പെരിങ്ങീൽ, കുടക്​, പീരുമേട്​: ഒരു നാ​ടി​​​ന്റെ, ദ​ലി​ത​​ന്റെ ജീ​വി​ത​കഥ

1947ൽ ​ആ​ണ് ഞാ​ന്‍ ജ​നി​ക്കു​ന്ന​ത്. എ​ന്റെ അ​ച്ഛ​ന്റെ പേ​ര് കോ​യോ​ന്‍ വാ​സു. അ​മ്മ മീ​നാ​ക്ഷി. ഞാ​ന്‍ ജ​നി​ച്ച പെ​രി​ങ്ങീ​ല്‍ ഒ​രു ച​ളി​പ്ര​ദേ​ശം ആ​യി​രു​ന്നു. ക​ണ്ണൂ​ര്‍ ജി​ല്ല​യി​ലെ ഏ​ഴോം പ​ഞ്ചാ​യ​ത്തി​ലെ കു​ണ്ടും കു​ഴി​യും ച​ളി​പ്ര​ദേ​ശ​വും ഒ​ക്കെ ചേ​ര്‍ന്ന നാ​ലു​വ​ശ​വും പു​ഴ​യാ​ല്‍ ചു​റ്റ​പ്പെ​ട്ട ഒ​രു ദ്വീ​പ്. വ​ള​രെ താ​ഴ്ന്ന പ്ര​ദേ​ശമെ​ന്ന അ​ർ​ഥം വ​രു​ന്ന പെ​രും​കീ​ഴി​ല്‍ എ​ന്ന വാ​ക്കി​ല്‍നി​ന്നാ​ണ് പെ​രി​ങ്ങീ​ല്‍ ഉ​ണ്ടാ​കു​ന്ന​ത്. കൃ​ഷി​പ്പ​ണി​യും മീ​ന്‍പി​ടി​ത്ത​വും ആ​ണ് പ്ര​ധാ​ന​പ്പെ​ട്ട തൊ​ഴി​ല്‍. പ​ക്ഷേ അ​വി​ട​ത്തെ തൊ​ഴി​ല്‍ നി​യ​ന്ത്രി​ച്ചു​കൊ​ണ്ടി​രു​ന്ന​ത് മ​റ്റ് പ്ര​ദേ​ശ​ങ്ങ​ളി​ല്‍ ഉ​ള്ള​വ​ര്‍ ആ​യി​രു​ന്നു. പ​ട്ടു​വ​ത്തെ മു​സ്​​ലിം വി​ഭാ​ഗ​ങ്ങ​ളി​ല്‍ ഉ​ള്ള​വ​ര്‍, കോ​ട്ട​ക്കീ​ലി​ല്‍ ഉ​ള്ള തി​യ്യ സ​മു​ദാ​യ​ക്കാ​ര്‍ കൊ​ട്ടി​ല​യി​ല്‍ ഉ​ള്ള തി​യ്യ വി​ഭാ​ഗ​ക്കാ​ര്‍, മ​ണി​യാ​ണി വി​ഭാ​ഗ​ക്കാ​ര്‍; ഇ​വ​രാ​ണ് പെ​രി​ങ്ങീ​ലി​ലെ പു​ല​യ​രെ​ക്കൊ​ണ്ട് തൊ​ഴി​ല്‍ ചെ​യ്യി​ച്ച​ത്. ഈ ​സ്ഥ​ല​ങ്ങ​ള്‍ എ​ല്ലാം അ​വ​ര്‍ ഒ​രു രേ​ഖ​ക​ളും ഇ​ല്ലാ​തെ കൈ​യേ​റി​യ​താ​യി​രു​ന്നു. പെ​രി​ങ്ങീ​ല്‍ മു​ഴു​വ​ന്‍ പു​റ​മ്പോ​ക്ക് ആ​യി​രു​ന്നു. ഒ​രു​ത​രം വേ​സ്റ്റ് ലാ​ൻ​ഡ്. പെ​രി​ങ്ങീ​ലി​ലെ ഭൂ​രി​ഭാ​ഗം സ്ഥ​ല​വും ത​ളി​പ്പ​റ​മ്പി​ല്‍ ഉ​ള്ള ഒ​രു മു​സ്‍ലി​മി​ന്റെ ഉ​ട​മ​സ്ഥ​ത​യി​ല്‍ ആ​യി​രു​ന്നു. അ​യാ​ളി​ല്‍നി​ന്ന് അ​യാ​ളു​ടെ ബ​ന്ധു​ക്ക​ളാ​യ പ​ട്ടു​വ​ത്തും മ​റ്റു​മു​ള്ള മ​റ്റ് മു​സ്‍ലിം​ക​ള്‍ പാ​ട്ട​ത്തി​ന് സ്ഥ​ലം എ​ടു​ത്തു കൃ​ഷി ചെ​യ്യി​ക്കും. ഈ ​ഇ​ട​നി​ല​ക്കാ​രാ​ണ് കൃ​ഷി​പ്പ​ണി​യും മ​റ്റും ന​ട​ത്തി​ക്കു​ന്ന​ത്.

പെ​രി​ങ്ങീ​ല്‍പോ​ലു​ള്ള സ്ഥ​ല​ങ്ങ​ള്‍ കൈ​വ​ശ​പ്പെ​ടു​ത്തി​യ​തി​നു ശേ​ഷം മു​ത​ലാ​ളി​മാ​ര്‍ പു​ല​യ​രെ അ​ടി​മ​ക​ള്‍ ആ​യി വാ​ങ്ങി​ക്കൊ​ണ്ടു വ​രുകയാ​യി​രു​ന്നു. പെ​രി​ങ്ങീ​ലി​ലെ പു​ല​യ​ര്‍ പ​ണ്ട് ത​മി​ഴ് ഭാ​ഷ​യി​ലു​ള്ള പ​ദ​ങ്ങ​ള്‍ ഉ​പ​യോ​ഗി​ച്ചി​രു​ന്നു. ''അ​യ്യാ...'', ''ഒ​മ്മി'', അ​ച്ഛ​ന്‍ അ​മ്മ തു​ട​ങ്ങി​യ അ​ർ​ഥ​ങ്ങ​ള്‍ വ​രു​ന്ന ത​മി​ഴ്പ​ദ​ങ്ങ​ള്‍ ഉ​പ​യോ​ഗി​ച്ചി​രു​ന്നു. എ​ന്റെ ഒ​രു നാ​ലോ അ​ഞ്ചോ ത​ല​മു​റ​ക്കുമു​മ്പേ പു​ല​യ​ര്‍ പെ​രി​ങ്ങീ​ലി​ല്‍ എ​ത്തി​യി​ട്ടു​ണ്ടെ​ന്നാ​ണ് ഞാ​ന്‍ അ​റി​യു​ന്ന​ത്. ആ ​കാ​ല​ഘ​ട്ട​ങ്ങ​ളി​ല്‍ അ​വി​ടെ കൃ​ഷിയുണ്ട്. അ​ന്നൊ​ക്കെ ആ​കെ പു​ല​യ​ര്‍ക്ക് പു​റ​മെ പ​ണി​യെ​ടു​ക്കു​ന്ന​ത് മു​സ്‍ലിം​ക​ളും തി​യ്യ​രും ആ​യി​രു​ന്നു. മ​റ്റു​ള്ള​വ​ര്‍ ദേ​ഹാ​ധ്വാ​നം ചെ​യ്യി​ല്ല. മു​സ്‍ലിം​ക​ളും തി​യ്യ​രും പു​ല​യ​രു​ടെ കൂ​ടെ വ​ന്നു പ​ണി​യെ​ടു​ക്കു​ക​യും പ​ണി എ​ടു​പ്പി​ക്കു​ക​യും ചെ​യ്യും. പു​ല​യ​ര്‍ പ്ര​ധാ​ന​മാ​യും കി​ള​ക്കു​ക, ഞാ​റു ന​ടു​ക, ഞാ​റു പ​റി​ക്കു​ക തു​ട​ങ്ങി​യ കൃ​ഷി​യു​ടെ എ​ല്ലാ പ​ണി​ക​ളും ചെ​യ്യും. നി​ലം ഉ​ഴു​ന്ന​തി​നും കി​ള​ക്കു​ന്ന​തി​നും മു​സ്‍ലിം​ക​ളും തി​യ്യ​ന്‍മാ​രും ഇ​വ​രു​ടെ കൂ​ടെക്കൂ​ടാ​റു​ണ്ട്.

പെ​രി​ങ്ങീ​ലി​ല്‍ പു​ല​യ​രെ ചേ​രി​ക​ള്‍ ഉ​ണ്ടാ​ക്കി അ​വി​ടെത​ന്നെ സെ​റ്റി​ല്‍ ചെ​യ്യി​ക്കു​കയാണ് ചെ​യ്ത​ത്. വ​യ​ലി​ല്‍ മ​ണ്ണുകൊ​ണ്ട് ഒ​രു കൂ​നയുണ്ടാ​ക്കി അ​വി​ടെ ഒ​രു ചാ​പ്പ (കു​ടി​ല്‍) ഉ​ണ്ടാ​ക്കും. ഈ ​കു​ടി​ല്‍ ഒ​രു മ​റമാ​ത്രമാ​ണ്. കി​ട​ക്കാ​നും ഇ​രി​ക്കാ​നും ഉ​ള്ള ഒ​രു മ​റ. അ​ന്ന് അ​ടി​മ​പ്പ​ണി​യു​ടെ കാ​ല​ത്ത് കി​ട​ക്ക​ലും ഉ​റ​ങ്ങ​ലും എ​ല്ലാം വ​ള​രെ കു​റ​വാ​ണ്. ഒ​ന്നു​കി​ല്‍ ഓ​ല​കൊ​ണ്ടു​ള്ള അ​ല്ലെ​ങ്കി​ല്‍ ച​ളി​കൊ​ണ്ട് നി​ര്‍മി​ച്ച ക​ല്ലു​ക​ള്‍കൊ​ണ്ട് ചു​വ​ര്‍ ഉ​ണ്ടാ​ക്കി അ​തി​ന്റെ മു​ക​ളി​ല്‍ പു​ല്ല്, ഓ​ല എ​ന്നി​വ പാ​കി​യി​ട്ടാ​ണ് കി​ട​ക്കാ​നു​ള്ള ഇ​ടം ഉ​ണ്ടാ​ക്കു​ക. അ​ങ്ങ​നെ​യു​ള്ള ഒ​രു സ്ഥ​ലം ഏ​ര്‍പ്പാ​ടാ​ക്കി കൊ​ടു​ക്കു​ന്ന​ത്, ഇ​വ​രെ അ​വി​ടെ കൊ​ണ്ടു​വ​രു​ന്ന മു​ത​ലാ​ളി​മാ​രാ​ണ്. ഈ ​പ്ര​ദേ​ശം വ​ള​രെ ഒ​റ്റ​പ്പെ​ട്ട​തും വേ​റെ ആ​രും താ​മ​സി​ക്കാ​ത്ത​തുമാ​യ ഒ​രി​ടമാ​ണ്. മ​റ്റ് സ​മൂ​ഹ​ങ്ങ​ളി​ല്‍നി​ന്നു​ള്ള അ​യി​ത്ത​വും ജാ​തീ​യ​ത​യുംത​ന്നെ​യാ​ണ് ഏ​റ്റ​വും പ്ര​ധാ​ന​പ്പെ​ട്ട കാ​ര്യം. ര​ണ്ടാ​മ​ത് ച​ളി​യും മ​ണ്ണും നി​റ​ഞ്ഞ ആ ​സ്ഥ​ല​ത്തു ജീ​വി​ക്കാ​നു​ള്ള ബു​ദ്ധി​മു​ട്ടും. പു​ല​യ​ര്‍ കാ​ട്ടി​ലോ കു​ന്നി​ലോ ച​തു​പ്പി​ലോ എ​വി​ടെ വേ​ണ​മെ​ങ്കി​ലും ജീ​വി​ക്കും. അ​ങ്ങ​നെ പു​ല​യ​ര്‍ പു​ഴ​യു​ടെ ക​ര​യി​ലും ച​തു​പ്പു​ക​ളി​ലും കു​ന്നി​ന്‍പു​റ​ങ്ങ​ളി​ലും ചു​രു​ങ്ങിപ്പോ​യി​ട്ടു​ണ്ട്. ഈ ​അ​ടി​മ​ക​ളാ​യ പു​ല​യ​ര്‍ വ​യ​നാ​ട്ടി​ല്‍നി​ന്നും വ​രാ​നും സാ​ധ്യ​ത​ക​ള്‍ ഉ​ണ്ട്. പു​ല​യ​രു​ടെ പൊ​ട്ട​ന്‍ തെ​യ്യ​ത്തി​ന്റെ പാ​ട്ടി​ല്‍ ''താ​നേ വി​ള​യു​ന്ന വ​യ​നാ​ട​ന്‍ പു​ഞ്ച'' എ​ന്നു പ​റ​യു​ന്നു​ണ്ട്. ദ​ലി​ത​രു​ടെ വീ​ട്ടി​ല്‍ ഒ​രു അ​ഞ്ചാ​റ് കു​ട്ടി​ക​ള്‍ അ​ന്ന് ഉ​ണ്ട് എ​ന്നു ക​രു​തു​ക. എ​ങ്കി​ല്‍ മു​ത​ലാ​ളി​മാ​ര്‍ പോ​യി ''നി​ന്റെ ഒ​രു കു​ഞ്ഞി​നെ ഇ​ങ്ങ് ത​ന്നേ'' എ​ന്നു പ​റ​യും. അ​തി​നു​ള്ള പൈ​സ​യും കൊ​ടു​ക്കും. പ​ണി​യെ​ടു​ക്കാ​നാ​ണ​ത്. 1930ക​ളി​ല്‍ ഇ​ത് ന​ട​ന്നി​ട്ടു​ണ്ട്.

