മാ​ധ്യ​മസ്വാ​ത​ന്ത്ര്യ​വും ട്രേ​ഡ് യൂ​നി​യ​ൻ വൈ​ര​വും

ഒ​രു കേ​സ് എ​ങ്ങ​നെ നി​ർ​മി​ച്ചെ​ടു​ക്കാം? അ​തി​ന് മാ​തൃ​ക​യാ​വു​ക​യാ​ണ് സി​ദ്ദി​ഖ് കാ​പ്പ​ൻ കേ​സ്. മാ​ത്ര​മ​ല്ല, മാ​ധ്യ​മ​പ്ര​വ​ർ​ത്ത​ക​രെ ക​ള്ള​ക്കേ​സി​ൽ കു​ടു​ക്കു​ന്ന​തി​ന് മാ​ധ്യ​മ​പ്ര​വ​ർ​ത്ത​ക​ർത​ന്നെ ത​യാ​റാ​കു​ന്നു​ണ്ടെ​ന്നും വെ​ളി​പ്പെ​ടു​ന്നു.

2020 ഒ​ക്ടോ​ബ​ർ 5ന് ​കാ​പ്പ​ന​ട​ക്കം നാ​ലു​പേ​രെ യു.പിയിലെ മ​ഥു​ര പൊ​ലീസ് അ​റ​സ്റ്റ് ചെ​യ്ത​ത്, ഹാ​ഥറ​സി​ലേ​ക്ക് പോ​കു​ന്ന വ​ഴി​ക്കാ​ണ്. അ​വി​ടെ ഒ​രു ദ​ലി​ത് ബാ​ലി​ക മേ​ൽ​ജാ​തി​ക്കാ​രു​ടെ അ​ക്ര​മ​ത്തി​നും കൂ​ട്ട മാ​ന​ഭം​ഗ​ത്തി​നു​മി​ര​യാ​യി മ​രി​ച്ച​പ്പോ​ൾ അ​ത് ലോ​ക​ത്തെ​ത​ന്നെ ഞെ​ട്ടി​ച്ചു. പൊലീ​സാ​ക​ട്ടെ അ​ന്ത്യ​സം​സ്കാ​ര​ങ്ങ​ൾ കു​ടും​ബ​ത്തി​ന്റെ സ​മ്മ​തം വാ​ങ്ങാ​തെ പെ​ട്ടെ​ന്ന് ന​ട​ത്തു​ക​യും ചെ​യ്തു.

അ​ധി​കൃ​ത​ർത​ന്നെ കേ​സി​ന് തു​മ്പി​ല്ലാ​താ​ക്കാ​ൻ ശ്ര​മി​ക്കു​ന്നു എ​ന്ന ആ​രോ​പ​ണ​മു​യ​ർ​ന്നു. ആ​ഗോ​ളമാ​ധ്യ​മ​ങ്ങ​ളി​ൽനി​ന്ന​ട​ക്കം റി​പ്പോ​ർ​ട്ട​ർ​മാ​ർ ഹാ​ഥറ​സി​ലേ​ക്കൊ​ഴു​കി.

എ​ന്നാ​ൽ, അ​ങ്ങോ​ട്ടു പോ​കും​വ​ഴി പൊ​ലീ​സ് സി​ദ്ദി​ഖ് കാ​പ്പ​നെ​യും മ​റ്റും അ​റ​സ്റ്റ് ചെ​യ്ത് കേ​സെ​ടു​ത്തു. രാ​ജ്യ​ദ്രോ​ഹം മു​ത​ൽ യു.​എ.​പി.​എ, ഐ.​ടി നി​യ​മം എ​ന്നി​വപ്ര​കാ​ര​മു​ള്ള കു​റ്റ​ങ്ങ​ളും ചാ​ർ​ത്തി​യാ​ണ് കേ​സ്.

