ക്രിസ്ത്യൻ വർഗീയത

മാ​ർ​ച്ച്‌ മൂ​ന്നാം വാ​ര​ത്തി​ൽ ത​ല​ശ്ശേ​രി ആ​ർ​ച്ച് ബി​ഷ​പ് മാ​ർ ജോ​സ​ഫ് പാംപ്ലാനി ചെ​യ്ത വി​വാ​ദ​പ്ര​സം​ഗ​ത്തെ തു​ട​ർ​ന്ന്, ബി.​ജെ.​പി​ക്കാ​ർ കേ​ര​ള​ത്തി​ലെ ക്രി​സ്ത്യാ​നി​ക​ളോ​ട് സൗ​ഹൃ​ദം സ്ഥാ​പി​ക്കാ​ൻ ന​ട​ത്തി​ക്കൊ​ണ്ടി​രു​ന്ന പ​രി​ശ്ര​മ​ങ്ങ​ൾ​ക്ക് തീ​വ്ര​ത​യും വ്യാ​പ്തി​യും കൂ​ടി​വ​രു​ന്ന​താ​യി കാ​ണു​ന്നു. സൗ​ഹൃ​ദ​സ​ന്ദ​ർ​ശ​നം തു​ട​ങ്ങി പ​ല പേ​രു​ക​ളി​ലും ബി.​ജെ.​പി നേ​താ​ക്ക​ൾ മെ​ത്രാ​ന്മാ​രു​ടെ അ​ര​മ​ന​ക​ളി​ലും, ക്രി​സ്ത്യ​ൻ തീ​ർ​ഥാ​ട​ന കേ​ന്ദ്ര​ങ്ങ​ളി​ലും, ദേ​വാ​ല​യ​ങ്ങ​ളി​ലും മ​റ്റും സ​ന്ദ​ർ​ശ​ന പ​ര​മ്പ​ര​ക​ൾ​ത​ന്നെ ന​ട​ത്തു​ക​യാ​ണ്. ബി.​ജെ.​പി​യി​ലെ കീ​ഴ്സ്ഥാ​നി​ക​ൾ ക​ത്തോ​ലി​ക്കാ സ​ഭ​യു​ടെ മേ​ല​ധ്യ​ക്ഷ​ന്മാ​രെ തേ​ടി അ​ര​മ​ന​ക​ളി​ൽ എ​ത്തു​മ്പോ​ൾ, പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഈ​സ്റ്റ​ർ ദി​ന​ത്തി​ൽ, ക്ഷ​ണി​ക്കാ​തെ​യെ​ന്ന് പ​റ​യു​ന്നു, ഡ​ൽ​ഹി​യി​ലെ തി​രു​ഹൃ​ദ​യ ക​ത്തീ​ഡ്ര​ലി​ൽ നേ​രി​ട്ടെ​ത്തി വി​ശ്വാ​സി​ക​ൾ​ക്ക് ഉ​യി​ർ​പ്പ്‌ പെ​രു​ന്നാ​ൾ ആ​ശം​സ നേ​രു​ക​യു​ണ്ടാ​യി. ഇ​തു​വ​ഴി ബി.​ജെ.​പി​യു​ടെ ക്രി​സ്ത്യ​ൻ പ്രീ​ണ​ന​ശ്ര​മ​ത്തി​ന്റെ മാ​നം വി​പു​ലീ​ക​രി​ക്ക​പ്പെ​ട്ടി​രി​ക്കു​ക​യാ​ണ്. ആ​രാ​ധ​നാ​ല​യ​ങ്ങ​ളെ​പ്പോ​ലും, ഉ​ഭ​യ​സ​മ്മ​ത​പ്ര​കാ​രം, രാ​ഷ്ട്രീ​യ മു​ത​ലെ​ടു​പ്പി​നു​ള്ള വേ​ദി​യാ​ക്കി മാ​റ്റു​ന്ന​തി​നാ​ണ് നാം ​സാ​ക്ഷി​ക​ളാ​കു​ന്ന​ത്.

മോ​ദി​യു​ടെ തി​രു​ഹൃ​ദ​യ ദേ​വാ​ല​യ സ​ന്ദ​ർ​ശ​ന​ത്തി​ന് സ​മാ​ന​മ​ല്ലെ​ങ്കി​ലും ശ്ര​ദ്ധി​ക്കേ​ണ്ട മ​റ്റൊ​രു സ​ന്ദ​ർ​ശ​ന​വും ഈ ​ഈ​സ്റ്റ​ർ കാ​ല​ത്തു​ത​ന്നെ ഡ​ൽ​ഹി​യി​ൽ അ​ര​ങ്ങേ​റി. മ​ല​ങ്ക​ര ഓ​ർ​ത്ത​ഡോ​ക്സ് സു​റി​യാ​നി സ​ഭ​യു​ടെ പ്ര​ധാ​ന മേ​ല​ധ്യ​ക്ഷ​ൻ – കാ​തോ​ലി​ക്കാ ബാ​വ – ഈ ​വ​ർ​ഷ​ത്തെ വി​ശു​ദ്ധ വാ​രാ​ച​ര​ണ ശു​ശ്രൂ​ഷ​ക​ൾ ന​ട​ത്താ​ൻ ഡ​ൽ​ഹി​യി​ൽ എ​ത്തി​യ​പ്പോ​ൾ പ്ര​ത്യേ​ക അ​നു​മ​തി നേ​ടി രാ​ഷ്ട്ര​പ​തി​യെ​യും, പ്ര​ധാ​ന​മ​ന്ത്രി​യെ​യും സ​ന്ദ​ർ​ശി​ച്ച്, സൗ​ഹൃ​ദം സ്ഥാ​പി​ക്കാ​ൻ ശ്ര​മി​ച്ചു. സാ​ധാ​ര​ണ ഗ​തി​യി​ൽ വി​ശു​ദ്ധ വാ​ര​ത്തി​ൽ ക്രി​സ്ത്യ​ൻ പു​രോ​ഹി​ത​ർ പ്രാ​ർ​ഥ​ന​യും ഉ​പ​വാ​സ​വു​മാ​യി ദേ​വാ​ല​യ​ങ്ങ​ളി​ൽ​ത​ന്നെ ക​ഴി​യു​ക​യാ​ണ് പ​തി​വ്. ഈ ​പ​തി​വ് തെ​റ്റി​ച്ചാ​ണ് കാ​തോ​ലി​ക്കാ ബാ​വ രാ​ഷ്ട്രീ​യ ബ​ന്ധ​ങ്ങ​ൾ സ്ഥാ​പി​ക്കാ​ൻ ഇ​റ​ങ്ങി​പ്പു​റ​പ്പെ​ട്ട​ത്. അ​ദ്ദേ​ഹം പ്ര​ധാ​ന​മ​ന്ത്രി​യെ സ​ന്ദ​ർ​ശി​ച്ച​തി​ൽ രാ​ഷ്ട്രീ​യം കാ​ണാ​ൻ ശ്ര​മി​ച്ച​വ​രോ​ട് ഇ​ത് കേ​വ​ലം ഉ​പ​ചാ​ര​പ​ര​മാ​യ ഒ​രു സൗ​ഹൃ​ദ​സ​ന്ദ​ർ​ശ​നം മാ​ത്ര​മാ​യി​രു​ന്നു എ​ന്നും അ​തി​ന​പ്പു​റം ഒ​രു രാ​ഷ്ട്രീ​യ​ല​ക്ഷ്യ​വും ഇ​തി​നി​ല്ല എ​ന്നു​മാ​യി​രു​ന്നു അ​ദ്ദേ​ഹ​ത്തി​ന്റെ മ​റു​പ​ടി. ഓ​ർ​ത്ത​ഡോ​ക്​​സ്‌ സ​ഭ​ക്ക് അ​നു​കൂ​ല​മാ​യി 2017ൽ ​കി​ട്ടി​യ സു​പ്രീം​കോ​ട​തി വി​ധി മ​റി​ക​ട​ക്കാ​ൻ കേ​ര​ള സ​ർ​ക്കാ​ർ നി​യ​മം കൊ​ണ്ടു​വ​രു​മെ​ന്ന് പ്ര​ഖ്യാ​പി​ച്ച സാ​ഹ​ച​ര്യ​ത്തി​ൽ ഈ ​മ​റു​പ​ടി ആ​രെ​ങ്കി​ലും മു​ഖ​വി​ല​ക്ക് എ​ടു​ക്കു​മോ എ​ന്ന് അ​റി​യി​ല്ല. വി​ജ​യി​ച്ചാ​ലും ഇ​ല്ലെ​ങ്കി​ലും ഇ​ട​നി​ല​ക്കാ​ർ വ​ഴി സ​ഭ​യെ ബി.​ജെ.​പി​യു​മാ​യി അ​ടു​പ്പി​ക്കാ​നു​ള്ള ബോ​ധ​പൂ​ർ​വ​മാ​യ ഒ​രു ശ്ര​മ​മാ​യാ​ണ് ഈ ​നീ​ക്ക​ത്തെ നി​രീ​ക്ഷ​ക​ർ വി​ല​യി​രു​ത്തു​ന്ന​ത്.

ക്രിസ്ത്യാനികൾക്കെതിരായ ആക്രമണങ്ങളിൽ പ്രതിഷേധവുമായി ജന്തർ മന്തറിൽ ഒത്തുകൂടിയവർ

പ്ര​ധാ​ന​മ​ന്ത്രി​യു​ടെ കേ​ര​ള സ​ന്ദ​ർ​ശ​ന​ത്തി​ലെ ഒ​രു മു​ഖ്യ ഇ​നം കേ​ര​ള​ത്തി​ലെ ക്രി​സ്ത്യ​ൻ സ​ഭ​ക​ളി​ലെ പൗ​രോ​ഹി​ത്യ നേ​തൃ​ത്വ​വു​മാ​യി ന​ട​ത്തി​യ കൂ​ടി​ക്കാ​ഴ്ച​യാ​ണ​ല്ലോ. നി​ശ്ച​യ​മാ​യും ഇ​ത് ക്രി​സ്ത്യാ​നി​ക​ളു​ടെ രാ​ഷ്ട്രീ​യ​പി​ന്തു​ണ നേ​ടാ​നു​ള്ള ബി.​ജെ.​പി​യു​ടെ തീ​വ്ര​മാ​യ താ​ൽ​പ​ര്യ​ത്തി​ന്റെ വ്യ​ക്ത​മാ​യ സൂ​ച​ന​യാ​ണ്. ക്രി​സ്ത്യ​ൻ ഭൂ​രി​പ​ക്ഷ പ്ര​ദേ​ശ​ങ്ങ​ൾ ഉ​ൾ​ക്കൊ​ള്ളു​ന്ന വ​ട​ക്കു കി​ഴ​ക്ക​ൻ ഇ​ന്ത്യ​യി​ലും, നി​ർ​ണാ​യ​ക​മാ​യ ക്രി​സ്ത്യ​ൻ സാ​ന്നി​ധ്യ​മു​ള്ള ഗോ​വ​യി​ലും ക്രൈ​സ്ത​വ​രു​ടെ പി​ന്തു​ണ​യോ​ടെ ഭ​ര​ണം പി​ടി​ച്ച​തു​പോ​ലെ കേ​ര​ള​ത്തി​ലും ബി.​ജെ.​പി ഭ​ര​ണം പി​ടി​ക്കും എ​ന്ന് എ​റ​ണാ​കു​ള​ത്തെ യു​വ​സം​ഗ​മ​ത്തി​ലെ പ്ര​സം​ഗ​ത്തി​ൽ ന​രേ​ന്ദ്ര മോ​ദി ഉ​ച്ചൈ​സ്ത​രം പ്ര​ഖ്യാ​പി​ച്ച​ല്ലോ. ഭ​ര​ണം കൈ​ക്ക​ലാ​ക്കാ​ൻ ഇ​വി​ട​ത്തെ ക്രി​സ്ത്യാ​നി​ക​ളു​ടെ വോ​ട്ട് ത​ര​പ്പെ​ടു​ത്തു​ക​യാ​ണ്, അ​ല്ലാ​തെ ക്രൈ​സ്ത​വ​രു​ടെ ആ​ശ​ങ്ക​ക​ൾ ദൂ​രീ​ക​രി​ക്കു​ക​യോ, സം​ര​ക്ഷ​ണം ഉ​റ​പ്പു​വ​രു​ത്തു​ക​യോ അ​ല്ല ക്രൈ​സ്ത​വ സ​ഭാ നേ​തൃ​ത്വ​വു​മാ​യി ന​ട​ത്തു​ന്ന കൂ​ടി​ക്കാ​ഴ്ച​യി​ൽ​ക്കൂ​ടി ബി.​ജെ.​പി ല​ക്ഷ്യ​മി​ടു​ന്ന​​െത​ന്ന് ഇ​തി​ൽ കൂ​ടു​ത​ൽ പ​ച്ച​യാ​യി എ​ങ്ങ​നെ​യാ​ണ് പ​റ​യാ​ൻ ക​ഴി​യു​ക? എ​ന്നി​ട്ടും പ്ര​ധാ​ന​മ​ന്ത്രി ക്രി​സ്ത്യ​ൻ നേ​താ​ക്ക​ളെ കാ​ണു​ന്ന​തി​ൽ രാ​ഷ്ട്രീ​യ​മി​ല്ലെ​ന്ന് പ​റ​യു​ന്ന ബി.​ജെ.​പി നേ​താ​ക്ക​ളും മെ​ത്രാ​ന്മാ​രും ത​മ്മി​ൽ എ​ന്ത് വ്യ​ത്യാ​സ​മാ​ണു​ള്ള​ത്? ‘ഈ​സ്റ്റ​ർ ഡി​പ്ലോ​മ​സി’ എ​ന്ന് വി​ശേ​ഷി​പ്പി​ക്ക​പ്പെ​ടു​ന്ന ഈ ​കൂ​ടി​ക്കാ​ഴ്ച​ക​ൾ എ​ന്താ​ണ് സൂ​ചി​പ്പി​ക്കു​ന്ന​ത് അ​ഥ​വാ വ്യ​ക്ത​മാ​ക്കു​ന്ന​ത് എ​ന്ന പ്ര​ശ്നം കേ​ര​ള​ത്തി​ലെ ഒ​രു പ്ര​ധാ​ന മ​ത​ന്യൂ​ന​പ​ക്ഷ​മാ​യ ക്രൈ​സ്ത​വ​രു​ടെ​യും പൊ​തു​സ​മൂ​ഹ​ത്തി​ന്റെ​യും ഗൗ​ര​വ​പൂ​ർ​വ​മാ​യ പ​രി​ശോ​ധ​ന ആ​വ​ശ്യ​പ്പെ​ടു​ന്നു.

