കോ​സ്മി​ക് റി​ലേ​റ്റി​വി​റ്റി കേ​വ​ല​മാ​യ തി​രു​ത്ത​ല്ല​; അ​നി​വാ​ര്യ​മാ​യ പാ​ര​ഡൈം ഷി​ഫ്റ്റാ​ണ്’’ -പ്ര​​ഫ. സി.​​എ​​സ്. ഉ​​ണ്ണി​​കൃ​​ഷ്ണ​​ൻ സംസാരിക്കുന്നു

നവ സിദ്ധാന്തം എന്ത്​, എന്തുകൊണ്ട്​?

താ​ങ്ക​ളു​ടെ പു​തി​യ പു​സ്ത​ക​മാ​യ ‘New Relativity in the Gravitational Universe’ താ​ങ്ക​ളു​ടെ കോ​സ്മി​ക് റി​ലേ​റ്റി​വി​റ്റി സി​ദ്ധാ​ന്തം വി​ശ​ദ​മാ​യി വെ​ളി​വാ​ക്കു​ന്നു. ദീ​ർ​ഘ​കാ​ലമ​ായി അ​വ​ഗ​ണി​ക്ക​പ്പെ​ട്ട് കി​ട​ക്കു​ന്ന ഗു​രു​ത്വ​ബ​ല​ത്തി​ന് അ​ർ​ഹ​മാ​യ സ്ഥാ​നം ന​ൽ​കി​ക്കൊ​ണ്ട് അ​ത് ഭൗ​തി​ക യാ​ഥാ​ർ​ഥ്യ​ത്തി​ന്റെ വ്യ​വ​സ്ഥാ​പി​ത​വും രൂ​ഢ​മൂ​ല​വു​മാ​യ സ്റ്റാ​ൻ​ഡേ​ഡ് മാ​തൃ​ക​യെ ഗൗ​ര​വ​ത​ര​മാ​യി വെ​ല്ലു​വി​ളി​ക്കു​ന്നു. ഇ​തൊ​രു പാ​ര​ഡൈം ഷി​ഫ്റ്റാ​ണോ അ​തോ ഒ​രു തി​രു​ത്തോ?

കോ​സ്മി​ക് റി​ലേ​റ്റി​വി​റ്റി അ​നി​വാ​ര്യ​മാ​യ ഒ​രു പാ​ര​ഡൈം ഷി​ഫ്റ്റാ​ണ്, കേ​വ​ല​മാ​യ തി​രു​ത്ത​ല്ല. ഒ​രു പു​തി​യ മാ​ർ​ഗ​നി​ർ​ദേ​ശ​ക ത​ത്ത്വംകൊ​ണ്ട് ബ​ല​ത​ന്ത്ര​ത്തി​ന്റെ​യും ആ​പേ​ക്ഷി​ക​ത​യു​ടെ​യും നി​ർ​മി​തി തു​ട​ങ്ങേ​ണ്ട​തു​ണ്ട്. നി​രീ​ക്ഷ​ണ​ങ്ങ​ളി​ൽ​നി​ന്നും ശു​ദ്ധി ചെ​യ്തെ​ടു​ത്ത തി​ക​ച്ചും വ്യ​ത്യ​സ്ത​മാ​യ ‘പ്ര​ഥ​മ ത​ത്ത്വ’ത്തെ അ​ടി​സ്ഥാ​ന​പ്പെ​ടു​ത്തി​യു​ള്ള​താ​ണ് കോ​സ്മി​ക് റി​ലേ​റ്റി​വി​റ്റി. ദീ​ർ​ഘ​കാ​ല​മാ​യി നി​ല​വി​ലു​ള്ള​ത് ‘ഗു​രു​ത്വ​ബ​ല​മി​ല്ലാ​ത്ത ശൂ​ന്യ​സ്ഥ​ലം’ എ​ന്ന പ്ര​പ​ഞ്ച സ​ങ്ക​ൽ​പ​മാ​ണ്.​ പു​തി​യ സി​ദ്ധാ​ന്തം അ​തി​നെ മാ​റ്റി​ക്കൊ​ണ്ട് പ​ദാ​ർ​ഥപൂ​ർ​ണ​മാ​യ പ്ര​പ​ഞ്ച​ത്തെ​യും അ​തി​ന്റെ ബൃ​ഹ​ത്താ​യ ഗു​രു​ത്വ​ബ​ല​ത്തെ​യും ആ​പേ​ക്ഷി​ക​ത​യു​ടെ​യും ബ​ല​ത​ന്ത്ര​ത്തി​ന്റെ​യും അ​ടി​സ്ഥാ​ന​മാ​ക്കിത്തീ​ർ​ക്കു​ന്നു. ഐ​ൻ​ൈ​സ്റ്റ​​െന്റ സ​വി​ശേ​ഷാ​പേ​ക്ഷി​ക​താ സി​ദ്ധാ​ന്തം അ​ടി​സ്ഥാ​ന​മാ​ക്കു​ന്ന​ത് വാ​സ്ത​വ​ത്തി​ൽ ഇ​ല്ലാ​ത്ത ശൂ​​ന്യ​ത​യെ​യാ​ണ്. എ​ന്റെ സി​ദ്ധാ​ന്തം പ​ദാ​ർ​ഥ​പൂ​രി​ത​മാ​യ പ്ര​പ​ഞ്ച​ത്തെ ആ​ധാ​ര​മാ​ക്കു​ന്നു. ഇ​ങ്ങ​നെ​യാ​ണ് അ​ത് ഫി​സി​ക്സി​ന്റെ അ​സ്തിവാ​ര​ങ്ങ​ൾ​ക്കു​ള്ള സ​മ്പൂ​ർ​ണ മാ​റ്റ​മാ​കു​ന്ന​ത്.

ഭൗ​തി​കശാ​സ്ത്ര​ത്തി​ൽ അ​ത്ര​ക​ണ്ട് ആ​ഴ​ത്തി​ൽ പ​രി​ജ്ഞാ​ന​മി​ല്ലാ​ത്ത പൊ​തു​ജ​ന​ങ്ങ​ൾ​ക്കുവേ​ണ്ടി ഈ ​പു​തി​യ സി​ദ്ധാ​ന്തം ഒ​ന്ന് വി​ശ​ദ​മാ​ക്കു​മോ?

ബ​ല​ത​ന്ത്ര​ത്തി​ന്റെ​യും ആ​പേ​ക്ഷി​ക​ത​യു​ടെ​യും സ​ക​ല പ്ര​തി​ഭാ​സ​ങ്ങ​ളും – എ​ന്നു​വെ​ച്ചാ​ൽ, പ​ദാ​ർ​ഥ​ത്തി​ന്റെ ഓ​രോ ഭൗ​തി​കഘ​ട​ക​വും, ഓ​രോ ‘വ​സ്തു​വും’ –പ്ര​പ​ഞ്ച​ത്തി​ലെ സ​ക​ല പ​ദാ​ർ​ഥ​ത്തോ​ടും ഊ​ർ​ജ​ത്തോ​ടും അ​വ ന​ട​ത്തു​ന്ന ഗു​രു​ത്വാ​ക​ർ​ഷ​ണ ഇ​ട​പാടുക​ളു​ടെ പ​രി​ണത​ഫ​ല​ങ്ങ​ളാ​ണ്. ഇ​താ​ണ് കോ​സ്മി​ക് റി​ലേ​റ്റി​വി​റ്റി സി​ദ്ധാ​ന്ത​ത്തി​ന്റെ പ്രാ​ഥ​മി​ക നി​ല​പാ​ട്. ഇ​പ്പ​റ​യു​ന്ന വ​സ്തു പ​ദാ​ർ​ഥ​ത്തി​ന്റെ ഏ​തു രൂ​പ​വും ഘ​ട​ക​വു​മാ​കാം, പ്ര​കാ​ശം ഉ​ൾ​പ്പെ​ടെ. പി​ണ്ഡ​വും ഊ​ർ​ജ​വു​മു​ള്ള ഏ​ത് വ​സ്തു​വും ഗു​രു​ത്വ​പ​ര​മാ​യി പ്ര​തി​പ്ര​വ​ർ​ത്തി​ക്കു​ന്ന​തി​നാ​ൽ മ​റ്റെ​ല്ലാ വ​സ്തു​ക്ക​ളെ​യും അ​ത് ബാ​ധി​ക്കു​ന്നു^ അ​വ​യു​ടെ പി​ണ്ഡ​ത്തോ​തി​ന് ആ​നു​പാ​തി​ക​മാ​യി. ഇ​ത് ഖ​ണ്ഡി​ത​മാ​യി പ​റ​ഞ്ഞാ​ൽ​പ്പി​ന്നെ ഊ​ഹ​വാ​ദ​ങ്ങ​ൾ​ക്ക് സ്ഥാ​ന​മി​ല്ല. അ​ടി​സ്ഥാ​ന ഭൗ​തി​ക ശാ​സ്ത്ര​ത്തി​ന്റെ സ​ർ​വ​സ്വ​മാ​യ ബ​ല​ത​ന്ത്ര​ത്തി​ന്റെ​യും ആ​പേ​ക്ഷി​ക​ത​യു​ടെ​യും സ​ക​ല​ നിഗമനങ്ങളും ഇ​തി​ൽ​നി​ന്ന് സ്വാ​ഭാ​വി​ക​മാ​യി വ​രു​ന്നു – ന്യൂ​ട്ട​ന്റെ ച​ല​നനി​യ​മം പോ​ലു​ള്ള അ​ടി​സ്ഥാ​ന​ഫ​ല​ങ്ങ​ള​ട​ക്കം. പ്ര​പ​ഞ്ച​ത്തെ മു​ഴു​വ​ൻ ഉ​ൾ​ക്കൊ​ള്ളു​ന്ന ഈ ​ഗു​രു​ത്വാ​ധി​ഷ്ഠി​ത പാ​ര​ഡൈ​മാ​ണ് കോ​സ്മി​ക് റി​ലേ​റ്റി​വി​റ്റി. അ​തി​ൽ പ്ര​പ​ഞ്ച​മാ​ണ് ബ​ല​ത​ന്ത്ര​ത്തി​ന്റെ ഏ​ക​വും പ​ര​മ​വു​മാ​യ സൂ​ച​ക ച​ട്ട​ക്കൂ​ട്. പി​ന്നെ, പ്ര​പ​ഞ്ച​ത്തി​ന്റെ പ​രി​ണാ​മ​ത്തോ​ട് ബ​ന്ധ​പ്പെ​ടു​ത്താ​വു​ന്ന ഒ​രു അ​ബ്സ​ല്യൂ​ട്ട് സ​മ​യ​വും.

