Begin typing your search above and press return to search.
proflie-avatar
Login

ക​​ട​​ലി​​നും ചെ​​കു​​ത്താ​​നും ന​​ടു​​വി​​ലകപ്പെട്ടവർ; എന്താണ് വിഴിഞ്ഞത്ത് സംഭവിക്കുന്നത്

ക​​ട​​ലി​​നും ചെ​​കു​​ത്താ​​നും ന​​ടു​​വി​​ലകപ്പെട്ടവർ; എന്താണ് വിഴിഞ്ഞത്ത് സംഭവിക്കുന്നത്
cancel

​​തി​വി​​നാ​​ശ​​ക​​ര​​മാ​​യ ദു​​ര​​ന്ത​​ത്തി​​ലേ​​ക്കു​​ള്ള യാ​​ത്ര നി​​ർ​ത്തി​വെ​​ക്ക​​ണ​​മെ​​ന്ന് ആ​​വ​​ശ്യ​​പ്പെ​​ട്ട് കേ​​ര​​ള​​ത്തി​​ന്റെ തെ​​ക്കു​ഭാ​​ഗ​​ത്തൊ​​രി​​ട​​ത്ത് ഒ​​രു​കൂ​​ട്ടം മ​​നു​​ഷ്യ​​ർ സ​​മ​​ര​​ത്തി​​ലാ​​ണ്. എ​​ന്നാ​​ൽ, വി​​ഴി​​ഞ്ഞം അ​​ന്താ​​രാ​​ഷ്ട്ര തു​​റ​​മു​​ഖ​​ത്തി​​ലൂ​​ടെ വി​​ക​​സ​​നം പ​​ടി​​ക​​യ​​റി​​വ​​രു​​ന്നു​​ണ്ടെ​​ന്നും അ​​തി​​നെ ത​​ട​​യ​​രു​​തെ​​ന്നും സ​​മ​​രം ചെ​​യ്യു​​ന്ന​​വ​​ർ വി​​ക​​സ​​ന​​വി​​രു​​ദ്ധ​​രാ​​ണെ​​ന്നും മ​​റു​​പ​​ക്ഷം വാ​​ദം ഉ​​ന്ന​​യി​​ക്കു​​ന്നു. ''ക​​ട​​ലി​​നും ചെ​​കു​​ത്താ​​നും ന​​ടു​​വി​​ൽ'' എ​​ന്ന പ​​ഴം​​ചൊ​​ല്ലി​​നെ അ​​ന്വ​​ർ​​ഥ​മാ​​ക്കു​​ന്ന കാ​​ര്യ​​ങ്ങ​​ളാ​​ണ് തി​​രു​​വ​​ന​​ന്ത​​പു​​ര​​ത്ത് അ​​ര​​ങ്ങേ​​റു​​ന്ന​​ത്. ക​​ട​​ലെ​​ടു​​ക്കു​​ന്ന തീ​​ര​​ത്തു​നി​​ന്നും കി​​ട്ടി​​യ​​തും കൈ​യി​ൽ പെ​​റു​​ക്കി ഗോ​​ഡൗ​​ണു​​ക​​ളി​​ലേ​​ക്കും സ്‌​​കൂ​​ളു​​ക​​ളി​​ലേ​​ക്കും ഓ​​ടി​ര​​ക്ഷ​​പ്പെ​​ടു​​ക​​യും അ​​വി​​ട​​ങ്ങ​​ളി​​ൽ കൊ​​തു​​കി​​നു സ​​മാ​​ന​​മാ​​യി ക​​ഴി​​യേ​​ണ്ടിവ​​രുക​​യും ചെ​​യ്യു​​ന്ന​​വ​​രു​​ടെ ദു​​ര​​വ​​സ്ഥ ന​​മ്മു​​ടെ ക​​ണ്ണു​​ക​​ളി​​ൽ​പെ​​ടു​​ന്നേ​​യി​​ല്ല. അ​​തു​കൊ​​ണ്ടാ​​ണ​​ല്ലോ, ഭ​​ര​​ണ സി​​രാ​​കേ​​ന്ദ്ര​​ത്തി​​ന്റെ മൂ​​ക്കി​​നു തു​​മ്പി​​ൽ കു​​റെ മ​​നു​​ഷ്യ​​ർ അ​​ഭ​​യാ​​ർ​​ഥി​​ക​​ളാ​​യി ക​​ഴി​​യേ​​ണ്ടി​വ​​രു​​ന്ന​​ത്.

ക​​ട​​ലി​​നു​​മു​​ണ്ട് ഒ​​രു നീ​​തി. ക​​ട​​ലി​​ൽ തു​​ര​​ന്നാ​​ൽ, തീ​​ര​​ത്തു​നി​​ന്നും മ​​ണ്ണ് വ​​ലി​​ക്കും ക​​ട​​ൽ. ക​​ട​​ലി​​ൽ ക​​ല്ലി​​ട്ടാ​​ൽ തീ​​ര​​ത്ത് ഒ​​രു​വ​​ശ​​ത്തു തീ​​രം വെ​​ക്കു​​ക​​യും മ​​റു​വ​​ശ​​ത്ത് തീ​​രം ന​​ഷ്ട​​പ്പെ​​ടു​​ക​​യും ചെ​​യ്യും. ക​​ട​​ലി​​ന്റെ നീ​​തി​​ക്കു മു​​ന്നി​​ൽ മ​​നു​​ഷ്യ​​ർ വെ​​റും അ​​ശു​​ക്ക​​ളാ​​ണ്. എ​​ന്നി​​ട്ടും ക​​ട​​ലി​​നെ വെ​​ല്ലു​​വി​​ളി​​ക്കു​​ക​​യും ക​​ട​​ലി​​ൽ ക​​ല്ലി​​ട്ടു തൂ​​ർ​​ക്കു​​ക​​യും ക​​ട​​ലി​​ന്റെ അ​​ടി​​ത്ത​​ട്ട് തു​​ര​​ന്ന് മ​​ണ​​ൽ കോ​​രു​​ക​​യും ചെ​​യ്യാ​​ൻ ഭ​​ര​​ണാ​​ധി​​കാ​​രി​​ക​​ൾ മ​​ടി​​ക്കു​​ന്നി​​ല്ല. ഫ​​ല​​മോ, തീ​​ര​​ത്തു​​ള്ള പ​​ട്ടി​​ണി​​പ്പാ​​വ​​ങ്ങ​​ളാ​​യ മ​​ത്സ്യ​​ത്തൊ​​ഴി​​ലാ​​ളി​​ക​​ളു​​ടെ ഒ​​രേ​​യൊ​​രു സ​​മ്പാ​​ദ്യ​​മാ​​യ വീ​​ട് ക​​ട​​ൽ വി​​ഴു​​ങ്ങു​​ന്നു. വീ​​ടി​​ന​​ക​​ത്തെ മ​​നു​​ഷ്യ​​ർ അ​​വ​​രു​​ടെ സ്വ​​പ്ന​​ങ്ങ​​ളെ ക​​ട​​ലി​​ൽ വീ​​ഴാ​​ൻ വി​​ട്ടി​​ട്ട് ജീ​​വ​​നും​കൊ​​ണ്ട് ഓ​​ടി​​പ്പോ​​കേ​​ണ്ടിവ​​രു​​ന്നു.

കടൽഭിത്തി നിർമാണം- തിരുവനന്തപുരത്തുനിന്ന്​ ഒരു ദൃശ്യം

മ​​ൺ​​സൂ​​ൺ തു​ട​ങ്ങി​യ​പ്പോ​ൾ​ത​ന്നെ പൂ​​ന്തു​​റ​പോ​​ലു​​ള്ള അ​​തി​ദ​​രി​​ദ്ര​​മാ​​യ പ​​ര​​മ്പ​​രാ​​ഗ​​ത മ​​ത്സ്യ​​ത്തൊ​​ഴി​​ലാ​​ളി ഗ്രാ​​മ​​ങ്ങ​​ളെ ക​​ട​​ലെ​​ടു​​ക്കാ​​ൻ തു​​ട​​ങ്ങി. 2022 ജൂ​​ൺ 30ന്, ​​ഫി​​ഷ​​റീ​​സ് മ​​ന്ത്രി​ സ​​ജി ചെ​​റി​​യാ​​ൻ നി​​യ​​മ​​സ​​ഭാ സ​​മ്മേ​​ള​​ന​​ത്തി​​ൽ സാ​​മാ​​ജി​​ക​​ർ​​ക്കു കൈ​​മാ​​റി​​യ വി​​വ​​ര​പ്ര​​കാ​​രം തി​​രു​​വ​​ന​​ന്ത​​പു​​രം ജി​​ല്ല​​യി​​ൽ തീ​​ര​​ശോ​​ഷ​​ണം​മൂ​​ലം വീ​​ട് ന​​ഷ്ട​​പ്പെ​​ട്ട കു​​ടും​​ബ​​ങ്ങ​​ളു​​ടെ എ​​ണ്ണം 71. ഇ​​ത്ര​​യും കു​​ടും​​ബ​​ങ്ങ​​ളി​​ലാ​​യി 260 പേ​​രു​​ണ്ട്. 12 ക്യാ​​മ്പു​​ക​​ളി​​ലാ​​യാ​​ണ് ഇ​​വ​​ർ ക​​ഴി​​യു​​ന്ന​​ത്. ഈ 71 ​​കു​​ടും​​ബ​​ങ്ങ​​ളി​​ൽ ഏ​​ഴു​പേ​​ർ​​ക്ക് മാ​​ത്ര​​മാ​​ണ് സ്വ​​ന്ത​​മാ​​യി ഭൂ​​മി ക​​ണ്ടെ​​ത്തി ര​​ജി​​സ്റ്റ​​ർ ചെ​​യ്ത​​ത്. ബാ​​ക്കി 64 കു​​ടും​​ബ​​ങ്ങ​​ൾ അ​​നി​​ശ്ചി​​ത​​കാ​​ലം തെ​​രു​​വി​​ൽ ക​​ഴി​​യാ​​ൻ വി​​ധി​​ക്ക​​പ്പെ​​ട്ട​​വ​​രാ​​ണെ​​ന്ന് ചു​​രു​​ക്കം. നി​​യ​​മ​​സ​​ഭ​​യെത​​ന്നെ അ​​റി​​യി​​ച്ച മ​​റ്റൊ​​രു ക​​ണ​​ക്കു​പ്ര​​കാ​​രം, പൊ​​തു​സ​​മൂ​​ഹ​​വു​​മാ​​യി താ​​ര​​ത​​മ്യം ചെ​​യ്യു​​മ്പോ​​ൾ പൊ​​തു​​വി​​ഭാ​​ഗ​​ത്തി​​ന്റെ വാ​​ർ​​ഷി​​ക പ്ര​​തി​​ശീ​​ർ​​ഷ വ​​രു​​മാ​​ന​​ത്തി​​ന്റെ പ​​കു​​തി​​യി​​ൽ മാ​​ത്ര​​മാ​​ണ് മ​​ത്സ്യ​​ത്തൊ​​ഴി​​ലാ​​ളി​​ക​​ളു​​ടെ ആ​​ളോ​​ഹ​​രി പ്ര​​തി​​ശീ​​ർ​​ഷ വ​​രു​​മാ​​നം. അ​​താ​​യ​​ത്, 2015-16 വ​​ർ​​ഷ​​ത്തി​​ൽ പൊ​​തുവി​​ഭാ​​ഗ​​ത്തി​​ന്റേ​​ത് 1,64,554 രൂ​​പ​​യും മ​ത്സ്യ​ത്തൊ​ഴി​​ലാ​​ളി​​യു​​ടേ​​ത് 81,494 രൂ​​പ​​യു​​മാ​​ണ്. ഇ​​ത്ത​​ര​​ത്തി​​ൽ പ്ര​​ക​​ട​​മാ​​യ വ​​രു​​മാ​​ന​ഭേ​​ദ​​മു​​ള്ള മ​​നു​​ഷ്യ​​ർ, ഉ​​ള്ള വീ​​ട് കൂ​​ടി ന​​ഷ്ട​​മാ​​യി തെ​​രു​​വി​​ലി​​റ​​ങ്ങു​​മ്പോ​​ൾ, എ​​ങ്ങ​​നെ​​യാ​​ണ് വീ​​ണ്ടും മ​​റ്റൊ​​രു വീ​​ടി​​നും സ്ഥ​​ല​​ത്തി​​നും പ​​ണം ക​​ണ്ടെ​​ത്തു​​ക. സ​​ർ​​ക്കാ​​ർ കൊ​​ടു​​ക്കു​​ന്ന ധ​​ന​​സ​​ഹാ​​യം ഒ​​ന്നി​​നും തി​​ക​​യി​​ല്ലെ​​ന്നു ത​​ന്നെ​​യാ​​ണ് അ​​വ​​രു​​ടെ പ​​രാ​​തി.

