എ​റ​ണാ​കു​ളം ജി​ല്ല മു​സ്​​ലിം വി​മ​ൻ​സ് അ​സോ​സി​യേ​ഷ​നും ഹ​ലീ​മാ ബീ​വി​യു​ടെ ഇ​ട​പെ​ട​ലും

സാ​മൂ​ഹി​ക ഇ​ട​പെ​ട​ലി​ലൂ​ടെ വ​നി​ത​ക​ൾ​ക്ക് ഉ​ന്ന​തി​യി​ലെ​ത്താ​ൻ സാ​ധി​ക്കു​മെ​ന്ന് വി​ശ്വ​സി​ച്ച് ഹ​ലീ​മാ ബീ​വി ന​ട​ത്തി​യ ശ്ര​മ​ങ്ങ​ളി​ൽ ശ്ര​ദ്ധേ​യ​മാ​യ ഒ​ന്നാ​ണ് വി​മ​ൻ​സ് അ​സോ​സി​യേ​ഷ​ൻ രൂ​പ​വ​ത്ക​ര​ണം. കൂ​ടാ​തെ വി​ദൂ​ര ദേ​ശ​ങ്ങ​ളി​ൽ​നി​ന്ന് എ​റ​ണാ​കു​ള​ത്ത് എ​ത്തി​ച്ചേ​രു​ന്ന സ്ത്രീ​ക​ൾ​ക്ക് താ​മ​സി​ക്കാ​ൻ വ​നി​ത ഹോ​സ്റ്റ​ൽ സ്ഥാ​പി​ക്കു​ക​യെ​ന്ന ഉ​ദ്ദേ​ശ്യ​ല​ക്ഷ്യ​ത്തി​നു വേ​ണ്ടി​യും അ​വ​ർ അ​ഹോ​രാ​ത്രം പ​രി​ശ്ര​മി​ച്ചു.

അധ്യായം -24

1963ൽ ​എ​റ​ണാ​കു​ളം കേ​ന്ദ്ര​മാ​യി നി​ല​വി​ൽ വ​ന്ന മു​സ്​​ലിം വി​മ​ൻ​സ് അ​സോ​സി​യേ​ഷ​ന്റെ പ്ര​വ​ർ​ത്ത​ന​ങ്ങ​ളി​ൽ ഹ​ലീ​മാ ബീ​വി​യു​ടെ പ​ങ്കാ​ളി​ത്തം കാ​ണാ​ൻ ക​ഴി​യു​ന്നു​ണ്ട്. സാ​മൂ​ഹി​ക സേ​വ​ന താ​ൽ​പ​ര​ത​യോ​ടെ പ്ര​വ​ർ​ത്തി​ക്കു​ന്ന​തി​നാ​യി മു​സ്​​ലിം സ​മു​ദാ​യ​ത്തി​ലെ വ​നി​ത​ക​ൾ മു​ന്നി​ട്ടി​റ​ങ്ങേ​ണ്ട​തു​ണ്ടെ​ന്ന പു​രോ​ഗ​മ​ന​ചി​ന്ത ഉ​ൾ​ക്കൊ​ണ്ട് ഏ​താ​നും സ്ത്രീ​ക​ൾ ഇ​റ​ങ്ങി​പ്പു​റ​പ്പെ​ട്ട​തി​ന്റെ ബാ​ക്കി​പ​ത്ര​മാ​ണ് ‘എ​റ​ണാ​കു​ളം ജി​ല്ല മു​സ്​​ലിം വി​മ​ൻ​സ് അ​സോ​സി​യേ​ഷ​ൻ’. 1963 ആ​ഗ​സ്റ്റ് 12ന് ​സാ​മൂ​ഹി​ക​പ്ര​വ​ർ​ത്ത​ക​യാ​യ ഐ​ഷാ​ബീ​വി മു​ഹ​മ്മ​ദി​ന്‍റെ എ​റ​ണാ​കു​ള​ത്തെ വ​സ​തി​യി​ൽ ചേ​ർ​ന്ന യോ​ഗ​ത്തി​ൽ സ​മാ​ന മ​നഃ​സ്ഥി​തി​യു​ള്ള മു​സ്​​ലിം സ്ത്രീ​ക​ൾ സം​ബ​ന്ധി​ക്കു​ക​യു​ണ്ടാ​യി. ആ ​യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ച​ത് ഹ​ലീ​മാ ബീ​വി​യാ​യി​രു​ന്നു.

തു​ട​ർ​ന്ന് യോ​ഗം കൈ​ക്കൊ​ണ്ട തീ​രു​മാ​ന​ങ്ങ​ൾ ഫ​ല​പ്രാ​പ്തി​യി​ലേ​ക്ക് എ​ത്തി​ക്കു​ന്ന​തി​ന്‍റെ ഭാ​ഗ​മാ​യി ഒ​രു ക​ർ​മ​പ​രി​പാ​ടി ആ​വി​ഷ്ക​രി​ക്കാ​നാ​യി അ​തേ വ​ർ​ഷം ഡി​സം​ബ​ർ 15ന് ​അ​സ്മ മാ​യാ​ൻ​കു​ട്ടി​യു​ടെ വ​സ​തി​യി​ൽ വെ​ച്ച് അ​ഡ്വ. ഫാ​ത്തി​മ റ​ഹ്മാ​ന്റെ അ​ധ്യ​ക്ഷ​ത​യി​ൽ ര​ണ്ടാ​മ​ത്തെ യോ​ഗം ന​ട​ന്നു. അ​വി​ടെ​വെ​ച്ച് ത​ങ്ങ​ളു​ടെ സം​ഘ​ട​ന​യ്ക്ക് ‘എ​റ​ണാ​കു​ളം ജി​ല്ലാ മു​സ്​​ലിം വി​മ​ൻ​സ് അ​സോ​സി​യേ​ഷ​ൻ’ എ​ന്ന് നാ​മ​ക​ര​ണം ചെ​യ്യു​ക​യും അ​ഡ്വ. ഫാ​ത്തി​മ റ​ഹ്മാ​ൻ, ഖ​ദീ​ജ സ​യ്യി​ദ് മു​ഹ​മ്മ​ദ് എ​ന്നി​വ​ർ യ​ഥാ​ക്ര​മം പ്ര​സി​ഡ​ന്‍റും സെ​ക്ര​ട്ട​റി​യു​മാ​യി തെ​ര​ഞ്ഞെ​ടു​ക്ക​പ്പെ​ടു​ക​യു​ണ്ടാ​യി. 17 അം​ഗ എ​ക്സി​ക്യൂ​ട്ടി​വ് കൗ​ൺ​സി​ലി​ൽ ഹ​ലീ​മാ ബീ​വി​യും ഉ​ൾ​പ്പെ​ട്ടി​രു​ന്നു. എ​റ​ണാ​കു​ള​ത്തെ​യും പ​രി​സ​ര​ങ്ങ​ളി​ലെ​യും സാ​മൂ​ഹി​ക, രാ​ഷ്ട്രീ​യ, സാം​സ്കാ​രി​ക രം​ഗ​ങ്ങ​ളി​ൽ തി​ള​ങ്ങി​നി​ൽ​ക്കു​ന്ന​വ​രും വി​ദ്യാ​സ​മ്പ​ന്ന​രു​മാ​യി​രു​ന്നു സം​ഘ​ട​ന​യു​ടെ ഭാ​ര​വാ​ഹി​ത്വ​ത്തി​ലേ​ക്ക് എ​ത്തി​യ​ത്.

മ​റ്റൊ​രു പ്ര​ത്യേ​ക​ത ഇ​വ​രി​ൽ പ​ല​രു​ടെ​യും കു​ടും​ബ​ങ്ങ​ൾ, പ്ര​ത്യേ​കി​ച്ച് ഭ​ർ​ത്താ​ക്ക​ന്മാ​ർ വി​വി​ധ രാ​ഷ്ട്രീ​യ പ്ര​സ്ഥാ​ന​ങ്ങ​ളി​ലും സ​ർ​ക്കാ​റി​ൽ ഔ​ദ്യോ​ഗി​ക​മാ​യി ഉ​ന്ന​ത​സ്ഥാ​ന​ങ്ങ​ളും അ​ല​ങ്ക​രി​ച്ച് വ​രു​ന്ന​വ​രു​മാ​യി​രു​ന്നു. ആ​യി​രം രൂ​പ സം​ഭാ​വ​ന ചെ​യ്യു​ന്ന വ്യ​ക്തി​ക​ളെ ര​ക്ഷാ​ധി​കാ​രി​ക​ളാ​ക്കാ​നും 100 രൂ​പ സം​ഭാ​വ​ന ചെ​യ്യു​ന്ന​വ​രെ ആ​ജീ​വ​നാ​ന്ത അം​ഗ​ത്വ​ത്തി​ലേ​ക്ക് ഉ​ൾ​ക്കൊ​ള്ളി​ക്കാ​നും തീ​രു​മാ​നി​ച്ചു. അ​ങ്ങ​നെ 100 രൂ​പ ന​ൽ​കി ഹ​ലീ​മാ ബീ​വി വ​നി​താ സ​മാ​ജ​ത്തി​ന്റെ ആ​ജീ​വ​നാ​ന്ത അം​ഗ​മാ​യി (92ാം അം​ഗം).

