ഉ​രി​യാ​ടു​ന്ന ചു​വ​രു​ക​ളും പു​ത്ത​ൻ യ​ക്ഷി​ക്ക​ഥ​യും

കാ​ർ​ലോ​സ് സോ​റ​യു​ടെ​യും പ​സോ​ളി​നി​യു​ടെ​യും ഗൊ​ദാ​ർ​ദി​​ന്റെ​യും ലോ​കോ​ത്ത​ര​മാ​യ സി​നി​മ​ക​ളാ​ണ് ഗോ​വ​യി​ൽ ന​വം​ബ​ർ 20 മു​ത​ൽ 28 വ​രെ ന​ട​ന്ന ഇ​ന്ത്യ​യു​ടെ രാ​ജ്യാ​ന്ത​ര ച​ല​ച്ചി​ത്ര​മേ​ള​യെ ആ​ഴ​മേ​റി​യ​താ​ക്കി​യ​ത്. പ​ട്രീ​ഷ്യോ ഗു​സ്മാ​ൻ, അ​ല​ക്സാ​ണ്ട​ർ സൊ​കു​റോ​വ് തു​ട​ങ്ങി​യ ലോ​ക​മ​റി​യു​ന്ന സം​വി​ധാ​യ​ക​രു​ടെ പു​തി​യ പ​ട​ങ്ങ​ളും ബോ​ധോ​ദ​യ​പ​ര​മാ​യി​രു​ന്നു. സ​മ​ഗ്ര​സം​ഭാ​വ​ന​ക്കു​ള്ള പു​ര​സ്കാ​ര​വും റി​ട്രോ​യു​മാ​യി സോ​റ​യു​ടെ 1966ൽ ​എ​ടു​ത്ത 'ദ ​ഹ​ണ്ട്' മു​ത​ൽ 2022ൽ ​എ​ടു​ത്ത ഡോ​ക്യു​മെ​ന്റ​റി​യാ​യ 'വോ​ൾ​സ് കാ​ൻ റ്റോ​ക്ക്' വ​രെ എ​ട്ടോ​ളം ചി​ത്ര​ങ്ങ​ൾ നി​റ​ഞ്ഞ കൊ​ട്ട​ക​ക​ളി​ൽ കാ​ണി​ച്ചു.

പ​തി​നാ​യി​ര​ക്ക​ണ​ക്കി​ന് വ​ർ​ഷ​ങ്ങ​ൾ പ​ഴ​ക്ക​മു​ള്ള ഗു​ഹാ​ചി​ത്ര​ങ്ങ​ളും ശി​ലാ​ശി​ൽ​പ നി​ർ​മി​തി​ക​ളും നേ​രി​ട്ടു പോ​യി ചി​ത്രീ​ക​രി​ച്ച 'ചു​മ​രു​ക​ൾ​ക്ക് പ​റ​യാ​നാ​കും' എ​ന്ന ഡോ​ക്യൂ സി​നി​മ സോ​റ​യു​ടെ ക​ലാ​ജീ​വി​തത്തി​ൽ മാ​ത്ര​മ​ല്ല, ലോ​ക ക​ല​യു​ടെ ച​രി​ത്ര​ത്തി​ലും സം​സ്കാ​ര രാ​ഷ്ട്രീ​യ​ത്തി​ലു​മു​ള്ള ശ​ക്ത​മാ​യ ഇ​ട​പെ​ട​ലാ​ണ്. പ്രാ​ചീ​ന ക​ല്ല​ള​ക​ളി​ലെ ചു​വ​ർ​പ​ട​ങ്ങ​ളെ​യും ക​ല്ലി​ൽ കോ​റി​യി​ട്ട അ​ട​യാ​ള​ങ്ങ​ളെ​യും സ​മ​കാ​ലി​ക ഗ്രാ​ഫി​റ്റി​യും കാ​ഴ്ച​യു​ടെ സൂ​ക്ഷ്മ​രാ​ഷ്ട്രീ​യ​മാ​ർ​ന്ന ക​ലാ​ചാ​ര​ങ്ങ​ളു​മാ​യി സ​മ​ഗ്ര​ത​യോ​ടെ സാം​സ്കാ​രി​ക​മാ​യി സോ​റ​യെ​ന്ന ച​ല​ച്ചി​ത്ര ക​ലാ​കാ​ര​ൻ ബ​ന്ധി​പ്പി​ക്കു​ന്നു. കേ​ര​ള​ത്തി​ലെ ഓ​രോ വി​ദ്യാ​ല​യ​ത്തി​ലും ക​ലാ​ശാ​ല​ക​ളി​ലും പാ​ഠ്യ​പ​ദ്ധ​തി​യു​ടെ ഭാ​ഗ​മാ​കേ​ണ്ട ഡോ​ക്യു​മെ​ന്റ​റി​യാ​ണി​ത്. പ്ര​ദ​ർ​ശ​ന​ങ്ങ​ളെ​ങ്കി​ലും ന​ട​ക്ക​ട്ടെ.

