ശ്ലീ​ലാ​ശ്ലീ​ല​ങ്ങ​ളു​ടെ വി​ചാ​ര​ണ കോ​ട​തി

വി​ഖ്യാ​ത ച​ല​ച്ചി​ത്ര​മേ​ള​ക​ളി​ൽ പു​ര​സ്കാ​ര​ങ്ങ​ള്‍ ക​ര​സ്ഥ​മാ​ക്കി​യ റാ​ഡു ജൂ​ഡ് എ​ന്ന റു​മേ​നി​യ​ന്‍ സം​വി​ധാ​യ​ക​ന്റെ 2021ലെ ​സി​നി​മ 'ബാ​ഡ്‌ ല​ക്ക് ബാ​ൻ​ഗി​ങ് ഓ​ര്‍ ലൂ​ണി പോ​ണ്‍' (Bad Luck Banging or Loony Porn) കോ​വി​ഡ്‌ കാ​ല​ത്ത് ചി​ത്രീ​ക​രി​ച്ച സി​നി​മ​യാ​ണ്. ക​ഴി​ഞ്ഞ വ​ര്‍ഷം ബ​ര്‍ലി​ൻ മേ​ള​യി​ൽ ഗോ​ള്‍ഡ​ൻ ബി​യ​ര്‍ പു​ര​സ്കാ​രം നേ​ടി​യ ഇൗ ​സി​നി​മ ന​ട​ക്കു​ന്ന​ത് മ​ഹാ​മാ​രി​യു​ടെ കാ​ല​ത്താ​ണ്. അ​തു​കൊ​ണ്ടു​ത​ന്നെ ക​ഥാ​പാ​ത്ര​ങ്ങ​ളും മാ​സ്ക് ധ​രി​ക്കു​ന്നു, സാ​മൂ​ഹി​ക അ​ക​ലം പാ​ലി​ക്കു​ന്നു. പ്ര​ധാ​ന ക​ഥാ​പാ​ത്ര​മാ​യ എ​മി​യാ​യി അ​ഭി​ന​യി​ക്കു​ന്ന Katia Pascariuയും ​മു​ഴു​വ​ന്‍ സി​നി​മ​യി​ലും മാ​സ്ക് ധ​രി​ച്ചാ​ണ് അ​ഭി​ന​യി​ക്കു​ന്ന​ത്.

ന​മ്മെ സം​ബ​ന്ധി​ച്ച് അ​ഭി​ന​യം മു​ഖ​ഭാ​വ​ത്തി​ലൂ​ടെ​യാ​ണ​ല്ലോ പ്ര​ക​ട​മാ​വേ​ണ്ട​ത്. ക​ഥാ​പാ​ത്ര​മാ​യി ജീ​വി​ക്കു​മ്പോ​ൾ ന​വ​ര​സ​ങ്ങ​ൾ ഓ​രോ​ന്നും അ​തി​ന്റെ പൂ​ർ​ണ​ത​യോ​ടെ മു​ഖ​ത്ത് വി​രി​യി​ക്കു​ക എ​ന്ന​താ​ണ് ന​മ്മു​ടെ അ​ഭി​ന​യ​സ​ങ്ക​ല്‍പം. മാ​സ്ക് ധ​രി​ക്കു​മ്പോ​ള്‍ ക​ണ്ണു​ക​ൾ മാ​ത്ര​മ​ല്ലേ കാ​ണു​ന്നു​ള്ളൂ. മ​റ്റൊ​രു കേ​മ​ത്തം ശ​ബ്ദ​ഗാം​ഭീ​ര്യ​മാ​ണ്. വാ​യ മൂ​ടി​യാ​ല്‍ ഈ ​ഗാം​ഭീ​ര്യം പു​റ​ത്തു​വ​രി​ല്ല​ല്ലോ. ഒ​രു സി​നി​മ​യി​ല്‍ അ​ഭി​ന​യി​ക്കാ​നാ​യി ന​മ്മു​ടെ സൂ​പ്പ​ര്‍ താ​ര​ങ്ങ​ൾ കോ​ണ്‍ട്രാ​ക്റ്റ് ഒ​പ്പു​വെ​ക്കു​മ്പോ​ൾ ത​ന്റെ മു​ഖം ഇ​ത്ര​സ​മ​യം ക്ലോ​സ​പ്പി​ൽ കാ​ണി​ക്ക​ണം എ​ന്നു​പോ​ലും നി​ര്‍ബ​ന്ധി​ക്കാ​റു​ണ്ട​ത്രേ! ഈ ​സി​നി​മ​യി​ലെ സ്ത്രീ ​ക​ഥാ​പാ​ത്രം ലൈം​ഗി​ക​ത​യു​ടെ പേ​രി​ൽ നി​സ്സ​ഹാ​യ​യാ​ണ്, വൈ​കാ​രി​ക​സം​ഘ​ര്‍ഷ​ങ്ങ​ൾ അ​നു​ഭ​വി​ക്കു​ന്നു​ണ്ട്. എ​ന്നാ​ല്‍, അ​ത് മു​ഖ​ഭാ​വ​ങ്ങ​ളി​ലൂ​ടെ​യ​ല്ല പ്ര​ക​ട​മാ​ക്കു​ന്ന​ത്. കാ​ര​ണം അ​വ​ര്‍ എ​പ്പോ​ഴും മാ​സ്ക് ധ​രി​ച്ചി​ട്ടു​ണ്ട്. മാ​സ്ക് അ​വ​ള്‍ക്കും പ്രേ​ക്ഷ​ക​ര്‍ക്കും ഇ​ട​യി​ൽ ഒ​ര​ക​ല​മു​ണ്ടാ​ക്കു​ന്നു എ​ന്ന് കാ​ണാം. സി​നി​മ മൊ​ത്തം അ​ങ്ങ​നെ​യാ​ണ്.