ക്രി​സ്ത്യ​ൻ ന്യൂ​ന​പ​ക്ഷ​ത്തി​ന്റെ ഭ​ര​ണ​കൂ​ട ബ​ന്ധ​ങ്ങ​ൾ

ഇ​ന്ത്യ​യി​ലെ മ​ത​ന്യൂ​ന​പ​ക്ഷ​ങ്ങ​ൾ അ​ധി​ക​വും മ​ത​നി​ര​പേ​ക്ഷ​നി​ല​പാ​ട് പാ​ലി​ച്ച ഇ​ന്ത്യ​ൻ നാ​ഷ​ന​ൽ കോ​ൺ​ഗ്ര​സി​നോ​ടാ​ണ് ദീ​ർ​ഘ​കാ​ലം രാ​ഷ്ട്രീ​യ അ​നു​ഭാ​വം പു​ല​ർ​ത്തി​പ്പോ​ന്ന​ത് എ​ന്ന് ഇ​ന്ത്യ​ൻ രാ​ഷ്ട്രീ​യം നി​രീ​ക്ഷി​ച്ചി​ട്ടു​ള്ള​വ​ർ​ക്ക് എ​ല്ലാം അ​റി​യാ​വു​ന്ന​താ​ണ്. മ​റ്റൊ​രു മ​ത​ന്യൂ​ന​പ​ക്ഷ​മാ​യ മു​സ്‍ലിം​ക​ളി​ൽ​നി​ന്ന് വ്യ​ത്യ​സ്ത​മാ​യി ഇ​ന്ത്യ​യി​ലെ, പ്ര​ത്യേ​കി​ച്ചും ശ​ക്ത​മാ​യ ക്രി​സ്ത്യ​ൻ സാ​ന്നി​ധ്യ​മു​ള്ള കേ​ര​ള​ത്തി​ലെ സ​ഭ​ക​ൾ പൊ​തു​വെ ക​ക്ഷി രാ​ഷ്ട്രീ​യ​ത്തി​ൽ​നി​ന്ന് ആ​രോ​ഗ്യ​ക​ര​മാ​യ അ​ക​ലം പാ​ലി​ക്കാ​ൻ ബോ​ധ​പൂ​ർ​വം ശ്ര​മി​ച്ചു​പോ​ന്നു. സ​ഭ​ക്ക് രാ​ഷ്ട്രീ​യ​മി​ല്ല, വി​ശ്വാ​സി​ക​ൾ​ക്ക്‌ ഇ​ഷ്ട​മു​ള്ള രാ​ഷ്ട്രീ​യം തി​ര​ഞ്ഞെ​ടു​ക്കാം എ​ന്ന​താ​യി​രു​ന്നു സ​ഭ​ക​ൾ സ്വീ​ക​രി​ച്ചു​പോ​ന്ന നി​ല​പാ​ട്. ചി​ല​ർ ഇ​തി​നെ ‘സ​മ​ദൂ​ര സി​ദ്ധാ​ന്തം’ എ​ന്ന് വി​ശേ​ഷി​പ്പി​ച്ചു. ക​ക്ഷി​ക​ളോ​ട് രാ​ഷ്ട്രീ​യ അ​ക​ലം പാ​ലി​ക്കു​മ്പോ​ൾ​ത​ന്നെ ഭ​ര​ണ​കൂ​ട​ങ്ങ​ളോ​ടും, അ​വ​യെ ന​യി​ക്കു​ന്ന മ​ത​വി​രു​ദ്ധ നി​ല​പാ​ട് പ്ര​ഖ്യാ​പി​ക്കാ​ത്ത രാ​ഷ്ട്രീ​യ ക​ക്ഷി​ക​ളോ​ടും അ​വ​യു​ടെ നേ​താ​ക്ക​ളോ​ടും മാ​ന്യ​മാ​യ സൗ​ഹൃ​ദം പു​ല​ർ​ത്താ​ൻ ക്രൈ​സ്ത​വ സ​ഭ​ക​ൾ മ​ടി​ച്ചി​ട്ടു​മി​ല്ല എ​ന്ന​താ​ണ് ച​രി​ത്രം. കേ​ര​ള​ത്തി​ലെ ക​ത്തോ​ലി​ക്കാ സ​ഭ ഇ​വി​ട​ത്തെ പ്രാ​ദേ​ശി​ക ക​ക്ഷി​യാ​യ കേ​ര​ള കോ​ൺ​ഗ്ര​സു​മാ​യി പു​ല​ർ​ത്തി​യി​രു​ന്ന ഒ​രു സ​വി​ശേ​ഷ​ബാ​ന്ധ​വം ഒ​ഴി​ച്ചാ​ൽ മ​റ്റ്‌ ക്രി​സ്ത്യ​ൻ വി​ഭാ​ഗ​ങ്ങ​ൾ എ​ല്ലാം​ത​ന്നെ രാ​ഷ്ട്രീ​യ​ക​ക്ഷി​ക​ളോ​ട് പ്ര​ശ്നാ​ധി​ഷ്ഠി​ത ബ​ന്ധ​മാ​ണ് പു​ല​ർ​ത്തി​പ്പോ​ന്ന​ത് എ​ന്ന് സാ​മാ​ന്യ​മാ​യി പ​റ​യാം.

ക്രൈ​സ്ത​വ സ​ഭ​ക​ളും ഭ​ര​ണ​കൂ​ട​ങ്ങ​ളും ത​മ്മി​ലു​ള്ള ബ​ന്ധം പ​രി​ശോ​ധി​ക്കു​മ്പോ​ൾ ഭൂ​ത​കാ​ല​ത്തി​ലേ​ക്ക് ഒ​രെ​ത്തി​നോ​ട്ടം ന​ട​ത്തേ​ണ്ട​തു​ണ്ട്. ക്രൈ​സ്ത​വ മി​ഷ​ന​റി​മാ​രു​ടെ ആ​ഗ​മ​ന​ത്തെ​ത്തു​ട​ർ​ന്ന് കേ​ര​ള​ത്തി​ലും ഇ​ന്ത്യ​യു​ടെ നാ​നാ​ഭാ​ഗ​ങ്ങ​ളി​ലും അ​വ​ർ ആ​രം​ഭി​ച്ച വി​ദ്യാ​ല​യ​ങ്ങ​ളും ആ​തു​ര​ശു​ശ്രൂ​ഷാ കേ​ന്ദ്ര​ങ്ങ​ളും ന​ൽ​കി​യ സേ​വ​നം ഇ​വി​ട​ത്തെ ജ​ന​ജീ​വി​ത​ത്തി​ൽ ഗു​ണ​പ​ര​മാ​യ ഒ​ട്ടേ​റെ മാ​റ്റ​ങ്ങ​ളു​ണ്ടാ​ക്കി. അ​തു​കൊ​ണ്ടു​ത​ന്നെ പ്ര​സ്തു​ത സ്ഥാ​പ​ന​ങ്ങ​ൾ​ക്ക്‌ ഇ​വി​ട​ത്തെ വൈ​ദേ​ശി​ക​വും ത​ദ്ദേ​ശീ​യ​വു​മാ​യ ഭ​ര​ണ​കൂ​ട​ങ്ങ​ളു​ടെ സ​ഹാ​യ​വും സം​ര​ക്ഷ​ണ​വും ല​ഭ്യ​മാ​യി. സ്വാ​ത​ന്ത്ര്യാ​ന​ന്ത​രം പ്ര​സ്തു​ത സ്ഥാ​പ​ന​ങ്ങ​ൾ​ക്ക് നാ​ട്ടി​ലെ നി​യ​മ​വ്യ​വ​സ്ഥ​ക​ൾ പാ​ലി​ച്ച് പ്ര​വ​ർ​ത്തി​ക്കേ​ണ്ടി​വ​ന്നു. സ്വാ​ഭാ​വി​ക​മാ​യും അ​തോ​ടൊ​പ്പം നി​യ​ന്ത്ര​ണ​ങ്ങ​ളും ഉ​ണ്ടാ​യി. ക്ര​മേ​ണ ക്രൈ​സ്ത​വ സ​ഭ​ക​ളു​ടെ സേ​വ​ന സ്ഥാ​പ​ന​ങ്ങ​ൾ വ​ർ​ധി​ക്കു​ക​യും വി​പു​ലീ​ക​രി​ക്ക​പ്പെ​ടു​ക​യും ചെ​യ്തു. ഇ​വ​യി​ൽ ഏ​റ്റ​വും പ്ര​ധാ​നം വി​ദ്യാ​ഭ്യാ​സ സ്ഥാ​പ​ന​ങ്ങ​ളാ​യി​രു​ന്നു. ത​ന്മൂ​ലം വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക് സ​ർ​ക്കാ​റി​ൽ​നി​ന്ന് ധ​ന​സ​ഹാ​യം ഉ​ൾ​പ്പെ​ടെ​യു​ള്ള സ​ഹാ​യ​ങ്ങ​ൾ ന​ല്ല​തോ​തി​ൽ ല​ഭി​ക്കാ​ൻ തു​ട​ങ്ങി. വി​ദ്യാ​ഭ്യാ​സ​ത്തി​നും ആ​തു​ര​സേ​വ​ന​ത്തി​നും പു​റ​മെ, സ​ർ​ക്കാ​റി​ന് ക​ട​ന്നു​ചെ​ല്ലാ​നാ​വാ​ത്ത മ​റ്റ​നേ​കം സേ​വ​ന​മേ​ഖ​ല​ക​ളി​ലേ​ക്കും സ​ഭ​ക​ൾ അ​വ​യു​ടെ പ്ര​വ​ർ​ത്ത​നം വ്യാ​പി​പ്പി​ച്ചു. ധാ​രാ​ളം പു​തി​യ സാ​മൂ​ഹി​ക​സേ​വ​ന സ്ഥാ​പ​ന​ങ്ങ​ൾ നി​ല​വി​ൽ വ​ന്നു. അ​വ​യു​ടെ പ്ര​വ​ർ​ത്ത​ന​ങ്ങ​ൾ സു​ഗ​മ​മാ​യി ന​ട​ത്താ​ൻ ത​ദ്ദേ​ശീ​യ​മാ​യി സ​മാ​ഹ​രി​ക്കു​ന്ന വി​ഭ​വ​ങ്ങ​ൾ പോ​രാ​തെ വ​ന്നു. അ​തു​കൊ​ണ്ട്, ഭൂ​ത​ദ​യാ​ധി​ഷ്ഠി​ത​മാ​യി പ്ര​വ​ർ​ത്തി​ക്കു​ന്ന വി​ദേ​ശ സ്ഥാ​പ​ന​ങ്ങ​ളി​ൽ​നി​ന്നും ഉ​ദാ​ര​മ​തി​ക​ളി​ൽ​നി​ന്നും സ​ർ​ക്കാ​ർ വ്യ​വ​സ്ഥ​ക​ൾ അ​നു​സ​രി​ച്ചു​ള്ള ധ​ന​സ​ഹാ​യം സ​ഭ​ക​ളു​ടെ സേ​വ​ന സം​ഘ​ട​ന​ക​ളും സ്ഥാ​പ​ന​ങ്ങ​ളും സ്വീ​ക​രി​ക്കാ​ൻ തു​ട​ങ്ങി. അ​ങ്ങ​നെ സ​ഭ​ക​ളു​ടെ സേ​വ​ന (മി​ഷ​ൻ) പ്ര​വ​ർ​ത്ത​ന​ങ്ങ​ൾ സ​ർ​ക്കാ​ർ നി​യ​ന്ത്ര​ണ​ത്തി​ലും നി​രീ​ക്ഷ​ണ​ത്തി​ലും ആ​യി​ത്തീ​ർ​ന്നു.