യ​ഥാ​ർ​ഥ മാ​ധ്യ​മ​പ്ര​വ​ർ​ത്ത​ന​വും അ​തി​നെ​തി​രെ ഭ​ര​ണ​കൂ​ടം ഉ​യ​ർ​ത്തു​ന്ന വെ​ല്ലു​വി​ളി​ക​ളും ഗൗ​ര​വ​ത്തോ​ടെ കാ​ണു​ന്ന മാ​ധ്യ​മ​ങ്ങ​ളും വെ​ബ് പോ​ർ​ട്ട​ലു​ക​ളും വി​ശ​ദ​മാ​യി പി​ന്തു​ട​രു​ന്ന കേ​സാ​ണി​ത്. ത​ുടക്കം മു​ത​ൽ സു​പ്രീം​കോ​ട​തി ഇ​ട​ക്കാ​ല ജാ​മ്യം അ​നു​വ​ദി​ക്കു​ന്ന​തു​വ​രെ​യു​ള്ള കേ​വ​ല വ​സ്തു​ത​ക​ൾ മാ​ത്രം നോ​ക്കി​യാ​ൽ ന​മ്മു​ടെ മാ​ധ്യ​മ​സ്വാ​ത​ന്ത്ര്യ​ത്തെ​പ്പ​റ്റി മാ​ത്ര​മ​ല്ല, ചി​ല മാ​ധ്യ​മ​പ്ര​വ​ർ​ത്ത​ക​രു​ടെ ഒ​റ്റു​പ​ണി​യെ​പ്പ​റ്റി​യും ധാ​ര​ണ തെ​ളി​യും. ന്യൂ​സ് ലോ​ൺ​ഡ്രി​യി​ൽ ആ​കാം​ക്ഷ കു​മാ​റാ​ണ് കേ​സ് വി​ശ​ദ​മാ​യി പി​ന്തു​ട​രു​ന്ന ഒ​രാ​ൾ. അ​വ​രെ​ഴു​തി​യ പ​ര​മ്പ​ര​യി​ൽ കു​റെ വ​സ്തു​ത​ക​ൾ ചൂ​ണ്ടി​ക്കാ​ട്ടു​ന്നു​ണ്ട്.

