Begin typing your search above and press return to search.
proflie-avatar
Login

അ​രി​കു​ചേ​ർ​ന്നും അ​തി​രു​ക​ൾ മു​റി​ച്ചും അ​ല​ഞ്ഞ നീ​ർ​പ്പ​ട​ർ​പ്പ്

അ​രി​കു​ചേ​ർ​ന്നും അ​തി​രു​ക​ൾ മു​റി​ച്ചും അ​ല​ഞ്ഞ നീ​ർ​പ്പ​ട​ർ​പ്പ്
cancel

കേ​ര​ള​ത്തി​ന്റെ സാം​സ്കാ​രി​ക രം​ഗ​ത്ത് സി.​ആ​ർ. രാ​ജ​ഗോ​പാ​ല​ൻ ന​ൽ​കി​യ സം​ഭാ​വ​ന​ക​ൾ അ​തി​വി​പു​ല​മാ​ണ്. ഫോ​ക് ലോ​റി​ന്റെ ചി​ട്ട​വ​ട്ടങ്ങ​ൾ പ​ല​വി​ധ​ത്തി​ൽ പൊ​ളി​ച്ചെ​ഴു​തി​യ, പു​തി​യ വ​ഴി​ക​ൾ വെ​ട്ടി​യ അ​ദ്ദേ​ഹ​ത്തി​ന്റെ സം​ഭാ​വ​ന​ക​ൾ ഓ​ർ​മി​ക്കു​ക​യും രേ​ഖ​പ്പെ​ടു​ത്തു​ക​യു​മാ​ണ് ഈ ​പ​ഠ​ന​ത്തി​ൽ ലേ​ഖ​ക​ൻ.ഒ​രി​ക്ക​ൽ ഷാ​മ​ൻപാ​ക്ക​നാ​രെ ക​ണ്ടു​മു​ട്ടി അ​വ​ര​ന്യോ​ന്യം ദേ​ശ​ക​ഥ പ​റ​ഞ്ഞു ര​സി​ച്ചു മു​ള​ങ്കാ​ട്ടി​ൽ പ​നി​പി​ടി​ച്ചു​ കി​ട​ന്നു ച​രി​ത്രം അ​ത് മ്യൂ​സി​യ​ത്തി​ലെ​ത്തി​ച്ചു (ഷാ​മ​ൻ, സി.​ആ​ർ. രാ​ജ​ഗോ​പാ​ല​ൻ) അ​ധി​നി​വേ​ശ​ത്തി​ന്റെ...

Your Subscription Supports Independent Journalism

View Plans
കേ​ര​ള​ത്തി​ന്റെ സാം​സ്കാ​രി​ക രം​ഗ​ത്ത് സി.​ആ​ർ. രാ​ജ​ഗോ​പാ​ല​ൻ ന​ൽ​കി​യ സം​ഭാ​വ​ന​ക​ൾ അ​തി​വി​പു​ല​മാ​ണ്. ഫോ​ക് ലോ​റി​ന്റെ ചി​ട്ട​വ​ട്ടങ്ങ​ൾ പ​ല​വി​ധ​ത്തി​ൽ പൊ​ളി​ച്ചെ​ഴു​തി​യ, പു​തി​യ വ​ഴി​ക​ൾ വെ​ട്ടി​യ അ​ദ്ദേ​ഹ​ത്തി​ന്റെ സം​ഭാ​വ​ന​ക​ൾ  ഓ​ർ​മി​ക്കു​ക​യും രേ​ഖ​പ്പെ​ടു​ത്തു​ക​യു​മാ​ണ് ഈ ​പ​ഠ​ന​ത്തി​ൽ ലേ​ഖ​ക​ൻ.

ഒ​രി​ക്ക​ൽ ഷാ​മ​ൻ

പാ​ക്ക​നാ​രെ ക​ണ്ടു​മു​ട്ടി

അ​വ​ര​ന്യോ​ന്യം ദേ​ശ​ക​ഥ പ​റ​ഞ്ഞു ര​സി​ച്ചു

മു​ള​ങ്കാ​ട്ടി​ൽ പ​നി​പി​ടി​ച്ചു​ കി​ട​ന്നു

ച​രി​ത്രം അ​ത് മ്യൂ​സി​യ​ത്തി​ലെ​ത്തി​ച്ചു

(ഷാ​മ​ൻ, സി.​ആ​ർ. രാ​ജ​ഗോ​പാ​ല​ൻ)

​ധി​നി​വേ​ശ​ത്തി​ന്റെ ‘അ​റി​വു​രൂ​പ’​ങ്ങ​ളാ​യ മ്യൂ​സി​യ​ക്കാ​ഴ്ച​യെ സ​ക്രി​യ​മാ​യി ചെ​റു​ത്ത് ത​ന്റേ​താ​യ വ​ഴി​തു​റ​ന്ന വ്യ​ക്തി​യാ​യി​രു​ന്നു നാ​ട്ട​റി​വു​ ചി​ന്ത​ക​നും എ​ഴു​ത്തു​കാ​ര​നു​മാ​യി​രു​ന്ന ഡോ. ​സി.​ആ​ർ. രാ​ജ​ഗോ​പാ​ല​ൻ. ഒ​രു​വ​ശ​ത്ത് ഗോ​ത്ര​ങ്ങ​ളും ജ​ന​സ​മൂ​ഹ​ങ്ങ​ളും ചൂ​ഷ​ണം ചെ​യ്യ​പ്പെ​ടു​ക​യും കു​ടി​യി​റ​ക്ക​പ്പെ​ടു​ക​യും ഇ​ല്ലാ​താ​ക്ക​പ്പെ​ടു​ക​യും സ​മീ​ക​രി​ക്ക​പ്പെ​ടു​ക​യും ചെ​യ്യു​മ്പോ​ൾ മ​റു​വ​ശ​ത്ത് അ​വ​രു​ടെ ഭാ​ഗ​ധേ​യ​ങ്ങ​ൾ ചി​ല്ലു​കൂ​ടാ​ര​ങ്ങ​ളി​ലേ​ക്ക് ക​ട​ത്ത​പ്പെ​ടു​ക​യാ​ണെ​ന്നും “എ​ത്ര​യോ ജ​ന​ത​തി​ക​ളു​ടെ വി​ജ്ഞാ​ന​ങ്ങ​ൾ കു​ഴി​ച്ചു​മൂ​ടി​യി​ട്ടാ​ണ് പു​രാ​വ​സ്തു​വി​ജ്ഞാ​നീ​യം ജ​ന്മ​മെ​ടു​ത്ത​ത്” എ​ന്നും ‘മ്യൂ​സി​യ​ങ്ങ​ൾ തി​ര​സ്ക​രി​ക്ക​ണം’ (മാ​തൃഭൂമി, ഒ​ക്ടോ​ബ​ർ 23, 2016) എ​ന്ന ലേ​ഖ​ന​ത്തി​ൽ അ​ദ്ദേ​ഹം എ​ഴു​തു​ന്നു. ന​ന്ന​ങ്ങാ​ടി​ക​ളി​ൽ​നി​ന്ന് മ​നു​ഷ്യ​ർ എ​ഴു​ന്നേ​റ്റു​വ​രു​ന്ന​തും മ​ൺ​പാ​ത്ര​ങ്ങ​ളി​ൽ​നി​ന്ന് വ​രി​നെ​ല്ല് മു​ള​ച്ചു​വ​രു​ന്ന​തും 1990ക​ളി​ൽ എ​ഴു​തി​യ ‘പു​രാ​വ​സ്തു​ശേ​ഖ​ര​ത്തി​ൽ ഒ​റ്റ​യ്ക്കി​രി​ക്കു​ക​യാ​യി​രു​ന്നു’ എ​ന്ന ക​വി​ത​യി​ൽ അ​ദ്ദേ​ഹം സ​ങ്ക​ൽ​പി​ക്കു​ന്നു​ണ്ട്.

സി.​ആ​ർ. രാ​ജ​ഗോ​പാ​ല​നെ വാ​യ​ന​ക്കാ​ർ ഓ​ർ​ക്കു​ക ഫോ​ക് ലോ​റി​നെ​ക്കു​റി​ച്ച്, പു​റ​ത്താ​ക്ക​പ്പെ​ട്ട മ​നു​ഷ്യ​രെ​ക്കു​റി​ച്ച്, പ്ര​കൃ​തി​യെ​ക്കു​റി​ച്ച് ഒ​ക്കെ ഒ​രു​പാ​ട് വി​കാ​ര​വി​ചാ​ര​ങ്ങ​ൾ പ​ങ്കു​വെ​ച്ചു പി​രി​ഞ്ഞ ഒ​രാ​ളാ​യാ​ണ്. നാ​ട്ടു​ച​രി​ത്ര​ത്തെ​പ്പ​റ്റി, തെ​ങ്ങി​ന്റെ​യും പ്ലാ​വി​ന്റെ​യും നെ​ല്ലി​ന്റെ​യും പു​ഴ​യു​ടെ​യും നാ​ട്ട​റി​വു​ക​ളെ​പ്പ​റ്റി, ഭാ​ഷ​യു​ടെ നാ​ട്ടു​പ​ല​മ​യെ​പ്പ​റ്റി ഒ​ക്കെ ചെ​റു​ത്തു​നി​ൽ​പി​ന്റെ ഭാ​ഷ​യി​ൽ എ​ഴു​തി​യ ആ​ൾ. ആ​ധു​നി​ക​ത​യു​ടെ​യും മു​ത​ലാ​ളി​ത്ത​ത്തി​ന്റെ​യും ഏ​ക​ഭാ​ഷി​ത​ത്തി​ലും (monoglossia) തെ​രു​വി​ലും സൈ​ബ​ർ​സ്​േ​പ​സി​ലും ചെ​റു​ത്തു​മു​ള​ക്കു​ന്ന നാ​ടോ​ടി​ത്ത​ത്തി​ന്റെ പ​ല​മ​ക​ളെ​ക്കു​റി​ച്ച് വാ​ചാ​ല​നാ​യി. ഏ​തു ശ്രേ​ഷ്ഠ​ചി​ഹ്ന​ത്തെ​യും ത​ച്ചു​ട​ക്കാ​നും ത​ന്റേ​ട​മാ​ക്കി​മാ​റ്റാ​നും ഫോ​ക് ക്രി​യേ​റ്റി​വി​റ്റി​ക്കു​ള്ള ക​ഴി​വാ​ണ്, ‘വാ​ഴ്ത്തി സ്തു​തി​ച്ചു’ എ​ന്ന​തി​ന് ‘വാ​ട്ടി​ത്തൊ​ലി​ച്ചു’​വെ​ന്നും ‘സം​സ്കൃ​തം’ എ​ന്ന​തി​ന് അ​മു​ക്കി​തം എ​ന്നും വ​ക്രീ​ക​രി​ക്കു​ന്ന പൊ​റാ​ട്ടു​വ​ത്ക​ര​ണം​ത​ന്നെ​യാ​ണ് ബ്ലോ​ഗ് വ​ത്ക​ര​ണ​ത്തി​ലൂ​ടെ ന​ട​ന്ന​തെ​ന്ന് കാ​ണാ​ൻ ക​ഴി​ഞ്ഞു. ചി​ത്ര​ക​ല പ​ല​പ്പോ​ഴും വ്യ​വ​സ്ഥ​യു​ടെ ഭാ​ഗ​മാ​കു​മ്പോ​ൾ അ​തി​ന്റെ സാ​മൂ​ഹി​ക-​പ്ര​തി​ഷേ​ധ ധ​ർ​മം നി​ർ​വ​ഹി​ക്കു​ന്ന​ത് പെ​രു​വ​ഴി​ചി​ത്ര​ങ്ങ​ളാ​ണ്, ഗ്രാ​ഫി​റ്റി​ക​ളാ​ണ് എ​ന്ന് വി​ളി​ച്ചു​പ​റ​ഞ്ഞു. സാ​ഹി​ത്യ​ത്തെ​യും നാ​ട​ക​ത്തെ​യും അ​നു​ഷ്ഠാ​ന​പ​ര​ത​യി​ലൂ​ടെ നോ​ക്കി​ക്കാ​ണാ​നു​ള്ള ശ്ര​മ​ങ്ങ​ളു​ണ്ടാ​യി. അ​ധി​നി​വേ​ശ​ങ്ങ​ളി​ൽ കൊ​ന്നു​കൂ​ട്ടി​യ, വ​ലി​ച്ചി​റ​ക്ക​പ്പെ​ട്ട ഗോ​ത്ര​സ​മൂ​ഹ​ങ്ങ​ളെ​പ്പ​റ്റി ഓ​ർ​മി​പ്പി​ച്ചു​കൊ​ണ്ടി​രു​ന്നു.

സി.ആർ. രാജഗോപാലൻ

സി.ആർ. രാജഗോപാലൻ

ഇ​ട​പെ​ട​ലി​ന്റെ​യും പ്ര​തി​രോ​ധ​ങ്ങ​ളു​ടെ​യും ഒ​രു ച​രി​ത്ര​സ​ന്ദ​ർ​ഭ​ത്തി​ലാ​ണ് സി.​ആ​ർ. രാ​ജ​ഗോ​പാ​ല​ൻ ഈ ​എ​ഴു​ത്തു​ക​ളി​ലേ​ക്ക് തി​രി​യു​ന്ന​ത്, ത​ന്റെ നാ​ൽ​പ​തു​ക​ളി​ൽ. 1970ക​ളു​ടെ അ​വ​സാ​നം സൈ​ല​ന്റ് വാ​ലി പ്ര​ക്ഷോ​ഭ​ങ്ങ​ളി​ൽ​നി​ന്ന് ഉ​ണ​ർ​ന്നു​വ​ന്ന പ​രി​സ്ഥി​തി​ചി​ന്ത​ക​ളു​ടെ തു​ട​ർ​ച്ച​യി​ലാ​ണ് അ​വ​യു​ടെ തു​ട​ക്കം. 1980ക​ളി​ൽ കേ​ര​ള​വ​ർ​മ കോ​ള​ജി​ൽ അ​ധ്യാ​പ​ക​നാ​യി​രി​ക്കെ തു​ട​ങ്ങി​യ അ​റി​വ​ന്വേ​ഷ​ണ​ങ്ങ​ൾ ത​ന്റെ ഗ​വേ​ഷ​ണ​ത്തി​ന്റെ ഉ​പാ​ദാ​ന​ശേ​ഖ​ര​ണ​മാ​യി​രു​ന്നി​ല്ല അ​ദ്ദേ​ഹ​ത്തി​ന്. “പൊ​ന്നാ​നി മു​ത​ൽ ആ​ന​മ​ല​വ​രെ​യു​ള്ള പു​ഴ​യോ​ര​ ന​ട​ത്ത​ങ്ങ​ളും വ​യ​ൽ​വ​ര​മ്പു​ക​ളി​ലൂ​ടെ​യു​ള്ള ദേ​ശം​വ​ല​ത്തു​ക​ളും കാ​ടി​ന്റെ മ​റു​ക​ര​ തേ​ടി​യു​ള്ള ചു​വ​ടു​ക​ളും” (ആ​മു​ഖം: മ​ണ്ണി​ന്റെ ലാ​വ​ണ്യം പ്ര​തി​രോ​ധം) അ​ക്കാ​ദ​മി​ക പ​ണ്ഡി​ത​ന്മാ​രെ​ക്കാ​ളും സാ​ങ്കേ​തി​ക​വി​ദ​ഗ്ധ​രെ​ക്കാ​ളും ആ​ഴ​ത്തി​ലു​ള്ള അ​റി​വു​ക​ൾ മ​ണ്ണി​നോ​ടൊ​ത്തു ജീ​വി​ക്കു​ന്ന സാ​ധാ​ര​ണ​ക്കാ​ർ​ക്കു​ണ്ടെ​ന്ന അ​റി​വു​ത​ന്നു​വെ​ന്ന് അ​ദ്ദേ​ഹം പ​റ​യു​ന്നു​ണ്ട്. ഗോ​ത്ര​വ​ർ​ഗ​ങ്ങ​ൾ​ക്കി​ട​യി​ൽ, കൈ​വേ​ല​ക്കാ​ർ​ക്കി​ട​യി​ൽ, ജ​ന​പ​ഥ​ങ്ങ​ളി​ൽ, നാ​ടോ​ടി​ക​ൾ​ക്കി​ട​യി​ൽ അ​വ​രോ​ടൊ​പ്പം അ​റി​ഞ്ഞ​നു​ഭ​വി​ച്ച​വ​യാ​ണ് അ​ദ്ദേ​ഹം കൊ​ണ്ടു​ന​ട​ന്ന​ത്; ചി​ല​പ്പോ​ൾ എ​ഴു​തി​യ​ത്. ബ​ർ​ദ്വാ​ൻ ഗ്രാ​മ​ങ്ങ​ളി​ലെ ബാ​വു​ലുക​ൾ​ക്കൊ​പ്പ​വും ഹി​മാ​ല​യ​ൻ താ​ഴ്വ​ര​യി​ലെ ഗ​ഢ്‌​വാ​ളി​ക​ൾ​ക്കൊ​പ്പ​വും ജീ​വി​ച്ചു; താ​ഴ്വ​ര​ക​ളി​ലും തീ​ര​ങ്ങ​ളി​ലും അ​ല​ഞ്ഞു (‘ഹി​മ​കാ​ദം​ബ​രി’ എ​ന്ന നോ​വ​ൽ അ​ക്കാ​ല​ത്തി​ന്റേ​താ​ണ്. 2020ൽ ​ആ​ണ് അ​ച്ച​ടി​ക്കു​ന്ന​ത്). പി​ൽ​ക്കാ​ല​ത്ത് ഷാ​മ​നു​ക​ളി​ലേ​ക്കും ജി​പ്സി​ക​ളി​ലേ​ക്കും ഈ ​സ​ഞ്ചാ​ര​ങ്ങ​ൾ നീ​ളു​ന്നു​ണ്ട്.