വോ​ട്ടു​ബാ​ങ്കാ​ക്കി മാ​റ്റ​പ്പെ​ടു​ന്ന ന്യൂ​ന​പ​ക്ഷം

ഈ ​അ​ടു​ത്ത​കാ​ലം​വ​രെ ക്രൈ​സ്ത​വ സ​ഭാ​പി​താ​ക്ക​ന്മാ​ർ (ഭ​ര​ണാ​ധി​കാ​രി​ക​ൾ) അ​വ​രു​ടെ ജീ​വി​ത​വി​ശു​ദ്ധി​കൊ​ണ്ടും ത​പോ​ബ​ലം​കൊ​ണ്ടും ഭൗ​തി​ക​ത​യോ​ട് (അ​ധി​കാ​രം, പ്ര​ശ​സ്തി, സ​മ്പ​ത്ത്‌, സു​ഖ​ലോ​ലു​പ​ത) പു​ല​ർ​ത്തി​പ്പോ​ന്ന അ​നാ​സ​ക്തി​യു​ടെ ക​രു​ത്തു​കൊ​ണ്ടും പൊ​തു​സ​മൂ​ഹ​ത്തി​ന്റെ​യും അ​ധി​കാ​രി​ക​ളു​ടെ​യും ആ​ദ​ര​വി​ന് പാ​ത്രീ​ഭൂ​ത​രാ​യി​രു​ന്നു. ഇ​വ​രാ​രും​ത​ന്നെ രാ​ഷ്ട്രീ​യ നേ​താ​ക്ക​ളെ​യോ ഭ​ര​ണ​ത്ത​ല​വ​ന്മാ​രെ​യോ സ​ന്ദ​ർ​ശി​ക്കാ​നോ അ​വ​രു​ടെ പ്രീ​തി​നേ​ടാ​നോ ഒ​രു താ​ൽ​പ​ര്യ​വും കാ​ട്ടി​യി​രു​ന്നി​ല്ല. ദൈ​വ​ത്തെ​യ​ല്ലാ​തെ മ​റ്റൊ​രു ശ​ക്തി​യെ​യും അ​വ​ർ ഭ​യ​പ്പെ​ട്ടി​രു​ന്നി​ല്ല. രാ​ജ്യ​ത്ത് നി​ല​വി​ലു​ള്ള നി​യ​മ​ങ്ങ​ൾ ലം​ഘി​ക്കാ​ത്ത​തു​കൊ​ണ്ട് അ​വ​ർ​ക്ക് അ​ന്വേ​ഷ​ണ ഏ​ജ​ൻ​സി​ക​ളെ ഭ​യ​പ്പെ​ടേ​ണ്ടി​യി​രു​ന്നി​ല്ല, അ​തു​കൊ​ണ്ടു​ത​ന്നെ രാ​ഷ്ട്രീ​യ​ക്കാ​രു​ടെ പ്രീ​തി​യും സം​ര​ക്ഷ​ണ​വും ആ​വ​ശ്യ​മി​ല്ലാ​യി​രു​ന്നു. മ​റി​ച്ച്, പ​ല സ​ന്ദ​ർ​ഭ​ങ്ങ​ളി​ലും ഇ​ത​ര സ​മു​ദാ​യ നേ​താ​ക്ക​ളും ഭ​ര​ണാ​ധി​കാ​രി​ക​ളും ത​പോ​ധ​ന​രാ​യ ഇ​വ​രെ സ​ന്ദ​ർ​ശി​ക്കു​ക​യും അ​നു​ഗ്ര​ഹ​വും പി​ന്തു​ണ​യും തേ​ടു​ക​യും ചെ​യ്തി​രു​ന്നു.

എ​ന്നാ​ൽ, ക​ഴി​ഞ്ഞ കാ​ൽ​നൂ​റ്റാ​ണ്ടി​നി​ടെ കാ​ര്യ​ങ്ങ​ൾ മാ​റി​മ​റി​ഞ്ഞു. സ​ഭാ നേ​തൃ​ത്വം, ഒ​രു വ​ലി​യ അ​ള​വോ​ളം ജീ​വി​ത​വി​ശു​ദ്ധി​യോ ധാ​ർ​മി​ക​ത​യോ ഇ​ല്ലാ​ത്ത, അ​ന​ർ​ഹ​രാ​യ​വ​രു​ടെ കൈ​പ്പി​ടി​യി​ലാ​യി. അ​ത്ത​ര​ക്കാ​ർ നേ​തൃ​ത്വം കൈ​യ​ട​ക്കി എ​ന്ന് പ​റ​യു​ന്ന​താ​വും കൂ​ടു​ത​ൽ വ​സ്തു​താ​പ​രം. അ​തോ​ടെ സ​ഭാ​നേ​തൃ​ത്വ​ത്തി​ന്റെ വി​ശ്വാ​സ്യ​ത​ക്ക് ഇ​ടി​വ് ത​ട്ടു​ക​യും പൊ​തു​സ​മൂ​ഹ​ത്തി​ൽ അ​വ​ർ​ക്കു​ണ്ടാ​യി​രു​ന്ന സ്വീ​കാ​ര്യ​ത​യും ധാ​ർ​മി​ക സ്വാ​ധീ​ന​വും ഗ​ണ്യ​മാ​യി ന​ഷ്ട​പ്പെ​ടു​ക​യും ചെ​യ്തു.

പാ​ലാ രൂ​പ​ത ബി​ഷ​പ്​ മാ​ർ ജോ​സ​ഫ്​ ക​ല്ല​റ​ങ്ങാ​ട്ടി​ൽ, ബി​ഷ​പ് മാ​ർ ജോ​സ​ഫ് പാ​ംപ്ലാ​നി

നേ​തൃ​ത്വ​ത്തി​ന്റെ അ​പ​ച​യം സ്വാ​ഭാ​വി​ക​മാ​യും സ​ഭ​ക​ളു​ടെ സേ​വ​ന​രം​ഗ​ത്തെ​യും ബാ​ധി​ച്ചു. സേ​വ​ന​പ്ര​വ​ർ​ത്ത​ന​ങ്ങ​ൾ നി​യ​മാ​നു​സൃ​ത​മോ സു​താ​ര്യ​മോ അ​ല്ലാ​താ​യി. വി​ദേ​ശ സാ​മ്പ​ത്തി​ക സ​ഹാ​യം സ്വീ​ക​രി​ക്കു​ന്ന​തി​ലും അ​വ​യു​ടെ വി​നി​യോ​ഗ​ത്തി​ലും എ​ഫ്.​സി.​ആ​ർ.​എ, ഫെ​റാ, ഫെ​മ തു​ട​ങ്ങി​യ നി​യ​മ​ങ്ങ​ൾ പാ​ലി​ക്ക​പ്പെ​ടു​ന്നി​ല്ലെ​ന്നും വി​ദേ​ശ സാ​മ്പ​ത്തി​ക സ​ഹാ​യം വ്യാ​പ​ക​മാ​യി ദു​ർ​വി​നി​യോ​ഗം ചെ​യ്യ​പ്പെ​ടു​ന്നു എ​ന്നും ആ​ക്ഷേ​പം ഉ​യ​ർ​ന്നു. സ്ഥാ​പ​ന​ങ്ങ​ളു​ടെ നി​യ​മ​ര​ഹി​ത​മാ​യ ന​ട​ത്തി​പ്പി​ലും സാ​മ്പ​ത്തി​ക തി​രി​മ​റി​ക​ളി​ലും സ​ഭാ​നേ​തൃ​ത്വ​ത്തി​നും പ​ങ്കു​ണ്ടാ​യി​രു​ന്ന​തു​കൊ​ണ്ട് പി​ടി​ക്ക​പ്പെ​ടാ​തി​രി​ക്കാ​ൻ സ​ഭാ നേ​താ​ക്ക​ൾ​ക്ക് രാ​ഷ്ട്രീ​യ​ക്കാ​രു​ടെ​യും ഉ​ദ്യോ​ഗ​സ്ഥ​രു​ടെ​യും ദ​യാ​ദാ​ക്ഷി​ണ്യ​ങ്ങ​ൾ ആ​വ​ശ്യ​മാ​യി വ​ന്നു. ഇ.​ഡി പോ​ലു​ള്ള അ​ന്വേ​ഷ​ണ ഏ​ജ​ൻ​സി​ക​ൾ സ​ഭാ​നേ​താ​ക്ക​ളു​ടെ ത​ല​ക്കു മു​ക​ളി​ൽ ഡെ​മോ​ക്ലി​സി​ന്റെ ഖ​ഡ്ഗം​പോ​ലെ നി​ത്യ​ഭീ​ഷ​ണി​യാ​യി തൂ​ങ്ങി​നി​ന്നു.

ഈ ​പ​രി​ണ​തി സ്വാ​ഭാ​വി​ക​മാ​യും സ​ഭ​ക​ളും രാ​ഷ്ട്രീ​യ ക​ക്ഷി​ക​ളും ത​മ്മി​ൽ അ​വി​ശു​ദ്ധ​ബ​ന്ധം രൂ​പ​പ്പെ​ടു​ന്ന​തി​ലേ​ക്ക് ന​യി​ച്ചു. ധാ​ർ​മി​ക​ത ന​ഷ്ട​പ്പെ​ട്ട സ​ഭാ​നേ​താ​ക്ക​ളെ കൗ​ശ​ല​ക്കാ​രാ​യ രാ​ഷ്ട്രീ​യ​ക്കാ​ർ സ്വാ​ധീ​നി​ക്കാ​നും ഭ​യ​പ്പെ​ടു​ത്താ​നും നി​യ​ന്ത്രി​ക്കാ​നും തു​ട​ങ്ങി. പൗ​രോ​ഹി​ത്യ​ത്തി​ന് ശു​ദ്ധ​മ​ന​സ്ക​രാ​യ വി​ശ്വാ​സി​ക​ളി​ൽ അ​വ​ശേ​ഷി​ച്ച സ്വാ​ധീ​നം മു​ത​ലെ​ടു​ത്ത് വി​ശ്വാ​സി​ക​ളെ സ്വാ​ധീ​നി​ച്ച് വോ​ട്ട്ബാ​ങ്കാ​ക്കി പ​രു​വ​പ്പെ​ടു​ത്തി​യെ​ടു​ക്കാ​ൻ രാ​ഷ്ട്രീ​യ​നേ​തൃ​ത്വം സ​ഭാ​നേ​താ​ക്ക​ളെ ഉ​പ​യോ​ഗ​പ്പെ​ടു​ത്തി. സ​ഭാ​നേ​താ​ക്ക​ളി​ലെ ക​ള​ങ്കി​ത​രും ഭീ​രു​ക്ക​ളു​മാ​യ​വ​ർ രാ​ഷ്ട്രീ​യ​ക്കാ​ർ​ക്ക് വി​ധേ​യ​രാ​കാ​ൻ സ​ന്ന​ദ്ധ​രാ​യി മു​ന്നോ​ട്ടു​വ​ന്നു. അ​ങ്ങ​നെ മ​ത​ന്യൂ​ന​പ​ക്ഷ​ങ്ങ​ൾ വോ​ട്ടു​ബാ​ങ്കാ​യി മാ​റ്റ​പ്പെ​ട്ടു.

സാ​മു​ദാ​യി​ക ധ്രു​വീ​ക​ര​ണ​ത്തി​ലേ​ക്ക്

മ​ത​ന്യൂ​ന​പ​ക്ഷ​ങ്ങ​ളെ വോ​ട്ടു​ബാ​ങ്കാ​ക്കി നി​ല​നി​ർ​ത്താ​നു​ള്ള എ​ളു​പ്പ​വ​ഴി അ​വ​ർ​ക്ക് ഉ​ദാ​ര​മാ​യി ആ​നു​കൂ​ല്യ​ങ്ങ​ൾ ന​ൽ​കി പ്രീ​ണി​പ്പി​ക്കു​ക​യാ​​െണ​ന്ന് രാ​ഷ്ട്രീ​യ​ക്കാ​ർ തി​രി​ച്ച​റി​ഞ്ഞു. ഭ​ര​ണം കൈ​യാ​ളു​ന്ന​വ​ർ ക​ക്ഷി​ഭേ​ദ​മ​ന്യേ, ചി​ല​പ്പോ​ൾ മ​ത്സ​രി​ച്ചും ന്യൂ​ന​പ​ക്ഷ​പ്രീ​ണ​നം തു​ട​ർ​ന്നു. സ്വാ​ഭാ​വി​ക​മാ​യും ഇ​ത് ന്യൂ​ന​പ​ക്ഷേ​ത​ര മ​ത​വി​ഭാ​ഗ​ങ്ങ​ളെ, പ്ര​ത്യേ​കി​ച്ചും ഇ​വി​ട​ത്തെ ഭൂ​രി​പ​ക്ഷ​മ​ത​വി​ഭാ​ഗ​മാ​യ ഹി​ന്ദു​ക്ക​ളെ പ്ര​കോ​പി​പ്പി​ച്ചു. ത​ങ്ങ​ൾ​ക്ക് അ​വ​കാ​ശ​പ്പെ​ട്ട അ​വ​സ​ര​ങ്ങ​ളും വി​ഭ​വ​ങ്ങ​ളും സ​മ്മ​ർ​ദ​ത​ന്ത്രം വ​ഴി ത​ട്ടി​യെ​ടു​ക്കു​ന്ന പ്ര​തി​യോ​ഗി​ക​ളാ​യി അ​വ​ർ ന്യൂ​ന​പ​ക്ഷ​ങ്ങ​ളെ പ​രി​ഗ​ണി​ക്കാ​നും ചി​ത്രീ​ക​രി​ക്കാ​നും തു​ട​ങ്ങി.