പൊ​തു​തീ​രു​മാ​ന​ത്തി​ന്റെ അ​ടി​സ്ഥാ​ന​ത്തി​ൽ വാ​ർ​ഷി​ക അം​ഗ​ത്വ​ത്തി​ന് 12 രൂ​പ എ​ന്ന നി​ല​യി​ൽ നി​ശ്ച​യി​ച്ചു. തു​ട​ക്ക​ത്തി​ൽ ത​ന്നെ സം​ഘാ​ട​ക ക​മ്മി​റ്റി അം​ഗ​ങ്ങ​ൾ ഉ​ൾ​പ്പെ​ട്ടു​കൊ​ണ്ട് 200ൽ​പ​രം വ​നി​ത​ക​ളെ അം​ഗ​ങ്ങ​ളാ​യി ചേ​ർ​ക്കാ​ൻ സാ​ധി​ച്ചു. അ​തി​നാ​യി വി​വി​ധ ഭാ​ഗ​ങ്ങ​ളി​ൽ നി​ര​വ​ധി കു​ടും​ബ​യോ​ഗ​ങ്ങ​ൾ വി​ളി​ച്ചു​ചേ​ർ​ത്തു. മാ​ത്ര​മ​ല്ല, എ​ത്തി​പ്പെ​ടാ​ൻ സാ​ധി​ക്കു​ന്ന ഇ​ട​ങ്ങ​ളി​ലെ​ല്ലാം ത​ന്നെ നേ​രി​ട്ടെ​ത്തി​ച്ചേ​ർ​ന്ന് വ​നി​ത സം​ഘ​ത്തി​ന്‍റെ ആ​വ​ശ്യ​ക​ത ബോ​ധ്യ​പ്പെ​ടു​ത്തി​യും പ്ര​വ​ർ​ത്ത​ന​ങ്ങ​ൾ മു​ന്നോ​ട്ടു കൊ​ണ്ടു​പോ​കാ​ൻ സം​ഘാ​ട​ക​ർ ശ്ര​മി​ച്ചു.

ത​ങ്ങ​ളാ​ൽ ക​ഴി​യും വി​ധം പ​ത്ര​മാ​ധ്യ​മ​ങ്ങ​ൾ വ​ഴി പ്ര​ചാ​ര​ണ​ങ്ങ​ൾ ന​ട​ത്താ​നും അ​വ​ർ ത​യാ​റാ​യി. 1964 ഏ​പ്രി​ൽ 24ന് ​വ​നി​ത സം​ഘ​ത്തി​ന്റെ ആ​ദ്യ വാ​ർ​ഷി​ക സ​മ്മേ​ള​നം എ​റ​ണാ​കു​ളം മു​ന​വി​റു​ൽ ഇ​സ്​​ലാം ഹൈ​സ്കൂ​ളി​ൽ ന​ട​ന്നു. ഈ ​യോ​ഗ​ത്തി​ൽ വെ​ച്ച് താ​ൽ​ക്കാ​ലി​ക ക​മ്മി​റ്റി​യെ ഒ​ഴി​വാ​ക്കി സ​മ്മേ​ള​ന​ത്തി​ൽ പ​ങ്കെ​ടു​ത്ത നൂ​റി​ൽ​പ​രം വ​നി​ത​ക​ളി​ൽ​നി​ന്നും പു​തി​യ ഭാ​ര​വാ​ഹി​ക​ളെ തി​ര​ഞ്ഞെ​ടു​ത്തു.എ​ന്നി​രു​ന്നാ​ലും അ​ഡ്വ. ഫാ​ത്തി​മ റ​ഹ്മാ​ൻ പ്ര​സി​ഡ​ന്‍റ് സ്ഥാ​ന​ത്ത് തു​ട​രു​ക​യു​ണ്ടാ​യി. ഖ​ദീ​ജ സെ​യ്തു മു​ഹ​മ്മ​ദ്, സു​ലേ​ഖ മു​ഹ​മ്മ​ദ് ബാ​ബു എ​ന്നി​ങ്ങ​നെ ര​ണ്ടു പേ​രെ​യാ​ണ് സെ​ക്ര​ട്ട​റി​മാ​രാ​യി തി​ര​ഞ്ഞെ​ടു​ത്ത​ത്. ഹ​ലീ​മാ ബീ​വി നി​ർ​വാ​ഹ​ക സ​മി​തി​യി​ൽ ഒ​രു അം​ഗ​മാ​യി തു​ട​ർ​ന്നു.

 മു​സ്​​ലിം വ​നി​ത ഹോ​സ്റ്റ​ലി​ന്റെ സ്ഥാ​പ​ന​വും ഇ​ന്ദി​ര ഗാ​ന്ധി​യു​ടെ വ​ര​വും

വി​ദ്യാ​ഭ്യാ​സ​രം​ഗ​ത്ത് വ​നി​ത​ക​ൾ​ക്ക് ഉ​ണ​ർ​വ് ല​ഭി​ക്കു​ന്ന ത​ര​ത്തി​ലു​ള്ള ഇ​ട​പെ​ട​ൽ ഉ​ണ്ടാ​ക​ണ​മെ​ന്നാ​ണ് സം​ഘ​ട​ന​യു​ടെ ഉ​ദ്ദേ​ശ്യ​ല​ക്ഷ്യ​മാ​യി ഉ​യ​ർ​ത്തി​ക്കാ​ണി​ച്ച​ത്. അ​തി​നാ​യു​ള്ള ക​ർ​മ​പ​ദ്ധ​തി​ക​ൾ ആ​വി​ഷ്ക​രി​ക്കു​ക എ​ന്ന​താ​യി​രു​ന്നു ആ​ദ്യ​ത്തെ ന​ട​പ​ടി. അ​തി​ന്റെ ഭാ​ഗ​മാ​യി വി​ദൂ​ര​ദേ​ശ​ങ്ങ​ളി​ൽ​നി​ന്നും വി​ദ്യാ​ഭ്യാ​സ-​ഉ​ദ്യോ​ഗ ആ​വ​ശ്യ​ങ്ങ​ൾ​ക്കാ​യി എ​റ​ണാ​കു​ള​ത്ത് എ​ത്തി​ച്ചേ​രു​ന്ന സ്ത്രീ​ക​ൾ​ക്ക് സു​ര​ക്ഷി​ത​മാ​യി താ​മ​സി​ക്കു​ന്ന​തി​ന് അ​നു​യോ​ജ്യ​മാ​യ ഒ​രു വ​നി​ത ഹോ​സ്റ്റ​ൽ സ്ഥാ​പി​ക്കു​ക​യെ​ന്ന​തി​ലേ​ക്ക് സം​ഘാ​ട​ക​രു​ടെ ശ്ര​ദ്ധ പ​തി​ഞ്ഞു.

