കോയമ്പത്തൂർ: കണുവായ്ക്ക് സമീപമുണ്ടായ കാറപകടത്തിൽ നാല് യുവാക്കൾ മരിച്ചു. കോയമ്പത്തൂർ സീരനായ്ക്കൻപാളയം എസ്. ഇന്ദിരേഷ് (22), വടകോവൈ എൻ. മണികണ്ഠൻ (22), പൂമാർക്കറ്റ് ആർ. കാർത്തിക് രാജു (23), കസ്തൂരിനായ്ക്കൻപാളയം വി. മോഹൻ ഹരി (22) എന്നിവരാണ് മരിച്ചത്. ഗുരുതരമായി പരിക്കേറ്റ വടകോവൈ സ്വദേശി പ്രകാശിനെ (23) ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്ദരീഷ്, പ്രകാശ് എന്നിവർ ഹിന്ദുസ്ഥാൻ കോളജ് വിദ്യാർഥികളും മറ്റുള്ളവർ പൂർവ വിദ്യാർഥികളുമാണ്. സുഹൃത്തിൻെറ പിറന്നാളാഘോഷത്തിൽ പെങ്കടുത്ത് മടങ്ങവെ കണുവായ് കാളയന്നൂരിന് സമീപം നിയന്ത്രണംവിട്ട കാർ റോഡരികിലെ മരത്തിലിടിക്കുകയായിരുന്നു. നാലുപേരും തൽക്ഷണം മരിച്ചു. വെള്ളിയാഴ്ച പുലർച്ച മൂന്നരക്കാണ് അപകടം. തടാകം പൊലീസ് കേസെടുത്തു.
