മംഗലംഡാം: ഫിഷറീസ് സബ് ഇൻസ്പെക്ടറെ ഒാഫിസിൽ മരിച്ച നിലയിൽ കണ്ടെത്തി. തൃശൂർ കടുകുറ്റി പഞ്ചായത്ത് കാതികുടം മുത്തേടത്ത് നാരായണെൻറ മകൻ രാജേഷാണ് (48) മരിച്ചത്. ഒരു വർഷമായി മംഗലംഡാം ഫിഷറീസ് സബ് ഇൻസ്പെക്ടറാണ്. ലോക് ഡൗൺ തുടങ്ങിയ ശേഷം ഫിഷറീസിെൻറ മത്സ്യവിപണന കേന്ദ്രത്തോട് ചേർന്നുള്ള ഫിഷറീസ് സബ് ഇൻസ്പെക്ടറുടെ ഓഫിസായി പ്രവർത്തിക്കുന്ന മുറിയിൽ തന്നെയായിരുന്നു താമസം. ഞായറാഴ്ച രാവിലെ 9.15 ഓടെ ഫിഷറീസ് സഹകരണ സംഘം അംഗങ്ങളാണ് മൃതദേഹം കണ്ടത്.മംഗലംഡാം സ്റ്റേഷനിൽ വിവരം അറിയിച്ചതനുസരിച്ച് പൊലീസും ആലത്തൂർ ഡിവൈ.എസ്.പി സി.ആർ. സന്തോഷും സ്ഥലം സന്ദർശിച്ചു. മൃതദേഹം പാലക്കാട് ജില്ല ആശുപത്രിയിൽ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി.മരണത്തിൽ ദുരൂഹതയൊന്നും കാണുന്നില്ലെന്നും ചില രോഗങ്ങൾ ഇദ്ദേഹത്തിന് ഉണ്ടായിരുന്നു എന്നുമാണ് മനസ്സിലാക്കാൻ കഴിഞ്ഞതെന്നും മംഗലംഡാം എസ്.ഐ നീൽ ഹെക്ടർ ഫെർണാണ്ടസ് പറഞ്ഞു.ഭാര്യ: സുമ (കെ.എസ്.എഫ്. ഇ അങ്കമാലി ശാഖ ജീവനക്കാരിയാണ്). മക്കളില്ല. സഹോദരങ്ങൾ: പരേതയായ ചന്ദ്രിക, സുജാത (ഗവ. യു.പി സ്കൂൾ - വെള്ളിക്കുളങ്ങര), വത്സല, രാഗിണി.