എ​ന്നാ​ൽ വ​ലി​യ സാ​മ്പ​ത്തി​ക ഉ​ത്ത​ര​വാ​ദി​ത്ത​മു​ള്ള ഒ​രു സം​ഗ​തി​യാ​യി​ട്ടാ​ണ് പ​ല​രും അ​തി​നെ ക​ണ്ട​ത്. ആ​യ​തി​നാ​ൽ ഹോ​സ്റ്റ​ൽ നി​ർ​മാ​ണം ഒ​രു വെ​ല്ലു​വി​ളി​യാ​യി ത​ന്നെ സം​ഘ​ട​ന ഏ​റ്റെ​ടു​ത്തു. തു​ട​ർ​ന്ന് മൈ​മൂ​ൻ അ​ബ്ദു​ൽ ഖാ​ദ​റി​നെ കാ​ര്യ​ദ​ർ​ശി​യാ​ക്കി കൊ​ണ്ട് ആ​റം​ഗ​ങ്ങ​ൾ ഉ​ൾ​ക്കൊ​ള്ളു​ന്ന ഹോ​സ്റ്റ​ൽ നി​ർ​മാ​ണ ക​മ്മി​റ്റി നി​ല​വി​ൽ വ​ന്നു. ഹോ​സ്റ്റ​ൽ സ്ഥാ​പി​ക്കാ​നു​ള്ള സ്ഥ​ലം ക​ണ്ടെ​ത്തു​ക എ​ന്ന​താ​യി​രു​ന്നു അ​ടു​ത്ത ക​ട​മ്പ. അ​തി​നാ​യി ക​ലൂ​ർ ജ​വ​ഹ​ർ​ലാ​ൽ നെ​ഹ്റു സ്റ്റേ​ഡി​യ​ത്തി​ന് വ​ട​ക്ക് കൃ​ഷ്ണ​സ്വാ​മി ക്രോ​സ് റോ​ഡി​ന് സ​മീ​പ​ത്താ​യി പ​ത്ത് സെ​ന്‍റ് സ്ഥ​ലം ക​ണ്ടെ​ത്തു​ക​യും വ​നി​ത സം​ഘ​ട​ന​യു​ടെ പേ​രി​ൽ വി​ല​ക്ക് വാ​ങ്ങു​ക​യും ചെ​യ്തു.

സം​ഘ​ത്തി​ന്‍റെ ത​ന​ത് ഫ​ണ്ടി​ൽ​നി​ന്നും 5000 രൂ​പ​യും എ.​എ​സ്. ബാ​വ​യു​ടെ കു​ടും​ബം സം​ഭാ​വ​ന​യാ​യി ന​ൽ​കി​യ 5000 രൂ​പ​യും കൂ​ട്ടി​ച്ചേ​ർ​ന്ന​താ​ണ് വ​സ്തു വാ​ങ്ങാ​നാ​വ​ശ്യ​മാ​യ തു​ക ക​ണ്ടെ​ത്തി​യ​ത്. സ്ഥ​ലം ല​ഭ്യ​മാ​യ​തോ​ടെ ഹോ​സ്റ്റ​ൽ കെ​ട്ടി​ട​ങ്ങ​ളു​ടെ നി​ർ​മാ​ണ​ത്തി​നു​ള്ള പ​ണം ക​ണ്ടെ​ത്തു​ക​യെ​ന്ന​ത് അ​ടു​ത്ത വെ​ല്ലു​വി​ളി​യാ​യി തീ​ർ​ന്നു. കു​റ​ഞ്ഞ​ത് ര​ണ്ടു​ല​ക്ഷ​മെ​ങ്കി​ലും ചെ​ല​വ് വ​രു​ന്ന രീ​തി​യി​ലു​ള്ള രൂ​പ​രേ​ഖ​യാ​ണ് കെ​ട്ടി​ട​ത്തി​നാ​യി ത​യാ​റാ​ക്കി​യ​ത്.

തു​ട​ർ​ന്ന് കെ​ട്ടി​ട നി​ർ​മാ​ണം ഇ​ഴ​ഞ്ഞു​നീ​ങ്ങു​ക​യു​ണ്ടാ​യി. അ​ങ്ങ​നെ ര​ണ്ടു വ​ർ​ഷം ക​ട​ന്നു​പോ​യി. സം​ഘ​ട​ന​യു​ടെ ര​ജി​സ്ട്രേ​ഷ​ൻ ന​ട​പ​ടി​ക​ളും മ​റ്റും ഇ​തി​നി​ട​യി​ൽ ന​ട​ന്നു. 1966 ഡി​സം​ബ​ർ 28ന് ​തി​രു​വി​താം​കൂ​ർ-​കൊ​ച്ചി ചാ​രി​റ്റ​ബി​ൾ സൊ​സൈ​റ്റി ആ​ക്ട് പ്ര​കാ​രം സം​ഘ​ട​ന ഔ​ദ്യോ​ഗി​ക​മാ​യി ത​ന്നെ ര​ജി​സ്റ്റ​ർ ചെ​യ്തു. കേ​ര​ള​ത്തി​ൽ ഇ​ദം പ്ര​ഥ​മ​മാ​യി ര​ജി​സ്റ്റ​ർ ചെ​യ്തു പ്ര​വ​ർ​ത്ത​നം ആ​രം​ഭി​ച്ച ആ​ദ്യ മു​സ്​​ലിം വ​നി​ത സം​ഘ​മാ​യി ച​രി​ത്ര​ത്തി​ൽ ഇ​ടം​നേ​ടി. അ​പ്പോ​ഴും ഹോ​സ്റ്റ​ൽ നി​ർ​മാ​ണ​ത്തി​ന്റെ പ്ര​വ​ർ​ത്ത​ന​ങ്ങ​ൾ മ​ന്ദീ​ഭ​വി​ച്ചു. എ​ന്നി​രു​ന്നാ​ലും കു​റ​ച്ചു പ​ണം കൈ​യി​ൽ വ​ന്ന​പ്പോ​ൾ ശി​ലാ​സ്ഥാ​പ​ന ക​ർ​മം ന​ട​ത്താ​ൻ തീ​രു​മാ​നി​ച്ചു. അ​തൊ​രു ച​രി​ത്ര​സം​ഭ​വ​മാ​ക്കി മാ​റ്റാ​ൻ വേ​ണ്ടി അ​ന്ന​ത്തെ പ്ര​ധാ​ന​മ​ന്ത്രി​യാ​യ ഇ​ന്ദി​ര ഗാ​ന്ധി​യെ​ത​ന്നെ ഉ​ദ്ഘാ​ട​ക​യാ​യി ക്ഷ​ണി​ക്കു​ക​യു​ണ്ടാ​യി.

1966 ജൂ​ലൈ ഒ​ന്നി​ന് സം​ഘ​ട​ന​യു​ടെ ശി​ലാ​സ്ഥാ​പ​ന സ​മ്മേ​ള​ന​ത്തി​ലേ​ക്ക് ഇ​ന്ദി​ര ഗാ​ന്ധി എ​ത്തി​ച്ചേ​ർ​ന്നു. ച​രി​ത്ര നി​മി​ഷ​ത്തെ ആ​ഘോ​ഷ​മാ​ക്കി മാ​റ്റാ​ൻ കേ​ര​ള​ത്തി​ന്‍റെ വി​വി​ധ​ഭാ​ഗ​ങ്ങ​ളി​ൽ​നി​ന്നു​ള്ള സ്ത്രീ-​പു​രു​ഷ​ന്മാ​ർ സ​മ്മേ​ള​ന സ്ഥ​ല​ത്തേ​ക്ക് ഒ​ഴു​കി​യെ​ത്തി. ത​ന്റെ പ്ര​സം​ഗ​ത്തി​ൽ എ​റ​ണാ​കു​ളം മു​സ്​​ലിം വ​നി​ത സം​ഘ​ത്തി​ന്‍റെ പ്ര​വ​ർ​ത്ത​ന​ങ്ങ​ളെ ഇ​ന്ദി​ര ഗാ​ന്ധി ശ്ലാ​ഘി​ക്കു​ക​യും അ​ക്കാ​ല​ത്തെ ഇ​ന്ത്യ​ൻ സ​മൂ​ഹ​ത്തി​ന്റെ വി​വി​ധ​ത​ല​ങ്ങ​ളി​ൽ പി​ന്നാ​ക്കം നി​ൽ​ക്കു​ന്ന മു​സ്​​ലിം വ​നി​ത​ക​ൾ ഈ ​സം​ഘ​ട​ന​യു​ടെ ഭാ​ഗ​മാ​യി ചെ​യ്തു​വ​രു​ന്ന പ്ര​വ​ർ​ത്ത​ന​ങ്ങ​ളെ എ​ടു​ത്തു​പ​റ​യു​ക​യും; ഭ​ദ്ര​മാ​യ കു​ടും​ബ ജീ​വി​ത​ത്തി​നും അ​തു​വ​ഴി രാ​ഷ്ട്ര​പു​രോ​ഗ​തി​ക്കും ക​ഴി​യു​ന്ന സം​ഭാ​വ​ന ചെ​യ്തു മു​ന്നോ​ട്ടു​പോ​കു​ന്ന എ​റ​ണാ​കു​ളം മു​സ്​​ലിം വ​നി​ത അ​സോ​സി​യേ​ഷ​നെ മ​റ്റു​ള്ള സം​ഘ​ങ്ങ​ൾ മാ​തൃ​ക​യാ​ക്കാ​നും ഇ​ന്ദി​ര ഗാ​ന്ധി ആ​വ​ശ്യ​പ്പെ​ട്ടു.