കോ​ൺ​ഗ്ര​സും മ​റ്റു ക​ക്ഷി​ക​ളും ഹി​ന്ദു സ​മു​ദാ​യ​ത്തി​ന്റെ ന്യാ​യ​മാ​യ അ​വ​കാ​ശ​ങ്ങ​ൾ അ​വ​ർ​ക്ക് നി​ഷേ​ധി​ക്കു​ന്നു എ​ന്നും, അ​തേ​സ​മ​യം അ​വ​ർ ന്യൂ​ന​പ​ക്ഷ​ങ്ങ​ൾ​ക്ക് അ​ന​ർ​ഹ​മാ​യ ആ​നു​കൂ​ല്യ​ങ്ങ​ൾ വാ​രി​ക്കോ​രി ന​ൽ​കു​ന്നു എ​ന്നും ഭൂ​രി​പ​ക്ഷ ഹി​ന്ദു മ​ത​വി​ഭാ​ഗ​ത്തെ പ്ര​തി​നി​ധാ​നം​ ചെ​യ്യു​ന്നു എ​ന്ന് അ​വ​കാ​ശ​പ്പെ​ടു​ന്ന സം​ഘ്പ​രി​വാ​ർ ക​ക്ഷി​യാ​യ ബി.​ജെ.​പി വ്യാ​പ​ക​മാ​യി പ്ര​ച​രി​പ്പി​ച്ചു. ന്യൂ​ന​പ​ക്ഷ​ങ്ങ​ൾ ഹി​ന്ദു​ക്ക​ളു​ടെ ശ​ത്രു​ക്ക​ളാ​ണ് എ​ന്ന വി​കാ​ര​വും വി​ചാ​ര​വും ഒ​രു വി​ഭാ​ഗം ഹി​ന്ദു​ക്ക​ളി​ൽ രൂ​ഢ​മൂ​ല​മാ​ക്കാ​ൻ ഈ ​പ്ര​ചാ​ര​ണം വ​ഴി ബി.​ജെ.​പി-സം​ഘ്പ​രി​വാ​ർ കൂ​ട്ടു​കെ​ട്ടി​ന് ക​ഴി​ഞ്ഞു. തി​ക​ഞ്ഞ സാ​ഹോ​ദ​ര്യ​ഭാ​വ​ന​യോ​ടെ ക​ഴി​ഞ്ഞി​രു​ന്ന വ്യ​ത്യ​സ്ത മ​ത​സ​മു​ദാ​യ​ങ്ങ​ൾ​ക്കി​ട​യി​ൽ പ​ര​സ്പ​ര അ​വി​ശ്വാ​സ​വും ഭി​ന്ന​ത​യും രൂ​പ​പ്പെ​ടാ​ൻ ഇ​തു കാ​ര​ണ​മാ​യി. സം​ഘ്പ​രി​വാ​ർ സം​ഘ​ട​ന​ക​ളും അ​വ​രു​ടെ രാ​ഷ്ട്രീ​യ പ്ര​സ്ഥാ​ന​ങ്ങ​ളും കൂ​ടി ഹി​ന്ദു​ത്വ പ്ര​ത്യ​യ​ശാ​സ്ത്ര​ത്തി​ന്റെ അ​ടി​സ്ഥാ​ന​ത്തി​ൽ, അ​ന്യ​മ​ത​വി​ദ്വേ​ഷ​ത്തി​ൽ – പ്ര​ത്യേ​കി​ച്ചും മു​സ്‍ലിം വി​രു​ദ്ധ​ത​യി​ൽ – ഊ​ന്നി ന​ട​ത്തി​യ ആ​സൂ​ത്രി​ത രാ​ഷ്ട്രീ​യ പ്ര​വ​ർ​ത്ത​നം വ​ഴി അ​വ​ർ​ക്ക് കേ​ന്ദ്ര​ഭ​ര​ണം പി​ടി​ച്ചെ​ടു​ക്കാ​നും തു​ട​ർ​ഭ​ര​ണം ഉ​റ​പ്പാ​ക്കാ​നും ക​ഴി​ഞ്ഞു.

ഇ​ന്ത്യ​യെ ഒ​രു ഹി​ന്ദു രാ​ഷ്ട്ര​മാ​ക്കു​ക എ​ന്ന​താ​ണ് സം​ഘ്പ​രി​വാ​റി​ന്റെ പ്ര​ഖ്യാ​പി​ത ല​ക്ഷ്യം എ​ന്ന് മ​ന​സ്സി​ലാ​ക്കാ​ത്ത​വ​രാ​യി ആ​രെ​ങ്കി​ലും ഇ​ന്ത്യ​യി​ൽ ഉ​ണ്ടാ​കു​മെ​ന്ന് തോ​ന്നു​ന്നി​ല്ല. ബി.​ജെ.​പി പി​ന്തു​ട​രു​ന്ന ഹി​ന്ദു​ത്വ പ്ര​ത്യ​യ​ശാ​സ്ത്ര​ത്തി​ന്റെ അ​ടി​സ്ഥാ​നം (ഹി​ന്ദു) മ​താ​ധി​ഷ്ഠി​ത ദേ​ശീ​യ​ത​യാ​ണെ​ന്ന​തും പ്ര​ഖ്യാ​ത​മാ​ണ​ല്ലോ? ഹി​ന്ദു രാ​ഷ്ട്ര​ത്തി​ൽ ഹൈ​ന്ദ​വേ​ത​ര മ​ത​ങ്ങ​ൾ​ക്ക് ര​ണ്ടാം സ്ഥാ​ന​മാ​യി​രി​ക്കും ന​ൽ​ക​പ്പെ​ടു​ക എ​ന്ന​തും ഹി​ന്ദു​ത്വ​വാ​ദി​ക​ളു​ടെ പ്ര​ഖ്യാ​പി​ത ന​യ​മാ​ണ്. ന്യൂ​ന​പ​ക്ഷ​ങ്ങ​ളെ ര​ണ്ടാം സ്ഥാ​ന​ത്ത് ആ​ദ​രി​ച്ചി​രു​ത്തും എ​ന്നാ​രും മോ​ഹി​ക്കേ​ണ്ട​തി​ല്ല. ഹി​ന്ദു​ത്വ പ്ര​ത്യ​യ​ശാ​സ്ത്ര​ത്തി​ന്റെ ഉ​പ​ജ്ഞാ​താ​വാ​യ സ​വ​ർ​ക്ക​റോ​ടൊ​പ്പം ഹി​ന്ദു​ത്വ​വാ​ദി​ക​ൾ ആ​ദ​രി​ക്കു​ന്ന ഗോ​ൾ​വ​ൾ​ക്ക​ർ അ​ദ്ദേ​ഹ​ത്തി​ന്റെ പ്രാ​മാ​ണി​ക ഗ്ര​ന്ഥ​മാ​യ ‘വി​ചാ​ര​ധാ​ര’​യി​ൽ ഇ​ന്ത്യ​യി​ലെ മു​സ്‍ലിം​ക​ളെ​യും ക്രി​സ്ത്യാ​നി​ക​ളെ​യും ക​മ്യൂ​ണി​സ്റ്റു​ക​ളെ​യും ഹി​ന്ദു​സ​മാ​ജ​ത്തി​ന്റെ ശ​ത്രു​ക്ക​ളാ​യി പ്ര​ഖ്യാ​പി​ച്ചി​ട്ടു​ണ്ട്. ഹി​ന്ദു രാ​ഷ്ട്രം സ്ഥാ​പി​ക്ക​പ്പെ​ട്ടു ക​ഴി​ഞ്ഞ​തി​നുശേ​ഷം ന്യൂ​ന​പ​ക്ഷ​ക്കാ​ർ​ക്ക് അ​വി​ടെ തു​ട​ർ​ന്നു ജീ​വി​ക്ക​ണ​മെ​ങ്കി​ൽ അ​വ​ർ ഭൂ​രി​പ​ക്ഷ​മ​ത​ത്തി​നു കീ​ഴ്പ്പെ​ട്ടു ക​ഴി​യ​ണം എ​ന്നും ത​റ​പ്പി​ച്ച് പ​റ​ഞ്ഞി​ട്ടു​ണ്ട്. അ​തി​ന് സ​മ്മ​ത​മ​ല്ലെ​ങ്കി​ൽ അ​ഹി​ന്ദു​ക്ക​ൾ​ക്ക്‌ ഇ​ന്ത്യ വി​ട്ട് അ​വ​ര​വ​രു​ടെ പി​തൃ​ഭൂ​മി​യി​ലേ​ക്ക് പോ​കേ​ണ്ടി​വ​രും എ​ന്നു​കൂ​ടി അ​ദ്ദേ​ഹം ‘വി​ചാ​ര​ധാ​ര’​യി​ൽ അ​സ​ന്ദി​ഗ്ധ​മാ​യി പ്ര​ഖ്യാ​പി​ച്ചി​ട്ടു​ണ്ട്.

ക്രിസ്ത്യാനികൾക്കെതിരായ ഹിന്ദുത്വവാദികളുടെ ആക്രമണങ്ങൾ​ക്കെതിരെ നടന്ന പ്രതിഷേധങ്ങളിലൊന്ന്

സം​ഘ്പ​രി​വാ​ർ സം​ഘ​ട​ന​ക​ൾ ഈ ​നി​ല​പാ​ട് മാ​റ്റി​യ​താ​യോ മ​യ​പ്പെ​ടു​ത്തി​യ​താ​യോ ഇ​ന്നോ​ളം എ​വി​ടെ​യും പ​റ​ഞ്ഞി​ട്ടി​ല്ല. അ​തി​ന​ർ​ഥം, അ​വ​ർ ഇ​പ്പോ​ഴും ഈ ​നി​ല​പാ​ടി​ൽ​ത​ന്നെ തു​ട​രു​ന്നു എ​ന്നാ​ണ​ല്ലോ. ‘‘സ​ബ് കെ ​സാ​ത്…’’ എ​ന്ന മു​ദ്രാ​വാ​ക്യം തു​ട​ർ​ച്ച​യാ​യി ആ​വ​ർ​ത്തി​ക്കു​ന്നു​ണ്ടെ​ങ്കി​ലും അ​ത് യാ​ഥാ​ർ​ഥ്യ​മാ​ക്കാ​നു​ള്ള ആ​ത്മാ​ർ​ഥ​മാ​യ ന​ട​പ​ടി​ക​ളൊ​ന്നും ബ​ന്ധ​പ്പെ​ട്ട​വ​രു​ടെ ഭാ​ഗ​ത്തു​നി​ന്ന് ഉ​ണ്ടാ​കു​ന്നി​ല്ല എ​ന്ന​താ​ണ് വ​സ്തു​ത.

ബി.​ജെ.​പി ഭ​ര​ണ​ത്തി​ൽ ന്യൂ​ന​പ​ക്ഷ​ങ്ങ​ളു​ടെ അ​വ​സ്ഥ

ഇ​ന്ത്യ​യി​ലെ മ​ത​ന്യൂ​ന​പ​ക്ഷ​ങ്ങ​ളെ ഒ​തു​ക്കാ​നു​ള്ള അ​ക്ര​മ​ശ്ര​മ​ങ്ങ​ൾ സം​ഘ്പ​രി​വാ​ർ സം​ഘ​ട​ന​ക​ൾ ഇ​ന്ത്യ​യു​ടെ സ്വാ​ത​ന്ത്ര്യ​ല​ബ്ധി​ക്കു മു​മ്പേ ആ​രം​ഭി​ച്ചി​രു​ന്നു. ഈ ​ശ്ര​മ​ങ്ങ​ൾ ഏ​റി​യും കു​റ​ഞ്ഞും തു​ട​ർ​ന്നു​കൊ​ണ്ടേ​യി​രു​ന്നു. 2014ൽ ​ബി.​ജെ.​പി കേ​ന്ദ്ര​ത്തി​ൽ അ​ധി​കാ​ര​ത്തി​ൽ വ​ന്ന​തി​നു​ശേ​ഷം മ​ത​ന്യൂ​ന​പ​ക്ഷ​ങ്ങ​ൾ​ക്കെ​തി​രെ​യു​ള്ള അ​തി​ക്ര​മ​ങ്ങ​ൾ മു​മ്പെ​ന്ന​ത്തെ​ക്കാ​ളും വ​ർ​ധി​ച്ചു​വ​രു​ന്ന​താ​യി​ട്ടാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്. ‘ഹ്യൂ​മ​ൻ റൈ​റ്റ്സ് വാ​ച്ചി’​ന്റെ​യും ‘വേ​ൾ​ഡ് വാ​ച്ചി’​ന്റെ​യും വാ​ർ​ഷി​ക ലി​സ്റ്റി​ൽ കൃ​ത്യ​മാ​യ ക​ണ​ക്കു​ക​ൾ ല​ഭ്യ​മാ​ണ്.

ക്രി​സ്ത്യ​ൻ മ​ത​വി​ഭാ​ഗ​ങ്ങ​ൾ​ക്കു നേ​രേ ന​ട​ക്കു​ന്ന അ​ക്ര​മ​ങ്ങ​ൾ​ക്ക് പ്ര​ക​ട​മാ​യ ഒ​രു പാ​റ്റേ​ൺ അ​ഥ​വാ ക്ര​മീ​കൃ​ത രീ​തി​യു​ണ്ട്. ഇ​തി​ന​ർ​ഥം ഇ​വ​ക്കു പി​ന്നി​ൽ കൃ​ത്യ​മാ​യ ആ​സൂ​ത്ര​ണം ഉ​ണ്ടെ​ന്നും ആ​സൂ​ത്ര​ണ ഏ​ജ​ൻ​സി (​ക​ൾ) ഉ​ണ്ടെ​ന്നു​മാ​ണ്. ആ​സൂ​ത്ര​ക​ർ പ​ര​സ്പ​രം ആ​ലോ​ചി​ച്ചാ​വ​ണം ത​ന്ത്ര​ങ്ങ​ൾ രൂ​പ​പ്പെ​ടു​ത്തു​ന്ന​ത്. ദേ​വാ​ല​യ​ങ്ങ​ൾ, കോ​ൺ​വെ​ന്റു​ക​ൾ, വി​ദ്യാ​ല​യ​ങ്ങ​ൾ ഉ​ൾ​പ്പെ​ടെ​യു​ള്ള ക്രൈ​സ്ത​വ സ്ഥാ​പ​ന​ങ്ങ​ൾ ഇ​വ ആ​ക്ര​മി​ക്കു​ക, പു​രോ​ഹി​ത​ന്മാ​രെ മ​ർ​ദി​ക്കു​ക, സ​ന്യാ​സി​നി​ക​ളെ അ​പ​മാ​നി​ക്കു​ക, മാ​ന​ഭം​ഗ​പ്പെ​ടു​ത്തു​ക, സ്വ​ന്തം തീ​രു​മാ​ന​പ്ര​കാ​രം നി​യ​മ​പ​ര​മാ​യി ക്രൈ​സ്ത​വ വി​ശ്വാ​സം സ്വീ​ക​രി​ച്ച​വ​രെ ഭീ​ഷ​ണി​പ്പെ​ടു​ത്തി​യും പൊ​ലീ​സ് സ​ഹാ​യ​ത്തോ​ടെ​യും ഘ​ർ വാ​പ്പ​സി​ക്ക് വി​ധേ​യ​രാ​ക്കു​ക: ഇ​താ​ണ് ആ​വ​ർ​ത്തി​ക്ക​പ്പെ​ടു​ന്ന മാ​തൃ​ക അ​ഥ​വാ പാ​റ്റേ​ൺ.