സി​നി​മ തു​ട​ങ്ങു​മ്പോ​ള്‍ നാം ​കാ​ണു​ന്ന​ത് ഒ​രു പോ​ണ്‍ വി​ഡി​യോ ക്ലി​പ്പാ​ണ്. തു​ട​ര്‍ന്ന് ബു​ക്കാ​റ​സ്റ്റി​ന്റെ തി​ര​ക്കേ​റി​യ തെ​രു​വു​ക​ളി​ലൂ​ടെ ധൃ​തി​യി​ൽ ന​ട​ക്കു​ന്ന ബി​സി​ന​സ് സ്യൂ​ട്ടും മാ​സ്കും ധ​രി​ച്ച സ്ത്രീ​യെ കാ​ണു​ന്നു. ന​ട​ക്കു​ന്ന​തി​നി​ട​യി​ല്‍ അ​വ​ൾ ഫോ​ണി​ൽ സം​സാ​രി​ക്കു​ക​യും മ​റ്റു​പ​ല കാ​ര്യ​ങ്ങ​ള്‍ ചെ​യ്യു​ന്നു​മു​ണ്ട്. എ​ന്നാ​ല്‍, സം​വി​ധാ​യ​ക​ന്‍ ഒ​ന്നും തു​റ​ന്ന് അ​വ​ത​രി​പ്പി​ക്കു​ന്നി​ല്ല, പ​ക​രം സൂ​ച​ന​ക​ളാ​ണ് ഉ​പ​യോ​ഗി​ച്ചി​രി​ക്കു​ന്ന​ത്. ഇ​തൊ​ക്കെ ചേ​ർ​ത്തു​പി​ടി​ക്കു​മ്പോ​ള്‍ ന​മു​ക്ക്‌ മ​ന​സ്സി​ലാ​ക്കാം, നാം ​തു​ട​ക്ക​ത്തി​ല്‍ ക​ണ്ട ക്ലി​പ് സ്കൂ​ൾ അ​ധ്യാ​പി​ക​യാ​യ എ​മി എ​ന്ന ഈ ​സ്ത്രീ​യും ഭ​ര്‍ത്താ​വും ത​മ്മി​ലു​ള്ള ലൈം​ഗി​ക ക​ർ​മ​ത്തി​ന്റേ​താ​യി​രു​ന്നു. ഭ​ര്‍ത്താ​വ് ഒ​രു പ്രൈ​വ​റ്റ് സൈ​റ്റി​ൽ അ​പ് ലോ​ഡ്‌ ചെ​യ്ത ഈ ​ക്ലി​പ് ഏ​തോ വി​ധ​ത്തി​ൽ ലീ​ക്കാ​വു​ക​യും എ​ളു​പ്പ​ത്തി​ൽ ആ​ക്സ​സ് ചെ​യ്യാ​വു​ന്ന പ്ലാ​റ്റ്ഫോ​മു​ക​ളി​ലേ​ക്കും തു​ട​ർ​ന്ന് അ​വ​ളു​ടെ ചി​ല വി​ദ്യാ​ർ​ഥി​ക​ളു​ടെ​യും അ​വ​രു​ടെ മാ​താ​പി​താ​ക്ക​ളു​ടെ​യും സ്ക്രീ​നി​ലും ല​ഭ്യ​മാ​യി. കു​ട്ടി​ക​ളു​ടെ ര​ക്ഷി​താ​ക്ക​ൾ പ്ര​കോ​പി​ത​രാ​ണെ​ന്നും അ​തി​നാ​ൽ സ്കൂ​ള്‍ ഒ​രു പി.​ടി.​എ മീ​റ്റി​ങ് വി​ളി​ച്ചി​ട്ടു​ണ്ടെ​ന്നും യാ​ത്ര​ക്കി​ട​യി​ൽ അ​വ​ള്‍ മ​ന​സ്സി​ലാ​ക്കു​ന്നു. സ്കൂ​ളി​ല്‍ തു​ട​രു​ന്ന കാ​ര്യം തീ​രു​മാ​നി​ക്കാ​നു​ള്ള ആ ​മീ​റ്റി​ങ്ങി​ൽ പ​ങ്കെ​ടു​ക്കാ​ന്‍ പോ​വു​ക​യാ​ണ് അ​വ​ള്‍.

റാ​ഡു ജൂ​ഡ്

മാ​ന​ഹാ​നി, അ​നി​ശ്ചി​ത​മാ​യ ഭാ​വി എ​ന്നി​വ​യാ​ല്‍ പ്ര​ക്ഷു​ബ്ധ​മാ​യ മ​ന​സ്സു​മാ​യി ന​ട​ക്കു​ന്ന എ​മി​യു​ടെ വൈ​കാ​രി​ക​ത ഒ​രി​ക്ക​ലും അ​വ​ത​രി​പ്പി​ക്കു​ന്നി​ല്ലെ​ങ്കി​ലും ന​ട​ത്ത​ത്തി​ലൂ​ടെ അ​വ​ളി​ല്‍ വ​ള​രു​ന്ന അ​സ്വ​സ്ഥ​ത അ​നു​ഭ​വ​പ്പെ​ടു​ന്നു. ധൃ​തി​യി​ല്‍ ന​ട​ക്കു​ന്ന മീ​ഡി​യം ഷോ​ട്ടു​ക​ളാ​ണ് ഇ​വി​ടെ ഉ​പ​യോ​ഗി​ച്ചി​രി​ക്കു​ന്ന​ത്. അ​വ​ളു​ടെ ക്ലോ​സ​പ്പു​ക​ള്‍ ഇ​ല്ല. പ​ല​പ്പോ​ഴും അ​വ​ളെ ഫോ​ക്ക​സ്‌ ചെ​യ്യാ​തെ കാ​മ​റ പ​ല ബ്രാ​ൻ​ഡു​ക​ളു​ടെ​യും മോ​ടി​യു​ള്ള ബി​ൽ​ബോ​ർ​ഡു​ക​ളി​ലേ​ക്കും സൂ​പ്പ​ര്‍മാ​ര്‍ക്ക​റ്റി​നു മു​ന്നി​ലു​ള്ള പ​ര​സ്യ​ങ്ങ​ളി​ലേ​ക്കും നി​യോ​ണ്‍ ബോ​ര്‍ഡു​ക​ളി​ലേ​ക്കും പു​സ്ത​ക ഷോ​പ്പു​ക​ളി​ലേ​ക്കും സൂ​പ്പ​ര്‍മാ​ര്‍ക്ക​റ്റു​ക​ളി​ലേ​ക്കും പ​ഴ​യ കെ​ട്ടി​ട​ങ്ങ​ളി​ലേ​ക്കും ഭ​ക്ഷ​ണ​ശാ​ല​ക​ളി​ലേ​ക്കും ക​മ്പ്യൂ​ട്ട​ര്‍ ഗെ​യി​മു​ക​ളി​ലേ​ക്കും കാ​റു​ക​ളി​ലേ​ക്കും ട്രാ​മു​ക​ളി​ലേ​ക്കും പാ​ൻ ചെ​യ്യു​ന്നു.