ഓ​പ​ണി​ങ് ഫി​ലി​മാ​യി കാ​ണി​ച്ച ഡ​യ​ത​ർ ബ​ർ​ന​റു​ടെ ഓ​സ്ട്രി​യ​ൻ പ​ടം 'അ​ൽ​മ ആ​ൻ​ഡ് ഓ​സ്ക​ർ', ക​നേ​ഡി​യ​ൻ സം​വി​ധാ​യി​ക മെ​ഴ്സീ​ഡി​സ് മോ​ർ​ഗ​െ​ന്റ 'ഫി​ക്സേ​ഷ​ൻ' തു​ട​ങ്ങി​യ ചി​ത്ര​ങ്ങ​ൾ ശ​രാ​ശ​രി നി​ല​വാ​ര​മേ പു​ല​ർ​ത്തി​യു​ള്ളൂ. സ്ഥി​രം വ​ഴി വി​ട്ടു​മാ​റാ​നും ജ​നാ​യ​ത്ത​പ​ര​മാ​യ പു​തു​ഭാ​വു​ക​ത്വ​വും ബ​ഹു​സാം​സ്കാ​രി​ക മാ​റ്റ​ങ്ങ​ളു​മാ​യി ഇ​ട​പെ​ടാ​നും ഈ ​പ​ട​ങ്ങ​ൾ​ക്കു ക​ഴി​യു​ന്നി​ല്ല. മാ​ത്ര​മ​ല്ല, യൂ​റോ-​അ​മേ​രി​ക്ക​ൻ കേ​ന്ദ്രി​ത​ത്വ​ത്തി​ൽ​നി​ന്നു വ​ഴി​മാ​റാ​നോ ഇ​ന്ത്യ​യെ​യോ ഏ​ഷ്യ​യെ​യോ ലോ​ക​ത്തി​ന്റെ വൈ​വി​ധ്യ​സ​ഹ​ജ​മാ​യ സം​സ്കാ​ര ബ​ഹു​സ്വ​ര​ത​യെ​യോ സം​ബോ​ധ​ന ചെ​യ്യാ​നോ ക​ഴി​യു​ന്ന ചി​ത്ര​ങ്ങ​ളാ​യി​രു​ന്നി​ല്ല ഇ​വ. വി​യോ​ജി​പ്പും പ്ര​തി​രോ​ധ​വും ക​ല​ർ​ന്ന ഓ​പ​സി​ഷ​നൽ ഗെ​യിം​സ് അ​ഥ​വാ വി​പ​രീ​ത നോ​ട്ടം ഈ ​പ​ട​ങ്ങ​ൾ​ക്കാ​യി എ​ന്ന​ത് പ്ര​സ​ക്ത​മാ​യ ചോ​ദ്യ​മാ​ണ്. മെ​ഴ്സീ​ഡി​സ് ബ്രൈ​സ് മോ​ർ​ഗ​ൻ എ​ന്ന ക്വി​യ​ർ ല​റ്റി​നോ സം​വി​ധാ​യി​ക​യു​ടെ ആ​ദ്യ​ പ​ടം ക്വി​യ​ർ സ​മു​ദാ​യ​ത്തി​െ​ന്റ പ്രാ​തി​നി​ധ്യ പ്ര​തി​നി​ധാ​ന പ്ര​ശ്ന​ങ്ങ​ളെ​യും വെ​ല്ലു​വി​ളി​ക​ളെ​യും എ​ത്ര​മാ​ത്രം സി​നി​മ മു​ന്നോ​ട്ടു​വെ​ക്കു​ന്നു, കാ​ഴ്ച​പ്പെ​ടു​ത്തു​ന്നു എ​ന്ന പ്ര​ശ്നം നി​ർ​ണാ​യ​ക​മാ​ണ്.

