‘‘അ​മി​താ​ഭ് ബ​ച്ച​ൻ ഒ​രു ബാ​ർ​ബ​ർ ഷാ​പ്പു​കാ​ര​നോ​ട് ചെ​യ്ത​ത്’’ -ശി​ഹാ​ബു​ദ്ദീ​ൻ പൊ​യ്ത്തും​ക​ട​വിന്റെ ഓർമയെഴുത്ത്

വ​ള​പ​ട്ട​ണ​വും പൊ​യ്ത്തും​ക​ട​വ് ​​ഗ്രാ​മ​വും നി​റ​യു​ന്ന ഓ​ർ​മ എ​ഴു​ത്താ​ണ് ഇ​ത്. മു​മ്പ് ആ​ഴ്ച​പ്പ​തി​പ്പി​ൽ പ്ര​സി​ദ്ധീ​ക​രി​ച്ച ‘വ​ന​ജ ടാ​ക്കീ​സ്’ എ​ന്ന സി​നി​മ ഓ​ർ​മ​യു​ടെ തു​ട​ർ​ച്ച.നി​ഷ്ക​ള​ങ്ക​രാ​യ ഒ​രു​കൂ​ട്ടം മ​നു​ഷ്യ​ർ ക​ഥ​പോ​ലെ മു​ന്നി​ൽ വ​രു​ന്നു.

ഞ​ങ്ങ​ളു​ടേ​ത് ഒ​രു പൗ​രാ​ണി​ക തു​റ​മു​ഖ ന​ഗ​ര​മാ​ണ്. കേ​ര​ള​ത്തി​ലെ ഏ​ക ഇ​ൻ​ലാ​ൻ​ഡ് പോ​ർ​ട്ട്. കാ​ര്യം അ​ഴീ​ക്ക​ൽ പോ​ർ​ട്ട് എ​ന്നാ​ണ് പേ​രെ​ങ്കി​ലും അ​ത് പൊ​യ്ത്തും​ക​ട​വി​ലാ​ണ്. പൊ​യ്ത്തുംക​ട​വ് ക​ഴി​ഞ്ഞാ​ണ് വ​ള​പ​ട്ട​ണം പു​ഴ നേ​രെ അ​ഴി​മു​ഖ​ത്തെ​ത്തു​ന്ന​ത്. അ​വി​ടെ​യാ​ണ് അ​ഴീ​ക്ക​ൽ. നൂ​റ്റി​പ്പ​ത്ത് കി​ലോ​മീ​റ്റ​ർ താ​ണ്ടി​വ​രു​മ്പോ​ഴേ​ക്കും പു​ഴ വീ​തി കൂ​ടി​ക്കൂ​ടി​വ​രും. ക​ന്ന​ട, തു​ളു, കൊ​ങ്കണി, ബ്യാ​രി ഇ​ങ്ങ​നെ പ​ല​ത​രം ഭാ​ഷ​ക​ൾ കേ​ട്ടും മ​നു​ഷ്യ/​തി​ര്യ​ക്ക് ജീ​വ​ജാ​ല ലോ​ക​ങ്ങ​ൾ ക​ണ്ടും കേ​ട്ടും അ​റി​ഞ്ഞു​വ​രു​ന്ന പു​ഴ അ​ഴി​മു​ഖ​ത്ത് എ​ത്തു​ന്ന​തോ​ടെ അ​തു​വ​രെ കാ​ണാ​ത്ത ക​ട​ലി​ന്റെ ആ​ഴ​വും പ​ര​പ്പും ക​ണ്ട് ക്ലാ​സി​ൽ ക​യ​റാ​ൻ മ​ടി​ച്ചു​നി​ൽ​ക്കു​ന്ന കു​ട്ടി​യെ​പ്പോ​ലെ ഒ​രു നി​ൽ​പു​ണ്ട്. പ​ല പ്രാ​ദേ​ശി​ക സം​സ്​​കാ​ര​ങ്ങ​ളും കാ​വ്യാ​ത്മ​ക​മാ​യി അ​നു​ഭ​വി​ച്ച് ക​ട​ലി​നോ​ട് എ​ത്തി​ച്ചേ​രു​ന്ന​തി​നുമു​മ്പ് മ​ഹാ​ത്ഭു​ത​ങ്ങ​ളി​ലേ​ക്കും അ​മ്പ​ര​പ്പി​ലേ​ക്കും നീ​ങ്ങു​ന്നു. അ​തി​ലൊ​ന്നാ​ണ് റെ​യി​ൽ​വേ​പ്പാ​ലം. ഇ​ന്ത്യ മു​ഴു​വ​ൻ ചു​റ്റാം, കൊ​ങ്ക​ൺ വ​ഴി പോ​യാ​ൽ. ബ്രി​ട്ടീ​ഷു​കാ​ർ നി​ർ​മി​ച്ച ഈ ​ഉ​രു​ക്കു​പാ​ലം ക​ണ്ണെ​ത്താ​ദൂ​ര​ത്തോ​ളം വീ​തി​യു​ള്ള പു​ഴ​യു​ടെ നെ​ഞ്ചി​ൽ കാ​ലു​ക​ളൂ​ന്നി നി​ൽ​ക്കു​ന്നു. പു​ഴ​യു​ടെ ഏ​തോ ഭൂ​ത​കാ​ല സ്​​മൃ​തി ക​ര​യ്ക്ക​ടു​പ്പി​ച്ച​തു​പോ​ലെ​യാ​ണ് പു​ഴ​ക്ക​രി​കി​ലു​ള്ള വ​ന​ജാ ടാ​ക്കീ​സ്.

