കാ​രി​രു​മ്പി​ന്റെ ക​രു​ത്തു​ള്ള വാ​സു

‘ര​ണ​ചേ​ത​ന’ നാ​ട​ക​ക്കൂ​ട്ടാ​യ്മ​യെ വാ​ർ​ത്തെ​ടു​ത്ത് ച​രി​ത്ര​ത്തി​ലൂ​ടെ ന​ട​ത്തു​ന്ന​തി​ൽ മ​ധു​ മാ​സ്റ്റ​ർ​ക്കൊ​പ്പം നെ​ടു​ന്തൂ​ണാ​യിനി​ന്ന നാ​ട​കപ്ര​വ​ർ​ത്ത​ക​നാ​ണ് വാ​സു. പ്രാ​ദേ​ശി​ക ച​രി​ത്ര​ത്തി​ന്റെ സ്വ​യംനി​ർ​മി​ത ആ​ർ​ക്കെ​വി​സ്റ്റ് എ​ന്ന് നി​സ്സം​ശ​യം വി​ളി​ക്കാ​വു​ന്ന ഒ​രു പ്ര​തി​ഭ​യാ​ണ് വാ​സുവെന്നും ലേഖകൻ.

മ​ധു​ മാ​സ്റ്റ​റു​ടെ ‘അ​മ്മ’ നാ​ട​കം വ​ഴിതി​രി​ച്ചുവി​ട്ട കോ​ഴി​ക്കോ​ട​ൻ ജീ​വി​ത​ങ്ങ​ൾ നി​ര​വ​ധി​യാ​ണ്. പൊ​തു​വി​ൽ നാ​ട​കം; നാ​ട​കപ്ര​വ​ർ​ത്ത​ന​വും പ​ല അ​ർ​ഥ​ത്തി​ലും ച​രി​ത്ര​ത്തി​ന് വ​ള​മാ​ക​ലാ​ണ്. അ​ദൃ​ശ്യ​രു​ടെ ഒ​രു പ്ര​ള​യംത​ന്നെ​യു​ണ്ട് നാ​ട​ക​രം​ഗ​ത്ത് പ്ര​വ​ർ​ത്തി​ച്ച​വ​രാ​യി. അ​തി​ൽ വ​ലി​യൊ​രു വി​ഭാ​ഗ​ത്തെ തേ​ടിപ്പി​ടി​ച്ച് ച​രി​ത്ര​ത്തി​ൽ അ​യാ​ള​പ്പെ​ടു​ത്തു​ക എ​ന്ന ദൗ​ത്യം നി​ർ​വഹി​ച്ച നാ​ട​കച​രി​ത്ര​കാ​ര​നാ​യ ഡോ.​ കെ.​ ശ്രീ​കു​മാ​ർ വ​ലി​യൊ​രു സാ​മൂ​ഹിക സേ​വ​ന​മാ​ണ് നി​ർ​വഹി​ച്ച​ത്. ‘മാ​തൃ​ഭൂ​മി​’യി​ൽ സ​ഹ​പ്ര​വ​ർ​ത്ത​ക​നാ​യി​രു​ന്ന കാ​ല​ത്താ​ണ് കെ.​ ശ്രീ​കു​മാ​ർ വാ​രാ​ന്ത​പ്പ​തി​പ്പി​ൽ ആ ​അ​ന്വേ​ഷ​ണം തു​ട​ങ്ങി​യ​ത്. നി​ര​വ​ധി അ​ദൃ​ശ്യ​ർ അ​തുവ​ഴി അ​ച്ച​ടി​യു​ടെ​യും ഓ​ർ​മ​യു​ടെ​യും ച​രി​ത്ര​ത്തി​ന്റെ ഭാ​ഗ​മാ​യി. അ​തു പൂ​ർ​ണ​മാ​കും മു​മ്പ് ആ ​കോ​ളം നി​ർ​ത്തി​ക്ക​ള​ഞ്ഞ​തും ശ്രീ​കു​മാ​ർ ‘മാ​തൃ​ഭൂ​മി’ വി​ട്ടുപോ​കാ​നി​ട​യാ​യ​തും ച​രി​ത്രം വ​ഴി​യി​ൽ ​െവ​ച്ച് നി​ന്നപോ​ലെ​യു​ള്ള ഒ​ര​നു​ഭ​വമാ​യി​രു​ന്നു. ഒ​രു വ്യ​ക്തി​ക്ക് ഒ​റ്റ​ക്ക് ഏ​റ്റെ​ടു​ക്കാ​ൻ ക​ഴി​യു​ന്ന​തി​ലും വ​ലി​യ ദൗ​ത്യ​മാ​യി​രു​ന്നു അ​ത്. സം​ഗീ​ത നാ​ട​ക അ​ക്കാ​ദ​മി​യു​ടെ ഒ​ക്കെ നേ​തൃ​ത്വ​ത്തി​ൽ ഒ​രുകൂ​ട്ടം നാ​ട​ക ഗ​വേ​ഷ​ക​ർ ഒ​ന്നി​ച്ചുചെ​യ്യേ​ണ്ട പ​ണി ഒ​റ്റ​ക്ക് ഏ​റ്റെ​ടു​ത്താ​ണ് ശ്രീ​കു​മാ​ർ അ​ത് ചെ​യ്തു​പോ​ന്നി​രു​ന്ന​ത്. ഇ​നി​യും അ​തി​ന് തു​ട​ർ​ച്ച​ക​ൾ ഉ​ണ്ടാ​കേ​ണ്ട​തു​ണ്ട്. ഓ​ർ​മ​യു​ടെ ച​രി​ത്രം അ​ങ്ങനെ മാ​യാ​ന​നു​വ​ദി​ക്കാ​ൻ പാ​ടി​ല്ലാ​ത്ത​താ​ണ്. ആ ​പു​സ്ത​ക​ത്തി​ൽ ഒ​ര​ധ്യാ​യ​മാ​യി വ​രേ​ണ്ടി​യി​രു​ന്ന ജീ​വി​ത​മാ​ണ് നാ​ട​കന​ട​നും എ​ഴു​ത്തു​കാ​ര​നും സം​വി​ധാ​യ​ക​നും സം​ഘാ​ട​ക​നു​മൊ​ക്കെ​യാ​യ വാ​സു.