രാ​ജ്യാ​ന്ത​ര ച​ല​ച്ചി​ത്ര​മേ​ളയുടെ വേദി

മ​ത്സ​ര​വി​ഭാ​ഗ​ത്തി​ൽ ഇ​റാ​നി​യ​ൻ സം​വി​ധാ​യ​ക​നാ​യ ദാ​രി​യൂ​ഷ് മെ​ഹ​ർ​ജൂ​യി എ​ടു​ത്ത 'എ ​മൈ​ന​ർ' ല​ളി​ത​വും ച​ടു​ല​വും ക​ല​യു​ടെ ജീ​വി​ത​മൂ​ല്യ​ത്തെ മ​ഹ​ത്ത​ര​മാ​ക്കു​ന്ന​തു​മാ​യ ര​ച​ന​യാ​യി അ​നു​ഭ​വ​പ്പെ​ട്ടു. സം​ഗീ​തം പ​ഠി​ക്കാ​നാ​യു​ന്ന പെ​ണ്ണ് വാ​ണി​ജ്യവീ​ര​നാ​യ അ​പ്പ​ന് ത​ല​വേ​ദ​ന​യും ച​ങ്കു​വേ​ദ​ന​യു​മാ​യി മാ​റു​ന്നു. പാ​ട്ടി​െ​ന്റ അ​ല​യൊ​ലി പ​ണ​ത്തി​നും മീ​തേ പ​റ​ക്കു​ന്നു. ലൈം​ഗി​ക പാ​വ​യെ പ്രേ​മി​ക്കു​ന്ന മീ​ൻ​പി​ടി​ത്ത ട്രോ​ള​റി​ലെ പു​രു​ഷ​പ്ര​ജ​ക​ളെ ക​ട​ല​ക​ത്ത് വ​ൻ​തോ​ണി​യി​ൽ അ​ന​ന്യ​മാ​യി കാ​ഴ്ച​പ്പെ​ടു​ത്തി​യ അ​രു​ണ ജ​യ​വ​ർ​ധ​ന​യു​ടെ 'ഓ​ഷ്യ​ൻ എയ്ഞ്ച​ൽ' എ​ന്ന ശ്രീ​ല​ങ്ക​ൻ സിം​ഹ​ള-​ത​മി​ഴ് ചി​ത്രം ഏ​റെ ച​ല​ച്ചി​ത്ര​പ​ര​വും മാ​ന​വി​ക​വും ക​രു​ണാ​ർ​ദ്ര​വു​മാ​യ സി​നി​മ​യാ​ണ്. ശ്രീ​ല​ങ്ക​യു​ടെ വം​ശീ​യ, ന്യൂ​ന​പ​ക്ഷ പ്ര​ശ്ന​ങ്ങ​ളെ​യും സാ​മ്പ​ത്തി​ക ത​ക​ർ​ച്ച​യെ​യും ഫാ​ഷി​സ​ത്തി​ന്റെ ഭീ​ഷ​ണി​ക​ളെ​യുംകൂ​ടി അ​ന്യാ​പ​ദേ​ശം ചെ​യ്യു​ന്നു ഈ ​ച​ലച്ചി​ത്ര പ്ര​തി​നി​ധാ​നം.