ത​ല​മു​റ​ക​ൾ പ​ല​തി​നെ ആ​ന​ന്ദി​പ്പി​ക്കു​ക​യും ചി​രി​പ്പി​ക്കു​ക​യും രോ​ഷംകൊ​ള്ളി​ക്കു​ക​യും വി​ഭ്ര​മി​പ്പി​ക്കു​ക​യും ചെ​യ്ത ആ ​ടാ​ക്കീ​സ്​ അ​ഞ്ചാ​റു​മാ​സം മു​മ്പ് മ​രി​ച്ചു. കോ​വി​ഡ് കാ​ലം അ​നേ​കം മ​നു​ഷ്യ​രെ കൊ​ന്നി​ട്ടു​ണ്ട്. എ​ന്നാ​ൽ ഒ​രു സി​നി​മാ തി​യ​റ്റ​റി​നെ കൊ​ന്ന​ത് ഞ​ങ്ങ​ളു​ടെ വ​ന​ജ​യെ​യാ​ണ്. ഓ​ല ടാ​ക്കീ​സ്​ എ​ന്ന പ​ര​മ്പ​രാ​ഗ​ത ക​ന്യ​കാ​ത്വ​ത്തെ ലം​ഘി​ക്കാ​തെ അ​വ​ൾ കാ​ല​യ​വ​നി​ക​ക്കു​ള്ളി​ൽ മ​റ​ഞ്ഞു. കേ​ര​ള​ത്തി​ലെ ഏ​തെ​ങ്കി​ലും തി​യ​റ്റ​റി​ന്റെ തൊ​ട്ട​ടു​ത്ത് കൂ​കി​പ്പാ​യു​ന്ന തീ​വ​ണ്ടി​പ്പാ​ളം ഉ​ള്ള​താ​യി എ​ന്റെ അ​റി​വി​ലി​ല്ല. എ​നി​ക്ക് പ​തി​നേ​ഴ്-പ​തി​നെ​ട്ട് വ​യ​സ്സു​ള്ള​പ്പോ​ഴാ​ണ് ബി.​ആ​ർ. ചോ​പ്ര നി​ർ​മി​ച്ച് ര​വി ചോ​പ്ര സം​വി​ധാ​നം​ചെ​യ്ത

‘T​h​e burn​in​g tra​in’ എ​ന്ന ഹി​ന്ദി സി​നി​മ വ​ള​പ​ട്ട​ണം വ​ന​ജാ ടാ​ക്കീ​സി​ൽ വ​രു​ന്ന​ത്. അ​ന്ന​ത്തെ എ​ന്റെ പ്രി​യതാ​ര​ങ്ങ​ളെ​ല്ലാം അ​തി​ലു​ണ്ട്. ധ​ർ​മേ​ന്ദ്ര, ഹേ​മ​മാ​ലി​നി, വി​നോ​ദ്ഖ​ന്ന, പ്ര​വീ​ൺ​ബാ​ബി, ജി​തേ​ന്ദ്ര, ഡാ​നി... അ​തി​ൽ ആ​ർ.​ഡി. ബ​ർ​മ​ൻ ഈ​ണം ന​ൽ​കി​യ ഗാ​ന​ങ്ങ​ൾ പ്ര​സി​ദ്ധ​മാ​ണ്. റെ​യി​ൽ​വേ പ​ശ്ചാ​ത്ത​ല​മാ​യി നി​റ​ഞ്ഞാ​ടി​യ ആ ​സി​നി​മ ഞ​ങ്ങ​ളെ വി​ഭ്ര​മി​പ്പി​ച്ചു. യാ​ഥാ​ർ​ഥ്യം ഏ​ത്, സ​ങ്ക​ൽ​പം എ​ന്ത് എ​ന്ന് അ​റി​യാ​തെ ജ​നം വ​ന​ജാ ടാ​ക്കീ​സി​ൽ വ​ന്നു​നി​റ​ഞ്ഞു. അ​തി​ന് പ്ര​ത്യേ​ക​മാ​യ ഒ​രു കാ​ര​ണ​മു​ണ്ട്. അ​ത് വി​ചി​ത്ര​വു​മാ​ണ്. പ​ല​പ്പോ​ഴും സി​നി​മ​യി​ൽ െട്ര​യി​ൻ കു​തി​ച്ചു​പാ​യു​മ്പോ​ൾ തി​യ​റ്റ​റി​ന് തൊ​ട്ട​പ്പു​റ​ത്തെ റെ​യി​ൽ​വേ ട്രാ​ക്കി​ലൂ​ടെ യ​ഥാ​ർ​ഥ തീ​വ​ണ്ടി വ​ലി​യ ശ​ബ്ദ​ത്തി​ൽ ക​ട​ന്നു​പോ​വു​ക​യാ​ണ്. ഇ​ത് തി​യ​റ്റ​റി​ൽ ഒ​രു സ്​​പെ​ഷ​ൽ ഇ​ഫ​ക്ട് ത​ന്നെ ഉ​ണ്ടാ​ക്കി. ഒ​രു​പ​ക്ഷേ, കേ​ര​ള​ത്തി​ൽ ആ​ദ്യ​മാ​യി ഈ ​ഇ​രു​പ​ത്തി​യൊ​ന്നാം നൂ​റ്റാ​ണ്ടി​ലെ ര​ണ്ടാം ദ​ശാ​ബ്ദം പി​ന്നി​ട്ട കാ​ല​ത്ത് സി​നി​മ കൈ​വ​രി​ച്ച സ്​​പെ​ഷ​ൽ ഇ​ഫ​ക്ട് ജാ​ല​വി​ദ്യ ഞ​ങ്ങ​ളു​ടെ ഗ്രാ​മീ​ണ​ർ ഇ​തു​വ​ഴി അ​നു​ഭ​വി​ച്ചു എ​ന്നു പ​റ​ഞ്ഞാ​ൽ അ​തി​ന​ക​ത്ത് ഒ​രു മാ​ജി​ക്ക​ൽ റി​യ​ലി​സ​മു​ണ്ട്. തി​യ​റ്റ​ർ െട്ര​യി​ൻ പോ​കു​ന്ന​ത് കാ​ണു​മ്പോ​ൾ ശ​രി​ക്കു​മു​ള്ള െട്ര​യി​ൻ തൊ​ട്ടു​പി​റ​കി​ലൂ​ടെ കൂ​വി​പ്പാ​യു​ന്ന​തി​ന്റെ ഭ്ര​മാ​ത്മ​ക​ത​യെ​പ്പ​റ്റി ഒ​ന്ന് സ​ങ്ക​ൽ​പി​ച്ചു നോ​ക്കി​യാ​ൽ ആ ​മാ​ജി​ക്ക​ൽ റി​യ​ലി​സ​ത്തി​ന്റെ ത​ട​വി​ലാ​കും, കു​റ​ച്ചു നേ​ര​ത്തേ​ക്കെ​ങ്കി​ലും, ന​മ്മ​ൾ.

