ജ​ന​കീ​യ സ​മ​ര​ങ്ങ​ളി​ലെ ജ​ന​വും രാ​ഷ്ട്രീ​യ​വും

ആ​ഗോ​ള​ത​ല​ത്തി​ൽ​ത​ന്നെ സി​വി​ൽ സ​മൂ​ഹ​ത്തെ കു​റി​ച്ച ച​ർ​ച്ച​ക​ൾ ഏ​റെ കാ​ല​മാ​യി സ​ജീ​വ​മാ​യി ന​ട​ക്കു​ന്നു​ണ്ട്. തീ​ർ​ച്ച​യാ​യും കേ​ര​ള​ത്തി​ലും ഇ​ത് ച​ർ​ച്ചാ​വി​ഷ​യ​മാ​ണെ​ങ്കി​ലും അ​ർ​ഹി​ക്കു​ന്ന ഗൗ​ര​വം ന​മ്മ​ൾ ന​ൽ​കു​ന്നു​ണ്ടോ എ​ന്ന​ത് സം​ശ​യ​മാ​ണ്. അ​തി​നു​ള്ള കാ​ര​ണം വ്യ​ക്ത​മാ​ണ്. അ​ടി​മു​ടി ഒ​രു രാ​ഷ്ട്രീ​യ​സ​മൂ​ഹ​മാ​ണ് ന​മ്മു​ടേ​ത്. രാ​ഷ്ട്രീ​യ​സ​മൂ​ഹം എ​ന്നാ​ൽ മോ​ശ​പ്പെ​ട്ട ഒ​ന്ന​ല്ല. എ​ന്നാ​ൽ, കേ​ര​ളം കൃ​ത്യ​മാ​യി പ​റ​ഞ്ഞാ​ൽ ക​ക്ഷി​രാ​ഷ്ട്രീ​യ സ​മൂ​ഹ​മാ​യാ​ണ് മാ​റി​യി​രി​ക്കു​ന്ന​ത്. ഏ​തു വി​ഷ​യ​ത്തി​ലും സ്വ​ന്ത​മാ​യാ​രു നി​ല​പാ​ടി​ല്ലാ​തെ, ക​ക്ഷി​രാ​ഷ്ട്രീ​യ​താ​ൽ​പ​ര്യ​ത്തി​ലും നേ​താ​ക്ക​ൾ പ​റ​യു​ന്ന​തി​ന​നു​സ​രി​ച്ചും സം​സാ​രി​ക്കു​ക​യും ന്യാ​യീ​ക​രി​ക്കു​ക​യും ചെ​യ്യു​ന്ന അ​വ​സ്​​ഥ​യി​ലാ​ണ് വ​ലി​യൊ​രു വി​ഭാ​ഗ​ം ജനം. മാ​ത്ര​മ​ല്ല, എ​ന്തു​കൊ​ണ്ടാ​ണ് പ്ര​സ്​​തു​ത പാ​ർ​ട്ടി​ക​ളി​ൽ വി​ശ്വ​സി​ക്കു​ക​യും പ്ര​വ​ർ​ത്തി​ക്കു​ക​യും ചെ​യ്യു​ന്ന​തെ​ന്നു ചോ​ദി​ച്ചാ​ൽ ബ​ഹു​ഭൂ​രി​പ​ക്ഷ​ത്തി​ന്റെ​യും മ​റു​പ​ടി വ്യ​ക്തി​പ​ര​മാ​യ നേ​ട്ട​ങ്ങ​ളാ​യി​രി​ക്കും. സം​സ്​​ഥാ​ന​ത്തെ ഏ​റ്റ​വും വ​ലി​യ തൊ​ഴി​ൽ​ദാ​യ​ക​ർ​പോ​ലും പാ​ർ​ട്ടി​ക​ളാ​ണ​ല്ലോ. തൊ​ഴി​ലും വായ്പക​ളും സ്​​ഥാ​ന​ങ്ങ​ളും മ​റ്റും മ​റ്റു​മാ​ണ് ബ​ഹു​ഭൂ​രി​ഭാ​ഗ​ത്തെ​യും ഈ ​പാ​ർ​ട്ടി​ക​ളി​ൽ പി​ടി​ച്ചു​നി​ർ​ത്തു​ന്ന​ത്. എ​ന്നാ​ലും രാ​ഷ്ട്രീ​യ പ്ര​ബു​ദ്ധ സം​സ്​​ഥാ​ന​മാ​ണ് ന​മ്മു​ടേ​ത് എ​ന്നാ​ണ് വെ​പ്പ്. ഈ ​കൊ​ട്ടി​ഗ്ഘോ​ഷി​ക്ക​പ്പെ​ടു​ന്ന രാ​ഷ്ട്രീ​യ പ്ര​ബു​ദ്ധ​ത​യാ​ണ് പ്ര​ധാ​ന​മാ​യും സി​വി​ൽ സ​മൂ​ഹ​ത്തെ അ​നാ​രോ​ഗ്യ​ക​ര​മാ​യ രീ​തി​യി​ൽ വി​ഘ​ടി​പ്പി​ക്കു​ന്ന​തെ​ന്ന​താ​ണ് വ​സ്​​തു​ത.

അ​ന്ധ​വി​ശ്വാ​സ​ത്തി​നു സ​മാ​ന​മാ​യ രീ​തി​യി​ലാ​ണ് പ​ല​രും പാ​ർ​ട്ടി​ക​ളി​ൽ വി​ശ്വ​സി​ക്കു​ന്ന​ത്. മ​ര​ണം​വ​രെ പാ​ർ​ട്ടി മാ​റാ​ത്ത​വ​രാ​ണ് മി​ക്ക​വ​രും. മാ​റു​ന്ന​വ​ർ കൊ​ല​ചെ​യ്യ​പ്പെ​ടു​ന്ന സം​ഭ​വ​ങ്ങ​ളും നി​ര​വ​ധി. ക​ഴി​ഞ്ഞ​ദി​വ​സം ഏ​റെ ആ​ഘോ​ഷി​ക്ക​പ്പെ​ട്ട, ഒ​രു പി​താ​വ് എ​ഴു​തി​വെ​ച്ച ഒ​സ്യ​ത്ത് ഇ​ങ്ങ​നെ. ''അ​ച്ഛ​ൻ മ​രി​ച്ചാ​ൽ ഈ ​കൊ​ടി പു​ത​പ്പി​ച്ചു കി​ട​ത്ത​ണം. പാ​ർ​ട്ടി ഓ​ഫി​സി​ൽ​നി​ന്നും ആ​രെ​ങ്കി​ലും പ​താ​ക​യാ​യി വ​ന്നാ​ൽ അ​തി​ന് പ്രാ​ധാ​ന്യം കൊ​ടു​ക്ക​ണം. ചി​ത​യി​ലേ​ക്ക് വെ​ക്കു​മ്പോ​ൾ പ​താ​ക ക​ത്താ​തെ മ​ട​ക്കി നി​ങ്ങ​ൾ സൂ​ക്ഷി​ച്ചു​വെക്ക​ണം... നി​ങ്ങ​ൾ​ക്കൊ​രു പ്ര​തി​സ​ന്ധി വ​രു​മ്പോ​ൾ അ​തി​ൽ മു​ഖ​മ​മ​ർ​ത്തി ഏ​റെനേ​രം നി​ൽ​ക്കു​ക. അ​തി​ൽ അ​ച്ഛ​നു​ണ്ട്. ലോ​ക​ജ​ന​ത​യു​ടെ പ്ര​തീ​ക്ഷ​ക​ളു​ണ്ട്... അ​വ നി​ങ്ങ​ളെ കാ​ക്കും. പാ​ർ​ട്ടി​യോ​ട് ഒ​രു വി​യോ​ജി​പ്പും ഉ​ണ്ടാ​വ​രു​ത്... അ​ഥ​വാ ഉ​ണ്ടാ​യാ​ൽ മ​റ്റി​ട​ങ്ങ​ളി​ലേ​ക്ക് ചേ​ക്കേ​റ​രു​ത്...​ നി​ശ്ശ​ബ്ദ​മാ​യി​രി​ക്കു​ക. ഒ​രി​ക്ക​ൽ ന​മ്മു​ടെ പാ​ർ​ട്ടി അ​തി​ജീ​വി​ക്കും...'' ഇ​ത്ത​ര​മൊ​രു പ്ര​ദേ​ശ​ത്ത് ശ​ക്ത​മാ​യ ഒ​രു സി​വി​ൽ സ​മൂ​ഹം രൂ​പ​പ്പെ​ടു​ക എ​ളു​പ്പ​മ​ല്ല​ല്ലോ.

ഒ​രു സി​വി​ൽ സ​മൂ​ഹ​ത്തി​ന്റെ നി​ല​വാ​രം മ​ന​സ്സി​ലാ​ക്കാ​ൻ ഏ​റ്റ​വും എ​ളു​പ്പ​മാ​യ മാ​ർ​ഗം അ​വി​ടെ ന​ട​ക്കു​ന്ന ജ​ന​കീ​യ സ​മ​ര​ങ്ങ​ളാ​ണ്. 'കേ​ര​ള​ത്തി​ലെ ജ​ന​കീ​യ സ​മ​ര​ങ്ങ​ളു​ടെ ച​രി​ത്രം' എ​ന്ന പു​സ്​​ത​ക​ത്തി​ന്റെ ര​ച​ന​യു​മാ​യി ബ​ന്ധ​പ്പെ​ട്ട് ഈ ​ലേ​ഖ​ക​ൻ നി​ര​വ​ധി സ​മ​ര​ങ്ങ​ളി​ലൂ​ടെ ക​ട​ന്നു​പോ​കാ​നി​ട​യാ​യി. ജ​ന​കീ​യ സ​മ​ര​ങ്ങ​ൾ എ​ന്നു വി​ശേ​ഷി​പ്പി​ക്കാ​വു​ന്ന​വ​യാ​ണോ ഭൂ​രി​ഭാ​ഗം സ​മ​ര​ങ്ങ​ളും എ​ന്ന സം​ശ​യ​മാ​ണ് അ​തോ​ടെ ശ​ക്ത​മാ​യ​ത്. മി​ക്ക​വാ​റും സ​മ​ര​ങ്ങ​ളി​ൽ ജ​ന​പ​ങ്കാ​ളി​ത്തം വ​ള​രെ കു​റ​വാ​ണ്. തി​രു​വ​ന​ന്ത​പു​ര​ം വി​ള​പ്പി​ൽ​ശാ​ല​യി​ൽ ന​ട​ന്ന​പോ​ലെ അ​പൂ​ർ​വം സ​മ​ര​ങ്ങ​ളി​ലാ​ണ് വ​ൻ​തോ​തി​ൽ ജ​ന​പ​ങ്കാ​ളി​ത്തം ക​ണ്ട​ത്. പ​ല സ​മ​ര​ങ്ങ​ളും വി​ജ​യി​ച്ചു​വെ​ന്ന​ത് ശ​രി​യാ​ണ്. എ​ന്നാ​ല​ത് വ​ൻ​തോ​തി​ലു​ള്ള ജ​ന​കീ​യ പ​ങ്കാ​ളി​ത്തം​കൊ​ണ്ട​ല്ല. മ​റ്റു​പ​ല സം​സ്​​ഥാ​ന​ങ്ങ​ളി​ലും ന​ട​ക്കു​ന്ന സ​മ​ര​ങ്ങ​ളി​ലെ ജ​ന​കീ​യ പ​ങ്കാ​ളി​ത്ത​ം ന​മു​ക്ക് സ്വ​പ്നം മാ​ത്ര​മാ​ണ്. പ​ല​പ്പോ​ഴും മാ​ധ്യ​മ​ങ്ങ​ൾ ന​ൽ​കു​ന്ന പ്രാ​ധാ​ന്യ​വും കോ​ട​തി​ക​ളു​ടെ ഇ​ട​പെ​ട​ലു​ക​ളും പ​ല​രീ​തി​യി​ലും ഭ​ര​ണ​കൂ​ട​ത്തി​ൽ സ​മ്മ​ർ​ദം ചെ​ലു​ത്ത​ലു​മൊ​ക്കെ​യാ​ണ് പ​ല സ​മ​ര​ങ്ങ​ളെ​യും വി​ജ​യ​ത്തി​ലെ​ത്തി​ക്കു​ന്ന​ത്. പ​ല​പ്പോ​ഴും ഒ​രു ഘ​ട്ടം ക​ഴി​യു​മ്പോ​ൾ രാ​ഷ്ട്രീ​യ​ സം​ഘ​ട​ന​ക​ളും സ​മ​ര​ങ്ങ​ളോ​ട് ഐ​ക്യ​പ്പെ​ടു​ന്ന സാ​ഹ​ച​ര്യ​വു​മു​ണ്ട്. പ്ലാ​ച്ചി​മ​ട സ​മ​ര​ം ഉ​ദാ​ഹ​ര​ണം. മ​റി​ച്ച് തു​ട​ക്ക​ത്തി​ൽ സ​മ​ര​ങ്ങ​ളി​ൽ സ​ഹ​ക​രി​ക്കു​ക​യും എ​ന്നാ​ൽ, പാ​ർ​ട്ടി​ക​ളു​ടെ ന​യ​ത്തി​ന്റെ​യും നേ​തൃ​ത്വ​ത്തി​ന്റെ സ​മ്മ​ർ​ദ​ത്തി​ന്റെ​യും ഫ​ല​മാ​യി പി​ന്മാ​റു​ക​യും ചെ​യ്യു​ന്ന സ​മ​ര​ങ്ങ​ളും നി​ര​വ​ധി. ഒ​രു​ദാ​ഹ​ര​ണം ടോ​ൾവി​രു​ദ്ധ സ​മ​രം.