4500 പേ​ജു​ള്ള കു​റ്റ​പ​ത്ര​ത്തി​ലും പൊ​ലീ​സ് രേ​ഖ​പ്പെ​ടു​ത്തി​യ മൊ​ഴി​ക​ളി​ലും വ​സ്തു​ത​ക്ക് നി​ര​ക്കാ​ത്ത കാ​ര്യ​ങ്ങ​ൾ കു​റെ​യു​ണ്ട​​േത്ര. യു.​പി പൊ​ലീ​സി​ന്റെ പ്ര​ത്യേ​ക ക​ർ​മ​സേ​ന അ​വ​രു​ടെ വാ​ദ​ത്തി​ന് പ്ര​ധാ​ന ആ​ധാ​ര​മാ​യെ​ടു​ത്ത​ത് ജി. ​ശ്രീ​ദ​ത്ത​ൻ എ​ന്ന മാ​ധ്യ​മ​പ്ര​വ​ർ​ത്ത​ക​ന്റെ പ്ര​സ്താ​വ​ന​യാ​ണ്. ഓ​ർ​ഗ​നൈ​സ​ർ എ​ന്ന ആ​ർ.​എ​സ്.​എ​സ് മു​ഖ​പ​ത്ര​ത്തി​ന്റെ​യും ഇ​ൻ​ഡ​സ് സ്ക്രോ​ൾ​സ് എ​ന്ന ഹി​ന്ദു​ത്വ​പ​ക്ഷ വെ​ബ്സൈ​റ്റി​ന്റെ​യും എ​ഡി​റ്റ​റാ​ണ് ശ്രീ​ദ​ത്ത​ൻ. കു​റെ മാ​സം മു​മ്പ് കാ​പ്പ​ൻ അ​ദ്ദേ​ഹ​ത്തി​നെ​തി​രെ മാ​ന​ന​ഷ്ട​ത്തി​ന് വ​ക്കീ​ൽ നോ​ട്ടീസ് അ​യ​ച്ചി​രു​ന്നു. പൊ​ലീ​സ് കേ​സി​ന് ആ​ധാ​ര​മാ​ക്കി​യ ശ്രീ​ദ​ത്ത​ന്റെ പ്ര​സ്താ​വ​ന​യു​ടെ കാ​ത​ൽ, പോ​പുല​ർ ഫ്ര​ണ്ട് ഓ​ഫ് ഇ​ന്ത്യ​യു​മാ​യി കാ​പ്പ​ന് ബ​ന്ധ​മു​ണ്ടെ​ന്ന ആ​രോ​പ​ണ​മാ​ണ്. ''വാ​ർ​ത്ത ക​ലാ​പ​ങ്ങ​ൾ'' സൃ​ഷ്ടി​ക്കാ​നാ​ണ് സി​ദ്ദി​ഖ് കാ​പ്പ​ൻ ഡൽ​ഹി​യി​ൽ ജോ​ലിചെ​യ്യു​ന്ന​ത് എ​ന്ന ക​ണ്ടെ​ത്ത​ലും ശ്രീ​ദ​ത്ത​ന്റേ​താ​യി ഉ​ണ്ട്. വാ​ദ​ത്ത​ിന് ഉ​ദാ​ഹ​ര​ണ​മാ​യി, 2019 ഡി​സം​ബ​റി​ൽ ജാ​മി​അ പ്ര​ക്ഷോ​ഭ​ത്തി​നി​ടെ മൂ​ന്നു വി​ദ്യാ​ർ​ഥി​ക​ൾ പൊ​ലീ​സ് വെ​ടി​വെ​പ്പി​ൽ കൊ​ല്ല​പ്പെ​ട്ടു എ​ന്നൊ​രു വ്യാ​ജ​വാ​ർ​ത്ത സി​ദ്ദി​ഖ് കാ​പ്പ​ൻ റി​പ്പോ​ർ​ട്ട് ചെ​യ്ത​താ​യി ശ്രീ​ദ​ത്ത​ൻ​ ആ​രോ​പി​ച്ചു. വാ​സ്ത​വ​ത്തി​ൽ കാ​പ്പ​ൻ അ​ങ്ങ​നെ​യൊ​രു വാ​ർ​ത്ത റി​പ്പോ​ർ​ട്ട് ചെ​യ്തി​ട്ടേ ഇ​ല്ല. ര​ണ്ടാ​മ​താ​യി, മൂ​ന്നു​പേ​ർ കൊ​ല്ല​പ്പെ​ട്ടു എ​ന്ന​ത് സ​ത്യ​മ​ല്ലെ​ങ്കി​ലും പൊ​ലീ​സ് വെ​ടി​വെ​പ്പ് ന​ട​ന്ന​താ​ണ്. സ​ഫ്ദ​ർ​ജ​ങ് ആ​ശു​പ​ത്രി​യി​ൽ വി​ദ്യാ​ർ​ഥി​ക​ളെ പ​രി​ശോ​ധി​ച്ച​തി​ന്റെ ഫ​ലം മെ​ഡി​ക്ക​ൽ സൂ​പ്ര​ണ്ട് എ​ൻ.​ഡി.​ടി.​വി​യോ​ടു പ​ങ്കു​വെ​ച്ചി​രു​ന്നു. വി​ദ്യാ​ർ​ഥി​ക​ൾ​ക്ക് വെ​ടി​യു​ണ്ട​യു​ടെ പ​രി​ക്കാ​ണ​​േത്ര ഉ​ള്ള​ത്. ഡൽ​ഹി പൊ​ലീ​സി​ന്റെ അ​ന്വേ​ഷ​ണ​ത്തി​ൽ, സ്ഥ​ല​ത്തു​ണ്ടാ​യി​രു​ന്ന ര​ണ്ട് പൊ​ലീ​സുകാ​രു​ടെ തോ​ക്കി​ൽ​നി​ന്ന് മൂ​ന്ന് ഉ​ണ്ട​ക​ൾ ഉ​തി​ർ​ത്ത​താ​യി തെ​ളി​ഞ്ഞു. ഏ​താ​യാ​ലും കാ​പ്പ​ൻ ഇ​തൊ​ന്നും റി​പ്പോ​ർ​ട്ട് ചെ​യ്തി​ട്ടി​ല്ലാ​യി​രു​ന്നു.