ക്രി​സ്ത്യാ​നി​ക​ൾ​ക്കെ​തി​രെ ന​ട​ക്കു​ന്ന അ​ക്ര​മ​ങ്ങ​ൾ ത​ട​യു​ന്ന​തി​ന് സം​സ്ഥാ​ന ഭ​ര​ണാ​ധി​കാ​രി​ക​ൾ ഒ​രു ന​ട​പ​ടി​യും സ്വീ​ക​രി​ക്കാ​തി​രി​ക്കു​ന്ന​തി​ൽ പ്ര​തി​ഷേ​ധി​ച്ചും, ഈ ​പ്ര​ശ്ന​ത്തി​ൽ കേ​ന്ദ്ര ഗ​വ​ണ്മെ​ന്റ് ഇ​ട​പെ​ട​ണം എ​ന്നാ​വ​ശ്യ​പ്പെ​ട്ടും 70 ക്രൈ​സ്ത​വ സ​ഭ​ക​ളു​ടെ സം​യു​ക്ത ആ​ഭി​മു​ഖ്യ​ത്തി​ൽ 2023 ഫെ​ബ്രു​വ​രി 19ന് ​ഡ​ൽ​ഹി​യി​ൽ സ​ത്യ​ഗ്ര​ഹം സം​ഘ​ടി​പ്പി​ച്ചു. അ​തു​പോ​ലെ സ​മ​സ്ത ക്രി​സ്തി സ​മാ​ജി​ന്റെ ആ​ഭി​മു​ഖ്യ​ത്തി​ൽ ഏ​പ്രി​ൽ 12ന് ​ബോം​ബെ​യി​ൽ വ​മ്പി​ച്ച പ്ര​തി​ഷേ​ധ കൂ​ട്ടാ​യ്മ സം​ഘ​ടി​പ്പി​ച്ചു.

ഇ​തി​ന്റെ​യെ​ല്ലാം തു​ട​ർ​ച്ച​യാ​യി ഏ​പ്രി​ൽ 13ന് ​ഒ​രു ക്രി​സ്ത്യ​ൻ പ്ര​തി​നി​ധി​സം​ഘം ഇ​ന്ത്യ​ൻ പ്ര​സി​ഡ​ന്റി​നെ സ​ന്ദ​ർ​ശി​ച്ച് ഉ​ത്ത​രേ​ന്ത്യ​യി​ൽ പ്ര​ത്യേ​കി​ച്ചും ബി.​ജെ.​പി ഭ​ര​ണം നി​ല​വി​ലു​ള്ള സം​സ്ഥാ​ന​ങ്ങ​ളി​ൽ ക്രൈ​സ്ത​വ​ർ​ക്കും ക്രി​സ്ത്യ​ൻ പ​ള്ളി​ക​ൾ​ക്കും സ്ഥാ​പ​ന​ങ്ങ​ൾ​ക്കും എ​തി​രെ വ​ർ​ധി​ച്ചു​വ​രു​ന്ന അ​ക്ര​മ​ങ്ങ​ൾ അ​വ​സാ​നി​പ്പി​ക്കാ​ൻ ഇ​ട​പെ​ട​ണം എ​ന്ന് അ​ഭ്യ​ർ​ഥി​ക്കു​ക​യു​ണ്ടാ​യി. 2014 നും 2022​നും ഇ​ട​യി​ൽ പ​ല ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ലു​മാ​യി ക്രി​സ്ത്യാ​നി​ക​ൾ​ക്കെ​തി​രെ​യു​ള്ള അ​ക്ര​മ​ങ്ങ​ൾ ആ​റ് ഇ​ര​ട്ടി വ​ർ​ധി​ച്ചു എ​ന്ന് ഈ ​ഡെ​ലി​ഗേ​ഷ​ൻ രാ​ഷ്ട്ര​പ​തി​ക്ക് ന​ൽ​കി​യ നി​വേ​ദ​ന​ത്തി​ൽ ചൂ​ണ്ടി​ക്കാ​ട്ടി​യി​ട്ടു​ണ്ട്.

2014ൽ ​റി​പ്പോ​ർ​ട്ട്‌ ചെ​യ്യ​പ്പെ​ട്ട അ​തി​ക്ര​മ​ങ്ങ​ൾ 120 ആ​യി​രു​ന്നെ​ങ്കി​ൽ 2022ൽ ​അ​ത് 600 ആ​യി വ​ർ​ധി​ച്ചു എ​ന്നും അ​ക്ര​മ​ത്തെ ഭ​യ​ന്ന് ആ​യി​ര​ത്തി​ല​ധി​കം ക്രി​സ്ത്യാ​നി​ക​ൾ​ക്ക്‌ പ്രാ​ണ​ര​ക്ഷാ​ർ​ഥം വ​ന​ങ്ങ​ളി​ൽ അ​ഭ​യം തേ​ടേ​ണ്ടി വ​ന്നു എ​ന്നും നി​വേ​ദ​ന​ത്തി​ൽ തു​ട​ർ​ന്ന് പ​റ​യു​ന്നു. ഒ​റ്റ​പ്പെ​ട്ട അ​തി​ക്ര​മ​ങ്ങ​ള​ല്ല, അ​ക്ര​മ​പ​ര​മ്പ​ര​യാ​ണ് അ​ര​ങ്ങേ​റി​ക്കൊ​ണ്ടി​രി​ക്കു​ന്ന​ത് എ​ന്നാ​ണ് നി​വേ​ദ​ക​സം​ഘം പി​ന്നീ​ട് മാ​ധ്യ​മ​ങ്ങ​ളെ അ​റി​യി​ച്ച​ത്.

ന്യൂ​ന​പ​ക്ഷ​ങ്ങ​ളു​ടെ ജീ​വ​നും സ്വ​ത്തും ഉ​പ​ജീ​വ​ന​മാ​ർ​ഗ​ങ്ങ​ളും ത​ക​ർ​ക്കു​ന്ന ഹി​ന്ദു​ത്വ​ശ​ക്തി​ക​ളു​ടെ ഇ​ത്ത​രം വി​ധ്വം​സ​ക പ്ര​വ​ർ​ത്ത​ന​ങ്ങ​ളെ സം​ബ​ന്ധി​ച്ച കൃ​ത്യ​മാ​യ വി​വ​ര​ങ്ങ​ൾ പൊ​തു​മ​ണ്ഡ​ല​ത്തി​ൽ (public domain) ല​ഭ്യ​മാ​ണ്. അ​തു​കൊ​ണ്ട് കൂ​ടു​ത​ൽ സം​ഭ​വ​ങ്ങ​ൾ ഉ​ദ്ധ​രി​ക്കു​ന്നി​ല്ല. ക​ത്തോ​ലി​ക്ക​ർ ഉ​ൾ​പ്പെ​ടെ ഏ​റ​ക്കു​റെ മു​ഴു​വ​ൻ ക്രൈ​സ്ത​വ വി​ഭാ​ഗ​ങ്ങ​ളും ഒ​രു​മി​ച്ച് അ​തി​ൽ പ്ര​തി​ഷേ​ധി​ക്കു​ക​യും ത​ങ്ങ​ളു​ടെ സു​ര​ക്ഷ ഉ​റ​പ്പു​വ​രു​ത്ത​ണ​മെ​ന്നാ​വ​ശ്യ​പ്പെ​ട്ട് നി​വേ​ദ​ന​ങ്ങ​ൾ ന​ൽ​കു​ക​യും കോ​ട​തി​ക​ളെ സ​മീ​പി​ക്കു​ക​യും ചെ​യ്യു​മ്പോ​ഴാ​ണ് ‘‘ഇ​ന്ത്യ​യി​ലെ ക്രൈ​സ്ത​വ​ർ​ക്ക് ഇ​പ്പോ​ൾ അ​ര​ക്ഷി​ത​ത്വ​ബോ​ധ​മി​ല്ലെ​ന്നും അ​വ​ർ സു​ര​ക്ഷി​ത​രാ​ണെ’’​ന്നും കേ​ര​ള​ത്തി​ലെ അ​ത്യു​ന്ന​ത ക​ർ​ദി​നാ​ൾ മാ​ർ ആ​ല​ഞ്ചേ​രി ടി.​വി അ​ഭി​മു​ഖ​ത്തി​ൽ പ​റ​ഞ്ഞ​ത്. സ്വ​കാ​ര്യ അ​ജ​ണ്ട ഇ​ല്ലാ​ത്ത ആ​ർ​ക്കെ​ങ്കി​ലും ഇ​ങ്ങ​നെ പ​റ​യാ​നാ​വു​മോ?

പ്ര​തി​ച്ഛാ​യ മ​ങ്ങു​ന്ന ഇ​ന്ത്യ

മ​ത​ന്യൂ​ന​പ​ക്ഷ​ങ്ങ​ൾ​ക്കു നേ​രെ​യു​ണ്ടാ​കു​ന്ന അ​തി​ക്ര​മ​ങ്ങ​ൾ അ​വ​യു​ടെ ഇ​ര​ക​ളെ മാ​ത്രം ബാ​ധി​ക്കു​ന്ന​തോ അ​സ്വ​സ്ഥ​രാ​ക്കു​ന്ന​തോ ആ​യ കാ​ര്യ​മ​ല്ല എ​ന്ന് നാം ​തി​രി​ച്ച​റി​യ​ണം. മ​നു​ഷ്യാ​വ​കാ​ശ​ങ്ങ​ളെ മാ​നി​ക്കു​ന്ന​വ​രും മ​നു​ഷ്യാ​വ​കാ​ശ ലം​ഘ​ന​ങ്ങ​ളെ നി​രീ​ക്ഷി​ക്കു​ന്ന​വ​രു​മാ​യ ലോ​ക​മെ​മ്പാ​ടു​മു​ള്ള പ്ര​മു​ഖ വ്യ​ക്തി​ക​ളും സം​ഘ​ട​ന​ക​ളും ഇ​ന്ത്യ​യി​ൽ ന​ട​ക്കു​ന്ന ന്യൂ​ന​പ​ക്ഷാ​വ​കാ​ശ​ലം​ഘ​ന​ങ്ങ​ളി​ൽ അ​സ്വ​സ്ഥ​രും ആ​ശ​ങ്കാ​കു​ല​രു​മാ​ണ് എ​ന്നാ​ണ് ഇ​തേ​സം​ബ​ന്ധി​ച്ച് ല​ഭി​ക്കു​ന്ന വി​വ​ര​ങ്ങ​ളി​ൽ​നി​ന്നും മ​ന​സ്സി​ലാ​കു​ന്ന​ത്. ഐ​ക്യ​രാ​ഷ്ട്ര സ​ഭ​യും ഇ​ന്ത്യ​യി​ൽ ന​ട​ക്കു​ന്ന ന്യൂ​ന​പ​ക്ഷ​പീ​ഡ​ന​ത്തി​ലു​ള്ള ആ​ശ​ങ്ക പ​ര​സ്യ​മാ​യി രേ​ഖ​പ്പെ​ടു​ത്തി​ക്ക​ഴി​ഞ്ഞു എ​ന്ന് നാം ​അ​റി​യ​ണം.

ഇ​ന്ത്യ​യി​ൽ ബി.​ജെ.പി​യും സം​ഘ്പ​രി​വാ​റും കൂ​ടി ന​ട​ത്തു​ന്ന ന്യൂ​ന​പ​ക്ഷ​പീ​ഡ​ന​ങ്ങ​ൾ അ​ന്താ​രാ​ഷ്ട്ര​ത​ല​ത്തി​ൽ സൃ​ഷ്ടി​ക്കു​ന്ന പ്ര​തി​ക​ര​ണ​ങ്ങ​ൾ ഇ​ന്ത്യ​യു​ടെ പ്ര​തി​ച്ഛാ​യ​ക്ക് മ​ങ്ങ​ലേ​ൽ​പി​ക്കു​ന്നു​ണ്ടെ​ന്നും അ​ന്ത​ർ​ദേ​ശീ​യ നേ​താ​വാ​കാ​നു​ള്ള ന​രേ​ന്ദ്ര മോ​ദി​യു​ടെ തീ​വ്ര​മോ​ഹ​ത്തി​ന് അ​ത് ത​ട​യി​ടു​ന്നു​ണ്ടെ​ന്നു​മു​ള്ള തി​രി​ച്ച​റി​വും ആ​ശ​ങ്ക​യും ന്യൂ​ന​പ​ക്ഷ​ങ്ങ​ളോ​ടു​ള്ള സ​മീ​പ​ന​ത്തി​ൽ മാ​റ്റം വ​രു​ത്താ​ൻ ബ​ന്ധ​പ്പെ​ട്ട​വ​രെ നി​ർ​ബ​ന്ധി​ക്കു​ന്നു​ണ്ട് എ​ന്നു​വേ​ണം വി​ല​യി​രു​ത്താ​ൻ. ഭ​യ​പ്പെ​ടു​ത്തി​യും ആ​ക്ര​മി​ച്ചും ദേ​ശ​ദ്രോ​ഹി​ക​ളാ​ക്കി ചാ​പ്പ​കു​ത്തി ഒ​റ്റ​പ്പെ​ടു​ത്തി​യും ന്യൂ​ന​പ​ക്ഷ​ങ്ങ​ളെ നി​ശ്ശ​ബ്ദ​രാ​ക്കാ​നോ ഒ​തു​ക്കാ​നോ വി​ധേ​യ​രാ​ക്കാ​നോ സാ​ധ്യ​മ​ല്ല എ​ന്ന തി​രി​ച്ച​റി​വ് ബി.​ജെ.​പി നേ​തൃ​ത്വ​ത്തി​ൽ സാ​വ​കാ​ശം രൂ​പ​പ്പെ​ട്ടു​വ​രു​ന്ന​താ​യി അ​വ​രു​ടെ ചി​ല പ്ര​സ്താ​വ​ന​ക​ളും രാ​ഷ്ട്രീ​യ നീ​ക്ക​ങ്ങ​ളും സൂ​ച​ന ന​ൽ​കു​ന്നു​ണ്ട്. അ​തു​കൊ​ണ്ട്, ന്യൂ​ന​പ​ക്ഷ​ങ്ങ​ളെ വി​ര​ട്ടി ഒ​തു​ക്കു​ന്ന​തി​നു പ​ക​രം അ​നു​ന​യി​പ്പി​ച്ച് പാ​ട്ടി​ലാ​ക്കി വി​ധേ​യ​രാ​ക്കാ​നു​ള്ള ത​ന്ത്ര​ങ്ങ​ൾ ആ​വി​ഷ്‍ക​രി​ച്ച് ന​ട​പ്പാ​ക്കാ​നാ​ണ് ഇ​പ്പോ​ൾ ശ്ര​മി​ക്കു​ന്ന​ത്. ന്യൂ​ന​പ​ക്ഷ​ങ്ങ​ളു​ടെ സ​ഹാ​യ​മി​ല്ലാ​തെ അ​ധി​കാ​രം പി​ടി​ച്ചെ​ടു​ക്കാ​ൻ ബു​ദ്ധി​മു​ട്ടു​ള്ള കേ​ര​ളം​പോ​ലു​ള്ള സം​സ്ഥാ​ന​ങ്ങ​ളി​ൽ ഈ ​പു​തു​ത​ന്ത്രം അ​ടി​യ​ന്ത​ര​മാ​യും തീ​വ്ര​മാ​യും പ​രീ​ക്ഷി​ക്കു​വാ​നു​ള്ള ത​യാ​റെ​ടു​പ്പാ​ണ് ഇ​പ്പോ​ൾ ന​ട​ത്തു​ന്ന​ത്. കേ​ര​ള​ത്തെ ഇ​തി​ന്റെ പ​രീ​ക്ഷ​ണ​ശാ​ല​യാ​യി ബി.​ജെ.​പി തി​ര​ഞ്ഞെ​ടു​ത്തി​രി​ക്കു​ന്നു എ​ന്നാ​ണ് മ​ന​സ്സി​ലാ​ക്കേ​ണ്ട​ത്.