വി​ദ്യാ​ർ​ഥി​കാ​ല​ത്തു​ത​ന്നെ ‘വാ​ക്ക്’ മാ​സി​ക​യി​ലും ജോ​ൺ​സി ജേ​ക്ക​ബി​ന്റെ ‘സൂ​ചീ​മു​ഖി’​യി​ലും എ​ഴു​തു​ന്ന ക​വി​ത​ക​ളി​ൽ സി.​ആ​ർ. രാ​ജ​ഗോ​പാ​ല​ന്റെ പാ​രി​സ്ഥി​തി​ക​വും രാ​ഷ്ട്രീ​യ​വു​മാ​യ ജാ​ഗ്ര​ത​യു​ണ്ട്. ഫി​ലിം സൊ​സൈ​റ്റി പ്ര​വ​ർ​ത്ത​ന​ങ്ങ​ളി​ലും സ​ജീ​വ​മാ​യി​രു​ന്നു. ജ​യ​പ്ര​കാ​ശ് നാ​രാ​യ​ണ​ന്റെ മു​ന്നേ​റ്റ​ത്തോ​ട് അ​നു​ഭാ​വ​മു​ണ്ടാ​യി​രു​ന്ന പ​രി​വ​ർ​ത്ത​ന​വാ​ദി പ്ര​സ്ഥാ​ന​ത്തി​ന്റെ പ്ര​വ​ർ​ത്ത​ക​നാ​യി​രു​ന്നു അ​ന്ന്. 1987ൽ ​മ​സ​നോ​ബു ഫു​ക്കു​വോ​ക്ക​യു​ടെ ‘ഒ​റ്റ വൈ​ക്കോ​ൽ വി​പ്ല​വ’​ത്തി​ന്റെ വി​വ​ർ​ത്ത​നം (സി.​പി. ഗം​ഗാ​ധ​ര​ന്റെ) പ്ര​സി​ദ്ധീ​ക​രി​ക്കാ​നും പ്ര​ച​രി​പ്പി​ക്കാ​നും ന​ട​ത്തി​യ പ​രി​ശ്ര​മം ഒ​രു വ​ഴി​ത്തി​രി​വാ​യി​രു​ന്നു എ​ന്ന് അ​നു​സ്മ​രി​ക്കു​ന്നു​ണ്ട് അ​ദ്ദേ​ഹം. 1993ലാ​ണ് തൃ​ശൂ​രി​ൽ നാ​ട്ട​റി​വു പ​ഠ​ന​കേ​ന്ദ്രം ആ​രം​ഭി​ക്കു​ന്ന​ത്. വി​ദ്യാ​ർ​ഥി​ക​ൾ, ഗ​വേ​ഷ​ക​ർ, നാ​ട്ടു​ക​ലാ​കാ​ര​ന്മാ​ർ, അ​ധ്യാ​പ​ക​ർ തു​ട​ങ്ങി വി​ദ​ഗ്ധ​രും ഉ​ത്സാ​ഹി​ക​ളു​മാ​യ ഒ​രു​പ​റ്റം ആ​ളു​ക​ൾ നാ​ട്ട​റി​വു പ​ഠ​ന​കേ​ന്ദ്ര​ത്തി​ന്റെ ഭാ​ഗ​മാ​യി​രു​ന്നു. 1995ൽ ‘​കേ​ര​ളീ​യ​ത​യു​ടെ നാ​ട്ട​റി​വ്’ എ​ന്ന പേ​രി​ൽ മ​ല​യാ​ള​ത്തി​ലെ ആ​ദ്യ​ത്തെ ഫോ​ക് ലോ​ർ ജേ​ണ​ൽ (ത്രൈ​മാ​സി​കം) ഇ​റ​ങ്ങു​ന്ന​തും സി.​ആ​റി​ന്റെ ഉ​ദ്യ​മ​ത്തി​ലാ​ണ്.

അ​പ​കോ​ള​നീ​ക​ര​ണ​ത്തി​ന്റെ നാ​ടോ​ടി​വ​ഴി

അ​രി​കു​വ​ത്ക​രി​ക്ക​പ്പെ​ട്ട അ​റി​വു​ക​ളു​ടെ​യും അ​നു​ഭ​വ​ങ്ങ​ളു​ടെ​യും ആ​വി​ഷ്കാ​ര​ങ്ങ​ളു​ടെ​യും എ​ഴു​ത​പ്പെ​ടാ​ത്ത നാ​ൾ​വ​ഴി​ക​ളു​ടെ​യും പ​ക്ഷ​ത്താ​ണ് സി.​ആ​ർ. രാ​ജ​ഗോ​പാ​ല​ൻ നി​ന്ന​ത്; ആ​ഭി​ജാ​ത്യ​ത്തി​നും ഔ​പ​ചാ​രി​ക​ത​ക്കും പു​റ​ത്തു​ള്ള ഈ ​ജീ​വി​ത​സാ​ക​ല്യ​ത്തെ​യാ​ണ് നാ​ട്ട​റി​വാ​യി അ​ദ്ദേ​ഹം അ​ട​യാ​ള​പ്പെ​ടു​ത്തി​യ​ത്. ഇ​ത് അ​ധീ​ശ​നോ​ട്ട​ത്തി​ന്റെ ഫോ​ക് ലോ​റി​ൽ​നി​ന്നും ഫോ​ക് ലോ​റി​സ്റ്റി​ക്സി​ൽ​നി​ന്നും ഭി​ന്ന​മാ​ണ്. കൊ​ളോ​ണി​യ​ലി​സ​ത്തെ​യും സ​വ​ർ​ണ​ത​യെ​യും എ​തി​ർ​ഭാ​ഗ​ത്തു​നി​ർ​ത്തി അ​വ​യെ “വെ​ളു​മ്പ​ൻ ക​ലാ​ചി​ന്ത​ക​ൾ” എ​ന്ന് വി​ളി​ച്ചു​കൊ​ണ്ടാ​ണ് സി.​ആ​ർ വി​ചാ​ര​ണ​ചെ​യ്യു​ന്ന​ത്. മൂ​ന്നാം​ ലോ​ക​ത്തു​ത​ന്നെ ഫോ​ക് ലോ​റി​സ്റ്റി​ക്സ് ഒ​രു വ​രേ​ണ്യ​ചി​ന്താ​പ​ദ്ധ​തി​യാ​യി നി​ല​നി​ൽ​ക്കു​ന്നു​വെ​ന്നും അ​ടി​യാ​ള​രു​ടെ ജ്ഞാ​ന​ദ​ർ​ശ​ന​വും ലോ​ക​വീ​ക്ഷ​ണ​വും ഒ​റ്റ​പ്പെ​ട്ട തു​രു​ത്താ​ണെ​ന്നും അ​ദ്ദേ​ഹം പ​റ​യു​ന്നു. സ​വ​ർ​ണ​രു​ടെ നാ​ട്ടു​വ​ഴ​ക്ക​ങ്ങ​ളും ഫോ​ക് ലോ​റി​ന്റെ ഭാ​ഗ​മാ​ണെ​ങ്കി​ലും അ​രി​കു​ജ​ന​ത​യു​ടെ സൗ​ന്ദ​ര്യ​ശാ​സ്ത്ര​ത്തെ, ജ്ഞാ​ന​ശാ​സ്ത്ര​ത്തെ പ​റ്റി​യാ​ണ് അ​ദ്ദേ​ഹം സം​സാ​രി​ച്ച​ത്.

ആ​ധു​നി​ക​ത​യു​ടെ​യും അ​തി​ന്റെ ഉ​പോ​ൽ​പ​ന്ന​മാ​യ മു​ത​ലാ​ളി​ത്ത​ത്തി​ന്റെ​യും അ​തി​ന്റെ​ത​ന്നെ വി​ക​സി​ത​രൂ​പ​മാ​യ ആ​ഗോ​ളീ​ക​ര​ണ​ത്തി​ന്റെ​യും കോ​ർ​പ​റേ​റ്റി​സ​ത്തി​ന്റെ​യും വി​മ​ർ​ശ​പ​ക്ഷ​ത്താ​യി​രു​ന്നു സി.​ആ​ർ. രാ​ജ​ഗോ​പാ​ല​ൻ. അ​രി​കു​ക​ളു​ടെ ദ​ർ​ശ​ന​ത്തെ അ​വ​ത​രി​പ്പി​ക്കാ​ൻ ഫ്ര​ഞ്ച് ചി​ന്ത​ക​രാ​യ ഴ്ഷീ​ൽ ദെ​ലൂ​സും ഫെ​ലി​ക്സ് ഗ​ത്താ​റി​യും നാ​ടോ​ടി​ത്തം (nomadism) എ​ന്ന ആ​ശ​യം അ​വ​ത​രി​പ്പി​ക്കു​ന്നു​ണ്ട്. സി.​ആ​ർ. രാ​ജ​ഗോ​പാ​ല​ൻ എ​ഴു​ത്തു​ക​ളി​ലൊ​ന്നും ഇ​വ​രെ ഉ​ദ്ധ​രി​ക്കു​ന്നി​ല്ലെ​ങ്കി​ലും അ​ദ്ദേ​ഹ​ത്തി​ന്റെ പ്ര​വ​ർ​ത്ത​ന​ങ്ങ​ൾ ചേ​ർ​ന്നു​നി​ൽ​ക്കു​ന്ന​ത് ഈ ​ദ​ർ​ശ​ന​ങ്ങ​ളോ​ടാ​ണ് (അ​ദ്ദേ​ഹ​ത്തി​ന്റെ ‘ന​ട​മ’ എ​ന്ന പ​ദ​വും സ​ങ്ക​ൽ​പ​വും ഇ​തു​ത​ന്നെ​യാ​ണ്). ഭ​ര​ണ​കൂ​ട കേ​ന്ദ്രീ​ക​ര​ണ​ത്തി​ന്റെ, അ​തി​രു​റ​പ്പി​ക്ക​ലി​ന്റെ (territorialisation) മ​റു​വ​ശ​മാ​ണ്, നി​ശ്ച​ല​മോ (sedentary) നി​ശ്ചി​ത​മോ അ​ല്ലാ​ത്ത സ​ന്ദ​ർ​ഭ​മാ​ണ് നാ​ടോ​ടി​ത്തം. അ​ന്ത​ർ​ലീ​ന​മാ​യ പോ​രാ​ട്ട​ചോ​ദ​ന​യും സൃ​ഷ്ട്യു​ന്മു​ഖ​മാ​യ (ചി​ല​പ്പോ​ൾ വി​നാ​ശ​ക​ര​വും) നി​ഷ്ക്ര​മ​ണ​പ്ര​വ​ണ​ത​ക​ളും (line of flight) അ​തി​ന്റെ സ്വ​ഭാ​വ​മാ​ണ്. വ​ഴ​ക്ക​ങ്ങ​ളാ​ണ് (nomos), ബാ​ഹ്യാ​ധി​കാ​ര​പ​ര​മാ​യ വ​ച​ന​ങ്ങ​ൾ (logos) അ​ല്ല അ​തി​നെ ന​യി​ക്കു​ന്ന​ത്. അ​ത് അ​തി​രു​ക​ളെ നി​ര​ന്ത​രം ഇ​ള​ക്കി​ക്കൊ​ണ്ടി​രി​ക്കു​ന്നു (deterritorialise). സ​ഞ്ചാ​രി​യാ​ണ​തി​ന്റെ ഭാ​വ​വും സ്വ​ഭാ​വ​വും. അ​വി​ടെ​യാ​ണ് സി.​ആ​ർ. രാ​ജ​ഗോ​പാ​ല​ന്റെ ഷാ​മ​നും പാ​ക്ക​നാ​രും ക​ണ്ടു​മു​ട്ടു​ന്ന​ത്.

ഫോ​ക് ലോ​റി​ന്റെ​യ​ല്ല, സി.​ആ​റി​ന്റെ പ​ഠ​ന​ങ്ങ​ളു​ടെ രീ​തി​പ​ദ്ധ​തി ന​ര​വം​ശ​ശാ​സ്ത്ര​പ​ര​മാ​ണ്. ഒ​രു​പ​ക്ഷേ കൊ​ളോ​ണി​യ​ൽ ജ്ഞാ​ന​ശാ​ഖ​ക​ളി​ൽ ഏ​റ്റ​വും വി​മ​ർ​ശി​ക്ക​പ്പെ​ട്ട​തും ഇ​ന്നും സം​ശ​യ​ത്തോ​ടെ അ​ധി​നി​വി​ഷ്ട​സ​മൂ​ഹ​ങ്ങ​ളും കു​റ്റ​ബോ​ധ​ത്തോ​ടെ വെ​ളു​ത്ത​വ​രും നോ​ക്കു​ന്ന​തു​മാ​യ മേ​ഖ​ല (അ​ക്കാ​ര​ണം​കൊ​ണ്ടു​ത​ന്നെ സ്വ​ത​ന്ത്ര ഇ​ന്ത്യ​യി​ൽ ന​ര​വം​ശ​ ശാ​സ്ത്ര​പ​ഠ​ന​മ​ല്ല, സോ​ഷ്യോ​ള​ജി​യാ​ണ് സ്വീ​ക​രി​ക്ക​പ്പെ​ട്ട​ത്). സി.​ആ​ർ. രാ​ജ​ഗോ​പാ​ല​ൻ നി​ൽ​ക്കു​ന്ന​ത് കൊ​ളോ​ണി​യ​ൽ ന​ര​വം​ശ​പ​ഠ​ന​ങ്ങ​ളു​ടെ എ​തി​ർ​സ്ഥാ​ന​ത്താ​ണ്. ന​ര​വം​ശ​ ശാ​സ്ത്ര​പ​ദ്ധ​തി​യെ വി​മ​ർ​ശി​ക്കാ​തെ ഫോ​ക് ലോ​റി​നെ അ​പ​കോ​ള​നീ​ക​രി​ക്കാ​നാ​വി​ല്ല എ​ന്ന തി​രി​ച്ച​റി​വു​ണ്ട​തി​ൽ.

കേ​ര​ളീ​യ നാ​ട​ക​വേ​ദി​ക​ളി​ലെ പൊ​യ്മു​ഖ​ങ്ങ​ളെ​ക്കു​റി​ച്ചു​ള്ള സി.​ആ​ർ. രാ​ജ​ഗോ​പാ​ല​ന്റെ ഗ​വേ​ഷ​ണ​ കൃ​തി​ (കാ​ല​മി​ല്ലാ​ കോ​ല​ങ്ങ​ൾ: മു​ഖാ​വ​ര​ണ​ങ്ങ​ളും അ​ര​ങ്ങും) തന്നെ ന​ര​വം​ശ​പ​ര​മാ​യ പ​ഠ​ന​മാ​ണ്. തെ​യ്യം, കു​മ്മാ​ട്ടി, പൂ​ത​ൻ​ക​ളി, പ​ട​യ​ണി, കൃ​ഷ്ണ​നാ​ട്ടം, ആ​ധു​നി​ക​ നാ​ട​ക​വേ​ദി എ​ന്നി​ങ്ങ​നെ വ്യ​ത്യ​സ്ത അ​ര​ങ്ങു​ക​ളെ ആ​സ്പ​ദ​മാ​ക്കി​യാ​ണ് പ​ഠ​നം. കൃ​ഷ്ണ​നാ​ട്ട​വും മ​റ്റ് അ​നു​ഷ്ഠാ​ന അ​ര​ങ്ങു​ക​ളും ത​മ്മി​ലു​ള്ള ഭേ​ദം വ്യ​ക്ത​മാ​ക്കു​മ്പോ​ൾ​ത്ത​ന്നെ പ​രി​ണാ​മ​ത്തി​ന്റെ ഏ​റ്റ​ക്ര​മ​ത്തി​ല​ല്ല തി​ര​ശ്ചീ​ന​ത​ല​ത്തി​ലാ​ണ് ഇ​വ​യെ പ​ഠി​ക്കു​ന്ന​ത്. പൊ​യ്മു​ഖ​ങ്ങ​ൾ അ​പ​രി​ഷ്കൃ​ത​രീ​തി​യാ​ണെ​ന്നും ‘‘മ​ര​മോ​ന്ത​വെ​ച്ച വേ​ഷ​ത്തി​ന്റെ മു​ഖ​ത്ത് ര​സാ​ഭി​ന​യം മ​ര​വി​ച്ചു നി​ൽ​ക്കു’’​മെ​ന്നു​മൊ​ക്കെ​യു​ള്ള പ്രൗ​ഢ​ക​ലാ​വാ​ദി​ക​ളു​ടെ ആ​ക്ഷേ​പ​ത്തെ ഖ​ണ്ഡി​ച്ച് ന​ര​വം​ശ​പ​ര​വും ക​ലാ​സ്വാ​ദ​ന​പ​ര​വു​മാ​യ അ​തി​ന്റെ സാം​ഗ​ത്യം വ്യ​ക്ത​മാ​ക്കു​ന്ന​താ​ണ് ഈ ​ഗ​വേ​ഷ​ണം. ന​ട​നശ​രീ​ര​ത്തെ​യും രം​ഗ​ത്തെ​യും മാ​യി​ക​വും അ​മാ​നു​ഷി​ക​വു​മാ​യ ക​ഥാ​പാ​ത്ര​ങ്ങ​ളി​ലേ​ക്ക്, ക​ഥാ​സ​ന്ദ​ർ​ഭ​ങ്ങ​ളി​ലേ​ക്ക് രൂ​പാ​ന്ത​ര​പ്പെ​ടു​ത്താ​ൻ (metamorphosis) മു​ഖാ​വ​ര​ണ​ങ്ങ​ൾ​ക്കും മു​ഖ​ത്തെ​ഴു​ത്തി​നു​മു​ള്ള ക​ഴി​വി​നെ പ​ല ലേ​ഖ​ന​ങ്ങ​ളി​ലും വി​ശ​ദീ​ക​രി​ക്കു​ന്നു​ണ്ട്. ‘ആ​ട്ട​ത്തി​ന്റെ ന​ര​വം​ശ​ ശാ​സ്ത്രം/​എ​ട​ക്ക​ൽ ഗു​ഹാ​ചി​ത്ര​ങ്ങ​ളി​ൽ​നി​ന്ന് ന​ര​വം​ശോ​ത്സ​വ​ങ്ങ​ളി​ലേ​ക്ക്’ ആ​ണ് സി. ​ആ​റി​ന്റെ ശ്ര​ദ്ധേ​യ​മാ​യ മ​റ്റൊ​രു ന​ര​വം​ശ​ ശാ​സ്ത്ര​പ​ഠ​നം. അ​തു​പോ​ലെ​ത​ന്നെ ആ​ദി​പ്ര​രൂ​പ (archetypal) പ​ഠ​ന​ത്തി​ന്റെ​യും ഫ്രോ​യി​ഡി​യ​ൻ മ​നോ​വി​ശ​ക​ല​ന​ത്തി​ന്റെ​യും യാ​ന്ത്രി​ക​ത​യി​ൽ​നി​ന്ന് മാ​റി​നി​ൽ​ക്കു​ന്ന ന​ര​വം​ശ/​മ​നഃ​ശാ​സ്ത്ര അ​ന്വേ​ഷ​ണ​ങ്ങ​ളാ​ണ് ‘പൂ​ത​പ്പാ​ട്ടി’​ന്റെ​യും ‘സ​ഹ്യ​ന്റെ മ​ക​ന്റെ’​യും പ​ഠ​ന​ങ്ങ​ൾ.