പെ​രി​ങ്ങീ​ലി​ല്‍ വ​യ​ലു​ക​ളി​ലും കൈ​പ്പാ​ടി​ലും ആ​ണ് നെ​ല്‍കൃ​ഷി ചെ​യ്യു​ന്ന​ത്. അ​ന്ന​ത്തെ പു​ല​യ​ര്‍ക്ക് ഒ​രു​നേ​ര​ത്തേ ഭ​ക്ഷ​ണമാ​യി​രു​ന്നു പ്ര​ധാ​ന ആ​വ​ശ്യം. വേ​റെ കൂ​ലിയൊന്നും അ​ത്യാ​വ​ശ്യമാ​യി​രു​ന്നി​ല്ല. അ​തു​കൊ​ണ്ട് ഭ​ക്ഷ​ണ​ത്തി​നുവേ​ണ്ടി പു​ല​യ​ര്‍ പ​ണി​യെ​ടു​ക്കും. ക​ണ്ണൂ​ര്‍ ജി​ല്ല​യി​ലെ ആ​ല​ക്കോ​ട്, ക​രു​വാ​ഞ്ചാ​ല്‍, ച​ന്ത​പ്പു​ര, മാ​ത​മം​ഗ​ലം, ഏ​ര്യം, കു​റ്റൂ​ര്‍, കു​ടി​യാ​ന്‍മ​ല തു​ട​ങ്ങി​യ സ്ഥ​ല​ങ്ങ​ളി​ല്‍ ഒ​ക്കെ വ​ലി​യ കൃ​ഷി​ക്കാ​രും മു​ത​ലാ​ളി​മാ​രും എ​ല്ലാം ഉ​ണ്ടാ​യി​രു​ന്ന സ്ഥ​ല​മാ​ണ്. അ​വി​ടെ ചേ​ട്ട​ന്‍മാ​ര്‍ എ​ന്നു മ​ല​ബാ​റു​കാ​ര്‍ വി​ളി​ക്കു​ന്ന ക്രി​സ്ത്യാ​നി​ക​ളും കൃ​ഷി ചെ​യ്തി​രു​ന്നു. അ​വി​ടെ​യും തി​രു​വി​താം​കൂ​റി​ല്‍നി​ന്നു കൊ​ണ്ടു​വ​രു​ന്ന പു​ല​യ​രാ​യ അ​ടി​മ​ക​ള്‍ പ​ണി​യെ​ടു​ത്തി​രു​ന്നു. 1950ക​ളി​ല്‍പോ​ലും 'തി​രു​വി​താം​കൂ​ര്‍ രാ​ജാ​വ്' അ​വി​ടെ മു​ക​ളി​ലെ സ്ഥ​ല​ങ്ങ​ളി​ല്‍ ഭൂ​മി പി​ടി​ച്ച​ട​ക്കി​യി​ട്ടു​ണ്ട്. അ​ന്ന​ത്തെ തി​രു​വി​താം​കൂ​ര്‍ രാ​ജാ​വു വ​ന്നു ആ​ല​ക്കോ​ടു​ള്ള ഒ​രു വ​ലി​യ സ്ഥ​ല​ത്ത് അ​വ​കാ​ശം സ്ഥാ​പി​ച്ചു. ക​രു​വാ​ഞ്ചാ​ലി​ല്‍ വേ​റൊ​രു രാ​ജാ​വും സ്ഥ​ലം സ്ഥാ​പി​ച്ചെ​ടു​ത്തു. അ​വ​ര്‍ക്ക് ഇ​റ​ക്കാ​ന്‍ പൈ​സ​യും ഉ​ണ്ട്. ജോ​ലി ചെ​യ്യാ​ന്‍ ജോ​ലി​ക്കാ​രു​മു​ണ്ട്. അ​വ​ര്‍ തി​രു​വി​താം​കൂ​റി​ല്‍നി​ന്നു വ​ന്നു ഇ​വി​ടെ സെ​റ്റി​ല്‍മെ​ന്‍റ് ഉ​ണ്ടാ​ക്കി. അ​വ​ര്‍ ഇ​വി​ടെയുള്ള ഇ​ട​നി​ല​ക്കാ​രാ​യ 'ക​ങ്കാ​ണി'ക​ളെ (കോ​ൺ​ട്രാ​ക്ട​ർ​മാ​ര്‍)​ ഏ​ൽ​പി​ച്ച് ഈ ​ക​ങ്കാ​ണി​ക​ളാ​ണ് അ​വ​ര്‍ക്ക് വേ​ണ്ടി പു​ല​യ​രെ​ക്കൊ​ണ്ട് പ​ണി​യെ​ടു​പ്പി​ക്കു​ക. അ​ന്ന് മ​ല​മ്പ്ര​ദേ​ശ​ങ്ങ​ളി​ല്‍ ആ​ന​യും ന​രി​യും എ​ല്ലാം ഉ​ള്ള സ്ഥ​ല​ങ്ങ​ളാ​ണ്. മ​ലി​ക്കാ​ന്‍ ഹാ​ജി വ​ലി​യ ആ​ധി​പ​ത്യം സ്ഥാ​പി​ച്ച ഒ​രു മ​നു​ഷ്യ​ന്‍ ആ​യി​രു​ന്നു. അ​ദ്ദേ​ഹ​ത്തി​ന് അ​ഞ്ചോ എ​ട്ടോ ആ​ന​ക​ള്‍ ഉ​ണ്ടാ​യി​രു​ന്നു. അ​വി​ടെ പെ​രി​ങ്ങീ​ലി​ല്‍നി​ന്നും അ​ട​ക്ക​മു​ള്ള മ​നു​ഷ്യ​രെ ആ​ന​യെ പി​ടി​ക്കാ​ന്‍വ​രെ കൊ​ണ്ടു​പോ​കും. അ​ങ്ങ​നെ പൈ​സ ഉ​ണ്ടാ​ക്കും. ന​ല്ല ലാ​ഭം കി​ട്ടു​മ്പോ​ള്‍ പു​ല​യ​ര്‍ക്ക് പു​റ​മെ മ​റ്റു​ള്ള ജാ​തി​യി​ൽ​പെ​ട്ട​വ​രും പ​ണി​ക്ക് ഉ​ണ്ടാ​കും. പെ​രി​ങ്ങീ​ലി​ലു​ള്ള പു​ല​യ​ര്‍ നാ​ട്ടി​ല്‍ പ​ണി​യി​ല്ലാ​ത്ത​പ്പോ​ള്‍ ഈ ​സ്ഥ​ല​ങ്ങ​ളി​ല്‍ പോ​യി പ​ണിയെ​ടു​ക്കും. മ​ല​ക്ക് പോ​വു​ക, കു​ട​കി​ല്‍ പോ​വു​ക എ​ന്നൊ​ക്കെ പെ​രി​ങ്ങീ​ലി​ല്‍ പ​റ​ഞ്ഞാ​ല്‍ ഗ​ൾ​ഫി​ല്‍ പോ​യി സ​മ്പാ​ദി​ക്കാ​ന്‍ പോ​കു​ന്ന​തു​പോ​ലെ​യാ​ണ്. അ​പ്പോ​ള്‍ അ​വി​ടെ​നി​ന്നു ഭ​ക്ഷ​ണ​വും ചെ​ല​വും ക​ഴി​ഞ്ഞു മൊ​ത്ത​മാ​യി ഒ​രു പൈ​സ കി​ട്ടും. അ​ത് ന​ല്ലൊ​രു വ​രു​മാ​നമാ​ണ്. അ​ങ്ങ​നെ പെ​രി​ങ്ങീ​ലി​ല്‍നി​ന്നു മ​ല​ക്ക് പോ​യി ജോ​ലിചെ​യ്ത​വ​ര്‍, പി​ന്നീ​ട് അ​വി​ടെത​ന്നെ ജീ​വി​തം തു​ട​ര്‍ന്ന​വ​രുമു​ണ്ട്.

അ​ന്ന​ത്തെ പെ​രി​ങ്ങീ​ലി​ലെ മ​നു​ഷ്യ​രു​ടെ ജീ​വി​തം എ​ന്നാ​ല്‍ പ്ര​ധാ​ന​മാ​യും ജോ​ലിത​ന്നെയായി​രു​ന്നു. നെ​ല്ലും അ​രി​യും ആ​യി​രി​ക്കും അ​വ​രു​ടെ കൂ​ലി. അ​ത് രാ​ത്രി കൊ​ണ്ടു​വ​ന്നു വെ​ച്ചു കു​ടി​ക്കും. വേ​റെ പ്ര​ത്യേ​കി​ച്ചു ക​റി​ക​ള്‍ ഒ​ന്നും ഉ​ണ്ടാ​കി​ല്ല. രാ​ത്രി വ​ന്നു നെ​ല്ല് പു​ഴു​ങ്ങി കു​ത്തി അ​രി​യാ​ക്കി ചോ​റ് വെ​ക്കു​മ്പോ​ഴേ​ക്കും നേ​രം വെ​ളു​ക്കും. പി​ന്നെ​യും പ​ണി​ക്കു പോ​കാ​റാ​കും. കൃ​ഷി​പ്പ​ണി​യി​ല്‍ കു​ണ്ടും കു​ഴി​യും ഒ​ക്കെ നി​റ​ഞ്ഞ സ്ഥ​ല​ങ്ങ​ള്‍ ലെ​വ​ല്‍ ആ​ക്ക​ണം, കൈ​പ്പാ​ട്ടി​ല്‍ കി​ള​ക്ക​ണം, നെ​ല്ല് ന​ട​ണം, കൊ​യ്യ​ണം, അ​ങ്ങ​നെ ഒ​രു​പാ​ട് ജോ​ലി​ക​ള്‍ പു​ല​യ​ര്‍ക്ക് ചെ​യ്യാ​നു​ണ്ടാ​യി​രു​ന്നു. മു​ത​ലാ​ളി​യു​ടെ പ​ക്ക​ല്‍നി​ന്നും വി​ത്ത് കൊ​ണ്ടു​വ​ന്നു വി​ത്തി​റ​ക്കും. ഞാ​റു മു​ള​ച്ച​തി​നുശേ​ഷം ഞാ​റി​ന് വ​ള​മി​ടും. അ​ങ്ങ​നെ ജീ​വി​ക്കു​ന്ന പെ​രി​ങ്ങീ​ലി​ലേ​തു പോ​ലു​ള്ള ജീ​വി​ത​ങ്ങ​ളു​ള്ള ഒ​രു​പാ​ട് സ്ഥ​ല​ങ്ങ​ളു​ണ്ട്. കു​പ്പം പു​ഴ​യും പ​ട്ടു​വം പു​ഴ​യു​മാ​ണ് പ്ര​ധാ​ന​മാ​യും പെ​രി​ങ്ങീ​ലു​മാ​യി ബ​ന്ധ​പ്പെ​ടു​ന്ന​ത്. ച​പ്പാ​ര​പ്പ​ട​വി​ല്‍നി​ന്നും ഉ​ത്ഭ​വി​ക്കു​ന്ന പു​ഴ​ക​ളാ​ണ് ഇ​ത്. കു​പ്പം, കൂ​വേ​രി, കൊ​ട്ടി​ല, കു​ട്ടി​ക്കോ​ട്, മു​തു​കു​ട, പോ​ത്ത​ട, കോ​ട്ട​ക്കീ​ല്‍, മു​ട്ടു​ക​ണ്ടി ഇ​ങ്ങ​നെ​യു​ള്ള കു​റെ സ്ഥ​ല​ങ്ങ​ള്‍ ഇ​തു​പോ​ലെ പെ​രി​ങ്ങീ​ലു​മാ​യി ബ​ന്ധ​പ്പെ​ട്ട സ്ഥ​ല​ങ്ങ​ളാണ്. ഇ​വി​ടെ​യു​ള്ള പു​ല​ങ്ങ​ളി​ല്‍ (കൃ​ഷി​സ്ഥ​ല​ങ്ങ​ളി​ല്‍) ജോ​ലി​ചെ​യ്യാ​നാ​യാ​ണ് പു​ല​യ​രെ കൊ​ണ്ടു​വ​രു​ന്ന​ത്. പ​ണ്ടൊ​ക്കെ ഇ​വ​ര്‍ക്ക് ഒ​രു അ​ണ, ഒ​ന്ന​ര അ​ണ ആ​യി​രു​ന്നു കൂ​ലി. ഒ​ര​ണ​ക്ക് അ​ന്ന​ത്തെ ര​ണ്ടു കി​ലോ അ​രി കി​ട്ടു​മാ​യി​രു​ന്നു.

അ​ന്ന് പു​രു​ഷ​ന്‍മാ​ര്‍ക്ക് ഒ​ന്ന​ര അ​ണ​യും സ്ത്രീ​ക​ള്‍ക്ക് മു​ക്കാ​ല്‍ അ​ണ​യും ആ​യി​രു​ന്നു കൂ​ലി. അ​രിയാണെ​ങ്കി​ല്‍ സ്ത്രീ​ക​ള്‍ക്ക് അ​ര സേ​റും പു​രു​ഷ​ന്‍മാ​ര്‍ക്ക് ഒ​ന്നും ഒ​ന്ന​ര സേ​റും. 1957 കാ​ല​ത്തും അ​ങ്ങ​നെ ആ​യി​രു​ന്നു. നെ​ല്ല് ആ​ണെ​ങ്കി​ല്‍ പു​രു​ഷ​ന്‍മാ​ര്‍ക്ക് ര​ണ്ട​ര സേ​റും സ്ത്രീ​ക​ള്‍ക്ക് ഒ​രു സേ​റും എ​ന്ന രീ​തി​യി​ല്‍ ആ​യി​രു​ന്നു. പെ​രി​ങ്ങീ​ലി​ല്‍ അ​ന്ന് എ​ന്റെ അ​റി​വി​ല്‍ ഒ​രു ഇ​രു​പ​ത്തി യ​ഞ്ചോ​ളം വീ​ടു​ക​ള്‍ ഉ​ണ്ടാ​യി​രു​ന്നു. ഈ ​ഇ​രു​പ​ത്തി​യ​ഞ്ചു വീ​ടു​ക​ളി​ലും ഇ​ങ്ങ​നെ കൂ​ലി​പ്പ​ണി എ​ടു​ത്തു​കൊ​ണ്ടി​രു​ന്ന​വ​രാ​ണ് ജീ​വി​ച്ച​ത്. പ​ണി​യെ​ടു​ത്ത നെ​ല്ല്, അ​രി എ​ന്നി​വ സൂ​ക്ഷി​ക്കാ​നു​ള്ള സൗ​ക​ര്യ​ങ്ങ​ള്‍ ഒ​ന്നും ഉ​ണ്ടാ​യി​രു​ന്നി​ല്ല. അ​തു​കൊ​ണ്ട് പ​ണി​യെ​ടു​ക്കു​ന്ന സ​മ​യ​ത്ത് മാ​ത്ര​മേ അ​വ​ര്‍ക്ക് ആ​ഹാ​രം ഉ​ണ്ടാ​യി​രു​ന്നു​ള്ളൂ. മേ​ട​മാ​സ​ത്തി​ലാ​ണ് വി​ത്തി​റ​ക്കു​ക. മേ​ട​ത്തി​ല്‍ വി​ത്തി​റ​ക്കും, ഇ​ട​വ​ത്തി​ല്‍ നാ​ട്ടി (ഞാ​റു) ന​ടും, മി​ഥു​ന​ത്തി​ല്‍ പ​റി​ച്ചു നാ​ടും, ക​ര്‍ക്ക​ട​ക​ത്തി​ല്‍ ജോ​ലി ഒ​ന്നും ഉ​ണ്ടാ​കി​ല്ല. ക​ര്‍ക്ക​ട​ക​ത്തി​ല്‍ സ്ത്രീ​ക​ള്‍ക്ക് മാ​ത്രം ക​ള പ​റി​ച്ചു​ക​ള​യു​ന്ന ജോ​ലി​യു​ണ്ടാ​കും. ഈ ​സ​മ​യ​ത്ത് പു​രു​ഷ​ന്‍മാ​ര്‍ക്ക് ജോ​ലി ഉ​ണ്ടാ​കി​ല്ല. അ​തു​കൊ​ണ്ടു​ത​ന്നെ മു​ഴു​പ്പ​ട്ടി​ണി ആ​യി​രി​ക്കും. ഈ ​സ​മ​യം പു​രു​ഷ​ന്മാ​ര്‍ മ​ല​ക്കോ കു​ട​കി​ലേ​ക്കോ ജോ​ലി​ക്കു പോ​കും. അ​വി​ടെ​യു​ള്ള മേ​സ്തി​രി​മാ​രാ​യ ക​ങ്കാ​ണി​മാ​രാ​ണ് അ​വി​ടേ​ക്കു ജോ​ലി​ക്കാ​യി പു​രു​ഷ​ന്മാ​രെ കൂ​ട്ടി​ക്കൊ​ണ്ടു പോ​വു​ക. കു​രു​മു​ള​ക്, ക​പ്പ, തെ​ങ്ങ് എ​ന്നി​വ വെ​ച്ചു​പി​ടി​പ്പി​ക്കാ​നാ​ണ് മ​ല​യി​ലേ​ക്ക് പോ​വു​ക. മ​ല​ക്ക് അ​ന്ന് പ്ര​ധാ​ന​മാ​യും കു​രു​മു​ള​ക് കൃ​ഷി​യാ​ണ് ചെ​യ്തി​രു​ന്ന​ത്. കു​ട​കി​ല്‍ ഓ​റ​ഞ്ചി​ന്റെ​യും നാ​ര​ങ്ങ​യു​ടെ​യും തോ​ട്ട​ങ്ങ​ളു​ണ്ടാ​കും. കു​ട​ക​ന്മാ​ര്‍ക്ക് ജോ​ലിചെ​യ്യാ​ന്‍ മ​ടി​യാ​ണ്. ഗൗ​ഡ​ര്‍ വി​ഭാ​ഗ​ത്തി​ല്‍പെ​ട്ട​വ​രാണ​വ​ര്‍. പെ​രി​ങ്ങീ​ലി​ല്‍നി​ന്നു പോ​യ​വ​ര്‍ കൃ​ഷി​യു​ടെ​യും തോ​ട്ട​ത്തി​ലെ​യും ജോ​ലി ചെ​യ്യും. ഏ​തെ​ങ്കി​ലും ഒ​രു പ്ര​ത്യേ​ക കു​ട​ക​ന്റെ പ​ണി​ക്കാ​രാ​യി നി​ന്നു​ക​ഴി​ഞ്ഞാ​ല്‍ അ​വ​ര്‍ക്ക് എ​പ്പോ​ഴും ജോ​ലി കി​ട്ടും. കു​ട​കി​ലെ ഗൗ​ഡ​ര്‍മാ​രും സ്ഥ​ലം രേ​ഖാ​മൂ​ലം സ്വ​ന്ത​മാ​ക്കാ​തെ പി​ടി​ച്ച​ട​ക്കി​യ​വ​രാ​ണ്. ക​ര്‍ക്ക​ട​കം, ചി​ങ്ങം തു​ട​ങ്ങി​യ പ​ഞ്ഞ​മാ​സ​ങ്ങ​ളി​ല്‍ പെ​രി​ങ്ങീ​ല്‍ ദേ​ശവാ​സി​ക​ള്‍ ആ​ല​ക്കോ​ട് തു​ട​ങ്ങി​യ മ​ല​മ്പ്ര​ദേ​ശ​ത്തേ​ക്കും കു​ട​കി​ലേ​ക്കും ജോ​ലിചെ​യ്യാ​നാ​യി പോ​കും.