ബി.​ജെ.​പി സം​ഘ്പ​രി​വാ​ർ വ്യ​വ​ഹാ​ര​ങ്ങ​ളി​ൽ ഇ​പ്പോ​ൾ കാ​ണു​ന്ന മ​റ്റൊ​രു ത​ന്ത്രം​കൂ​ടി ശ്ര​ദ്ധി​ക്കേ​ണ്ട​തു​ണ്ട്: ഹി​ന്ദു​ത്വ സം​ഘ​ട​ന​ക​ളു​ടെ താ​ഴേ​ത്ത​ട്ടി​ൽ പ്ര​വ​ർ​ത്തി​ക്കു​ന്ന തീ​വ്ര​വാ​ദ​സ്വ​ഭാ​വ​മു​ള്ള സം​ഘ​ങ്ങ​ളും പ്രാ​ദേ​ശി​ക തെ​മ്മാ​ടി​ക്കൂ​ട്ട​ങ്ങ​ളും ന്യൂ​ന​പ​ക്ഷ​ങ്ങ​ളെ ഭീ​ഷ​ണി​പ്പെ​ടു​ത്തു​ന്ന​തും ആ​ക്ര​മി​ക്കു​ന്ന​തും വി​ല​ക്കാ​തി​രി​ക്കു​ക. അ​തേ​സ​മ​യം, ഉ​യ​ർ​ന്നത​ല​ങ്ങ​ളി​ൽ ന്യൂ​ന​പ​ക്ഷ​ങ്ങ​ളു​ടെ നേ​താ​ക്ക​ന്മാ​രു​മാ​യും അ​വ​രി​ലെ വ​രേ​ണ്യ​വി​ഭാ​ഗ​ങ്ങ​ളു​മാ​യും സൗ​ഹൃ​ദം സ്ഥാ​പി​ച്ചും സ​ഹാ​യ​ങ്ങ​ൾ വാ​ഗ്ദാ​നം​ചെ​യ്തും അ​വ​രെ രാ​ഷ്ട്രീ​യ​മാ​യി ത​ങ്ങ​ളു​ടെ പ​ക്ഷ​ത്താ​ക്കാ​ൻ ശ്ര​മി​ക്കു​ക. ‘അ​ഗ്ര​ജ​നി​ൽ​നി​ന്ന് അ​വ​ര​ജ​നി​ലേ​ക്ക്’ എ​ന്ന ബ്രാ​ഹ്മ​ണ്യ​ത​ന്ത്ര​മാ​ണ് ഇ​വി​ടെ​യും പ്ര​യോ​ഗി​ച്ചു​കാ​ണു​ന്ന​ത്.

ബി.​ജെ.​പി​യു​ടെ സ​മ​കാ​ലി​ക രാ​ഷ്ട്രീ​യ​വ്യ​വ​ഹാ​ര​ത്തി​ലെ ഈ ​ഇ​ര​ട്ട​ത്താ​പ്പ് അ​വ​രു​ടെ രാ​ഷ്ട്രീ​യ ശൈ​ലി​യു​ടെ മു​ഖ​മു​ദ്ര​യാ​യി തി​രി​ച്ച​റി​യേ​ണ്ട​താ​ണ്.

മു​സ്‍ലിം വി​രു​ദ്ധ​ത​യു​ടെ വൈ​റ​സ് ക്രൈ​സ്ത​വ​രി​ലേ​ക്കും

ഇ​തോ​ടൊ​പ്പം ഏ​റ്റ​വും ഗൗ​ര​വ​പൂ​ർ​വം പ​രി​ശോ​ധി​ക്കേ​ണ്ട പ്ര​ശ്ന​മാ​ണ് ക​ഴി​ഞ്ഞ ഒ​രു ദ​ശ​ക​ത്തി​ൽ ഏ​റെ​യാ​യി കേ​ര​ള​ത്തി​ലെ ക്രി​സ്ത്യാ​നി​ക​ളി​ൽ, പ്ര​ത്യേ​കി​ച്ചും സി​റി​യ​ൻ ക്രി​സ്ത്യ​ൻ വി​ഭാ​ഗ​ങ്ങ​ളി​ൽ – സീ​റോ മ​ല​ബാ​ർ, ഓ​ർ​ത്ത​ഡോ​ക്​​സ്‌ സു​റി​യാ​നി, മാ​ർ​ത്തോ​മ്മാ സ​ഭ​ക​ൾ – ശ​ക്തി​പ്പെ​ട്ടു​കൊ​ണ്ടി​രി​ക്കു​ന്ന ഇ​സ്‍ലാ​മോ​ഫോ​ബി​യ അ​ഥ​വാ മു​സ്‍ലിം വി​രോ​ധം. ഒ​രു​കാ​ല​ത്ത് സ​മ്പ​ത്തി​ന്റെ​യും രാ​ഷ്ട്രീ​യ​സ്വാ​ധീ​ന​ത്തി​ന്റെ​യും കാ​ര്യ​ത്തി​ൽ ബി​സി​ന​സു​കാ​രാ​യ ക്രി​സ്ത്യാ​നി​ക​ൾ​ക്കു​ണ്ടാ​യി​രു​ന്ന മേ​ൽ​ക്കൈ ക്ര​മേ​ണ അ​വ​ർ​ക്ക് കൈ​മോ​ശം വ​ന്നു. എ​ങ്ങ​നെ​യാ​ണ് ഇ​ത് സം​ഭ​വി​ച്ച​ത് എ​ന്ന് ശാ​സ്ത്രീ​യ​മാ​യി വി​ശ​ക​ല​നം​ചെ​യ്ത് പ​ഠി​ക്കാ​നോ പ​രി​ഹാ​രം തേ​ടാ​നോ മ​ത-​സ​മു​ദാ​യ നേ​തൃ​ത്വം ശ്ര​മി​ച്ചി​ല്ല. സ്വ​ന്തം സ്ഥാ​ന​വും താ​ൽ​പ​ര്യ​ങ്ങ​ളും സം​ര​ക്ഷി​ക്കു​ന്ന​തി​നാ​ണ് അ​വ​രി​ൽ അ​ധി​ക​പേ​രും മു​ൻ​ഗ​ണ​ന ന​ൽ​കി​യ​ത്.

മു​സ്‍ലിം സ​മു​ദാ​യ​ത്തി​ൽ​നി​ന്ന് സാ​മ്പ​ത്തി​ക-സാ​മൂ​ഹി​ക മേ​ഖ​ല​ക​ളി​ൽ നേ​ട്ടം കൈ​വ​രി​ച്ച​വ​രി​ൽ ഭൂ​രി​പ​ക്ഷ​വും വ​ള​രെ ക​ഷ്ട​പ്പെ​ട്ട് അ​ധ്വാ​നി​ച്ചാ​ണ് പു​രോ​ഗ​തി നേ​ടി​യ​ത് എ​ന്ന വ​സ്തു​ത അം​ഗീ​ക​രി​ക്കാ​ൻ മ​റ്റു മ​ത​സ​മൂ​ഹ​ങ്ങ​ൾ ബോ​ധ​പൂ​ർ​വം വി​സ​മ്മ​തി​ച്ചു. മു​സ്‍ലിം​ക​ളെ ഒ​ന്ന​ട​ങ്കം ഹ​വാ​ല​ക്കാ​രാ​യും ക​ള്ള​ക്ക​ട​ത്തു​കാ​രാ​യും ചി​ത്രീ​ക​രി​ക്കു​ന്ന (അ​ഥ​വാ സ്റ്റീ​രി​യോ​ടൈ​പ്പ് ചെ​യ്യു​ന്ന) തി​ക​ച്ചും അ​നാ​രോ​ഗ്യ​ക​ര​മാ​യ പ്ര​വ​ണ​ത മ​ത​ന്യൂ​ന​പ​ക്ഷ​ക്കാ​രാ​യ ക്രി​സ്ത്യാ​നി​ക​ളി​ലും വ്യാ​പ​ക​മാ​യി​ക്കൊ​ണ്ടി​രി​ക്കു​ക​യാ​ണ്. സം​ഘ്പ​രി​വാ​റു​കാ​ർ നി​ര​ന്ത​രം ന​ട​ത്തി​യ വി​ദ്വേ​ഷ പ്ര​ചാ​ര​ണ​ങ്ങ​ളാ​ണ് (‘ഹെ​യ്റ്റ് സ്പീ​ച്ച്’) ക്രി​സ്ത്യാ​നി​ക​ളി​ൽ മു​സ്‍ലിം വി​രു​ദ്ധ​ത​യു​ടെ വൈ​റ​സ് ക​ട​ത്തി​വി​ട്ട​ത്. നി​ർ​ഭാ​ഗ്യ​വ​ശാ​ൽ, ഏ​ക​പ​ക്ഷീ​യ​വും വി​ഭാ​ഗീ​യ​വു​മാ​യി​ട്ടാ​ണ് അ​വ​ർ മു​സ്‍ലിം​ക​ളു​ടെ പു​രോ​ഗ​തി​യെ നോ​ക്കി​ക്ക​ണ്ട​തും വ്യാ​ഖ്യാ​നി​ച്ച​തും. സ്വ​ന്തം പോ​രാ​യ്മ​ക​ളും പ​രാ​ജ​യ​ങ്ങ​ളും മ​റ​ച്ചു​വെ​ക്കാ​ൻ അ​വ​ർ മു​സ്‍ലിം​ക​ളെ ഭീ​ക​ര​വ​ത്ക​രി​ക്കാ​നും മ​ടി​ച്ചി​ല്ല. അ​ങ്ങ​നെ​യാ​ണ് കേ​ര​ള​ത്തി​ലെ ഊ​ഷ്മ​ള​മാ​യി​രു​ന്ന മു​സ്‍ലിം-​ക്രൈ​സ്ത​വ ബ​ന്ധ​ത്തി​ന്റെ സ്വ​സ്ഥ​സ്ഥ​ലി​ക​ളി​ലേ​ക്ക് ‘ല​വ്ജി​ഹാ​ദ്’ എ​ന്ന ഗ്ര​നേ​ഡ് ഏ​റി​യ​പ്പെ​ട്ട​ത്. പാ​ലാ​യി​ൽ​നി​ന്ന് തൊ​ടു​ത്തു​വി​ട്ട വി​ഷം പു​ര​ട്ടി​യ ആ ​അ​സ്ത്രം കേ​ര​ള​ത്തി​ൽ നൂ​റ്റാ​ണ്ടു​ക​ളാ​യി നി​ല​നി​ന്ന ക്രൈ​സ്ത​വ-മു​സ്‍ലിം സൗ​ഹാ​ർ​ദ​ത്തി​ന്റെ ക​ര​ളാ​ണ് പി​ള​ർ​ത്തി​യ​ത്.

