വാ​ർ​ത്താ ധാ​രാ​ളി​ത്തം അ​ഥ​വാ ടാ​ബ്ലോ​യ്ഡ് രാ​ഷ്ട്രീ​യം

വാ​ർ​ത്ത​ക​ൾ​ക്ക് പൊ​തു​വെ ന​ൽ​കു​ന്ന പ്രാ​ധാ​ന്യ​ത്തി​ന് ചി​ല മാ​ന​ദ​ണ്ഡ​ങ്ങ​ൾ പ​റ​യാ​റു​ണ്ട്. അ​ത​ത് പ​ത്ര​ത്തി​ന്റെ സ്വ​കാ​ര്യ താ​ൽ​പ​ര്യ​ങ്ങ​ളും അ​തി​നെ സ്വാ​ധീ​നി​ക്കും. എ​ന്നാ​ൽ, പൊ​തു മാ​ന​ദ​ണ്ഡ​ങ്ങ​ൾ​ക്കും താ​ൽ​പ​ര്യ​ങ്ങ​ൾ​ക്കു​മ​പ്പു​റം, എ​ങ്ങ​നെ​യോ ഉ​ണ്ടാ​യി​പ്പോ​യ ചി​ല കീ​ഴ് വഴ​ക്ക​ങ്ങ​ൾ കൂ​ടി വാ​ർ​ത്താ പ്രാ​മു​ഖ്യ​ത്തി​ന് പി​ന്നി​ലു​ണ്ടോ?

ര​ണ്ട് വാ​ർ​ത്ത​ക​ൾ ത​മ്മി​ലു​ള്ള താ​ര​ത​മ്യ​മാ​ണ് ഈ ​സം​ശ​യ​ത്തി​ന് പി​ന്നി​ലു​ള്ള​ത്. ആ​ഗ​സ്റ്റ് 29ലെ ​പ​ത്ര​ങ്ങ​ളി​ലെ സി.​പി.​എം സം​സ്ഥാ​ന വാ​ർ​ത്ത​യും കോ​ൺ​ഗ്ര​സ് ദേ​ശീ​യ വാ​ർ​ത്ത​യു​മാ​ണ് അ​വ.

സം​സ്ഥാ​ന സി.​പി.​എ​മ്മി​ൽ കോ​ടി​യേ​രി​ക്കു പ​ക​രം എം.​വി. ഗോ​വി​ന്ദ​ൻ സെ​ക്ര​ട്ട​റി​യാ​യ​താ​ണ് ഒ​ന്ന്. മ​റ്റേ​ത്, കോ​ൺ​ഗ്ര​സി​ന്റെ ദേ​ശീ​യ തെ​ര​ഞ്ഞെ​ടു​പ്പി​ന് തീ​യ​തി നി​ശ്ച​യി​ച്ച​തും.

സം​സ്ഥാ​ന​ത്ത് മു​ഖ്യ ഭ​ര​ണ​ക​ക്ഷി​യാ​ണ് സി.​പി.​എം. അ​തി​ന്റെ മേ​ധാ​വി മാ​റി​യ​ത് പ്ര​ധാ​ന​പ്പെ​ട്ട വി​വ​ര​മാ​ണ്. ദേ​ശീ​യത​ല​ത്തി​ൽ മു​ഖ്യ പ്ര​തി​പ​ക്ഷ​മെ​ന്ന് ഇ​ന്നും പ​റ​യാ​വു​ന്ന ക​ക്ഷി​യു​ണ്ടെ​ങ്കി​ൽ അ​ത് കോ​ൺ​ഗ്ര​സാ​ണ്. ആ​ളു​ക​ൾ ഒ​ഴി​ഞ്ഞു​പോ​കു​ന്ന സാ​ഹ​ച​ര്യ​ത്തി​ൽ, ഏ​റെ​ക്കാ​ല​മാ​യി ന​ട​ക്കാ​തി​രു​ന്ന സം​ഘ​ട​നാ തെ​ര​ഞ്ഞെ​ടു​പ്പി​ന്റെ തീ​യ​തി പ്ര​ധാ​ന​മാ​ണെ​ങ്കി​ലും, മ​ല​യാ​ള പ​ത്ര​ങ്ങ​ൾ​ക്ക് അ​ത് സി.​പി.​എം വാ​ർ​ത്ത​യോ​ളം വ​രി​ല്ലെ​ന്ന വാ​ദ​മു​ണ്ട് – അ​ത് ന്യാ​യ​വു​മാ​ണ്.