പെ​രി​ങ്ങീ​ലി​ലു​ള്ള​വ​ര്‍ക്ക് ആ​ദ്യ​കാ​ല​ങ്ങ​ളി​ല്‍ വീ​ട് എ​ന്നുപ​റ​യു​ന്ന ഒ​ന്നി​ല്ല. നാ​ലു കാ​ലി​ലു​ള്ള ഒ​രു കൂ​ര വെ​ക്കാ​നു​ള്ള സ്ഥ​ലം മാ​ത്ര​മേ ഉ​ണ്ടാ​വു​ക​യു​ള്ളൂ. ഒ​രു വീ​ട്ടി​ല്‍ അ​ഞ്ചു​പേ​ര്‍ ഉ​ണ്ടെ​ങ്കി​ല്‍ അ​വ​ര്‍ക്ക് അ​ത്യാ​വ​ശ്യം പെ​രു​മാ​റാ​നു​ള്ള സ്ഥ​ലം മാ​ത്ര​മേ ഉ​ണ്ടാ​വു​ക​യു​ള്ളൂ. ചി​ല​പ്പോ​ള്‍ ഇ​രു​ന്നി​ട്ട് നേ​രം വെ​ളു​പ്പി​ക്കേ​ണ്ടി​വ​രും. ഞാ​നൊ​ക്കെ പ​ല​പ്പോ​ഴും രാ​ത്രി​ക​ളി​ല്‍ ഇ​രു​ന്നു നേ​രം വെ​ളു​പ്പി​ച്ചി​ട്ടു​ണ്ട്. ആ​ദ്യം മ​ണ്ണു​കൊ​ണ്ട് വ​യ​ലി​ല്‍ ഒ​രു കൂ​നകൂ​ട്ടി ഉ​യ​ര്‍ത്തും. അ​തി​ന്റെ മു​ക​ളി​ലാ​ണ് കൂ​ര കെ​ട്ടു​ക. ച​ളി കു​ഴ​ച്ച് ഉ​ണ​ക്കി ഇ​ഷ്ടി​ക​പോ​ലെ ഉ​ണ്ടാ​ക്കും. അ​ങ്ങ​നെ​യാ​ണ് കൂ​ര​യു​ടെ ചു​വ​ര്‍ കെ​ട്ടു​ക. ചി​ല​പ്പോ​ള്‍ കൂ​ര​യി​ല്‍ ആ​കെ ഒ​രു മു​റി മാ​ത്ര​മേ ഉ​ണ്ടാ​വു​ക​യു​ള്ളൂ. അ​ടു​ക്ക​ള​യും വെ​പ്പും എ​ല്ലാം മു​റ്റ​ത്തുത​ന്നെ ആ​യി​രി​ക്കും. കൃ​ഷി​സ്ഥ​ല​ത്തെ ഒ​രു ഭാ​ഗ​ത്താ​ണ് ഈ ​കൂ​ര നി​ര്‍മി​ക്കു​ന്ന​ത്. ചി​ല​പ്പോ​ള്‍ കൃ​ഷി​ഭൂ​മി​യു​ടെ മു​ത​ലാ​ളി ഈ ​കൂ​ന​യു​ടെ ഭാ​ഗ​ങ്ങ​ള്‍ ചി​ര​ണ്ടി കൊ​ണ്ടു​പോ​കും. പു​ല​യ​ര്‍ സൂ​ത്ര​ക്കാ​രാ​ണെ​ങ്കി​ല്‍ അ​വ​ര്‍ കൂ​ന​യി​ല്‍ മ​ണ്ണ് കൂ​ട്ടി വീ​തി ഉ​ണ്ടാ​ക്കു​ക​യും ചെ​യ്യും. പി​ന്നീ​ട് അ​വ​രു​ടെ ക​ഴി​വി​ന് അ​നു​സ​രി​ച്ചു ഈ ​കൂ​ര​യു​ടെ 'മോ​ടി' കൂ​ട്ടും. ഓ​ല​യും വൈ​ക്കോ​ലും ആ​ണ് അ​ന്ന് മേ​ൽ​ക്കൂ​ര​ക്ക് വേ​ണ്ടി ഉ​പ​യോ​ഗി​ക്കു​ക. ഈ ​വീ​ടു​ക​ള്‍ക്കൊ​ക്കെ ചാ​ള എ​ന്നാ​ണ് പ​റ​യു​ക. ത​മ്പു​രാ​ന്റെ പു​ര​ക്ക് അ​ര​മ​ന എ​ന്നു​മാ​ണ് പ​റ​യു​ക. പു​ല​യ​ന്‍റെ പു​ര വ​ലി​യ പു​രയാ​ണെ​ങ്കി​ലും ചാ​ള എ​ന്നു മാ​ത്ര​മേ പ​റ​യൂ. ചാ​ള​യെ ചി​ല​പ്പോ​ള്‍ ചെ​റ്റ എ​ന്നും പ​റ​യും.

കൃ​ഷി​പ്പ​ണി​യു​ടെ സ​മ​യ​ത്തി​ന് പ്ര​ത്യേ​കി​ച്ചു ക​ണ​ക്കൊ​ന്നു​മി​ല്ല. എ​ന്റെ ചെ​റു​പ്പ​കാ​ല​ത്ത് രാ​വി​ലെ മു​ത​ലാ​ളി​മാ​ര്‍ വ​രും. വെ​യി​ലും മ​ഴ​യും നോ​ക്കി​യാ​ണ് മു​ത​ലാ​ളി​മാ​ര്‍ വ​രുക. മാ​പ്പി​ള​മാ​രും തി​യ്യ​ന്‍മാ​രു​മാ​യ മു​ത​ലാ​ളി​മാ​ര്‍ വ​ന്നു രാ​വി​ലെ ഉ​റ​ങ്ങി എ​ഴു​ന്നേ​ല്‍ക്കു​ന്ന​തി​ന് മു​മ്പേ വി​ളി​ക്കും. ''ഏ...​കാ​രി​ച്ചി... ഏ...​വ​ട്ടി​ച്ചി...​ഏ കു​ണ്ട... ഏ...​പൊ​ക്കാ...​ഏ...​കാ​ഞ്ഞാ... വാ...​നാ​യി​ന്റെ മ​ക്ക​ളെ...​ഏ... പു​ല​യ​ന്‍റെ മോ​നേ...'' എ​ന്നു പ​റ​ഞ്ഞാ​ണ് വി​ളി​ക്കു​ക. പു​ല​യ​രാ​ണെ​ങ്കി​ല്‍ ത​ലേ​ദി​വ​സം രാ​ത്രി വ​ന്നു കി​ട​ന്നി​ട്ടേ ഉ​ണ്ടാ​വു​ക​യു​ള്ളൂ. അ​പ്പോ​ഴേ വി​ളി തു​ട​ങ്ങും. ഈ ​വി​ളി കേ​ള്‍ക്കു​ന്ന​തോ​ടെ എ​ല്ലാ​വ​രും എ​ഴു​ന്നേ​റ്റ് പൊ​യ്ക്കോ​ള​ണം. ആ​രെ​ങ്കി​ലും താ​മ​സി​ച്ചു പോ​യാ​ല്‍ അ​വ​ന് അ​ന്ന് പ​ണി ഇ​ല്ല. ഓ​രോ വ​ര്‍ഷ​വും വി​ഷു​വി​ന് പു​ല​യ​ര്‍ക്ക് മു​ത​ലാ​ളി​മാ​ര്‍ 'ആ​ന​യും വ​ല്ലി​യും' കൊ​ടു​ക്കും. 'ആ​ന' എ​ന്നു പ​റ​ഞ്ഞാ​ല്‍ ഒ​രു തേ​ങ്ങ ആ​ണ്. വ​ല്ലി എ​ന്നു പ​റ​ഞ്ഞാ​ല്‍ കു​റ​ച്ചു നെ​ല്ല്. പി​ന്നെ കു​റ​ച്ചു ശ​ര്‍ക്ക​ര. ഈ ​ആ​ന​യും വ​ല്ലി​യും കൊ​ടു​ത്താ​ൽ അ​ത് വാ​ങ്ങി​ച്ച പു​ല​യ​ര്‍ ആ ​കൊ​ല്ലം മു​ഴു​വ​ന്‍ ആ ​മു​ത​ലാ​ളി​ക്ക് വേ​ണ്ടി പ​ണി​യെ​ടു​ത്തു​കൊ​ള്ള​ണം എ​ന്നാ​ണ് നി​യ​മം. ഒ​രു​ത​രം അ​ടി​മ​വ്യ​വ​സ്ഥ. ആ​യി​ര​ത്തി തൊ​ള്ളാ​യി​ര​ത്തി എ​ഴു​പ​തു​ക​ള്‍വ​രെ ഇ​ത് പി​ന്തു​ട​ര്‍ന്നി​രു​ന്നു. പു​ല​യ​ര്‍ക്ക് ചു​റ്റും തേ​ങ്ങയായി​രി​ക്കും. പ​ക്ഷേ അ​വ​ര്‍ക്ക് അ​ത് ഉ​പ​യോ​ഗി​ക്കാ​ന്‍ പ​റ്റി​ല്ല. അ​പ്പോ​ള്‍ 'ആ​ന​യും വ​ല്ലി​യും' കി​ട്ടു​ന്ന അ​ന്നാ​ണ് ഒ​രു തേ​ങ്ങ കി​ട്ടു​ക. 'ആ​ന​യും വ​ല്ലി​യും' വാ​ങ്ങി​ക്ക​ഴി​ഞ്ഞാ​ല്‍ ആ ​മു​ത​ലാ​ളി​മാ​ര്‍ക്ക് അ​ടി​മ​ക​ളാ​യി.

1970ക​ളി​ൽ പ​ട്ടു​വ​ത്ത് ച​പ്പ​ന്‍ ആ​വു​ള എ​ന്നൊ​രു മു​ത​ലാ​ളി ഉ​ണ്ടാ​യി​രു​ന്നു. പെ​രി​ങ്ങീ​ലി​ല്‍ കൃ​ഷി​സ്ഥ​ലം ഉ​ണ്ടാ​യി​രു​ന്ന മു​ത​ലാ​ളി ആ​യി​രു​ന്നു. ആ ​സ​മ​യ​ത്ത് കൊ​യ്ത്തു ന​ട​ക്കു​മ്പോ​ള്‍ പു​ല​യ​ര്‍ക്ക് ഉ​റ​ക്കമൊ​ന്നും ഉ​ണ്ടാ​കി​ല്ല. വ​ലി​യ ച​ങ്ങാ​ട​ത്തി​ല്‍ നെ​ല്‍ക്ക​തി​ര്‍ രാ​ത്രി​കാ​ല​ങ്ങ​ളി​ല്‍ ക​ട​ത്തി ച​പ്പ​ന്‍ ആ​വു​ള​യു​ടെ വീ​ട്ടി​നു മു​ന്നി​ലെ ക​ള​ത്തി​ല്‍ എ​ത്തി​ക്കും. ച​പ്പ​ന്‍ ആ​വു​ള​യു​ടെ മൂ​ല​ധ​നം എ​ന്നാ​ല്‍ പു​ല​യ​രു​ടെ അ​ധ്വാ​ന​മാ​ണ്. പ​ക്ഷേ, അ​ങ്ങ​നെ​യു​ള്ള മു​ത​ലാ​ളി​ത്ത​വും ജ​ന്മി​ത്ത​വു​മൊ​ക്കെ ഇ​ന്ന് പോ​യി. 1980ക​ളു​ടെ അ​വ​സാ​ന​ങ്ങ​ളോ​ടെ ക​ര്‍ഷ​ക തൊ​ഴി​ലാ​ളി​ക​ള്‍ക്ക് മി​നി​മംകൂ​ലി നി​ശ്ച​യി​ച്ചു. തൊ​ഴി​ലാ​ളി​ക​ള്‍ക്ക് മി​നി​മം കൂ​ലി നി​ശ്ച​യി​ച്ച​തോ​ടെ കൃ​ഷി​പ്പ​ണി മു​ത​ലാ​ളി​മാ​ര്‍ക്ക് ന​ഷ്ട​മാ​യി. ഇ​പ്പോ​ള്‍ ഒ​രാ​ള്‍ക്ക് ഒ​രേ​ക്ക​ര്‍ വ​യ​ലു​ണ്ടെ​ന്ന് ക​രു​തു​ക. അ​വി​ടെ വി​ത്തി​റ​ക്കി കൃ​ഷി ചെ​യ്യ​ണമെ​ന്നു​ണ്ടെ​ങ്കി​ല്‍ ന​ല്ല തു​ക ചെ​ല​വാ​കും. പ​ക്ഷേ, ആ ​കൃ​ഷി ഒ​ട്ടും ലാ​ഭ​ക​രമാ​വു​ക​യു​മി​ല്ല. അ​തു​കൊ​ണ്ട് ത​ന്നെ പെ​രി​ങ്ങീ​ലി​ല്‍ ഇ​പ്പോ​ള്‍ ആ​രും​ത​ന്നെ കൃ​ഷി​ചെ​യ്യു​ന്നി​ല്ല. അ​വി​ടെ​യു​ള്ള ചെ​റു​പ്പ​ക്കാ​ര്‍ ഓ​ട്ടോ​റി​ക്ഷ ഓ​ടി​ക്ക​ല്‍, ഗ​ൾ​ഫ്, മ​റ്റ് നാ​ട​ന്‍പ​ണി, സ​ർ​ക്കാ​ര്‍ ഉ​ദ്യോ​ഗം എ​ന്നീ മ​റ്റു തൊ​ഴി​ല്‍മേ​ഖ​ല​ക​ളി​ലേ​ക്ക് ചേ​ക്കേ​റാ​ന്‍ തു​ട​ങ്ങി. ഇ​പ്പോ​ള്‍ ചു​രു​ങ്ങി​യ​ തോ​തി​ലെ​ങ്കി​ലും ന​ട​ക്കു​ന്ന 'പാ​ട​ശേ​ഖ​രം' പോ​ലു​ള്ള കൃ​ഷി​രീ​തി​ക​ള്‍ പ​ഞ്ചാ​യ​ത്തു​ക​ളു​ടെ സ​ഹാ​യ​ത്തോ​ടെ​യാ​ണ് ന​ട​പ്പാ​ക്കു​ന്ന​ത്. പ​ണ്ട് ഒ​രു ദി​വ​സം നൂ​റു​പേ​ർ ജോ​ലി ചെ​യ്താ​ല്‍ നൂ​റു സേ​ര്‍ നെ​ല്ല് കൂ​ലി കൊ​ടു​ത്താ​ല്‍ മ​തി​യാ​കും. മു​ത​ലാ​ളി​മാ​ര്‍ക്കും ജ​ന്മി​മാ​ര്‍ക്കും ആ​യി​രം സേ​ര്‍ നെ​ല്ല് ലാ​ഭ​വും ഉ​ണ്ടാ​കും. തൊ​ഴി​ലാ​ളി​ക​ള്‍ക്ക് കൂ​ലി നി​ശ്ച​യി​ച്ച​തോ​ടെ ഇ​ത് ത​കി​ടം​മ​റി​ഞ്ഞു.