മ​റ​വി​യു​ടെ ച​രി​ത്രംകൂ​ടി​യാ​ണ് നാം ​ജീ​വി​ച്ചുപോ​രു​ന്ന​ത്. ദൈ​വ​ങ്ങ​ളെ പൂ​ജി​ക്കുന്ന സം​സ്കാ​ര​ത്തി​ന്റെ ഭാ​ഗ​മാ​യ​തുകൊ​ണ്ട് ത​ന്നെ​യാ​വാം ച​രി​ത്രം എ​ല്ലാ​യ്പോ​ഴും താ​ര​നാ​യ​ക​രു​ടെ (അ​ത്യ​പൂ​ർ​വമാ​യി മാ​ത്രം താ​ര​നാ​യി​ക​മാ​രു​ടെ​യും) ക​ണ​ക്കി​ലാ​ണ് എ​ഴു​തി​ച്ചേ​ർ​ക്ക​പ്പെ​ടു​ന്ന​ത്. അ​ത് നി​ർ​മി​ച്ച എ​ത്ര​യോ പേ​ർ അ​ങ്ങനെ കൂ​ട്ട​മ​റ​വി​യു​ടെ ഭാ​ഗ​മാ​യി മാ​റു​ന്നു. ബോ​ധ​പൂ​ർ​വമാ​യ ഇ​ട​പെ​ട​ലു​ക​ളു​ണ്ടെ​ങ്കി​ൽ മാ​ത്ര​മേ ഇ​ങ്ങനെ അ​ദൃ​ശ്യ​രാ​യി​പ്പോ​യ​വ​രെ പൊ​തു​സ്മൃ​തി​യി​ലേ​ക്ക് വീ​ണ്ടെ​ടു​ക്കാ​നാ​വൂ. കോ​ഴി​ക്കോ​ടി​ന്റെ നാ​ട​കച​രി​ത്ര​ത്തി​ൽ അ​ത്ത​ര​മൊ​രു വീ​ണ്ടെ​ടു​പ്പി​ന് എ​ന്തു​കൊ​ണ്ടും അ​ർ​ഹ​നാ​യ ഒ​രു നാ​ട​കപ്ര​വ​ർ​ത്ത​ക​നാ​ണ് വാ​സു എ​ന്ന് വി​ളി​ക്കു​ന്ന വാ​സു​ദേ​വ​ൻ അ​ഥ​വാ കെ.​വി. ദേ​വ്.