ന​മ്മു​ടെ സി​നി​മ​യി​ല്‍ സാ​ധാ​ര​ണ​യാ​യി ക​ഥാ​പാ​ത്ര​ങ്ങ​ളു​ടെ ച​ല​ന​ങ്ങ​ൾ​ക്ക​നു​സ​രി​ച്ചാ​ണ് കാ​മ​റ ച​ലി​ക്കു​ന്ന​ത്. അ​വ​രെ ഫ്രെ​യി​മി​ല്‍ ഉ​ള്‍ക്കൊ​ള്ളി​ക്കാ​നാ​ണ് കാ​മ​റ ച​ലി​ക്കു​ന്ന​ത്. പ്രേ​ക്ഷ​ക​രു​ടെ കാ​ഴ്ച​യി​ല്‍ ഇ​പ്പോ​ഴും പ​തി​യേ​ണ്ട​ത് അ​വ​രാ​ണ്. എ​ന്നാ​ല്‍, ഇ​വി​ടെ കാ​മ​റ​യു​ടെ സ്ഥാ​നം, ചി​ല​പ്പോ​ള്‍ അ​ക​ലെ, ചി​ല​പ്പോ​ൾ ചി​ല കാ​റു​ക​ൾ​ക്ക് പി​ന്നി​ലും എ​തി​ർ ന​ട​പ്പാ​ത​യി​ലും ആ​ണ്. ഇ​ത് അ​വ​ളി​ലേ​ക്കു​ള്ള പ്രേ​ക്ഷ​ക​രു​ടെ ചാ​ര​ക്ക​ണ്ണു​ക​ൾ​കൊ​ണ്ടു​ള്ള നോ​ട്ട​മാ​ണ്. ന​ഗ​ര​ത്തി​ന്റെ ഏ​റ​ക്കു​റെ സം​ര​ക്ഷി​ത​മാ​യ അ​ജ്ഞാ​താ​വ​സ്ഥ​യി​ലു​ള്ള എ​ല്ലാ അ​ജ്ഞാ​ത​ർ​ക്കും ഇ​ട​യി​ൽ അ​വ​ൾ ഒ​രു അ​ജ്ഞാ​ത വ്യ​ക്തി​യാ​ണ്. പോ​ണ്‍ വി​ഡി​യോ അ​വ​ളു​ടേ​താ​ണെ​ന്ന് മ​ന​സ്സി​ലാ​വു​ന്ന​തോ​ടുകൂ​ടി നാം ​അ​വ​ളെ അ​ജ്ഞാ​ത​രി​ൽ​നി​ന്ന് തി​രി​ച്ച​റി​യു​ക​യാ​ണ്. പി​ന്നെ നാം ​അ​വ​ളെ നോ​ക്കു​ന്ന​ത് ആ ​രീ​തി​യി​ലാ​ണ്, ഇ​വി​ടെ അ​വ​ളു​ടെ അ​ജ്ഞാ​ത​ത്വ​വും സ്വ​കാ​ര്യ​ത​യും ത​ക​രു​ന്നു.

ഐ​റ​ണി​യാ​ണ് സി​നി​മ​യു​ടെ മു​ഖ​മു​ദ്ര (ഇ​മോ​ജി സി​നി​മ​യി​ലെ ക​ഥാ​പാ​ത്ര​ങ്ങ​ൾ​ക്കൊ​പ്പം യേ​ശു​വി​ന്റെ ചി​ത്ര​വും കാ​ണാം). മ​റ്റു സ​ന്ദ​ര്‍ഭ​ങ്ങ​ളി​ൽ ന​മു​ക്ക്‌ തീ​രെ താ​ൽ​പ​ര്യം ജ​നി​പ്പി​ക്കാ​ത്ത സ​ങ്കീ​ർ​ണ​മാ​യ ന​ഗ​ര ഭൂ​പ്ര​കൃ​തി​യി​ൽ കാ​മ​റ പ​ല​രീ​തി​യി​ലു​ള്ള പാ​നി​ങ്ങി​ലൂ​ടെ സം​വി​ധാ​യ​ക​ന്‍ സ്കാ​ൻ ചെ​യ്യു​ക​യാ​ണ് എ​ന്ന് പ​റ​യാം. ന​ഗ​ര​ജീ​ർ​ണ​ത, അ​ശ്ലീ​ല​മാ​യ ക​ണ്‍സ്യൂ​മ​റി​സം, ദ​യ വ​റ്റി​യ മ​നു​ഷ്യ​ർ -ഇ​തി​ലൂ​ടെ ബു​ക്കാ​റ​സ്റ്റി​ന്റെ സ​മ​കാ​ലി​ക അ​വ​സ്ഥ അ​വ​ത​രി​പ്പി​ക്കു​ന്നു. ക​മ്യൂ​ണി​സ്റ്റ് കാ​ല​ഘ​ട്ട​ത്തി​ന്റെ അ​വ​ശി​ഷ്ട​ങ്ങ​ൾ, ഉ​പേ​ക്ഷി​ക്ക​പ്പെ​ട്ട ഫാ​ക്ട​റി​ക​ൾ, കെ​ട്ടി​ട​ങ്ങ​ൾ -ഇ​തി​ലൂ​ടെ മു​ത​ലാ​ളി​ത്ത​ത്തി​ന്റെ വി​ചി​ത്ര​മാ​യ കൊ​ളാ​ഷ് അ​വ​ത​രി​പ്പി​ക്കു​ക​യാ​യി​രി​ക്കും സം​വി​ധാ​യ​ക​ന്‍. ഇ​തി​നി​ട​യി​ല്‍ മ​നു​ഷ്യ​ര്‍ ത​മ്മി​ലു​ള്ള അ​ശ്ലീ​ല​ത്തെ​റി​വി​ളി​ക​ള്‍ കേ​ള്‍ക്കാം. ഇ​ത് വാ​ക്കു​ക​ൾ​കൊ​ണ്ടു​ള്ള അ​ക്ര​മം​ത​ന്നെ​യാ​ണ്. മ​നു​ഷ്യ​രു​ടെ പെ​രു​മാ​റ്റം ദു​ര്‍ഗ​ന്ധം വ​മി​ക്കു​ന്ന​തു​പോ​ലെ. മ​റ്റൊ​ന്ന്, ഇ​വി​ടെ എ​ന്താ​ണ് സി​നി​മ​ക്കാ​യി അ​ര​ങ്ങേ​റ്റി​യ​ത്, എ​ന്താ​ണ് മ​നോ​ധ​ർ​മം ചെ​യ്ത​ത് എ​ന്ന് വ്യ​ക്ത​മാ​വാ​ത്ത അ​വ​സ്ഥ​യാ​ണ്. ന​മ്മു​ടെ ക​ൺ​മു​ന്നി​ൽ അ​നി​ശ്ചി​ത​ത്വം നി​റ​ഞ്ഞു​നി​ല്‍ക്കു​ന്നു, ഫി​ക്ഷ​നും ഡോ​ക്യു​മെ​ന്റ​റി​യും ഒ​ന്നി​ച്ചു​ചേ​ർ​ന്ന് നാം ​ജീ​വി​ക്കു​ന്ന കാ​ല​ത്തെ അ​സം​ബ​ന്ധം അ​വ​ത​രി​പ്പി​ക്കു​ന്നു. ഇ​തി​ലൂ​ടെ ഒ​രു ആ​ധു​നി​ക ന​ര​ക​ദൃ​ശ്യം വ​ര​ച്ചി​ടു​ന്നു, സം​വി​ധാ​യ​ക​ന്‍.