ത​ന്റെ ഉ​റ​വി​ടം ആ​രോ അ​യ​ച്ചു​ത​ന്ന ഒ​രു വാ​ട്സ്ആ​പ് സ​ന്ദേ​ശ​മാ​യി​രു​ന്നു എ​ന്ന് ന്യൂ​സ് ലോ​ൺ​ഡ്രി​യോ​ട് ശ്രീ​ദ​ത്ത​ൻ സ​മ്മ​തി​ക്കു​ന്നു​മു​ണ്ട്. അ​ത് പ​രി​ശോ​ധി​ക്കാ​ൻ കി​ട്ടി​ല്ല​​േത്ര – ഏ​ത് ഗ്രൂ​പ്പി​ലാ​ണ് ആ ​സ​ന്ദേ​ശം വ​ന്ന​തെ​ന്ന് ഒ​രോ​ർ​മ​യും അ​ദ്ദേ​ഹ​ത്തി​നി​ല്ല.

പ​ക്ഷേ, ഒ​രു മാ​ധ്യ​മ​പ്ര​വ​ർ​ത്ത​ക​നെ ത​ള​ച്ചി​ടാ​ൻ ആ​രോ എ​പ്പോ​ഴോ എ​ന്തി​നോ പ​ങ്കു​വെ​ച്ച വാ​ട്സ്ആ​പ് സ​ന്ദേ​ശം മ​തി എ​ന്നു വ​ന്നി​രി​ക്കു​ന്നു. തെ​ളി​വി​ല്ലെ​ങ്കി​ൽ​ ഒ​ടു​വി​ൽ കോ​ട​തി മോ​ചി​പ്പി​ക്കു​മ​ല്ലോ എ​ന്ന ചോ​ദ്യം​പോ​ലും ഇ​ന്ത്യ​ൻ സാ​ഹ​ച​ര്യ​ത്തി​ൽ ക്രൂ​ര​മാ​യ ത​മാ​ശ​മാ​ത്രം. കാ​ര​ണം, പ​ല​രും പ​റ​യും​പോ​ലെ, ''ന​ട​പ​ടി​ക്ര​മ​ങ്ങ​ൾ ത​ന്നെ ശി​ക്ഷ​യാ​ണ്'' (The process is the punishment).

കു​ട്ടി​ക​ള​ട​ക്കം കു​ടും​ബ​ത്തെ പി​രി​ഞ്ഞി​രി​ക്കേ​ണ്ടി​വ​രു​ന്നു. മാ​താ​വി​ന്റെ അ​ന്ത്യ​നാ​ളു​ക​ളി​ൽ ഒ​ന്നു കാ​ണാ​ൻ പ​റ്റാ​ത്ത സ്ഥി​തി. ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കു​മെ​ല്ലാം ആ​ധി​യും ആ​ശ​ങ്ക​യും. പ​ണ​ച്ചെ​ല​വ്. പ​ല കേ​സു​ക​ൾകൊ​ണ്ട് മു​റു​ക്കു​ന്ന ഭ​ര​ണ​കൂ​ട സാ​മ​ർ​ഥ്യം. നീ​തി​ക്കു​മേ​ൽ നി​യ​മ​ത്തെ ത​ട​സ്സം​വെ​ച്ച് വ​ർ​ത്തി​ക്കേ​ണ്ടി​വ​രു​ന്ന നീ​തി​ന്യാ​യ നി​സ്സ​ഹാ​യ​ത.

മാ​ധ്യ​മ​പ്ര​വ​ർ​ത്ത​ക​ർ മൊ​ത്തം അ​ഭി​മു​ഖീ​ക​രി​ക്കു​ന്ന ഈ ​പ്ര​ശ്ന​ത്തെ മാ​ധ്യ​മ പ്ര​വ​ർ​ത്ത​ക​രെ​ങ്കി​ലും പ​ക്വ​ത​​യോ​ടെ സ​മീ​പി​ക്കു​മെ​ന്നും, വ്യാ​ജ ആ​രോ​പ​ണ​ങ്ങ​ൾ തു​റ​ന്നു​കാ​ട്ടി മാ​ധ്യ​മ​സ്വാ​ത​​ന്ത്ര്യ​ത്തെ ശ​ക്തി​പ്പെ​ടു​ത്തു​മെ​ന്നും ക​രു​തി​യ​വ​ർ​ക്ക് തെ​റ്റി.