ഇ​ന്ന് ന​മു​ക്ക് വ​മ്പ​ൻ ടെ​ലി​സ്കോ​പ്പു​ക​ൾ വ​ഴി പ്ര​പ​ഞ്ച​ത്തെ ആ​ഴ​ത്തി​ലും പ​ര​പ്പി​ലും നി​രീ​ക്ഷി​ക്കാ​വു​ന്ന​തു​കൊ​ണ്ട് അ​ത് നി​റ​ച്ച് പ​ദാ​ർ​ഥ​വും ഊ​ർ​ജ​ത്തി​ന്റെ ചി​ല രൂ​പ​ങ്ങ​ളു​മാ​ണെ​ന്ന യാ​ഥാ​ർ​ഥ്യം നി​രാ​ക​രി​ക്കാ​നാ​വി​ല്ല. അ​പ്പോ​ൾ തീ​ർ​ച്ച​യാ​യു​മു​ണ്ട്, ഈ ​പ​ദാ​ർ​ഥ​ത്തി​ന്റെ​യും ഊ​ർ​ജ​ത്തി​ന്റെ​യും ബ​ന്ധ​പ്പെ​ട്ട ഗു​രു​ത്വ​ബ​ലം. ഇ​തു​ത​ന്നെ തെ​ളി​യി​ക്കു​ന്നു, ശൂ​ന്യ​ത​യെ ഭൗ​തി​ക പ​ശ്ചാ​ത്ത​ല​മാ​യി നി​രൂ​പി​ക്കു​ന്ന നി​ല​വി​ലെ സി​ദ്ധാ​ന്ത​ങ്ങ​ളെ​ല്ലാം ഒ​ന്നു​കി​ൽ അ​പൂ​ർ​ണ​ങ്ങ​ൾ ​അ​ല്ലെ​ങ്കി​ൽ പാ​ടേ തെ​റ്റ്. പ്ര​പ​ഞ്ച​ത്തി​ലെ പ​ദാ​ർ​ഥ​ത്തി​ന്റെ​യും ഊ​ർ​ജ​ത്തി​ന്റെ​യും തോ​ത് നി​രീ​ക്ഷ​ണം വ​ഴി ഇ​ന്ന് ന​മു​ക്ക് മി​ക്ക​വാ​റും കൃ​ത്യ​മാ​യി തി​ട്ട​പ്പെ​ടു​ത്താ​ൻ ക​ഴി​യും. അ​തു​കൊ​ണ്ട് ഗു​രു​ത്വ സം​ബ​ന്ധി​യാ​യ മു​ഴു​വ​ൻ ഭൗ​തി​ക​ഫ​ല​ങ്ങ​ളും തി​ട്ട​പ്പെ​ടു​ത്താ​നാ​വും. ഇ​ക്കാ​ര്യ​ത്തി​ലു​ള്ള ഏ​ത് തി​ട്ട​പ്പെ​ടു​ത്ത​ലും എ​ന്റെ പ​രീ​ക്ഷ​ണ നി​രീ​ക്ഷ​ണ​ങ്ങ​ളി​ലെ ഫ​ല​ങ്ങ​ളു​മാ​യി തി​ക​ഞ്ഞ പൊ​രു​ത്ത​ത്തി​ലാ​ണ്. അ​ങ്ങ​നെ എ​ന്റെ സി​ദ്ധാ​ന്തം അ​നു​ഭ​വൈ​ക തെ​ളി​വി​ന്റെ അ​ടി​സ്ഥാ​ന​ത്തി​ലും സാ​ധു​വാ​ക്ക​​പ്പെ​ടു​ന്നു. ഈ ​ഫ​ല​ങ്ങ​ൾ ഐ​ൻ​സ്റ്റൈ​ന്റെ സ​വി​ശേ​ഷാ​പേ​ക്ഷി​ക​താ സി​ദ്ധാ​ന്തം തെ​റ്റാ​ണെ​ന്ന് വ്യ​ക്ത​മാ​ക്കു​ന്നു, അ​തി​നെ കോ​സ്മി​ക് റി​ലേ​റ്റി​വി​റ്റികൊ​ണ്ട് പ​ക​രം വെ​ക്ക​ണ​മെ​ന്നും. അ​ദ്ദേ​ഹ​ത്തി​ന്റെ ജ​ന​റ​ൽ തി​യ​റി​യാ​ക​ട്ടെ – അ​തും ഗു​രു​ത്വ​ത്തി​ന്റെ ഒ​രു സി​ദ്ധാ​ന്തംത​ന്നെ – അ​പൂ​ർ​ണ​മാ​ണ്. കോ​സ്മി​ക് റി​ലേ​റ്റി​വി​റ്റി സി​ദ്ധാ​ന്തം ഉ​പ​യോ​ഗി​ച്ച് അ​തി​ന് സ​വി​ശേ​ഷ​മാ​യ ഒ​രു തി​രു​ത്തും ന​ൽ​കേ​ണ്ട​തു​ണ്ട്. ഗ​ലീ​ലി​യോ​യും ന്യൂ​ട്ട​നും ഏ​ണ​സ്റ്റ് മാ​ക്കും ഐ​ൻ​​ൈസ്റ്റ​നും പ​ല കാ​ല​ങ്ങ​ളി​ലാ​യി ച​ർ​ച്ചചെ​യ്ത് പ​രി​ഹ​രി​ക്കാ​തെ വി​ട്ട പ​ല പ്ര​ശ്ന​ങ്ങ​ളും പ്ര​ഹേ​ളി​ക​ക​ളു​മു​ണ്ട് ബ​ല​ത​ന്ത്ര​ത്തി​ലും ആ​പേ​ക്ഷി​ക​ത​യി​ലും. അ​തെ​ല്ലാം ഈ ​പു​തി​യ സി​ദ്ധാ​ന്തം പ​രി​ഹ​രി​ക്കു​ന്നു എ​ന്ന​ത് ഒ​ര​തി​ശ​യോ​ക്തി​യ​ല്ല.

ഭൗ​തി​കശാ​സ്ത്രം കു​റേ​ക്കാ​ല​മാ​യി ഒ​രു പ്ര​തി​സ​ന്ധി​യി​ലാ​ണെ​ന്ന​ത് അ​ത്ര പ​ര​സ്യ​മ​ല്ലാ​ത്ത വ​സ്തു​ത​യ​ല്ലേ? സ്റ്റാ​ൻ​ഡേ​ഡ് മാ​തൃ​ക​യു​മാ​യി പ​ല നി​ർ​ണാ​യ​കവ​സ്തു​ത​ക​ളും പൊ​രു​ത്ത​പ്പെ​ടു​ന്നി​ല്ല. താ​ങ്ക​ളു​ടെ സി​ദ്ധാ​ന്തം ഈ ​പ്ര​ശ്ന​ങ്ങ​ൾ എ​ത്ര ക​ണ്ട് പ​രി​ഹ​രി​ക്കു​ന്നു​ണ്ട്?

നി​ല​വി​ലു​ള്ള അ​ടി​സ്ഥാ​ന സി​ദ്ധാ​ന്ത​ങ്ങ​ളെ ഭൗ​തി​ക പ്ര​തി​ഭാ​സ​ങ്ങ​ളി​ലേ​ക്ക് പ്ര​യോ​ഗി​ക്കു​ന്ന​തി​ൽ വ​ലി​യ പ്ര​തി​സ​ന്ധി​യൊ​ന്നും പൊ​തു​വേ നേ​രി​ടു​ന്നി​ല്ല. കാ​ര​ണം, നി​രീ​ക്ഷ​ണ​ങ്ങ​ളി​ൽ കാ​ണ​പ്പെ​ടു​ന്ന​തി​നെ ഈ ​സി​ദ്ധാ​ന്ത​ങ്ങ​ളോ​ടു പാ​ക​പ്പെ​ടു​ത്താ​ൻ ആ​വ​ശ്യ​മാ​യ സാ​​ങ്കേ​തി​ക രീ​തി​മാ​ർ​ഗ​ങ്ങ​ൾ ക​ണ​ക്കു​കൂ​ട്ട​ലു​ക​ളി​ൽ (Calculation) ചമച്ചുവെ​ച്ചി​ട്ടു​ണ്ട്. എ​ന്നാ​ൽ, പ​ല സാ​ഹ​ച​ര്യ​ങ്ങ​ളി​ലും ഈ ‘​രീ​തി​മാ​ർ​ഗ​ങ്ങ​ളും’ ‘ചമക്കലുകളും’ തൃ​പ്തി​ക​ര​മാ​യ ന്യാ​യീ​ക​ര​ണ​ങ്ങ​ൾ ത​രു​ന്ന​വ​യ​ല്ല. ഇ​ത് മാ​തൃ​ക​ക​ൾ ‘പ്ര​വ​ർ​ത്ത​നക്ഷ​മ’​മാ​യി​രി​ക്കു​മ്പോ​ഴും അ​വ​യു​ടെ അ​ടി​സ്ഥാ​ന​ങ്ങ​ൾ പി​ശ​കാ​ണെ​ന്ന​തി​ന്റെ വ്യ​ക്ത​മാ​യ സൂ​ച​ന​യാ​ണ്. ഇ​ത്ത​രം പ്ര​യോ​ജ​ന​വാ​ദ​പ​ര​മാ​യ ഉ​ദാ​ഹ​ര​ണ​ങ്ങ​ൾ പ​ണ്ടു​മു​ള്ള​താ​ണ് – ടോള​മി​യു​ടെ ഭൂ​കേ​ന്ദ്രി​ത ജ്യോ​തി​ശാ​സ്ത്ര​ത്തി​ലേ​തു​പോ​ലെ. നി​ർ​ണാ​യ​ക വി​ട​വു​ക​ൾ തി​രി​ച്ച​റി​യ​പ്പെ​ട്ടാ​ലും അ​വ​യെ ചി​ല വ്യ​തി​ച​ല​ന​ങ്ങ​ളാ​യി ക​ണ്ട് അ​വ​ഗ​ണി​ക്കു​ക​യും പി​ൽ​ക്കാ​ല​ത്ത് മ​ന​സ്സി​ലാ​ക്കാ​ൻ വേ​ണ്ടി വി​ടു​ക​യു​മാ​ണ് പ​തി​വ്. ഭൗ​തി​ക യാ​ഥാ​ർ​ഥ്യ​ത്തെ തി​രി​ച്ച​റി​യു​ന്ന ഒ​രു സ​മ്പൂ​ർ​ണ മാ​തൃ​കമാറ്റമേ കാ​ര്യ​ങ്ങ​ൾ ശ​രി​പ്പെ​ടു​ത്തു​ക​യു​ള്ളൂ. അ​താ​ണ് കോ​സ്മി​ക് റി​ലേ​റ്റി​വി​റ്റി ചെ​യ്യു​ന്ന​ത്, എ​ല്ലാ വി​ട​വു​ക​ളും അ​ട​ക്കുക​യും എ​ല്ലാ വ്യ​തി​ച​ല​ന​ങ്ങ​ളും മാ​റ്റു​ക​യും. ശ​രി​യാ​യ ഭൗ​തി​ക സാ​ഹ​ച​ര്യ​ത്തെ അ​ത് അ​നാ​വ​ര​ണം ചെ​യ്യു​ന്നു. പ്ര​പ​ഞ്ചം ശൂ​ന്യ​മ​ല്ല അ​തി​ന് വ​മ്പ​ൻ ഗു​രു​ത്വ​ബ​ല​മു​ണ്ട് എ​ന്ന് വ​രു​മ്പോ​ൾ ഭൗ​തി​കശാ​സ്ത്ര​ത്തി​ൽ ഒ​രു സ​മ്പൂ​ർ​ണ സ​ങ്ക​ൽ​പ​ന മാ​റ്റം സ്വാ​ഭാ​വി​ക​മാ​യ അ​നി​വാ​ര്യ​ത​യാ​ണ്. ഇ​ത് കോ​പ്പ​ർ നി​ക്ക​സി​ന്റെ സൗ​ര​കേ​ന്ദ്രി​ത വ്യ​വ​സ്ഥ​യി​ലേ​ക്കു​ള്ള പ​ണ്ടത്തെ മാ​റ്റ​ത്തേ​ക്കാ​ൾ വ​ള​രെ​യേ​റെ വി​പു​ല​വും സ​വി​ശേ​ഷ​വു​മാ​യ ഒ​ന്നാ​ണ്. ബ​ല​ത​ന്ത്ര​ത്തി​ലും ആ​പേ​ക്ഷി​ക​ത​യി​ലു​മു​ള്ള ഏ​ത് പ്ര​ശ്ന​ത്തെ​യും അ​ഭി​മു​ഖീ​ക​രി​ക്കാ​നും ഇ​ന്ന​റി​യ​പ്പെ​ടു​ന്ന​തി​ലും ഏ​റെ തൃ​പ്തി​ക​ര​വും വി​ശ്വ​സ​നീ​യ​വു​മാ​യ ഉ​ത്ത​രം ന​ൽ​കാ​നും ഈ ​സി​ദ്ധാ​ന്ത​ത്തി​ന് ക​ഴി​യു​ന്നു.