അ​ടി​യ​ന്ത​രാ​വ​സ്ഥ​ക്കു ശേ​ഷ​മു​ള്ള കോ​ഴി​ക്കോ​ട​ൻ നാ​ട​ക​വേ​ദി​ക്ക് മാ​ത്ര​മ​ല്ല, കേ​ര​ള​ത്തി​ന്റെ രാ​ഷ്ട്രീ​യ നാ​ട​ക ച​രി​ത്ര​ത്തി​ൽ പി​ന്നീ​ട് ആ​വ​ർ​ത്തി​ച്ചി​ട്ടി​ല്ലാ​ത്ത നാ​ട​കപ്ര​സ്ഥാ​ന​മാ​ണ് മ​ധു​ മാ​സ്റ്റ​ർ നേ​തൃ​ത്വം ന​ൽ​കി​യ ‘ര​ണ​ചേ​ത​ന’. 1978ൽ ​‘ര​ണ​ചേ​ത​ന’ അ​വ​ത​രി​പ്പി​ച്ച ‘അ​മ്മ’ നാ​ട​കംപോ​ലെ കേ​ര​ള​ത്തി​ന്റെ സാം​സ്കാ​രി​ക- രാ​ഷ്ട്രീ​യ ജീ​വി​ത​ത്തി​ന് പു​ത്ത​ൻ ഉ​ണ​ർ​വേ​കി​യ മ​റ്റൊ​ന്ന് പി​ൽ​ക്കാ​ല​ത്ത് കേ​ര​ള​ത്തി​ൽ ഒ​രി​ക്ക​ലും ഉ​ണ്ടാ​യി​ട്ടി​ല്ല. അ​ത് മ​ധു മാ​സ്റ്റ​ർ എ​ന്ന ഒ​റ്റ​യാ​ൾ പ​ട്ടാ​ള​ത്തി​ന്റെ സൃ​ഷ്ടി​യാ​യി​രു​ന്നി​ല്ല. അ​മ്മ നാ​ട​ക​ത്തി​ന്റെ അ​ര​ങ്ങി​ലും അ​ണി​യ​റ​യി​ലും പ്ര​വ​ർ​ത്തി​ക്കു​ക​യും അ​തി​ന് വേ​ദി​യൊ​രു​ക്കു​ക​യും അ​ത് ക​ണ്ട് ഒ​പ്പം നി​ൽ​ക്കു​ക​യും ചെ​യ്ത ഒ​രു വ​ലി​യ കാ​ല​ഘ​ട്ട​ത്തി​ന്റെ സൃ​ഷ്ടി​യാ​ണ്. ‘ര​ണ​ചേ​ത​ന’ എ​ന്ന ആ ​നാ​ട​ക​ക്കൂ​ട്ടാ​യ്മ​യെ വാ​ർ​ത്തെ​ടു​ത്ത് ച​രി​ത്ര​ത്തി​ലൂ​ടെ വ​ഴിന​ട​ത്തു​ന്ന​തി​ൽ മ​ധു​ മാ​സ്റ്റ​ർ​ക്കൊ​പ്പം ഒ​രു നെ​ടു​ന്തൂ​ണാ​യി നി​ന്ന ക​രു​ത്തു​റ്റ നാ​ട​കപ്ര​വ​ർ​ത്ത​ക​നാ​ണ് വാ​സു.