പെരിങ്ങമല മാലിന്യപ്ലാന്റ് വിരുദ്ധ സമരം

ജ​ന​കീ​യ സ​മ​ര​ങ്ങ​ളെ കു​റി​ച്ച് പ​റ​യു​മ്പോ​ൾ മി​ക്ക​വാ​റും പേ​ർ ആ​ദ്യം പ​രാ​മ​ർ​ശി​ക്കു​ന്ന സൈ​ല​ന്റ് വാ​ലി സ​മ​രംത​ന്നെ വി​ജ​യി​ച്ച​ത് എ​ങ്ങ​നെ​യാ​യി​രു​ന്നു? അ​തി​ശ​ക്ത​മാ​യ ജ​ന​കീ​യ​പോ​രാ​ട്ട​മൊ​ന്നു​മാ​യി​രു​ന്നി​ല്ല സ​മ​ര​ത്തെ വി​ജ​യി​പ്പി​ച്ച​ത്. സ​മൂ​ഹ​മാ​ധ്യ​മ​ങ്ങ​ളൊ​ന്നും ഇ​ല്ലാ​ത്ത കാ​ല​മാ​യി​ട്ടും മാ​ധ്യ​മ​ങ്ങ​ളി​ലൂ​ടെ​യു​ള്ള ശ​ക്ത​മാ​യ പ്ര​ചാ​ര​ണ​വും ശാ​സ്​​ത്ര സാ​ങ്കേ​തി​ക മേ​ഖ​ല​ക​ളി​ലെ​യും എ​ഴു​ത്തു​കാ​രി​ലെ​യും പ​ല​രും ഇ​ട​പെ​ട്ട​തും അ​ങ്ങ​നെ വി​ഷ​യം ലോ​ക​ശ്ര​ദ്ധ​യി​ൽ എ​ത്തി​യ​തും മ​റ്റു​മാ​ണ് അ​തി​നു കാ​ര​ണ​മാ​യ​ത്. അ​ങ്ങ​നെ​യാ​ണ് പ്ര​ധാ​ന​മ​ന്ത്രി​യാ​യി​രു​ന്ന ഇ​ന്ദി​ര ഗാ​ന്ധി പ്ര​ശ്ന​ത്തി​ലി​ട​പെ​ട്ട​ത്. പ്ര​തി​പ​ക്ഷ​ത്താ​യാ​ലും ഭ​ര​ണ​പ​ക്ഷ​ത്താ​യാ​ലും മി​ക്ക​വാ​റും ജ​ന​കീ​യ​സ​മ​ര​ങ്ങ​ളെ എ​തി​ർ​ക്കു​ന്ന സി.​പി.​എ​മ്മും സി.​ഐ.​ടി.​യു​വും പോ​ലു​ള്ള സം​ഘ​ട​ന​ക​ൾ ശ​ക്ത​മാ​യി എ​തി​ർ​ത്തി​ട്ടും സൈ​ല​ന്റ് വാ​ലി സ​മ​രം വി​ജ​യി​ച്ച​തെങ്ങ​നെ​യാ​ണ്. പി​ന്നീ​ട് ന​ട​ന്ന പ​ല സ​മ​ര​ങ്ങ​ളും വി​ജ​യി​ച്ച​തും ഇ​തു​പോ​ലെ​ത​ന്നെ. സൈ​ല​ന്റ് വാ​ലി പ​ദ്ധ​തി​ക്കെ​തി​രെ ശ​ക്ത​മാ​യ നി​ല​പാ​ടെ​ടു​ത്തി​രു​ന്ന ശാ​സ്​​ത്ര​സാ​ഹി​ത്യ പ​രി​ഷ​ത്ത് പി​ൽ​ക്കാ​ല​ത്ത് പ​ല പ​രി​സ്​​ഥി​തി വി​ഷ​യ​ങ്ങ​ളോ​ടു​മെ​ടു​ത്ത നി​ല​പാ​ടു​ക​ളും മ​റു​വ​ശ​ത്ത് ജ​ന​കീ​യ​സ​മ​ര​ങ്ങ​ളെ എ​ന്നും എ​തി​ർ​ക്കു​ന്ന സി.​പി.​എം നി​ല​പാ​ടും ന​മ്മു​ടെ സി​വി​ൽ-രാ​ഷ്ട്രീ​യ സ​മൂ​ഹ​ങ്ങ​ൾ നേ​രി​ടു​ന്ന ജീ​ർ​ണ​ത​ക്ക് ഉ​ദാ​ഹ​ര​ണ​ങ്ങ​ളാ​ണ്.

ഓ​രോ പ​ദ്ധ​തി വ​രു​മ്പോ​ഴും അ​തു പ്ര​തി​കൂ​ല​മാ​യി ബാ​ധി​ക്കു​ന്ന​വ​ർ രം​ഗ​ത്തി​റ​ങ്ങു​ക​യും ശ​ക്ത​മാ​യ സ​മ​രം ന​യി​ക്കു​ക​യും ചെ​യ്യു​ന്ന കാ​ഴ്ച​യാ​ണ് പൊ​തു​വി​ൽ കേ​ര​ള​ത്തി​ൽ കാ​ണു​ന്ന​ത്. പ​ല​പ്പോ​ഴും പ​ദ്ധ​തി​ക​ളു​ടെ വ​ക്താ​ക്ക​ളാ​യ പാ​ർ​ട്ടി നേ​തൃ​ത്വ​ങ്ങ​ളെ ധി​ക്ക​രി​ച്ചും പ​ല​രും ഈ ​പോ​രാ​ട്ട​ങ്ങ​ളോ​ട് ഐ​ക്യ​പ്പെ​ടു​ന്നു. ഗെ​യ്ൽ, സി​ൽ​വ​ർ ലൈ​ൻ, ദേ​ശീ​യ​പാ​ത പ​ദ്ധ​തി​ക്കെ​തി​രാ​യ പോ​രാ​ട്ട​ങ്ങ​ൾ എന്നിവ സ​മീ​പ​കാ​ല ഉ​ദാ​ഹ​ര​ണ​ങ്ങ​ൾ. സം​സ്​​ഥാ​ന​ത്ത് എ​വി​ടെ സ​മ​ര​മു​യ​ർ​ന്നു വ​ന്നാ​ലും ഓ​ടി​െ​യ​ത്തു​ന്ന വ്യ​ക്തി​ക​ളും ചി​ല ചെ​റി​യ സം​ഘ​ട​ന​ക​ളു​ടെ പ്ര​വ​ർ​ത്ത​ക​രു​മാ​ണ് മ​റ്റൊ​ന്ന്. ഇ​വ​ർ പ്ര​തി​നി​ധാ​നം​ചെ​യ്യു​ന്ന​ത് സി​വി​ൽ സ​മൂ​ഹ​ത്തെത​ന്നെ​യാ​ണ്. സ​മ​ര​ത്തി​നാ​സ്​​പ​ദ​മാ​യ മി​ക്ക വി​ഷ​യ​ങ്ങ​ളും അ​വ​രെ നേ​രി​ട്ടു ബാ​ധി​ക്കു​ന്ന​തേ​യ​ല്ല. പാ​ലി​യേക്ക​ര ടോ​ൾ പ്ലാ​സ​ക്കെ​തി​രെ ന​ട​ന്ന സ​മ​ര​ത്തി​ൽ​നി​ന്നു പ്ര​മു​ഖ പ്ര​സ്​​ഥാ​ന​ങ്ങ​ളെ​ല്ലാം പി​ന്മാ​റി​യി​ട്ടും മാ​സ​ങ്ങ​ളോ​ളം സ​മ​രം തു​ട​ർ​ന്നി​രു​ന്ന​ല്ലോ. അ​നി​ശ്ചി​ത​കാ​ലം നി​രാ​ഹാ​ര​മ​നു​ഷ്ഠി​ച്ച​വ​രി​ൽ മി​ക്ക​വ​ർ​ക്കും ഒ​രു വാ​ഹ​നം​പോ​ലു​മി​ല്ലാ​യി​രു​ന്നു. ഈ ​ചെ​റി​യ വി​ഭാ​ഗ​മാ​ണ് എ​ല്ലാ ജ​ന​കീ​യ സ​മ​ര​ങ്ങ​ളി​ലും ഓ​ടി​യെ​ത്തു​ന്ന​ത്. എ​ന്നാ​ൽ അ​വ​രു​ടെ എ​ണ്ണം കു​റ​ഞ്ഞു​വ​രു​ന്നു, ഉ​ള്ള​വ​രി​ൽ​ത​ന്നെ മി​ക്ക​വ​രും മ​ധ്യ​വ​യ​സ്സി​ലും വാ​ർ​ധ​ക്യ​ത്തി​ലും എ​ത്തി എ​ന്ന​താ​ണ് വ​സ്​​തു​ത. ദ​ലി​ത്, ലിം​ഗ​നീ​തി പോ​ലു​ള്ള വി​ഷ​യ​ങ്ങ​ളി​ൽ സൈ​ബ​ർ മേ​ഖ​ല​യി​ൽ പു​തു​ത​ല​മു​റ​യു​ടെ വ​ള​രെ സ​ജീ​വ​മാ​യ ഇ​ട​പെ​ട​ലു​ക​ൾ ന​ട​ക്കു​ന്നു​ണ്ട് എ​ന്ന​തു ശ​രി​യാ​ണ്. ഏ​റെ വി​വാ​ദ​മാ​യ, ക​റ​ന്റ് ബു​ക്സി​ന്റെ പു​സ്​​ത​ക​പ്ര​കാ​ശ​ന​ത്തി​ലെ ലിം​ഗ​വി​വേ​ച​ന​ത്തി​നെ​തി​രാ​യ സ​മ​രം വി​ജ​യി​ച്ച​ത് ഒ​റ്റ​രാ​ത്രി​യി​ലെ സ​ജീ​വ​മാ​യ ഇ​ട​പെ​ട​ലു​ക​ളി​ലൂ​ടെ​യാ​യി​രു​ന്ന​ല്ലോ. അ​ത്ത​രം നി​ര​വ​ധി ഉ​ദാ​ഹ​ര​ണ​ങ്ങ​ളു​ണ്ട്. പ​ക്ഷേ, അ​വ​യും വ​ലി​യ രീ​തി​യി​ലൊ​ന്നും വി​ക​സി​ച്ചു എ​ന്നു പ​റ​യാ​നാ​വി​ല്ല. മാ​ത്ര​മ​ല്ല, ഇ​ത്ത​ര​ത്തി​ൽ ഇ​ട​പെ​ടു​ന്ന​വ​ർ​ക്കെ​തി​രെ വ​ൻ​തോ​തി​ലു​ള്ള സൈ​ബ​ർ ആ​ക്ര​മ​ണ​മാ​ണ് ന​ട​ക്കു​ന്ന​ത്. സ്വ​ന്തം കു​ഞ്ഞി​നാ​യു​ള്ള അ​നു​പ​മ​യു​ടെ പോ​രാ​ട്ട​ത്തി​ലും മ​റ്റും അ​തു ന​മ്മ​ൾ ക​ണ്ട​താ​ണ്. പരി​സ്​​ഥി​തി​ രം​ഗ​ത്തു പ്ര​വ​ർ​ത്തി​ക്കു​ന്ന​വ​ർ​ക്കെ​തി​െ​ര​യും ക​ടു​ത്ത ആ​ക്ര​മ​ണ​മാ​ണ് ന​ട​ക്കു​ന്ന​ത്. ഒ​പ്പം പ​രി​സ്​​ഥി​തി പ്ര​വ​ർ​ത്ത​ക​ർ ഉ​ന്ന​യി​ക്കു​ന്ന പ്ര​ശ്ന​ങ്ങ​ൾ​ക്ക് മ​റു​പ​ടി പ​റ​യു​ന്ന ഒ​രു വി​ഭാ​ഗ​വും സി​വി​ൽ സ​മൂ​ഹ​ത്തി​ന​ക​ത്തു​നി​ന്നു​ത​ന്നെ ഉ​യ​ർ​ന്നു വ​ന്നി​ട്ടു​ള്ള​തും കാ​ണാ​തി​രു​ന്നു കൂ​ടാ.

ഏ​തെ​ങ്കി​ലും രീ​തി​യി​ൽ അ​ധി​കാ​ര പ്ര​ക്രി​യ​യി​ൽ പ​ങ്കാ​ളി​ക​ളാ​യ​വ​രെ രാ​ഷ്ട്രീ​യ​സ​മൂ​ഹ​മാ​യും അ​തി​നു പു​റ​ത്തു​ള്ള​വ​രെ സി​വി​ൽ സ​മൂ​ഹ​മാ​യു​മാ​ണ​ല്ലോ പൊ​തു​വി​ൽ കാ​ണു​ന്ന​ത്. കൂ​ടു​ത​ൽ സൈ​ദ്ധാ​ന്തി​ക​മാ​യ നി​ർ​വ​ച​ന​ങ്ങ​ളി​ലേ​ക്കും സം​വാ​ദ​ങ്ങ​ളി​ലേ​ക്കും ഇ​വി​ടെ ക​ട​ക്കു​ന്നി​ല്ല. തീ​ർ​ച്ച​യാ​യും ഇ​തു ര​ണ്ടും വെ​ള്ളം ക​യ​റാ​ത്ത അ​റ​ക​ള​ല്ല. സി​വി​ൽ സ​മൂ​ഹ​ത്തി​ന്റെ പ്രാ​ധാ​ന്യം തി​രി​ച്ച​റി​യാ​ത്ത രാ​ഷ്ട്രീ​യ​ സ​മൂ​ഹ​വും രാ​ഷ്ട്രീ​യ​ സ​മൂ​ഹ​ത്തി​ന്റെ പ്രാ​ധാ​ന്യം തി​രി​ച്ച​റി​യാ​ത്ത സി​വി​ൽ സ​മൂ​ഹ​വും ജ​നാ​ധി​പ​ത്യ​ത്തി​ൽ ഗു​ണ​ക​ര​മാ​കി​ല്ല. രാ​ഷ്ട്രീ​യ​ സ​മൂ​ഹ​ത്തെ തെ​ര​ഞ്ഞെ​ടു​ക്കു​ന്ന​ത് സി​വി​ൽ സ​മൂ​ഹ​മാ​ണ്. അ​തി​നാ​ൽ ത​ന്നെ രാ​ഷ്ട്രീ​യ സ​മൂ​ഹ​ത്തി​ന് ആ​ദ്യ​പ്ര​തി​ബ​ദ്ധ​ത വേ​ണ്ട​ത് സി​വി​ൽ സ​മൂ​ഹ​ത്തോ​ടാ​ണ്. എ​ന്നാ​ല​തു പ​ല​പ്പോ​ഴും ഉ​ണ്ടാ​കു​ന്നി​ല്ല. കാ​ര​ണം എ​ണ്ണംകൊ​ണ്ട് രാ​ഷ്ട്രീ​യ​സ​മൂ​ഹ​ത്തെ​ക്കാ​ൾ വ​ലു​താ​ണ് സി​വി​ൽ സ​മൂ​ഹ​മെ​ങ്കി​ലും അ​ത് സം​ഘ​ടി​ത​മ​ല്ല. ര​ണ്ടു തെ​ര​ഞ്ഞെ​ടു​പ്പു​ക​ൾ​ക്കി​ട​യി​ൽ രാ​ഷ്ട്രീ​യ​സ​മൂ​ഹ​ത്തി​നു​മേ​ൽ സി​വി​ൽ സ​മൂ​ഹ​ത്തി​ന് കാ​ര്യ​മാ​യ നി​യ​ന്ത്ര​ണ​മൊ​ന്നു​മി​ല്ല. അ​തി​നാ​ൽ, സി​വി​ൽ സ​മൂ​ഹം അ​ർ​ഹി​ക്കു​ന്ന പ്രാ​ധാ​ന്യം രാ​ഷ്ട്രീ​യ സ​മൂ​ഹം അ​തി​നു ന​ൽ​കു​ന്നി​ല്ല. മ​റു​വ​ശ​ത്ത് ന​മ്മു​ടെ സി​വി​ൽ സ​മൂ​ഹ​മാ​ക​ട്ടെ പ​ക്വ​ത​യാ​ർ​ജി​ച്ച​ത​ല്ല. രാ​ഷ്ട്രീ​യ​സ​മൂ​ഹ​ത്തെ മു​ഖ​ത്തോ​ടു​മു​ഖം നി​ന്നു ചോ​ദ്യം​ചെ​യ്യാ​ൻ തു​ട​ക്കം പ​റ​ഞ്ഞ കാ​ര​ണ​ങ്ങ​ളാ​ൽ അ​വ​ർ​ക്കാ​വു​ന്നി​ല്ല. ശ​രി​യെ​ന്നു വി​ശ്വ​സി​ക്കു​ന്ന വി​ഷ​യ​ങ്ങ​ളി​ൽ​പോ​ലും നേ​താ​ക്ക​ൾ പ​റ​യു​ന്ന​തു​കേ​ട്ടു വ്യ​ത്യ​സ്​​ത​മാ​യ നി​ല​പാ​ടെ​ടു​ക്കാ​ൻ അ​വ​രി​ൽ മി​ക്ക​വ​രും ത​യാ​റാ​കു​ന്ന​തി​നു കാ​ര​ണം മ​റ്റൊ​ന്ന​ല്ല. കേ​ര​ള​ത്തി​ന്റെ സ​വി​ശേ​ഷ സാ​ഹ​ച​ര്യ​ത്തി​ൽ ഇ​ട​തു​പ​ക്ഷം ത​ന്നെ​യാ​ണ് ഇ​ക്കാ​ര്യ​ത്തി​ൽ മു​ന്നി​ൽ.