​െഎൻസ്​റ്റൈൻ മൂർത്തിയും മാമൂൽവാഴ്​ചയും

പ​ദാ​ർ​ഥ​വും ഊ​ർ​ജ​വും ത​മ്മി​ലു​ള്ള ബ​ന്ധ​ത്തി​ന്മേ​ലാ​യി​രു​ന്നു ഐ​ൻ​സ്റ്റൈ​ന്റെ പ്ര​ധാ​ന അ​ന്വേ​ഷ​ണം. ചി​ല സുസ്ഥി​ര ഘ​ട​ക​ങ്ങ​ളി​ലും (invariants) പ്ര​തി​സ​മ​ത​യി​ലു (symmetry)മാ​ണ് അ​ദ്ദേ​ഹം ത​ന്റെ വാ​ദ​ങ്ങ​ൾ​ക്ക് ന​ങ്കൂ​ര​മൊ​രു​ക്കി​യ​ത്. എ​ന്നാ​ൽ അ​ദ്ദേ​ഹം നി​രൂ​പി​ച്ച ചി​ല സ്ഥി​ര​ഘ​ട​ക​ങ്ങ​ൾ പി​ന്നീ​ട് പി​ശ​കാ​ണെ​ന്ന് വന്നിട്ടു​ണ്ട്. ഉ​ദാ​ഹ​ര​ണ​ത്തി​ന് പ്ര​കാ​ശവേ​ഗം. എ​ന്നി​ട്ടും അ​ദ്ദേ​ഹ​ത്തി​ന്റെ സി​ദ്ധാ​ന്ത​ങ്ങ​ൾ കാ​ല​ത്തി​ന്റെ പ​രീ​ക്ഷ​ണ​ങ്ങ​ളെ അ​തി​ജീ​വി​ച്ച് ഒ​രു നൂ​റ്റാ​ണ്ട് ക​ട​ന്നി​രി​ക്കു​ന്നു. ഒ​രു ഭൗ​തി​ക ശാ​സ്ത്ര​ജ്ഞ​ന്റെ വി​ഗ്ര​ഹ​പ​രി​വേ​ഷ​ത്തി​ന് മു​ന്നി​ൽ ഭൗ​തി​ക ശാ​സ്ത്രം പ​ക്ക​മേ​ള​മാ​യി​ത്തീ​ർ​ന്ന വൈ​ചി​ത്ര്യ​മാ​ണോ ഇ​ത്?

ആ​പേ​ക്ഷി​ക​താ സി​ദ്ധാ​ന്ത​ത്തി​ന്റെ ഒ​രു സു​പ്ര​ധാ​ന ഫ​ല​മാ​യി​രു​ന്നു പ​ദാ​ർ​ഥ​വും ഊ​ർ​ജ​വും ത​മ്മി​ലു​ള്ള ഐ​ൻ​സ്റ്റൈ​ന്റെ ബ​ന്ധം. വാ​സ്ത​വ​ത്തി​ൽ അ​ത് ഇ​ല​ക്ട്രോ-​മാ​ഗ്ന​റ്റി​ക് ഊ​ർ​ജ​വും ത​ത്തു​ല്യ​മാ​യൊ​രു പി​ണ്ഡ​വും ത​മ്മി​ൽ ലോ​റ​ൻ​സ് ക​ണ്ടെ​ത്തി​യ ബ​ന്ധ​ത്തി​ന്റെ ഒ​രു സാ​മാ​ന്യ​വ​ത്ക​ര​ണ​മാ​യി​രു​ന്നു.

അ​തൊ​രു പ്ര​ധാ​ന​പ്പെ​ട്ട സാ​മാ​ന്യ​വ​ത്ക​ര​ണം ത​ന്നെ​യാ​യി​രു​ന്നു. കാ​ര​ണം, ഗു​രു​ത്വബ​ല​ത്തി​ന്റെ സ്രോ​ത​സ്സാ​ണ് പി​ണ്ഡം. ഐ​ൻ​ൈസ്റ്റ​ന്റെ നി​ർ​ണ​യ​ത്തോ​ടെ ഏ​ത് രൂ​പ​ത്തി​ലു​ള്ള ഊ​ർ​ജ​വും ഗു​രു​ത്വ സ്രോ​ത​സ്സാ​ണെ​ന്ന് വ്യ​ക്ത​മാ​യി. ആ ​സി​ദ്ധാ​ന്ത​ത്തി​ലെ പ​ല സ്ഥി​രഘ​ട​ക​ങ്ങ​ളും പി​ശ​കാ​യി​രു​ന്നു എ​ന്ന് ക​ണ്ടെ​ത്തി എ​ന്നുപ​റ​ഞ്ഞാ​ൽ ശ​രി​യാ​വി​ല്ല. പ്ര​ത്യേ​കി​ച്ചോ​ർ​ക്കേ​ണ്ട​ത്, പ്ര​കാ​ശ​ത്തി​ന്റെ ആ​പേ​ക്ഷി​ക പ്ര​വേ​ഗം സ്ഥി​ര​മാ​ണെ​ന്ന അ​ദ്ദേ​ഹ​ത്തി​ന്റെ ഊ​ഹനി​ഗ​മ​നം – അ​തി​നെ ലൈ​റ്റ് ​െഹെ​പ്പോ​തി​സി​സ് എ​ന്ന് ചു​രു​ക്കി​വി​ളി​ക്കാം. അ​ത് കി​റു​കൃ​ത്യ​മാ​ണെ​ന്ന് ഇ​ന്നു​ള്ള മി​ക്ക​വാ​റും എ​ല്ലാ ഭൗ​തി​കശാ​സ്ത്ര​ജ്ഞ​രും ക​രു​തു​ന്നു – ഞാ​നൊ​ഴി​കെ! അ​തു​കൊ​ണ്ടാ​ണ് അ​ദ്ദേ​ഹ​ത്തി​ന്റെ സി​ദ്ധാ​ന്ത​ങ്ങ​ൾ പൂ​ർണ​മാ​യും സാ​ധു​വാ​യി ഇ​ന്നും ക​രു​ത​പ്പെ​ടു​ന്ന​ത്; ആ​ളി​ന്റെ വി​ഗ്ര​ഹ പ​രി​വേ​ഷംകൊ​ണ്ട് മാ​ത്ര​മ​ല്ല. 15 കൊ​ല്ലം മു​മ്പ് ഞാ​നൊ​രു പ​രീ​ക്ഷ​ണം ന​ട​ത്തി, പ്ര​കാ​ശ പ്ര​സര​ണ​ത്തി​ന്റെ യ​ഥാ​ർ​ഥ പ്ര​കൃ​തം പ​രി​ശോ​ധി​ക്കു​ന്ന യു​ക്ത​മാ​യ പ​രീ​ക്ഷ​ണ​മൊ​ന്നും അ​തി​നുമു​മ്പ് ആ​രും ന​ട​ത്തി​യി​രു​ന്നി​ല്ല. എ​ന്നുപ​റ​ഞ്ഞാ​ൽ അ​തി​ശ​യം തോ​ന്നാം. പ്ര​കാ​ശ പ്ര​സര​ണ​ത്തി​ന്റെ ഒ​രു കൂ​ട്ടി​പ്പി​രി​ക്ക​ലും ക്ലോ​ക്കു​ക​ൾ ച​ലി​ക്കു​മ്പോ​ൾ എ​ങ്ങ​നെ അ​വ​യി​ലെ സ​മ​യം മാ​റു​ന്നു (time dilation) എ​ന്നു നോ​ക്ക​ലു​മാ​ണ് പ​രീ​ക്ഷ​ണം. പ്ര​കാ​ശ​ത്തി​ന്റെ ആ​പേ​ക്ഷി​ക പ്ര​വേ​ഗം സ്ഥി​ര​മാ​ണോ അ​ല്ല​യോ എ​ന്ന് നോ​ക്കാ​ൻ ഞാ​നൊ​രു പു​തി​യ മാ​ർ​ഗം ക​ണ്ടു​പി​ടി​ച്ചു. ടൈം ​ഡൈ​ലേ​ഷ​ന്റെ സ​ന്ദി​ഗ്ധ​ത​ക​ളൊ​ന്നു​മി​ല്ലാ​ത്ത ഒ​രു മാ​ർ​ഗം.

ആൽബർട്ട് ഐൻസ്റ്റീൻ

എ​ന്റെ ഈ ​പ​രീ​ക്ഷ​ണം ശ്ര​ദ്ധി​ക്കു​കയും അ​തി​ന്മേ​ൽ സം​വാ​ദം ന​ട​ത്തി കാ​ര്യം മ​ന​സ്സി​ലാ​ക്കു​ക​യും ചെ​യ്താ​ൽ പ്ര​കാ​ശ​ത്തി​ന്റെ ആ​പേ​ക്ഷി​ക പ്ര​വേ​ഗം സ്ഥി​ര​ത​യു​ള്ള​ത​ല്ലെ​ന്ന് ഗ്ര​ഹി​ക്കാ​നാ​വും. ഐ​ൻ​സ്റ്റൈ​ന്റെ സി​ദ്ധാ​ന്ത​ത്തി​ന് പി​ന്നെ നി​ല​നി​ൽ​പി​ല്ല. പ​രീ​ക്ഷ​ണ​ഫ​ലം ആ ​സി​ദ്ധാ​ന്ത​ത്തെ അ​പ്പാ​ടെ ഒ​രു യേ​സ്/​നോ രീ​തി​യി​ൽ പൊ​ളി​ക്കു​ന്നു. കാ​ൾ പോപ്പ​റു​ടെ സ​മീ​പ​നപ്ര​കാ​രം പ​റ​ഞ്ഞാ​ൽ, എ​ന്റെ പ​രീ​ക്ഷ​ണ​ഫ​ല​ങ്ങ​ളാ​ൽ ഐ​ൻ​സ്റ്റൈ​ന്റെ സ​വി​ശേ​ഷാ​പേ​ക്ഷി​കതാ സി​ദ്ധാ​ന്തം തെ​റ്റാ​ണെ​ന്ന് തെ​ളി​യു​ന്നു. ചി​ല വി​മ​ർ​ശ​ന​ങ്ങ​ളെ​യും പ​രീ​ക്ഷ​ണ ഫ​ല​ങ്ങ​ളെ​യും മു​ൻ​കാ​ല​ങ്ങ​ളി​ൽ പ​രി​ശോ​ധി​ക്കാ​തെ അ​വ​ഗ​ണി​ക്കാ​ൻ ഐ​ൻ​സ്റ്റൈ​ന്റെ വി​ഗ്ര​ഹ പ​രി​വേ​ഷം ഇ​ട​യാ​ക്കി​യി​ട്ടു​ണ്ടെ​ന്ന​ത് നേ​രാ​ണ്. ഞാ​നും ഇ​ന്ന് സ​മാ​ന സ്ഥി​തി​വി​ശേ​ഷം നേ​രി​ടു​ന്നു. എ​ന്റെ പ​രീ​ക്ഷ​ണ​ഫ​ല​ങ്ങ​ൾ മു​ൻ​വി​ധി​യി​ല്ലാ​തെ ആ​ത്മാ​ർ​ഥ​മാ​യി ച​ർ​ച്ചചെ​യ്യു​ന്ന പ​ക്ഷം സ്ഥ​ല​കാ​ല​ങ്ങ​ളു​ടെ absolutes ഭൗ​തി​ക​ശാ​സ്ത്ര​ത്തി​ൽ തി​രി​ച്ചെ​ത്തും. പ​ക്ഷേ, അ​ന​ഭി​ല​ഷ​ണീ​യ​മാ​യ ഇ​ത്ത​ര​മൊ​രു സ്ഥി​തി​വി​ശേ​ഷം ഭൗ​തി​ക​ശാ​സ്ത്ര​ത്തി​ൽ വ​ലി​യൊ​ര​ള​വോ​ളം നി​ല​നി​ൽ​ക്കു​ക​യാ​ണ്. കാ​ര​ണം, സൈ​ദ്ധാ​ന്തി​ക ഭൗ​തി​ക ശാ​സ്ത്ര​കാ​ര​ന്മാ​രാ​ണ് സി​ദ്ധാ​ന്ത​ങ്ങ​ളെ കു​റി​ച്ചു​ള്ള അ​ഭി​പ്രാ​യ​ങ്ങ​ളെ നി​യ​ന്ത്രി​ക്കു​ന്ന​ത്. അ​വ​രി​ൽ ഇ​ന്നു​ള്ള ഭൂ​രി​പ​ക്ഷ​ത്തി​നും പ​രീ​ക്ഷ​ണ​ങ്ങ​ളു​മാ​യി വേ​ണ്ട​ത്ര പ​രി​ച​യ​മി​ല്ല. ആ​ശ​യ​ങ്ങ​ളു​ടെ വി​കാ​സ ച​രി​ത്ര​ത്തെ​പ്പ​റ്റി​യു​ള്ള ധാ​ര​ണ​യും ക​മ്മി.