വളപട്ടണം പുഴ

പ​ണ്ടൊ​രു തി​രു​മേ​നി തി​യ​റ്റ​റി​ൽ സി​നി​മ കാ​ണാ​ൻ പോ​യി. അ​തി​ൽ മ​ദംപൊ​ട്ടി​യ ആ​ന ചീ​റി​പ്പാ​ഞ്ഞു​വ​രു​ന്ന ക്ലോ​സ​പ്പ് ഷോ​ട്ടു​ണ്ട്. ത​റ​ടി​ക്ക​റ്റി​ലി​രു​ന്നു സി​നി​മ കാ​ണു​ക​യാ​യി​രു​ന്ന തി​രു​മേ​നി എ​ഴു​ന്നേ​റ്റ് പു​റ​ത്തേ​ക്കോ​ടി​ക്ക​ള​ഞ്ഞു. തി​യ​റ്റ​റി​ൽ ടി​ക്ക​റ്റ് മു​റി​ക്കു​ന്ന ആ​ൾ ന​മ്പൂ​തി​രി​യോ​ട് പ​റ​ഞ്ഞു: ‘‘ഓ​ട​ണ്ട, തി​രു​മേ​നി... അ​ത് സി​നി​മേ​ലെ ആ​ന​യാ...’’ ഓ​ട്ടം തു​ട​രു​ന്ന​തി​നി​ട​യി​ൽ ന​മ്പൂ​തി​രി വി​ളി​ച്ചു​പ​റ​ഞ്ഞു: ‘‘ശി​വ, ശി​വ! സി​നി​മേ​ലെ ആ​ന​യാ​ണ് താ​നെ​ന്ന് ആ​ന​യ്ക്ക​റി​യ് വോ​ന്ന് ന്താ, ​ഇ​ത്ര നി​ശ്ച​യം..?’’

ക​ത്തു​ന്ന തീ​വ​ണ്ടി, ത​ല ചെ​രി​ച്ച് മ​മ്മ​ദ്

എ​ന്താ​യാ​ലും ഇ​തി​നു സ​മാ​ന​മാ​യ ഒ​ര​നു​ഭ​വം വ​ന​ജാ ടാ​ക്കീ​സി​ന്റെ ത​റ ടി​ക്ക​റ്റെ​ടു​ത്തി​രു​ന്ന് സി​നി​മ ക​ണ്ടോ​ണ്ടി​രു​ന്ന കീ​രി​യാ​ട്ടെ മ​മ്മ​ദി​നും (യ​ഥാ​ർ​ഥ പേ​ര് വേ​റെ​യാ​ണ്) തോ​ന്നി. ‘ബേ​ണി​ങ് െട്ര​യി​നി​’ൽ കു​തി​ച്ചു​വ​രു​ന്ന വ​ണ്ടി​യു​ടെ അ​തേസ​മ​യ​ത്ത് പു​റ​ത്തെ റെ​യി​ൽ​വേ ലൈ​നി​ൽ ഒ​രു വ​ണ്ടി കി​ടി​ല​ൻ ശ​ബ്ദ​മു​ണ്ടാ​ക്കി ക​ട​ന്നു​പോ​യി. മ​മ്മ​ദ് ഒ​രുനി​മി​ഷം സം​ശ​യി​ച്ചു​പോ​യ​തി​ന് കു​റ്റം പ​റ​യാ​നാ​വി​ല്ല. സം​ഗ​തി മാ​ജി​ക്ക​ൽ റി​യ​ലി​സ​മാ​ണ്. ഇ​നി ഇ​ത് ശ​രി​ക്കു​മു​ള്ള തീ​വ​ണ്ടി​യാ​യി​ക്കൂ​ടെ​ന്നി​ല്ല. അ​ങ്ങ​നെ​യെ​ങ്കി​ൽ പെ​ട്ടി​ല്ലേ? ക്ലോ​സ​പ്പി​ൽ വ​രു​ന്ന വ​ണ്ടി​യു​ടെ സീ​ൻ വ​ന്ന​തോ​ടെ ഇ​രു​ന്ന ഇ​രി​പ്പി​ൽ മ​മ്മ​ദ് ഒ​ന്ന് കാ​ര്യ​മാ​യി ചെ​രി​ഞ്ഞു​കൊ​ടു​ത്തു! ഇ​ത് തി​യ​റ്റ​റി​ൽ കൂ​ട്ട​ച്ചി​രി​യു​ണ്ടാ​ക്കി. മാ​ത്ര​മ​ല്ല മ​മ്മ​ദി​ന് നാ​ട്ടു​കാ​ർ ഒ​രു ‘നി​ക്ക്നെ​യിം’ ഇ​ട്ടും കൊ​ടു​ത്തു: ‘ചെ​രി​ഞ്ഞ മ​മ്മ​ദ്’. പാ​വ​ത്തി​ന് ആ​രെ​ങ്കി​ലും ത​ന്നെ അ​ങ്ങ​നെ വി​ളി​ക്കു​ന്ന​ത് വ​ലി​യ ദേ​ഷ്യ​വു​മാ​യി​രു​ന്നു. ഒ​ടു​വി​ൽ വി​ളി​ക്കാ​തെ ആ​ക്ഷ​ൻ കാ​ണി​ച്ച് പോ​ലും പ​ല​രും മ​മ്മ​ദി​നെ വി​റ​ളി പി​ടി​പ്പി​ച്ചു.