ഇ​ന്ദി​ര ഗാ​ന്ധി​ക്കൊ​പ്പം വേ​ദി പ​ങ്കി​ടാ​നും ഹ​ലീ​മാ ബീ​വി​ക്ക് അ​വ​സ​രം ല​ഭി​ച്ചു. ഹോ​സ്റ്റ​ൽ ശി​ലാ​സ്ഥാ​പ​ന സ​മ്മേ​ള​ന​ത്തി​ൽ പ്ര​സം​ഗി​ച്ച് പ്ര​ധാ​ന​മ​ന്ത്രി മ​ട​ങ്ങി. ത​ദ​വ​സ​ര​ത്തി​ൽ ന​ട​ന്ന നി​ര​വ​ധി​യാ​യ സ​മ്മേ​ള​ന സെ​ക്ഷ​നു​ക​ളി​ൽ അ​ധ്യ​ക്ഷ​ത വ​ഹി​ക്കാ​നു​ള്ള അ​വ​സ​രം ഹ​ലീ​മാ ബീ​വി​യി​ൽ വ​ന്നു​ചേ​ർ​ന്നു. തി​ക​ഞ്ഞ കൈ​യ​ട​ക്ക​ത്തോ​ടെ അ​വ​ർ അ​ത് നി​ർ​വ​ഹി​ക്കു​ക​യും ചെ​യ്തു. (പു​തി​യ ഹോ​സ്റ്റ​ലി​ന്റെ യ​ഥാ​ർ​ഥ സ്ഥാ​ന​ത്ത് ഹോ​സ്റ്റ​ൽ ശി​ലാ​സ്ഥാ​പ​നം നി​ർ​വ​ഹി​ച്ച​ത് പാ​ർ​ല​മെ​ന്റ് അം​ഗം സാ​ലെ മു​ഹ​മ്മ​ദ് ഇ​ബ്രാ​ഹിം സു​ലൈ​മാ​ൻ സേ​ട്ടാ​യി​രു​ന്നു)

എ​ന്നാ​ൽ, സം​ഘ​ട​ന​യു​ടെ മു​ന്നി​ൽ വ​ലി​യൊ​രു വെ​ല്ലു​വി​ളി​യാ​യി ഫ​ണ്ട് ശേ​ഖ​ര​ണം മാ​റി. തു​ട​ർ​ന്ന് നി​ര​വ​ധി​യാ​യ ഇ​ട​പെ​ട​ലു​ക​ളി​ലൂ​ടെ​യാ​ണ് കെ​ട്ടി​ട നി​ർ​മാ​ണ ഫ​ണ്ട് സ്വ​രൂ​പി​ച്ച​ത്. അ​തി​നാ​യി അ​സോ​സി​യേ​ഷ​ൻ അം​ഗ​ങ്ങ​ൾ നി​ർ​മി​ച്ച ക​ര​കൗ​ശ​ല​വ​സ്തു​ക്ക​ളു​ടെ​യും അ​ടു​ക്ക​ള സാ​ധ​ന​ങ്ങ​ളു​ടെ​യും തു​ണി​യി​ൽ തീ​ർ​ത്ത പ​ല​ത​രം ഉ​ൽ​പ​ന്ന​ങ്ങ​ളു​ടെ​യും പ്ര​ദ​ർ​ശ​ന വി​പ​ണ​ന​മേ​ള അ​വ​ർ സം​ഘ​ടി​പ്പി​ച്ചു. 1966 ന​വം​ബ​ർ 12ന് ​ന​ട​ന്ന സം​ഘ​ട​ന​യു​ടെ വാ​ർ​ഷി​ക പ​രി​പാ​ടി​യു​ടെ അ​നു​ബ​ന്ധി​ച്ചാ​ണ് വി​പ​ണ​ന​മേ​ള സം​ഘ​ടി​പ്പി​ച്ച​ത്. ഇ​തി​ലേ​ക്കാ​യി നൂ​റു​ക​ണ​ക്കി​ന് യു​വ​തി​യു​വാ​ക്ക​ളു​ടെ സ​ഹാ​യ സ​ഹ​ക​ര​ണ​ങ്ങ​ൾ സം​ഘ​ത്തി​ന് ല​ഭി​ച്ചു. ന​ല്ലൊ​രു തു​ക സ​മാ​ഹ​രി​ക്കാ​നും അ​വ​ർ​ക്ക് സാ​ധി​ച്ചു.

എ​ന്നി​രു​ന്നാ​ലും ഉ​ദ്ദേ​ശി​ച്ച ഫ​ണ്ട് ക​ണ്ടെ​ത്താ​ൻ ക​ഴി​യാ​തെ സം​ഘാം​ഗ​ങ്ങ​ൾ വി​ഷ​മി​ക്കു​ക​യു​ണ്ടാ​യി. അ​വ​രു​ടെ ഇ​ട​യി​ലേ​ക്ക് പു​തി​യൊ​രു ആ​ശ​യം ഉ​യ​ർ​ന്നു​വ​രു​ക​യും അ​ത് ഫ​ല​പ്ര​ദ​മാ​യി ന​ട​പ്പി​ൽ വ​രു​ത്തു​ന്ന​തി​ന് സം​ഘാ​ട​ക​ർ​ക്ക് സാ​ധി​ക്കു​ക​യും ചെ​യ്തു. അ​താ​യ​ത് ഫ​ണ്ട് പി​രി​വി​നാ​യി ഒ​രു ‘സ്റ്റാ​ർ നൈ​റ്റ്’ സം​ഘ​ടി​പ്പി​ക്കു​ക എ​ന്ന​താ​യി​രു​ന്നു ആ ​പു​ത്ത​ൻ ആ​ശ​യം. 1968 മാ​ർ​ച്ച് ഒ​ന്നി​ന് സി​നി​മാ​താ​ര​ങ്ങ​ൾ പ​ങ്കെ​ടു​ക്കു​ന്ന സ്റ്റാ​ർ നൈ​റ്റ് എ​റ​ണാ​കു​ള​ത്ത് ഉ​ദ്ഘാ​ട​നം ചെ​യ്ത​ത് മ​ല​യാ​ള സി​നി​മ​യി​ലെ നി​ത്യ​ഹ​രി​ത നാ​യ​ക​ൻ പ്രേം ​ന​സീ​റാ​യി​രു​ന്നു. കൂ​ടാ​തെ സി​നി​മാ​താ​ര​ങ്ങ​ളാ​യ ഷീ​ല, അ​ടൂ​ർ ഭാ​സി, ബ​ഹ​ദൂ​ർ, എ​സ്.​പി. പി​ള്ള, സം​വി​ധാ​യ​ക​നും ഗാ​ന​ര​ച​യി​താ​വു​മാ​യി​രു​ന്നു പി. ​ഭാ​സ്ക​ര​ൻ, ഗാ​യ​ക​രാ​യ യേ​ശു​ദാ​സ്, മ​ഹ​ബൂ​ബ് തു​ട​ങ്ങി നി​ര​വ​ധി പേ​ർ പ​ങ്കു​കൊ​ണ്ടു. ഇ​തി​ൽ പി. ​ഭാ​സ്ക​ര​ൻ മാ​സ്റ്റ​ർ സം​ഘ​ട​ന​യു​ടെ അ​ധ്യ​ക്ഷ​യാ​യി പ്ര​വ​ർ​ത്തി​ച്ചു​വ​രു​ന്ന അ​ഡ്വ. ഫാ​ത്തി​മ റ​ഹ്മാ​ന്റെ സ​ഹ​പാ​ഠി​കൂ​ടി​യാ​യി​രു​ന്നു​വെ​ന്ന​തും പ്ര​ത്യേ​ക​മാ​യി പ​രാ​മ​ർ​ശി​ക്കേ​ണ്ട​താ​ണ്.