പ​ക്ഷേ, ര​ണ്ടു വാ​ർ​ത്ത​ക​ൾ​ക്കും പ​ത്ര​ങ്ങ​ൾ ന​ൽ​കി​യ ഇ​ട​വും പ്രാ​ധാ​ന്യ​വും ഇ​പ്പ​റ​ഞ്ഞ ന്യാ​യ​ത്തെ അ​നേ​ക​മ​ട​ങ്ങ് അ​തി​ശ​യി​ക്കു​ന്ന ത​ര​ത്തി​ലാ​ണ്.

മാ​ധ്യ​മ​ത്തി​ന്റെ ലീ​ഡ് വാ​ർ​ത്ത: ​''കോ​ടി​യേ​രി സി.​പി.​എം സം​സ്ഥാ​ന സെ​ക്ര​ട്ട​റി പ​ദ​വി ഒ​ഴി​ഞ്ഞു; ഇ​നി എം.​വി. ഗോ​വി​ന്ദ​ൻ.'' സൂ​പ്പ​ർ ലീ​ഡാ​യി കോ​ൺ​ഗ്ര​സ് വാ​ർ​ത്ത​: ''കോ​ൺ​ഗ്ര​സ് തെ​ര​ഞ്ഞെ​ടു​പ്പ് ഒ​ക്ടോ​ബ​ർ 17ന്.''

​സി.​പി.​എം വാ​ർ​ത്ത​ക്ക് അ​നു​ബ​ന്ധ​മാ​യി പു​തി​യ സെ​ക്ര​ട്ട​റി​യു​ടെ വാ​ർ​ത്താസ​മ്മേ​ള​ന വാ​ർ​ത്ത ചേ​ർ​ത്തു. അ​ഞ്ചാം പേ​ജി​ന്റെ മു​ക്കാ​ൽ ഭാ​ഗ​ത്താ​യി ഒ​മ്പ​ത് ഉ​പ​വാ​ർ​ത്ത​ക​ൾ വേ​റെ​​യും. എ​ഡി​റ്റ് പേ​ജി​ൽ എം.​വി. ഗോ​വി​ന്ദ​ന്റെ വാ​ർ​ത്താസ​മ്മേ​ള​ന​ത്തി​ന്റെ വി​ശ​ദാം​ശ​ങ്ങ​ൾ വേ​റെ. അ​തേ​സ​മ​യം കോ​ൺ​ഗ്ര​സ് തെ​ര​ഞ്ഞെ​ടു​പ്പി​​നെ​പ്പ​റ്റി വി​ശ​ക​ല​ന​മോ ഉ​പ​വാ​ർ​ത്ത​ക​ളോ ഒ​ന്നു​മി​ല്ല – ഒ​രു കാ​ർ​ട്ടൂ​ൺ ഒ​ഴി​ച്ച്.

ഒ​രു ഡ​സ​ൻ വാ​ർ​ത്ത​ക​ളോ​ടെ സി.​പി.​എം വാ​ർ​ത്താ​ഇ​ട​ത്തി​ലെ വ​ലി​യ ഭാ​ഗം എ​ടു​ത്ത​പ്പോ​ൾ കോ​ൺ​ഗ്ര​സി​ന് ഒ​രു വാ​ർ​ത്ത​യും ഒ​രു ആ​ക്ഷേ​പ ഹാ​സ്യചി​ത്ര​വും.