കൗ​മാ​ര​കാ​ല​ത്ത് എ​ന്നോ​ട് ആ​രാ​ണ് യ​ഥാ​ർ​ഥ ഭാ​ഗ്യ​വാ​ൻ എ​ന്നു ചോ​ദി​ച്ചാ​ൽ തീ​ർ​ച്ച​യാ​യും അ​ത് ബാ​ർ​ബ​ർ​ഷാ​പ്പ് ന​ട​ത്തു​ന്ന പ്ര​കാ​ശ​നാ​ണെ​ന്ന് പ​റ​യും. കാ​ര​ണം, പൊ​യ്ത്തും​ക​ട​വി​ലെ പ്ര​കാ​ശ​ന്റെ ബാ​ർ​ബ​ർ ഷാ​പ്പി​നു മു​ന്നി​ൽ തി​യ​റ്റ​റു​കാ​ർ മ​ര​ത്തി​ന്റെ ച​ട്ട​യി​ൽ തീ​ർ​ത്ത ഒ​രു ച​തു​ര ​െഫ്ര​യിം ഉ​ണ്ട്. സി​നി​മാ​ബോ​ർ​ഡ് എ​ന്നാ​ണ് ന​മ്മ​ള​തി​നെ വി​ളി​ച്ചി​രു​ന്ന​ത്. അ​വി​ടെ​യു​ള്ള ര​ണ്ട് ബോ​ർ​ഡി​ൽ ഒ​ന്ന് വ​ന​ജാ ടാ​ക്കീ​സി​ന്റേ​താ​ണ്. മ​റ്റൊ​ന്ന് ധ​ന​രാ​ജ് തി​യ​റ്റ​റി​ന്റേ​തും. അ​ക്കാ​ല​ത്ത് സി​നി​മാ ബോ​ർ​ഡ് ക​ട​യു​ടെ മു​ന്നി​ൽ വെ​ക്കു​ക​യും ക​ട അ​ട​ക്കു​മ്പോ​ൾ അ​ക​ത്തെ​ടു​ത്ത് സൂ​ക്ഷി​ക്കു​ക​യും ചെ​യ്യു​ന്ന​വ​ർ​ക്ക് മാ​റി​മാ​റി വ​രു​ന്ന സി​നി​മ​ക​ൾ ഫ്രീ​യാ​യി കാ​ണാം. ഒ​രു കൈ​യി​ൽ മൈ​ദ​കൊ​ണ്ട് ഉ​ണ്ടാ​ക്കി​യ പ​ശ​യു​ടെ ബ​ക്ക​റ്റും മ​റ്റേ കൈ​യി​ൽ ചെ​റി​യൊ​രു ഏ​ണി​യും പി​റ​കി​ലെ സ്റ്റാ​ൻ​ഡി​ൽ നി​റ​യെ സി​നി​മാ പോ​സ്റ്റ​റു​മാ​യി വ​രു​ന്ന ‘സി​നി​മാ​ക്കാ​ര​ൻ’ ഞ​ങ്ങ​ളു​ടെ വ​ലി​യ കൗ​തു​ക​മാ​യി​രു​ന്നു. ഒ​രു അ​ഭ്യാ​സി​യു​ടെ പാ​ട​വ​ത്തോ​ടെ ഇ​ദ്ദേ​ഹം പോ​കു​ന്ന പോ​ക്കി​ൽ പ്ര​കാ​ശ​ന്റെ ക​ട​ക്ക് മു​ന്നി​ലും നി​ർ​ത്തും. എ​ന്നി​ട്ട് പ്ര​ത്യേ​ക മെ​യ് വ​ഴ​ക്ക​ത്തോ​ടെ അ​തി​ൽ​നി​ന്നി​റ​ങ്ങി പു​തി​യ സി​നി​മ​യു​ടെ പോ​സ്റ്റ​റൊ​ട്ടി​ക്കും. ഭാ​വി​യി​ൽ ആ​രാ​വ​ണ​മെ​ന്ന് ചോ​ദി​ച്ചാ​ൽ ഈ ​പോ​സ്റ്റ​റൊ​ട്ടി​ക്കു​ന്ന ആ​ളാ​വ​ണ​മെ​ന്ന് പ​റ​യ​ണ​മെ​ന്ന് തോ​ന്നു​ന്ന വി​ധ​ത്തി​ൽ ഒ​രു ആ​രാ​ധ​ന​യാ​ണ് ഈ ​സി​നി​മാ​ക്കാ​ര​നോ​ട്. കാ​ര​ണം, വെ​ള്ളി​യാ​ഴ്ച പു​തി​യ സി​നി​മ വ​രു​ന്നു, വ്യാ​ഴാ​ഴ്ച പോ​സ്റ്റ​റൊ​ട്ടി​ക്കു​ന്നു. ചു​രു​ട്ടി​വെ​ച്ച് പോ​സ്റ്റ​ർ നി​വ​ർ​ത്തും​വ​രെ ജി​ജ്ഞാ​സ​കൊ​ണ്ടൊ​രു നെ​ഞ്ചി​ടി​പ്പാ​ണ്. േപ്രം​ന​സീ​റോ, ജ​യ​നോ, സോ​മ​നോ, മ​ധു​വോ? ചു​റ്റും കൂ​ടി​യ നാ​ട്ടു​കാ​ർ ഉ​റ്റു​നോ​ക്കു​ന്ന​ത് ഇ​താ​ണ്. ഏ​ത് പ​ടം എ​ന്ന​തുപോ​ലും ര​ണ്ടാ​മ​താ​ണ്. പോ​സ്റ്റ​റൊ​ട്ടി​ക്കു​ന്ന ആ​ൾ​ക്ക് എ​ന്ത് സു​ഖ​മാ​ണ്. അ​യാ​ൾ​ക്ക് ബു​ധ​നാ​ഴ്ച ത​ന്നെ പോ​സ്റ്റ​ർ കി​ട്ടും! ഇ​ത്ര​യും ഭാ​ഗ്യ​വാ​ൻ വേ​റെ ആ​രു​മി​ല്ലെ​ന്ന് ഗ്രാ​മ​ത്തി​ലെ കൗ​മാ​ര​ക്കാ​രി​ൽ ചി​ല​രെ​ങ്കി​ലും അ​ങ്ങ​നെ വി​ശ്വ​സി​ച്ചി​രു​ന്നു. മാ​ത്ര​മ​ല്ല, അ​യാ​ൾ​ക്ക് മാ​റി​മാ​റി വ​രു​ന്ന സി​നി​മ​യും കാ​ണാം. പ്ര​കാ​ശ​ന് സി​നി​മ​യു​ടെ പാ​സ്​ കൈ​മാ​റു​ന്ന​തും അ​സൂ​യ ക​ല​ർ​ന്ന് ഞ​ങ്ങ​ൾ നോ​ക്കി.