ഈ ​പ​രി​പാ​ടി​യി​ലൂ​ടെ 50,000ത്തി​ൽ അ​ധി​കം രൂ​പ പി​രി​ച്ചെ​ടു​ക്കു​വാ​ൻ അ​വ​ർ​ക്ക് സാ​ധി​ച്ചു. അ​ക്കാ​ല​ത്ത് അ​തൊ​രു വ​ലി​യ തു​ക​ത​ന്നെ​യാ​യി​രു​ന്നു. തു​ട​ർ​ന്ന് സ​മൂ​ഹ​ത്തി​ലെ സ​മ്പ​ന്ന​രി​ൽ​നി​ന്നും സം​ഘ​ട​ന​ക​ളി​ൽ​നി​ന്നും പ​ണം​പി​രി​ക്കാ​നു​ള്ള പ​രി​ശ്ര​മ​ങ്ങ​ളും ആ​രം​ഭി​ച്ചു. അ​ങ്ങ​നെ ഒ​രു രൂ​പ മു​ത​ൽ പ​തി​നാ​യി​രം രൂ​പ വ​രെ സം​ഭാ​വ​ന ന​ൽ​കാ​ൻ നി​ര​വ​ധി​പേ​ർ ത​യാ​റാ​യി. അ​ക്കാ​ല​ത്ത് രൂ​പം​കൊ​ണ്ട മു​സ്​​ലിം എ​ജു​ക്കേ​ഷ​ന​ൽ സൊ​സൈ​റ്റി (എം.​ഇ.​എ​സ്) ഹോ​സ്റ്റ​ൽ നി​ർ​മാ​ണ​ത്തി​നാ​യി പ​തി​നാ​യി​രം രൂ​പ ലോ​ണാ​യി ന​ൽ​കാ​നും ത​യാ​റാ​യി.

ഹോ​സ്റ്റ​ൽ നി​ർ​മാ​ണം ആ​രം​ഭി​ച്ച​പ്പോ​ൾ മേ​ൽ​നോ​ട്ടം വ​ഹി​ക്കാ​നാ​യി പൗ​ര​പ്ര​മാ​ണി​മാ​രാ​യ കെ.​സി.​എം. മേ​ത്ത​ർ, പി.​എം. മാ​യ​ൻ​കു​ട്ടി, എ.​ബി. മു​ഹ​മ്മ​ദ് തു​ട​ങ്ങി​യ ഒ​രു ഉ​പ​സ​മി​തി​യെ തി​ര​ഞ്ഞെ​ടു​ത്തു. ഇ​തി​നി​ട​യി​ൽ കേ​ര​ളം സ​ന്ദ​ർ​ശി​ച്ച ഇ​ന്ത്യ​ൻ പ്ര​സി​ഡ​ന്‍റ് ഫ​ക്രു​ദീ​ൻ അ​ലി അ​ഹ​മ്മ​ദും കു​ടും​ബ​വും എ​റ​ണാ​കു​ള​ത്ത് മു​സ്​​ലിം വ​നി​താ അ​സോ​സി​യേ​ഷ​ന്റെ ആ​സ്ഥാ​നം സ​ന്ദ​ർ​ശി​ക്കു​ക​യു​ണ്ടാ​യി. 1968 ആ​ഗ​സ്റ്റ് നാ​ലി​ന് അ​വ​ർ​ക്കാ​യി ഒ​രു വി​രു​ന്ന് സ​ൽ​ക്കാ​രം സം​ഘ​ട​ന ഒ​രു​ക്കു​ക​യു​ണ്ടാ​യി.

നി​ര​വ​ധി​യാ​യ ക​ർ​മ​പ​രി​പാ​ടി​ക​ൾ ആ​വി​ഷ്ക​രി​ച്ചു​കൊ​ണ്ട് സം​ഘ​ട​ന​യു​ടെ പ്ര​വ​ർ​ത്ത​ന​ങ്ങ​ൾ തു​ട​ർ​ന്നു​വ​ന്നു. രാ​ജ്യ​ത്തി​ന്‍റെ നി​ർ​ണാ​യ​ഘ​ട്ട​ത്തി​ൽ സ​മൂ​ഹ​ത്തി​നും രാ​ജ്യ​ത്തി​നും മാ​തൃ​കാ​പ​ര​മാ​യ ഇ​ട​പെ​ട​ലു​ക​ളും അ​വ​ർ ന​ട​ത്തി. 1965ലെ ​ഇ​ന്ത്യ-​പാ​കി​സ്താ​ൻ യു​ദ്ധ​ത്തി​ൽ രാ​ജ്യ​ര​ക്ഷാ​നി​ധി​യി​ലേ​ക്ക് സം​ഭാ​വ​ന ന​ൽ​കു​ന്ന​തി​ന് അ​വ​ർ ത​യാ​റാ​യി. അ​തു​പോ​ലെ കൊ​ര​ട്ടി, നൂ​റ​നാ​ട് തു​ട​ങ്ങി​യ സ്ഥ​ല​ങ്ങ​ളി​ൽ പ്ര​വ​ർ​ത്തി​ച്ചു​വ​ന്നി​രു​ന്ന കു​ഷ്ഠ​രോ​ഗ ആ​ശു​പ​ത്രി​യി​ലേ​ക്ക് വ​സ്ത്ര​വും പ​ണ​വും വ​ർ​ഷം​തോ​റും എ​ത്തി​ച്ചു​ന​ൽ​കാ​നും സം​ഘ​ട​ന​യു​ടെ പ്ര​വ​ർ​ത്ത​ക​ർ പ​രി​ശ്ര​മി​ച്ചി​രു​ന്നു.

വി​ധ​വ​ക​ളാ​യ സ്ത്രീ​ക​ൾ​ക്ക് സ​ർ​ക്കാ​ർ ന​ൽ​കി​വ​ന്നി​രു​ന്ന ആ​ശ്വാ​സ സ​ഹാ​യം വാ​ങ്ങി​ന​ൽ​കാ​നും അ​ർ​ഹ​രാ​യ വി​ദ്യാ​ർ​ഥി​ക​ൾ​ക്ക് പ​ഠ​ന സൗ​ക​ര്യ​ങ്ങ​ളും സ്കോ​ള​ർ​ഷി​പ്പും ന​ൽ​കാ​നും സം​ഘാ​ട​ക​ർ പ​രി​ശ്ര​മി​ച്ചു. വ​ർ​ഷ​ങ്ങ​ളാ​യി സ്വ​പ്നം ക​ണ്ടു​വ​ന്ന ചി​ര​കാ​ല അ​ഭി​ലാ​ഷ​ത്തി​ലേ​ക്ക് അ​വ​ർ എ​ത്തി. നി​ർ​മാ​ണം പൂ​ർ​ത്തി​യാ​യ ഹോ​സ്റ്റ​ലി​ലെ ഉ​ദ്ഘാ​ട​നം 1969 സെ​പ്റ്റം​ബ​ർ ആ​റി​ന് അ​ന്ന​ത്തെ കേ​ര​ള വി​ദ്യാ​ഭ്യാ​സ മ​ന്ത്രി​യാ​യി​രു​ന്ന സി.​എ​ച്ച്. മു​ഹ​മ്മ​ദ് കോ​യ നി​ർ​വ​ഹി​ച്ചു.

ഉ​ദ്ഘാ​ട​ന സ​മ്മേ​ള​ന​ത്തി​ൽ ആ​ശം​സ​ക​ൾ അ​ർ​പ്പി​ക്കാ​ൻ നി​ർ​ദേ​ശി​ക്ക​പ്പെ​ട്ട മ​ഹി​ള​ക​ളി​ൽ ഒ​രാ​ൾ ഹ​ലീ​മാ ബീ​വി​യാ​യി​രു​ന്നു. സാ​ര​ഗു​ണ സ​മ്പ​ന്ന​വും അ​ർ​ഥ​ഗ​ർ​ഭ​വു​മാ​യ ഒ​രു പ്ര​സം​ഗ​ത്തി​ലൂ​ടെ അ​വ​ർ ത​ന്‍റെ സാ​ന്നി​ധ്യം അ​റി​യി​ച്ചു. അ​വ​രെ കൂ​ടാ​തെ സാ​മൂ​ഹി​ക സാം​സ്കാ​രി​ക മേ​ഖ​ല​ക​ളി​ൽ തി​ള​ങ്ങി​നി​ന്നി​രു​ന്ന പാ​ർ​വ​തി അ​യ്യ​പ്പ​ൻ, ലീ​ലാ ദാ​മോ​ദ​ര മേ​നോ​ൻ, മി​സി​സ് വി.​ആ​ർ. കൃ​ഷ്ണ​യ്യ​ർ, സി​സി​ലി പോ​ൾ​സ​ൺ എ​ന്നി​വ​രും സം​സാ​രി​ച്ചു. തു​ട​ർ​ന്ന് നി​ര​വ​ധി പേ​രാ​ണ് ഹോ​സ്റ്റ​ൽ അ​ന്തേ​വാ​സി​ക​ളാ​യി അ​വി​ടെ എ​ത്തി​ച്ചേ​ർ​ന്ന​ത്.93 ഹ​ലീ​മാ ബീ​വി​യു​ടെ വ​ലി​യൊ​രു ആ​ഗ്ര​ഹ​മാ​യി​രു​ന്നു മു​സ്​​ലിം വ​നി​ത​ക​ൾ​ക്കു​വേ​ണ്ടി ഒ​രു ഹോ​സ്റ്റ​ൽ. ത​ന്‍റെ കൂ​ടി പ​രി​ശ്ര​മ​ത്തി​ന്റെ ഫ​ല​മാ​യി അ​ത് ഫ​ല​പ്രാ​പ്തി​ലേ​ക്ക് എ​ത്തു​ന്ന മ​നോ​ഹ​ര​മാ​യ കാ​ഴ്ച​ക്ക് അ​ങ്ങ​നെ അ​വ​ർ സാ​ക്ഷി​യാ​യി.