എ​തി​ർ​വാ​ദ​ങ്ങ​ളും ഇ​തു​പോ​ലു​ള്ള എ​തി​ർ തെ​ളി​വു​ക​ളു​മുണ്ടെ​ങ്കി​ലും ഐ​ൻ​സ്റ്റൈ​ന്റെ സ​ങ്ക​ൽ​പ​ന​ങ്ങ​ൾ ഭൗ​തി​ക ശാ​സ്ത്ര സ​മൂ​ഹ​ത്തി​ൽ പ​ര​മ​മാ​യി തു​ട​രു​ക​യാ​ണ്. താ​ങ്ക​ളു​ടെ പു​സ്ത​ക​ത്തി​ലും ചൂ​ണ്ടി​ക്കാ​ണി​ച്ചിട്ടുണ്ട്, ഐ​ൻ​സ്റ്റൈ​ന്റെ നി​ഗ​മ​ന​ങ്ങ​ളു​ടെ സം​ഗ​ത​മാ​യ സു​ഷി​ര​ങ്ങ​ൾ. യു​ക്തി​ന്യാ​യ തീ​ക്ഷ്ണ​ത​യേയും അ​നു​ഭ​വൈ​ക ധാ​ര​ണ​യേയും ഇ​ത്ര​ക​ണ്ട് ആ​ശ്ര​യി​ച്ചു​നി​ൽ​ക്കു​ന്ന ഒ​രു ശാ​സ്ത്രം എ​ങ്ങ​നെ​യാ​ണ് നി​ർ​ണാ​യ​ക​മാ​യ ഈ ​ശൂ​ന്യത​ക​ൾ അ​വ​ഗ​ണി​ക്കു​ന്ന​ത് – ഐ​ൻ​സ്റ്റൈ​ൻ ഉ​ണ്ടെ​ങ്കി​ലും ഇ​ല്ലെ​ങ്കി​ലും? സ്വ​ന്തം ഗ​വേ​ഷ​ണ​ങ്ങ​ളു​ടെ​യും ക​ണ്ടെ​ത്ത​ലു​ക​ളു​ടെ​യും സാം​ഗ​ത്യ​ത്തെ ഹ​നി​ക്കാ​നി​ട​യു​ള്ള ഇ​ത്ത​രം ഉ​പേ​ക്ഷ​ക്ക് ഇ​ര​യാ​കാ​ൻ മാ​ത്രം ഭോ​ഷ​രാ​ണോ ഭൗ​തി​ക​ശാ​സ്ത്ര​ജ്ഞ​രെ​ല്ലാം? താ​ങ്ക​ൾ പ​റ​യു​ന്ന പ്ര​കാ​ര​മാ​ണ് കാ​ര്യ​ങ്ങ​ളെ​ങ്കി​ൽ അ​തി​ന് ഭൗ​തി​ക ശാ​സ്ത്രം ഇ​തി​നോ​ട​കം വ​ലി​യ വി​ല കൊ​ടു​ത്തി​ട്ടു​ണ്ടാ​വ​ണ​മ​ല്ലോ.

സ്വ​ന്തം അ​സ്തിവാ​ര​ങ്ങ​ളി​ൽ പ​ല സു​ഷി​ര​ങ്ങ​ളും ശേ​ഷി​പ്പി​ക്കു​ന്ന​തി​ന്റെ വില ​ഭൗ​തി​കശാ​സ്ത്രം കൊ​ടു​ത്തു​കൊ​ണ്ടി​രി​ക്കു​ക​യാ​ണ്. അ​താ​ണ് ക്വാ​ണ്ടം ഫി​സിക്സിലെ സ്ഥി​തി​വി​ശേ​ഷം, ഒ​രു പ​രി​ധി​വ​രെ ആ​പേ​ക്ഷി​ക​താ ശാ​സ്ത്ര​ത്തി​ലെയും. എ​ന്നാ​ൽ, അ​ത് ഫി​സിക്സിന്റെ മു​ഖ​പ്പി​ൽ ഇ​പ്പോ​ഴും പ്ര​തി​ഫ​ലി​ച്ചിട്ടി​ല്ല, അ​തു​കൊ​ണ്ട് ആ​ളു​ക​ൾ തി​രി​ച്ച​റി​യു​ന്നി​ല്ല. ല​ളി​ത​വും എ​ളു​പ്പ​ത്തി​ൽ പ​രി​ശോ​ധി​ച്ച​റി​യാ​വു​ന്ന​തു​മാ​യി​രു​ന്നു കോ​പ്പ​ർ​നി​ക്ക​സി​ന്റെ പ്ലാ​ന​റ്റ​റി സി​സ്റ്റം: പ​ക്ഷേ, ര​ണ്ടു നൂ​റ്റാ​ണ്ടോ​ളം പ​ണ്ഡി​ത​രും ‘വി​വേ​ക​ശാ​ലി​ക’​ളും അ​തി​നെ എ​തി​ർ​ത്തു, പ​രി​ഹ​സി​ച്ചു. മ​ത​പ​ര​മാ​യ എ​തി​ർ​പ്പും അ​ന്നു​ണ്ടാ​യി​രു​ന്നു. ഇ​ന്ന് അ​തി​ല്ല. പ​ക്ഷേ, ഐ​ൻ​സ്റ്റൈ​ന്റെ സി​ദ്ധാ​ന്ത​ങ്ങ​ൾ​ക്ക് മ​ത​ഗ്ര​ന്ഥ​ങ്ങ​ളു​ടെ പ​ദ​വി​യാ​ണ്, ര​ണ്ടു കാ​ര​ണ​ങ്ങ​ളാ​ൽ. ഒ​ന്ന്, ആ ​സി​ദ്ധാ​ന്ത​ത്തി​ന്റെയും അ​ബ്െസാ​ല്യൂ​ട്ട് ച​ട്ട​ക്കൂ​ടു​ള്ള സിദ്ധാന്തങ്ങളുടെയും ​പ്രവചനങ്ങൾ സമാനമാണ്​. ലോ​റ​ൻ​സി​ന്റെ ഈ​ത​ർ സി​ദ്ധാ​ന്ത​മോ എ​ന്റെ കേ​ാസ്മി​ക് റി​ലേ​റ്റി​വി​റ്റി സി​ദ്ധാ​ന്ത​മോ പോ​ലും മിക്ക പ്രായോഗി​ക സ​ന്ദ​ർ​ഭ​ങ്ങ​ളി​ലും പ​രീ​ക്ഷ​ണ​ങ്ങ​ളി​ലും ഇതേ വിധം ഒ​രേ​പോ​ലെ​യാ​ണ്. അങ്ങനെ, ഐ​ൻ​സ്റ്റൈ​ന്റെ സ​വി​ശേ​ഷാ​പേ​ക്ഷി​ക​താ സി​ദ്ധാ​ന്ത​ത്തി​ന് ഭൗ​തി​ക പ്ര​തി​ഭാ​സ​ങ്ങ​ളു​ടെ മി​ക്ക പ്രാ​യോ​ഗി​ക സാ​ഹ​ച​ര്യ​ങ്ങ​ളു​മാ​യി ഉ​പ​രി​പ്ല​വ​മാ​യ ഒ​രു പൊ​രു​ത്ത​മു​ണ്ട്. ചി​ല നി​ർ​ണാ​യ​ക സ​ന്ദ​ർ​ഭ​ങ്ങ​ളി​ൽ മാ​ത്ര​മാ​ണ് സ്ഥ​ല​കാ​ല​ങ്ങ​ൾ​ക്ക് കേവലത്വമുള്ള ഒരു സൂ​ച​ക ച​ട്ട​ക്കൂ​ട് ആ​വ​ശ്യ​മാ​ണെ​ന്ന​തി​ന്റെ തെ​ളി​വു കി​ട്ടു​ക. സു​ഷി​ര​ങ്ങ​ൾ ചി​ല കോ​ണു​ക​ളി​ൽനി​ന്നേ വെ​ട്ട​പ്പെ​ടൂ എ​ന്ന​ർ​ഥം.

ര​ണ്ട്, ഇ​പ്പ​റ​ഞ്ഞ സ​വി​ശേ​ഷാ​പേ​ക്ഷി​ക​താ സി​ദ്ധാ​ന്ത​ത്തെ അ​ടി​സ്ഥാ​ന​മാ​ക്കി ഐ​ൻ​സ്റ്റൈ​ൻ കൊ​ണ്ടു​വ​ന്ന ജ​ന​റ​ൽ തി​യ​റി ജ്യോ​തി​ശാ​സ്ത്ര​പ​ര​മാ​യ ആ​വ​ശ്യ​ങ്ങ​ൾ​ക്കും ല​ബോ​റ​ട്ട​റി പ്ര​യോ​ഗ​ങ്ങ​ൾ​ക്കും ഗ​ണ്യ​മാ​യി​ത്ത​ന്നെ അ​നു​യോ​ജ്യ​മാ​ണ്. അ​തി​ന്റെ പോ​രാ​യ്മ അ​തി​ന്റെ അ​പൂ​ർ​ണ​ത​യി​ലാ​ണ്. ആ ​കു​റ​വ് സം​ഗ​തമാ​വു​ക, ജ​ഡ​ത്വ​ത്തി​ന്റെ (inertia) പ്ര​ഭ​വ​ത്തെ കു​റി​ച്ചുള്ള ചി​ര​പു​രാ​ത​ന പ്ര​ശ്ന​ങ്ങ​ളി​ലാ​ണ്. ഐ​ൻസ്റ്റൈ​ന്റെ സി​ദ്ധാ​ന്തം പ​രി​ഹ​രി​ക്കാ​ത്ത ആ ​പ്ര​ശ്ന​വും കോ​സ്മി​ക് റി​ലേ​റ്റി​വി​റ്റി പ​രി​ഹ​രി​ക്കു​ന്നു​ണ്ട്.