പ്ര​​തി​​ഷേ​​ധം ശ​​ക്തി​​പ്പെ​​ടു​​ന്നു

വി​​ഴി​​ഞ്ഞം അ​​ദാ​​നി തു​​റ​​മു​​ഖ​​ത്തി​​നെ​​തി​​രെ ക​​ർ​​ഷ​​ക-മ​​ത്സ്യ​​ത്തൊ​​ഴി​​ലാ​​ളി പ്ര​​തി​​ഷേ​​ധം രൂ​​ക്ഷ​​മാ​​കു​​ക​​യാ​​ണ്. നാ​​ശം വി​​ത​​ക്കു​​ന്ന വി​​ഴി​​ഞ്ഞം അ​​ദാ​​നി തു​​റ​​മു​​ഖ പ​​ദ്ധ​​തി നി​​ർ​ത്തി​​വെ​​ക്ക​​ണ​​മെ​​ന്ന ആ​​വ​​ശ്യ​​മു​​യ​​ർ​​ത്തി സ​​മ​​ര​​പ​​രി​​പാ​​ടി​​ക​​ളു​​മാ​​യി വി​​വി​​ധ മ​​ത്സ്യ​​ത്തൊ​​ഴി​​ലാ​​ളി സം​​ഘ​​ട​​ന​​ക​​ളും ക​​ർ​​ഷ​​ക സം​​ഘ​​ട​​ന​​ക​​ളും ക​​ട​​ൽ-പ​​രി​​സ്ഥി​​തി സം​​ഘ​​ട​​ന​​ക​​ളും കൈ​​കോ​​ർ​​ത്തു. ജൂ​​ൺ അ​​ഞ്ച്, പ​​രി​​സ്ഥി​​തി ദി​​ന​​ത്തി​​ൽ സം​​യു​​ക്ത സം​​ഘ​​ട​ന​​യു​​ടെ നേ​​തൃ​​ത്വ​​ത്തി​​ൽ വി​​ഴി​​ഞ്ഞം പോ​​ർ​​ട്ടി​​നെ​​തി​​രെ, അ​​ന്താ​​രാ​​ഷ്ട്ര വി​​മാ​​ന​​ത്താ​​വ​​ള​​ത്തി​​നു മു​​ന്നി​​ൽ റി​​ലേ സ​​ത്യ​ഗ്ര​​ഹം ന​​ട​​ന്നു​വ​​രു​​ക​​യാ​​ണ്. ജൂ​​ലൈ 12ന് ​​ഇ​​ത് 36 ദി​​വ​​സം പി​​ന്നി​​ട്ടു. 2015ൽ ​​വി​​ഴി​​ഞ്ഞ​​ത്ത് അ​​ദാ​​നി​​യു​​ടെ വാ​​ണി​​ജ്യ തു​​റ​​മു​​ഖ നി​​ർ​​മാ​​ണം തു​​ട​​ങ്ങി​​യ​ശേ​​ഷം വ​​ലി​​യ പ്ര​​ശ്ന​ങ്ങ​​ളാ​​ണ് നേ​​രി​​ടു​​ന്ന​​തെ​​ന്നു തീ​​ര​​ദേ​​ശ​​വാ​​സി​​ക​​ൾ പ​​റ​​യു​​ന്നു. ഓ​​രോ വ​​ർ​​ഷ​​വും കൂ​​ടു​​ത​​ൽ വീ​​ടു​​ക​​ൾ ക​​ട​​ലേ​​റ്റ​​ത്തി​​ൽ ത​​ക​​രു​​ന്നു. പ​​ന​​ത്തു​​റ മു​​ത​​ൽ വേ​​ളി വ​​രെ നി​​ര​​വ​​ധി കു​​ടും​​ബ​​ങ്ങ​​ൾ അ​​ഭ​​യാ​​ർ​​ഥി​​ക​​ളാ​​യി സ്‌​​കൂ​​ൾ വ​​രാ​​ന്ത​​ക​​ളി​​ലും ഗോ​​ഡൗ​​ണു​​ക​​ളി​​ലും ക​​ഴി​​യു​​ന്നു. വി​​ഴി​​ഞ്ഞം ഫി​​ഷി​​ങ് ഹാ​​ർ​​ബ​​റി​​ൽ വ​​ള്ള​​ങ്ങ​​ൾ ത​​ക​​രു​​ന്നു. മ​​ത്സ്യ​​ത്തൊ​​ഴി​​ലാ​​ളി​​ക​​ൾ മ​​രി​​ക്കു​​ന്നു. ഇ​​ത്ത​​രം പോ​​ർ​​ട്ട് നി​​ർ​​മാ​​ണ​​വും ക​​ട​​ൽ​തു​​ര​​ക്ക​​ലും മൂ​​ലം സ​​മീ​​പതീ​​ര​​ങ്ങ​​ൾ ന​​ഷ്ട​​മാ​​കു​​മെ​​ന്ന് ശാ​​സ്ത്രീ​​യ പ​​ഠ​​ന​​ങ്ങ​​ൾ ഉ​​ണ്ടെ​​ന്നും അ​​വ​​ർ ചൂ​​ണ്ടി​​ക്കാ​​ണി​​ക്കു​​ന്നു.

കേ​​ര​​ള സ്വ​​ത​​ന്ത്ര മ​ത്സ്യ​ത്തൊ​ഴി​​ലാ​​ളി ഫെ​​ഡ​​റേ​​ഷ​​ൻ, രാ​​ഷ്ട്രീ​​യ കി​​സാ​​ൻ മ​​ഹാ​സം​​ഘ്, സേ​​വാ യൂ​​നി​യ​​ൻ, കോ​​സ്റ്റ​​ൽ വാ​​ച്ച്, ടി.​​എം.​​എ​​ഫ് യൂ​​നി​​യ​​ൻ, കോ​​സ്റ്റ​​ൽ സ്റ്റു​​ഡ​​ന്റ​്സ് ക​​ൾ​​ചറ​​ൽ ഫോ​​റം, ട്രീ ​​വാ​​ക്ക്, എ.​​ഐ.​​സി.​​യു.​​എ​​ഫ്, സ്ത്രീ ​​നി​​കേ​​ത് വ​​നി​​താ ഫെ​​ഡ​​റേ​​ഷ​​ൻ, പ​​ശ്ചി​​മ​​ഘ​​ട്ട സം​​ര​​ക്ഷ​​ണ സ​​മി​​തി, എ​​സ്.​​യു.​​സി.​​ഐ, ഏ​​ക​​താ പ​​രി​​ഷ​​ത്ത്, വോ​​യി​​സ് എ​​ന്നീ സം​​ഘ​​ട​​ന​​ക​​ളു​​ടെ സം​​യു​​ക്ത സ​​മി​​തി​​യാ​​ണ് സ​​മ​​ര​​ത്തി​​ന് നേ​​തൃ​​ത്വം ന​​ൽ​​കു​​ന്ന​​ത്. കൂ​​ടം​​കു​​ളം സ​​മ​​ര​​നാ​​യ​​ക​​ൻ എ​​സ്.​​പി. ഉ​​ദ​​യ​​കു​​മാ​​റാ​​ണ് ഉ​​ദ്ഘാ​​ട​​നം​ചെ​​യ്ത​​ത്. ഓ​​രോ ദി​​വ​​സ​​വും സ​​ത്യ​​ഗ്ര​​ഹ പ​​ന്ത​​ലി​​ലേ​​ക്ക് കൂ​​ടു​​ത​​ൽ സം​​ഘ​​ട​​ന​​ക​​ളും മ​​ത്സ്യ​​ത്തൊ​​ഴി​​ലാ​​ളി​​ക​​ളും എ​​ത്തി​​ച്ചേ​​രു​​ന്നു​​ണ്ട്. വീ​​ടു​​ക​​ൾ ന​​ഷ്ട​​മാ​​യ കു​​ടും​​ബ​​ങ്ങ​​ൾ​ക്ക് ഉ​​ട​​ന​​ടി പു​​ന​​ര​​ധി​​വാ​​സം ന​​ൽ​​കു​​ക എ​​ന്ന​​താ​​ണ് ഇ​​വ​​രു​​ടെ ആ​​വ​​ശ്യ​​ങ്ങ​​ളി​​ൽ ഒ​​ന്ന്. ഇ​​തി​​ന് ഉ​​ത്ത​​ര​​വാ​​ദി​​ക​​ളാ​​യ അ​​ദാ​​നി​​യും സ​​ർ​​ക്കാ​​രും പ​​രി​​ഹാ​​രം ക​​ണ്ടെ​​ത്ത​​ണം എ​​ന്നാ​​ണ് അ​​വ​​രു​​ടെ ആ​​വ​​ശ്യം. ക​​ട​​ൽ​ഭി​​ത്തി​​ക​​ൾ ഇ​​ടു​​ന്ന​ത് ശാ​​ശ്വ​​ത​​മ​​ല്ല. താ​​ൽ​ക്കാ​​ലി​​ക​​മാ​​യി പ​​രി​​ഹ​​രി​​ക്കാം എ​​ന്ന​​ത​​ല്ലാ​​തെ മ​​റ്റൊ​​രു ഗു​​ണ​​വു​​മി​​ല്ല. ഇ​​വി​​ടെ ക​​ല്ലി​​ട്ടാ​​ൽ അ​​ങ്ങേ​​പ്പു​​റ​​ത്തു ക​​ട​​ലേ​​റ്റം വ്യാ​​പി​​ക്കും എ​​ന്ന ദോ​​ഷം​കൂ​​ടിയുണ്ട്. ക​​ട​​പ്പു​​റ​​ങ്ങ​​ൾ ഇ​​ല്ലാ​​താ​​യ​​തോ​​ടെ മീ​​ൻ​​പി​​ടി​ത്തം അ​​സാ​​ധ്യ​​മാ​​യി. ക​​ട​​ലി​​ൽ​നി​​ന്ന് വ​​ല വ​​ലി​​ച്ചു ക​​യ​​റ്റാ​​ൻ ഇ​​ടം ഇ​​ല്ലാ​​താ​​യി. അ​​ത്ത​​ര​​ത്തി​​ൽ മീ​​ൻ പി​​ടി​​ക്കു​​ന്ന ക​​മ്പ​​വ​​ല തൊ​​ഴി​​ലാ​​ളി​​ക​​ൾ ദു​​രി​​ത​​ത്തി​​ലാ​​ണ്. അ​​ദാ​​നി​​യു​​ടെ തു​​റ​​മു​​ഖ​​ത്തി​​നു​​ള്ള നി​​ർ​​മാ​​ണ പ്ര​​വൃ​​ത്തി​​ക​​ൾ പ​​കു​​തി​പോ​​ലും ആ​​യി​​ട്ടി​​ല്ലെ​​ന്നും ഇ​​പ്പോ​​ൾ​ത​​ന്നെ നൂ​​റു​​ക​​ണ​​ക്കി​​ന് വീ​​ടു​​ക​​ൾ ന​​ഷ്ട​​പ്പെ​​ട്ടെ​​ന്നും അ​​വ​​ർ ചൂ​​ണ്ടി​​ക്കാ​​ണി​​ക്കു​​ന്നു. ഇ​​നി​​യും തു​​റ​​മു​​ഖ നി​​ർ​​മാ​​ണം തു​​ട​​ർ​​ന്നാ​​ൽ തീ​​ര​​ദേ​​ശ​​ത്തെ ക​​ട​​പ്പു​​റ​​ങ്ങ​​ളും റോ​​ഡു​​ക​​ളും വീ​​ടു​​ക​​ളും അ​​നു​​ബ​​ന്ധ സൗ​​ക​ര്യ​​ങ്ങ​​ളും എ​​ല്ലാം ക​​ട​​ലെ​​ടു​​ക്കു​​മെ​​ന്നും ദു​​രി​​ത​​ത്തി​​ലാ​​കു​​മെ​​ന്നും അ​​വ​​ർ ആ​​ശ​​ങ്ക​​പ്പെ​​ടു​​ന്നു.

തിരുവനന്തപുരത്തെ തീരദേശ കാഴ്ച

സം​​യു​​ക്ത സ​​മ​​ര​സ​​മി​​തി​​യു​​ടെ അ​​ടി​​യ​​ന്ത​ര ആ​​വ​​ശ്യ​​ങ്ങ​​ൾ

1. അ​​ദാ​​നി​​യു​​ടെ വി​​ഴി​​ഞ്ഞം തു​​റ​​മു​​ഖ​നി​​ർ​​മാ​​ണം നി​​ർ​ത്തി​വെ​​ക്കു​​ക.

2. വീ​​ടു​​ക​​ൾ ന​​ഷ്ട​​മാ​​യ​​വ​​ർ​​ക്ക് ആ​​നു​​പാ​​തി​​ക​​മാ​​യ ന​​ഷ്ട​​പ​​രി​​ഹാ​​ര​​വും പു​​ന​​ര​​ധി​​വാ​​സ​​വും ന​​ൽ​​കു​​ക.

3. പ​​ര​​മ്പ​​രാ​​ഗ​​ത മ​ത്സ്യ​ത്തൊ​ഴി​ലാ​​ളി​​ക​​ളു​​ടെ തൊ​​ഴി​​ലി​​ട​​ങ്ങ​​ളാ​​യ ക​​ട​​പ്പു​​റം വീ​​ണ്ടെ​​ടു​​ക്കാ​​ൻ ന​​ട​​പ​​ടി​​ക​​ൾ സ്വീ​​ക​​രി​​ക്കു​​ക.