അധ്യായം -25

ഹ​ലീ​മാ ബീ​വി​യു​ടെ ര​ച​ന​ക​ൾ

സ്ത്രീ​യ​വ​സ്ഥ​യെ വി​വി​ധ കോ​ണു​ക​ളി​ലൂ​ടെ നോ​ക്കി​ക്കാ​ണു​ന്ന​തി​നും അ​വ​യെ വി​ല​യി​രു​ത്തു​ന്ന​തി​നും ഹ​ലീ​മാ ബീ​വി​ക്ക് സാ​ധി​ച്ചി​രു​ന്നു. സ​മൂ​ഹ​ത്തി​ൽ ന​ട​ന്നു​വ​രു​ന്ന വി​വി​ധ പു​രോ​ഗ​മ​ന പ്ര​വ​ർ​ത്ത​ന​ങ്ങ​ളെ​യും സ്ത്രീ​യ​വ​സ്ഥ​യെ മു​ൻ​നി​ർ​ത്തി​യു​ള്ള ആ​ശ​യ സം​ഘ​ട്ട​ന​ങ്ങ​ളെ​യും മ​ന​സ്സി​ലാ​ക്കു​ന്ന​തി​നും അ​പ​ഗ്ര​ഥി​ക്കു​ന്ന​തി​നും അ​വ​ർ ശ്ര​മി​ച്ചി​ട്ടു​ണ്ട്. ഒ​പ്പം ത​ന്നെ, മു​സ്‍ലിം സ​മു​ദാ​യ​ത്തി​ലെ പൗ​രോ​ഹി​ത്യം, ആ​ധു​നി​ക വി​ദ്യാ​ഭ്യാ​സം, സ്ത്രീ​യ​വ​സ്ഥ എ​ന്നി​ങ്ങ​നെ വി​വി​ധ​ത​ല​ങ്ങ​ളി​ൽ​നി​ന്നു​കൊ​ണ്ടു​ള്ള ചി​ന്ത​ക​ൾ അ​വ​ത​രി​പ്പി​ക്കു​ന്ന​തി​നും അ​വ​യി​ൽ ഊ​ന്നി​നി​ന്നു​ള്ള ബോ​ധ​വ​ത്ക​ര​ണ​ത്തി​നും അ​വ​ർ പ​രി​ശ്ര​മി​ച്ചി​രു​ന്നു. അ​വ​യെ​ല്ലാം ത​ന്നെ പ്ര​സം​ഗ​ങ്ങ​ളാ​യി ലേ​ഖ​ന​ങ്ങ​ളാ​യും പു​റ​ത്തു​വ​ന്നി​രു​ന്നു.

ഹ​ലീ​മാ ബീ​വി​യു​ടെ ര​ച​ന​ക​ളെ പ​രി​ശോ​ധി​ച്ചാ​ൽ അ​വ​ക്ക് എ​ല്ലാ​ത്തി​നും ഏ​കീ​കൃ​ത സ്വ​ഭാ​വം കാ​ണാം. അ​വ​യെ​ല്ലാം പ​ങ്കു​വെ​ക്കു​ന്ന​ത് സ​മു​ദാ​യ​ത്തി​ലെ സ്ത്രീ​ക​ളു​ടെ ഉ​ന്ന​മ​നം ആ​യി​രു​ന്നു. അ​വ​ർ പ​റ​യു​ന്നു​ണ്ട്: “എ​ന്റെ ലേ​ഖ​ന​ങ്ങ​ളു​ടെ ത​ല​ക്കെ​ട്ടു​ക​ൾ വി​വി​ധ​ങ്ങ​ളാ​യി​രി​ക്കും എ​ങ്കി​ലും വി​ഷ​യം മി​ക്ക​വാ​റും ഒ​ന്നു​ത​ന്നെ​യാ​ണ്.’’ അ​ക്കാ​ല​ത്തെ മു​സ്‍ലിം സ്ത്രീ​ക​ളു​ടെ അ​വ​സ്ഥ അ​ത്ര​ക​ണ്ട് പ​രി​താ​പ​ക​ര​മാ​യി​രു​ന്നു. ആ​യ​തി​നാ​ൽ അ​വ​യെ​ക്കു​റി​ച്ച് വി​വി​ധ​ത​ല​ങ്ങ​ളി​ൽ എ​ഴു​ത​ണ​മെ​ന്ന ചി​ന്ത​യാ​യി​രു​ന്നു അ​വ​രെ ന​യി​ച്ച​ത്. എ​ന്തു​കൊ​ണ്ട് അ​വ​ർ തു​ട​ര​ത്തു​ട​രെ ഒ​രേ വി​ഷ​യ​ങ്ങ​ൾ ച​ർ​ച്ച​ചെ​യ്യു​ന്നു എ​ന്ന് ചോ​ദി​ക്കു​ന്ന​വ​രോ​ട് അ​വ​ർ​ക്കു​ള്ള മ​റു​പ​ടി: “എ​ത്ര പ​റ​ഞ്ഞാ​ലും തീ​രാ​ത്ത​തും ആ​രും​ത​ന്നെ എ​ങ്ങ​നെ​യൊ​ക്കെ പ​റ​ഞ്ഞി​ട്ടും ഇ​ന്നോ​ളം സ​മു​ദാ​യം കൈ​ക്കൊ​ള്ളാ​ത്ത​തും ആ​യ​തി​നാ​ലാ​ണ്.”94

ഹ​ലീ​മാ ബീ​വി​യു​ടെ ര​ച​ന​ക​ളും ചി​ന്ത​ക​ളും എ​ന്തു​കൊ​ണ്ട് സ്ത്രീ​പ​ക്ഷ വി​മ​ർ​ശ​ന നി​ല​പാ​ടി​ലേ​ക്ക് മാ​റി​യെ​ന്നു വി​ല​യി​രു​ത്തേ​ണ്ട​താ​ണ്: “...സ്ത്രീ​യു​ടെ താ​ര​ത​മ്യേ​ന മോ​ശ​പ്പെ​ട്ട അ​വ​സ്ഥ വി​ല​യി​രു​ത്തു​മ്പോ​ൾ അ​വ​ർ പ​ല​കോ​ണി​ലും അ​തി​നെ നോ​ക്കി​ക്ക​ണ്ടു. സ്ത്രീ​ക​ളു​ടെ​ത​ന്നെ മ​നോ​ഭാ​വം, മു​സ്‌​ലിം സ​മൂ​ഹ​ത്തി​ന്റെ മ​നോ​ഭാ​വം, മ​ത​പു​രോ​ഹി​ത​ന്മാ​രു​ടെ മ​ത​ത്തെ ഉ​പ​യോ​ഗി​ച്ചു​ള്ള വ​ള​ച്ചു​കെ​ട്ട​ൽ, മ​ത​ത്തെ​ക്കു​റി​ച്ചു​ള്ള അ​ൽ​പ​ജ്ഞാ​ന​വും തെ​റ്റാ​യ​ധാ​ര​ണ​യും തു​ട​ങ്ങി പ​ല​ത​ല​ത്തി​ലൂ​ടെ അ​ത് നോ​ക്കി​ക്കാ​ണാ​നു​ള്ള ശ്ര​മം ന​ട​ത്തു​ക​യും എ​ഴു​തു​ക​യും ചെ​യ്തു. അ​തു​കൊ​ണ്ടു​ത​ന്നെ, നി​ല​നി​ൽ​ക്കു​ന്ന പു​രു​ഷാ​ധി​പ​ത്യ മ​ത-​സാ​മൂ​ഹി​ക ചു​റ്റു​പാ​ടു​ക​ൾ​ക്കും മ​നോ​ഭാ​വ​ങ്ങ​ൾ​ക്കും ച​ട്ട​ക്കൂ​ടു​ക​ൾ​ക്കു​മെ​തി​രെ അ​വ​ർ രൂ​ക്ഷ​മാ​യ വി​മ​ർ​ശ​ന​ങ്ങ​ൾ ഉ​ന്ന​യി​ച്ചു.”95