ഹി​ന്ദു കേ​ര​ള എ​ഡി​ഷ​നു​മാ​യി ഒ​ത്തു​നോ​ക്കി​യാ​ൽ ഈ ​അ​സ​ന്തു​ല​നം വ്യ​ക്ത​മാ​കും. അ​തി​ന്റെ ലീ​ഡ് സി.​പി.​എം അ​ല്ല, കോ​ൺ​ഗ്ര​സ് ആ​ണ് – ഒ​ന്നാം പേ​ജി​ന്റെ മു​ക​ളി​ൽ നാ​ലു​കോ​ളം വാ​ർ​ത്ത​യും പ​ട​വും. സി.​പി.​എം വാ​ർ​ത്ത അ​തേ പേ​ജി​ന്റെ താ​ഴ്ഭാ​ഗ​ത്ത് മൂ​ന്നു കോ​ള​ത്തി​ൽ – പ​ടം ഇ​ല്ല. ര​ണ്ടി​നും ഉ​ൾ​പേ​ജി​ൽ തു​ട​ർ​ച്ച​യു​ണ്ട്. ര​ണ്ടി​നും ഉ​പ​വാ​ർ​ത്ത​ക​ളു​മു​ണ്ട്.

മാ​തൃ​ഭൂ​മി​യി​ൽ: സി.​പി.​എം – ലീ​ഡ് വാ​ർ​ത്ത​ക്കു പു​റ​മെ ഒ​ന്നാം പേ​ജി​ൽ ഉ​പ​വാ​ർ​ത്ത. എ​ഡി​റ്റ് പേ​ജി​ൽ ലേ​ഖ​നം, ഒ​മ്പ​താം പേ​ജി​ൽ അ​ഞ്ച് അ​നു​ബ​ന്ധ വാ​ർ​ത്ത​ക​ൾ; പ​ട​ങ്ങ​ൾ ധാ​രാ​ളം. കോ​ൺ​ഗ്ര​സ് – ഒ​ന്നാം പേ​ജി​ൽ വാ​ർ​ത്ത; പ​ട​മി​ല്ല.

മ​ല​യാ​ള മ​നോ​ര​മ​യി​ൽ: സി.​പി.​എം – മു​ൻ​പേ​ജി​ൽ ലീ​ഡ് വാ​ർ​ത്ത, ഉ​പ​വാ​ർ​ത്ത; എ​ഡി​റ്റ് പേ​ജി​ൽ​ ര​ണ്ട് ലേ​ഖ​ന​ങ്ങ​ൾ; ഒ​മ്പ​താം പേ​ജി​ൽ അ​ഞ്ച് ഉ​പ​വാ​ർ​ത്ത​കൾ; പ​ട​ങ്ങ​ളു​ണ്ട്. കോ​ൺ​ഗ്ര​സ് – മു​ൻ പേ​ജി​ൽ ഒ​രു വാ​ർ​ത്ത; പ​ട​മി​ല്ല.

കേ​ര​ള​ കൗ​മു​ദി​യി​ൽ: സി.​പി.​എം – ഒ​ന്നാം പേ​ജി​ൽ ലീ​ഡ്‍ വാ​ർ​ത്ത​യും അ​നു​ബ​ന്ധ വാ​ർ​ത്ത​യും. ര​ണ്ടാം പേ​ജ് മു​ഴു​വ​ൻ കൈ​യ​ട​ക്കി​ക്കൊ​ണ്ട് എ​ട്ട് ഇ​ന​ങ്ങ​ൾ. പ​ട​ങ്ങ​ളു​ണ്ട്. മൂ​ന്നാം പേ​ജി​ൽ ര​ണ്ട് ഉ​പ​വാ​ർ​ത്ത​ക​ൾ വേ​റെ; പ​ട​ങ്ങ​ളു​ണ്ട്. കോ​ൺ​ഗ്ര​സ് – മൂ​ന്നാം പേ​ജി​ൽ ഒ​രു വാ​ർ​ത്ത; പാ​ർ​ട്ടി കൊ​ടി​യും കൈ​യും ചി​ഹ്ന​മാ​യി ഒ​പ്പം ചേ​ർ​ത്തു.