അ​​ദാ​​നി​​യു​​മാ​​യി ക​​രാ​​ർ ഒ​​പ്പി​​ട്ട​​ത് യു.​​ഡി.​​എ​​ഫ് ആ​​ണ്. തു​​റ​​മു​​ഖ നി​​ർ​മാ​​ണ​​ത്തി​​ന് ആ​​വ​​ശ്യ​​മാ​​യ എ​​ല്ലാ ഒ​​ത്താ​​ശ​​ക​​ളും എ​​ൽ.​​ഡി.​​എ​​ഫും. ര​​ണ്ടു കൂ​​ട്ട​​രും പ​​ദ്ധ​​തി​​യെ പ​​ര​​സ്യ​​മാ​​യി എ​​തി​​ർ​​ക്കാ​​ൻ ത​​യാ​​റ​​ല്ല. അ​​തി​​നാ​​ൽ ഈ ​​പ​​ദ്ധ​​തി നി​​ർ​ത്തി​​വെ​​ക്ക​​ണം എ​​ന്ന ആ​​വ​​ശ്യ​​ത്തോ​​ട് യോ​​ജി​​ക്കു​​ന്ന​​വ​​രെ​​ല്ലാം മു​​ന്നോ​​ട്ടുവ​​ര​​ണ​​മെ​​ന്നും സ​​മ​​ര​​സ​​മി​​തി​​ക്കാ​​ർ ആ​​വ​​ശ്യ​​പ്പെ​​ടു​​ന്നു.

പു​​ലി​​മു​​ട്ടി​​നാ​​യി കൂ​​ടു​​ത​​ൽ ക്വാ​​റി​​ക​​ൾ

പ്ര​​തി​​ഷേ​​ധ​​ങ്ങ​​ൾ​​ക്കി​​ടെ വി​​ഴി​​ഞ്ഞം തു​​റ​​മു​​ഖ​​ത്തി​​നു​​ള്ള ബ്രേ​​ക്ക് വാ​​ട്ട​​ർ നി​​ർ​​മാ​​ണം 1810 മീ​​റ്റ​​ർ പി​​ന്നി​​ട്ടു. മൂ​​ന്നു കി​​ലോ​​മീ​​റ്റ​​റി​​ല​​ധി​​കം നീ​​ള​​ത്തി​​ൽ, 'L' ഷേപ്പി​​ലു​​ള്ള ബ്രേ​​ക്ക് വാ​​ട്ട​​ർ നി​​ർ​​മാ​​ണം പു​​രോ​​ഗ​​മി​​ക്കു​​ന്ന​​തി​​നി​​ടെ നി​​ര​​വ​​ധി​ത​​വ​​ണ ക​​ട​​ലേ​​റ്റ​​ത്തി​​ൽ ത​​ക​​ർ​​ന്നു ത​​രി​​പ്പ​​ണ​​മാ​​യി​​രു​​ന്നു. 2022 ഡി​​സം​​ബ​​റി​​ൽ​ത​​ന്നെ വി​​ഴി​​ഞ്ഞ​​ത്ത് ആ​​ദ്യ ക​​പ്പ​​ൽ അ​​ടു​​പ്പി​​ക്കു​​മെ​​ന്നാ​​ണ് തു​​റ​​മു​​ഖ മ​​ന്ത്രി അ​​ഹ​​മ്മ​​ദ് ദേ​​വ​​ർ​​കോ​​വി​​ൽ അ​​വ​​കാ​​ശ​​പ്പെ​​ടു​​ന്ന​​ത്.

തു​​റ​​മു​​ഖ നി​​ർ​​മാ​​ണ​​ത്തി​​നു​​ള്ള ക​​രാ​​ർ പ്ര​​കാ​​രം 2015 ഡി​​സം​​ബ​​ർ അ​​ഞ്ചി​​ന് ആ​​രം​​ഭി​​ച്ച ഒ​​ന്നാം ഘ​​ട്ട നി​​ർ​​മാ​​ണ പ്ര​​വ​​ർ​​ത്ത​​ന​​ങ്ങ​​ൾ 2019 ഡി​​സം​​ബ​​ർ മൂ​​ന്നി​​ന് പൂ​​ർ​​ത്തീ​​ക​​രി​​ക്കേ​​ണ്ട​​താ​​യി​​രു​​ന്നു. എ​​ന്നാ​​ൽ, ഇ​​ന്നുവ​​രെ​​യും നി​​ർ​​മാ​​ണം പൂ​​ർ​​ത്തി​​യാ​​യി​​ല്ല. മാ​​ത്ര​​മ​​ല്ല, ക​​ട​​ൽ ഡ്രെ​​ഡ്ജി​​ങ്, പു​​ലി​​മു​​ട്ട് നി​​ർ​​മാ​​ണം എ​​ന്നി​​വ 33 ശ​​ത​​മാ​​നം മാ​​ത്ര​​മാ​​ണ് പൂ​​ർ​​ത്തി​​യാ​​യ​​ത് എ​​ന്നാ​​ണ് തു​​റ​​മു​​ഖ മ​​ന്ത്രി നി​​യ​​മ​​സ​​ഭ​​യെ അ​​റി​​യി​​ച്ച​​ത്. ആ​​കെ 7.1 ദ​​ശ​ല​​ക്ഷം ഘ​​ന​​മീ​​റ്റ​​ർ ഡ്രെ​​ഡ്ജി​​ങ്ങും ക​​ട​​ൽ നി​​ക​​ത്ത​​ൽ പ​​രി​​പാ​​ടി​​ക​​ളു​​മാ​​ണ് ന​​ട​​ക്കേ​​ണ്ട​​ത്. ഇ​​തി​​ൽ 2.3 ദ​​ശ​​ല​​ക്ഷം ഘ​​ന​​മീ​​റ്റ​​ർ ​െഡ്ര​​ഡ്ജി​​ങ്, റി​​ക്ല​​മേ​​ഷ​​ൻ എ​​ന്നി​​വ​​യാ​​ണ് പൂ​​ർ​​ത്തീ​​ക​​രി​​ക്കാ​​നാ​​യ​​ത്. തു​​റ​​മു​​ഖ​​ത്തി​​ന്റെ പ്ര​​ധാ​​ന ഘ​​ട​​ക​​ങ്ങ​​ളി​​ൽ ഒ​​ന്നാ​​യ 3100 മീ​​റ്റ​​ർ നീ​​ള​​മു​​ള്ള പു​​ലി​​മു​​ട്ടി​​ന്റെ നി​​ർ​​മാ​​ണം പൂ​​ർ​​ത്തീ​​ക​​രി​​ച്ച് തി​​ര​​മാ​​ല​​ക​​ളി​​ൽ​നി​​ന്നും സം​​ര​​ക്ഷ​​ണം ന​​ൽ​​കി​​യാ​​ൽ മാ​​ത്ര​​മേ ​െഡ്ര​​ഡ്ജി​​ങ്ങും റി​​ക്ല​​മേ​​ഷ​​നും ബെ​​ർ​​ത്ത് നി​​ർ​​മാ​​ണ​​വും പൂ​​ർ​​ത്തീ​​ക​​രി​​ക്കാ​​നാ​​കൂ എ​​ന്ന് മ​​ന്ത്രി അ​​ഹ​​മ്മ​​ദ് ദേ​​വ​​ർ​​കോ​​വി​​ൽ വ്യ​​ക്ത​​മാ​​ക്കു​​ന്നു. എ​​ന്നാ​​ൽ, ഇ​​തി​​നാ​​യി വേ​​ണ്ട​​ത്ര പാ​​റ ല​​ഭ്യ​​മ​​ല്ലെ​​ന്നു മ​​ന്ത്രി​​യും അ​​ദാ​​നി ഗ്രൂ​​പ്പും ഒ​​രേ സ്വ​​ര​​ത്തി​​ൽ പ​​റ​​യു​​ന്നു.

ക​​ൺ​​സ​​ഷ​​ൻ ക​​രാ​​ർ പ്ര​​കാ​​രം, തു​​റ​​മു​​ഖ​​ത്തി​​ന്റെ ഒ​​ന്നാം ഘ​​ട്ട​​ത്തി​​ൽ 3100 നീ​​ള​​മു​​ള്ള പു​​ലി​​മു​​ട്ടാ​​ണ് നി​​ർ​​മി​​ക്കേ​​ണ്ട​​ത്. നി​​ല​​വി​​ൽ 1350 മീ​​റ്റ​​ർ പൂ​​ർ​​ണ​​മാ​​യും 1840 മീ​​റ്റ​​ർ വ​​രെ​​യു​​ള്ള ഭാ​​ഗം ഭാ​​ഗി​​ക​​മാ​​യും നി​​ർ​​മാ​​ണം പൂ​​ർ​​ത്തീ​​ക​​രി​​ച്ചു. പു​​ലി​​മു​​ട്ട് നി​​ർ​​മാ​​ണ​​ത്തി​​ന് ആ​​വ​​ശ്യ​​മാ​​യ ക​​രി​​ങ്ക​​ല്ലി​​ന്റെ ല​​ഭ്യ​​തക്കു​​റ​​വ് പ​​രി​​ഹ​​രി​​ക്കാ​​ൻ തി​​രു​​വ​​ന​​ന്ത​​പു​​രം, കൊ​​ല്ലം, പ​​ത്ത​​നം​​തി​​ട്ട ജി​​ല്ല​​ക​​ളി​​ലാ​​യി പു​​തി​​യ ക്വാ​​റി​​ക​​ൾ തു​​ട​​ങ്ങാ​​നും അ​​തു​വ​​ഴി ക​​ല്ല് ക​​ണ്ടെ​​ത്താ​​നാ​​ണ് അ​​ദാ​​നി ഗ്രൂ​​പ്പി​​ന്റെ ശ്ര​​മം. പാ​​റ ക​​ണ്ടെ​​ത്തി കൊ​​ടു​​ക്കേ​​ണ്ട​​ത് സ​​ർ​​ക്കാ​​റി​​ന്റെ ചു​​മ​​ത​​ല​​യ​​ല്ല എ​​ന്ന് ക​​രാ​​റി​​ൽ പ​​റ​​യു​​ന്നു​​ണ്ടെ​​ങ്കി​​ലും അ​​ദാ​​നി ഗ്രൂ​​പ്പി​​ന് ആ​​വ​​ശ്യ​​മാ​​യ ക​​രി​​ങ്ക​​ല്ലി​​നുവേ​​ണ്ടി കേ​​ര​​ള​​ത്തി​​ൽത​​ന്നെ പാ​​റ ക്വാ​​റി​​ക​​ൾ 13 എ​​ണ്ണം തു​​റ​​ന്നു​കൊ​​ടു​​ക്കാ​​ൻ സ​​ർ​​ക്കാ​​ർ തീ​​രു​​മാ​​നി​​ച്ചി​​രു​​ന്നു. എ​​ന്നാ​​ൽ, പ്ര​​ള​​യ​​ങ്ങ​​ളും മ​​ണ്ണി​​ടി​​ച്ചി​​ലു​​ക​​ളുംമൂ​​ലം തീ​​രു​​മാ​​നം ന​​ട​​പ്പാ​​ക്കു​​ന്ന​​തി​​ൽ ത​​ട​​സ്സം നേ​​രി​​ട്ടു. പു​​ലി​​മു​​ട്ടി​​നാ​​യിമാ​​ത്രം വേ​​ണം 68.70 ല​​ക്ഷം ട​​ൺ ക​​രി​​ങ്ക​​ല്ല്. എ​​ന്നാ​​ൽ, ഇ​​ത് ക​​ണ്ടെ​​ത്താ​​ൻ അ​​ദാ​​നി​​ക്ക് ആ​​യി​​ല്ല. ചെ​​റു​​കി​​ട ക്വാ​​റി​​ക​​ളി​​ൽ​നി​​ന്നും വി​​ത​​ര​​ണ​​ക്കാ​​രി​​ൽ​നി​​ന്നും ക​​രി​​ങ്ക​​ല്ല് സം​​ഭ​​രി​​ക്കു​​ന്ന​​തി​​നു അ​​ദാ​​നി ഗ്രൂ​​പ് ന​​ട​​ത്തി​​യ ശ്ര​​മം വി​​ജ​​യി​​ച്ചി​​ല്ല. ഇ​​തേ​തു​​ട​​ർ​​ന്ന് സ്വ​​ന്ത​​മാ​​യി ക്വാ​​റി​​ക​​ൾ ആ​​രം​​ഭി​​ക്കാ​​നു​​ള്ള ശ്ര​​മ​​ത്തി​​ലാ​​ണ് ക​​മ്പ​​നി എ​​ന്നാ​​ണ് മ​​ന്ത്രി പ​​റ​​യു​​ന്ന​​ത്. പ​​റ​​യു​​ക മാ​​ത്ര​​മ​​ല്ല, തി​​രു​​വ​​ന​​ന്ത​​പു​​രം, കൊ​​ല്ലം ജി​​ല്ല​​ക​​ളി​​ലാ​​യി ര​​ണ്ടു ക്വാ​​റി​​ക​​ൾ നേ​​രി​​ട്ടും. 50 ശ​​ത​​മാ​​നം പാ​​റ വി​​ഴി​​ഞ്ഞം തു​​റ​​മു​​ഖ​​ത്തി​​ന് ന​​ൽ​​ക​​ണ​​മെ​​ന്ന വ്യ​​വ​​സ്ഥ​​യി​​ൽ മൂ​​ന്ന് ക്വാ​​റി​​ക​​ൾ സ്വ​​കാ​​ര്യ പ​​ങ്കാ​​ളി​​ക​​ൾ​​ക്കും അ​​നു​​വ​​ദി​​ച്ചു. ഇ​​തി​​നാ​​യി കേ​​ര​​ള​സ​​ർ​​ക്കാ​​റി​​ന്റെ​​യും കേ​​ന്ദ്ര സ​​ർ​​ക്കാ​​റി​​ന്റെ​​യും പാ​​രി​​സ്ഥി​​തി​​ക അ​​നു​​മ​​തി​​ക്കു​​ള്ള ന​​ട​​പ​​ടി​​ക​​ളും പൂ​​ർ​​ത്തി​​യാ​​യി. ഒ​​പ്പം, ത​​മി​​ഴ്‌​​നാ​​ട്ടി​​ൽ​നി​​ന്നും കൂ​​ടു​​ത​​ൽ പാ​​റ ക​​ണ്ടെ​​ത്തി കൊ​​ണ്ടു​വ​​രാ​​നു​​ള്ള ശ്ര​​മ​​വും കേ​​ര​​ള സ​​ർ​​ക്കാ​​ർത​​ന്നെ നേ​​രി​​ട്ട് ന​​ട​​ത്തി.

