​ക്ട് ഉ​ണ്ട്. ഒ​രു അ​പ്ര​ഖ്യാ​പി​ത സം​ര​ക്ഷ​ണം സു​ര​ക്ഷാ ഉ​ദ്യോ​ഗ​സ്ഥ​ർ​ക്ക് അ​വി​ടെ നി​ല​നി​ൽ​ക്കു​ന്നു​ണ്ട്. ഒ​രു കേ​സില്‍പോ​ലും സു​ര​ക്ഷാ സൈ​നി​ക​ര്‍ക്കെ​തി​രെ ഒ​രു ജ​ഡ്ജ്മെ​ന്റ് പോ​ലും ഉ​ണ്ടാ​കു​ന്നി​ല്ല. അ​പ്പോ​ള്‍ കോ​ട​തി​യി​ല്‍നി​ന്നും കി​ട്ടു​ന്ന ഈ ​സം​ര​ക്ഷ​ണം അ​വ​ര്‍ ആ​സ്വ​ദി​ക്കു​ന്ന ഒ​ര​വ​സ്ഥ വ​ന്നു​ചേ​രു​ന്നു​ണ്ട്.

1992ൽ ​നി​ങ്ങ​ള്‍ അ​വി​ടെ ചെ​ന്ന​പ്പോ​ഴും ഇ​പ്പോ​ഴു​മു​ള്ള അ​വ​സ്ഥ​ക്ക് അ​ല്ലെ​ങ്കി​ല്‍ ഭ​ര​ണ​കൂ​ട അ​ടി​ച്ച​മ​ർ​ത്ത​ലി​ന് എ​ങ്ങ​നെ​യാ​ണ് മാ​റ്റം വ​ന്നി​ട്ടു​ള്ള​ത്?