സൈ​ല​ന്റ് വാ​ലി മു​ത​ൽ ഇ​പ്പോ​ൾ സ​ജീ​വ​മാ​യ വി​ഴി​ഞ്ഞം വ​രെ​യു​ള്ള ജ​ന​കീ​യ സ​മ​ര​ങ്ങ​ളോ​ട് നി​ഷേ​ധാ​ത്മ​ക​മാ​യ നി​ല​പാ​ടാ​ണ് സം​സ്​​ഥാ​ന​ത്തെ രാ​ഷ്ട്രീ​യ​സ​മൂ​ഹം പൊ​തു​വി​ൽ സ്വീ​ക​രി​ച്ചി​ട്ടു​ള്ള​ത്. പ​ല സ​മ​ര​ങ്ങ​ൾ​ക്കു​മെ​തി​രെ ശ​ക്ത​മാ​യിത്ത​ന്നെ അ​വ​ർ രം​ഗ​ത്തു​വ​ന്നി​ട്ടു​മു​ണ്ട്. മു​ത്ത​ങ്ങ​യി​ൽ കു​ടി​ൽകെ​ട്ടി സ​മ​രംചെ​യ്ത ആ​ദി​വാ​സി​ക​ളെ കു​ടി​യി​റ​ക്കാ​ൻ ആ​വ​ശ്യ​പ്പെ​ട്ട് സ​ർ​വ​ക​ക്ഷി​ ഹ​ർ​ത്താ​ൽ, ചെ​ങ്ങ​റ സ​മ​ര​ക്കാ​ർ​ക്കെ​തി​രാ​യ ഉ​പ​രോ​ധം എ​ന്നി​വ​യൊ​ക്കെ ഉ​ദാ​ഹ​ര​ണ​ങ്ങ​ൾ. ഇ​പ്പോ​ഴി​താ വി​ഴി​ഞ്ഞം സ​മ​ര​ത്തി​നെ​തി​രെ​യും ബ​ദ​ൽ​സ​മ​രം ആ​രം​ഭി​ച്ചി​ട്ടു​ണ്ട്്. സ​മ​ര​ങ്ങ​ൾ​ക്കു പി​റ​കി​ൽ സാ​മ്രാ​ജ്യ​ത്വ​വും വി​ദേ​ശ​സ​ഹാ​യു​മാ​ണെ​ന്ന് ആ​ദ്യ​കാ​ല​ത്തും മാ​വോ​വാ​ദി​ക​ളും മു​സ്‍ലിം തീ​വ്ര​വാ​ദി​ക​ളു​മാ​ണെ​ന്ന് സ​മീ​പ​ കാ​ല​ത്തും ഉ​യ​ർ​ത്തു​ന്ന അ​ധി​ക്ഷേ​പ​ങ്ങ​ൾ വേ​റെ. ആ​ല​പ്പു​ഴ​യി​ലെ ക​രി​മ​ണ​ൽ വി​രു​ദ്ധ​സ​മ​ര​വും കോ​ഴി​ക്കോ​ട് ആ​വി​ക്ക​ലി​ലെ മാ​ലി​ന്യ​വി​രു​ദ്ധ സ​മ​ര​വും അ​വ​സാ​ന​ത്തെ ഉ​ദാ​ഹ​ര​ണ​ങ്ങ​ൾ. പ​ല സ​മ​ര​ങ്ങ​ളെ​യും എ​തി​ർ​ത്തി​ട്ടും ഫ​ല​മി​ല്ലെ​ന്നു ബോ​ധ്യ​പ്പെ​ട്ട് ഐ​ക്യ​പ്പെ​ട്ട സം​ഭ​വ​ങ്ങ​ളും നി​ര​വ​ധി. പ്ലാ​ച്ചി​മ​ട​യും ലാ​ലൂ​രു​മൊ​ക്കെ ഉ​ദാ​ഹ​ര​ണ​ങ്ങ​ൾ. പ​തി​റ്റാ​ണ്ടു​ക​ളാ​യി ന​ട​ക്കു​ന്ന എ​ൻ​ഡോ​സ​ൾ​ഫാ​ൻ സ​മ​ര​ത്തി​ൽ ഇ​ര​ക​ൾ​ക്ക് അ​നു​കൂ​ല​മാ​യ സു​പ്രീം​കോ​ട​തി വി​ധി നേ​ടി​യെ​ടു​ത്ത​ത് ഡി.​വൈ.​എ​ഫ്.​ഐ ആ​യി​രു​ന്നു എ​ന്ന​തും ഓ​ർ​ക്കാം. സി​വി​ൽ സ​മൂ​ഹ​ത്തി​ലു​യ​രു​ന്ന ആ​ശ​യ​ങ്ങ​ളെ ആ​ദ്യം എ​തി​ർ​ക്കു​ക​യും എ​ന്നാ​ൽ എ​തി​ർ​പ്പു​കൊ​ണ്ട് ഗു​ണ​മി​ല്ലെ​ന്നു ബോ​ധ്യ​മാ​യി ത​ങ്ങ​ളു​ടെ രാ​ഷ്ട്രീ​യ​ത്തി​നു കീ​ഴെ അ​വ​യെ ഒ​തു​ക്കി ഹൈ​ജാ​ക്ക് ചെ​യ്യു​ന്ന സം​ഭ​വ​ങ്ങ​ളും കാ​ണാം. ആ​ദി​വാ​സി ഭൂ​സ​മ​രം, ദ​ലി​ത് വി​ഷ​യ​ങ്ങ​ൾ, ലിം​ഗ​നീ​തി തു​ട​ങ്ങി​യ പ​ല വി​ഷ​യ​ങ്ങ​ളി​ൽ ഈ ​പ്ര​വ​ണ​ത കാ​ണാം. ഈ ​മേ​ഖ​ല​ക​ളു​ടെ അ​സ്​​തി​ത്വ​ത്തെ താ​ത്ത്വി​ക​മാ​യി അം​ഗീ​ക​രി​ച്ചി​ല്ലെ​ങ്കി​ലും സം​ഘ​ട​ന​ക​ൾ രൂ​പ​വ​ത്ക​രി​ച്ച് സ​മ​രം ചെ​യ്യു​ന്ന​താ​യും കാ​ണാം. വി.​എ​സി​നെ​യും സു​ധീ​ര​നെയും പോ​ലുള്ള പ​ല നേ​താ​ക്ക​ളും പ​ല സ​മ​ര​ങ്ങ​ളോ​ടും ഐ​ക്യ​പ്പെ​ട്ട​ത് മ​റ​ക്കാ​നാ​വി​ല്ല.

മു​ഖ്യ​ധാ​രാ രാ​ഷ്ട്രീ​യ പ്ര​സ്​​ഥാ​ന​ങ്ങ​ൾ ഇ​ത്ത​രം വി​ഷ​യ​ങ്ങ​ൾ ഏ​റ്റെ​ടു​ക്കു​ന്ന​തും മു​ഖ്യ​ധാ​ര​യി​ലേ​ക്ക​വ എ​ത്തു​ന്ന​തും ന​ല്ല​ത​ല്ലേ എ​ന്നു ചോ​ദി​ക്കാം. അ​തു ശ​രി​യാ​ണ്. പ​ക്ഷേ, അ​ത്ത​ര​മൊ​രു പ്ര​ക്രി​യ​ക്കി​ട​യി​ൽ സം​ഭ​വി​ക്കു​ന്ന എ​ത്ര​യോ കാ​ര്യ​ങ്ങ​ൾ അ​റി​യ​പ്പെ​ടാ​തെ പോ​കു​ന്നു. ന​ഗ​ര​മാ​ലി​ന്യം നാ​ട്ടി​ൻ​പു​റ​ത്ത് ഡം​ബ് ചെ​യ്യു​ന്ന​തി​നെ​തി​രെ കേ​ര​ള​ത്തി​ൽ ന​ട​ന്ന ആ​ദ്യ​സ​മ​രം തൃ​ശൂ​രി​ലെ ലാ​ലൂ​രി​ലാ​യി​രു​ന്നു. എ​ല്ലാ രാ​ഷ്ട്രീ​യ​പ്ര​സ്​​ഥാ​ന​ങ്ങ​ളും കോ​ർ​പ​റേ​ഷ​നും എ​ന്നും സ​മ​ര​ത്തി​നെ​തി​രാ​യി​രു​ന്നു. സി.​പി.​എം പ്ര​വ​ർ​ത്ത​ക​രും മാ​ലി​ന്യം കൊ​ണ്ടു​ത​ട്ടു​ന്ന തൊ​ഴി​ലാ​ളി​ക​ളും കാ​യി​ക​മാ​യിപോ​ലും സ​മ​ര​ക്കാ​രെ ആ​ക്ര​മി​ച്ചി​ട്ടു​ണ്ട്. കാ​ര്യ​മാ​യ ജ​ന​പ​ങ്കാ​ളി​ത്ത​മൊ​ന്നും സ​മ​ര​ത്തി​നി​ല്ലാ​യി​രു​ന്നു എ​ങ്കി​ലും പ​ലരീ​തി​യി​ലു​ള്ള ഇ​ട​പെ​ട​ലു​ക​ൾമൂ​ലം സം​സ്​​ഥാ​ന​ വ്യാ​പ​ക​മാ​യി സ​മ​രം ശ്ര​ദ്ധേ​യ​മാ​യി. മൂ​ന്നു മു​ഖ്യ​മ​ന്ത്രി​മാ​രെ​ങ്കി​ലും ഇ​ട​പെ​ട്ടു. അ​വ​സാ​നം ഒ​രു ഘ​ട്ട​ത്തി​ൽ ഡി.​വൈ.​എ​ഫ്.​ഐപോ​ലു​ള്ള സം​ഘ​ട​ന​ക​ൾ സ​മ​ര​ത്തോ​ട് ഐ​ക്യ​പ്പെ​ട്ടു. തു​ട​ർ​ന്ന് ന​ഗ​ര​ത്തി​ൽ ഹ​ർ​ത്താ​ൽ പ്ര​ഖ്യാ​പി​ച്ചു. ഹ​ർ​ത്താ​ലി​നോ​ട​നു​ബ​ന്ധി​ച്ചു ന​ട​ന്ന പ്ര​ക​ട​ന​ത്തി​ൽ പ​ങ്കെ​ടു​ക്കാ​നെ​ത്തി​യ, സ​മ​ര​ത്തി​ൽ സ​ഹ​ക​രി​ച്ചി​രു​ന്ന ഏ​താ​നും ലൈം​ഗി​ക തൊ​ഴി​ലാ​ളി​ക​ളെ പ്ര​ക​ട​ന​ത്തി​നെ​ത്തി​യ ചി​ല ഡി.​വൈ.​എ​ഫ്.​ഐ പ്ര​വ​ർ​ത്ത​ക​ർ അ​ധി​ക്ഷേ​പി​ക്കു​ക​യും അ​വ​ർ ക​ണ്ണീ​രൊ​ഴു​ക്കി തി​രി​ച്ചു​പോ​കു​ക​യും ചെ​യ്തു. ലൈം​ഗി​ക​ത്തൊ​ഴി​ലാ​ളി​ക​ൾ സം​ഘ​ടി​ച്ചു​തു​ട​ങ്ങി​യ കാ​ല​മാ​യി​രു​ന്നു അ​ത്. സ​മ​ര​സ​മി​തി​യി​ൽ അ​വ​രു​ടെ പ്രാ​തി​നി​ധ്യ​വു​മു​ണ്ടാ​യി​രു​ന്നു. എ​ന്നി​ട്ടും ഡി.​വൈ.​എ​ഫ്.​ഐ പ്ര​വ​ർ​ത്ത​ക​ർ ഏ​റ്റ​വും മോ​ശ​മാ​യി​ട്ടാ​യി​രു​ന്നു അ​വ​രോ​ട് സം​സാ​രി​ച്ച​ത്. ഇ​പ്പോ​ൾ ലൈം​ഗി​ക​ത്തൊ​ഴി​ലാ​ളി​ക​ളു​ടെ​യും ട്രാ​ൻ​സ്​ ജെ​ൻ​ഡ​ർ വി​ഭാ​ഗ​ങ്ങ​ളു​ടെ​യും മ​റ്റും അ​വ​കാ​ശ​ങ്ങ​ളെ പ​റ്റി രാ​ഷ്ട്രീ​യ​സ​മൂ​ഹ​വും ഭ​ര​ണ​കൂ​ട​വും ഏ​റെ സം​സാ​രി​ക്കു​ന്ന​ത് ന​ല്ല​തു​ത​ന്നെ. എ​ന്നാ​ൽ, അ​തി​ന്റെ പി​റ​കി​ൽ ഇ​ത്ത​ര​ത്തി​ൽ ഒ​രു​പാ​ട് ക​ണ്ണീ​ർ ഒ​ഴു​കി​യി​ട്ടു​ണ്ട്.