വി​​ഴി​​ഞ്ഞം പ​​ദ്ധ​​തി​​ക്ക് ആ​​വ​​ശ്യ​​മാ​​യ പാ​​റ​​ശേ​​ഖ​​രം കേ​​ര​​ള​​ത്തി​​ൽത​​ന്നെ​​യു​​ണ്ടെ​​ന്നാ​​ണ് മ​​ന്ത്രി​​യു​​ടെ പ​​ക്ഷം. എ​​ന്നാ​​ൽ, വ​​ലു​പ്പം കൂ​​ടി​​യ​​തും, പ്ര​​ത്യേ​​കം ത​​രം​​തി​​രി​​ച്ച​​തു​​മാ​​യ ക​​രി​​ങ്ക​​ല്ലു​​ക​​ളാ​​ണ് പു​​ലി​​മു​​ട്ടി​​നും ക​​ട​​ൽ​ഭി​​ത്തി​​ക്കും വേ​​ണ്ട​​ത്. എ​​ന്നാ​​ൽ, ഇ​​വ​​യു​​ടെ ഖ​​ന​​നം, ക​​ട​​ത്ത്, നി​​ക്ഷേ​​പം എ​​ന്നി​​വ​​ക്ക് കേ​​ര​​ള​​ത്തി​​ൽ കാ​​ല​​താ​​മ​​സം ഉ​​ണ്ടാ​​കു​​ന്നു​​വെ​​ന്നും നി​​യ​​മ​​സ​​ഭാ മ​​റു​​പ​​ടി​​യി​​ൽ മ​​ന്ത്രി വി​​ശ​​ദീ​​ക​​രി​​ക്കു​​ന്നു. നി​​ല​​വി​​ൽ ആ​​വ​​ശ്യ​​മാ​​യ​​തി​​ന്റെ 13 ശ​​ത​​മാ​​നം മാ​​ത്ര​​മാ​​ണ് ത​​മി​​ഴ്‌​​നാ​​ട്ടി​​ൽ​നി​​ന്നും ക​​ണ്ടെ​​ത്താ​​ൻ ക​​ഴി​​ഞ്ഞ​​ത്. അ​​തു​കൊ​​ണ്ടുത​​ന്നെ കേ​​ര​​ള​​ത്തി​​ൽ കൂ​​ടു​​ത​​ൽ ക്വാ​​റി​​ക​​ൾ ഉ​​ട​​ൻ ആ​​രം​​ഭി​​ക്കാ​​നു​​ള്ള നീ​​ക്കം ത​​കൃ​​തി​​യാ​​ണ്. നി​​ല​​വി​​ൽ അ​​ദാ​​നി​​ക്കു നേ​​രി​​ട്ടും സ്വ​​കാ​​ര്യ​​വ്യ​​ക്തി​​ക​​ൾ​​ക്കു​​മാ​​യി അ​​നു​​വ​​ദി​​ച്ച അ​​ഞ്ചെ​​ണ്ണ​​ത്തി​​ന് പു​​റ​​മെ എ​​ട്ടെ​​ണ്ണംകൂ​​ടി ര​​ണ്ടു മാ​​സ​​ത്തി​​ന​​കം തു​​റ​​ക്കും എ​​ന്നാ​​ണ് മ​​ന്ത്രി വ്യ​​ക്ത​​മാ​​ക്കു​​ന്ന​​ത്.

എ​​ന്നാ​​ൽ, പാ​​റ ക്വാ​​റി​​ക​​ൾ അ​​നു​​വ​​ദി​​ച്ച​​തി​​നെ​​തി​​രെ പ്ര​​തി​​ഷേ​​ധം ഉ​​യ​​ർ​​ന്നി​​ട്ടു​​ണ്ട്. നെ​​യ്യാ​​ർ-​​പേ​​പ്പാ​​റ വ​​ന്യ​​ജീ​​വി സ​​ങ്കേ​​ത​​ത്തി​​ന് സ​​മീ​​പം അ​​ദാ​​നി ഗ്രൂ​​പ്പി​​ന്റെ​ ക്വാ​​റി​​ക്ക് ദേ​​ശീ​​യ വ​​ന്യ​​ജീ​​വി ബോ​​ർ​​ഡി​​ന്റെ​ പ്ര​​വ​​ർ​​ത്ത​​നാ​​നു​​മ​​തി. നി​​ർ​​ദി​​ഷ്ട ക്വാ​​റി യൂ​​നി​​റ്റ് പ​​രി​​സ്ഥി​​തി​​ലോ​​ല മേ​​ഖ​​ല​​യി​​ൽ അ​​ല്ലെ​​ന്നും ക്വാ​​റി വ​​ന്യ​​ജീ​​വി സ​​ങ്കേ​​ത​​ത്തെ​യോ സം​​ര​​ക്ഷി​​ത വ​​ന​​മേ​​ഖ​​ല​​യെ​​യോ പ്ര​​തി​​കൂ​​ല​​മാ​​യി ബാ​​ധി​​ക്കി​​ല്ലെ​​ന്നും കേ​​ര​​ളം ന​​ൽ​​കി​​യ റി​​പ്പോ​​ർ​​ട്ടി​ന്റെ അ​​ടി​​സ്ഥാ​​ന​​ത്തി​​ലാ​​ണ് ന​​ട​​പ​​ടി. പ​​രി​​സ്ഥി​​തി​​ലോ​​ല മേ​​ഖ​​ല വി​​ഷ​​യ​​ത്തി​​ൽ കേ​​ര​​ള​​ത്തി​​ൽ ക​​ടു​​ത്ത ആ​​ശ​​ങ്ക​​ക​​ൾ ഉ​​യ​​രു​​ന്ന​​തി​​നി​​ടെ​​യാ​​ണ് സം​​സ്ഥാ​​ന​​ത്തി​ന്റെ നി​​ല​​പാ​​ട്.

കേ​​ന്ദ്ര വ​​നം-​​പ​​രി​​സ്ഥി​​തി മ​​ന്ത്രി ഭൂ​​പേ​​ന്ദ്ര യാ​​ദ​​വി​ന്റെ അ​​ധ്യ​​ക്ഷ​​ത​​യി​​ൽ മേ​​യ് 30ന് ​​ഓ​​ൺ​​ലൈ​​നാ​​യി ചേ​​ർ​​ന്ന ദേ​​ശീ​​യ വ​​ന്യ​​ജീ​​വി ബോ​​ർ​​ഡി​ന്റെ സ്ഥി​​രം​​സ​​മി​​തി യോ​​ഗ​​മാ​​ണ് വി​​ഴി​​ഞ്ഞം തു​​റ​​മു​​ഖ പ​​ദ്ധ​​തി ന​​ട​​ത്തി​​പ്പു​​കാ​​രാ​​യ അ​​ദാ​​നി ഗ്രൂ​​പ്പി​​ന്റെ ക്വാ​​റി​​ക്ക് നി​​ശ്ചി​​ത ഉ​​പാ​​ധി​​ക​​ളോ​​ടെ അ​​നു​​മ​​തി ന​​ൽ​​കി​​യ​​ത്. സൂ​​ര്യോ​​ദ​​യ​ത്തി​​ന് മു​​മ്പും സൂ​​ര്യാ​​സ്ത​​മ​​യ​​ത്തി​​നു​​ശേ​​ഷ​​വും ക്വാ​​റി പ്ര​​വ​​ർ​​ത്ത​​നം പാ​​ടി​​ല്ല, മ​​നു​​ഷ്യ-​​വ​​ന്യ​​ജീ​​വി സം​​ഘ​​ർ​​ഷം കു​​റ​​ക്കാ​​ൻ ന​​ട​​ത്തി​​പ്പു​​കാ​​ർ 10 ല​​ക്ഷം കെ​​ട്ടി​​വെ​​ക്ക​​ണം, നി​​ബ​​ന്ധ​​ന​​ക​​ൾ പാ​​ലി​​ച്ചു‍വെ​​ന്ന് വ്യ​​ക്ത​​മാ​​ക്കി​ക്കൊ​ണ്ടു​​ള്ള വാ​​ർ​​ഷി​​ക സ​​ർ​​ട്ടി​​ഫി​​ക്ക​​റ്റ് ക്വാ​​റി ഉ​​ട​​മ സം​​സ്ഥാ​​ന ചീ​​ഫ് വൈ​​ൽ​​ഡ് ലൈ​​ഫ് വാ​​ർ​​ഡ​​നു ന​​ൽ​​ക​​ണം, ചീ​​ഫ് വൈ​​ൽ​​ഡ് ലൈ​​ഫ് വാ​​ർ‍ഡ​​നും സ​​മാ​​ന റി​​പ്പോ​​ർ​​ട്ട് കേ​​ന്ദ്ര​സ​​ർ​​ക്കാ​​റി​​ന് ന​​ൽ​​ക​​ണം തു​​ട​​ങ്ങി​​യ വ്യ​​വ​​സ്ഥ​​ക​​ളാ​​ണ് ​അ​ദാ​​നി ഗ്രൂ​​പ്പി​​ന്റെ ക്വാ​​റി പ്ര​​വ​​ർ​​ത്ത​​ന​​ത്തി​​ന് ദേ​​ശീ​​യ വ​​ന്യ​​ജീ​​വി ബോ​​ർ​​ഡ് യോ​​ഗം നി​​ർ​​ദേ​​ശി​​ച്ച വ്യ​​വ​​സ്ഥ​​ക​​ൾ.

പേ​​പ്പാ​​റ വ​​ന്യ​​ജീ​​വി സ​​ങ്കേ​​ത​​ത്തി​​ൽ​​നി​​ന്ന് 5.12 കി​​ലോ​​മീ​​റ്റ​​റും നെ​​യ്യാ​​ർ വ​​ന്യ​​ജീ​​വി സ​​ങ്കേ​​ത​​ത്തി​​ൽ​​നി​​ന്ന് 6.76 കി​​ലോ​​മീ​​റ്റ​​റും ആ​​കാ​​ശ​​ദൂ​​ര​​ത്തി​​ലാ​​ണ് നി​​ർ​​ദി​​ഷ്ട ക്വാ​​റി പ്ര​​ദേ​​ശം സ്ഥി​​തി​​ചെ​​യ്യു​​ന്ന​​തെ​​ന്നും നി​​ർ​​ദി​​ഷ്ട പ​​രി​​സ്ഥി​​തി ലോ​​ല മേ​​ഖ​​ല​​യു​​ടെ അ​​തി​​ർ​​ത്തി‍ക്ക് പു​​റ​​ത്തു​​നി​​ന്നു​​ള്ള പ്ര​​ദേ​​ശ​​മാ​​ണ് ക്വാ​​റി പ്ര​​വ​​ർ​​ത്തി​​ക്കു​​ക എ​​ന്നു​​മാ​​ണ് സം​​സ്ഥാ​​ന ചീ​​ഫ് വൈ​​ൽ​​ഡ് ലൈ​​ഫ് വാ​​ർ​​ഡ​​ൻ വ്യ​​ക്ത​​മാ​​ക്കി​​യി​​രി​​ക്കു​​ന്ന​​ത്. പ​​ദ്ധ​​തി​​യു​​ടെ ആ​​ഘാ​​തം പ​​രി​​ഹ​​രി​​ക്കാ​​ൻ ല​​ക്ഷ്യ​​മി​​ട്ടു​​ള്ള പ്ര​​ത്യേ​​ക ല​​ഘൂ​​ക​​ര​​ണ ന​​ട​​പ​​ടി​​ക​​ളു​​ടെ ആ​​വ​​ശ്യ​​മി​​ല്ലെ​​ന്ന് വ്യ​​ക്ത​​മാ​​ക്കി​​യാ​​ണ് ചീ​​ഫ് വൈ​​ൽ​​ഡ് ലൈ​​ഫ് വാ​​ർ​​ഡ​​ൻ പ​​ദ്ധ​​തി അ​​നു​​മ​​തി​​ക്ക് ശി​​പാ​​ർ​​ശ ന​​ൽ​​കി​​യ​​ത്.