2021 ഡി​സം​ബ​റി​ൽ ആ​കാം​ക്ഷ കു​മാ​ർ എ​ഴു​തി​യ ലേ​ഖ​ന​ത്തി​ൽ പൊ​ലീ​സ് സേ​ന സ​മ​ർ​പ്പി​ച്ച കു​റ്റ​പ​ത്ര​ത്തി​ൽ ബി​നു വി​ജ​യ​ൻ എ​ന്ന മാ​ധ്യ​മ​പ്ര​വ​ർ​ത്ത​ക​ന്റെ പ്ര​സ്താ​വ​ന ഉ​ൾ​പ്പെ​ടു​ത്തി​യ​താ​യി അ​റി​യി​ച്ചു. മ​ല​യാ​ള മ​നോ​ര​മ ലേ​ഖ​ക​നാ​ണ​​േത്ര അ​ദ്ദേ​ഹം. കേ​ര​ള യൂ​നി​യ​ൻ ഓ​ഫ് വ​ർ​ക്കി​ങ് ജേ​ണ​ലി​സ്റ്റ്സ് (കെ.​യു.​ഡ​ബ്ല്യു.​ജെ) ഡൽ​ഹി ചാ​പ്റ്റ​റി​ന്റെ സെ​ക്ര​ട്ട​റി​യാ​യ സി​ദ്ദി​ഖ് കാ​പ്പ​ൻ അ​തി​ന്റെ ഫ​ണ്ട് വ്യാ​ജ​വാ​ർ​ത്ത പ​ര​ത്താ​ൻ ഉ​പ​യോ​ഗി​ച്ചു എ​ന്നാ​ണ​​േത്ര ബി​നു വി​ജ​യ​ന്റെ മൊ​ഴി. ഇ​ത് കെ.​യു.​ഡ​ബ്ല്യു.​ജെ​യു​ടെ ഉ​ത്ത​ര​വാ​ദ​പ്പെ​ട്ട​വ​ർ നി​ഷേ​ധി​ച്ചി​ട്ടു​ണ്ട്. ആ ​കേ​സ് കോ​ട​തി​യി​ൽ വേ​റെ ന​ട​ക്കു​ന്നു.

ബി​നു വി​ജ​യ​നാ​ണ​​േത്ര ശ്രീ​ദ​ത്ത​ന് സി​ദ്ദി​ഖ് കാ​പ്പ​നെ​പ്പ​റ്റി ഇ-​മെ​യി​ൽ അ​യ​ച്ച​ത്. ഇ​താ​ണ് ന​മ്മു​ടെ മാ​ധ്യ​മ​പ്ര​വ​ർ​ത്ത​ന​ത്തി​ന്റെ സാ​മ്പി​ളെ​ങ്കി​ൽ, ഒ​രു സി​ദ്ദി​ഖ് കാ​പ്പ​ൻ മാ​ത്ര​മ​ല്ല ഇ​ര​യാ​ക്ക​പ്പെ​ടു​ന്ന​ത്; മാ​ധ്യ​മ​പ്രവർ​ത്ത​നം മു​ഴു​വ​നു​മാ​ണ്. അ​തും മാ​ധ്യ​മ​പ്ര​വ​ർ​ത്ത​ക​രു​ടെ ത​ന്നെ അ​ഞ്ചാം​ പ​ത്തി നീ​ക്ക​ങ്ങ​ൾ വ​ഴി.

അ​ഫ്ഗാ​നി​ലെ പു​ണ്യ​വാ​ള​ൻ

ഭ​ര​ണ​കൂ​ട​ങ്ങ​ൾ പ്ര​തി​രോ​ധ​ത്തി​ലാ​യ പ​ല സം​ഭ​വ​ങ്ങ​ളി​ലും അ​ധി​കാ​രി​ക​ൾ നി​ർ​മി​ക്കു​ന്ന ക​ഥ വീ​റോ​ടെ പ്ര​ച​രി​പ്പി​ക്കാ​നും ചോ​ദ്യം ചെ​യ്യു​ന്ന​വ​രെ ക്രൂ​ശി​ക്കാ​നും വ​ൻ​കി​ട മാ​ധ്യ​മ​ങ്ങ​ൾ ശീ​ലി​ച്ചു​ക​ഴി​ഞ്ഞു. അ​ധി​കൃ​ത​ർ​ക്കു​വേ​ണ്ടി അ​വ​ർ രൂ​പ​പ്പെ​ടു​ത്തു​ന്ന ''സ്പി​ൻ'' ക​ഥ​ക​ൾ ഒ​റ്റ​നോ​ട്ട​ത്തി​ൽ മ​ന​സ്സ​ിലാ​കി​ല്ലെ​ന്നു മാ​ത്രം.