മ​റ്റൊ​ന്ന് കൂ​ടി​യു​ണ്ട്. ഇ​ന്ത്യ​ൻ ശാ​സ്ത്ര​വു​മാ​യി ബ​ന്ധ​പ്പെ​ട്ട​താ​ണ​ത്. ഇ​ന്ത്യ​യി​ൽനി​ന്നാ​ണ് എ​ന്റെ ഗ​വേ​ഷ​ണം വ​രു​ന്ന​ത് – വി​ദേ​ശ​വേ​ദി​ക​ളി​ൽ ഞാ​ൻ ഇ​തി​നെ​പ്പ​റ്റി സം​സാ​രി​ച്ചി​ട്ടു​ണ്ടെ​ങ്കി​ലും; ഇ​ന്ത്യ​പോ​ലൊ​രു രാ​ജ്യ​ത്തുനി​ന്നു​ള്ള ഗ​വേ​ഷ​ണ​ത്തെ ആ​ഗോ​ള ശാ​സ്ത്ര​സ​മൂ​ഹം ശ്ര​ദ്ധി​ക്ക​ണ​മെ​ങ്കി​ൽ ആ​ദ്യം അ​ത് ഇ​ന്ത്യ​യി​ൽ ച​ർ​ച്ച​യാ​വ​ണം. സം​വാ​ദ​ങ്ങ​ൾ ന​ട​ക്ക​ണം, അം​ഗീ​ക​രി​ക്ക​പ്പെ​ട​ണം. പ​രീ​ക്ഷ​ണ​ത്തെ​ളി​വു​ക​ളും യു​ക്തി​ന്യാ​യ തെ​ളി​വു​ക​ളും സ​ഹി​തം ഞാ​ൻ ഇ​ന്ത്യ​യി​ൽ ഡ​സ​ൻ​ക​ണ​ക്കി​ന് അ​വ​ത​ര​ണ​ങ്ങ​ൾ ന​ട​ത്തി. ഒ​രൊ​റ്റ സീ​നി​യ​ർ ഭൗ​തി​ക​ശാ​സ്ത്ര​ജ്ഞ​നും സം​വാ​ദ​ത്തി​ന് വ​രുക​യോ താ​ൽ​പ​ര്യം കാ​ട്ടു​ക​യോ ഉ​ണ്ടാ​യി​ട്ടി​ല്ല: അ​വ​ർ ചു​മ്മാ കേ​ട്ടി​രി​ക്കും, വ​ല്ല വി​ദേ​ശി​യും വ​ന്ന് ഈ ​സി​ദ്ധാ​ന്ത​ത്തെ വെ​ടി​വെ​ച്ചി​ടും എ​ന്ന് പ്ര​തീ​ക്ഷി​ച്ചാ​വാം, ഒ​രു​പ​ക്ഷേ. അ​ങ്ങ​നെ സി​ദ്ധാ​ന്തം കു​ഴി​ച്ചു​മൂ​ടാം. ഇ​വി​ടത്തെ​യും ഭൗ​തി​ക ശാ​സ്ത്ര​ജ്ഞ​ർ ഭോ​ഷ​ന്മാ​ര​ല്ല, പ​ക്ഷേ, ഏ​ക​രൂ​പേ​ണ ഭീ​രു​ക്ക​ളാ​ണ്. ഫി​സിക്​സി​ന്റെ അ​സ്തിവാ​ര​ങ്ങ​ളാ​യി പാ​ശ്ചാ​ത്യ​ലോ​ക​ത്തു​നി​ന്ന് ത​രു​ന്ന​തി​നെ അ​വ​ർ ഒ​രി​ക്ക​ലും ചോ​ദ്യംചെ​യ്യി​ല്ല! ഇ​ന്ത്യ​ൻ ഭൗ​തി​കശാ​സ്ത്ര സ​മൂ​ഹ​ത്തി​ന്റെ ജാ​ഡ്യ​മാ​ണ് ഈ ​ക​ണ്ടെ​ത്ത​ലി​നെ ആ​ഗോ​ള അ​വ​ബോ​ധം കി​ട്ടു​ന്ന​തി​ൽ​നി​ന്ന് ത​ട​ഞ്ഞു​വെ​ക്കു​ന്ന​ത്.

ക​ഴി​ഞ്ഞ നൂ​റ്റാ​ണ്ടി​ന്റെ ആ​ദ്യ​പാ​തി ഫി​സി​ക്സി​ന്റെ സു​വ​ർ​ണ യു​ഗ​മു​ണ്ടാ​ക്കി – ആ​പേ​ക്ഷി​ക​താ ശാ​സ്ത്ര​ത്തി​നും ക്വാ​ണ്ടം പ്ര​തി​ഭാ​സ​ത്തി​നും ന​ന്ദി. ആ ​കാ​ല​യ​ള​വി​ലു​ണ്ടാ​യ പ്ര​സി​ദ്ധ സി​ദ്ധാ​ന്ത​ങ്ങ​ളു​ടെ പി​ഴ​വു​ക​ൾ​ക്ക് മു​ഖ്യകാ​ര​ണം ജ്യോ​തി​ശാ​സ്ത്ര​ത്തി​ന്റെ പ്രാ​കൃ​താ​വ​സ്ഥ​യാ​ണെ​ന്ന് പ​റ​യാം. പി​ന്നീ​ട് ജ്യോ​തി​ശാ​സ്ത്രം വ​ൻ കു​തി​പ്പു​ക​ൾ ന​ട​ത്തി. ന​മ്മു​ടെ പ്ര​പ​ഞ്ച കാഴ്​ച ഗം​ഭീ​ര​മാ​യി വി​ക​സി​ച്ചു. ഭൗ​തി​ക​ശാ​സ്ത്രം അ​ത് മു​ത​ലാ​ക്കി അ​ടി​സ്ഥാ​ന​ങ്ങ​ൾ പ​രി​ഷ്‍ക​രി​ക്കാ​തെ നി​ൽ​ക്കു​ന്നെ​ന്നാ​ണോ? എ​ങ്കി​ൽ ഫി​സി​ക്സ് ഒ​രു നൂ​റ്റാ​ണ്ട് പാ​ഴാ​ക്കി എ​ന്നാ​ണോ?

പാ​ഴാ​ക്കി​യി​ട്ടി​ല്ല. ന്യൂ​ക്ലി​യ​ർ ഫി​സി​ക്സി​ലെ​യും സ​ബ് ന്യൂ​ക്ലി​യ​ർ ഫി​സി​ക്സി​ലെ​യും ക​ണ്ടെ​ത്ത​ലു​ക​ളെ​ല്ലാം 20ാം നൂ​റ്റാ​ണ്ടി​ലാ​ണ് സം​ഭ​വി​ച്ച​ത്. പ്ര​തി​ഭാ​സ​ങ്ങ​ൾ ക​ണ്ടെ​ത്തു​ന്ന​തി​ന്റെ അ​ടി​സ്ഥാ​ന​ത്തി​ലാ​ണെ​ങ്കി​ൽ അ​ത് വ​ള​രെ ബി​സി​യാ​യ നൂ​റ്റാ​ണ്ടാ​യി​രു​ന്നു. പ​ക്ഷേ, അ​സ്തി​വാ​ര​ങ്ങ​ൾ ഒരു നൂറ്റാണ്ടായി മു​ര​ടി​ച്ചു​നി​ൽ​ക്കു​ന്നു. മു​ര​ടി​പ്പ് മാ​ത്ര​മ​ല്ല, അ​വ തെ​റ്റും അ​സ്ഥി​ര​വു​മാ​ണ്. അ​വ പാ​ടേ മാ​റ്റേ​ണ്ട​തു​ണ്ട്.

കാ​ര​ണം, ന​മ്മു​ടെ അ​ടി​സ്ഥാ​ന സി​ദ്ധാ​ന്ത​ങ്ങ​ളെ​ല്ലാം 1930 കാ​ല​യ​ള​വി​ന് മു​മ്പു​ത​ന്നെ പൂ​ർ​ത്തി​യാ​ക്ക​പ്പെ​ട്ട​വ​യാ​ണ്. അ​ന്ന​ത്തെ സ​ങ്ക​ൽ​പ​ത്തി​ലു​ള്ള പ്ര​പ​ഞ്ചം ന​ന്നേ ചെ​റു​താ​ണ്. സ്വാ​ഭാ​വി​ക​മാ​യും ആ ​കൊ​ച്ചു​പ്ര​പ​ഞ്ച​ത്തി​ലെ പ​ദാ​ർ​ഥ​സ​ഞ്ച​യ​വും അ​വ​യു​ടെ ഗു​രു​ത്വ​ബ​ല​വും തീ​രെ ചെ​റു​താ​യി​രി​ക്കു​മ​ല്ലോ. ശി​ഷ്ട​മു​ള്ള സ്ഥ​ലം (space) ശൂ​ന്യ​മാ​ണെ​ന്നും അ​ന്ന് ക​രു​തി. അ​ങ്ങ​നെ, ബ​ല​ത​ന്ത്ര​ത്തി​ന്റെ അ​ടി​സ്ഥാ​ന സി​ദ്ധാ​ന്ത​ങ്ങ​ൾ ര​ണ്ടും – സ​വി​ശേ​ഷാ​പേ​ക്ഷി​ക​താ സി​ദ്ധാ​ന്ത​വും ക്വാ​ണ്ടം മെ​ക്ക​ാനി​ക്സും– ഈ ​ശൂ​ന്യ​ത​യെ ഭൗ​തി​ക പ്ര​പ​ഞ്ച​ത്തി​ന്റെ പ​ശ്ചാ​ത്ത​ല​മാ​ക്കി. ഭൗ​തി​ക​ശാ​സ്ത്ര​ത്തി​ലെ മ​റ്റെ​ല്ലാ സി​ദ്ധാ​ന്ത​ങ്ങ​ളും ഈ ​ര​ണ്ടെ​ണ്ണ​ത്തെ ആ​ധാ​ര​മാ​ക്കി​യു​ള്ള​താ​ക​യാ​ൽ അ​വ​യെ​ല്ലാംത​ന്നെ ഇ​പ്പ​റ​ഞ്ഞ ശൂ​ന്യ​ത​യെ വ​രി​ച്ചാ​ണ് നി​ല​കൊ​ള്ളു​ന്ന​ത്. ശൂ​ന്യ​ത​ക്ക് പ്ര​കൃ​ത​വി​ശേ​ഷ​ങ്ങ​ളി​ല്ലാ​ത്ത​തി​നാ​ൽ എ​ല്ലാ​യി​ട​ത്തു​മു​ള്ള പ​ദാ​ർ​ഥ​ത്തോ​ട് സം​ബ​ന്ധി​ച്ച​ല്ലാ​തെ സ​മ​യ​ത്തെ നി​ർ​വ​ചി​ക്കാ​നാ​വി​ല്ല. നി​ല​വി​ലു​ള്ള അ​ടി​സ്ഥാ​ന സി​ദ്ധാ​ന്ത​ങ്ങ​ളാ​ക​ട്ടെ സ്ഥ​ല-​കാ​ല​ങ്ങ​ൾ​ക്ക് അ​ഥ​വാ ച​ല​ന​ത്തി​നും സ​മ​യ​ത്തി​നും കേ​വ​ല​സൂ​ച​കം നി​രാ​ക​രി​ക്കു​ന്ന​വ​യാ​ണ്.