അ​ന്ന് ഇ​തു​പോ​ലു​ള്ള സി​നി​മാ ബോ​ർ​ഡു​ക​ൾ വെ​ക്കു​ന്ന സ്​​ഥ​ലം ഏ​ത് ഉ​റ​ക്ക​ത്തി​ൽ​വെ​ച്ച് ചോ​ദി​ച്ചാ​ലും ഞ​ങ്ങ​ൾ പ​റ​യും. ഒ​രി​ക്ക​ൽ അ​ങ്ങ​നെ​യൊ​രു സം​ഭ​വ​വു​മു​ണ്ടാ​യി.

എ​ന്തൊ​രു മ​റ​വി​ശ​ക്തി

ഭൂ​മി​ശാ​സ്​​ത്രം ക്ലാ​സി​ലാ​ണ്. ഇം​പോ​സി​ഷ​ൻ എ​ഴു​തി​ക്കൊ​ണ്ടു​വ​രാ​ൻ പ​റ​ഞ്ഞി​ട്ട് സ​മ​ദ് ചെ​യ്തി​ല്ല. മാ​ഷ് എ​ഴു​ന്നേ​ൽ​പി​ച്ച് നി​ർ​ത്തി, ഒ​ന്ന​ര മീ​റ്റ​ർ നീ​ള​മു​ള്ള ചൂ​ര​ലു​മാ​യി വ​ന്നു.

സ​മ​ദി​നോ​ട് കാ​ർ​ക്ക​ശ്യ സ്വ​ര​ത്തി​ൽ മാ​ഷ് ചോ​ദി​ച്ചു:

‘‘എ​ന്താ​ണ് ഇം​പോ​സി​ഷ​ൻ എ​ഴു​തി​ക്കൊ​ണ്ടു​വ​രാ​തി​രു​ന്ന​ത്?’’

അ​വ​ൻ വി​ക്കി വി​ക്കി ക​ര​യും​പോ​ലെ വി​റ​ച്ച്കൊ​ണ്ടു നി​ന്നു.

ചൂ​ര​ൽ അ​ന്ത​രീ​ക്ഷ​ത്തി​ൽ വീ​ശി മാ​ഷ് ചോ​ദി​ച്ചു:

‘‘പ​റ​യെ​ടാ, എ​ന്താ മി​ഴി​ച്ചുനോ​ക്കു​ന്ന​ത്. നീ ​എ​ന്തു​കൊ​ണ്ട് ഇം​പോ​സി​ഷ​ൻ എ​ഴു​തി​ക്കൊ​ണ്ടു​വ​ന്നി​ല്ല?’’

അ​വ​ൻ വി​തു​മ്പി​ക്കൊ​ണ്ടു പ​റ​ഞ്ഞു: ‘‘മ​റ​ന്നു പോ​യി, മാ​ഷേ.’’

‘‘മ​റ​വി നി​ന​ക്ക് സ്​​ഥി​രം ഉ​ള്ള​താ​ണോ?’’

‘‘വെ​റും മ​റ​വി​യാ​ണ് മാ​ഷേ.’’

മാ​ഷ് ചൂ​ര​ല് അ​ന്ത​രീ​ക്ഷ​ത്തി​ൽ ഒ​ന്ന് ചു​റ്റി​ക്കൊ​ണ്ട് പ​റ​ഞ്ഞു:

‘‘ഇ​തി​നെ​ക്കൊ​ണ്ട് പ​ത്ത് അ​ടി​യാ​ണ് ശി​ക്ഷ.’’

‘‘അ​ടി​ക്ക​ല്ലേ, അ​ടി​ക്ക​ല്ലേ... മാ​ഷേ...’’

‘‘ശ​രി, അ​ടി​ക്കു​ന്നി​ല്ല. പ​ക്ഷേ, ഒ​രു കാ​ര്യം പ​റ​യ​ണം.’’

അ​വ​ൻ പേ​ടി​യോ​ടെ മാ​ഷെ മി​ഴി​ച്ചു​നോ​ക്കി.

‘‘നി​ന്റെ ഉ​പ്പാ​ന്റെ പൊ​ര ക​ണ്ണൂ​ർ സി​റ്റീ​ല​ല്ലേ?’’

അ​വ​ൻ ത​ല​യാ​ട്ടി.

‘‘ആ​ഴ്ച​യി​ൽ എ​ത്ര ത​വ​ണ പോ​കാ​റു​ണ്ട്?’’

‘‘നാ​ല​ഞ്ച് ത​വ​ണ.’’

‘‘എ​ങ്ങ​നെ​യാ പോ​ക​ല്?’’

‘‘ബ​സ്സി​ലാ​ണ് മാ​ഷേ.’’

‘‘ശ​രി. അ​വി​ടെ പോ​കു​ന്ന വ​ഴി​ക്ക് സി​നി​മാ പോ​സ്റ്റ​ർ ഒ​ട്ടി​ക്കു​ന്ന സ്​​ഥി​രം സ്​​ഥ​ല​വും ടാ​ക്കീ​സി​ന്റെ പേ​രും പ​റ. പ​റ​ഞ്ഞാ​ൽ അ​ടി​ക്കി​ല്ല.’’