മം​ഗ​ള​ത്തി​ൽ: സി.​പി.​എം – ഒ​ന്നാം പേ​ജി​ൽ ലീ​ഡ് വാ​ർ​ത്ത​യും, ഒ​പ്പം ഏ​റക്കു​റെ അ​തേ പ്രാ​ധാ​ന്യ​ത്തേ​ാടെ മ​ന്ത്രി​സ​ഭ പു​നഃ​സം​ഘ​ട​ിപ്പി​ക്കു​മ്പോ​ൾ മ​​ന്ത്രി​യാ​കാ​നി​ട​യു​ള്ള​വ​രെ​പ്പ​റ്റി വി​സ്ത​രി​ച്ചു​ള്ള അ​ഭ്യൂ​ഹ​ങ്ങ​ൾ ചേ​ർ​ത്ത മ​റ്റൊ​രു റി​പ്പോ​ർ​ട്ടും. ര​ണ്ട് ഉ​പ​വാ​ർ​ത്ത​ക​ൾ വേ​റെ; എ​ഡി​റ്റ് പേ​ജി​ൽ കോ​ടി​യേ​രി​യെ​പ്പ​റ്റി ലേ​ഖ​നം; അ​ഞ്ചാം പേ​ജ് മു​ഴു​വ​ൻ സി.​പി.​എ​മ്മി​ന് (എ​ട്ട് ഇ​ന​ങ്ങ​ൾ, കു​റെ പ​ട​ങ്ങ​ൾ); ഏ​ഴാം പേ​ജി​ൽ വേ​റെ​യും രണ്ട് റി​പ്പോ​ർ​ട്ടു​ക​ൾ. കോ​ൺ​ഗ്ര​സ് – ആ​റാം പേ​ജി​ൽ ഒ​റ്റ വാ​ർ​ത്ത.

വാ​ർ​ത്ത​ക​ളു​ടെ എ​ണ്ണം പ​ല​പ്പോ​ഴും കൃ​ത്രി​മ​മാ​യി പെ​രു​പ്പി​ച്ച​താ​യി​പ്പോ​ലും തോ​ന്നും. മം​ഗ​ള​ത്തി​ൽ കോ​ടി​യേ​രി​യെ​പ്പ​റ്റി​യും ഗോ​വി​ന്ദ​നെ​പ്പ​റ്റി​യും (ഹെ​ഡ്മാ​ഷ്, മാ​ഷ്) ചു​രു​ങ്ങി​യ​ത് ഈ​ര​ണ്ട് ഇ​ന​ങ്ങ​ളെ​ങ്കി​ലു​മു​ണ്ട്. മി​ക്ക പ​ത്ര​ങ്ങ​ളി​ലും ആ​വ​ർ​ത്ത​ന​ങ്ങ​ളേ​റെ. ആ​വ​ശ്യ​മ​നു​സ​രി​ച്ച് വാ​ർ​ത്ത​ക​ൾ​ക്ക് ഇ​ടം ക​ണ്ടെ​ത്തു​ക​യ​ല്ല, ഇ​ടം നി​ശ്ച​യി​ച്ച ശേ​ഷം വാ​ർ​ത്ത​ക​ൾ പെ​രു​പ്പി​ച്ച് ചേ​ർ​ക്കു​ക​യാ​ണ് ഉ​ണ്ടാ​യ​തെ​ന്ന് തോ​ന്നി​ക്കു​ന്ന​താ​ണ് പ​ല പ​ത്ര​ങ്ങ​ളു​ടെ​യും സി.​പി.​എം ​സെ​ക്ര​ട്ട​റി ക​വ​റേ​ജ്.