ച​പ്പാ​ര​പ്പ​ട​വ്, കൂ​വേ​രി, കു​പ്പം, മു​ക്കു​ന്ന്, കു​റ്റി​ക്കോ​ട്, കൊ​ട്ടി​ല, മു​തു​കു​ട, പ​ട്ടു​വം, പൊ​ത്ത​ട, പെ​രി​ങ്ങീ​ല്‍, കോ​ട്ട​ക്കീ​ല്‍, ഏ​ഴോം, എ​ന്നീ സ്ഥ​ല​ങ്ങ​ള്‍ എ​ല്ലാം പു​ല​യ​ര്‍ താ​മ​സി​ച്ച താ​ഴ്ന്ന പ്ര​ദേ​ശ​ങ്ങ​ള്‍ ആ​യി​രു​ന്നു. പു​ല​ത്തി​ല്‍ (കൃ​ഷി​സ്ഥ​ല​ത്ത്) പ​ണി​യെ​ടു​ക്കു​ന്ന​തു​കൊ​ണ്ട് അ​വ​ര്‍ക്ക് പു​ല​യ​ര്‍ എ​ന്ന പേ​ര് കി​ട്ടി. അ​തി​നു​ശേ​ഷം കു​റ​ച്ചു കാ​ല​ങ്ങ​ള്‍ക്കുശേ​ഷം അ​വി​ടെ ചി​ല കാ​ര്‍ഷി​ക ക​ലാ​പ​ങ്ങ​ളും വി​പ്ല​വ​ങ്ങ​ളു​മൊ​ക്കെ ഉ​ണ്ടാ​യി. അ​ന്ന് ഞ​ങ്ങ​ളു​ടെ പെ​രി​ങ്ങീ​ലി​ല്‍ പെ​നാ​ങ്കി കാ​ഞ്ഞി​ര​ന്‍ എ​ന്ന ഒ​രാ​ള്‍ ജീ​വി​ച്ചി​രു​ന്നു. പ​ണ്ട് സിം​ഗ​പ്പൂ​രി​ലെ തേ​യി​ല തോ​ട്ട​ങ്ങ​ളി​ല്‍ പ​ണിയു​ണ്ടാ​യി​രു​ന്നു. സിം​ഗ​പ്പൂ​രി​ലെ ബ്രി​ട്ടീ​ഷു​കാ​രു​ടെ തോ​ട്ട​ങ്ങ​ളി​ല്‍ പ​ണി​ക്കാ​യി ഈ ​നാ​ട്ടി​ല്‍നി​ന്നും പ​ണി​ക്കാ​രെ കൊ​ണ്ടു​പോ​കും. ഏ​ജ​ന്‍റു​മാ​രെ വെ​ച്ചു അ​ടി​മ​ക​ളെപ്പോ​ലെ​യാ​ണ് പ​ണി​ക്കാ​രെ കൊ​ണ്ടു​പോ​വു​ക. അ​ങ്ങ​നെ 1950ക​ൾ​ക്ക്​ മു​മ്പ്, ഞാ​നൊ​ക്കെ ജ​നി​ക്കു​ന്ന​തി​നുമു​മ്പ് സിം​ഗ​പ്പൂ​രി​ല്‍ പ​ണി​ക്കുപോ​യ ആ​ളാ​യി​രു​ന്നു പെ​നാ​ങ്കി കാ​ഞ്ഞി​ര​ന്‍. പ​ണി ക​ഴി​ഞ്ഞുവ​രു​മ്പോ​ള്‍ ഒ​രു തു​ക കി​ട്ടും. അ​ന്ന​ത്തെ നൂ​റു രൂ​പ എ​ന്നൊ​ക്കെ പ​റ​ഞ്ഞാ​ല്‍ ഇ​ന്ന​ത്തെ അ​ഞ്ചു ല​ക്ഷം രൂ​പ​യോ​ളം മൂ​ല്യ​മു​ണ്ട്. അ​ങ്ങ​നെ കു​റെക്കാ​ലം സിം​ഗ​പ്പൂ​രി​ല്‍ ജോ​ലി ചെ​യ്തു ന​ല്ല പ​ണ​ക്കാ​രാ​യി വ​ന്ന പു​ല​യ​രു​ണ്ട്. അ​ങ്ങ​നെ വ​ന്ന ആ​ളാ​യി​രു​ന്നു പെ​നാ​ങ്കി കാ​ഞ്ഞി​ര​ന്‍. അ​ന്ന് പെ​രി​ങ്ങീ​ലി​ലു​ള്ള​വ​ര്‍ക്ക് ക​റ​ന്‍സി കാ​ണു​ക എ​ന്ന​തുത​ന്നെ വ​ലി​യ അ​ത്ഭു​തമാ​ണ്. പെ​നാ​ങ്കി കാ​ഞ്ഞി​ര​ന്‍ തി​രി​ച്ചുവ​ന്ന​തി​നു​ശേ​ഷം വ​ലി​യ മു​ത​ലാ​ളിയാ​യി. അ​ദ്ദേ​ഹം പാ​ട്ട​ത്തി​ന് കു​റ​ച്ചു കൃ​ഷി​സ്ഥ​ലം വാ​ങ്ങി കൃ​ഷി ചെ​യ്യാ​ന്‍ തു​ട​ങ്ങി. അ​തി​നു 'വാ​ര​ത്തി​ന് വാ​ങ്ങു​ക' എ​ന്നും പ​റ​യാ​റു​ണ്ട്. പ​ക്ഷേ, കൃ​ഷി ചെ​യ്യി​ക്കാ​നു​ള്ള സാ​മ്പ​ത്തി​കശേ​ഷിയു​ണ്ടെ​ങ്കി​ല്‍ മാ​ത്ര​മേ ഇ​ത് ചെ​യ്യാ​ന്‍ ക​ഴി​യു​ക​യു​ള്ളൂ. പു​ല​യ​രു​ടെ കൂ​ട്ട​ത്തി​ല്‍ പെ​നാ​ങ്കി കാ​ഞ്ഞി​ര​നാ​ണ് ഇ​തി​ന് ശേ​ഷിയുണ്ടാ​യി​രു​ന്ന​ത്. പ​ട്ടു​വ​ത്തെ മു​ത​ലാ​ളിയായ ച​പ്പ​ന്‍ ആ​വു​ള​ക്ക് ച​പ്പ​ന്‍ ആ​വൂ​വ​ക്ക​ര്‍ (പേ​ര് കൃ​ത്യ​മാ​യി എ​നി​ക്ക് ഓ​ർ​മ​യി​ല്ല) എ​ന്നൊ​രു അ​നി​യ​നു​ണ്ട്. അ​യാ​ള്‍ക്ക് പെ​രി​ങ്ങീ​ലി​ല്‍ സ്ഥ​ലമു​ണ്ട്. അ​യാ​ളി​ല്‍നി​ന്നും പെ​നാ​ങ്കി കാ​ഞ്ഞി​ര​ന്‍ അ​ര​യേ​ക്ക​ര്‍ സ്ഥ​ലം വാ​ര​ത്തി​നു വാ​ങ്ങി, കൃ​ഷി തു​ട​ങ്ങി.

അ​ന്ന് ഞാ​ന്‍ കോ​ള​ജി​ല്‍ പ​ഠി​ക്കു​ന്ന കാ​ലം ആ​യി​രു​ന്നു. 1960ക​ളു​ടെ അ​വ​സാ​ന​കാ​ലം. ഒ​രു​ദി​വ​സം പെ​നാ​ങ്കി കാ​ഞ്ഞി​ര​ന്റെ ഭാ​ര്യ വെ​ള്ള​ച്ചി വാ​ര​ത്തി​ന് വാ​ങ്ങി​യ പാ​ട​ത്ത് പ​ണിയെ​ടു​ക്കു​കയായി​രു​ന്നു. അ​പ്പോ​ള്‍ വാ​രം കൊ​ടു​ത്ത ച​പ്പ​ന്‍ ആ​വൂ​വ​ക്ക​ര്‍ അ​വി​ടെ എ​ത്തി. അ​യാ​ള്‍ വ​ന്നു ''നീ ​പ​ണി​യെ​ടു​ക്കേ​ണ്ട...​പോ... നാ​യി​ന്റെ മോ​ളെ...'' എ​ന്നുപ​റ​ഞ്ഞു വെ​ള്ള​ച്ചി​യെ പി​ടി​ച്ച് അ​ടി​ച്ചു. ഇ​ത് വ​ലി​യ പ്ര​ശ്ന​മാ​യി. ഇ​ത​റി​ഞ്ഞ തി​യ്യ​രും മീ​ന്‍ പി​ടി​ക്കു​ന്ന വ​ള്ളു​വ​രും പെ​രി​ങ്ങീ​ലി​ലെ പു​ല​യ​രും എ​ല്ലാം സം​ഘ​ടി​ച്ചു. അ​തി​ല്‍ ക​മ്യൂ​ണി​സ്റ്റു​കാ​ര​നാ​യ കോ​ട്ട​ക്കീ​ലി​ലെ തി​യ്യ സ​മു​ദാ​യ​ത്തി​ല്‍പെ​ട്ട കാ​ക്കാ​മ​ണി കു​ഞ്ഞി​ക്ക​ണ്ണ​നും ഉ​ണ്ടാ​യി​രു​ന്നു. കാ​ക്കാ​മ​ണി കു​ഞ്ഞി​ക്ക​ണ്ണ​ന്റെ അ​ച്ഛ​ന്‍ പാ​റ​യി​ല്‍ രാ​മ​ന്‍ എ​ന്നു പ​റ​യു​ന്ന ഒ​രാ​ളാ​യി​രു​ന്നു. ഇ​വ​ര്‍ക്കും പെ​രി​ങ്ങീ​ലി​ല്‍ രേ​ഖ​ക​ള്‍ ഇ​ല്ലാ​ത്ത കു​റെ സ്ഥ​ലമു​ണ്ട്. പ​ണ്ട് പി​ടി​ച്ചെ​ടു​ത്ത് കൃ​ഷി​ചെ​യ്ത സ്ഥ​ല​ങ്ങ​ള്‍ ആ​യി​രു​ന്നു അ​വ. അ​തു​കൊ​ണ്ട് ത​ന്നെ പെ​രി​ങ്ങീ​ലു​മാ​യി ഇ​വ​ര്‍ക്ക് ഒ​രു ക​ണ​ക്ഷ​ന്‍ ഉ​ണ്ട്. പെ​നാ​ങ്കി കാ​ഞ്ഞി​ര​നുമാ​യി ഇ​വ​ര്‍ക്ക് ബ​ന്ധമു​ണ്ട്. വെ​ള്ള​ച്ചി​യെ അ​ടി​ച്ചു എ​ന്നു പ​റ​ഞ്ഞ​പ്പോ​ള്‍ കു​റെ ചെ​റു​പ്പ​ക്കാ​രെ സം​ഘ​ടി​പ്പി​ച്ചു കാ​ക്കാ​മ​ണി കു​ഞ്ഞി​ക്ക​ണ്ണ​ന്‍ വ​ന്നു. ഈ ​ജ​ന​ങ്ങ​ള്‍ മു​ഴു​വ​ന്‍ സം​ഘ​ടി​ച്ചു ഒ​രു കൂ​ട്ട​മാ​യി ച​പ്പ​ന്‍ ആ​വൂ​വ​ക്ക​റി​ന്റെ കൊ​ട്ടി​ല​യി​ല്‍ ഉ​ള്ള വീ​ട്ടി​ലേ​ക്ക് പോ​യി. അ​വി​ടെ പോ​കു​മ്പോ​ഴേ​ക്കും ആ​വൂ​വ​ക്ക​ര്‍ ഒ​ളി​ച്ചു​ക​ള​ഞ്ഞു. ആ​വൂ​വ​ക്ക​ര്‍ക്ക് പു​ഴ​ക്ക് ക​ര​യി​ല്‍ പു​റ​മ്പോ​ക്കി​ല്‍ കൈ​പ്പാ​ടി​ല്‍ ഒ​രു​പാ​ട് കൃ​ഷി ഉ​ണ്ടാ​യി​രു​ന്നു. കാ​ക്കാ​മ​ണി കു​ഞ്ഞി​ക്ക​ണ്ണ​ന്‍ കു​റെ ആ​ള്‍ക്കാ​രെ സം​ഘ​ടി​പ്പി​ച്ചു ഈ ​കൈ​പ്പാ​ട്ടി​ല്‍ കൊ​യ്യാ​ന്‍ വ​ന്നു. അ​പ്പോ​ള്‍ പ​ട്ടു​വ​ത്തു​നി​ന്നും കു​റെ മാ​പ്പി​ള​മാ​ര്‍ അ​ത് ത​ട​യാ​നും വ​ന്നു. അ​ത് വ​ലി​യ സം​ഘ​ര്‍ഷ​ത്തി​ലെ​ത്തി. വ​ലി​യ വ​ഞ്ചിയായ ചീ​നി​യി​ല്‍ പു​ഴ​ക്ക് ന​ടു​ക്ക് അ​ടി ഉ​ണ്ടാ​യി. മാ​പ്പി​ള​മാ​രും പു​ല​യ​രും വ​ള്ളു​വ​രും തി​യ്യ​രും എ​ല്ലാ​വ​രും കൂ​ടെ പൊ​രി​ഞ്ഞ അ​ടി ആ​യി. കാ​ക്കാ​മ​ണി​യെ വെ​ള്ള​ത്തി​ല്‍ വ​ലി​ച്ചി​ട്ട് വ​ഞ്ചി തു​ഴ​യാ​ൻ ഉ​പ​യോ​ഗി​ക്കു​ന്ന മു​ള​കൊ​ണ്ടു​ള്ള ച​ല്ലം കൊ​ണ്ട് അ​ടി​ച്ചു കൊ​ല്ലാ​റാ​ക്കി. സി.​പി. ഹ​സ​ന്‍ എ​ന്ന ഒ​രു മു​സ്‍ലിം കൊ​ല്ല​ണ്ട എ​ന്നു പ​റ​ഞ്ഞു ത​ട​ഞ്ഞു. അ​ങ്ങ​നെ അ​ടി​ച്ചു പി​രി​ഞ്ഞു. അ​തി​ന്റെ മു​ക​ളി​ല്‍ പി​ന്നീ​ട് കേ​സാ​യി. എ​ന്റെ അ​ച്ഛ​ന്‍ ഒ​ക്കെ ആ​യി​രു​ന്നു അ​തി​നു സാ​ക്ഷി പ​റ​യാ​ന്‍ പോ​യ​ത്. പി​ന്നീ​ട് ഇ​രു​പ​തു വ​ര്‍ഷ​മാ​യി പാ​ട്ട​ഭൂ​മി​യി​ല്‍ കൃ​ഷി ചെ​യ്യു​ന്ന​വ​ര്‍ക്ക് ഭൂ​മി സ്വ​ന്ത​മാ​ക്കാം എ​ന്ന നി​യ​മ​മൊ​ക്കെ ഉ​ണ്ടാ​യി. അ​ങ്ങ​നെ ആ ​കൃ​ഷി​ഭൂ​മി പെ​നാ​ങ്കി കാ​ഞ്ഞി​ര​ന് ത​ന്നെ കി​ട്ടി. അ​ങ്ങ​നെ അ​തി​നൊ​ക്കെ സ​ഹാ​യി​ച്ച​ത് കാ​ക്കാ​മ​ണി കു​ഞ്ഞി​ക്ക​ണ്ണ​ന്‍ ആ​യി​രു​ന്നു. ഞാ​ന്‍ കോ​ള​ജി​ല്‍ പ​ഠി​ക്കു​മ്പോ​ഴാ​യി​രു​ന്നു കാ​ക്കാ​മ​ണി കു​ഞ്ഞി​ക്ക​ണ്ണ​ന്‍ ക​ണ്ണൂ​ര്‍ സ​ബ് ജ​യി​ലി​ലു​ണ്ടാ​യി​രു​ന്ന​ത്. ഞാ​ന്‍ ഒ​രു പാ​ക്ക​റ്റ് സി​ഗ​ര​റ്റ് ഒ​ക്കെ വാ​ങ്ങി കാ​ക്കാ​മ​ണി​യെ കാ​ണാ​ന്‍ പോ​യി​രു​ന്നു.