വാ​സു ‘ര​ണ​ചേ​ത​ന​’യു​ടെ എ​ല്ലാ​മാ​യി​രു​ന്നു. തു​ട​ക്കം മു​ത​ലു​ള്ള സം​ഘാ​ട​ക​ൻ, ‘അ​മ്മ’ നാ​ട​ക​ത്തി​ന്റെ പ്രോം​പ്റ്റ​ർ, ന​ട​ൻ, സ്റ്റേ​ജ് കെ​ട്ടു​ന്ന ആ​ൾ, സ്റ്റേ​ജ് സൂ​ക്ഷി​പ്പു​കാ​ര​ൻ, സ്ക്രി​പ്റ്റ് സൂ​ക്ഷി​പ്പു​കാ​ര​ൻ, സം​ഗീ​ത​ത്തി​ന്റെ ക​സ്റ്റോ​ഡി​യ​ൻ എ​ന്നുവേ​ണ്ട മ​ധു മാ​സ്റ്റ​റു​ടെ മ​റ​വി​ക​ളി​ൽ അ​ദ്ദേ​ഹ​ത്തി​ന്റെ ഓ​ർ​മക​ളു​ടെ സൂ​ക്ഷി​പ്പു​കാ​ര​നാ​യി ഒ​രാ​യു​സ്സ് സ​മ​ർ​പ്പി​ച്ച വി​ശ്വ​സ്ത​നാ​യ സ​ഖാ​വ്. ‘ര​ണ​ചേ​ത​ന’ എ​ന്ന നാ​ട​ക​പ്ര​സ്ഥാ​ന​ത്തെ നി​ല​നി​ർ​ത്തി​യ​തി​ൽ വാ​സു വ​ഹി​ച്ച പ​ങ്ക് അ​ദ്വി​തീ​യ​മാ​ണ്.

കോ​ഴി​ക്കോ​ട് ക​രി​മ്പ​ന​പ്പാ​ലം സ്വ​ദേ​ശി​യായ വാ​സു മ​ധു മാ​ഷി​ന്റെ ‘അ​മ്മ​’യ​ട​ക്കം മു​പ്പ​തോ​ളം നാ​ട​ക​ങ്ങ​ളി​ൽ അ​ഭി​ന​യി​ച്ചി​ട്ടു​ണ്ട്. മൂ​ന്ന് നാ​ട​ക​ങ്ങ​ൾ എ​ഴു​തി സം​വി​ധാ​നംചെ​യ്ത് അ​വ​ത​രി​പ്പി​ച്ചി​ട്ടു​ണ്ട്. ‘സാ​ധാ​ര​ണം അ​സാ​ധാ​ര​ണം’ (1990), ‘അ​ക​ത്ത​ളം’ (1990), ‘ഉ​പ​ന​യ​നം’ (1991) എ​ന്നി​വ​യാ​ണ് ര​ച​ന​യും സം​വി​ധാ​ന​വും നി​ർ​വഹി​ച്ച നാ​ട​ക​ങ്ങ​ൾ. പ​ല നാ​ട​ക​ങ്ങ​ൾ​ക്കും പാ​ട്ടു​ക​ൾ എ​ഴു​തി​യി​ട്ടു​മു​ണ്ട്.