നെ​​യ്യാ​​ർ, പേ​​പ്പാ​​റ വ​​ന്യ​​ജീ​​വി സ​​ങ്കേ​​ത​​ങ്ങ​​ളു​​ടെ സം​​ര​​ക്ഷി​​ത മേ​​ഖ​​ല​​ക​​ളു​​ടെ അ​​തി​​ർ​​ത്തി​​യി​​ൽ​നി​​ന്ന് 2.72 കി​​ലോ​​മീ​​റ്റ​​ർ വ​​രെ വ്യാ​​പി​​ച്ചു​​കി​​ട​​ക്കു​​ന്ന 70.906 ച​​തു​​ര​​ശ്ര കി​​ലോ​​മീ​​റ്റ​​ർ പ്ര​​ദേ​​ശം പ​​രി​​സ്ഥി​​തി​ലോ​​ല മേ​​ഖ​​ല​​യാ​​യി പ്ര​​ഖ്യാ​​പി​​ച്ച് പ​​രി​​സ്ഥി​​തി, വ​​നം, കാ​​ലാ​​വ​​സ്ഥാ വ്യ​​തി​​യാ​​ന മ​​ന്ത്രാ​​ല​​യം (MOEFCC) 2022 മാ​​ർ​​ച്ചി​​ൽ ക​​ര​​ടു വി​​ജ്ഞാ​​പ​​നം (Search with Neyyar or Peppara) പു​​റ​​പ്പെ​​ടു​​വി​​ച്ചി​​രു​​ന്നു (ഈ ​​ക​​ര​​ട് വി​​ജ്ഞാ​​പ​​ന​​ത്തി​​ൽ മു​​ഴു​​വ​​ൻ ജ​​ന്തുജീ​​വജാ​​ല​​ങ്ങ​​ളെ​​യും സം​​ബ​​ന്ധി​​ച്ച ക​​ണ​​ക്കു​​ണ്ട്). ജ​​ന​​വാ​​സ​മേ​​ഖ​​ല​​ക​​ളെ ഈ ​​വി​​ജ്ഞാ​​പ​​നം ബാ​​ധി​​ക്കു​​മെ​​ന്ന​​തി​​നാ​​ൽ കേ​​ര​​ള​​മ​​ട​​ക്ക​​മു​​ള്ള സം​​സ്ഥാ​​ന​​ങ്ങ​​ളി​​ലെ ജ​​ന​​ങ്ങ​​ളും ഭ​​ര​​ണ​​കൂ​​ട​​ങ്ങ​​ളും വി​​വി​​ധ പാ​​ർ​​ട്ടി പ്ര​​വ​​ർ​​ത്ത​​ക​​രും ആ​​ശ​​ങ്ക ഉ​​യ​​ർ​​ത്തു​​ക​​യും വി​​വി​​ധ പ്ര​​ക്ഷോ​​ഭ​​ങ്ങ​​ൾ ന​​ട​​ത്തിവ​​രുക​​യു​​മാ​​ണ്. അ​​തി​​നി​​ട​​യി​​ലാ​​ണ് അ​​ദാ​​നി ഗ്രൂ​​പ്പി​​ന് ക്വാ​​റി​​ക​​ൾ അ​​നു​​വ​​ദി​​ച്ചു​​ള്ള ന​​ട​​പ​​ടി​​ക​​ൾ ഉ​​ണ്ടാ​​യ​​ത്.

വീ​​ണ്ടും പു​​തു​​ക്കു​​ന്ന ഷെ​​ഡ്യൂ​​ളു​​ക​​ൾ

ഈ ​​വ​​ർ​ഷം അ​​വ​​സാ​​ന​​മോ അ​​ടു​​ത്ത വ​​ർ​ഷം ആ​​ദ്യ​​മോ ആ​​ദ്യ ക​​പ്പ​​ൽ വി​​ഴി​​ഞ്ഞ​​ത്തു അ​​ടു​​പ്പി​​ക്കു​​മെ​​ന്ന് തു​​റ​​മു​​ഖ മ​​ന്ത്രി അ​​വ​​കാ​​ശ​​പ്പെ​​ടു​​ന്നു. എ​​ന്നാ​​ൽ, 33 ശ​​ത​​മാ​​നം മാ​​ത്രം പൂ​​ർ​​ത്തി​​യാ​​യ പ​​ദ്ധ​​തി​​യി​​ൽ ഇ​​തെ​​ങ്ങ​​നെ സാ​​ധ്യ​​മാ​​കുമെ​​ന്ന ക​​ഥ​​യി​​ൽ ചോ​​ദ്യ​​മി​​ല്ല. ഈ ​​മ​​ൺ​​സൂ​​ൺ കാ​​ല​​ത്ത് അ​​സം​​സ്കൃ​​ത വ​​സ്തു​​ക്ക​​ളു​​ടെ ശേ​​ഖ​​ര​​ണം മാ​​ത്ര​​മാ​​ണ് ന​​ട​​ക്കു​​ക​​യെ​​ന്നും മ​​ൺ​​സൂ​​ണി​​നു ശേ​​ഷ​​മേ ക​​ട​​ലി​​ലെ നി​​ർ​​മാ​​ണ പ്ര​​വ​ൃ​ത്തി​​ക​ൾ​ പു​​ന​​രാ​​രം​​ഭി​​ക്കൂ എ​​ന്നും അ​​ദാ​​നി ഗ്രൂ​​പ് ത​​ന്നെ നേ​​ര​​ത്തേ വ്യ​​ക്ത​​മാ​​ക്കി​​യി​​ട്ടു​​ണ്ട്. അ​​തി​​നൊ​​പ്പം തു​​റ​​മു​​ഖ​​ത്തി​​ന്റെ പു​​തു​​ക്കി​​യ നി​​ർ​​മാ​​ണ ഷെ​​ഡ്യൂ​​ൾ 2022 ജൂ​​ണി​​ൽ അ​​ദാ​​നി ഗ്രൂ​​പ് സ​​ർ​​ക്കാ​​റി​ന് സ​​മ​​ർ​​പ്പി​​ച്ചി​​ട്ടു​​ണ്ട്. അ​​തു പ്ര​​കാ​​രം 2024 ഡി​​സം​​ബ​​റി​​ലാ​​ണ് ഒ​​ന്നാം ഘ​​ട്ടം നി​​ർ​​മാ​​ണം പൂ​​ർ​​ത്തീ​​ക​​രി​​ക്കാ​​നാ​​കു​​ക എ​​ന്നാ​​ണ് അ​​വ​​ർ പ​​റ​​യു​​ന്ന​​ത്. എ​​ന്നാ​​ൽ, ഇ​​ത് അം​​ഗീ​​ക​​രി​​ക്കാ​​ൻ സ​​ർ​​ക്കാ​​ർ ത​​യാ​​റാ​​യി​​ട്ടി​​ല്ല എ​​ന്നാ​​ണ് സ​​ർ​​ക്കാ​​റി​​ന്റെ വാ​​ദം.

കടലെടുക്കുന്ന വീടുകൾ -തിരുവനന്തപുരം ജില്ലയിലെ കാഴ്ച

ക​​രാ​​ർ​പ്ര​​കാ​​രം 2019 ഡി​​സം​​ബ​​റി​​ൽ പൂ​​ർ​​ത്തീ​​ക​​രി​​ക്കേ​​ണ്ട പ​​ദ്ധ​​തി​​യാ​​ണി​​ത്. പ​​ദ്ധ​​തി സ​​മ​​യ​ബ​​ന്ധി​​ത​​മാ​​യി ന​​ട​​പ്പാ​​ക്കാ​​ത്ത​തു സം​​ബ​​ന്ധി​​ച്ച് നി​​ല​​വി​​ൽ അ​​ദാ​​നി ഗ്രൂ​​പ്പും കേ​​ര​​ള​​സ​​ർ​​ക്കാ​​റും ത​​മ്മി​​ൽ നി​​യ​​മ​​ന​​ട​​പ​​ടി ന​​ട​​ന്നു വ​​രു​​ന്നു​​ണ്ട്. 2020 മാ​​ർ​​ച്ച് മാ​​സ​​ത്തി​​ൽ പി​​ഴ ഈ​​ടാ​​ക്കാ​​നാ​​യി സ​​ർ​​ക്കാ​​ർ നോ​​ട്ടീ​സ് ന​​ൽ​​കി. എ​​ന്നാ​​ൽ, പ്ര​​കൃ​​തി​ക്ഷോ​​ഭം, കോ​​വി​​ഡ് മ​​ഹാ​​മാ​​രി തു​​ട​​ങ്ങി​​യ അ​​പ്ര​​തീ​​ക്ഷി​​ത ദു​​ര​​ന്ത​​ങ്ങ​​ൾ നി​​മി​​ത്ത​​മാ​​ണ് നി​​ർ​​മാ​​ണം പൂ​​ർ​​ത്തീ​​ക​​രി​​ക്കാ​​ൻ ക​​ഴി​​യാ​​തെ പോ​​യ​​ത് എ​​ന്നാ​​ണ് അ​​ദാ​​നി ഗ്രൂ​​പ്പി​​ന്റെ വാ​​ദം. അ​​തി​​നാ​​ൽ അ​​ഞ്ചു വ​​ർ​ഷംകൂ​​ടി ക​​രാ​​ർ കാ​​ലാ​​വ​​ധി നീ​​ട്ടി​ന​​ൽ​​ക​​ണ​​മെ​​ന്നാ​​ണ് അ​​വ​​രു​​ടെ ആ​​വ​​ശ്യം. ഇ​​തി​​ലെ വാ​​ദ​​ങ്ങ​​ൾ ആ​​ർ​​ബി​​ട്രേ​​ഷ​​ൻ ട്രൈ​​ബ്യൂ​​ണ​​ലി​​ൽ ന​​ട​​ന്നു​കൊ​​ണ്ടി​​രി​​ക്കു​​ക​​യാ​​ണ്.

ശം​​ഖും​​മു​​ഖ​​ത്തി​​ന്റെ ദു​ഃ​സ്ഥി​​തി

മ​​ൺ​​സൂ​​ൺ കാ​​ല​​ത്ത് സാ​​ധാ​​ര​​ണ ഗ​​തി​​യി​​ൽ കേ​​ര​​ള​​ത്തി​​ന്റെ 589.5 കി​​ലോ​​മീ​​റ്റ​​ർ നീ​​ള​​മു​​ള്ള ക​​ട​​ൽ​തീ​​ര​​ത്ത് ക​​ട​​ൽ​​ക്ഷോ​​ഭം രൂ​​ക്ഷ​​മാ​​ണ്. ശ​​ക്ത​​മാ​​യ തീ​​ര​​ശോ​​ഷ​​ണംമൂ​​ലം, അ​​ന്താ​​രാ​​ഷ്ട്ര ടൂ​​റി​​സം ഭൂ​​പ​​ട​​ത്തി​​ൽ സ​​വി​​ശേ​​ഷ​​മാ​​യ സ്ഥാ​​ന​​മു​​ള്ള കോ​​വ​​ളം ബീ​​ച്ച് ത​​ക​​ർ​​ന്നു​പോ​​യ​​ത് വാ​​ർ​​ത്ത​​ക​​ളി​​ലൂ​​ടെ പു​​റം​ലോ​​ക​​മ​​റി​​ഞ്ഞു. മ​​റ്റൊ​​രു പ്ര​​സി​​ദ്ധ ബീ​​ച്ച് ആ​​യ ശം​​ഖും​​മു​​ഖം ത​​ക​​ർ​​ന്നു. ഒ​​രു വ​​ർ​​ഷ​​മാ​​യി ശം​​ഖും​​മു​​ഖം-എ​​യ​​ർ പോ​​ർ​​ട്ട് റോ​​ഡ് അ​​ട​​ച്ചി​​ട്ടി​​രി​​ക്കു​​ക​​യാ​​യി​​രു​​ന്നു. 400 മീ​​റ്റ​​ർ നീ​​ള​​മു​​ള്ള ഈ ​​ബീ​​ച്ചി​​ൽ മൂ​​ന്നു​​വ​​ർ​​ഷ​​മാ​​യി സ​​ന്ദ​​ർ​​ശ​​ക​​രെ അ​​നു​​വ​​ദി​​ക്കു​​ന്നി​​ല്ല. തീ​​ര​​ശോ​​ഷ​​ണം മൂ​​ലം തി​​രു​​വ​​ന​​ന്ത​​പു​​രം ആ​​ഭ്യ​​ന്ത​​ര വി​​മാ​​ന​​ത്താ​​വ​​ള​​ത്തി​​ലേ​​ക്കു​​ള്ള റോ​​ഡ് ത​​ക​​ർ​​ന്നുപോ​​യ​​ത് ഏ​​റെ പ്ര​​തി​​ഷേ​​ധ​​ങ്ങ​​ൾ​​ക്കി​​ട​​യാ​​ക്കി​​യ​​തി​​നെ തു​​ട​​ർ​​ന്ന് സം​​സ്ഥാ​​ന സ​​ർ​​ക്കാ​​ർ അ​​ടി​​യ​​ന്ത​ര സ്വ​​ഭാ​​വ​​ത്തോ​​ടെ ഈ ​​റോ​​ഡ് ന​​വീ​​ക​​രി​​ച്ചു. 2022 മാ​​ർ​​ച്ച് 15നാ​​ണ് ഈ ​​റോ​​ഡ് കൊ​​ട്ടി​​ഗ്ഘോ​​ഷി​​ച്ച്‌ തു​​റ​​ന്നു​കൊ​​ടു​​ത്ത​​ത്. എ​​ന്നാ​​ൽ, ര​​ണ്ടു മാ​​സം പൂ​​ർ​​ത്തി​​യാ​​കും മു​​മ്പ് റോ​​ഡ് മ​​ണ്ണൊ​​ലി​​പ്പി​​ൽ ത​​ക​​ർ​​ന്നു. റോ​​ഡി​​നു സു​​ര​​ക്ഷ വ​​ർ​ധി​​പ്പി​​ക്കാ​​ൻ ഡ​​യ​​ഫ്രം വാ​​ൾ സ്ഥാ​​പി​​ച്ചാ​​ണ് റോ​​ഡ് നി​​ർ​​മി​​ച്ച​​ത്. ഇ​​തി​​നെ​​ല്ലാം ചേ​​ർ​​ന്ന് 12 കോ​​ടി രൂ​​പ​​യാ​​ണ് സ​​ർ​​ക്കാ​​ർ അ​​നു​​വ​​ദി​​ച്ച​​ത്. നൂ​​ത​​ന സാ​​ങ്കേ​​തി​​ക വി​​ദ്യ​​യാ​​യ റീ ​​ഇ​​ൻ​​ഫോ​​ഴ്സ്ഡ് കോ​​ൺ​​ക്രീ​​റ്റ് ഡ​​യ​​ഫ്രം വാ​​ൾ നി​​ർ​​മി​​ച്ച് എ​​ട്ടു​​മീ​​റ്റ​​ർ താ​​ഴ്ച​​യി​​ലും 50 സെ​​ന്റി​​മീ​​റ്റ​​ർ ക​​ന​​ത്തി​​ലും 260 മീ​​റ്റ​​ർ നീ​​ള​​ത്തി​​ലു​മാ​ണ് സം​​ര​​ക്ഷ​​ണ ഭി​​ത്തി സ്ഥാ​​പി​​ച്ച​​ത്‌.