എ​നി​ക്കു മു​ന്നേ ഉ​ള്ള ത​ല​മു​റ സ്കൂ​ളി​ല്‍ പോ​യി​രു​ന്നു, എ​ന്റെ അ​ച്ഛ​ന്‍ പ​രി​യാ​രം എ​ല്‍.​പി സ്കൂ​ളി​ല്‍ ആ​ണ് പ​ഠി​ക്കാ​ന്‍ പോ​യ​ത്. അ​ത് ഇ​ന്ന് വ​ലി​യ ഹ​യ​ര്‍സെ​ക്ക​ൻ​ഡ​റി സ്കൂ​ള്‍ ആ​യി മാ​റി. അ​മ്മ​യൊ​ക്കെ സ്കൂ​ളി​ല്‍ പോ​കു​മ്പോ​ള്‍ മ​റ്റ് ജാ​തി​ക്കാ​ര്‍ക്ക് അ​യി​ത്തം ഉ​ണ്ടാ​കാ​തി​രി​ക്കാ​ന്‍ ''ജ​യ...ജ​യ...'' എ​ന്ന് ഉ​ച്ച​ത്തി​ല്‍ വി​ളി​ച്ചാ​ണ് പോ​വു​ക. അ​ന്ന് എ​ല്‍.​പി സ്കൂ​ളി​ലെ അ​ധ്യാ​പ​ക​ര്‍ കു​ട്ടി​ക​ളെ പി​ടി​ക്കാ​നാ​യി പെ​രി​ങ്ങീ​ലി​ലേ​ക്ക് വ​രും. അ​ന്ന് പ​ട്ടു​വ​ത്ത് ഒ​രു ഹ​രി​ജ​ന്‍ വെ​ൽ​ഫെ​യ​ര്‍ എ​ല്‍.പി ​സ്കൂ​ള്‍ ഉ​ണ്ടാ​യി​രു​ന്നു. അ​തി​ന്റെ തൊ​ട്ട​ടു​ത്ത് ത​ന്നെ ഒ​രു യു.​പി സ്കൂ​ളുമു​ണ്ട്. ഇ​ത് ര​ണ്ടും സ​ർ​ക്കാ​ര്‍ സ്കൂ​ളു​ക​ളാ​ണ്. ഹ​രി​ജ​ന്‍ വെ​ൽഫെ​യ​ര്‍ സ്കൂ​ളി​ല്‍ ക​ഞ്ഞി കി​ട്ടു​ന്ന​തുകൊ​ണ്ട് കു​ട്ടി​ക​ള്‍ അ​വി​ടെ പ​ഠി​ക്കാ​നാ​ണ് താ​ല്‍പ​ര്യം പ്ര​ക​ടി​പ്പി​ച്ച​ത്. യു.​പി സ്കൂ​ളി​ല്‍ ക​ഞ്ഞി കി​ട്ടാ​ത്ത​തു​കൊ​ണ്ട് അ​ങ്ങോ​ട്ട് പോ​കു​മാ​യി​രു​ന്നി​ല്ല. സ്കൂ​ളി​ല്‍ കു​ട്ടി​ക​ള്‍ ഉ​ണ്ടാ​ക​ണമെ​ന്ന​തു​കൊ​ണ്ട് കു​ട്ടി​ക​ളെ അ​ന്വേ​ഷി​ച്ചു അ​ധ്യാ​പ​ക​ര്‍ വ​രും. അ​ങ്ങ​നെ കു​റെ പേ​ര്‍ സ്കൂ​ളി​ല്‍ പോ​യി.ഞാ​ന്‍ 1950​ക​ളു​ടെ ആ​ദ്യ​മാ​ണ് ഹ​രി​ജ​ന്‍ വെ​ൽ​ഫെ​യ​ര്‍ സ്കൂ​ളി​ല്‍ ചേ​ര്‍ന്ന​ത്. പെ​രി​ങ്ങീ​ലി​ല്‍നി​ന്നു തോ​ണി ക​ട​ന്നാ​ണ് പ​ട്ടു​വ​ത്തേ​ക്ക് സ്കൂ​ളി​ലേ​ക്ക് പോ​വു​ക. പ​ട്ടു​വ​ത്ത് തോ​ണി ഇ​റ​ങ്ങി വീ​ണ്ടും ഒ​രു കി​ലോ​മീ​റ്റ​റോ​ളം സ്കൂ​ളി​ലേ​ക്ക് ന​ട​ക്കാ​നു​ണ്ട്. അ​ങ്ങ് ദൂ​രെ ഒ​രു വ​യ​ലി​ലാ​ണ് സ്കൂ​ള്‍. ഒ​രു മു​സ്‍ലി​മി​ന്റെ പ്രൈ​വ​റ്റ് കെ​ട്ടി​ടം ആ​ണ് സ്കൂ​ള്‍ ആ​ക്കി മാ​റ്റി​യ​ത്. ഒ​രു മു​സ്‍ലിം ആ​യി​രു​ന്നു ക​ട​ത്തു​വ​ള്ള​ക്കാ​ര​ന്‍. വി​ദ്യാ​ര്‍ഥി​ക​ളു​ടെ ക​ട​ത്തു​കൂ​ലി അ​ന്ന് സ​ര്‍ക്കാ​ര്‍ ആ​യി​രു​ന്നു കൊ​ടു​ത്തു​കൊ​ണ്ടി​രു​ന്ന​ത്. അ​ന്ന് ആ ​നാ​ട്ടി​ലെ ഒ​രു​വി​ധം എ​ല്ലാ​വ​രും സ്കൂ​ളി​ല്‍ പോ​യി​രു​ന്നു. അ​ഞ്ചാം ക്ലാ​സ് വ​രെ​യെ​ങ്കി​ലും അ​ന്ന് പ​ഠി​ക്കു​ക​യും​ചെ​യ്തു. ഹ​രി​ജ​ന്‍ വെ​ൽ​ഫെ​യ​ര്‍ സ്കൂ​ള്‍ അ​ഞ്ചാം ക്ലാ​സ് വ​രെ മാ​ത്ര​മേ ഉ​ണ്ടാ​യി​രു​ന്നു​ള്ളൂ.

ഞാ​ന്‍ അ​ന്ന് മൂ​ന്നാം ക്ലാ​സ് വ​രെ സ്കൂ​ളി​ല്‍ പോ​യി. ഞാ​ന്‍ ന​ന്നാ​യി പ​ഠി​ക്കു​ന്ന കു​ട്ടി​യാ​യി​രു​ന്നു. അ​ധ്യാ​പ​ക​ര്‍ക്ക് എ​ന്നെ വ​ലി​യ ഇ​ഷ്ട​വും ആ​യി​രു​ന്നു. എ​ന്റെ മൂത്ത​ച്ഛ​ന്‍ (അ​മ്മ​യു​ടെ ചേ​ച്ചി​യു​ടെ ഭ​ര്‍ത്താ​വ്) ആ​ണ് എ​ന്നെ സ്കൂ​ളി​ല്‍ കൊ​ണ്ടു​ചേ​ര്‍ക്കു​ന്ന​ത്. മൂത്ത​ച്ഛ​ൻ ആ ​സ്കൂ​ളി​ലെ അ​ധ്യാ​പ​ക​നുമാ​യി​രു​ന്നു. ജ​ന​ന​ തീ​യ​തി ഒ​ന്നും കൃ​ത്യ​മാ​യി അ​റി​യാ​ത്ത​തു​കൊ​ണ്ട് എ​ന്റെ ജ​ന​ന​ തീ​യ​തി ജ​നു​വ​രി 1, 1949 എ​ന്നാ​ണ് ചേ​ര്‍ത്ത​ത്. മൂ​ന്നാം ക്ലാ​സ് ക​ഴി​ഞ്ഞ​പ്പോ​ള്‍ വീ​ട്ടി​ല്‍ വീ​ണ്ടും ഭ​യ​ങ്ക​ര ദാ​രി​ദ്ര്യമാ​യി. അ​ന്ന് എ​ന്റെ അ​ച്ഛ​ന്‍ എ​ല്ലാ​വ​രെ​യും​കൂ​ട്ടി കു​ട​കി​ലേ​ക്ക് പോ​കാ​നു​ള്ള ഒ​രു പ​രി​പാ​ടിയിട്ടു. അ​ന്ന് ഞാ​നും എ​ന്റെ അ​നി​യ​ത്തി​യും എ​ന്റെ അ​നി​യ​നു​മാ​യി​രു​ന്നു ഉ​ണ്ടാ​യി​രു​ന്ന​ത്. ചെ​റി​യ അ​നി​യ​ന്‍ കൃ​ഷ്ണ​ന്‍ ര​ണ്ടോ മൂ​ന്നോ മാ​സ​മേ പ്രാ​യം ആ​യി​രു​ന്നു​ള്ളൂ. ഒ​രു അ​ച്ച​മ്മ​യെ വീ​ട്ടി​ലാ​ക്കി ഞ​ങ്ങ​ള്‍ കു​ട​കി​ലേ​ക്ക് പു​റ​പ്പെ​ട്ടു. കു​ട​കി​ലെ ഒ​രു മു​ത​ലാ​ളി​യാ​യ ഒ​രു മൊ​യി​ലി​ക്ക് കീ​ഴി​ല്‍ ജോ​ലി ചെ​യ്യാ​നാ​ണ് പോ​യ​ത്. അ​ച്ഛ​ന്‍ അ​യാ​ളു​ടെ കീ​ഴി​ല്‍ അ​തി​നു മു​മ്പേ ജോ​ലി ചെ​യ്തി​രു​ന്നു. അ​യാ​ള്‍ അ​ച്ഛ​നോ​ട് അ​വി​ടെ വ​ന്നു താ​മ​സി​ച്ചു ജോ​ലിചെ​യ്തോ​ളാ​ൻ പ​റ​ഞ്ഞു.

അ​ന്ന് കു​ട​കി​ലേ​ക്ക് പോ​കാ​ന്‍ പ്ര​ധാ​ന​മാ​യി മ​റ്റു കാ​ര​ണ​ങ്ങ​ളും ഉ​ണ്ടാ​യി​രു​ന്നു. പെ​രി​ങ്ങീ​ലി​ല്‍ ദാ​രി​ദ്ര്യം ഉ​ള്ള​പ്പോ​ള്‍ എ​പ്പോ​ഴും പോ​യി ക​ടം വാ​ങ്ങും. മു​സ്‍ലിം​ക​ളോ​ടാ​ണ് ക​ടം വാ​ങ്ങു​ക. ക​ടം വാ​ങ്ങി ക​ന്നി​മാ​സം നെ​ല്ലും കൊ​യ്ത​തി​നുശേ​ഷം നെ​ല്ല് കൊ​ടു​ത്താ​ണ് ക​ടം വീ​ട്ടു​ക. പ​ക്ഷേ കൃ​ത്യ​മാ​യി വീ​ട്ടാ​ന്‍ പ​റ്റാ​ത്ത​തു​കൊ​ണ്ട് ക​ട​ങ്ങ​ള്‍ ബാ​ക്കിയായിക്കൊ​ണ്ടേയിരി​ക്കും. അ​തു​പോ​ലെ ക​ച്ച​വ​ട പീ​ടി​ക​ക്കാ​രു​ടെ അ​ടു​ത്തു​നി​ന്നും ക​ടം വാ​ങ്ങി​യി​രു​ന്നു. അ​ങ്ങ​നെ എ​ന്റെ അ​ച്ഛ​നും വ​ലി​യ ക​ട​ക്കാ​ര​നാ​യി. അ​പ്പു​റ​ത്തും ഇ​പ്പു​റ​ത്തും നി​ന്ന് ക​ട​ക്കാ​ര്‍ ശ​ല്യം ചെ​യ്തു​കൊ​ണ്ടേയിരു​ന്നു. അ​തോ​ടെ അ​ച്ഛ​ന്‍ കു​ട​കി​ലേ​ക്ക് കു​ടും​ബ​ത്തോ​ടൊ​പ്പം നാ​ട് വി​ടാ​ന്‍ തീ​രു​മാ​നി​ച്ചു. നാ​ട് വി​ടു​മ്പോ​ള്‍ ന​മ്മു​ടെ കു​ടും​ബ​ത്തോ​ടൊ​പ്പം അ​പ്പു​റ​ത്തെ വീ​ട്ടി​ലെ ഒ​രു ചേ​ച്ചി​യെ​യും അ​നി​യ​നെ​യും കൂ​ടെക്കൂ​ട്ടി. അ​വ​രു​ടെ അ​ച്ഛ​നും അ​മ്മ​യും കു​ട​കി​ലാ​ണ് ഉ​ള്ള​ത്. ഞ​ങ്ങ​ള്‍ ഒ​രു രാ​ത്രി​യി​ല്‍ മൂ​ന്നു​മ​ണി​ക്ക് ആ​രും കാ​ണാ​തെ പെ​രി​ങ്ങീ​ലി​ല്‍നി​ന്നു തോ​ണി​യി​ല്‍ കാ​വി​ന്‍മു​ന​മ്പ് എ​ന്ന സ്ഥ​ല​ത്തേ​ക്ക് പോ​യി. രാ​ത്രി പോ​യി​ല്ലെ​ങ്കി​ല്‍ ക​ട​ക്കാ​ര്‍ വ​ള​യും. പു​ഴ​യി​ലൂ​ടെ ഒ​രു മ​ണി​ക്കൂ​റി​ല​ധി​കം സ​ഞ്ച​രി​ച്ചാ​ണ് അ​വി​ടെ എ​ത്തി​യ​ത്. കാ​വി​ന്‍മു​ന​മ്പി​ല്‍നി​ന്നു ര​ണ്ടു മൂ​ന്നു കി​ലോ​മീ​റ്റ​ര്‍ ന​ട​ന്നു​പോ​യി ചെ​റു​കു​ന്ന് എ​ന്ന റെ​യി​ല്‍വേ സ്റ്റേ​ഷ​നി​ല്‍ എ​ത്തി. ത​ല​ശ്ശേ​രി​ക്ക് തീ​വ​ണ്ടി ക​യ​റി ത​ല​ശ്ശേ​രി ഇ​റ​ങ്ങി. അ​വി​ടെ​നി​ന്നു ബ​സ് പി​ടി​ച്ച് മ​ട്ട​ന്നൂ​ര്‍, ഇ​രി​ട്ടി, മാ​ക്കൂ​ട്ടം, മേ​മ​ന​ക്കൊ​ല്ലി തു​ട​ങ്ങി​യ സ്ഥ​ല​ങ്ങ​ള്‍ ക​ഴി​ഞ്ഞാ​ണ് കു​ട​കി​ല്‍ എ​ത്തു​ക. ഞ​ങ്ങ​ള്‍ ത​ല​ശ്ശേ​രി​യി​ല്‍ എ​ത്തി​യ ദി​വ​സം ജ​വ​ഹ​ര്‍ലാ​ല്‍ നെ​ഹ്റു അ​ന്ന് ക​ണ്ണൂ​രി​ല്‍ വ​രു​ന്നു​ണ്ടാ​യി​രു​ന്നു. അ​തു​കൊ​ണ്ട് അ​വി​ടെ വ​ലി​യ ജ​ന​ത്തിര​ക്കാ​യി​രു​ന്നു. വാ​ഹ​ന​ങ്ങ​ള്‍ ഒ​ന്നും കി​ട്ടി​യു​മി​ല്ല. അ​വി​ടെ​നി​ന്നു എ​ങ്ങ​നെ​യൊ​ക്കെ​യോ യാ​ത്ര ചെ​യ്തു ഇ​രി​ട്ടി​യി​ല്‍ എ​ത്തി. ര​ണ്ടു മാ​സം പ്രാ​യ​മു​ള്ള ചെ​റി​യ അ​നി​യ​നും പി​ന്നെ അ​നി​യ​ത്തി​യും. എ​ല്ലാ​വ​രും രാ​ത്രി ആ​കു​മ്പോ​ള്‍ ഇ​രി​ട്ടി​യി​ലെ​ത്തി. എ​നി​ക്കു അ​ന്ന് ആ​റോ ഏ​ഴോ വ​യ​സ്സു മാ​ത്ര​മേ ഉ​ള്ളൂ. ഇ​രി​ട്ടി​യി​ല്‍ എ​ത്തി​യ​പ്പോ​ള്‍ അ​വി​ടെ വ​ലി​യ ഒ​രു പു​ഴ​യു​ണ്ട്. ആ ​പു​ഴ ക​ട​ന്നു അ​പ്പു​റ​ത്തെ​ത്തി​യ​പ്പോ​ള്‍ അ​വി​ടെ ഒ​രു പ​രി​ച​യ​ക്കാ​ര​ന്റെ വീ​ടു​ണ്ടാ​യി​രു​ന്നു. അ​യാ​ളും പു​ല​യ സ​മു​ദാ​യ​ത്തി​ല്‍പെ​ട്ട ആ​ളാ​യി​രു​ന്നു. അ​യാ​ളു​ടെ വീ​ട്ടി​ല്‍ പോ​യി അ​ന്ന് താ​മ​സി​ച്ചു. ക​പ്പ പു​ഴു​ങ്ങി ഉ​ണ​ക്കി ഉ​ണ്ടാ​ക്കു​ന്ന വാ​ട്ട് ക​പ്പ​യും ചോ​റും അ​വി​ടെ​വെ​ച്ചു ക​ഴി​ച്ചു. ന​ല്ല സ്വീ​ക​ര​ണം ആ​യി​രു​ന്നു. ഒ​രു മ​ല​യു​ടെ മു​ക​ളി​ലാ​യി​രു​ന്നു ആ ​വീ​ട്. അ​ത് ക​ഴി​ഞ്ഞു കൂ​ട്ടു​പു​ഴ എ​ന്ന സ്ഥ​ല​ത്ത് പു​ഴ​യും പാ​ല​വു​മു​ണ്ട്. അ​തു​വ​രെ എ​ങ്ങ​നെ​യോ എ​ത്തി​ച്ചേ​ര്‍ന്നു. കൂ​ട്ടു​പു​ഴ പാ​ല​വും ക​ട​ന്നു ഞ​ങ്ങ​ള്‍ ന​ട​ന്നു. കു​ട്ടി​ക​ളെ​യും കൂ​ട്ടി​യാ​ണ് ന​ട​ത്തം. എ​ന്റെ അ​നി​യ​ന്‍ ഭ​യ​ങ്ക​ര​മാ​യി ക​ര​യു​ന്നു​ണ്ടാ​യി​രു​ന്നു. ഏ​തൊ​ക്കെ​യോ ഊ​ടു​വ​ഴി​ക​ളി​ലൂ​ടെ അ​ഞ്ചാ​റ് കി​ലോ​മീ​റ്റ​റു​ക​ള്‍ ന​ട​ന്നു ഒ​രി​ട​ത്തെ​ത്തി​യ​പ്പോ​ള്‍ ഒ​രു ലോ​റി ക​ണ്ടു. ലോ​ഡ് ക​യ​റ്റി​വ​രു​ന്ന ലോ​റി ആ​യി​രു​ന്നു അ​ത്. ലോ​റി​ക്കാ​ര്‍ സ്ത്രീ​ക​ള്‍ ഒ​ഴി​കെ ഉ​ള്ള​വ​ര്‍ ക​യ​റി​ക്കോ​ളാ​ൻ പ​റ​ഞ്ഞു. സ്ത്രീ​ക​ളെ ക​യ​റ്റി​യാ​ല്‍ പ്ര​ശ്ന​മാ​കും എ​ന്നു ഡ്രൈ​വ​ര്‍ പ​റ​ഞ്ഞ​തു​കൊ​ണ്ട് സ്ത്രീ​ക​ളെ ക​യ​റ്റി​യി​ല്ല. അ​ങ്ങ​നെ ഞ​ങ്ങ​ള്‍ മൂ​ന്നു കു​ട്ടി​ക​ള്‍ വ​ണ്ടി​യി​ല്‍ ക​യ​റി. അ​ച്ഛ​നും അ​മ്മ​യും കൂ​ടെ അ​യ​ല്‍പ​ക്ക​ത്തു​ള്ള പെ​ണ്‍കു​ട്ടി​യും ന​ട​ന്നു. ഞ​ങ്ങ​ളെ ദൂ​രെ ഒ​രു സ്ഥ​ല​ത്തു കൊ​ണ്ടി​റ​ക്കി. അ​വി​ടെ ഞ​ങ്ങ​ള്‍ ബാ​ക്കി ഉ​ള്ള​വ​ര്‍ക്കാ​യി കാ​ത്തി​രു​ന്നു. അ​മ്മ​യെ കാ​ണാ​ത്ത​തുകൊ​ണ്ട് എ​ന്റെ അ​നി​യ​ന്‍ അ​ല​റി ക​ര​യാ​നും തു​ട​ങ്ങി. അ​ച്ഛ​നും അ​മ്മ​യും മ​റ്റു​ള്ള​വ​രും ഒ​രു ഒ​ന്നു ര​ണ്ടു മ​ണി​ക്കൂ​റി​ന് ശേ​ഷം എ​ത്തി. അ​ത് മേ​മ​ന​ക്കൊ​ല്ലി എ​ന്ന സ്ഥ​ലം ആ​യി​രു​ന്നു. അ​വി​ടെ നി​ന്നും മ​ാക്കൂ​ട്ടം എ​ന്ന ചെ​ക്ക് പോ​സ്റ്റ് വ​രെ വീ​ണ്ടും ന​ട​ന്നു.