1984 ലാ​ണ് അ​വി​ടെ മാ​വോ​വാ​ദി​ക​ള്‍ വ​രു​ന്ന​ത്. അ​പ്പോ​ൾ വ​ള​രെ ഒ​റ്റ​പ്പെ​ട്ട ഏ​റ്റു​മു​ട്ട​ൽ കൊ​ല​ക​ൾ മാ​ത്ര​മാ​ണു​ണ്ടാ​യി​രു​ന്ന​ത്. 2005നു ​ശേ​ഷ​മാ​ണ​ത് വ്യാ​പ​ക​വും അ​ത്ര​മാ​ത്രം ഭീ​ക​ര​വു​മാ​യി മാ​റി​യ​ത്. അ​തു​വ​രെ ആ​ദി​വാ​സി​ക​ളെ എ​ല്ലാ ആ​ളു​ക​ളും സാ​മ്പ​ത്തി​ക​മാ​യും ശാ​രി​രീ​ക​മാ​യും ദു​രു​പ​യോ​ഗം ചെ​യ്യു​ക​യും ചൂ​ഷ​ണം​ചെ​യ്യു​ക​യും സ്ത്രീ​ക​ളെ ബ​ലാ​ത്സം​ഗം ചെ​യ്യു​ക​യും ചെ​യ്തു​പോ​ന്നു. കോ​ൺ​ട്രാ​ക്ട​ര്‍മാ​ർ, ക​ച്ച​വ​ട​ക്കാ​ർ, ഉ​ദ്യോ​ഗ​സ്ഥ​ർ അ​ങ്ങ​നെ എ​ല്ലാ വി​ഭാ​ഗ​ത്തി​ലും​പെ​ട്ട ആ​ളു​ക​ള്‍ ഇ​ത് ചെ​യ്തു​പോ​ന്നു. മാ​വോ​വാ​ദി​ക​ള്‍ വ​ന്ന​ശേ​ഷം ഇ​ത്ത​ര​ത്തി​ല്‍ ചൂ​ഷ​ണം​ചെ​യ്യു​ന്ന​വ​രെ തേ​ടി​പ്പി​ടി​ച്ച് അ​വ​ര്‍ ശി​ക്ഷി​ക്കു​മെ​ന്ന ഭ​യം​കൊ​ണ്ട് അ​ത്ത​രം ചൂ​ഷ​ണ​ങ്ങ​ള്‍ ഒ​ക്കെ അ​ത്ര ക​ഠി​ന​മാ​യി ന​ട​ക്കു​ന്ന​ത് ഇ​ല്ലാ​താ​യി. അ​പ്പോ​ള്‍ ആ​ദി​വാ​സി​ക​ള്‍ ആ ​സ​മ​യം മാ​വോ​വാ​ദി​ക​ളാ​ല്‍ സം​ര​ക്ഷി​ക്ക​പ്പെ​ട്ടി​രു​ന്നു. പി​ന്നീ​ട് സല്‍വാ​ജുദൂമും മ​റ്റ് സേ​ന​ക​ളും ക​ട​ന്നു​വ​ന്ന​തോ​ടെ എ​ല്ലാ​റ്റി​നും വ്യ​ത്യാ​സ​മു​ണ്ടാ​യി. വ​ള​രെ വി​പു​ല​മാ​യ തോ​തി​ല്‍ ആ​ക്ര​മ​ണ​മു​ണ്ടാ​യി. മാ​വോ​വാ​ദി​ക​ളും എ​ണ്ണ​ത്തി​ല്‍ കൂ​ടി. കാ​ര​ണം, ആ​യി​ര​ത്തി​ലേ​റെ ഗ്രാ​മ​ങ്ങ​ളെ ഭ​ര​ണ​കൂ​ടം ആ​ക്ര​മി​ക്കു​മ്പോ​ൾ അ​വ​രെ പ്ര​തി​രോ​ധി​ക്കാ​ൻ ചെ​റു​പ്പ​ക്കാ​ർ ഗ​റി​ല​ക​ളാ​യി മാ​റു​ക​യാ​ണ്. അ​വി​ടെ മ​റ്റൊ​രു ഓ​പ്ഷ​ൻ ഇ​ല്ല. ത​ങ്ങ​ളെ ആ​ക്ര​മി​ക്കു​ന്ന സേ​ന​യെ അ​വ​ര്‍ എ​തി​ര്‍ക്കു​ന്ന​ത് സം​ഘ​ടി​ത​രാ​യി അ​മ്പും വി​ല്ലു​മൊ​ക്കെ ഉ​പ​യോ​ഗി​ച്ചാ​ണ്. അ​തി​നെ ജ​ൻ​മി​ലി​ഷ്യ എ​ന്നാ​ണ് പ​റ​യു​ന്ന​ത്. ആ​യി​ര​ക്ക​ണ​ക്കി​ന് ചെ​റു​പ്പ​ക്കാ​ര്‍ ആ ​സേ​ന​യി​ല്‍ ചേ​ര്‍ന്നി​ട്ടു​ണ്ട്. മാ​വോ​വാ​ദി​ക​ളു​ടെ എ​ണ്ണം കു​റ​ച്ചി​ട്ടു​ണ്ടെ​ന്ന് സ​ര്‍ക്കാ​ര്‍ അ​വ​കാ​ശ​പ്പെ​ടു​ന്നു. എ​ന്നാ​ല്‍, വാ​സ്ത​വ​ത്തി​ല്‍ സല്‍വാ​ജുദൂം​കൊ​ണ്ട് മാ​വോ​വാ​ദി​ക​ളു​ടെ എ​ണ്ണ​ത്തി​ല്‍ വ​ന്‍വ​ർ​ധ​ന​യാ​ണ് ഉ​ണ്ടാ​യി​ട്ടു​ള്ള​ത്.

സു​പ്രീം​കോ​ട​തി കേ​സി​ല്‍ ഇ​നി​യെ​ന്താ​ണ് അ​ടു​ത്ത​പ​ടി?