അ​മേ​രി​ക്ക​യി​ലെ പൊ​തു-​സ്വ​കാ​ര്യ മേ​ഖ​ല​യി​ൽ ലാ​ഭേ​ച്ഛ​യി​ല്ലാ​തെ പ്ര​വ​ർ​ത്തി​ക്കു​ന്ന സ്വ​ത​ന്ത്ര മാ​ധ്യ​മ​സ്ഥാ​പ​ന​മാ​യാ​ണ് നാ​ഷ​ന​ൽ പ​ബ്ലി​ക് റേ​ഡി​യോ (എ​ൻ.​പി.​ആ​ർ) സ്ഥാ​പി​ക്ക​പ്പെ​ട്ട​ത്. യു.​എ​സ് ഭ​ര​ണ​കൂ​ട​ത്തെ അ​ട​ക്കം വി​മ​ർ​ശി​ക്കാ​ൻ അ​തി​ന് ക​ഴി​യ​ണം എ​ന്നാ​ണ് സ​ങ്ക​ൽ​പം. അ​മേ​രി​ക്ക​യി​ലെ ആ​യി​രം പൊ​തു​മേ​ഖ​ല റേ​ഡി​യോ നി​ല​യ​ങ്ങ​ള​ട​ങ്ങു​ന്ന മാ​ധ്യ​മ​ശൃം​ഖ​ല​യെ ന​യി​ക്കു​ന്ന​ത് എ​ൻ.​പി.​ആ​റാ​ണ്.

അ​ഫ്ഗാ​നി​സ്താ​നി​ൽനി​ന്ന് യു.​എ​സ് സേ​ന ഓ​ടി​പ്പോ​യ​തി​ന്റെ വാ​ർ​ഷി​ക​ത്തോ​ട​നു​ബ​ന്ധി​ച്ച് എ​ൻ.​പി.​ആ​ർ പ്ര​ക്ഷേ​പ​ണംചെ​യ്ത പ​ര​മ്പ​ര ഒ​റ്റ​നോ​ട്ട​ത്തി​ൽ നി​ർ​ദോ​ഷ​മാ​യി​രു​ന്നു.

അ​മേ​രി​ക്ക അ​ന്നാ​ട്ടി​ൽ ക​ട​ന്നു​ക​യ​റി​യ​ത് സെ​പ്റ്റം​ബ​ർ 11ലെ ​ന്യൂ​യോ​ർ​ക് ഭീ​ക​രാ​ക്ര​മ​ണ​ത്തെ തു​ട​ർ​ന്നാ​യി​രു​ന്നു. വേ​ൾ​ഡ് ​ട്രേ​ഡ് സെ​ന്റ​റി​ൽ ഇ​ടി​ച്ച വി​മാ​ന​ങ്ങ​ൾ കെ​ട്ടി​ട​ങ്ങ​ളു​ടെ ത​ക​ർ​ച്ച​ക്കും മൂ​വാ​യി​ര​ത്തോ​ളം നി​ര​പ​രാ​ധി​ക​ളു​ടെ ദാ​രു​ണമ​ര​ണ​ത്തി​നും കാ​ര​ണ​മാ​യി എ​ന്നാ​ണ് പൊ​തു​വെ സ്വീ​ക​രി​ക്ക​പ്പെ​ട്ട ആ​ഖ്യാ​നം.