'ബെ​സ്റ്റ് ഡെ​ബ്യൂ' എ​ന്ന വി​ഭാ​ഗ​ത്തി​ൽ സ്ത്രീ​ക​ളാ​യ സം​വി​ധാ​യ​ക​രു​ടെ മി​ക​വു കാ​ണാം. ലൊ​വീ​സ സൈ​റ​ൻ എ​ന്ന യു​വ സ്വീ​ഡി​ഷ് സം​വി​ധാ​യി​ക​യു​ടെ 'മാ​യ നീ​ലോ' (ലോ​റ) എ​ന്ന ചി​ത്രം ശ​ക്ത​മാ​യ ദൃ​ശ്യ​ഭാ​ഷ​യും പാ​ത്ര​ചി​ത്ര​ണ​വുംകൊ​ണ്ട് കാ​ണി​ക​ളെ ആ​ഖ്യാ​ന​ത്തി​ലേ​ക്ക് ഉ​ൾ​ച്ചേ​ർ​ക്കു​ന്നു. ഒ​രു റോ​ഡ് മൂ​വി​യാ​യും ഇ​തു​കാ​ണാം. മെ​ക്സി​ക്ക​ൻ സം​വി​ധാ​യി​ക ആ​ൻ മേ​രി​യു​ടെ 'ഐ​ല​ൻ​ഡ് ഓ​ഫ് ലോ​സ്റ്റ് ഗേ​ൾ​സ്' ഏ​റെ സാ​ഹ​സി​ക​മാ​യ ചി​ത്രീ​ക​ര​ണംകൊ​ണ്ടും ക​ട​ൽ​ജീ​വി​ക​ളു​ടെ​ ഇ​ട​യി​ൽ പെ​ട്ടു​പോ​യ കു​ട്ടി​ക​ളു​ടെ പ്ര​ക​ട​നം​കൊ​ണ്ടും ഏ​റെ ജ​ന​പ്രി​യ​മാ​യി മാ​റി. സാ​ഹ​സി​ക ചി​ത്രീ​ക​ര​ണ​ത്തി​ന് സം​വി​ധാ​യി​ക ഏ​റെ പ്ര​ശം​സി​ക്ക​പ്പെ​ടു​ന്നു.

ക​ലൈ​ഡോ​സ്കോ​പ് വി​ഭാ​ഗ​ത്തി​ൽ യു​വ സ്പാ​നി​ഷ് സം​വി​ധാ​യി​ക​യാ​യ കാ​ർ​ല സൈ​മ​ൺ എ​ടു​ത്ത 'അ​ൽ​ക​റാ​സ്' പാ​രി​സ്ഥി​തി​ക​വും രാ​ഷ്ട്രീ​യ​വു​മാ​യി പ്രാ​ധാ​ന്യ​മു​ള്ള, അ​ടു​പ്പ​മു​ണ​ർ​ത്തു​ന്ന പ​ട​മാ​ണ്. പ​ഴ​ത്തോ​ട്ട​ങ്ങ​ൾ മാ​റ്റി സൗ​ര​പാ​ന​ലു​ക​ൾ സ്ഥാ​പി​ക്കു​മ്പോ​ൾ തോ​ട്ട​പ്പ​ണി​ക്കാ​രാ​യ കൃ​ഷി​ക്കാ​ർ പു​റ​ത്താ​കു​ന്നു. തോ​ട്ട​പ്പ​ണി സൗ​രോ​ർ​ജ വി​ള​വെ​ടു​പ്പി​നു വ​ഴി​മാ​റ​വേ ഉ​ണ്ടാ​കു​ന്ന മാ​നു​ഷി​ക പ്ര​ശ്ന​വും തോ​ട്ട​പ്പ​ണി​യു​ടെ നാ​ണ്യ​വി​ള-​ഒ​റ്റ​വി​ള പ​രി​സ്ഥി​തി പ്ര​ശ്ന​വും അ​തി​ന​ടി​യി​ലു​ള്ള മു​യ​ൽ​ക്കൊ​ല​യു​ടെ കൊ​ടി​യ ക്രൂ​ര​ച​രി​ത്ര​വും കൂ​ടി ചി​ത്രം ബ​ഹു​സ്വ​ര​മാ​യി വെ​ളി​പ്പെ​ടു​ത്തു​ന്നു. കു​ട്ടി​ക​ളു​ടെ, ക​റു​ത്ത​വ​രു​ടെ നോ​ട്ട​പ്പാ​ടു​ക​ളും കൂ​ടി പ​തി​യെ ക​ട​ന്നു​വ​രു​ന്നു ക​ഥ​നാ​ഖ്യാ​ന​ത്തി​ൽ. ലൂ​ക്കാ​സ് ഢോ​ന്ത് എ​ന്ന യു​വ ബ​ൽ​ജി​യ​ൻ സം​വി​ധാ​യ​ക​ൻ നി​ർ​മി​ച്ച 'കാ​നി​ൽ ഗ്രാ​ൻ​ഡ്' പു​ര​സ്കാ​രം നേ​ടി​യ പു​തു​പ​ട​മാ​യ ക്ലോ​സ് കു​ട്ടി​ക​ളു​ടെ കൂ​ട്ടു​കെ​ട്ടും മാ​ന​സി​ക വ​ലു​പ്പ​വും തു​റ​ന്നു​കാ​ട്ടു​ന്ന ക​ലാ​പ​ര​മാ​യ മി​ക​ച്ച സി​നി​മ​യാ​ണ്. ഓ​രോ ഫ്രെ​യി​മും ബിം​ബ​ങ്ങ​ളും ന​മ്മു​ടെ മ​ന​സ്സു നി​റ​ക്കും. ആ​ത്മ​ക​ഥാ​പ​ര​മാ​യി ന​മു​ക്കോ​രോ​രു​ത്ത​ർ​ക്കും തോ​ന്നാ​വു​ന്ന ഗാ​ഢ​മാ​യ ച​ല​ച്ചി​ത്ര അ​നു​ഭ​വ​മാ​ണി​ത്. ച​ല​ച്ചി​ത്ര​ത്തെ സാ​ർ​വ​ലൗ​കി​ക​മാ​ക്കു​ന്ന സ്നേ​ഹ​മൈ​ത്രി​ക​ളു​ടെ വി​പു​ല​ത​ലം ഇ​വി​ടെ പ്ര​വ​ർ​ത്തി​ക്കു​ന്നു. മി​യാ ഹാ​ൻ​സ​ൻ ല​വ് എ​ന്ന വ​ർ​ത്ത​മാ​ന ഫ്ര​ഞ്ച് മാ​സ്റ്റ​ർ സം​വി​ധാ​യി​ക​യു​ടെ വ​ൺ ഫൈ​ൻ മോ​ണി​ങ് എ​ന്ന പ​ട​വും ഹൃ​ദ്യ​വും ഹൃ​ദ​യാ​വ​ർ​ജ​ക​വും മാ​നു​ഷി​ക കു​ടും​ബ ബ​ന്ധ​ങ്ങ​ളെ യൂ​റോ​പ്യ​ൻ സ​മ​കാ​ലി​ക പ​രി​സ​ര​ത്ത് ആ​ർ​ദ്ര​മാ​യി പ്ര​തി​നി​ധാ​നം ചെ​യ്യു​ക​യും സ്നേ​ഹ​ത്തെ ഊ​ന്നു​ക​യും ചെ​യ്യു​ന്ന മി​ക​ച്ച ഫി​ലിം നി​ർ​മി​തി​യാ​ണ്.