മ​ാക്കൂ​ട്ടം ചെ​ക്ക് പോ​സ്റ്റി​ല്‍നി​ന്നും ഗോ​ണി​ക്കു​പ്പം എ​ന്ന സ്ഥ​ല​ത്തേ​ക്ക് ബ​സ് കി​ട്ടി. അ​പ്പോ​ള്‍ രാ​ത്രി ആ​യി​രു​ന്നു. അ​ച്ഛ​ന്‍ കു​ട​ക​നാ​യ മൊ​യി​ലി​യു​ടെ അ​ടു​ത്തു പോ​യി ഞ​ങ്ങ​ള്‍ അ​വി​ടെ എ​ത്തി എ​ന്ന് അ​റി​യി​ച്ചു. അ​ന്ന് രാ​ത്രി ഒ​രു പീ​ടി​ക​യു​ടെ വ​രാ​ന്ത​യി​ല്‍ ഞ​ങ്ങ​ള്‍ എ​ല്ലാ​വ​രും കി​ട​ന്നു. അ​തൊ​രു ചെ​റി​യ ഹോ​ട്ട​ല്‍ ആ​യി​രു​ന്നു. അ​വി​ടെ​നി​ന്നും ഭ​ക്ഷ​ണ​വും കി​ട്ടി. പി​റ്റേ​ദി​വ​സം രാ​വി​ലെ ഞ​ങ്ങ​ളു​ടെ കൂ​ടെ വ​ന്ന ഞ​ങ്ങ​ളു​ടെ അ​യ​ല്‍വാ​സി​ക​ള്‍ ആ​യ കു​ട്ടി​ക​ളു​ടെ മാ​താ​പി​താ​ക്ക​ളു​ടെ അ​ടു​ത്തേ​ക്ക് പോ​യി. അ​വ​ര്‍ അ​വി​ടെ ന​ല്ല അ​ന്ത​സ്സാ​യി ജീ​വി​ക്കു​ക​യാ​ണ്. ഞ​ങ്ങ​ളെ അ​വ​ര്‍ ന​ന്നാ​യി സ​ല്‍ക്ക​രി​ച്ചു. പി​റ്റേ​ദി​വ​സം അ​വി​ടെ​നി​ന്നു പൊ​ന്നം​പെ​ട്ട എ​ന്ന ഒ​രു സ്ഥ​ല​ത്തേ​ക്ക് പോ​യി. അ​വി​ടെ​നി​ന്നും വീ​ണ്ടും ഒ​രു കാ​ട്ടു​പ്ര​ദേ​ശ​ത്തേ​ക്കാ​ണ് പോ​കേ​ണ്ട​ത്. കി​രൂ​ര്‍ എ​ന്ന ഒ​രു പ്ര​ദേ​ശം ആ​യി​രു​ന്നു അ​ത്. കാ​ള​വ​ണ്ടി​യി​ലാ​ണ് അ​വി​ട​ത്തേ​ക്ക് പോ​യ​ത്. അ​വി​ടെ വീ​ടൊ​ന്നു​മി​ല്ല. മു​ഴു​വ​ന്‍ കാ​ടാ​ണ്. അ​ന്ന് രാ​ത്രി മ​ര​ത്തി​ന്റെ കൊ​മ്പൊ​ക്കെ കൊ​ത്തി ഒ​രു മ​റ​യു​ണ്ടാ​ക്കി അ​വി​ടെ കൂ​ടി. എ​ന്റെ അ​ച്ഛ​ന്‍ അ​തി​നു​ശേ​ഷം ന​ല്ലോ​ണം അ​ധ്വാ​നി​ച്ചു അ​വി​ടെ ഞ​ങ്ങ​ള്‍ക്ക് താ​മ​സി​ക്കാ​ന്‍ ഒ​രു കൂ​ര ഉ​ണ്ടാ​ക്കി. ഒ​രു വ​ര്‍ഷ​ത്തോ​ളം ഞ​ങ്ങ​ള്‍ അ​വി​ടെ താ​മ​സി​ച്ചു. മൊ​യി​ലി എ​ന്ന കൊ​ട​ക​ന്‍ ഞ​ങ്ങ​ള്‍ക്ക് വ​ള​ര്‍ത്താ​ന്‍ ഒ​ന്നു ര​ണ്ടു പോ​ത്തു​ക​ളെ​യും കാ​ലി​ക​ളെ​യും ത​ന്നു. ഒ​രു കൊ​ല്ലം ക​ഴി​യു​മ്പോ​ഴേ​ക്കും എ​ല്ലാ​വ​ർ​ക്കും രോ​ഗം ഒ​ക്കെ പി​ടി​പെ​ട്ടു. പി​ന്നെ ഒ​രു​മാ​തി​രി ദു​രി​ത​ങ്ങ​ളു​ടെ പെ​രു​മ​ഴ ആ​യി. ഒ​രു ഗ​തി​യും കി​ട്ടി​യി​ല്ല. അ​ങ്ങ​നെ നാ​ട്ടി​ലേ​ക്ക്, പെ​രി​ങ്ങീ​ലി​ലേ​ക്ക് ത​ന്നെ വീ​ണ്ടും തി​രി​ച്ചു വ​ന്നു.

നാ​ട്ടി​ലേ​ക്കു തി​രി​ച്ചുവ​ന്ന് വീ​ണ്ടും ഞാ​ന്‍ സ്കൂ​ളി​ലേ​ക്ക് പോ​യി തു​ട​ങ്ങി. ഞാ​ന്‍ മൂ​ന്നാം ക്ലാ​സി​ല്‍നി​ന്നു പോ​യ​തു​കൊ​ണ്ട് ഇ​നി നാ​ലാം ക്ലാ​സി​ല്‍ ഇ​രു​ന്നാ​ൽ മ​തി എ​ന്നു അ​ധ്യാ​പ​ക​ര്‍ പ​റ​ഞ്ഞു. ഞാ​ന്‍ പി​ന്നീ​ട് നാ​ലി​ലും അ​ഞ്ചി​ലും ഹ​രി​ജ​ന്‍ വെ​ൽ​ഫെ​യ​ര്‍ സ്കൂ​ളി​ല്‍ പ​ഠ​നം പൂ​ര്‍ത്തി​യാ​ക്കി. ഞാ​ന്‍ അ​ഞ്ചാം ക്ലാ​സ് പൂ​ര്‍ത്തി​യാ​ക്കി​യ​തി​നുശേ​ഷം ചെ​റു​കു​ന്നി​ലെ ഒ​രു ത​ക്ര ബാ​പ്പ സ​ദ​ന്‍ എ​ന്ന ഒ​രു ഹോ​സ്റ്റ​ലി​ല്‍ ചേ​ര്‍ന്ന് അ​തി​നുശേ​ഷ​മു​ള്ള പ​ഠ​നം തു​ട​ര്‍ന്നു. ചെ​റു​കു​ന്ന് സ്കൂ​ളി​ല്‍ ചേ​ര്‍ന്ന് പ​ത്താം ക്ലാ​സ് വ​രെ പ​ഠി​ച്ചു. അ​ന്ന് എ​സ്.​എ​സ്.​എ​ല്‍.​സി​ക്കു മു​ന്നൂ​റ്റി എ​ണ്‍പ​ത്തി​യെ​ട്ട് മാ​ര്‍ക്ക് വാ​ങ്ങി ഞാ​ന്‍ പാ​സാ​യി. അ​റു​ന്നൂ​റി​ല്‍ ആ​യി​രു​ന്നു മാ​ര്‍ക്ക്. 1960​ക​ളി​ല്‍ ആ​യി​രു​ന്നു അ​ത്.

വ​ള​രെ​യ​ധി​കം താ​ഴ്ന്ന പ്ര​ദേ​ശ​മാ​ണ് പെ​രി​ങ്ങീ​ല്‍. ഒ​രു ചെ​റി​യ വേ​ലി​യേ​റ്റം വ​ന്നാ​ല്‍പോ​ലും അ​വി​ടെ വെ​ള്ളം നി​റ​യും. ഇ​ട​വം, മി​ഥു​നം, ക​ര്‍ക്ക​ട​കം എ​ന്നീ മാ​സ​ങ്ങ​ളി​ലാ​ണ് വ​ലി​യ മ​ഴ പെ​യ്യു​ക. ഇ​ട​വ​പ്പാ​തി​യി​ലാണ് വ​യ​ലി​ല്‍ കൃ​ഷിചെ​യ്യു​ക. ഈ ​സ്ഥ​ല​ങ്ങ​ള്‍ മി​ക്ക​വാ​റും കൈ​പ്പാ​ടും താ​ണ വ​യ​ലു​ക​ളുമാ​ണ്. അ​തു​കൊ​ണ്ട് ഈ ​പ്ര​ദേ​ശ​ത്ത് പെ​ട്ടെ​ന്നു വെ​ള്ളം ക​യ​റും. ഇ​ട​വ​ത്തി​ലും ക​ര്‍ക്ക​ട​ക​ത്തി​ലു​മാ​ണ് പ​ണ്ട് പെ​രി​ങ്ങീ​ലി​ല്‍ വെ​ള്ളം ക​യ​റു​ക. ക​ര്‍ക്ക​ട​കം ആ​കു​മ്പോ​ഴേ​ക്കും ഏ​ക​ദേ​ശം ഞാ​റു​ന​ട​ലു​ക​ള്‍ ഒ​ക്കെ ക​ഴി​ഞ്ഞി​ട്ടു​ണ്ടാ​കും. അ​ന്ന് പാ​ല​ങ്ങ​ളും അ​ണ​ക്കെ​ട്ടു​ക​ളും ഉ​ണ്ടാ​യി​രു​ന്നി​ല്ല. അ​ണ​ക്കെ​ട്ടു​ക​ള്‍ ഉ​ണ്ടെ​ങ്കി​ല്‍ വെ​ള്ള​ത്തി​നെ ഒ​രു പ​രി​ധി​വ​രെ ത​ട​ഞ്ഞു​നി​ര്‍ത്തും. അ​ന്ന് ത​ട​യ​ണ​ക​ള്‍ ഒ​ന്നും ഉ​ണ്ടാ​യി​രു​ന്നി​ല്ല. അ​പ്പോ​ള്‍ ചെ​റി​യ വെ​ള്ളം​ത​ന്നെ പെ​രി​ങ്ങീ​ലി​ല്‍ വ​ലി​യ വെ​ള്ള​പ്പൊ​ക്ക​മാ​കും. അ​ന്ന​ത്തെ മ​ഴ വ​ള​രെ ശ​ക്ത​മാ​യ മ​ഴ​യാ​ണ്. 'കാ​ക്ക ക​ണ്ണു തു​റ​ക്കാ​ത്ത മ​ഴ' എ​ന്നു പ​റ​യു​ന്ന രീ​തി​യി​ല്‍ തു​ട​ര്‍ച്ച​യാ​യി മ​ഴ പെ​യ്യും. ദി​വ​സ​ങ്ങ​ളോ​ളം നീ​ണ്ടു​നി​ല്‍ക്കു​ന്ന മ​ഴയാ​യി​രി​ക്കും. പ​ണി​യി​ല്ലാ​ത്ത സ​മ​യ​ത്താ​യ​തു​കൊ​ണ്ട് വീ​ടു​ക​ളി​ല്‍ ആ​ഹാ​രം ഒ​ന്നും ഉ​ണ്ടാ​കി​ല്ല. അ​ന്ന് വീ​ട് നി​ല്‍ക്കു​ന്ന കൂ​ന​ക്ക് അ​ത്ര​യ​ധി​കം പൊ​ക്കം ഉ​ണ്ടാ​കി​ല്ല. ഈ ​കൂ​ന​യു​ടെ മു​ക​ളി​ലേ​ക്കു വെ​ള്ളം ക​യ​റും. ഈ ​കൂ​ന​യി​ലാ​ണ് വീ​ടും മു​റ്റ​വും പ​റ​മ്പും എ​ല്ലാം ഉ​ള്ള​ത്. ഇ​വി​ടേ​ക്കാ​ണ് വെ​ള്ളം ക​യ​റു​ക. വെ​ള്ളം നേ​രെ വീ​ട്ടി​ന​ക​ത്തേ​ക്ക് ക​യ​റും. വീ​ടി​ന്റെ ചു​വ​രി​ന് മു​ക​ളി​ല്‍ ക​യ​റും. മ​ല​യാ​ളി ര​ണ്ടാ​യി​ര​ത്തി പ​തി​നെ​ട്ടി​ല്‍ ക​ണ്ട വെ​ള്ള​പ്പൊ​ക്കം ഞ​ങ്ങ​ള്‍ അ​തി​നും എ​ത്ര​യോ കാ​ലം മു​മ്പേ അ​നു​ഭ​വി​ച്ചി​രു​ന്നു. ഈ ​വീ​ടു​ക​ളൊ​ക്കെ മ​ണ്‍ക​ട്ട​ക​ള്‍കൊ​ണ്ട് ഉ​ണ്ടാ​ക്കി​യ​തു​കൊ​ണ്ട് പെ​ട്ടെ​ന്നു പൊ​ളി​ഞ്ഞു​വീ​ഴാ​നും സാ​ധ്യ​ത​യു​ണ്ട്. അ​പ്പോ ഈ ​സ​മ​യ​ങ്ങ​ളി​ല്‍ ഞ​ങ്ങ​ള്‍ പ​ട്ടു​വ​ത്തോ കോ​ട്ട​ക്കീ​ലോ ഉ​ള്ള ദു​രി​താ​ശ്വാ​സ ക്യാ​മ്പു​ക​ളി​ല്‍ ചെ​ന്നു താ​മ​സി​ക്കും. പെ​രി​ങ്ങീ​ലി​ലെ മു​ത​ലാ​ളി​മാ​രാ​യ മു​സ്‍ലിം​ക​ളു​ടെ സം​ര​ക്ഷ​ണ​ത്തി​ലാ​ണ് ഞ​ങ്ങ​ള്‍ പോ​വു​ക. അ​വ​ര്‍ ചി​ല​പ്പോ​ള്‍ അ​വ​രു​ടെ വീ​ടു​ക​ളി​ലെ ത​ട്ടി​ന്‍പു​റ​ത്തോ സ്കൂ​ളി​ലോ പീ​ടി​ക​ക​ളു​ടെ ത​ട്ടി​ന്‍പു​റ​ത്തോ ഞ​ങ്ങ​ളെ താ​മ​സി​പ്പി​ക്കും. ഒ​രു മു​ത​ലാ​ളി​യു​ടെ കീ​ഴി​ലു​ള്ള അ​ഞ്ചു പ​ത്തു കു​ടും​ബ​ങ്ങ​ള്‍ സ്കൂ​ളി​ലെ ക്യാ​മ്പു​ക​ളി​ല്‍ ഒ​രു​മി​ച്ചാ​ണ് താ​മ​സി​ക്കു​ക. ഒ​രു കു​ടും​ബം​പോ​ലെ അ​വി​ടെ ക​ഴി​ഞ്ഞു​കൂ​ടും. അ​പ്പോ​ള്‍ വ​രു​മാ​നം ഒ​ന്നും ഇ​ല്ലാ​ത്ത​തു​കൊ​ണ്ട് ഈ ​മു​സ്‍ലിം​ക​ളാ​യ മു​ത​ലാ​ളി​മാ​ര്‍ത​ന്നെ ജീ​വി​ക്കാ​നു​ള്ള സാ​ധ​ന​ങ്ങ​ളും പൈ​സ​യും എ​ല്ലാം ത​രും. അ​ക്കാ​ല​ത്ത് ചി​ല പീ​ടി​ക​ക്കാ​ര്‍ ക​ടം കൊ​ടു​ക്കും. ചി​ല​ര്‍ കൊ​ടു​ക്കി​ല്ല. ദി​വ​സ​ങ്ങ​ളോ​ളം നീ​ണ്ടു​നി​ൽ​ക്കു​ന്ന വെ​ള്ള​പ്പൊ​ക്കം വ​രു​മ്പോ​ഴും ദു​രി​ത​ങ്ങ​ള്‍ നീ​ണ്ടു​നി​ൽ​ക്കു​മ്പോ​ഴും ഏ​ഴോ​ത്തും കോ​ട്ട​ക്കീ​ലു​മു​ള്ള തി​യ്യ​രും ന​മ്പ്യാ​ന്‍മാ​രും ആ​യ ക​ട​ക്കാ​രൊ​ക്കെ ക​ട​യും പൂ​ട്ടി പോ​യി​ക്ക​ള​യും. മു​സ്‍ലിം​ക​ള്‍ അ​ങ്ങ​നെ ചെ​യ്യി​ല്ല. ആ​യി​ര​ത്തി തൊ​ള്ളാ​യി​ര​ത്തി എ​ഴു​പ​തു​ക​ളി​ലാ​ണ് ഈ ​സം​ഭ​വ​ങ്ങ​ള്‍. അ​പ്പോ​ള്‍ യു​വാ​ക്ക​ള്‍ പോ​യി ബ​ലം പ്ര​യോ​ഗി​ച്ച് ക​ട​ക​ള്‍ തു​റ​ക്കാ​ന്‍ പ​റ​യും. അ​ങ്ങ​നെ അ​രി​യും ചാ​ക്കും എ​ല്ലാം എ​ടു​ത്തു വി​ത​ര​ണം​ചെ​യ്യും.