രാ​ഷ്ട്രീ​യ താ​ൽ​പ​ര്യ​ങ്ങ​ള​ല്ല പ​ത്ര​ങ്ങ​ൾ ആ​ർ​ജി​ച്ച ശീ​ലം മാ​ത്ര​മാ​ണ് ഈ ​അ​സ​ന്തു​ല​ന​ത്തി​നു കാ​ര​ണം. ''പി​ണ​റാ​യി​ക്കു ശേ​ഷം മ​ന്ത്രി​പ​ദ​വി​യി​ൽ​നി​ന്ന് വ​രു​ന്ന സെ​ക്ര​ട്ട​റി'' എം.​വി. ഗോ​വി​ന്ദ​നാ​ണെ​ന്നും (കൗ​മു​ദി), ''എ​ല്ലാ​റ്റി​നും സാ​ക്ഷി എ.​കെ.​ജി സെ​ന്റ​ർ'' എ​ന്നും (മാ​തൃ​ഭൂ​മി) മ​റ്റും സൂ​ക്ഷ്മ​മാ​യും വി​ശ​ദ​മാ​യും എ​ല്ലാ വി​വ​ര​ങ്ങ​ളും ശേ​ഖ​രി​ച്ച് പ​ത്ര​ങ്ങ​ൾ ന​ൽ​കു​മ്പോ​ൾ അ​ത് ധാ​രാ​ളി​ത്ത​മാ​യി അ​വ​ർ​ക്ക് തോ​ന്നു​ന്നി​ല്ല; കോ​ൺ​ഗ്ര​സി​ന്റെ കാ​ര്യ​ത്തി​ൽ ഉ​പ​വാ​ർ​ത്ത​പോ​ലും അ​ധി​ക​മാ​യി തോ​ന്നു​ക​യും ചെ​യ്യും.

ഈ ​പൊ​തുപ്ര​വ​ണ​ത​യി​ൽ​നി​ന്ന് മാ​റ്റം ക​ണ്ട​ത് സു​പ്ര​ഭാ​ത​ത്തി​ലാ​ണ്. ഒ​ന്നാം പേ​ജി​ൽ ലീ​ഡ് ക​ഴി​ഞ്ഞാ​ൽ ആ​ദ്യം, ''കോ​ൺ​ഗ്ര​സ് നേ​തൃ തെ​ര​ഞ്ഞെ​ടു​പ്പ്: തീ​യ​തി​യാ​യി; പു​തി​യ അ​ധ്യ​ക്ഷ​ൻ ഒ​ക്ടോ​ബ​റി​ൽ'' എ​ന്ന ന്യൂ​ഡൽ​ഹി റി​പ്പോ​ർ​ട്ടാ​ണ്. അ​തി​നു ചു​വ​ടെ, പേ​ജി​ന്റെ ഏ​റ്റ​വും അ​ടി​യി​ൽ, ''കോ​ടി​യേ​രി ഒ​ഴി​ഞ്ഞു; എം.​വി. ഗോ​വി​ന്ദ​ൻ സി.​പി.​എം സം​സ്ഥാ​ന സെ​ക്ര​ട്ട​റി'' എ​ന്ന തി​രു​വ​ന​ന്ത​പു​രം വാ​ർ​ത്ത​യും. ദീ​പി​ക​യി​ലും സി​റാ​ജി​ലും സി.​പി.​എം വാ​ർ​ത്ത​ക​ളി​ൽ ധാ​രാ​ളി​ത്തം ഇ​ല്ല.

പാ​ർ​ട്ടി പ​ത്ര​ങ്ങ​ൾ മ​റ്റു പ​ത്ര​ങ്ങ​ളു​ടെ അ​ത്ര അ​സ​ന്തു​ല​നം പു​ല​ർ​ത്തി​യി​ല്ല. ഇ​തി​നു തെ​ളി​വ് വി​വി​ധ പാ​ർ​ട്ടി​ക​ളു​ടെ പ​ത്ര​ങ്ങ​ൾ ത​ന്നെ: ദേ​ശാ​ഭി​മാ​നി, ജ​ന​യു​ഗം, വീ​ക്ഷ​ണം, ച​ന്ദ്രി​ക എ​ന്നി​വ. വാ​ർ​ത്ത​ക​ളു​ടെ ഉ​ള്ള​ട​ക്ക​ത്തി​ൽ രാ​ഷ്ട്രീ​യ​മാ​ണു​ള്ള​തെ​ങ്കി​ലും അ​വ​യു​ടെ എ​ണ്ണം നി​ർ​ണ​യി​ക്കു​ന്ന​ത് രാ​ഷ്ട്രീ​യം നോ​ക്കി​യി​ട്ട​ല്ല.