മ​ധു മാ​ഷി​ന്റെ എ​ഴു​പ​താം പി​റ​ന്നാ​ളി​നോ​ടും ‘അ​മ്മ’ നാ​ട​ക​ത്തി​ന്റെ നാ​ൽപതാം വാ​ർ​ഷി​ക​ത്തോ​ടുമ​നു​ബ​ന്ധി​ച്ച് ‘അ​മ്മ’ ഒ​രു പു​തി​യ പ​തി​പ്പ് ഇ​റ​ക്കാ​ൻ ആ​ലോ​ചി​ച്ച​പ്പോ​ൾ നാ​ൽപത് വ​ർ​ഷ​മാ​യി ആ ​നാ​ട​ക​ത്തി​ന്റെ ​ൈക​യെ​ഴു​ത്തു പ്ര​തി വാ​സു കാ​ത്തു​സൂ​ക്ഷി​ച്ച​തുകൊ​ണ്ട് മാ​ത്ര​മാ​ണ് അ​ത് സാ​ധ്യ​മാ​യ​ത്. ആ ​കാ​ല​ത്തി​ന്റെ നാ​ട​ക​ നോ​ട്ടീ​സു​ക​ളും പ​ത്ര​വാ​ർ​ത്ത​ക​ളും ‘അ​മ്മ’ നാ​ട​ക​ത്തി​ന്റെ സം​ഗീ​തരേ​ഖ​ക​ളും എ​ല്ലാം ഇ​ന്നും ന​ഷ്ട​മാ​കാ​തെ ഒ​രു ആ​ർ​ക്കെ​വി​സ്റ്റി​ന്റെ ഉ​ത്ത​ര​വാ​ദി​ത്തബോ​ധ​ത്തോ​ടെ വാ​സു കാ​ത്തു​സൂ​ക്ഷി​ക്കു​ന്നു. പു​ര​ന്ദ​ര​ദാ​സ് ‘അ​മ്മ’ നാ​ട​ക​ത്തി​നാ​യി സം​ഗീ​തം പ​ക​ർ​ന്ന ക​മ്യൂ​ണി​സ്റ്റ് ഇ​ന്റ​ർ​നാഷ​നൽ സോ​ങ് അ​ട​ക്കം അ​തി​ലു​ണ്ട്. പ്രാ​ദേ​ശി​ക ച​രി​ത്ര​ത്തി​ന്റെ സ്വ​യം നി​ർ​മിത ആ​ർ​ക്കെ​വി​സ്റ്റ് എ​ന്ന് നി​സ്സം​ശ​യം വി​ളി​ക്കാ​വു​ന്ന ഒ​രു പ്ര​തി​ഭ​യാ​ണ് വാ​സു. വ​ലി​യൊ​രു കാ​ല​ത്തി​ന്റെ ഓ​ർ​മക​ൾ ആ ​കൈ​കളി​ൽ ഭ​ദ്ര​മാ​ണ്.

ഒ​രു ക​മ്യൂ​ണി​സ്റ്റു​കാ​ര​നാ​യി ജീ​വി​തം തു​ട​ങ്ങി​യ വാ​സു വി​ട്ടു​വീ​ഴ്ച​യി​ല്ലാ​ത്ത ക​മ്യൂ​ണി​സ്റ്റു​കാ​ര​നാ​യി ത​ന്നെ ജീ​വി​തം തു​ട​രു​ന്നു. കോ​ഴി​ക്കോ​ട് ക​രി​മ്പ​ന​പ്പാ​ല​ത്തി​ന​ടു​ത്ത് സ്വ​ന്തം വീ​ടി​നോ​ട് ചേ​ർ​ന്ന് വാ​സു​വും കു​ടും​ബ​വും ന​ട​ത്തു​ന്ന ‘ആ​പ് കാ ​മെ​സ്സ്’ എ​ന്ന നാ​ട​ൻ ഉ​ച്ചഭ​ക്ഷ​ണ​ശാ​ല കോ​ഴി​ക്കോ​ട​ൻ നാ​ട​കച​രി​ത്ര​ത്തി​ന്റെ അ​പൂ​ർ​വ ദൃ​ശ്യ​ങ്ങ​ൾ ചു​മ​രി​ൽ പ​തി​പ്പി​ച്ച ഒ​രു മ്യൂ​സി​യം കൂ​ടി​യാ​ണ്.