നി​ര​വ​ധി ജ​ന​കീ​യ സ​മ​ര​ങ്ങ​ൾ വി​ജ​യം ക​ണ്ടി​ട്ടു​ള്ള കേ​ര​ള​ത്തി​ൽ അ​തി​ലേ​റെ സ​മ​ര​ങ്ങ​ൾ പ​രാ​ജ​യ​പ്പെ​ട്ടി​ട്ടു​ണ്ട്. പ​ല​തും ഭാ​ഗി​ക​മാ​യി വി​ജ​യി​ച്ചി​ട്ടു​മു​ണ്ട്. പ​രാ​ജ​യ​ങ്ങ​ൾ​ക്കു​ള്ള പ്ര​ധാ​ന കാ​ര​ണം രാ​ഷ്ട്രീ​യ സ​മൂ​ഹ​ത്തി​ന്റെ നി​ഷേ​ധാ​ത്മ​ക നി​ല​പാ​ടു​ക​ൾ ത​ന്നെ​യാ​ണ്. ഏ​റെ കോ​ലാ​ഹ​ലം സൃ​ഷ്ടി​ച്ച മൂ​ല​മ്പി​ള്ളി​യി​ൽ കു​ടി​യി​റ​ക്ക​പ്പെ​ട്ട​വ​രി​ൽ ഭൂ​രി​ഭാ​ഗ​വും ഇ​പ്പോ​ഴും തെ​രു​വി​ൽ​ത​ന്നെ. ആ​തി​ര​പ്പി​ള്ളി​യെ കു​റി​ച്ച് വൈ​ദ്യു​തി മ​ന്ത്രി​മാ​ർ ഇ​ട​ക്കി​ടെ ആ​വ​ർ​ത്തി​ക്കു​ന്ന​ത് കേ​ൾ​ക്കാം. ജ​ന​കീ​യ സ​മ​ര​ങ്ങ​ൾ​ക്ക് മാ​തൃ​ക​യെ​ന്നു പ​റ​യാ​വു​ന്ന മാ​വൂ​രും പ്ലാ​ച്ചി​മ​ട​യി​ലും നേ​ടി​യ​ത് ഭാ​ഗി​ക​വി​ജ​യ​ങ്ങ​ൾ മാ​ത്രം. ര​ണ്ടി​ട​ത്തും തൊ​ഴി​ലാ​ളി​ക​ൾ​ക്കോ നാ​ട്ടു​കാ​ർ​ക്കോ ന​ഷ്ട​പ​രി​ഹാ​രം ന​ൽ​കി​യി​ല്ല. സി​വി​ൽ സ​മൂ​ഹം ശ​ക്തി​യാ​യി ഉ​യ​ർ​ത്തി​ക്കൊ​ണ്ടു​വ​ന്ന പ​ല വി​ഷ​യ​ങ്ങ​ളും കോ​ട​തി​ക​ളി​ലാ​ണ്. മ​ധു, ന​ടി, ക​ന്യാ​സ്​​ത്രീ, വാ​ള​യാ​ർ എ​ന്നി​ങ്ങ​നെ ആ ​പ​ട്ടി​ക നീ​ളു​ന്നു. മ​അ്ദ​നി​ക്കി​നി​യും നീ​തി കി​ട്ടി​യി​ട്ടി​ല്ല. ചേ​ക​ന്നൂ​ർ മൗ​ല​വി​െ​യ ക​ണ്ടെ​ത്തി​യി​ല്ല. സ​ത്നാം സി​ങ്ങി​നും നീ​തി കി​ട്ടി​യി​ല്ല. യു.​എ.​പി.​എ പോ​ലു​ള്ള ഭീ​ക​ര​നി​യ​മ​ങ്ങ​ൾ ഇ​പ്പോ​ഴും വ്യാ​പ​ക​മാ​യി ഉ​പ​യോ​ഗി​ക്കു​ന്നു. സി​ദ്ദി​ഖ് കാ​പ്പ​ൻ ജ​യി​ലി​ൽ തു​ട​രു​ന്നു. വ​ർ​ധി​ക്കു​ന്ന പൊ​ലീ​സ്​ അ​തി​ക്ര​മ​ങ്ങ​ൾ​ക്കും മ​നു​ഷ്യാ​വ​കാ​ശ ലം​ഘ​ന​ങ്ങ​ൾ​ക്കും അ​റു​തി വ​രു​ത്താ​നാ​വു​ന്നി​ല്ല. വി​ക​സ​ന​ത്തി​ന്റെ അ​ർ​ഹ​ത​പ്പെ​ട്ട വി​ഹി​തം ഇ​നി​യും ല​ഭി​ച്ചി​ട്ടി​ല്ലാ​ത്ത ആ​ദി​വാ​സി​ക​ൾ, ദ​ലി​ത​ർ, മ​ത്സ്യ​ത്തൊ​ഴി​ലാ​ളി​ക​ൾ, തോ​ട്ടം തൊ​ഴി​ലാ​ളി​ക​ൾ തു​ട​ങ്ങി​യ​വ​രു​ടെ​യൊ​ക്കെ പ്ര​ശ്ന​ങ്ങ​ളി​ൽ രാ​ഷ്ട്രീ​യ​സ​മൂ​ഹ​ത്തി​നു മാ​ത്ര​മ​ല്ല, സി​വി​ൽ സ​മൂ​ഹ​ത്തി​നും കാ​ര്യ​മാ​യൊ​ന്നും ചെ​യ്യാ​നാ​വു​ന്നി​ല്ല. മ​ത​ന്യൂ​ന​പ​ക്ഷ​ങ്ങ​ൾ, ലൈം​ഗി​ക ന്യൂ​ന​പ​ക്ഷ​ങ്ങ​ൾ, സ്​​ത്രീ​ക​ൾ, കു​ട്ടി​ക​ൾ, വൃ​ദ്ധ​ർ, ഉ​പ​ഭോ​ക്താ​ക്ക​ൾ, രോ​ഗി​ക​ൾ, ക​റു​ത്ത​വ​ർ, ഭി​ന്ന​ശേ​ഷി​ക്കാ​ർ തു​ട​ങ്ങി വൈ​വി​ധ്യ​മാ​ർ​ന്ന വി​വി​ധ വി​ഭാ​ഗ​ങ്ങ​ൾ​ക്കും പൗ​ര​ന്മാ​രെ​ന്ന നി​ല​യി​ൽ തു​ല്യ പ​രി​ഗ​ണ​ന ല​ഭി​ക്കു​ന്നി​ല്ല. അ​തും സൂ​ചി​പ്പി​ക്കു​ന്ന​ത് ന​മ്മു​ടെ സി​വി​ൽ സ​മൂ​ഹ​ത്തി​ന്റെ ദൗ​ർ​ബ​ല്യംത​ന്നെ.

മുണ്ടത്തടം ക്വാറി വിരുദ്ധ സമരം

ജ​നാ​ധി​പ​ത്യ സാ​മൂ​ഹി​ക വ​ള​ർ​ച്ച​യു​ടെ ഉ​യ​ർ​ന്ന ഘ​ട്ട​മാ​ണ​ല്ലോ സി​വി​ൽ സ​മൂ​ഹം. പ്ര​ജ​യി​ൽ​നി​ന്ന് പൗ​ര​നി​ലേ​ക്കു​ള്ള മാ​റ്റ​ത്തി​ലാ​ണ് അ​തി​ന്റെ ആ​രം​ഭം. തീ​ർ​ച്ച​യാ​യും അ​ടി​മ​ത്ത​ത്തി​ലോ ഫ്യൂ​ഡ​ലി​സ​ത്തി​ലോ രാ​ജ​ഭ​ര​ണ​ത്തി​ലോ മ​ത​രാ​ഷ്ട്ര​ത്തി​ലോ ക​മ്യൂ​ണി​സ​ത്തി​ലോ സാ​ധ്യ​മാ​കു​ന്ന ഒ​ന്ന​ല്ല സി​വി​ൽ സ​മൂ​ഹം. രാ​ഷ്ട്രീ​യ​മാ​യി ജ​നാ​ധി​പ​ത്യ​വും സാ​മ്പ​ത്തി​ക​മാ​യി മു​ത​ലാ​ളി​ത്ത​വും നി​ല​നി​ൽ​ക്കു​ന്ന സ​മൂ​ഹ​ത്തി​ൽ മാ​ത്ര​മേ അ​തു സാ​ധ്യ​മാ​കൂ. അ​ത്ത​ര​മൊ​രു സ​മൂ​ഹ​ത്തി​ലേ സി​വി​ൽ സ​മൂ​ഹ സം​ഘ​ട​ന​ക​ൾ​ക്ക് പ്ര​വ​ർ​ത്ത​ന സ്വാ​ത​ന്ത്ര്യം ല​ഭി​ക്കൂ (ത​ർ​ക്ക​മു​ണ്ടാ​കാം). ജ​നാ​ധി​പ​ത്യ​സം​വി​ധാ​നം കാ​ര്യ​മാ​യ പ്ര​തി​സ​ന്ധി​യി​ല്ലാ​തെ മു​ന്നേ​റി​യ പ​ലരാ​ജ്യ​ങ്ങ​ളി​ലും സി​വി​ൽ സ​മൂ​ഹ​വും ഏ​റെ മു​ന്നോ​ട്ടു​പോ​യി. എ​ന്നാ​ൽ, ലോ​ക​ത്തെ ഏ​റ്റ​വും വ​ലി​യ ജ​നാ​ധി​പ​ത്യ രാ​ജ്യ​മാ​ണെ​ങ്കി​ലും ജ​നാ​ധി​പ​ത്യ​ത്തി​ന്റെ ഗു​ണ​നി​ല​വാ​ര​ത്തി​ൽ പി​റ​കി​ലാ​യ ഇ​ന്ത്യ​യി​ൽ അ​ത​ത്ര എ​ളു​പ്പ​മാ​യി​രു​ന്നി​ല്ല. ഭ​ര​ണ​കൂ​ട​ത്തെ ത​ന്നെ കോ​ർ​പ​റേ​റ്റു​ക​ൾ വി​ഴു​ങ്ങു​ന്ന സാ​ഹ​ച​ര്യ​ത്തി​ൽ ഇ​നി​യ​ത് എ​ങ്ങ​നെ സാ​ധ്യ​മാ​കും എ​ന്നു സം​ശ​യി​ക്കേ​ണ്ടി​യി​രി​ക്കു​ന്നു. ഹി​ന്ദു​ത്വ​വും കോ​ർ​പ​റേ​റ്റി​വു​ക​ളും ഒ​ന്നു ചേ​രു​ന്ന സാ​ഹ​ച​ര്യ​ത്തി​ൽ പ്ര​ശ്നം കു​റെ രൂ​ക്ഷ​മാ​കാ​നി​ട​യു​ണ്ട്. വ​ർ​ഗ​സ​മ​ര കാ​ഴ്ച​പ്പാ​ടി​ൽ എ​ല്ലാ സാ​മൂ​ഹി​ക​ച​ല​ന​ങ്ങ​ളെ​യും ഒ​തു​ക്കു​ന്ന ക​മ്യൂ​ണി​സ്റ്റ് ആ​ശ​യ​ങ്ങ​ൾ​ക്കും പാ​ർ​ട്ടി​ക്കും ആ​ധി​പ​ത്യ​മു​ള്ള കേ​ര​ള​ത്തി​ലാ​ക​ട്ടെ സ്വാ​ഭാ​വി​ക​മാ​യും സി​വി​ൽ സ​മൂ​ഹ​ത്തോ​ടും സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ളോ​ടും നി​ഷേ​ധാ​ത്മ​ക​മാ​യ സ​മീ​പ​നം ശ​ക്ത​മാ​യ​തി​ൽ അ​ത്ഭു​ത​മി​ല്ല. ലോ​ക​ത്തെ ഏ​തൊ​രു ക​മ്യൂ​ണി​സ്റ്റ് രാ​ഷ്ട്ര​ത്തി​ന്റെ​യും അ​വ​സ്​​ഥ വ്യ​ത്യ​സ്ത​മ​ല്ല. ഈ ​അ​വ​സ്​​ഥ​യെ മ​റി​ക​ട​ക്കാ​നു​ള്ള ഊ​ർ​ജ​മാ​ക​ട്ടെ സി​വി​ൽ സ​മൂ​ഹ​ത്തി​നി​ല്ല​താ​നും.