പ​രി​സ്ഥി​തി​ ന​ര​വം​ശ​ശാ​സ്ത്ര​പ​ര​മാ​യ (ecological anthropology) ചി​ന്ത സി.ആ​റി​ന്റെ എ​ല്ലാ എ​ഴു​ത്തു​ക​ളി​ലും കാ​ണാ​നാ​കും. ഒ​രേ​പോ​ലെ ന​വാ​ജോ റെ​ഡ് ഇ​ന്ത്യ​രി​ലേ​ക്കും ആ​സ്ട്രേ​ലി​യ​യി​ലെ​യും മെ​ല​നേ​ഷ്യ​യി​ലെ​യും പോ​ളി​നേ​ഷ്യ​യി​ലെയും സ​മു​ദ്ര​സ​ഞ്ചാ​രി​ക​ളാ​യ ഗോ​ത്ര​ജ​ന​ത​ക​ളി​ലേ​ക്കും വ​യ​നാ​ട്ടി​ലെ കു​റി​ച്യ​രി​ലേ​ക്കും ആ​ഫ്രി​ക്ക​യി​ലെ പെ​റോ, യാ​രൂ​ബ അ​മേ​രി​ക്ക​യി​ലെ യാ​നോ​മാ​മി ഗോ​ത്ര​ങ്ങ​ളി​ലേ​ക്കും ഒ​ക്കെ വി​വ​ര​ണ​ങ്ങ​ൾ നീ​ങ്ങും. മാ​യ​ൻ സം​സ്കാ​ര​ത്തെ​ക്കു​റി​ച്ച് പ​റ​ഞ്ഞു​വ​രു​മ്പോ​ൾ പെ​ട്ടെ​ന്നാ​കും വ​യ​നാ​ട്ടി​ലെ എ​ട​ക്ക​ലി​ലേ​ക്കും മ​ധ്യ ബ്ര​സീ​ലി​ലെ ചി​ത്ര​ങ്ങ​ളി​ലേ​ക്കും തെ​യ്യ​ത്തി​ന്റെ അ​ല​ങ്കാ​ര​ത്തി​ലേ​ക്കു​മൊ​ക്കെ ക​ട​ക്കു​ക. പ​ട​യ​ണി​യെ​ക്കു​റി​ച്ച് പ​റ​യു​മ്പോ​ൾ തെ​യ്യ​ത്തി​ലേ​ക്കും കൂ​ടി​യാ​ട്ട​ത്തി​ലേ​ക്കും മു​ടി​യേ​റ്റി​ലേ​ക്കും ഒ​ക്കെ പ​ട​രു​ന്നു. അ​വി​ടെ​നി​ന്ന് നേ​രെ മാ​വോ​രി​യി​ലേ​ക്കും ന​വാ​ജോ​യി​ലേ​ക്കും ചെ​ന്നാ​ണ് തി​രി​ച്ചു​വ​രു​ക; തി​രി​ച്ചു​വ​ന്നെ​ന്നും വ​രി​ല്ല. ഇ​ത്ത​ര​ത്തി​ൽ പ​ട​ർ​ച്ച​യി​ല്ലാ​ത്ത എ​ഴു​ത്ത് ഒ​രു​പ​ക്ഷേ സി.​ആ​ർ എ​ഴു​തി​ക്കാ​ണി​ല്ല. ന​ര​വം​ശ​പ​ഠ​ന​ത്തി​​ന്റേ​തി​ന​പ്പു​റം ഇ​തി​നൊ​രു റൈ​സോ​മാ​റ്റി​ക് സ്വ​ഭാ​വ​മു​ണ്ട്. സി.​ആ​ർ. രാ​ജ​ഗോ​പാ​ല​ന്റെ ഭാ​ഷാ​രീ​തി​യും അ​ങ്ങ​നെ​ത​ന്നെ​യാ​ണ്. അ​ത് രേ​ഖീ​യ​മാ​യ​ല്ല നീ​ങ്ങു​ന്ന​ത്.

പ്ര​തി​രോ​ധ​പാ​ഠ​ത്തി​ലൂ​ന്നി​യാ​ണ് സി.​ആ​ർ. രാ​ജ​ഗോ​പാ​ല​ൻ നാ​ട്ട​റി​വി​നെ മ​ന​സ്സി​ലാ​ക്കു​ന്ന​ത്. ഏ​തു കാ​ല​ത്തെ​യും അ​ഭി​ജാ​ത/​ഔ​ദ്യോ​ഗി​ക സം​സ്കാ​ര​ത്തി​ന് എ​തി​രു​നി​ൽ​ക്കു​ന്ന ആ​ഖ്യാ​ന​ങ്ങ​ളാ​ണ് നാ​ടോ​ടി​ജീ​വി​തം ഉ​ൽ​പാ​ദി​പ്പി​ക്കു​ന്ന​ത്. അ​വ​യെ അ​ദ്ദേ​ഹം വി​ളി​ക്കു​ന്ന​ത് അ​രി​കു​സ​ത്യ​ങ്ങ​ൾ എ​ന്നാ​ണ്. മി​ഷേ​ൽ ഫൂ​ക്കോ​യു​ടെ അ​ഭി​പ്രാ​യ​ത്തി​ൽ പ്രാ​ദേ​ശി​ക​വും അ​വ്യ​വ​സ്ഥി​ത​വു​മാ​യ കീ​ഴ​ട​ക്ക​പ്പെ​ട്ട അ​റി​വി​ന്റെ (subjugated knowledge) ക​ട​ന്നു​വ​ര​വാ​ണ് അ​റു​പ​തു​ക​ൾ​ക്കു​ശേ​ഷ​മു​ണ്ടാ​യ വി​മ​ർ​ശ​ന​ധാ​ര​യു​ടെ സ​ന്ദ​ർ​ഭം. അ​രി​കു​സ​മൂ​ഹ​ത്തി​ന്റെ പ്ര​തി​രോ​ധ​പ​ര​മാ​യ നി​ല​നി​ൽ​പി​ന്റെ നി​ർ​മി​തി​ക​ളാ​ണ് ഓ​രോ പാ​ട്ടും ക​ലാ​രൂ​പ​വും എ​ന്ന് സി.​ആ​ർ പ​റ​യു​ന്നു​ണ്ട്.

ന​വ​മാ​ധ്യ​മ​ങ്ങ​ളു​ടെ ഘ​ട്ട​ത്തെ സി.​ആ​ർ. രാ​ജ​ഗോ​പാ​ല​ൻ കാ​ണു​ന്ന​ത് കാ​തോ​ര​സം​സ്കാ​ര​ത്തി​ന്റെ​യും വാ​മൊ​ഴി​യു​ടെ​യും ര​ണ്ടാം വ​ര​വാ​യാ​ണ്. നാ​ടോ​ടി സം​സ്കാ​രം പ​ഴ​മ​യു​ടെ പ്ര​തീ​ക​മാ​യി കാ​ഴ്ച​ബം​ഗ്ലാ​വു​ക​ളി​ലെ പ്ര​ദ​ർ​ശ​ന​വ​സ്തു​വാ​യി മാ​റു​ന്ന​ത​ല്ലെ​ന്നും നാ​ഗ​രി​ക-​ന​വ​മാ​ധ്യ​മ കേ​ന്ദ്രീ​കൃ​ത സ​മൂ​ഹ​ത്തി​ലും നാ​ടോ​ടി സം​സ്കാ​ര​ത്തി​ന്റെ അ​ടി​സ്ഥാ​ന​ചോ​ദ​ന​ക​ൾ നി​ല​നി​ൽ​ക്കു​ന്നു​വെ​ന്നും ‘ന​വ​മാ​ധ്യ​മ​ങ്ങ​ളി​ലെ നാ​ടോ​ടി​ത്തം’ എ​ന്ന ലേ​ഖ​നം (മാ​തൃഭൂമി, ജൂ​ൈ​ല 12, 2015) വ്യ​ക്ത​മാ​ക്കു​ന്നു. നാ​ട്ട​റി​വി​ന്റെ സ്വ​ഭാ​വ​മാ​യ അ​റി​വി​ന്റെ തു​റ​വി​യും പ​ങ്കാ​ളി​ത്ത​വും സൈ​ബ​റി​ട​ത്തി​നു​ണ്ട്. വൈ​വി​ധ്യ​ത്തി​ന്റെ ഉ​ത്സ​വ​ങ്ങ​ൾ സാ​ധ്യ​മാ​കു​ന്ന, മാ​ന​ക​സം​സ്കാ​ര​വും അ​റി​വി​ന്റെ സ്ഥാ​പ​ന​വ​ത്കൃ​ത​രൂ​പ​ങ്ങ​ളും തി​ര​സ്ക​രി​ക്ക​പ്പെ​ടു​ന്ന സൈ​ബ​ർ ലോ​ക​ത്ത് ചെ​റു​ത്തു​നി​ൽ​പി​ന്റെ പു​തി​യ രൂ​പ​ങ്ങ​ൾ, സാം​സ്കാ​രി​ക​സ​ങ്ക​ര​ങ്ങ​ൾ ഉ​ണ്ടാ​യി​വ​രു​ന്ന​തും ന​വ​സാ​ങ്കേ​തി​ക​വി​ദ്യ​ക്ക​ക​ത്ത് നു​ഴ​ഞ്ഞു​ക​യ​റി നാ​ടോ​ടി​ത്തം അ​തി​ന്റെ സാ​മൂ​ഹി​ക ധ​ർ​മം നി​ർ​വ​ഹി​ച്ചു​കൊ​ണ്ടി​രി​ക്കു​ന്ന​തും അ​ദ്ദേ​ഹം എ​ഴു​തു​ന്നു.

അ​നു​ഭ​വ​ ച​രി​ത്ര​ദ​ർ​ശ​നം

കേ​ര​ളീ​യ​ത​യു​ടെ നാ​ട്ട​റി​വി​ന്റെ ഒ​ന്നാം ല​ക്കം തു​ട​ങ്ങു​ന്ന​ത് ‘മ​ണ്ണു​ക്കാ​ര​ൻ സം​സാ​രി​ക്കു​ന്നു’ എ​ന്ന ശ​ബ്ദ​രേ​ഖ​യോ​ടെ​യാ​ണ്. നാ​ട്ട​റി​വു​ക​ൾ സ്വ​യം സം​സാ​രി​ക്ക​ട്ടെ എ​ന്ന​താ​യി​രു​ന്നു ഉ​ദ്ദേ​ശ്യം. ആ​വേ​ദ​ക​രും അ​വ​യെ വി​ശ​ക​ല​നം ചെ​യ്യു​ന്ന ഇ​ട​നി​ല​ക്കാ​രും ഇ​ല്ലാ​താ​കു​ന്ന ആ​ദ​ർ​ശ​മാ​ണ് ഈ ​ജേ​ണ​ലി​നു​ണ്ടാ​യി​രു​ന്ന​ത്. നാ​ട്ട​റി​വി​ന്റെ സ​ജീ​വ​വാ​ഹ​ക​ർ അ​ങ്ങ​നെ നേ​രി​ട്ട് ത​നി​മൊ​ഴി​യി​ൽ അ​റി​വും വീ​ക്ഷ​ണ​വും പ​ങ്കു​വെ​ക്കു​ന്ന സ്വ​ജ​ന​ഗ​വേ​ഷ​ക​രാ​യി (autoethnographers) മാ​റു​ന്നു. ഡി.​സി ബു​ക്സ് പ്ര​സി​ദ്ധീ​ക​രി​ച്ച നാ​ട്ട​റി​വു​ക​ൾ സീ​രീ​സി​ന്റെ ആ​മു​ഖ​ത്തി​ൽ അ​ദ്ദേ​ഹം നാ​ട്ട​റി​വി​ന്റെ രീ​തി​ശാ​സ്ത്ര​ത്തെ​ക്കു​റി​ച്ച് പ​റ​ഞ്ഞ​ശേ​ഷം ഇ​ങ്ങ​നെ എ​ഴു​തി: “അ​റി​വു​ക​ൾ പ​റ​ഞ്ഞു​ത​രു​ന്ന​വ​രെ പാ​ര​മ്പ​ര്യ​ ശാ​സ്ത്രീ​യ​ ഗ​വേ​ഷ​ക​രെ​ന്നും ജ​ന​ത​തി​ ഗ​വേ​ഷ​ക​രെ​ന്നും വി​ശേ​ഷി​പ്പി​ക്കാം. പാ​ര​മ്പ​ര്യ അ​റി​വു​ക​ൾ പ്ര​സി​ദ്ധീ​ക​രി​ക്കു​മ്പോ​ൾ ഇ​വ​ർ​ക്ക് പ്രാ​ധാ​ന്യം ന​ൽ​ക​ണം. കാ​ര​ണ​വ​ക്കൂ​ട്ട​ത്തി​ന്റെ പേ​രി​ലാ​ണ് ഈ ​അ​റി​വു​ക​ൾ ര​ജി​സ്റ്റ​ർ ചെ​യ്യു​ന്ന​ത്. പ്ര​ഫ​ഷ​ന​ൽ ഗ​വേ​ഷ​ക​ർ​ക്ക് ഇ​തി​ൽ മൂ​ക​മാ​യ പ​ങ്കേ ഉ​ള്ളൂ. സ​മൂ​ഹ​ത്തി​ന്റെ ഏ​തു​ത​ല​ത്തി​ൽ​പെ​ട്ട ആ​ൾ​ക്കും നാ​ട്ട​റി​വു​ക​ൾ ഇ​ങ്ങ​നെ ശേ​ഖ​രി​ക്കാം. നാ​ട്ട​റി​വി​ൽ പ​ടി​ഞ്ഞാ​റ​ൻ ശാ​സ്ത്ര​ത്തി​ൽ​നി​ന്നു വ്യ​ത്യ​സ്ത​മാ​യ സ്വ​ന്തം വ​ർ​ഗീ​ക​ര​ണ​ത​ത്ത്വ​ങ്ങ​ളു​ണ്ട്. പ്ര​കൃ​തി​യെ​പ്പ​റ്റി​യു​ള്ള യു​ക്തി​നി​ഷ്ഠ നി​രീ​ക്ഷ​ണ​മു​ണ്ട്. പ​രി​സ്ഥി​തി​ക്ക് കോ​ട്ടം​ത​ട്ടാ​ത്ത​തും സു​സ്ഥി​ര​വു​മാ​യ വി​ക​സ​ന​ത​ന്ത്ര​ങ്ങ​ളു​ണ്ട്. പ്ര​കൃ​തി​വി​ഭ​വ​ങ്ങ​ളെ വി​ദ​ഗ്ധ​മാ​യു​പ​യോ​ഗി​ക്കു​ന്ന പ്ര​യോ​ഗ​വ​ഴ​ക്ക​ങ്ങ​ളു​ണ്ട്. നാ​ട്ടു​സാ​ങ്കേ​തി​ക​വി​ദ്യ​യി​ലൂ​ടെ വി​ഭ​വ​ത്തെ​യും വൈ​ഭ​വ​ത്തെ​യും അ​വ​ർ ഒ​ന്നി​പ്പി​ക്കു​ന്നു.” ‘കാ​ഞ്ഞ​ൻ പൂ​ശാ​രി സം​സാ​രി​ക്കു​ന്നു’, ‘ബൊ​മ്മി​യ​മ്മ​യും അ​ന​സി​യും സം​സാ​രി​ക്കു​ന്നു’ തു​ട​ങ്ങി കേ​ര​ളീ​യ​ത​യു​ടെ നാ​ട്ട​റി​വ് നാ​ട്ടു​ഭാ​ഷ​ണ​ങ്ങ​ൾ​കൊ​ണ്ട് നി​റ​ഞ്ഞി​രു​ന്നു.