എ​ഴു​പതു​ക​ളി​ലെ​യും എ​ൺ​പ​തു​ക​ളി​ലെ​യും സാം​സ്കാ​രി​ക രാ​ഷ്ട്രീ​യ പ്ര​വ​ർ​ത്ത​ക​രും ആ ​കാ​ല​ത്തെ നാ​ട​കം ഓ​ർ​ക്കു​ന്ന​വ​രും മാ​ത്ര​മേ ഒ​രുപ​ക്ഷേ നാ​ട​കപ്ര​വ​ർ​ത്ത​ക​നാ​യ വാ​സു​വി​നെ അ​റി​യു​ന്നു​ണ്ടാ​കൂ. എ​ന്നാ​ൽ, പു​തി​യ ത​ല​മു​റ​യി​ലെ നാ​ട​കപ്ര​വ​ർ​ത്ത​ക​രും സ​മൂ​ഹ​വും ഇ​ങ്ങനെ​യൊ​രാ​ൾ ഇ​വി​ടെ ച​രി​ത്ര​ത്തി​ന് വ​ള​മാ​യി ജീ​വി​ച്ചി​രി​പ്പു​ണ്ട് എ​ന്ന് തി​രി​ച്ച​റി​യേ​ണ്ട​തുണ്ട്.

മ​ധു മാ​സ്റ്റ​റു​ടെ ഓ​ർ​മ​ക്കാ​യി കോ​ഴി​ക്കോ​ട​ൻ നാ​ട​കവേ​ദി​ക്ക് സ​മ​ഗ്ര സം​ഭാ​വ​ന ന​ൽ​കി​യ ഒ​രു വ്യ​ക്തി​യെ ക​ണ്ടെ​ത്താ​നു​ള്ള ക​ൾ​ച്ച​റ​ൽ ഫോ​റം ഏ​ർ​പ്പെ​ടു​ത്തി​യ മ​ധു​ മാ​സ്റ്റ​ർ അ​നു​സ്മ​ര​ണ പു​ര​സ്കാ​ര​ത്തി​നു​ള്ള ജൂ​റി​യി​ൽ പ്ര​വ​ർ​ത്തി​ക്കാ​നി​ടവ​ന്ന​പ്പോ​ഴാ​ണ് ഓ​ർ​മ വാ​സു​വി​ലേ​ക്ക് പോ​യ​ത്. പ്ര​ഥ​മ മ​ധു​ മാ​സ്റ്റ​ർ പു​ര​സ്കാ​ര​ത്തി​ന് വാ​സു​വി​ന്റെ പേ​ര് മാ​ത്ര​മേ ജൂ​റി​ക്ക് മു​മ്പാ​കെ വ​ന്നു​ള്ളൂ. നാ​ട​കവേ​ദി​ക്കാ​യി സ്വ​യം സ​മ​ർ​പ്പി​ച്ച് അ​ദൃ​ശ്യ​നാ​യി ജീ​വി​ക്കു​ന്ന വാ​സു​വി​ന്റെ ജീ​വി​തം ആ​ത്മ​ത്യാ​ഗ​ത്തി​ന്റെ പാ​ത​യി​ലു​ള്ള ഒ​രു വ​ലി​യ പോ​രാ​ട്ട​മാ​യി​രു​ന്നു എ​ന്ന തി​രി​ച്ച​റി​വാ​ണ് ഈ ​പു​ര​സ്കാ​രം വാ​സു​വി​ന് ന​ൽ​കു​മ്പോ​ൾ മ​ധു​ മാ​സ്റ്റ​ർ അ​നു​സ്മ​ര​ണ സ​മി​തി​ക്കു​മു​ള്ള​ത്. മ​ധു മാ​സ്റ്റ​റു​ടെ പേ​രി​നോ​ട് അ​ത് നീതിപു​ല​ർ​ത്തു​ക​യും ചെ​യ്യു​ന്നു​ണ്ട് എ​ന്ന് ജൂ​റി ക​രു​തു​ന്നു. പി.​എ​ൻ. ഗോ​പീകൃ​ഷ്ണ​ൻ, ക​ബ​നി, ഡോ. ​കെ.എ​ൻ. അ​ജോ​യ്കു​മാ​ർ എ​ന്നി​വ​രാ​ണ് ജൂ​റി​യി​ൽ ഒ​പ്പ​മു​ണ്ടാ​യി​രു​ന്ന​ത്. ഈ ​വ​രു​ന്ന ജൂ​ലൈ 21ന് ​കോ​ഴി​ക്കോ​ട് ടൗ​ൺ​ഹാ​ളി​ൽ ക​വി കെ.​ജി.​ ശ​ങ്ക​ര​പ്പി​ള്ള പു​ര​സ്കാ​രം വാ​സു​വി​ന് സ​മ്മാ​നി​ക്കു​മ്പോ​ൾ ആ​ദ​രി​ക്ക​പ്പെ​ടു​ന്ന​ത് ഒ​രു നാ​ട​ക​ കാ​ലംത​ന്നെ​യാ​ണ്.