ജ​നാ​ധി​പ​ത്യ​മെ​ന്ന​ത് ഭ​ര​ണ​കൂ​ട​രൂ​പ​മാ​ണെ​ങ്കി​ലും അ​തു മാ​ത്ര​മ​ല്ല. അ​തി​നു ഭ​ര​ണ​കൂ​ടേ​ത​ര​മാ​യ രൂ​പ​ങ്ങ​ളു​മു​ണ്ട്. സാ​മൂ​ഹി​ക ജ​നാ​ധി​പ​ത്യം വി​ക​സി​ക്കാ​ത്ത ഒ​രു പ്ര​ദേ​ശ​ത്ത് ജ​നാ​ധി​പ​ത്യം എ​ന്ന പ​ദം അ​ർ​ഥ​പൂ​ർ​ണ​മാ​കി​ല്ല. സാ​മൂ​ഹി​ക ജ​നാ​ധി​പ​ത്യ​ത്തി​ന്റെ പ്രാ​ധാ​ന്യം ഏ​റ്റ​വും ശ​ക്ത​മാ​യി പ​റ​ഞ്ഞ​ത് അം​ബേ​ദ്ക​ർത​ന്നെ​യാ​യി​രു​ന്നു. അ​തി​നെ ത​ട​യു​ന്ന പ​ല ഘ​ട​ക​ങ്ങ​ളു​മു​ണ്ടെ​ങ്കി​ലും ഏ​റ്റ​വും പ്ര​ധാ​നം ജാ​തി​യാ​ണ്. പി​ന്നെ പു​രു​ഷാ​ധി​പ​ത്യ​വും. സി​വി​ൽ സ​മൂ​ഹ​പ്ര​സ്​​ഥാ​ന​ങ്ങ​ളെ​യും സ്വാ​ഭാ​വി​ക​മാ​യും ഇ​തു ത​ട​യു​ന്നു. അ​തോ​ടൊ​പ്പം സി​വി​ൽ സ​മൂ​ഹ​പ്ര​സ്​​ഥാ​ന​ങ്ങ​ളോ​ട് പൊ​തു​വി​ൽ നി​ഷേ​ധാ​ത്മ​ക നി​ല​പാ​ടു​ള്ള ഇ​ട​തു​പ​ക്ഷ​ത്തി​ന്റെ വ​ൻ സ്വാ​ധീ​ന​വുമുണ്ട്. തൊ​ഴി​ലാ​ളി വ​ർ​ഗം സ​മൂ​ഹ​ത്തി​ന്റെ ഏ​റ്റ​വും അ​ടി​ത്ത​ട്ടി​ലു​ള്ള വി​ഭാ​ഗ​മാ​ണെ​ന്നും അ​വ​രു​ടെ വി​മോ​ച​ന​ത്തോ​ടെ മു​ഴു​വ​ൻ സ​മൂ​ഹ​ത്തി​ന്റെ​യും വി​മോ​ച​നം സാ​ധ്യ​മാ​കു​മെ​ന്നു​മാ​ണ​ല്ലോ ഇ​ട​തു​പ​ക്ഷം വി​ശ്വ​സി​ക്കു​ന്ന​ത്. അ​തി​നാ​ൽ​ത​ന്നെ ആ ​നി​ർ​വ​ച​ന​ത്തി​ൽപെ​ടാ​ത്ത​വ​രു​ടെ വി​ഷ​യ​ങ്ങ​ൾ അ​വ​രു​ടെ അ​ജ​ണ്ട​യി​ലി​ല്ല. ചി​ല​പ്പോ​ൾ അ​ട​വു​പ​ര​മാ​യി ഉ​ന്ന​യി​ക്കു​മെ​ന്നുമാ​ത്രം. പ​ല പാ​രി​സ്​​ഥി​തി​ക സ​മ​ര​ങ്ങ​ളി​ലും പ​രി​സ്​​ഥി​തി മ​ലി​നീ​ക​ര​ണ​ത്തി​നു ഉ​ത്ത​ര​വാ​ദി​ക​ളാ​യ സ്​​ഥാ​പ​ന​ങ്ങ​ൾ​ക്കൊ​പ്പം നി​ന്ന്, സ​മ​രം ചെ​യ്യു​ന്ന പാ​വ​പ്പെ​ട്ട നാ​ട്ടു​കാ​ർ​ക്കെ​തി​രെ യൂ​നി​യ​നു​ക​ൾ തി​രി​യു​ന്ന​തി​നും കാ​ര​ണം ഇ​തു​ത​ന്നെ. മാ​വൂ​രും കാ​തി​ക്കു​ട​ത്തും പ്ലാ​ച്ചി​മ​ട​യി​ലും പെ​രി​യാ​ർ തീ​ര​ത്തു​മൊ​ക്കെ അ​ത്ത​രം സം​ഭ​വ​ങ്ങ​ൾ നാം ​ക​ണ്ട​താ​ണ്. മു​ത്ത​ങ്ങ​യി​ലും ചെ​ങ്ങ​റ​യി​ലും മ​റ്റു​മെ​ടു​ത്ത നി​ല​പാ​ടു​ക​ൾ​ക്കും പ​ല സ്​​ത്രീ​സ​മ​ര​ങ്ങ​ളെ​യും എ​തി​ർ​ക്കു​ന്ന​തി​നു​മെ​ല്ലാം കാ​ര​ണം ഇ​തു​ത​ന്നെ. ക​ന്യാ​സ്​​ത്രീ​ക​ളും ന​ടി​മാ​രും ന​ഴ്സു​മാ​രുംപോ​ലും സം​ഘ​ടി​ച്ചി​ട്ടും സം​സ്​​ഥാ​ന​ത്തെ വി​വി​ധ മേ​ഖ​ല​ക​ളി​ലെ ജ​ന​കീ​യ സ​മ​ര​ങ്ങ​ളെ ന​യി​ക്കു​ന്ന​ത് സ്​​ത്രീ​ക​ളാ​യി​ട്ടും മീ ​ടൂ പോ​ലു​ള്ള മു​ന്നേ​റ്റ​ങ്ങ​ൾ പു​രു​ഷാ​ധി​പ​ത്യ​ത്തെ വെ​ല്ലു​വി​ളി​ച്ചി​ട്ടും രാ​ഷ്ട്രീ​യ പ്ര​സ്​​ഥാ​ന​ങ്ങ​ൾ​ക്ക​ക​ത്ത് സ്​​ത്രീ​ക​ളു​ടെ അ​വ​സ്​​ഥ ഇ​പ്പോ​ഴും ര​ണ്ടാം പൗ​ര​ർ എ​ന്ന​താ​ണെ​ന്ന​തും കൂ​ട്ടി​വാ​യി​ക്കാ​വു​ന്ന​താ​ണ്. എ​ന്നി​ട്ടും പ​ല ഫെ​മി​നി​സ്റ്റു​ക​ളും അ​വ​രോ​ട് ഐ​ക്യ​പ്പെ​ടു​ന്ന കാ​ഴ്ച​യാ​ണ് കാ​ണു​ന്ന​ത്.

അ​ടി​യ​ന്ത​രാ​വ​സ്​​ഥ​യിൽ ന​ട​ന്ന തെ​ര​ഞ്ഞെ​ടു​പ്പി​ൽ വ​ട​ക്കെ ഇ​ന്ത്യ​യി​ലെ മി​ക്ക സം​സ്​​ഥാ​ന​ങ്ങ​ളും കോ​ൺ​ഗ്ര​സി​നെ​തി​രെ വി​ധി​യെ​ഴു​തി​യ​പ്പോ​ൾ കേ​ര​ളം മ​റി​ച്ചു​ചെ​യ്ത​ത് എ​പ്പോ​ഴും ഉ​ദ്ധ​രി​ക്ക​പ്പെ​ടാ​റു​ണ്ട​ല്ലോ. ന​മ്മു​ടെ രാ​ഷ്ട്രീ​യ​പ്ര​ബു​ദ്ധ​ത​യി​ല്ലാ​യ്മ​യു​ടെ ഉ​ദാ​ഹ​ര​ണ​മാ​യാ​ണ് അ​ത് ചൂ​ണ്ടി​ക്കാ​ണി​ക്ക​പ്പെ​ടാ​റു​ള്ള​ത് (തു​ട​ർ​ന്ന് ഈ​ച്ച​ര​വാ​ര്യ​ർ ന​ട​ത്തി​യ പോ​രാ​ട്ടം മ​റ​ന്നു​കൊ​ണ്ട​ല്ല ഇ​തു പ​റ​യു​ന്ന​ത്). അ​തു ശ​രി​യാ​യി​രി​ക്കു​മ്പോ​ഴും അ​തു മാ​ത്ര​മ​ല്ല ശ​രി. തെ​ര​ഞ്ഞെ​ടു​പ്പു പ്ര​ഖ്യാ​പി​ച്ച​ശേ​ഷം രൂ​പം​കൊ​ണ്ട ജ​ന​താ പാ​ർ​ട്ടി എ​ന്ന രാ​ഷ്ട്രീ​യ പാ​ർ​ട്ടി ന​ട​ത്തി​യ രാ​ഷ്ട്രീ​യ​പോ​രാ​ട്ടം മാ​ത്ര​മാ​യി​രു​ന്നി​ല്ല ആ ​തെ​ര​ഞ്ഞെ​ടു​പ്പു ഫ​ലം. സി​വി​ൽ സ​മൂ​ഹ​ത്തി​ന്റെ രാ​ഷ്ട്രീ​യ ജാ​ഗ്ര​തകൂ​ടി​യാ​യി​രു​ന്നു അ​ത്ത​ര​മൊ​രു ഫ​ല​ത്തി​ലെ​ത്തി​ച്ച​ത്. മ​ണ്ഡ​ൽ ക​മീ​ഷ​ൻ കാ​ല​ഘ​ട്ട​ത്തി​ലും ക​ർ​ഷ​ക​സ​മ​ര കാ​ല​ഘ​ട്ട​ത്തി​ലും പൗ​ര​ത്വ​ഭേ​ദ​ഗ​തി​ക്കെ​തി​രാ​യ സ​മ​ര​ഘ​ട്ട​ത്തി​ലു​മൊ​ക്കെ കേ​ര​ളം പൊ​തു​വി​ൽ നി​ശ്ശ​ബ്ദ​മാ​യി​രു​ന്ന​ല്ലോ. അ​ഴി​മ​തി​ക്കെ​തി​രെ അ​ണ്ണാ ഹ​സാ​രെ ന​ട​ത്തി​യ​പോ​ലു​ള്ള വ​ൻ പ്ര​ക്ഷോ​ഭ​ങ്ങ​ൾ കേ​ര​ള​ത്തി​ലു​ണ്ടാ​കാ​തി​രു​ന്ന​തും ന​മ്മു​ടെ രാ​ഷ്ട്രീ​യ​ത്തി​ന്റെ മാ​ത്ര​മ​ല്ല, സി​വി​ൽ സ​മൂ​ഹ​ത്തി​ന്റെ​യും ദൗ​ർ​ബ​ല്യ​ത്തെ​യാ​ണ് വെ​ളി​വാ​ക്കു​ന്ന​ത്.

തീ​ർ​ച്ച​യാ​യും ഏ​കീ​കൃ​ത​മാ​യ സി​വി​ൽ സ​മൂ​ഹ​മെ​ന്ന ഒ​ന്ന് ഉ​ണ്ടാ​കി​ല്ല. സാ​മ്പ​ത്തി​ക, വ​ർ​ഗ, ജാ​തി, ലിം​ഗ വി​വേ​ച​ന​ങ്ങ​ളെ​ല്ലാം സി​വി​ൽ സ​മൂ​ഹ​ത്തി​ലും പ്ര​തി​ഫ​ലി​ക്കാ​തി​രി​ക്കി​ല്ല. അ​തു​കൊ​ണ്ടു​ത​ന്നെ ഏ​കാ​ത്മ​ക​മാ​യ സി​വി​ൽ സ​മൂ​ഹ​മെ​ന്ന മ​ട്ടി​ലു​ള്ള വി​ശേ​ഷ​ണ​ങ്ങ​ളും പ്ര​യോ​ഗ​ങ്ങ​ളും ഏ​ക​പ​ക്ഷീ​യ​മാ​കും. സ്വാ​ഭാ​വി​ക​മാ​യും സാ​മൂ​ഹി​കാ​ധി​കാ​ര​മു​ള്ള​വ​രു​ടെ ആ​ധി​പ​ത്യം അ​വി​ടെ​യും കാ​ണും. അ​വി​ടെ​യാ​ണ് കൃ​ത്യ​മാ​യ കീ​ഴാ​ള​പ​ക്ഷ​പാ​ത​ത്തി​ൽനി​ന്നു​ള്ള നി​ല​പാ​ടു​ക​ളു​ടെ പ്ര​സ​ക്തി. അ​തെ​ല്ലാം മ​റ​ച്ചു​വെ​ച്ച് എ​ല്ലാ​വ​രെ​യും ഒ​ന്നാ​യി കാ​ണു​ന്ന സ​മീ​പ​ന​ത്തി​ന്റെ രാ​ഷ്ട്രീ​യം കീ​ഴാ​ള​വി​രു​ദ്ധ​മാ​കു​മെ​ന്നു​റ​പ്പ്. അ​തി​നു​ദാ​ഹ​ര​ണ​മാ​ണ് 'ഫാ​ഷി​സ​ത്തി​നെ​തി​രെ മ​നു​ഷ്യ​രാ​യി വ​രൂ' എ​ന്ന മു​ദ്രാ​വാ​ക്യ​മു​യ​ർ​ത്തി സം​ഘ​ടി​പ്പി​ച്ച മ​നു​ഷ്യ​സം​ഗ​മം. ഫാ​ഷി​സ​ത്തി​ന്റെ ഇ​ര​ക​ൾ​ക്ക് സ്വ​ന്തം ഐ​ഡ​ന്റി​റ്റി​യി​ൽ പോ​ര​ടി​ക്കാ​നു​ള്ള അ​വ​കാ​ശ​മാ​ണ് അ​തി​ലൂ​ടെ നി​ഷേ​ധി​ക്ക​പ്പെ​ട്ട​ത്. സി​വി​ൽ സ​മൂ​ഹ​ത്തി​ൽനി​ന്നാ​യി​രു​ന്നു മ​നു​ഷ്യ​സം​ഗ​മ​ത്തി​ന്റെ ആ​രം​ഭ​മെ​ങ്കി​ലും ഇ​ട​തു​പ​ക്ഷ സം​ഘ​ട​ന​ക​ളു​ടെ ഹൈ​ജാ​ക്കി​ങ് ആ​യി​രു​ന്നു അ​ത്ത​ര​മൊ​രു നി​ല​പാ​ടി​ലേ​ക്ക് എ​ത്തി​ച്ച​തെന്നു വ്യ​ക്തം.