ദേ​ശാ​ഭി​മാ​നി​ക്ക് പു​തി​യ പാ​ർ​ട്ടി സെ​ക്ര​ട്ട​റി ത​ന്നെ ലീ​ഡ്; എ​ങ്കി​ലും തൊ​ട്ടു​താ​ഴെ കോ​ൺ​ഗ്ര​സ് തെ​ര​ഞ്ഞെ​ടു​പ്പു വാ​ർ​ത്ത​യു​ണ്ട് (തീ​യ​തി വീ​ണ്ടും നീ​ട്ടി എ​ന്ന വി​മ​ർ​ശ​ന രൂ​പ​ത്തി​ലാ​ണെ​ങ്കി​ലും). ''നി​ല​യി​ല്ലാ​ക്ക​യ​ത്തി​ലേ​ക്ക് കോ​ൺ​ഗ്ര​സ്'' എ​ന്ന എ​ഡി​റ്റോ​റി​യ​ൽ, ആ ​പാ​ർ​ട്ടി​യി​ൽ​നി​ന്നു​ള്ള ഒ​ഴി​ച്ചു​പോ​ക്കി​നെ​ക്കു​റി​ച്ചാ​ണ്. ''കോ​ൺ​ഗ്ര​സി​ന്റെ രാ​ഷ്ട്രീ​യ വി​നോ​ദ​സ​ഞ്ചാ​രം'' എ​ന്ന ചെ​റു​ലേ​ഖ​ന​വും എ​ഡി​റ്റ് പേ​ജി​ലു​ണ്ട്. പു​റ​മെ എ​ട്ടാം​ പേ​ജി​ൽ കോ​ൺ​ഗ്ര​സി​നെ​പ്പ​റ്റി ര​ണ്ട് വി​മ​ർ​ശ​നാ​ത്മ​ക റി​പ്പോ​ർ​ട്ടു​ക​ൾ വേ​റെ​യും. എം.​വി. ഗോ​വി​ന്ദ​നെ​പ്പ​റ്റി​യും കോ​ടി​യേ​രി​യെ​പ്പ​റ്റി​യു​മു​ള്ള​ത​ട​ക്ക​മു​ള്ള നാ​ലു കു​റി​പ്പു​ക​ൾ അ​ഞ്ചാം പേ​ജി​ൽ ഒ​തു​ക്കി​ച്ചേ​ർ​ത്തു. എ​ണ്ണം നോ​ക്കി​യാ​ൽ സി.​പി.​എ​മ്മും കോ​ൺ​ഗ്ര​സും ഏ​റക്കു​റെ തു​ല്യം.

സി.​പി.​ഐ പ​ത്ര​മാ​യ ജ​ന​യു​ഗം, സി.​പി.​എം വാ​ർ​ത്ത ലീ​ഡാ​ക്കാ​തി​രി​ക്കാ​ൻ ശ്ര​ദ്ധി​ച്ചു – ഒ​ന്നാം പേ​ജി​ൽ ചേ​ർ​ത്തെ​ങ്കി​ലും. ഗോ​വി​ന്ദ​ന്റെ വാ​ർ​ത്താസ​മ്മേ​ള​ന വാ​ർ​ത്ത ഉ​ൾ​പേ​ജി​ൽ ചു​രു​ക്കി​ക്കൊ​ടു​ത്തു. കോ​ൺ​ഗ്ര​സ് തെ​ര​ഞ്ഞെ​ടു​പ്പും ഒ​ഴി​ഞ്ഞു​പോ​ക്ക് വാ​ർ​ത്ത​യു​മാ​യി ര​ണ്ട് ഇ​ന​ങ്ങ​ൾ അ​വ​സാ​ന പേ​ജി​ൽ. എ​ണ്ണ​ത്തി​ൽ തു​ല്യ​ത.