സി​നി​മ​യെ ടൈ​റ്റി​ലു​ക​ള്‍ കൊ​ടു​ത്ത് മൂ​ന്നു ഭാ​ഗ​ങ്ങ​ളി​ലാ​യി തി​രി​ച്ചി​രി​ക്കു​ന്നു. സി​നി​മ​യു​ടെ ശ്ല​ഥ​മാ​യ അ​വ​സ്ഥ​യി​ലേ​ക്ക് ക​യ​റാ​നു​ള്ള കോ​വ​ണി​യാ​യി ഈ ​ടൈ​റ്റി​ലു​ക​ള്‍ പ്ര​വ​ര്‍ത്തി​ക്കു​ന്നു. അ​തേ​സ​മ​യം, സി​നി​മ​യു​ടെ ശ്ല​ഥാ​വ​സ്ഥ​യെ ഈ ​ടൈ​റ്റി​ലു​ക​ൾ വ​ർ​ധി​പ്പി​ക്കു​ന്നു. ഇ​തി​ലൂ​ടെ ആ​ഖ്യാ​ന​ത്തി​ന്റെ നൈ​ര​ന്ത​ര്യ​ത്തെ ത​ക​ര്‍ക്കു​ന്നു, സി​നി​മ​യി​ല്‍നി​ന്ന് പ്രേ​ക്ഷ​ക​രെ ഒ​ര​ക​ല​ത്തി​ല്‍ നി​ര്‍ത്തു​ന്നു. ആ​ത്മ​നി​ഷ്ഠ​യെ​ക്കാ​ള്‍ വ​സ്തു​നി​ഷ്ഠ​ത​ക്കാ​ണ് ഇ​വി​ടെ പ്രാ​ധാ​ന്യം. സി​നി​മ വാ​ദ-​പ്ര​തി​വാ​ദ​ത്തി​ന്റെ രൂ​പ​ത്തി​ലാ​ണ്. റി​യ​ലി​സ​ത്തെ കു​റി​ച്ചു​ള്ള സാ​മ്പ്ര​ദാ​യി​ക സ​ങ്ക​ൽ​പ​ങ്ങ​ളി​ൽ​നി​ന്ന് അ​ക​ന്നു​പോ​വാ​നു​ള്ള ശ്ര​മം ജൂ​ഡി​ന്റെ മു​ന്‍ സി​നി​മ​ക​ളി​ലും കാ​ണാം. പ്രേ​ക്ഷ​ക​രെ സി​നി​മ​യു​ടെ ക​ല്‍പി​ത ലോ​ക​ത്തി​ൽ മു​ഴു​കാ​ൻ അ​ദ്ദേ​ഹം അ​നു​വ​ദി​ക്കു​ന്നി​ല്ല. ഇ​തി​നാ​യി അ​ദ്ദേ​ഹം ബ്ര​ഹ​ത്തി​ന്റെ അ​ന്യ​വ​ത്ക​ര​ണ സ​ങ്കേ​ത​ങ്ങ​ള്‍ ഉ​പ​യോ​ഗി​ക്കു​ന്നു. 1960ക​ളു​ടെ അ​വ​സാ​ന​ത്തി​ലും 1970ക​ളു​ടെ തു​ട​ക്ക​ത്തി​ലും സി​നി​മ​യി​ല്‍ നി​ല​നി​ന്നി​രു​ന്ന 'രാ​ഷ്ട്രീ​യ ആ​ധു​നി​ക​ത​യെ' (Political Modernism) പു​ന​രു​ജ്ജീ​വി​പ്പി​ക്കാ​നും ന​വീ​ക​രി​ക്കാ​നു​മു​ള്ള ശ്ര​മ​മാ​ണ് ജൂ​ഡി​ന്റെ സി​നി​മ​ക​ൾ എ​ന്നാ​ണ് ചി​ല നി​രൂ​പ​ക​ര്‍ പ​റ​യു​ന്ന​ത്.

സം​വി​ധാ​യ​ക​ന്റെ ശൈ​ലി വ​ള​രെ ലീ​ലാ​പ​ര​മാ​ണ്, ത​മാ​ശ​പോ​ലെ ആ​ണ് (Playfulness). കാ​ര്യ​ങ്ങ​ളെ ത​മാ​ശ​പോ​ലെ ഉ​പ​യോ​ഗി​ക്കു​ന്നു​ണ്ടെ​ങ്കി​ലും അ​ത് വ​ള​രെ ഗൗ​ര​വ​മു​ള്ള വി​ഷ​യ​ങ്ങ​ളാ​ണ്. അ​ത് പ​രീ​ക്ഷ​ണാ​ത്മ​ക​ത​യു​ടെ ഭാ​ഗ​മാ​യി ഉ​പ​യോ​ഗി​ക്കു​ന്ന​താ​ണ്. മൂ​ന്നാം ഭാ​ഗ​ത്തി​ന്റെ ടൈ​റ്റി​ലി​ല്‍ 'ഹാ​സ്യ പ​ര​മ്പ​ര' എ​ന്നാ​ണ് ഉ​പ​യോ​ഗി​ച്ചി​രി​ക്കു​ന്ന​ത്. എ​ന്നാ​ല്‍, അ​തോ​ടൊ​പ്പം 'വ്യ​വ​ഹാ​രം' എ​ന്നും 'വ്യം​ഗ്യോ​ക്തി' എ​ന്നും ഉ​ണ്ട്. ഹാ​സ്യം പ്രേ​ക്ഷ​ക​രെ തി​ര​ശ്ശീ​ല​യി​ൽ​നി​ന്ന് അ​ക​ല​ത്തി​ൽ നി​ര്‍ത്താ​നും സ​ഹാ​യി​ക്കു​ന്നു.