മി​ക്ക​പ്പോ​ഴും ത​ന്റെ ചി​ന്ത​ക​ളെ പ്രാ​ദേ​ശി​ക​മാ​യ മു​സ്‍ലിം സ്ത്രീ ​ജീ​വി​ത​ത്തി​ലെ പ്ര​തി​ക​ര​ണ​ങ്ങ​ളി​ൽ​നി​ന്നു​കൊ​ണ്ട് പ​രി​ശോ​ധി​ക്കു​ന്ന​തി​നും വി​ല​യി​രു​ത്തു​ന്ന​തി​നും അ​വ​ർ പ​രി​ശ്ര​മി​ച്ചി​രു​ന്നു. ത​നി​ക്ക് ചു​റ്റു​മു​ള്ള സ്ത്രീ ​ജീ​വി​ത​ങ്ങ​ളാ​ണ് ത​ന്റെ ചി​ന്ത​ക്ക് പാ​ത്ര​മാ​യ​ത് എ​ന്ന​തി​നാ​ൽ വി​ഷ​യ​ങ്ങ​ളെ ഒ​റ്റ​പ്പെ​ട്ട​വ​യി​ൽ​നി​ന്നും സ​മ​ഗ്ര ശ്ര​ദ്ധ​വേ​ണ്ട​ത് എ​ന്ന ത​ല​ത്തി​ലേ​ക്ക് എ​ത്തി​ക്കു​ന്ന​തി​ന് അ​വ​ർ ശ്ര​മി​ച്ച​ത്. ഹ​ലീ​മാ ബീ​വി​യു​ടെ എ​ഴു​ത്തി​ന്റെ സൂ​ക്ഷ്മ​ത​ല​ങ്ങ​ളെ വി​ല​യി​രു​ത്തി​ക്കൊ​ണ്ട് നൂ​റ​യും നൂ​ർ​ജ​ഹാ​നും പ​റ​യു​ന്ന​ത്: “...ഏ​തൊ​രു വി​ഷ​യ​ത്തെ​യും വി​വ​ര​ശേ​ഖ​ര​ണ​ത്തി​ലൂ​ടെ​യും സാ​ഹ​ച​ര്യാ​പ​ഗ്ര​ഥ​ന​ത്തി​ലൂ​ടെ​യും കൃ​ത്യ​മാ​യി പ​ഠി​ച്ച്, സൂ​ക്ഷ്മാ​പ​ഗ്ര​ഥ​നം ചെ​യ്ത്, ആ​ധി​കാ​രി​ക​മാ​യ അ​വ​ലം​ബ​ങ്ങ​ൾ ഉ​പ​യോ​ഗി​ച്ച്, യു​ക്തി​ഭ​ദ്ര​മാ​യി ത​ന്റെ വാ​യ​ന​ക്കാ​രു​ടെ വീ​ക്ഷ​ണ​പ​രി​ധി, അ​ല്ലെ​ങ്കി​ൽ ചി​ന്താ​വ്യാ​പ്തി​ക്ക​നു​സ​രി​ച്ച് എ​ഴു​തു​ന്ന​രീ​തി​യാ​ണ് അ​വ​ർ ഉ​പ​യോ​ഗി​ച്ച​താ​യി കാ​ണു​ന്ന​ത്.

ഇ​തി​ൽ കൃ​ത്യ​മാ​യ പ​ശ്ചാ​ത്ത​ല വി​ശ​ദീ​ക​ര​ണ​ത്തി​ന് ഉ​ദാ​ഹ​ര​ണ​ങ്ങ​ളും ഉ​പ​മ​ക​ളും ന​ർ​മ​ക​ഥ​ക​ളും ഉ​പ​യോ​ഗി​ച്ച് കാ​ര്യ​ങ്ങ​ൾ കൂ​ടു​ത​ൽ വ്യ​ക്ത​മാ​ക്കു​ക​യും ചെ​യ്യു​ന്നു. പ​ഴ​ഞ്ചൊ​ല്ലു​ക​ളും ധാ​രാ​ള​മാ​യി ഉ​പ​യോ​ഗി​ച്ച​താ​യി കാ​ണു​ന്നു​ണ്ട്. കൂ​ടാ​തെ, ചി​ല​യി​ട​ങ്ങ​ളി​ൽ ര​സ​ക​ര​മാ​യ ന​ർ​മോ​ക്തി​യും ഉ​പ​യോ​ഗി​ച്ച് കാ​ണു​ന്നു. അ​തേ​സ​മ​യം, വി​മ​ർ​ശ​നാ​ത്മ​ക​മാ​യ എ​ഴു​ത്തി​ൽ അ​വ​രൊ​രു നി​പു​ണ​യു​മാ​യി​രു​ന്നു. ത​ന്ത്ര​പ​ര​മാ​യി കാ​ര്യ​ങ്ങ​ളെ പ​റ​ഞ്ഞു​വെ​ക്കാ​ൻ അ​വ​ർ​ക്ക് ന​ല്ല​മി​ടു​ക്കാ​യി​രു​ന്നു.”96

ഏ​തെ​ങ്കി​ലും ഗ​ഹ​ന​മാ​യ വി​ഷ​യ​ത്തെ സം​ബ​ന്ധി​ച്ച് -സ്ത്രീ​യ​വ​സ്ഥ, മ​തം, രാ​ഷ്ട്രീ​യം -ഏ​തു​മാ​ക​ട്ടെ വെ​റു​തെ പ​റ​ഞ്ഞു​പോ​കു​ന്ന ഒ​രു രീ​തി​യാ​യി​രു​ന്നി​ല്ല അ​വ​ർ സ്വീ​ക​രി​ച്ചി​രു​ന്ന​ത്. കൃ​ത്യ​മാ​യി വി​ശ​ക​ല​നം ന​ട​ത്തു​ക​യും അ​വ അ​വ​ത​രി​പ്പി​ച്ച​തി​നു​ശേ​ഷം അ​തി​നു​ള്ള പ്ര​ശ്ന​പ​രി​ഹാ​ര​വും നി​ർ​ദേ​ശി​ച്ചി​രു​ന്നു; അ​ത് സാ​മൂ​ഹി​ക​ചി​ന്ത​യാ​ണെ​ങ്കി​ലും മ​ത​പ​ര​മാ​യ ആ​ശ​യ​മാ​ണെ​ങ്കി​ലും. ഉ​ദാ​ഹ​ര​ണ​ത്തി​ന്, സ്ത്രീ​ക​ളു​ടെ നി​ല​മാ​റാ​ൻ സ്ത്രീ​ക​ൾ, മ​ത​സം​ഘ​ട​ന​ക​ൾ, പു​രോ​ഹി​ത വി​ഭാ​ഗം, പു​രു​ഷ​സ​മൂ​ഹം എ​ന്തു​ചെ​യ്യ​ണ​മെ​ന്നു കൃ​ത്യ​മാ​യി നി​ർ​ദേ​ശി​ക്കാ​ൻ അ​വ​ർ​ക്ക് ക​ഴി​ഞ്ഞി​രു​ന്നു. അ​വ പ​ല​പ്പോ​ഴും എ​ത്തി​ച്ചേ​രേ​ണ്ടി​ട​ത്ത് എ​ത്തി​ക്കു​ന്ന​തി​നു​ള്ള മാ​ർ​ഗ​ങ്ങ​ളാ​ണ് ഹ​ലീ​മാ ബീ​വി തേ​ടി​യി​രു​ന്ന​ത്.