മു​സ്‍ലിം തീ​വ്ര​വാ​ദി​ക​ൾ പ്ര​ഫ. ജോ​സ​ഫി​ന്റെ കൈ​വെ​ട്ടി​മാ​റ്റി​യ​പ്പോ​ൾ, അ​ക്ര​മി​ക​ളോ​ട് ഐ​ക്യ​പ്പെ​ടു​ക​യും ഇ​ര​യെ ഒ​റ്റ​പ്പെ​ടു​ത്തു​ക​യും ക​ഷ്ട​പ്പെ​ടു​ത്തു​ക​യും ചെ​യ്ത സ​ഭാ നേ​താ​ക്ക​ൾ സ്വ​ന്തം സ​മു​ദാ​യ​ത്തി​ലെ അ​പ​ക്വ​മ​തി​ക​ളാ​യ ചി​ല യു​വാ​ക്ക​ളു​ടെ ഒ​റ്റ​പ്പെ​ട്ട പ്ര​ണ​യ സാ​ഹ​സി​ക​ത​യെ മ​നഃ​പൂ​ർ​വം ഊ​തി​പ്പെ​രു​പ്പി​ച്ച് ‘ല​വ് ജി​ഹാ​ദ്’ ആ​യി ചി​ത്രീ​ക​രി​ച്ച് ഒ​രു മ​താ​ന്ത​ര സം​ഘ​ർ​ഷം സൃ​ഷ്ടി​ക്കാ​വു​ന്നി​ട​ത്തോ​ളം വ​ള​ർ​ത്തി​യെ​ടു​ത്ത ദൗ​ർ​ഭാ​ഗ്യ​ക​ര​മാ​യ സം​ഭ​വം നാം ​പാ​ഠ​മാ​ക്കേ​ണ്ട​താ​ണ്. ഇ​പ്ര​കാ​രം ക​ല​ങ്ങി​യ സാ​മൂ​ഹി​ക​സാ​ഹ​ച​ര്യം മു​ത​ലെ​ടു​ക്കാ​ൻ സം​ഘ്പ​രി​വാ​റി​ലെ കു​ത​ന്ത്ര​ക്കാ​രാ​യ ഒ​രു വി​ഭാ​ഗം തീ​വ്ര​ശ്ര​മം ന​ട​ത്തി. ഇ​ന്ന​ത്തെ ഈ​സ്റ്റ​ർ ഡി​പ്ലോ​മ​സിപോ​ലെ അ​ന്ന് ല​വ് ജി​ഹാ​ദ് വി​വാ​ദം ക​ത്തി​ക്കാ​നാ​യി ഏ​താ​നും സം​ഘ്പ​രി​വാ​ർ -ബി.​ജെ.​പി നേ​താ​ക്ക​ൾ മെ​ത്രാ​ന്മാ​രു​ടെ അ​ര​മ​ന​ക​ൾ ക​യ​റി​യി​റ​ങ്ങു​ക​യും ‘‘മു​സ്‍ലിം തീ​വ്ര​വാ​ദി​ക​ളി​ൽ​നി​ന്ന് മാ​ന്യ​ന്മാ​രാ​യ ക്രി​സ്ത്യാ​നി​ക​ൾ​ക്ക് സം​ര​ക്ഷ​ണം ന​ൽ​കും’’ എ​ന്ന് പ്ര​ഖ്യാ​പി​ക്കു​ക​യും ചെ​യ്ത​ത് ഓ​ർ​മി​ക്കേ​ണ്ട​തു​ണ്ട്. ല​വ് ജി​ഹാ​ദി​ന്റെ പാ​ല​ത്തി​ൽ​ക്കൂ​ടി ഓ​ടി​യാ​ണ് സം​ഘ്പ​രി​വാ​റു​കാ​ർ ഈ​സ്റ്റ​ർ ന​യ​ത​ന്ത്ര​ത്തി​ൽ എ​ത്തി​യ​ത് എ​ന്ന യാ​ഥാ​ർ​ഥ്യം കാ​ണാ​തെ പോ​ക​രു​ത്.

സു​റി​യാ​നി ക്രി​സ്ത്യാ​നി​ക​ളു​ടെ സ​വ​ർ​ണ (അ) ​ബോ​ധം

ഇ​ന്ന​ത്തെ ഇ​ന്ത്യ​യി​ലെ ഏ​റ്റ​വും ക​രു​ത്ത​നാ​യ നേ​താ​വ് ന​രേ​ന്ദ്ര മോ​ദി​യാ​ണെ​ന്നും, മോ​ദി​യെ പ​ക​രം​വെ​ക്കാ​ൻ പ്ര​തി​പ​ക്ഷ​ത്തെ ഒ​രു ‘പ​പ്പു​’വി​നും ആ​വി​ല്ലെ​ന്നും, അ​തു​കൊ​ണ്ട് നി​ല​വി​ലു​ള്ള ബി.​ജെ.​പി സം​ഘ്പ​രി​വാ​ർ ഭ​ര​ണം ദീ​ർ​ഘ​നാ​ൾ അ​ഭം​ഗു​രം തു​ട​രു​മെ​ന്നും ഇ​ന്ത്യ​ൻ ജ​ന​ത​യെ വി​ശ്വ​സി​പ്പി​ക്കാ​ൻ സ​ർ​ക്കാ​റി​ന്റെ​യും സം​ഘ്പ​രി​വാ​ർ സം​ഘ​ട​ന​ക​ളു​ടെ​യും മു​ഴു​വ​ൻ ശ​ക്തി​യും സം​വി​ധാ​ന​ങ്ങ​ളും ഉ​പ​യോ​ഗി​ക്ക​പ്പെ​ട്ടു​കൊ​ണ്ടി​രി​ക്കു​ക​യാ​ണ്. ഈ ​ശ്ര​മം കു​റെ​യൊ​ക്കെ വി​ജ​യി​ക്കു​ന്നു എ​ന്നാ​ണ് ആ​നു​കാ​ലി​ക സം​ഭ​വ​ങ്ങ​ൾ വ്യ​ക്ത​മാ​ക്കു​ന്ന​ത്.

വി​ജ​യി​ക്കു​ന്ന​വ​ർ ആ​രാ​യാ​ലും അ​വ​രെ പി​ന്തു​ണ​ച്ച് സൗ​ജ​ന്യ​മാ​യി വി​ജ​യ​ഫ​ലം നു​ണ​യാ​ൻ ത​ക്കം​പാ​ർ​ത്തി​രി​ക്കു​ന്ന പ​രാ​ന്ന​ഭോ​ജി​ക​ൾ ന​മ്മു​ടെ സ​മൂ​ഹ​ത്തി​ലെ എ​ല്ലാ മേ​ഖ​ല​ക​ളി​ലും സു​ല​ഭ​മാ​ണ​ല്ലോ. ക​ക്ഷി​രാ​ഷ്ട്രീ​യ​ത്തി​ലും സം​ഘ​ടി​ത മ​ത​ങ്ങ​ളി​ലും ഇ​ത്ത​ര​ക്കാ​ർ​ക്ക് ഒ​രു ദൗ​ർ​ല​ഭ്യ​വു​മി​ല്ല എ​ന്നും പ്ര​ത്യേ​കം പ​റ​യേ​ണ്ട​തി​ല്ല​ല്ലോ?

ക​ഴി​ഞ്ഞ കു​റെ കാ​ല​മാ​യി ബി.​ജെ.​പി​യി​ലേ​ക്ക് ചേ​ക്കേ​റു​ന്ന ഇ​ത്ത​ര​ക്കാ​രു​ടെ എ​ണ്ണം കൂ​ടി​വ​രു​ന്ന​താ​യി​ട്ടാ​ണ് കാ​ണു​ന്ന​ത്. ഈ ​ന​വ കു​ടി​യേ​റ്റ​ക്കാ​രി​ൽ നി​സ്സാ​ര​മ​ല്ലാ​ത്ത ഒ​രു വി​ഭാ​ഗം സു​റി​യാ​നി ക്രി​സ്ത്യാ​നി​ക​ളാ​ണെ​ന്നാ​ണ് പ്രാ​ഥ​മി​ക​മാ​യി ന​ട​ത്തി​യ അ​ന്വേ​ഷ​ണം സൂ​ചി​പ്പി​ക്കു​ന്ന​ത്. ഇ​തി​ന് വ്യ​ക്ത​മാ​യ കാ​ര​ണ​വും ക​ണ്ടെ​ത്താ​നാ​വും. സെ​ന്റ് തോ​മ​സ് കേ​ര​ള​ത്തി​ൽ ജ്ഞാ​ന​സ്നാ​നം ന​ൽ​കി ക്രി​സ്ത്യാ​നി​ക​ളാ​ക്കി​യ​ത് ബ്രാ​ഹ്മ​ണ​രെ​യാ​ണെ​ന്നും, ത​ങ്ങ​ൾ അ​വ​രു​ടെ പി​ൻ​ത​ല​മു​റ​യാ​ണെ​ന്നു​മാ​ണ് ഇ​വി​ട​ത്തെ സു​റി​യാ​നി ക്രി​സ്ത്യാ​നി​ക​ളി​ൽ ഒ​രു വ​ലി​യ വി​ഭാ​ഗം വി​ശ്വ​സി​ച്ചു​പോ​രു​ന്ന​ത്. ത​ൽ​ഫ​ല​മാ​യി ത​ങ്ങ​ൾ സ​വ​ർ​ണ​രാ​ണ് എ​ന്നൊ​രു സ്വ​കാ​ര്യ അ​ഹ​ങ്കാ​രം കേ​ര​ള​ത്തി​ലെ സു​റി​യാ​നി ക്രി​സ്ത്യാ​നി​ക​ളു​ടെ സാ​മൂ​ഹി​ക അ​ബോ​ധ​ത്തി​ൽ ഒ​രു​ത​രം ജാ​ത്യാ​ഭി​മാ​ന​മാ​യി കു​ടി​കൊ​ള്ളു​ന്നു​ണ്ട്. നി​ർ​ണാ​യ​ക സ​ന്ദ​ർ​ഭ​ങ്ങ​ളി​ൽ ഈ ​സ​വ​ർ​ണ (അ)​ബോ​ധം സ​ക്രി​യ​മാ​കാ​റു​മു​ണ്ട്. വി​വാ​ഹ​ത്തി​ലെ താ​ലി​കെ​ട്ട്, മ​ന്ത്ര​കോ​ടി ന​ൽ​ക​ൽ, മ​രി​ച്ച​വ​രു​ടെ പു​ല ആ​ച​രി​ക്ക​ൽ തു​ട​ങ്ങി സു​റി​യാ​നി ക്രി​സ്ത്യാ​നി​ക​ൾ പാ​ലി​ക്കു​ന്ന പ​ല ഹൈ​ന്ദ​വ ആ​ചാ​ര​ങ്ങ​ളും സ​വ​ർ​ണ ഹി​ന്ദു​ക്ക​ളോ​ടു​ള്ള ത​ങ്ങ​ളു​ടെ ഉ​റ​ച്ച സാം​സ്കാ​രി​ക ബ​ന്ധ​ത്തി​ന്റെ അ​ട​യാ​ള​മാ​യി​ട്ടാ​ണ് ക​രു​തി​പ്പോ​രു​ന്ന​ത്. അ​തു​കൊ​ണ്ട് ഒ​രേ മ​ത​പാ​ര​മ്പ​ര്യ​ത്തി​ൽ​പെ​ട്ട​വ​രാ​ണെ​ങ്കി​ലും മു​സ്‍ലിം​ക​ളെ​ക്കാ​ൾ സാം​സ്കാ​രി​ക​മാ​യി ത​ങ്ങ​ൾ​ക്ക് കൂ​ടു​ത​ൽ അ​ടു​പ്പം സ​വ​ർ​ണ ഹി​ന്ദു​ക്ക​ളോ​ടാ​ണെ​ന്നാ​ണ് കേ​ര​ള​ത്തി​ലെ സു​റി​യാ​നി ക്രി​സ്ത്യാ​നി​ക​ൾ ധ​രി​ച്ചി​രി​ക്കു​ന്ന​ത്.

അ​തു​കൊ​ണ്ട്, ഹി​ന്ദു​ക്ക​ളു​ടെ പാ​ർ​ട്ടി​യാ​യ ബി.​ജെ.​പി​യി​ൽ സ​വ​ർ​ണ ബാ​ന്ധ​വ​മു​ള്ള ത​ങ്ങ​ൾ​ക്കും അ​ർ​ഹ​മാ​യ ഒ​രു ഇ​ടം ല​ഭി​ക്കും എ​ന്നാ​ണ്, തെ​ളി​വു​ക​ൾ മ​റി​ച്ചാ​യി​ട്ടും, സു​റി​യാ​നി ക്രി​സ്ത്യാ​നി​ക​ളി​ലെ അ​ൽ​പ​ബു​ദ്ധി​ക​ളാ​യ ഭാ​ഗ്യാ​ന്വേ​ഷി​ക​ൾ വി​ശ്വ​സി​ക്കു​ന്ന​ത്. അ​വ​രെ ഇ​തി​ന് പ്രേ​രി​പ്പി​ക്കു​ന്ന​ത് സ്വ​തഃ​സി​ദ്ധ​മാ​യ അ​വ​സ​ര​വാ​ദ പ്രേ​ര​ണ​യോ​ടൊ​പ്പം മൂ​ഢ​മാ​യ ജാ​ത്യാ​ഭി​മാ​നംകൂ​ടി​യാ​ണ് എ​ന്ന​താ​ണ് വാ​സ്ത​വം (വെ​റു​തെ​യ​ല്ല സം​ഘ്പ​രി​വാ​റു​കാ​ർ കേ​ര​ള​ത്തി​ലെ ക്രി​സ്ത്യാ​നി​ക​ളി​ലെ സു​റി​യാ​നി​ക്കാ​രു​ടെ നേ​താ​ക്ക​ളെ തി​ര​ഞ്ഞു​പി​ടി​ച്ച് പാ​ട്ടി​ലാ​ക്കാ​ൻ ശ്ര​മി​ക്കു​ന്ന​ത്).

സം​ര​ക്ഷ​ണ​മോ ഒ​റ്റി​ക്കൊ​ടു​ക്ക​ലോ?

ഇ​ത്ര​യും വ​സ്തു​ത​ക​ളെ​ങ്കി​ലും ക​ണ​ക്കി​ലെ​ടു​ത്തു​കൊ​ണ്ടു​വേ​ണം ബി.​ജെ.​പി കേ​ര​ള​ത്തി​ൽ സ​മാ​രം​ഭി​ച്ചി​രി​ക്കു​ന്ന ക്രി​സ്ത്യ​ൻ പ്രീ​ണ​ന ശ്ര​മ​ങ്ങ​ളെ ആ​രും വി​ല​യി​രു​ത്തേ​ണ്ട​ത് – പ്ര​ത്യേ​കി​ച്ചും ക്രി​സ്ത്യാ​നി​ക​ൾ എ​ന്നാ​ണ് എ​ന്റെ പ​ക്ഷം. കേ​ര​ള​ത്തി​ലെ ക്രി​സ്ത്യാ​നി​ക​ളെ, പ്ര​ത്യേ​കി​ച്ചും സെ​ന്റ് തോ​മ​സ് പാ​ര​മ്പ​ര്യം അ​വ​കാ​ശ​പ്പെ​ടു​ന്ന സു​റി​യാ​നി ക്രി​സ്ത്യാ​നി​ക​ളെ, പാ​ട്ടി​ലാ​ക്കാ​ൻ ബി.​ജെ.​പി ശ്ര​മി​ക്കു​ന്ന​തി​ന്റെ പി​ന്നി​ൽ അ​വ​രു​ടെ സ​ങ്കു​ചി​ത രാ​ഷ്ട്രീ​യ താ​ൽ​പ​ര്യം മാ​ത്ര​മാ​ണു​ള്ള​ത് എ​ന്ന് വ്യ​ക്ത​മാ​ണ്. ബി.​ജെ.​പി​യു​മാ​യി ച​ങ്ങാ​ത്തം സ്ഥാ​പി​ക്കാ​ൻ ശ്ര​മി​ക്കു​ന്ന ക്രൈ​സ്ത​വ സ​ഭാ നേ​താ​ക്ക​ൾ​ക്കും പൊ​തുതാ​ൽ​പ​ര്യ​ത്തേ​ക്കാ​ൾ ഉ​പ​രി അ​വ​രു​ടേ​താ​യ സ്വ​കാ​ര്യ-​സ്വാ​ർ​ഥ അ​ജ​ണ്ട​ക​ളു​ണ്ട് എ​ന്ന​തും പ​ര​സ്യ​മാ​യ ര​ഹ​സ്യ​മാ​ണ്.