ര​ണ്ടാം ഭാ​ഗം ആ​ദ്യ​ത്തെ ഭാ​ഗ​ത്തി​ൽ​നി​ന്ന് തീ​ര്‍ത്തും വ്യ​ത്യ​സ്ത​മാ​ണ്. ഈ ​ഭാ​ഗ​ത്തെ ഒ​രു മൊ​ണ്ടാ​ഷ് സീ​ക്വ​ന്‍സാ​യി കാ​ണാം. ടെ​ക്സ്റ്റ്‌, ഫോ​ട്ടോ, വി​ഡി​യോ എ​ന്നി​വ​യൊ​ക്കെ ചേ​ര്‍ന്ന ഒ​രു മൊ​ണ്ടാ​ഷ്. ഈ '​നി​ഘ​ണ്ടു' ര​ണ്ടാം ലോ​ക​യു​ദ്ധ​സ​മ​യ​ത്ത് റു​മേ​നി​യ​ൻ പ​ട്ടാ​ള​ക്കാ​ർ ജൂ​ത​ന്മാ​ർ​ക്കും റോ​മാ​ക്കാ​ർ​ക്കും എ​തി​രെ ചെ​യ്ത ക്രൂ​ര​ത​ക​ളും സി​യോ​സെ​സ്‌​കു​വി​ന്റെ ഭ​ര​ണ​ത്തി​ന്റെ ഭീ​ക​ര​ത​ക​ളും ഉ​ൾ​പ്പെ​ടു​ന്നു. ഈ ​ഭാ​ഗം അ​ശ്ലീ​ല​ത​യു​ടെ​യും അ​ക്ര​മ​ത്തി​ന്റെ​യും എ​ക്കോ ചേം​ബ​ർ പോ​ലെ പ്ര​വ​ർ​ത്തി​ക്കു​ന്നു. യു​ദ്ധം, മ​ര​ണം, ലൈം​ഗി​ക​ത, ചൂ​ഷ​ണം, സ്ത്രീ​ക​ളു​ടെ ചൂ​ഷ​ണം എ​ന്നി​വ​യു​ടെ ചി​ത്ര​ങ്ങ​ൾ അ​വ​ത​രി​പ്പി​ക്കു​ന്നു. ഈ ​ഭാ​ഗം വ​ലി​യ സ​ങ്കീ​ർ​ണ​ത​യാ​യി ന​മു​ക്ക്‌ അ​നു​ഭ​വ​പ്പെ​ട്ടേ​ക്കാം. ചി​ന്ത​യു​ടെ​യും ഭാ​വ​ന​യു​ടെ​യും ലോ​ക​ത്തെ മു​ഴു​വ​ൻ ഈ ​രം​ഗ​ത്തേ​ക്ക് കൊ​ണ്ടു​വ​രാ​ൻ ശ്ര​മി​ക്കു​ന്നു. റു​മേ​നി​യ​യി​ലെ ഫാ​ഷി​സം, ക​ത്തോ​ലി​ക്കാ ഏ​കാ​ധി​പ​ത്യം, യ​ഹൂ​ദ വി​രു​ദ്ധ​ത എ​ന്നി​വ​യു​ടെ ച​രി​ത്ര​ത്തി​ൽ കേ​ന്ദ്രീ​ക​രി​ക്കു​ന്നു. ആ​ഗോ​ള​താ​പ​നം, കു​ട്ടി​ക​ളും മാ​താ​പി​താ​ക്ക​ളും ത​മ്മി​ലു​ള്ള ബ​ന്ധം, കു​ടും​ബം, ആ​ര്‍ഭാ​ടം, അ​ടു​ക്ക​ള, ബു​ദ്ധി​ജീ​വി, ദേ​ശ​സ്നേ​ഹം, പോ​ര്‍ണോ​ഗ്രാ​ഫി, നി​യോ നാ​സി​സം ഇ​ത്ത​രം വി​വി​ധ വി​ഷ​യ​ങ്ങ​ള്‍ ഈ ​ഭാ​ഗ​ത്ത് അ​വ​ത​രി​പ്പി​ക്കു​ന്നു. സി​നി​മ​യു​ടെ മു​ഖ​മു​ദ്ര ആ​ക്ഷേ​പ​ഹാ​സ്യ​മാ​ണെ​ങ്കി​ലും ഇ​വി​ടെ അ​ത് ക​റു​ത്ത ഹാ​സ്യ​മാ​വു​ന്നു. പ്രാ​യ​മാ​യ ഒ​രു മ​നു​ഷ്യ​ന് ത​ന്റെ വ​ല​തു​കൈ ച​ലി​പ്പി​ക്കാ​ൻ ക​ഴി​യു​ന്നി​ല്ല. പ​രി​ശോ​ധ​ന​യി​ൽ ശാ​രീ​രി​ക​വൈ​ക​ല്യ​ങ്ങ​ളൊ​ന്നും കാ​ണു​ന്നി​ല്ല. ആ​ശ​യ​ക്കു​ഴ​പ്പ​ത്തി​ലാ​യ സൈ​ക്കോ അ​ന​ലി​സ്റ്റി​ന്റെ ബു​ദ്ധി​യി​ൽ ഒ​രു ആ​ശ​യം ഉ​ദി​ച്ചു: അ​ദ്ദേ​ഹം ഹി​റ്റ്​​ല​ർ നീ​ണാ​ൾ വാ​ഴ​ട്ടെ എ​ന്ന് നി​ല​വി​ളി​ച്ചു. അ​പ്പോ​ള്‍ രോ​ഗി വ​ല​തു​കൈകൊ​ണ്ട് കൃ​ത്യ​മാ​യ ഒ​രു നാ​സി സ​ല്യൂ​ട്ട് ചെ​യ്തു.

ടെ​ലി​വി​ഷ​ൻ ഫൂ​ട്ടേ​ജു​ക​ളു​ടെ ഉ​പ​യോ​ഗ​ത്തി​ലൂ​ടെ ന​മ്മു​ടെ ദൈ​നം​ദി​ന ഉ​പ​യോ​ഗ​ത്തി​ലു​ള്ള ദൃ​ശ്യ​ങ്ങ​ളി​ൽ മ​റ​ഞ്ഞി​രി​ക്കു​ന്ന അ​ശ്ലീ​ലം വെ​ളി​പ്പെ​ടു​ത്താ​ൻ ശ്ര​മി​ക്കു​ന്നു. അ​താ​യ​ത്, ലീ​ക്കാ​യ വി​ഡി​യോ​യു​ടെ അ​ശ്ലീ​ല​ത എ​ന്ന് വി​ളി​ക്ക​പ്പെ​ടു​ന്ന​തും ന​മ്മെ ചു​റ്റി​പ്പ​റ്റി​യു​ള്ള വി​ശാ​ല​മാ​യ അ​ശ്ലീ​ല​വും ത​മ്മി​ൽ താ​ര​ത​മ്യം​ചെ​യ്യാ​ന്‍ പ്രേ​ക്ഷ​ക​രെ ക്ഷ​ണി​ക്കു​ന്നു. ലീ​ക്കാ​യ ആ ​ക്ലി​പ്പി​നെ​ക്കാ​ൾ കൂ​ടു​ത​ൽ വി​ഷ​ലി​പ്ത​മാ​ണ് ഈ ​ക്ലി​പ്പു​ക​ൾ. എ​ന്താ​ണ് യ​ഥാ​ർ​ഥ​ത്തി​ൽ അ​ശ്ലീ​ലം? ഒ​രു സ്ത്രീ ​ത​ന്റെ ഭ​ർ​ത്താ​വി​നൊ​പ്പം ര​തി​ക്രീ​ഡ​യി​ൽ ഏ​ര്‍പ്പെ​ടു​ന്ന​തോ, അ​തോ പ​ട്ടാ​ള​ക്കാ​ര്‍ക്ക് സ​മാ​ധാ​ന​ത്തോ​ടെ ക്രി​സ്മ​സ് അ​വ​ധി ആ​സ്വ​ദി​ക്കാ​ൻ ന്യൂ​ന​പ​ക്ഷ​ങ്ങ​ളെ ധൃ​തി​യി​ൽ കൊ​ല​പ്പെ​ടു​ത്തു​ന്ന​തോ? നി​ങ്ങ​ൾ എ​ങ്ങ​നെ​യാ​ണ് അ​ശ്ലീ​ല​ത്തെ നി​ർ​വ​ചി​ക്കു​ന്ന​ത്? അ​ക്ര​മ​വും വം​ശീ​യ​ത​യും മ​നു​ഷ്യ​ച​രി​ത്ര​ത്തി​ലെ മ​റ്റു ഭീ​ക​ര​ത​ക​ളും ഉ​ൾ​പ്പെ​ടു​ന്ന ഒ​രു സ്പെ​ക്ട്ര​ത്തി​ൽ അ​തി​ന്റെ സ്ഥാ​നം എ​വി​ടെ​യാ​ണ്? ലൈം​ഗി​ക​ത കൂ​ടു​ത​ൽ ജു​ഗു​പ്സ​യും അ​പ​മാ​ന​വു​മാ​ണെ​ന്ന് വി​ശ്വ​സി​ക്കു​ന്ന​വ​ര്‍ സം​സ്കാ​ര​ത്തെ മ​ഹ​ത്ത്വപ്പെ​ടു​ത്തു​ക​യാ​ണ്, കാ​ര​ണം അ​തി​നേ​ക്കാ​ള്‍ ഭ​യാ​ന​ക​മാ​ണ് വാ​ർ​ത്ത​ക​ളി​ൽ നാം ​ദി​വ​സ​വും കാ​ണു​ക​യും കേ​ള്‍ക്കു​ക​യും ചെ​യ്യു​ന്ന ലൈം​ഗി​ക​ത. ഈ ​കാ​പ​ട്യ​ത്തെ റാ​ഡു ജൂ​ഡ് ഈ ​ഭാ​ഗ​ത്ത് തു​റ​ന്നു​കാ​ട്ടു​ന്നു.