ഇ​​തി​​നി​​ടെ, സം​​സ്ഥാ​​ന ഭ​​ര​​ണ​​ക​​ക്ഷി​​യു​​ടെ ത​​ന്നെ അ​​നു​​ഭാ​​വി​​ക​​ളാ​​യ കേരള ശാസ്ത്ര സാഹിത്യ പരിഷത്ത് (KSSP) അ​​ടി​​യ​​ന്ത​ര തീ​​ര​​സം​​ര​​ക്ഷ​​ണ പ​​ദ്ധ​​തി​​ക​​ൾ ന​​ട​​പ്പാ​​ക്കണ​​മെ​​ന്നു സം​​സ്ഥാ​​ന സ​​ർ​​ക്കാ​​റി​​നോ​​ട് ആ​​വ​​ശ്യ​​പ്പെ​​ട്ടു. 'hard structures like seawalls and groynes' എ​​ന്നി​​വ നി​​ക്ഷേ​​പി​​ക്കു​​ന്ന​​തി​​ന് പ​​ക​​രം 'beach nourishment and offshore submerged reefs' ന​​ട​​പ്പാ​​ക്ക​​ണ​​മെ​​ന്നാ​​ണ് അ​​വ​​രു​​ടെ ആ​​വ​​ശ്യം. വി​​ഴി​​ഞ്ഞം, മു​​ത​​ല​​പ്പൊ​​ഴി എ​​ന്നി​​വി​​ട​​ങ്ങ​​ളി​​ലെ മ​​ത്സ്യ​​ബ​​ന്ധ​​ന തു​​റ​​മു​​ഖ​​ങ്ങ​​ളും വി​​ഴി​​ഞ്ഞം അ​​ന്താ​​രാ​​ഷ്ട്ര തു​​റ​​മു​​ഖ​​വും തി​​രു​​വ​​ന​​ന്ത​​പു​​രം ജി​​ല്ല​​യി​​ൽ തീ​​ര​​ദേ​​ശ ശോ​​ഷ​​ണം രൂ​​ക്ഷ​​മാ​​ക്കി​​യ​​താ​​യി അ​​വ​​ർ ചൂ​​ണ്ടി​​ക്കാ​​ട്ടി. മ​​നു​​ഷ്യ​​നി​​ർ​​മി​​ത ഘ​​ട​​ന​​ക​​ൾ തീ​​ര​​ത്തി​​ന്റെ സ്വാ​​ഭാ​​വി​​ക പ്ര​​ക്രി​​യ​​ക​​ളെ ത​​കി​​ടം മ​​റി​​ച്ച​​താ​​യും തീ​​ര​​ദേ​​ശ​​ത്തെ മ​​ണ​​ലി​​ന്റെ ച​​ല​​ന​​ത്തെ​​യും അ​​തി​​ന്റെ ശേ​​ഖ​​ര​​ണ​​ത്തെ​​യും ത​​ട​​സ്സ​​പ്പെ​​ടു​​ത്തു​​ന്ന​​താ​​യും അ​​വ​​ർ മു​​ന്ന​​റി​​യി​​പ്പ് ന​​ൽ​​കി. കാ​​ലാ​​വ​​സ്ഥാ വ്യ​​തി​​യാ​​ന​​വും സ​​മു​​ദ്ര​​ജ​​ല​​നി​​ര​​പ്പ് ഉ​​യ​​രു​​ന്ന​​തും ഈ ​​മ​​നു​​ഷ്യ​​നി​​ർ​​മി​​ത സാ​​ഹ​​ച​​ര്യം കൂ​​ടു​​ത​​ൽ വ​​ഷ​​ളാ​​ക്കു​​ന്നു. ''തി​​രു​​വ​​ന​​ന്ത​​പു​​രം തീ​​രം മ​​നു​​ഷ്യ​​നി​​ർ​​മി​​ത ദു​​ര​​ന്ത​​മാ​​ണ് അ​​നു​​ഭ​​വി​​ക്കു​​ന്ന​​തെ​​ന്ന് നി​​സ്സം​​ശ​​യം പ​​റ​​യാം'', - KSSP പ്ര​​മേ​​യ​​ത്തി​​ൽ പ​​റ​​യു​​ന്നു.

പ​​തി​​റ്റാ​​ണ്ടു​​ക​​ൾ​​ക്കുമു​​മ്പ്, തി​​രു​​വ​​ന​​ന്ത​​പു​​രം ജി​​ല്ല​​യു​​ടെ 78 കി​​ലോ​​മീ​​റ്റ​​ർ തീ​​ര​​പ്ര​​ദേ​​ശ​​ത്ത് മ​​ണ​​ൽ നി​​റ​​ഞ്ഞ ബീ​​ച്ചു​​ക​​ൾ ഉ​​ണ്ടാ​​യി​​രു​​ന്നു. ഇ​​ന്ന്, ഏ​​ക​​ദേ​​ശം 25 കി​​ലോ​​മീ​​റ്റ​​ർ ക​​ട​​ൽ​​ഭി​​ത്തി നി​​റ​​ഞ്ഞ തീ​​ര​​വും സാ​​ൻ​​ഡ് ബീ​​ച്ചു​​ക​​ളുമാ​​യി മാ​​റി​​യി​​രി​​ക്കു​​ന്നു. കൊ​​ല്ല​​ങ്കോ​​ട്, പൊ​​ഴി​​യൂ​​ർ, പ​​ന​​ത്തു​​റ, പൂ​​ന്തു​​റ, ബീ​​മാ​​പ​​ള്ളി, വ​​ലി​​യ​​തു​​റ, കൊ​​ച്ചു​​തോ​​പ്പ്, ശം​​ഖു​​മു​​ഖം, താ​​ഴം​​പ​​ള്ളി, അ​​ഞ്ചു​​തെ​​ങ്ങ് തു​​ട​​ങ്ങി​​യ ജ​​ന​​സാ​​ന്ദ്ര​​ത കൂ​​ടു​​ത​​ലു​​ള്ള സ്ഥ​​ല​​ങ്ങ​​ൾ തി​​ര​​മാ​​ല​​ക​​ളു​​ടെ ആ​​ക്ര​​മ​​ണ​​ത്തി​​ന് ഇ​​ര​​യാ​​കു​​ന്ന​​താ​​യി പ​​രി​​ഷ​​ത്ത് അ​​റി​​യി​​ച്ചു.

പൂ​​ന്തു​​റ​​യു​​ടെ ശാ​​പം

കേ​​ര​​ള​​ത്തി​​ൽ ഏ​​റ്റ​​വും ആ​​ദ്യ​​മാ​​യി ക​​ട​​ലേ​​റ്റം ത​​ട​​യാ​​നു​​ള്ള ഭി​​ത്തി 1970ക​​ളു​​ടെ തു​​ട​​ക്ക​​ത്തി​​ൽ നി​​ർ​​മി​​ച്ച തി​​രു​​വ​​ന​​ന്ത​​പു​​രം ജി​​ല്ല​​യി​​ലെ തീ​​ര​​പ്ര​​ദേ​​ശ​​മാ​​ണ് പൂ​​ന്തു​​റ. വി​​ഴി​​ഞ്ഞം മ​​ത്സ്യ​​ബ​​ന്ധ​​ന തു​​റ​​മു​​ഖ​​ത്തി​​നാ​​യി ര​​ണ്ട് ചെ​​റി​​യ പു​​ലി​​മു​​ട്ടു​​ക​​ൾ (ഏ​​ക​​ദേ​​ശം 600 മീ​​റ്റ​​ർ നീ​​ളം) നി​​ർ​​മി​​ച്ചശേ​​ഷ​​മാ​​ണ് പൂ​​ന്തു​​റ​​യി​​ൽ ക​​ട​​ലേ​​റ്റം ആ​​രം​​ഭി​​ക്കു​​ന്ന​​ത്. ഇ​​ക്ക​​ഴി​​ഞ്ഞ 50 വ​​ർ​​ഷ​​ത്തി​​നി​​ടെ ഇ​​വി​​ടെ ക​​ട​​ൽ​​ഭി​​ത്തി​​ക​​ൾ പ​​ല​​പ്പോ​​ഴും പു​​തു​​ക്കി​​യി​​ട്ടു​​ണ്ട്. ഏ​​ക​​ദേ​​ശം 15 വ​​ർ​​ഷം മു​​മ്പ് ക​​ട​​ൽ​​ഭി​​ത്തി​​യു​​ടെ കൂ​​ടെ നി​​ര​​വ​​ധി ഗ്രോ​​യി​​നു​​ക​​ളും (25 മീ​​റ്റ​​ർ നീ​​ളം വ​​രു​​ന്ന ചെ​​റി​​യ പു​​ലി​​മു​​ട്ടു​​ക​​ൾ) നി​​ർ​​മി​​ച്ചു. ഇ​​വ നി​​ർ​​മി​ച്ചശേ​​ഷ​​മാ​​ണ് ബീ​​മാ​​പ​​ള്ളി-​​ചെ​​റി​​യ​​തു​​റ തീ​​ര​​ങ്ങ​​ളി​​ൽ ക​​ട​​ലേ​​റ്റം കൂ​​ടി​​യ​​തെ​​ന്ന് ക​​ട​​ൽ പ​​രി​​സ്ഥി​​തി പ്ര​​വ​​ർ​​ത്ത​​ക​​നും ഓ​​ഷ്യ​​ൻ ഗ​​വേ​​ണ​​ൻ​സ് വി​​ദ​​ഗ്ധ​​നും 'കോ​​സ്റ്റ​​ൽ​​വാ​​ച്ച്' എ​​ന്ന പ​​രി​​സ്ഥി​​തി സം​​ഘ​​ട​​ന​​യു​​ടെ പ്ര​​ധാ​​ന സം​​ഘാ​​ട​​ക​​നു​​മാ​​യ എ.​​ജെ. വി​​ജ​​യ​​ൻ പ​​റ​​യു​​ന്നു. ഇ​​പ്പോ​​ൾ പൂ​​ന്തു​​റ​​യി​​ലെ ക​​ട​​ൽ​​ഭി​​ത്തി​​ക​​ളും ഗ്രോ​​യി​​നു​​ക​​ളും ത​​ക​​രു​​ക​​യും മ​​ണ്ണി​​ൽ താ​​ഴു​​കയും ചെയ്യുന്നു. വീ​​ണ്ടും ക​​ല്ലി​​ട്ട് ഉ​​ള്ള​​തി​​നെ ബ​​ല​​പ്പെ​​ടു​​ത്താ​​നാ​​ണ് നീ​​ക്കം. വി​​ഴി​​ഞ്ഞം അ​​ദാ​​നി തു​​റ​​മു​​ഖ​​ത്തി​​നുപോ​​ലും ക​​ല്ല് കി​​ട്ടാ​​നി​​ല്ലാ​​ത്ത അ​​വ​​സ്ഥ​​യാ​​ണു​​ള്ള​​ത്. അ​​ദാ​​നി തു​​റ​​മു​​ഖം പൂ​​ർ​​ത്തി​​യാ​​കു​​ന്ന​​തോ​​ടെ പൂ​​ന്തു​​റ​​യി​​ലെ ക​​ട​​ലേ​​റ്റം ഇ​​നി​​യും രൂ​​ക്ഷ​​മാ​​കും. ഈ ​​ക​​ട​​ൽ​ഭി​​ത്തി​​ക​​ളും ഗ്രോ​​യി​​നു​​ക​​ളും താ​​ഴു​​ക​​യും ക​​ട​​ൽ​വെ​​ള്ളം ക​​ര​​യി​​ലെ വീ​​ടു​​ക​​ളി​​ലേ​​ക്ക് ക​​യ​​റു​​ക​​യും ചെ​​യ്യും. പൂ​​ന്തു​​റ തീ​​ര​​ത്തു​നി​​ന്നും കൂ​​ടു​​ത​​ൽ മ​​ണ​​ൽ ഒ​​ലി​​ച്ചു​പോ​​കും, തി​​രി​​കെ മ​​ണ​​ൽ വ​​രാ​​നും പോ​​കു​​ന്നി​​ല്ല. ഈ ​​കാ​​ര​​ണം തി​​രി​​ച്ച​​റി​​യാ​​തെ​​യു​​ള്ള എ​​ന്ത് ക​​ല്ലി​​ട​​ൽ ന​​ട​​പ​​ടി​​ക​​ളും വെ​​റും താ​​ൽ​​ക്കാ​​ലി​​ക ആ​​ശ്വാ​​സ​ന​​ട​​പ​​ടി മാ​​ത്രം. പ​​രി​​ഹാ​​ര​​മ​​ല്ല. വ​​രാ​​നി​​രി​​ക്കു​​ന്ന​​ത് കൂ​​ടു​​ത​​ൽ ദു​​രി​​ത​​ങ്ങ​​ളാ​​ണെ​​ന്ന് ഭ​​യ​​പ്പെ​​ടു​​ന്നു​​വെ​​ന്നും വി​​ജ​​യ​​ൻ പ​​റ​​യു​​ന്നു.