ര​ജ​നി​യാ​ണ് വാ​സു​വി​ന്റെ ജീ​വി​തപ​ങ്കാ​ളി. ര​ണ്ടു പെ​ൺ​മ​ക്ക​ൾ. മൂ​ത്ത​വ​ൾ സ്വ​ര വി.​ ദേ​വ്, ദു​​ൈബ​യി​ൽ ഫി​സി​യോ​തെ​റപ്പി​സ്റ്റാ​ണ്, ഭ൪​ത്താ​വ് നി​ഖീ​ഷ് അ​ബൂദ​ബി​യി​ൽ എ​യ൪​ക​ണ്ടീ​ഷ​നിങ് ടെ​ക്നി​ക്ക​ൽ ക​ൺ​സ​ൽ​ട്ട​ന്റാ​ണ്. ര​ണ്ടാ​മ​ത്ത​വ​ൾ സ്നിഗ്ധ ​വി.​ ദേ​വ് എം.​എ​സ് സി ക​ഴി​ഞ്ഞ് ബി.​എ​ഡ് ചെ​യ്യു​ന്നു. വി​വാ​ഹനി​ശ്ച​യം ക​ഴി​ഞ്ഞു. വാ​ബി൯ ആ​ണ് വ​ര​ൻ, കോ​ഴി​ക്കോ​ട്ട് അ​ക്കൗ​ണ്ട​ന്റ്.

മധു മാസ്റ്റർ ബാ​ക്കി​െവ​ച്ച ഓ൪മ​ക​ളെ കൂ​ട്ടു​പി​ടി​ച്ച് ‘ആ​ൾ​മ​റ​യി​ല്ലാ​ത്ത കി​ണ​റു​ക​ൾ’ എ​ന്ന ശീ൪​ഷ​ക​ത്തി​ൽ സ്വ​ന്തം അ​നു​ഭ​വ കു​റി​പ്പു​ക​ൾ എ​ഴു​താ​നു​ള്ള ശ്ര​മ​ത്തി​ലാ​ണ് വാ​സു ഇ​പ്പോ​ൾ. കാ​ല​ത്തി​ന്റെ ച​രി​ത്ര​രേ​ഖ​യാ​യി​രി​ക്കും അ​തെ​ന്ന ഉ​റ​പ്പി​ന് അ​ടി​സ്ഥാ​നം നീ​ണ്ട അ​ദൃ​ശ്യ​ത​യി​ൽ കു​ലു​ങ്ങി​പ്പോ​കാ​ത്ത ആ ​ജീ​വി​തംത​ന്നെ.

(തു​ട​രും)