ദേ​വി ചൌ ​എ​ന്ന ഫ്ര​ഞ്ച്-​ക​ംബോ​ഡി​യ​ൻ ച​ല​ച്ചി​ത്ര​കാ​ര​ൻ കൊ​റി​യ​യി​ൽ എ​ടു​ത്ത 'റി​ട്ടേ​ൺ റ്റു ​സേ​യോ​ൾ' എ​ന്ന ചി​ത്രം സം​സ്കാ​ര സ്വ​ത്വം തേ​ടു​ന്ന പു​തു​ത​ല​മു​റ കൊ​റി​യ​ൻ യു​വ​ത്വ​ത്തെ അ​വ​ത​രി​പ്പി​ക്കു​ന്നു. യു.​എ​സി​ലെ ഡാ​ര​ൺ അ​ര​ണോ​ഫ്സ്കി സം​വി​ധാ​നം ചെ​യ്ത 'ദി ​വെ​യി​ൽ' ഏ​റെ ആ​ഘാ​ത​ങ്ങ​ളു​ണ​ർ​ത്തു​ന്ന ഒ​രു മ​നു​ഷ്യ​ക​ഥ​യാ​ണ്. വ​ണ്ണ​മു​ള്ള​വ​രെ വീ​ട്ടു​കാ​ർ​പോ​ലും അ​പ​ര​രാ​ക്കു​ന്നു. ഉ​ട​ലി​നെ നാ​ണി​പ്പി​ക്കു​ന്ന അ​ധീ​ശ പൊ​തു​ബോ​ധ​ത്തെ നി​ശി​തവി​മ​ർ​ശനം ചെ​യ്യു​ന്ന ച​ല​ച്ചി​ത്ര പ്ര​തി​നി​ധാ​നം. ശ​രീ​രവൈ​വി​ധ്യ​ങ്ങ​ളെ​യും സാ​ധ്യ​ത​ക​ളെ​യും മാ​നി​ക്കു​ന്ന സ്നേ​ഹ​മാ​ർ​ന്ന, സാ​ഹോ​ദ​ര്യ​മാ​ർ​ന്ന സി​നി​മ​യാ​യി യു​വ​നി​രീ​ക്ഷ​ക​ർ ഇ​തി​നെ കാ​ണു​ന്നു.