രാ​ഷ്ട്രീ​യ ജ​നാ​ധി​പ​ത്യ​ത്തി​ന്റെ നി​ല​വാ​ര​വും സി​വി​ൽ സ​മൂ​ഹ​ത്തെ ബാ​ധി​ക്കു​ന്ന വി​ഷ​യ​മാ​ണ്. ഇ​ന്ത്യ​ൻ ജ​നാ​ധി​പ​ത്യ​ത്തി​ന്റെ നി​ല​വാ​രം കു​റ​ഞ്ഞു​വ​രു​ക​യാ​ണെ​ന്നു ആ​ഗോ​ള​ത​ല​ത്തി​ൽ ത​ന്നെ വി​ല​യി​രു​ത്ത​പ്പെ​ടു​ന്നു​ണ്ട്. ജ​ന​പ്ര​തി​നി​ധി സ​ഭ​ക​ൾ പ​ല​പ്പോ​ഴും നോ​ക്കു​കു​ത്തി​ക​ളാ​കു​ന്നു. അ​വ​യെ മ​റി​ക​ട​ന്ന് നി​യ​മ​ങ്ങ​ൾ വ​രു​ന്നു. മ​റു​വ​ശ​ത്ത് മ​ത​വും വ​ർ​ഗീ​യ​ത​യും വോ​ട്ട​ർ​മാ​രെ സ്വാ​ധീ​നി​ക്കു​ക​യും രാ​ഷ്ട്രീ​യേ​ത​ര വി​ഷ​യ​ങ്ങ​ൾ തെ​ര​ഞ്ഞെ​ടു​പ്പു​ഫ​ല​ത്തെ സ്വാ​ധീ​നി​ക്കു​ക​യും ചെ​യ്യു​ന്നു. ഹി​റ്റ്​​ല​ർ​ക്കു​പോ​ലും ജ​നാ​ധി​പ​ത്യ​പ്ര​ക്രി​യ​യി​ലൂ​ടെ അ​ധി​കാ​ര​ത്തി​ലെ​ത്താ​ൻ ക​ഴി​യു​ന്ന അ​വ​സ്​​ഥ ഇ​വി​ടെ​യും സം​ജാ​ത​മാ​കു​ന്നു. മോ​ദി​യും അ​ധി​കാ​ര​ത്തി​ലെ​ത്തി​യ​ത് തെ​ര​ഞ്ഞെ​ടു​പ്പി​ലൂ​ടെ​യാ​ണ​ല്ലോ. വ്യ​ക്തി​സ്വാ​ത​ന്ത്ര്യ​ത്തി​ലും ആ​വി​ഷ്കാ​ര​സ്വാ​ത​ന്ത്ര്യ​ത്തി​ലും മാ​ധ്യ​മ​സ്വാ​ത​ന്ത്ര്യ​ത്തി​ലു​മെ​ല്ലാം ഇ​ന്നു ന​മ്മു​ടെ സ്​​ഥാ​നം ആ​ഗോ​ള​ത​ല​ത്തി​ൽ വ​ള​രെ പി​റ​കി​ലാ​യി​രി​ക്കു​ന്നു. കേ​ര​ള​ത്തി​ൽ​പോ​ലും രാ​ഷ്ട്രീ​യ ജ​നാ​ധി​പ​ത്യ​ത്തി​ന്റെ ക്വാ​ളി​റ്റി ന​ഷ്ട​പ്പെ​ടു​ന്ന അ​വ​സ്​​ഥ​യി​ൽ സി​വി​ൽ സ​മൂ​ഹ​ത്തി​ന്റെ ക്വാ​ളി​റ്റി​യും ന​ഷ്ട​പ്പെ​ടാ​തി​രി​ക്കു​ന്ന​തെ​ങ്ങ​നെ?

രാ​ഷ്ട്രീ​യ ജ​നാ​ധി​പ​ത്യ​ത്തി​ന്റെ ക്വാ​ളി​റ്റി വ​ർ​ധി​പ്പി​ക്കാ​നു​ള്ള പ്ര​വ​ർ​ത്ത​ന​ങ്ങ​ളും സി​വി​ൽ സ​മൂ​ഹം ഏ​റ്റെ​ടു​ക്കേ​ണ്ട ഉ​ത്ത​ര​വാ​ദി​ത്ത​മാ​ണ് നി​ല​നി​ൽ​ക്കു​ന്ന​ത്. വി​വ​രാ​വ​കാ​ശ​നി​യ​മം, ലോ​ക്പാ​ൽ, സേ​വ​നാ​വ​കാ​ശ​നി​യ​മം തു​ട​ങ്ങി​യ​വ​യൊ​ക്കെ വ്യാ​പ​ക​മാ​യി ഉ​പ​യോ​ഗി​ക്ക​ണം. തി​രി​ച്ചു​വി​ളി​ക്കാ​നു​ള്ള അ​വ​കാ​ശ​ത്തി​നു​വേ​ണ്ടി പോ​രാ​ട​ണം. ഒ​പ്പം രാ​ഷ്ട്രീ​യ പ്ര​സ്​​ഥാ​ന​ങ്ങ​ൾ കൂ​ടു​ത​ൽ ജ​നാ​ധി​പ​ത്യ​വ​ത്ക​രി​ക്ക​പ്പെ​ട​ണ​മെ​ന്ന് ആ​വ​ശ്യ​പ്പെ​ട​ണം. ഉ​ദാ​ഹ​ര​ണ​മാ​യി എ​ല്ലാ പാ​ർ​ട്ടി​ക​ളി​ലും തെ​ര​ഞ്ഞെ​ടു​പ്പു​ക​ൾ ന​ട​ത്തു​ക, സ​മ്മേ​ള​ന​ങ്ങ​ൾ സു​താ​ര്യ​മാ​കു​ക, രേ​ഖ​ക​ൾ പ​ര​സ്യ​മാ​ക്കു​ക, പാ​ർ​ട്ടി നേ​തൃ​ത്വ​ത്തെ​യും സ്​​ഥാ​നാ​ർ​ഥി​ക​ളെ​യും മ​ന്ത്രി​മാ​രെയും തീ​രു​മാ​നി​ക്കു​മ്പോ​ൾ ജ​ന​ങ്ങ​ളോ​ട് അ​ഭി​പ്രാ​യം ചോ​ദി​ക്കു​ക തു​ട​ങ്ങി​യ​വ​യൊ​ക്കെ ആ​ലോ​ചി​ക്കാ​വു​ന്ന​താ​ണ്. കേ​ൾ​ക്കു​മ്പോ​ൾ ത​മാ​ശ​യാ​യി തോ​ന്നു​മാ​യി​രി​ക്കാം. എ​ന്നാ​ൽ, ജ​നാ​ധി​പ​ത്യ സം​വി​ധാ​ന​ത്തി​ൽ പ്ര​വ​ർ​ത്തി​ക്കു​ന്ന പാ​ർ​ട്ടി​ക​ൾ​ക്ക് സി​വി​ൽ സ​മൂ​ഹ​ത്തി​ൽ​നി​ന്ന് എ​ന്തെ​ങ്കി​ലും മ​റ​ച്ചു​വെ​ക്കാ​നു​ണ്ടോ എ​ന്ന​താ​ണ് ചി​ന്തി​ക്കേ​ണ്ട​ത്. തെ​ര​ഞ്ഞെ​ടു​ത്ത​യ​ച്ച​വ​ർ​ക്കു​മേ​ൽ അ​ഞ്ചു​വ​ർ​ഷ​ത്തേ​ക്ക് ഒ​രു നി​യ​ന്ത്ര​ണ​വു​മി​ല്ലാ​ത്ത അ​വ​സ്​​ഥ​യെ മ​റി​ക​ട​ക്കാ​നു​ള്ള നീ​ക്ക​ങ്ങ​ളാ​ണ് സി​വി​ൽ സ​മൂ​ഹ​ത്തി​ൽ​നി​ന്നു​ണ്ടാ​കേ​ണ്ട​ത്. രാ​ഷ്ട്രീ​യ​രം​ഗ​ത്തെ അ​ഴി​മ​തി ത​ട​യാ​നു​ള്ള ലോ​ക്പാ​ലി​ൽ വെ​ള്ളം ചേ​ർ​ത്ത​പ്പോ​ൾ കാ​ര്യ​മാ​യ പ്ര​തി​ഷേ​ധ​മൊ​ന്നും ഉ​യ​രാ​ത്ത സി​വി​ൽ സ​മൂ​ഹ​മാ​ണ് ന​മ്മു​ടേ​ത്. മ​റു​വ​ശ​ത്ത് വി​വ​രാ​വ​കാ​ശ നി​യ​മം​പോ​ലെ അ​ധി​കാ​ര രാ​ഷ്ട്രീ​യ​ത്തി​ൽ ഇ​ട​പെ​ടാ​നു​ള്ള അ​വ​സ​ര​ങ്ങ​ൾ വ​ള​രെ കു​റ​ച്ചാ​ണ് നാം ​ഉ​പ​യോ​ഗി​ക്കു​ന്ന​ത് എ​ന്നാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്.

സാ​മൂ​ഹി​ക​രം​ഗ​ത്തും പ്രാ​ഥ​മി​ക വി​ദ്യാ​ഭ്യാ​സ​രം​ഗ​ത്തും ജീ​വി​ത​നി​ല​വാ​ര​രം​ഗ​ത്തും കേ​ര​ളം താ​ര​ത​മ്യേ​ന മു​ന്നി​ലാ​വാ​നു​ള്ള കാ​ര​ണ​ത്തെ കു​റി​ച്ചു​ള്ള അ​വ​കാ​ശ​വാ​ദ​ങ്ങ​ൾ നി​ര​ന്ത​രം കേ​ൾ​ക്കു​ന്ന​താ​ണ​ല്ലോ. ഇ​രുമു​ന്ന​ണി​ക​ളും ഏ​റ​ക്കു​റെ തു​ല്യ കാ​ല​മാ​ണ് ഭ​രി​ച്ച​തെ​ങ്കി​ലും ത​ങ്ങ​ളാ​ണ് ഈ ​പു​രോ​ഗ​തി​ക​ൾ​ക്ക് കാ​ര​ണ​മെ​ന്നു സ്​​ഥാ​പി​ക്കാ​ൻ ഇ​ട​തു​പ​ക്ഷ​ത്തി​നു ക​ഴി​ഞ്ഞി​ട്ടു​ണ്ട്. വാ​സ്​​ത​വ​മെ​ന്താ​ണ്? കേ​ര​ള​ത്തി​ന്റെ സാ​മൂ​ഹി​ക പു​രോ​ഗ​തി​ക്കു പ്ര​ധാ​ന കാ​ര​ണം ഈ ​പ്ര​സ്​​ഥാ​ന​ങ്ങ​ൾ​ക്കു മു​മ്പേ ആ​രം​ഭി​ച്ച, സ​മൂ​ഹ​ത്തെ അ​ടി​ത്ത​ട്ടി​ൽ​നി​ന്നു​ള്ള ന​വോ​ത്ഥാ​ന മു​ന്നേ​റ്റ​ങ്ങ​ളാ​ണ്. അ​വ അ​ന്ന​ത്തെ സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ൾത​ന്നെ​യാ​ണ്. ആ ​മു​ന്നേ​റ്റ​ങ്ങ​ളെ മു​ന്നോ​ട്ടുകൊ​ണ്ടു​പോ​കാ​തി​രി​ക്കു​ക​യാ​ണ് രാ​ഷ്ട്രീ​യ​സ​മൂ​ഹം ചെ​യ്ത​ത്. അ​തു​കൊ​ണ്ടാ​ണ​ല്ലോ കേ​ര​ള​പ്പി​റ​വി​യു​ടെ 66ാം വ​ർ​ഷ​ത്തി​ൽ ജാ​തി​ക്കൊ​ല​ക​ളെ കു​റി​ച്ചും അ​ന്ധ​വി​ശ്വാ​സ അ​നാ​ചാ​ര നി​രോ​ധ​ന​നി​യ​മ​ത്തെ കു​റി​ച്ചും സ്​​ത്രീ​പീ​ഡ​ന​ങ്ങ​ളെ കു​റി​ച്ചും മ​യ​ക്കു​മ​രു​ന്നി​നെ കു​റി​ച്ചു​മൊ​ക്കെ ച​ർ​ച്ചചെ​യ്യേ​ണ്ടി​വ​രു​ന്ന​ത്. പ്രാ​ഥ​മി​ക വി​ദ്യാ​ഭ്യാ​സ പു​രോ​ഗ​തി​ക്കാ​ക​ട്ടെ പ്ര​ധാ​ന കാ​ര​ണം, മോ​ശ​പ്പെ​ട്ട പ​ല പ്ര​വ​ണ​ത​ക​ൾ​ക്കും തു​ട​ക്ക​മി​ട്ടെ​ങ്കി​ലും മി​ഷ​നറി​മാ​രാ​യി​രു​ന്നു. ജീ​വി​ത​നി​ല​വാ​രം മെ​ച്ച​പ്പെ​ടാ​ൻ പ്ര​ധാ​ന കാ​ര​ണം ഇ​ന്നും തു​ട​രു​ന്ന പ്ര​വാ​സ​മാ​ണ്. അ​ത് ജ​ന​ങ്ങ​ൾ സ്വ​യം ക​ണ്ടെ​ത്തി​യ മാ​ർ​ഗ​മാ​യി​രു​ന്നു. കേ​ര​ള​ത്തി​ൽ ന​ക്സ​ലൈ​റ്റ് പ്ര​സ്​​ഥാ​നം വ​ള​രാ​തി​രി​ക്കാ​ൻ കാ​ര​ണം പ്ര​വാ​സ​മാ​ണെ​ന്ന് സി.​ആ​ർ. പ​ര​മേ​ശ്വ​ര​ൻ നി​രീ​ക്ഷി​ച്ച​ത് ഓ​ർ​മവ​രു​ന്നു. പ്ര​വാ​സ​ത്തി​നു പ്ര​ധാ​ന കാ​ര​ണം കേ​ര​ള​ത്തി​ൽ കാ​ർ​ഷി​ക-വ്യ​വ​സാ​യ വി​ക​സ​നം ന​ട​ക്കാ​ത്ത​താ​യി​രു​ന്നു. അ​തി​നു​ള്ള ഒ​രു കാ​ര​ണം ഉ​ൽ​പാ​ദ​ന​ശ​ക്തി​ക​ളു​ടെ വി​കാ​സ​ത്തി​നും സം​രം​ഭ​ക​ത്വ​ത്തി​നും സാ​ങ്കേ​തി​ക​വി​ദ്യ​ക​ൾ​ക്കും സ​ഹാ​യ​ക​ര​മ​ല്ലാ​ത്ത നി​ല​പാ​ടു​ക​ളാ​യി​രു​ന്നു. ഉ​ൽ​പാ​ദ​ന ശ​ക്തി​ക​ളു​ടെ വി​കാ​സ​മാ​ണ് സ​മൂ​ഹ​ത്തെ മു​ന്നോ​ട്ടു​ന​യി​ക്കു​ക എ​ന്ന മാ​ർ​ക്സി​സ്റ്റ് ആ​ശ​യ​ത്തി​നു വി​രു​ദ്ധ​മാ​യി​രു​ന്നു ഇ​ട​തു​പ​ക്ഷ​മ​ട​ക്ക​മു​ള്ള​വ​രു​ടെ നി​ല​പാ​ട്. എ​ന്നി​ട്ടും എ​ന്തൊ​ക്കെ അ​വ​കാ​ശ​വാ​ദ​ങ്ങ​ളാ​ണ് കേ​ൾ​ക്കു​ന്ന​ത്..!