അ​വ​ൻ ഒ​ന്ന് സം​ശ​യി​ച്ച് പി​ന്നെ ച​റ​പ​റാ പ​റ​യാ​ൻ തു​ട​ങ്ങി. വ​ന​ജ, ധ​ന​രാ​ജ്, പ്ര​കാ​ശ്, പൂ​ത​പ്പാ​റ രൂ​പ, ക​ൽ​പ​ക, ക​ണ്ണൂ​ർ എ​ൻ.എ​സ്, സം​ഗീ​ത, നാ​ഷ​ണ​ൽ, സെ​ൻ​ട്ര​ൽ... എ​ല്ലാം ഒ​റ്റ ശ്വാ​സ​ത്തി​ൽ അ​വ​ൻ പ​റ​ഞ്ഞു​തീ​ർ​ത്തു.

മാ​ഷ് ത​നി​ക്ക് വ​ന്ന പൊ​ട്ടി​ച്ചി​രി ഗൗ​ര​വ​ത്തോ​ടെ ചു​ണ്ടി​ൽ അ​മ​ർ​ത്തി​പ്പി​ടി​ക്കു​ന്ന​ത് ഞ​ങ്ങ​ൾ ക​ണ്ടു.

ഒ​രു അ​ഭി​ന​ന്ദ​ന​സ്വ​ര​ത്തി​ൽ മാ​ഷ് പ​റ​ഞ്ഞു: ‘‘ക​റ​ക്ട്!’’

എ​ന്നി​ട്ട് കൂ​ട്ടി​ച്ചേ​ർ​ത്തു.

നീ​യ​ല്ലേ പ​റ​ഞ്ഞ​ത് നി​ന​ക്ക് ഭ​യ​ങ്ക​ര മ​റ​വി​യാ​ണ് മാ​ഷേ​ന്ന്. ഇ​പ്പം മ​റ​വി​യൊ​ന്നു​മി​ല്ല​ല്ലോ. അ​പ്പോ​ൾ താ​ൽ​പ​ര്യ​മു​ള്ള കാ​ര്യ​ങ്ങ​ൾ നി​ന​ക്ക് ന​ന്നാ​യി ഓ​ർ​ത്തു​വെ​ക്കാ​ൻ പ​റ്റു​ന്നു​ണ്ട്.

തു​ട​ർ​ന്ന് മാ​ഷ് ചൂ​ര​ൽ മേ​ശ​പ്പു​റ​ത്തേ​ക്ക് വ​ലി​ച്ചെ​റി​യും​പോ​ലെ വെ​ച്ചി​ട്ട് ഓ​ർ​മ​യും താ​ൽ​പ​ര്യ​വും ത​മ്മി​ലു​ള്ള ബ​ന്ധ​ത്തെ​പ്പ​റ്റി ഗം​ഭീ​ര​മാ​യ ഒ​രു ക്ലാ​സെ​ടു​ത്തു. സ​ത്യ​ത്തി​ൽ പി​ൽ​ക്കാ​ല​ത്ത് എ​നി​ക്ക് മ​നഃ​ശാ​സ്​​ത്ര വി​ഷ​യ​ത്തി​ൽ വ​ലി​യ താ​ൽ​പ​ര്യം ജ​നി​പ്പി​ക്കു​ന്ന​തി​ൽ ഈ ​ഭൂ​മി​ശാ​സ്​​ത്രം മാ​ഷ് കാ​ര​ണ​മാ​യി​ത്തീ​ർ​ന്നു.

എം​പ്ലോ​യ്മെ​ന്റ് എ​ക്സ്​​ചേ​ഞ്ച് വ​ഴി വ​ന്ന മാ​ഷ് അ​ധി​ക​കാ​ലം സ്​​കൂ​ളി​ൽ ഉ​ണ്ടാ​യി​ല്ല. ന​ല്ലൊ​രു വാ​യ​ന​ക്കാ​ര​നാ​യി​രു​ന്നു ആ ​മാ​ഷ്. ഇ​പ്പോ​ൾ എ​വി​ടെ​യാ​ണെ​ന്ന​റി​യി​ല്ല. മാ​ഷ് ഇ​ത് വാ​യി​ക്കാ​നി​ട​യാ​യെ​ങ്കി​ൽ എ​ന്ന് ആ​ഗ്ര​ഹി​ച്ചു​പോ​വു​ക​യാ​ണ്.

ഈ ​ബ​ച്ച​നെ​ക്കൊ​ണ്ട് തോ​റ്റു!

പൊ​യ്ത്തും​ക​ട​വ് ഗ്രാ​മ​ത്തി​ൽ ര​ണ്ട് ബാ​ർ​ബ​ർ ഷാ​പ്പാ​ണ് ഉ​ണ്ടാ​യി​രു​ന്ന​ത്. ഇ​ട​ക്ക് ഒ​ന്നു​കൂ​ടി വ​ന്നെ​ങ്കി​ലും പൂ​ട്ടി​പ്പോ​യി.

ഞ​ങ്ങ​ൾ ആ​ദ്യ​മാ​യി അ​റി​ഞ്ഞ ഫാ​ഷ​ൻ അ​മി​താ​ഭ് ബ​ച്ച​ന്റെ ഹെ​യ​ർ സ്റ്റൈ​ലാ​ണ്. അ​ക്കാ​ല​ത്തെ എ​ല്ലാ ചെ​റു​പ്പ​ക്കാ​രു​ടെ​യും ത​ല​മു​ടി​യും അ​മി​താ​ഭ് ബ​ച്ച​നെ അ​നു​ക​രി​ച്ച് ചെ​വി പൊ​ത്തി​യ നി​ല​യി​ൽ ക​ട്ട് ചെ​യ്തു​കൊ​ണ്ടാ​ണ്. ബെ​ൽ​ബോ​ട്ടം പാ​ന്റ്സും വ​ന്ന​തോ​ടെ ഗ്രാ​മ​ത്തി​ന്റെ മു​ക്കി​ലും മൂ​ല​യി​ലും പ​ല​ത​രം അ​മി​താ​ഭ് ബ​ച്ച​ന്മാ​ർ അ​ര​ങ്ങ് വാ​ണു. സ​ത്യ​ത്തി​ൽ മ​ദ്റ​സ​യി​ലെ അ​ധ്യാ​പ​ക​ർ​ക്കൊ​ന്നും ഇ​ത് സി​നി​മാ ഫാ​ഷ​നാ​ണെ​ന്ന് മ​ന​സ്സി​ലാ​യി​ല്ല. കാ​ര​ണം, അ​വ​ർ ജീ​വി​ത​ത്തി​ൽ ഒ​രി​ക്ക​ൽ​പോ​ലും സി​നി​മ കാ​ണു​ന്ന​വ​രാ​യി​രു​ന്നി​ല്ല.