മു​സ്‍ലിം​ക​ള്‍ സ​ഹ​ജീ​വി​സ്നേ​ഹം എ​ന്ന രീ​തി​യി​ല്‍ സ​ഹാ​യം ചെ​യ്യും. ഒ​രി​ക്ക​ല്‍ ഞാ​ന്‍ ജ​നി​ക്കു​ന്ന​തി​നുമു​മ്പേ ഒ​രു പ്ര​ള​യ​കാ​ല​ത്ത് എ​ന്റെ അ​ച്ച​മ്മ ഞ​ങ്ങ​ളു​ടെ വീ​ട്ടി​ല്‍ പെ​ട്ടുപോ​യി. അ​ന്ന് വെ​ള്ളം ക​യ​റി വീ​ടി​ന്റെ ചു​വ​ര്‍ വ​രെ വെ​ള്ളം എ​ത്തി. പ​ക്ഷേ, ബാ​ക്കി എ​ല്ലാ​വ​രും പോ​യ​പ്പോ​ഴും രാ​ത്രി പ​ന്ത്ര​ണ്ടു​മ​ണി ആ​യ​പ്പോ​ഴും അ​ച്ച​മ്മ പു​റ​ത്തി​റ​ങ്ങു​ന്നി​ല്ല. ''ഞാ​ന്‍ എ​ന്താ​യാ​ലും എ​ന്റെ വീ​ട് വി​ട്ടുപോ​കു​ന്നി​ല്ല'' എ​ന്നു അ​ച്ച​മ്മ പ​റ​ഞ്ഞു. അ​ങ്ങ​നെ അ​വി​ടെത​ന്നെ കൂ​ടി. പ​ക്ഷേ, രാ​ത്രി കു​റ​ച്ചു മു​സ്‍ലിം​ക​ള്‍ വ​ന്നി​ട്ട് അ​വ​രെ ബ​ല​മാ​യി പി​ടി​ച്ചു​കൊ​ണ്ടു പോ​യി ര​ക്ഷ​പ്പെ​ടു​ത്തി. 1950​ക​ള്‍ക്ക് മു​മ്പേ ഉ​ള്ള സം​ഭ​വമാ​യി​രു​ന്നു ഇ​ത്. ദു​രി​താ​ശ്വാ​സ ക്യാ​മ്പു​ക​ളി​ല്‍ പോ​യാ​ല്‍ വ​ള​രെ സ​ന്തോ​ഷ​ത്തോ​ടെ​യാ​ണ് ക​ഴി​യു​ക. അ​ന്ന് വീ​ട്ടി​ലി​രി​ക്കു​ന്ന​തി​നെ​ക്കാ​ള്‍ കൂ​ടു​ത​ല്‍ ഭ​ക്ഷ​ണ​വും കാ​ര്യ​ങ്ങ​ളും ദു​രി​താ​ശ്വാ​സ ക്യാ​മ്പി​ല്‍ കി​ട്ടു​മാ​യി​രു​ന്നു. ഓ​രോ കു​ടും​ബ​വും വേ​റെ വേ​റെ പാ​കം ചെ​യ്യു​മെ​ങ്കി​ലും പ​ര​സ്പ​രം ആ​ഹാ​രം കൊ​ടു​ക്ക​ല്‍ വാ​ങ്ങ​ലു​ക​ളൊ​ക്കെ ഉ​ണ്ടാ​കും.

പെ​രി​ങ്ങീ​ലി​ലെ ഭൂ​മി​യി​ല്‍ വെ​റും ഉ​പ്പു​വെ​ള്ളം മാ​ത്ര​മേ ഉ​ള്ളൂ. ചു​റ്റു​പാ​ടും തോ​ടും കൈ​പ്പാ​ടും പു​ഴ​യു​മാ​യ​തു​കൊ​ണ്ട് പെ​രി​ങ്ങീ​ലി​ലെ ഭൂ​മി​യി​ല്‍ ശു​ദ്ധ​ജ​ലം കി​ട്ടു​ക ബു​ദ്ധി​മു​ട്ടാ​ണ്. പു​ഴ​യി​ല്‍ ഉ​പ്പു​വെ​ള്ളമാ​ണ്. ക​ട​ലി​ല്‍നി​ന്നും നേ​രി​ട്ടുവ​രു​ന്ന വെ​ള്ളം. ഈ ​ഉ​പ്പി​ന്റെ അം​ശം കൈ​പ്പാ​ടി​ലും വ​യ​ലി​ലും എ​ല്ലാം നി​റ​ഞ്ഞി​രി​ക്കും. അ​തു​കൊ​ണ്ട് പെ​രി​ങ്ങീ​ലി​ലെ ഭൂ​മി​യി​ല്‍ കു​ഴി​ച്ചാ​ലും ന​ല്ല വെ​ള്ളം കി​ട്ടി​ല്ല. ഏ​ത് ആ​വ​ശ്യ​ത്തി​നും ഉ​പ്പു​വെ​ള്ളം മാ​ത്ര​മേ ഉ​ണ്ടാ​വു​ക​യു​ള്ളൂ. പി​ന്നെ അ​വി​ടെ കി​ണ​ര്‍ ഉ​ണ്ടാ​യി​രു​ന്നി​ല്ല. ചി​ല​പ്പോ​ള്‍ അ​വി​ടെ വ​യ​ലി​ല്‍ ചെ​റി​യ കു​ളം കു​ത്തും. അ​തി​ല്‍നി​ന്നു​ള്ള വെ​ള്ളം കു​ളി​ക്കാ​നൊ​ക്കെ ഉ​പ​യോ​ഗി​ക്കും. എ​ന്റെ കാ​ല​ഘ​ട്ട​ത്തി​ന് മു​ന്നേ ഭ​ക്ഷ​ണ​ത്തി​നു​പോ​ലും ഈ ​ഉ​പ്പു​വെ​ള്ളം ആ​ണ് ഉ​പ​യോ​ഗി​ച്ച​ത്. ചി​ല സ്ഥ​ല​ങ്ങ​ളി​ല്‍ കു​ത്തി​യാ​ല്‍ ഉ​പ്പി​ന്റെ അം​ശം കു​റ​ഞ്ഞ വെ​ള്ളം കി​ട്ടും. ഈ ​വെ​ള്ളം ഉ​പ​യോ​ഗി​ച്ചും ഭ​ക്ഷ​ണം പാ​കം ചെ​യ്തി​ട്ടു​ണ്ടാ​കാം. പ​ക്ഷേ, അ​തും ശു​ദ്ധ​മാ​യ വെ​ള്ളം ഒ​ന്നു​മ​ല്ല. അ​ന്ന് നി​ല​ത്തു കു​ഴി തോ​ണ്ടി അ​തി​ല്‍ വെ​ള്ളം കി​ട്ടു​ന്ന കൂ​വ​ല്‍ എ​ന്നുപേ​രു​ള്ള കു​ള​ങ്ങ​ളാ​ണ് ഉ​ണ്ടാ​യി​രു​ന്ന​ത്. അ​ന്ന് അ​വി​ടെ ച​ട​യ​ന്‍ എ​ന്നൊ​രു ആ​ളു​ണ്ടാ​യി​രു​ന്നു. അ​യാ​ള്‍ ഒ​രു ദ​ലി​ത് മു​സ്‍ലിം ആ​യി​രു​ന്നു. ഒ​രു കോ​ൺ​ട്രാ​ക്ട​ർ. അ​യാ​ള്‍ പി​ന്നീ​ട് എം.​എ​ല്‍.​എ​യൊ​ക്കെ ആ​യി. അ​യാ​ള്‍ക്ക് ദ​ലി​ത​രു​ടെ കോ​ള​നി​ക​ളി​ല്‍ കി​ണ​ര്‍ കു​ഴി​ച്ചു​കൊ​ടു​ക്കു​ന്ന പ​രി​പാ​ടി​ക​ള്‍ ഉ​ണ്ടാ​യി​രു​ന്നു. അ​തി​നെ ച​ട​യ​ന്‍ കി​ണ​ര്‍ എ​ന്നാ​ണ് നാ​ട്ടു​കാ​ര്‍ വി​ളി​ച്ചു​കൊ​ണ്ടി​രു​ന്ന​ത്. അ​യാ​ള്‍ പെ​രി​ങ്ങീ​ലി​ല്‍ ക​ല്ലു​കൊ​ണ്ട് മ​റ കെ​ട്ടി​യ ഒ​രു കി​ണ​ര്‍ നി​ർ​മി​ച്ചു​കൊ​ടു​ത്തു. പ​ക്ഷേ ആ ​കി​ണ​റി​ലെ വെ​ള്ള​വും കു​ടി​ക്കാ​ന്‍ ഉ​പ​യോ​ഗി​ക്കാ​ന്‍ ക​ഴി​യി​ല്ല. അ​ത്യാ​വ​ശ്യം കു​ളി​ക്കാ​ന്‍ മാ​ത്ര​മേ സാ​ധി​ക്കു​ക​യു​ള്ളൂ.

കു​ടി​ക്കാ​നു​ള്ള വെ​ള്ളം പ്ര​ധാ​ന​മാ​യും കൊ​ണ്ടു​വ​ന്നി​രു​ന്ന​ത് കൊ​ട്ടി​ല​യി​ല്‍നി​ന്നാ​ണ്. സ്ത്രീ​ക​ള്‍ ത​ല​ച്ചു​മ​ടാ​യി ഒ​രു കി​ലോ​മീ​റ്റ​റി​ല​ധി​കം ന​ട​ന്നാ​ണ് വെ​ള്ളം കൊ​ണ്ടു​വ​രു​ക. ഏ​തെ​ങ്കി​ലും മ​റ്റു​ള്ള ജാ​തി​ക്കാ​രു​ടെ വീ​ടു​ക​ളി​ല്‍ ചെ​ന്നാ​ണ് വെ​ള്ളം ശേ​ഖ​രി​ക്കു​ക. അ​വ​ര്‍ കോ​രി​ക്കൊ​ടു​ത്ത വെ​ള്ള​മാ​ണ് കൊ​ണ്ടു​വ​രു​ക. അ​വ​രു​ടെ കി​ണ​ര്‍ തൊ​ടാ​ന്‍ പാ​ടി​ല്ല. അ​ത​ല്ലെ​ങ്കി​ല്‍ തോ​ണി​മാ​ര്‍ഗം പ​ട്ടു​വ​ത്ത് പോ​യി അ​വി​ടെ​നി​ന്നു വെ​ള്ളം ക​ട​ത്തി​ക്കൊ​ണ്ടു വ​രാം. സ്ത്രീ​ക​ളാ​ണ് വെ​ള്ളം ക​ട​ത്തു​ക. കു​ടി​ക്കു​ന്ന വെ​ള്ളം അ​മൃ​ത് പോ​ലെ​യാ​ണ് പെ​രി​ങ്ങീ​ലി​ലെ സ്ത്രീ​ക​ള്‍ സൂ​ക്ഷി​ച്ചു​വെ​ക്കു​ക. ചോ​റ് വെ​ക്കാ​നും ചാ​യ വെ​ക്കാ​നും മാ​ത്ര​മേ ന​ല്ല വെ​ള്ളം ഉ​പ​യോ​ഗി​ക്കു​ക​യു​ള്ളൂ. പ​ട്ടു​വ​ത്ത് ഒ​രു പൊ​തു​വാ​യ കി​ണ​ര്‍ ഉ​ണ്ട്. അ​വി​ടെ​നി​ന്നും വെ​ള്ളം കോ​രാം. അ​തു​പോ​ലെ മു​സ്‍ലിം​ക​ളു​ടെ വീ​ട്ടി​ല്‍നി​ന്നും വെ​ള്ള​മെ​ടു​ക്കാം. മു​സ്‍ലിം​ക​ള്‍ക്ക് അ​ക്കാ​ല​ത്തു​പോ​ലും അ​യി​ത്തം ഇ​ല്ലാ​യി​രു​ന്നു. പ​ക്ഷേ പ​ട്ടു​വ​ത്തുനി​ന്നും വെ​ള്ളം തോ​ണി​യി​ല്‍ ക​ട​ത്താ​യി​ട്ടു കൊ​ണ്ടു​വ​ര​ണം. പ​ക്ഷേ തോ​ണി​യി​ല്‍ വെ​ള്ളം കൊ​ണ്ടു​വ​രു​മ്പോ​ള്‍ ഒ​രു കു​ടം വെ​ള്ള​ത്തി​ന് ഒ​രാ​ളു​ടെ ക​ട​ത്തു​കൂ​ലി കൊ​ടു​ക്ക​ണം. കൊ​ട്ടി​ല എ​ന്ന സ്ഥ​ലം ഒ​രു​പാ​ട് ദൂ​രം ഉ​ള്ള​തു​കൊ​ണ്ടും കു​റെ ന​ട​ക്കേ​ണ്ട​തു​കൊ​ണ്ടും അ​ധി​കം ആ​ള്‍ക്കാ​രും പ​ട്ടു​വം എ​ന്ന പ്ര​ദേ​ശ​ത്തെ​യാ​ണ് വെ​ള്ള​ത്തി​ന് ആ​ശ്ര​യി​ക്കു​ന്ന​ത്. കു​ടി​ക്കു​ന്ന വെ​ള്ള​മാ​യ​തു​കൊ​ണ്ട് വെ​ള്ള​ത്തി​ന് തോ​ണി​ക്കൂ​ലി ചോ​ദി​ച്ചാ​ല്‍ ആ​രും അ​ന്ന് എ​തി​ര്‍ത്തു പ​റ​യു​മാ​യി​രു​ന്നി​ല്ല. ഒ​രു ആ​ദം മ​മ്മു എ​ന്നു പ​റ​യു​ന്ന ആ​ളാ​യി​രു​ന്നു തോ​ണി​യു​ടെ ക​ട​ത്തു​കാ​ര​നും കോ​ൺ​ട്രാ​ക്ട​റും. കു​റെ​ക്കാ​ലം ക​ഴി​ഞ്ഞ​പ്പോ​ള്‍ പെ​രി​ങ്ങീ​ലി​ലു​ള്ള​വ​ര്‍ വെ​ള്ള​ത്തി​ന് ക​ട​ത്തു​കൂ​ലി കൊ​ടു​ക്കാ​ന്‍ പ​റ്റി​ല്ല എ​ന്നു പ​റ​ഞ്ഞു. അ​ങ്ങ​നെ ചെ​റി​യ ഒ​രു ഇ​ള​വ് ഒ​ക്കെ ചെ​യ്തു​കൊ​ടു​ത്തി​രു​ന്നു. ഞാ​നൊ​ക്കെ വ​ള​ര്‍ന്ന് കോ​ള​ജി​ല്‍ പോ​കാ​ന്‍ തു​ട​ങ്ങി​യ​പ്പോ​ള്‍ ഒ​രു അ​ഹ​ങ്കാ​രം ഉ​ണ്ടാ​യി. ന​ല്ല വെ​ള്ള​ത്തി​ല്‍ മാ​ത്ര​മേ കു​ളി​ക്കൂ എ​ന്നു ഞാ​ന്‍ പ്ര​ഖ്യാ​പി​ച്ചു. അ​പ്പോ​ള്‍ അ​നി​യ​ത്തി​മാ​ര്‍ കൊ​ട്ടി​ല​യി​ല്‍നി​ന്നോ പ​ട്ടു​വ​ത്തു​നി​ന്നോ എ​നി​ക്കു കു​ളി​ക്കാ​നാ​യി ന​ല്ല വെ​ള്ളം കൊ​ണ്ടു​വ​ന്നു ത​രും. ഞാ​ന്‍ ഒ​ട്ടും നാ​ണ​മി​ല്ലാ​തെ ആ ​വെ​ള്ള​ത്തി​ല്‍ കു​ളി​ക്കും. ഇ​പ്പോ​ള്‍ അ​തോ​ര്‍ക്കു​മ്പോ​ള്‍ ല​ജ്ജ തോ​ന്നു​ന്നു​ണ്ട്.