കോ​ൺ​ഗ്ര​സ് പ​ത്ര​മാ​യ വീ​ക്ഷ​ണം ലീ​ഡാ​ക്കി​യ​ത് സി.​പി.​എം വാ​ർ​ത്ത ത​ന്നെ; ഒ​ന്നാം പേ​ജി​ന്റെ താ​ഴേ പ​കു​തി​യി​ൽ കോ​ൺ​ഗ്ര​സ് തെ​ര​ഞ്ഞെ​ടു​പ്പി​ന്റെ വാ​ർ​ത്ത. ലീ​ഡ് വി​മ​ർ​ശ​നരൂ​പ​ത്തി​ലാ​ണ്: ''പി​ടി​വി​ടാ​തെ ക​ണ്ണൂ​ർ ലോ​ബി; എ.​കെ. ബാ​ല​നെയും വി​ജ​യ​രാ​ഘ​വ​നെ​യും ത​ഴ​ഞ്ഞു...''

മു​സ്‍ലിം​ലീ​ഗ് പ​ത്ര​മാ​യ ച​ന്ദ്രി​ക​യി​ലും ഇ​തേ രീ​തി​ത​ന്നെ. ലീ​ഡ് വാ​ർ​ത്ത സി.​പി.​എം സെ​ക്ര​ട്ട​റി​യെ​പ്പ​റ്റി, വി​മ​ർ​ശ​നരൂ​പ​ത്തി​ൽ: ''പ​ടി​യി​റ​ക്കം അ​വ​സ​ര​മാ​യി; മ​ന്ത്രി​സ​ഭ​യി​ൽ അ​ഴി​ച്ചു​പ​ണി.'' കോ​ൺ​ഗ്ര​സ് തെ​ര​ഞ്ഞെ​ടു​പ്പു വാ​ർ​ത്ത ചെ​റു​താ​ക്കി ഒ​പ്പം​ചേ​ർ​ത്തു.

കോ​ൺ​ഗ്ര​സ് വാ​ർ​ത്ത പ്ര​സി​ഡ​ന്റ് തെ​ര​ഞ്ഞെ​ടു​പ്പ​ല്ല, അ​തി​ന്റെ തീ​യ​തി മാ​ത്ര​മാ​ണെ​ന്നും, സി.​പി.​എം​ വാ​ർ​ത്ത തെ​ര​ഞ്ഞെ​ടു​പ്പി​ന്റെ ഫ​ല​മാ​യ​തി​നാ​ൽ അ​ത് മ​റ്റേ വാ​ർ​ത്ത​യു​മാ​യി താ​ര​ത​മ്യ​പ്പെ​ടു​ത്തി​ക്കൂ​ടെ​ന്നും വാ​ദി​ക്കാം. പ​ക്ഷേ, കോ​ൺ​ഗ്ര​സി​ൽ തെ​ര​ഞ്ഞെ​ടു​പ്പ് ന​ട​ക്കു​ന്നു എ​ന്ന​തു​ത​ന്നെ നി​സ്സാ​ര വാ​ർ​ത്ത​യ​ല്ല; ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ വി​ശേ​ഷി​ച്ചും. ദേ​ശീ​യ ജ​നാ​ധി​പ​ത്യ​ത്തി​ന് മ​ർ​മ​പ്ര​ധാ​ന​മെ​ന്ന് പ​റ​യാ​വു​ന്ന സം​ഭ​വ​വി​കാ​സം. സം​സ്ഥാ​ന ഭ​ര​ണ​ക​ക്ഷി​യി​ലെ നേ​തൃ​മാ​റ്റ​മെ​ന്നനി​ല​ക്ക് എം.​വി. ഗോ​വി​ന്ദ​ന്റെ പു​തി​യ നി​യോ​ഗം പ്ര​ധാ​ന​മാ​ണെ​ങ്കി​ലും, കോ​ൺ​ഗ്ര​സ് വാ​ർ​ത്ത​യു​മാ​യി ത​ട്ടി​ച്ചാ​ൽ അ​നാ​വ​ശ്യ ധാ​രാ​ളി​ത്ത​മാ​ണ് മി​ക്ക മ​ല​യാ​ള പ​ത്ര​ങ്ങ​ളും സി.​പി.​എം വാ​ർ​ത്ത​ക്ക് കൊ​ടു​ത്ത​ത്.