നി​​ല​​വി​​ൽ ചേ​​രി​​യാ​​മു​​ട്ടം മു​​ത​​ൽ ജോ​​ന​​ക പൂ​​ന്തു​​റ വ​​രെ​​യു​​ള്ള തീ​​ര​​ത്തെ 250 വീ​​ടു​​ക​​ൾ ത​​ക​​ർ​​ച്ച ഭീ​​ഷ​​ണി​​യി​​ലാ​​ണ്. ചേ​​രി​​യാ​​മു​​ട്ടം മു​​ത​​ൽ പൂ​​ന്തു​​റ സെ​​ന്റ് തോ​​മ​​സ് പ​​ള്ളി വ​​രെ ക​​ട​​ലി​​ൽ അ​​ടു​​ക്കി​​യ ഒ​​മ്പ​​തു പു​​ലി​​മു​​ട്ടു​​ക​​ൾ ഇ​​ള​​കി തു​​ട​​ങ്ങി. സ്ഥ​​ലം എം.​​എ​​ൽ.​​എ​യും ​ഗ​​താ​​ഗ​​ത മ​​ന്ത്രി​​യു​​മാ​​യ ആ​​ന്റ​​ണി രാ​​ജു ഇ​​വി​​ടം സ​​ന്ദ​​ർ​​ശി​​ക്കു​​ക​​യും അ​​ദ്ദേ​​ഹ​​ത്തി​​ന്റെ നി​​ർ​​ദേ​​ശ​പ്ര​​കാ​​രം വ​​ൻ​​കി​​ട ജ​​ല​​സേ​​ച​​ന വ​​കു​​പ്പി​​ന്റെ നേ​​തൃ​​ത്വ​​ത്തി​​ൽ ക​​ല്ലു​​ക​​ൾ അ​​ടു​​ക്കി​ത്തു​ട​​ങ്ങുകയും ചെയ്തു. ഒ​​പ്പം, ക​​ട​​ൽ​​ക്ഷോ​​ഭം നേ​​രി​​ടാ​​ൻ 24.25 ല​​ക്ഷം അ​​നു​​വ​​ദി​​ച്ചു. ന​​ട​​പ​​ടി​​ക്ര​​മ​​ങ്ങ​​ൾ പൂ​​ർ​​ത്തി​​യാ​​ക്കി ഉ​​ട​​ൻ പ​​ണി ആ​​രം​​ഭി​​ക്കു​​മെ​​ന്നാ​​ണ് മ​​ന്ത്രി ആ​​ന്റ​ണി രാ​​ജു വ്യ​​ക്ത​​മാ​​ക്കു​​ന്ന​​ത്. ബീ​​മാ​​പ​​ള്ളി തൈ​​ക്കാ​​പ​​ള്ളി പ്ര​​ദേ​​ശ​​ത്ത് 50 മീ​​റ്റ​​ർ ക​​ട​​ൽ​​ഭി​​ത്തി നി​​ർ​​മി​​ക്കാ​​നാ​​ണ്​ തു​​ക അ​​നു​​വ​​ദി​​ച്ച​​ത്. ജ​​ല​​വി​​ഭ​​വ മ​​ന്ത്രി റോ​​ഷി അ​​ഗ​​സ്റ്റി​​നു​​മാ​​യി ച​​ർ​​ച്ച ചെ​​യ്ത​​തി​​ന്റെ അ​​ടി​​സ്ഥാ​​ന​​ത്തി​​ലാ​​ണ് അ​​ടി​​യ​​ന്ത​​ര​​മാ​​യി തു​​ക അ​​നു​​വ​​ദി​​ച്ച​​ത്. ഇ​​തു​​മൂ​​ലം 14 വീ​​ടു​​ക​​ൾ സം​​ര​​ക്ഷി​​ക്കാ​​നാ​​കു​​മെ​​ന്ന് അ​​ദ്ദേ​​ഹം പ്ര​​തീ​​ക്ഷി​​ക്കു​​ന്നു.

ഒ​​ന്നാം പി​​ണ​​റാ​​യി സ​​ർ​​ക്കാ​​റി​​ന്റെ കാ​​ല​​ത്താ​​ണ് ഫി​​ഷ​​റീ​​സ് മ​​ന്ത്രി മേ​​ഴ്സി​​കു​​ട്ടി​​യ​മ്മ​​യു​​ടെ ഭ​​ര​​ണ​​ത്തി​​ന് കീ​​ഴെ ഒ​​രു​കൂ​​ട്ടം ഉ​​ദ്യോ​​ഗ​​സ്ഥ​​രും ചി​​ല മ​​ത്സ്യ​​ത്തൊ​​ഴി​​ലാ​​ളി​​ക​​ളും ത​​മി​​ഴ്‌​​നാ​​ട്ടി​​ലെ ക​​ട​​ലൂ​​രി​​ൽ സ്ഥാ​​പി​​ച്ച ഭൂ​​വ​​സ്ത്ര കു​​ഴ​​ൽ ക​​ണ്ടു മ​​ന​​സ്സി​ലാ​​ക്കാ​​ൻ യാ​​ത്രപോ​​യ​​ത്. അ​​ത്ത​​ര​​ത്തി​​ൽ ഭൂ​​വ​​സ്ത്ര​ കു​​ഴ​​ൽ സ്ഥാ​​പി​​ച്ചാ​​ൽ തി​​രു​​വ​​ന​ന്ത​​പു​​ര​​ത്തെ ക​​ട​​ലേ​​റ്റം ത​​ട​​യാ​​നാ​​കു​​മെ​​ന്ന് അ​​വ​​ർ വി​​ശ്വ​​സി​​ച്ചു. പ​​ദ്ധ​​തി വി​​ജ​​യ​​ക​​ര​​മാ​​യാ​​ൽ കേ​​ര​​ള​​ത്തി​​ന്റെ മു​​ഴു​​വ​​ൻ തീ​​ര​​പ്ര​​ദേ​​ശ​​ത്തും പ​​ദ്ധ​​തി ന​​ട​​പ്പാ​​ക്കാ​​മെ​​ന്നാ​​ണ് അ​​വ​​ർ മ​​ന​​ക്ക​​ണ​​ക്ക് കൂ​​ട്ടി​​യ​​ത്. ഇ​​തി​​നാ​​യി ന​​ട​​പ​​ടി​​ക​​ൾ മു​​ന്നോ​​ട്ടു കൊ​​ണ്ടു​പോ​​കു​​ന്ന​​തി​​നി​​ടെ നി​​യ​​മ​ വ​​കു​​പ്പ് ത​​ട​​സ്സം സൃ​​ഷ്ടി​​ച്ച​​തി​​നാ​​ൽ 2020 ഒ​​ക്ടോ​​ബ​​റി​​ൽ മേ​​ഴ്സി​കു​​ട്ടി​​യ​​മ്മ ക്ഷു​​ഭി​​ത​​യാ​​യി​​രു​​ന്നു. കി​​ഫ്‌​​ബി സ​​ഹാ​​യ​​ത്തോ​​ടെ​​യാ​​ണ് ക​ട​​ൽ സം​​ര​​ക്ഷ​​ണ​​ത്തി​​നു​​ള്ള ബ​​ദ​​ൽ മാ​​ർ​​ഗ​​മാ​​യ ഭൂ​​വ​​സ്ത്ര കു​​ഴ​​ൽ (ജി​​യോ ട്യൂ​​ബ്) പ​​ദ്ധ​​തി ന​​ട​​പ്പാ​​ക്കാ​​ൻ തീ​​രു​​മാ​​നി​​ച്ച​​ത്‌. എ​​ന്നാ​​ൽ, അ​​ത് പു​​നഃ​​പ​​രി​​ശോ​​ധി​​ക്ക​​ണ​​മെ​​ന്ന നി​​യ​​മ​​വ​​കു​​പ്പി​​ന്റെ നി​​ർ​​ബ​​ന്ധം ഉ​​ണ്ടാ​​യ​​തോ​​ടെ അ​​ന്ന​​ത്തെ നി​​യ​​മ മ​​ന്ത്രി എ.​​കെ. ബാ​​ല​​നെ​​തി​​രെ അ​​വ​​ർ പൊ​​ട്ടി​​ത്തെ​​റി​​ച്ചു.

150 കോ​​ടി പാ​​ഴാ​​ക്കി​​യ ജി​​യോ ട്യൂ​​ബ്

ഒ​​ന്നാം പി​​ണ​​റാ​​യി​ സ​​ർ​​ക്കാ​​റി​​ന്റെ അ​​വ​​സാ​​ന​കാ​​ല​​ത്താ​​ണ് പി​​ന്നീ​​ട് ഈ ​​പ​​ദ്ധ​​തി വീ​​ണ്ടും ന​​ട​​പ്പി​​ൽ വ​​രു​​ത്തി​​യ​​ത്. തീ​​ര​​ദേ​​ശ വി​​ക​​സ​​ന കോ​​ർ​​പ​​റേ​​ഷ​​നാ​​ണ് പ​​ദ്ധ​​തി​​യു​​ടെ സ്പെ​​ഷ​​ൽ പ​​ർ​​പ്പ​​സ് വെ​​ഹി​​ക്കി​​ൾ ചു​​മ​​ത​​ല​​യി​​ൽ വ​​ന്ന​​ത്. 2021 ഫെ​​ബ്രു​​വ​​രി​​യി​​ൽ ഓ​​ഫ്‌​​ഷോ​​ര്‍ ബ്രേ​​ക്ക് വാ​​ട്ട​​ര്‍ നി​​ർ​മാ​​ണ​​ത്തി​​ന്റെ​​യും കൃ​​ത്രി​​മ​​പാ​​ര് നി​​ക്ഷേ​​പി​​ക്ക​​ലി​​ന്റെ​​യും ഉ​​ദ്ഘാ​​ട​​നം മു​​ഖ്യ​​മ​​ന്ത്രി പി​​ണ​​റാ​​യി വി​​ജ​​യ​​ന്‍ ഓ​​ൺ​ലൈനാ​​യി നി​​ർ​വ​ഹി​​ച്ചു. തീ​​രം നി​​ല​​നി​​ർ​ത്താ​ന്‍ ​ക​​രി​​ങ്ക​​ല്ലി​​നു പ​​ക​​രം ബ​​ദ​​ല്‍ എ​​ന്ന നി​​ല​​യി​​ലാ​​ണ് ജി​​യോ ട്യൂ​​ബ് ഓ​​ഫ്‌​​ഷോ​​ര്‍ ബ്രേ​​ക്ക് വാ​​ട്ട​​ര്‍ നി​​ർ​മി​ക്കു​​ന്ന​​തെ​​ന്ന് മു​​ഖ്യ​​മ​​ന്ത്രി പ​​റ​​ഞ്ഞു. പ്ര​​മു​​ഖ സ​​മു​​ദ്ര ഗ​​വേ​​ഷ​​ണ സ്ഥാ​​പ​​ന​​മാ​​യ നാ​​ഷ​​ന​ല്‍ ഇ​​ൻ​സ്റ്റിറ്റ്യൂ​​ട്ട് ഓ​​ഫ് ഓ​​ഷ്യ​​ന്‍ ടെ​​ക്‌​​നോ​​ള​​ജി ത​​യാ​​റാ​​ക്കി​​യ രൂ​​പ​​രേ​​ഖ അ​​നു​​സ​​രി​​ച്ചാ​​ണ് 150 കോ​​ടി രൂ​​പ​​യു​​ടെ പ​​ദ്ധ​​തി കി​​ഫ്ബി വ​​ഴി ന​​ട​​പ്പാ​​ക്കാ​​ന്‍ സ​​ർ​ക്കാ​ർ അം​​ഗീ​​കാ​​രം ന​​ൽ​കി​യ​​ത്. ഇ​​തി​​ല്‍ ആ​​ദ്യ​​ഘ​​ട്ട​​മെ​​ന്ന നി​​ല​​യി​​ലാ​​ണ് 19.57 കോ​​ടി രൂ​​പ അ​​ട​​ങ്ക​​ല്‍ തു​​ക​​യി​​ല്‍ പൂ​​ന്തു​​റ പ്ര​​ദേ​​ശ​​ത്തെ 700 മീ​​റ്റ​​ര്‍ തീ​​ര​​സം​​ര​​ക്ഷ​​ണ പ്ര​​വൃ​​ത്തി​​ക​​ള്‍ ന​​ട​​പ്പാ​​ക്കു​​ന്ന​​തെ​​ന്ന് മു​​ഖ്യ​​മ​​ന്ത്രി അ​​ന്ന് പ​​റ​​ഞ്ഞു.