മൂ​ന്നാം ഭാ​ഗം ര​ണ്ടാം ഭാ​ഗ​ത്തി​ൽ​നി​ന്ന് തീ​ര്‍ത്തും വ്യ​ത്യ​സ്ത​മാ​ണ്. അ​ശ്ലീ​ല​മെ​ന്ന് വി​ളി​ക്കാ​വു​ന്ന വ്യ​ത്യ​സ്ത​മാ​യ കാ​ര്യ​ങ്ങ​ൾ സം​യോ​ജി​പ്പി​ച്ച് ന​മ്മു​ടെ കാ​പ​ട്യ​ത്തെ സ​മ​ർ​ഥ​മാ​യി ഉ​യ​ർ​ത്തി​ക്കാ​ട്ടാ​ൻ സി​നി​മ​യു​ടെ ര​ണ്ടാം ഭാ​ഗ​ത്ത് മൊ​ണ്ടാ​ഷാ​ണ് ഉ​പ​യോ​ഗി​ച്ച​തെ​ങ്കി​ൽ ഈ ​ഭാ​ഗ​ത്ത് മാ​താ​പി​താ​ക്ക​ളു​ടെ നി​ര്‍ത്താ​തെ​യു​ള്ള ആ​ക്രോ​ശ​ങ്ങ​ളു​ടെ പ​ര​മ്പ​ര​യാ​ണ്. സ്കൂ​ളി​ന്റെ മു​ന്നി​ലു​ള്ള തു​റ​സ്സാ​യ സ്ഥ​ല​ത്ത് കു​പി​ത​രാ​യ മാ​താ​പി​താ​ക്ക​ളു​മാ​യു​ള്ള എ​മി​യു​ടെ കൂ​ടി​ക്കാ​ഴ്ച ഒ​രു കോ​ട​തി​വി​ചാ​ര​ണ​പോ​ലെ. കു​റ്റാ​രോ​പ​ണം, പ്ര​തി​വാ​ദം എ​ന്ന രീ​തി​യി​ലാ​ണ് മു​ന്നേ​റു​ന്ന​ത്. ഇ​തി​ന് ഒ​രു നാ​ട​ക അ​ര​ങ്ങി​ന്റെ സ്വ​ഭാ​വ​മു​ണ്ട്. പി​ന്നി​ല്‍ സ്കൂ​ള്‍ കെ​ട്ടി​ടം, പു​റ​ത്തെ ചു​വ​രി​ല്‍ ഒ​രു ദേ​ശീ​യ​നേ​താ​വി​ന്റെ വ​ലി​യ പ്ര​തി​മ. ര​ണ്ടു​ഭാ​ഗ​ത്തും ക​ത്തു​ന്ന പ​ന്ത​ങ്ങ​ള്‍. വാ​ഗ്വാ​ദ​ത്തി​നി​ട​യി​ല്‍ ഒ​രു ജോ​ലി​ക്കാ​ര​ന്‍ പ്ര​തി​മ വൃ​ത്തി​യാ​ക്കു​ക​യും പ​ന്ത​ങ്ങ​ളെ ജ്വ​ലി​പ്പി​ക്കു​ക​യും ചെ​യ്യു​ന്നു​ണ്ട്. സി​നി​മ​യു​ടെ ആ​ദ്യ​ഭാ​ഗ​ത്ത് എ​മി​യു​ടെ ഭാ​ഗ​ത്താ​ണ് പ്രേ​ക്ഷ​ക​രെ നി​ര്‍ത്തി​യ​തെ​ങ്കി​ൽ ഇ​വി​ടെ ഒ​രു അ​ശ്ലീ​ല വി​ചാ​ര​ണ കോ​ട​തി​യി​ൽ ജൂ​റി​മാ​രാ​കാ​ൻ അ​വ​രെ നി​ർ​ബ​ന്ധി​ക്കു​ന്നു. ഇ​ത് അ​സ​ഭ്യ​ത്തെ കു​റി​ച്ചാ​ണ്, ഹാ​സ്യാ​ത്മ​ക​മാ​ണ്, കൃ​ത്യ​മാ​യി പ​റ​ഞ്ഞാ​ല്‍ ആ​ക്ഷേ​പ ഹാ​സ്യാ​ത്മ​ക​മാ​ണ്, മെ​ല്ലെ ക​റു​ത്ത ഹാ​സ്യ​മാ​യി​ത്തീ​രു​ന്നു. അ​തേ സ​മ​യം വ​ള​രെ ബൗ​ദ്ധി​ക​വു​മാ​ണ്.