അ​നു​ഭ​വാ​ത്മ​ക​മാ​കാ​നാ​ണ് സി.​ആ​ർ. രാ​ജ​ഗോ​പാ​ല​ൻ എ​ഴു​ത്തു​ക​ളി​ൽ ശ്ര​മി​ച്ച​ത്. കൊ​ളോ​ണി​യ​ൽ ഫോ​ക് ലോ​റി​സ്റ്റി​ക്സി​ൽ ആ​ണ്ടു​മു​ങ്ങി​യ ‘വ​സ്തു’​നി​ഷ്ഠ​വും നി​ർ​വി​കാ​ര​വു​മാ​യ നോ​ട്ടം അ​ദ്ദേ​ഹ​ത്തി​നു വ​ശ​മി​ല്ലാ​യി​രു​ന്നു. അ​ക്കാ​ദ​മി​ക വ​രേ​ണ്യ​വാ​ദ​ത്തി​ൽ​നി​ന്നു വി​ട്ടു​നി​ന്ന​തി​നാ​ൽ​ത്ത​ന്നെ അ​ക്കാ​ദ​മി​ക​ർ​ക്ക് പ​ല​പ്പോ​ഴും അ​സ്വീ​കാ​ര്യ​നു​മാ​യി. നാ​ട്ട​റി​വു​ക​ൾ സീ​രീ​സി​ലെ അ​ദ്ദേ​ഹ​ത്തി​ന്റെ പ​ല എ​ഴു​ത്തു​ക​ളും അ​റി​വ​നു​ഭ​വ​ങ്ങ​ളാ​യി​രു​ന്നു; ചി​ല​വ കാ​തോ​ര അ​നു​ഭ​വ​ങ്ങ​ളും. “അ​ക്കാ​ദ​മി​ക് ശൈ​ലി​ക്കു പ​ക​രം നാ​ടോ​ടി അ​നു​ഭ​വ​ത്തി​ന്റെ ആ​ത്മ​നി​ഷ്ഠ​മാ​യ ഭാ​ഷ​യും പ്ര​തീ​ക​ങ്ങ​ളു​മാ​ണ് ഈ ​പ​ഠ​ന​ത്തി​ൽ സ്വീ​ക​രി​ച്ചി​ട്ടു​ള്ള​ത്” എ​ന്ന് ‘കാ​വേ​റ്റം’ എ​ന്ന ലേ​ഖ​നസ​മാ​ഹാ​ര​ത്തി​ന്റെ ആ​മു​ഖ​ത്തി​ൽ അ​ദ്ദേ​ഹം പ​റ​യു​ന്നു.

അ​ബ്രാ​ഹ്മ​ണി​ക ലോ​ക​ത്തി​ന്റെ കാ​ൽ​പ​നി​ക​വും തി​ര​ശ്ചീ​ന​വു​മാ​യ ഒ​രു വി​ന്യാ​സ​മാ​ണ് സി.​ആ​ർ. രാ​ജ​ഗോ​പാ​ല​ന്റെ സ​ങ്ക​ൽ​പ​ത്തി​ലു​ള്ള​ത്. ഫ്യൂ​ഡ​ൽ-​ജാ​തി​വ്യ​വ​സ്ഥ​യാ​ണ് ഗ്രാ​മീ​ണ​ജ്ഞാ​ന​സ​മ്പ്ര​ദാ​യ​ത്തെ മാ​റ്റി​യ​തെ​ന്നു പ​റ​യു​മ്പോ​ൾ അ​തി​നും മു​മ്പു​ള്ള ഒ​രു മാ​വേ​ലി​നാ​ടാ​ണ് അ​ദ്ദേ​ഹ​ത്തി​ൽ. അ​തി​നാ​ൽ​ത്ത​ന്നെ​യാ​കാം തീ​വ്ര​മാ​യ ന​ഷ്ട​ബോ​ധ​ത്തി​ൽ ആ​കു​ല​പ്പെ​ടു​മ്പോ​ഴും ഫ്യൂ​ഡ​ൽ ഗൃ​ഹാ​തു​ര​ത ആ ​എ​ഴു​ത്തു​ക​ളി​ൽ കാ​ണാ​ത്ത​ത്. അ​വ ആ​ദി​സ്മൃ​തി​ക​ളാ​ണ്. മ​ല​യാ​ളി എ​ന്ന സ്വ​ത്വ​ത്തെ ഈ ​ആ​ദ​ർ​ശ​ലോ​ക​ത്താ​ണ് ന​മ്മ​ൾ ക​ണ്ടു​മു​ട്ടു​ക സി.​ആ​റി​ന്റെ എ​ഴു​ത്തു​ക​ളി​ൽ. ന​ഷ്ട​ബോ​ധ​മ​ല്ല, ഭാ​വി​യെ​ക്കു​റി​ച്ചു​ള്ള ആ​ശ​ങ്ക​ക​ളാ​ണ് അ​വ​യെ തീ​വ്ര​മാ​ക്കു​ന്ന​ത്. “മ​ല​യാ​ളി​യു​ടെ അ​വ്യ​ക്ത​മാ​യ ച​രി​ത്ര​ബോ​ധ​ങ്ങ​ളെ കൂ​ട്ടി​യി​ണ​ക്കു​ന്ന ച​ങ്ങ​ല​യാ​ണ് ഓ​ണ​മി​ത്തു​ക​ൾ” എ​ന്നും “മ​ണ്ണി​ലേ​ക്ക് ച​വി​ട്ടി​ത്താ​ഴ്ത്തു​ക​യും വ​ർ​ഷ​ത്തി​ലൊ​രി​ക്ക​ൽ മു​ള​പൊ​ട്ടു​ക​യും ചെ​യ്യു​ന്ന വി​ത്തി​ന്റെ ത​ത്ത്വം” അ​വ​യി​ലു​ണ്ട് എ​ന്നും നി​രീ​ക്ഷി​ക്കു​ന്നു അ​ദ്ദേ​ഹം. മാ​വേ​ലി​ക്ക​ഥ​യു​ടെ അ​പ​മി​ത്തീ​ക​ര​ണം ഗ്ര​സ്ത​ച​രി​ത്ര​ത്തി​ന്റെ വീ​ണ്ടെ​ടു​പ്പി​ൽ സു​പ്ര​ധാ​ന​മാ​യ ഘ​ട്ട​മാ​യി അ​ദ്ദേ​ഹം ക​രു​തി. അ​തി​നാ​യി കാ​ട്ടു-​നാ​ട്ടു​ ജ​ന​ത​ക​ളു​ടെ സ​മൂ​ഹ​സ്മൃ​തി​ക​ളി​ൽ ‘മ​ങ്ങി​യൊ​തു​ങ്ങി​യി​രി’​ക്കു​ന്ന വൈ​വി​ധ്യ​മാ​ർ​ന്ന മാ​വേ​ലി​പു​രാ​വൃ​ത്ത​ങ്ങ​ൾ അ​ദ്ദേ​ഹം ശേ​ഖ​രി​ക്കു​ക​യും ശേ​ഖ​രി​ക്കാ​ൻ പ്രേ​രി​പ്പി​ക്കു​ക​യും ചെ​യ്തു. മ​ണ്ണും അ​ധി​നി​വേ​ശ​വും വീ​ണ്ടെ​ടു​പ്പും ഒ​ക്കെ​യാ​ണ് ഇ​വ​യി​ലെ ക​ഥ​നാം​ശ​ങ്ങ​ളും മോ​ട്ടി​ഫു​ക​ളും ആ​വി​ഷ്ക​രി​ക്കു​ന്ന​ത് എ​ന്ന് അ​ദ്ദേ​ഹം വ്യ​ക്ത​മാ​ക്കു​ന്നു. മാ​വേ​ലി​യോ​ണം മു​ട​ക്കു​ന്ന വാ​മ​ന​ന് തു​ട​ർ​ച്ച​യു​ണ്ട്. അ​തു​ത​ന്നെ​യാ​ണ് അ​തി​ന്റെ പ്ര​സ​ക്തി​യും.

വ​ർ​ത്ത​മാ​ന​വും ഭൂ​ത​വും ത​മ്മി​ലു​ള്ള നി​ല​ക്കാ​ത്ത സം​വാ​ദം എ​ന്ന നി​ർ​വ​ച​നം ഫോ​ക് ലോ​റി​നും യോ​ജി​ക്കു​ന്നു​വെ​ന്നും മ​ണ്ണി​ന്റെ യ​ഥാ​ർ​ഥ അ​വ​കാ​ശി​ക​ളെ​ക്കു​റി​ക്കു​ന്ന ച​രി​ത്ര​സൂ​ചി​ത​ങ്ങ​ൾ ഓ​രോ നാ​ട്ടു​മി​ത്തി​ലും അ​ട​യാ​ള​പ്പെ​ടു​ത്തി​യി​ട്ടു​ണ്ട് എ​ന്നും സി.​ആ​ർ. രാ​ജ​ഗോ​പാ​ല​ൻ നി​രീ​ക്ഷി​ക്കു​ന്നു. വ​ട​മ​യി​ൽ കാ​ർ​ത്യാ​യ​നി​യ​മ്മ പ​റ​ഞ്ഞു​ത​ന്ന മ​ണ്ണാ​ർ​മ​ണി​ഞ​ണ്ടും മ​ണ്ണാ​ർ​മ​ണി​ത്തു​മ്പി​യും മ​ണ്ണു​കൂ​ട്ടി​വെ​ച്ചു കേ​ര​ളം നി​ർ​മി​ച്ച ക​ഥ കീ​ഴാ​ള​രു​ടെ അ​ധ്വാ​ന​ത്തി​ന്റെ ച​രി​ത്ര​മു​ൾ​ക്കൊ​ള്ളു​ന്ന​താ​ണ്. വ​യ​നാ​ട്ടി​ലെ മു​ള്ളു​ക്കു​റു​മ​രു​ടെ ഉ​ൽ​പ​ത്തി​ ച​രി​ത്ര​ത്തി​ലാ​ക​ട്ടെ മ​ണ്ണി​നു​വേ​ണ്ടി​യു​ള്ള അ​ഭി​വാ​ഞ്ഛ​യു​ടെ രാ​ഷ്ട്രീ​യ​മാ​ണു​ള്ള​ത്. പ​റ​മ്പി​ക്കു​ള​ത്തെ കാ​ട​രു​ടെ ക​ഥ​യി​ൽ, മ​നു​ഷ്യ​രും മ​റ്റു മൃ​ഗ​ങ്ങ​ളും ബ​ന്ധു​ക്ക​ളാ​യി​രു​ന്ന അ​വ​സ്ഥ മാ​റു​ന്ന​ത് മ​നു​ഷ്യ​ന്റെ ആ​ർ​ത്തി കാ​ര​ണ​മാ​ണ്. ലോ​ക​മൊ​ട്ടാ​കെ​യു​ള്ള അ​രി​കു​സ​മൂ​ഹ​ങ്ങ​ൾ ഈ ​ആ​ഖ്യാ​ന​ങ്ങ​ളി​ൽ പ​ര​സ്പ​രം ക​ണ്ണി​ചേ​രു​ന്നു. അ​വ അ​ധി​നി​വേ​ശ​ത്തി​ന്റെ​യും പ്ര​തി​രോ​ധ​ത്തി​ന്റെ​യും വ്യ​വ​ഹാ​ര​ശേ​ഷി​പ്പു​ക​ളും ഉ​ൾ​ക്കൊ​ള്ളു​ന്നു​ണ്ട്. വെ​ളു​മ്പ​ൻ പു​രാ​വൃ​ത്ത​ങ്ങ​ളെ (white mythologies) പ്ര​തി​രോ​ധി​ച്ചു​കൊ​ണ്ടി​രി​ക്കു​ന്നു​വെ​ന്ന​താ​ണ് നാ​ട്ടു​ഭാ​വ​ന​യു​ടെ എ​തി​രാ​ഖ്യാ​ന​ങ്ങ​ളാ​യ ക​റു​ത്ത മി​ത്തു​ക​ളു​ടെ സ​മ​കാ​ലി​ക പ്ര​സ​ക്തി​യും രാ​ഷ്ട്രീ​യ​വും എ​ന്ന് സി.​ആ​ർ ഊ​ന്നി​പ്പ​റ​യു​ന്നു. മ്യൂ​സി​യ​ത്തി​ലെ​ടു​ത്തു​വെ​ക്ക​പ്പെ​ടാ​ത്ത ച​രി​ത്ര​മാ​ണ​ത്. “ഏ​ക​ല​വ്യ​ന്മാ​ർ ന​ട്ടു​വ​ള​ർ​ത്തി​യ വി​ര​ൽ​വൃ​ക്ഷ​ങ്ങ​ൾ” എ​ന്ന് ‘ഗോ​ത്രം’ എ​ന്ന ക​വി​ത​യി​ൽ നാ​ട്ടു​ച​രി​ത്ര​ത്തെ വി​ശേ​ഷി​പ്പി​ക്കു​ന്നു​ണ്ട് അ​ദ്ദേ​ഹം.


സ​ർ​വേ​ക​ൾ, പൈ​തൃ​ക​ഭൂ​പ​ടം, അ​ഭി​മു​ഖ​ങ്ങ​ൾ, പ​ങ്കാ​ളി​ത്ത​നി​രീ​ക്ഷ​ണം തു​ട​ങ്ങി വാ​മൊ​ഴി​ച​രി​ത്ര​ത്തി​നു​ള്ള കൃ​ത്യ​മാ​യ രീ​തി​ശാ​സ്ത്ര​ പ​ദ്ധ​തി​ക​ൾ അ​ദ്ദേ​ഹം അ​വ​ത​രി​പ്പി​ക്കു​ക​യു​ണ്ടാ​യി. എ​ന്നാ​ൽ, “ജ​ന​ങ്ങ​ൾ സം​സ്കാ​ര​ത്തെ നി​ർ​ണ​യി​ക്കു​ന്ന​തെ​ങ്ങ​നെ​യെ​ന്നു ക​ണ്ടെ​ത്താ​ൻ ഔ​ദ്യോ​ഗി​ക​മാ​യ ച​രി​ത്ര​ബോ​ധ​ത്തി​ൽ​നി​ന്ന് നി​ർ​മു​ക്ത​മാ​ക​ണം” എ​ന്ന് അ​ദ്ദേ​ഹം നി​ർ​ദേ​ശി​ക്കു​ന്നു. ഘ​ട​നാ​ത്മ​ക​വി​ശ​ക​ല​ന​ത്തി​ലൂ​ടെ, ആ​ന്ത​രി​കാ​ർ​ഥ​ങ്ങ​ളു​ടെ ആ​രോ​പ​ണ​ങ്ങ​ളി​ലൂ​ടെ ച​രി​ത്ര​ത്തെ നി​ർ​ണ​യി​ക്കാ​ന​ല്ല, പ്ര​ത്യ​ക്ഷ​മാ​യ വ്യ​വ​ഹാ​ര​ശേ​ഷി​പ്പു​ക​ളെ ചേ​ർ​ത്തു​വെ​ച്ച് വി​വ​രി​ക്കാ​നാ​ണ് സി.​ആ​ർ ശ്ര​മി​ച്ച​ത്. ആ​ഖ്യാ​ന​ങ്ങ​ളു​ടെ പ​ല​മ​യെ ത​ട​ഞ്ഞ് ഏ​ക​പാ​ഠ​ത്തെ രൂ​പ​പ്പെ​ടു​ത്താ​നോ യു​ക്തി​മ​ത്ക​രി​ക്കാ​നോ ശ്ര​മി​ച്ചു​മി​ല്ല.

അ​ര​ങ്ങും അ​നു​ഷ്ഠാ​ന​വും

1987ലാ​ണ് സി.​ആ​ർ. രാ​ജ​ഗോ​പാ​ല​ൻ സ്കൂ​ൾ ഓ​ഫ് ഡ്രാ​മ​യി​ൽ ഗ​വേ​ഷ​ണ​ത്തി​നു ചേ​രു​ന്ന​ത്. നാ​ട്ട​ര​ങ്ങി​ന്റെ അ​നു​ഭൂ​തി​ക​ളോ​ട് ആ​ധു​നി​ക അ​ര​ങ്ങ​നു​ഭ​വ​ത്തി​ന്റെ ഈ ​ക​ല​ർ​ച്ച അ​ദ്ദേ​ഹ​ത്തി​ൽ നി​ർ​ണാ​യ​ക സ്വാ​ധീ​നം ചെ​ലു​ത്തു​ന്നു​ണ്ട്. ഫോ​ക് ലോ​റി​നെ കാ​ലി​ക​മാ​യ അ​വ​ത​ര​ണ​മാ​യി കാ​ണു​ന്ന​തി​ൽ അ​ദ്ദേ​ഹ​ത്തെ സ​ഹാ​യി​ക്കു​ന്ന​ത് ഷെ​ഹ​ന​റു​ടെ (Richard Schechner) പ്ര​ക​ട​ന​ സി​ദ്ധാ​ന്ത​മാ​ണ്. ഫോ​ക് ലോ​റി​നെ പ്ര​ക​ട​ന​സി​ദ്ധാ​ന്ത​വു​മാ​യി ബ​ന്ധി​പ്പി​ക്കു​ന്ന​തു​പോ​ലെ നാ​ട​ക​ത്തി​ൽ, സാ​ഹി​ത്യ​ത്തി​ൽ ഒ​ക്കെ അ​നു​ഷ്ഠാ​ന​പ​ര​ത​യെ ക​ണ്ടെ​ടു​ക്കാ​നും സി.​ആ​റി​നു ക​ഴി​ഞ്ഞു. അ​തി​ൽ ന​ര​വം​ശ​ ശാ​സ്ത്ര​ജ്ഞ​നാ​യ ടേ​ണ​റു​ടെ​യും (Victor Turner) നാ​ട​ക​പ്ര​വ​ർ​ത്ത​ക​നാ​യ അ​ർ​ത്തോ​യു​ടെ​യും (Antonin Artaud) പ​ങ്കു​ണ്ടെ​ങ്കി​ലും സി​ദ്ധാ​ന്ത​ങ്ങ​ളെ ഉ​ദ്ധ​രി​ക്കാ​ന​ല്ല, ത​ന്റേ​താ​യ രീ​തി​യി​ൽ ഉ​ൾ​ക്കൊ​ണ്ടു പ്ര​യോ​ഗി​ക്കാ​നാ​ണ് അ​ദ്ദേ​ഹം ശ്ര​മി​ച്ച​ത്. ഉ​പ​ക​ര​ണ​പ്രാ​യ​മാ​യ വി​മ​ർ​ശ​ന​സ​ങ്കേ​ത​ങ്ങ​ളെ ത​ള്ളി​ക്ക​ള​ഞ്ഞു. പ​ഠി​താ​വി​ന്റെ അ​പ​ര​നോ​ട്ട​മ​ല്ല, പ​ങ്കാ​ളി​യു​ടെ കാ​ഴ്ച​വ​ട്ട​മാ​യി​രു​ന്നു അ​വ​യി​ൽ. അ​ത് ക​ല​യെ, ലോ​ക​ത്തെ ഷാ​മ​നി​ക് അ​നു​ഭ​വ​മാ​യി മ​ന​സ്സി​ലാ​ക്കു​ന്ന​തി​ലേ​ക്ക് ന​യി​ച്ചു. തൃ​ശൂ​ർ നാ​ട​കോ​ത്സ​വ​ത്തി​ൽ അ​ര​ങ്ങേ​റി​യ ‘മാ​ക്ബെ​ത്ത്: ഹൂ ​ഈ​സ് ദാ​റ്റ് ബ്ല​ഡീ​ഡ് മാ​ൻ’ എ​ന്ന നാ​ട​ക​ത്തെ വി​ശ​ക​ല​നം ചെ​യ്യു​മ്പോ​ൾ (മാ​തൃഭൂമി, ഏ​പ്രി​ൽ 13, 2013) കാ​ഴ്ച ഇ​ങ്ങ​നെ പ​ല​തി​ലേ​ക്ക് പ​ട​രു​ന്നു​ണ്ട്.