സ​മ​കാ​ലി​ക സ്വീ​ഡി​ഷ് മാ​സ്റ്റ​റാ​യ റൂ​ബേ​ൻ ഓ​സ്റ്റ്ല​ൻ​ഡ് അ​വ​ത​രി​പ്പി​ച്ച 'ട്ര​യാ​ങ്കി​ൾ ഓ​ഫ് സാ​ഡ്ന​സ്' തി​ക​ഞ്ഞ രാ​ഷ്ട്രീ​യ ആ​ക്ഷേ​പ​ഹാ​സ്യ​വും അ​ന്യാ​പ​ദേ​ശ​വു​മാ​യി​രു​ന്നു. യു​വ മോ​ഡ​ൽ ദ​മ്പ​തി​മാ​രു​ടെ ആം​ഡ​ബ​ര ക​പ്പ​ൽ​യാ​ത്ര കി​ടി​ല​മാ​യി​ത്തീ​രു​ന്നു. 2022ൽ ​കാ​നി​ൽ പാം ​ഡി ഓ​ർ നേ​ടി​യ ജ​നാ​യ​ത്ത രാ​ഷ്ട്രീ​യ​ബോ​ധ​വും ആ​ത്മ​വി​മ​ർ​ശ​ന​വു​മു​ള്ള കാ​ഴ്ചയു​ടെ ആ​ഘോ​ഷ​മാ​ണീ പ​ടം. ഈ ​റൂ​ബേ​ൻ പ​ടം കാ​ണ​വേ കിം ​കി ഡു​ക്കി​െന്റ 'ഹ്യൂ​മ​ൻ', 'സ്പേ​സ്', 'റ്റൈം ​ആ​ൻ​ഡ് ഹ്യൂ​മ​ൻ' (2018), 'മോ​ബി​യ​സ്' (2013) തു​ട​ങ്ങി​യ സി​നി​മ​ക​ൾ ന​മ്മു​ടെ ഉ​ൾ​ക്ക​ണ്ണി​ൽ തെ​ളി​യാം.

ഏ​രി​യ​ൽ മെ​സ​യു​ടെ കോ​സ്റ്റ​റീ​ക​ൻ പ​ട​മാ​യ 'ഡൊ​മി​ങ്ഗോ ആ​ൻ​ഡ് ദ ​മി​സ്റ്റ്' ലാ​റ്റി​ന​മേ​രി​ക്ക​യു​ടെ വി​ക​സ​ന​മു​ഖം പു​റ​ന്ത​ള്ളു​ന്ന വി​ഭാ​ര്യ​നാ​യ കി​ഴ​വ​െ​ന്റ ചെ​റു​ത്തു​നി​ൽ​പി​നെ ക​രു​ണാ​ർ​ദ്ര​മാ​യി സൗ​മ്യ​മാ​യി എ​ന്നാ​ൽ ക​രു​ത്തോ​ടെ കാ​ഴ്ച​പ്പെ​ടു​ത്തു​ന്നു. ഒ​റ്റ​യാ​ൾ പോ​രാ​ട്ട​ങ്ങ​ളു​ടെ ദൗ​ർ​ബ​ല്യ​ങ്ങ​ളും വി​രോ​ധാ​ഭാ​സ​ങ്ങ​ളും വ​രേ​ണ്യ​രു​ടെ സാ​മ്പ​ത്തി​ക ദൗ​ർ​ബ​ല്യം എ​ന്ന പ്ര​ഹേ​ളി​ക​പോ​ലെ പ്ര​തി​നി​ധാ​ന​ത്തെ പ്ര​ശ്ന​വ​ത്ക​രി​ക്കു​ന്നു. പ​രി​സ്ഥി​തി പ്ര​ശ്ന​ങ്ങ​ളെ​യും മാ​നു​ഷി​ക ജീ​വ​ൽ​പ്ര​ശ്ന​ങ്ങ​ളെ​യും ചേ​ർ​ത്തു​വെ​ക്കാ​നു​ള്ള സാം​ഗ​ത്യം സം​വി​ധാ​യ​ക​നും തി​ര​യെ​ഴു​ത്തു​കാ​ര​നു​മാ​യ മേ​സോ കാ​ണി​ക്കു​ന്നു.