ഈ ​ഭാ​ഗ​ത്ത് പ്ര​ധാ​ന​മാ​യും സൂ​മി​ങ്ങും പാ​നി​ങ്ങും ആ​ണ് ഉ​പ​യോ​ഗി​ച്ചി​രി​ക്കു​ന്ന​ത്. സം​ഭാ​ഷ​ണ​ത്തി​നി​ട​യി​ല്‍ ക​യ​റി ആ​രെ​ങ്കി​ലും സം​സാ​രി​ക്കു​മ്പോ​ള്‍ കാ​മ​റ ആ ​വ്യ​ക്തി​യു​ടെ മു​ഖ​ത്തേ​ക്ക്‌ സൂം ​ചെ​യ്യു​ന്നു. വ​ള​രെ ശൈ​ലീ​കൃ​ത​മാ​ണ് ഈ ​ഭാ​ഗം. നി​റ​ങ്ങ​ളും ശൈ​ലീ​കൃ​ത​മാ​യാ​ണ് ഉ​പ​യോ​ഗി​ച്ചി​രി​ക്കു​ന്ന​ത്. ക​ടു​ത്ത ചു​വ​പ്പും പ​ച്ച​യും പ്ര​കോ​പി​ത​രാ​യ മാ​താ​പി​താ​ക്ക​ളു​ടെ കോ​ട​തി​യെ അ​ട​യാ​ള​പ്പെ​ടു​ത്തു​ന്നു, അ​വ​ർ വി​ഷ​യ​ത്തി​ൽ​നി​ന്ന് അ​ക​ന്ന്‍ ചു​റ്റി​ത്തി​രി​യു​മ്പോ​ൾ അ​വ​ര്‍ കൂ​ടു​ത​ൽ വി​ചി​ത്ര​മാ​യി കാ​ണ​പ്പെ​ടു​ന്നു. അ​തു​പോ​ലെ ഈ ​ഭാ​ഗം നാം ​പൊ​തു​വെ വി​വ​ക്ഷി​ക്കു​ന്ന രീ​തി​യി​ല്‍ സി​നി​മാ​റ്റി​ക് അ​ല്ല. വം​ശീ​യ​ത, കാ​പ​ട്യ​ങ്ങ​ൾ, വി​ഡ്ഢി​ത്തം, വി​ദ്യാ​ഭ്യാ​സം എ​ന്നി​വ​യെ​ക്കു​റി​ച്ച് അ​ഭി​പ്രാ​യം പ​റ​യാ​ൻ വി​വി​ധ എ​ഴു​ത്തു​കാ​രി​ൽ​നി​ന്നു​ള്ള നീ​ണ്ട ഉ​ദ്ധ​ര​ണി​ക​ൾ ഉ​ച്ച​ത്തി​ൽ വാ​യി​ക്കു​ന്ന ക​ഥാ​പാ​ത്ര​ങ്ങ​ൾ.

ഒ​രു ആ​ർ​മി ലെ​ഫ്റ്റ​ന​ന്റ്, ഫാ​ഷി​സ്റ്റ്, രാ​ഷ്ട്രീ​യ ചാ​യ്‌​വു​ള്ള ഒ​രു പൈ​ല​റ്റ്, സാ​മൂ​ഹി​ക​മാ​യി യാ​ഥാ​സ്ഥി​തി​ക​നാ​യ ഒ​രു പു​രോ​ഹി​ത​ൻ, എ​മി​യെ പ്ര​തി​രോ​ധി​ക്കു​ന്ന ഒ​രു 'ന​ല്ല മ​നു​ഷ്യ​ൻ' (ഇ​ത് അ​വ​ളെ പാ​ട്ടി​ലാ​ക്കാ​നു​ള്ള ത​ന്ത്ര​മാ​ണ്), കൂ​ടാ​തെ ത​ന്റെ കു​ട്ടി​ക്ക്‌ ഉ​യ​ര്‍ന്ന ഗ്രേ​ഡ്‌ കി​ട്ടു​ന്ന​തി​നാ​യി വ​ലി​യ തു​ക വാ​ഗ്ദാ​നം​ചെ​യ്ത സ്ത്രീ ​എ​ന്നി​വ​രാ​ണ് കൂ​ടി​യി​രി​ക്കു​ന്ന​വ​രി​ല്‍ പ്ര​ധാ​നി​ക​ള്‍. വാ​ക്കു​ക​ൾ കൊ​ണ്ടു​ള്ള മാ​താ​പി​താ​ക്ക​ളു​ടെ അ​ധി​ക്ഷേ​പ​ത്തി​ന്റെ ആ​ക്ര​മ​ണ​ത്തി​ന് എ​മി വി​ധേ​യ​യാ​വു​ന്നു. അ​തി​ൽ ഭൂ​രി​ഭാ​ഗ​വും സ്ത്രീ​വി​രു​ദ്ധ​ത​യി​ൽ വേ​രു​ക​ളു​ള്ള​താ​ണ്. അ​വ​ര്‍ വാ​ദി​ക്കു​ന്നു, എ​മി കാ​മ​റ​യി​ൽ ചെ​യ്ത​തു​പോ​ലെ വേ​ശ്യ​ക​ൾ മാ​ത്ര​മേ പ്ര​വ​ർ​ത്തി​ക്കൂ എ​ന്നാ​ണ് ചി​ല പു​രു​ഷ​ന്മാ​ർ പ​റ​യു​ന്ന​ത്. താ​മ​സി​യാ​തെ വാ​ക്കു​പോ​ര് വം​ശീ​യ​ത​യി​ലേ​ക്കും ആ​ന്റി സെ​മി​റ്റി​സ​ത്തി​ലേ​ക്കും ഫാ​ഷി​സ​ത്തി​ലേ​ക്കും തി​രി​യു​ന്നു. ഒ​രു ച​രി​ത്രാ​ധ്യാ​പി​ക എ​ന്ന നി​ല​യി​ൽ, എ​മി വി​ദ്യാ​ർ​ഥി​ക​ളെ ഹോ​ളോ​കോ​സ്റ്റി​നെ​ക്കു​റി​ച്ച് പ​ഠി​പ്പി​ക്കു​ന്നു, സോ​വി​യ​റ്റ് ര​ച​ന​ക​ൾ കു​ട്ടി​ക​ളെ വാ​യി​ച്ചു കേ​ള്‍പ്പി​ക്കു​ന്നു, ജൂ​യി​ഷ്‌-​ജ​ർ​മ​ൻ ത​ത്ത്വ​ചി​ന്ത​ക​യാ​യ ഹ​ന്ന അ​രെ​ന്റി​നെ (Hannah Arend) കു​റി​ച്ച് കു​ട്ടി​ക​ളോ​ട് സം​സാ​രി​ക്കു​ന്നു. അ​തു​കൊ​ണ്ട് മാ​താ​പി​താ​ക്ക​ള്‍ അ​വ​ളെ ജൂ​ത​പ്ര​ചാ​ര​ക​യാ​യും ക​മ്യൂ​ണി​സ്റ്റ് രാ​ജ്യ​ദ്രോ​ഹി​യാ​യും മു​ദ്ര​കു​ത്തു​ന്നു. വാ​ക്കാ​ലു​ള്ള അ​ക്ര​മം കോ​വി​ഡി​ന്റെ സാ​മൂ​ഹി​കാ​ക​ലം മ​റ​ന്നു​കൊ​ണ്ട് ശാ​രീ​രി​ക​മാ​യ അ​തി​ക്ര​മ​മാ​യി​ത്തീ​രു​ന്നു. അ​വ​ൾ ചെ​യ്ത​ത് എ​ന്താ​ണെ​ന്ന് കാ​ണാ​ത്ത​വ​ര്‍ക്ക് കാ​ണാ​നാ​യി ആ ​വി​ഡി​യോ അ​വ​ളെ മ​ധ്യ​ത്തി​ൽ ഇ​രു​ത്തി​ക്കൊ​ണ്ട് ലാ​പ്‌​ടോ​പ്പി​ൽ പ്ര​ദ​ര്‍ശി​പ്പി​ക്കു​ന്നു.