വ​ര​ക​ളു​ടെ​യും വ​ർ​ണ​ങ്ങ​ളു​ടെ​യും അ​ന്വേ​ഷ​ണ​ങ്ങ​ൾ മു​ഖാ​വ​ര​ണ​ങ്ങ​ളി​ൽ​നി​ന്ന് നാ​ട്ടു​ജീ​വി​ത​സ​മ​ഗ്ര​ത​യി​ലേ​ക്ക് വ്യാ​പ​രി​ക്കു​ന്ന കാ​ഴ്ച​യു​ണ്ട് ഒ​രു​പാ​ട് ലേ​ഖ​ന​ങ്ങ​ളി​ൽ. ഫൂ​ക്കോ​ക്കു​ശേ​ഷം ശ​രീ​രം സാ​മൂ​ഹി​ക​മാ​യി നി​ർ​മി​ക്ക​പ്പെ​ട്ട പാ​ഠ​മാ​യാ​ണ് ന​മ്മ​ൾ മ​ന​സ്സി​ലാ​ക്കു​ന്ന​ത്. ബോ​ധ​പൂ​ർ​വ​വും അ​ബോ​ധ​പൂ​ർ​വ​വു​മാ​യ ച​ല​ന​ങ്ങ​ളി​ലൂ​ടെ (enacting) നി​ര​ന്ത​രം അ​ർ​ഥ​ങ്ങ​ൾ സൃ​ഷ്ടി​ക്കു​ന്ന ശ​രീ​രം ചി​ഹ്ന​ശാ​സ്ത്ര​പ​ര​മാ​യും പ​ഠി​ക്ക​പ്പെ​ട്ടു. എ​ട​ക്ക​ൽ ചി​ത്ര​ങ്ങ​ളി​ലെ ആ​ട്ട​ക്കോ​ല​ങ്ങ​ളി​ൽ​നി​ന്ന് പ്രാ​ചീ​ന​രം​ഗാ​വ​ത​ര​ണ​ത്തി​ലെ അ​നു​ഷ്ഠാ​ന​ശ​രീ​ര​ത്തെ ക​ണ്ടെ​ടു​ക്കാ​നും നൃ​ത്ത​സ്വ​ഭാ​വ​ത്തെ പു​നഃ​സൃ​ഷ്ടി​ക്കാ​നും അ​ദ്ദേ​ഹം ശ്ര​മി​ക്കു​ന്നു. പു​ലി​ക​ളി നി​ർ​മി​ക്കു​ന്ന ശ​രീ​ര​ത്തി​ന്റെ, ച​ല​ന​ങ്ങ​ളു​ടെ പ്ര​തി​സൗ​ന്ദ​ര്യ​ത്തെ​ക്കു​റി​ച്ചും അ​ദ്ദേ​ഹം എ​ഴു​തി. ശ്ര​ദ്ധേ​യ​മാ​യ മ​റ്റൊ​രു നി​രീ​ക്ഷ​ണം കൂ​ടി​യാ​ട്ട​ത്തി​ലെ പ​ക​ർ​ന്നാ​ട്ട​ത്തെ​ക്കു​റി​ച്ചു​ള്ള​താ​ണ്. അ​ഭി​ന​യം രൂ​പാ​ന്ത​ര​ണ​വും ആ​ഹാ​ര്യ​ങ്ങ​ൾ അ​തി​ന്റെ സ​ഹാ​യ​വു​മാ​യി​രി​ക്കെ പ​ക​ർ​ന്നാ​ട്ട​മെ​ന്ന സ​ങ്കേ​തം പാ​ത്ര​ശ​രീ​ര​ത്തെ​ത്ത​ന്നെ അ​സ്ഥി​ര​പ്പെ​ടു​ത്തി​ക്കൊ​ണ്ട് നാ​ട്യ​വൈ​ഭ​വ​ത്തെ ആ​വാ​ഹ​ന​മ​ന്ത്ര​വാ​ദ​ത്തി​ന്റെ അ​പൂ​ർ​വാ​നു​ഭ​വ​ത്തി​ലെ​ത്തി​ക്കു​ന്ന​താ​യി സി.​ആ​ർ. രാ​ജ​ഗോ​പാ​ല​ൻ കാ​ണു​ന്നു. ഹ​നു​മാ​ന്റെ വേ​ഷം​കെ​ട്ടി സീ​ത​യെ ആ​ടു​ന്ന​തി​ൽ അ​നൗ​ചി​ത്യ​മാ​ണ് സാ​ങ്കേ​തി​ക​നി​രൂ​പ​ക​ർ ക​ണ്ട​തെ​ങ്കി​ൽ ഇ​വി​ടെ അ​ത് സാ​ധ്യ​ത​ക​ളു​ടെ തു​റ​വി​യാ​ണ്.

ഉ​ദാ​ത്ത​സ്ഥാ​ന​ങ്ങ​ൾ സ​ഞ്ചാ​രീ​ഭ​വി​ക്കു​ന്നു

യാ​ഥാ​ർ​ഥ്യ​ത്തെ അ​തി​രു​തി​രി​ച്ച് ഉ​റ​ച്ച സം​വ​ർ​ഗ​ങ്ങ​ളി​ൽ മ​ന​സ്സി​ലാ​ക്കു​ന്ന ശാ​സ്ത്ര​യു​ക്തി​ക്കു പ​ക​രം പ​ക​ർ​ച്ച​യി​ലും തു​ട​ർ​ച്ച​യി​ലും സ​മീ​പി​ക്കു​ന്ന​താ​ണ് സി.​ആ​ർ. രാ​ജ​ഗോ​പാ​ല​ന്റെ രീ​തി. ദേ​ശി എ​ന്ന ആ​ശ​യ​ത്തെ നാ​ട്യ​സ​ങ്കേ​ത​ത്തി​ൽ​നി​ന്ന് പ്ര​യോ​ഗ​പ​ദ്ധ​തി​യാ​ക്കി മാ​റ്റു​ക​യാ​ണ് അ​ദ്ദേ​ഹം. ശു​ദ്ധ​ശാ​സ്ത്ര​ത്തി​ന്റെ സാ​ർ​വ​ത്രി​ക​ങ്ങ​ൾ (universals) സി.​ആ​ർ പി​ന്തു​ട​രു​ന്നി​ല്ല. വ്യ​ത്യ​സ്ത​ത​ക​ളു​ടെ സ​ഹ​വ​ർ​ത്തി​ത്വ​ത്തി​ലാ​ണ് ഊ​ന്ന​ൽ. “ദേ​ശാ​ഖ്യാ​ന​ങ്ങ​ളി​ൽ​നി​ന്നാ​ണ് ബൃ​ഹ​ദാ​ഖ്യാ​ന​ങ്ങ​ളു​ണ്ടാ​കു​ന്ന​ത്. എ​പ്പോ​ഴും ദേ​ശി​യാ​ണ് മാ​ർ​ഗി​യാ​കു​ന്ന​ത്” എ​ന്ന നോ​ട്ട​പ്പാ​ടാ​ണ് അ​ദ്ദേ​ഹ​ത്തി​ന്റേ​ത്. സാ​ർ​വ​ത്രി​ക​മാ​യ​തി​നെ എ​ടു​ക്കു​ക​യും സാ​ന്ദ​ർ​ഭി​ക​മാ​യ​തി​നെ നി​ര​സി​ക്കു​ക​യും ചെ​യ്യു​ന്ന ശാ​സ്ത്ര​ത്തി​ന്റെ പ​രി​മി​തി ചൂ​ണ്ടി​ക്കാ​ണി​ക്ക​പ്പെ​ട്ടി​ട്ടു​ണ്ട് ആ​ധു​നി​കാ​ന​ന്ത​ര​ ചി​ന്ത​യി​ൽ. “വി​വേ​ക​മി​ല്ലാ​ത്ത വി​ജ്ഞാ​ന​ത്തി​ന്റെ യു​ക്തി​യാ​ണ് ശാ​സ്ത്ര​ത​ന്ത്രം” (കാ​വേ​റ്റം) എ​ന്ന് സി.​ആ​ർ. രാ​ജ​ഗോ​പാ​ല​ൻ വി​ല​യി​രു​ത്തു​ന്നു. അ​റി​വി​നെ​യും സൗ​ന്ദ​ര്യ​ത്തെ​യും കീ​ഴാ​ള​വ​ത്ക​രി​ച്ചു​കൊ​ണ്ട്, ദേ​ശീ​മ​ത്ക​രി​ച്ചു​കൊ​ണ്ട് ദ​ന്ത​ഗോ​പു​ര​ങ്ങ​ളെ ഇ​ള​ക്കു​ന്ന സ​മീ​പ​ന​മാ​യി​രു​ന്നു അ​ദ്ദേ​ഹ​ത്തി​ന്റേ​ത്. നാ​ട്ട​റി​വും ശാ​സ്ത്രീ​യ​ജ്ഞാ​ന​വും ത​മ്മി​ലു​ള്ള വ്യ​ത്യാ​സ​ത്തെ വി​വ​രി​ച്ചു​കൊ​ണ്ട് നാ​ട്ട​റി​വു​ക​ളു​ടെ ആ​മു​ഖ​ത്തി​ൽ ഈ ​പു​തി​യ സ​മീ​പ​ന​ത്തെ വ്യ​ക്ത​മാ​ക്കു​ന്നു​ണ്ട്.

ശാ​സ്ത്ര​ത്തി​ന് പ​ര​സ്പ​രം വി​നി​മ​യം ചെ​യ്യു​ന്ന ര​ണ്ടു രൂ​പ​ങ്ങ​ളു​ണ്ടെ​ന്ന് ദെ​ലൂ​സും ഗ​ത്താ​റി​യും പ​റ​യു​ന്നു. പ്രൗ​ഢ​ശാ​സ്ത്രം (Major/royal/state science) അ​നി​ശ്ചി​ത​മാ​യ നാ​ടോ​ടി/​അ​രി​കു ശാ​സ്ത്ര​ത്തി​ന്റെ (nomad/minor science) ഉ​ള്ള​ട​ക്ക​ത്തെ സ്വാം​ശീ​ക​രി​ച്ച് സം​സ്ക​രി​ച്ച് ഉ​റ​പ്പി​ച്ചെ​ടു​ക്കു​മ്പോ​ൾ നാ​ടോ​ടി​ശാ​സ്ത്രം പ്രൗ​ഢ​ശാ​സ്ത്ര​ത്തി​ന്റെ ഉ​ള്ള​ട​ക്ക​ത്തെ നി​ര​ന്ത​രം അ​യ​ച്ചു​കൊ​ണ്ടി​രി​ക്കും. ഭാ​വ​നാ​ത്മ​ക​മാ​ണ്, സൃ​ഷ്ടി​പ​ര​മാ​ണ്, കൈ​വി​രു​തി​ന്റേ​താ​ണ് നാ​ടോ​ടി​ശാ​സ്ത്രം. ഫോ​ക് ക​ല​യും ശാ​സ്ത്രീ​യ​ക​ല​യും ത​മ്മി​ലും ഫോ​ക് മ​ത​വും മു​ഖ്യ​ധാ​രാ​ മ​ത​വും ത​മ്മി​ലും അ​വ​യു​ടെ മി​ത്തോ​ള​ജി​ക​ൾ ത​മ്മി​ലും ബ​ന്ധ​പ്പെ​ടു​ന്ന​തും വ്യ​ത്യാ​സ​പ്പെ​ടു​ന്ന​തും ഇ​ങ്ങ​നെ​ത​ന്നെ​യാ​ണ് എ​ന്നു​പ​റ​യാം. ശി​ൽ​പ​ക​ല, വാ​സ്തു, ആ​യു​ർ​വേ​ദം, ഗ​ണി​തം, നാ​ട്യ​ക​ല തു​ട​ങ്ങി​യ​വ​യെ സം​ബ​ന്ധി​ക്കു​ന്ന ഗ്ര​ന്ഥ​ങ്ങ​ളു​ടെ സ്രോ​ത​സ്സു​ക​ൾ നാ​ട്ട​റി​വു​ക​ളാ​ണെ​ന്നും ആ ​അ​റി​വി​നെ സ്വാം​ശീ​ക​രി​ച്ച് ഉ​യ​ർ​ന്ന/​ഉ​ണ്ടാ​ക്കി​യ ക​ല​ക​ളെ​യും സ്ഥാ​പ​ന​ങ്ങ​ളെ​യു​മാ​ണ് പൈ​തൃ​ക​മാ​യി സം​ര​ക്ഷി​ക്കു​ന്ന​തെ​ന്നും സി.​ആ​ർ. രാ​ജ​ഗോ​പാ​ല​ൻ പ​റ​യു​ന്നു​ണ്ട്. ‘കൃ​ഷി​ഗീ​ത’​യെ​ക്കു​റി​ച്ചു പ​റ​യു​മ്പോ​ൾ ഈ ​അ​ധി​നി​വേ​ശ സ​ങ്ക​ൽ​പ​ങ്ങ​ളെ​യും സാ​മ്പ്ര​ദാ​യി​ക​മാ​യ വ്യ​വ​ഹാ​ര​ത​ന്ത്ര​ങ്ങ​ളെ​യും അ​ദ്ദേ​ഹം പ​രാ​മ​ർ​ശി​ക്കു​ന്നു​ണ്ട്.