മ​ലേ​ഷ്യ​ൻ യു​വ സം​വി​ധാ​യ​ക​ൻ വൂ ​മി​ങ് ജി​ൻ എ​ടു​ത്ത 'റ്റ​ർ​ട്ടി​ൽ സ്റ്റോ​ൺ' എ​ന്ന പ​ടം ഭി​ന്നാ​ഖ്യാ​ന​ങ്ങ​ളെ ഒ​രേ ച​ര​ടി​ൽ കോ​ർ​ക്കു​ന്ന പ​ല​ത​രം ക്ലൈ​മാ​ക്സു​ക​ളു​ടെ സി​നി​മാ സാ​ധ്യ​ത​യാ​ണ്. 'റാ​ഷ​മോ​ൺ' പ്ര​തി​ഭാ​സ​ത്തി​നൊ​രു പ​ക​ര​മാ​യി തോ​ന്നാം. ക​ട​ലാ​മ​ക​ളു​ടെ മു​ട്ട​വി​റ്റു ജീ​വി​ക്കു​ന്ന യു​വ​തി​യും ഏ​കാ​ന്ത​മാ​യ ക​ണ്ട​ൽ​ത്തു​രു​ത്തി​ലേ​ക്കു വ​രു​ന്ന വാ​ണി​ജ്യ​പൗ​രു​ഷ ശ​ക്തി​ക​ളും ഏ​റ്റു​മു​ട്ടി ന​ശി​ക്കു​ന്നു. പൗ​ര​ത്വ​ത്തി​നാ​യു​ള്ള യു​വ​തി​യു​ടെ അ​ല​ച്ചി​ലാ​വും ഇ​ന്ത്യ​യി​ലെ പ്രാ​ന്തീ​കൃ​ത​രെ തൊ​ടു​ന്ന​ത്. ശ​ക്ത​മാ​യ ചി​ത്രീ​ക​ര​ണ​വും ക​ണ്ട​ലു​ക​ളു​ടെ​യും ക​ട​ലാ​മ​ക​ളു​ടെ​യും പ​ശ്ചാ​ത്ത​ല​വും ആ​നി​മേ​ഷ​ൻ ഉ​പ​യോ​ഗ​വും ചി​ത്ര​ത്തി​ന് പാ​ഠാ​ന്ത​ര ഗൗ​ര​വ​വും വൈ​വി​ധ്യ​വും മൈ​ത്രീ​ബോ​ധ​വും പ​ക​രു​ന്നു.

ആ​നി​മേ​ഷ​നും ഗ്രാ​ഫി​ക്കു​ക​ളും ഇ​ന്ന് മു​ഖ്യ​ധാ​രാ സി​നി​മ​യു​ടെ ഭാ​ഗ​മാ​യെ​ങ്കി​ലും പു​ത്ത​നാ​യ പ​രീ​ക്ഷ​ണ സി​നി​മാ​വ​ഴ​ക്ക​മാ​യി അ​തു വി​ക​സി​ക്കു​ക​യാ​ണ്. ആ​നി​മേ​ഷ​ൻ വി​ഭാ​ഗ​ത്തി​ൽ മു​സോ​ളി​നി​യെ​യും ഫാ​ഷി​സ​ത്തെ​യും ത​ഞ്ച​ത്തി​ൽ തൊ​ടാ​തെ തൊ​ട്ട മെ​ക്സി​ക്ക​ൻ സം​വി​ധാ​യ​ക​നാ​യ ഗു​ലേ​ർ​മോ ഡെ​ൽ റ്റോ​റോ​യു​ടെ 'പി​നോ​ക്യോ'​യും റോ​ബി​ൻ​സ​ൺ ക്രൂ​സോ​യു​ടെ കാ​ലി​ക വ്യാ​ഖ്യാ​നം ന​ട​ത്തി​യ റു​മേ​നി​യ​ൻ സം​വി​ധാ​യി​ക അ​ൻ​ക ദ​മി​യ​നും ഏ​റെ ശ്ര​ദ്ധ​യാ​ക​ർ​ഷി​ച്ചു.