തൊവരിമല സമരം

സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ളെ​ന്നു കേ​ട്ടാ​ൽ മി​ക്ക​വാ​റും പേ​ർ ആ​ദ്യ​മോ​ർ​ക്കു​ക എ​ൻ.​ജി.​ഒ​ക​ളെ​യാ​ണ​ല്ലോ. തീ​ർ​ച്ച​യാ​യും അ​വ അ​തി​ന്റെ ഭാ​ഗംത​ന്നെ. പ​ക്ഷേ പ​ല​രും ചൂ​ണ്ടി​ക്കാ​ണി​ക്കു​ന്ന​പോ​ലെ സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ളു​ടെ ഊ​ർ​ജം ക​ള​യു​ന്ന​തി​ൽ അ​വ​ക്കു പ​ങ്കു​ണ്ട്. ഇ​ത്ത​രം പ്ര​സ്​​ഥാ​ന​ങ്ങ​ൾ നി​ര​വ​ധി സ​മ​ര​ങ്ങ​ൾ ന​ട​ത്തി ഉ​യ​ർ​ത്തി​ക്കൊ​ണ്ടു​വ​രു​ന്ന വി​ഷ​യ​ങ്ങ​ളെ​യാ​ണ് അ​വ​ർ ഹൈ​ജാ​ക്ക് ചെ​യ്യു​ന്ന​ത്. പ​രി​സ്​​ഥി​തി, ദ​ലി​ത്, ആ​ദി​വാ​സി, ലിം​ഗ​നീ​തി, മ​നു​ഷ്യാ​വ​കാ​ശ വി​ഷ​യ​ങ്ങ​ളി​ലെ​ല്ലാം ഇ​തു കാ​ണാം. അ​താ​ക​ട്ടെ സ​ർ​ക്കാ​റി​ന്റെ നേ​രി​ട്ടു​ള്ള നി​യ​ന്ത്ര​ണ​ത്തി​ലു​ള്ള​വ​യു​ണ്ട്. പ​ല​വി​ധ​ത്തി​ലു​ള്ള സ്​​പോ​ൺ​സ​ർ​മാ​രു​ടെ സ​ഹാ​യ​ത്തോ​ടെ നി​ല​നി​ൽ​ക്കു​ന്ന​വ​യു​ണ്ട്. വി​ദേ​ശ​സ​ഹാ​യ​ത്തോ​ടെ നി​ല​നി​ൽ​ക്കു​ന്ന​വ​യു​മു​ണ്ട്. സി​വി​ൽ സ​മൂ​ഹ​ത്തി​ലെ സ​മ​ര​സം​ഘ​ട​ന​ക​ൾ​ക്ക് ഭീ​ഷ​ണി​യാ​ണെ​ന്നു ക​രു​തി ഇ​വ​യെ ത​ള്ളി​ക്ക​ള​യു​ന്ന​തി​ൽ അ​ർ​ഥ​മൊ​ന്നു​മി​ല്ല. പ്ര​​േത്യ​കി​ച്ച് ഈ ​മേ​ഖ​ല​ക​ളി​ലെ ഗു​ണ​ഭോ​ക്താ​ക്ക​ൾ​ക്ക്. സ​മ​രം ചെ​യ്തു​ത​ന്നെ അ​വ​കാ​ശ​ങ്ങ​ളും ആ​നു​കൂ​ല്യ​ങ്ങ​ളും നേ​ടി​യെ​ടു​ക്ക​ണ​മെ​ന്ന് അ​വ​ർ​ക്ക് നി​ർ​ബ​ന്ധ​മൊ​ന്നു​മി​ല്ല​ല്ലോ. ട്രാ​ൻ​സ്​ ജെ​ൻ​ഡ​ർ മേ​ഖ​ല​ക​ളി​ലെ എ​ൻ.​ജി.​ഒ സാ​ന്നി​ധ്യം ഏ​റ്റ​വും മി​ക​ച്ച സ​മ​കാ​ലി​ക ഉ​ദാ​ഹ​ര​ണം. ക്രി​സ്റ്റ്യാ​നി​റ്റി​യു​മാ​യി ബ​ന്ധ​പ്പെ​ട്ട സം​ഘ​ട​ന​ക​ൾ ന​ട​ത്തി​യ പോ​രാ​ട്ട​ങ്ങ​ൾ ഏ​റ്റ​വും കൂ​ടു​ത​ൽ കാ​ണു​ന്ന​ത് മ​ത്സ്യ​ത്തൊ​ഴി​ലാ​ളി മേ​ഖ​ല​യി​ലാ​ണ്. ഇ​പ്പോ​ൾ ന​ട​ക്കു​ന്ന വി​ഴി​ഞ്ഞം സ​മ​ര​വും അ​തി​ന്റെ തു​ട​ർ​ച്ച​ത​ന്നെ. അ​പ്പോ​ഴും ആ ​സ​മ​ര​ത്തി​ലു​യ​രു​ന്ന ന്യാ​യ​മാ​യ ആ​വ​ശ്യ​ങ്ങ​ളെ ത​മ​സ്​​ക​രി​ക്കാ​ൻ അ​തു കാ​ര​ണ​മാ​കു​ന്നി​ല്ല. അ​തേ​സ​മ​യം, ആ​ദി​വാ​സി മേ​ഖ​ല​ക​ളി​ലെ എ​ൻ.​ജി.​ഒ സാ​ന്നി​ധ്യം ഗു​ണ​ത്തെ​ക്കാ​ളേ​റെ ദോ​ഷ​മാ​ണ് സൃ​ഷ്ടി​ച്ച​ത്. മ​റു​വ​ശ​ത്ത് രാ​ഷ്ട്രീ​യ സ​മൂ​ഹ​ത്തി​ൽ​നി​ന്നു​ള്ള വി​ച്ഛേ​ദ​നം ആ​വ​ശ്യ​മാ​ണെ​ന്ന​തി​നെ സി​വി​ൽ സാ​മൂ​ഹിക സം​ഘ​ട​ന​ക​ൾ അ​രാ​ഷ്ട്രീ​യ​മാ​ക​ണ​മെ​ന്ന് വ്യാ​ഖ്യാ​നി​ക്കു​ന്ന​വ​രു​ണ്ട്. അ​തും ഒ​രി​ക്ക​ലും അം​ഗീ​ക​രി​ക്കാ​നാ​വി​ല്ല.

അ​തി​നി​ട​യി​ൽ സി.​പി.​എംത​ന്നെ വെ​ൽ​ഫെ​യ​ർ രാ​ഷ്ട്രീ​യ​ത്തി​ലേ​ക്കു പ്ര​വേ​ശി​ച്ച​തും സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ളെ പ്ര​തി​കൂ​ല​മാ​യി ബാ​ധി​ച്ചി​രി​ക്കാം. ഡി.​വൈ.​എ​ഫ്.​ഐ അ​ട​ക്ക​മു​ള്ള വ​ർ​ഗ ബ​ഹു​ജ​ന സം​ഘ​ട​ന​ക​ളി​ലൂ​ടെ​യാ​ണ് അ​തു പ്ര​ധാ​ന​മാ​യും ശ​ക്തി​യാ​ർ​ജി​ച്ച​ത്. മെ​ഡി​ക്ക​ൽ കോ​ള​ജി​ലെ ഭ​ക്ഷ​ണ​വി​ത​ര​ണം മു​ത​ൽ സാ​ന്ത്വ​ന ചി​കി​ത്സ​വ​രെ അ​തി​ൽ​പെ​ടും. 2016 മു​ത​ൽ ഈ ​പ്ര​വ​ണ​ത ശ​ക്ത​മാ​യ​ത് ഇ​ട​തു​പ​ക്ഷം ഭ​രി​ക്കു​മ്പോ​ൾ സ​മ​രം ചെ​യ്യാ​ൻ ക​ഴി​യാ​ത്ത​തി​നാ​ൽ മാ​ത്ര​മ​ല്ല, സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ളു​ടെ മേ​ഖ​ല​ക​ളി​ൽ ഇ​ട​പെ​ടു​ക എ​ന്നൊ​രു ല​ക്ഷ്യ​വും അ​തി​നു​ണ്ടാ​യി​രു​ന്നു. പ്ര​ള​യ​വും കോ​വി​ഡു​മൊ​ക്കെ വ​ന്ന​തോ​ടെ ആ ​ധാ​ര സ​ജീ​വ​മാ​യി. ഈ ​ദി​ശ​യി​ൽ വ​ൻ​തോ​തി​ലു​ള്ള പ​ദ്ധ​തി​ക​ൾ​ക്കും നേ​ര​ത്തേ സി.​പി.​എം നേ​തൃ​ത്വം കൊ​ടു​ത്തി​ട്ടു​ണ്ട്. ജ​ന​കീ​യാ​സൂ​ത്ര​ണം, സാ​ക്ഷ​ര​താ പ്ര​സ്​​ഥാ​നം, കു​ടും​ബ​ശ്രീ എ​ന്നി​വ​യെ​ല്ലാം ഉ​ദാ​ഹ​ര​ണ​ങ്ങ​ൾ. എ​ന്നാ​ൽ, സം​ഭ​വി​ച്ച​തെ​ന്താ​ണ്? ജ​ന​കീ​യാ​സൂ​ത്ര​ണ​ത്തി​ന്റെ ഭാ​ഗ​മാ​യി പാ​ലം, റോ​ഡ് പോ​ലു​ള്ള കു​റെ അ​ടി​സ്​​ഥാ​ന സൗ​ക​ര്യ​ങ്ങ​ൾ വി​ക​സി​ച്ചു. സാ​ക്ഷ​ര​താ പ്ര​സ്​​ഥാ​ന​ത്തി​ലൂ​ടെ വ​യോ​ജ​ന​ങ്ങ​ൾ സാ​ക്ഷ​ര​രാ​യി. കു​ടും​ബ​ശ്രീ, സ്​​ത്രീ​ക​ളു​ടെ മു​ൻ​കൈ​ശേ​ഷി​യെ കെ​ട്ട​ഴി​ച്ചു​വി​ട്ടു. എ​ന്നാ​ല​വ​യെ​ല്ലാം ത​ങ്ങ​ളു​ടെ അ​ദൃ​ശ്യ​ക​ര​ങ്ങ​ളി​ലൂ​ടെ നി​യ​ന്ത്രി​ക്കു​ന്ന​തി​ൽ സി.​പി.​എം ബ​ദ്ധ​ശ്ര​ദ്ധാ​ലു​ക്ക​ളാ​യി​രു​ന്നു. ക​മ്യൂ​ണി​സ്റ്റ് പാ​ർ​ട്ടി​ക​ൾ എ​ന്തു ചെ​യ്യു​മ്പോ​ഴും പാ​ർ​ട്ടി​യു​ടെ വ​ള​ർ​ച്ച​യാ​ണ​ല്ലോ പ്ര​ധാ​നം. ഇ​വി​ടെ​യും അ​തുത​ന്നെ​യാ​യി​രു​ന്നു. അ​തി​നാ​ൽ​ത​ന്നെ സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ളെ അ​തു സ​ഹാ​യി​ച്ചി​ല്ലെ​ന്നു മാ​ത്ര​മ​ല്ല, ഫ​ല​ത്തി​ൽ വി​പ​രീ​ത​ഫ​ല​മാ​ണ് ചെ​യ്ത​ത്.