അ​ന്ന​ത്തെ പ്ര​പ​ഞ്ച​ത്തി​ന്റെ ആ​യി​രം മ​ട​ങ്ങെ​ങ്കി​ലും വി​പു​ല​മാ​ണ് യ​ഥാ​ർ​ഥ​ത്തി​ലു​ള്ള പ്ര​പ​ഞ്ച​മെ​ന്ന് ഇ​ന്നു ന​മു​ക്ക​റി​യാം. അ​തി​ൽ അ​ന്ന് നി​രൂ​പി​ച്ച​തി​ന്റെ നൂ​റു​കോ​ടി മ​ട​ങ്ങ് പ​ദാ​ർ​ഥ​മു​ണ്ടെ​ന്നും. ഈ ​യാ​ഥാ​ർ​ഥ്യം സ​ക​ല​തി​നെ​യും മാ​റ്റി​മ​റി​ക്കു​ന്ന​താ​ണ്. ച​ല​ന​ത്തി​ന്റെ കേ​വ​ല ച​ട്ട​ക്കൂ​ടാ​യി ഈ ​അ​തി​ഭീ​മ പ​ദാ​ർ​ഥ​ലോ​കം നി​ല​കൊ​ള്ളു​ന്നു എ​ന്നു മാ​ത്ര​മ​ല്ല, അ​തി​ന്റെ പ​രി​ണാ​മം – ബി​ഗ് ബാങ്ങോ മ​റ്റേ​തെ​ങ്കി​ലും ത​രം തു​ട​ക്ക​മോ ആ​ക​ട്ടെ, അ​തി​ൽ​നി​ന്നു​ള്ള പ​രി​ണാ​മം – കേ​വ​ല സ​മ​യ​ത്തി​ന്റെ ച​ട്ട​ക്കൂ​ടാ​യി നി​ൽ​ക്കു​ന്നു. അ​തി​ലും പ്ര​ധാ​നം, ഇ​ത്ര​ക്ക് ഭീ​മ​മാ​യ പ​ദാ​ർ​ഥ​ത്തി​ന്റെ​യും ഊ​ർ​ജ​ത്തി​ന്റെ​യും ഗു​രു​ത്വ​ബ​ല​മാ​ണ്. എ​ല്ലാ​ത്തി​നെ​യും എ​ല്ലാ പ്ര​തി​ഭാ​സ​ങ്ങ​ളെ​യും ബാ​ധി​ക്കു​ന്ന പ​ര​സ്പ​ര പ്ര​വ​ർ​ത്ത​ന​മാ​ണ​ല്ലോ ഗു​രു​ത്വ​ബ​ലം. അ​തി​ൽ​നി​ന്ന് ഒ​ന്നി​നും വി​മു​ക്തി​യി​ല്ല. സ​മ​യം എ​ങ്ങ​നെ പു​രോ​ഗ​മി​ക്കു​ന്നു, പ്ര​കാ​ശം എ​ങ്ങ​നെ പ്ര​സ​രി​ക്കു​ന്നു, വ​സ്തു​ക്ക​ൾ എ​ങ്ങ​നെ ച​ലി​ക്കു​ന്നു തു​ട​ങ്ങി സ​ക​ല​തും അ​തി​ന്റെ സ്വാ​ധീ​ന​ത്തി​ലാ​ണ്. ഇ​ത് മ​ന​സ്സി​ലാ​ക്കി​യാ​ൽ പി​ന്നെ ആ​ക​പ്പാ​ടെ ചെ​യ്യേ​ണ്ട​ത്, യ​ഥാ​ർ​ഥ ലോ​ക​ത്ത് ബ​ല​ത​ന്ത്ര​മാ​യി നാം ​കാ​ണു​ന്ന​തി​നെ​യൊ​ക്കെ വി​ശ​ദീ​ക​രി​ക്കാ​ൻ പ്ര​പ​ഞ്ച​ത്തി​ലെ ഇ​പ്പ​റ​ഞ്ഞ പ​ദാ​ർ​ഥ​വും ഊ​ർ​ജ​വും മ​തി​യാ​വു​ന്ന​താ​ണോ എ​ന്ന് പ​രി​ശോ​ധി​ച്ചു നോ​ക്കു​ക​യാ​ണ്. അ​താ​ണ് ക​ഴി​ഞ്ഞ 15 കൊ​ല്ല​മാ​യി ഞാ​ൻ ചെ​യ്തു​വ​ന്ന​ത്. ആ ​പ്ര​പ​ഞ്ച ഗു​രു​ത്വ​ബ​ലം മ​തി​യാ​വു​ന്നു എ​ന്നു ത​ന്നെ​യ​ല്ല, അ​ത് നാം ​കാ​ണു​ന്ന സ​ക​ല പ്ര​തി​ഭാ​സ​ങ്ങ​ളോ​ടും കൃ​ത്യ​മാ​യി പൊ​രു​ത്ത​പ്പെ​ടു​ക​യും ചെ​യ്യു​ന്നു. ഒ​രു കൊ​ച്ചു പ​ന്തി​ന്റെ ച​ല​ന​വും ഒ​രു റോ​ക്ക​റ്റി​ന്റെ പാ​ച്ചി​ലും തൊ​ട്ട് ഇ​ല​ക്ട്രോ​ൺ ക​ണ​ത്തി​ന്റെ സ​ങ്കീ​ർ​ണ​മാ​യ ക്വാ​ണ്ടം ച​ല​നം വ​രെ എ​വി​ടെ​യും.

ഇ​ങ്ങ​നെ പ്ര​പ​ഞ്ച​ഗു​രു​ത്വം നി​ർ​ണാ​യ​ക​മാ​വു​മ്പോ​ൾ, പ്ര​കാ​ശ​ത്തി​ന്റെ ആ​പേ​ക്ഷി​ക പ്ര​വേ​ഗം സ്ഥി​രാ​ങ്ക​മാ​ണെ​ന്ന ഐ​ൻ​സ്റ്റൈ​ന്റെ ഊ​ഹ​നി​ഗ​മ​നം തെ​റ്റാ​ണെ​ന്ന് വ​രു​ന്നു – ഈ ​ഊ​ഹ​മാ​ണ് അ​ദ്ദേ​ഹ​ത്തി​ന്റെ ആ​പേ​ക്ഷി​ക​താ സി​ദ്ധാ​ന്ത​ത്തി​ന്റെ അ​ടി​ത്ത​റ എ​ന്നോ​ർ​ക്ക​ണം. മ​റി​ച്ച്, പ്ര​കാ​ശം പെ​രു​മാ​റു​ന്ന​ത് ശ​ബ്ദ​ത്തി​ന്റെ മാ​തി​രി​യാ​ണ്; അ​തി​ന്റെ ആ​പേ​ക്ഷി​ക പ്ര​വേ​ഗം നി​രീ​ക്ഷ​ക​ന് അ​നു​സൃ​ത​മാ​യി മാ​റു​ന്നു. ഇ​താ​ണ് ഐ​ൻ​സ്റ്റൈ​ന്റെ സി​ദ്ധാ​ന്ത​ത്തി​ൽ​നി​ന്ന് എ​ന്റെ സി​ദ്ധാ​ന്ത​ത്തെ വേ​ർ​തി​രി​ക്കു​ന്ന നി​ർ​ണാ​യ​ക​മാ​യ പ​രീ​ക്ഷ​ണ​ത്തെ​ളി​വ്. ഇ​ത് ഊ​ഹ നി​ഗ​മ​ന​മ​ല്ല. എ​ന്റെ പ​രീ​ക്ഷ​ണ​ങ്ങ​ളി​ലും ജി.​പി.​എ​സ് നാ​വി​ഗേ​ഷ​ന്റെ പ്ര​വ​ർ​ത്ത​ന​ത്തി​ലു​മൊ​ക്കെ​യാ​യി പ​ല​കു​റി പ​രി​ശോ​ധി​ച്ചു​റ​പ്പി​ച്ച​താ​ണ്. ഇ​നി, അ​ക്കാ​ര്യ​ത്തി​ൽ സം​ശ​യ​ത്തി​ന് പ​ഴു​തേ​യി​ല്ല.

നവ സിദ്ധാന്തത്തി​ന്റെ ഉൽപത്തിയും വികാസവും

താ​ങ്ക​ളു​ടെ സി​ദ്ധാ​ന്ത​ത്തി​ലേ​ക്ക് മ​ട​ങ്ങി​വ​രാം. ഈ ​ആ​ശ​യ​ത്തി​ൽ എ​ങ്ങ​നെ​യാ​ണ് എ​ത്തി​ച്ചേ​ർ​ന്ന​ത്? നി​ല​വി​ലെ യാ​ഥാ​ർ​ഥ്യ വീ​ക്ഷ​ണ​ത്തി​ൽ സം​ശ​യം​ തോ​ന്നി​ത്തു​ട​ങ്ങി​യ​ത് എ​പ്പോ​ഴാ​ണ്? ആ​ഴ​ത്തി​ൽ അ​ന്വേ​ഷി​ക്കാ​ൻ പ്രേ​രി​പ്പി​ച്ച​തെ​ന്താ​ണ്?

അ​ടി​സ്ഥാ​ന ഭൗ​തി​ക ശാ​സ്ത്ര​ത്തി​ന്റെ ഘ​ട​ന പ​ഠി​ക്കു​മ്പോ​ൾ പ​ല ഊ​ഹ​നി​ഗ​മ​ന​ങ്ങ​ളും (Postulates) കാ​ണാം, പ​ല​തും വി​ശ്വാ​സ​യോ​ഗ്യ​മ​ല്ലാ​തെ കി​ട​ക്കു​ന്നു. അ​തേ​സ​മ​യം, ഭൗ​തി​ക ശാ​സ്ത്ര​ത്തി​ന്റെ ഉ​പ​രി​ഘ​ട​ന​യും മു​ഖപ്പും പ​രി​ശോ​ധി​ച്ചു​റ​പ്പി​ക്കാ​ത്ത ഈ ​നി​ഗ​മ​ന​ങ്ങ​ളെ ആ​ശ്ര​യി​ച്ചാ​ണ് നി​ല​കൊ​ള്ളു​ന്ന​ത്. അ​വ​യി​ൽ ചി​ല​ത് പ്ര​തീ​ക്ഷി​ക്ക​പ്പെ​ടു​ന്ന​തി​ൽനി​ന്ന് വി​പ​രീ​ത​മാ​യി സം​ഭ​വി​ക്കു​ന്ന ത​ര​ത്തി​ലാ​ണ്, ഫി​സി​ക്സി​ൽ അ​റി​വു​ള്ള വ​സ്തു​ത​ക​ളു​മാ​യി പൊ​രു​ത്ത​പ്പെ​ടു​ന്നി​ല്ല. മി​ക്ക​വ​രും ഇ​ത്ത​രം ചു​റ്റു​പാ​ടു​ക​ളെ അ​വ​ഗ​ണി​ച്ച് ഉ​പ​രി​ഘ​ട​ന​യി​ൽ പ​ണി​ഞ്ഞു​കൊ​ണ്ടി​രി​ക്കു​ന്നു. അ​ങ്ങ​നെ പു​തി​യ ഫ​ല​ങ്ങ​ൾ ഉ​രു​ത്തി​രി​ക്കു​ക​യും പു​തി​യ ഭൗ​തി​ക പ്ര​തി​ഭാ​സ​ങ്ങ​ൾ ക​ണ്ടെ​ത്തു​ക​യും ചെ​യ്യു​ന്നു. ചി​ല ഗ​വേ​ഷ​ക​ർ അ​സ്തിവാ​ര​ങ്ങ​ളെ ശ്ര​ദ്ധി​ക്കു​ന്നു. കാ​ര​ണം, ഉ​പ​രി​ഘ​ട​ന​യി​ൽ നി​ർ​മി​ച്ചു​വെ​ച്ചി​ട്ടു​ള്ള മി​ക്ക​തി​നെ​യും അ​ലോ​സ​ര​പ്പെ​ടു​ത്താ​തെ അ​ടി​ത്തറയിൽ ശ​ക്ത​മാ​യ മാ​റ്റ​ങ്ങ​ൾ സാ​ധി​ക്കാം. പ​ഴ​യ​തി​നെ മാ​റ്റാ​ൻ പ​ര്യാ​പ്ത​മാ​യ ഒ​രു പു​തി​യ അ​ടി​ത്ത​റ കൂ​ടു​ത​ൽ സ​മൃ​ദ്ധ​വും സ്ഥി​ര​ത​യു​ള്ള​തു​മാ​യി​രി​ക്കും – ഭൗ​തി​ക സ​ത്യ​ത്തോ​ട് കൂ​ടു​ത​ൽ അ​ടു​ത്ത​തെ​ന്ന നി​ല​യി​ൽ. നി​രീ​ക്ഷി​ത പ്ര​തി​ഭാ​സം മാ​റു​ന്നി​ല്ല, എ​ന്നാ​ൽ, അ​തി​നെ കു​റി​ച്ച വ്യാ​ഖ്യാ​ന​വും ധാ​ര​ണ​യും കാ​ത​ലാ​യി മാ​റ്റാ​നാ​വും.