ആ ​വി​മാ​ന​ങ്ങ​ൾ അ​യ​ച്ച​തി​ലോ കെ​ട്ടി​ട​ങ്ങ​ളി​ലി​ടി​ച്ച​തി​ലോ അ​ഫ്ഗാ​ൻ​കാ​ർ​ക്ക് പ​ങ്കു​ണ്ടാ​യി​രു​ന്നി​ല്ല. അ​തി​ലു​ള്ള​വ​രി​ൽ​ ഒ​രാ​ളും അ​ഫ്ഗാ​നി​യ​ല്ല. പ​ക്ഷേ, അ​തി​ന്റെ പേ​രി​ൽ അ​മേ​രി​ക്ക ആ​ക്ര​മി​ച്ച​ത് താ​ലി​ബാ​ൻ ഭ​രി​ക്കു​ന്ന അ​ഫ്ഗാ​നി​സ്താ​നെ. കാ​ര​ണം, ചാ​വേ​റു​ക​ൾ അ​ൽ​ഖാ​ഇ​ദ​ക്കാ​രാ​ണ്. അ​തി​ന്റെ നേ​താ​ക്ക​ൾ അ​ഫ്ഗാ​നി​ലാ​ണ് ഉ​ള്ള​ത്. അ​തു​കൊ​ണ്ട് അ​വി​​ടം ത​ക​ർ​ക്കു​ക. ഇ​ത്ര വ​ലി​യ ഒ​രു സൈ​നി​ക ഓ​പ​റേ​ഷ​ന് വേ​ണ്ട ആ​ൾ​ശേ​ഷി​യും സം​ഘാ​ട​ന​വും​ പ​ണ​വും അ​ൽ​ഖാ​ഇ​ദ​ക്കു​ണ്ടോ എ​ന്ന ചോ​ദ്യം ഉ​ന്ന​യി​ച്ച​വ​രെ അ​ടി​ച്ചി​രു​ത്തു​ന്ന ത​ര​ത്തി​ലാ​ണ് ''സ്പി​ൻ'' മാ​ന്ത്രി​ക​ർ ക​ഥ​ക​ൾ നെ​യ്ത​ത്.

പ​ക്ഷേ, അ​തി​നി​ട​യി​ലും ചി​ല വ​സ്തു​ത​ക​ൾ ബാ​ക്കി​നി​ന്നു. താ​ലി​ബാ​ൻ അ​ൽഖാ​ഇ​ദ​യെ പി​ന്തു​ണ​ക്കാ​ത്ത​വ​രാ​ണെ​ന്നു മാ​ത്ര​മ​ല്ല, അ​വ​രെ എ​തി​ർ​ക്കു​ന്ന​വ​രു​മാ​ണ്. അ​ൽ​ഖാ​ഇ​ദ നേ​താ​ക്ക​ളെ നി​യ​മ​ത്തി​നു മു​മ്പാ​കെ കൊ​ണ്ടു​വ​രാ​ൻ അ​മേ​രി​ക്ക​യോ​ടു ചേ​ർ​ന്ന് പ്ര​വ​ർ​ത്തി​ക്കാ​ൻ വ​രെ താ​ലി​ബാ​ൻ (ഭീ​ക​രാ​ക്ര​മ​ണ​ത്തി​നു മു​മ്പു​ത​ന്നെ) ത​യാ​റാ​യി​രു​ന്നു. വ​ർ​ഷ​ങ്ങ​ളോ​ളം പ​ല​ത​വ​ണ അ​വ​ർ അ​നൗ​ദ്യോ​ഗി​ക ചാ​ന​ലു​ക​ൾ വ​ഴി അ​മേ​രി​ക്ക​യെ അ​റി​യി​ച്ചു. അ​ൽ​ഖാ​ഇ​ദ​യെ മ​ര്യാ​ദ പ​ഠി​പ്പി​ക്കാ​ൻ മ​റ്റു നി​ർ​ദേ​ശ​ങ്ങ​ളും അ​വ​ർ മു​ന്നോ​ട്ടു​വെ​ച്ചു.