സാ​ഹി​ത്യ​ത്തി​ന്റെ പൂ​ർ​വ​ഘ​ട്ട​മാ​യാ​ണ് സാ​ഹി​ത്യ​ച​രി​ത്ര​ങ്ങ​ൾ നാ​ട​ൻ​പാ​ട്ടു​ക​ളെ​യും ക​ഥ​ക​ളെ​യും അ​വ​ത​രി​പ്പി​ക്കു​ന്ന​ത്. അ​വ ഒ​രു പ​രി​ണാ​മ​ക്ര​മ​ത്തി​ലാ​ണ്. എ​ന്നാ​ൽ സാ​ഹി​ത്യ​ത്തി​ന്, ‘ക്ലാ​സി​ക്ക​ൽ’ പാ​ര​മ്പ​ര്യ​ങ്ങ​ൾ​ക്ക് ഫോ​ക്കി​നോ​ടു​ള്ള ആ​ധ​മ​ർ​ണ്യ​വും തി​ര​ശ്ചീ​ന​മാ​യ തു​ട​ർ​ച്ച​യു​മാ​ണ് സി.​ആ​ർ വി​വ​രി​ക്കു​ന്ന​ത്. എ​ഴു​ത്ത​ച്ഛ​ന്റെ വൃ​ത്ത​ങ്ങ​ൾ നാ​ടോ​ടി​പ്പാ​ട്ടു​ക​ളി​ൽ​നി​ന്ന് രൂ​പ​പ്പെ​ടു​ന്ന​താ​ണെ​ന്ന് എ​ല്ലാ​വ​ർ​ക്കും അ​റി​യാം. എ​ന്നാ​ൽ, ഈ​ണ​ത്തി​ന​പ്പു​റം വ​രി​ക​ളു​ടെ വി​താ​ന​ങ്ങ​ളും ഉ​ള്ള​ട​ക്ക​വും എ​ങ്ങ​നെ തോ​റ്റം​പാ​ട്ടി​ന്റെ​യും ക​ള​മെ​ഴു​ത്തി​ന്റെ​യും നാ​ടോ​ടി അ​നു​ഷ്ഠാ​ന​ങ്ങ​ളു​മാ​യി ചേ​ർ​ന്നി​രി​ക്കു​ന്നു​വെ​ന്ന് സി.​ആ​ർ. രാ​ജ​ഗോ​പാ​ല​ൻ വ്യ​ക്ത​മാ​ക്കു​ന്നു​ണ്ട്, “ഭ​ദ്ര​കാ​ളി​ക്ക​ള​ത്തി​ന്റെ പ​ക​ർ​ന്നാ​ട്ട​മാ​ണ് പാ​ർ​ഥ​സാ​ര​ഥീ​വ​ർ​ണ​നം” എ​ന്ന വി​ശ​ദീ​ക​ര​ണ​ത്തോ​ടു​കൂ​ടി. അ​തു​പോ​ലെ​ത​ന്നെ പ​ട​യ​ണി​യ​ട​ക്ക​മു​ള്ള കു​ട്ട​നാ​ട​ൻ കാ​വ​ര​ങ്ങി​ന്റെ​യും വ​യ​ൽ​ക്ക​ല​ക​ളു​ടെ​യും പ്ര​തി​ഫ​ല​ന​മാ​ണ് തു​ള്ള​ലെ​ന്നും സ​മ​ർ​ഥി​ക്കു​ന്നു. മ​ണി​പ്ര​വാ​ള​ത്തി​ലും കൂ​ത്ത​മ്പ​ല​ത്തി​ലും നു​ഴ​ഞ്ഞു​ക​യ​റു​ന്ന നാ​ട്ടു​മ​ല​യാ​ള​ത്തി​ന്റെ​യും നാ​ട്ട​ര​ങ്ങി​ന്റെ​യും വി​പ്ല​വ​മു​ണ്ട​തി​ൽ. ‘ക്ലാ​സി​ക്കു’​ക​ളി​ലേ​ക്ക് ഇ​ത്ത​രം അ​ന​ഭി​ജാ​ത​മാ​യ നോ​ട്ടം നീ​ട്ടാ​ൻ സി.​ആ​ർ എ​ന്നും താ​ൽ​പ​ര്യ​പ്പെ​ട്ടി​രു​ന്നു. സ്വ​രൂ​പ​പ​ര​മാ​യ ഭേ​ദ​ങ്ങ​ളി​രി​ക്കെ​ത്ത​ന്നെ, സാ​മൂ​ഹി​കാ​ധി​കാ​ര​ത്തി​ന്റെ ഭേ​ദ​ങ്ങ​ളി​രി​ക്കെ​ത്ത​ന്നെ, ഫോ​ക്/​ക്ലാ​സി​ക് അ​തി​ർ​ത്തി​ക​ളെ നി​രാ​ക​രി​ച്ചു​കൊ​ണ്ട് ആ​ധു​നി​ക​ത നി​ർ​മി​ച്ച ഏ​റ്റ​ക്ര​മ​ത്തെ​യും ശു​ദ്ധ​താ​സ​ങ്ക​ൽ​പ​ങ്ങ​ളെ​യും ഇ​ള​ക്കാ​നാ​ണ് പൈ​തൃ​ക​പ​ഠ​ന​മെ​ന്ന ആ​ശ​യ​ത്തെ സി.​ആ​ർ. രാ​ജ​ഗോ​പാ​ല​ൻ പ്ര​യോ​ജ​ന​പ്പെ​ടു​ത്തി​യ​ത്. മു​ഖാ​വ​ര​ണ​ത്തെ​ക്കു​റി​ച്ചു​ള്ള ഫോ​ക്-​ന​ര​വം​ശ​ ശാ​സ്ത്ര അ​ന്വേ​ഷ​ണ​ങ്ങ​ളി​ലും തെ​യ്യ​വും കൃ​ഷ്ണ​നാ​ട്ട​വും ക​ഥ​ക​ളി​യും പ​ട​യ​ണി​യും ക​ബൂ​ക്കി​യു​മൊ​ക്കെ വ്യാ​ജ​മാ​യ അ​തി​ർ​ത്തി​ക​ൾ ഭേ​ദി​ച്ച് ഇ​ങ്ങ​നെ ഒ​രു ക​ല​ർ​പ്പു​ണ്ടാ​വു​ന്നു​ണ്ട്.

പൈ​തൃ​ക​പ​ഠ​ന​ത്തെ സി.​ആ​ർ. രാ​ജ​ഗോ​പാ​ല​ൻ സ​മീ​പി​ക്കു​ന്ന​ത് മു​മ്പു വി​വ​രി​ച്ച സാ​ധ്യ​ത​യു​ടെ​യും പ​രി​മി​തി​യു​ടെ​യും സ​ന്ദി​ഗ്ധ​ത​യോ​ടെ​യാ​ണ്. സാ​മ്രാ​ജ്യാ​ധി​പ​ത്യ​കാ​ല​ത്ത് രൂ​പം​കൊ​ണ്ട ‘മ്യൂ​സി​യം’ എ​ന്ന സ​ങ്ക​ൽ​പ​ത്തെ മ​റി​ക​ട​ന്നു​കൊ​ണ്ടു​ള്ള ന​വ​സം​സ്കാ​ര​ ച​രി​ത്ര​പ​ഠ​ന​ത്തി​ലാ​ണ് ‘ജ​ന​താ​ പൈ​തൃ​കം’ എ​ന്ന സ​ങ്ക​ൽ​പം രൂ​പം​കൊ​ണ്ട​തെ​ങ്കി​ലും പൈ​തൃ​ക​സ​ങ്ക​ൽ​പ​ത്തി​ന്റെ​യും ചാ​ർ​ച്ച യൂ​റോ​പ്പി​ന്റെ സാം​സ്കാ​രി​ക നാ​ട്യ​ത്തോ​ടാ​ണെ​ന്ന് അ​ദ്ദേ​ഹം പ​റ​യു​ന്നു​ണ്ട്. എ​ങ്കി​ലും, സം​സ്കാ​ര​ രൂ​പ​വ​ത്ക​ര​ണ​ത്തി​ൽ ചെ​റു​ദേ​ശീ​യ​ത​ക​ളും ഗോ​ത്ര​വ​ർ​ഗ​ക്കാ​രും ഗ്രാ​മീ​ണ​രും വ​ഹി​ച്ച പ​ങ്കി​നെ അ​ത് തി​രി​ച്ച​റി​യു​ന്നു​വെ​ന്നാ​ണ് സി.​ആ​ർ കാ​ണു​ന്ന​ത്. പൈ​തൃ​ക​പ​ഠ​ന സ​മീ​പ​ന​ത്തി​ലാ​ണ് ‘ക​ണ്ണാ​ടി നോ​ക്കു​മ്പോ​ൾ’ എ​ന്ന കൃ​തി എ​ഴു​തു​ന്ന​ത്.

ദേ​ശി, സ​ഞ്ചാ​രം, ഷാ​മ​ൻ എ​ന്നീ മൂ​ന്നു ആ​ശ​യ​ങ്ങ​ളി​ൽ സം​ഗ്ര​ഹി​ക്കാം സി.​ആ​ർ. രാ​ജ​ഗോ​പാ​ല​ന്റെ ചി​ന്ത​യെ. അ​ത് ദ്വ​ന്ദ്വ​യു​ക്തി​യെ പ്ര​തി​രോ​ധി​ക്കു​ക​യും പ്രൗ​ഢ​നി​ർ​മി​തി​ക​ളെ വൈ​വി​ധ്യ​പൂ​ർ​ണ​വും ച​ല​നാ​ത്മ​ക​വു​മാ​യ ഉ​ണ്മ​യി​ലേ​ക്ക് പ​ട​ർ​ത്തു​ക​യു​മാ​യി​രു​ന്നു. അ​ടു​ക്കും ചി​ട്ട​യു​മു​ല​യ്ക്കു​ന്ന, വ്യാ​ക​ര​ണ​ത്തി​ന്റെ അ​തി​ർ​ത്തി മു​റി​ക്കു​ന്ന ഒ​രു ക​വി ഉ​ണ്ടാ​യി​രു​ന്നു അ​തി​ലെ​ന്നും.

ക​ലാ(​പ)​പൂ​ർ​ണ​മാ​യ പ്ര​തി​ഭ

ആ​ദ്യ​കാ​ല ക​വി​ത​ക​ൾ ചേ​ർ​ത്ത് 2002ൽ ​ആ​ണ് സി.​ആ​ർ. രാ​ജ​ഗോ​പാ​ല​ന്റെ ‘എ​ല്ലാം ക​ത്തി​യെ​രി​യു​ക​യാ​ണ്’ എ​ന്ന സ​മാ​ഹാ​രം ഇ​റ​ങ്ങു​ന്ന​ത്. പി​ന്നീ​ട് ‘ഷാ​മ​ൻ’ എ​ന്ന കൃ​തി​യാ​ക​ട്ടെ 2018ൽ ​രോ​ഗ​ശ​യ്യ​യി​ൽ. ക​വി​ത പ​ക്ഷേ എ​ഴു​ത്തി​ൽ, ചി​ന്ത​യി​ൽ പി​ന്തു​ട​രു​ന്നു.

‘എ​ല്ലാം ക​ത്തി​യെ​രി​യു​ക​യാ​ണ്’ എ​ന്ന ക​വി​ത തു​ട​ങ്ങു​ന്ന​ത് “ത​ഥാ​ഗ​ത​ൻ വ​ഴി​യി​ലി​റ​ങ്ങി​യി​രി​ക്കു​ക​യാ​ണ് / ക​പി​ല​വ​സ്തു​വി​ലെ ആ​ദ്യ​ത്തെ തെ​രു​വി​ൽ വെ​ച്ചു​ത​ന്നെ/ ഒ​രെ​ല്ലി​ൻ​കൂ​ട് സു​വ​ർ​ണ​ര​ഥ​ത്തി​ൽ കു​ടു​ങ്ങി” എ​ന്നാ​ണ്. വേ​ന​ലി​ൽ ക​ണ്ണീ​രി​ന്റെ ഉ​റ​വ​തേ​ടി​യു​ള്ള യാ​ത്ര​ക​ളാ​ണ് ത​ഥാ​ഗ​ത​ന്റേ​ത്. വി​ര​ലു​ക​ൾ ന​ഷ്ട​പ്പെ​ട്ട ആ​ൾ​ക്കൂ​ട്ട​ത്തി​നി​ട​യി​ൽ അ​ക്കാ​ദ​മി അം​ഗ​ത്വ​വും ഉ​റ​ക്കു​മ​രു​ന്നും ന​ൽ​കി​യി​ട്ടും “കാ​ര​ണ​മെ​ന്താ​ണ്” എ​ന്ന് ചോ​ദി​ക്കു​ന്ന ബു​ദ്ധ​നു​ണ്ട്. ഭൂ​ത​വാ​സ്ത​വ​ങ്ങ​ളെ നി​ഷേ​ധി​ക്കു​ന്ന, ക​ല​ണ്ട​റി​ലെ അ​ക്ഷ​ര​ങ്ങ​ൾ തെ​റ്റി​ക്കു​ന്ന, ഓ​ർ​മ​ക​ളെ കു​ഴ​ക്കാ​ൻ ശ്ര​മി​ക്കു​ന്ന ഭ​ര​ണ​കൂ​ട​ത്തെ​ക്കു​റി​ച്ചാ​ണ്, അ​ടി​യ​ന്ത​രാ​വ​സ്ഥ​യു​ടെ ഭീ​ക​ര​ത​യെ​ക്കു​റി​ച്ചാ​ണ് ‘ജൂ​ൺ 26’ എ​ന്ന ക​വി​ത. “നി​ങ്ങ​ൾ ക​ല​ണ്ട​റി​ൽ കാ​ലം സൂ​ക്ഷി​ക്കു​ന്നു​വെ​ങ്കി​ൽ / ര​ക്ത​പ​ങ്കി​ല​മാ​യ ജൂ​ൺ എ​വി​ടെ?” എ​ന്നു ക​വി ചോ​ദി​ക്കു​ന്നു. “നാം ​പാ​വം / ജീ​വ​നു​ള്ള ര​ക്ത​ച്ചെ​ടി​ക​ൾ” എ​ന്ന് ‘മു​ക്തി’ എ​ന്ന ക​വി​ത​യി​ൽ. ‘പി​ള​രു​ന്ന പ​ർ​വ​ത​ങ്ങ​ൾ’ എ​ന്ന ക​വി​ത​യി​ൽ എ​ഴു​തു​ന്നു: “മാ​നു​ക​ളെ​യും മു​യ​ലു​ക​ളെ​യും കൊ​ന്ന് / ന​ഗ​ര​ത്തി​ലേ​ക്കു തി​രി​ച്ച സോ​ഷ്യോ​ള​ജി​സ്റ്റു​ക​ൾ/ പി​ള​ർ​ന്ന ക​രി​ങ്ക​ൽ തൂ​ണു​ക​ൾ​ക്കി​ട​യി​ൽ/ ഇ​പ്പോ​ഴും വി​ശ്ര​മി​ക്കു​ക​യാ​ണ്/... /കു​ന്നു​ക​ൾ​ക്കു താ​ഴെ ന​ഗ​ര​ത്തി​ലെ മേ​ട​ക​ളി​ൽ/​ മു​ദ്രാ​വാ​ക്യ​വും മൂ​ല​ധ​ന​വും ഒ​ത്തു​ചേ​ർ​ന്ന് പ​കി​ട ക​ളി​ക്കു​ക​യാ​ണ്.” പാ​രി​സ്ഥി​തി​ക​മാ​യ ആ​കു​ല​ത​ക​ളും നി​സ്സ​ഹാ​യ​മാ​യ മ​നു​ഷ്യാ​വ​സ്ഥ​ക​ളും ഭ​ര​ണ​കൂ​ട​ത്തി​ന്റെ ഭീ​ഷ​ണ​രൂ​പ​വും അ​സ്വ​സ്ഥ​മാ​യ സ​ഞ്ചാ​ര​ചി​ത്ര​ങ്ങ​ളും ഒ​ക്കെ നി​റ​ഞ്ഞ​വ​യാ​ണ് സി.​ആ​റി​ന്റെ ക​വി​ത​ക​ൾ. പു​തി​യ രൂ​പ​ങ്ങ​ളും പ​രീ​ക്ഷ​ണ​ങ്ങ​ളും ക​വി​ത​യി​ൽ കൊ​ണ്ടു​വ​രു​ന്നു​ണ്ട് അ​ദ്ദേ​ഹം.

‘ഷാ​മ​ൻ’ ഒ​റ്റ​ക്ക​വി​ത​യോ ക​വി​താ​സ​മാ​ഹാ​ര​മോ അ​ല്ല. സ​ഞ്ചാ​ര​വ്യ​ഗ്ര​മാ​യ ശ​രീ​ര​ത്തി​ൽ​നി​ന്ന് ഇ​ന്ദ്രി​യ​ങ്ങ​ളെ അ​ഴി​ച്ചു​വി​ടു​ക​യാ​ണ് ക​വി; സ്ഥ​ല​കാ​ല​ങ്ങ​ളു​ടെ ബ​ഹു​ക​ൽ​പ​ങ്ങ​ളി​ൽ (manifold) സ​ഞ്ച​രി​ക്കു​ന്ന ഷാ​മ​നെ അ​വ പി​ന്തു​ട​ർ​ന്നു​പോ​കു​ന്നു. ബിം​ബ​ങ്ങ​ളോ രൂ​പ​ക​ങ്ങ​ളോ നി​ർ​മി​ച്ചു മു​ന്നേ​റു​ന്ന രേ​ഖീ​യ​മാ​യ ആ​ഖ്യാ​ന​മ​ല്ല ഇ​തി​ലു​ള്ള​ത്. സ്വ​പ്ന​വാ​യ​ന​ക്ക് വ​ഴ​ങ്ങാ​ത്ത, നേ​രും നു​ണ​യു​മ​ല്ലാ​ത്ത വി​ഭ്രാ​ന്ത​മാ​യ അ​നു​ഭ​വ​ങ്ങ​ളാ​ണ്. ചി​ല​പ്പോ​ൾ ഹൈ​ക്കു​പോ​ലെ.

ഹി​മാ​ല​യ​ത​ട​ങ്ങ​ളി​ലെ അ​ല​ച്ചി​ലു​ക​ളും ജീ​വി​ത​വും ഓ​ർ​മ​ക​ളും ചേ​രു​ന്ന ‘ഹി​മ​കാ​ദം​ബ​രി’ എ​ന്ന നോ​വ​ൽ ത​ന്റെ യൗ​വ​ന​ത്തി​ൽ​ത​ന്നെ എ​ഴു​തു​ന്ന​താ​ണെ​ങ്കി​ലും പ​ങ്കാ​ളി ശീ​ത​ളി​ന്റെ സ്നേ​ഹ​നി​ർ​ബ​ന്ധ​ത്തി​ലാ​ണ് ഉ​പേ​ക്ഷ​വെ​ച്ചി​രു​ന്ന ഈ ​നോ​വ​ൽ 2019ൽ ​പ്ര​സി​ദ്ധീ​ക​ര​ണ​ത്തി​ന​യ​ക്കു​ന്ന​ത്. എ​ഴു​ത്തു​സാ​ഹി​ത്യ​ത്തി​ൽ​നി​ന്നു​ള്ള പി​ൻ​വാ​ങ്ങ​ലി​ൽ സാ​ഹി​ത്യ​ത്തോ​ടു​ള്ള അ​ദ്ദേ​ഹ​ത്തി​ന്റെ വി​യോ​ജി​പ്പു​ണ്ടാ​യി​രു​ന്നി​രി​ക്കാം. “വൈ​വി​ധ്യ​മാ​യ സം​സ്‌​കാ​ര​രൂ​പ​ങ്ങ​ളി​ലേ​ക്ക്‌ പോ​കാ​ൻ ഏ​റ്റ​ക്കു​റ​വു​ക​ളു​ള്ള സാ​ഹി​ത്യ​ത്തി​ന്‌ ക​ഴി​യി​ല്ല” എ​ന്നും “വീ​ർ​പ്പി​ച്ചു​കെ​ട്ടി​യ ആ​ഭി​ജാ​ത​രൂ​പ​മാ​യ സാ​ഹി​ത്യ​ത്തെ പൊ​ളി​ച്ചു​ക​ള​യാ​ൻ വാ​മൊ​ഴി പാ​ര​മ്പ​ര്യ​ത്തി​നും രം​ഗാ​വ​ത​ര​ണ​ങ്ങ​ൾ​ക്കും ക​ഴി​യും” എ​ന്നും അ​ദ്ദേ​ഹം എ​ഴു​തു​ന്നു​ണ്ട്. 80-90ക​ളി​ൽ ഇ​റ​ങ്ങു​ന്ന പു​സ്ത​ക​ങ്ങ​ളു​ടെ പു​റം​ച​ട്ട​ക​ളി​ൽ, മാ​സി​ക​ക​ളി​ലെ ഇ​ല​സ്ട്രേ​ഷ​നു​ക​ളി​ൽ ഒ​ക്കെ സി.​ആ​ർ. രാ​ജ​ഗോ​പാ​ല​ന്റെ വ​ര​യു​ടെ മാ​ന്ത്രി​ക​ത കാ​ണാം.