പ​ല ചി​ന്ത​ക​ളും പ്ര​സം​ഗ​രൂ​പ​ത്തി​ൽ പു​റ​ത്തു​വ​രി​ക​യും പി​ന്നീ​ട് ലേ​ഖ​ന രൂ​പ​ത്തി​ലാ​ക്കി പ​ത്രി​ക​ക​ൾ​ക്ക് ന​ൽ​കു​ന്ന​തി​നാ​ണ് അ​വ​ർ താ​ൽ​പ​ര്യം കാ​ണി​ച്ചി​രു​ന്ന​ത്. ധാ​രാ​ളം പ​രി​മി​തി​ക​ൾ അ​വ​രു​ടെ ര​ച​ന​ക​ളി​ൽ കാ​ണാ​ൻ പ​റ്റും. എ​ന്നാ​ൽ, സ്കൂ​ൾ വി​ദ്യാ​ഭ്യാ​സം മാ​ത്രം കൈ​മു​ത​ലാ​യു​ള്ള ഒ​രു വ​നി​ത വാ​യ​ന​യി​ലൂ​ടെ​യും സാ​മൂ​ഹി​ക ഇ​ട​പെ​ട​ലി​ലൂ​ടെ​യും നേ​ടി​യെ​ടു​ത്ത വി​ചി​ന്ത​ന​ത്തി​ന്റെ/​വി​ശ​ക​ല​ന​ത്തി​ന്റെ തു​ട​ർ​ച്ച​യാ​ണ് അ​വ​രു​ടെ ര​ച​ന​ക​ളെ​ന്ന​തി​നാ​ൽ അ​ത്ത​രം പ​രി​മി​തി​ക​ൾ​ക്ക് പ്ര​സ​ക്തി ഇ​ല്ലാ​താ​വു​ക​യും അ​വ​യി​ലെ സ​ത്ത ഉ​യ​ർ​ന്നു​നി​ൽ​ക്കു​ക​യും ചെ​യ്യു​ന്നു​വെ​ന്ന​താ​ണ് സ​ത്യം.

ത​ന്റെ ര​ച​ന​ക​ൾ സ​മാ​ഹ​രി​ച്ച് പു​സ്ത​ക​രൂ​പ​ത്തി​ലാ​ക്കു​ന്ന​തി​നു​ള്ള താ​ൽ​പ​ര്യം അ​വ​ർ​ക്കു​ണ്ടാ​യി​രു​ന്നി​ല്ല. മാ​ത്ര​മ​ല്ല, മു​സ്‍ലിം സ്ത്രീ​യ​വ​സ്ഥ മെ​ച്ച​പ്പെ​ടു​ത്തു​ന്ന​തി​നാ​യി താ​ൻ എ​ഴു​തു​ന്ന​തെ​ന്തെ​ങ്കി​ലും പി​ൽ​ക്കാ​ലം ച​ർ​ച്ച​ചെ​യ്യു​മെ​ന്നു​ള്ള ബോ​ധ​വും അ​വ​രി​ൽ വ​ള​ർ​ന്നു​വ​ന്നി​രു​ന്നി​ല്ല. എ​ന്നി​രു​ന്നാ​ലും അ​വ​ർ എ​ഴു​തി​ക്കൂ​ട്ടി​യ ലേ​ഖ​ന​ങ്ങ​ൾ വി​വി​ധ മാ​സി​ക​ളി​ൽ​നി​ന്നും ശേ​ഖ​രി​ച്ച് അ​വ​രു​ടെ പി​ന്മു​റ​ക്കാ​ർ പു​സ്ത​ക​രൂ​പ​ത്തി​ലെ​ത്തി​ക്കു​ക​യു​ണ്ടാ​യി. ‘എം ​ഹ​ലീ​മ ബീ​വി​യു​ടെ ജീ​വി​തം -പ​ത്രാ​ധി​പ’ എ​ന്ന ല​ഘു ജീ​വ​ച​രി​ത്ര ഗ്ര​ന്ഥ​ത്തി​ൽ ഹ​ലീ​മാ ബീ​വി​യു​ടെ ചി​ല ലേ​ഖ​ന​ങ്ങ​ൾ, അ​ഭി​മു​ഖ​ങ്ങ​ൾ എ​ന്നി​വ അ​നു​ബ​ന്ധ​മാ​യി ചേ​ർ​ക്കു​ന്ന​തി​ന് ഗ്ര​ന്ഥ​ക​ർ​ത്രി​ക​ൾ ശ്ര​മി​ച്ചി​ട്ടു​ണ്ട്.

അ​തു​പോ​ലെ കാ​ലി​ക്ക​റ്റ് സ​ർ​വ​ക​ലാ​ശാ​ല​യി​ൽ പ്ര​വ​ർ​ത്തി​ക്കു​ന്ന സി.​എ​ച്ച് ചെ​യ​റി​ന്റെ കീ​ഴി​ലു​ള്ള മാ​പ്പി​ള ഹെ​റി​റ്റേ​ജ് ലൈ​ബ്ര​റി​യി​ലെ ഗ​വേ​ഷ​ക ഉ​പ​ദേ​ഷ്ടാ​വാ​യ അ​ബ്ദു​റ​ഹ്മാ​ൻ മ​ങ്ങാ​ട് വി​വി​ധ മാ​സി​ക​ക​ളി​ൽ​നി​ന്നും സ​മാ​ഹ​രി​ച്ച ലേ​ഖ​ന​ങ്ങ​ളി​ൽ ചി​ല​ത് ചേ​ർ​ത്തു​കൊ​ണ്ട് ‘ഹ​ലീ​മാ ബീ​വി​യു​ടെ തെ​ര​ഞ്ഞെ​ടു​ത്ത ര​ച​ന​ക​ൾ’ എ​ന്ന പേ​രി​ൽ കോ​ഴി​ക്കോ​ട് കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന യു​വ​ത ബു​ക്സ് (2023) വ​ഴി പ്ര​സി​ദ്ധീ​ക​രി​ക്കു​ക​യു​ണ്ടാ​യി. അ​തി​നു​ശേ​ഷം ക​ണ്ടെ​ടു​ക്കു​ക​യും വീ​ണ്ടെ​ടു​ക്കു​ക​യും ചെ​യ്ത ചി​ല ലേ​ഖ​ന​ങ്ങ​ളും മു​ഖ​പ്ര​സം​ഗ​ങ്ങ​ളും ചേ​ർ​ത്തു​കൊ​ണ്ട് വി​പു​ലീ​ക​രി​ക്കു​ന്ന​തി​നു​ള്ള ന​ട​പ​ടി​യും അ​വ​ർ ന​ട​ത്തി​വ​രു​ന്നു. ഈ ​ഗ്ര​ന്ഥ​ര​ച​ന നി​ർ​വ​ഹി​ക്കു​ന്ന വേ​ള​യി​ലും ചി​ല സു​വ​നീ​റു​ക​ളി​ലും മാ​സി​ക​ക​ളി​ലും പ്ര​സി​ദ്ധീ​ക​രി​ച്ച ലേ​ഖ​ന​ങ്ങ​ൾ ക​ണ്ടെ​ടു​ക്കു​ക​യും അ​വ ഇ​തി​നാ​യി ഈ ​ഗ്ര​ന്ഥ​കാ​ര​ൻ ഉ​പ​യോ​ഗി​ക്കു​ക​യും ചെ​യ്തി​ട്ടു​ണ്ട്.

(തുടരും)

കു​റി​പ്പ്

93. എ​റ​ണാ​കു​ളം മു​സ്​​ലിം വ​നി​താ ഹോ​സ്റ്റ​ൽ നി​ർ​മാ​ണം സം​ബ​ന്ധ​മാ​യി കൂ​ടു​ത​ൽ വി​വ​ര​ങ്ങ​ൾ​ക്ക് കാ​ണു​ക, എ​റ​ണാ​കു​ളം ജി​ല്ല വ​നി​താ സം​ഘം സു​വ​നീ​ർ, 1972.

94. ഹ​ലീ​മാ ബീ​വി, മു​സ്‍ലിം സ്ത്രീ​ക​ൾ സാം​സ്കാ​രി​ക രം​ഗ​ത്ത്, അ​ൻ​സാ​രി മാ​സി​ക, 1956.

95. നൂ​റ & നൂ​ർ​ജ​ഹാ​ൻ, എം. ​ഹ​ലീ​മാ ബീ​വി​യു​ടെ ജീ​വി​തം - പ​ത്രാ​ധി​പ, പു. 66 -67.

96. ​നൂ​റ & നൂ​ർ​ജ​ഹാ​ൻ, എം. ​ഹ​ലീ​മാ ബീ​വി​യു​ടെ ജീ​വി​തം -പ​ത്രാ​ധി​പ, പു. 68)