ബ​ച്ച​ൻ ക​ട്ട് സാ​ർ​വ​ത്രി​ക​മാ​യ​തോ​ടെ ബാ​ർ​ബ​ർ അ​ലീ​ക്ക​യാ​ണ് കാ​ര്യ​മാ​യി കു​ടു​ങ്ങി​പ്പോ​യ​ത്. ഫാ​ഷ​ൻ ത​രം​ഗ​മാ​യി ആ​ളി​പ്പ​ട​ർ​ന്ന​തോ​ടെ അ​ദ്ദേ​ഹ​ത്തി​ന് ജോ​ലി​യി​ല്ലാ​താ​യി. ബ​ച്ച​ൻ ക​ട്ടി​നെ​തി​രെ അ​ദ്ദേ​ഹം ജ​ന​ങ്ങ​ളെ ഉ​ദ്ബോ​ധി​പ്പി​ച്ചു​വെ​ങ്കി​ലും അ​തൊ​ന്നും വി​ല​​പ്പോ​യി​ല്ല. ഇ​തേ സ്​​ഥി​തി​ത​ന്നെ​യാ​യി​രു​ന്നു അ​ടു​ത്ത ബാ​ർ​ബ​ർ ഷാ​പ്പി​ലും.

അമിതാഭ് ബച്ചൻ -ഒരു പഴയ കാല ചിത്രം

ഗ്രാ​മ​ത്തി​ൽ ഞാ​ൻ ക​ണ്ട ഏ​റ്റ​വും സാ​മൂ​ഹി​ക ചി​ന്ത​യു​ള്ള ആ​ൾ അ​ലീ​ക്ക ത​ന്നെ​യാ​ണ്. ലോ​ക​ത്തി​ലെ ഒ​ട്ടു​മി​ക്ക കാ​ര്യ​ത്തെ​പ്പ​റ്റി അ​റി​യാ​മാ​യി​രു​ന്നു. ന​ല്ല രാ​ഷ്ട്രീ​യ​ബോ​ധ​വും ച​രി​ത്ര​ബോ​ധ​വു​മു​ള്ള അ​ദ്ദേ​ഹ​ത്തി​ന്റെ ജ​ന്മ​ദേ​ശം കൊ​ല്ലം ജി​ല്ല​യി​ലെ​വി​ടെ​യോ ആ​ണ്. ചെ​റു​പ്പ​ത്തി​ലേ അ​ല​ഞ്ഞു​തി​രി​ഞ്ഞ ജീ​വി​ത​മാ​യ​തി​നാ​ൽ അ​ക്ഷ​രാ​ഭ്യാ​സം സാ​ധ്യ​മാ​യി​ല്ല. പ​ക്ഷേ, പ്ര​ധാ​ന​പ്പെ​ട്ട പ​ത്ര​ങ്ങ​ളൊ​ക്കെ ത​ന്റെ ഷോ​പ്പി​ൽ അ​ദ്ദേ​ഹം വ​രു​ത്തി​ക്കും. അ​മി​താ​ഭ് ബ​ച്ച​ൻ എ​ന്ന ഒ​രാ​ൾ കാ​ര​ണ​മാ​ണ് ത​നി​ക്ക് ജോ​ലി ഇ​ല്ലാ​താ​യ​തെ​ന്നും കു​ട്ടി​ക​ൾ ന​ഗ​ര​ത്തി​ലേ​ക്ക് ബ​സ്​ ക​യ​റി അ​വി​ട​ത്തെ ‘ഹെ​യ​ർ സ​ലൂ​ണി’​ൽ​നി​ന്നാണ് മു​ടി​മു​റി​ച്ച് വ​രു​ന്ന​തെ​ന്നും അ​ദ്ദേ​ഹം മ​ന​സ്സി​ലാ​ക്കാ​ൻ സ​മ​യ​മെ​ടു​ത്തു. ഒ​രു​ദി​വ​സം അ​മി​താ​ഭ് ബ​ച്ച​ന്റെ സി​നി​മ​യു​ടെ പ​ര​സ്യം പ്ര​ത്യ​ക്ഷ​പ്പെ​ട്ടു. അ​പ്പോ​ൾ ആ​രോ ആ ​പ​ടം ചൂ​ണ്ടി​ക്കാ​ട്ടി​ക്കൊ​ണ്ട് പ​റ​ഞ്ഞു:

‘‘അ​ലീ​ക്കാ, ഇ​താ​രാ​ണെ​ന്ന് അ​റി​യാ​മോ?’’

അ​ദ്ദേ​ഹം പ​റ​ഞ്ഞു: ‘‘ഇ​ല്ല.’’

മ​റ്റേ ആ​ൾ വി​ശ​ദീ​ക​രി​ച്ചു: ‘‘ഇ​താ ഇ​യാ​ളെ സൂ​ക്ഷി​ച്ചു​നോ​ക്കി​ക്കോ. ഈ ​പ​ഹ​യ​നാ​ണ് നി​ങ്ങ​ളു​ടെ കു​ടും​ബം പ​ട്ടി​ണി​യ്ക്കി​ടു​ന്ന​ത്. ഹി​ന്ദി സി​നി​മ​യി​ൽ പു​തു​താ​യി വ​ന്ന അ​വ​താ​ര​മാ​ണ്.’’

‘‘ഇ​യാ​ളെ​ന്തി​നാ​ണ് എ​ന്റെ കു​ടും​ബം പ​ട്ടി​ണി​യാ​ക്കു​ന്ന​ത്? എ​നി​ക്കൊ​ന്നും മ​ന​സ്സി​ലാ​വു​ന്നി​ല്ല.’’