ഞ​ങ്ങ​ളു​ടെ നേ​രെ അ​ക്ക​രെ ക​ര​യി​ല്‍ പ​ടി​ഞ്ഞാ​റു​ള്ള പ്ര​ദേ​ശ​മാ​ണ് ന​ങ്ക​ലം. അ​വി​ടെ ഒ​രു ശ​ങ്ക​ര​ന്‍ ഡോ​ക്ട​ര്‍ ഉ​ണ്ട്. ഒ​രു ഹോ​മി​യോ ഡോ​ക്ട​ര്‍ ആ​ണ്. അ​ദ്ദേ​ഹം വ​ള​രെ ആ​ക്ടിവാ​യ ഒ​രു മ​നു​ഷ്യ​നാ​യി​രു​ന്നു. എ​ന്റെ അ​നി​യ​ൻ കൃ​ഷ്ണ​ന്റെ ഭാ​ര്യ​യു​ടെ അ​ച്ഛ​നാ​ണ് അ​ദ്ദേ​ഹം. ആ​ദ്യ​മാ​യി സ​ർ​ക്കാ​ര്‍ ലോ​ണി​ല്‍ വീ​ട് വെ​ച്ച​ത് ശ​ങ്ക​ര​ന്‍ ഡോ​ക്ട​ര്‍ ആ​യി​രു​ന്നു. ന​ല്ല ഓ​ടി​ട്ട വീ​ടാ​ണ് അ​ദ്ദേ​ഹം പ​ണി​ഞ്ഞ​ത്. അ​ദ്ദേ​ഹ​ത്തി​ന്റെ പ​രി​ശ്ര​മ​ത്തി​ലാ​ണ് ന​ങ്ക​ല​ത്തി​ലേ​ക്ക് പൈ​പ്പ് വെ​ള്ളം വ​രു​ന്ന​ത്. അ​പ്പോ​ള്‍ ഞ​ങ്ങ​ളു​ടെ നാ​ട്ടി​ലു​ള്ള​വ​ര്‍ക്കും പൈ​പ്പ് വെ​ള്ളം വേ​ണം എ​ന്ന തോ​ന്ന​ലു​ക​ളു​ണ്ടാ​യി. ഞാ​നൊ​ക്കെ പ​ത്ര​ത്തി​ല്‍ ഞ​ങ്ങ​ൾ​ക്ക് വെ​ള്ളം വേ​ണം എ​ന്നു ആ​ക്ഷേ​പം എ​ഴു​തി അ​യ​ക്കു​ക​യു​ണ്ടാ​യി. വെ​ള്ള​ത്തി​ന്റെ പ്ര​ശ്നം വ​ള​രെ രൂ​ക്ഷ​മാ​യ സ​മ​യം ഞ​ങ്ങ​ളു​ടെ അ​ന്ന​ത്തെ നി​യോ​ജ​ക​മ​ണ്ഡ​ല​മാ​യ മാ​ടാ​യി​യി​ലെ എം.​എ​ല്‍.​എ എം.​വി. രാ​ഘ​വ​ന്‍ ആ​യി​രു​ന്നു. അ​ദ്ദേ​ഹ​ത്തി​നോ​ടു കു​റെ ആ​ള്‍ക്കാ​ര്‍ ഈ ​വി​ഷ​യം അ​വ​ത​രി​പ്പി​ച്ചു. അ​ങ്ങ​നെ ഒ​രു​ദി​വ​സം എം.​വി. രാ​ഘ​വ​ന്‍ പെ​രി​ങ്ങീ​ലി​ല്‍ വ​ന്നു. ക​ണ്ണോം (Kannom) എ​ന്ന സ്ഥ​ല​ത്തെ കു​ന്നി​ന്റെ മു​ക​ളി​ലെ ടാ​ങ്കി​ല്‍നി​ന്നു​മാ​ണ് ന​ങ്ക​ല​ത്തി​ല്‍ വെ​ള്ളം കി​ട്ടു​ന്ന​ത്. ന​ങ്ക​ല​ത്തി​ല്‍നി​ന്നും ഞ​ങ്ങ​ളു​ടെ നാ​ട്ടി​ലേ​ക്കു പു​ഴ​യു​ടെ അ​ടി​യി​ലൂ​ടെ മാ​ത്ര​മേ പൈ​പ്പ് വ​ലി​ക്കാ​ന്‍ പ​റ്റു​ക​യു​ള്ളൂ. പി​ന്നെ നാ​ട്ടു​കാ​രൊ​ക്കെ കു​ടം ത​ല​യി​ല്‍വെ​ച്ചു ത​ളി​പ്പ​റ​മ്പ് വാ​ട്ട​ര്‍ അ​തോ​റി​റ്റി ഓ​ഫി​സി​ലേ​ക്ക് പ്ര​ക​ട​ന​മാ​യി പോ​കു​ന്ന സം​ഭ​വമു​ണ്ടാ​യി. അ​ങ്ങ​നെ ആ​യി​ര​ത്തി തൊ​ള്ളാ​യി​ര​ത്തി എ​ഴു​പ​തു​ക​ളു​ടെ അ​വ​സാ​നം പെ​രി​ങ്ങീ​ലി​ല്‍ ശു​ദ്ധ​ജ​ല​ത്തി​നു​ള്ള പൈ​പ്പ് വ​ലി​ച്ചു. പ​ക്ഷേ ഇ​ട​ക്കി​ട​ക്ക് പു​ഴ​യി​ലെ പൈ​പ്പ് പൊ​ട്ടി​യാ​ല്‍ പി​ന്നെ ഉ​പ്പു​വെ​ള്ള​മാ​ണ് വ​രുക. ആ​ദ്യം ആ ​നാ​ട്ടി​ല്‍ ഒ​രു പൈ​പ്പ് മാ​ത്ര​മേ ഉ​ണ്ടാ​യി​രു​ന്നു​ള്ളൂ. പി​ന്നെ ര​ണ്ടോ മൂ​ന്നോ പൈ​പ്പു​ക​ള്‍ നി​ർ​മി​ച്ച. ഇ​പ്പോ​ള്‍ ന​ല്ല വെ​ള്ള​ത്തി​ന് വ​ലി​യ പ്ര​ശ്നമി​ല്ല.

അ​ക്കാ​ല​ത്ത് മ​റ്റു നാ​ട്ടി​ലു​ള്ള​വ​ര്‍ പെ​രി​ങ്ങീ​ലി​ലേ​ക്ക് വ​രാ​റി​ല്ലാ​യി​രു​ന്നു. മ​റ്റു നാ​ട്ടി​ലു​ള്ള മു​സ്‍ലിം​ക​ളും തി​യ്യ​ന്‍മാ​രും അ​വി​ടെ പ​ണി​യെ​ടു​പ്പി​ക്കാ​ന്‍വേ​ണ്ടി വ​രു​ന്ന​വ​ര്‍ മാ​ത്ര​മാ​യി​രു​ന്നു പെ​രി​ങ്ങീ​ലു​മാ​യി ഇ​ട​പെ​ട്ട​ത്. പി​ന്നെ തെ​ങ്ങ് ചെ​ത്താ​ന്‍ വ​രു​ന്ന തി​യ്യ​ന്‍മാ​രും വ​രും. പെ​രി​ങ്ങീ​ലി​ല്‍നി​ന്നു​ള്ള​വ​ര്‍ അ​വ​രു​ടെ മു​ത​ലാ​ളി​മാ​രു​ടെ​യും മ​റ്റും വീ​ടു​ക​ളി​ല്‍ വി​ശേ​ഷ ദി​വ​സ​ങ്ങ​ളി​ല്‍ കാ​ഴ്ച​ക​ളൊ​ക്കെ കൊ​ണ്ടു​പോ​യി കൊ​ടു​ത്തു അ​വ​രു​ടെ വീ​ടു​ക​ളി​ല്‍ ഉ​ണ്ടാ​ക്കു​ന്ന ഭ​ക്ഷ​ണ​പ​ദാ​ര്‍ഥ​ങ്ങ​ള്‍ ഒ​ക്കെ സ്വീ​ക​രി​ക്കും. ഇ​പ്പോ​ള്‍ പെ​രി​ങ്ങീ​ലി​ലു​ള്ള കു​റെ മ​നു​ഷ്യ​ര്‍ വി​ദ്യാ​ഭ്യാ​സം നേ​ടി. വി​ദ്യാ​ഭ്യാ​സം നേ​ടി പ​ല​രും സ​ര്‍ക്കാ​ര്‍ ഉ​ദ്യോ​ഗ​സ്ഥ​രാ​യി. ക​ണ്ട​ക്ട​ര്‍, പ​ട്ടാ​ള​ക്കാ​ര​ന്‍, സെ​ക്ര​ട്ടേ​റി​യറ്റ് ഉ​ദ്യോ​ഗ​സ്ഥ​ർ, ടെ​ലി​ഫോ​ണ്‍ എ​ക്സ്ചേ​ഞ്ച് ഉ​ദ്യോ​ഗ​സ്ഥ​ർ, ഓ​ട്ടോ​റി​ക്ഷ​ക്കാ​ര്‍, ദു​ബൈ​ക്കാ​ര്‍ അ​ങ്ങ​നെ പ​ല ജോ​ലി ചെ​യ്ത​വ​രും ആ ​നാ​ട്ടി​ല്‍ ഉ​ണ്ടാ​യി. പ​ക്ഷേ ഇ​തൊ​ന്നും ആ ​നാ​ട്ടി​ന് കാ​ര്യ​മാ​യ മാ​റ്റ​ങ്ങ​ള്‍ ഉ​ണ്ടാ​ക്കാ​ന്‍ സ​ഹാ​യി​ച്ചി​ല്ല. എ​നി​ക്കു പോ​സ്റ്റ​ല്‍ ഡി​പ്പാ​ര്‍ട്മെ​ന്‍റി​ല്‍ ഉ​ദ്യോ​ഗം കി​ട്ടി​യ​തോ​ടെ ഞ​ങ്ങ​ളു​ടെ ചെ​റ്റ​പ്പു​ര പൊ​ളി​ച്ച് ഒ​രു പു​തി​യ കൊ​ച്ചു​വീ​ട് വെ​ച്ചു. ഞാ​ന്‍ എ​സ്.​എ​സ്.​എ​ല്‍.​സി ക​ഴി​ഞ്ഞ​തോ​ടെ എ​ല്ലാ​രും എ​ന്നോ​ട് കോ​ള​ജി​ല്‍ പോ​കാ​ന്‍ പ​റ​ഞ്ഞു. അ​ന്ന് എ​സ്.​എ​സ്.​എ​ല്‍.​സി ക​ഴി​ഞ്ഞ ഉ​ട​നെ ജോ​ലി കി​ട്ടു​മാ​യി​രു​ന്നു​വെ​ങ്കി​ലും ഞാ​ന്‍ പ​ഠി​ക്കാ​ന്‍ത​ന്നെ തീ​രു​മാ​നി​ച്ചു. എ​നി​ക്കു ഡോ​ക്ട​റാ​കാ​നാ​യി​രു​ന്നു ആ​ഗ്ര​ഹം. അ​തു​കൊ​ണ്ട് ക​ണ്ണൂ​ര്‍ എ​സ്.​എ​ന്‍ കോ​ള​ജി​ല്‍ ഫി​സി​ക്സ്, കെ​മി​സ്ട്രി, ബ​യോ​ള​ജി അ​ട​ങ്ങി​യ സെ​ക്ക​ൻ​ഡ് ഗ്രൂ​പ് എ​ടു​ത്തു പ്രീ ​ഡി​ഗ്രി പ​ഠ​നം ആ​രം​ഭി​ച്ചു. പ​ക്ഷേ, ക്ലാ​സു​ക​ള്‍ എ​ല്ലാം ഇം​ഗ്ലീ​ഷി​ല്‍ ആ​യ​തു​കൊ​ണ്ട് ഞാ​ന്‍ പ​ഠി​ക്കാ​ന്‍ വ​ല്ലാ​തെ ബു​ദ്ധി​മു​ട്ടി. ക​ണ്ണൂ​രി​ല്‍ കോ​സ്മോ​പൊ​ളി​റ്റ​ന്‍ ഹോ​സ്റ്റ​ലി​ല്‍നി​ന്നാ​ണ് ഞാ​ന്‍ പ​ഠി​ച്ച​ത്. അ​വി​ടെ നി​ര​വ​ധി ദേ​ശ​ങ്ങ​ളി​ലെ നി​ര​വ​ധി മ​നു​ഷ്യ​രെ ക​ണ്ടു പ​രി​ച​യ​പ്പെ​ടാ​ന്‍ പറ്റി. സി​റ്റി​യി​ല്‍നി​ന്നും വ​ന്ന ഹൈ​ക്ലാ​സ് വി​ദ്യാ​ര്‍ഥി​ക​ളോ​ടാ​ണ് ഞാ​നൊ​ക്കെ മ​ത്സ​രി​ക്കേ​ണ്ടി​വ​ന്ന​ത്. അ​വ​സാ​നം ഒ​രു​വി​ധം സെ​ക്ക​ൻ​ഡ് ക്ലാ​സോ​ടു​കൂ​ടി പ്രീ​ഡി​ഗ്രി പാ​സാ​യി.

(തു​ട​രും)