ആ​പേ​ക്ഷി​ക​ത​യി​ൽ ഏ​റ്റ​വും സം​ശ​യാ​സ്പ​ദ​മാ​യ നി​ഗ​മ​നം ത​ന്നെ​യാ​ണ് ഇന്ന്​ ഏ​റ്റ​വും അ​ടി​സ്ഥാ​ന​മാ​യി​രി​ക്കു​ന്ന​ത്. അ​താ​യ​ത്, പ്ര​കാ​ശ​ത്തി​ന്റെ പ്ര​സ​ര​ണമാണ് ന​മു​ക്ക​റി​വു​ള്ള മ​റ്റെല്ലാ ത​രം​ഗ​ങ്ങ​ളു​ടെ​യും പ്ര​സര​ണ​ത്തി​ൽ​നി​ന്നും വ്യ​ത്യ​സ്ത​മാ​ണെ​ന്ന ഊ​ഹ​നി​ഗ​മ​നം. ഐ​ൻ​സ്റ്റൈ​ന്റെ ‘ലൈ​റ്റ് ഹൈ​പോ​തി​സി​സ്’ പ​റ​യു​ന്ന​ത്, ഒ​രു നി​രീ​ക്ഷ​ക​ന്റെ പ്ര​വേ​ഗ​ത്തി​ന് അ​നു​സൃ​ത​മാ​യി പ്ര​കാ​ശ​ത്തി​ന്റെ ആ​പേ​ക്ഷി​ക പ്ര​വേ​ഗം മാ​റു​ന്ന​തേ​യി​ല്ല എ​ന്നാ​ണ്. ശ​ബ്ദ​ത​രം​ഗംപോ​ലെ മ​റ്റെ​ല്ലാ ത​രം​ഗ​ങ്ങ​ളു​ടെ​യും ആ​പേ​ക്ഷി​ക പ്ര​വേ​ഗ​ങ്ങ​ൾ നി​രീ​ക്ഷ​ക​ന്റെ പ്ര​വേ​ഗ​ത്തി​നൊ​ത്ത് മാ​റു​ന്ന​താ​ണ്. ഒ​രു ത​രം​ഗ​ത്തെ നാം ​പി​ന്തു​ട​ർ​ന്നാ​ൽ അ​തി​ന്റെ ആ​പേ​ക്ഷി​ക പ്ര​വേ​ഗം കു​റ​ഞ്ഞി​രി​ക്കും. ത​രം​ഗ​ത്തി​ന​ടു​ത്തേ​ക്ക് നാം ​കു​തി​ക്കു​ന്ന​പ​ക്ഷം നേ​രെ മ​റി​ച്ചും. ഐ​ൻ​സ്റ്റൈ​ൻ നി​രൂ​പി​ച്ച​ത് നി​രീ​ക്ഷ​ക​ന്റെ ച​ല​നാ​വ​സ്ഥ എ​ന്തു​ത​ന്നെ​യാ​യാ​ലും പ്രകാശത്തി​ന്റെ ആ​പേ​ക്ഷിക പ്ര​വേ​ഗം ഒ​രേ​വി​ധ​മാ​യി​രി​ക്കും എ​ന്നാ​ണ്. വി​ചി​ത്ര​മാ​യൊ​രു നി​ഗ​മ​ന​മാ​ണി​ത്. എ​ങ്കി​ലും ഇ​തി​നെ ഒ​രു നി​ഗ​മ​ന​മാ​യി നി​രൂ​പി​ച്ചു ക​ഴി​ഞ്ഞാ​ൽ, ആ​പേ​ക്ഷി​ക​താ ശാ​സ്ത്ര​ത്തി​ലെ പ​ല ഭൗ​തി​ക​ഫല​ങ്ങ​ളും പി​ന്നാ​ലെ വ​ന്നു​കൊ​ള്ളും. അ​വ​യാ​ണ് ഇ​ന്ന​ത്തെ ഭൗ​തി​ക ശാ​സ്ത്ര​ത്തി​ന്റെ അ​ടി​സ്ഥാ​നം ത​ന്നെ. എ​ന്നി​ട്ടും സി​ദ്ധാ​ന്ത​മു​ണ്ടാ​യി കൊ​ല്ലം നൂ​റു​ക​ഴി​ഞ്ഞി​ട്ടും വി​ചി​ത്ര​മാ​യ ഈ ​ഊ​ഹ​വാ​ദ​ത്തി​ന് പ​രീ​ക്ഷ​ണം മു​ഖേ​ന​യു​ള്ള സാ​ധൂ​ക​ര​ണ​മൊ​ന്നു​മി​ല്ല. മി​ക്ക പ​രീ​ക്ഷ​ണ​ങ്ങ​ളും ഈ ​ഊ​ഹ​വാ​ദ​ത്തെ പിൻപറ്റുന്നവയാണ്​. എ​ന്നാ​ൽ, അ​തി​ന്റെ സ​ത്യാ​വ​സ്ഥ തെ​ളി​യി​ക്കു​ന്ന ഒ​രു പ​രീ​ക്ഷ​ണംപോ​ലു​മി​ല്ല. ഈ ​ഊ​ഹ​വാ​ദ​മാ​ണ് ഞാ​ൻ വീ​ണ്ടും വീ​ണ്ടും പ​ഠി​ച്ചു​നോ​ക്കി​യ​ത്, മ​ന​സ്സിലാ​ക്കാ​ൻ വേ​ണ്ടി. അ​തൊ​രു വ്യ​ർ​ഥ​വ്യാ​യാ​മ​മാ​യി​രു​ന്നു. കാ​ര​ണം, യ​ഥാ​ർ​ഥ ച​ല​നം തി​രി​ച്ച​റി​യാ​നു​ള്ള ഏ​തെ​ങ്കി​ലും സൂ​ച​ക ച​ട്ട​ക്കൂ​ടു​ണ്ടാ​വ​ണ​മ​ല്ലോ. അ​ങ്ങ​നെ​യൊ​ന്നി​ന്റെ നി​രാ​ക​ര​ണ​ത്തി​ന് തു​ല്യ​മാ​യി​രു​ന്നു ഈ ​ഊ​ഹ​നി​ഗ​മ​നം.