ജ​നാ​ധി​പ​ത്യ സം​വി​ധാ​ന​ത്തി​ന്റെ തി​രു​ത്ത​ൽ ശ​ക്തി​യാ​കു​ക എ​ന്ന ആ​ശ​യ​ത്തി​ൽ സി​വി​ൽ സ​മൂ​ഹ​ത്തി​ൽ​നി​ന്നു​യ​ർ​ന്നു​വ​ന്ന ആ​ശ​യ​മാ​ണ് നി​ഴ​ൽ മ​ന്ത്രി​സ​ഭ. നി​ല​വി​ലെ മ​ന്ത്രി​സ​ഭ​യു​ടെ മാ​തൃ​ക​യി​ൽ​ത​ന്നെ മ​ന്ത്രി​സ​ഭ​യു​ണ്ടാ​ക്കി, ഓ​രോ മ​ന്ത്രി​മാ​രും പ്ര​സ്​​തു​ത വ​കു​പ്പി​നെ നി​ഴ​ൽ​പോ​ലെ പി​ന്തു​ട​രു​ക​യും വി​മ​ർ​ശി​ക്കു​ക​യും നി​ർ​ദേ​ശ​ങ്ങ​ൾ മു​ന്നോ​ട്ടു​വെ​ക്കു​ക​യു​മാ​ണ് ആ​ശ​യം. കേ​ര​ള​ത്തി​ലും ഈ ​സം​വി​ധാ​നം നി​ല​നി​ൽ​ക്കു​ന്നു​ണ്ടെ​ങ്കി​ലും ന​മ്മു​ടെ സി​വി​ൽ സ​മൂ​ഹം ദു​ർ​ബ​ല​മാ​യ​തി​നാ​ലാ​വാം അ​തും ദു​ർ​ബ​ല​മാ​ണ്. പൗ​ര​മു​ഖ്യ​ന്മാ​ർ എ​ന്ന വി​ഭാ​ഗ​ത്തി​ന്റെ ഉ​ദ​യ​വും ഇ​തോ​ടൊ​പ്പം പ​രി​ഗ​ണി​ക്കേ​ണ്ട​താ​ണ്. പ്ര​ധാ​ന​മാ​യും എ​ഴു​ത്തു​കാ​രും സാം​സ്​​കാ​രി​ക നാ​യ​ക​രു​മാ​ണ് ഈ ​ഗ​ണ​ത്തി​ൽ വ​രു​ന്ന​ത്. അ​വ​ർ​ക്കു ബ​ന്ധ​മി​ല്ലാ​ത്ത മേ​ഖ​ല​യി​ലെ വി​ഷ​യ​ങ്ങ​ളെ കു​റി​ച്ചു​പോ​ലും അ​ഭി​പ്രാ​യം പ​റ​യാ​നു​ള്ള അ​വ​കാ​ശം ന​മ്മ​ള​വ​ർ​ക്ക് കൊ​ടു​ത്തി​ട്ടു​ണ്ട്. പ​ല ജ​ന​കീ​യ പ്ര​ശ്ന​ങ്ങ​ളി​ലും സ​മ​ര​ങ്ങ​ളി​ലും ഇ​വ​ർ ഒ​പ്പി​ട്ട പ്ര​സ്​​താ​വ​ന​ക​ൾ ഗു​ണ​പ്ര​ദ​മാ​കാ​റു​ണ്ടെ​ന്ന​ത് ശ​രി​യാ​ണ്. എ​ന്നാ​ൽ ഇ​ക്കൂ​ട്ട​ത്തി​ലെ മ​ഹാ​ഭൂ​രി​ഭാ​ഗ​വും ഇ​ട​തു​പ​ക്ഷ​വു​മാ​യി ഒ​ട്ടി​നി​ൽ​ക്കു​ന്ന​വ​രും സാം​സ്​​കാ​രി​കാ​ധി​കാ​ര​ത്തി​ൽ പ​ങ്കാ​ളി​ക​ളാ​യ​വ​രും ആ​ഗ്ര​ഹി​ക്കു​ന്ന​വ​രു​മാ​യ​തി​നാ​ൽ ഇ​ട​തു​സ​ർ​ക്കാ​റി​നെ​തി​രെ മി​ക്ക​വ​രും രം​ഗ​ത്തു​വ​രാ​റി​ല്ല. ഇ​പ്പോ​ഴി​താ ഇ​വ​ർ​ക്കാ​യി കേ​ര​ള​ജ്യോ​തി​യും പ്ര​ഭ​യും ശ്രീ​യു​മൊ​ക്കെ രം​ഗ​ത്തു​വ​രു​ക​യും ചെ​യ്​തു. ഈ ​വി​ഭാ​ഗ​ത്തെ സ​ർ​ക്കാ​ർ ഭം​ഗി​യാ​യി ഉ​പ​യോ​ഗി​ക്കു​ന്ന​തി​നും അ​ടു​ത്ത​യി​ടെ കേ​ര​ളം സാ​ക്ഷി​യാ​യി. സി​ൽ​വ​ർ​ലൈ​നി​നെ​തി​രാ​യി ജ​ന​കീ​യ പ്ര​ക്ഷോ​ഭം ശ​ക്ത​മാ​യ​പ്പോ​ഴാ​യി​രു​ന്നു അ​ത്. ഇ​വ​രി​ലൊ​രു വി​ഭാ​ഗ​ത്തെ പൗ​ര​മു​ഖ്യ​രെ​ന്നു വി​ശേ​ഷി​പ്പി​ച്ച്് സി​ൽ​വ​ർ ലൈ​നി​നെ ന്യാ​യീ​ക​രി​ക്കു​ന്ന യോ​ഗ​ങ്ങ​ളി​ലേ​ക്ക് ക്ഷ​ണി​ക്കു​ക​യാ​യി​രു​ന്നു സ​ർ​ക്കാ​ർ ചെ​യ്ത​ത്. പ​ല ജി​ല്ല​ക​ളി​ലും ഈ ​പ​രി​പാ​ടി ന​ട​ന്നു. എ​ന്നാ​ൽ, വ്യ​ത്യ​സ്​​ത അ​ഭി​പ്രാ​യ​മു​ള്ള​വ​രെ എ​വി​ടെ​യും ക്ഷ​ണി​ച്ചി​ല്ല. മാ​ത്ര​മ​ല്ല, വ്യ​ത്യ​സ്​​ത അ​ഭി​പ്രാ​യം പ​റ​യു​ക​യും സ​മ​ര​ത്തോ​ട് സ​ഹ​ക​രി​ക്കു​ക​യും ക​വി​ത​ക​ൾ എ​ഴു​തു​ക​യും ചെ​യ്ത​വ​രെ ഈ ​പൗ​ര​മു​ഖ്യ​രി​ൽ പ​ല​രും അ​ധി​ക്ഷേ​പി​ക്കു​ന്ന​തി​നും ന​മ്മ​ൾ സാ​ക്ഷി​യാ​യ​ല്ലോ. 'ന്യൂ​സ്​ അ​വ​ർ' ച​ർ​ച്ച​ക​ളി​ൽ നി​രീ​ക്ഷ​ക​രാ​യി വ​രു​ന്ന​വ​ർ സ​ത്യ​ത്തി​ൽ സി​വി​ൽ സ​മൂ​ഹ​ത്തെ​യാ​ണ് പ്ര​തി​നി​ധാ​നം ചെ​യ്യേ​ണ്ട​ത്. പ​ക്ഷേ അ​പൂ​ർ​വം ചി​ല​ർ​ക്കേ ആ ​ത​ല​ത്തി​ലേ​ക്ക് ഉ​യ​രാ​ൻ ക​ഴി​യാ​റു​ള്ളൂ. ഭൂ​രി​ഭാ​ഗ​വും വ​ല​തു​പ​ക്ഷ, ഇ​ട​തു​പ​ക്ഷ, ബി.​ജെ.​പി നി​രീ​ക്ഷ​ക​രാ​ണ്.

ചി​ന്നി​ച്ചി​ത​റി കി​ട​ക്കു​ന്ന സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ളെ ഐ​ക്യ​പ്പെ​ടു​ത്താ​നു​ള്ള പ​ല നീ​ക്ക​ങ്ങ​ളും കേ​ര​ള​ത്തി​ൽ ന​ട​ന്നി​ട്ടു​ണ്ട്. ജ​ന​കീ​യ സാം​സ്​​കാ​രി​ക വേ​ദി​യു​ടെ ത​ക​ർ​ച്ച​ക്കു​ശേ​ഷം ന​ട​ന്ന അ​രി​യ​ന്നൂ​ർ കൂ​ടി​ച്ചേ​ര​ൽ മു​ത​ൽ അ​താ​രം​ഭി​ക്കു​ന്നു എ​ന്നു പ​റ​യാം. അ​തി​ന്റെ തു​ട​ർ​ച്ച​യാ​യി പ​ശ്ചി​മ​ഘ​ട്ട യാ​ത്ര​യ​ട​ക്കം പ​ല പ്ര​വ​ർ​ത്ത​ന​ങ്ങ​ളും ന​ട​ന്നു. തു​ട​ർ​ന്നും നി​ര​വ​ധി​ത​വ​ണ ആ ​ദി​ശ​യി​ലു​ള്ള നീ​ക്ക​ങ്ങ​ൾ ന​ട​ന്നു. മേ​ധാ പ​ട്ക​റു​ടെ നേ​തൃ​ത്വ​ത്തി​ൽ ന​ട​ന്ന നീ​ക്ക​ങ്ങ​ളു​ടെ ഫ​ല​മാ​യി നാ​ഷ​ന​ൽ അ​ല​യ​ൻ​സ്​ ഓ​ഫ് പീ​പ്​ൾ​സ്​ മൂ​വ്മെ​ന്റ് എ​ന്ന കൂ​ട്ടാ​യ്മ​യു​ടെ ഘ​ട​കം കേ​ര​ള​ത്തി​ലു​ണ്ട്. ഭ​ര​ണ​കൂ​ട​ത്തി​ന്റെ നാ​ലു തൂ​ണു​ക​ളെ​യും നി​ര​ന്ത​ര ഓ​ഡി​റ്റി​ങ്ങി​നു വി​ധേ​യ​മാ​ക്കു​ക എ​ന്ന ല​ക്ഷ്യ​ത്തോ​ടെ കെ. ​വേ​ണു​വി​ന്റെ നേ​തൃ​ത്വ​ത്തി​ൽ രൂ​പ​വ​ത്ക​രി​ച്ച ഫി​ഫ്ത്ത് എ​സ്റ്റേ​റ്റ് എ​ന്ന കൂ​ട്ടാ​യ്മ കു​റ​ച്ചു​കാ​ലം സ​ജീ​വ​മാ​യി​രു​ന്നു. ജ​ന​കീ​യ സ​മ​ര​പ്ര​വ​ർ​ത്ത​ക​രു​ടെ കൂ​ടി​ച്ചേ​ര​ൽ എ​ന്ന നി​ല​യി​ൽ, പ​ല​രു​ടെ​യും മു​ൻ​കൈ​യി​ൽ ഇ​ട​ക്കി​ടെ യോ​ഗ​ങ്ങ​ൾ ന​ട​ക്കു​ന്ന പ്ര​ദേ​ശ​മാ​ണ് ഇ​ന്നു കേ​ര​ളം. പ​ല​യി​ട​ത്തും അ​ത്ത​ര​ത്തി​ലു​ള്ള കൂ​ട്ടാ​യ്മ​ക​ൾ നി​ല​വി​ലു​ണ്ട്. അ​വ​സാ​ന​ത്തേ​ത് ര​ണ്ടു​മാ​സം മു​മ്പ് കോ​ഴി​ക്കോ​ട്ട് ന​ട​ന്നു. എ​ന്നാ​ലി​വ​യൊ​ന്നും അ​ധി​ക​കാ​ലം നി​ല​നി​ൽ​ക്കു​ന്നി​ല്ല എ​ന്ന​താ​ണ് യാ​ഥാ​ർ​ഥ്യം. അ​ങ്ങ​നെ നി​ല​നി​ർ​ത്താ​വു​ന്ന സാ​ഹ​ച​ര്യ​മോ നേ​തൃ​ത്വ​മോ നി​ല​വി​ലി​ല്ല എ​ന്നു വ്യ​ക്തം. അ​പ്പോ​ഴും ഈ ​ശ്ര​മ​ങ്ങ​ൾ തു​ട​ർ​ന്നു​കൊ​ണ്ടേ​യി​രി​ക്ക​ണം. എ​ങ്കി​ൽ മാ​ത്ര​മേ രാ​ഷ്ട്രീ​യ സ​മൂ​ഹ​ത്തി​നു​മേ​ൽ തി​രു​ത്ത​ൽ ശ​ക്തി​യെ​ന്ന നി​ല​യി​ൽ സി​വി​ൽ സ​മൂ​ഹ​ത്തി​നു ത​ങ്ങ​ളു​ടെ സാ​ന്നി​ധ്യം നി​ല​നി​ർ​ത്താ​നാ​വൂ. അ​പ്പോ​ഴും സ​മ​കാ​ലി​ക സാ​ഹ​ച​ര്യ​ത്തി​ൽ മ​റ​ക്കാ​നാ​വാ​ത്ത ഒ​ന്നു​ണ്ട്. അ​ത് അ​ടു​ത്ത​യി​ടെ സ​ക്ക​റി​യ പ​റ​ഞ്ഞ​താ​ണ്. വ​രാ​ൻ പോ​കു​ന്ന പോ​രാ​ട്ടം തി​ക​ച്ചും രാ​ഷ്ട്രീ​യ​മാ​ണ്. അ​ദ്ദേ​ഹം ഉ​ദ്ദേ​ശി​ച്ച​ത് 2024ലെ ​ലോ​ക്സ​ഭാ തെ​ര​ഞ്ഞെ​ടു​പ്പു​ത​ന്നെ. കൃ​ത്യ​മാ​യ രാ​ഷ്ട്രീ​യ പോ​രാ​ട്ടം ന​ട​ത്തി, സം​ഘ്പ​രി​വാ​റി​നെ​തി​രെ വോ​ട്ടുചെ​യ്യാ​ൻ ജ​ന​ങ്ങ​ളെ േപ്ര​രി​പ്പി​ക്ക​ലാ​ണ് ഉ​ത്ത​ര​വാ​ദ​പ്പെ​ട്ട ഏ​തൊ​രു പൗ​ര​ന്റെ​യും ക​ട​മ. പ്ര​ധാ​ന​മാ​യും ഇ​രുമു​ന്ന​ണി​ രാ​ഷ്ട്രീ​യംമൂ​ലം കേ​ര​ള​ത്തി​ൽ ഹി​ന്ദു​ത്വ​ത്തി​ന് വോ​ട്ടു​ക​ൾ കു​റ​വാ​ണെ​ങ്കി​ലും സാ​മൂ​ഹി​ക-സാം​സ്​​കാ​രി​കത​ല​ത്തി​ൽ അ​തി​ന്റെ സാ​ന്നി​ധ്യം ചെ​റു​ത​ല്ല. ശ​ബ​രി​മ​ല വി​വാ​ദ​കാ​ല​ത്ത് നാ​മ​ത് ക​ണ്ട​താ​ണ്. അ​തി​നാ​ൽ​ത​ന്നെ ഈ ​പോ​രാ​ട്ട​ത്തി​ന്റെ പ്രാ​ധാ​ന്യം തി​രി​ച്ച​റി​ഞ്ഞ് ത​ങ്ങ​ളു​ടെ ഉ​ത്ത​ര​വാ​ദി​ത്തം നി​ർ​വ​ഹി​ക്കാ​ൻ സി​വി​ൽ സ​മൂ​ഹ പ്ര​സ്​​ഥാ​ന​ങ്ങ​ളും ത​യാ​റാ​കേ​ണ്ട​താ​ണ്. അ​ല്ലാ​ത്ത​പ​ക്ഷം ഈ ​വി​ഷ​യ​ങ്ങ​ൾ ച​ർ​ച്ച​ചെ​യ്യാ​ൻ​പോ​ലും രാ​ഷ്ട്രീ​യ​സ​മൂ​ഹ​വും സി​വി​ൽ സ​മൂ​ഹ​വും ഇ​ല്ലാ​ത്ത അ​വ​സ്​​ഥ​യാ​യി​രി​ക്കും സം​ജാ​ത​മാ​കു​ക.