''എ​ന്റെ സ്വ​കാ​ര്യ​ജീ​വി​തം എ​ന്റേ​താ​ണ്. കു​ട്ടി​ക​ള്‍ മു​തി​ര്‍ന്ന​വ​ര്‍ക്കു​ള്ള വെ​ബ്സൈ​റ്റു​ക​ൾ കാ​ണ​രു​ത്, ഇ​തി​ന് മാ​താ​പി​താ​ക്ക​ളാ​ണ് നി​യ​മ​പ​ര​മാ​യി ഉ​ത്ത​ര​വാ​ദി​ക​ൾ'' -എ​മി വാ​ദി​ക്കു​ന്നു. ഈ ​ഭാ​ഗ​ത്തി​നുശേ​ഷം സി​നി​മ മൂ​ന്നു രീ​തി​യി​ല്‍ അ​വ​സാ​നി​ക്കു​ന്നു. അ​തു​കൊ​ണ്ടു​ത​ന്നെ ഇ​ത് അ​പൂ​ർ​ണ​വും തു​റ​ന്ന​തും വ്യാ​ഖ്യാ​ന​ത്തി​ന് സാ​ധ്യ​ത കൊ​ടു​ക്കു​ന്നതുമാണ് (സാ​ധാ​ര​ണ​യാ​യി ഒ​രു ആ​ശ​യ​ത്തെ വി​ക​സി​പ്പി​ച്ചു വി​ക​സി​പ്പി​ച്ച് പ​രി​സ​മാ​പ്തി​യി​ല്‍ എ​ത്തി​ക്കു​ക​യാ​ണ​ല്ലോ). ഇ​തും പ്രേ​ക്ഷ​ക​രെ സി​നി​മ​യി​ൽ​നി​ന്ന് അ​ക​ലെ നി​ര്‍ത്താ​നു​ള്ള ത​ന്ത്ര​മാ​ണ്.

ശ്ലീ​ലാ​ശ്ലീ​ല​ങ്ങ​ളു​ടെ കോ​ട​തി​യി​ല്‍ സ്ത്രീ ​വി​ചാ​ര​ണ ചെ​യ്യ​പ്പെ​ടു​ന്നു. മു​ത​ലാ​ളി​ത്ത​ത്തി​ലും ക​മ്യൂ​ണി​സ​ത്തി​ലും മ​ത​ത്തി​ലും വി​ക​സി​ത രാ​ജ്യ​ത്തി​ലും അ​വി​ക​സി​ത രാ​ജ്യ​ത്തി​ലും ലൈം​ഗി​ക​ത​യു​ടെ പേ​രി​ൽ ഇ​ത് ഒ​രു​പോ​ലെ ന​ട​ക്കു​ന്നു. ഈ ​സി​നി​മ​യി​ല്‍ ഈ ​ക​ർ​മം ഭാ​ര്യ​യും ഭ​ര്‍ത്താ​വും ചേ​ര്‍ന്ന് ചെ​യ്ത​താ​ണെ​ങ്കി​ലും ഭാ​ര്യ മാ​ത്ര​മാ​ണ് വി​മ​ര്‍ശി​ക്ക​പ്പെ​ടു​ന്ന​ത്, പു​രു​ഷ​നെ സി​നി​മ​യി​ല്‍ കാ​ണി​ക്കു​ന്നി​ല്ല. ത​ന്റെ ഭ​ര്‍ത്താ​വു​മാ​യാ​ണ് താ​ൻ ലൈം​ഗി​ക ബ​ന്ധ​ത്തി​ല്‍ ഏ​ര്‍പ്പെ​ട്ട​ത് എ​ന്നും അ​യാ​ളെ വി​വാ​ഹം ക​ഴി​ച്ച​തി​നു​ള്ള തെ​ളി​വാ​യി അ​വ​ള്‍ക്ക് വി​വാ​ഹ​മോ​തി​രം കാ​ണി​ക്കേ​ണ്ടി​യും വ​ന്നു. മാ​ത്ര​വു​മ​ല്ല, അ​വ​ര്‍ മ​ത​പ​ര​മാ​യികൂ​ടി വി​വാ​ഹി​ത​രാ​ണ് എ​ന്നും പ​റ​യേ​ണ്ടി​വ​രു​ന്നു. ഇ​ത് അ​വ​ളെ സം​ബ​ന്ധി​ച്ച് പൊ​തു അ​പ​മാ​ന​ത്തി​ന്റെ വേ​ദ​നാ​ജ​ന​ക​മാ​യ നി​മി​ഷ​മാ​ണ്. വ്യ​ക്തി​ഗ​ത​മാ​യ​തില്‍നി​ന്ന് ആ​രം​ഭി​ച്ച് സി​നി​മ സ്ത്രീ​ക​ളു​ടെ സ്വ​കാ​ര്യ​ജീ​വി​ത​ത്തി​ൽ ഭ​ര​ണ​കൂ​ട​ത്തി​ന്റെ ക​ട​ന്നു​ക​യ​റ്റം, ആ​ധു​നി​ക റു​മേ​നി​യ​യി​ലെ സ്ത്രീ ​ലൈം​ഗി​ക​ത​യോ​ടു​ള്ള സ്ഥാ​പ​ന​ങ്ങ​ളു​ടെ​യും മ​നു​ഷ്യ​രു​ടെ​യും ക​പ​ട​മ​നോ​ഭാ​വം എ​ന്നി​വ അ​വ​ത​രി​പ്പി​ക്കു​ന്നു. അ​തി​ന് ന​മ്മു​ടെ സാ​മ്പ്ര​ദാ​യി​ക ആ​ർ​ട്ട് സി​നി​മ​ക​ളി​ൽ​നി​ന്ന് വ​ള​രെ വ്യ​ത്യ​സ്ത​മാ​യ ശൈ​ലി ഉ​പ​യോ​ഗി​ക്കു​ന്നു. സി​നി​മ കേ​വ​ലം ക​ഥ മാ​ത്ര​മ​ല്ലെ​ന്നും രൂ​പ​വും പ്ര​ധാ​ന​പ്പെ​ട്ട​താ​ണെന്നും സം​വി​ധാ​യ​ക​ന്‍ വ്യ​ക്ത​മാ​ക്കു​ന്നു.