കോഴിക്കോട്: മലബാറിലെ പ്രമുഖ അഭിഭാഷകൻ വർക്കി പൈകട (96) നിര്യാതനായി. വാർധക്യസഹജമായ അസുഖത്തെ തുടർന്ന് കോൺവെൻറ് റോഡിലെ വീട്ടിലായിരുന്നു അന്ത്യം. സംസ്കാരം വ്യാഴാഴ്ച രാവിലെ 10ന് മാവൂർ ക്രിസ്തുരാജ പള്ളിസെമിത്തേരിയിൽ. കലിക്കറ്റ് ബാർ അസോസിയേഷൻ പ്രസിഡൻറും പബ്ലിക് പ്രോസിക്യൂട്ടറുമായിരുന്നു. കാലിക്കറ്റ് കോസ്മോപൊളിറ്റൻ ക്ലബ് പ്രസിഡൻറായിരുന്നു. പാലായിലെ പൈകട കുടുംബാംഗമാണ്. തിരുച്ചിറപ്പള്ളി സെൻറ് ജോസഫ്സ് കോളജിൽനിന്ന് എം.എയും മദ്രാസ് ലോ കോളജിൽനിന്ന് നിയമബിരുദവും നേടി. 1956ൽ കേരളപ്പിറവി ദിനത്തിൽ കോഴിക്കോട് ബാറിൽ പ്രാക്ടീസ് ആരംഭിച്ചു. അഡ്വ. കേരളവർമയുടെ ജൂനിയറായി തുടക്കം. പി.കെ. ലക്ഷ്മണ അയ്യരുടെ കൂടെ സിവിലിലും കുഞ്ഞിരാമ മേനോെൻറ കൂടെ ക്രിമിനലിലും പരിശീലിച്ചു.
കേരള കോൺഗ്രസ് സംസ്ഥാന ജനറൽ സെക്രട്ടറിയായിരുന്ന പരേതനായ പി.ജെ. ജോസഫ് കൈനടിയുടെ സഹോദരി പരേതയായ അമ്മിണിയാണ് ഭാര്യ. മക്കൾ: ഡോ. എലിസബത്ത് (ഗീത), ടെസ്സി. മരുമക്കൾ: ഡോ. ബാബു ജോർജ് വെള്ളാപ്പള്ളി (എടത്വാ), ടോണി കുരുവിള ആനത്താനം (കാഞ്ഞിരപ്പള്ളി).