പ​ക്ഷേ, ബി​ൻ​ലാ​ദി​നെ വി​ട്ടു​ത​രൂ എ​ന്നു​പ​റ​ഞ്ഞ് അ​മേ​രി​ക്ക ന​ട​ത്തി​യ ആ​ക്ര​മ​ണം, ര​ണ്ടാം ലോ​ക​യു​ദ്ധ​ത്തി​നൊ​ടു​വി​ൽ ജ​പ്പാ​ൻ കീ​ഴ​ട​ങ്ങാ​ൻ ത​യാ​റാ​യ ശേ​ഷ​വും അ​ണു​ബോം​ബി​ട്ട ന​ട​പ​ടി​യു​ടെ മ​റ്റൊ​രു പ​തി​പ്പാ​യി.

യു.​എ​സ് സേ​ന ആ​ക്ര​മി​ച്ച​തി​നു ശേ​ഷ​വും താ​ലി​ബാ​ൻ ബി​ൻ​ലാ​ദി​നെ വി​ട്ടു​കൊ​ടു​ക്കാ​മെ​ന്നു പ​റ​ഞ്ഞു. ''ഒ​രു സ​ന്ധി​യു​മി​ല്ല'' എ​ന്ന പ്ര​ഖ്യാ​പ​ന​ത്തോ​ടെ ബു​ഷ് അ​ന്നാ​ടി​നെ നി​ര​ത്തി ബോം​ബി​ട്ടു.

ഇ​പ്പോ​ളി​താ എ​ൻ.​പി.​ആ​ർ ആ ​ക​ഥ ഒ​ന്ന് മാ​റ്റു​ന്നു. ആ​ഗ​സ്റ്റ് 5ന് ​പ്ര​ക്ഷേ​പ​ണം ചെ​യ്ത ച​ർ​ച്ചാ പ​രി​പാ​ടി​യു​ടെ ആ​മു​ഖ​ത്തി​ൽ അ​വ​താ​ര​ക​ൻ സ്റ്റീ​വ് ഇ​ൻ​സ്കീ​പ് പ​റ​ഞ്ഞു: ''2001ൽ ​ഉ​സാ​മ ബി​ൻ​ലാ​ദി​നെ വി​ട്ടു​കൊ​ടു​ക്കാ​ൻ വി​സ​മ്മ​തി​ച്ചു താ​ലി​ബാ​ൻ നേ​താ​വ് മു​ല്ല ഉ​മ​ർ. ആ ​വി​സ​മ്മ​ത​മാ​ണ് യു​ദ്ധ​ത്തി​ലേ​ക്ക് ന​യി​ച്ച​ത്.''

ച​രി​ത്ര​ത്തെ പ​ച്ച​യാ​യി മാ​റ്റി​യെ​ഴു​തു​ന്ന ഈ ​അ​വ​ത​ര​ണം അ​ബ​ദ്ധ​വ​ശാ​ൽ വ​ന്നു​പോ​യ​ത​ല്ല. റേ​ഡി​യോ​യു​ടെ ഓ​ൺ​ലൈ​ൻ പ​തി​പ്പി​ൽ അ​ത് കൂ​ടു​ത​ൽ ശ​ക്ത​മാ​യി എ​ൻ.​പി.​ആ​ർ പ​റ​ഞ്ഞു​വെ​ക്കു​ന്നു.

9/11 എ​ല്ലാ വ​ർ​ഷ​വും അ​മേ​രി​ക്ക​യു​ടെ സ്വ​ന്തം പ്ര​ചാ​ര​ണ വാ​ർ​ഷി​ക​ങ്ങ​ളാ​യി​രു​ന്നു. ഇ​ക്കൊ​ല്ലം ആ ​പ​ര​മ്പ​ര​ക​ൾ നി​ല​ച്ച മ​ട്ടാ​ണ്. പ​ക​രം അ​ഫ്ഗാ​നി​സ്താ​ൻ ആ​ക്ര​മ​ണ​ത്തെ ന്യാ​യീ​ക​രി​ക്ക​ലും യു​ക്രെ​യ്നി​ൽ റ​ഷ്യ​ക്കെ​തി​രാ​യ ''ന്യാ​യ​മാ​യ'' യു​ദ്ധ​വു​മാ​ണ് നാം ​ക​ണ്ട​ത്. ഓ​രോ കാ​ല​ങ്ങ​ളി​ൽ ഓ​രോ അ​തി​ക്ര​മ​ങ്ങ​ൾ; ഓ​രോ ക​ഥ​ക​ൾ...