എ​ന്നാ​ൽ, 1990ക​ളു​ടെ ഒ​ടു​വോടെ എ​നി​ക്കൊ​രു സം​ഘ​ർ​ഷം കാ​ണാ​ൻ ക​ഴി​ഞ്ഞു – കേ​വ​ല​ത്വ​മു​ള്ളൊ​രു സൂ​ച​ക ച​ട്ട​ക്കൂ​ടി​ന്റെ ആ ​നി​രാ​ക​ര​ണ​വും യ​ഥാ​ർ​ഥ പ്ര​പ​ഞ്ച​വും ത​മ്മി​ൽ. ബൃ​ഹ​ത്താ​യ പ​ദാ​ർ​ഥ​ശേ​ഖ​ര​വും കോ​സ്മി​ക് ​മൈക്രോ​വേ​വ് ബാ​ക്ഗ്രൗ​ണ്ട് റേ​ഡി​​േയ​ഷ​നും ഉ​ൾ​വ​ഹി​ക്കു​ന്ന പ്ര​പ​ഞ്ചം യ​ഥാ​ർ​ഥ ച​ല​ന​ത്തി​ന് യു​ക്ത​മാ​യ പ​ശ്ചാ​ത്ത​ല ച​ട്ട​ക്കൂ​ടാ​വു​ന്നു. ശ​രി​യാ​യ ഉ​ദ്ദീ​പ​ന ബി​ന്ദു​വാ​യ​ത്, ച​ലി​ക്കു​ന്ന ഒ​രു ക്ലോ​ക്കി​ന് എ​ന്തേ വേ​ഗം കു​റ​യു​ന്നു എ​ന്ന് മ​ന​സ്സി​ലാ​ക്കാ​ൻ ഞാ​ൻ പാ​ടു​പെ​ടു​ന്ന ഘ​ട്ട​ത്തി​ലാ​ണ്. എ​ന്നെ സം​ബ​ന്ധി​ച്ച് ക്ലോ​ക്ക് ഒ​രു ഭൗ​തി​ക​വ​സ്തു​വാ​ണ്, അ​തി​ന്റെ പ്ര​വ​ർ​ത്ത​ന​േത്താ​തി​ലെ ഏ​തു മാ​റ്റ​വും സം​ഭ​വി​ക്കു​ക ഒ​രു ഭൗ​തി​ക ഇ​ട​പെ​ട​ൽ വ​ഴി മാ​ത്ര​മാ​ണ്. എ​ന്നാ​ൽ, ഐ​ൻ​സ്റ്റൈ​ന്റെ ആ​പേ​ക്ഷി​ക​ത​യി​ലെ സ​മ​യ​മാ​റ്റ​ങ്ങ​ൾ അ​ത്ത​രം ഏ​തെ​ങ്കി​ലും ഇ​ട​പെ​ട​ൽ വ​ഴി​യു​ള്ള​ത​ല്ല. അ​തു​പോ​ലെ​ത്ത​ന്നെ പാ​ഠ​പു​സ്ത​ക​ങ്ങ​ളി​ലും ഗ​വേ​ഷ​ണ പ്ര​ബ​ന്ധ​ങ്ങ​ളി​ലും ട്വി​ൻ പാ​ര​ഡോ​ക്സ് എ​ന്ന് വി​ളി​ക്കു​ന്ന സം​ഗ​തി​യെ​പ്പ​റ്റി​യു​ള്ള വ​ഴു​വ​ഴു​ക്ക​നും വി​ശ്വാ​സ്യ​ത​യി​ല്ലാ​ത്ത​തു​മാ​യ വി​ശ​ദീ​ക​ര​ണ​ങ്ങ​ളി​ൽ ഞാ​ൻ പാ​ടേ അ​തൃ​പ്ത​നാ​യി​രു​ന്നു. ഐ​ൻ​സ്റ്റൈ​ന്റെ സി​ദ്ധാ​ന്ത​ത്തി​ന്റെ ആ​ദികാ​ലം തൊ​ട്ടേ ച​ർ​ച്ചചെ​യ്തു​വ​രു​ന്ന ഒ​രു പ്ര​ഹേ​ളി​ക​യാ​ണ് ട്വി​ൻ പാ​ര​ഡോ​ക്സ്. (അ​താ​യ​ത്, ഇ​ര​ട്ട സ​ഹോ​ദ​ര​ന്മാ​രി​ൽ ഒ​രുവ​ൻ ഒ​രു ക്ലോ​ക്കു​മാ​യി ഭൂ​മി​യി​ലി​രി​ക്കു​ന്നു. അതേ സ​മ​യം കാ​ണി​ക്കു​ന്ന മ​റ്റൊ​രു ​ക്ലോ​ക്കു​മാ​യി ര​ണ്ടാ​മ​ൻ പ്ര​കാ​ശ​വേ​ഗ​ത്തോ​ട​ടു​ത്ത് ബ​ഹി​രാ​കാ​ശ​ത്തേ​ക്ക് വി​ക്ഷേ​പി​ക്ക​പ്പെ​ടു​ന്നു. സ​ഞ്ചാ​രം ക​ഴി​ച്ച് അ​വ​ൻ ഭൂ​മി​യി​ൽ മ​ട​ങ്ങി​യെ​ത്തു​മ്പോ​ൾ നി​ശ്ച​ല​നാ​യി​രി​ക്കു​ന്ന സ്വ​ന്തം സ​ഹോ​ദ​ര​ന്റെ ക്ലോ​ക്കി​ലെ സ​മ​യം മ​റ്റേ ക്ലോ​ക്കി​നേ​ക്കാ​ൾ ഒ​രു​പാ​ട് ക​ട​ന്നു​പോ​യി​രി​ക്കും. അ​ഥ​വാ ച​ലി​ക്കു​ന്ന ക്ലോ​ക്കി​ലെ സ​മ​യ​ത്തി​ന് കാ​ര്യ​മാ​യ വേ​ഗ​ക്കു​റ​വു വ​ന്നി​രി​ക്കും. ഇ​താ​ണ് ഈ ​ചി​ന്താ​പ​രീ​ക്ഷ​ണ​ത്തി​ന്റെ പ്ര​ഥ​മ​രൂ​പം – ലേ​ഖ​ക​ൻ). ഈ ​പ്ര​ശ്ന​മു​ണ്ടാ​വു​ന്ന​ത്, ഐ​ക​രൂ​പ്യ​മു​ള്ള ച​ല​ന​ത്തി​ലു​ള്ള എ​ല്ലാ നി​രീ​ക്ഷ​ക​രും തു​ല്യാ​വ​സ്ഥ​യി​ലാ​ണെ​ന്നും മ​റ്റു​ള്ള​വ​ർ ച​ലി​ക്കു​മ്പോ​ൾ ഇതിൽ ആ​ർ​ക്കും നി​ശ്ച​ലാ​വ​സ്ഥ അ​വ​കാ​ശ​പ്പെ​ടാ​നാ​വു​മെ​ന്നും ഐ​ൻ​സ്റ്റൈ​ൻ ഉ​റ​പ്പി​ക്കു​ന്ന​തു​കൊ​ണ്ടാ​ണ്. അ​പ്പോ​ൾ​പി​ന്നെ ആ​ദ്യ ക്ലോ​ക്കി​ലാ​ണോ മ​റ്റേ​തി​ലാ​ണോ സ​മ​യം മെ​ല്ലെ ച​ലി​ക്കേ​ണ്ട​തെ​ന്ന് പ​റ​യാ​ൻ ക​ഴിയി​ല്ല. ഒ​ന്നാം ക്ലോ​ക്കാ​ണ് നി​ശ്ച​ലാ​വ​സ്ഥ​യി​ലെ​ന്ന് അ​വ​കാ​ശ​പ്പെ​ട്ടാ​ൽ സ​മ​യ​വി​ളം​ബ​മു​ണ്ടാ​വു​ക ര​ണ്ടാം ക്ലോ​ക്കി​ലാ​വും, ര​ണ്ടാം ക്ലോ​ക്കാ​ണ് നി​ശ്ച​ലാ​വ​സ്ഥ അ​വ​കാ​ശ​പ്പെ​ടു​ന്ന​തെ​ങ്കി​ൽ മ​റി​ച്ചും. സി​ദ്ധാ​ന്ത​ത്തി​ന് പ്ര​ത്യേ​കി​ച്ചൊ​രു മു​ൻ​ഗ​ണ​നാ താ​ൽ​പ​ര്യ​വു​മി​ല്ല. വാ​സ്ത​വ​ത്തി​ൽ പ​ക്ഷേ, ര​ണ്ടു ക്ലോ​ക്കു​ക​ളി​ൽ ഒ​ന്നു മാ​ത്ര​മേ വി​ളം​ബി​ത കാ​ല​ത്തി​ലാ​കാ​റുള്ളൂ, പ്ര​കൃ​തി​യി​ൽ ഈ ​ചോ​യ്സ് എ​ങ്ങ​നെ​യാ​ണ് ന​ട​ക്കു​ന്ന​ത്? ഐ​ൻ​സ്റ്റൈ​ന്റെ സി​ദ്ധാ​ന്ത​ത്തി​ന് സ്വ​യം സാ​ധൂ​ക​രി​ക്കാ​ൻ പ​റ്റി​യ ഉ​ത്ത​ര​മി​ല്ല.

പി​ന്നീ​ട് ഞാ​ൻ തി​രി​ച്ച​റി​ഞ്ഞു, ട്വി​ൻ പാ​ര​ഡോ​ക്സ് പ​രി​ഹ​രി​ക്ക​പ്പെ​ടു​ന്ന​ത് പ്ര​പ​ഞ്ചം ച​ല​ന​ത്തി​ന്റെ പ​ശ്ചാ​ത്ത​ല ച​ട്ട​ക്കൂ​ടാ​യി വ​രു​മ്പോ​ൾ മാ​ത്ര​മാ​ണ്. പ്ര​പ​ഞ്ച​ത്തി​ലെ പ​ദാ​ർ​ഥ​ത്തോ​ട് കൂ​ടു​ത​ൽ ആ​പേ​ക്ഷി​ക​മാ​യി ച​ലി​ക്കു​ന്ന ക്ലോ​ക്കി​ലെ സ​മ​യ​മാ​വും മെ​ല്ലെ​യാ​വു​ക. അ​താ​യി​രു​ന്നു തു​ട​ക്കം. പ​ക്ഷേ, അ​തു​മാ​ത്രം കൊ​ണ്ട് ച​ലി​ക്കു​ന്ന ക്ലോ​ക്ക് എ​ന്തു​കൊ​ണ്ട് ‘സ്ലോ’ ​ആ​കു​ന്നു എ​ന്ന​തി​ന് ഉ​ത്ത​ര​മാ​വു​ന്നി​ല്ല. അ​വി​ടെ ഒ​രു പരസ്​പര ​പ്രവർത്തനം ^ ഇ​ന്ററാ​ക്ഷ​ൻ- വേ​ണ​മ​ല്ലോ. ക്ര​മേ​ണ എ​നി​ക്ക് മ​ന​സ്സി​ലാ​യി, പ്ര​പ​ഞ്ച​ത്തി​ലെ പ​ദാ​ർ​ഥ​ത്തി​ന്റെ ഗു​രു​ത്വ​ബ​ല​മാ​ണ് ആ ​ഇ​ന്ററാ​ക്ഷ​​ന്റെ ഉ​ത്ത​ര​വാ​ദി. കാ​ര​ണം, ഗു​രു​ത്വ​ബ​ല​ത്തി​ന് ​ക്ലോ​ക്കു​ക​ളെ​യും പ്ര​കാ​ശ ച​ല​ന​ത്തെ​പോ​ലും ‘സ്ലോ’ ​ആ​ക്കാ​ൻ ക​ഴി​യു​മെ​ന്ന് ന​മു​ക്ക​റി​യാം. എ​ന്നാ​ൽ, ഈ ​തി​രി​ച്ച​റി​വ​ിന് വ​ല്ലാ​ത്തെ​രു ‘വ​ലു​പ്പ’​മു​ണ്ടാ​യി​രു​ന്നു. അ​ത് നി​ല​വി​ലു​ള്ള അ​സ്തി​വാ​ര​ങ്ങ​ളി​ൽ വ​ലി​യ മാ​റ്റ​ങ്ങ​ൾ വ​രു​ത്തും. ഞാ​ൻ ഒ​ന്ന​റ​ച്ചു​നി​ന്നു. പി​ന്നെ അ​ന​വ​ധി പ​രീ​ക്ഷ​ണ​ങ്ങ​ളി​ലെ തെ​ളി​വു​ക​ൾ പ​രി​ശോ​ധി​ച്ചു. അ​തെ​ല്ലാം എ​ന്റെ കാ​ഴ്ച​പ്പാ​ടി​നെ പി​ന്തു​ണ​ക്കു​ന്നു എ​ന്നു ക​ണ്ട​പ്പോ​ൾ മു​ന്നോ​ട്ടുപോ​കാ​മെ​ന്നു തോ​ന്നി. ശേ​ഷി​ച്ച​ത്, ഗ​ണി​ത വി​ശ​ദാം​ശ​ങ്ങ​ൾ ചി​ട്ട​പ്പെ​ടു​ത്ത​ലും ഓ​രോ പ​രീ​ക്ഷ​ണ​ങ്ങ​ളു​ടെ​യും സ്ഥൈ​ര്യം ഉ​റ​പ്പു​വ​രു​ത്ത​ലു​മാ​യി​രു​ന്നു. കൂ​ടു​ത​ൽ അ​ന്വേ​ഷി​ക്കു​ന്തോ​റും എ​ന്റെ നി​ല​പാ​ടു​ത​റ കൂ​ടു​ത​ൽ ബ​ല​പ്പെ​ടു​ക​യാ​യി​രു​ന്നു. ഐ​ൻ​സ്റ്റൈ​ന്റെ സി​ദ്ധാ​ന്ത​ത്തി​ലെ കൂ​ടു​ത​ൽ പി​ഴ​വു​ക​ൾ തെ​ളി​ഞ്ഞു​വ​ന്നു. സ്വ​ന്തം സി​ദ്ധാ​ന്ത​ത്തി​നുവേ​ണ്ടി അ​ദ്ദേ​ഹംത​ന്നെ മു​ന്നോ​ട്ടു​വെ​ച്ച ന്യാ​യ​വാ​ദ​ങ്ങ​ളി​ലെ നി​ർ​ണാ​യ​ക​മാ​യ പി​ശ​കു​ക​ൾ കാ​ണാ​ൻ ക​ഴി​ഞ്ഞു. അവയിൽ ചി​ല​തൊ​ക്കെ അ​ത്ഭു​ത​മു​ള​വാ​ക്കു​ന്ന​വ​യാ​യി​രു​ന്നു. എ​ല്ലാ​ത്തി​നു​മു​പ​രി​യാ​യി, ഐ​ൻ​സ്റ്റൈ​ന്റെ സി​ദ്ധാ​ന്ത​ത്തെ പൊ​ളി​ക്കു​ന്നതും കോ​സ്മി​ക് റി​ലേ​റ്റി​വി​റ്റി​യെ തു​ണ​ക്കു​ന്നതുമായിരുന്നു പ​രീ​ക്ഷ​ണ​ത്തെ​ളി​വു​ക​ൾ. അ​തോ​ടെ ഞാ​ൻ എ​ന്റേതാ​യ പ​രീ​ക്ഷ​ണ​ങ്ങ​ൾ രൂ​പ​ക​ൽ​പ​ന ചെ​യ്തു. അ​ങ്ങ​നെ എ​ന്റെ നി​ല​പാ​ട് ഭ​ദ്ര​മാ​ക്കി.

(തുടരും)