മ​ത​ന്യൂ​ന​പ​ക്ഷ​ങ്ങ​ളാ​യ മു​സ്‍ലിം​ക​ളെ​യും ക്രി​സ്ത്യാ​നി​ക​ളെ​യും വം​ശ-​ശ​ത്രു​ക്ക​ളാ​യി പ്ര​ഖ്യാ​പി​ച്ച്, ഇ​പ്പോ​ൾ സു​പ്രീം​കോ​ട​തി നി​യ​മ​സാ​ധു​ത പ​രി​ശോ​ധി​ച്ചു​കൊ​ണ്ടി​രി​ക്കു​ന്ന ആ​ന്റി ക​ൺ​വെ​ർ​ഷ​ൻ ആ​ക്ടു​ക​ൾ, പൗ​ര​ത്വ ഭേ​ദ​ഗ​തി നി​യ​മംപോ​ലു​ള്ള ക​രി​നി​യ​മ​ങ്ങ​ൾ നി​ർ​മി​ച്ച് ഭ​ര​ണ​ഘ​ട​ന അ​വ​ർ​ക്ക് ഉ​റ​പ്പു​ന​ൽ​കി​യ മ​ത​സ്വാ​ത​ന്ത്ര്യ​വും അ​ഭി​പ്രാ​യ​സ്വാ​ത​ന്ത്ര്യ​വും മ​റ്റ്‌ ന്യൂ​ന​പ​ക്ഷാ​വ​കാ​ശ​ങ്ങ​ളും പ്ര​യോ​ജ​ന​ര​ഹി​ത​മാ​ക്കി, ഭീ​ഷ​ണി​പ്പെ​ടു​ത്തി​യും ആ​ക്ര​മി​ച്ചും അ​വ​രെ ഒ​തു​ക്കാ​ൻ ശ്ര​മി​ച്ചു​കൊ​ണ്ടി​രി​ക്കു​ന്ന​വ​രു​മാ​യി സ​ഖ്യ​മു​ണ്ടാ​ക്കാ​ൻ ചി​ല സ​ഭാനേ​താ​ക്ക​ൾ ന​ട​ത്തു​ന്ന ശ്ര​മ​ങ്ങ​ളി​ൽ പ​തി​യി​രി​ക്കു​ന്ന അ​പ​ക​ട​സാ​ധ്യ​ത ഗു​രു​ത​ര​മാ​ണെ​ന്ന് തി​രി​ച്ച​റി​യ​ണം. സ​ഭാ നേ​താ​ക്ക​ൾ രാ​ഷ്ട്ര​ത്തി​ന്റെ പ്ര​ധാ​ന​മ​ന്ത്രി​യു​മാ​യി കൂ​ടി​ക്കാ​ഴ്ച ന​ട​ത്തു​ന്ന​തി​ലും സൗ​ഹൃ​ദം സ്ഥാ​പി​ക്കു​ന്ന​തി​ലും ഒ​രു തെ​റ്റു​മി​ല്ല. എ​ന്നാ​ൽ, അ​ദ്ദേ​ഹം ന​യി​ക്കു​ന്ന ഭ​ര​ണ​കൂ​ടം ന​ട​പ്പാ​ക്കി​ക്കൊ​ണ്ടി​രി​ക്കു​ന്ന ന്യൂ​ന​പ​ക്ഷ​വി​രു​ദ്ധ ന​യ​പ​രി​പാ​ടി​ക​ളെ തി​രി​ച്ച​റി​യാ​നു​ള്ള വി​വേ​ക​വും ചോ​ദ്യം​ചെ​യ്യാ​നു​ള്ള ത​ന്റേ​ട​വും സ​ഭാനേ​താ​ക്ക​ൾ വെ​ടി​യ​രു​ത്. ഭീ​ഷ​ണി​ക​ൾ​ക്കു വ​ഴ​ങ്ങാ​തെ, സ്വ​ന്തം ജ​ന​ങ്ങ​ളെ സം​ര​ക്ഷി​ക്കാ​നു​ള്ള ധാ​ർ​മി​ക ബാ​ധ്യ​ത അ​വ​ർ നി​റ​വേ​റ്റു​ക​യും വേ​ണം. പൂ​ർ​വ​പി​താ​ക്ക​ന്മാ​ർ അ​പ്ര​കാ​രം പ്ര​വ​ർ​ത്തി​ച്ച ധ​ർ​മ​വീ​ര​ന്മാ​രാ​യി​രു​ന്നു എ​ന്ന് ഓ​ർ​ക്ക​ണം.

പാ​വ​പ്പെ​ട്ട ചെ​റു​കി​ട റ​ബ​ർ ക​ർ​ഷ​ക​ർ​ക്ക് അ​വ​രു​ടെ ഉ​ൽ​പ​ന്ന​ത്തി​ന് ന്യാ​യ​മാ​യ വി​ല ഉ​റ​പ്പാ​ക്കേ​ണ്ട​ത് നി​ശ്ച​യ​മാ​യും സ​ർ​ക്കാ​റി​ന്റെ ചു​മ​ത​ല​യാ​ണ്. അ​തി​നു​വേ​ണ്ടി, ആ​വ​ശ്യ​മെ​ങ്കി​ൽ സ​ഭ​യി​ലെ പു​രോ​ഹി​ത​രും ക​ർ​ഷ​ക​രോ​ടൊ​പ്പം നി​ന്ന് സ​മ​രം ചെ​യ്യു​ക​ത​ന്നെ വേ​ണം. എ​ന്നാ​ൽ, വ​ള​രെ ജാ​ഗ്ര​ത​യോ​ടു​കൂ​ടി വേ​ണം ഇ​തി​നു​വേ​ണ്ടി ബാ​ഹ്യ​സ​ഹാ​യം സ്വീ​ക​രി​ക്കു​ന്ന​ത്. റ​ബ​റി​ന് കി​ലോ​ക്ക് മു​ന്നൂ​റു രൂ​പ വി​ല​കി​ട്ടി​യാ​ൽ അ​ടി​യ​റ വെ​ക്കാ​വു​ന്ന​ത​ല്ല മ​ത​സ്വാ​ത​ന്ത്ര്യ​വും ന്യൂ​ന​പ​ക്ഷാ​വ​കാ​ശ​ങ്ങ​ളും അ​ഭി​പ്രാ​യ​സ്വാ​ത​ന്ത്ര്യ​വും എ​ന്ന കാ​ര്യം മ​ത​മേ​ല​ധ്യ​ക്ഷ​ന്മാ​ർ മ​റ​ക്ക​രു​ത്. കൊ​ളോ​ണി​യ​ൽ ഭ​ര​ണ​കാ​ലം മു​ത​ൽ എ​ക്കാ​ല​വും ഭ​ര​ണ​കൂ​ട​ങ്ങ​ളോ​ടൊ​പ്പം നി​ന്ന് എ​ങ്ങ​നെ​യും ത​ൻ​കാ​ര്യം നേ​ടു​ന്ന സ്ഥാ​പി​ത താ​ൽ​പ​ര്യ​ക്കാ​രാ​ണ് ഇ​വി​ട​ത്തെ ക്രി​സ്ത്യാ​നി​ക​ൾ എ​ന്ന ദു​ഷ്പേ​ര് അ​ര​ക്കി​ട്ടു​റ​പ്പി​ക്കു​ന്ന നി​ല​പാ​ട് സ​ഭാ​നേ​തൃ​ത്വം സ്വീ​ക​രി​ക്ക​രു​ത്. എ​ന്നാ​ൽ സ​ഭാ മേ​ല​ധ്യ​ക്ഷ​ന്മാ​രി​ൽ പ​ല​രും ഇ​പ്പോ​ൾ സ്വീ​ക​രി​ക്കു​ന്ന സ​മീ​പ​നം തി​ക​ച്ചും ബു​ദ്ധി​ശൂ​ന്യ​വും ക്രൈ​സ്ത​വി​ക​ത​ക്ക് നി​ര​ക്കാ​ത്ത​തും ക്രൈ​സ്ത​വ സ​മൂ​ഹ​ത്തി​ന് ഒ​ന്ന​ട​ങ്കം അ​പ​കീ​ർ​ത്തി​ക​ര​വും അ​തി​ലു​മു​പ​രി അ​പ​ക​ട​ക​ര​വു​മാ​ണ്.

ഹി​ന്ദു​ത്വ ഭീ​ക​ര​വാ​ദി​ക​ളു​ടെ ആ​യു​ധ​ങ്ങ​ൾ​ക്കി​ര​യാ​യ അ​സം​ഖ്യം ര​ക്ത​സാ​ക്ഷി​ക​ളു​ടെ ജീ​വി​ത​ത്തോ​ടും സ്മ​ര​ണ​യോ​ടും കാ​ട്ടു​ന്ന ക​ടു​ത്ത അ​നീ​തി​കൂ​ടി​യാ​കും അ​ത്. ഗ്ര​ഹാം സ്റ്റെ​യ്ൻ​സ് (അ​ദ്ദേ​ഹ​ത്തി​ന്റെ മ​ക്ക​ളാ​യ ഫി​ലി​പ്പ്, തി​മോ​ത്തി), സി​സ്റ്റ​ർ റാ​ണി മ​രി​യ, ഫാ. ​സ്റ്റാ​ൻ സാ​മി തു​ട​ങ്ങി​യ​വ​രു​ടെ ആ​ത്മ​ത്യാ​ഗ​ത്തെ ക്രി​സ്ത്യാ​നി​ക​ൾ​ക്കെ​ന്ന​ല്ല മ​നു​ഷ്യ​ത്വ​മു​ള്ള ആ​ർ​ക്കെ​ങ്കി​ലും മ​റ​ക്കാ​നോ അ​വ​ഗ​ണി​ക്കാ​നോ ആ​കു​മോ? സം​ഘ്പ​രി​വാ​റു​മാ​യി ക​ച്ച​വ​ടം ഉ​റ​പ്പി​ക്കാ​ൻ അ​ര​യും ത​ല​യും മു​റു​ക്കി ഇ​റ​ങ്ങി​പ്പു​റ​പ്പെ​ട്ടി​രി​ക്കു​ന്ന ചി​ല ഇ​ട​യ​ന്മാ​രും അ​വ​രു​ടെ രാ​ഷ്ട്രീ​യ ഇ​ട​നി​ല​ക്കാ​രും സ്വ​ന്തം ജ​ന​ങ്ങ​ളെ വ​ഞ്ചി​ക്കു​ക​യാ​ണ് ചെ​യ്യു​ന്ന​ത് എ​ന്ന് ആ​രോ​പി​ക്കു​ന്ന​വ​രെ കു​റ്റ​പ്പെ​ടു​ത്താ​നാ​വു​മോ? ക്രൈ​സ്ത​വ സ​ഭാ നേ​താ​ക്ക​ൾ കൂ​ടു​ത​ൽ ജാ​ഗ്ര​ത​യും ദീ​ർ​ഘ​വീ​ക്ഷ​ണ​വും പു​ല​ർ​ത്ത​ണം എ​ന്ന് ഓ​ർ​മ​പ്പെ​ടു​ത്തു​ന്ന സം​ഭ​വ​ങ്ങ​ളാ​ണ​ല്ലോ ഇ​ന്ത്യ​യി​ൽ പ​ല​യി​ട​ത്തും പ്ര​ത്യേ​കി​ച്ച് മ​ണി​പ്പൂ​രി​ൽ, അ​ര​ങ്ങേ​റി​ക്കൊ​ണ്ടി​രി​ക്കു​ന്ന​ത്.

(അ​ഹ്മ​ദാ​ബാ​ദ്​ ഗു​ജ​റാ​ത്ത്​ വി​ദ്യാ​പീ​ഠ്​ സ​ർ​വ​ക​ലാ​ശാ​ല​യി​ൽ അ​ധ്യാ​പ​ക​നാ​യ (Adjunct Professor) ലേ​ഖ​ക​ൻ ഗാ​ന്ധി പീ​സ്​ ഫൗ​ണ്ടേ​ഷ​ൻ പ്ര​സി​ദ്ധീ​ക​രി​ക്കു​ന്ന ‘ഗാ​ന്ധി മാ​ർ​ഗി​​’ന്റെ എ​ഡി​റ്റ​റാ​ണ്. മു​മ്പ്​ കോ​ല​​ഞ്ചേ​രി സെ​ന്റ്​ പീ​റ്റേ​ഴ്​​സ്​ കോ​ള​ജ്​ പ്രി​ൻ​സി​പ്പ​ലും എം.​ജി സ​ർ​വ​ക​ലാ​ശാ​ല​യി​ൽ ഗാ​ന്ധി​യ​ൻ തോ​ട്ട്​ ആ​ൻ​ഡ്​ ഡെ​വ​ല​പ്​​മെ​ന്റ്​ സ്​​റ്റ​ഡീ​സി​ൽ ഡ​യ​റ​ക്​​ട​റു​മാ​യി​രു​ന്നു)