പ്ര​തി​രോ​ധ​ ജീ​വി​ത​സ​മു​ച്ച​യം

ബ​ഹു​ല​മാ​യി​രു​ന്നു സി.​ആ​ർ. രാ​ജ​ഗോ​പാ​ല​ന്റെ പ്ര​വ​ർ​ത്ത​ന​വും പ്ര​തി​ഭ​യും. അ​ധ്യാ​പ​ക​നാ​യി​രി​ക്കു​മ്പോ​ഴും സാ​മൂ​ഹി​ക​വി​ഷ​യ​ങ്ങ​ളി​ൽ നി​ര​ന്ത​ര​ജാ​ഗ്ര​ത തു​ട​രു​ന്നു​ണ്ട് അ​ദ്ദേ​ഹം. ആ​ഗോ​ളീ​ക​ര​ണ​വും ഉ​ദാ​ര​വ​ത്ക​ര​ണ​വും സ​ർ​ക്കാ​ർ ന​യ​ങ്ങ​ളെ രൂ​പ​പ്പെ​ടു​ത്തി​ത്തു​ട​ങ്ങി​യ സ​ന്ദ​ർ​ഭ​മാ​യി​രു​ന്നു 80ക​ൾ. സാ​മൂ​ഹി​ക വ​ന​വ​ത്ക​ര​ണ​മെ​ന്ന പേ​രി​ൽ അ​ക്കേ​ഷ്യ​യും യൂ​ക്കാ​ലി​യും വെ​ച്ചു​പി​ടി​പ്പി​ക്കു​ന്ന​തി​നെ​തി​രെ, പൂ​യം​കു​ട്ടി ജ​ല​വൈ​ദ്യു​തി​ പ​ദ്ധ​തി​ക്കെ​തി​രെ, ആ​ണ​വ​നി​ല​യ​ശ്ര​മ​ങ്ങ​ൾ​ക്കെ​തി​രെ, പ​ശ്ചി​മ​ഘ​ട്ട​സം​ര​ക്ഷ​ണ​ത്തി​ന്, കേ​ര​ള​വ​ർ​മ കോ​ള​ജി​ലെ ‘ഊ​ട്ടി’ നി​ല​നി​ർ​ത്തു​ന്ന​തി​ന് ഒ​ക്കെ​യു​ള്ള സ​മ​ര​നി​ര​യി​ൽ അ​ദ്ദേ​ഹ​മു​ണ്ടാ​യി. പ​രി​സ്ഥി​തി ക്യാ​മ്പു​ക​ളും സ്ലൈ​ഡ് പ്ര​ദ​ർ​ശ​ന​ങ്ങ​ളും ബോ​ധ​വ​ത്ക​ര​ണ​ങ്ങ​ളും സം​ഘ​ടി​പ്പി​ച്ചു. ല​ഘു​ലേ​ഖ​ക​ൾ ത​യാ​റാ​ക്കി. സ​മാ​ന്ത​ര​ മാ​സി​ക​ക​ളി​ലും പു​സ്ത​ക​പ്ര​സി​ദ്ധീ​ക​ര​ണ​ങ്ങ​ളി​ലും പ്ര​ചാ​ര​ണ​ത്തി​ലും പ​ങ്കു​കൊ​ണ്ടു. പ​രി​സ്ഥി​തി​ചി​ന്ത​യെ ബാ​ധി​ച്ചി​രു​ന്ന ആ​ധ്യാ​ത്മി​ക​ത​യി​ൽ​നി​ന്ന് വ​ഴി​മാ​റി ന​ട​ക്കാ​നും മാ​ന​വി​ക​ത ഉ​യ​ർ​ത്തി​പ്പി​ടി​ക്കാ​നു​മു​ള്ള ജാ​ഗ്ര​ത അ​ദ്ദേ​ഹ​ത്തി​നു​ണ്ടാ​യി​രു​ന്നു. അ​താ​ണ് നാ​ട്ട​റി​വി​ലേ​ക്കു​ള്ള വ​ഴി​തു​റ​ന്ന​ത്.

ജീവി​ത​ത്തി​ന്റെ സ​ക​ല​മേ​ഖ​ല​ക​ളി​ലും നാ​ട്ട​റി​വി​ന്റെ വീ​ക്ഷ​ണം സാ​ധ്യ​മാ​ണെ​ന്ന് അ​ദ്ദേ​ഹം തെ​ളി​യി​ച്ചു. അ​ക്കാ​ദ​മി​ക മേ​ഖ​ല​ക്ക് അ​ത് ഉ​ൾ​ക്കാ​ഴ്ച​യും ച​ല​ന​വും തി​രു​ത്ത​ലു​ക​ളും ന​ൽ​കി. നാ​ട്ട​റി​വെ​ന്ന ആ​ശ​യം നി​ർ​മി​ച്ച വ്യ​വ​ഹാ​ര​ങ്ങ​ളു​ടെ ഫ​ല​മാ​യാ​ണ് ഫോ​ക് ലോ​ർ ഗ​വേ​ഷ​ണ​മേ​ഖ​ല ഫോ​ക് വീക്ഷ​ണ​ത്തി​ന്റെ​യും മൂ​ന്നാം ​ലോ​ക/​കോ​ള​നി​യ​ന​ന്ത​ര വി​മ​ർ​ശ​ന​ത്തി​ന്റെ​യും വ​ഴി​യി​ലേ​ക്ക് തി​രി​യു​ന്ന​ത്. നാ​ട്ട​റി​വു പ​ഠ​ന​കേ​ന്ദ്രം സ്ഥാ​പി​ക്കു​ന്ന​തി​ലും നാ​ട്ട​റി​വാ​ള​രെ​യും ല​ബ്ധ​പ്ര​തി​ഷ്ഠ​രും പു​തു​നി​ര​ക്കാ​രു​മാ​യ അ​നേ​കം എ​ഴു​ത്തു​കാ​രെ​യും ആ​ക്ടി​വി​സ്റ്റു​ക​ളെ​യും ഒ​ന്നി​ച്ചു​കൊ​ണ്ടു​വ​ന്ന് ഒ​രു സം​വാ​ദ​മേ​ഖ​ല രൂ​പ​പ്പെ​ടു​ത്തു​ന്ന​തി​ലും സി.​ആ​റി​ന്റെ നി​ര​ന്ത​ര​ പ​രി​ശ്ര​മ​മു​ണ്ട്. നാ​ട്ടു​കൂ​ട്ടാ​യ്മ​ക​ളും നാ​ട​ൻ ക​ലാ​സം​ഘ​ങ്ങ​ളും ക്യാ​മ്പു​ക​ളും ച​ർ​ച്ച​ക​ളും ഉ​യ​ർ​ന്നു​വ​രു​ന്ന​തി​നും പു​തി​യ ഭാ​വു​ക​ത്വം രൂ​പ​പ്പെ​ടു​ന്ന​തി​ലും കേ​ര​ളീ​യ​ത​യു​ടെ നാ​ട്ട​റി​വ് മാ​സി​ക​യും ഏ​റെ പ്ര​ചോ​ദ​ന​മാ​യി​രു​ന്നു. അ​ക്കാ​ല​ത്തെ ഒ​ട്ടു​മി​ക്ക ബ​ദ​ൽ പ്ര​സ്ഥാ​ന​ങ്ങ​ളു​ടെ​യും പ്ര​സി​ദ്ധീ​ക​ര​ണ​ങ്ങ​ളു​ടെ​യും ശ​ബ്ദ​മാ​യും നാ​ട്ട​റി​വ് പ്ര​വ​ർ​ത്തി​ച്ചി​രു​ന്നു. നാ​ട്ട​റി​വു സം​ബ​ന്ധ​മാ​യ പ​രി​പാ​ടി​ക​ൾ, പു​സ്ത​ക-​ലേ​ഖ​ന സൂ​ചി​ക​ൾ, പു​സ്ത​ക റി​വ്യൂ​ക​ൾ എ​ന്നി​വ​യും കേ​ര​ളീ​യ​ത​യു​ടെ നാ​ട്ട​റി​വി​ൽ ഉ​ൾ​ച്ചേ​ർ​ത്തി​രു​ന്നു.

നാ​നാ​തു​റ​ക​ളി​ൽ​നി​ന്നും സ്വ​രു​ക്കൂ​ട്ടി​യ വി​പു​ല​മാ​യ സൗ​ഹൃ​ദ​ങ്ങ​ൾ സി.​ആ​റി​ന് നാ​ട്ട​റി​വു​ക​ളെ​പ്പോ​ലെ​ത​ന്നെ പ്രി​യ​പ്പെ​ട്ട​താ​യി​രു​ന്നു. അ​പൂ​ർ​വ​മാ​യ സൗ​ഹൃ​ദ​വും സ​ഹ​യാ​ത്ര​യു​മാ​യി​രു​ന്നു സി.​ആ​ർ. രാ​ജ​ഗോ​പാ​ല​നും വി​ജ​യ​കു​മാ​ർ മേ​നോ​നും തു​ട​ർ​ന്നി​രു​ന്ന​ത്. വി.​എം. കു​ട്ടി​കൃ​ഷ്ണ​മേ​നോ​ൻ, എ​ൽ.​എ​സ്. രാ​ജ​ഗോ​പാ​ല​ൻ തു​ട​ങ്ങി​യ​വ​രു​ടെ പ്ര​സ​ക്തി വ്യ​ക്ത​മാ​ക്കു​ന്ന​തി​ലും അ​വ​രു​ടെ എ​ഴു​ത്തു​ക​ൾ പ്ര​സി​ദ്ധീ​ക​രി​ക്കു​ന്ന​തി​ലും സി.​ആ​റി​ന്റെ പ​രി​ശ്ര​മ​മു​ണ്ട്. ചെ​റു​വ​യ​ൽ രാ​മ​ൻ, കീ​ഴി​ല്ലം ഉ​ണ്ണി​കൃ​ഷ്ണ​ൻ തു​ട​ങ്ങി നി​ര​വ​ധി നാ​ട്ട​റി​വാ​ള​രും ക​ലാ​കാ​ര​ന്മാ​രു​മാ​യു​ള്ള സൗ​ഹൃ​ദ​വും അ​ദ്ദേ​ഹ​ത്തി​ൽ വ​ലി​യ സ്വാ​ധീ​ന​മു​ണ്ടാ​ക്കി. ജോ​സ് തെ​റ്റ​യി​ലു​മാ​യി പ​രി​വ​ർ​ത്ത​ന​വാ​ദി പ്ര​സ്ഥാ​ന​ത്തി​ൽ തു​ട​ങ്ങി​യ സൗ​ഹൃ​ദം സി​നി​മാ​പ്ര​വ​ർ​ത്ത​ന​ങ്ങ​ളി​ലും ഒ​ടു​വി​ൽ മ​ന്ത്രി​യാ​യി​രു​ന്ന​പ്പോ​ൾ പേ​ഴ്സ​ന​ൽ സെ​ക്ര​ട്ട​റി​യാ​യും തു​ട​രു​ക​യു​ണ്ടാ​യി.

നാ​ട്ട​ര​ങ്ങു​ക​ളും അ​നു​ഷ്ഠാ​ന​ ക​ല​ക​ളും ഇ​ന്ന് ദ്വി​തീ​യ സ​ന്ദ​ർ​ഭ​ങ്ങ​ളി​ൽ, പൊ​തു​വേ​ദി​ക​ളി​ൽ സാ​ധാ​ര​ണ​മാ​യി​ത്തീ​രു​ന്ന​തി​ൽ സി.​ആ​ർ. രാ​ജ​ഗോ​പാ​ല​ൻ ന​ട​ത്തി​യ ഇ​ട​പെ​ട​ലു​ക​ൾ​ക്ക് വ​ലി​യ പ​ങ്കു​ണ്ട്. ഒ​രു ജ​ന​കീ​യ അ​തി​ജീ​വ​നോ​പാ​ധി ക്ര​മേ​ണ ക​ല​യാ​വു​ന്ന​തും അ​തു ജ​ന​പ്രി​യ​ക​ല​യാ​വു​ന്ന​തും സ്വാ​ഭാ​വി​ക​മാ​ണെ​ന്നും ഒ​ര​ർ​ഥ​ത്തി​ൽ ജാ​തീ​യ​മാ​യ സ്വ​ത്വ​ത്തെ ഈ ​സ​ന്ദ​ർ​ഭം അ​പ്ര​സ​ക്ത​മാ​ക്കു​ന്നു​ണ്ടെ​ന്നും പ്ര​ദീ​പ​ൻ പാ​മ്പി​രി​ക്കു​ന്ന് പ​റ​യു​ന്നു. സ്വ​യം നേ​രി​ടേ​ണ്ടി​വ​രു​ന്ന സാ​മൂ​ഹി​ക​വും സാ​ങ്കേ​തി​ക​വു​മാ​യ പ്ര​തി​സ​ന്ധി​ക​ൾ​കൊ​ണ്ടും അ​വ​യെ ക​ല​യാ​യി പ​രി​വ​ർ​ത്തി​പ്പി​ച്ച് ഉ​യ​ർ​ത്തി​പ്പി​ടി​ക്കേ​ണ്ട​ത് സ്വ​ന്തം സ​മു​ദാ​യ​ത്തി​ന്റെ ബാ​ധ്യ​ത​യാ​യി​ത്തീ​രു​ന്നു​ണ്ടെ​ന്നും.

1995ൽ ​പി.​ആ​ർ. ര​മേ​ഷി​ന്റെ നേ​തൃ​ത്വ​ത്തി​ൽ കൂ​ട്ടം (പി​ന്നീ​ട് ക​രി​ന്ത​ല​ക്കൂ​ട്ട​മാ​യി) ആ​രം​ഭി​ക്കു​മ്പോ​ൾ നാ​ട​ൻ​പാ​ട്ടു-​ക​ലാ​സം​ഘ​ങ്ങ​ൾ കേ​ര​ള​ത്തി​ൽ അ​പൂ​ർ​വ​മാ​യി​രു​ന്നു. ര​ണ്ടാ​യി​ര​ത്തോ​ട​ടു​ത്ത് നി​ര​വ​ധി നാ​ട​ൻ​പാ​ട്ടു സം​ഘ​ങ്ങ​ൾ രൂ​പ​മെ​ടു​ക്കു​ന്ന​ത് ഫോ​ക് ലോ​റി​ൽ​നി​ന്ന് നാ​ട്ട​റി​വി​ലേ​ക്കു​ള്ള വ്യ​തി​ച​ല​ന​ത്തി​ന്റെ, തി​രി​ച്ച​റി​വി​ന്റെ ഫ​ല​മാ​യാ​ണ്. സി.​ആ​ർ. രാ​ജ​ഗോ​പാ​ല​ന്റെ താ​മ​സ​സ്ഥ​ല​മാ​യി​രു​ന്ന ക​ണി​മം​ഗ​ല​ത്തെ നാ​ട്ടു​ക​ലാ​കാ​ര​ർ ചേ​ർ​ന്നാ​ണ് 2001ൽ ‘​തൈ​വ​മ​ക്ക​ൾ’ ആ​രം​ഭി​ക്കു​ന്ന​ത്. ആ​റ​ങ്ങോ​ട്ടു​ക​ര​യി​ൽ 2004ൽ ​ആ​രം​ഭി​ച്ച ‘വ​യ​ലി’ പി​ന്നീ​ട് ഇ​ന്ത്യ​യി​ലെ ആ​ദ്യ​ത്തെ ബാം​ബൂ മ്യൂ​സി​ക് ബാ​ൻ​ഡ് ആ​യി. ‘കാ​വേ​റ്റം’, ‘പു​ന​ർ​ജ​നി’, ‘ഉ​ണ​ർ​വ്’ ഇ​ങ്ങ​നെ അ​റു​പ​തോ​ളം വ​രു​ന്ന നാ​ട​ൻ​പാ​ട്ടു സം​ഘ​ങ്ങ​ളു​ണ്ടാ​യി. പ​ല സം​ഘ​ങ്ങ​ളെ​യും പ​രി​ച​യ​പ്പെ​ടു​ത്തു​ന്ന​തി​ലും പ്ര​ച​രി​പ്പി​ക്കു​ന്ന​തി​ലും അ​വ​ർ​ക്ക് വി​ദേ​ശ​ങ്ങ​ളി​ല​ട​ക്കം വേ​ദി​ക​ള​ന്വേ​ഷി​ച്ച് ന​ൽ​കു​ന്ന​തി​ലും മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കു​ന്ന​തി​ലും സി.​ആ​ർ കൂ​ട്ടു​ണ്ടാ​യി​രു​ന്നു. ആ​ഗോ​ള​ത​ല​ത്തി​ലും മ​ല​യാ​ള​മ​ണ്ണി​ലും ഉ​ണ്ടാ​യ പാ​ട്ടി​ന്റെ ഈ ​ഉ​ണ​ർ​വി​നെ വൈ​കാ​രി​ക​മാ​യും സ​മീ​പി​ക്കു​ന്ന​താ​ണ് ‘പാ​ട്ടി​നു​വി​ടാ​ത്ത മ​ല​നാ​ട്’ എ​ന്ന ലേ​ഖ​നം.