ഞ​ങ്ങ​ള്‍ ഒ​രു റി​വ്യൂ പെ​റ്റി​ഷ​ന്‍ ഫ​യ​ല്‍ ചെ​യ്തി​ട്ടു​ണ്ട്. അ​തി​ന്റെ മ​റു​പ​ടി​ക്കാ​യി കാ​ത്തി​രി​ക്കു​ക​യാ​ണ്. ജ​ഡ്ജ്മെ​ന്റ് തി​രു​ത്തി​യാ​ല്‍ അ​തി​നെ ഞ​ങ്ങ​ള്‍ സ്വാ​ഗ​തം​ചെ​യ്യും. അ​ല്ല മ​റി​ച്ചാ​ണെ​ങ്കി​ല്‍ ജ​യി​ലി​ല്‍ പോ​കും. എ​ന്താ​യാ​ലും കാ​ത്തി​രി​ക്കു​ന്നു. എ​ന്തുത​ന്നെ​യാ​യാ​ലും ഞ​ങ്ങ​ള്‍ ജ​ന​ങ്ങ​ള്‍ക്ക് നീ​തി​വാ​ങ്ങി കൊ​ടു​ക്കു​ന്ന​തി​നും ആ ​പ്ര​ദേ​ശ​ങ്ങ​ളി​ല്‍ സ​മാ​ധാ​ന​മു​റ​പ്പി​ക്കു​ന്ന​തി​നും ആ​ദി​വാ​സി​ക​ളു​ടെ ജീ​വി​ത​ക്ലേ​ശ​ങ്ങ​ള്‍ നി​യ​മ​പ​ര​മാ​യും അ​ല്ലാ​തെ​യു​മു​ള്ള മാ​ർ​ഗ​ങ്ങ​ളി​ലൂ​ടെ കു​റ​ക്കു​ന്ന​തി​നും വേ​ണ്ടി​യു​ള്ള പോ​രാ​ട്ടം തു​ട​രു​ക​ത​ന്നെ ചെ​യ്യും.

ഭ​ഗ​ത് സി​ങ് തൂ​ക്കു​മ​ര​ച്ചു​വ​ട്ടി​ല്‍ നി​ന്നു​കൊ​ണ്ടെ​ഴു​തി​യ ക​ത്തി​ല്‍ അ​ദ്ദേ​ഹം പ​റ​യു​ന്നു​ണ്ട്: ''ഈ ​യു​ദ്ധം ഞാ​ന്‍ സ്വ​യം തി​ര​ഞ്ഞെ​ടു​ത്ത​ത​ല്ല. ബ്രി​ട്ടീ​ഷ് സാ​മ്രാ​ജ്യ​ത്വം എ​ന്റെമേ​ല്‍ അ​ടി​ച്ചേ​ൽ​പി​ച്ച​താ​ണ്. അ​വ​ര്‍ ന​മ്മു​ടെ വി​ഭ​വ​സ്രോ​ത​സ്സു​ക​ളും അ​ധ്വാ​നി​ക്കു​ന്ന ജ​ന​ങ്ങ​ളു​ടെ അ​ധ്വാ​ന​ത്തെ​യും ചൂ​ഷ​ണം​ചെ​യ്യു​ന്ന ഒ​രു വ്യ​വ​സ്ഥി​തി​യാ​ണ് ന​ട​പ്പാ​ക്കു​ന്ന​ത്. നാ​ളെ ബ്രി​ട്ടീ​ഷ് സാ​മ്രാ​ജ്യ​ത്വം ഇ​വി​ടന്നു പോ​യി​ക്ക​ഴി​ഞ്ഞാ​ലും ഈ ​വ്യ​വ​സ്ഥി​തി തു​ട​രു​ന്ന കാ​ല​ത്തോ​ളം അ​തി​നെ​തി​രാ​യു​ള്ള പോ​രാ​ട്ടം ന​മു​ക്ക് ന​ട​ത്തേ​ണ്ടി​വ​രും.'' ആ ​പോ​രാ​ട്ട​പാ​ത​യി​ലാ​ണ് ഇ​പ്പോ​ള്‍ ന​മ്മു​ടെ രാ​ജ്യം എ​ത്തിനി​ല്‍ക്കു​ന്ന​ത്. ആ ​യു​ദ്ധ​മാ​ണി​വി​ടെ ന​ട​ക്കു​ന്ന​ത്.