കാ​ർ​ലോ​സ് സോ​റ

ഇ​റാ​നി​യ​ൻ സം​വി​ധാ​യ​ക​നാ​യ ഹൗ​മ​ൻ സെ​യ്ദി​യു​ടെ 'വേ​ൾ​ഡ് വാ​ർ 3' ഏ​റെ പ്രേ​ക്ഷ​ക​രെ ആ​ക​ർ​ഷി​ച്ചു. ഹി​റ്റ്ല​റു​ടെ തി​ര​പ്പ​ട​മെ​ടു​ക്കു​ന്ന സെ​റ്റി​ന​ടു​ത്താ​ണ് നാ​യ​ക​ൻ പ​ണി​യെ​ടു​ക്കു​ന്ന​ത്. ഹി​റ്റ്ല​ർ വേ​ഷം ഏ​റെ മി​ക​വു​റ്റു​നി​ൽ​ക്കു​ന്നു. എ​ന്നാ​ൽ, സ​മ​കാ​ലി​ക യാ​ഥാ​ർ​ഥ്യ​വു​മാ​യും ക​ഥാ​ത​ന്തു​വു​മാ​യും അ​തി​നെ യോ​ജി​പ്പി​ക്കാ​ൻ ക​ഴി​യു​ന്നി​ല്ല. റ​ഷ്യ​ൻ ച​ല​ച്ചി​ത്ര​കാ​ര​ൻ അ​ല​ക്സാ​ണ്ട​ർ സൊ​കു​റോ​വ് സൃ​ഷ്ടി​ച്ച 'ഫെ​യ​റി ടെ​യി​ൽ' (2022) എന്ന ചി​ത്രത്തി​ലാ​ണ് ഹി​റ്റ്​​ല​ർ ദാ​രു​ണ​മാ​യി രം​ഗ​ത്തു വ​രു​ന്ന​ത്. ന​ര​ക​ത്തി​ലാ​ണീ നാ​യ​ക​രെ​ല്ലാം. ആ​ദ്യം ജോ​സ​ഫ് എ​ന്ന സ്റ്റാ​ലി​ൻ, പി​ന്നെ ക്രി​സ്തു, പി​ന്നെ ച​ർ​ച്ചി​ൽ, പി​ന്നെ മു​സോ​ളി​നി, പി​ന്നെ നെ​പ്പോ​ളി​യ​ൻ എ​ന്നി​ങ്ങ​നെ എ​ല്ലാ​വ​രും ന​ര​ക​യാ​ത​ന​യി​ലാ​ണ്. ക്രി​സ്തു ന​ര​ക​ത്തെ​യും സ്വ​ർ​ഗ​ത്തെ​യും അ​തി​ക്ര​മി​ക്കു​ന്ന നി​ത്യ​ഭാ​ഷ​ണ​ത്തി​ലു​മാ​ണ്.

അ​സാ​ധ്യ​മാ​യ ആ​നി​മേ​ഷ​നും ഗ്രാ​ഫി​ക് ഇ​ന്റ​ർ​ഫേ​സും ര​ണ്ടാം ലോ​ക​യു​ദ്ധ​ത്തി​ലെ ഒ​റി​ജി​ന​ൽ ഫു​ട്ടേ​ജു​ക​ളു​മെ​ല്ലാം ഉ​പ​യോ​ഗി​ച്ച് ശ​ക്ത​മാ​യ ഓ​ഡി​യോ​യും ഡ​യ​ലോ​ഗും സ​ന്നി​വേ​ശി​പ്പി​ച്ച് സൊ​കു​റോ​വ് ച​മ​ച്ചി​രി​ക്കു​ന്ന ഈ ​ച​രി​ത്ര​പ​ര​മാ​യ ച​ല​ച്ചി​ത്ര ച​മ​ൽ​ക്കാ​രം ലോ​ക​ത്തി​ൽ​നി​ന്ന് ബോ​ധോ​ദ​യ​വും ചി​കി​ത്സ​യും പ​ക​രു​ന്ന​താ​ണ്. ഇ​ന്ത്യ​യി​ലും കേ​ര​ള​ത്തി​ലും ആ​വ​ർ​ത്തി​ച്ചു കാ​ണി​ക്കു​ക​യും പാ​ഠ്യ​പ​ദ്ധ​തി​യി​ലും പു​റ​ത്തു​മെ​ല്ലാം ഉ​ൾ​പ്പെ​ടു​ത്തു​ക​യും ചെ​യ്യേ​ണ്ട​താ​ണീ ലോ​കോ​ത്ത​ര ച​ല​ച്ചി​ത്ര നി​ർ​മി​തി.