പ​ര​മ്പ​രാ​ഗ​ത ഫോ​ക് ലോ​റു​ക​ളു​ടെ പു​ന​രു​ൽ​പാ​ദ​നം എ​ങ്ങ​നെ എ​ന്ന​ത് ഒ​രു സ​ങ്കീ​ർ​ണ​മാ​യ പ്ര​ശ്ന​മാ​ണ്. സാ​മൂ​ഹി​ക​ശ്രേ​ണീ​ക​ര​ണ​വു​മാ​യി ബ​ന്ധ​പ്പെ​ട്ടും പാ​ര​മ്പ​ര്യ​ത്തൊ​ഴി​ലു​ക​ളു​മാ​യി ബ​ന്ധ​പ്പെ​ട്ടും നി​ല​നി​ന്ന അ​റി​വും അ​വ​ത​ര​ണ​ങ്ങ​ളു​മെ​ന്ന നി​ല​യി​ൽ അ​വ ജാ​തി​യു​ടെ​യും അ​ന്ധ​വി​ശ്വാ​സ​ത്തി​ന്റെ​യും പു​ന​രു​ൽ​പാ​ദ​ന​മാ​യേ​ക്കു​മെ​ന്ന് ചി​ല​ർ നി​രീ​ക്ഷി​ക്കു​ന്നു. ജാ​തി​യ​ല്ല ആ​ത്യ​ന്തി​ക​മാ​യി കേ​ര​ളീ​യ നാ​ടോ​ടി​ത്ത​ത്തെ രൂ​പ​പ്പെ​ടു​ത്തി​യ​തും അ​തി​ന്റെ സൗ​ന്ദ​ര്യാം​ശ​ത്തെ നി​ല​നി​ർ​ത്തി​യ​തും എ​ന്ന​താ​ണ് സി.​ആ​ർ. രാ​ജ​ഗോ​പാ​ല​ന്റെ തി​രി​ച്ച​റി​വ്. നാ​ട്ടു​ത്സ​വ​ങ്ങ​ൾ, ക​ര​കൗ​ശ​ല​ വി​പ​ണി​ക​ൾ, നാ​ട​ൻ​ക​ലാ സം​ഘ​ങ്ങ​ൾ, വി​ദ്യാ​ഭ്യാ​സ​ത്തി​ന്റെ പു​നഃ​ക്ര​മീ​ക​ര​ണം തു​ട​ങ്ങി നാ​ട്ട​റി​വു​ക​ളു​ടെ തു​ട​ർ​ച്ച​ക്കാ​യി ചി​ല മാ​തൃ​ക​ക​ൾ അ​ദ്ദേ​ഹം അ​വ​ത​രി​പ്പി​ക്കു​ക​യും അ​വ ന​ട​പ്പാ​ക്കു​ന്ന​തി​ൽ ഉ​ത്സാ​ഹി​ക്കു​ക​യും ചെ​യ്യു​ന്നു​ണ്ട്. നാ​ടോ​ടി​ത്ത സം​സ്കാ​രം പ​ങ്കു​വെ​ക്കു​ന്ന​തി​നും ഗ്ര​ഹി​ക്കു​ന്ന​തി​നു​മാ​ണ് നാ​ട്ട​ര​ങ്ങു​ക​ളും നാ​ട്ടു​ത്സ​വ​ങ്ങ​ളും ല​ക്ഷ്യംവെ​ക്കു​ന്ന​ത്. 1997 ജ​ന​കീ​യാ​സൂ​ത്ര​ണ​ത്തി​ന്റെ ഭാ​ഗ​മാ​യി നാ​ട്ടു​ത്സ​വ​ങ്ങ​ൾ ആ​രം​ഭി​ക്കു​ന്ന​ത് ഈ ​ല​ക്ഷ്യ​വു​മാ​യാ​ണ്. തൃ​ശൂ​ർ പ്ര​ദേ​ശ​ങ്ങ​ളി​ൽ വി​വി​ധ നാ​ട്ടു​ത്സ​വ​ങ്ങ​ൾ നാ​ട്ട​റി​വു ​പ​ഠ​ന​കേ​ന്ദ്ര​ത്തി​ന്റെ നേ​തൃ​ത്വ​ത്തി​ലാ​ണ് ന​ട​ക്കു​ന്ന​ത്. നാ​ട​ൻ​പാ​ട്ടു​ക​ളു​ടെ​യും നാ​ട്ട​റി​വു​ക​ളു​ടെ​യും ശേ​ഖ​ര​ണ​ത്തി​നും സി.​ആ​ർ പ്ര​യ​ത്നി​ക്കു​ന്നു​ണ്ട്. അ​ങ്ങ​നെ വ​ട​മ​യി​ൽ കാ​ർ​ത്യാ​യ​നി​യ​മ്മ തു​ട​ങ്ങി പ​ഴ​യ ത​ല​മു​റ​ക്കാ​രി​ൽ​നി​ന്ന് അ​ന​വ​ധി പാ​ട്ടു​ക​ൾ ശേ​ഖ​രി​ച്ചു പു​ന​രു​ജ്ജീ​വി​പ്പി​ച്ചു. “എ​ന്തു​ത​ന്റെ തീ​ണ്ട​ലാ​ണ് ത​മ്പു​രാ​ന്റെ തീ​ണ്ട​ല്”, “വ​ന്നു​ദി​ച്ചേ നി​ന്നു​ദി​ച്ചേ” , “കാ​ള​യോ കാ​ള​യോ” തു​ട​ങ്ങി ഇ​ന്ന് ജ​ന​കീ​യ​വും ജ​ന​പ്രി​യ​വു​മാ​യി​ത്തീ​ർ​ന്ന നി​ര​വ​ധി പാ​ട്ടു​ക​ൾ കേ​ട്ടെ​ടു​ക്കു​ന്ന​തും പാ​ട്ടു​കൂ​ട്ട​ങ്ങ​ളി​ലൂ​ടെ പു​ന​ര​വ​ത​രി​പ്പി​ക്കു​ന്ന​തും പാ​ട്ടു ​കാ​സ​റ്റു​ക​ൾ ഇ​റ​ക്കു​ന്ന​തും നാ​ട്ട​റി​വു ​പ​ഠ​ന​കേ​ന്ദ്ര​മാ​ണ്. ‘കാ​ര​ണ​വ​ക്കൂ​ട്ടം’ എ​ന്ന പേ​രി​ൽ നാ​ട്ട​റി​വാ​ശാ​ന്മാ​രു​ടെ കൂ​ടി​ച്ചേ​ര​ലു​ക​ളും സം​വാ​ദ​വും ന​ട​ക്കു​ന്നു​ണ്ട് തൃ​ശൂ​രി​ൽ. ചി​മ്മി​നി ഡാ​മി​ൽവെ​ച്ച് ‘അ​രി​കു​സ​ത്യ​ങ്ങ​ൾ’ എ​ന്ന പേ​രി​ൽ 1996ൽ ​ചേ​ർ​ന്ന കൂ​ട്ടാ​യ്മ​യി​ലും നാ​ട്ട​റി​വു​ക​ളു​ടെ ക്ലാ​സു​ക​ളും സെ​മി​നാ​റു​ക​ളും ബോ​ധ​വ​ത്ക​ര​ണ​ങ്ങ​ളും സം​ഘ​ടി​പ്പി​ക്കു​ന്ന​തി​ലും സി.​ആ​റി​ന്റെ പ​രി​ശ്ര​മ​മു​ണ്ട്.

ഫോ​ട്ടോ​ക​ൾ, ആ​ർ​ട്ടി​ഫാ​ക്ടു​ക​ൾ, വി​ഡി​യോ​ക​ൾ, സ്കെ​ച്ചു​ക​ൾ, നോ​ട്ടു​ക​ൾ എ​ന്നി​ങ്ങ​നെ ഫോ​ക് ലോ​ർ ഡോ​ക്യു​മെ​ന്റേ​ഷ​ൻ സി.​ആ​ർ എ​ക്കാ​ല​ത്തും തു​ട​ർ​ന്നി​രു​ന്നു. അ​ദ്ദേ​ഹം നേ​തൃ​ത്വം ന​ൽ​കി​യ ഫോ​ക് ലോ​ർ മാ​പ്പി​ങ് ഫീ​ൽ​ഡ് വ​ർ​ക്കി​ന്റെ​യും വാ​മൊ​ഴി​ ച​രി​ത്ര​ര​ച​ന​യു​ടെ​യും മാ​തൃ​ക​ക​ളാ​ണ്. ദേ​ശ​ച​രി​ത്ര​ങ്ങ​ളു​ടെ, നാ​ട്ട​റി​വു​ക​ളു​ടെ ഒ​ക്കെ സ​മാ​ഹ​ര​ണ​ത്തി​ലും മു​ൻ​കൈ​യെ​ടു​ക്കു​ന്നു​ണ്ട് അ​ദ്ദേ​ഹം. 1980ക​ളി​ൽ​ത​ന്നെ ഫി​ലിം സൊ​സൈ​റ്റി പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​യി​രു​ന്ന അ​ദ്ദേ​ഹം നാ​ട്ട​റി​വു​ക​ളു​ടെ പ്ര​ചാ​ര​ത്തി​നും പ്ര​തി​രോ​ധ​ത്തി​നും സാ​ങ്കേ​തി​ക​മേ​ഖ​ല​യെ ഉ​പ​യോ​ഗ​പ്പെ​ടു​ത്തു​ന്ന​തി​ൽ മു​ന്നേ​യാ​യി​രു​ന്നു. ‘പി​ണി​യാ​ൾ’, ‘വി​ന്നോ മാ​ജി​ക്’, ‘കൂ​ത്താ​മ്പാ​ള പ​ള്ളി​ച്ചി’ (തി​ര​ക്ക​ഥ), ‘ഗ​ദ്ദി​ക’, ‘ഡെ​സ്റ്റി​നേ​ഷ​ൻ’ എ​ന്നീ ഡോ​ക്യു​മെ​ന്റ​റി​ക​ൾ അ​തി​ന്റെ ഭാ​ഗ​മാ​യി​രു​ന്നു. 2011ൽ ​തൃ​ശൂ​ർ അ​ന്ത​ർ​ദേ​ശീ​യ ച​ല​ച്ചി​ത്ര​മേ​ള യു​ടെ (IFFT) ഭാ​ഗ​മാ​യി ഇ​ക്കോ-​ഫോ​ക് ലോ​ർ ഫി​ലിം ഫെ​സ്റ്റി​വ​ൽ ഉ​ൾ​പ്പെ​ടു​ത്തു​ന്ന​തും പി​ന്നീട് ‘ഷാ​മ​ൻ’ എ​ന്ന പേ​രി​ൽ സ്വ​ത​ന്ത്ര​മാ​യി തു​ട​രു​ന്ന​തും അ​ദ്ദേ​ഹ​ത്തി​ന്റെ ഉ​ദ്യ​മ​ത്തി​ലാ​ണ്. ഇ​തി​ന്റെ തു​ട​ർ​ച്ച​യാ​യാ​ണ് 2017ൽ ​തൃ​ശൂ​രി​ൽ ഇ​ന്റ​ർ​നാ​ഷ​ന​ൽ ഫോ​ക് ലോ​ർ ഫി​ലിം ഫെ​സ്റ്റി​വ​ൽ ആ​രം​ഭി​ക്കു​ന്ന​ത്.

അ​ധി​നി​വേ​ശാ​ധു​നി​ക​ത​യോ​ടും സ​വ​ർ​ണാ​ധി​നി​വേ​ശ​ത്തോ​ടും ചെ​റു​ത്ത് വ​ള​രു​ന്ന പ്ര​തി​രോ​ധ​സം​സ്കാ​ര​മാ​യാ​ണ് ഫോ​ക് ലോ​റി​നെ മ​ന​സ്സി​ലാ​ക്കേ​ണ്ട​ത് എ​ന്ന സ​മീ​പ​ന​മാ​റ്റ​മാ​ണ് സി.​ആ​ർ. രാ​ജ​ഗോ​പാ​ല​ൻ കൈ​ക്കൊ​ണ്ട​ത്. മ​നഃ​ശാ​സ്ത്രം, പ​രി​സ്ഥി​തി​ചി​ന്ത, സൗ​ന്ദ​ര്യ​ശാ​സ്ത്രം, ന​ര​വം​ശ​ശാ​സ്ത്രം, ച​രി​ത്രം, ക​ലാ​വി​മ​ർ​ശ​നം, സ​മൂ​ഹ​വി​ജ്ഞാ​നം, ശൈ​ലീ​പ​ഠ​നം, പ്ര​ക​ട​ന​സി​ദ്ധാ​ന്തം എ​ന്നി​ങ്ങ​നെ പ​ല മേ​ഖ​ല​ക​ളി​ലേ​ക്ക് പ​ട​രു​ന്ന​താ​ണ് അ​ദ്ദേ​ഹ​ത്തി​ന്റെ പ​ഠ​ന​ങ്ങ​ൾ. അ​തി​രു​ തി​രി​ക്കു​ന്ന​താ​യി​രു​ന്നി​ല്ല ശാ​ഖാ​തി​വ​ർ​ത്തി​യാ​യ (Transdisciplinary) ജ്ഞാ​ന​സ​മീ​പ​ന​മാ​യി​രു​ന്നു അ​ദ്ദേ​ഹ​ത്തി​ന്റേ​ത്. അ​തി​ന് പ്രാ​പ്ത​നാ​ക്കി​യ​ത് നാ​ട്ട​റി​വി​ന്റെ എ​പ്പി​സ്റ്റീം ത​ന്നെ​യാ​യി​രു​ന്നു. നൊ​മാ​ഡി​ക്കാ​യ ചി​ന്ത​യു​ടെ സം​ഘ​ർ​ഷ​പൂ​ർ​ണ​മാ​യ പ​ര​പ്പാ​ണ് അ​ത് അ​ദ്ദേ​ഹ​ത്തി​നു ന​ൽ​കി​യ​ത്. സം​ഘ​ർ​ഷം നി​റ​ഞ്ഞ​താ​യി​രു​ന്നു അ​ദ്ദേ​ഹ​ത്തി​ന്റെ വ്യ​ക്തി​ജീ​വി​ത​വും. സ​ങ്കീ​ർ​ണ​മാ​യ അ​ന്ത​ർ​മു​ഖ​ത്വ​വും ക്രി​യാ​ത്മ​ക​മാ​യ പൊ​തു​രം​ഗ​വും പൊ​രു​ത്ത​ക്കേ​ടും പ്ര​ശ്ന​ങ്ങ​ളു​മു​ണ്ടാ​ക്കി. മ​ക​ൾ കാ​വ്യ​യു​ടെ മ​ര​ണം ന​ൽ​കി​യ ആ​ഘാ​ത​ത്തി​നു​മേ​ലാ​ണ് മ​സ്തി​ഷ്ക​ശോ​ഷ​ണം (MSA) ശ​രീ​ര​ത്തെ ത​ള​ർ​ത്തു​ന്ന​ത്. പ​ക്ഷേ മ​രി​ക്കു​ന്ന​തു​വ​രെ ഊ​ർ​ജ​സ്വ​ല​മാ​യ മ​ന​സ്സു​മാ​യി ക​ർ​മ​വ്യ​ഗ്ര​നാ​യി നി​ന്നു അ​ദ്ദേ​ഹം. അ​വ​സാ​ന​ നാ​ളു​ക​ളി​ൽ പെ​യി​ന്റ് ബ്ര​ഷ് വ​ഴ​ങ്ങാ​തെ​ വ​ന്ന​പ്പോ​ൾ വി​ര​ലു​ക​ൾ വ​ർ​ണ​ത്തി​ൽ മു​ക്കി​യും വ​ര​ച്ചു​കൊ​ണ്ടി​രി​ക്കാ​ൻ ഇ​ഷ്ട​പ്പെ​ട്ടു. ചി​ന്ത​യും അ​ധ്വാ​ന​വും അ​ദ്ദേ​ഹ​ത്തെ ത​ള​ർ​ത്തി എ​ന്ന് സു​ഹൃ​ത്തു​ക്ക​ൾ പ​റ​യു​ന്നു. പ​റ​ഞ്ഞ​ത് ആ​വ​ർ​ത്തി​ക്കാ​ന​ല്ല, പ​റ​യാ​ത്ത കാ​ര്യ​ങ്ങ​ൾ ആ​വി​ഷ്ക​രി​ക്കാ​നാ​ണ് അ​ദ്ദേ​ഹം ശ്ര​മി​ച്ച​ത്. അ​തി​ൽ പു​തി​യ സൈ​ദ്ധാ​ന്തി​ക​പ​ദ്ധ​തി​ക​ളു​ണ്ട്. ജൈ​വ​ചി​ന്ത ഏ​ത​ർ​ഥ​ത്തി​ലും പു​ല​ർ​ത്തി​യ ആ​ളാ​ണ് സി.​ആ​ർ. രാ​ജ​ഗോ​പാ​ല​ൻ.

News Summary - C R Rajagopalan cultural contribution