തീ​​ര​​ത്തു​​നി​​ന്ന് 80 മു​​ത​​ൽ 120 മീ​​റ്റ​​ർ അ​​ക​​ല​​ത്തി​​ൽ തീ​​ര​​ത്തി​​നു സ​​മാ​​ന്ത​​ര​​മാ​​യി ആ​​റു മീ​​റ്റ​​ർ ആ​​ഴ​​മു​​ള്ള സ​​മു​​ദ്ര​​ത്തി​​ന് അ​​ടി​​ത്ത​​ട്ടി​​ൽ 15 മീ​​റ്റ​​ർ വ്യാ​​സ​​മു​​ള്ള സി​​ന്ത​​റ്റി​​ക് ജി​​യോ ട്യൂ​​ബു​​ക​​ൾ മ​​ണ​​ൽ നി​​റ​​ച്ച് മൂ​​ന്ന് അ​​ടു​​ക്കാ​​യി സ്ഥാ​​പി​​ക്കാ​​നാ​​യി​​രു​​ന്നു തീ​​രു​​മാ​​നി​​ച്ച​​ത്. അ​​ഞ്ച് യൂ​​നി​​റ്റാ​​ണ് നി​​ല​​വി​​ൽ സ്ഥാ​​പി​​ക്കു​​ക​​യെ​​ന്നും അ​​ന്ന് വ്യ​​ക്ത​​മാ​​ക്കി​​യി​​രു​​ന്നു. ഓ​​രോ ബ്രേ​​ക്ക് വാ​​ട്ട​​ർ യൂ​​നി​​റ്റി​​ലെ​​യും നീ​​ളം 100 മീ​​റ്റ​​റും ഇ​​വ ത​​മ്മി​​ലു​​ള്ള അ​​ക​​ലം 50 മീ​​റ്റ​​റും ആ​​ണ്.

ജി​​യോ ട്യൂ​​ബി​​ന്റെ ഉ​​പ​​രി​​ത​​ലം വേ​​ലി​​യി​​റ​​ക്ക നി​​ര​​പ്പി​​ൽ​​നി​​ന്ന്‌ ഏ​​ക​​ദേ​​ശം ഒ​​ന്നു​​മു​​ത​​ൽ ഒ​​ന്ന​​ര മീ​​റ്റ​​ർ താ​​ഴെ​​യാ​​യി​​രി​​ക്കും.

മും​​ബൈ ആ​​സ്ഥാ​​ന​​മാ​​യ ഡി.​​വി.​​പി ജി.​​സി.​സി ജോ​​യ​ന്റ് വെ​​ഞ്ച​​ർ എ​​ന്ന ക​​മ്പ​​നി​​യാ​​ണ് നി​​ർ​​മാ​​ണ​​ച്ചു​​മ​​ത​​ല ഏ​​റ്റെ​​ടു​​ത്ത​​ത്. 1000 ട​​ൺ ശേ​​ഷി​​യു​​ള്ള ബാ​​ർ​​ജു​​ക​​ൾ, ഉ​​യ​​ർ​​ന്ന ശേ​​ഷി​​യു​​ള്ള ഹാ​​ൻ​​ഡ് പ​​മ്പ് ​െഡ്ര​​ഡ്ജ​​റു​​ക​​ൾ, 800 മു​​ത​​ൽ 1000 ട​​ൺ ശേ​​ഷി​​യു​​ള്ള ​െഡ്ര​​ഡ്ജ​​റു​​ക​​ൾ, സ്കൂ​​ബ ഡൈ​​വി​​ങ്, ഓ​​ക്സി​​ജ​​ൻ ജ​​ന​​റേ​​റ്റ​​ർ എ​​ന്നി​​വ ഘ​​ടി​​പ്പി​​ച്ച പ്ര​​ത്യേ​​ക​​ത​​രം ബാ​​ർ​​ജു​​ക​​ൾ തു​​ട​​ങ്ങി​​യ മ​​റൈ​​ൻ യ​​ന്ത്ര​​ങ്ങ​​ൾ ഉ​​പ​​യോ​​ഗി​​ച്ചാ​​ണ് നി​​ർ​​മാ​​ണം. തീ​​ര​​ദേ​​ശ സം​​ര​​ക്ഷ​​ണ​​ത്തി​​നു​​ള്ള ക​​ല്ലി​​ന്റെ ല​​ഭ്യ​​ത കു​​റ​​ഞ്ഞുവ​​രു​​ന്ന സാ​​ഹ​​ച​​ര്യ​​ത്തി​​ലാ​​ണ് ജി​​യോ ട്യൂ​​ബ് ഉ​​പ​​യോ​​ഗി​​ച്ച് ബ്രേ​​ക്ക് വാ​​ട്ട​​ര്‍ എ​​ന്ന ആ​​ശ​​യം സ​​ർ​ക്കാ​ര്‍ ​പ​​രി​​ഗ​​ണി​​ച്ച​​ത്.

സം​​യു​​ക്ത സ​​മ​​ര​സ​​മി​​തി തി​​രു​​വ​​ന​​ന്ത​​പു​​രം വി​​മാ​​ന​​ത്താ​​വ​​ള​​ത്തി​​ന് മു​​ന്നി​​ൽ ന​​ട​​ത്തു​​ന്ന റി​​ലേ സ​​ത്യ​ഗ്ര​​ഹം

ചൈ​​ന​​യി​​ൽ​നി​ന്നാ​​ണ് ഭൂ​​വ​​സ്ത്ര​​ക്കു​​ഴ​​ലു​​ക​​ള്‍ എ​​ത്തി​​ച്ച​​ത്. തി​​ര​​മാ​​ല​​ക​​ള്‍ ജി​​യോ ട്യൂ​​ബി​​ൽ ത​​ട്ടു​​ന്ന​​തോ​​ടെ ശ​​ക്തി കു​​റ​​യു​​മെ​​ന്നും ക​​ട​​ലാ​​ക്ര​​മ​​ണം പൂ​​ർ​ണ​മാ​​യും കു​​റ​​ക്കാ​​ന്‍ സ​​ഹാ​​യി​​ക്കു​​മെ​​ന്നും അ​​വ​​ർ ക​​രു​​തി. തി​​ര​​മാ​​ല​​ക​​ൾ​ക്ക് ശ​​ക്തി കു​​റ​​യു​​ന്ന​​തി​​നാ​​ല്‍ ബീ​​ച്ച് രൂ​​പ​​പ്പെ​​ടു​​മെ​​ന്നാ​​യി​​രു​​ന്നു പ്ര​​തീ​​ക്ഷ. ഇ​​വി​​ടെ വ​​ള്ള​​ങ്ങ​​ൾ​ക്ക് അ​​നാ​​യാ​​സം ക​​ര​​ക്ക​​ടു​​പ്പി​​ക്കാ​​ൻ ക​​ഴി​​യു​​മെ​​ന്നും അ​​വ​​ർ ക​​രു​​തി. അ​​ഞ്ചു മീ​​റ്റ​​ര്‍ വ്യാ​​സ​​വും 20 മീ​​റ്റ​​ര്‍ നീ​​ള​​വു​​മു​​ള്ള പോ​​ളി പ്രൊ​​പ്പ​​ലി​​ന്‍ ട്യൂ​​ബു​​ക​​ളി​​ലാ​​ണ് മ​​ണ​​ല്‍ നി​​റ​​ച്ച് ബ്രേ​​ക്ക് വാ​​ട്ട​​ര്‍ സ്ഥാ​​പി​​ക്കു​​ന്ന​​ത്. ഇ​​ത്ത​​രം ട്യൂ​​ബു​​ക​​ളു​​ടെ മൂ​​ന്ന് അ​​ടു​​ക്കു​​ക​​ള്‍ ഒ​​രു ബ്രേ​​ക്ക് വാ​​ട്ട​​റി​​ല്‍ ഉ​​ണ്ടാ​​കും.

നാ​​ഷ​ന​​ല്‍ ഇ​​ൻ​സ്റ്റി​റ്റ്യൂ​​ട്ട് ഓ​​ഫ് ഓ​​ഷ്യ​​ന്‍ ടെ​​ക്‌​​നോ​​ള​​ജി​​യാ​​ണ് പ​​ദ്ധ​​തി​​ക്ക് സാ​​ങ്കേ​​തി​​ക സ​​ഹാ​​യം ന​​ൽ​കു​ന്ന​​ത്. പൂ​​ന്തു​​റ നി​​ന്നും ആ​​രം​​ഭി​​ച്ച് വ​​ലി​​യ​തു​​റ, ബീ​​മാ​​പ​​ള്ളി, ശം​​ഖു​​മു​​ഖം മേ​​ഖ​​ല​​ക​​ളി​​ലെ തീ​​ര​​സം​​ര​​ക്ഷ​​ണ​​ത്തി​​ന് ഉ​​ത​​കു​​ന്ന രീ​​തി​​യി​​ലാ​​ണ് പ​​ദ്ധ​​തി വി​​ഭാ​​വ​​നം​ചെ​​യ്ത​​ത്.

എ​​ന്താ​​യാ​​ലും ഈ ​​പ​​ദ്ധ​​തി വി​​ജ​​യി​​ക്കി​​ല്ലെ​​ന്ന് മ​ത്സ്യ​ത്തൊ​ഴി​ലാ​​ളി​​ക​​ളും അ​​വ​​രു​​ടെ സം​​ഘ​​ട​​നാ പ്ര​​തി​​നി​​ധി​​ക​​ളും മു​​ന്ന​​റി​​യി​​പ്പ് ന​​ൽ​​കി​​യി​​രു​​ന്നു. അ​​ത് വ​​ള​​രെ കൃ​​ത്യ​​മാ​​യ പ്ര​​വ​​ച​​ന​​മാ​​ണെ​​ന്ന് 2022 ജൂ​​ൺ മാ​​സ​​ത്തി​​ൽ​ത​​ന്നെ പൂ​​ന്തു​​റ​​യി​​ൽ ഉ​​ണ്ടാ​​യ സം​​ഭ​​വ​വി​​കാ​​സ​​ങ്ങ​​ൾ ക​​ണ്ടാ​​ൽ മ​​ന​​സ്സി​​ലാ​​കും. ഒ​​ന്നാം ഘ​​ട്ട​​ത്തി​​ല്‍ ക​​ട​​ലി​​ല്‍ സ്ഥാ​​പി​​ച്ച ഭൂ​​വ​​സ്ത്ര​​ക്കു​​ഴ​​ലു​​ക​​ളെപോ​​ലും മ​​റി​​ക​​ട​​ന്ന് തി​​ര​​മാ​​ല​​ക​​ള്‍ മ​​ൺ​സൂ​ണ്‍ ക​​ന​​ക്കു​​ന്ന​​തി​നു മു​​മ്പേ തീ​​ര​​ത്തെ വി​​ഴു​​ങ്ങി തു​​ട​​ങ്ങി​​യി​​രു​​ന്നു. ഈ ​​പ​​ദ്ധ​​തി​​ക​​ൾ യാ​​ഥാ​​ർ​​ഥ്യബോ​​ധ​​മി​​ല്ലാ​​ത്ത ഭ​​ര​​ണാ​​ധി​​കാ​​രി​​ക​​ളു​​ടെ സൃ​​ഷ്ടിയാണെ​​ന്ന് ക​​ട​​ൽ-പ​​രി​​സ്ഥി​​തി പ്ര​​വ​​ർ​​ത്ത​​ക​​നും മ​​ത്സ്യ​​ത്തൊ​​ഴി​​ലാ​​ളി​​യും തൊ​​ഴി​​ലാ​​ളി സം​​ഘ​​ട​​നാ നേ​​താ​​വു​​മാ​​യ ക്രി​​സ്തു​​ദാ​​സ് അ​​ടി​​മ​​ല​​ത്തു​​റ പ​​റ​​യു​​ന്നു. ലോ​ക​​ത്തു പ​​ല​​യി​​ട​​ത്തും പ​​ല ഭൂ​​പ്ര​​കൃ​​തി​​യാ​​ണ്. ക​​ട​​ലി​​ലും അ​​ങ്ങ​​നെ​​ത്ത​​ന്നെ​​യാ​​ണ്. ക​​ട​​ല​​റി​​യാ​​തെ പ​​ദ്ധ​​തി​​ക​​ൾ ന​​ട​​പ്പാ​​ക്കാ​​ൻ ശ്ര​​മി​​ച്ചാ​​ൽ പ​​ദ്ധ​​തി​​ക​​ൾ ഇ​​തു​​പോ​​ലെ ത​​ക​​ർ​​ന്നുപോ​​കു​​മെ​​ന്ന് അ​​ദ്ദേ​​ഹം പ​​റ​​യു​​ന്നു. കോ​​ടി​​ക​​ളു​​ടെ ന​​ഷ്ട​മു​​ണ്ടാ​​യെ​​ന്നു മാ​​ത്ര​​മ​​ല്ല, പ​​ദ്ധ​​തി ഗു​​ണ​​ത്തേ​​ക്കാ​​ളേ​​റെ ദോ​​ഷ​​വും വ​​ൻ ന​​ഷ്ട​​വും ഉ​​ണ്ടാ​​ക്കി​​യെ​​ന്നും അ​​ദ്ദേ​​ഹം പ​​റ​​യു​​ന്നു.

Show More expand_more
News Summary - An Analysis of Various Coastal Issues In Kerala