മ​റ്റേ ആ​ൾ വി​ശ​ദീ​ക​രി​ക്കു​ന്നു; ‘‘ഈ ​പ​ഹ​യ​ന്റെ ചെ​വി​യു​ടെ ഭാ​ഗം ക​ണ്ടോ? അ​വി​ടെ മു​ടി ഇ​റ​ക്കി​മു​റി​ച്ച​ത് മ​ന​സ്സി​ലാ​യോ, ഇ​താ​ണ് ബ​ച്ച​ൻ ക​ട്ട്. ഇ​പ്പ​ള​ത്തെ ഫേ​ഷ​നാ. ഇ​ബ്​​ലീ​സി​ന്റെ അ​ലാ​മ​ത്ത് ത​ന്നെ!’’

അ​ലീ​ക്ക അ​തീ​വ സ​ങ്ക​ട​ത്തി​ലാ​യി.

സു​ഹൃ​ത്ത് വി​ശ​ദീ​ക​രി​ച്ചു: ‘‘ഇ​തി​ന് ഒ​രൊ​റ്റ വ​ഴി​യേ ഉ​ള്ളൂ. വ​ന​ജാ ടാ​ക്കീ​സി​ൽ ബ​ച്ച​ന്റെ പ​ടം വ​രു​ന്നു​ണ്ട്. ഒ​രു ടി​ക്ക​റ്റ് എ​ടു​ത്ത് സി​നി​മ​യ്ക്ക് പോ​വു​ക. എ​ന്നി​ട്ട് ആ ​പ​ഹ​യ​ൻ മു​ടി മു​റി​ച്ച​തെ​ങ്ങ​നെ​യെ​ന്ന് ഒ​ന്ന് പ​ഠി​ച്ച് വെ​ക്കു​ക. എ​ന്നി​ട്ട് ബാ​ർ​ബ​ർ ഷാ​പ്പി​ൽ ബോ​ർ​ഡ് വെ​ക്കു​ക. ‘ഇ​വി​ടെ അ​മി​താ​ബ​ച്ച​ൻ ക​ട്ട് ചെ​യ്ത് കൊ​ടു​ക്കു​ന്ന​താ​യി​രി​ക്കും.’ ’’

ബോ​ർ​ഡ് വെ​ച്ച​തും അ​ന്നു​ത​ന്നെ നാ​ല​ഞ്ച് ചെ​റു​പ്പ​ക്കാ​ർ വ​ന്നു.

ഒ​രു ഊ​ഹം​വെ​ച്ച് അ​ലീ​ക്ക വെ​ച്ചു​മു​റി​ച്ച അ​മി​താ​ഭ് ബ​ച്ച​ൻ ക​ട്ട് ഒ​രു​മാ​തി​രി എ​ലി​ക്ക​ട്ട് പോ​ലെ ആ​യി​പ്പോ​യ​ത് വ​ലി​യ പൊ​ല്ലാ​പ്പി​ന് ഇ​ട​വ​രു​ത്തി. അ​ദ്ദേ​ഹം വ​ല്ലാ​തെ നി​രാ​ശ​നാ​യി​രി​ക്കേ അ​ദ്ദേ​ഹ​ത്തി​ന്റെ ആ ​പ​ഴ​യ സു​ഹൃ​ത്ത് ഒ​രു സ​ന്തോ​ഷ​വാ​ർ​ത്ത അ​ലീ​ക്ക​യെ അ​റി​യി​ച്ചു.

ബ​ച്ച​ൻ​ക​ട്ട് ബാം​ഗ്ലൂ​രി​ൽ​നി​ന്ന് പ​ഠി​പ്പി​ച്ചു​കൊ​ടു​ക്കു​ന്നു​ണ്ട്. അ​ഡ്ര​സ് സം​ഘ​ടി​പ്പി​ച്ചി​ട്ടു​ണ്ട്. ഒ​രു ക​ത്ത​യ​ച്ചു നോ​ക്കൂ.

അ​ടു​ത്ത ആ​ഴ്ച അ​ദ്ദേ​ഹ​ത്തി​ന് മ​റു​പ​ടി വ​ന്നു. ‘‘ഉ​ട​ൻ വ​രി​ക.’’

വ​രേ​ണ്ട റൂ​ട്ടും വി​ശ​ദ​മാ​യി എ​ഴു​തി​യി​രു​ന്നു. ഫീ​സും.

ഫീ​സ്​ ക​ടു​പ്പം ത​ന്നെ. എ​ന്നാ​ലും അ​ന്നം മു​ട്ടു​ന്ന​തി​നെ​ക്കാ​ൾ ന​ല്ല​ത് അ​ത് പ​ഠി​ക്കു​ക​ത​ന്നെ. ബ​ച്ച​ൻ എ​ന്ന ഒ​രു​ത്ത​നെകൊ​ണ്ട് ജീ​വി​ക്കാ​ൻ പ​റ്റാ​ണ്ടാ​യി​രി​ക്കു​ന്നു.

പി​റ്റേ​ന്ന് ത​ന്നെ അ​ദ്ദേ​ഹം ബാം​ഗ്ലൂ​രി​ലേ​ക്ക് വ​ണ്ടി ക​യ​റി.

ര​ണ്ടാ​ഴ്ച​ക്കാ​ലം അ​ലീ​ക്ക​യു​ടെ ബാ​ർ​ബ​ർ ഷാ​പ്പി​ന്റെ മ​ര​പ്പ​ല​ക​കൊ​ണ്ടു​ള്ള ‘നി​ര’ അ​ട​ഞ്ഞു​കി​ട​ന്നു.

ഏ​ത് ബ​ച്ച​നെ​യും അ​തി​ജീ​വി​ക്കാ​നു​ള്ള ഉ​ശി​ര് അ​ദ്ദേ​ഹ​ത്തി​ൽ ജ​ന്മ​സി​ദ്ധ​മാ​യി​രു​ന്നു.

ഇ​ങ്ങ​നെ എ​ന്തെ​ല്ലാം മ​നു​ഷ്യ പ്ര​തി​സ​ന്ധി​ക​ൾ മ​ല​യാ​ളി ക​ട​ന്നു​പോ​യി​രി​ക്കു​ന്നു!